UNKNOWN MAN (Completed)

UNKNOWN MAN (Completed)

by Becky Rafa Renthlei

       

    Chapter-1

Party-na hmun Talinda nen kan thlen chuan mi an lo zi hut hut tawh a, ka kawr hák tawngchham zet chuan ka mal chu thui deuh a tilanga, vawikhat hniam deuhin han kun phei ila chuan ka panties tlâng a lang thawthang ang tih khawpa chhing a ni. A nghawng lah chu a'n zau mai mai khawp a, ka âwmbawr chu a ngai angin a lang lo chauh bawk. Talinda ka best friend paw'n hetiang thawmhnaw tho hi a inbel a. Kan nihdan lo anga kan lan kha angai miauva.

Zanin hian mi thlêm thlûk tuma thawk chhuak kan ni. A chanchin ka hre tam lova, a hausa hle tih leh tlangval la naupang tak luhlul zet tih chu ka hriat awmchhun a ni. Kei hian a lakah engthil tihtheihna nge ka neih ka hmuh tir ngei ang.

Intur an sem kual chu lo ban vatin ka in vei pap a, Talinda dinna lam ka en chuan mipakhat sáng lam deuh sam kir deuh bap nen hian engemaw sawiin an phun sap sap a. Haa... he nu nghal dan em em hi chu(h)

Music ri ruai ruai karah chuan țawngthawm a ri lawng lawng bawk a, rui deuh hleka ka in a nih loh chuan he party hi ka hné vat dawn tih ka hria, zu semtu chu huiin a tray chawi lai chu ka lâksak a, no thum ka han in tehreng a nih kha! Ka luak lo chauh tawh, zu chuan ka taksaah chuan hna thawkin music bengchheng zet karah chuan lám tumin ka pen phei ve ta a. 

Ka bâna min pawt dawrhtu avang chuan ka pai nawk a, mahse amah tho chuan ka tlu tur chu a lamah min pawt hnai hrawka, a âwmah chuan ka bei thlawp mai!  A rimtui hman rim chuan ka hnar a verh zar a, mahse ka luak a ti chhuak tlat thung. 

Vawilehkhatah ka pum chu let butin, chupa chu ka luak khum ta ngheng mai a....!

"Hrep tak chuan...! Khatiang zat intur kha chuan i la nau deuh lo maw!?" a áw chu a ril ruih a, Naa...chutiang ngaihtuah thei pawh ka ni lo.

 Kal sawn tuma ka inla hrang chiah chu ka luhai lutuk vang chuan ka pen hleithei der lo. Ka mit men ka tum pawh chuan a har țalh mai, chu pa chuan min pawm nawlhin min pen pui pâwk pâwk a. A țawng pawh hla taka ri nimai hian ka hria; hriat fumfe ka nei lo.

Ka harh leh chuan ka awmna chu ka hre mai lo khum zau zetah ka lo mu a, ka khum erawh chu a ni lo. 'No' ka awmdan kha ka hrechhuak ta uar uar a. Thawh tumin ka inbengkang a, ka luak leh mai dawn a hriain lukham chu ka delh leh ta riai riai a.

"Chét kha tum buai duh suh," ka áw hriat hnu tho kha a ni. Ka sirah chuan mipakhat a lo mu ve reng a, rum fahran hian min melh bawk a.

"Khawnge ka awm," ka ti sap a.

"Khumah," bul hmuk hian min chháng a. Khum tihte chu ka hre ve reng a lawm le...!

"Khawi hmun nge ka tia lawm!" Vin fé hian ti lêtin ka țhu chhuak nghal a. Thawmhnaw inbel ka nei hauh lo lehnghal! Ka áwmbawr chu a ngai ngai chuan a lang a, ka puansin chu rang zet hian ka pawt chhova.

"Zah na'n chuan a tlai deuh tawh lo maw? Nizana i thawmhnaw hâk ngaihtuah kha chuan i ti der a nih ka ring mah zawk!?" Chupa mai mai chu(h)..

"Khawnge ka thawmhnaw?"

"Ka paih," min chháng tawi thei lutuk chu ka ngei kher mai, a hmel enchian tum chuan ka inher ta a. 

A sam chu a dum hlap a, a mitmeng buang thák chuan chiang fahran hian min lo melh lét a. A hnar ngul sang vah leh a hmui mi hnehsawh hmel zeta ner deuh sak chu ka ngei zawng tak a ni. Kum sawmthum bawr vel a nih ka ring.

"Engvangin nge i paih ngawt a." 

"Khatiang thawmhnaw tenawm ha chung khan ka khumah ka muttir che chu beisei suh," a ti hmuk a.

"Ka haw duh." 

"Haw la, ka dang reng reng lo che." 

"Ka thawmhnaw tel lo in ka haw thei lo tih chu i hre ve tho ang. I máwl viau a nih loh chuan."

"I thawmhnaw hâk leh hâk loh a in ang reng, tikhan haw la ti nia," ngeiawm zet hian a ti leh a. Ka thinin a tuar ta lo, thawmhnaw ka ha lo tih lam ngaihtuah lék lo a che thutin a samah chuan ka țham sak a, ka theihtawkin ka kêk ta buan buan a. "Nang mi tenawm, tenawmpa!"

"Vawithum ka chhiar hmaa min thlah loh chuan i inchhir palh ange," a ti duh chauh. Thlah ka tum awzawng lo, a aia nasa chuan a sam chu ka pawh sak leh a, "Nangnu hi...," ti supin ka kut chu min phihthlak sak a, rang zeta che in min lehthala, a taksa rihna chuan min delh bet ta run a.

 A palian hle mai boxer a ha tih loh chu thawmhnaw inbel a nei bik lo a, a dar ruak kung chu a sek deuh lek lek bawk, a kawng fék lam chu ka melh thla ngam tawh lo, ka mit ka chhing ta daih a, ka kut pahnih a chelh beh tlat avangin tal eng ang mahila a sawt dawn lo tih ka hria, che lo hian ka mu ta ran a.

"I mitmeng kawlh hmel zet khan ka ui thi ta min hriat chhuah tir," tiin a nui hawk a. Ui nen min tehkhin vel a maw! 

Chupawh ui thi tawh ber kher nen lehnghal!

"Tho vat rawh tenawmpa, mi hur ka ni lo." Ka ti ve sak a.

"Mi hur thawmhnaw hâk ang i ha thung a lawm," tiin ka hmai bulah chuan a rawn kun hniam a. Na zet hian ka hmuiah a rawn fawp ta a.

Ka theih tawpa lo țang ve in ka hmui chu ka chîp tlat a, chu chuan a ti thinur a ni ngei ang min thlah thut a, ten hmel zet hian a hmui chu nuaiin a tho ta daih a.

Keipawh khum khuhna chuan intuamin ka tho ve a, ka purse dawhkana awm chu lain ka phone ka phawrh a. Talinda missed call vawi ruk lai a awm a, ka call back vat loh chuan a mangang hle ang tih ka hria. Dar zat ka en chuan zinglam dar nga a ri chiah a, a mut tawh ka ring tho nain ka call lui ta tho a.

Vawithum ka call pawhin a pick thei lo a inhnem ve thovin ka ring a, a muhil nghet hle a nih loh chuan nizana a biak pa kha a zui haw ve a nih ka ring ta ber a...

Haw ringawt dawn pawh ni ila thawmhnaw hâk tur ka nei bawk si lo, rilru buai zet hian khumah chuan ka țhu thla leh hnawk a. Pindan chhung chu ka melh kual a, mipa room tih hriat tak hian a thim deuh khap a, Wardrobe lian fé fé pahnih a awm a drawer leh dressing table changkang zet a inhung bawk, carpet chhah leh hnûm hlarh chuan pindan chhung chu a ti lang fai hle a, sofa pakhat a awm bawk. 'Curtain' man to tih hriat tak a inzar dulh bawk a, intur dahna thlengin a awm vek mawle...! Mi hausa nuam tawlna room niawm tak a ni.

Wardrobe lian zawk chu dimtein ka pan a, ka hâk tur engemaw tal ka dap ngei a ngai. Under wear takngial pawh inbel ka nei si lo, nizana kan 'plan' chu a 'flop' ta vek phawt a. Talinda thinrim dan tur ka hrethiam vek. He mihring a hming pawh ka hriat loh lakah hian ka inham buai ta vel chu a nia! Engtinmah min ti lo tih chu ka hre thei tlat; misual tak a nih loh pawhin mi mak tak a ni ang, Nizanah a khumah ka chatthla der a nia, ka him turah ka ngai ve hmiah. Chuti ni lo se khapa khan min nuihsawh nan a hmang tawh ngei ang.

A hmel tihmawh hmel zet leh ngeng ngulh kha ka ngaina teh hrep lo. Khawiah nge maw a awm daih ni! A Wardrobe chu dimtein ka hawng a, a inkalh miah lo!

Thawmhnaw chi hrang hrang a inkhai tlâr dul a, ka hâk tur awm pakhatmah ka hmu lo ka zawn ngial pawhin, a hnuai lama thawmhnaw inthlep dul chu ka keu láwr leh ta a, T-shirt te deuh pakhat ka hmu ta hlauh; chu chu phawrhin ka ha nghal a, a hnuai lam tur a la ngai. Drawer chu pawt hawng lehin ka hai zung zung a, boxer pakhat chu ka la chhuak ve hmiah, engmah ha lo a awm ai chuan a la zia tho tho ti rilru chung chuan ka ha leh a.

Chu pa thawmhnaw chu ka tan chuan a lian lam hret a, tihngaihna dang awm hek lo le... 

"Nang nu kha engthil nge....!?" Vin zet hian kawngka a țang chuan arawn pen lut a. A thawmhnaw ka lo ha chu maktih hmel tak hian a awm a, áwih thei lo hmel a pu mah zawk!

"Mr....er... ka kawr i paih daih sia ka lo indap chawp ta mai," pawisawi lo niawm tak hian ka ti sap a.

"Ka hmu e, i hmel en aiin i kawlhrawng zék, a neitu phalna la lo va mi thil khawih hi dan kalh a ni."

"A neitu phalna la lo va mi thawmhnaw hlih saka paih hi dan kalh a ni," a áwki ang chiah chuan ka ti ve a. 

Rum lutuka min en chung chuan, "Nanga thawmhnaw, zu rim nam hum hum kha engatanmah ka ti lo, ka thawmhnaw i luak khum man hi min pe dawn khawp mai," a ti ram hmuk a.

"Ka luak khum turin min rawn hnaih vei a nih kha, ka hriat dan chuan min rawn pawt lo la chuan ka lam nasa viauin ka ring," ka ti ve zel a.

"Pathian leh! Chutiang chuan i sawi thei a nia, eng hmeichhia nge maw i nih hrep le!? Chhuak rawh, ka in ațang hian chhuak rang rawh," thinrim lutuk hian a ti a.

"I bulah hian ka awm peih awzawng lo, ka kawr i paih manah i thawmhnaw hi chu ka hâk mai a ngai ta a ni, i ngah thova rawn thawn kir che ka tum lo law law," ti ve hmakin dawhkana ka purse chu lain kawngkhar lam chu ka pan a.

"I duh duh sawiin kal nghal i tum a maw!? Hrep tak che hian! khatiang boxer chhing ha chung khan i chhuak thei lovang min lo nghak rawh ka thlah ang che," a ti leh lawi si a.

"A aia chhing leh lang tam hain a lawm party naah ka kal le..." 

"Ngawi chip cham rawh, party chu a zo tawh," tiin drawer ami pyjama dum hi ka lamah a rawn theh phei a.

"Kha kha ha rawh, motor ka lo zuk la chhuak ang," a ti hmuk a.

A pyjama min pek chu a sei hle a, mahse ka ha ve ta tho, khaw en laia boxer nen chauhva awm chu ka duh bik chai lo. Min thlah te chu a la tum leh ta nghal a, min ngaihsak ve niawm tak a...! A hming min hrilh duh der lo lehnghal, ka hrilh bik nguar ang!

A car-ah chuan chuangin tukverhah chuan ka dâk vang vang a, biak hmasak huphurhawm tak hian a ngawi ngul a. Țawng chhuah ka tum bik lo, a awmdan ngeng ngulh chu ka huat zawng tak a ni.

"Nizana min luak khum avang khan kei hi ka ngawi mai mai dawn hauh lo a nia," kawng lam chauh chu a en a.

"Haa..ka luak a ni ve mai a, ka luak vang khan kha party atana ka thawmhnaw lei man to tak ka chán ve tho a nia Mr.!" ka ti ve hmak. 

"Min luakkhum mai piah lamah ka party i ti khawlo tih i hria em? I chétdan țhing zet avang khan ka mi sawmte bulah ka awm theih loh phah," a ti hmuk hmuk a. A țawng zawngte chuan thil tenawm sawi ang mai hian a ner nawk a.

"Ka kianga awm turin ka sawm hleinem che, i duhthu ngeia min rawn hnaih i ni."

"Khangláng che chuan lawmna chang hre lo lutuk mihring i nih hi, kalsan che ila chuan kha party a hmeichhe ráwp tak tak mipa ho khan nawmchen nan an hmang ang che," vin zet hian a ti chhuak țhawt a, a car chu tichak zual sauhvin min hrem tum niawm tak hian chak fê in a tlan a.

Ka hlau viau nain hlau ang erawh chuan lan ka tum hauh lo, ka chenna apartment ka hrilh chuan hre awm pawh hian a lang lo a, a speed lah chu a tihniam duh der lo. He mihring sual zia hi....!

Ka apartment kawtah chuan hrilh nawn ngai lo hian car chu a tiding ta a.

"Chhuak rawh, kan inhmuh tawh loh ka beisei," a ti hmuk a.

"Coffee tal lo in la, i inah eitur min hlui nachang i hre si lo va, breakfast tal chu ka lo hlui ang che," ti-el zet hian ka ti a.

"Engmah ka duh lo, nangmah ang chiaha tuihnai lo bák min hlui tur i neiin ka ring lo," a ti nghut a.

"A țhat nasat chu," tiin car ațang chuan chhukin kawngkhar chu na zetin ka khar bur a, stepah hmanhmawh takin ka tlanchho a, a car tlan chhuak thawm chu ka hre zawm tawh lo.

Apartment hi kumhnih chhung atana kan luah hawh a ni a, ka țhiannu Talinda hian a hnuai zawk luahin keiin a chung ber ka luah a ni.

Ka nundan hahdam raih țhin kha tunah chuan Talinda vang hian ka hahdam hleithei tawh lo a ni. A unaunu Jane-i thihna a mawhphurtu zawnchhuah a tum a, chutah chuan amah puiturin min sawm a ni. Jane bialpa hlui chu ka la hmu ve hauh lova, mahse Talinda chuan amah chu a hre thung a, chumi avang chuan nizan party-ah pawh khan kal kan ni reng a, ka nih loh dan anga ka lan a ngai a, kha thawmhnaw taksa lang tam zet kha ka inbel a ngaih phah a ni. Jane-i bialpa khan nula pharvar lam deuh a duh tih kha kan hriat dan a ni.

Kei hi Kiara Forbes ka ni a, kum 22 na ka hmang mek. Arts college ka zawh hnuin lemziakin sum tam tak ka hai lut a. Mahse, ka lemziahah chuan ka hming dik tak ka hmang ngai lo thung, chumi anih vang chuan hahdam takin chimbuaitu awm lovin ka studio-ah lem ka ziak mai țhin a ni. Melchester-ah ka nu leh pa an cheng a, weekend hmangin ka haw zeuh zeuh țhin; unau pianpui ka neih loh avangin min ngai thei hle a. Talinda ka puih zawh hi chuan ka nu leh pa kiangah ka haw ve tawh ang. 

5.8 feet a sang ka ni a, ka thau lemlo khawp mai, ka sam coffee rawng ang maia sen uk kharh chu a kawi kual nasa hle a, sam ngil tak hi ka awt ve țhin viau a ni. Remchangah ka la pawt ngil ve ang chu.

English ho vun rawng var zet ang lo takin ka vun hian American a pawl deuhva, chu chuan thlahpawlh ka nihna a tilang țhin, ka inchhuanna awm chhun a ni ve hial ang; a sen no chék reuh a, ka áwmbawr chu ka taksa dang ang lo takin a lian ve phiana, a kawh lah mai. Talinda hian in eithau deuh turin min ti fo țhin a, ka ti hleithei lo chu a ni e.

Kha pa thawmhnaw kha ka la inbel tih ka hriat chuan bedroom-ah lutin ka inthlak sawk sawk a, paih ka tum ngial nain washing machine-ah ka vawm lut ta zawk a. Kar khatah ka in enkawltu hi vawithum a lo kal țhin a, lemziak ka neih laklawh lai phei chuan rilru ka pék nasat țhin avangin inchhung tihfai nan hun ka nei meuh lo.

Chokaah breakfast ka insiam a, kha pa mi ze ngeng ngulh leh induh zet kha ka mitthlaah alang leh țhin. A khumah min muttir a, eitur takngial pawh min pek nachang a hre lo, mihausa uikawm zet a nih dawn kha!

Ka phone charge lai rawn ri thut chuan min ti phu zawk a, Talinda a ni tawh ngei ang.

"Hello,"

"Kiara, inbiak kan ngai," Talinda thophang áw hi chu a hai theih loh.

"Umn, breakfast ka lo siam kép ang che, lo chho rawh."

"Ok.." Phone a off hmak a. Henu tak hi chu(h)..

Talinda nen hian kum hnih chhung kan inhre ve tawh a, apartment lo luah hmasatu a ni a, ka insawn tirh ațangin ani nen hian kan inkawm dun char char a, unau dang ka neih loh vangin ka ngaina hle a ni. Ani pawh hian unaunu Jane a nei a, kum thum liam tawhah khan car accident-ah a boral a, nu leh pa an nei tawh lova, home ațanga seilian an ni nghe nghe. Kum an tlin hnuah an unauin tuna apartment hi an luah a, 'Rush up Bar' ah thawkin ei an zawng a ni.

Breakfast tur ka peih fel hnu chuan Talinda chu muangchang hian a rawn lut a, "Kiara, nizan kha chu a fuh chiah lo a ni tiraw?" tiin dawhkan chu a rawn kil ve a.

"Inhmel hriattirna pawh min neih hma hmain kha samkir kha i zui dáwk dáwk a nih kha," nui sak chungin ka ti ve a.

"Husky a nih kha, Husky Roscow," 

"Wow, in hun hman dan tur pawh ka hre mai e, i apartment-ah zan inriak dun ngeiin ka ring."

"Yes, ni chiang e, nangpawh i duhtak i  tawng ta aniang, i bo hmak mai lawm," a ti har har a.

"Nizan ang reng reng khan ka la che fuh lo ngai lo," tiin nizan ka hun tawng kha kimchang takin ka hrilh ve malh malh a.

"A hming tal pawh i hre lo a maw!?" Mak tih hmel tak hian a ti leh a.

"Hre nang min hrilh lova, ka hming pawh min zawt lo. 'Kan inhmuh tawh loh hram ka beisei' a tia lawm," ka tih chuan za tak hian a nui ar ar a.

"Hit viau lo, hetiang hmun zim lutukah hian engtin nge kan hriat loh theih ang? Ka la hrechhuak em em ang." 

Talinda chuan a juice inna no ruak thawhpui pah chuan thawveng tak hian a țawng zui mawlh mawlh a.

"Ka hre chák bik lo ve," ka ti sap a.

Talinda'n min chhuahsan hnu chuan ka studio-ah ka lut ve nghal a, Thompson fanu te ber lemziak ka la zawh loh chu chhunzawm tumin ka țhu leh ta a, minute engemaw zat ka beih ngial hnu pawh chuan ka ti hlei thei der lo. Kha pa mitmeng buang thak mai chauh kha ka mitthlaah a rawn lang zel a, chawhma pum țhak chu engmah ziak lovin coffee ka in tluk tluk mai, chu chu ka duh loh thil tak a ni bawk.

Ka apartment tifaitu a lo thlen lai pawh chuan lemziakna thawmhnaw nen pawnlam thlirin ka la ding veng veng a. Mak a ti viauin ka ring! Ka chin țhan dan a ni lo tlat a, ngaihtuahna dang ka nei ta thut a, kha pa lem kha ka ziak a nih loh chuan kei hian thildang ka tih san thei dawn hauh lo. Hrep tak hian!

A bul ațangin lemziak tur chuan ka inpuahchah țha leh ta a, kha pa mitmeng ril ruih leh a hmai fang te chu mitthla chung zelin ka thai țan ta a. Lunch ei țhulh țhaka ka ziah meuh chuan ka thil ziah chu lungawi takin ka thlir ta veng veng a, a kawng a chin chunglam chauh ziah ka tum a vangin kawr hâk tir loh chu ka tumdan a ni.

'Vawiin atan chuan duh tawk phawt ang' ti rilru chungin shower nei turin bathroom-ah ka lut ta a. Ka nunah mipa pakhatmah ka la seng lut hauh lo, ka hmuh zawh loh vang ni lovin ka zirlai zawh phawt ka duh vang kha a nia, ka zo ta a; mahni ke ngeia din tumin ka bei leh a, mipa ngaihsak nan hunawl ka nei leh thei si lo. Ka țhiannu thawhna 'Bar' ah inti thawveng turin ka kal ve zauh zauh tih loh chu ka studio chhung hi ka chhuahsan meuh lo chu a ni e.

Ka inbual zawh chuan a tlai ruih tawh a, dinner mahni chauhva ei ka peih lo kher mai! Hmundangah ei chhuahna tur ka zawn ngei a ngai dawn a ni.

Doorbell ri chuan min ti phu zawk a, inleng ka nei khát ve nasa mai si a tu tak chu nimaw!? 

Kawngkhar hawng tur chuan ka phei a, kawngkhar pawn lama ding ka hmuh chuan kawngka chu khar lehnghal ka tum,mahse ka tlai ta hret, chupa chuan a ke rawn dah lutin inchhungah chuan min nawr lut a. 

"Ka thawmhnaw i hâk haw man leh ka khuma i riah man te, min luakkhum  zawng zawng te khan man a nei tih i hria ang chu maw Miss!" a ti hmuk a.

"I rawn lut lui dawn tho sia, ka hnial lo mai ang che," ti a tawlhsawnin inchhungah chuan kan inzui lut ta a.

"Dron Hetfield ka ni" polite lo zet hian a ti hmuk a.

"Mr.Hetfield, nizan chungchang kha chu i sawi tawh lo teh ang," ka tih chuan mitko san ák hian min melh a.

"Zaninah dinner min kilpui chuan kan theihnghilh thei chauh ang."

"I zam lo ve hle mai!" ti ram hmakin ka melh ram ram a. Ka apartment chhung chu chík fê hian a enkuala, lemziak pathum banga ka tar chu en vung vungin "A nalh hlawm kher mai, lemziak i ngaina viau a ni maw," a ti sup a.

"Ngaina tehreng mai, i lo kal chhan tih hlawhtlin ka tum mang si lova min lo chhuahsan tawh mai la," ka tih chuan rum zetin min melh a.

"Hming i nei ve lo aniang maw?" 

"Kiara Forbes," Min zawhna ang ki chiah chuan ka chhang ve a.

"Miss Forbes, insiam rawh le dinner eiturin ka hruai chhuak ang che, i duh loh chuan i aparmentah hian kan ei tho ang."

"Khawi hmunah mah nangnen chhuah ka duh lo tih i hriatthiam ka ring."

"A țha alawm," ti a ka lam rawn panin min kaichhuak ta dawr dawr a. Ka thawmhnaw hâk chu pawn chhuahpuina chi a ni lo tih ka hria, thinrim takin ka tal chiam a, awmzia a awm lo hle mai. 

"Luhlul i chhuah chuan i apartment kalh felna hun pawh pék i ni lovang," tiin Dron Hetfield chuan min vawnna chu a thlah a. Thinrim lutuk hian a lam chu ka hawi chho a, țawng tuma ka áng zuai tawh chu a hmel rum fahran avang chuan ka chip leh hmak.

Ngawi rengin apartment kawngka chu ka kalh a, 'ka zui khawp ang, dinner pawh a rualin ka ei bawk ang' ka rilru chuan ka ti mawlh mawlh a.

"I thawmhnaw kha i thlák duh em?" Dron chuan a ti sup a.

"Ka lawm e, i duh angin tihian ka kal ang, i tan inchei kher ka tum lo,'' ka ti let salh a.

"Umn.." tiin ka banah chuan min rawn vuan leh nghal zat a, ka zui duh loh a hlau deuh emaw ni he pa hian! A kut lum thar tharin min tawhna chuan ka awm ati nuam lo viau. Chu erawh tih lan ka tum lo.

Apartment kawta Jaguar car hlui lam tawh lo dinna lam pan chuan min pen pui páwk páwk a. Car awmna kan thlen chuan ngawirengin kawngkhar min hawn sakah chuan ka țhu lut a, 'min biak pawhin ka chhang miah lovang' ka ti rilru ran a.

Driver seat-ah chuan țhu lutin min melh chhin eih lo hian car chu tinungin a tlan chhuak ta nghal a.

Min panpuina tur lam hriat ka chák rilru viau nain ka zawt chuang lova, a hausak hmel tehreng nen a car hman chu a hlui lam hret a ni. Crewe-ah hian restaurant leh hotel changkang tamtak a awm tih chu ka hria a, mahse ka kal tam lo viau..

Dron chuan a car chu hnehsawh zeta thununin kawng chauh chu ngun tak hian a en a. Ka awm ve tih hre lo ang hmiahin ala awm zui! A khawsak dan ngeng ngulh chu ka ngainat zawng a ni lo. 

"Ti tau duh suh, awmzia a awm lovang," a rawn ti hmuk a. Ka chhán duh loh avang chuan min melh zauhin "Kiara, kum engzatnge i nih?" a ti leh sup a.

Ka hrilh awmlo emai! "I hriat a ngai lo" ka ti hmak a.

"Ok..ka la hre thuai tho ang" Min biak chhunzawm tum tawh lo tih hriat zet hian a car khalh lai chu a ngaihven zui nghal daih a. A hmel nelawm loh zet chu a hlauhawm lek lek a ni.

'Buratta restaurant' tih inziah kulhnaah chuan min luhpui a, a thianghlim hle mai engkim chu a fai sar a, restaurant dangte angin changkáng vút lo mahse, a nawm hmel reuh khawp mai! Dawhkan hauhsa a nei tih hriat tak hian chu lam pan chuan min hruai a. Chulai hmunah chuan ka thawmhnaw hák chu a langsar vak lem lo tih ka hre mai.

Dron Hetfield hi tu chiah nge maw a nih le!? Crewe-ah ka awm rei ve tawh tho sia ka la hmu ngai miah lo. Awlsam takin ka apartment-ah a rawn kal thei mai a, kan party na in kha ama ta a nih ka ring ta lo tawp mai. Kei hian misual tak leh mi 'kidnaped' chingte hi ka lo zui aniang a! Ka hlauthawng thar ta thut a.

A dawhkan hauhsaah chuan in hmatawnin kan țhu ran a. Waiter chuan 'menu' pakhat ve ve min pe a. Engmah ka ei chák lo, ka hlauthawng ru riau a, kut khur deuh dar dar hian dawnkana tui inchhawp chu inthlitin ka in khawlh khawlh a. Ka chezia chu hmaih nei hauh lovin min en reng tih ka hria, chu chuan min ti zam viau bawk.

"Min hlau deuh tihna mi Kiara! I ei duhzawng chah rawh le" Dron áw chu a vawt deuh ruih a.

"Engmah ka eichák lo, intur erawh ka duh thung," ka ti sap a.

"Ka ei ang i ei ve mai angai anih chu," tiin waiter chu a hui zauh a.

Waiter-in wine a rawn chhawp chu inthlit tumin ka ban a, ka kut khur dar dar chu Drone chuan a lo hmu hman a ni ngei ang! 

"Ka lo thli ang." a áw vawt ruih chu ngaihthlak a nuam lo tak zet. He mihring hi a hmelțhain a mipa hliah hliah a, mi hípna nasa tak pawh a nei chiang alawm. 

Wine chu ka tem hlak a, ka pum ruak lutuk vang chuan ka luak a chhuak nghal a, ka ner nang bawk.

"In zo rawh," a ti leh hrak a. 

"Ka thu thu," ti ve hmakin dawhkanah no chu ka dah a.

"In rawh ka tih chu. Min hnial reng suh,"  a ti hriam hraih a.

Ka wine inbang dawhkana ka dah chu la in ka in zo ta vek a, chu chu la duhtawk mai lo chuan inthlit belh lehin no hnih dang ka in leh bawk a. A eitur order a lo thlen meuh chuan ka meng phi chiai tawh. 

Dawhkana eitur inchhawp chu a tuihmel hlawm hle a, chicken tikka, fish  fry leh chips lam te an ni nual hlawm. Ka rilțam tawh bawk nen hawichhuak miah lo vin plate-ah eitur chu suak chhuakin ka ei nghal mawlh mawlh a.

"Hmnp.." Drone chuan arawn ti hmuk a, ka hawi chhuak rang ngei mai!

"I ei chák lo ve chu leh..!" Drone chu a nui suk a. Ka zak ru viau, ei châk awm lo tak khan ka lang vel kha ania, tunah lem dawhkana eitur awm chu ka ei fai vek lo chauh tawh! Ani thung chuan engtham mah a ei lo tih ka hmu mai!

"Ka ei man hi chu ka pe mai dawn nia," sehchilh zet hian ka ti ringawt a, wine ka lem hnem deuh vang a ni tih ka hria. 

"I pe dawn nia, mahse khawiah khan nge i eiman tur chu i dah ang le!?" Ngeiawm zetin ati a.

 Ha.. Engmah ka ak chhuak lo tih ka hre tawh lo, hmanhmawh taka min chhuahpui khan ka hák lai nen chauh ka ni tak alawm le..Chupa mai mai chu(h)

"I ei belh leh dawn nge, i inbelh leh zawk dawn?" Dron Hetfield ngeiawm dan chu a turu lam hret a ni.

"Ka duhtawk tawh e," inthiam lo tak hian ka ti sap a, min peksak tur ringawt atan ka ei hnem mah mah a ni.

"Inthlahrung der duh suh Kiara," a la ti zui hram a.

"Min hrethiam dawn nia ka lo inhnem deuh a ni." 

"Khati tur kha a ni e Kiara Forbes, kan kal dawm em niang?" A nui deuh suk a.

Ka chhan hman hma chuan rawn ding chhuakin dim fahran lo hian min pawt tho a, ka luhai chhulh tih reh tum chuan ka inthing deuh nak a.

"I kal thei turah ka ngai, nge ka pawm i duh zawk? Tun chinah chuan zu lam chi reng reng in ve tawh suh ang che."

Min țawngkhum dan chu ngei viau mahila ka chhang peih lo. A tih ang ang chuan ka awm tawp a, dinner ei ve midang mitmei veng hauh lo in Dron chuan min pawm nawlhin car dahna lam chu min panpui hmawk hmawk a.

"Wine no thum, whiskey no thum i in apianga hetianga i awm zel dawn a nih chuan pawngsual i la tawk mahna!" Car seat-a min nghah chawrh pah chuan a ti hmuk a. Car chu khalh chhuakin apartment lam pan chuan min lét pui leh ta a.

Ka awmdan chu ka duh lo tak zet, zu lam chi hi ka inkhát ve viau a, nizan party-na a ka in leh tuna ka in aia tam hi ka in ngai lo. Nizan kha chu engpawh ni se, zanina ka in hi chu he mihring Dron Hetfield vang hi a ni chiang alawm!

Apartment kan thlen chuan ka mut chhuak lutuk vang chuan ka meng hleithei der lo. Meng phelh deuh phang chung chuan kawngkhar kalhna chu hawn tumin chahbi chu ka hawlh nawk nawk a. Ka hnunga ding Dron chu lo phun hlukin min nemsawn a, amah chuan kawngka chu a hawng ta a.

Sofa-ah chuan thatchhe zet hian ka țhu a, Dron erawh chu ka epchiahah a țhu thung a. A inthuamdan chu a ho angreng hle tih ka hre ve chiah, Shirt dum hain cotton kekawr dum hlap a ha leh tawp a, businessman chu a ni lo tawp ang!

Chîk tak hian min en tih ka hria a, ka haider lui tlat bawk. 

"I khawsak dan en hi chuan mahnia awm pawh a hrisel lo viau ang, nu leh pa enkawltu tur che i nei lo nge, an enkawl peih lo zawk che!?" kha fak hian a ti a.

"I hriat a ngai lo," ka chháng rang mah mah.

"Eizawnna mumal i nei lo chu a ni ngei anga, hetia i tal mai mai danah hian zan lama eizawng chi i nih chuan ka 'hire' thei reng che a nia," a țawngkam chu a ngeiawm tak zet. Kei hi inzuar țhinah min ngai tihna a nih chu..tenawm lutuk!

"Ka lawm e Mr.Hetfield, min chhuahsan thei tawh ang ka chau riau a," thinrim insum zet hian ka ti fak a.

"Ka duh hunah ka haw ang, lo inngaihtuah ang che; ka kianga chen chu a nuam viau ang. Mahse, Crewe-ah hian kan awm thei dawn lo tih hria la, i phu tawk hlawh ka pe ang che."

"Maw! I kianga chen maw? I â deuh chu a ni lo maw!?" 

"Au bengchheng vak suh, zurui au hi ka ngaithei lo," ala ti zui a.

"Ka rui tawh awzawng lo," tiin ka ding thut a, Dron țhutna lam pan chuan ka phei a, a bánah pawtin, "Haw rawh, nizan chungchang kha dinner ka eipui che khan a fel tawh." Engahmah ngailo tih hriattak hian a ner sawk duh chauh!

A bána ka vawnna chu enin ka mitah tak chuan min en leh a, a mitmeng chang fahran buang thak chu a fiah țha hle mai, nuam lo ti zetin ka vawnna chu thlahin hnuailam ka bih ta daih a.

"Kiara," Tháwp sat a tiin a rawn ding nghal a. Ka khabeah chuan dawmin amah en tur chuan zawimuangin min kuai dák ta a.

Kawngkhar ri țhuai chuan min ti phu zawk a, chutia ka hriatchian pawh nihlei lo nen inhnaih zeta kan ding chu nuam lo ka ti ru viau.

"Kiara, khawnge i awm daih a." 

Talinda chu țhutkhawmna pindanah chuan a rawn lang zawm zat a. Chutia mipa nen inhnaih fé a kan ding chu makti tih hriat tak hian a ding deuh chat a!

"Er...Aw...dinner pawnlamah ka ei a," ka țawng dan chu leh...Mipa nen min la hmu dun ngai tlat lova, mak ti tur chu a ni. Talinda țawng ri a hriat rual khan Dron chuan tukverh lam a hawi daih a.

"Kiara, min hmelhriattir ve ngei ka beisei," Talinda chuan a ti zawm zat a.

Dron chu rawn inherin Talinda hmachhawn zawng chuan a ding ta a.

"Dron Hetfield, nizana minpuitu kha a ni e," ka ti sap a. "Chuan Dron, ka țhiannu Talinda Lawford anih hi." Ka sawi zo hman chiah. 

Talinda hmel awmdan ka hmuh chuan ka hrilhhai hle mai, a dáng deuh sáwp sáwp a, makti tih hriat tak hian a mengbial kal bawk. Dron chu ngei hmel tak hian a en a. He nu hi engemaw a hriat ni!

"Maw, Dron Hetfield maw!?" Talinda áw chu a fiak țhak mai.

"Chu chu ka hming a ni e," Dron chuan ati thum chhak a.

"No, Mr.Malakian ka hria che alawm," Talinda chuan ala ti tak deuh deuh a.

"Da, engemaw i sawi le...!?" Ka lo inrawlh ta vat a.

"Kiara, ka hawsan ang che, i țhiannu pawh nangmah ang thovin a rui ve a nih dawn kha. Ka sawmna che kha i lo ngaihtuah dawn nia," ngeiawm taka tiin kawngka lam chu a pan a. Ka chháng buai peih lo, Talinda lah chu mawl hmel zet hian sofa-ah ațhu thla hnawk a.

"Da, enge thil awmzia!?" A bula țhut ve pah chuan ka ti a.

"Kan buaina chu anih kha, ka ú (Jane) bialpa chu amah kha a nia, Gavin Dron Malakian anih kha. Hetfield nilovin, nizana kan inchei danglam chhan ngei kha amah a ni." Thinrim tak hian a ti ram hmarh a.

Mak ka ti ngei mai! Talinda hian a hai chu ka ring si lo. 'Dron' tih lai chu an hming a inang bawk si. Malakian leh Hetfield enge thil awmzia ni ta ang? Dron khan a hming min hrilh dik lo a nih ngei dawn hi..Ka țhiannu lam ka țang tlat ang.

"Kiara, kan 'plan' fuh lo mahse amah ngei kha party siamtu chu a ni a, nizan khan zantir lamah hmuhtur a awm lova, tunah kan hmaah ngei a rawn awm ta. Min puih ngei ka beisei ka û tan." a ti ta a.

"I hai chu a ni lo maw, Hetfield a inti sia," ka la ti țalh a.

"Bum che a tum anih kha, Jane abum ang khan. Washington-ah Malakian Motors Company liantham zet an nei alawm," a ti leh a. Mak ka ti tawlh tawlh mai! Motor company nei ve si, Jaguar țawng zet a khalh a nia, thil awihawm loh tak chu a ni..!

"I hrechiang tak tak a nih chuan, kan hmalák dan tur sawi la, Hetfield a lo ni tak tak anih erawh chuan kan chhe vek a ni mai!" Ka ti a.

"Umn.. ka hai lo, Dron Malakian a nih kha, in inhmuh leh hunah ka țhiannu khan a hai palh che a, pawi ka ti khawp mai tiin thupha i chawi dawn nia" Talinda chu a phur ta sarh mai.

Kan chét fuh loh vaih chuan a pawi khawp ang. Mahse, ka țhiani hian hrechiang a inti bawk a, Jane chunga a tih ang khan kan ti ve ngei tur a ni.

                     Chapter-2

Phone ri chuan ka mutui lai chu minti harh a, saisirin tihtawp tumin ka ban a. Sana ka en chuan zinglam dar sarih chauh a la ni si! Tunang hunah ka tho peih teuh lo. Phone pawh ngaihsak tawh lem lo chuan mutthilh leh tumin ka maimitchhing a.

Nizan khan Talinda chhuah hnuah ka mu ve nghal daih a, vawiin hian 'Country Gallery'-ah ka lemziah sawm panga lai pho chhuah a ni dawn a, kal ve ka ngai dawn tih ka hria.

Talinda sawi dan khan Dron Hetfield hi a unaunu thihna a mawhphurtu a ni a.  Hetfield nilovin, Malakian a ni zawk tihna a ni. Ka thinlung hian mak takin kha pa kha a ni lo tih min hriattir a, mahse ka țhiannu hian hrechiang a inti hle bawk si. Jane tan chuan theihtawp chhuah ka tum bawk.

Mu lui zel duh tawh lovin ka tho chhuak ta nge nge a, breakfast pawh ka ei duh ta lo law law a, bawnghnute inthlitin cake leh biscuits, ka nu siam min lo tháwn ngei mai chu ka hmeh ta zawk a.

Dron Hetfield rilru hneh hi ka tum ber tur a ni dawn tihna a nia, kei experience chhete mah nei lo hian engtin nge hmá ka lák ták ang. Ka nu leh pa hian Range Rover leh Bentley car an nei a, Bentley zawk hi ka kawl thung a, keima pualin Luxurious car pakhat tal chu neih ve ngei ka tum.

Dressing table hmaah chuan țhuin, ka hmai ka chei malh malh a, lemziak thiam Kiara angin tumahin min hre lova, 'Maxi' tiin ka hming ka dah tlat a lawm. 

Lemziak chi hrang hrang pawh zalen takin vawiinah hian ka en theih phah dawn a. Reporter tihbuai phak loh a ka awm theih nan, he hming hi ka hmang a ni. Ka lemziah hnuhnung ber dollar engemaw zat man chu a ziaktu hmuh tumin, reporter hovin an cháng țhup a. Engtikah emaw chuan ka nihna hi tarlan a la ngai dawn tih erawh ka hria. Talinda, ka nu leh pa bákin an hre lo.

Crew-ah hian min hrechiang em em tu an awm lo bawk a, ka inchei dan pawh holam thei ang ber ka thlang mai aniang chu..

Cotton kawrfual pâr chiai bánbul ha in, sandal ka bun leh tawp a, ka kawr nena inrem tak bag chu ka darah bâtin; apartment chu ka chhuahsan ta a.

Car khalh lovin taxi ka cháng ta zawk a, Bentley car khalh chhuah nan ka kal na tur hi a hnai mah mah.

Country Gallery ka thlen chuan mi an tam tawh hle a, lemziak engemaw zat chu hralh chhuah theih a nih tawh thu an lo puang mek a. Ka ziah ho chuan en a hlawh hle mai!

Min hnungchhawn zawnga ding chu Dron Hetfield ni ngeiin ka hria a, Talinda tana ka hnathawh tur kha hre rengin, a lam pan chuan ka phei ta a.

"Mr.Hetfield," ka ti sap a. Rawn inherin, ka mitah tak chuan min en a.

"Helai hmunah enge i tih," a ti thum chhak a.

"I tih ang tho kha maw le Dron," ngaihnobei thei ang ber chuan ka ti a.

"Lemziak i ngaina tak alawm Kiara," a ti leh sup a. Min bia pawh ang lo zawk mah!

"Nizan chungchang kha pawi ka ti khawp mai, ka țhiannu khan a lo hai palh che a, a aiawhin ngaihdam ka dil che."

"Helai hmun hi chutiang sawina tur a ni lo," ti hmukin ka bánah chuan kaiin min kal pui ta a.

Duh lo viau mahila, ka hná ka thawh a ngai miau si a, hnial thei dinhmunah ka ding lo. Ka thêmthlúk tur pa hi a namai dawn lo tih ka hre mai. 'Lemchan chu i han țan tak tak ang hmiang, Mr.Hetfield' ka ti rilru a.

"Hetah hian lo ding lawk la, ka rawn zawm leh vat ang che. Khawiahmah lo kalsawn suh ang che, i tana țha i hria a nih chuan," a ti a.

Dron chuan min kal sanin pa upa lam tawh smart zet, lemziak bánga intar dul uluk fahrana lo thlirtu lam chu a pan ta a. Lemziak a ngaina ve hle anih dawn hi he mipa hian, Jane khan a lo átchilh bur pawh kha thil mak a ni lo. 

A ruangam nalh tak leh a hmel 'pa' zet te hi, hmeichhe tan chuan hnar phal chi a ni hauh lo. Mak takin a bula ka awm hian engtin emaw tak, sawifiah thiam theih si loh hian ka danglam tih ka hria, chu chu ka duh hauh lo. 

Country Gallery angah te hi chuan mihausa uchuak deuh hlir an kal khawm țhin a. Dron hi a hausa viau tihna mi ni dawn? Mahse ka ring chiah lo, a car țáwng zet ațang kha chuan thil awihawm pawh va ni suh!

Dron ka bula a lo lêt leh chuan ka lo nui sáng a, engtikawng zawng pawhin a rilru hneh ka tum bur. Thihna ém a chungah thlentir tum lo mahila, na taka siam a, kalsan hi ka hna a ni.

"Kan kal dawn em niang?" Dron áw chu a hniam chhak chhak khawp mai.

"Umn, kan kalna tur hmun chu ka zawt kher lo ang che," inti fel fahran hian ka ti a.

"Lemziak leina tur sum thawhchhuah dan ka hrilh ang che," min hmusit hmel tak chuan a ti leh a. Kei hi 'call girl' ah min ngai tih ka hria, ka haw viau nain min puhna chu ka pawm mai a ngai a ni. Amah ka hnaih theihna tur a nih chuan...

A car țáwng zet chuan min phur leh ta bauh bauh a. Hmanzana kan party na inah khan min hruai tih ka hriat chuan mak ka ti tehchiam lo. Hmun hla deuh leh changkang deuh kalna tur sum nei hmel a pu lo ém a ni.

A chénna hmun kan thlen chuan ngawirengin inchhungah min hruai lut a. Living room zau hek hawka sofa nalh zet zet inhûng chu kawk zauhvin, "Lo țhu rawh, inbiak kan ngai," a ti sup a.

"I sawi tur chu sawi vat la, rei awm ka tum lo," ka ti a.

"Fel ber anga lan kha tum buai duh suh," tiin ka ep chiah sofa-ah chuan a rawn țhu a.

"Enteh! Dron, tihtur tamtak ka nei ve a, sum thawhchhuah ka ngai tih i hriat kha," no thei ang ber chuan ka melh a. Lemchan hun chu a ințan e.

"Ka hria alawm, ka chénna hmunah naktuk hian min zui la ka duh a ni,"

"Maw! Ka sum mamawh ang i nei ngei dawn tih engtin nge ka hriat ang?" A nui suk a.

"Lungngai suh, chulamah chuan zankhatah engzat nge i inchhiar!?" A mitmengah chuan min tenna niawm tak hi a lang a. Chhándan tur ka hre ta hauh lo. Engzat nge ka sawi tâk ang? ka buai ru map mai!

"Ok..i sawi hreh a nih chuan min tih láwm dan azirin ka pe ang che. I lungawi lo a nih ták leh kan siamrem leh dawn nia," a ti awlsam ta ét a.

He pa mizia hi mak ka ti tulh tulh, min duhna leh ítna a tilang lova, chuti chung chuan a kianga chéng turin min sawm tlat bawk si. Min ten hmel viau khan ka hre sia...!

"Khawi hmunah nge i chen? He aparment hi i ta a ni lo ami?" Hriat ka chàk zek zek a.

"Ka luah hawh a nih hi, ka chénna hmun chu thurúk ni rawh se," min chháng tawi thei mah mah.

"A țha alawm, ka tih lawm ngei che ka beisei," tiin zak lo awm tak hian ka pan phei a, a malchungah chuan ka va țhu vei tharh a.

"Kiara, tunah chuan ni rih lo e, i mamawh chu ka phuhrúk sak khawp ang che. Ka chenna hmunah," ti hmukin, alamah min kuai hnai a;  chiang zet hian ka mitah a en kalh bawk. Ka zám lutuk chu tháwk pawh ka tháw țha ngam lo.

Kan inmelh ta ran a, ka zámna tih lan loh hram hram ka tum ve tlat, ka lemchan turah hian zah a rem lo tih ka hria. A vawikhat nan mipa ka la hriatchian hauh lo chu ka fawp hmasa ta a. 

A hmui ka fawh rual chuan duhthawh zet hian min fawp lét tawn tawn a, a thin phu dat dat ri te chu ka hre pha hial mai! Min chhanlêtna chuan ka taksaah chuan hnathawkin, nawmna engemawtak hian min fan chiai chiai a, a kut lum thar thar chuan ka kawr chhanah ka taksa chu a chúl lawr dan dan a. Táwp a hun tih ka hria, mahse mak takin ka taksa chuan a thlahlel ru tlat.

Dron chu inlahrang hmasain, "Táwk rawh se, chhunzawm ka duh viau rualin tun atan chuan kan duhtawk ang," thám deuh sup hian a ti a. 

Inthunun tum niawm tak hian a thaw háwk bawk a. Ka bul țanna chu a chhe hran lo e.

"Tun ațang hian i hna chu țan nghal ta che Kiara, naktuk zingah ka chénna hmun kan pan dawn a, eitur leh engkim athar ken vek a ngai dawn bawk. ka thawmhnaw min siam pui la, chumi zawhah bazarah kan kal dawn nia." A ti duah a.

Dron mutna pindanah chuan kan inzui lut a, hmanzana ka riah ve ngawtna khum chu ka melh zauhva, ka zak ru chem chem thei nia.

"Jeans leh cotton hák nuam tur i keng dawn nia, i thawmhnaw sexy zet zet kha chu hmuh nawn ka duh lo, thawmhnaw chhanah nilovin a tak ngei a i taksa kha hriatchian kan tum ang chu," ngeiawm lek lek hian a ti a.

"Lutuk tlat, chu chu ka duh ber a nia lawm," ka nui pah ar ar a. Nuam dawn ngei mai! Bumtu chu bum lét ve hmak ila nimai...!

"Ka kianga i chén chhung chu mipa dang kawp a rem dawn lo tih hria la, fimkhur ang che." 

Kan 'plan' anga ka che chhuak thei a nih chuan game ropui leh nuam tak a ni ngei ang! 

Dron thawmhnaw kan pack fel hnu chuan lunch eitura chhuah ka rawt a, a duh leh tlat lo. Kan pahnih chuan lunch kan buatsaih dun ta a, engkim chu tițhang tih hriat tak hian a hnehsawh hle zel a, mipa ngaisanawm tak niin ka hria; Jane kha bum kher lo se chuan ka mipa duh chi tak a ni.

"Chhangtháwpa butter tah tal chu i thiam ang chu maw!?" Dron chuan vawksa fry pah chuan a ti a.

"Thiam ve e, coffee pawh ka siam thiam," runluih pah deuh hian ka chháng a.

"Nangmahin i awm sia, enge i ei țhin ang le! Nge, i mipa kawp ten an hruaichhuak deuh reng zawk che?" Kha fak hian a ti leh a.

"Min hruai chhuak tlangpui, breakfast erawh chu Talinda nen kan ei dun țhin."

"I mimal nun zawh che ka tum lova, keipawh min zawt suh ang che," a ti leh hmuk a. 

"Lungngai suh, pawisa min pek chuan a tawk mai," ngaipawimawh awm lo takin ka ti ve zel a.

Lunch kan ei chhung chuan kan țawng lo ve ve a, Dron eisiam chu a tui takzet, eisiam ka thiam viau a, mahse thiam anga lan ka tum ta lo law law mai, ka nih lohna hlir hi hria se, ka tan a țha a, engkim a awlsam phah tihna nimai.

Chawhnu hun pum pawh bazar nan kan hmang a, pawisa a nei zêk lehnghal. Eng hna nge a thawh hriat ka chák hle a, chu erawh ka zawt ngam lo.

Thawmhnaw dawr lian taka min luhpui chuan angaihna hrelo tak hian Dron chu ka melh há a.

"I duh duh kha thlang rawh le, i taksa lang tam lo thei ang ber chi thlan i tum dawn nia, a hnuai lam erawh chu sexy thei ang ber thlang thung la." Nuihza fé hian a ti ta a. 

"Thawmhnaw min leisak ka ngai lo, ka nei alawm," ka ti sap a.

"Ka sawi ang chuan ti mai rawh, mihur ho hâk ang kha ka ngaina lo," ka beng bulah a rawn ti sup a. 

A țawng duh dan chu ka ngei viau a, chhan lêt ka tum lai tak chuan dawr nghaktunu chu kan bulah a lo kal ta si a, ka ngawi ta zawk a.

"Miss, englam nge i duh ang?" Polite takin min zawt a. 

"Jeans, shirt, tlailam kawrfual leh kamis, cotton ho hrim hrim pawh," Dron chuan min țawng khalh zung zung a. Rum zeta ka va melh chuan a nui suk.

Keimah diktak kha chuan hnial a duh. Ka lemchannaah erawh chuan arem si lo, huiii... buaithlak ve!

Ka apartment-a min thlah fel meuh chuan khua a thim tawh a, dinner kan ei dun leh ta kha a nia, Dron mize ngeng ngulh phènah chuan zahawm rúkna riau ka hmu, misual vâkvél chu a ni lo tawp ang!? 

DRON HETFIELD  POV*

Dominic Dron Malakian ka ni a, kum 31 na ka hmang mék. Washington-a Malakian Motors Company neitu fapa upa zawk ka ni. London-ah tihtur pawimawh neiin thlathum kalta khan ka rawn kal a.

Phirpui Gavin Dron Malakian kei aia darkar chanve leka naupang ka nei bawk. Kum thum kalta khan a bialnu nen car-a chesualin a bialnu chu a thi a. Gavin hian rilru lamah harsatna nasa tak a táwk mék a ni.

An chétsualna hun rei deuh tawh mahse accident satliah nilova kan hriat avangin, chhui chiang turin kei hian hma ka la mek a. Party ka siam zan khan ka mi rinhlelh te an tel ve ngei ka ring a, mahse Kiara Forbes vang hian ka hmalákna hmasa ber a chhe ta vek a nih kha. Nula awmțha duh lo buaipuiin kha zan kha ka hmanral angaih phah a. Ka haw takzet!

Company neitu anga lan ka tan a remchang lova, Hetfield hming hawhin ka nihna ka thup ta a ni. Kiara chu ka hmeichhe tawn tawhah chuan a la dangdai ber awm e, ka hmuh hmasak ber ațang khan mak takin min hîp tlat a, ka ngaihtuahna a luahin ka paih bo thei der lo lehnghal. Thawmhnaw maksak zet a ha chung pawhin ka mit a la hle a ni.

Hetiang mi awmțha duhlo lákah hian inhnamhnawih ka duh lo viau a, mahse amah siamțha tur hian ka la tlai  lovin ka ring ve tlat!

A hmel a țhain a lang nalh hle a, sáng reuh viau bawk, model ho ang lo takin a áwmbawr a lian kawh lah a, mipa tan chuan îtawm khawpa piannalh a ni. A bawp sei thlarh leh a mawngbáwr vawng țha zet chuan ka mipatna a kaitho thei hial mai! Ka party-ah ka sawm ka hre lo nain, tuemaw ber khan an rawn hruai chu a ni ngei anga! 

Whiskey no thum zet a in ka hmuh khan ka lo mangang ru hle a nih kha, mipa ho mit a chunga fu țhûp kha hre lo ang hmiahin ala khawsa zui! Nge, a tumsa ve reng pawh ka hrep lo e..!

Engang hmeichhia pawh ni rawh se, kei hian ka 'ta' ah ka siam ngei tur a ni. Nupui atan ka duh chiah angem? Chu erawh chu hunin ala hril ang chu...

Ka chénna apartment hi ka lei thar a ni a, Kiara dáwt ka hrilh kha chu ka inthiam chiah lo. Mahse, mihausa pák huam hmeichhe tamtak zingah a tel ve tlat a, ka nihna hi a hrechhuak tur a ni lo. Malakian company rochuntu tur mipa kawp atan chuan a hniam mah mah! Chutih rualin mipa dangin duhtáwka an mutpui chu kei hian ka ngaingam lo chu a ni ber e.. 

Kei hi ka â deuh tawh zawk hial aniang!

A chénna hmun ka kal khan a felfai phian lawi sia, hmeichhe mak tak a ni. Ka nau Gavin-a room a, lemziak intar ka hmuh ang kha a lo tar ve a. 'Maxi' lemziah angaisang ve viau tihna a nia, sum ngah ber niawm tak chuan a tar tam phian lehnghal!

A țhiannu Talinda Lawford khan min hrechhuak teuh ther ther hle mai. Chhuanlam siamin ka chhuahsan ta kha a nia. Kiara țhiannu kha ka hmu fo tawh, ka hmuhna hmun erawh ka hrechhuak zo ta lo.

Naktukah Yorkshire biala Leeds-ah ka hruai dawn a, Crewe ațanga hla fé a ni. Khawpui nun tel lovin ka kiangah awm se, a him berin ka ring! Mihur tlahlang ang maia awm tur atan chuan ka phal lo a nih ber chu...

'Kiara, Kiara Forbes' ti chhuak supin, Whiskey chu ka tlák pawp a.

Kan company siamchhuah, 'Bentley car' a garage ah ka hmu nghe nghe a, sum lamah a buai lo viau a nih hmel! 'Mipa tamtak mutpuiin a hlawhchhuak' tih ka ngaihtuah zawng ringawt pawh chuan ka thinrim țun thei nia!

Rui zeta ka khuma ka muttir zan khan a thawmhnaw ka phelhsak vek a, a vun mám tak leh no chék kha khawih lo turin ka insum nasa viau mai! Mipa tan chuan hnar har tak a ni. Rui viau lo se hmangaihna chénpui mai kha ka hnial eih lo nia! Tenawm zawk hian!

Ani lah kha engmah hre lovin a mu bawrh bawrh a, a muhil lai ka hmuh phei kha chuan ka á lo chauh, a hmel pawisawi lo zet khan min hîp hliah hliah a, fáwp hrep lo turin ka insum nasa hle a nih kha.

Ka unaupa Gavin lakah ka thup ngei angai dawn a ni. Gavin nen hian kan inang hle a, a bialnu boral hma kha chuan unau inkawmngeih tak kan ni țhin. Tunah chuan thihna avangin mal leh khawhar takin a tawm tlawk tlawk a, rilru lam doctor kan ráwn phah fo a, ka unaupa hlimna tur hian engthil pawh tih ka huam, mahse Kiara a hmuh hunah kei ang thovin a âtchilh dawn tih ka hria, Kiara hi hetiang mi hi ni lo se chuan thuhran a nia. A nundan pawlawh zet hian ka unaupa a tiná ang tih ka hlau a ni.

End of Dron Pov*

Ka thawmhnaw ken tur Talinda chuan min siampui malh malh a. zan dar kua a ri tawh, Dron Hetfield kiangah ka chéng dawn tih ahriat chuan min ngaihtuah hle a.

"Kiara, a kianga chên kher angai a mi, a bum ve ang che tih ka hlau a nia," Talinda chuan a la ti ve țang țang a.

"Jane, phuba lák i duh chuan ka tih ngei angai tih i hriat kha, ka taksa ka hralh dawn hleinem, ka invêng thei em em ang," ka ti sap a.

"Puih i ngai a nih chuan rangtakin min hrilh dawn nia, i nu leh pa lakah chhuanlam țha táwk tak kan siam a ngai dawn a nia."

"Lunngai suh, mom leh dad chuan an hrethiam ang. Dron min hruaina tur hi ka hre lova, kan thlen veleh phone in ka hrilh dawn nia; 'museum-ah lemziak dah turin ka kal' tiin dâwt vár ka hrilh mai dawn alawm." 

"Ok..Kei paw'n ka lo sawi ang,'' a ti ve ta a.

Thawmhnaw kan remfel vek hnu chuan inthlah nan wine kan lem leh te te a. 

"Ka ngai ngawt ang che," ka ti sap a.

"Kei deuh, ka tána i thiltih hi ka theihnghilh ngai lovang," mittui tling pam hian a ti leh a.

"Him pialin lo lêt ka tum dawn nia," fiamthu deuhva ka tih chuan Talinda pawh a nui leh thei ta.

"Washington-ah a hruai loh hram che ka beisei," tiin a nui hak hak a.

"Washington-a kalpui tlák thawmhnaw keng turin min ti lo," ka ti ve vat a.

"Kha pa zúnah khan i uai tur a ni lo, i thinlung khán bumtu a nihna kha hrereng rawh se," Talinda țawng dan chuan ka nuih a ti za hle a.

"Yes boss," 

Wine bottle chanve lai kan in hnu chuan țhiani pawh a haw ve ta hram a.

Dron Hetfield hi engtizawng pawhin kan tina tur a ni bur.

Ka khumah chuan muin ka mit ka chhîng ta vang vang a.

Doorbell ri bengchheng zet chuan min tiharh hlawl a, khum ațang chuan rang takin ka chhuk nghal a. Vawiinah Dron nen kan chhuak dawn alawm le..Kan chhuah hun tur min hrilh miah lova, tunah a nih loh hram ka beisei.

Ka pyjama suit, ka nu min leisak ka hák chu ka delh chuar hle a, inthlákna hman a awm tawh si lo, kawngkhar hawng tur chuan inhnuaiah ka tlan thla ta a.

Kawngkaah Dron nen chuan kan inhmachhawn ta ran a.

"Nula pumpa i tho tlai hle mai! Tunah dar kua a ri tawh a, kan chhuah a hun tawh a sin!"  A ti hmuk a.

"Kan chhuah hun tur i sawi si lo a," ka ti ve hmak.

"I mutkawr chu B.c, hunlai vela naupang hák awm tak a nih kha," nuihza lek lek hian a ti a.

"Ka duh duh ka há ang, lo buai suh,"

"Nizanah mipa riahpui i nei lo tih ka hre mai, chuti ni lo se kha kawr kha i ha miah lo ang."

"A haw tawh pawh a ni maithei sin, tunge hria!?" Ka ti salh a.

"Kiara," vin fê hian a ti țhawt a.

"A dik alawm, i hre hleinem ka duh duh ka mutpui thei."

"Nie, ka hre lo, engmah ka hre lo, hmeichhe pangai i ni emaw ka lo ti leh țhin," ngeiawm zet hian a ti ta a. Chutia min tih takah chuan nuam lo ka ti leh lawi si.

"Ka insiam chhung min lo nghak rawh," tiin thudang ka sawi ta daih a.

Lungawi chiah lo niawm tak hian a thaw háwk a, "Zankhat lek mipa tel lova i awm thei lo a nih chuan ka awm alawm," ti supin, alamah chuan min pawt hnai a; ka hmuiah ná zetin min rawn fawp ta a.

A dim lo kher mai, ka hmui chíp tlat chu nawr kau tumin țan ala ve thung a, ka káwngah nghet taka chelhin a kut lehlamin ka tukkhumah a vuan bawk a. Dimna nei lêk lovin min fawp chhunzawm bawrh bawrh a.

He mihring zei lutuk lakah hian ka intát lût dawn chu a ni si a....

©<++++[BeckirafArenthleI]++++>®

                     Chapter-3

Duh tawk chin nei lo niawm tak hian min fawp lui ngawng ngawng a, ka tan pawh hnar a har hle mai. Ka thiam ang ang chuan lo dawngsawngin, min fawhna ril ruih leh dam ta deuh thlup chuan ka thluak a ti chawl mai dawn hian ka hria! 

Kawngka bulah kan la ding reng tih ka hre chhuak thut a, chu chuan ngaihtuahna pangaiah min hruai kir leh ta chauh. Hetianga min fawp fo dawn a nih chuan kei hian invén theih loh chin ka nei thuai dawn a ni.

Dron a inlák hran meuh chuan ka ke chuan min zo meuh tawh lo. Sofa hnai ber chu panin ka țhu hnawk a, a hmel pawh ka en ngam lo.

"Experience nei lo ang khan awm der vel teh suh Kiara," Dron chuan a ti sup a. Kei hi min manchhuak takngial dawn!

"Lo țhu rawh ka'n insiam ange," tiin ka tho a. Diktak chuan a bula awm reng hi tun atan chuan a fuh ber lo.

"Hmanhmawh ang che, kalkawng a thui a nia,"

"Umn..Ka inbual zuai ang," tiin inchungah ka chhoh san ta a. 

Ka inbual lai te chu a rûkin min lo bihthla mai thei asin! A nih loh pawhin a rûk kher kher lovin min lo en mai thei bawk! A landanah he pa hi a thusawi ang apiangah eng ang pawh nise, a țha emaw, țha lo emaw ti duh chi a nih hmel tlat a ni.

Oh! Ka thil ngaihtuah dan mai mai chu(h) Dron hian nawmchen nan bak min duh dawn lo tih ka hria. Ténna mitmengin min en țhin tih ka hmuh hmaih bik lo.

Ka inpeih meuh chuan dar sawm a pel tawh a, ka thawmhnaw dahna bag chu inhnuaiah ka khai thla a. Ka tháwmah Dron chu rawn dákchhuakin,  muang fán raih hian ka taksa chu a enkual ta dan dan a.

Ka ke lér ațanga țanin ka kawng fék rát mai leh dul thép zaih mai te chu a en chho zel a. Nuam ka ti fahran lo kher mai! Ka shirt hák mar țang mai chhana ka áwmbawr kawh lah mai lo lang te chu reifé a thlir a. Chuti taka min en chîk chuan ka ngaih a ti țha hauh lo. Min en chho zelin, ka sam käwi zet, hnung lama ka țawn mawl tawp thleng chuan a en a. A tawp berah ka hmel chu a rawn en ta a.

Engnge a ngaihtuah tih a mitmengah chuan a tilang hauh lova. Min ngaihsanna emaw, min îtna emaw pawh hmuh tur a awm lo. Inthunun theihna riau a neih chu ka ngaisang hle mai! 

Inchungah ruak veka ka inbual laiin, inhnuaiah a lo awm ngat ngat a nia. 

Min fawhna khan ka kawchhung thleng hian a la fan a, ka ngaihtuah zawng ringawt pawhin ka la lum pap pap thei nia! He pa hi ka inhneh tir vaih chuan ka thiltumah ka hlawhchham tihna a ni dawn a sin! Teuh lo mai!!

"Min en reng dawn nge? Ka bag hi lain motor-ah min dah sak dawn!?" Ka áw chu a ri chhuak chang chang thei chauh a ni. 'Confi' taka lan tum ve lai a, fuh lo țhin ve le...!

"Khatiang thawmhnaw i hák kha chuan zanlam chawzawng țhin i nihna ka theihghilh mai dawn alawm," Dron chu ngeiawm tak hian a țhensak a.

"Ka tan zawn angai hleinem, min lo záwng záwk țhin alawm," ka ti lét ve a. Dro chuan ka bag khai chu min láksakin, apartment ka kalh fel chhung chuan car-ah a lo zuk dah a.

Jaguar car țáwng zet kha chuan kan kal loh hram ka beisei. Kan tum ram thlen hmain min sawh chau zo ang tih pawh a hlauhawm alawm le.

Dron chu Jaguar car bulah alo ding run a. "He car hlui zetah hian min chuantir i tum tihna a mi?" Ka insum zo thláwt tawh lo.

"Phunnawi lo mai teh," ti hlukin ka lamah chuan a lo kal a. A duh duh a min control a tum nghal ringawt chu ka haw kher mai.

"Ka car hi engahnge kan ken zawk mai lohvang!?"

"I inzawrhna hlawhah khan ka chuang ang maw? Teuhlo mai," thinrim sehchilh nawk nawk hian a ti tuarh a.

Ka thinur ru kher mai, mahse ka tih lan a rem si lo! Ka mipa duh loh ber mai ka hnaih angai tlat hi ka thinrim țûn tawh. Ka tawlh hnung hrat a, a thinrim insum hmel te chu a țha zawk emaw tih tur a ni. 'Lalpa, minpui hram teh. He pa hi ka duh mai loh nan min pui lul ang che, Jane anga buma ka awm ve lohna turin' ka ti rilru mawlh mawlh a.

"Ka seh lovang che, min hlauh angai lovang Kiara!" Ka tawlh hnung hrat hrat a hmuh chuan a ti chhuak leh țhawt a.

"Ka hlau lo che, i car-ah hian ka chuang peih lo mai a ni." Ka ti lét ve a.

"Engvang chuan maw? I mipa kawp țhin te car hman anga changkáng lo a nih vang em ni?"

"Kan zinkawng a thui viau dawn a nih chuan damtakin ka thleng thei angem tih ka ngaihtuah zawk a ni,"

"Lungngai suh, i thleng em em ang, lût tawh rawh le.." ram hmuk hian a ti leh a.

Hreh zetin ka țhu lût ve ta a, Dron pawh driver seat-ah țhu nghalin kan tumram pan tur chuan kan tlan chhuak ta a.

Crewe station kan tlanpelh chuan hlauhthawnna ka nei deuh thut a. Kan kalna tur hmun tal hriat ve ka phu a ni.

"Dron, khawi hmunah nge kan kal dawn!?" Ka zawt ta nge nge a! Min rawn melh zawkin kawng lam chu a en leh nghal daih a.

"Engatan nge i tih? Kan thlen hunah i hre mai dawn alawm," a ti sup a.

"Ka hre chák ve a ni mai a, hriat ve hi ka phu a ni." ka ti leh a.

Dron hmel chu a rum ta deuh sawt a, lungawi lo hmel a pu mah zawk. 

Engnge kan kalna tur hmun sawi pawh chu a hreh viau ni! Min hrilh dawn lo a nih chuan he car-ah hian ka chuang zui dawn reng reng lo. Ka luhlul ve thiam tho!

"Min hrilh dawn lo a nih chuan i ruala kal hi ka tum bîk lo a nia." Ka ti hmak a.

"Chhuk han tum chhin chiah la," tiin car chu a khalh chak sauhva. Ka hlau viau turah angai a ni ngei ang, kei hi ka duh lohnaah chuan min ti lui bik hauh lovang!

"Vawithum ka chhiar hma a i tiding lo a nih chuan kan tuar dun a nimai," tiin ka vau ve kha kha a. Engahmah min ngai lo tih hriat tak hian a țhen suk duh chauh. 

Vawilehkhatah Dron lamah chuan ka tawlh phei thuta, a steering wheel vawn lai chu va tibuaiin, ka ke dinglam chuan a break chu ka rap bawk a; ka chét dan chuan a țhawng hle aniang! Car chu thunun tumin a bei a, ka vawnna ka thlah duh bik si lo, kan tlan kawi zawk zawk ta mai, hlauhna pawh ka nei tawh bik lo.

Dron chuan na zet hian break chu a rap tuarh a, kan ding chawt mai. Invuan nghet viau lo phei ila chuan ka lu ka sawh dawtin ka ring. Thinrim lutuk hian ka lam rawn hawiin, "Thih i duh pawh a ni thei, kei chuan ka la duh lo, Kiara Forbes," a ti chhuak țháwt a.

"Ka duh tih ka sawi lo, kan kalna tur sawi chu a har viau a mi? I thiam loh liau liau a ni," ka ti vin țhát a. Ha.. Ka tláwm dawn bik lo, ka ti ve laklawh tawh tlat!

"Ngawi chip cham rawh, lo hruai lo tawp che ila țha tur!" thinrim inseh ruh țeuh chunga a tih chuan ka ná zawk mai. A țha alawm, ka zui lo chiang khawp ang, kan dinna hmun ațang hian Crewe station hlat zawng ka hre chiah lo na a, darkar chanve vel ke a ka kal chuan ka thleng thei maiin ka ring?

Chhang tawh lovin car ațang chuan ka chhuk a, na zet hian kawngka chu ka khar bur bawk a. Ka lemchan tur kha ka theihnghilh vek! Pawi chai tawh lo, ka chapona hian atlin lo nimai rawh se.

Crewe station pan chuan ka kal ta a, Dron chuan min koh pawh a tum chhin eih lo. Chu chuan ka thin a tirim zual sauhva, ka sana bunlai ka en chuan chhun dar sawmpahnih a ri tawh. Thui fe ka kal hnu pawh chuan motor tlan thawm takngial pawh hriat tur a awm lo. 

Hnunglam hawi map lovin nisa hnuaiah chuan ka kal ve țáng țáng a. 

Talinda phone ka duh viau rualin a hlauthawng lutuk ang tih ka hlau a, ka țhulh leh ta zawk. Minute sawmhnih dawn ke in ka kal tawh a, ka thlan a tla zawih zawih thei nia! Ni chu a sa tulh tulh emaw tih tur hian min em tlawk tlawk a. Ka luhlulna avang tal pawh hian Crewe chu ka thleng tur a ni ringawt!

DRON Pov*

Engtin nge khatiang khan a chét theih zawk? Kan aaccident lo hlauh kha Pathian hnenah lawmthu awm rawh se! He Kiara hi mi satliah a ni lo, a thin tertek chhuak chu a hlauhawm vei phian dawn mai! Pawisak a nei lo viau lehnghal!

Nisa hnuaiah thui tak ke in a kal peih ka ring lo kha a nia, tunah darkar chanve dawn a liam tawh a, a hmel reng reng hmuh tur a awm lo. Ni lo, tawhsual táwk ta se....Helai hmun reh lutuk motor tlan zen zen lohna hmunah hian engtin nge ka kaltir theih zawk? Hlauhthawnnain ka khat nghal a, nula chhe lo tak mai, mahni chauhva ke a kal an lo hmu anih vaih chuan an khawih duh ngei ang! Hrep tak hian!

Rangtaka car chu herin Kiara kalna lamah chuan chak fé hian ka tlan ve ta nghal a. Kawngkám vel nguntakin ka en pah zel bawk a, khawiah tehhrep nge alo awm hman ni! Hlauhthawnna mak tak hian min tuam hlup hlup a, kan kalna tur kha lo hrilh țha hle hle ila hetiang hi kan thleng hauh lovang mawle...mahni inthiamlohna hlirin ka khat tawh.

Ka hma lawka Range Rover ding pawh ka hmu pha tawh a, Crew rawn chhuahsan zawng a ding a ni nghe nghe, a bulah chuan mipakhat hi kun deuhin a ding bawk a, chulam pan chuan ka Jaguar chu ka tlantir ta a.

Range Rover bulah ka car chu dintirin ka chhuak nghal vat a, A hnung kawngkhar ngheng chuan Kiara chu a lo țhu sawp niaih a, a t-shirt nghawng ațang chuan zau fé hian a thler thla a. A âwmbawr lang huai chu hre hmel pawh a pu lo, thinrimna hian min tuam nghal hlup hlup a, chu pa lam pan chuan ka pen phei ta a.

"Engthil nge ti ni a i inhriat?" tih pahin a kawráwmah chuan ka țham sak a.

"I hmuh ang khu a nimai!" Min chhán dan mai mai chu(h)..

"A chungah engthil nge i tih," ti leh hráwkin, ka theitawpa ná chuan ka hnek ta țhuai a. Chumai duhtawk lo chuan a pai deuh nawk chu chelh lehin, chintáwk nei lovin ka hnek ta mial mial a. Kiara ka ngaihtuahna avang leh chu pa ka huatna chuan pawisak min neihtir thei tawh lo.

"Dron," Kiara țawng ri ka hriat rual chuan chu pa chu thlahin alam ka pan vat a.

"Dron," Kiara chuan ti leh sapin a inhnít ta hlawp hlawp a. A țap ri ka hriat chuan engtin emawni hian ka awm! Range Rover khalh tu chu thah duhna rilru ka pu hial mai!

Kiara chu pawm nawlhin ka car-ah chuan ka țhut luhtir ta a. A chunga thil thleng zawh ka duh viau nain, a hun chiahin ka hre lo leh ta zawk a.

A la insút hlawp hlawp a, ka thiam loh vek a ni. Ka lamah kuah hnaiin a sam hnawk niaih chu ka chûl mam sak a. Hnem dan vak ka thiam lo. Ka thinrim lutuk chu awmngaihna ka hre meuh lo a ni e.

End of Dron Pov*

Thui fé ke a ka kal hnu chuan, chau zetin kawngsirah ka țhu a, ka tuiin hál lutuk ber chu hrehawm ka ti kher mai. 

Motor ri ka hriat chuan Dron a nih ringin ka ding ta vat a. Mahse, Range Rover lo tlan ka hmu ta zawk a, ka țhutna ngaiah chuan ka țhu thla leh ta a. Motor chu phar din ka duh viau rualin misual tu emaw pawh anni thei tih ka hriat avangin phar loh mai chu ka tum ta a, tuihál viau mahila ka tuar mai niang chu...

Range Rover a lo thlen chuan min hmu lo a ni ngei ang! Min tlanpel ve mai a, ka thawhuai thei nia! 

Mahse, ka thawveng reilo kher mai, motor chu rawn back lehin, ka zawnah tak chuan a rawn ding ta a. Driver phakar hmel zet ka hmu zui nghal zat a, a hmel ațang ringawt pawh hian ka ngainat chi a ni dawn lo tawp mai!

"Nula, khawilam nge i pan dawn?" Intih nelawm tum fé hian min zawt vel a.

"Crew station ah" tih chiahin ka chháng a.

"Ka rualin lo kal zawk rawh, helai hmun khawhar taka mahni a țhut ai chuan nuam i ti zawk daih ang," tiin min rawn hnaih tual tual a, a mitmeng fin phakar hmel tak chu ka hmuhhmaih bik reng reng lo. Tlanchhiat tuma ka inher chu ka kawrah min pawt hráwk ta kha a nia, ka țé nghal tuarh. Ka tha a khur dar dar bawk.

"Khangláng che chuan," tih pahin ka t-shirt nghawngah chuan țhamin min phih dawrh a. Ka shirt thler ațang chuan ka bra hák chu a lang vek a, a mitmeng hur zeta ît hmel taka min en chu duh lovin, ka bag chuan arem lai laiah ka vaw ta kha a nia. Motor phenah chuan min pawt phei dawr dawr a, ka theihtawpa ka tal chung pawhin ka hneh ngang lo. Tihdan tur remchang ka ngaihtuah ru ran a, motor bang ngheng chuan min nam bet a, ka hnute chu khawih a rawn tum ta mai. He pa min khawihna hi ka dawh mai mai anga maw! Teuh lo mai!

Ka khúp chu tawmin ka theitawpa ná in, a kapah tak chuan ka tauh sak ta a,     min vawnna a thlah rual chuan ka békah tak min hnek ta sawk a, engtiklaiin nge Dron kha a lo thlen tih ka hre miah lo, reivak lo chu ka thidang a ni ngei ang!?

Ka men leh hmasak ber chuan Drona'n min khawih tumtu a lo hnek mawlh mawlh chu ka hmu hmasa ber a. Ka inrawlh vat loh chuan a that duh hialin ka ring. A hminga ka koh khan a thlah ta chauh a nih kha, car-ah min pawmlutin ka țah chhung zawng chuan ka samah duat takin a chûl a, a țawngtam hran lo. 

Dron Hetfield mize dangdai tak hi ka ngaisang țan viau, businessman inla smart tak takte angin awm ngai lo a, amaha 'pa' rûk riauna awm hi ka hmuhhmaih thei bik lo a ni.

"That law law zawk ila atan a țha ang," thum chhak a Dron țawng ri ka hriat chuan amah en tur chuan ka dák chho  a, a áwmpharh hlai țha zetah ka lo la bei thlap reng nia, ka zak ru viau nain ka huntawnin zir miau hek lo le...!

"Kiara, a khawih hman che em!?" tiin ka biangah a kut pahnih chuan arawn vuan a. Ka lo țhen sak a hmuh chuan ka sam chu hui kiangin, min hnekna lai chu a hmu ta a, a insehruh tlat dan ațang chuan a thinrim hle tih ka hre mai, "Kan ramhuai pa chu..kan khawih leh hlek ange, a phu tawk hremna a dawng ngei tur a ni," a ti chhum hmak a.

Dímte a min țhut țhattirin a kamis háklai chu a phelh a, min khuhnan a hmang ta a, ka taksa lang lam reng reng ka ngaihtuah chang tawh lo. Ka in en chuan ka shirt thler huai ațanga ka bra sen hák te, ka hnute lang phir țhaih te chu ka hmu ve chiah a, a kawr min pek a ka inkhuh țha sawk sawk a hmuh chuan a nui suk.

Car ațang chuan chhuk leh tumin Dron chuan kawngkhar handle chu a vuan a, "Khawih nawn tawh lo mai rawh," ka tih chuan min en deuh vang vang a.

"A phu táwk hremna pek belh hlek ka tum mai chauh a nia," lungawi vak lo áw hian a ti leh a.

"Ni lo e, a mipatna hmang leh tur pawh khan a beih fé chu angai ve ang!" ka tih chuan mak tih hmel zet hian a țhut dan a siamrem a, zawhna nei hmel a pu bawk.

"Maw, engthil chiah nge thleng!?" Ti supin ka kut chu a vuan a, ka tihdan zawng zawng ka hrilh zawh meuh chuan a nui hawk hawk a. Thinrim hmel a pu ta lo.

"Ka bag kha kan theihnghilh daih," tiin car ațang chuan chhuk ka tum a, "Lo awm rawh, keima'n ka va la ange," car kawngkhar chu hawngin, a chhuak ta nghal a.

Dron awm loh lai chu ka chuh ve vat a, ka shirt hák chu hlîpin a kamis chu ka ha ta vat a, ka tan chuan a lian hle na a, ka thawmhnaw dahna bag hawnna hman awm tawh lo. Kamis bân chu ka kiu thleng chuan thlepin, a tlánglam chu ka kàwngah ka suih țat bawk a; a tâwk der.

Ka bek na ut ut chu tihreh dan awm se ka ti kher mai, a vûng hialin ka ring tawh a, side glass-a ka en chuan a sen țul mai! Tui bottle ka hmuh chu banin ka in nghal khawlh khawlh a; min ti harh sawng sawng thei nia. 

Dron rawn lét leh chuan ka bag chu a rawn keng va va a, tawnzau nen chiah a awm bawk nen, a taksa phiarfat leh thahrui ngah hmeltak chu a lang chiang hle mai. He mihring hi chu a țha thlâwt a ni, a landan 'pa' zet chu hria angin a lang duh țhak lo. Car-a a rawn țhut luh thleng chuan ka lo en vawng vawng a. Ka en reng tih hria niawm tak hian min rawn en lêt ve a, a mitmeng buang thák ril ruih chuan min ti zám thei mai dawn alawm le...!

"Muangchang tawh lovin kal nghal ang aw, ngaihdam dilna lam chu kan thlen hunah ni rawh se," tiin ka biang chu a tawk zauh a. Min ngaihsakna chuan ka thinlung a dek zar mai!

"Ngaihdam dilna tur a awm hleinem, ka thiam loh a nih kha," ka ti ve ta thuai a.

"Ni lo ve, Yorkshire bial Leeds-ah in ka nei a, chu chu kan kalna tur hmun a ni e," dam thlup hian tiin, a kawr ka hák chu en lehin mitko a san ák a. Țawng zawm tawh lovin kan tlan chhuak ta a.

Crewe ațang chuan Yorkshire chu kilometre za vel laia hla a ni a, kan tlanchak viau chuan zan dar kua velah kan thleng thei ang. Chutiang chen chen motor a ka chuang a nih chuan ka thlatin bi (menstrual period) a pangai lo ah ka nei leh ngei dawn a ni.

Zinkawng thui tak zawh ka theih lohna chhan pawh hetiang vang hi a ni a. Doctor ka pan phah fo a ni.

"Khaw hnai ber kan thlen hunah damdawi kan lei dawn nia, i biang a vúng țan a nia, pawi ka ti takzet a ni," Dron chuan inthiamloh hmel tak hian a ti a.

"Dron, khatiang zawng kha chuan țawng teh suh, ka thiam loh zawk a lawm," ka ti lêt sap a.

"Mutthilh hram tum la, i chau lutuk ang. I thawmhnaw hák kha chu thlák lo mai rawh aw, i inhmeh lutuk tlat," ngaihawm tak hian a nui suk a.

"Tawnzau nen car i khalh kawngtluan dawn tihna a ni maw!?"

"Ni mai rawh se, min en rei duh ve deuh alawm," min fiam zawm zat a. Ka en reng kha a hria a ni chiang mai! Ka lai nghal em em ringawt!

Ka zak hmel chu hmuin, "I danglam bik riaun hian ka hre țhin," thutak zawk hian a ti leh a.

Chhan ka tum deuh zuau a, mahse ka țhulh leh ta zawk a, amah ka hnaih na chhan tak tak a hriat hun chuan engtin nge min tih ang? Dron Hetfield a ni emaw, Malakian pawh ni rawh se Jane phuba ka lák tho angai si. 

Hrehawm ka ti țan der tawh. He mihring zúnah hian ka uai tur a ni lo bur. Talinda nen kan 'plan' a tel lo ka ti tam viau tawh lehnghal!

Ka chhán mai loh avang chuan Dron chu a țawng zawm tawh bik lem lo a, ka biang sa vut vut theihghilh tum chuan ka maimitchhing ta a.

Ka taksa kham țhûm avang chuan ka țhutdan siamrem tumin ka che a, ka hlauhthawn a thleng dik ta. Ka kap lam rawn lum pup chuan thilthleng chu sawinawn ngai lovin min hriatthiamtir vek. Engtin nge ka tih tak ang!?

Dron lam chu ka melh zauhva, kawng lam chauh a en a, ka awmdan vel chu hria ang paw'n a lang lo. Khua a thim vek tawh a, rei vaklo ka muhil a nih ka ring!

Engmah pads kawlsa ka nei lo, hetianga hláah min hruai dawn tih ka hre bîk lo nen, inrinna cháng ka hre lo chu ka inthiam chawp leh vel a...

Dron ka hrilh a nih loh chuan ka tan kawng dang a awm lo. insilfaina tur tal ka mamawh. Under wear leh ka jeans kekawr hâk thlengin thlák vek angai dawn lehnghal! Lalpa..engtinnge ka tih ang!?

"Dron," inthlahrung tak hian ka ko a.

"Umn..." min en chuang lem lo. Ka sawi hreh lutuk leh engtin nge bul ka țan ang tih ringawt ka ngaihtuah a.

"Kiara, buaina i nei mi? Sawi la, i bek chu a na viau tawh ang tih ka hria, lo nghak hram hram rawh khawchhung kan lut țep!" a ti daih a.

"Dron, englo...er..angai leh lo mai," ka ti buh nuai a. Ka țawng bah lutuk vang aniang car chu kawngsir zau laiah chuan a tiding ta nge nge a.

Car chhung chu a ti éng nghal a, ka lam rawn hawiin a kut chuan ka sam chu hui kiangin, ka bek chu a rawn en ta a. "A vúng nasa tawh hle mai!" a ti sup a. 

"Khawchhung luh nan minute engzat nge la ngai ang?" ka ti a.

"Minute sawmpanga vel anih ka ring, tuna kan tlan dan anga kan tlan chuan, a ná viau tawh em?"

"Na lutuk lo e, englo a nia..." ka sawi zak tlat pek a nih chu....

"Eng? Sawi la hun kan khawh ral zel a nia," a ti ve leh mai a.

"Ka period a, pads ka keng si lova, i car seat-ah pawh hian a kai nual ang," ka sawi chhuak hlawl mai.

"Maw! Engtin nge a thlen theih?" a ti hluk a. Makti hmel a pu deuh bawk.

"Thuitak motor ka chuan chuan a awm zel a, kan kalna tur min hrilh loh vang khan inrinna cháng ka lo hre lo ni," inthiam vak lo chung chuan ka ti sap a.

"Awle, a hrehawm viau loh chuan lo tuar leh hram rawh aw, reilote chauh a ni tawh ang duhtak," a ti dam ta thluam a.

Tunah khan 'duhtak' min ti a nih chu, Dron hian engthil chiah nge maw ka chungah hian tih a tum le...!

                      Chapter-4

Werrington khawchhung kan luh chuan Hotel leh Motel tihtlák deuh Dron chuan a melh zel a, pawisa nei ber ang chuan ala awm zui leh ta nghal a, hetiang a nih rau rau chuan car chuan nuam deuh leh changkáng deuh neih ve awm tak! 

'Loops hotel' kawtah car chu a tiding ta a. "Lo chhuak rawh le, room pakhat darkar chanve chhung atan ka hauh anga, intihfel nan i hmang dawn nia, kan inhnawhpuar law law bawk ang," a ti ta a.

"Mahse, ka jeans hâk mawng hi Dron!? Mangang âw deuh tak hian ka ti a, ka zak viau bawk a ni.

"Ok.. car-ah lo awm la, room ka va hauh lawk ange, ka rei lo ang," car ațang chuan a chhuak ta nghal a.

Dron rawn lét leh hma chuan Talinda leh ka nu leh pa te ka phone a, ka nu chuan ka hrilh láwk loh chhan dilchhût taka min zawh chuan chhán dan tur ka hre lo kher mai. Ka thiltum hi an hria a nih chuan an lawm hauh lovang le.

Dron rawn kir leh chuan ka țhutna lam kawngkhar chu rawn hawngin, ka inrin hman hma chuan min pawm ta nawlh a. A chétdan chuan min ti hrilhhai hle mai. Hotel chhunga min pawm luh chuan atam zawkin min rawn en tih ka hria, ka zak lutuk tihngaihna hrelo chuan Dron áwmah ka hmai ka phum ta daih a. A nui hawk ri ka hre zawm zat bawk.

Room-a min pawm luh hnu ah dimte hian chhuatah min nghat thla ta a. A chétdan cool ruih chu ka duh zawng tak a ni.

"I mamawh tur lo ziak chhuak la, ka kal chhungin lo inbual fai ang che. Hun kan ngah lo tih hria la, i hmanhmawh deuh dawn nia," Thupe áw tak hian ati sup a. 

Pen leh paper min pékah chuan ka mamawh chu ka ziak zung zung a, Dron chuan min en reng tih ka hria, ka lai viau bawk. Pads leitir chu ka hreh viau nain tihngaihna dang awm hek lo, a lei ve mai niang chu.. Amah lah chuan ngaipawimawh hmel a pu der lo.

Dron chhuah hnu chuan room chu ka melhkual ve ta chauh a, a zau lem lo; khum pakhat a awm a, sofa leh dawhkan a ni deuh mai. Wardrobe pakhat lian vak lo awm chu ka va hawng ta a, towel fel thlapa inrem zinga pakhat chu lain bathroom ah ka luhpui a. 

Ka thawmhnaw ho chu sûkfaina hun ka neih loh avangin paih mai ka tum ta zawk a, thi kai su reh tur chuan hun ka mamawh tam dawn tih ka hria. Hmanhmawh takin ka inbual ta sawk sawk a, towel-a intuam hlán chung chuan bathroom chu ka chhuahsan ta a.

Sofa-a Dron lo țhu ka hmuh chuan ka phu zawk a, a lo lêt rang hle mai!

Dron Pov*

Kiara mizia awm chu hriatthiam harsa ka ti kher mai. Amah ang hmeichhia hi ka la tawng ngai hauh lo bawk. A chángin luhlul viau angin a lang a, a hnu lawkah nunném hmel tak leh zakzum viau angin a lang leh lawi bawk si. A chanchin hriat belh duhna hian ka khat ta tlat a.

A mitmeng mawi zeta min melh phei kha chuan awmngaihna ka hre lo hial a nih kha. Hetiang ém a mitmeng mawi leh zahawm nei hi ka hmuh pawh ka la hre lo. A meng lian kel kawl hle a, a mithmul sei er sang mai chu pawi sawi lo tih hriat tak hian a khâp fak fak țhin a nih kha. A melhna ringawt pawh hian mipa te thinlung ti tuiral nghal tur chi hi a ni tlat. Chu erawh hman țangkai dan ka zawng ve tawh thung ang, mipa dang a hnaih tur a ni lo.

A nunah mipa engzat a tam nge a sengluh tawh ang aw! Thíkna hlirin ka khat nghal a, ka kamis ha tura ka tih khan khatiang em em khan a inhmeh ang tih ka ngaihtuah thleng pha lo.  A țap lai hmel ka hmuh khan mak takin ka chhungril hi a lo na ve tlat a, tun ațang chuan tumahin Kiara hi an tih țah ka phal leh tawh ngai lo ang. Chhûngte sawitur a nei lo nge!? Mahni chauha tál kual vel tur chuan ka thlahthlam phal lo.

A period thu zak chung chung a min hrilh khan ka khawngaih reuh hle a, pawisawi lo niawm taka a lang fo țhin hi mak ka ti ru riau tawh.

Kiara thil lei tur ziahna lehkha, dawr nghaktu ka pék chuan a nui deuh vur vur a, kei hian engtiklaimahin hmeichhe pads ka lei ka ring ngai lo. A ziah ang ang kim thlapa min pack sak hnu chuan hotel lamah ka kir leh ta a. 

Thawmhnaw hák thlâk tur takngial pawh a nei lo ang tih ka hrechhuak leh hnuhnawh a, car chhûngah a zin bag chu a awm ngei mai! Mahse a phalna tel lova khawih ka duh loh avang chuan hotel sir mai a, hmeichhe thawmhnaw an zawrh țeuhna hmun chu ka pan leh ta zawk a, a size pawh ka hre thlap thei hial ang chu mawle..

Under wear, bra leh velvet kekawr ka thlansak a, ka leisak ngei a ha dawn tih ka hriatna chuan min ti nui var var mai.

End of Dron Pov*

Khum chunga thawmhnaw thar lo awm ka hmuh chuan Dron ka melh vat a. Ka mitmeng chu a lo chhiar thiam a ni ngei ang, a țhutna ațang chuan tho chhuakin ka lam panin a rawn kal a.

"Inthlákna tur i mamawh ka ring a," nui suk chung hian tiin, ka biang vûng deuh ál chu a rawn chûl a. Min tawhna kut lum thar thar chuan ka thisenzam thlengin a fan thei nia!

"Kiara, pawi ka ti takzet," ti leh supin duatna mitmeng hian min en a. Ka khabe ah dimte a kuaiin a hmui lum thar thar chuan dam thlapin min fawp ta a. Ka thinlung chuan hnar a duh, ka taksa erawh chuan ka thinlung duhzawng chu a zawm ve si lo.

Ka towel hnuaiah inbel engmah ka nei lova, min fawp duhthawh tulh tulh a, ka thiam ang tawkin ka lo chhanglét ve tawn tawn bawk. 

Towel ka bih kárah a kut chu dah lûtin ka mal chu a chûlkual ta dan dan a. Lalpa! Kei hian engmah ka la inbel lo, tenawm hian a! Dron pawh chuan ka ngaihtuahna ang chiah chu a nei a ni ve ngei ang! Hreh hmel takin a inla hrang ta a.

"Sorry, inthlak rawh le, kan thiltih tum hun hi a fuh chiah lo," min nuih zat hmel fé hian a ti a. "I rálthuam tetakte chu inbel rawh le," a ti zui leh a. Ngeiawm thiam ve tlat. Khuma a thil dah chu banin rangzet hian bathroom-ah ka lut ta a. A la nui ri hawk hawk zui.

Dron hian ka size a hre dik thlap mai, ka hnute avang hian bra lei ka harsat viau țhin kha a nia, achhan pawh panty set lei dawnin, a chunglam hi size lian a ngai zel a, order na bik ka nei mai zel, mahse Dron chuan ka táwk chiah a lei thiam tlat nia! 

Thawmhnaw ka inbel zawh chuan ka sam chu hui mám thuakin thuakin bathroom chu ka chhuahsan ta a. Dron kamis tho kha ka ha leh a, velvet kekawr min leisak nen pawh a inrem thlap!

Intur dawm chungin Dron chuan phone in tuemaw a lo be pah mawlh mawlh a, ka tháwm a hre lo a ni ngei ang!

Khum bula dawhkan chungah chuan eitur tuihnai tak tak a lo inchhawp țeuh a, he pa thil ngaihtuah kim dan hi a mak zawk. Eitur rim chuan ka ril a ti țam rawih rawih mai! 

Ka bianga hnawihtur niawm tak damdawi chu ka la a, darthlalang zawng chuan ka bag ka hai rak rak a.

"Keiman ka lo hnawih sak ang che," Dron chu ka bulah a lo ding reng tawh a, Phone a a biak chu hriat ka chák kher mai, farm chungchangte kha an sawi nual a, farm a nei tihna mi le..Huh..hriat vek tum lo zawk ang!

"Ka hnawih thei alawm, a ná vak tawh lo," ka ti sap a.

"Ka lo hnawih ang ka tih chu, min hnial suh duhtak," tiin ka damdawi ken lai chu min láksak a. Khumah amah chu țhuin amal chungah min țhuttir ve nghal zat a, ka fimkhur viau a nih loh chuan kei hi ka na ngei ang. 

Tunah chuan 'call girl' lemah ka chang rih tlat a, amah duh hliah hliah anga ka lan hi a țul hrih a ni. Ka thinlung erawh ka pe tur a ni lo, hei hi Talinda nen kan plan 'A' a ni. 'Plan A a flop chuan 'B' kan try leh tur a ni' tih kha kan ruahmanna a ni, ka la tluang rih viau e!

Damdawi a hnawih zawh chuan dinner kan ei dun leh te te a, wine pawh no khat bák in a phal lo a, ani pawhin motor khalh a la tum vangin no khat chiah a in. A chét dan fair thlap thlap zia chu(h)

"I ril a țam awm hle mai, kan chah belh leh dawn a mi,?" Dron áw thawp sat chuan ka thil ngaihtuah lai ațang chuan min kai harh zawk a.

"Umn..Aw..angai lo ang," ka țawngdan chu leh..

"I plate chawp khan i ei zo vek dawn amaw ka ti hman alawm," A nui sáng a. Ka zak ru chem chem, Dron kianga ka awm ațang hian ngaihtuah chiang mang lo a thil ei vak vak ka chíngthar ta riau!

"Ka puar tawh e, engmah i ei ve hleinem!?" tiin a plate a eitur awm chu ka en a, engtham mah a ei ve lo.

"Leeds kan thlen hunah eitur lam chu ka ti ve țan chauh ang,"

"Oh, keimah vang a nimaw eitur i order, a zia lo hle mai!" ka ti hliai a.

"Ka ui note thi ta pawh khan chaw a duh khawp mai! Tu emaw angin," nuihzat hmel tak hian a ti leh a.

"Min nuihzat viau suh Dron," ka ti deuh hmak a. Fiamthu thawhnán min hmangah ka ngai deuh tlat, ka túm deuh bár a.

"Model tamtak aiin, i taksa a nalh zawk!" a ti leh daih. Phakar ru ve tlat, ka titau ve laklawh tawh. 

"I ei chák lo anih chuan," tiin a plate a eitur la báng chu lain ka ei ta mial mial a, ka hawichhuak duh țhak lo.

"Kiara, naupangchhia viau suh. Ka fiam che nih kha," ti a, la nui deuh suk chung hian min en deuh vang vang a, ka lai leh ringawt tawh. Ka confi thei thláwt lo he mihring bulah hi chuan...!

Leeds kan panna kawngtluan chuan Dron chuan min ngaihsak hle a, steering a vawnna kut lo zawk chuan ka kut a hum leh vang vang țhin. A chezia reng reng chuan min híp hliah hliah tawp.

Thir a siam gate lianpui kawtah car chu a tiding ta a. Car ațang chuan chhukin amah ngei chuan gate chu a hawng a. Chu in Brick hmanga siam lian lutuk lo chu a nawm hmel kher mai! Dron chuan car chu khalh lût mai turin min mitmei zauh a, Jaguar țáwng lam tawh chu gate chhungah chuan a khalh lût ta a.

Tala lianpui hian a lo inkalh bur a, 'Dominic farm house' tih lian taka intár chu makti tak hian ka en a. Dron chénna hmunah kan kal dawn emaw ka tia, Dominic tih a intár kulh bawk si! Ka thluak a buai vek!

Dron inchhunga a luh tawh hnu pawh chuan zui mai lovin farm house kawtah chuan ka la ding reng.

"Kiara..." min ko tuarh a.

"Yes, ka lo kal." Hmanhmawh zetin inchhungah chuan ka lut ve ta a.

Inchhung cheidan chu a hmánlai ruih mai, mihausa țhenkhat farm house nen chuan a dang hle a, mahse a thianghlim hle thung. Meichhemna thuk lian zet bulah chuan inbualna kuang (bathtub) hrawl tak a inhûng a, hall zau fahran lo ah chuan intur dahna cupboard a awm bawk. Choka thil reng reng pawh a tunlai lo vél vek a, ka chét țhinna hmun nen chuan dang tak a ni.

Dron chuan ka room tur min kawhhmuh a, chu pawh a zau fahran lo hle mai. A hausak ka lo ring ve em em kha a nia, rethei berh tak ni lo mahse hausa ti a sawitur a ni lo. Car țáwng tak a lo khalh țhin pawh kha ka dem ta hauh lo mai! Talinda sawi Jane bumtu Dron Malakian, company neitu chu a ni thei lo tawp ang!

Nge? Dron Malakian sumdawnna chu a tlachhe tawh zawk em niang!?Jane thih ațangin kum thum lai a liam tawh a, tlachhia pawh nise a awm ve tho mai.

Ka bag vel room ah min dah sak thlap hnu chuan hall zimte a, thukah chuan mei a chhém hluah a, sofa hlui tawh pathum inhûng tih loh chu dawhkan pakhat a ni leh mai! TV takngial pawh a awm lo.

"Kiara, engin nge i rilru tibuai, min zawt  mai la," Dron chu meilum bula cane chair ah chuan a țhu a. Kei erawh chuan inchhung bungrua chu ka enkual ruai a.

"Dominic farm house, tih inziak khan ka rilru a tibuai. A neitu phalna tello a lût ru ah ka inngai lo thei lo." Diktakin ka chháng a.

"Lo kal teh ka bulah hian.." tiin chair pakhat chu ka țhutna'n a chhawp chhuak a. Zan dar sawm a ri tawh a, mut mai ka duh tehlul nen!

Dron bulah chuan ka țhu a, zu lam in ve a phal loh avangin coke intur min pe a, ani chuan whiskey a in thung.

"I rin anga hausa chu ka ni lo maithei, mahse farm house hi ka ta a ni e," a ti sup a. A mitmeng ril ruih chuan min en a, engnge a ngaihtuah tih hriat tumin ka en lét ve kar a, engmah ka chhiarthiam lo a mitmeng ațang ringawt chuan!

"Dominic chu i hming tihna a mi?" Mawl hmel zet hian ka zawt a.

"Umn..Dominic Dron Hetfield ka ni e. Zanin ațang chuan Dominic ti a,min koh ka beisei," a ti leh sup a.

"Dron tih ai chuan ka duh fé zawk, Dron..hah eng hming nge ni ang ka lo ti țhin réng a ni." tiin ka nui sak a.

"He hmunah hian engnge kan tih ber dawn? Dominic," a hming thar a ka koh chuan a lo nui suk a.

"Ah..naupang fel Kiara, nuam kan táwl ang chu...naktukah farm hi ka fanpui ang che." 

"Zanin atan chuan mut hahdam ka mamawh ber, ka sil țhûm mai!" ka tih chuan min pawmpui tak hian a lu a bu nghat a.

"Lokal rawh le, zanin ațangin ka bulah i riak țan dawn tih theihnghilh lo la," inringtáwk tak hian a ti ta a.

"Maw! Mahse, ka room tur min pe bawk sia!" Makti takin Dominic chu ka melh a. (Dominic ka ti zel tawh ang)

"Kha chu polite lantirna a nih kha, mikhual neih thut pawh a, kan buai loh nan."

"Midang lokal tur an awm ve tihna mi?"

"Maithei, an lo kal ta anih leh i room kha i hmang mai dawn alawm, mahse chutiang hun a thlen hma chu ka bulah i mu ang. Ka hruai chhan che ti hlawhtling turin," a ti ta a.

Kei hi engthil átthlakah nge ka inbarh luh ták! Mipa bulah ka la mu ngai lo hrim hrim!  Engtin nge ka tih ták ang!?

Dominic lah chu min nghakin a ding uaih tawh a, ka mangang ru takzet a ni.

"Kiara, min hlau ta mai em ni?" Ngeiawm lek lek hian a ti a. Ka hlau tih leh mipa bulah ka la mu ngai lo tih engtin nge ka sawi ngam ang? Muangchángin Dominic chu ka zui ve ta hnak hnak a.

A room chu a zau bîk lo hle a, room lai takah chuan khum lian vak lo a awm a, Wardrobe thing hmanga siam a awm leh tawp, dressing table hmanlai tak pakhat a awm bawk a, mak ka ti tulh tulh mai! Damdawi khan min chháwk tawh lo aniang, ka bek chu a na ut ut a. Naktukah phei chuan a duk vekin ka ring hial!

"I pindanah khan lo va inthlák la, ka lo intifai ve ange, i biangah damdawi ka hnawih zawhah kan mu dawn nia," dam thluam hian a ti a. Ka láwm zawng tak a ni, Dominic bulhnaia awm reng lo hian phone hman ka ngai hmasa tak alawm le...

"Awle, phone hman ve lawk ka duh a, a remcháng khawp ang." 

"Tunge biak i tum," a ti ta hmuk a.

"Talinda mawle, min ngaihtuah ve a, chanchin ka hrilh ve ang chu," ngai pawimawh lo thei ang ber chuan ka țawng lui ve ngat a.

"A țha lawm, tun țum bâk chu ka hriat lohvin phone hman a rem tawh lo ang." ti nghutin min chhuahsan ta daih a. A thinrim ringawt nia! Phone hman pawh chu engemaw huat thlala awm viau le!

Talinda ka phone chuan a lo chháng rang kher mai.

"Kiara, i țha maw? Ka ngaihtuah lutuk che," a rawn ti a.

"Umn, țha e kan thlenna ala rei lo,"

"Khawi hmunah nge a hruai che,?" He nu tak hi chuh! Zawhna hlír!

Kimchang taka ka hrilh hnu chuan kan inbiakna ka titáwp ta a. A kianga mu tura min tih chungchang kha chu ka sawi lang ta lo.

Ka lemziah ve ho pawh báng awm lovin an hralh vek tih ka hriat chuan ka láwm hle mai. Tuna ka thiltih lai hi a zawh chuan muangmarin ka ziak leh ang chu.

Ka zin bag chu háwngin mutkawr ka la chhuak a, Dominic chuan sexy viau turin min beisei dawn tih ka hria, mahse chutianga mutkawr sexy ka nei hauh lo. Ka hák țhin pangai ka nu min leisak ngei kha ka ha leh ta a.

Hreh viau mahila a kianga mut chu ka tih ngei angai, ka thlatin bi hian min chhanhim ém ang chu...

Dominic pindana ka luh leh chuan boxer chauh hain khumah a lo bawk duai a. A pianhmang nalh tak chu ka hawisan thei bik lo. Ka tháwm hre awm pawh chuan a awm lova, a muhil a nih ka ring. A darah zawite hian ka va khawih da da a, a la che chuang lo.

"Dominic, i muhil a mi,?" ka ti sap a.

Min chháng miah lo, tihharh hlau zetin damdawi chu ka biangah ka hnawih a, a nuam sawng sawng mai.

A bulah chuan ka mu ang nge mu lovang tih ka ngaihtuah rauh rauh a, engtinmah minti bîk náng tiin khumah chuan ka lawnkai ve ta a, amah pawh chu puan sin țhat tirin amah hlat thei ang ber chuan ka mu ta a.

Motor ah ka chuang rei bawk nen ka lo muhil nghal daih chu niin.. ka harh leh chuan Dominic chuan min lo kuah thlap a, a bawp chuan min khan run bawk nen ka harh káwk mai.

Dimte thei ang berin min kuahna chu phelh sak ka tum a, ka kut chu rang zeta man betin, "Tikhan awm mai mai rawh ka chau a nia," a ti sup a. A harh reng sia, phakar lutuk mai!

"I rit ém alawm." 

"Che lo khan mu țha hle hle rawh, i chunga ka awm i duh loh chuan," a ti leh a.

"Enga? Engmaw i sawi?" ka ti țhát a.

Rawn dák chhuakin min nuih suk. "I chungah khan ka awm thei tihna anih chu Kiara," a tih leh a. He khuma ka mut ve ngáwtna chhan hi Jane leh Talinda vang tih hria se chuan a nui miah lovang.

Ka ngawih ták reng avang chuan alamah min kuah hnai salh a. A hmui chuan ka hmui rawn siktirin dimte hian min fawp a. Rei pawh min fáwp lovin a inla hráng leh thuai, ka kàwngah rawn kuahin, "Muhil leh ang le duhtak, hun kan la ngah alawm i chau lutuk ange," a ti ta a.

Ka lo rin dan ang lo zel hian a che a, a khawsak zia danglam tak hi ka hrethiam thei dawn lo a nih hi... Mipa dang chu nise, min chhuah hauh lovang.

Dominic Dron Hetfield hi mipa dangdai tak a ni. Hmeichhe tan chuan átchilh loh hi thil har tak a lo ni dawn a nih hi.

A vawithumna atan Dominic âwm ngheng chial chuan ka harh leh ta a. Ka biang na hlur chu ka hre hmasa ber a, a hlimchhawn khan a na tho tak nain, hetianga rei chu a nat ka ring lo kha a nia, patling thinrimin min hnek a ni bawk a, chuti mai chuan a reh dawn lo a nih hmel!

Khawsik tur ang maiin vawt ka ti a, Dominic hian min kuah tlat lo se chuan, ka khúr thei hialin ka ring. A taksa lum ham ham chuan min ur a, mipa taksa nghènga la mu ngai lo ta chu nuam tih rúkna riau ka nei tlat nia!

Doninic erawh chu a la mutui hle a, hahdam hmel tak hian a mu a, a hmul meh loh rawn țo thar chuan alandan a ti danglam hle mai, niminah thuitak motor a khalh a; a chau ve ngang a nih ka ring!

Ka hrawk thíp hlur chuan ka awm a ti nuam lo hle a, dimte a thovin bathroom-ah ka lut a, ka intihfai vek hnu a ka chhuah leh pawhin ala harh țhak lo. Eisiam tur tumah an awm ka hre lo a, siam erawh ka tum hran lo.

Diktak chuan khawsik tur ințham ang chiah hian ka awm a, khumah ka mut leh mai loh chuan kei hi ka dik dawn lo tawp mai!

Dominic Pov*

Ka țhanharh chuan a tlai tawh hle a, ka awmna hmun ka hai țêp lehnghal! Ka bula mu ka hmuh chuan ka awmna hmun chu ka hrechhuak chiang hle mai. Engtin nge hetianga rei hi kan mut theih zawk le!?

Kiara hmel ka en chuan a sen deuh țán a, tihharh hlau tak hian a chalsam hnawk niai chu ka hui kian sak a, a chal chu a lo sa deuh vur lehnghal a. Kha mi tenawmpa khan a hnek ná viau a nih ka ring, damdawi kan hnawih chung pawhin engmah a ang lo chu a nih dawn hi...ka thinrim thar leh kher mai! Engtin nge ngaihsak zui tawh lova ka lo mutthilh theih le..?

A kut tetakte zén thlarh leh no chek chu ka pumah a nghat a, a kuttin nail polish hnawih ngai lo tih hriattak a var sar ka hmuh chuan mak ka ti viau. A khawsak anga khawsa ho chuan maksak tak tak an hnawih țhin sia, Kiara ve thung chu a fai sar mai..kei hian ka lo ring dik lo zawk em ni!?

Call girl a nih hi ka ring lo leh thut zel!  Amah lah chuan a pha chhin eih bawk si lo. Ka duh a ni he nu hi..eng mihring pawh ni rawh se, Kiara a nih chhung chuan ka duh tho tho ang!

Vawilehkhatah Kiara chu a rawn khur hlawk hlawk a, a rûm deuh hak bawk. Hlauthawng zeta ka koh chuan mitmeng á deuh riai hian min en a, min hmu awm ang paw'n a awm lo. Hlauhthawnnain ka khat nghal vek.

"Kiara."

"Kiara," ka koh nawn leh pawh chuan min chháng chuang lo. A taksa khur tih reh tum chuan ka kuahbet a, a khawsik a sáng hle a ni. Lalpa..engtin nge ka tih ang!? 

Hospital áwmna lah chu a hla hle bawk si, nghet takin ka kuah a, a țawngvai deuh nawk nawk bawk, a thusawi mumal hriat theih pawh ka nei lo.

He hmun a ka lo hruai ta kher kher hi a pawi ka ti ta viau a ni. Ka inthiam thei lo.

A taksa a lum deuh hnu chuan a khúr pawh a ziaawm viau tawh a, ka phone la tur takngial pawh in ka thawhsan ngam lo. 

"Mom," a rawn ti chhuak sap a, nu a la nei a ni ngei ang!? Zawimuanga rawn meng chhuakin ka mitah tak min rawn en a, a meng phelh phang mai. A thophang hmel lah chu a țha zek lehnghal!

"I țha em? I enge na ber?" tiin ka zawt vat a.

"Eng thil diklo nge thleng?" Min la zawt lét zui a.

"I damlo alawm, khawsik sáng tak i nei a."

"Ka țha e," a ti sap . 

"Tikhan lo mu la, eitur ka'n siam ange," ka tih chuan harsa ti hmel tak hian a nui sak a. A biang vûng chuan țawng a ti harsa a nih ka ring.

"Ka țha alawm min ngaihtuah suh," a la ti ve țáng țáng. A hmuiah chuan fawp zauhin, eitur siam tur chuan ka chhuahsan ta a.

Kiara ei duhzawng tur ka hre miah lo, mahse siamsak ve ngei ka duh si a, eitur siam pawh a thiam der si lo. Soup chak táwk tak háwp se a zia in ka ring.

Ka chénna hmun diktakah khan hruai thei ila ka duh hle mai, hetiang choka bungrua țhing zet zet hi ka hman a ngai lo tur a nia, ka thiam loh vek a ni!

Oven hlui lam tawhah chuan bawngsa ka ur hmin a, vegetable soup leh salad, brandy in hlek bawk se la a zia mai ang.

Tray-ah rem thlapin pindan lam chu ka pan leh ta a, lukham ngheng chuan a lo țhu a, a damlo hmel te hlei hlei chu a țha zual. A sam coffee rawng uk khak chu a dar velah a tla chhap a, nula dang sam ang lo takin a kawi kual hle, a inhmeh phian bawk he nu hi chu a danglam vel vek a ni.

Dawhkan chungah tray chu ka nghat a, ka chevel chu nguntakin min en tih ka hria, brandy no khat pap ka pék chuan ner náng chung hian a lo ban ve mai a, zu lam chi reng reng in ka phal tawh lo kha a nia, tunah ka pe leh si chu mak a ti tih ka hria!

Brandy a in zawh chuan tray chu a malchungah dah sakin eiturin ka hrilh a.

"Soup kha háwp zo vek rawh aw."

"I ei ve dawn lo mi,?" zawite hian a ti a.

"Dawn e, ei phawt la nakinah ka ei ve ang," ka tih chuan ngaihdan ni vak lo hmelpu hian min en a.

"Ka rualin engahnge i ei ve mai lohvang," tiin fork chuan bawngsa hawlhin ka hmui záwnah a rawn dah a. "Âng rawh le, i siam vek tawh a, ka lo eitir ve tawh ang che," nui var var hian a ti ta a. A chét dan naupang chhia zet chuan ka nuih a ti za hle mai!

Hetianga a hlim hmel ka hmuh hian alawm ka danglam fo țhin.

End of Dominic Pov*

Dominic eitur siam chu a tui hle a, bawngsa ur hmin chu a tui dangdai kher mai, kan pahnih chuan tray a eitur awm zawng zawng chu kan ei fai ta vek a.

"Ka lákbelh tawh lo tak tak ang maw, Kiara." 

"Umn, ka puar tawh mahse, nangma'n i la duh chuan thuhran ni se," ka ti a.

Dominic chuan, "Ka duhtawk viau e, doctor kan chah dawn nia, i tan motor chuan leh pawh thil tih chi ah ka ngai tawh lem lo," a ti a, a mitmeng buang thàk mai chu nelawmna leh ngilneihna hian a khat a. "Kan inhmuh tirh a, ka ngaihdan tenawm zet ka hrilh avang che khan min ngaidam dawn nia. Ka hriatchian loh vang che a ni e," tiin thupha a chawi a.

"I thupha chawina chu pawm a ni e," nui sak chung chuan ka ti a. Dominic rilru ka hneh țan mék tih ka hria, ka chhungril lam hian nuam chu a ti lo. Ka chungchang a hriatchhuah hun tur mawlh chu ka huphurh a. Kei hian ka duh ve tho hi a buaithlakna lai chu a ni.

Mak tak maiin Dominic kianga awm hi a hahdam thlák hliah hliah a, him bik riauva inhriatna ka nei bawk. Ka damlo tih a hriatba min ngaihsak dan te kha a ti mai mai lo tih ka hria a ni.

"Ka lawm e, Kiara i chanchin min han hrilh teh, i chungcháng hi engmah hriat ka nei lo tih i hre ve tho anga!?" Dam thluam hian a ti leh a. 

Thudik hrilh ka chák kher mai, mahse a rem rih si lo. 

"Hmeichhe mak danglam tak ka ni tawp mai," fiamthu deuh hian ka chháng a.

Dominic chu khumah chuan a rawn țhu ve a, nui hmel pu deuh chung hian min rawn en a, "Chuti ka duh ang angin ka ngai thei che tihna em ni!?" a ti a.

"Kan mimal nun chu...ka mimal nun a ni mai, nangpawh i chanchin hriat ka nei bik lo," ka ti ve zaih a. A sawi phawt loh chuan sawi ka tum bik lo. Dominic lakah hian duh aia thûk luh a awl dawn tlat, kan game nen a inrem lo.

Thle bak chung hian Dominic chuan min en vang vang a, "Ok.. tihian a tlachawp hian awm mai ang aw..keimahah i lungawina tawk i hmuh ngei ka beisei," a ti ta a.

A chanchin a sawi duh bik tawp si lo a.

"Ni e, mahse call girl ka ni lo tih hria la, min ténna mitmeng ka hmuh țhin kha hmuh nawn ka duh lo," ka ti sap a.

"Chuan call girl i nih si loh chuan engvanga ka sáwmna hi pawm nge i nih si?" a ti ta khauh a. Nui hmel a la pu reng nain mak tihna deuh a nei tih ka hria, a nui hmel chuan ngeiawmna lam aiin mak a tihna a lang mah zawk a, chu chuan ka awm a tinuam vak lo. Diktak chuan call girl anga min ngai kha ná ka ti ru tlat a tin ni!

"Lemziak leinan sum ka mamawh alawm," tiin dáwt ka sawi leh ta ringawt a.

"Ka hrethiam e, i mamawh ang chu ka pe ngei ang che." a ti ta a.

Chumi nileng chuan Dominic chuan min ngaihven em em a, thil duh leh mamawh ka neih leh neih loh min zawt reng a, lunch pawh buatsaihin a sil fel leh vek a; pasal rinawm leh duhthusam ang maiin ania a chét ni!

Tlai lamah chuan thukah mei a chhem hluah a, bathtub lian zetah tuilum chhungkhatin inbual turin min ti tlat pek a nih kha....

"Kiara, i taksa ka hmu vek tawh, engmah hrehna chhan tur a awm lo," Dominic áw chu a thám deuh țuak a.

"Ka inbual laia i awm dawn loh chuan hreh lo ve, mahse kalsawn phawt rawh," ka ti ve tlat a.

Engtinnge helaiah ka inbual ngawt theih ang, bathroom pawh ni lo ah hian..! Chhuat ka tihuh vek anga sin!

"I inbual laiin damlo leh ta la," a la ti hram a.

"Ka zia tawh alawm, ka biang vang mai mai anih kha min kalsan tawh rawh le,"

Lungawi zán lo chuan min chhuahsan ta a, rang fahran hian ka thawmhnaw hák lai chu ka hlîp a, bathtub ah chuan ka inchiah ta vang vang a. Nuamti tak hian ka maimitchhing ta a.

"Kiara, engthil teh hrep nge..?"  

Dominic áw fiak țhát avang chuan ka harh chiang kher mai! Ka lo muhil daih a nih hi...Lalpa leh..!

"Min tih hlauhthawn zia hi i hria em? Darkar khat dawn ka nghak tawh che!" ti hlukin a thawmhnaw inbel chu a phelh nghal mawlh mawlh a.

"Dominic engthil nge maw tih i tum le, ka rawn chhuak dáwn," mangang zet hian ka ti a.

"I hun a zo tawh, ka rawn zawm ve dawn che mawle," tiin a taksa ruak vek chu zahpui hauh lo hian ka lam pan chuan a rawn phei a.

A taksa nalh thlurh leh phiar fat ka hmuh chuan ka hawisawn thei bík lo. A vun sen uk kharh chuan a tilang 'pa' hle a. Bucket hian tuilum dang rawn chhawp belhin, ka inrin hman hma chuan bathtub ah chuan a rawn lut ve ta a.

Tléma min tawlhsawntir deuhvin ka hnung chiahah chuan a rawn țhu a, sahbawn chu ka hnungah a hnawih nghal zat bawk a. Min tawhna chuan ka kawchhung thleng chuan a fan chiai chiai mai!

Uluk fahrana sahbawn a hnawih zawh chuan scrubber chuan ka hnung chu náwt lehin ka dul leh áwmbawr vel chu a náwt thuak thuak a, ka zám takzet!

"Ka tih ang khan ti ve rawh le," tiin sahbawn chu ka kutah min hmehbel a, ka hmaah chuan a țhu ve nghal a. Zawimuangin a taksa ah chuan ka hnawih ta a. Ka kut chevel chu ngaicháng niawm tak hian a ngawi reng a. Kan boruak țang ru zet chu kan hai lo ve ve!

Dominic chu ka lam hawiin arawn inher a, kan inhmachhawn ta ran mai!

Enge lo thleng tur tih hrilh hranpa ka ngai hauh lo! Muangchángin ka hmuiah chuan a rawn fawp ta a. A rei tulh tulh a, min dim lo telh telh bawk, a kut phah hlai țha zet chuan ka taksa chu a chúlkual ruai a, ka áwmbawr pawh duhthawh takin a țhám táwn táwn a, nawmna mak tak hian min tuam hlup hlup mai!

"Kiara, i nalh takzet," Dominic áw chu hla tak ațanga lo ri chhuak ang maiin a zawi hle a. A kutin zei zeta min khawih chuan ka lo insiamrem ve zel a. Hmangaihna min chenpui a tum tih ka hrethiam mai, kei hian ka dang tur a ni. Mahse, ka thlahlel ru viau lawi bawk si..

"Helai hmun chu ni lo e, duhthusam a ni lo," Dominic chuan ti supin, bucket a tui thianghlim chuan min tleuh ta puat puat a. Amah pawh intleuh fai ve nghalin, bathtub ațang chuan min pawm chhuak nawlh a.

Ruak veka kan taksa a indeh chuan ka taksa chu lo danglamin ka la hriat ngai loh phúrna nasa tak hian min fan a. Ka thianghlimna hlan nan chuan Dominic lo chu mipa dang thlan tur chuang ka hre lo. He pa hi ka duh takzet! Ka thil ngaihtuah mai mai chuh...

Bedroom lamah chuan min pawm lut ta a, towel chuan dimdawi taka ka taksa chu hru hulin khumah chuan min țhuttir a. A taksa chu hru hul ve leh thuakin khumah chuan alawn kai ve nghal zat a. A taksa nghenga min kuah leh tákah chuan a thinphu dat dat chu ka hre thei hial, kan thinphu chu a inthùm rawn tlat tlat a ni ber mai!

Chutia dimdawi taka min rawn khawihna chuan inthunun ka tum ve na zawng zawng chu a tibo hmiah. Uar leh duhthawh takin min fawp leh a, Dominic chétdan chuan nawmna tamtak min pe in, chu tuipuiah chuan ka pil ta vawng vawng a.

Uar theihtawpin ka lo chhanglét ve a, ka inthunun thei lo a ni ber mai. Ka la hriat ngai loh phúrna hian ka taksa chu a fan a, tisa châkna nasa tak mai hian min tuam dun a ni ber mai!

Dominic chuan ka awmdan chu a hai hauh lo tih ka hria a, eng thu emawni a sawi sap sap a, ka áwmbawr kawh lah mai chu a khawih kual a. Dang turin thà ka nei lo, min khawihna chu nuamti tak hian ka lo dawngsawng țha ve hle a, Dominic taksa chu ka thiam ang angin ka chûl ve ta dan dan a.

Ka chétdan chuan a tiphur zual sauh a, tisa phurna namén lo chuan min tuam dun hlawp hlawp a. Dominic mipatna khauh țáng mai chu ka tawk fuh ta a, heti taka ka rilru a luah mai hi engvang nge ni ang? 

Chutah ka dinhmun leh nihna ka thil tum leh amah ka hnaihna chhan ka hrechhuak ta thut a, ka inngaihtuah fím a ngai! Jane phubá lák kan tumna ah hian ka taksa hmang țangkai turin Talinda khan min duh hauh lo.

Ka ngaihtuahna avanga ka taksa lo danglam chu Dominic chuan lo man vatin, "Kiara, ka...engtizia nge?" a ti bah nak a.

"I hriat kha, ka thlatin bi ka lo theihnghilh a ni," inthiamlo hle niawm tak hian ka ti sap a.

"Hrep tak hian...! ka tihpalh lutuk, hrechhuak tur ka ni asin le, i la damțha lo hle bawk nen," inthiamlo tak hian a ti chhuak ta a. Ka thaw huai mai.

Dominic chu inlahrang nghalin inthunum tum niawm tak hian tháwk a la káwk a. Nuam lo ka ti ru viau.

Tun țum chu ka him leh ta hlauh! Ka inthunun viau anih loh chuan kei hi ka che chhe ngei ang le...!

"Thawmhnaw ha ila, dinner tur kan buatsaih dun dawn nia," Dominic chuan dam thlap hian a ti ta a.

Ka tháw huai mai, "Umn..." ka lo ti ringawt a.

"Kiara, min hrethiam dawn nia, hmeichhe nalh tak i ni a, ka inthunun thei ngang lo a ni e," inthiam loh hmel tak hian a ti zui leh a. 

Dominic rilru tluangpurh mai hi ka tiná dawn chu a ni si a. Hrehawm ka ti țan viau a ni.

UNKNOWN MAN

         by.Becky Rafa Renthlei

                   Chapter-5

Dominic eitur siampui tur chuan chokaah chuan ka lut a, diktak chuan hetiang bungraw hmánlai zet zet hi ka hmang thiam pawhin ka ring lo.

Choka chu lian lem lo tak a ni na a, a fel thlarh mai. Chutiang taka Dominic a che fel chu ka ngaisang kher mai. Hnawk nuaiha chêt chu ka peih teuh lo. Eisiam thiam lo ah min ngai ta sa sa, thiam lo der zel mai ang.

"Intur i duh en? Coffee leh beer lam te? Dominic chuan a ti a.

"Beer maw! Coffee ka duh zawk, ka lo insiam mai dawn em ni? Thil awmna vel min kawh hmuh la.." ka ti a.

"Ok..siam ta poh che, siamsak che ka hreh hauh lo a nia." 

"Eitur min siam sak zel bawk si a, coffee tal chu ka lo siam ve ang," tiin ka nui hak hak a. Ketli ah chuan tui ka chhuang a, Dominic chuan no te, fian leh coffee dip, chini ka mamawh tur chu a rawn dah zung zung a.

Kan pahnih a intur coffee ka siam chu breakfast dawhkanah chuan ka dah a, choka zimte a, a che ka hmuh chuan ka nuih a za tlat nia!  

Engemaw chen hi țawng miah lovin kan awm dun a, Dominic chuan tui tih hmel tak hian coffee chu a in a. Min ngaihsanna niawm tak a mitmenga lang chu ka hmu reng.

"Farm ah hian engtia rei nge kan awm dawn?" Dominic chu ka zawt a.

"Thlakhat emaw a aia rei pawh a ni maithei," a ti a.

"Chutiang em em a rei ka apartment awmbo san ka duh lo." 

"Karkhat chhung lekin kan inhrechiang hman dawn em ni Kiara," Dominic chuan a ti ta a. Engnge inhriatchian pawh chu a chák em em ni? Kan thil ruahman te hi hriat lâwk a nei em ni zawk? Chu erawh ka ring chiah lo.

"A tla chawp i ti em ni kha? Chutiang chuan kan awm mai aniang chu," ka ti ta ringawt a.

Dinner kan ei zawh meuh chuan zan dar riat a ri tawh a, TV en tur a awm bawk si lo, Dominic kianga mut ringawt bák tihtur dang a awm lo. Chu lah chu ka hreh ngawih ngawih bawk si...

Ka nu leh pa tal be thei ila chuan a zia deuh tur.

Dominic phone rawn ri ral ral chuan min ti phu zawk a, Sofa ah inngheng rialin kan țhu dun a, cupboard chunga, a phone dah la tur chuan a tho ta a. Min rawn melh zawkin páwnah a chhuak ta daih a, ka hriat ve a duh lo tih a khawsa zia ațang chuan ka hre mai!

Ka phone ah lai chu phawrhin Talinda ka call ve ta a, a thil min hrilh chuan ka thluak a tibuai vek. Country Art Gallery a lemziak ka pho chhuah kha an hralh fai vek a nih kha, Karleh khian 'Maxi' (ka lemziahna hming)chu TV show phakhatah interview turin min ngen a nih chu. Lalpa..engtin nge ka tih ták ang? Ka duh hun hmain vantláng hmaah ka nihna tarlan a ngai dawn tihna a ni. 

Dominic tih loh chuan min hre mahse pawi ka ti lo. A ni hian min hrechhuak ta se? Lemziak thiam ka ni tih a hriat chuan sum ka mamawh loh zia leh ka hausak zia a hre chhuak mai dawn a sin. Ka nu leh pa thlengin a chhui chhuak thei vek anga, ka bum tih a hre thuai ang. Mahse, he pa hian min hrechhuak lo thei ve tlat tho, a chhan chu businessman a ni lova; TV leh news paper chhiar a ngaina lo ve thei tlat! He lai farm hlui zeta min hruai danah hian khawsak sáng tak chu a ni lo tawp ang!

Talinda nen kan inbiak zawh hnuah pawh Dominic chu a la rawn lut lo fo a. Tu nen nge an inbiak tehreng ni! Hmeichhia anih ngei ka ring?

Room-ah ka luhsan ta daih a, ngaihtuah tur tamtak ka neih ve tho avangin Dominic buaipui reng pawh ka hman bik lo. Talinda nen naktukah ruahmanna felfai tak kan neih angai dawn a, Show-ah inlan duh lo ringawt mahila, engtikniah emaw chuan min la hrechhuak tho tho dawn tih ka hria, kum hnih lai ka inthup tawh a, tun hi mipui hmaa ka inlanna hun țha a ni tlat a ni....Engtin nge Farm hi Dominic tel lovin ka chhuahsan ták ang? Tih lam zawk kha a ni.

Khumah chuan muhil thei lovin ka let kual sek a, Dominic lah chu a reh vang bawk si. A chhuah ațangin darkar tam a liam tawh hialin ka ring! 

Ka khawsik pawh a ziaawm tawh a, ka biang vûng pawh nimin lam ai chuan a zia daih tawh bawk. Ka pindanah khan ka va mu daih dawn em niang?

Dominic Pov*

Ka phone a rawn rik chuan mak ka ti hle a, min biak tumtu ka en chuan ka pa ala ni zui. Engthil tehhrep nge mawnile? Farm house a ka awm chhung chu min tibuai lo tur khan ka hrilh chiang viau kha a nia. Thil pawimawh tak a ni ngei ang! Páwnlamah call chháng tur chuan ka chhuak ta daih a.

Ka pa sawidan chuan kan company car siam chhuah thar ber chu Australia a, kan business partner te'n an rawn bèlchiang dawn a. Naktipah meeting neih tur a ni, ka tello chuan meeting neih an duh lo tih an sawi bawk. Ka tel ve ngei a ngai a, arang lama haw turin min rawn ko a ni. Engtinnge Kiara hi ka tih ták ang? Malakian company neitu anga min hriat ka duh si lo...engkim a buai zo vek!

Ka phirpui Gavin Dron Malakian lah chu sumdawnna thil buaipui turin a thluak a hmantlák rih si loh. Kiara hi ka chân duh a nih si loh chuan Gavin hi farm house ah ka chah mai angai dawn a ni. Ka aiawh turin! Kan inang ém ém a, ka lét leh hmain Kiara chuan min hrechhuak hman kher lo maithei asin. A risky viau ang tih chu ka hre na a, kawngdang dap chhuah mai tur ka hre ngang lo a ni.

Ka pa nen kan inbiak zawh chuan ka nau Gavin chu ka be leh te te a, ka thil ruahman ka hrilh chuan a phûr ngei mai! Kum thum zet a nui ri ka hriat tawh loh hnuah a nui ri ka han hre leh ta chu a nia. Kiara mizia ka hriat ang ang ka hrilh bawk a. Infawh zeuh bák Kiara lákah chuan engmah a ti tur a ni lo, tih chu ka hrilh nawn mawlh mawlh a.

Naktukah ka private helicopter-in Yorkshire ah Gavin chu a rawn kal anga, kei leh Kiara chu incheck up tur angin; Leeds ah kan kal ve thung dawn a ni, kei helicopter in Washington-ah ka lét anga; Gavin leh Kiara thung chu farm house ah an lêt dun ang. Chu chu kan ruahmanna a ni. Ka nau hian thil a ti khaw lo ém lo'ng chu!?

Inchhung a ka luh leh chuan Kiara chu hall-ah a lo awm tawh lova, hmanhmawh takin ka pindan chu ka pan ve ta a. Khuma Kiara lo muhil ka hmuh chuan ka thaw huai mai, bum anga ka inhriat tlatna chuan ka rilru a ti nuam chiah lo a, mahse ka 'ta' a ka siam hunah ka nihna diktak hi ka hrilh chauh ang. Tunah pawh sum a duh vanga min zui a ni a, sum tel lovin keimah Dominic Dron Malakian ngei hi min duh turin ka siam dawn a ni.

Ka thawmhnaw phelhin, a bulah chuan ka inthawlh ve ta a, damlo tawh lo hram se ka ti hle mai, a nat hian awmngaihna ka hre țhin lo tih pawh ka inhre chiang bal tawh. He nu tereuh hian mi híp theihna maktak a nei chiang alawm. A hmui sen siahah chuan dimtein ka fawhsak a, hmangaihna chenpui tur pawhin ani tluk tur hmeichhia ka la tawng lo. Mi thianghlim chu ka ni hauh lova, mahse ka hmeichhe mutpui tawhte mizia leh Kiara mizia hi chu lei leh van ang vel a ni!

A kawngah kuahin mutthilh tum chuan ka maimitchhing ve ta a.

End of Dominic pov*

"Kiara, mutduh nu, breakfast ei a hun tawh," Dominic áw nuihzatna a khat chu ka mang hriat ruai ruai a.

"Kiara, harh teh i breakfast tur a dai vek dawn," ti a, hmui lum thar tharin ka chal a rawn fawh chuan peih lo zet hian ka meng chhhuak a. Dominic chu insiam peih diam hian khum bulah a lo ding tawh a, dawhkana eitur awm chu kâwkin, "Intifai la, a daih hmain ei rawh," nui var var hian a ti a. 

Tho chhuakin bathroom ka pan vat a, nizan khan a lo mut lai ka hre lo reng reng. Dominic ka bulah a mu nge mu lo pawh ka hre țhak lo a nia! 

"Tûktin breakfast i khumah pék zel i ngaih dawn chuan rei ka tlin hauh lovang," nui suk hian min fiam a.

"Naktuk ațang chuan ka siam hlir i ei tawh dawn nia,"

"Huh, artui kan pawh i thiam lo ania, ka lawm e.." Dominic chu a nui nasa zual sauh a. A eitur siam chu a tui leh pek khawp mai, omlette leh toast, apple jam a tát thlap bawk a, bawnghnute nen, he pa bula ka awm reng a nih chuan ka thatchhe zo vek ang mawle!

"Farm chhuahsanin khawpuiah kan kal dawn nia, incheck up ngei la ka duh," a ti a.

"Ka țha tawh tak tak, doctor ka mamawh lo," ka ti vat a.

"Min hnial țhin teh suh Kiara, doctor i hmu duh lo anih pawhin, kal chhuah ka ngai a; nangmah chauhvin farm house ah hian ka hnutchhiah thei lo che tih i hria alawm."

"Farm min fanpui turah ka lo ngai a," ka ti sap a.

"Kan lét leh hunah ni rawh se, le..insiam rawh le," tiin tray chawi chuan a chhuak ta vut a.

Hmanhmawh takin ka inthlák zung zung a, make up pawh ka hmang duh lo. Dominic pawh kha simple zetin a inthuam a nih kha, cotton jeans tight lam ha in shirt ka ha leh tawp a, a tawk der.

Dominic chuan hall ah min lo nghak reng tawh a, chík takin ka inthuamdan chu a en a, mitko san ák hian, "Lo kal hnai teh Kiara," a ti sup a.

Rangtakin ka pan ve mai, amah hnaih fé chuan ka va ding a. A taksa lumna chuan min ur pha hial nia! Ka inrin hman hmain ka hair clip chu min phawi sak daih a, "Tikhan i nalh zawk!" tiin a lamah min kuah hnai a, ka hmuiah chuan a fawp zauh a.

Inkai rialin pawn lamah kan chhuak ta a. A jaguar car a, ka chuang hreh hmel a hmuh chuan, "A dang hman tur kan zawng dawn nia," a ti sup a.

"Farm house a kan awm rih dawn te chuan car kan mamawh chuang nang!?" ka ti a, inthiam lo hmel pu reng turin ka duh bik lo, min duat ropui si.

"A dik tho mai, i car i ngai deuh tawh lo maw?" A ti ve mai a. Car kawngkhar min hawnsakah chuan lutin seatbelt ka hreng nghal a. A ni pawh rawn țhu lut vein Leeds bazar lam pan chuan kan tlan chhuak ta a. 

"In check up chu i ngai lo tak tak ang maw?" Dominic chuan a la ti ve țang țang a.

"Ka țha tawh tak tak, bazarah teikual mai mai ka chák zawk," ka lo ti sam ét a. Nui hawk hawk chung hian,"I kum zat diktak min hrilh tawh la.." a ti a.

" Kum 22 ka pum țép," rang fahran hian ka chháng a. "Kei aiin i naupang fé a nih chu," tiin rem leh rem lo hian ka malchunga ka kut dah chu a rawn vuan a, min ngaihsakna hian alawm, amah min ngainat tir em em țhin chu!

"I kum zât ka zawt ve lo mai ang che, a aiah thil tui táwk min treat ang,"

"Lutuk, mahse reilote car-ah nangmahin i lo awm lawk thei angem?" Tiin min zawt a. Ka lo bu nghat nghat, nimin lam aiin min ngaisak zual sawt emaw tih tur a ni. 

'Rions burger' tih inziahna dawr bula parking ah chuan Jaguar chu a khalh lut ta a. 

Leeds ah hian vawikhatmah ka la kal ngai hauh lo, mipui zi hut hut zingah chuan Dominic chuan min kai chungin min kalpui dawr dawr a. Burger dawrah min luhpui dawn emaw ka tia, ka rin loh lam daih, tlereuh dawrah min luhpui ta a.

"I duh duh kha thlang rawh le," tiin bracelet an dah țeuhna darthlalang box bulah chuan min dinpui ta a. Tlereuh lam hi ka ngaina lem lo a, mahse kan inhmuh hmasak ber zana ka inbel chuai kha ala hrereng a nih dawn hi, ngaina awm ang taka ka lan angai leh ta.. Hui..buaithlak țhin!

"A nalh hlawm hle mai, thlan ber tur ka hre lo, nangma'n min thlansak mai la," inla no zet chuan ka ti a. Ka thlang thiam miau lova! Min thlansak apiang bunin, lawm ber ang khan lang ila thil a awlsam a ni mai.

Dominic chuan, dawr nghaktu chu kovin bracelet chi hrang hrang chu a phawrh tir zel a. A tawpah chuan rangkachak rawng stone hringduka chei, de sep sep chu ka bánah min buntir ta a. A simple viau rualin a nalh hle mai! A thlang thiam hi ka'n ti khawp a, pawisa lam chu a nei turah ngai ang! Jane pawh kha tlereuh a leisak nualin ka ring, he pa zei dan leh hmeichhe rilru hneh a thiam dan em em hi a lutuk mah mah!

Mipa in thil min leisakna hmasa ber a ni a, ka thinlung tak erawh chu a lawm lo thei bik lo.

Dawr kan chhuahsan hnu chuan restaurant nuam takah hian min luhpui leh a, in ep chiah a țhuin Dominic hmel chu chiangtakin ka en a, hmeichhe tan chuan hnar harsa tak tur hmel a pu a ni. A rimtui hman rim chuan ka hnar a verh zar a, Gentleman diktak ang chiahin a lang, tunah kher hi chuan! 

Jane phuba lák chu ka tum tehmeuh mai, mahse ka thinlunga amah ka thlakhlelhna hi engtin nge ka tih ták ang? Ka rilru teh hrep pawh hi a!

Kan pahnih chuan sangha kan chah ve ve a, a tui ém avang chuan ka ei leh nual dawn tih ka hre mai.

Dominic chuan a chair nghenchhan chu a ngheng ur ur a, nui hmel pu deuh chung hian min rawn en a, "I pumah hian a léng hnem thei phian mai ka ti Kiara," a ti a.

"Model ka nih loh vang a niange, ei leh in lam hi ka insum vak lem lo," ka ti țha ve mai a. Wine in min phalsak avang chuan no khat chu ka in zo der tawh a, mitzim san a min en chung hian, ka no chu a lamah dah hnaiin min chhun khah sak leh a. Tuna a awmdan hi ka ngaih a țha fahran lo, inthlahna hun hmang te pawh kan ang dawn alawm!

Waiter-in kan plate ruak rawn seng pahin, dessert menu a rawn dah leh a. Rapsberry kan thlang ve ve a.

"Kan thil duhzawng a inang zel mai a nih hi," Dominic chuan a ti sup a. "Black coffee hi i duhzawng a ni em?" a ti leh a.

"Ka duh vak lo."

"Tak tak, keipawh ka ngaina lo," naupangchhia zetin a ti a.

"Chutiang bák chu in anna kan neih pawh ka hre lo," nui sáng hian ka lo ti a. Dominic chuan ngun fahran hian min en leh reng zel a, vawiin a awmdan hi mak tihna riau ka nei! Mahse, ka sawi chhuak lem lo.

Chutia restaurant a kan țhut hahdam lai chuan Dominic phone chu a vibrate leh cher cher țhin a, a ngaihsak lem hlei lova. 

"Hun thawl tak hnuaiah thawmhnaw in ang ha a bazar i duh em?" tiin min rawn zawt thut a.

"Maw, thawmhnaw inang maw?" Mak ka ti lo thei lo. "Umn..kal ang le.." tiin counter lamah chuan min hruai a, kan eina bill a pék fel vek hnuah restaurant chu kan chhuahsan ta a.

Thawmhnaw zawrhna building lianpuiah chuan min luhpui a. Ka hâk tur kamis țial a thlan chu min pe a, ama ta tur chutiang rawng tho chu a thlang bawk a, Torn jeans mipa leh hmeichhe hák navy blue kekawr ala tel bawk a; a thil thlan reng reng chu a țha chi leh man to chi zel a ni. Boot pawh design inang chiah a thlang leh a, ka ta tur zawk chu bun chhin turin min ti nghe nghe a, cowboy hun laia an incheidan ang maiin kan lang thei dawn alawm le..!

A thawmhnaw min thlansak ho pawm țán chung chuan dressing room ah chuan ka lut ta a. Dominic pawh mipa inthlákna tur room lam pan chuan akal ve bawk a.

Ka thawmhnaw inbel chuan ka landan a ti danglam kher mai. Ka hák tawk a hre chat zel thei hi mak ka la ti a ni, Eng rilru nge a put a, hetiang ngaihtuahna te a neih reng reng!? A kum ngaihtuah chuan puitling viau tur a nia sin le...

Dressing room ațanga ka chhuah chuan Dominic chu ala rawn chhuak ve lova. Mipa zawk si a rei phian mai!

Minute sawm dáwn ka nghah hnu chuan paper bag khai chung hian a rawn chhuak ta a. Min hmu lo a ni ngei ang? Min zawng niawm tak hian a hawikual a.

"Dominic," ka lam arawn hawi a, a nui var var bawk.

"I inhmeh ka ring reng a ni," tiin ka lam panin a rawn phei a. Ka thawmhnaw dahna bag chu min láksakin pawnlam pan chuan min kaichhuak ta a.

"Eng lampang nge lei hmasak i duh?" tiin min zawt a.

"Lei ngai ka neih pawh ka hre lo, dinner special tak buatsaih ila, chumi tura kan mamawh lei chu a ni mai. Zanin chu champagne kan dawm dun ve ang chu," tlawn pah deuh hian ka ti a.

"A țha alawm, hawh le..kan țan nghal mai loh chuan farm house kan thleng tlai lutuk ang?"

"Leh lawk, thawmhnaw leh bracelet min leisak vang hian ka lawm e," tiin dingdihlip ák ák hian a nghawngah chuan ka kuah a, ka lamah kuai hniamin a hmuiah tak chuan ka fawp ta a. 

Reilote chauh fawp ka ni a, mahse Dominic chu chesawn mai lovin, min en deuh reng a. Chutah nui sukin ka kutah chuan a chelh a, bazar hmunpui lamah chuan min hruai ta a.

Dominic Pov*

Kiara kalsan chu ka hreh takzet, farm house kan chhuahsan pawh chuan Washington kal loh dan kawng ka la ngaihtuah char char a. A kianga awm hi ka thlahlel viau tawh a lo ni.

Bracelet ka leisak te chuan hmeichhe dang chu ni se, an khu ruai ang chu.. Ka Kiara hi chu a ni ve hauh lo. Lawm lo anga lang chuang miah si lovin, zahawm takin a awm thiam tlat a ni. 

Restaurant-a kan awm lai chuan vawi engemawzat ka nau(Gavin) chuan min rawn phone tawh a. Leeds arawn thleng tawh tih ka hria a, kan ruahman láwk tawh angin thawmhnaw dawrah min lo nghak ta kha a nia. Thawmhnaw inang ha a bazar puiah Kiara ka sawm ta ringawt a nih kha!

Dressing room-ah Gavin chuan min lo nghak reng tawh a, ka thawmhnaw lei chu alamah theh pheiin rangtaka ha turin ka hrilh nghal a. Ka nau lah chuan serial film chang turah a inngai deuh nge? A phûr hle lehnghal!

"Bro, a hmelțha em?" Gavin chuan min záwt sek a. Ninawm hian a!

"Țawngtam lo la, care viau ang che, ka lem i chang dawn tih hria la, ti thinrim hauh suh ang che," ram hmuk hian ka ti a. A la nui țháw zui ah...

"I ko duat ve em? Entirnan sweetheart, honey..tih vel te'n" ngeiawm tak hian a ti leh a. Ka hriat țhin a bialnu boral hmaa Gavin, chimawm zet a kha a ni leh hialin ka hria.

"Teuhlo, Kiara a ni tawp mai, eisiam a thiam lova, breakfast, lunch, dinner heng zawng zawng hi i siamsak vek dawn nia." Ka tih chuan a nui lai a tawp chat a.

"Enga, chung zawng zawng chu ka tih vek angai ang maw!?"

"Yes, bro...all the best," tiin kan naupanlaia kan tih țhin angin a bánpuamah chuan ka hnek sak a. Gavin paw'n eisiam chu a thiam viau, mahse a thatchhe hle a ni.

Hun kan ngah loh avangin thil zawng zawng inhrilh hriatna hun a awm tawh lo. Phir ah pawh kan inang zual em em a, Gavin hi kei aiin a hniam hlek a, ka pianpui sam a dum hlap a, Gavin sam erawh chu a uk buang kharh thung. He laia a lo kal dawn avangin ka sam ráwng ang thei ber turin ka tih danglamtir chúk chûk ta kha a nia. 

Kiara chuan a hriat hran loh hram ka beisei takmeuh! Nithum chhung lek chuan Gavin pawh a lo inthup ve deuh mai niang chu...!

Dressing room ațanga Gavin chhuak lai chu ka thlir reng a, Kiara thlalák ka entir theihnghilh daih! God..

Ka va inlan leh arem tawh si lo, Gavin lah chuan anthawmhnaw hák ațanga hrethiam ve mai ta lo chuan, a hawikual vak vak a. Ka mangan zia kha! He pa thluak hi chuan a ngaihtuah tlém teh e...!

Vanneihthlak takin Kiara chuan a lo ko ta hlauh a, ka thaw huai mai!

Kiara, lawmthu sawi ri te chu ka hre pha vek a, keimah ka ni lo tih chu ala hre lo phawt chu ania!

Mahse...Engnge ka hmuh hi! Kiara chuan Gavin ngháwngah chuan kuahin alamah akuai hniam a, a hmuiah a fawp a nih chu...

Damn..shitt, Ka phirpui Gavin chu keimahah angai hmak thei a nia...

Chutia Kiara nen an infawh lai chuan ka unaupa chuan a kut chu hnunglamah rawn dahin, thumbs up min rawn pe zauhva...Chimawm hian!

'I kut hmawr pawha i khawih a nih vaih chuan' ti supin, Gavin leh Kiara chu ka kalsan ta a....

Mahni unaupa ngei pawh ka thîk rum rum mai dawn alawm le...Lemchan mah ni se....!

©<++++[BeckirafArenthleI]++++>®

Chapter-6

Dominic nena bazar chu a nuam dangdai hle mai, pawisa angah phian lehnghala, eng hna nge a thawh ang le? Tih ringawt chuan ka rilru a luah leh ngut ngut tawh. 

Kal lam kha chuan min be hmasa zawktu kha a nia, tunah chuan a țawng tam lem lo khawp mai! Keimah deuh hlir ka țawng char char a, thlaihnah leh theirah tharlâm ka thlan te chu sawisel lovin a man a pe nghal hmiah hmiah a. Kan thawmhnaw hák a inan vang nge? Min hmu apiang chuan min thlêk zui zel a, Dominic lah chuan intitatu deuh hian ka kutah a vuan deuh reng bawk a. A nuam dangdai viau!

Champagne leh Beramsa kan lei leh hnu chuan inkhai báwr lâkin car awmna lam chu kan pan a. Min thlir rengtu awm anga hriatna ka neih tlat chu le..! Ka hawikual ngial pawhin chutiang awm ang ka hmu bawk si lo. Helai hmunah hian hmelhriat pakhatmah ka nei reng reng hleinem! 

Farm house kan panna kawngtluan chuan kan țawng mang lo reng reng a, Dominic mize cool ruih chu hrethiam lo zet hian ka melh leh zauh zauh țhin a. Chutia ka en apiang chuan min lo en ve zauhvin a nui leh suk țhin, hepa hian eng style nge hman a tum leh ták ni!?

Farm house kan thlen hnu pawh chuan kan thil lei zawng zawng chu Dominic chuan a dah fel vek a. Thil hnawk a ngaithei lo viau a nih dawn hi!

"Eitur kan siam vek hnuah kan intifai chauh dawn nia," Dominic chu a rawn țawng ve ta hram a.

"Beramsa hi oven-ah kan ûr hmin dawn nge? Pawn lamah meichhemin kan hem zawk dawn?" tioa ka zawh chuan, "I duh dan zawk zawk a ni mai," a ti sup a.

"Ok..oven hi hmang mai ang, páwnlama hun hman a chákawm rualin ka tihpui thiam ve dawn si lo che a, inchhungah hian i tlingtla law law mai ang aw!? Ka ti ta a.

"Umn..Kum engzat nge i nih tawh Kiara?" 

"Maw! tukin lawkah pawh ka hrilh reng che sia," angaihna hre lo zet hian ka ti ha a. "Sorry, ka lo theihghilh leh daih," ngaipawimawh awm lo tak hian a ti leh lawi a.

Salad, steak leh soup ka siam a, Dominic ve thung chuan Beramsa chu  oven-ah a ur a. A chezia nguntaka ka en chu hre awm hmel pawh a pu lo. Dinner kan peih vek hnu chuan inbual turin room lamah ka kalsan ta a.

Talinda nen rei fé kan inbia a, naktukah Talinda damlo chhuanlamin Crew-ah Dominic chu inhruaitir turin min ti a, zanin hian hrai rui turin min ti nghe nghe, chu erawh chu ka hnial thei hram..a ruahman dan chuan Leeds thleng Dominic Jaguar car in ka kal anga, chuta țang chuan car dang 'hire' turin min ti a ni. Sum lamah harsatna ka nei lo, mahse engtin nge Dominic chu ka bûm ták ang? tih hi ka buaina chu a ni.

Ka inbual zawh chuan silk kawrfual ka khúp thleng chauh chu ka ha a, ka sam chu a tlét sar thlenga khuihin ka darah a innghat chhap a, make up pawh ka hmang ve nual. Zanin hian Dominic rilru ka hneh ngei a ngai dawn tih ka hria a, nalh thei ang bera ka lan a țul tlat a ni.

Hall ka thlen chuan Dominic chu sofa-ah thatchhe zet hian a lo țhu thluang duai a, hetianga a awm lai hi ka la hmu miah lo! Ngun fé hian min lo en a, a mitmeng chu nidang anglo takin a dum fiah deuh, a buang thák țhin kha a nia. Ahhh..a mitmu rawng danglam țhin hi ka la hre ngai lo a nih dawn hi. Ngaihawmnaa khat hian min en a. 

Jeans leh kamis ha țhin khan zanin chu dinner suit a ha ta thlap mai. A la inhmeh em em zui! Hetiang thawmhnaw pawh hi a inhmeh tho a nih hi.

"Kiara, i nalh hle mai," ti supin, a bula țhu tur chuan min mitmei zauh a.

"Nangpawh mawle, khatiang thawmhnaw kha i inbel tih awih harsa ka ti, i inhmeh hle mai," ka ti ve zat a.

"Dinner special tak kan kil dun dawn ania, jeans nen ringawt chuan i lunghnur palh ka hlau deuh a." A nui leh suk a.

 "Intur lam kan țan dawn em niang," inla zei fahran hian a bulah ka țhu ve nghal a. Dominic chuan ka darah vuanin alam hawi tur chuan min kuai her hret a, îtna, duhna mitmeng hian ka mitah chuan enin a hmui lum ham chuan min fawp ta a. A rimtui inhnawih rim chu nizana a hman nen khan a inang miah lo, thildang ngaihtuah duh lovin min fawhna chauh chu ngaihtuah ka tum ta zawk a.

Ka lo chhánglét ve tih a hriat chuan Dominic thaw chu a rang sawt a, ka hmaiah te chuan fawp lawr dan danin, keipawh chuan ka lo ngheng hnai ve țalh țalh a. Dominic chuan a duhthawh sawt viau a, a kut chuan ka mal te chu a chûlkual ruai a. Zanin hi a danglam riau mai! Ka plan a fuh chho dawn e...

Chutia kan infawh mawlh mawlh lai chuan Dominic chu inlahrang deuh thutin, inthunun tum hian tháw a la hrawk a. Amah ka vawnna chu dimte hian min phelhsakin, a tho chhuak ta daih a, a chétdan chuan min ti hamhaih hle mai!

"Enge ni ta?" tiin ka zawt vat a. Ka mitah chuan rawn enin hrehawm tihna niawm tak hi alang zuai a, mahse a rei lo ém a, ka hmusual a nih ka ring mah zawk!

"Intur chu kan dawm dawn em niang, hun kan la ngah viau a nia, Kiara," a ti fel ât a. Lawm viau tur ka ni, mahse ka lawm hauh si lo.

Kei hian Dominic hi ka lo thlahlel hle tawh tihna em ni?

Minute khat zen zawn hnuah Dominic chuan champagne bur chu hawngin glass no khat pap hian min pe a. Min hnáwl ni a, hriatna ka nei tlat a, chu chuan min tina tlat a nih chu..Intur chu banin ka tháwkkhat pawp a. Rui hnápin in ila a zia deuh mahna!

"Khatianga i in chuan reiloteah i rui mai dawn a sin," nuihzat hmel tak hian min la ti zui a.

"Ka hria e, ka hria e," tiin amah pawh en duh lo chuan ka no chu ka thlikhat leh nghal zat a.

"Pawi ka ti ngawt mai Kiara, mahse khatia in vak vak kha chu a țha lo. Muangchángin le..." a ti dam thluam a.

"Ti hian kan titi reng dawn nge? Dinner kan ei dawn!?" Ka ti hmak a.

"Ok..kan ei dawn nia, honey."

"I honey ka ni lo."

"Nih leh Kiara." Dominic chu za tak hian a nui ta hawk hawk a. Chu chuan ka thin tertek a tichhuak leh tlat!

Ka țhutna ațang chuan tho tharhin, dinner chu ka buatsaih mawlh mawlh a. Dominic chuan ka kawngah rawn kuah vatin, "Ka fiam che a nih kha Kiara, thinrim lul suh," a ti a.

"Min nuihzat kher kha angai lo," ka túm bár a.

"Hey, thinrim awih loh, i tihtauh chuan kan dinner special programme hi a flop vek tihna," Dominic chuan a ti ta a.

A nui hmel chu nidanga ka la hmuh ngai loh a ni. A landan danglam zet chu inhre hmel a pu țhak lo a, a mitmu rawng hi kei hian ka lo hresual chhiava a nih hi, a buang reng reng lo. A dum țha hle zawk a ni, engtinnge a hma khan ka lo hmuh ngai miah loh le..? 

"Ok...Beramsa kha cut la, a dang hi chu ka kutah dah rawh," nui var var hian ka ti ve ta a.

"Titau tawh suh aw, honey," a la nui reng a, ka sawi ang chuan sa chu a cut ve mai bawk a. Vawiin Dominic awmdan zet chu a dang zar mai! Duhtak, ti a min ko tawh lovin 'honey' min han ti ngei a, romantic seen pawh a thiam tho a nih hi he pa hian...

Hlim takin dinner chu kan ei a, a mitmeng dum fiah kâk chuan ka thil ei lai chu min lo thlir leh veng veng zel. Vawikhat min hmuhna ang mai hian a mit chuan min kalsan meuh lo...tun hi Talinda chungchánga dáwt ka hrilh hun țha ber tur chu a ni... 

"Dominic." Ka ti sap a.

"Yeap," min rawn en nghal vat a.

"Ka țhiannu kha a damlo a, naktuk hian Crewe-ah kan lêt angai." 

"Tu i țhiannu maw!?" A ti hu a, makti hmel a pu bawk.

"Talinda mawle, naktukah Leeds thleng jaguar-in min dah la, a bâk chu ka inngaihtuah ve mai ang," ka sawi mâm țha viau e.

"Kal ngei ngei a ngai kher em ni?" Lawm chiah lo hmel a pu deuh a. Ka lemchan ințan hun chiah a ni e. 

Dominic lamah chuan kal pheiin, a malchungah tak ka va țhu tharh a. 

"Kiara, hetiang hian awm teh suh,"  a ti thám țuak a.

"Min lo ning tawh viau a nimaw Dominic?" Titau áw a ka tih chuan ka biangah a fawp zauh va.

"No, Crewe-ah chuan keiman ka hruai ang che," a ti ta a.

"Tak tak, dáwt min hrilh lo tiraw?" tiin a nghawngah chuan ka kuah a. A hmui  fawh chákawm taka chhah deuh tapah chuan ka fawp ta vang vang a. 

Chutia duhthawh taka kan infawh lai chuan Dominic phone ah lai chu a rawn ri phut a, kan inthlah chiang kher mai! 'Hun lo lutuk' ka ti chhuak sap a. Ka țawng a hre pha tih ka hriat chuan ka zak ru leh deuh! Amah thlahlel viau angah min ngai tawh ngei ang!

Dominic chuan a malchung ațang chuan min dah thla a, a phone chu phawrh chhuakin a chháng ta a. Engtiklaiin nge phone thar a lo neih hman bik le? Vawiina a lei chu a ni lo phawt! A chhan pawh dressing room tih lovah kha chuan a kiangah ka awm zel a, ani hian phone pahnih a lo nei ru reng a nih dawn hi...!?

Ka phone hmang angaimawh em em a, ani ve thung chuan a duh hun hunah midang biaknan a hmang leh tho si! Ka lawm bik lo...

Dominic țawng mawlh mawlh lai chuan a hnunglamah dimtein ka phei țhám țhám a, a inrin hman hma chuan a phone ken lai chu ka chhuhsak ta thut a. Rawn call tu pawh en lem lo chuan ka tlánchhiatpui ta daih a.

"Kiara, eng thil nge maw i tih le!?" Dominic áw ah chuan hlauhthawnna ri a tel. Fiam ka la châk tlat!

"I duh chuan lo la ve mai la," tiin bedroom ah ka luhpui a.

"Kiara, please, a pawimawh a nia," thinrim ngam chiah si lovin a rawn kal hnai ve zel a. Kei lah chu khum chungah lawnin ka nui har har a, ka chêt dan awih thei lo hmel taka Dominic an min en chuan ka nuih a za tulh tulh mai! 

"I chák lo khawp ang," tiin a pheikhawk bun lai chu a phelh sawk sawk a. Khumah chuan a rawn lawnkai ve ta a. Ka phone ken lai chu lâk tumin a rawn ban a, keiin alák hlauvin ka lo chekual ve sek thung. 

"Honey, duhtawk teh," tiin a nui hawk hawk a. "Please, I need you, Kiara," ti phawt la! Ka tih chuan rang fahran hian min rawn kuah thutin ka phone kénna lam ka kut chu nghet tak hian a chelh a. Chu chu remchangah hmangin a hmuiah tak chuan ka fawhsak ta a. A meng deuh káwk chu ka hmu hman tho!

Duhthawh taka infawpin kan thaw dun halh halh a, Dominic chu inlahrang hmasain, "Kiara," zawi tháwp sat hian a ti a. Ka kut a vawnna chu a thlah riai a, a mitmeng buai deuh nak chuan ka thiltumah ka hlawhtling tih min hriattir thung! Dominic mitmengah chuan min duhna,îtna leh thlakhlelhna alang dawt zut mai a ni.

Phone chu pe lêtin, "Phone khawih min phalsak lo a, nangpawhin khawih tawh bik suh," ka ti sap a.

"Umn..mahse...Kiara," a țawng bah ve nak tho. Phone chu bih leh zauhvin a off ta a. Kan boruak țang ru tak chu kan hai lo ve ve.

"Champagne kan la ngah sia, kan dawm dun leh dawn em niang," ka tih chuan min pawmpui nan a lu a bu nghat a. Khum ațang chuan chhukin hall lamah kan inzui phei leh ta a.

Naktukah Crewe kan pan dawn a, tluangtaka kan thleng thei a nih chuan interview pawh ka nei thei dawn e...Plan 'A' chu a kaltluang hle mai! A bâk chu hunin a hril ang chu...

Dominic nen chuan sofa ah țhu dunin intur no kan dawm leh ran tawh a. Nichin lawka kan chét dan naupangchhia zet kha ngaihtuahin, ka nui hak a.

"Enge i nuih chhan min hrilh ve la?" 

"Crewe kan thlen hunah i apartment-ah tho khan em ni i awm ang?"  A zawhna pawh chháng lo chuan thildang ka sawi daih a.

"Umn..i chénna hmunah awm ve turin min duh tihna mi." Thutak zet hian a ti a.

"Maw! Ka chénnaah maw!?"

"Aw.. mak i va ti awm ve a," tiin ka no ken lai chu a no chuan a rawn khak zauhva, "A...eng lo..i ti tak tak lo tiraw?" Ka ti bah nak a.

"Ka fiamthu a nih kha, zankhat bák Crewe-ah kan awm lo ang, farm house ah kan lêt leh tur a ni. Chumi anih loh chuan kan kal thei lovang!" Dominic chuan a ti ta a.

Zankhat chauh maw kan awm dawn? Ka inpeih hman ém ang chu!

"A țha alawm Mr.Hetfield," ti-el lam lek lek hian ka ti a. Mitko a san ák duh chauh.

Dar kua arik meuh chuan mutchhuakin min zem chiai chiai a, Dominic erawh chuan thukah thing ala tuah belh sauh sauh a, mutchhuak hmel a pu ve lem lo. Movies entur tal awm se a zia deuh tur a nia, heti ringawt chu a zia lo lam deuh chu a ni.

"Dominic, mut mai ka duh, naktukah chuan hma deuh hlekah chhuak thei ila ka duh ngawt mai," ka ti a.

"Kan tum dawn nia, zanin chu i pindanah riak ta mai che," a rawn tih chuan ka hrilhhai hle a, diktak chuan a kianga mut kha nuam ka ti viau a, him riau a inhriatna ka nei țhin. Mahse, zaninah chuan ka bula mut a duh ta lo phawt chu a nia! Thinur ru țeuh chung chuan amah pawh en tawh lovin ka pindan lam chu ka pan tau hmak a.

Ka khumah chuan muin ka inngaihtuah ngut ngut a. Zan hnih chu Dominic kiangah ka mu tawh a, ka thlém ngial pawhin hmangaihna chénpui min tum hauh lo hi mak ka ti lo thei lo! Mipa dang nen khaikhin chhin ngaihna ka hre lo nain, a mize dangdai zet hian amah min ngaihtuahtir lo thei lo. 

Pindan leh lamah a mu tih hre reng chung hian engtin nge ka mutthilh theih ang?

Gavin Dron Malakian Pov*

Ka ú Dominic nen hian kan in ngaina hle a, unau pianpui dang kan nei lo a. Ani chu businessman a ni a, kan tui zawng a hrang hlak thung. Sumdawnna lam hian ka thinlungah hmun a chang lova, tun thleng hian Dominic thlazar hnuaiah ka la awm ta reng chu a nia, min ngaihsakin min duat hle bawk. Car Racing ka tuipui viau a, chu erawh an remti lo bur thung a ni. Mahse, an thu zawm duh lovin keima duhthu ngeiin ka tilui țang țang a. Ka hmangaih ber Jane Lawford ka chán phah ta kha a nia.

Khami hnu ațang khan ka nun a buai chhova, hmeichhia reng reng ka hnaih tawh ngai lo. Dominic hian țanpui ngai lo se chuan tunah pawh he Kiara Forbes bulah hian ka awm lo tawp ang.

Farm house ațanga ka puihna a rawn dil khan ka hnial nasa hle a, ka u hian hetiang khawp hian hmeichhia a átchilh ang tih hi ka ring pha lo. Rei fé kan inhnial hnuah, min ngenna chu ka pawmsak ta hram kha a nia. 

Hmeichhe kawp lâwr ve tak a ni. Keiin Jane rinawm taka ka zui lai khan ani chuan hmeichhia tih tham fe a kawp hman a nia. Heti taka ama lem ka chan a ngaih ták hialna hmeichhia chu hmuh ka châk ve ta a. Ni reilote lemchan ringawt chu ka thei ve turah ka ngai nghet hmak. Ka ú tan a nih chuan hrehawm deuh mahse ka ti ve hram a niang chu.

Jane Lawford bâk ka tan hmeichhe dang an awm thei lo. Mahse, Kiara nen reilote kan awm chhung ringawt pawh khan Dominic hian engvanga átchilh viau nge a nih? tih ka hrethiam ve chiah.!

Kiara Forbes, hmeichhe ngaihawm tak leh hmelțha tak a ni. A pian dik thlarh te chu mipa tana hnar harsa tur tak a ni a, hetiang hmeichhia hi an váng viau a, Dominic hmeichhe lo kawp tawh te nen chuan a dang zar bawk!

Jane thih hnu a, ka hmeichhe fawh hmasak leh ber chu ka unaupa bialnu a ni ang tih hi rin harsa ka ti hle mai!

Zanina min rawn phone tu kha Dominic a ni a, Kiara khan min chhuhsak ta daih a, engtin nge ka insawifiah ták ang? Kan țawng zawng zawng kha a hriat loh hram ka beisei! Keimah anga rilru naa a awm hi ka duh lo a ni. 

Kiara khan Dominic emaw min tih tlat avangin, ka kianga mut a inbeisei tih ka hria! Ka hmeichhe ngainat tur chi tak a ni. Zanina a titau pawh kha ka dem lo, atan hriatthiam theih chi ni hek lo le, ka unaupa bialnu bula mut ringawt kha ka inthiam thei lo, hmeichhe îtawm tak bulah lehnghal! Min thlém leh a nih vaih chuan ka țang zo dawn lo tih ka hria...

Second best nih ka tum lo.. Ka lo táwng hmasa lo hi ka vanduaina chu a ni. Englaimahin Dominic hi ka hmakhalh thei ngai lo chu a nih hi!

'Second best' ti chhuak leh supin ka glass no ken chu ka vawm keh ta chuai a.

End of Gavin Pov*

Ka harh leh chuan khua a vâr tawh a, ruah atla deuh lehnghal, kan chhuak thei lo mai ang tih ka hlau hle a, breakfast tur ka siam vat a nih loh chuan kan chhuak tlai lutuk ang. Dominic tehreng pawh hi a la tho lo em niang?

Hmanhmawh taka intifaiin choka ah chuan ka lut a. Thawm reh țhiap chuan ka awm a ti nuam lo viau, nizana a bula min muttir duh loh avang khan Dominic kaihthawh chu ka hreh ru viau, ka la thinrim deuh tlat!

Chhangtháwpah chuan butter tâtin kan pahniha eikhawp tur chu plate ah ka rem țhap a. Bacon leh Coffee ka siam leh tawp, a bâk chu kawnglakah kan inhnawhpuar ve tawh mai ang chu...

"I va tho hma ve Kiara, farm house chhuahsan chu i chák tawh awm hle mai!" Dominic chuan a rawn ti a. Choka ah chuan rawn lutin ka thilsiam chu a enkual a.

"Kan hmanhmawh loh chuan ka țhiannu a thinrim ang, breakfast ei ila chhuah vat ka duh," ka ti zung zung a.

"Eisiam i thiam lo a ni lawm ni? Engthil nge ka hmuh si hi, nimin tlaiah pawh Beramsa tih loh kha chu i siam vek a ni." Min bum hauh lo ang!

"Oh.. Dominic thildang chu i sawi rih lo teh ang, ka hmanhmawh viau a nia," ka ti leh a.

"A țha alawm, ei ila." Tukin chu a zia a dang leh ta, engzata tam nge he pa hian mizia a neih bik le!?

Ngawi rengin kan eidun ta a, Dominic khawsak phung hi ka hrethiam nek lo e! A cháng leh min duat hluau hluau a, ka invéng ve ran tawh ang.

"Thawmhnaw lum kan lei dawn nia," ti a, Dominic-an min rawn biak chuan ka lo phu zawk a.

"A ngai lo ang, ka lawm e," tiin ka lo chháng a, ka hmalam kawng chu nguntak hian ka en lui tlat a. Farm house kan chhuahsan ațang khan mumalin kan inbe tawh lo. Car darthlalang ruahin a rawn theh chu wipers chuan a lo tifai zel a, ruah pawh a sur tam telh mai!

Ka ke váwt tak chu car chhung lum chuan tih lumtir ka tum a. Khaw awmdan chu a țhat loh sáwt em avang chuan thawmhnaw lum lam inbel chu ka mamawh thuai dawn tih ka hria. Kan inkár boruak nuam lo ru zet chu a chhan ka hrethiam chiah lo a. Dominic hmél rum deuh tak chuan ka awm a ti nuam tehchiam lo.

A ruangám chu ka va melh zauhva, nithum dawn hepa kiangah hian ka awm ve ta a, a mize inthlâk reng hi hriatthiam a har a ni.

"Crewe a lêt leh chu i duh lo leh deuh em ni?" ti a min rawn en chuan a fiamthu chu engahmah ngailo anga awm ka tum tlat a, a duh duhin min tikual tawh bik lovang.

"Ka țhiannu damloh chungcháng a nia, ka rilru ka thlâk leh chu i ring tak takin ka ring lo," ka ti ve salh a.

"Hmeichhe inringtâwk tak hi ka lawmzawng tak an ni." Dominic chuan meng de sar chung hian a ti a.

Chháng lem lovin ka dar ka san ák ringawt a, Dominic chu hawisanin kan tlanpelh ták ram chu ka thlîr daih a. Farm house ah hian lêt tumna ka nei tawh hauh lo, ka hná chu ka apartment ațangin ka thawk zawm tawh ang. Dominic hian min hlátsan thut thei dawn lo tih ka hria, ka taksa a duh angin a la chén tlat lova; a tlâwm mai mai lovang tih ka hria a ni.

"Titau duh suh Kiara, thil chin țha lo tak a nih kha," a rawn tih chuan ka lo en vat a. "Ka titau lo ve, sawitur ka nei lo a ni mai alawm" ka ti hmak a.

"A țha, hmeichhe ngawih hun hre tak hi ka duh, i bulah chuan mak min tihtir thei thil a awm fo dawn a nih hi," tháwp sat hian a ti a. Min tih thinrim a tum chiang Dominic hian! Hrep tak hian!

"Oh...ngawi hmiah mai teh," ka ti ta ringawt a.

"Kan hma lawkah sawn eitur zawrhna a awm a," a ti sup a.

Hnial ka duh viau naa, mahse a taksa lian leh sei thlurh chu motor țáwng zetah darkar hnih chhung deuhthaw a awm tawh avangin a chau tawh hle ang tih ka hrechhuak leh a.

"Awle, boss, kan inhnawhpuar dawn nia" ngeiawm zet hian ka ti a. A nui suk.

Ruah pawh a hán deuh tawh a, Dominic chuan a jacket háklai chu hlipin, ka darah min sintir a, dawr awmna ah chuan min kalpui ta dawr dawr a....

A duhnaah hi chuan a polite thei viau zel!

Kan tlânchhuah leh meuh chuan ruah chu a hán fel vek tawh a.

"Kiara, car khalh thiam tak ka ni tih i hre tawh em?" a ti ta a.

"Huhh..ka awih chu ring suh, hetiang car-ah hian ka chuang leh tawh lo ang," ka ti vei hmak hmak a.

"I seatbelt hrêng nghet rawh le, min ngaihdan a dang deuh mahna!" tiin Dominic chuan steering chu nghet zet hian a vuan a, a speed chu tisángin chak fé hian min tlanpui ta a, minute nga dawn chu ngaihtuahna mumal nei lovin ka awm. 

Jaguar car-ah ka chuang tih pawh ka theihghilh thei mai dawn alawm, car racing-a tel ang mai niin ka inhria a. Dominic car khalh thiam dan chu a turu lam hret a ni! Kan kal lamah te khan hetiang hian khalh se chuan kan thleng hma viau ang! 

Car chu hnehsawh fé a thununin, a khalh zar zar a, amah lah chuan nuam a la tih hmel em em zui a...!

Hei pawh mize thar leh bawk! Engtikahmah hepa hi ka hrechiang thei ngai dawn lo a ni hi...

©<++++[BeckirafARenthleI]++++>®

                  Chapter-7

Dominic chuan car chu hnehsawh zetin a khalh par par a, kan inbe tam lem lo khawp mai. A mize thar hi ka ngaina tehchiam lo, a eizawnna leh a thiltih țhin pakhatmah hriat ka nei lo.

"Dominic, zawh che chu ka hreh viau naa, englam nge i thawh țhin?" Ka ti ta tawp a. Tlem tal ka hriat loh chuan nuam ka ti thei hlawl tawh lo a ni.

"Hah, rindan i nei em? Han ring chhin la," a ti liam puat a. Sawi thui a tum loh hmel kher mai.

"Ka hriat loh vang alawm ka zawh che?" Ka ti deuh hmak a. Chutia a chanchin sawi a hreh viau chuan ka zawt tawh lo tawp ang!

"Sawitur a tam emai, engkim ka thawk vek, i hrethiam ve chuang lovang," a ti sup a. 

Hepa hian thil thup a nei chiang a ni! Talinda nen inbe țha ila break a ngai a ni. Chiang zawka a chanchin kimchang hriat phawt hi kan tih tur niin ka hre tawh.

"Engmaw? Ka va'n hrethiam lo..." ka ti leh a. "I hrethiam lovang ka ti reng a lawm le," ti hmukin kawng chauh chu a en leh ta daih a.

"Dil chhút satliah vang mai mai anih kha, ngaipawimawh duh suh," ka ti ve zaih a. 

Tuna car khalh mêktu hi chu Dominic ka hriat țhin kha a ang lo, mi hrang daih ang mai a ni.

"A țha e, thil hriat tam loh hi a țha," a hmel ațang chuan angaihtuahna tilang lemlo mahse a insangmar țeuh tih ka hmu ru reng!

"Umn...inbiak hian awmzia a neih pawh ka hre lo e a," tiin mutthilh tum chuan ka maimitchhing ta daih a.

A nui hawk ri chu ka run kher mai!

"Kan thleng ta," tih thawmah chuan ka harh zawk a, ka lo muhil char char a ni ngei ang. Car chhung lum ham ham chu chhuahsan ka hreh kher mai! Tukverhah chuan ka dák a, ka apartment kawtah kan awm reng reng lo. Dominic apartment kawtah lawm kan awm le...!?

"Engnge awmzia!?" Dominic en chung chuan ka ti hliai a. A ngawi ngul a, ka țawng hrelo ang hmiahin a awm.

"Dominic, ka apartment ah min dah ve mai ta che, enge i hriat a? Talinda damlo buaipui ka ngai tih i hre vek a, chuti chung chuan i chénnaah min la hruai a nia," ka ti hmarh hmarh a.

"Taxi in kal mai rawh, ka chau tawh."

A va'n polite lo sáwt ve le, ka thin a rim tet tet a, ka chénna hmun te chu a hlat loh tehreng nen. He laia tlantlang lo hian min kaihthawh ve mai tur a nia!

"A țha e, taxi chuan ka kal khawp ang! Chuan hei hi lo hria ang che, i rual hian khawiahmah kal ka tum tawh lo," tiin ka seatbelt hren chu ka phelh pah mawlh mawlh a.

Car kawngkhar ka hawng tur chiah chu rangzeta ka bánah pawtin alamah min hnuk hnai ruak a. Rawn kun hniamin ka chét sawn theih hma chuan min rawn fawp ta a. 

Vawiin nilenga ka lo beisei tawh nimahse, chutia min rawn fawhna chuan ka taksaah danglamna pakhatmah a thlen lo. Nizanah te kha chuan phur takin ka chhánglêt a nih kha, mahse tuna min fawhna hi chu mak takin ka engahmah a thawk lo!

"Kiara," a ti leh sup a. Inhnehtir mai mai ka tum tawh bik lo. Farm house ni lovin, helai hi chu Crewe a ni. Ka lemchan hian a thawk țha em? tih chu kan la hre thuai ang chu!

Dominic chuan min fawhna chu thlahin min en deuh vang vang a. Insiamrem vatin car ațang chuan ka chhuk ta a, farm house ah kan thawmhnaw kan kalsan vek a, lét leh tum anga ka lan theih nana ti ka ni. Min chelh zui a tum bik lo.

Taxi lo kal hmasa ber chu phar dingin, Dominic min enzui rengtu chu ka tlanliam san ta a. Amah ka lo thlakhlelh ruk ve na zawng zawngte kha a bo duakin ka hria, Dominic min ngaisaktu leh min duat em em tu, cool ruih kha ka duh daih zawk..Tuna ka kalsan tâk kha chu ka ngaina lo tak zet.

Dominic Dron Malakian Pov*

Ka unaupa kutah Kiara ka hnutchhiah ta ngawt chu a nia. Jane tih loh kha Gavin hian hmeichhe dang ngaihsak a nei lo. A thih pawh khan a tuar reng a nih kha, Kiara bula a awm thei bîk tur ringawt pawh hi ka thîk hliah hliah a. Mahse, chanchin hre tura ka phone khan an hlim hle tih ka hre mai; phone off mai nachang an hre lo a, an thusawi vel pawh ka hre thei vek. Kiara chuan Gavin chu a fiam a ni ngei ang? An nui ri chuan ka beng a verh zar a, thinrimna hian ka khat nghal vek!

Gavin hnenah a kut hmawr pawha tawk lo turin ka hrilh chiang hle sia. Kei hi ka lo â takzet a ni.

Phone an off hnu pawhin ka ngaih a țha thei reng reng lova, hmeichhe dang ngaihsak reng reng lo tu ka unaupa nui ri ka hriat rual khan ka hlimna aiin natna min thlen zawk! Hrep tak hian..! Kei aia a lo che hmasa a nih vaih chuan ka that duh hial ang!

Kiara tan erawh phir(Twin) kan ni a, min hre hrang ta lo phawt chu a ni teh chék anga!

Gavin erawh chuan ka duh zia engkim hrechiangtu a nih avangin, a lo thlém thlu a nih teh chuan ka ngaidam ngai lovang.

Vawiin kan meeting zet chu a rei hle mai, a khât tawkin Gavin biak ka tum reng a, a biak tlang theih țhak loh lehnghal! Hrep tak hian! 

Meeting kan zawh veleh tawi khawmuang lovin ka penthouse-ah ka haw ghal nal nal a. Zanin la la hian Leeds pan ka duh rum rum nia mawle! Hmeichhe satliah pakhat vangin ka nunphung a danglam ta dawrh chu a nia...

Whisky no dawm chung chuan Gavin phone tumin ka la bei ngar ngar a, zanin pawh farm house-ah kal ringawt dawn mahila ka unaupa ber ka biak theih tlat si loh chuan thil a khawlo thei ve tlat...ka farm hause ah nuam an tawl dun a nih teh chuan ka chhuah hauh lo ang an pahnih hian!

Ka phone rawn ri thut chu rang fahranin ka chháng a.

"Yes,"

"Bro, thil a khawlo vek," Gavin áw ka hriat rual chuan ka insehruh nghal a.

"Engvanga i phone kha off tlat nge i nih? Phiangsen che hian!" Ka ti tuarh a.

"Hahdam rawh, hahdam rawh," a rawn ti a. Tun ang dinhmunah ka hahdam anga maw!?

"Sawi rawh, vawiinah enge in tih, Kiara tunah khawnge a awm,"

"Min sawitir reng ta che," muang ruih hian a la rawn ti a. He pa thluak thawl dan em em hi chu. "Sawi la, achungah enge thleng," ka lo ti leh țhawt a.

"Umh..englo a nia, farm house ah kan awm tawh lo. I apartment ah ka awm, Crewe-ah ka tihna nih chu," a ti ta a.

"Engtin nge a nih theih? Khawnge Kiara."

"Tukin khan farm house kan chhuahsan a, a țhiannu a damlo a, kan haw ta a ni."

"Talinda maw? Chuan engtin? Sawi chhunzawm rawh," ka ti hmuk a.

"A chénna hmun hre miau hek lo, i apartment kawt ațangin taxi in a kal ta a nih kha, mahse lungngai suh him dam takin a thleng, ka zui ru diam tawh," Gavin chuan a rawn ti leh zuah zuah a.

"Gavin," ka ti țhawt a. Lalpa...engtinnge ka tih ták ang? Kiara hian min ringhlel khawp ang le! Unaupa láktlák loh zet chu a lo ni, min lo phone mai se țha tur a nia...

"Bro, ka thiamloh a ni lo ania, i honey kha a luhlul ru ve riau a, 'I kiangah vawikhatmah ka kal leh tawh lovang a ti' i thlém ve fe chu angai ang! Hmeichhe phur thei leh ngaihawm tak a ni," a tih leh chuan thinrim lutuk hian thaw ka la kawk a. Ka bulah chuan awm se kut ka thlak hial maithei a ni. 

Gavin hi a naupan lai ațang tawhin a chimawmin midang run luih a peih hle a, Kiara bulah chimawm a chhuah a nih vaih chuan an inmil tawp lovang.

Min ngainat ve na leh min thlakhlelhna mitmeng te kha ka unaupa phiangsen vang hian ka chán a nih vaih chuan!  

Kiara hi nupuiah neih mai ka duh! 

Naktuk zingah ka private jet hian Washington ka chhuahsan ang. Duh leh Australian Merger chu lo awm ve mai mai rawh se, Kiara hi ka hlauh thiang lo. 

Gavin nen kan inbiakna ka tihtawp hnu chuan whisky no thum zet ka in leh a, Kiara Forbes, engang mi nge i nih tih hi ka hrechhuak thuai ang ka ti rilru a.

*Gavin Dron Malakian*

Ka ú thinrim ka hmachhawn hun tur chu ka huphurh hle mai. Engmah a sawi lo naa tunah hian a lo kal thut lovang tih pawh a hriat loh. Hmeichhe pakhat vang a heti em em a, a awm hi mak ka la ti cheu mai! 

Kiara ka ngaihtuah chhuah apiangin hrehawm tihna ka nei zel a, zin kawng thuitak kan zawh dun a, Dominic anga lemchan kha ka harsat tulh tulh a nih kha. Ka u mizia ang lo a ka khawsa chung pawhin min ringhlel chhin eih lo chu a nia... Mahse, apartment chungchangah kha chuan min ringhlelin ka ring tlat! A chhan pawh nizana ka fawhna phur leh tha tho takin min chháng a, a hnu kha chuan ténna mitmeng niawm tak ka hmu tel tlat a ni.

Taxi-a ka haw tir ta kha chu a thinrim ve khawp chuan ka hria! Dominic ngeiin ka sûlhnu pawr chu chûl mám leh mai rawh se. A bialnu ngaihawm zet chhuhsak duhna rilru ka pu rih lo e..

A chénna hmun thleng ka zui ru tawh tho a, naktukah Dominic lo thlen hma ngeiin vawikhat tal hmuh ka duh a ni. 

End of Gavin pov*

Ka chénna hmun ka thlen chuan ka lût ghal lovin Talinda ka hmu hmasa leh te te a. Min hmu thut chu lawm tih hriat tak min kuah chung chung a.

"Kiara, ka ngai lutuk che,"

"Damlo i nih kha, tikhan awm chung suh," ka fiam ve nghal vat a.

"Da, interview chu dar engzatah nge țan tur."

"Naktuk chawhma lamah ania, ka hruai dawn che nia, ka duhdan ang thlapin i inchei bawk ang," a la ti zui a. 

"Engmah mumalin thil ka la ei lo, i neih ang ang kha min lo chhawp mai teh," ka tih chuan a țhen sak a, "Dron chuan a duat vak na che nge?" a ti leh a.

"Dron nilovin Dominic zawk mawle, Dominic Dron Hetfield,"

"Wow, hming thar leh bawk maw! Eng hming pawh pu rawh se, ka tan chuan hmelma a ni," a ti deuh hmak a.

Talinda ngaihdan ang hi Dominic mizia a nilo tih sawi ka châk kher mai! Mahse kei ngei pawhin a mize hrang hrang ka hmu nual a, ka țhiani ngaihdan ang em em a sual chu a nih loh hmel!

Alu chhum leh bawngsa min rawn chhawp chu ka ei nual a, Talinda eisiam hi chu common lo tak tak a ni tlangpui. Sa, hi a ngaina em em a, Bar-a thawk tih takah zu lam pawh a ti thei phian bawk!

Dominic chungchang sawi zui tawh lovin, ka interview tur vel kan sawi a, motor ka chuang chau deuh bawk nen, rei țhu tawh lovin ka apartment lam ka pan chho ta a. 

Tunah chuan khawvel huapah, lemziak thiam ka nihna pholan a ni tawh dawn a, ka lo chák ve em em țhin kha tihhlawhtlin a ni dawn ta. 

Ka helhhawlh deuh nge zingah ka harh hma hle a, Talinda nen breakfast ei dun kan tum avangin chokaah eitur siamin ka buai ve hle a. Ka hmai vel chei a tum tlat sia, ka hnial leh thei dawn lo chiang khawp mai.

Talinda lo chhoh chuan ka hák tur silk kawrfual hring nghalh a rawn keng a.

"Hei hi kan unau tana theihtawp min chhuahsakna avanga ka lawmthu sawina a nih hi," tiin kawr chu min pe ta a.

"Da, kan la hlawhtling ém hleinem, hetiang hi a ngai reng reng lo, ka unaunu ang chiahin ka en che a, pui thei che a ka awm hi ka lawm a ni."

"Kiara, kan tana i inpekna hi a hlu lutuk tlat, thil hlu leh man to pe thei lo che mahila, vawiin khawvelin lemziak thiam turu i nihna an hriat țan ni hmasa berah hian ha ngei la ka duh," a ti ve tlat a. Ka hnial duh ta lo.

Hlim leh engtháwl takin breakfast chu kan kil dun ta a. 

Doorbell a rik chuan kawngkhar hawng turin ka tho vat a. Páwna lo ding ka hmuh chuan ka nui tawp chat. 

Dominic lo ding reng chu rum zet hian ka melh a.

"Kiara, inchhungah min luh tir ve dawn law'm ni?"

"Engmah ka inah hian tihtur i nei lo," ka ti hmak a.

Ka darah chuan vuanin inchhung lamah chuan min nawr lut ta tho a. 

Bathroom ațanga lo chhuak chiah Talinda chu ka mitmei zauhva, Dominic chuan min vawnna chu vawilehkhatah thlah thut in, "Jane, engthil nge ka hmuh hi...?" a ti thám țuak a. 

Engtin nge Jane hming a hriat theih? A hma pawhin Talinda a hmu tawh renga a sawi chhuak miah si lo! Thilmak tak a ni!

Talinda paw'n makti zet hian Dominic chu a en a, awih theilo hmel a pu mah zawk!. 

"God...Jane i la dam tihna mi? engemawtal han sawi teh!?" Dominic âw chu a ri chang chang chauh a ni.

Jane leh Talinda hi an inang em em hran lo, mahse unau an ni tih erawh chu a hriattheih ve tho. Dominic hian thil thup dang a nei leh zawk em ni?

©<++++[BeckirafARenthleI]++++>®

                  Chapter-8

Talinda hrilhhai hmel ka hmuh chuan tih vak ngaihna ka hre bik lo a, Dominic teh reng pawh hi țha taka sawi chhuah ve mai awm ania! 

Dominic lah chuan Talinda chu a melh ngawt ngawt a, a bulah chuan va kalin a áwmah a kuah bei ta thlap a. An pahnih khawsa zia chu mak ka ti kher mai, chutah Talinda chu harh chhuak hmasain Dominic kuahna ațang chuan a tal chhuak a, "Mr.Malakian, i nihna chu kan hrechhuak ta nge nge a lawm," ram hmarh hian a ti a.

"Engmaw i sawi? Ka nihna hi hriatchhuah tur a awm pawh ka lo hre ve hleinem, nang hian min bumin mitthi tawh angin i lo indah vel a maw!?" Dominic áw chang fakah chuan hlauhawm rim a nam tel tlat.

Țawng ve tuma ka lo an zuau lai chuan Talinda chuan a mitmengin min lo khap vat a. "Jane chu a thi tawh, i racing car-a in accident ni kha ka hmuh tawpna a ni." Dominic rum fahran leh zam hauh lova en kalh pah chuan a ti ta a.

"Dáwt min hrilh suh, nang hian min țhen theih nan chhuanlam i siam mai mai a ni," Dominic chu thinrim tih hriat tak hian a thaw hawk a. Kan lemchan chuan tawp lam a pan mek a nih hmel viau! Dominic hi duh aiin a inthup thei lo mah mah!

"Kei hi Jane nilovin, Talinda; i thah ták Jane Lawford nau ka ni e," Talinda chu țap tur ang mai hian a awm a. 

Dominic hmel ka en chuan a dâng deuh lap a, rilru na tak hmel a pu bawk a. Keimah min ngaihsak tawh lo reng reng Talinda chauh chu a en a, a khawsa zia danglam lutuk hi kei hian hre lo turah min ngai a ni ngei ang?

"Jane kha ka thah a ni lo, ka kal phawt ang! Mahse, ka lo kir leh ngei bawk ang, Kiara lo in enkawl țha ang che," tiin, kan chhánna tur pawh nghak lo chuan a chhuak ta daih a.

Engnge thil awmzia ni ta? Tuna kal ta kha Dominic Dron Hetfield a ni lo. Kha chu midang daih a ni, Talinda lah chu engmah sawi lovin a indawm kun tlawk tlawk a. Interview ka neih a hun țep tawh lehnghal! 

"Da, hetiang hian awm teh suh, kan hmanhmawh viau loh chuan interview ka tlai a nge! Dominic chungchang kha chu kan ngaihtuah țha dawn nia," a dara kuah pahin ka ti a.

"A hma a min hmel hriattir hmasak Dron Hetfield leh tuna kal liamta kha mi hrang an ni," Talinda chuan ngun fé a, a ngaihtuah hnu chuan a ti bauh a.

"Chu lam chu theihnghilh rih teh ang, ka hmai i chei dawn nge? Tikhan i țhu reng dawn?" Ka ti zung zung a.

"Ok.. nakinah uluk deuh zawkin kan ngaihtuah dawn nia," ti a rawn tho chhuakin, ka hmai chu a chei țan ta nghal a. Live a pek chhuah tur a ni a, ka zám ve viau a ni.

Ka nu leh pa pawhin min lawmpui ve hle a, Cheshire-a kan chénna hmun ațangin an lo en ve dawn a ni.

An fa neihchhun hi min chhuang hle tih ka hria a, nuam pawh ka ti viau a ni.

Ka hmai a chei zawh meuh chuan Talinda chuan intithei zetin min nuih var var a, ka sam páwh; ngil siau in a pawt thlap bawk a. Ka landan danglam ta lutuk chu mak ka ti zawk!

Talinda nen kan insiam peih thlap hnu chuan interview ka neih nan darkar chanve a la awm a, ka Bentley car chuan inphur chhuakin, Breed, TV Studio kan pan ta a.

A hmun kan thlen chuan a thawveng reuh hle a, Talinda phei chu kei aiin a phur emaw tih tur hian a awm a, nichin lawka a lunghnurna kha hmuh tur pawh a awm leh tawh lo.

Lift ah chuan lutin chhawng riatna button chu ka hmet zauhva, ka zam lutuk tireh nan ka țhiannu kut chu ka hmer vang vang a, "Vawin ațang chuan reporter te lakah i him tawh hauh dawn lova, body guard kan ngaihtuah a ngai ngei ang," Talinda chuan nui hak hak chungin a ti a.

"Lungngai mah ta che, a sarhu laiin ka nu leh pa kiangah weekend hmangin kan kal daih dawn nia."

"Ka kal ve thei lovang tih ka hlau ngawt mai Kiara, thildang buaipui tur ka nei a." 

"Ni lo e, ka rualin i kal ngei ang, ka nu leh pa hnenah ka sawi anga tuna ka car hman lai hi i nei dawn nia, kei chuan sum tamtak ka khawl tawh a, car dang ka lei dawn alawm," ka ti ta a.

Ka nu leh pa in min hnial dawn lo tih ka hria, Talinda hi Bar-a thawk ve mai a ni a, an fanu ang chiahin an ngai hmak bawk. Kei chuan sum hman sen loh ka neih laiin ani erawh chu chutiang a ni ve lo a, ka puihna a dawng țha duh ngailo hian min ti lawm lo fo țhin a ni.

"Inring rawh le, kan thleng dawn a nia," tiin ka hmai chu a thlék leh deuh vang vang a, sawisel tur a hmu lo nge? Nui var varin lift chu kan chhuahsan ta a.

"Da, ka zám lutuk ringawt," ka ti sap a.

"Ha, ho lutuk hetiang hun thleng tura i beih nasat zia kha ngaihtuah la, țha deuhin hmachhawn ang che, good luck!" 

John Verne Tv station tih inziahna bulah chuan kan ding ta ran a. 

"Miss, puih theihna che u ka nei em?" Kan bula nu upa lam tawh lo ding chuan nui var varin a rawn ti a.

"Country art gallery a, lemziak pho chhuak tu Maxi kha a ni e, vawiin hian in studio a interview nei tur a koh a ni,"  ka chhán hma chuan Talinda chuan a lo sawi zung zung a. 

"Ok...lut nghal mai rawh u, Mr.Verne -an a lo nghak reng tawh che u," tiin kawnghar hnûm hlurh chu min hawnsak ta a.

Engkim peihfel vek tawh a ni tih hriattak hian John Vern chu a lo țhu run tawh a, a hmel han en mai chuan Actor niawm tak a ni.

Min lo welcome țha hle a.

"Hi, John Vern ka ni e, tu zawk nge 'Maxi' tih ka'n ring chhin dawn em niang?" Nui huk huk hian a ti a. Talinda chu a en vang vang a, țhutna tur min kawh hmuh hnu chuan inhmel hriattirna pangai tak kan han nei leh te te a. 

"Darkar khat chhung hun kan nei dawn a, a kâr lakah chawlh a awm zeuh zeuh thung ang." Mr.Verne chuan a ti leh a. 

Chipchiar deuha min zawh loh hram ka beisei..!

Dominic & Gavin **

11:30 AM 

Crewe

Washington ațanga Crewe ka lét leh chuan ka apartment-ah ka lut nghal a, Study room-ah Gavin chu a lo indawm kun reng a. Hepa hi nizan mai kha chuan a hlim viau sia, a chungah enge thleng leh ta!? Kiara te țhiandun tan buaina a siam em ni zawk?

"Gavin," ka âw a hriat chuan rawn dák chhuakin a mit chu a hnawm deuh chap a.

"Bro, engtin nge khatiang thil lian tham lutuk kha i zêp theih le!?" thâm deuh țuakin a ti a. Ka bo tulh tulh nia! Kei hian Malakian ka nihna bák thil thup engmah ka nei lo. Gavin hmelah chuan natna leh min huatna chiah ka hmu thei!

"Engmah i lakah zep ka nei lo, i hre sual duai a ni e," ka ti dam thlap a.

A bialnu nen an accident tirh a, a awmdan buai zet ang khan awm leh a tum chu a ni em lo'ng chu!?

"Ka û chu i nia tiraw, engtin nge i bialnu leh ka Jane te inkungkaihna hi i hriat loh theih!?" Pawr fê hian a ti leh a. Ka nghing dawt mai! Kiara leh Jane maw!

"Sawi chiang law law la, engtin nge Kiara leh Jane an inkungkaihna chu." 

"I hre reng Dominic, nang hian engkim hre sa vek in lemchang turin min ti a nih kha,"

"Gavin," ka ti tuarh a, ka thinrim ve tawh tak zet. He pa hian thu awmze nei a sawi lo hrim hrim!

"Enge? I la pha cheu dawn em ni? Ka unaupaah pawh ka ngai thei tawh lo che!" tiin ka kawr nghawngah a rawn țhám a, chu chu ka ngai thei hauh lo.

"Țha takin thil kan sawi dun dawn nge? Ti hian mi â ang maiin i khawsa dawn," ka âwki a ring hauh lo, mahse min hrechiangtu tan chuan ka thin a rim hle tih lan tirtu a ni.

"Kiara țhiannu Talinda kha Jane unaunu neih chhun a ni," min vawnna thlah pah chuan a ti ta a. 

"Engtin nge i hriat? I hmu mi?" Hlauh thâwnna hlirin ka khat a, Jane kha ka la hmu ve lova, Talinda nen unau anni tih engtin nge ka hriat ngawt ang? 

"Damn..f*..." ka bula dawnkan chunga paper awm chu ka paih darh vek a. 

Talinda'n min hmuh hmasak ber țum khan 'Gavin Malakian' min tih tak kha mawle..Mahse, engtin nge Gavin hian a ni chu a lo hmuh theih si!?

Ka chét dan teh thut chu Gavin chuan makti hmel takin min en a.

"Țhut khawmna pindanah intur i dawm teh ang," ati nghut a. Chulam pan chuan kan phei ta a.

Whisky tak țha zetin min rawn thlit a, "Bro, Talinda kha Jane emaw ka ti hman alawm, alo nung leh ta ang hialah ka ngai a ni." Rilru ná tih hriat tak hian Gavin chua a ti a.

"Engtikin nge i va hmuh?"

"Tukinah an chénna hmunah ka kal alawm," inthiam loh hmel takin a ti leh a.

"Nangmah vangin Kiara ka chân dawn a nih hi, engkim an hrechhuak thuai ang!" tiin TV chu ka on a, en lem lo in tukverh lamah chuan ka phei daih a, Gavin vang hian ka insawi fiah hmain Kiara-in min hrechhuak tur chu ka thinrim hluah hluah a. Ka unaupa tlâw zet leh inthununna tlachham zet hi hmanruaah lo hmang kher lo ila țha tur a nia!

"Bro, Jane ka nei thei tawh lo a, a tawp nan a unaunu hi ka buaipui min phalsak rawh," Gavin chuan a la ti tak deuh deuh a.

"Teuh lo, insiam la Washington-ah lét ang che. Hetah hian tihtur i nei tawh lo, Kiara hi hnaih tum hlek suh." Ka ti vin țhâwt a. 

"Min puh chhe viau suh, i bialnu kha ka ngaihven lo ve." 

"Gavin min bum lovang, ka rawn phone zan che khan engkim ka hre vek, Jane chhuanlama hmangin Kiara leh a țhiannu hi hnaih hlek suh," ka ti leh khur khur a.

Chutia Jane hming ka sawi leh tâk vang chu nge? Gavin chuan ka biangah min hnek ta bur a, ka hawi sawk mai! Whisky kan in bawk nen thisen lum lai a ni a, keipawh insum thei lovin Gavin chungah chuan ka thirimna hrithlain ka hnek lêt ve ta siah a...

"Ka that dawn che, nangang unau neih hi ka peih tawh lo," tiin mi â ang mai chuan a âu nghek a. Ka ingaihtuah fîm hmasa ta, ani chu kum thum chhûng rilru nain hun alo hmang tawh a. Talinda va hmuh kher kha a tum bik chuang nang! A bialnu thi ta nau a hmuh chuan a shock reng ang chu mawle...! 

"Gavin," ka tih chuan min hnek leh tumin a kut dinglam chu a lek uaih a. TV a an thupuan vang chuan a kut chu a dah thla ta riai riai a. A enna lam ka en ve chuan makti zet hian Tv chu ka pan hnai a.

"Awle, kan channel min ensak tute chungah lawmthu ka sawi e, John Vern ka ni a, tunah hian mipuite tan thu lawmawm tak puan tur kan nei a ni." John vern chuan nuisáng hian a sawi zawm zel a, a thil sawi ai mah chuan a bula țhu ve te khian ka mit an la daih zawk! Enge Kiara leh Talinda hian Breeds Tv studio ah an tih ve ngawt?

Gavin ka en chuan keimah ang thovin mak a ti hle tih ka hre thei mai, kan inchai buaina lamah a sam chu a thur deuh chhap a, a meng phelh deuh phung bawk a. Ka lainat thar deuh thut a. A lam pana kal ka tum chuan min rawn en zawkin Tv lam chu a káwk leh a.

"Tunah hian khawvel ram hrang hrang te'n a, amah hmuh an lo châk em em țhin leh lemziak nalh tak tak hralh tla em em mai  ziaktu, Country Art Gallery show hnunghnung bera sum hailût hnem ber 'Maxi' kawmna hun kan nei dawn a ni." John Vern chuan a tih zawm leh a..Kiara te țhiandun pawh chiangtakin an hmel a lang a. 

Tu zawk hi nge Maxi chu ni ta ang? Gavin chuan mit khap eih lovin Talinda chu a melh ngar mai a, keiin Kiara ngun lutukin ka en bawk a. Huh... kan awmdan mai mai chuh...

"Maxi, i hmel kan hmu thei hi kan lawm khawp mai," John chuan Kiara chu a nuih var var a. "I țhiannu kan ti dawn nge? I unaunu kan ti zawk dawn? a hming min hrilh thei angem?" 

"Umn..ka unaunu leh ka țhiannu ni bawk Talinda Lawford a ni e." Kiara chhánna avang chuan Gavin chu a inhum ruh țun a.

Talinda chu lang ve tawh lovin Kiara kawmna hun chu an nei țan ta a. 

Maxi? Kiara? Tenawm lutuk.. Sum mamawh em em ang te khan alang vel a. Min bum a ni, henu hian sum a mamawh hlawl lo, a lemziak ringawt pawh Washington a kan apartment leh Penthouse ah kan tár dul alawm le.. Chupawh Gavin-a lei vek!

Gavin lah chuan Maxi Lemziah ngaisang em em in a hmuh theih ang ang a lei zo zel a nia, a mi ngaihsan em em kha ni hnih leh zankhat a lo awmpui reng a, chupawh a unaupa lemchang leh nghalin...Kan bum emaw kan tia, min lo bum nalh hle mai...

Sofa-ah Gavin nen chuan țhu dunin, minute engemaw zat chu kan ngawi reng tawh a. Ka ngaihtuahna ang hi a pu ve a anih chuan Kiara leh Talinda hi reh nawk nawk a chák ve thovin ka ring! Tenawm dun lutuk...

Atir ațang reng khan min lo hresa a ni. Sum mamawh leh duh ngawih ngawih ang te khan a han awm vel a. Talinda ka huatna aimah chuan Kiara Forbes ka huatna hi a nasa zawk! 

"Kiara Forbes," ti chhuak supin, ka țhutna ațang chuan ka ding hluai a. Gavin chuan ka bânah lo vuan vatin, "Bro, ruahmanna țha zawk kan siam dun dawn law'm ni?" A ti ta a.

Ka thinrim êm avangin chutiang lam pawh ka lo ngaihtuah lova. 

"Tun dinhmunah chuan ngaihtuah chhuah mai tur ka hre lo," ka ti liam puat a.

"Keiman ka hria alawm, shower nei phawt ila, chumi hnu ah ka ruahmanna angin kan kal dawn nia, zu rim nam huam chunga hmeichhe thlémthlúk tum chu a fuh viau lo."

"Tunah hian kal ka duh alawm," ka ti leh a.

"Tukin kan boruak ațang kha chuan mahni a, tihchi a ni tawh lo. Engkim hi a nihna angin hre fai vek rawh se, tunge lemchang thiam zawk kan la hria ang chu " Gavin chuan a ti chhar chhar a. 

"Haa, kum thum hnu a ruahmanna tihtlâk i siam ve hmasak ber a niang a?" tiin ka fiam ve a. A nui tawi tak mai!

Shower ka neih zawh hnu room-a ka luh leh chuan Gavin chu inchei peih diam hian ka khumah bawp khawkherhin a lo țhu a.

"I plan chu han sawi chiah la," cho tak hian ka ti a.

"I nuam tihtur chi tak infiamna mawle,"

"Romantic lam kan chhunzawm ang chu mawle," nui suk chung hian a ti leh a.  A duhnaah Gavin hi chu a chimawm ka tih tawh kha, nguntaka a ngaihtuah chhuah anih chuan Kiara te țhiandun tan chuan a che ngeiawm thiam khawp ang!

"Ok.. sawi la," ka tih chuan, "Sawi lam a ni lo, practical angai," a la ti zui a.

Kan unau a lungrual taka kan inzui chhuah lohna chin pawh reitak a ni tawh.

Crewe, shopping Mall țha ber ber ah chuan kalin, thawmhnaw changkang len man to ber ber ala khawm hmiah hmiah a. Business suit pawh a la khawm nual bawk, pheikhawk leh necktie thlengin a inang zel a la a, a ruahmanna siam hi ngaihdan pawh ka nei thiamlo. Ka zuikual ve mai mai a ni.

Lu mehna dawrah min hruai leh a, kan sam pawh a inang chiaha métin, a rawng pawh chuti bawk. Kan hmel inang zet chu kan kalpelh apiang te  chuan mak tih hmel takin min enzui zel tih ka hria.

Ka aparment kan thlen chuan thawmhnaw inang engemawzat a lakkhawm chu ka room-ah a luhpui a,  ka zui lut ve nghal bawk a. Business suit dum dak hlak leh kamis pawl, necktie dum nen ka lamah a rawn hnáwl phei a, "Kha kha inbel rawh le," thutak zet hian a ti a.

"Eng kan ang dawn em ni?" 

"Inbel phawt rawh, chuan Malakian car company neitu i nih ang ngeiin, tuna kan company car thar ber Australian Merger i neihpui 'Mercides S-class' kha a rawng inang chiah i apartment ah hian rawn dah tir rawh le...! a ti ta a. 

Ui viau theih ni bîk hek suh, kan gman atan alawm sum kanvthawhchhuah..

Windsor-a kan Car showroom chu ka phone ve ta nghal vat a, darkar khat vel kan nghah theih chuan an rawn dah dawn a nih chu. Tun țum chu unaupa duhdanin che chhuak ve phawt ang aw...!

Tlailam dar nga a rik meuh chuan kan inpeih ta thlap e, Mercides car dum hlarh, khawiah mah kan la hralh chhuah phal loh chu Malakian phirte hian kan khalh hmasa ber dawn e! Nuam dangdai dawn riau mai, kan inthuamdan inang lutuk avang chuan ka pa ngei pawhin min hai thei hialin ka ring!

"Talinda Lawford, Kiara Forbes, lo inring ang che u," Gavin chuan ti chhuak supin, darthlalanga kan thla lo lang chu a en leh zauh a. Lungawi ta niawm tak hian a nui ta suk a.

Hriat loh mipa búm tumin hma an la ve chu a ni sia, tunge? Thleng thui zawk kan en ang chu....

©<++++[BeckirafARenthleI]++++>®

                   Chapter-9

Interview kan neih zawh chuan Talinda thawhna 'Rush up bar' ah intur cial deuh hlek dawm kan tum a, Vawiin  a, ka interview-na ringawtah pawh dollar engemaw zat ka hui leh dawn a ni. Kar leh ațang chuan ka studio-a lemziak, la zawh loh ka neih ho kha zawh fel ka tum ang. Ka nun dan hahdam tak kha tunah chuan hmuhtur a awm tawh lo, Dominic vang hian ka buai lohna turah ka buai ta chu a nih hi..

Bar-a kan luh chuan Talinda țhiante ho chuan Tequila leh Vodka min rawn chhawp sak a, diktak chuan zu lam hi ka ngaina tehchiam lo a, ka in ve a nih erawh chuan rui hnáp a in kha ka duh dan a ni tawp! Kan țhiandun chuan dawhkan pakhat kan kil ve ran a, puarna chi eitur lam erawh chu kan chah lem lo snacks tlem azawng chauh kan chah a.

"Dinner hi pawn lamah kan ei dawn nge? Kan chenna hmunah kan ei zawk dawn," Talinda chu a țawng lawng lawng a.

"Kan la ngaihtuah țha dawn nia," tiin ka intur ken chu ka tlâk pap a. No hnihna tur ka in chhungin Talinda chuan no thum a in zo tawh. He nu em em hi chuh...!

Tlai lam dar li a ri tawh a, Bar pawh a lun sáwt khawp mai...

Talinda țhiante ho chuan min duhsak hlawm hle a, lemziak thiam min tih thu leh studio hawng ve tura min duh thu an sawi sap sap hlawm a. Chutia hlimtaka kan lo awm khâwm laih laih lai chuan Bar chhung chu a reh ta deuh țhup a. 

Kei phei chu ka thil in chuan hna thawkin ka nui deuh reng a, ka meng phi deuh chiai reng mai! Talinda makti a meng deuh káwk ka hmuh chuan a enna lam chu ka va en ve ta a..

Lalpa lehh..Engthil nge ni ngai?...

Bar kawngkaah chuan Dominic leh amah ang chiah chu an lo ding a. Ka rui hian ka hmusual em ni zawk..? Mak ka tih tluk zetin Talinda pawh chuan mak a ti ve tih ka hria! Â keini chang pawh kan ni lo, bar chhung a awm zawng zawng mit chu Dominic te lamah chuan a fu țhup a. 

An inthuamdan leh engkim mai chu a inang a ni tawp mai.

"Chhuak ang," Talinda chuan khur dar dar hian a ti a. Keipawh ka hlauthawng ve tho a lawm! Mahse, chhuak ta ringawt ila kan chhuahna tur takah an ding lawi bawk sia. 

"Chhuak lo ve a, hrelo ang hmiahin awm zawk ang," Talinda beng bulah chuan ka ti sap a. 

"Kiara, engtinnge kan tih dawn? Khawi zawk nge Dominic tih tal hriat tum teh!" 

"Engtin nge ka hriat bik ang, sawtiang lemchan saw ka ngaina lo," ka ti sap a. 

Ka sawi pah chuan anmahni chu ka va en deuh kher bawk a. Kan țhutna lam pan chuan an rawn phei leh ta nghal a! Țhil țullo tak a ni..

"Awle, min lo hrethiam ula...." rawn titu chu Dominic nge Dron? Ah Gavin pawh, a tu a pawh chu ni se, kei hian chhan ka tum hauh lo.

Kan dawhkan chu an pahnih chuan rawn kil ve in, ka bulah pakhat zawk a țhu a, Talinda bulah pakhat, tu zawk nge ka hriat hran miau loh avangin koh dan tur pawh ka hre lo. Bâkah kan lo rui ve deuh tawh bawk nen, hetianga mihring inang lutuk thliar hrang tur chuan kan mit a fing tawk lo deuh a ni mahna!

"Vantlang hmuhah hian inhmel hriattirna kan nei dawn em niang?" Ka bula țhu zawk chuan cho zet a min en pah hian a ti a..

"A ngailo ang kan lawm e, nangni pahnih hian min bum man chu in hmu khawp ang," Talinda chuan sehchilh nawk nawk hian a rawn ti a.

"Kan bum che u nilovin, nangni hian min bum in tum zawk a ni," ka bula țhu bawk chuan a ti leh a. Ka thinlung hian Dominic zawk chu a hre ngei ang! Amah ka hmuha ka danglam țhinna te leh min hîp em em tu a mitmeng buang thâk kha hmuh tumin, ka bula țhu chu a mitah tak ka en a, awmzia a awm lo kher mai! Ka rui mah mah a ni. A mit rawng pawh ka thliar thiam hrep lo e...

"Kiara, intur kan kan chah belh leh dawn em?" Talinda țawng chu ka hre tho nain ka luak chhuak ut ut vang chuan ka hmui ka hup a. Ka țhutna ațang chuan ding chhuakin páwnlamah kal ka tum ta a, ka lu a hai bawk nen ka pên hleithei der lo. Talinda chuan min rawn kuah a tum tih ka hria, mahse amah aia che rang zawk an awm tih hriattak hian tu emaw hian min rawn pawm ta nawlh a! Ka taksa a chét rual chuan ka luak ta ngheng mai a!

"Hrep tak hian! tun țum chu aman i pe tawh ngei ang, vawihnih min luakkhumna a ni ta. Kiara Forbes." 

Umn..min pawmtu leh ka bula rawn țhu kha Dominic ngei a ni e, ka luakkhum tawh chungchang kha a unaupa bulah a sawi lo tawp ang! Talinda bula țhu kha Gavin a ni ngei bawk ang! Ka thluak chu tih fîm ka tum ngial a, a harsa lam hret chu a ni.

*Dominic & Gavin*

Kiara te apartment kan thlen chuan a lo inkalh țhap a. Interview a zo vek tawha khawiah teh hrep nge an kal ni!  Reifé kan nghah hnu pawh chuan an rawn kir thei țhak lo a, 'hemi te țhiandun hian min chawk buai takzet a ni' ka phun chhuak hluk a.

"Talinda thawhna bar-ah an kal a ni lo maw?" Gavin chuan a ti sup a.

"Khawi hmunah nge a thawh a, i lo chhui chhuak leh vek tih min hrilh hauh suh," ka ti ve a.

"Ka tan chhui hranpa angai hleinem, Jane khan an unauvin bar-ah an thawk tih min hrilh alawm."

"Kan kal ve mai dawn em ni? An lo haw tlai phian mai thei sin," ka tih leh chuan min pawmpui tih hriat tak hian a alu a bu nghat a. 'Rush up bar' lam panin kan inkhalh chhuak ta kha a nia.

Bar kan va thlen chuan mi mit kan la hle a, Kiara te țhiandun pawh kan hmu ta thuai a, an la ruih hmel em em zui a...! He nu hi zu in ve tawh lo tur khan ka hrilh chiang hle sia, mipa ho lah chuan an en duh em em a... kan chhuahpui vat a nih loh chuan rui chhe khawpin a in leh duh mai ang!

Gavin-an Talinda a hmuh chuan pan a tum nghal ruak ruak a, a rukin a hnungah ka pawt a, min la melh rum ta lehbnghala, thluak nei lo lutuk! A 'plan' pawh a ti 'flop' thei mai dawn alawm!

Kiara leh Talinda chuan min ngaihsak lo hle a, ka biak paw'n min chhang țha duh hlek lo. He mi te țhiandun chimawm dan hi namai lo tak a ni! 

Kiara chu a rui uchuak leh bik hle a, engtin nge lemziah te hi a buaipui theih zawk! Nikhua lo lutuk...Khawiahmah ka telloin a chhuak tawh lovang! Gavin nen min hriat hran tlat loh avangin min koh dan turah an buai dun tih ka hria a. Insawi erawh kan tum lem lo! 

Rush up bar chhuahsanin ka aparment lamah kan kal ta a. Talinda chuan a duh lo ngang mai! Kiara ve thung chu ka car-ah a chatthla der a, hetia a awm hian ka thin a rim tlat zel!

"In chénna hmunah kan kal ve ngawt thei lo ang," ka aparment kan thlenin Talinda chuan a la ti pàng pàng a. He nu tereuh hi a hmelțha phian a, a leili a hriam viau bawk. Kiara ai chuan a hniam deuh hlek a, Gavin hian a duh tih ka hria. Mahse, a û (Jane) nen an inan vangah ka ngaih sak mai...

"Min hnial zuah zuah lo khan i tana țha i hria anih chuan min zui mai rawh," Gavin chuan a ti chhum hmak a. Ka lam rawn hawiin,"Bro, henu hi chu ka kutah dah rawh, Kiara kha lo buaipui la a bâk chu ka lo chingfel ang," inringtáwk leh nuam tih hmel zet hian a ti zui leh a.

"Ok, Kiara car kha hetah rawn dah turin i lo hrilh tel dawn nia," tiin Kiara chu ka pawm nawlh a ka pindan lam ka panpui ta a. 

"Nangkha, ka țhiannu chungah thil țha lo i thlentir a nih vaih chuan.." Talinda chu a rawn au tuarh a, ka chháng buai vel peih lo.

Ka khumah Kiara chu muttirin a thawmhnaw chu ka hlih sak vek a, a vun no chek leh mám hán mai te, a pian fuh takte hian min hîp chiang alawm! Puan ka sintir thlap hnu chuan ka taksa hnuailam rawn nung țan mék chu tihtawp tumin bathroom ka pan ta daih a.

Ka ina arawn riah hmasak ber zan ang chiah khan kan awm leh chu a nia, zu rui chatthla mutpui tur khawpa hmeichhe namawh chu ka ni bik lo. Mahse, a harh hunah erawh chuan a chunga ka chêtdan tur hi a rinphák bák a ni thung ang.

Zu rim ka nam vut vut a,shower ka neih zawh hnuah ka pindan chhungah room freshner chu ka on leh thlap a. Kiara thawmhnaw zu rim nam huam chu dustbin ah chuan ka vawm lut bawk a. Lemziak thiam zuheh..Huh..ka ngaisang hrep lo e..!

Kiara kalsanin țhutkhawmna pindanah Gavin te fin turin ka chhukthla leh a, ka thil hmuh hi enge ni leh ta pek!? Talinda chuan Gavin-a chhip sam buk laiah chuan țhamin a lo kék kun ngawr a. Gavin lah chu a tih ang ang chuan a la awm zui ah..!

"Ehem..in lo induat vel dan chu leh..!" Ka âw a elsena ri chu an hrethiam ve thovin ka ring?

"Nangpawh kha i châk dawn lo," tiin Gavin-a  a țhámna chu thlahin abula phone awm chuan min rawn vawm zui ve nghal a.

"Bro, lo inthiarfihlim rih rawh, hei pawh a û ang chiaha kawlh a nih hi, a enkawl dan ka hria alawm," tiin Talinda thinrim țun chu alamah pawt hnaiin a hmuiah a fawhsak ta hmiah a.

"Ni ang hmiang, nang chu a la sual lét peih tal che a, a țhiannu ve chu a mu hnar bur bur mawle, zirtirna tihtlák deuh kan pék ngei angai ang," tiin, min chhánna pawh nghak lo chuan ka kalsan ta daih a. 

Talinda chêt dan naupangchhia zet kha ngaihtuahin ka nui suk a.

Kiara bulah chuan ka mu ta hmak a. A sam kawi kual zet ngil ta siau chu ka en vang vang a. Engpawh hi a inhmeh zel thei a nih hi..henu tereuh hian!

Sum mamawh bawk silo, ani ang hmeichhiate hi chuan mipa dozen khat lai kawp tur a hre ngei awm sia, engvang a kei kher min thlang nge a nih tih hi ka la hrechhuak zo lo fo mai!  

Ka harh leh chuan zinglam dar thum a ri tawh a. Kiara mutna ka en a, a lo ruak hiai a, rang zeta thovin a thawm ka ngaichang a, bathroom lama tui herh haw ri ka hriat chuan mak takin ka hahdam huai huai mai!

A lo chhuah hunah ka muhil der dawn nge? Ka lo hmachhawn nghal ang? Ka thil ngaihtuah mai mai chu! Hmeichhe pakhat vangin ka zâm vel chu a nia..zahthlak hian..

Bathroom ațanga Kiara a rawn chhuah chuan muhil ang chiahin ka awm a. Min tihharh hlau niawm tak hian tháwm a dim hle a, ka wardrobe chu dimte hian a hawng leh da da a. Thawmhnaw hâk tur a dap leh dawn a ni ngei ang! A hma pawh khan ka thu lovin ka thawmhnaw a lo inbel diam a nih kha... tun țum chu ka tibuai tawh ngei ang!

"I towel kha a tla țep a nia," ka țawng chhuah thut chuan a phu nasa ngei mai! A towel ven lai chu a thlauh ta tho tho a, ruak vekin ka hmaah chuan a ding ta a, a hlauh lutuk vang nge? Towel chu chhar mai nachang hre lovin min en ran a...

Khum ațanga tho chhuakin towel tla chu ka va chhar ta a, towel ka ven țhat tir lai pawh chuan a la che duh țhak lo. A biang sen deuh țán ațang chuan a zak viau a nih loh chuan a thinrim hle tihna a ni ang!?

"Tunge i nih?" min zawhna chu ka rin loh lam daih a ni.

"Tunge ni a min hriat!?" Ka tilui ve ngat a.

"Hria che ni ila ka zawt lovang che," a ti khauh a. Ka dang der..!

"Tunge ka nih tih lam ai chuan ala hma lutuk rawn mu leh rawh," ka ti sup a. Ka thusawi engahmah ngailo tih hriat tak hian a hmui a pet zauhva.

"Ka lawm e, ka kal tawh zawk mai ang," tiin wardrobe pawh háwng ta chuanglo chuan kawngkhar lam chu a pan a. "I țhiannu pawh ka inah hian a awm ve a nia," sawi loh ka tum kha ania, henu tereuh hi a luhlul sia a kal leh tak tak duh ang!

"Maw, a awm ve maw!?" tiin hmanhmawh zet hian a chhuak ta tho a. Tihngaihna hre lo zet hian kawngka inkhar ta chu ka en reng mai.

 A harsa zawnga awmdan a thiam reuh ngawt mai! Towel nen chauh a chhuaka, a ngai pawimawh eih lo lehnghal! A țhiannu in alo hmuh vaih chuan ka lakah ngaihdan chhe pui pui a lo siam leh awm sia, ka umzui vat a ngai a ni.

Țhutkhawmna pindan kawngka bula Kiara lo ding ka hmuh chuan ka ding ve nghal vat a. A kut dinglam hian a hmui a hup bawk a, che lo hian ngawirengin a ding a, a enna lam ka va en chuan ka phu zawk mai!

Gavin leh Talinda chu thawmhnaw ha mumal lo hian sofa-ah inkuah rialin an lo mu dun a. Kiara tan chuan hriatthiam a har ngawt ang!? Talinda bula mu saw tunge tih a hrechiang tlat lova! Ka unaupa saw keimah ka ni emaw a ti hial ang chu...!

A kut veilam chu dimtein ka vawn sak a, ka pindan lam ka panpui leh ta a, min hnial miah lo. Ka tih ang ang chuan a awm tawp a, a rilru a buai hle a nih ka ring!?

Khum a ka țhuttir hnu chuan, "Tunge i nih?" min en miah lovin a ti leh sap a. Țah chhuak insum hmel a pu deuhin ka hria. Chutia min zawh leh tákah chuan thudik hrilh mai chu țhain ka hre ta a.

"Dominic Dron Malakian ka ni e."

"A nih leh ka țhiannu bula mu kha tunge?"

"Gavin Dron Malakian, ka phirpui a nih kha," ka tih chuan rang zeta rawn tho chhuakin, "Tenawmpa, nang hian min bum a ni," tiin ka darah min chúm ta zawt zawt a. 

"Kiara," ti supin a kut chu ka vawn beh sak a. A tal nasa kher mai! Amah a lian ve uaih bawk sia, chuti maiin ka chelh nghet thei bik lo.

A towel ven lai a tlák takah chuan a ding khawng ta at a. Chhar tuma a kun tur chiah chu rang taka kuai herin khum lamah chuan ka nam a. Ka bánah min vawn avangin kan pahnih chuan khumah kan tlu dun ta a. A chungah tak ka la bawk zui a, thawmhnaw inbel a nei si lo. Keilahin boxer chiah ka ha a, kan taksa láwng indek chu ka hre rang kher mai!

Kiara mitmeng de deuh sar chu ka hmuh hmaih bik lo. A hmui sen no chekah chuan min hnial hman hmain ka fawp ta a. A hmui chîp tlat chu nawr kau tumin ka bei a, ka beidawng țhak..henu luhlul dan em em hi! Tharuma tih chi lah chu a ni mang bawk si lo. Hrep tak hian! Thinrim beidawng zet hian a sirah chuan ka mu thla ta daih a.

Chutia ka inlâk hran veleh Kiara chuan puan chu a sin țha nghal hmak a. Min la sintir ve thlap zui, a chét dan dangdai tak chu ka en reng ringawt. Ka lam hawi chuan rawn inherin ka káwngah arawn kuah thlap a, ka hnungah chuan beiin a thaw lum ham ham te chu ka hre vek. Lalpa...leh..'Eng hmeichhia nge maw i nih le' ka ti rilru hial mai!

Kiara muhil hmel chu nguntakin ka en a, ka muhil țhak lo, engtin nge ka hmeichhe duh leh thlakhlelh em em in ruak ngalngata min kuah lai hian ka mutthilh theih tehlul ang..!

Mipa dang chu nise hmangaihna an chenpui tawh ngei ang! Kei hian tinge a remtihna ka nghah tlat mai le... ka experience zawng zawng nen thlêm ngat ila chuan min dang zo hauh lovang. Mahse, ka che chhuak si lo..

A chung a engthilmah ka tih theih lohna chhan hi..'No, ka hmangaih a ni' ka thil hriat chhuah avang chuan ka insehruh țeuh a.

A chal sam hnawk niaih chu huih kian sakin, 'Ka hmangaih che, Kiara Forbes'  ti supin a hmuiah chuan ka fawp leh ta a....

©<++++[BeckirafARenthleI]++++>®

                   Chapter-10

Ka harh leh chuan zing lam dar sarih a ri tawh a, Kiara pawh a tho tawh aniang a lukham delhna hnu khuar kalh chu ka khawih zauhva, tukin ațang chuan Kiara hi ka ngaihsak tawh viau ang! 

Breakfast dawhkan kilin Kiara, Talinda leh Gavin chu an lo țhu țhap a. Min hmuh chuan, "Bro, tukin chu kan nghak chhuak lo teuh kher mai che, kan nula pahnih hian min chhuahsan an châk zek zek tawh a," Gavin chu a nui deuh vur vur a.

"Min koh dan tur chungchangah buaina awm tawh em lo ang chu," nui chungin ka ti a. Kiara te țhiandun ngawi ngal chu Gavin chuan a melh zeuh a. Kiara chuan ka thawmhnaw a lo ha fel leh át tawh, a lo riah apiangin ka thawmhnawin a tuar zel zawng a nih hi... 

A tan chuan lian viau mahse a inhmeh thei riau zel a, ka thawmhnaw a hâk hian min hnaih ta riau hian ka hre țhin.

Kan breakfast ei chu a tui hle a, tu siam nge tih zawh ka tum lai tak chuan, "Kiara, eisiam i thiam takzet, farm house a steak i siam ang kha min siam sak leh la.." Gavin thil sawi avang chuan Kiara chu ka melh vat a.

Sen țáwn țáwn chung hian min rawn en ve chiah bawk a, henu tereuh hian eisiam pawh a lo thiam a maw! Ka bulah thiam lo angin a lang vel a..! 

"Da, kan lêt a hun viau tawh lo maw?" Kan thusawi lai chu a haider hmiah.

"Nia, bar-ah ka lét a hun tawh," Talinda chuan alo chháng ve zat a. Gavin chuan Talinda chu a thlah tur thu sawi nghal a.

"Kiara rualin ka haw mai ang," Talinda țawng chu hre lo ang hmiahin Gavin chuan a pawt tho ta a, lo inbuaipui ve mai mai teh se.

Kiara chuan min rawn melh zawk a, tho ve daihin ka pindan lamah a lut ta a, ka zui lût nghal hmak. Diktak chuan Kiara awmdan hi nuam ka ti chiah lo, a țawng țha duh miah lo lehnghal a, engemaw a hriat reuh ni! 

"Khawnge nizana ka thawmhnaw hâk kha i dah?" pindana ka luh chuan a lo ti nghal a.

"Ka paih." 

"Khatiang țawngkam bung zet kha ka ngaina lo," a țawng dan te reuh mai mai chu..!

"Ka paih ka tia lawm, dustbin-ah khan," ka ti ve hmak a.

"Engvangin nge i paih ngawt a?" Thinrim zet hian a ti ta a.

"Ka sawi tawh kha zu rim nam hum hum thawmhnaw kha engatan nge i la tih?" A âwki ang chiah chuan ka ti ve leh a. Amah duh ang taka ka lang a nih chuan min induh khum leh mai ang!

"Dominic, ka kawr i paih chu rawn la rawh, engvanga paih ve ngawt nge i nih?"

"Ka paih chhan chu ka sawi chiang viauin ka hria, thawmhnaw dang ka nei lo tih sawi tum țhak suh."

"I va'n zak lo tak, ka țhiannuin min lei hmasak ber a nih kha, i ti mah mah tawh a ni," tiin dustbin chu a hai rawk rawk a.

"Engthil nge i hriat teh hrep a!?" Tiin Kiara chu ka nam sawn dawrh a. Dustbin hai leh na chhan tur khawp a țha, kha thawmhnaw kha a nih ka hre ve lo. Țhing lutuk mai...!

"Tunah ka kawr kha min pe rawh," Kiara chu thinrim tawh tih hriat tak hian a meng rum ál a, a thinrim lai hian a hmelțha tulh tulh lehnghal. A kut chuan a kawng a dawm ran a, ka pyjama leh shirt a hák chu a nalhpui ngawih ngawih, ka thil ngaihtuah mai mai chu leh..

"A dang ka lei ang che," ka ti ta ringawt a. Rum lutuka min en leh in, "Nizana mi ngei kha ka duh," ti hmakin ka lam pan chuan a rawn kal tau sawk sawk a, min rawn su lui deuh kher bawk a, a chét dan naupangchhia thei zet hi a lawm ka lawm em em chu...

Kiara'n room a chhuahsan pawh chuan ka ngaihven duh lawk lo a, a chhan pawh a țhiannu kha Gavin khan a la buaipui dawn thova, a tihbuai duh ka ring lem lo a ni. Dustbin-a, a kawr ka paih tawh chu phawrh lehin, bathroomah ka luhpui ta a.

Henu vang hian ka nunphung a buai zo ta vek chu a nia, a thawmhnaw chu machine ah pawh su lovin keimah ngeiin ka kutin ka sûksak ta a nia! Ka danglam tawh tak tak a nih hi.

Rei fê hnuah pawh Kiara chu a rawn luh tâk mai loh avang chuan ka ngaih a țha ta vak lova, apartment kawtah chuan chhuakin a car pawh hmuh tur a awm tawh țhak lo. Khawiah nge maw kha'ng thawmhnaw ha chung khan a chhuah chu le... A thin ka tirim viau a nih ka ring ta a.

Mercides chu la chhuak ve in Kiara chénna hmun pan chuan ka inkhalh chhuak ve ta a.

Kiara Pov*

Vawikhat mai pawh nilo vawihnih lai mai Dominic hian ka thawmhnaw min paihsak tawh a. A chungah hian ka lawm lo hle a ni. Talinda min present ber kher dustbin-ah ala paih zui a.. A hming diktak pawh min hrilh duh lovin a zep a, a sumdawnna chungchâng pawh ka hriat a remti miah lo bawk. A unaupa hmanruaah hmangin min la bum zui zel a, hre miah lovin Gavin lah kha ka lo fawp vel ta kha a nia! Hah.. Ka inten hluah hluah.

Engmah sawi lovin Dominic apartment kha ka chhuahsan ta kha a nia. Tunah chuan hahdam takin Cheshire-ah ka nu leh pa kiangah ka awm ta chu a nia! 

Ka chénna hmunah ka thawmhnaw thlâkin ka mamawh zualpui ka la khawm zung zung a. Talinda pawh engmah ka hriattir ta lo, zaninah ka phone mai niang chu..!

*Talinda, Gavin, Dominic.*

"Kiara kalna i hrechiang khawp mai," Talinda chu ka vin tuarh a.

"Ka hre lo tak tak, i bulah ala awm char charah ka ngai ve tho. Dominic, min ring rawh," Talinda rilru buai hmel taka lang pawh chu ka awih sak hlei thei lo. 

Nilengin a lo haw hun chángin an chênna kawtah ka nghak tawh a. Talinda amah chauhva lo haw ka hmuh khan a chênnaah ka zui lut ve nghal a. Darkar riat lai Kiara chanchin hre lovin ka awm tawh a, a phone a off tlat bawk si. Ka â thei tak ngial dawn!

"Sawi vat mai rawh, nangni pahnih hian min bum leh a nih chuan.." ka sawizawm duh lo lui ngat a.

"Ka hre lo tak tak, min lo phone bawk si lo, i hriat ve vek kha!" Min melh khai khai a. A țhiannu hrilh lo hian khawi hmunah mah Kiara hi a kal lo tawp ang! 

"I hre lo takzet a nih chuan a aparment chahbi min pe rawh." Ka ti lui ve țâng țáng a. "Teuhlo ka pêkna chhan tur che ka hre lo," Talinda chuan thinrim tak hian a ti a.

"Min pe lo a nih chuan i hna hi i chán a ni mai." 

"Engmaw i sawi kha? Nang ramhuai hian ka hna chungchângah inrawlh theihna i nei lo." 

"Kan la hria ang chu, enge ka tih theih lo en ang che," tiin Rush up Bar neitupa chu ka call ta a. Ka chêtdan a tenawm tih chu ka hria. Mahse, Kiara awmna ka hriatna tur a nih phawt chuan tih hreh ka nei hauh lo.

"Hello, Mr.Malakian enge i duh ve teh tlat!?" Bar manager chuan nui huah huah hian min rawn chhang a. Loud speaker ah ka dah lui deuh ngat bawk. Talinda chuan phâwk hra hian min en a.

"I hnathawk pakhat Talinda Lawford kha mamawhna ka nei tlat mai, a ai awh tur midang lo zawng ta che, naktukah kimchang zawkin kan sawi dun....," ka sawi zawh hma hmain, Talinda chuan rangzet hian phone chu min chhuhsak a, a off nghal hmiah bawk.

"Dominic i lo tenawm hle mai!" a ti tuarh a.

"I țhiannu apartment chahbi chu min pe dawn nge dawn lo?"

Lungawilo tih hriat zet hian Kiara chahbi chu lain, min rawn vawm nan a hmang zui a. 

Thinchhe lutuk!

"A tir khan min pe țha hle hle la chuan țha mai tur a nia," ka ti sup a. 

"Min blackmail tih ka țhiannu ka hrilh chuan a lawm hauh lovang," a la ti zui hram a.

Talinda chu chhuahsanin Kiara apartment lam pan chuan ka chho ta a.

A inchhung fai zetah chuan khawhar takin ka teikual a, engmah hnuhma tharlâm hmuhtur a awm lo. A room-ah ni se, a thawmhnaw a awm vek bawk si. Khawiah tehhrep nge maw a awm le! Police-ah report ka theh lut mai dawn em ni? Chu êm chu nitheiin ka hre bawk si lo!

Zan darkua a rik pawh chuan a lo haw thei reng reng lo. Ka mangang lutuk chuan tih ber tur ka hre lo. A thawmhnaw ka paihsak kha a lawmlo viau tih chu ka hria a, mahse hetianga min kalsan hi ka ring hauh lo. Tawhsual a táwk zawk em niang!?  Hmeichhe hmelțha leh nalh tak a ni a, a hausa hle ang tih pawh nimina Tv interview ațang khan an hre tawh ngei anga...Lalpa....mipa thar a tawng zawk em niang?  A nih vaih chuan chu pa chu ka that khawp ang!

Kiara aparment-ah chuan darkar tam fê ka awm tawh a, a phalna la hmasa lova a ina ka lo awm hi a hriat hun chuan a thinrim teh ang chu... Tu mipa nen pawh lo haw dun rawh se, ka nghak chhuak khawp ang!

Room zawng zawng ka en kim deuh vek tawh a, study room chiah ka bâk tawh. Hun khawhral nan study room ah chuan ka lut ta a, ka thil hmuh hi enge ni ta? 

Study room nilovin Lemziakna Studio  zawk a ni. A hmanrua te chu a changkangin a rem fel thlap a, lemziakna room ang lo khawpa fai a ni. Bangah chuan lemziak nalh tak tak engemawzat a in târ bawk a, Kiara chanchin ka hriat tlem zia ka hrechiang tulh tulh mai!

Dawhkan chunga lemziak intâr ve lo, newspaper a inkhuh chu en ka châk ta riau a. A dang zawng zawng intâr vek siin tinge hei hi a khuh bik kher? Ka rilru a zawhna awm chu a chhânna ka nei chuang der lo!

Dimte hian ka keu ta a, ka thil hmuh chuan min shock kher mai!

'UNKNOWN MAN' tih rawng dum fiah zet a inziak hnuaiah chuan keima lem ngei mai a lo ziak a nih chu...! Chu lemziak chuan kawr a ha lo a, ka taksa ruangam ani tih ka hre thei tlat!  kawnghren buckle hawi zâwng chuan keimah ka ni tih a tarlang chiang khawp mai! Ka aparment-a kan inhmuh hmasak ber zana ka hren kha a ni.

Ka hming ka hrilh loh vanga a thinrim hmel te kha ka la theihghilh lo. Kiara tan chuan 'unknown' kha ka ni miau a!

Hre ngailo tán pawh Gavin nen hian kan inang viau a, mahse he lemziak a kawnghren buckle hi chuan veilamah a kilh a, ka tih țhin dan a ni. Company tam zawk siam hi chu dinglama kilh vek a ni a, ka thiam ve tlat loh vanga veilama kilh pawh ka ni reng a. Gavin hian dinglamah a kilh thung, min hmuh hmasak bera ka landan kha a theihnghilh hauh lo tihna a nia! 

Kiara hian tlemtal chuan min duh ve a ni! Ka thil hriat chhuah thar avang chuan ka nui ta var var a.

Hralh chhuah tur atana a ziah chu a ni lo tawp tih ka hre mai, lemziak thiam reng rengin an thilhmuhte kha suangtuah leh in an ziak țhin tih ka hre ve tlat!

"Bro," min ko ri ka hriat avang chuan ka thil enlai chu ka khuh țha sawk sawk a. Ka awmna room-ah Gavin leh Talinda an rawn lang chawpchilh ve nghal a, tunang hunah te chuan khumah muin hmangaihna an chéndun tawh turah ka ngai a, he mite pahnih pawisak neilo dun lutuk hi ka kham țan der! 

"Kiara'n min lo phone a," Talinda chuan a ti sap a.

"Engtikah? Tunah khawnge? ka ti vat a.

"A awmna hmun a sawi duh tlat lo," Gavin zawk chuan min lo chháng a.

"A rui em? Tunah khan call leh teh," Talinda chu ka melh a.

"Rui lo e, a chénnaah i awm tih a hriat hmain chhuahsan la a țha khawp ang!" Lungawi lo âw tak hian a ti leh a.

"A awmna ka hriat hma chuan, ka chhuak lovang, a ni lawm ni bro? Kan duh kan neih hma chu Malakian unaute hian kan bei țang țang zel," ka ti salh.

"Tuna i nungchang ang kha i la pu zui zel a nih chuan, Kiara hian a hnaih duh lo ang che," Talinda chuan min chháng zui zat a.

"Tunah khan ka sawi angin i phone leh dawn nge? I phone hmang khan Kiara awmna ka chhui tir zawk dawn?" Ka ti hmuk a.

"Dear, Kiara chu phone mai rawh," Gavin chuan min siai sak chung hian a ti bawk a. 

Talinda chuan Kiara chu a phone ta ngei a, a apartmenta kan awm thu a sawi zat zat bawk a, henu ngeiawm dan hi chuh...!

Ka mitmeiin ka be ve duh tih ka hrilh pawh chuan a haider hmiah a. Ka thinin a tuar ta lo, phone chu chhuhsakin ka inthiarfihlim nghal hmak a, "Keimah Dominic," Kiara thaw hak chu ka hria a. A ngawih reng vang chuan țawng zawm lehin, "Khawiah nge i awm? Ka lo hruai ang che," ka ti leh a.

"A ngai lo ang, ka inah khan engmah tihtur i nei lo chhuak rang la a nimai!" a rawn ti vin țhat a.

"I awmna i sawi dawn nge? Ka lem i ziak hi vantlâng hmuhah ka pho chhuak dawn?" Hetia ka tih mai loh chuan a luhlul ropui si, phone a a off leh daih duh ang! Henu hian!

"Tenawmpa, ka bungraw khawih theihna dan i nei lo," a rawn ti leh țhat a.

"I awmna chu sawi rawh, zankhuain hun ka neilo."

"Ka sawi nguar ang," tiin phone chu a off ta daih a. Hrep tak hian!

Ka call nawn ngial pawhin awmzia a nei ta lo. A swich off hmiah. 

'Damn shitt... ka la hrechhuak thovang' ti supin, Talinda leh Gavin-a min kohna pawh ngaihsak lo chuan Talinda phone keng chungin apartment chu ka chhuahsan ta a.

©<++++[BeckirafARenthleI]++++>®

Chapter-11

Kiara Pov*

Dominic nen kan inbiakna ka tihtawp hnu chuan thinrim lutukin ka insawh tau nghawng nghawng a. Ka chunga a thiltih tawh zawng zawng hi a lutuk lam hret vek a ni. 

Ka huat ber zawk chu Talinda'n ka apartment chahbi a pe kher kha a ni. Ka țhiannu hi ka ring táwk em em a, hetiang hian engtin nge ka chungah a tih theih!? Bumtu vek an ni. Jane avangin nasa takin ka pui a, Gavin rawn lan veleh ka țhiannuin min phatsan leh a. 

Ka studio-a Dominic lut kher kha ka huat ber chu a ni. A lemziak ka dahțhat kha a lo hmu lehnghal a, engtin nge Dominic hmel ka hmuh leh ngam ták ang? An pathumin an țangrual a ni!

Zankhuain muhil thei lovin ka meng reng a. Zing lamah ka lo chhing ve sek  a ni ngei ang! Ka harh veleh a ka rilru a lo lang hmasa ber pawh Dominic a ni. Ka kut chu lukhamin tukverh puan zar phena ni êng lo lut chu ka en vang vang a. Thawh chhuah châkna pawh ka nei hauh lova, Hnuai lamah chuan motor tlán thawm pawh hriat tur a awm tawh a. Mahse, ka pindan reh raih mai han chhuahsan chu châkna ka nei chuang lo. Ka nu leh pa kianga ka awm hi chuan ka inthlahdah deuh reng reng țhin.

Khum ațang chuan thovin shower nei tur chuan ka lut ve ta nge nge a. 

Shower tui phuh seng seng hnuaiah chuan dingin ka mitthla a châm reng Dominic hmel chu theihnghilh tumin ka thaw hak a. Ka sam huh hlap chu hui kiangin towel la tur chuan ka pén sawn ta a.

Towel ka ban lai chuan kut dang hian a pekin min rawn pe ta a, makti lutuk hian ka meng chhuak nghal a.

Dominic chu a lo ding reng a. Nidang zawng aiin a lang lian zawk hian ka hre lehnghal. Ka thin phu rang ta zaih zaih chu ka duh lo kher mai! Ka che sawn thei lova, ka țawng chhuak mai thei hek lo. Engtin nge helai hi arawn thlen theih? Ka rilruah zawhna hlir a khat vek!

Ka taksa khuhtu awm hauh lo, ka inbualna avanga la huh hlap mai chu Dominic chuan a en láwr dan dan a.  Helaia a lo awm ve ringawt hi mak ka tih em avangin lo inhliah tumna cháng pawh ka hre hek lo. Dominic min enna avang chuan emawni, ka *nute chu lo danglamin a kawh ta deuh lah a. Ka che sawn thei țhak lo, min aikaih niberin ka hria!  Ka taksa a duhna apiang en chu phalsak ang mai hian ka awm a, ani lah chuan mit lasawn hauh lo in min lo en lawr dan dan bawk a.

Dominic a'n thâwk a han lâk takah chuan muhil harh hlawl ang maiin ka awm a, towel chuan intuamin váwt ti niawm tak hian ka hâ a inkhâwng bauh bauh a.

"Eng thil nge maw ti ni a i inhriat le!? He lai thleng thleng a min rawn umzui tâk!?" Ka áw chu a khur deuh dar dar a.

"Khawi hmunah pawh awm la ka rawn zawng chhuak ang che ka tih kha," áw cool raih hian Dominic chuan a ti a.

"Hetah hian lo kal tawh reng reng suh, i chungah hian ka lawm lo khawp mai! Ka nu leh pa in a ni a, i duh duh a i awmna tur hmun a ni lo." Ti hmakin, towel chuan ka intuam nghet sauh sauh a, shower off tur chuan ka inher ta a. Dominic pawh chu a che sawn ve nghal vat, ka hnung lamah rawn kalin ka kawngah a rawn kuah a, ka nghawngah chuan rawn fawpin ka towel chhanah ka áwmbawr chu a rawn khawih ta a.

"I nasa reuh ngawt mai!" tih sup pahin ka towel sin lai chu min pawh thlák sak ta thut a. Ka thinur kher mai!

Dominic chu a nui hawk a. Ka inrin hman hma chuan ka mawngtamah béngin towel chu chhuatah a thlâkthla nghal bawk a. A khawsa zia ngeiawm zet chuan ka thin tertek a chawk tho leh ta tlat! Min benna chu a ná pawh a ni hran lova, a thinur thlák em a ni.

Bucket-a, a zatve tui in chhawp sa chu khaiin ka theh ta țháwt a, ka chét dan chu a rinloh lam daih a ni tih hriat tak hian a meng pháwk hle a. Chutah a thawmhnaw huh phung chu enthla lehin awih theilo hmel hi a pu bawk.

"I thil tih phu táwk lawmman chu kei hian ka pe lêt ve zel ang che, Dominic Dron Malakian," ka ti ve ta salh a.

"Chimawmnu," Dominic țawng chu hre lo ang hmiah a awmin, bathroom chhuat a towel tla chu chharin ka chhuahsan ta daih a.

Duh leh lo inbuaipui ve mai mai teh se!

Bathrobe dang lain ka intuam țha leh thlap a, dressing table hmaa ka lo țhut lai chuan Dominic chu ruak vekin bathroom ațang chuan a rawn chhuak a. A taksa nalh tak mai ka hmuh chuan engtin emawni tak hian ka awm leh tawh! Huiz...ka inthunun loh chuan hepa hian ka duh tih hi a hrechhuak mai ang!?

"Engvanga khatianga rawn chhuak ngam nge i nih? I apartment a nih loh hi!" Ka lo ti vin țhat a.

"Hetianga ka awm lai hi i hmu duh aniang chu ka thawmhnaw i ti huh vek tih chu i hriat kha," ngeiawm zet hian a ti chhuak a.

"Ka hmu châk lo chiang emai. Towel tal veng rawh." Ka lai lutuk chu Dominic chuan a hriat loh hram ka beisei takzet.

"Ka inbel tur emaw, ka intuamna tur tal min rawn pe rawh," thupe aw zet hian a ti leh a.

"I chhiahhlawh ka ni lo aw, khalai drawer ah khan a awm, inlâk ve mai rawh."

"Kiara, luhlul viau teh suh, i mikhual ka nia, min ngaihsak ve tal ta che," vui aw lek lek hian a ti a.

"Hahh, sawm loh mikhual kâwlhráwng," tih sap pahin towel la tur chuan ka tho chhuak a. Kei aiin Dominic chu a che rang ta tlat!

"Hei hi i cho chhuah a ni," tiin Dominic chuan a lamah min pawt dawrh a, ruak ngal ngata a awm chu hre awm hmel pawh a pu lo.

A taksa lumna chuan min ur nghal ham ham a, ka hmuiah chuan duhthawh zet hian a rawn fawp ta a. A mipatna chuan ka bathrobe chhanah min nawr deuh salh bawk a, uar fahrana min fawhna chu ka taksa chuan lo dawngsawngin phurna hian min fan chiai chiai a, ka lo chháng let ve zel a, engtiklaiin nge ka khum min thlenpui ka hre hauh lo!?

'Hetiang hian ka inkhawihtir tur a ni lo' ka thluak rawn fîm țan chuan chakna thar min pe lehin min delhbehna ațang chuan thawh tumin țan ka khawh leh hnuhnawh ta a, ka bathrobe suihna inphelh vek tawh chu siamțhat ka tum a. Ka tlai ta hret!

"Engthil nge ka hmuh hi?" Ka nu leh pa chu kawngkaah an rawn lang chawpchilh nghal a. Kan awmdan lai zet leh zahpui awm tak chu makti tak hian an en tlawk tlawk mai!

Dominic thawmhnaw pakhatmah inbel lo chuan min delh run a, a hnuaiah taksa lang huaiin kei ka mu bawk a. Ka nu leh pa rilru ná hmel ka hmuh chuan ka inten kher mai!

"Țhut khawmna pindanah kan lo nghak ang che u," ka pa áw chu a chang țha khawp mai. 

Ka nu leh pa kal hnu chuan Dominic chuan min pawt tho ve nghal a, "Kiara, ka tihpalh lutuk," inthiam loh hmel tak hian a ti a.

Ka chhâng buai peih lo, ka thinrim tet tet a, ka zak buai vel peih tawh lo. Dominic hmuh lai chuan ka inthlâk mawlh mawlh a, "Kiara, ka thawmhnaw a huh vek hi engemaw tal ka hâk tur ngaihtuah teh," Dominic âw ah chuan manganna ri niawm tak alang chhuak a.

"A huh khan ha mai rawh, ka nu leh pa lâkah min ti mualpho khawp mai," ka ti ve hmak a. Ka rilru tak chuan ka khawngaih tho; mahse a thil tih pawi zia hi a inhre lo a ni! Engtin nge ka insawi fihlim tâk ang!?

"Kiara, fiamthuna hun a ni lo a nia, inhnuaiah i nu leh pa in min nghak reng tih i hriat kha," Dominic chuan chang fak hian a ti leh a.

"Ka fiamthu hleinem, i hriat angin unaupa ka nei lova, mipa hâk tur thawmhnaw ka kawl i ring em ni? Tun ang dinhmunah hian ka pa dîl tur chuan min beisei thei lovang."

"A țha e, lo zuk chhuk rawh, ka lo inbuaipui ang," a ti hmuk a.

Ka thinrim êm vangin Dominic thawmhnaw hâk tur lam ngaihtuah thei ka ni lo. Ka nu leh pa ka hmachhawn tur chu ka huphurh takzet a ni.

Dominic pawh ngaihsak zui tawh loh chuan ka room chu ka chhuahsan ta a.

Țhut khâwmna pindan zau zetah ka nu leh pa chuan min lo nghâk reng tawh a. Ka lut lai chu en pawh min en duh lo!

"Pa, Nu, in hmuh ang kha thil awmdan a ni lo a nia," inthlahrung dêkin ka ti sap a.

Ka pa chuan ka lam rawn hawiin, "Khaw'nge Mr. Malakian chu!?" a ti hmuk a. Ka nu erawh engmah sawi lovin hnuailam a bih ngar a. A rilru a na hle tih ka hria, an fanu chhuan em em khan an inchhung ngeiah saruakin khumah mipa ka lo awmpui a nia!

Dominic ka huat tluk zetin keimah pawh ka inhaw tel!

"A thawmhnaw a huh vek avangin hâk tur a nei lova, ka rawn chhuk san!" Ka  pa zawhna chu zawite in ka chhâng a.

"Engtin maw! Engtin nge a thawmhnaw chu a huh theih? A lo luh lai kha chuan chutiang a nih loh kha!," Ka nu âw fiak țhak chu ngaihthlâk a nuam tehchiam lo.

"Nu...," ka mitmeng a ka ngénna chu a haider hmiah a. Ka nu tal chuan min rin ka lo ring ve a sin le...!  Ka țah chhuak ut ut chu ka duh lo kher mai!

"Kan chhuang ve em em che a, kan fa neihchhun i ni, khawpuiah i awm a i nundan thianghlim tak i rawn hloh zo ta a nih hi. I nu leh pa inchhung ngeiah mipa in rawn umzui che in, i room-ah in mudun ngam hial a nia!?" Ka pa âw a natna awm chuan min tina ve takzet a ni.

"Pa, i hmuh ang kha a ni...." ka sawi zawh hma hmain, "Kiara, duhtawk rawh. I nu leh pa hi kan mit a del hleinem!" Zawi fiah tak hian a ti leh a. Ka beidawng tawh! Min ring thei tawh chuang lo ang.

Minute thum vel kan ngawih țhap lai chuan inchung step ațangin Dominic chu a rawn pén thla thauh thauh a, zâm hmel a pu eih lo, a taksa lian leh inphut mawi tak chu hmuh hmaih har tak a ni. A thawmhnaw hâk ka hmuh chuan nui lo tura ka insum fê a ngai dawn a ni!

Ka pyjama dum chu mar et awt hian a ha a, a pianhmang a lang thei deuh vek, a chungah a kamis huh kha a la ha zui a, ka thawmhnaw ah a hâk tur awm a awmlo tih ka hrechiang ve tlat!

Ka țhutna ep chiah sofa-ah chuan a țhu a, a hmelah a ngaihtuahna awm ka hre mai thei lo.

"Mr.Forbes, a pawi ka ti hle a ni." Dominic âw pa hrâk chu a thum deuh chhak a.

"A rang lamin innei ang che u." Ka pa thusawi avang chuan ka țhu ngil zawt a. "Mr.Malakian, ka sawi chu i hria em? Kiara hi nupuiah nei ang che." Dominic a ngawih reng avang chuan a sawi zawm leh a. Thinrim hmel pawh a pu tawh lem lo.

"Ka pa, enge maw i sawi le...!" ka ti tuarh a.

"In remtih chuan hnialna ka nei lo," Dominic chuan a rawn ti bauh a, a hmel ka va en chuan min rawn en ve chiah a, hnehtu intihna riau a mitmenga lo lang chu ka huat zawng tak a ni!

"Pa, ka thusawi hi vawikhat tal min ngaihthlak sak ve ula," Ka țap lo chauh tawh. Pasal neih ka duh loh chu thuhran, hepa phei hi chu ka nei duh lo hul hual!

"Kiara, a tawk! Sawi nawn leh ka tum tawh lo, arang thei ang berin inneihna kan buatsaih ang!" Ka pa áw chu a kha fak mai! Dominic lah chu engtháwl hmel fahran hian a nui lek lek a. A hmel hian ka pawi a sawi chiang khawp mai!

"Breakfast va ei rawh u," ka nu chuan a ti ve ta a. Engmah ei pawh ka châk lo. Dominic teh reng pawh hi ka pa kha hnial ve țâng țâng tur a nia! Min neih a duh pawh a ni lo a, bum kual mai mai leh tisa châkna hrikthlâk nan bak min ti lo tih hi ka hrechiang ve êm!

Dominic Pov*

Kiara aparment ka chhuahsan hnu khan Talinda phone kengin ka apartment-ah ka tlang nghal a. Ka țhianpa chu phone in Kiara awmna hmun arang thei ang ber a, lo chhui turin ka hrilh ta kha a nia. Talinda phone ka lâk kher nachhan chu a rawn call leh ka rin vang a ni. 

An țhiandun hian eng ruahmanna nge an siam tih keini unau hian kan hre leh tawp nang! Talinda pawh hi ka ring teh hrep lo! Gavin hi a duh tak tak rinna pakhatmah ka nei lo a, a û phuba lâk nan a hmang mai mai zawk a nih ka ring ber!

Gavin erawh rilru na takin kum thum chhung a lo awm tawh a. Talinda bulah hian a hlim tih ka hria, a rilru tih nat sak kher ka tum lo. Keiman ka la chhui chhuak ang chu...

Ka țhianpa in Kiara location a rawn sawi meuh chuan mak ka ti lo thei lo. Henu hian min ti phu reng mai chu a nih hi. Zinglam dar thumah Cheshire lam panin ka inkhalh chhuak ve leh ta a. Hmeichhe pakhat buaipuiin ka hun pum deuhthaw ka khawhral chu a ni sia! Tun thla bâk Crewe-ah ka awm thei tawh dawn si lo. Washington-a ka kir leh hma ngeiin Kiara hi ka nei fel hman tur a ni. 

Ka hmuh phâk lohah ka awmtir dawn lo hrim hrim!

Kiara chénna hmun zawn chhuah chu a har lo hle a, mahse ka rin loh dan bawkin thil a thleng leh ta. Nu leh Pa a lo la nei reng! Ka lâkah hian eng ang fakauva tam nge zep a neih ka hre chhuak mek zel chu a nia!

A nu leh pa hnenah tlang takin Kiara ka hmuh duh thu ka hrilh nghal a. An polite hle a, an fanu chu a la mut thu in min chhâng a. Hmuh ngei ngei ka ngai a ni tih ka hrilh chuan a room-ah min chhoh tir ve mai bawk a.

Kiara room chu a nuam reuh hle a, an khawsa nuam táwk tih a hriat mai! A mah ka hmuh loh avangin pindan chhung chu ka enkual a; hmeichhe room tih a hriat hliah hliah bawk.

Shower ri ka hriat avangin bathroom-ah a awm tih ka ring thiam ve mai a, chu lam pan chuan ka kal ta a. Henu fimkhur loh dan em em hi, nge? a theihnghilh palh ve hrim hrim zawk? Bathroom inkhar phui lo ațang chuan shower hnuaia ruak vek a Kiara ding chu ka en ta reng a!

A pianhmang nalh thlarh leh a hnute kawh vah mai ka hmuh chuan ka danglam nghal der!

Towel ban tuma a kut phar vá ka hmuh chuan keimah ngeiin ka le ta kha a nia! A mawng khal nalh zet chu insum zo lova ka ben sak tâkah chuan a thinrim hle a, min hmu thut chu mak a ti hle tih ka hre bawk! 

A thinrim chét dan chu ka rin loh lam bawk a ni leh ta. Min sual lêt ka rin teh lul nen, tuiin min leih huh ta zawk kha a nia, thawmhnaw inthlâkna tur ka keng lo tih ka hrechhuak nghal zawk mai! 

A khuma saruak deuh thaw a, a nu leh pa in min hmu kha chu a nuam lo ka ti ve reng. Kiara hmela hrehawm tihna leh zahna inpawlh nuaih mai ka hmuh khan ka inthiam lo takzet a ni.

A pa in nupuia nei tura min han ti chiah kha chu...ka lawm lutuk hi awmngaihna ka hre lo mai dawnin ka hria!  Ka duhthusam thleng rang lutuk leh tluang purh mai chu ka ngaih a țha lo țép zawk!

Kiara chuan a pa a hnial ve páng páng tak na a, awmzia a awm tam lo khawp mai.

Kiara Forbes hian a pa Franky Forbes hi luhlul kawngah a lo chhun ém a nih hi. Pa fa diktak an ni!

Kiara'n min neih duhlo viau mahse a nu leh pa thu a hnial dawn lo tih hi, ka mit awmna ka hriat chian ang tluk zetin ka hre thei a ni.

Kan chesual dun tawhah an ngaih tlat avangin, sawifiah ka tum eih lo.

Dominic Dron Malakian hian a duh a nei zel țhin tih hi Kiara hian a hriat vat a hun reng a ni.

Kiara Forbes ka 'ta' chu i ni dawn ngei e, ka ta chauh.....

©<++++[BeckirafARenthleI]++++>®

                    Chapter-12

Breakfast kan ei zawh meuh chuan zing lam dar sawmpakhat a ri tawh a. Kan thil ei chhungin ka nu leh pa chuan min tibuai miah lo, țhut khawmna pindanah an la awm reng a; diktak chuan an thu tlûkna siamah hian ka lungawi hlawl lo...?

"Ka rualin Crewe-ah lêt ang che." Dominic chuan a ti sup a.

"Teuh lo, ka neih che i ring bik lo ang chu tiraw?" zawt pah titih hian hian Dominic chu ka en a.

"Ring e." A lo ti hmuk a. Hepa tluka ngei hi tun hunah hi chuan ka nei kher lo ang!

"I ring emaw ring lo emaw, ka nei dawn chuang lo che.

"Kan la hria ang chu," ti a thovin, țhut khawmna pindan lamah chuan a phei ta daih a. A chêt leh dan tur ka hriat miau loh avangin ka zui ve ta vat a.

Ka pa chuan, "Kiara, Dominic thawmhnaw huh ho kha han pho ro la, dinner hetah in ei anga, zanah Crewe-ah in lêt dawn nia." Hnial ngam miah loh khawp a thupe áw hian a ti ta a.

"Pa, hetah ka awm rih dawn alawm, Crewe ah tihtur ka nei tawh lo," ka la ti ve hrám a.

"Juliana, i fanu luhlul lutuk hi engtia tih chi nge maw ni le!?" Ka pa țawngkam chu ka ngei kher mai! Ka nu teh reng pawh hi min țan ve ka ring a nia, ka pa hi a hlau hle tih chu ka hria a; mahse tuna a awmdan em em hi chu a lutuk lam deuh a ni! Min lo hmangaih lo tawp a nih hi...!

"Kiara, i pa sawi ang chuan han ti rawh le," muang ban chap a ka nu țawng lai chu rum fê hian ka melh a. Dominic vang vek a ni! Kan innei a nih phawt chuan, a chák ang he hu chuan ka awm lo chiang ang chu!

An pathum chuan ka pindan lam ka pansan ta daih a. 

Dominic thawmhnaw chu machine-ah ka vawm lut a, he mihring zahna tlachham lutuk hi chu hrem deuh a ngai dawn a ni.

Motor company neitu ve si, thawmhnaw spare pai nachâng pawh hre lo. Ka ngaisang hrep lo e! Engtin nge a hma te khan ka lo duh theih zawk le!?

Dominic thawmhnaw ka nawh ro vek hnu chuan lunch ei tur takngial pawhin ka chhuak duh lova. Ka telloin ruahmanna an siam dawn tih ka hrethiam ve mai. Ka nu leh pa ka hnial thei dawn lo tih Dominic khan a hre láwk hial ang chu! 

Eng ang pawhin kan chesual lo tih sawi mahila min ring dawn chuang lo, ka nu leh pa hneh tumna rilru pawh ka pu tawh lo. An fanu hi min hmu khât pharh tawh ang! Ka room-ah chuan ka insawh tau ve nghat nghat a.

"Thla tharah kan innei dawn a nih chu," Dominic lo luh lai ka hre miah lo!

"Chhuak rawh," tih hmak pahin rum zetin ka melh a.

"Awle, hmelțha, mahse ka thawmhnaw ka inbel zawh hunah aw," elsen zet hian a ti a.

"I thawmhnaw hi la la, ka hmuh phâk lovah awm rawh," ka ti vin tuarh a. Kum naupang te in pasal ka nei dawn a nia, hepa vang hian ka hma hun tur a chhe vek...!

"Ka hmuh pháka awm turin ka duh thung che lawm, Kiara ka duh che," tiin ka lam pan chuan a rawn pen phei a. Ka lo hnial hman hma chuan min rawn pawm ta thut a.

"Ka duh che, chu chu theihnghilh ngai suh, ka sawi tawh ang khan thla tharah kan innei ang. I taksa nalh tak hi ka ta a la ni thuai dawn," tih pahin min rawn fawp ta a.

Ka thinur ém avangin a nawm leh nawm loh lam pawh ka hre chang lo reng reng a, min vawnna nghet tak ațanga awmze neilo zeta tàlchhuah ka tum laite chuan engemaw sawi hian a phun hluk a. Min kuah hnai sauh sauh bawk a. Mipa a nihzia chu englaiin nge ka taksa hian a hriat țan tih pawh ka hre lo, nuam tihna riau ka neih chu ka duh hauh lo. Ka taksa lo lum țan tur chu duh lovin țan ka khawh thar leh a, atheih anga nasa chuan ka tál leh ta vak a.

"Che tawh suh," tiin min fawh lai chu a chawlhsan zawk a. "Hei hi i hlawh chhuah anih hi...nuam ti takin chén mai rawh, hmeichhe thianghlim ang mai a i awm kha bansan bawk la," a ti duah a. Dominic taksa min mamawhna avanga sa ham ham chu haider luih țalh ka tum ve tlat a.

Min rawn fawh leh ták avangin ka lo hnial tumna chu a thláwn leh ta. A duh anga ka awm hma chuan min thlah mai a tum hauh lo a ni tih ka hrechhuak ta a. Amah ngaihsak lo thei ang ber leh ka mamawh ve na tilang duh miah lova ka awm tákah chuan Dominic chu a rawn dâk chhuak a. A mit buang tháng a mak tihna lo lang zawk chu ka hmu hman tho.

Chuti mai chuan ka tláwm dawn hauh lo. Che miah lova ka awm tákah chuan min thlah ve ta chauh a.

"Naupang țha, tunah chuan thil i man thiam ta deuh tih ka hre ta e," elsen zet hian a ti leh a. "Mipa la mutpui ngailo ang te kha chuan lang der duh suh, Kiara kan hre thuai dawn alawm," a tih zawm leh hmuk a. Ka lo hnialna chuan a tilawm lo hle tih ka hre mai!

"I nun a rawng hle mai," ka áw chu a thám deuh țiak a. Dominic min fawhna ringawt hian hetiang tak hian min ti danglam țhin tih ka lo theihnghilh tawh a ni.

"Inhuatna lam kha chu tilang lo teh ang, nupa kan ni thuai dawn," tiin hnungtawlh hrat chungin min rawn en a, nui hmel a pu deuh bawk. "Nang phei chu 'ex call girl' i ni khan ka hria a?" Ngeiawm zet hian a ti leh a.

Kan inhmuh hmasak ber zan kha arawn sawi chhuak tih ka hre mai!

"Khángte chu a dang alawm," tiin thinur tak hian ka lo melh nghek a. Cho fahrana ka melh chu nuihzat hmel zet hian a la awm zui. Ngeiawm thiam lutuk mai.

"Fing hle ah i inngai a nih ka ring, min bum te kha i han tum vel a, Kiara Forbes" tiin a rawn pen hnai leh hlek a, ka thinur chu engahmah ngailo tih hriat tak hian a thle bak a.

"Mahni hming diktak sawi ngam lo mipa hi ka ngaisang bik lo ve," ka ti ve sak a.

"Oscar dawng tlák a lemchan thiam i ni e, ka nupui hual luhlul te," a nui suk a.

Thinur zet hian ka lo melh leh a, tih vak ngaihna pawh ka hre lo.

"Sawi tur i hre tawh na nge? I lemchan chhunzawm tir tumna che ka nei tawh lo," Dominic áw a ténna niawm tak rawn lang chhuak chu ka run kher mai!

"En teh khami zan chungcháng kha chu ka sawifiah thei....," sawi zawm lovin ka ngawi leh daih a. Jane phuba tih vel kha chu sawilan chi a ni lo hrim hrim!

"Sawifiah tir che pawh ka duh rum rum mai dawn alawm le," dam thluam hian a ti leh lawi sia.

"Ka unaupa lakah khan i in phalrai ém lovang chu tiraw? Zan khat in riak dun sia,"Dominic chuan tén hmel fê hian ka taksa chu a melhkual dan dan a.

"Thil ho mai mai sawi ka peih tawh lo, i thawmhnaw chu inbel vat mai teh."

"Ok..ka inthlák lai i hmu chák deuh em ni?" A duhna ah chuan ngeiawm thiam ve hle mai maw!?

"I mumang a nih chu," tih hmak pahin kawngkhar lam ka pan san ta daih a. Ka pasal tur chu a ni si a. Huh..Pasal! Ka ngaihtuah zawng pawh hian ka luak a chhuak e a.

Dominic nui ri hawk chu ka chhuahsan ta daih a.

Ka nu leh pa kiangah pawh chuan hlim hmel lantir ka tum hauh lo. Artist nih tuma ka beih hah zia ka ngaihtuahin, ka insawifiahna ngaithla duh miah lova pasal min neihtir an tum hi ka lung a awi mawlh lo.

"Kiara, Dominic khan a hrilh che ka ring thova, thlatharah in innei ang, hetah Cheshire ah a ni anga, chumi hnu ah, Washington-a Dominic te chénna hmunah in kal ang," ka pa chu ka chháng buai peih lo. Rum zetin ka melh nghek ringawt a, ka nu pawh hi ka haw lutuk tlat!

"I nu nen pawnlamah dinner kan ei chhuak dawn a, Dominic ei duh zawng chu i hriat ka ring!?" Ka pa bawk chuan a ti leh a. 

Ka insum thei tawh ngang lo, vin fé hian, "Hre tehreng mai, kan inbuaipui thei alawm," ka ti țhawt a. Ka áw vin lutuk vang chuan ka nu chu a meng rum ál a. 

"Kiara," a rawn ti ve tuarh a.

"Pasal nei tura min duh viau a nih chuan ka nei khawp ang!" 

"A tuartu zawk ang hrim te chuan țawng teh suh, i room-ah mipa i awm pui a, chuti chung chuan zahna cháng pawh i hre lo," ka nu chuan min ti erh a.

"In hmuh ang kha a ni lo," ka la ti ve zel a.

"Duh tawk rawh u," ka pa chuan a ti hmuk a. Lungawi lo zet hian ka pindan lamah bawk chuan ka lêt leh a.

Dominic chu inchei peih diam hian a lo awm tawh a. "Insiam la inhnuaiah ka lo nghak ang che," dam thlap hian a ti a.

Kan inhnial tháwm kha a hria nge hrelo tih pawh ka hre thei lo. Ka thinrim hmel chu a mit buang thang a min en leh vang vang hnu chuan ngawirengin min chhuahsan ta a.

Ka inbual zawh vek hnuah ka lo tih țhan fo tawh angin ka hun hmanpui te azirin inchei dan tur tawk pawh ka hre tawh viau.

Wardrobe hmaah chuan dingin thawmhnaw nalh tak ni si, mi hîp lutuk silo hák tur ka zawng a. Ka ngaihtuahna tilang miah lova Dominic tih hranna tur thawmhnaw ka hak a ngai a ni.

Chiffon kawr fual paw phát mai, nghâwng zau vak lo bán tláwn chu la thla in, darthlalang hmaah chuan ka in theh chhin vel a. Ka hâk vek tawh hnu chuan darthlalang hmaah bawk chuan ding lehin ka duhthu a sám ta chiah lo.

Ka thawmhnaw chuan ka taksa chu a khuh bo hneh hle nain, mipa tan chona a ti chhuak riau. Ka hnute chu a lang sar mah mah hian ka hria a, ka heh chu pet deuh fanin ka inthlêk leh ngial a. Mahse, thawmhnaw dang han ha leh tur chuan a tlai deuh mah mah tawh si...Ka nu leh pa an awm dawn loh avangin Dominic chuan ka tlánchhia emaw a lo ti thei tlat. Chu chu ka duh lo, inringtáwk fé a ka lan a ngai a ni.

Whisky no dawm hian Dominic chu a lo ding a. Chutianga a awm mai mai pawh chuan mi hipna a nei nasa hle a ni tih chu ka pha thei bik lo. A chhe lo thlâwt a ni. A sam dum hlap chu a mumal tak hian a siam thlap a, a chhîp lam phir deuh chu nidanga a la tih ngailoh dan a ni. A thawmhnaw ka nawhsak ngei kha a ha thlap a, a kamis hák bán chu a kiu thleng hian a thlep bawk a. A landan 'pa' zet chu hmeichhe tan hnar phal chi a ni lo!

Kár hmasa lama alandan leh tuna a landan chu a dang hlak mai! Businessman thil tithei tak a nihna chu ka hmu thiam ve chiah! Malakian Motors company neitu kha a ni miau va....! Hah.. Ka thil ngaihtuah mai mai chu(h)

Dominic chuan ka lam chu a rawn hawi ta a. Ka thawmhnaw hák chu hmu in mitko a san deuh ák a. A mitmengah chuan nuihzatna hi a lang tel deuh bawk. "I nalh hle mai," tiin ka thawmhnaw hâk chu a melh leh zauh a. Ka hák chhan pawh a hriat ngei a rinawm bawk a.

"Eng nge i in ve ang..?" tiin min zawt ta daih a. Ka thawmhnaw inbel lam a sawi zawm tawh lo chu ka lawm hle mai!

"Sherry ka lo in a nge," ka lo ti ve vat a, intur dahna lam a pan lai te chuan ka en zui zel a. Ama in ang maiin a tlángnél nghal hmiah, kan in zaupui leh Dominic ruangam lian tak chu a inrem hliah hliah hian ka lo hre pek a!

A che vel reng reng chu zei thlurh mai hian ka hria! Intur nen a lo lét leh tákah chuan no chu ka lo bân vat a. Kan kut intawk zauh chu ka hre lo der thung, Dominic erawh chuan inti hre zet hian a kiai deuh suk a. 

"I nu leh pa inah chuan i rui chhe lo turah ngai ang aw..!?" tih pahin intur chu a lem hlek a.

"Ka ruih khum leh hrep palh ang che," fiamthu pah deuh hian ka run luih a.

"I ngam chuan rui la, thil thleng tur chu i hria alawm.." Dominic âw chu a thám deuh sap a.

"Eng nge thleng ang?" Cho ár in ka ti ve zel a.

"I hriat duh chuan rui chhin la ti nia, i nu leh pa in kan mudun tawhah an ngai thova, zanin pawh hian i bulah ka mu ang, an ring sa thlap dawn tho a," zam lo zet hian a ti ta a.

"Zak ve deuh rawh aw, Malakian káwlhráwng pa." 

"Kan intluk tawk vel chiah, nang pawh mi rethei call girl actress i nih kha," a nui pah suk a.

"Call girl ka ni kher lo."

"Party zana i thawmhnaw hâk kha i nu leh pa ka hmuh tir dawn em niang?"

"Hahh..hmuh la, ka hlau lem lo," A hmuh leh duh tak tak roh ang tih chu ka hlau, pawisak a nei lo ropui si!

"Mi han tih-el vel hi chu nuam i ti mawle! I intur kha in rawh le.." Za lo zeta nui chung hian Dominic chuan min rawn en a. "Ka fá nu tur hi a kawlh mah mah chu a ni e," a ti ta a.

"Engmaw i sawi? Fa maw...?" ka ti hlar a. "Umn...fa kan nei ve ang chu nupa kan nih te chuan."

"A thléng nguar ang!" tih pahin sherry chu ka tlák pap a. "Nang nena fa neih ai chuan maw..Dominic..." ka sawi zawm duh lo lui ngat a. 

A hmel rawn sen țawn țawn ațang chuan ka țawngdan chu a haw hle tih ka hre mai! 

"I chhungril kha zet kha tilang duh suh, Kiara, ka ngaina lem lo a nia," chang fak hian a ti ta a.

"I chhungril kha zet kha siamțha phawt rawh, mahni unaupa te hmanrua a hman ching pa," ka ti ve salh a.

A intur dawm chu hmuh nawm em em nimai awm hian Dominic chuan a en vang vang a. "I nu leh pa hian an hmangaih tehlul che nen, i tana țha tur an ngaihtuah zel a, nang lah chuan kawh mawh i bawl reng chu a nia," a ti leh daih a.

"Ka nu leh pa te nen chuan inanna kan nei tlém emai, kan chhungkaw chungcháng hriat i nei hauh lo."

"I pa hian rokhawmtu tur tupa ngawt a ngaihtuah a, i nu ve thung hi chuan i hlimna tur a ngaihtuah." tiin a dar a san ak a.

"Ngawi mai teh," Ka ti ta ringawt a, ka awm loh hlanah chutiang lam chu an lo sawi a ni ngei ang? Ka hre chhun zawm peih lo e a.

"Sherry dang ka rawn thlit leh dawn che em ni..?" tiin Dominic chuan min zawt a.

Ka lu ka lo thing a, A hma a mi ka inna no ruak chu ka la keng reng a. Dominic chu ka bulah rawn țhu in, ka mal si deuh thaw chuan min rawn hnaih a. Han tawlh sawn san chu ka duh viau na in a mitmeng leh min en dan avang chuan che sawn thei lo chuan ka țhutna ngaiah chuan ka țhu reng a.

"Thláwk chhuak tur ang maia țhu lo khan dinner kan ei mai dawn em ni?" Dominic áw a nuihzatna lang chu ka ngei kher mai!

Ka sherry inna no ruak chu dahin ka tho ta a, min nuihzat hle tih ka hria!

Dinning roomah chuan lutin ka țhutna tur chair chu min pawh chhuah sak a. Ka țhut fel hnu chuan Dominic chu rawn kun hniamin ka tukkhumah chuan a fawp thawi thuak a, ka ep chiahah chuan țhut hmun a rem ve ta a.

Dawhkana eitur inchhawp lam chu ka en san ta daih a, Dominic pasala ka nei a nih chuan ka hma hun tur hi a éng lo hle hian ka hre thar leh a, ka thil ei châkna pawh a bo vek!

Kan thil ei chhung zawng chuan kan țawng lo a, ka plate-a eitur ka thaikual vel mai mai chu mit zim san hian a rawn en a, " Kiara, tlem tal ei rawh, a hmaa Kiara ang kha hmuh leh ka duh," dawnfawh zai lep ei pah chuan a rawn ti a.

"Ka châk vak lo tih i hmu thiam maiin ka ring," ka ti sap a.

"Naktukah kan lét leh anga, i car hi ken a ngai tawh lovang! Kan pahnihin car pakhatah kan chuang dun tawh ang." 

"I duh ang apiang zawm ka tum lo." ka ti hmak a.

"Crewe kan thlen hunah i apartment-a bungrua zawng zawng kan ti fel nghal vek ang, kan inneih nan kárhnih chiah nghah ka tum che tih i hre dawn nia.! Dominic chuan thupe áw zetin a ti ta a.

"Chutiang lekah ka inpeih hman lo, em em a che! Ka tlán bo dawn hleinem Dominic," ka ti țhat a. Karhnih chhungin engtin nge ka inpeih hman a a rin reng reng ni!?

"I tum tur a ni, min hnial suh, i sum i hmang țhen phallo a nih chuan i account-ah i mamawh tur ka rawn thun ang..!" a ti leh hmuk a.

"Pawisa lam ka sawi lo, lemziah zawh loh ka la nei tih chu i hriat kha."

"Kan inneih hnuah i chhunzawm thei reng alawm, chhuanlam fahrah te te hi nei ziah suh," min ti zék a.

Huizz...He mihring hian engmah a hrethiam tak tak dawn lo. Hmeichhia leh mipa kan inang lo tih hi hre tur a nia sin le... pasal ka nei a nih chuan a țha thei ang ber a ni tur a ni...

"Ka chhunzawm dawn reng alawm, min dál han tum chhin chiah la," cho tak hian ka ti salh a.

Dominic chuan min chhang tawh chuang lem lo hian a chair chu nawr tawlhin a tho ta a. Keipawh min pawt tho ve nghal a!

"Engemaw chang hi chuan kut han thlak hial che hi ka duh țhin," thinur seh chilh rap rap chung hian a ti ta a.

"I ngam chuan kut chu min thlâk la, inneihna hi a thleng ngai lovang," ka ti ve sak a.

Dominic hi ka duh lo a ni lo, mahse ka chunga a thiltih zo zai avang hian ka hua a ni. Blackmail chîng mipa hi ka ngaisáng lem lo...

©<++++[BeckirafARenthleI]+++®

                   Chapter-13

Dinner kan ei zawh hnu chuan țhutkhawmna pindan lamah kan inzui phei leh a. Eng tham mah kan ei lo ve ve a, ka nu leh pa te reng reng pawh hi kan pahnih chauhva min hnutchhiah hi fair an ti mawni le!? An awmdan hi a mak tlat!

Sofa-ah chuan țhu hnawkin Dominic chu ka en deuh vang vang a.

"Brandy in leh ta che," tiin ka lam hawi chuan min rawn zawt a.

"Ka in lo mai ang, ka lawm e," tiin ka lo hnar a, diktak chuan zu lam hi chuti tehchiamin ka ngaina hran lo. Dinner ei laia wine ka in kha ka duhtawk viau, ka in belh leh a nih chuan ka tan a hlauhthawn awm thei dawn tlat. Tuna Dominic kianga ka awm ringawt pawh hi fimkhur na tur chhan a ni. 

"Ho mai mai," tiin, intur no hnih kengin ka lam chu a rawn pan țalh a. "Brandy tlem i in chuan i mut pawh a tui sawt mai ang," a ti a.

"I mak ve ngawt mai! Kar hmasa lam te kha chuan zu lam reng reng in kha i phal lova, tunah min tur leh chhên si." Dominic no min pek chu ka la duh lawk lo a.

"Ka bula i awm chuan in ka phal alawm, chintáwk ka thliar sak mai dawn che a. Nangni țhiandun in ve kha chu in ngaihtuah awm tlat!" tiin no chu ka kut chuan min vawn tir a.

A no min pek chu ka en a, Brandy khat deuh pap chu ka in ve țan ta a...ka pum a sa thla nghal ham ham thei nia! Ka bulah Dominic chu rawn țhu thla in kan mal chu a insi deuh ran a. Ka lamah chuan rawn thle pheiin ka no dawm lai chu min láksak ta a. Ka lo in zo vek tih a hmuh chuan mak tih hmel tak hian min en a.

"I duh naah hi chuan i țuan hi chu a țha mawle, tlemte te khan in ve mai ta che," a ti hluk a.

Thatchhe zet hian țhu in sofa nghenchhan chu a ngheng awr awr bawk a. "Tlemte te in ka inthiamlo tih i hriat reng kha." Ka melh rum leh țan nghal ringawt, min tih thinrim hi nuam a ti ve hrim hrim emawni tih tur hian țawngkam ngeiawm hi a hmang ve ziah lehnghal!

"Thil har lo tak a ni e, thiam tum ang che. Washington kan thlen hunah party leh dinner ei a chhuahna tur kan nei fo dawn a, khatianga i in pup pup chuan mi mak tih i hlawh ngei ang," min en reng chung chuan a ti deuh duah a.

"Ka pawisa lo e, ka duh dan danin ka in ve ang chu," ka ti hmak a.

"Luhlul i chhuah fo chuan nangmah leh nangmah kha i inti hrehawm tihna a ni mai."

"Ka duh dana awm tur hian ka zalen ve tawk, i thuhnuaia kun turah min ngai suh."

Dominic chu rawn che deuh thutin ka no ruak chu min láksak a, nuihsawh lam lek lek hmelpu a min en in, "Min do reng hi bansan teh, kan innei dawn tho tho si a, ahma ang khan awm leh rawh. Hun i khawhral hnem tawh mah mah a ni." a ti ta a.

Chutia a țawng pah chuan Dominic hmel chu a danglam tulh tulh a. Nuihza hmel pawh a pu tawh lo, a mitmeng buang thák chu a de deuh sar a. A insehruh deuh țeuh tawh bawk, tuna a hmel landan ringawt hi chu a nelawm miah lo. Kei ngei pawh ka lo insangmar ve țun tho nia! Ka lam hawia ataksa chu rawn herin, ka pianhmang chu muangcháng hian a enkual dan dan a. Chutah ka hmel chu chiang fahran hian a rawn en leh ta a. Vawikhat min hmuh na nimai awm hian a mit pawh a khap eih lo. A hmel leh a mitmeng chuan ka hrawk te chu a ti tawt deuh up up mai!

Ka lamah chuan a rawn áwn hnai a, a rim chuan ka hnar a verh zar. 

"Nilo," tiin ka lo tawlh sawn a, min en dan ațang chuan a thil tum awm ang a hriat theih tlat! "Min tawh hlek chuan ka țe vak ang," ka ti a.

"I duh leh áu vak la, ka hlau lo ve," a ti sup a. Muangchang hian a kut chu rawn phar chhuakin ka hnute bu inkarah chuan arawn tawk kher a, chutih pah chuan ka mit takah a en kalh reng bawk a.

Chét sawn chu ka duh, mahse Dominic mitmeng chuan min aikaih tlat! Ka thaw chhuak ta halh a. Min tawhna chuan ka taksa chu a káng ham ham ni ber hian ka hria, ka kawr hák chhanah ka áwmbawr chu dimte hian a khawih a.

"Min khawih suh," aw khur dar dar hian ka lo ti a, inthunun tumin theihtawp ka chhuah a. Mahse, Dominic chu ka țawng hre awm pawhin a awm lo, rawn kun hniam riai riaiin dim lo tak leh uar takin min fawp ta a. Min fawhna chuan ka taksa pengtin mai chu fan chhuak vekin min barakhaih hle a. Nem sawn tumin a dar pharh hlai țha takah chuan ka dawm a, mahse ka nem sawn zo der si lo. 

Ka chhia leh țha hriatna chuan a diklo tih min hriattir a, ka taksain a zawm si lo. Dominic kut chuan ka áwmbawr chu tawkin, ka kawr chhanah chuan a țham vel a, ka dan mai theih loh avang chuan mahni inhaw ru zetin ka maimitchhing ta ringawt a.

Thawchham dawn a min fawh hnu chuan Dominic chu a lo dák chhuak ta a. A tawp ta thut chu makti leh bang bo deuh hian ka lo en chho háu a, a mitmeng de sar mai chuan ka tháw a ti tawp lo chauh mai, a hmel 'pa' leh rilruih chuan min hîp hle a ni. A sam phir deuh lai chu tuai zauhvin a nui deuh suk a; a landan duhawm zet chu a inhre țhak lo lehnghal....!

"Kan pahnih inkar hi a țha hle a ni, tisa thil pawhin kan inmil hle ang! Hun kan khawhral hnem dun mah mah a ni Kiara, mipa dang bulah tuna i awm ang khan i awm loh ka beisei," thawp sat hian a ti a.

Dominic hian amah lo hi mipa ka kawp lo tih hria se mak a ti viau ang? Mahse hrilh ka tum miah lo, experience a neih danah nula mi tak a ni ang tih chu ka hrethiam ve mai, a nula lo kawp tawh ho chu ka thik rum rum thei nia! 

"Tisa inhípna satliah a nih kha, Dominic, mipa chhe lo leh experience ngah tak i ni a, khatianga mi thlém thiam i ni tih ka lo hre lo a. A nuam dangdai hle mai." A rin loh danin ka chháng a ni ngei ang! a ner sawk a.

"Nupa kan la nih thuai dawn avangin, ka 'tactic' dang chu ka entir rih lo mai ang che. I mipa kawp tawhte ai chuan ka ti lungawi thei zawk ang che." 

"Nupa tih reng mai! Min neih pawh chu i lo va chák awm ve," ka ti ta piap a. Ka hné lutuk inneih sawi reng mai, rilru pik lai lai a...

"Châk tehreng mai, ka nupui i nih hun tur hi ka nghakhlel," zám map lo hian a la ti zui a..hepa em em hi chuh...

"Keimahah i duh ang hmuh inbeisei suh ang che, he inneihna hi ka tán chuan phuahchawp a ni. Ka nu leh pa rilru ka thláktir theih miau loh avangin ka pawm a, mahse a tak ram dai thlenpui tumna che ka nei lo." ka ti ve hmiah a.  

 "A țha alawm, mahse hei hi theihnghilh suh ang che, kan inneih hnuah, kei lo mipa dang an awm a nih chuan i damchhunga i inchhirna turin thil ka ti ang." Dominic âw chang fak chu ngaihthlák a nuam lem lo.

"Nangpawh hmeichhia i nunah i la lût a nih chuan, i damchhunga i inchhirna tur thil ka ti ve ang." a sawi ang chuan ka sawi lui ve ngat a.

"Hmeichhia lehh...nangpawh, nangpawh min ti zuah zuah lo khan i pindanah kal rawh, intur dawm ka la tum!" A ti chhum hmak a. Kan inah tak ngial pawh thu min pe a nia! Hepa em em hi a pa in emaw a ti emawni le!?

"Khawiah nge i mut dawn?" Ka zawt lo thei lo. Ka nu leh pa an lo la haw bawk si lo a, ka rilru a nuam chiah lo a ni.

"Lo buai duh suh, hahdam tak khan i pindan pan rawh le...," Nui huk chunga a tih chuan melh rám rám pahin ka pindan lam chu ka pansan ta a.

Ka pindan ka thlen chuan intifaiin ka thawmhnaw ka thlák zuai zuai a. Dominic mize danglam thut thut țhin hi hriat thiam harsa ka ti takzet a ni. Zanin a a chét dan te kha ka beisei hauh lo thil a ni a. Mipa ka kawp ve a nih chuan Dominic ngei hi a ni ka duh...

Ka lâka effect a neih dan hi mak ka ti..Gavin khan min fawp ve tho a, Dominic ang hian min hîp ve tlat lo. Tunah chuan an unau hriat hran theihna tur ka nei ta...!

An hmel leh piangphung, an áw thlengin inang mahse ka thinlung hian a thliar hrang thei tawh ang. Ka mipa duh leh thlákhlelh hi engvang tehlulin nge ka hai lém ang ni..!?

Rei vak lo chhung chu khuma mu chung chuan lehkhabu ka chhiar a. Chumi hnu ah éng chu ti thimin, thim zingah chuan ka mu meng kar a.

Ka pindan kawngkhar chu ka kalh tho  na in, pawn lama Dominic tháwm chu hlauthawng dep dep hian ka lo ngaithla a. Mahse ka pindan záwnah chuan chawl muang hauh lovin mikhual pindan chu a pan tlang ta a. Min lo tihbuai ka ring deuh kha a nia..Mahse, min hrechang tawh lo niawm taka a kal tlang chuan mak takin ka chhungril a ti na tlat deuh tlat!

Dominic nen kan inneih tur chungchang ka ngaihtuah apiang hian mumang ang mai niin ka hria a. Min hmangaih vanga min nei tur chu ni se la, ka hlim dawn tehreng nen, amahah hian mipa a ka duhthusam zawng zawng a awm vek. Mahse, chutiang ni lovin ka pa te thil hriatsual vang a innei tur kan nihna hian min ti hrehawm a ni.

Dominic hian eng rilru chiah nge a put a, ka nu leh pa hi hnial lova a pawmpui mai nachhan hi ka hrethiam thei lo!

Min neih thuai thuai chák ang te chuan a la lang zui a...

Ka biang chu sa deuh hat hat hian  hriain ka kut chuan ka dawm vat a. Kan pahniha kan in hîp tawnna hi chu ka pawm hmiah, tisa thil takin kan inrem thlap ang tih pawh ka hria. 

Dominic chunga innghat tur chuan ka indah chhin a, ang lo deuh hu in ka hria, lemziah erawh ka chhunzawm zel thei ang chu...

A tawpah zawng ka lo muhil ve ta aniang? Ka harh leh chuan zinglam dar ruk a pel tawh.

Breakfast room ka thlen chuan Dominic leh ka pa chuan chanchinbu an lo chhiar a, chumi pah chuan coffee an in bawk a. An bulah chuan țhuthmun ka rem ve a, Dominic chuan a thil chhiar lai chu dahin coffee min thlit a. "Morning duhtak, kan hmanhmawh deuh loh chuan buaipui tur kan ngah si a, kan chhuah vat a ngai ania." min duat hmel zet hian a ti a.

Ka pa te hmuh laia min duat der vel hi a țul kher lo, mahse nuam ka ti ru riau!

"Kiara, inpahnihin inbuaipui ta mai ula, i nu nen chuan min phût lo mai niang chu!" ka pa chu dam thlap hian a țawng a.

"Ni e, a awlsam thei ang ber kha a ni mai, register office -ah kan ti mai dawn em niang?" Ngaipawimawh awm lo tak hian ka ti liam puat a.

"A teuh lo," Dominic chuan a ti hmuk a. "Kiara, i tan chuan a hlu lo maithei, mahse kei chuan nupui vawikhat ka neihna tur a ni a, a țha thei ang berin ka buatsaih ang." Thinrim insum tak hian a ti a. Ka duh dan ve tho a nia, mahse duh ang takin ka lang duh lo mai a ni!

"Umn.. a țha thei ang ber chuan ni rawh se, kan fa neih chhun i ni a, holam taka neihtir che hi kan duh bik lo. In khawsak danin zir phei se chuan ropui taka thlah che hi i nu nen kan duh dan a ni," ka pa chuan a ti deuh duah a.

"Mo kawr fual var tih vel kha ilo mitthla a nih chuan hâk tumna rilru ka pu lem lo a nia," Dominic en rán chung chung chuan ka la ti ve țalh a.

"I thawmhnaw tur chu ka thlang thiam khawpin ka ring," Dominic chuan a ti duh chauh a. Inhnial reng hian awmzia a neih pawh ka hre hrep lo ve a! 

"In inpeih chuan kal tawh rawh u, Kiara  kan la inbe țha dawn nia," ka pa chuan zaidam tak hian a ti leh a.

Dominic hmel landan nelawm loh zet chu ka haider lui tlat a. A car a kan chuan thleng chuan ka nu leh pa chuan min thlir reng a, kan tlanchhuah rualin inchhung lama an lut chu side glass ațang chuan ka hmu reng a. Ka hnuk a ulh deuh tlat!

Dominic Pov*

Crewe kan panna kawngah Kiara chu a ngawi reng a, min biak tum hmel pawh a pu lo. A hmalam chu ngun tak hian a melh ngar a, chutia a awm tlat chhan chu hriat theih ka duh ngawt mai!

Inneih a duh loh thu chu a sawi ngei a, mahse keiin neih ngei ka tum si!

"Tukin chu i landan a cool raih mai," elsen lam lek lek a ka tih chuan, "I car khalh chauh kha ngaihtuah mai rawh," a ti hmak a. Biak zui leh ngam loh khawp a rum hian min melh nghek a. Henu khawsazia tereuh hi chuan min cho ve chiang alawm!

"Lungngai suh dam takin kan thleng em em ang, min huat khan hlâwkna i neih phah dawn si lova, chuvangin hlim takin awm tum rawh," ka ti a.

"Eng maw i sawi!? Ka hma hun tur i ti chhe vek kum 22 chauh ka la ni a, pasal neih ka la duh hleinem." Min vin tuarh a, a hmelțhat tehreng nen a thin hi a chhe zék lehnghal a, a áw lah chu a ring hrep ahhh...

"Ka hria alawm, nupui upa deuh ka duh i ring reng reng a mi? I thinrim pawhin zawite chauhvin min ánkhum țhin rawh aw darling!" Ka țawngkam hman chu ei lo tih hriat tak hian a ner náng a. 

"Min neih hian hláwkna i nei bîk chuang a mi? Kan inkára thilthleng chu kan hriatchian viau kha.."

"Ka duh chu ka nei zel țhin Kiara, nang hi ka duh chu i ni."

"Huhhh..." 

"Hahhh..." Kiara tih thinrim hi nuam ka ti thar riau, a thinrim lai a, a biang sen deuh țán țân țhin te hi hmuh nuam ka ti pawh a ni mahna...!

Kiara túm deuh hmán chu ka melh ru zauh zauh a, min ngaihsak lo zet hian a phone a bih deuh tlat a. A luhlul em em mai bawk si. Ka hmangaih ang hian min hmangaih ve turin ka siam ngei ang!

Kan inneih hunah chuan ka hmangaihna hi a la hrethiam ve ngeiin ka ring tlat!

Kiara nu leh pa khan an fanu ka hmangaih hle a ni tih hi an hre nghal mai a. Amah Kiara ber hian tinge a hriat thiam theih tlat loh ni!?

Franky Forbes te nupa hnenah khan an fanu hi hlimtakin ka siam anga, țhatakin ka enkawl bawk ang tiin thu ka tiam thlap a ni. Chuti ni lo se, an fanu hi chuti maiin min neihtir an phal hauh lovang! An hmangaih hliah hliah emai!

Crewe thlen nan darkar chanve vel chauh tlan a ngai tawh a. Tukinah breakfast a ei lo tih ka hriat a vangin restaurant-ah chawlhpui i la a țha ang!

"Kiara," min chhang miah lo.

"Kiara, duhtak," tukverh lam a hawi tlat vangin a hmel ka hmu thei lova. Car chu kawngsir rem laiah ka tiding ta a. Ka lam hawi tura ka tih chuan a la che chuang miah lo. Chutah dimtein ka kuai her ta a, apang a sa vur mai! A khua asik chiang! 

Car ațang chuan chhukin a țhutna lamah chuan ka kal kual a, car kawngkhar chu hawngin a bulah chuan ka  țhu ve ta ringawt a. Chutia ka tih chét deuh chuan a rûm țiah țiah a. A țha dawn lo tawp mai! Engtin nge ka tih ták ang? 

A mah chu tih harh tumin ka sáwi a, ka ko pah reng bawk, a tawp atawpah phelh phang hian a rawn meng ta. Ka lawm zia chuh...

"Kiara, i țha em? Ná i nei em?"

"Umn..aih...nei lo.Ti nge car hi i din tir a?" min la zawt zawk mah a!

"I khua a sik alawm, ka ko che a i harh thei si lo a."

"Ka muhil a nih dawn chu, ka țha alawm, kal leh tawh ang le." Ka ngaihtuah tehreng nen... driver seat-ah chuan țhu pheiin kan tlan chhuak leh ta a.

Hmeichhe danglam tak chu a ni ve hrim hrim. Ka sum leh pai duh vanga min neih tum chu a ni lo phawt a, a chhan chu nula hausa tak a ni. A nu leh pa ro kháwmtu tur a ni bawk a. 

A nu leh pa in innei tura min tih lai khan a hnial ve chiang a, mahse chutianga hnial bur chu a ni lo. A luhlulna avang hrim hrim pawh hian min neih a duh ngang lo a nih chuan hnial thei dinhmunah a ding ve tlat! Min neih hi a duh ve reng a ni...

Ka thil ngaihtuah chuan min ti nui suk a, Henu tereuh hi min duh lo ang takin a lang vel chiang mai! Nge? Ruahmanna dangdai zet a nei leh zawk!?

Min neih hi a hnial em em bik tlat lo, pawisa vang chu a ni lo phawt a. Engvang nge ni ta ang? 

Car seat nghenchhan chu a ngheng bám a, a hmel dáng lap chu tih nat awl tak nimai awm hian alang lehnghal a. 

A hmel țha tak mai chu en reng ka duh hial mai. Mipa dang tan chuan ka phal lo bur. Ka unaupa lákah pawh hian ka fimkhur a ngai leh zual dawn a ni.

Ka hmuh hmasak ber zan ațang khan ka ûmzui ta char char kha a nia, a tawpah chuan ka nupui a ni ve ta nge nge dawn e. A țha thei ang ber leh a pui thei ang berin inneihna chu ka ruahman ngei ang!

'Kiara forbes, Malakian i la ni thuai dawn e' ka ti rilru a. Ka hlim veng veng mai!

©<++++[BeckirafARenthleI]++++>®

                   Chapter-14

Kiara ka nupui a ni thuai dawn tih ka hriatna chuan min ti hlim veng veng a. Tun hmaa ka hmeichhe lo kawp tawhte lakah chuan a danglam hlak a ni. Washington-ah ka pa chuan innei turin min duh ngei ka ring a. Mahse Kiara nu leh pa hmai ka zah vangin ka pa rilru hneh ka tum mai niang chu..

Gavin-a'n a hriat hun tur ka huphurh ber a, Kiara ka âtchilh zia hrechiangtu a ni.

Engvanga khawsik ngawt nge maw a nih le..? A lam ka va hawi chuan a maimitchhing leh tlat tawh a.

"Kiara, inhnawh puar i duh em?" A rawn meng diar diar a.

"Duh lo ve, tlemin tlanchak deuh la, ka apartment thlen thuai thuai ka duh," zawite hian a ti sap a. A chau viau a nih ka ring!

"Awle, kan thleng țep alawm muhil leh rih la.." ka tih chuan min chhâng tawh lem lo. Duat ka tum apiang hian a inlahrang zel a, hetiang a nih chuan engtikahmah ka hnaih thei lovang! Min hlat a tumna hi ka hai der ve zel tawh mai niang chu...!

Hnuai lam a melh ta daih a. Țumkhat tal chu mipa ka nihna ang hian min ring ngam thei se ka duh takzet. Amah hi a inringtawk em em a, engthil pawh ti se a confi em em zel chu a nia! Hei tak hi Kiara ka duhna chhan pakhat chu a ni.

London khawpui traffic ri nuaih nuaihah kan tlan lut țan tawh a. Horn ri tuar tuar chu Kiara chuan hre awm pawhin a lang lo. Traffic light vanga kan din lai chuan ngaihtuahna dang ka nei thut a. Ka țhianpa Harris-a clinic ah Kiara hi check up law law ila... A bula ka sawi chuan min hnial leh ngei dawn sia, ngawi rengin ka kalpui hmiah mai dawn a ni.

Clinic kawta car ka park fel hnu chuan Kiara chu a hawi pháwk hra a.

"Hetah enge kan tih dawn, Dominic."

"Ka țhianpa clinic a nia, in check up la ka duh a ni," dam thlap hian ka chhang ve mai a. "Khawsik satliah a nih kha a reh tawh alawm," a ti leh mai a.

"Chupawh ni se, a rei nang, vawikhat chauh ka thusawi hi zawm ve hram la," inphah hniam tak hian ka ti a. Chutia ka tih chu a ring bik lo aniang dar san ák hian a bu ve nghat a. 

In entir tur an tam hle a, Harris-a room ah chuan ka luh tlangpui nghal hmiah. Min lo hrethiam êm ang chu!

"Hi, Dominic engtia rawn lang ve ngawt nge i nih a?" Harris chuan Kiara melh zauh pah chuan a ti a.

Kan kal chhan chu rang fe hian ka sawi zung zung a. Kiara a en chhung chuan inthiarfihlim duh lovin ka awm ve tlat a. 'Khawsik satliah a nih hi, hlauhthawn tur a awm lo' a tih tákah chuan ka thaw huai mai. Damdawi pawh min pe thlap a, Kiara erawh chu a ngawi ngal a. Harris chuan a mitmeiin tunge a nih tih min zawt a, sawi ka tum lem lo. Invitation card ka pêk hunah ala hrethiam ve mai ang.

Harris-a'n Kiara ngaihsan hmel taka a en kha ka hmu reng. Mipa tan chuan ngaihven loh rual a ni lo, kawr paw raih mai a hâk chuan a ti lang cool raih a. A áwm chin chuan a taksa a phuar deuh țang a, a hnuai lam fual thla hnak karah chuan a ke chawn sei nalh thlarh mai chu a lang bawk a. A thawmhnaw hák rawng leh ama rawng chu a inkâp éng phât mai a ni.  A incheidan apiang hi a inhmeh em em zel a, a sam kawi kual deuh chuan a biang a hual chhap a. Mipa tan duhthusama nalh leh hmelțha a ni.

Car bul kan thlen chuan Kiara chu ka țhut luhtir vat a. Keipawh țhu lût ve nghalin apartment lam pan chuan kan tlanchhuak leh ta a. 

A țhutna ațang chuan hnunglam hawi lêtin Harris-a clinic chu ngaituah múk hmel angreng takin Kiara chuan a en vang vang a. "Kha doctor kha a fel hmel hle mai," a ti sap a.

"Ka țhianpa a nih kha," ka chhang bung hmuk a. 

"Ka hria alawm, in innel dan ațang khan, tlangval polite tak a nih ka ring?" 

"Huhh...Polite maw? A khirh lutuk, i ngainat chi a a ni lo." Ka lo ti hmanhmawh a. Kiara ner deuh sak chu ka hmu reng, mahse ka pawisa lem lo.

"I rihna pawh i hlauh nual a tih che kha, eitur tam tak ka hlui ang che cream leh sa tam tawk nen.." ka ti leh a.

"Ka chénna hmunah chuan chimbuai ka duh dawn hauh lo a nia, kan inneih hma chu rawn kal chhên suh ang che." 

"Ka thu thu a nimai, min dan han tum chhin chiah la," ka tih chuan a hmui a ti pawrh tarh a. A duhawmzia a inhre bawk si lo..

Kiara chénna hmun kan thlen chuan luh ve ka tum ngial pawhin a phal leh tlat lova. Ka nawr lui duh ta bik lo, zan lamah ka kal mai niang chu...!

Kiara &Talinda**

"Da, dinner chu i bulah ka ei dawn a nia," ka ti lang lang a. Dominic-a'n min thlah hnu khan tuilum sa ver vawr a inbualin ka inchei sa thlap a. Talinda chenna hmunah ka awm leh diam tawh. Report kimchang ka pek loh chuan a lawm leh miah lo ang!

Dinner kan ei chhung zawng chuan ka țawng char char a, Dominic nen inneih kan tum tih ka hrilh chuan Talinda chu a mengpháwk ngang mai!

"Engtin nge a nih theih Kiara, ka awih thei lo," a ti thám țiak a. Awih theilo hmel a pu bawk. Ka nu leh pa in min tihdan chu ka hrilh fai ta vek a. A lungawi lo hmel ka hmuh chuan ka nuih a za hle.

"Tichuan, neih i tum ta a," a ner pah sak bawk a.

"Tum e a, Gavin hi i duh riauin ka hria," ka ti ve a. "Teuh lo, ka game khelh tur hi lo en rawh Kiara, a pui viau ang!?" a ti ta a.

"Min hrilh i tum miah nange?"

"A unaupa nupui i nih te chuan i hriat a rem ve tawh náng!"

"Game ka khel lovang tih i hre bik a mi!?" Ka tih chuan mak a tih hmel hle a. "Jane chunga thilthleng kha ka theihnghilh mai i ring em ni? Dominic nilovin Gavin zawk hi ka bitum tur chu a ni." Talinda áw ah chuan tumruhna a lang chiang hle a. 

"Dominic leh Gavin hian min bum tih ka theihnghilh bik hleinem, pasala neih ka tum avang hian ka tláwm ta tihna a ni reng reng lo. Bul ka țan dawn chauh a ni," ka ti ve ta a.

"Umn..Kiara diktak kha i ni leh ta..Dominic zúnah i uai ta emaw ka ti a sin."

"Nangpawh Gavin hi i duh ta viauah ka ngai ve tho."

"Teuhlo, ka û tana ka tihtheih hnuhnung ber chu Gavin tih nat hi a ni, tunah pawh ka tel lovin a awm thei lo țan der tawh," fiamthu deuh hian a ti leh a.

"Malakian phirte hi i han tibuai tak tak ang aw.. kan ruahmanna hi a thawi pawhin an hre tawh tur a ni lo. Gavin-a duh hliah hliah ang khan han lang phawt la, keiin Dominic pasalah ka nei ve bawk anga, kan inneih chhunga ka boyfriend tur lo ruahman ang che," ka ti ta a.

Dominic hi ka la hrechiang hauh lo. chutiang bawkin Talinda pawh hian Gavin hi a hrechiang hek lo. Anmahni hrechiang tur chuan an kiangah kan chen a ngai miau alawm...!

"Kan 'plan' thar lawm nan French club ah i kal ang hmiang?" Talinda ngaihtuahna chu țha ka ti hle mai, dinner kan ei diam tawh a. A partment-ah kan tawm reng a nih chuan Dominic leh Gavin an rawn lang leh vat dawn a; zanin atan chuan an hmel hmuh ka châk lem lo...

"Le..i thawmhnaw thlâk rawh le, taxi kan hmang mai dawn nia," tiin Talinda chu ka nuih sak a. A hlim leh ta var var khawp mai.

"Kiara, diktak chuan Dominic hi i duh ve ah ka lo ngai a, ani hi chuan a âtchilh tlat che tih ka hria, an unau hian an tih tawh lam chu ti tlat chi an nia, Jane nen unau kan nih vang hian Gavin pawh hian min hnaih chu a tum khawp mai, mahse ka û ang mai mai kha chuan min ti dawn lo. Dominic pawh a dang chuang lo, ka haw ve ve a ni," Talinda chuan a ti leh hmarh hmarh a. Inthlâk turin room ah a lut zui ta a.

Talinda ka lo nghah chhungin ka nu leh pa phone ka tum zet na a, ka țhulh leh ta zawk a. An lakah ka lung a la awi lo!  Ka thusawi ngaipawimawh lovin Dominic, an la hriat chian hleih loh min neih tir turin thutlûkna an siam rum rum a, engang nu leh pa nge maw ni an nih le..!?

Apartment ațanga kan chhuah chuan zan boruak chu kan hîp nghal a. Crewe angah te hi chuan zanlam pawh a reh tak tak lo. Kawtthlerah chuan mi veivak hmuh tur an tam hle a, chhun lama veivak nen erawh chuan an inang lo hle. 

Kan apartment ațanga hnai te French club lun zetah Talinda nen chuan kan lut ve ta a. A bengchhen em avangin ka beng ka hup lo chauh.

Chu pindan zau zetah chuan țhalai țhahnem tawk tak hi an awm a, ruih hmel fe fe pawh an tam mai. 

Intur an sem chu kan lo ban ve nghal zat a, chhunlamah ka khawsik a awm vang khan in loh ka tum kha a nia, kha doctor Harris- a khan a hlauhawm loh a tih tak kha mawle..!

"I nula rei tawh dawn si lova, che hle ang aw," music ri bengchheng tak karah Talinda chu a țawng lang lang a. "Min thlah haw tu tur kan zawn ngei chu a ngai ang, insum lo phawt ang aw.." ka ti ve hmiah. Zu lam ngaina lem lo khan tun hnaite ațang hian ka in ta fo mai a, nuam ka ti thar viau bawk.

"Disco...music," Talinda chuan ka bánah vuanin, an lám suau suau na hmunah chuan min kai lut ve ta a. Kan rui țan tawh deuh bawk nen kan lam ve ta a. 

Disco music chu sexy dance music in an rawn thlâk leh ta a..keini țhian dun chuan nuam kan la ti dawn chauh! Whisky no tlak pap pahin ka jacket chu ka hlip a, a hnuaia ka kawr hâk nghawng zau tak chu ngaimawh nachang pawh ka hre tawh lem lo.

Ka jacket chu ka káwngah ka suih țât a, ka pawnfen chhing fen vang chuan ka mal chu thuifê alang bawk. Talinda ka va en chuan tlangval pakhat nen hian sexy zetin an lo lam a. A rui hle  ang tih pawh ka ring thiam mai! 

Ka banrekah chuan tuemaw hian nghet taka rawn chelhin lámna hmunah chuan min kai lût leh ta a. Ka darah chuan rawn tawkin, "Hi...," âw nalh tak hian a rawn ti a.

Makti deuh hian ka bula tlangval chu ka en a, "Min lo hrethiam teh," hawih háwm țawngkam ka la hmang ve hram. Rui ve mahila manner chu ka hre ve tho. Chu pa chu a chhe lo reuh hle a, a sam uk kharh chu a phir țha hle bawk. En thuak chuan kei aiin a upatna a tam vakin ka ring lo.

"Hey, hmelțha, lam dun ve ila, a bâk chu ka beisei miah lo a nia," nui sang chungin a ti a. Ka ngainat chi tak hmel a pu bawk. 

Ka lo nuih let ve var var a, "Tehreng mai, mahse i thutiam kha aw," ka tih chuan a nui leh var var a. "Jacco Brian," tiin a hming chu min hrilh vat a. Tlangval fel tak a nih dawn hi...

"Kiara Forbes," kan inbiak chhung chuan kan lam dun pah zel a, a zei phian lehnghal!  Rei vak lo kan lam hnu chuan intur kan dawm dun leh te te a. 

Music a tawp hnu chuan stage angreng an siam ațang chuan thu an rawn puang ta a. "Tunah hian weekend special kan neih țhin ang kha zaninah kan nei leh dawn a ni." Club-a awm ho chuan kut an bêng dur dur a. Eng special nge mawni le..ka vawikhat kalna a ni a, he club ah hian an thiltih dan engmah ka hre ve miah lo!

 Thupuangtu bawk chuan rawn chhunzawm lehin, "Tunah hian couple sexy dance, dollar sanghnih hlawh theihna hun kha kan hawng leh dawn a, pair nga rawn tel theih a ni e, minute thum chhungin a tel tur te chu lámtualah luh tur a ni e," kut bêng thawm leh áu ri a ring ngei mai.

"Kiara, min lámpui ve ngei ka beisei," Jacco chuan ka no khak zo pah chuan a ti a. "Ka thiam lo, min hrethiam rawh," ka ti vat a. Talinda leh a țhianpa lámtuala lut mek chu ka en a. Ani te chu bar-a thawk a ni a, hetiang lam hi a zei hawi viau. 

"I ngai thutak a nih kha, intihhlimna mai mai alawm," tiin a no a intur la báng zawng chu a tlâk pap a. A tih ang chuan ti ve in whisky chu ka in ve nghal hmak. Engemaw pawi viau le...Intihhlimna a lawm le..! Ka ngaih sam ta lutuk chu ka thil in vang a ni chiang mai!

"Le...ka zirtir pah ang che," Jacco chuan tiin ka kâwng a jacket ka suih chu min phelh sakin waiter chu a pe a. Lámtualah chuan kan inkai lut leh ta a. Talinda lo mengphar áwk chu ka nuih sak a. "Khai le, minute sawm chhung hun in nei a," thupuangtu áw pawh hriat a har tawh țhalai rual pungkhawm tih takah tháwm a țha hle a ni.

Zám ru zet hian Jacco chu ka melh a, a confi hmel ropui si, "I ti thei em em ang," ka beng bulah zawi sap hian a rawn ti a. Chu chuan ka zámna ati bo duak thei nia! Kiara Forbes ka nia lawm le...ka ti thei tur a ni...

1,2,3....

'African sexy sleuth' music chu a rawn ri a...Pair nga te chu kan lám țan ta, Jacco chuan ka kawngah chelhin zawimuangin a kut lehlam chuan min rawn zût a, min tawhna chuan Dominic min hriat chhuahtir zawk mai! Midang mitmei veng hauh lo chuan Jacco kaihhruaina hnuaiah nuamti zet hian ka lám ve ta a. A nawmdan chu dangdai tak a ni..!

Music a tawp hnu chuan minute sawm chhung reilo ka tih ber ala ni hial ang! 

Kut beng thawm leh au ri a reh deuh tak țhupah chuan ka mêng chhuak ve ta a. Mipui lam chuan keimahni chauh chu min lo en tawh niin...pair dangte chu an awmna hmun țheuhah an lo ding țhap tawh a. Kei leh Jacco chiah lámtualah kan lo awm tawh! Jacco áwm a bei chial chung hian ka lo chatthla lo chauh alawm le...engtin nge ka lâm theih zawk?  Haah...Setana hnathawh em ni?....

"Zanina kan sexy dance couple te chu...tuna stage a ding mek Jacco Brian leh a țhiannu te hi an ni e..." kut an beng leh dur dur a, Talinda chuan thumbs up min lo pe va a, a mitmeng phelh phang ațang chuan a rui tawh hle tih ka hre mai! A kawppui pa si chet chuan a ding bu lák lák a. Keipawh ka dang chuang bik lo, ka lu a hai chhalh mai.

"Kiara, i thiam lutuk tlat," Jacco chuan mipui lama kan chhuk rual chuan a ti sup a. Ka zak leh hnuhnawh viau! A sawt tawh der si lo. "Tikhan dollar sanghnih kan hlawh ani mai alawm," a nui hmel nelawm tak chu hmuh a nuam takzet!

Chutia hlimtaka kan nuih lai chuan kan lam pana pa sáng tak rawn phei chu ka hmu a, kan bul vel a mite chu rawn nam kiang duak duakin Dominic chu a rawn lang ta a. A hnungah Gavin pawh insehruh țeuh hian arawn kal bawk a.

Chutianga thinrim hmelpu chuan Dominic hi vawikhatmah ka la hmu lo. Kan bul alo thlen chuan ka bula ding Jacco hrawkah chuan rekin, anchhia a phuh chhuak  țhawt a. Jacco chu a thehsawn dawrh a, ka banrekah chuan manin mi zi nuaih nuaih leh kut vilik vel karah chuan min kai sawn ta dawr dawr a. Ka rui deuh bawk nen, ka pai leh khat khat zel...!

Talinda țé deuh țhat ri ka hriat chuan ka hawilet vat a. Gavin chuan a koki ah pu in a penpui páwk páwk a. Chu chu duh lovin Talinda chu a tál vak vak a. He mite unau chêt dan hi a over lam hret ; club chhunga awmte mit chu kan chungah a fu țhup a. Zahthlak tak a ni! Jacco pawh ka ngaihsak thei lo...

"Tenawm nu, engvanga hetiang hmuna lut nge maw in nih reng reng chu le? Dominic áw vin tak chuan min ti phu zawk a. Talinda leh Gavin pawh ngaihsak lo in min thing deuh nawk a.

Hmel dur khup hian Dominic chuan min en a, a hmel chu thinurna hian a khat a. Chutah a inher a, a kal ta nghal a. Ka kut a vawn ngheh em avangin ka thisen kal țha lai pawh a tawp mai dawnin ka hria! A kal chak em avangin ka um ve dat dat a. 'Engtin emaw tak ka ti dawn che' tih melh hian min rawn melh a.

Kha club-ah khan kan lám lai kha min hmu chiang a ni. Chuti nilo se tualthah duhna mitmeng khan Jacco kha a en hauh lovang!?

Kha hun reilote chhung khan Dominic thinrim hlauhawmzia chu ka hre hman tho. A mitmeng buang thak țhin kha tualthah duhna mitmengin a khat vek a, a hmel țhatak pawh thinurna avangin a sen deuh țun bawk a ni.

A hnungah chuan ka kal ve zel a, hlau lo anga lan ka tum viau na a, ka chhungril hi chuan a hlau viau!

"Diminic kal muang deuh teh," ka tih chuan, "Ngawi chip cham rawh," a ti țhawt a, a kal lai chu a muan phah chhin lo reng reng.

Ka partment kan thlen chuan kawngka khar hnan ka tum chu arawn chhir hawng pawp a. Inchhungah chuan rawn lutin chhunglamah kawngka chu a kalh nghal hmak. A khawsazia hlauhawm zet chu haider ka tum lui țalh nain a har lam chu a ni e...

Dominic chuan a kut chu vai thuakin rum zet hian min melh a, "Kut ka thlak loh na tur che in țawngțai mai rawh," a ti thum chhak a.

"Chhuak rawh," ka ti tuarh a.

"Hetiang thawmhnaw ha chung hian kha club-ah khan i lám vel a," min ten hmel fe hian a ti leh sup a.

"Ka thu thu a ni, i sawitur a awm lo."

"A awm khawp mai, zaninah hian i duh chu i hmu dawn e, ka dawhtheihna hi fiah tum suh ka tih kha." Tiin ka lam pan chuan arawn pen phei a.

Tlanchhiat tuma ka pen chiah chu na zet hian ka bânah manin alamah min pawt hnai dawrh a. Dimna tel miah lo leh mi hrem tum niawm tak hian min fawp ta bawrh bawrh a.....!

©<++++[BeckirafARenthleI]++++>®

                    Chapter-15

Dominic hmel dur khuih chu ka en țha duh lo a, Ka rui a la reh bawk si lo nen; ka pindanah ka tlán thut zawk dawn mi le! Hahh...min lo umzui leh si khan ka chhe vek a ni mai! 

"Min chhuahsan tawh rawh," hlau awm lo taka lan ka tum ve tlat a.

"Țawng lo khan ngawi hmiah rawh, ka nupui tur i ni a, khatiang mi awmțha duh lo fuankhawmna hmuna kal tur khan ka duh lo che." Tiin ka lam pan chuan a rawn kal hnai zel a. 

"Ka chenna hmunah hian tihtur i nei tawh lo, chhuak rawh."

"Kha pa ai kha chuan experience ka nei zawk, lám lam ai chuan a tak rama chén hi a nuam daih zawk a nia. Rawn kal lo ila chuan kha mihring tenawm zet nen khan in mudun lovang tih tunge hria?"  

"I ngaih ang kha a ni lo, kan lâm dun mai ania," Dominic hmel a nelawm loh ém avang chuan ka ti vat a.

"Khatiang thawmhnaw ha chung kha chuan mipa ngaihven phûtna a ni ringawt alawm. My God, zanin hian min ti thinrim hle a ni, i mamawh chu ka pe khawp ang che." Insehruh țeuh hian a ti leh a.

"Ni lo ve, Dominic," ka ti thám țiak a. A mitmeng hlauhawm zet ka hmuh chuan ka zám ru ta viau. Inthup tum engang mahila ka khur ru deuh dar dar a. Ka harh deuh káwk mai! 

Tawlh sawn san ka tum a, mahse Dominic chuan a kut leh lam chuan ka kawr hma zip chu a rawn khawih thung a! A pawh phelh takah chuan ka kawr chu a inhawng ta huai a. Pawh chhoh leh ka tum chuan ka kut chu min paih sak dawrh a, a lamah min pawt hnai nghal ruak a.

"Thawmhnaw mawi leh sexy tak a ni a, mipa dangin an khawih theih che chuan i pasal ni mai tur hian ka theih loh bikna tur ka hre lo, he i thawmhnaw tel lo hian ka duh zawk che," ti supin min en lawr dan dan a. "Ka thu sawi engmah zawm duh lovin nangma thuin i kal lui ngang ngang a, zû lam chi reng reng midang bula in tawh lo turin vawi tam tak ka hrilh che." A ti hmuk hmuk a, nidanga a thinrim chu nêpte a ni ringawt! Zanin hian pawisak a nei dawn miah lo tih a mitmeng ațang chuan ka hre thei mai!

Hlauthawng tak hian Dominic hmel chang tak chu ka melh a. Ka kawr hák chu phelhin ka bra bahna chu ka darah chuan a kuai liam a, talchhuah tuma ka chét chuan nghet zet hian min pawt bet tlat a!

Ka dar leh nghawng velah a fawp lawr dan dan a, ka pawnfen pawh chu ka inrin hman hma chuan a phelh leh nghal zat bawk. Chet ve ka tum apiangin a aia nghetin min hmer leh salh zel a. Ka banrek a thip hlur tawh.

Dominic chu a tawlh sawn hret a, "Tlan chhiat tum buai duh suh, i hah thlawn a ni mai," ti hmukin bra leh kekawrte nen chauhva ka ding chu min en vang vang a. A kawr chu a phelh țan ta bawk a, a kekawr a phelh dawn lai chuan chuan thaw halh chung hian Dominic min vawnna ațang chuan tal chhuah tumin ka bei țha leh a, ka zu in váng kha nge? Thá ka nei thlawt lo!

A hma aia nghet lehzualin min man bet țha leh a. A hmel leh mitmeng chang tak chuan min rawn en chhuk a, I duh emaw, duh lo emaw, zanin hian i taksa hi ka nei hrim hrim dawn. Min lo dan i tum a nih chuan nangmah i ná ang. Ka hrilh lawk tawh che a, Kiara. Min pawisa lova mipa dang i ngaihven theih tawh miah loh na turin zirtirna ka pe dawn che, i harh ta deuh bawk a, i lakah hian eng thuneihna nge ka neih lo nghak tawp mai rawh," chang fak leh hlauhawm zet hian a ti ta a.

"No, Dominic hetiang hian awm suh," hlauthawng lutuk hian ka ti a. 

"Hmeichhe chapo thunun dan chu ka hre khawp mai, innei mai tawh tur kan ni a, Malakian hming hi i tichhia a ni. A man i pe ngei bawk ang." A ti hmiah hmiah a.

Ka țe vak mai dawn mi le, nilo a tih chi loh, ngaihdam dil ta ila....

"Tiang khan ka awm tawh lovang, Dominic min chhuahsan phawt la, ka ti tawh hauh lovang," hlauthawng áw tak hian ka ti zung zung a.

"I ti tawh dawn lo reng a ni," a lo ti hmiah. "Tun ațang hian ka zahngaihna hnuaiah i kun tawh anga, i thiltih man hi i rul dawn a ni.!" 

"Ni lo, khawngaihin," tiin ka lo ngen a, pindan chhung boruak chu a lum ham ham na in, ka hlauhthawn em a vang chuan ka khur dar dar a. Hmanrua engemaw tal ngaihtuah ta ila...ka vaw thlu tawp mai dawn em ni? Chu lah chu ka ngam teuh si lo..!

Meng de sar chunga min rawn en chhukin a lamah chuan min pawt hnai a, mipa in min fawhdan tur pawha ka lo rin phak ngai loh angin ka heh chu nawr kauvin min rawn fawp ta bawrh bawrh a. Min fawhna avang chuan ka dák há a. Beidawng zet hian ka thaw halh bawk. Ka zawi nghiai mai! Dominic kut chuan ka taksa hmun tin mai chu chul lawrin, min chul vel danah chuan tisa thilah tuihal hliah hliah nimai awm hian alang a.

Min fawp reng chung chuan min pawm nawlhin ka pindan lam chu min panpui ta a. Engkim mai chu ka mumang ang ruai a ni, Kiara forbes luhlul tak kha zû leh Dominic min hîpna avang chuan țáng tur reng ka awm lo! Ka ngaihtuahna nú but chu tihreh hram hram ka tum ve takna a, ka theilo chu a ni ber e...

Dominic a'n a thawmhnaw a phelh lai te chuan che lo chang lo hian ka lo mu a. Ka bula a rawn mut chuan ka lo en hau a, "Dominic, i inchhirna tur i ti palh ange," ka ti sap a. Lo dan pawh tum ila engtizawng mahin ka hneh dawn lo, a thiltum hi a titlang tho tho dawn tih a mitmengah hian a hriat vek...

"Fel ber ang ziazánga țawng kha sim teh Kiara, țhalai dukdak lo fuankhawmna hmuna zak miah lova sexy taka mipa nen in lâm lai kha ka hmu lo emaw i tia law!? Lám mai ni lo abák duhbelhna mitmenga kha mi tlaktlai lo pa i melh te kha ka hmuh hmaih i ring em ni? Mipa dangin an pek ai chevchuan i pasal tur hian ka pe ang che." Kha fak hian min chhang a.

Ka hnial buai peih tawh lo, chat thla law law khan lo in ila țha tur a nia!

Dominic saruaka a awm chu en duh lovin ka hawi sawn daih a.  A nui hak ri ka hriat chuan ka biang a sa ham ham mai! Dominic tih loh hi mipa saruaka awm ka la hmu lo hrim hrim..

A dar pharh hlai hlap mai chu pindan éngah chuan a lang tle sar mai. A awm pharh darh mai chu a phiar deuh fat, a bánpuam sek lam lek lek chu a nalh thláwt, American mipa te vun rawng ang pu in a sen uk kharh a. Tisa chuangtlai hmuhtur pakhat mah a awm lo, a lai hnuaiah chuan mipa a ni tih chhinchhiahtu niawm tak hian hmul a awm thla riak a, a bawp thahrui ngah hmel tak chu...á...ka en chiang mah mah...

Dominic kut chu rawn che țanin ka hnunglamah a rawn zen a, ka bra kilhna chu min phelhsak ta a. A theh sawn nghal daih. Ka taksa chu a chul lawr nghal dan dan a, thaw deuh hak chunga tawlh sawn ka tum chuan, "Awm țha hle hle rawh, mi thianghlim kan ni lo ve ve tih kan hria alawm," a ti sup a.

"I taksa a nalh tak zet a ni, Kiara," Dominic áw dam ta deuh thlap chu mak ka ti kher mai. A thinrim tawh lo a ni ngei ang? "Duhtawk la," tiin thei leh theilo hian a hmel chu ka en a.

"A bul kan țan dawn chauh alawm, min hnial suh," a rawn ti leh sap a. Rawn kun hniamin ka áwmbawr khuhtu awm hauh lo chu a fawp thuak thuak a. 

Ka rilru leh ngaihtuahna chawmawlh avang chuan ka lo dawh mawl tawp. Chêt ve dan tur ka hre lo hrim hrim bawk. Ka chhungrila phurna rawn awm țan chu thunun ka tum ve țang țang a, ka taksa chu a duhin min mamawh a ni tih chu a chetdan ațangin ka hrethiam ve mai! A hma lawkin nasa takin ka chungah thinrim mahse tunah kher hi chuan min mamawhna avang chuan a mitmeng a si deuh sap thung. Thinrimna a lang tawh lo.

"Min khawih ve rawh Kiara," tiin ka khel bawrah te, ka malah te chuan a chul riak riak a. Chutih pah chuan a mal chuan min rawn náwk țalh țalh bawk a. A tháwk dan chu a rangin a bul deuh hak hak tawh a, kei pawh ka dang vak bik lo, Dominic-a'n zei taka min khawihna avang chuan ka danglam vek tawh...Mipa leh hmeichhe inkára tisa in îtna awm țhin hi ka tem ve ta in ka hria. 

Mak takin chutia min khawih chuan hriat belh chákna in ka khat tlat nia!

Dominic chu a rawn dak chhuak a, ka hmel chu ngun tak hian a en a, ka che sawn thei hek lo, a mitmeng sexy zet chuan min aikaih a ni ber mai. A hmela hnehtu intihna lo lang chu ka hmuh hmaih bik lo...

"Tu mipa mah hian an hnaih tur che a ni lo, ka ta i ni, ka ta chauh," tiin min rawn fawp leh nghal a. Dimna nei hauh lova kan taksa a inzawm takah chuan ka țê chhuak țhat a, ka taksa na lutuk vang chuan ka khur deuh dar bawk.  Ka mittui tling pap chu ka khap per sak a....

"My God," Dominic áw thám țuak ka hriat chuan bang lam ka hawi ta daih a. "Engvangin nge i la thianghlim tih i sawi loh... ka awih thei lo...!" Dominic insangmar leh han thaw hawkah chuan ka îp chawih a.

"Dominic," ka ti sap a. 

"Kiara, min hrilh ni la chuan ka nghak tur che a nia!" A áw a inthiam loh na ri lo lang chuan ka țah a ti chhuak ut ut.

"Min ring ngai hleinem."

"Ka tihpalh takzet a ni," tiin ka mittui tling pap chu a fawp a. A che chhunzawm lo bawk. Min thawhsan tum niawm tak hian a inbengkáng a. A kawngah nghet takin ka lo kuah ve tlat thung!

Sawi ber tur ka hre lo, ka thinlung hian Dominic chu a hnar lo. Ka chapona zawk hian a hnar a ni, chutia ka kuahbeh tak tlatah chuan a nui suk a, ka mitah tak chuan rawn en zauhvin ka hmuiah ngei chuan min fawp leh ta a. Chutia min fawh leh tákah chuan ka taksa chu a lo lum leh țan ta. Ka ngheng hnai sauh sauhva, phurna nasa tak hian Dominic chu a tuam vel a ni tih a tháwk dan ațang chuan ka hria. Chu chuan keimahah pawh phurna nasa tak min thlen bawk a ni.

A tawpah zawng ka mamawh lét vena chu pawmin Dominic an hnehtu chan a channa leh min ngaihnepna tur lam pawh ngaihtuah duh tawh lovin ka che chhuak ve ta a. Dominic 'ta' liau liau ni bik riauva inhriatna ka nei bawk. Phur taka ka lo chhân ve takah chuan Dominic chuan a uar sauh a, a nawmna lam erawh ka feel duh lo, ná in min kiansan vek lo tih ka hria, ka tana mipa hmasa ber hi lungawina pék ka duh mai a ni...! 

He kan inzawmna hian natna min thlen a nih pawhin, ani pawh a na ve tho ang? 

Hmangaihna kan chendun ka ti dawn nge? Tisa châk phuhrukna...engpawh ni se, a lêt tuar ngam tur a ka inpeih angai dawn a ni...

A hnuah chuan thaw dap dap chung hian ka sirah Dominic chu arawn mu a, ka taksa ah chhinchhiahna a siam ta. Min ti ná zawm zel a nih chuan ka ti ná ve ang tih chu ka thutlûkna siam a ni...Ka pasal tur a ni miauva ka inthiamchawp ve tawh mai niang chu...

"Kiara, ka ta chauh i ni, min huatna kha dahțha in, hlimtakin kan khawsa dun thei reng ania, i tan chuan a hmasa ber a ni a, a nuam lo ang tih pawh ka hria! A lehpekah chuan a dang zar tawh dawn a nia," duat taka ka sam chul pah chuan a ti ta a.

A lehpek maw!? Kan la hria ang chu..

"Dominic,"

"Shh... ka lawm e, a hmasa ber ka ni tih hi ka la awih thei lo cheu..Mahse..ka ni si..muhil tawh rawh le.." 

"Hetah i riak ve dawn a mi..?" a nui hak a, " Zanlaiah min hawtir i tum deuh em ni?"

"Tum pawh ni ila i haw dawn si lova."

"A dik, muhil ang le..i mut a tui tawh hle ang," tiin ka kawngah a rawn kuah át a.

Dominic sawi ang chiah chuan ka mutui hle aniang!? A tuka ka harh leh pawh chuan ka bula mu Dominic ka ngaihtuah hmasa ber a. Ka meng chhuak a, mahse ka bulah chuan tumah an lo awm si lo. Ka hrilhhai letling phian a...!

Breakfast room a ka luh thlak chuan zinglam dar sawm leh pakhat a ri țêp tawh. Talinda chuan thil hriat thiam hmel tak hian min lo en a. "Nizan i mu tui maw..?" Nui deuh sak hian min zawt a.

"Teh reng mai," zak deuh tak chung hian ka ti a. Talinda'n min rinhlelhna chu a dik tâk avangin ka inthiam chiah lo.

Talinda chu a nui a, "I duh chen chen muttir tur che in Dominic chuan min ti a a ni, Gavin pawh a lo riak a, an chhuak dun ta a nih kha," thawveng zet hian a ti ham ham a.

"Gavin pawh a riak ve maw..?"

"Riak e, chuti maia chhuah ka tum reng reng lo, Kiara kan game ah hian hemi te pahnih hi an lut țan mek a ni..." 

"Inneihna huang chhungah khung luh i tum deuh em ni..?" ka ti vat a.

"Tum chiang e, tukinah min sawm alawm," ngaihsam zet hian a ti leh puat a. He nu tak hi chu..inneihna hi thil holam tak a ni lo a, a ngai awlsam mah mah a ni.

"A țha alawm, Malakian unaute vangin keini pahnih pawh țhian țha piah lamah unau kan ni dawn tihna a nimai lawm," za zet hian ka nui ta a.

"Huhh.. thla thum ka fix bur..." Talinda chuan a ti ta a. "Thla thum maw, chumi hnu ah i kal san dawn tih na mi?" ka zawt vat a.

"Umn..thla thum pawh a rei mah mah a ni."

Chhang tawh lovin coffee ka insiam ta daih a, vawiin ațang chuan ka bungrua pack a ngai țan tawh dawn a. Ka chhuahsan hreh kher mai! 

Nilengin Dominic ngaihtuahna hun pawh nei lêk lovin kan buai a. Ka bungraw lian zualpui kan pack zawh chuan ka chau kher mai! 

Dinner ka ei ve hman meuh chuan a tlai tawh hle a, Talinda pawh intifai turin a chhuk tawh a. Nilengin Dominic chuan min rawn be miah lo, be hmasa tu nih pawh ka tum bik chuang lo.

Zan dar sawm a rik pawh chuan areh hmiah a, ka ngaih a țha zán tawh lo. Intur dawm i la a zia deuh ang chu...ka taksa sil țhum avang chuan ka mutthilh theih pawh ka ring lo.

Nizana kan thiltih khan Dominic lakah awmzia a nei hauh lo em niang? Kei hi min duh viau angin alang a, khatiang thil a thlen hnu te kha chuan min ngaihsak phah sawt ka ring ve a nia! Ka lo ring sual duai a ni...Ka lo dawn sawn dan te kha Dominic tan chuan thil thar a ni tawp nang! Hmeichhe tamtak a mutpui țeuh tawh ang chu... ka thil ngaihtuah avang chuan ka rilru a na tlat!

Ka maimitchhing vang vang a, nizan khan alakah ka in pe a,  ka lak ațangin a duh a hmu tawh a, min kalsan a tum ta aniang? Inneihna pawh a awm ka ring teh hrep lo ve...!

Sherry chu no khat papin ka thli a, Dominic hi ka lo duh hle a ni...ka thianghlimna kum 22 chhung ka lo vawn ve țáng țáng kha zankhatah ka hlauh ta chu a nia...chu pawh thikthu avangin...Jacco nen kan lâm dun kha hmu lo se hetiang hian ka chungah a ti hauh lo ang..!

Min duh ve reng vang pawh nilovin mipa dang ka mutpui dawn thova a hriat vangin ka chungah khatiang khan a che a ni...Huh...kei hi ka á zo tawh a nih hi...Sherry chu ka tlâk pawp a, a bottle chawp chuan ka room-ah ka luhpui ta a. Rui hnâpin in leh ila nimai lawm....

Ka nun buai ru zet hi ka kham ta hle mai! Ka duhthusam Artist lár tak ka ni tawh a, ka hlim chuang si lo. Dominic ka tawn ațang hian ka mumal lo zo ta a nih hi...'Kiara harh teh' tiin ka lu ka thing nawk nawk a.

Ka taksa kham lutuk avang chuan ka harh hlawl a. Kei hi ka lo chat thla tak tak a ni maw? Ka káwng a kut lum thar tharin min kuah tih ka hriat chuan ka meng chhuak zawk a. 

Dominic chuan min lo kherh bet tlat a. Boxer chiah a la inbel zui! Kei hi ka inthlák miah si lo a, underwear chiah ka lo inbel ve tho..He pa hian ka thawmhnaw a phelh chiang mai...ka mutthilh hlan in...tenawm lutuk!  vawikhat min mutpui avang mai khan a duh duh a rawn riah a tum a maw! 

"Dominic," a lu ah chuan ka sawi nawk nawk a, engtin nge a lo luh theih le..? Talinda pawh a inrawlh ngei ang! 

A harh lawk theilo lehnghal. A lu ah chuan sawiin ka ko leh vak vak a, a rawn rúm țuah țuah a. Meng mang lova min kuah leh a tum chuan a samah ka lo țhám a, "Tho vat rawh, tenawmpa," ka ti tuarh a. Ka áw a hriat chuan a rawn meng zawk a, makti hmel a pu bawk!

Chutih lai tak chuan ka room kawngkhar chu a rawn intheh hawng țhuai a, Talinda leh Gavin chu an rawn lut a...

Gavin chuan ka khum lam chu rawn panin a hmel a dur khup a. Rum lutuk hian min melh bawk a, Talinda pawh chuti tho..! He mite pahnih hi enge maw an hriat le..?

Ka taksa chu ten hmel zet hian Gavin chuan a en a, chutah Dominic chu melh lehin a mitmenga huatna leh thinrimna rawn lang chu hlauhawm tak a ni! Khuma Dominic lo țhu chu a hnek thal ta tawp mai a! 

"Engemaw i hriat le...!" Gavin lam hawi chuan ka ti țhat a.

"Thawmhnaw inbel vat rawh tenawmnu." 

"Kiara, ka rin i lo ang lo hle mai," rawn titu chu Talinda a ni. Ani pawh chu engemaw a hriat teh hrep le..

"Da, nangpawh maw? Enge a awmzia," ka ti sap a.

"Dominic mai duh tawk lovin, Gavin leh zel pawh maw?" A țap chhuak phawng a, room kawngka chu khar țhuaiin a tlan chhuak ta daih a.

Ka bo ta map mai...Ka bula lo mu kha Dominic nilovin Gavin zawk maw? Engtin nge a thlen theih...?

©<++++[BeckirafARenthleI]++++>®

                   Chapter-16

Dominic chuan Gavin chu khum ațangin a țhám tho lawp a, a bekah a hnek leh ta chawrh a. Ka au țhat a duhtawk tura ka hrilh pawhin Dominic chuan ka thu sawi pakhatmahin a ngaithla lo hrim hrim! 

"Bro, engmah hi ka hrethiam lo," Gavin chuan a hmui thi chu a kut hnunglama hru zauh pah chuan a ti a. Kei paw'n engmah ka hrethiam bik lo, engtin nge Gavin hi ka room-ah a lo awm daih theih? Ka buai nuaih tawh!

"Tenawm dun lutuk," Dominic thinrim lutuk áw chu a chang kher mai!

"Nizan lawkah ka chungah tikhan i awm a, zaninah ka unaupa, Kiara i lo ropui e, hetiang em em a mipa mamawh i nih hi ka lo ring lo a.." min ten hmel zet hian a ner zui sawk bawk.

"I ngaih ang kha a ni lo, engmah ka hrethiam bik lo, ka ti tak tak Dominic," 

"Pha buai duh suh, thawmhnaw ha vat la a nimai! i taksa kha îtna pawh ka nei tawh lo ve," Dominic țawngkam chuan min tina kher mai!  Ka in en chuan bra leh kekawrte nen chauh ka lo la ding a, ka hamhaih lutuk vang khan thawmhnaw inbel nachang pawh ka hre lo.

"Bro, i rindan kha a dik lo, Kiara chungah engthil mah a thleng lo a nia, ka rui lutuk a, helai hmuna ka lo awm ngawt dan pawh hi ka hrechhuak zo tawh lo." Gavin áw ah chuan manganna ri a tel deuh a.

"Kut thlak i duh leh a nih loh chuan lo țawng tawh suh, chhuak rawh" Dominic chuan rum zetin a nau chu a en a. Ka thawmhnaw ka inbel zawh chuan an pahnih lam hawiin, "Min chhuahsan phawt rawh u," ka ti ta ringawt a, Talinda țap chunga tlanchhuak kha umzui ka duh tlat!

Thil thlen dan mak lutuk hian ka thluak a tibuai vek.!

"Ka chhuak lo vang," Dominic chu rang zet hian ka bulah a rawn ding a. Ka darah a kut leh lam chuan vuanin min thing deuh nawk a, "Nizanah khan i mamawh ka pe lo che em ni?" A  țawngdan kher kher chu ka haw lutuk tlat, a unaupa awm ve lai a min tih mualpho kher a tum chu le..!

"Min chhuahsan phawt rawh u, chawlh hahdam ka duh takzet," ngui raih hian ka ti a.

"Ka lo va chhuak ange," tiin Gavin chuan kawngkhar lam a pan a, "Sawifel tur kan nei a nia, Gavin," Dominic chuan a ti ta a.

"Nangpawh chhuak rawh," Dominic lam hawi chuan ka ti sap a.

"Ngawi hmak rawh, kut ka thlâk lo che hi lawm hle la a ni mai," tiin khumah chuan min nem țhu hnawk a. Ka hlau tawh awm bik lo emai! A duh duhin min puh ringawt a, ka ngawi bik dawn tawh lo.

"Chhuak rawh, min chhuahsan rawh police ka koh i duh loh chuan?" Ka ti țhat a.

"I duh leh ko la, nge? keiman ka ko zawk dawn a mi?" ngeiawm takin a nui suk a. "Kiara, i awmdan hian min ti lawm lo khawp mai, ka unaupa kher lo hi i hmu zo lo nge?" a ti leh a.

Ka thin tertek a kaichhuak ta tlat mai, khum ațang chuan tho thutin Dominic biangah chuan ka beng ta țhuai a, "I țawngkam hman fimkhur rawh, Dominic Dron Malakian, i duh duh i sawi anga kei hian ka lo ngaithla liam mai anga maw!? Teuhlo mai thudik hre hmasa lovin min puh ringawt tawh suh," tiin, Dominic mengphar áwk chu ka chhuahsan ta a. Ka benna khan a shock ve deuh a niang! Ka kal tur chu min dan pawh tum lovin a dinna ngaiah a ding tlawk tlawk a.

Talinda biak ka duh viau rualin ani tereuh pawh thudik min zawh pawh tum miah lovin min thinrim khum a, ka nu leh pa leh ka țhianțha ber te thlengin Dominic vangin min thlauhthla tawh a nih hi...Keimah chauh ka ni ta..chhel taka awm ka tum tur a ni..

Ka hriat hauh loh hian hma lam panin ka pawng paw kal ve ngawt kha a nia, apartment ka chhuahsan khan zinglam dar thum vel a nih ka ring!? Tunah dar ruk a ri dawn tawh a, thui tak ke in ka kal tawh a ni.

Ka chenna hmunah ka kir a hun daih tawh, Dominic nen inneih chu thil tihchi ah pawh ka ngai tawh lo.. Ka aparment a chhuahsan daih tawhin ka ring a, keimah ber ka awm lo miau a.

A chak thei ang berin in lam ka pan ta a. Kal pah chuan taxi auh mai tur remchang ka melh pah zel bawk a. Pakhat hi a lo tlan ta hlauhva, lo pharin ka chenna hmun chu hrilhin ka chuang ta a.

Ka chenna hmun ka thlen a taxi ațanga ka chhuk chuan ka apartment kawngkhar chu rawn inhawngin Dominic chu arawn chhuak ta a. Tun thleng thlengin a la awm a maw? Kan inkar boruak rit tak hi engtia chinfel tur nge ka hre hauh lo! Dominic lah chuan in pet ruh țeuh chung leh thinur a vanga meng alh phát chung hian min lo en reng a, a hmel chu a hlauhawm tak zet a ni.

Ka bánah chuan nghet zet a vuanin inchhungah chuan min pawt lut a. Ka lo țang buai vel chu duh lo tih hriat tak hian a rum nghut bawk a.

Engemaw sawi tum hian ka áng zuai a, mahse Dominic hmel chang tak vang chuan ka chip leh hmak a..He pa thinrim hi a lo hlauhawm hle a nih hi..

Dominic mitmeng vur ang maia vawt leh hriam, nelawm loh zet hmachhawn chu ka huphurh kher mai!

Drawing roomah chuan min nawr lut dawt dawt a. Țang engang mahila awmzia a nei tam lo. "Awle, khawihah chiah nge i kal..? tiin min zawt nghal a.

Han sawi mai tur ka hre tlat lo mai. Dominic awmdan chuan min ti hlau tak zet a ni. Zám zet hian ka mit ka khap fak fak a. "Ka unaupa i umzui tih chu sawi a har viau a mi..?" a ti leh tuarh a.

"Gavin maw..!?"

"Dawt min hrilh tum hauh suh! In awmdun tih ka hria a ni," ring tawk hian Dominic chuan a ti leh a.

Makti tak hian Dominic chu ka en hau a, engtin nge Gavin nen chuan kan awmdun anga a ngaih ngawt? Rilru kawi lutuk mai!

"I nu leh pa ka va bia a, arang thei ang berin kan innei ang."

"Ka neih che ring duh suh, inneihna hi ngaih ho lam viau tur a ni lo , mipahnih inhmangaihte kára thleng tur a ni. Keini pahnih hi innei ila kan hlim chuang lovang." Ka țawng chang ve fak a.

"Phunnawi lo mai teh, kan sawifel vek tawh kha! Nang nen hian kan innei dawn khawp mai."

Ka dar ka san ák a, tun hun hi Dominic ka tihnat ve theihna hun remchang a ni. Inneihna hmang hian ka'n phuar ve ange..kan innei khawp ang!

**After two weeks**

"Hlim hmel put tum rawh, tum vuau lo khan, vawiin hi i tan ni hlimawm tak tur a ni asin," Dominic chuan ngeiawm zet hian ka beng bulah a rawn ti sup a.

Suit vut buak rawng ha in, a nalh leh pek hle a, kan inneihna hunserh țan a ni dawn a. Ka hlim der thei ngang lo.

Ka hma lam chu ka en ran a. Ka hmai chu ka kawr hâk ang tluk deuhthaw chuan a var ang tih ka hria. Dominic chuan min nawr rum rum a. Inbuatsaihna mumal tak pawh ka nei hek lo. Talinda lah chuan hmel hlim min hmuh ngai lo a, chu mai pawh nilovin min pehhel a tum char char tih ka hria!

"Nupa in ni tih ka puang e," tih ri ka han hriat meuh chuan ka puakkeh lo chauh. 

Pawnah chuan lawmpuina min hlan sap sap a. Thla la tute ho lah chuan an duhdan ang takin min lo dintir ve sek a...ka hne takzet. Min lo hmu tute tan chuan inneihna pangai ve mai anga a lan ka ring tho. Dominic chuan nui hmel a pu reng a, kei erawh chuan ka tilui hram hram a ni e...

Hall kawtah chuan mipui an ding țeuh a, Talinda leh Gavin pawh ka va hmu a. Talinda hmai var pap leh awih loh hmel taka min lo thlir reng chu ka en ve reng a. Ka apartment țap chunga a chhuahsan zan ațang khan mumalin kan inbe tawh lo.

"A tawk tawh e," tiin thla la tute chu Dominic chuan a khap a. Min nghak rengtu Mercides car awmna lam pan chuan min kalpui nghal a. Thinrim țun chung hian a hnung seat ah chuan ka țhu lut a. Car kawngkhar pawh dim baksak lo hian ka khar țhuai bawk a.

Makti taka driver in min en pawh chu ka ngaihsak duh lo. "Ka unaupa hnaih ah hian i awm tur a ni lo, Kiara,theihnghilh hmiah rawh." tiin Dominic chuan dim map lovin ka hmuiah a rawn fawp siah a.

Driver a awm ve tlat avang chuan ka tál duh lo. Ka țhu khawng at a. Tenawm zetin ka taksa chuan a lo dawngsawng lehnghal! Chu chu ka duh loh thil tak a ni bawk.!

Kan inneih thutna avang chuan ka nu in a fanu neihchhun inneihna lawm dan tur a lo ruahman lawk chu kan țhulh vek a. Ka nu leh pa inah chawhlui kil hona kan buatsaih ringawt ta kha a nia! Chhungkhat leh țhianțha zualte chauh kan sawm bawk.

Ka pindan ni țhina ka chhoh chuan ka thaw huai mai! Talinda chu rawn lut ve in ngawi reng hian ka mo kawr uchuak zet chu min phelh pui a. "Honeymoon in hmanna tur a hrilh tawh che em?" a ti sap a.

"Hrilh lo," zawite hian ka chhang sap a.

"Kan thutiam kha vawng reng ang che, inneih boruak hi zo se, in lo lét leh hunah hmân zana thilthleng kha ka hrilhfiah ang che." A ti leh a. A hun laia

sawifiah tum si lo, Talinda pawh hi a..ka ngei lek lek tawh.

Darthlalang hmaah chuan ka in en a, ka kawr țhui mawl angreng tak leh pheikhawk sang zet ka bun chuan ka confi hmel ve deuh alawm..

Kawngkhar rawn kik ri chuan min ti phu zawk a, Talinda chuan a va hawng a. Dominic chu ka pindanah chuan a rawn lut nghal a. Ani pawhin thawmhnaw dang a lo inbel tawh a.

Talinda chuan,"Duhsakna ka hlan a che u, Kiara ka thusawi kha hrereng ang che," ti leh ngatin pindan chu a chhuahsan hmak a. Ka hre ve reng alawm le..ti a chhan ka chák kher mai! 

"Khawiah nge kan kal dawn?" ka tih chuan a nui suk a.

"Min zawt har ka ti reng a!"

"Zawh kher ngai lovin sawi ve ta mai che," ka ti hmak a. 

"Ka apartment ah zanin chauh kan awm anga, naktukah Washington kan pan ang, Mrs. Malakian." A ti lui deuh kher a..Huh..Malakian!?

"Honeymoon hman kher kha a ngai hran lo a nia," ka ti a.

"Kan hmang dawn khawp mai, hmangaihna pawh uar theih tawpin kan chen ang!" Zam lo zet hian Dominic chuan a ti hmuk a.

"I sawi ngam zawk e a, hmangaihna hi nang hian i hrethiam lul lovang," uar fé hian ka ti a.

"Kan la hria ang chu," tiin hneh tak hian min chelh bet ta tlat a.

"Hei hi kan bul țanna tur a ni," na zet hian ka hmuiah chuan a rawn fawp a. Theihtawp chhuahin ka tál ve fat fat bawk. Dominic chuan a lu chu kànin thatchhiat hmel zet hian min nuih sáwng a. Ka tal hran takah chuan thinrim zetin ankhum ka tum a, chutia ka án lai tak chuan min rawn fawp leh ta a. A hma a mi ang lo takin dimte hian ka ká chhung chu arawn hawl kual nà nà a. Ka chapona a vang chuan chhan lét ka tum țhak lo.

Chutah thaw hak hian min thlah thut a, "Luhlul nu, khatiang thunun dan kha chu ka thiam khawp mai!" ti el zetin a ti leh a. 

Ka chháng buai vel peih lo. Ka pindan kan chhuahsan hnu chuan ka pa chuan min rawn kuah a, ka mittui a hnai kuar mai. Ka nu chuan pangpar min pe in, "In enkawl țha ang che," ti sapin ka biangah min fawp zauh a.

Pangpar chu ka hnim vang vang a, "Man r'u le.." tiin min thlah tute lamah chuan ka vawrh ta a. Gavin ber kher chuan lo dawngin nui var var chung hian Talinda chu a pe ta a..

Kan in gate kan tlan pelh chuan ka mittui chu a far fap a, "Țap duh suh, ka bula chén chu nuam i ti viau ang," Dominic ngeiawm zeta țawng chu ka melh nghek a, a nui suk duh chauh.

A apartment kan thlen chuan kawngkhar a hawng nghal a. "I inpeih em?" tiin ka chhanna pawh nghak lo chuan min pawm nawlh a, inchhungah chuan min luhpui ta a. Kawngkhar chu atlawh khar zui zat bawk a. 

A hma a ka lo riah tawhna pindanah chuan min pawm lut a a.

Khumah chuan min ghatin a jacket hâk lai chu a phelh a. "Ti suh, Dominic," ka ti sap a.

"Nupa kan ni a, kan tih ngei tur a ni..Mrs.Malakian," tiin khumah chuan a rawn mu a. Ka jacket kilhna chu a phelh a, tawlh sawn ka tum chuan ka kawngah nghet takin a rawn chelh a, ka pawnfen chu rang zet hian min phih thlaksak nghal hmiah a. Underwear nen chiah ka awm ta.

"Ti lovang...Dominic..min thlah rawh," ka chúm vak vak na chu engahmah a ngai lo.  A thawmhnaw chu a kut leh lamin a phelh pah mawlh mawlh a.

"In thil ruahman kha ka hre lo emaw i ti em ni? Ka nupui i ni tawh a, nupui i nihna chu i hlen ngei tur a ni," a áw chu a ram hmarh a.

"Eng ruahmanna mah ka siam lo."

"Kan la hria ang chu," tiin a lamah min pawt hnai a, a hmui lum thar thar chuan min fawp leh ta a. In thunun tumin ka hmui chu ka chîp leh tlat a. Dominic lah chu a beidawng duh țhak lo!

Ka tactic thlák a ngai a ni...

Che miah lo hian ka mu a, min fawh pawhin chháng let miah lo hian ka dawh mawl tawp a, ka chét dan chuan a tibuai deuh a ni ngei ang a rawn dak chhuak ta a. "Kiara," a ti thám țuak a.

Run luih zel hi ka tihtur a ni, tun ațangin țan ang aw..."Chhunzawm ta che Dominic, i nupui ka nia lawm. Zo thuai thuai la ka hahdam a ni mai," ngai pawimawh lo ang takin ka ti hmak a.

Dominic hmel in seh ruh țawlh țawlh chu ka hmu reng, min kuahna chu thlahin a tawlh sawn dawrh a, "Zawh thuai thuai?" A ti sup a.

"Ni e, i tihtur chu ti vat la a nimai."

"Ni lo e, nupui pangai anga awm i duh hunah min hrilh dawn nia, ka nawr lui lovang che." ten hmel tak hian min melh zui leh kher ahhh...

"Chu chu a țha reng a ni," ka lo ti liam puat a.

"Gavin emaw, mipa dang reng reng ka mit tikham zawnga i awmpui chuan, ka tih dan tur che chu i hriat kha!"

"Nangpawh, hmeichhe dang ka mit ti kham zawng a i awmpui chuan ka tih dan tur che chu i hre ve thovin ka ring!?" A țawng dan ang chiah chuan ka ti lét salh a.

"Min hnial zuah zuah lo khan va intifai rawh, zanin hian khum hranah mut ka tum miah lo a nia."

"Keimah khum hranah ka mu anga a nimai lawm!"

"Pathian hmingin ngawi tawh teh, ka duh loh thil ka ti palh ange..."

Kan bul țan dan fuh viau loh mahse, ka ti na ve dawn khawp mai... Saruaka a lemziakin ka pho chhuak khawp ang!

Kiara Forbes Malakian...haa...

©<++++[BeckirafARenthleI]++++>®

Chapter-17

Kan inneih dan phuahchawp tak vang hian party tih vel pawh Dominic chuan a buatsaih lova. Honeymoon hmang tur pawhin kan kal hek lo. A apartment ah kan pahnihin kan awm tlawng chu a nia! Ho ve tak a ni.

"I itawm viau na a, sangha thi ang mai a vawt kha hmangaihna ka chenpui châk lo ve," Dominic chuan ti in khum ațang chuan a ke chu hlang thlain, min hnung chhawn zawng chuan a țhu a.

Ceiling chu ka melh kar a. Amah ngaihsak ang pawh chuan ka awm duh bik lo. Khum ațang chuan Dominc chu thovin, jeans kekawr leh tawnzau chu a inbel a. "Min hnial fo dawn a nih chuan rei ka dawh hauh lovang che." a ti hmuk.

"He inneihna lem zet hi ka kham khawp mai," Ka ti ve sak a.

"A lem a ni lo Kiara, a lem anga i ngaih tlatna kha bansan rawh." Thinrim insum zet hian tiin, room kawngkhar chu hawngin step a, a tlan thla thawm leh kawngkhar páwn ber inkhar ri bur chu ka hria a. Ka ip chawih a..

Kan inneih zan chu ka duhthusam țhin ang kha a va'n ni lo tak...!

Dominic chu ka nghak deuh vang vang a, mahse a rawn kir ta lo. Puan chuan inkhuhin ka biangah chuan ka mittui a luang ngiai ngiai a. He khumah hian hmeichhe dang engzat tak țap tawh ang maw tiin ka ngaihtuah a. Ka chapona avangin ka duhna pawh ka ti lang duh lo a..ka chhungte láka min pawh hran avang hian ka haw thar zual sauh!

Washington-ah chuan a girlfriend hmuhtur pawh an awm nual ang chu.. chhel taka ka awm a ngai dawn a ni.

Khum lianpuiah chuan rei tak chhung ka mu meng kar reng a. Ka taksa leh rilru a chawl thei lo, Artist hmingthang tak ka lo ni ta a, kár reilote chhungin Malakian ka ni leh si...ka pawm thei thláwt lo...!

              ********

Ka harh leh chuan khua a eng țan deuh chauh a. Thil rit takin min delh tih ka hriat chuan ka hlauthawng hman hle a. Ka men chhuah chuan Dominic chu a lo che țiah țiah a, ka awmna hmun chu ka hrechiang ta chauh. Pasala ka neih ták áwm ruak káng ngheng chial chuan ka lo mu reng chu niin. A mutna a la rei vak lo a ni ngei ang, tui takin a muhil bawrh bawrh a.

Reilote chhung chu ka khawng deuh at a. chutah Dominic chu a chét leh tak lohah chuan ka inthlahdul ve leh ta chauh a. A bulah chuan ka mu ar ar a, hetiang a thlamuang taka ka mut theih pawh hi ka inring lo kha a nia! Han kuah a, fawh harh a, hmangaihna chendun ka châk thar thut mai! Ka thil ngaihtuah mai mai chuh...

Mualpho taka siam ka tum tlat. Ka nun zalen tak min phuar beh sak avang leh ka țhian leh ka chhungte láka min lák hran vang te, Gavin nen mawi lo taka min puh avang te hian ka inti paukhauh lui tur a ni. Ka duhna hi a hrechhuak tur a ni lo.

Muangchangin khum ațang chuan ka tho țham țham a. Dominic chu rawn che țalh țalh in, ka mutna hluiah chuan a kut chu a phar deuh duai a.

A mutthilh lai chuan a lang naupang leh zual sawt a. A chalah a sam chháwlléng a tla chhap a. Kum 30 hmel pawh a pu lo, ka en reng chuan ka rilru hi a nêm leh mai ang! Chu chu ka duh loh thil tak a ni.

House keeper a neih loh avangin choka ah chuan cooffee chhuang turin ka chhuk san ta daih a.

Dominic rawn chhuk thla thawm ka hriat chuan breakfast tur ka peih vek tawh a.

"Eitur siam thiam lo chu i lo nih loh tawp hi," tiin ka kawngah min rawn kuah a. Ka lo phu zawk a hmuh chuan a nui suk, "Ei ila, naupang țha tak anga i awm chuan engtin mah tih che ka tum lo." A ti leh kher a.

"Ei la, ka peih vek tawh alawm." 

Mitko san ák hian, "Kan ei rual ang chu, i ei tawh tih sawi hlek suh."

"Vanduaithlak takin ka la ei lo hlauh," ka ti ve hmak a.

"A țhat chu," tiin Bacon leh artui chu a ei mawlh mawlh a. Phur lo zet hian a ep ah chuan țhuin ka ei ve ta a.

"Hmanhmawh chu angai hran lo nain, breakfast kan ei zawhah Washington panin kan thlawk chhuak ang! I nu leh pa leh i țhiannu láktlak loh zet kha chu kan hmu hman tawh dawn lo tih i lo hre dawn nia." tiin a chair chu a nawr tawlh a, a tho chhuak nghal hmak.

Ka nu leh pa te ka hmu dawn lo tih ka hriat chuan ka lunghnur ru hle a, mahse an duhdan angin pasal min neihtir a, ka thusawi ngaithla duh lovin! Ka chhungte mah ni se, ka haider ve mai niang chu...

"Tunah chúk chûk kal kher angai a mi? Lemziak la zawh loh ka nei asin," ka tih chuan, "Lemziak lam kha chu theihnghilh rawh, innei thar hlim kan ni a, helaia kan awm reng hi a țulna a awm lo a nia, ka sumdawnna buaipui a ngai tawh, mirethei ang chuan ka awm der vel tawh lo mai ang!" Ngeiawm tak hian a țhen deuh sak a.

"Hna ka thawk ve dawn tih chu i hre tho anga?" ka tih chuan min chhang duh țhak lo.

Washington lam pan chuan thlawhnaah chuangin Dominic bulah chuan ka țhu ve ran a. Laptop a mal  chungah dahin engemawni a khawih mual mual bawk a. A diamond zungbun min pek chu ka tuaikual neuh neuh a, a man a to viau ang tih chu ka ring a. Mahse ka tan a hlu viau lem lo! 

"Eng car nge i duh ve ang,?" tiin ka lam hawi chuan laptop chu a rawn dah a, luxurious car chi hrang hrang thlalak chu a tlar thla țeuh a. A nalh hlawm kher mai! Malakian company chhinchhiahna a awm vek a, a hausak dan tur chu ka hrethiam mai!

"Ka mamawh leina tur chu ka nei ve e."

"I nei tih chu ka hria alawm, mahse inneih thilpek atan pakhat i thlang dawn nia."

"Ni lo ve, angai lo.. ka mamawh chu ka nei thei alawm," induh larh a ka chhan chuan, "Hmeichhia mahni ke a ding thei hi ka duh reng a ni," a ti awlsam then a.

Chumi hnu chuan kan inbe tawh lem lo.

"Ka pa nen kan cheng dun lo tih chu i hriat tho ka ring a?" a rawn ti leh bauh a. Mak ka ti viau!

"Tu nen nge an chen a?"

"Gavin nen an chengdun alawm, min hmu turin a rawn kal thuai ang! Kan inneihna hi ka la hrilh hre lo tih pawh ka hrilh tlang nghal law law ang che. A pawm thei nghal kher lo che a nih pawhin awmdan tur chu i thiam thovin ka ring," a ti deuh duah a.

A pa lákah kan inneihna hi a lo thup amaw! Engtin nge hmachhawn se min tih? Ka lungawi lo khawp mai!

"Chuti taka i pa i hlau a nih chuan tinge min neih si?" ka ti bak deuh hlar a.

"Ka hlauh lam a ni lo, a la hre thuai dawn thova, ka hrilhfiah mai ang?Min ring rawh," dam thlup hian a ti a.

"Hmun hranah a chen tho chuan hlauhthawnawm a nih loh chu, i nupui tak tak anga lan der angai dawn lo ringawt pawh hi ka lawm tho ve," ka ti deuh salh a.

"I sawi tum chu ka hria alawm," tiin a laptop chu a khup a, ka lam a rawn hawi ta a. "I hriat duh chu ka hrilh ang che," dawhthei tak hian a ti a. "In chhungkaw chanchin hriat ka chák lem lo e," ka ti sap a.

"Ok..chuti a nih chuan a der tih vel kha sawi lang tawh suh. Ka nupui ang chiahin awm la, nupui i nihna hlen bawk ang che. Ka pa chungchang bikah chuan hneh tumna rilru pu la i hahdam a ni mai," a ti ta a.

Dominic a pa George Malakian chu pa tawhkhirh tak a ni ngeiin ka ring!?

Dominic-a penthouse! Chutah chuan min hruai dawn chu a nia! Ka tan chuan chenna in a ni ve thei angem tih chu ngaihtuah tham tak a ni. Neih ka lo remti mai chu ka tisual mai ang tih hlauhthawnna ka nei a, Maicham hmaa kan din lai khan, 'Ka tiam e' ka tih ve lai phei kha chuan ka hlauthawng zual. Dominic khan chiang tak khan min rawn en a, 'Ni lo' ti a ka tlan chhuah mai kha a hlau riauvin ka hria.

Kan inneih fel hnu khan thawveng huai hmel a pu a, a nui ve ta chauh a nih kha! 

Dominic chenna hmun kan thlen chuan a penthouse chu a lian hle a. Garage pawh lian tak a ni. A hmun hma hrim hrim chu tunlai thei ang ber a chei a ni a, a hausak tur zia chu ka hrethiam mai!

Khawvel dang, a thar, hausaknain a hual vel...chu hmunah chuan ka cheng dawn chu a nia.

"A mawi kher mai," ka ti hliai a. Chutiang baka han sawi chhuah dan tur ka hre lo a ni. Tun aia ka tuarchhel a ngai leh sawt dawn a ni.

A mawi thlawt a ni. Dominic ka huatna theihnghilh țhakin ka nui var var a, Dominic chuan ka kutah vuanin inchhung lam chu min panpui ta a.

Inchhung phei chu ropui hem hem tak a ni, hall-a step zau pui mai awm phei chu film channa tur atana buatsaih nimai awm a ni. Hetiang hmun a chen chu ka tan chuan thil thar a ni lo naa, kan In ngaihtuah chuan ala pui fe zawk! Inhmangaih taka innei chu ni ila a nuam ngawt ang.!

"Mr.Malakian!" Dem áwka tak hian arawn ti ta a. "Inbiak rawnna pawh awm lovin nupui i rawn hawn ringawt a nia!" Chu nu chuan chîk tak hian min en a. A thau țha hle mai! 

"Elina!" Dominic chuan a ti sup a. "Elina ka penthouse enkawltu a nih hi." 

"Kum tamtak chhung ka enkawl tawh a, hah taka a hna thawktu pawh min hrilh lovin nupui arukin a nei a nia! He in lian zet hi enkawl a hahthlak tehreng nen!" a ti bawrh bawrh a.

Chu nu Elina hmel chuan ka nuih a ti za deuh tlat! Dominic chu a hlau țhak lo.

"Engahmah lo ngai duh suh, Mr.Malakian hi a lawm, i tan hrehawm tihna tur a awm lo a nia, i hmelțha in i nalh hle mai," tiin ka lam arawn hawi a.

Ka lo nuih lêt ve var var a,  Dominic chuan makti hmel tak hian min en a, ka nui tawp chat. Kan bungrua vel chu mipa rual engemaw zât hian an rawn dah lut a. Hnathawk pawh a ngah hle a niang!  Engtin nge rethei ang tak khan a lan thiam zawk? Hrep tak hian!

"Tun ațang hian Mrs.Malakian i nihna hi i hmang țan nghal thei ang, tuman tihtur an hrilh lovang che. Kei tih loh chuan. I aia thu zawk chu keimah chiah ka ni, hnathawk tam tak ka nei a, awmdan chu i thiam turah ka ngai!?" Dominic áw ah chuan thuneihna a lang tel tlat!

Mak tiin ka lo melh reng ringawt a. Dominic țawngkam leh chêt zia chu a dang ta daih mai. Businessman thunei tak a nihna a rawn lang țan ni berin ka hria.

"Hawh le..in vel hi ka fan pui ang che, tichuan i thawmhnaw vel tifel turin Elina hi i hruai dawn nia," a ti ta a.

"Keimahin ka inbuaipui thei e, ka thawmhnaw midang khawihtir kher ka duh lo," ka ti sap a.

"Fimkhur rawh Kiara, thil reng reng hian chintawk a nei a nia, ka hrilh che kha hre reng ang che. Ka nupui diktak i ni, theihnghilh reng reng suh."

In kan fankual chhung chu a rei viau a, room pakhat min luhpuina hmun chu ka rin phak a ni tlat. Drawing room a ni a, lemziakna bungraw chi hrang hrang kimchang tak leh a țha chi tih hriat țhah hi a lo awm țeuh a. Mak ka ti lo thei lo!

"Pawn lamah thil țul bik ah lo chuan i chhuah ka remti dawn lova, hei hi i hnathawhna hmun tur a ni." Dominic chuan engkim a lo ruahman fel vek tih ka hriat chuan ka lawm hle a.

"Ka lawm e, mahse he room-ah hian kei tih loh chu an lut tur a ni lo. Ka lemziah lai midangin an hmuh ka duh lova, nang pawh i lo lut tur a ni lo, ka zawh fel hnu ah erawh chuan thuhran ni se," tiin ka duhdan ka sawi ve nghal a.

"A țha alawm, ka hnathawk te ka lo hrilh dawn nia," Dominic chuan a ti țha ve mai a.

"Ok..intihfai ka duh deuh tlat, ka pindan tur min hrilh theih chuan...!?"

"Ka pindanah i awm ang! A chiang tawk em? Riah hran lam kha chu ngaihtuah duh suh," a ti hmuk a.

"Awle, boss," ngeiawm zet hian ka ti a. A ner deuh sawk chu ka hmu hman.

Kan pahnih chauhin dinner kan ei dun a, Elina-in eitur chu min chhawp sak a, chhiahhlawh dang pawh an awm țeuh tho tih ka hre tawh. Choka bik chu Elina chan a ni. Dominic nen kan awmdan chu a chîk hle a, lem kan chang dun a ni deuh ber mai!

Mut a hun meuh chuan ka huphurh hle a, pindan pakhat kan ințawm dawn ta chu a nia...

Dominic aiin room-ah ka chho hmasa zawk a, phone in tu emawni  a be mawlh mawlh a, ka ngaihsak lem lo. A pindan zau țha zetah chuan ka lut ta a, a changkang tih hian a sawifiah zo lo. Ka apartment sitting room ai pawhin a zau zawk a, a pui khup mai!

Shower a ka intleuh zawh hnu chuan  a lo la chho lova, khum sir kil a cupboard chuan ka mit a la ta riau mai! Harh fim kar a lo nghah ai chuan engemaw in ta ila...Phur zet hian cupboard chu ka hawng a, zû chi hrang hrang lo awm dul ka hmuh chuan ka mengphar áwk a. Vodka umkhat chu la chhuak nalhin ka hawng ve hmiah..!

No hnih ka inna turah Dominic pen thawm ka hre ta a. Ka thli vek tawh bawk si! Ka in zawh hmain a lo thlen hman ka ring sia, bathroom-ah ka luhpui ta ringawt a. A hriat lohva in kha nuam ka ti chiah lo...

Bathroom- ah chuan ka thlit sa chu ka in zo ta vek a, no chanve dang in belh lehin a bang zawng chu ka leih baw ta vek a. A bottle leh no chu thuhrukna tur ka melh ngial a, a vang khawp mai. A tawpah towel dahna drawer chu hawngin a hnuai berah chuan ka thuk ru ta a.

Ka lu a hai țan der...

"Kiara, engnge ila tih reng? Lo chhuak tawh rawh...inbual ve zuai ka duh," Dominic chuan kawngkhar a rawn kik dat dat a.

"Umn...awle.. ka lo chhuak." 

Bathroom kawngkhar chu hawngin ka chhuak ta a. 

"Inkhung bo reng a theih dawn loh tih i hre ve thovin ka ring?'' Nui suk hian a lo ti a. Ka chhang lem lo...

Dominic inbual chhung chuan khumah ka lo mu thán a, a lo chhuah hma ngei a mutthilh hman ka tum.

A rawn chhuah leh chuan ka la muhil hman ta chuang lo. Ka bulah chuan a rawn mu ve a. Ka káwnga a rawn kuah chuan ka lo țang deuh phat a.

"Hussh..Kiara ka tina lovang che," a ti sap a.

Muangchang hian alam hawi tur chuan min kuai her ta a. Dimte hian ka hmuiah chuan fawpin a inla hrang leh nghal daih a. "Zû i lo in hman a ni maw!" A ti ta a. Ka țawng chhuak ngam țhak lo...

"A pawi lo e, tun țum chu ka ngaidam ang che. Zan dangah chuan ka tel lovin in tawh suh ang che." Ti hmukin leh lam min hawisan ta daih a. Ka hrilh hai viau!

Dominic tih thinrim ka duh vang a, in pawh ka ni chiah lo asin le... ka zám lutuk tih reh nan ka ti a ni mai..he pa tihtauh hma zia hi....

"Dominic," inthiam vak lo hian ka ti sap a. 

"Muhil rawh Kiara."

"I thinrim a mi?"

"I rui a nih kha, țawng țawng lo khan mu hle hle rawh." a ti leh hmak a.

"Mahse..." ka ti niah niah.

"Pathian hmingin...țawng tawh teh suh, hmeichhe rui ka buaipui peih lo."

Chutia a tih veleh chuan ka run luih chák leh ta tlat a. A lam hawi chuan ka inlet thak a. A kawngah ka va kuah ve ngat. Naupang chhia zet hian ka kut chu a lo dah sawn hmak a. Ka nuih a za viau...

Zanin chu chhaih thinrim ka chák tlat.. a țul a nih leh taksa lam pawh ka hmang țangkai ve mai niang chu.. Ka pasal a nia lawm le....

©<++++[BeckirafARenthleI]++++>®

                    Chapter-18

Dominic mu tau ngut chu ka kuah hle hle a. Diktak chuan amah hi ka duh hliah hliah a, alakah hi chuan insum theihna pawh ka nei hleithei lo. Mahse blackmail hmanga min neih avang hian a chungah ka lungawi lova, zanin chu a rin loh dan deuhin ka'n che teh ang.

Ka kut chuan a nghawngah zut chhovin a hmuiah chuan ka fawh sak ta a. A la che duh țhak lo zui! Thaw hak chungin ka lamah chuan ka pawt hnai a; a hma aia uar zawk chuan ka fawp leh ta a. 

"Kiara duh tawk teh naktukah i inchhir leh a nge!?" a ti sup a. Ka hre lo lui der tlat thung!

A boxer hák chhungah chuan ka kut tetakte chu ka dah lut riai riai a, a lo thaw hawk ri ka hriat chuan ka nui ru var var mai! 'Ka ti thei ve ngei tur a ni' tiin ka tum ka ti ruh sawt a. Chutia ka tih chu beisei ngam chiah lo ni awm tak hian a mitmeng thim raih chuan min melh a.

"I rui a nih kha," chhum bul zet hian a ti leh a. A âw a chákna nasa tak lo lang chu ka hre ve reng. Keipawh ka danglam bik chuang lo, ka thil in chuan hna a thawk țan mek. Tuna ka ti lo a nih chuan nidang zelah ka harsat tulh tulh dawn tih ka hria! 

A tawpah Dominic chu rawn dak chhuakin a meng sí deuh sap a. "Engvang nge? Engatinge hetiang hian i tih!? Min haw viau a ni lawm ni? a ti ta a.

"Nupui ka nihna hlen turin min duh kha, chu chu ka ti ngei ang," inringtawk zetin ka ti ve tlat a.

"Engtin a...? angaihna hriat loh hmel tak hian a ti a.

Ka rilru putdan sawilang kher lovin, chêtzia hian lantir ka tum ve mai a ni.

Dominic chu ka kuah hnai leh sawt a, a lungphu dawt dawt ri pawh ka hre thei ta. "I ta ni tura min duh ang bawk khan, ka ta liau liau ni turin ka duh ve che a ni." Ka áw sexy thei ang ber tura ka hriat chuan ka'n ti vel a.

Dominic hmela chian ngam lohna, lawmna lo lang chuan min ti hlim hle ani. "Tlemte talin min ngaihven ve a ni tih han sawi teh," a ti thum chhak a.

"Yes, duhtak, ka mamawh che."

"I ruih laia hetia i awm țhin vang hi alawm midang bula zu in ka phal loh, engpawh nise zanin chu ka bulah i awm a, ka ngaidam ang che..nidangah chuan a rukin in tawh loh tur aw...nupui zu heh ka duh miah lo a nia..!" Thu tak zawkin a ti ta a.

"Yes, boss," ka nui pah har har a, "Nang tereuh hi i chimawm thei ngawt mai!" a thaw hak a, a nui ve ta hawk hawk a.

Khumah chuan Dominic taksa ruak kang mai chu ka fawp lawr dan dan a, ka lo tiam tawh ang ngeiin a nupui ka nihna hi hlen ngei ka tum a ni...Hmeichhe dang tan ka phal lo bur...Ka huat lai ber pawhin midang tan ka phal chuang lo.

Chutia ka fawh chuan Dominic chu a rum leh hak a. Min lehthalin ka chungah chuan a bawk run a. Dimdawi takin ka hmuiah chuan a rawn fawp ta a, ka thawmhnaw inbel chhun tlemte pawh ngaithei lovin a hlip vek bawk. Dawhthei takin ama tisa phurna pawh thunun hram hramin ka taksa chu a chawk phur a, "A hmasa ber ang kha chu a ni tawh lovang, ka tiam a che," a ti sap a. 

Min tawhna leh chul velna in min tihphur theih dante chu ka hre thar zel a, ka tisa phurna a han sosan viau tawh  hnu pawh chuan Dominic chuan min thlem daiin, "Muangchangin le.., Honey, a hmanhmawh thlak loh, hun te chu kan ngah lutuk a lawm," a ti ta a.

Mahse ka mamawhna a san tawh em avang a ka lo phi ve cheng chuan Dominic nuih a tiza hle a. "I duhna ah hi chuan i zei mawle, ka call girl luhlulte." 

"Dominic..." tiin ka ngen a.

"Yes.." tiin pumkhatah kan insiam ta a. Kan tisa mamawhna kan inpek tawn hian kan inhnaih sawtin ka hria.

Zanin ka 'style' chuan a thawk țha khawp alawm le..., kan innei tawh miauva nupa nunah thiang lo a ni bik hleinem...!

A hnuah lungawi taka inkuah hle hle chungin Dominic hmai chu ka chul dan dan a, a nui a ni tih pawh ka hre thei.

"Thlahlel viau che mahila, bathroom-ah va intifai rawh le...i ha va nawt la, cabinet ah khan toothbrush thar a awm țeuh kha, zu rim nam chunga kuah reng che hi ka duh lo." Nui suk chung hian a ti a.

Ka hnial ta bik lo..thuawih tak hian bathroom-ah chuan lutin ka ha ka nawt a, tuilumin ka intleuh zuai bawk.  Zu ka in tih a hre tawh thova, nichina ka thil thuhruk kha paih nghal daih teh ang! Min hau êm lovang chu...

Bottle leh no ka ken chhuah chuan Domicnic chu a mengphar áwk a. 

"I nasa ve a ni tiraw? Ka bathroom a zu in hmasa ber record i siam e," nui deuh hian a ti ta a.

"Ka in laiin i lo chho thut sia, min hau ka hlau alawm!"

"Hau dawn chiang, tun hi a vawikhatna leh a tawpna ni rawh se." 

"Umnn..awle.."

"Lo mu leh tawh rawh le...a vawt viau a nia, London boruak leh helai hi chu a in ang vak lo," tiin khum chu a beng thak thak a. A bulah chuan ka va inthawlh ve ta kak a...

Ka dar ruak kangah chuan a rawn fawp a, "Ka inpeih leh der tawh," tiin a mipatna chu min tawh tir a, ka rui a reh vek tawh bawk nen ka zak deuh.

Keipawh ka inpeih leh thlap. "Yes..Dominic," ka ti sap a, tisa phurna avangin Dominic chu a sosang leh țan viau tawh a ni tih pawh ka hria. Hlim taka ka nui deuh sáng lai chu min rawn fawp leh ta vawng vawng a.

Zankhua deuh thawin hmangaihna kan chendun a, khawvar dawn lamah kan muhil ve chauh ta kha a nia!

A tuk zinga in hmalama car tlan thawm ka hriat pawh chuan ka tho peih lo hle a, Dominic chu a tho daih tawh. 

Tunge? Tun ang hunah lo kal tur awm? Dominic-a pa chu a nih ka ring lo phawt a...intifaiin inhnuai lamah chuan ka chhuk thla ve ta a. Nizan kan hun hman dan ka ngaihtuah khan keimahin ka nui leh vur vur a!

"Domonic..oh..darling! I lo haw leh tawh a! Australian merger chungchangah inbiak kan ngai a nia! ka ngai lutuk che." Țawng thawm ka hre nghal zat.

A thusawi leh a țawng dan reng rengah chuan Dominic chu a duhin a átchilh hle tih ka hre mai! Chu nu hmel ka hmuh phei chuan ka hnual nghal rawih a, a nalhin a hmelțha thlawt! Mahse nu te lam deuh a ni. Chu nu biakna chu Dominic chuan lo chhangin a nui deuh suk bawk a.

Chu mite pahnih mai mai chu an inhaw lo hle a ni.

Step-ah chuan ka tlan thla zai zai a, hall-a thinur hmel taka Elina lo awm ka hmuh chuan mak ka ti deuh a. Ka hmel rum deuh ál a hmuh chuan a thinur hmel chu a reh riai riai a. Mahse Elina chu ka ngaihsak hman lo, Dominic leh hmeichhe lo awm ve kha ka hmachhawn ngei angai!

Dominic inleng nu chuan a kutah a lo vuan deuh ngei a! A sam chu a dum hlap, chutia ka zuk lang thut chu makti tak hian min rawn en a, lungawi vak lo niawm tak hian a tawlh hnung hrat bawk. A țul aia rei mah Dominic kut chu a vuanin ka hria. Tu pawh chu ni se Dominic chu a hauh hle a ni tih ka hre thei mai! Ka lo thinrim nghal țun a.

"Oh, pawi ka ti ngawt mai, Dominic! Inleng kan nei tih ka lo hre lova, khum i thawhsan lai ka hre miah lo. Ka rawn tlai lutuk em?" Ka ti deuh kher a. Dominic mit buang thakah chuan nuihzatna alang deuh. 

"Tlai lo ve, Honey, kan inleng pawh a lo thleng fel deuh chiah a ni. I rawn chhuk hun pawh a fuh khawp e," tiin min rawn pan a. Min en chîk hle bawk. Ka thinrim nge thinrim lo hriat a tum a ni ngei ang?

Lemchan te chu ka thiam ve ém! Tun hi ka lan chhuah tirna hun remchang a ni. Dominic chuan alamah min pawt hnaiin min kuah ta a, chu nu thinrim hmel sen ap ap chu ka hmuh hmaih hauh lo.

"Kiara, hei hi Amy Raymond a nia- ka secretary a nih hi," a ti a. Dominic țawngkam avang chuan  chu nu biang chu a sen nasa zual sawt. "Amy, ka nupui, Kiara hi hmelhriat ve teh," a tih zawm takah chuan chu nu hmai chu a dáng leh sáwp sáwp a.

Kan ngawi ta țhap mai, kan ngawih chhung chuan chu nu chuan rum zetin min melh a, ka hlau eih lo. Secretary hmelțha satliah hma a zám mai mai tur ka ni lo. Ka melh lêt ve nghek a.

A nupui ti a, a hmel hriattirna chuan Amy chu a shock takzet tih ka hre thei. He nu leh Dominic inkarah hian awm a awm chiang a ni! Hmeichhia ve tho ka nia ka hre thei tlat! Tunah pawh Dominic chuan min kuah reng tho nain a mit chuan Amy chauh chu a en tih pawh ka hmu ve vek! 

Hrep tak hian! Girlfriend a nei reng tihna a ni ngei ang!?

Amy chuan ngai awh leh thuaiin min chibai tur chuan ka lam a rawn pan a. Nui hmel a pu nain a mitmengah chuan nui hmel a lang ve hauh lo.

"Awle, chutia nang berin i tih tlat chuan ka awih mai niang chu, Dominic! Nupui a rukin i lo nei ta a, min shock deuh mai a nia, mak ka ti khawp mai, min lo hrethiam ang chu..er..Mrs.Malakian." Ka hming sawi chu a hreh hmel em a ka hriat avangin, "Kiara," ka lo ti chang fak a.

"Oh.. a nih leh Kiara," Amy chuan a ti leh a. "A la naupan hmel hle mai, Dominic." A ti ta a.

"A la naupang alawm, a upa chhawm ve mai ang, rinhlelh rual lohvin," Dominic chuan a lo ti a. 

"Țhu rawh Amy, i sawi tur ang chu Kiara hian hre ve mahse a pawi lo," a ti a, chutah thawp sat hian, "Helamah keini țhu ila, tichuan țha takin kan inleng pawh i kawm thei ang chu," tiin sofa hnai berah chuan min țhutpui ta a.

Chu nu awm lai a min care viau chhan chu ka hrethiam chiah lo... Amy hian Dominic-a'n nupui a nei tih hi a lo hre miah lo tihna a nia! A la ná hle bawk..He nu runluih nana min nei te hi a ni zawk hial ang a...?

Elina chu rawn lutin, "Thingpui rawn siam turin min duh em, ma'am?" Min ngaihsan hmel tak hian a ti a. He nu thau pui mai hian min ngaina țan tih ka hre thei mai!

"Oh..khawngaihin, Elina! A lawmawm khawp ang," nui sak hian ka lo ti ve a.

Dominic leh Amy chu company chungchang sawiin an țawng bawrh bawrh a. Dominic chuan Laptop rawn phawrh chhuakin an inhrilhfiah mawlh mawlh a. Ka lo ûksak vak lem lo.

"Dominic, i pa chu i hrilh ve tawh ém ang chu maw! I nupui neih hi?" Amy chuan a rawn ti chhuak hlawl a.

"Washington kan thlen hnu hian ka hrilh, a lo kal thuai ang! A hun chu a sawi lo na a."

"Kiara hi engtin nge a ngaih ang aw, a la naupang hle si a." Ngeiawm lam lek lek hian a ti leh a. "A ngaina lutuk ang, diktak chuan ka pa duhzawng tur tak a nia lawm," Dominic chhanna chuan min khei zar mai! A pa duhzawng tur ka nih vang a min nei a ni tih a sawi lan na tluk a ni. ..

"Kei hi chu min ngaina ngai lo kha a nia, in company tan hian țangkai hle lo ila chuan min theh chhuak daih tawh ang, George hi chu ka ngaina hlawl lo," kha fak hian a ti a.

Chutia awm ve lo ang mai a min ngai chu ka run kher mai. He nu hi George( Dominic-a pa) chuan mo atan a duh lo a tihna a nia? Ka'n țawng chhuak ve hlak ange!

"A pa in min ngainat leh ngainat lohah ka buai lo, ka pasal chu Dominic a ni," ka ti ram hmarh a. Amy meng phar ák chu ka melh rum kher mai!

"George mizia i la hriat loh vang a nih dawn chu, company tana țangkai lem lo, thiam nei bawk si lo leh sum ûm hmeichhia hi a ngaihsan zawng a ni lo." A țawngkam te reuh chu...ka thin tertek a kai chhuak dawn tlat mai!

"Company hian ka tan hlutna a nei lo, tih lo hrilhfiah mai ta che, darling?" Tiin Dominic chu ka nuih zui var var a, lawm hmel a pu chiah lo na a, ka ngaipawimawh duh lo.

"In inhmuh laiin ka awm ve chák ngawt mai!" Amy bawk chuan a ti leh țalh a.

"Ka hneh thei ngei ang? Nangmah ang lo takin min ngaina hle ang tih pawh ka sawi ngam hial mai." Inringtawk zet hian ka ti a.

"Mi zawng zawngin mak an tih ngei dawn chu, Malakian unau nupui tur te hi a duh uluk viau a nia!"

"Kei chuan mak ka ti hauh lovang, a la naupangin a hmelțha bawk si. Model pian ang maia nalh a la nei zui bawk a, ka pa ngainat tur chi a ni, kei ngei paw'n ka átchilh chu a nih hi!" tiin ka hmuiah a fawp zauh a. 

Amy hmela thinurna lo lang chu ka hmuh hmaih lo. Min thik hle a ni...

"Duhtak, Amy hi kan thlah lawk ange, hetah hian lo awm rawh!" thupe aw tak hian Dominic chuan a ti zui zat a.

Kawngka lam pan chuan an inzui phei ta a. Ka hriat tur ngei hian Amy chuan, "Dominic nang leh kei..... George hian min haw viau tih chu ka hria a mahse...." a tih ri chu ka hre pha vek!

"Shhh..." Dominic chu a nui hak a. Ka ngaithla peih tawh mai mai lo e a.

Dominic hian nupuia min neih chhan chu a girlfriend, a pa in a duh pui loh vang a ni. A bialnu hum nan kei hi hmanhmawh takin min nei ta chuk chuk a nih ngei dawn hi...tenawm lutuk...!

Dominic lo luh hnu chuan ka țhutna ngaiah ka la țhu reng a.

"I secretary chu a chhiat loh kha le..in inhmeh khawp mai!" kha fak hian ka ti a.

"Kiara inhnial ka peih miah lo a nia."

"I pa in Amy a duh loh vangin in affair thup nan min nei ta a. I lo ropui e..A en dan che kha ka hai hleinem, nangin i en dan thleng pawhin." 

"Duhtawk teh, i in áng thinrim leh dawn, chu ai chuan nizana kan mutthilh san ták kha chhunzawm leh ka duh zawk!"

"Teuh lo...i mumang a nih chu.." ti a inherin kan nupa pindan lamah chuan ka luhsan ta daih a. Ve lutuk a... Gavin phone number neih dan ka dap a ngai dawn a ni.

Kan inneih hma lawka thil thlen dan kha chiangtaka hriat ka duh bakah, Amy chungchang pawh hi zawh ka duh bawk...Tu lákah mah tlawm ka tum hauh lo. Dominic hi dán hmaah leh tisa ah pawh ka pasal a ni...engmahin a ti danglam thei lo...

                    ************

Talinda Pov...

Kiara ka ngai kher mai! Ka ruahmanna ang chuan thil a kal zel chu a nia! Kiara ka huat vang ni lovin, Gavin te unau inhuat tir hi ka 'plan' a ni.

Kiara hian Dominic hi a duhin a hmangaih tih ka hria a, chutiang bawkin Dominic pawh hian a hmangaih, an chapona avangin an sawilang duh lo mai zawk a ni.

Kha mi zan khan, Dominic chuan min rawn call a, Kiara a biak tlang theih loh thu leh zan lama a kal chauh tur thu hrilh turin min ti a. Gavin kha ka apartment-ah lo lutin zu kan in dun ta kha a nia! A ruih tak tak hmain Kiara pindanah ka han chho zawk a...Chahbi spare hmangin ka lut thei mai...Kiara chu rui zet hian khumah a lo mu a, thawmhnaw a ha thlap..

Ka țhiannu leh ka unaunu ni kawp bawk a ni a, hmanruaa hman ka hreh viau nain ka tih ngei angai tlat si! Jane phuba hi ka lák ngei angai... Kiara thawmhnaw chu dimte hian ka phelh sak a, bra leh underwear nen chauh ka kalsan ta a. 'Sis' min ngaidam rawh ka ti rilru mawlh mawlh.

Ka aparment a rui zet a Gavin lo țhu chu, Kiara chenna hmunah ka kuah chho ta a. A ruih êm avangin min hnial chhin eih lo. Min duh tih pawh ka hria a..mahse ka û vang khan ka hnar mai chauh a ni. Kiara sitting room-ah ka țhutpui leh te te a, whisky no khat dang ka intir leh hnu chuan ka țhiannu bula mu turin ka hruai phei ta a..khatih lai khan Gavin khan engmah ngaihtuahna mumal a nei lo tih ka hre ve kar...

Kiara khumah ka muttir hnu chuan a thawmhnaw inbel chu ka phelhsak a, boxer nen chiah ka hnutchhiah ve ta a nih kha...!

Ka chenna hmun ka thlen thlak hnu ah, Dominic chu ka phone ta chauh a...ka chenna hmuna lo kal hmasa tura ka tih chuan min hnial lem lo.

A rawn thlen hnuah Kiara'n mipa inleng a neih thu ka hrilh chauh a. Gavin tih ka sawilang lo a...kan pahnih chuan Kiara chenna hmunah kan chho ta a.. ka duhthusam ang ngeiin Kiara leh a unaupa lo awm dun a hmuh chuan Dominic kha a thinrim hle a nih kha...Gavin hrilhhai hmel mawlh kha theihnghilh harsa ka ti a ni...

Lemchan chhunzawmin ka țap der ta ringawt a. Kiara ka țawngkhum dan erawh kha chuan hrehawm min tih tir ngawih ngawih!

An vai chuan ka kal san ta a. Ka tan tih ve tur a awm tawh lo...

Mahse...Ka beisei loh ang takin Dominic chuan Kiara chu a nei ta rum rum mai si a. An unau inkar erawh chu a țha ta lo. Gavin pawh Washington-ah a lét ngam tawh lova, a unaupa a hlauh vangin...inthiamlo reng rengin hun a hmang ta chu a nia...

Kiara'n min biak a tum pawhin ka peh hel zel a, a hmel ka hmuh apiang hian ka inthiam lo țhin...

Tunah chuan ka hmuh phak lovah Dominic kiangah a cheng ta a... ka ngai lutuk hi zan pawh ka mu thei lo...zu ka in phah vak vak a, Gavin lah chuan min min hneh tumin țan a la ve tlat bawk si...ka chau tawh...

'Kiara engtikah emaw chuan ka hrilhfiah che anga, min ngaihdam ngei ka beisei' tiin ka diary chu ka ziak tawp ta a.

End of Talinda*

Chawhnu tlailam tawhah hian car thawm hriain tukverh lam chu ka pan a. Dominic titau chunga ka kalsan hnu khan pindanah inkhung char charin ka thawmhnaw ka ti fel a...Tuma'n min rawn tibuai lo, lunch ei tur pawhin ka chhuak lova..Kha Amy vang khan ka mood a off vek...

Room kawngka chu an rawn kik ta a.

"Ka pa a lo thleng e!" Dominic áw vawt ruih chuan a rawn ti a. Kawngkhar chu ka hawng lo tawp zawk dawn a mi le...

"Kiara lo hawng teh, ka pa innghahtir i tum chu a ni ém lovang chu!?"

Kawngka hawng tur chuan ka phei ta a. "Inpeih rawh le..i bulah ka awm dawn alawm," a ti leh sup a.

Ka thinrimna dah țhain Dominic chu ka en ha a, "Eng thawmhnaw nge ka hák ang?" 

"Ka pa hneh thei tur khawp a confi i nia lawm! Ka puihna i mamawh hauh lo." tin min nghah pawh tum lo hian a kal nghal daih a. A thinrim zawkah a la țang ngam lehnghal a, a beisei loh dan deuhin a pa chu hneh ngei ka tum ang!?

George Malakian ka lamțangah ka siam ngei ang che...ka ti sap a.

©<++++[BeckirafARenthleI]++++>®

                     Chapter-19

George Malakian chuan min duh ta lo leh min pawm ta lo a nih chuan ngai ka awh tihna a ni mai. Theihtawp chhuah erawh ka tum! Induh larh leh hawisang vah hian chung hian inhnuai pan chuan ka chhuk ta a.

Țhutkhawmna pindan zau zeta Sofa dûp nuam taka țhu chung a, mitmeng buang thak mai, Dominic mitmeng ang takin chîk zet leh nelawm loh taka min lo en pawh chuan ka hlau hran lo.

Muangchang hian a rawn ding chhuak a, ka phu zawk mai! Putar nelawm loh leh thinchhe tak hmuh ka tum chu hmuh tur a awm hauh lo. Ka ngaihdan lo siam ve vak vak hi a țulna a awm hrep lo, amah ka hmuh hma hauhva lo rinkual vel chiam kha thil țha ber pawh a ni hek lo...

Dominic ang maia sáng a ni a, a sam chu a chhahin a dum țha hle a, a bek sam vel erawh chu a țuak phauh phauh thung! A hmel pawh a țha roh hle a ni. A ngaina lo tu tan chuan hlauhawm tak tur a ni a, a nêl tu tan erawh țhian țhatak a ni ngei ang tih ka hria. Ka pa ka hrechhuak zawk mai!

"Hei hi i nupui chu a nia maw, ka fapa?" A hmel ang mai áwka nghet churh chuan a ti a. A mitmeng chuan min hawisawn san lo reng reng..Zam rum rumna khawp hian min melh ngur a.

"Kiara Forbes a nih hi," Dominic chuan a lo ti vat a.

"Ka fapa tan hian țha tawkah i ingai em ni?" chang fahran hian George chuan a ti a.

A áw ang chiahah nelawm loh hian, "Țha lutuk mah mah, min phu lo i fapa hian, a hma zawng chuan Malakian a ni ngai lo; kár kalta mai ațang khan Hetfield ațangin Malakianah a kaisang ta a, eng ber nge a hming tak pawh ka hre hrep lo e, Mr.Malakian." Ka ti nghat a.

Chutah ka la ngawi mai duh lo, "Mi rethei anga awm hmasak hi in chhungkaw kalphung aniang chu ka ti mai a, Jaguar țáwng zetin nangpawh i lo kal hial lo maw!? Malakian car company neitu anga a insawi hi a tak tak a ni em? tih pawh ka hrefiah thuaiin ka ring." Ka ti leh duah a.

Engemaw chen chu a reh țhap a, Dominic chuan rum mangkheng hian min rawn melh...mahse ka en duh lo..an pafa hian ka hlauh em em na tur ka hre bik lo e a...

"Sum leh pai vanga nei i ni lo a nimaw?" George chuan a ti hmuk a.

"Sum leh pai lam chu ka mamawh loh lam tak a ni. Company ka nei ve hauh lo nain, ka mamawh tur chu ka nei ve e." Nui sángin ka ti a.

George chuan min en vang vang a. Thinrim puak keh tur ang mai hian awmin tháwk a la hawk a. Chutah a nui ta vur vur a, "I leili a hriam țha hle mai maw! I kawlh zekin ka ring bawk." A ti ta a.

"Ka duh lohna ah chuan ka luhlul viau bawk," ka ti leh hram a.

Zam ru viau e ti lo chuan ka nuih a za deuh tlat a. Interview ropui lutuk a ni ringawt a lawm le...! ka nui sak a.

"Eng thilin nge i nuih tiza a?" George chuan a ti thut a. "Ka thurawn pawh la lovin in lo innei ringawt a, ka fapa upa zawk nupui neihna ah pawh ka tel lo a nia!" 

"Inneihnaah i tel ve lo chu pawi ka ti, i fapa in a hrilh miau loh che chuan thiam lohna ka nei lo. Kei pawh ka nu leh pa fa neih chhun ka ni a, an duh thusamin pasal ka nei bik lo, chu pawh i fapa hian min nawr chuk chuk a, blackmail hmangin, i duhdan a nih te chuan hetah kan innei țha leh anga a nimai alawm!" Ka ti ve hmiah a.

An pahnih hmela maktihna lo lang avang chuan ka nuih a za tulh tulh a. Ka zamna pawh a reh duak!

"Pathian hmingin i nupui hi i lamțang a nih ngei ka beisei...induhtawk dan pawh a thiam larh larh khawp e, Dominic," George chuan a ti ta a.

Dominic chuan ngeiawm tak hian min nuih suk a. Insum deuh rawh tih melh hian min melhin ka hria. Ho lutuk ka nihna ang hian lang hmiah ila inthup țit țet ka peih lo.

"Kan sumdawnna enkawl tur hian i tlingtawk em? Tih ka ngaihtuah a ni," George bawk chuan ti lehin min melh chang kher mai.

"Sumdawnna enkawl tur nilovin, nupui ka nia lawm, i fapa nupui."

"Hetah hian lokal teh, ka lo enchiang teh ang che!" 

George bul ka thlen phei chuan, "I hmelțha reuh hle mai! Kum engzat nge i nih?"

"Sawmhnih pahnih ka pum ve tawh," ka ti sap a.

"I la naupang hle mai, kan mo i ni ta rau rau bawk a, țha taka enkawl tur i niin ka hria! Mr.Malakian tiin min ko suh ang che." Thunei aw tak hian a ti a.

"Ka la ko reng reng lo che." 

"I tana țha tur i hria a nih chuan 'ka pa' tiin min ko rawh, ka fapa te min koh angin."

"I fanu anga min pawm phawt loh chuan ka pa ka ti dawn lo che, a derin thil ka ti ve ngai lo. Ka tilang nghal mai țhin." Ka ti chang rat a.

A puakkeh mai dawn emaw tih tur hian a ner sawk a. Chutah min ngaihsan hmel fe hian a nui ta sun sun a.

"Awle, chuti mai chuan i tihhlauh theih loh a nih hi, ka fanu i ni e, Kiara" la nui reng chung chuan a ti ta a.

Chutia awlsam taka a pa in min pawm ta mai chu Dominic chu a lawm hauh lovang le! Amy kha a pawm ve mang si lova.. 

"Ka awm rei hman dawn lova, zaninah restaurant-ah in inneih lawmna kan nei dawn nia, i secretary chimawm zet kha lo hrilh ang che. Ka fanu thar hi hmel hriattir ka duh e.." George chuan a ti leh a.

"Awle, ka pa," Dominic nen chuan kan țawng rual țhawt a. George pawh a lo nui ve vur vur ringawt!

Dominic-a pa in min kalsan hnu chuan intifai turin pindan ka pan a, ka hnungah Dominic pawh chuan min zui ve nghal zat a.

Mit tharin George Malakian khan min en tawh a, a fanu ah min pawm nghet hmak tih ka hre thei a ni.

Bathroom-a ka lut tur chu Dominic chuan min pawt ding leh rih a.

"Kan inbual dun thei reng alawm."

"Ni lo ve, ka lo va ti hmasa ange kan insiam chhung a rei țhin a, i inbual chhungin ka lo inchei thung dawn alawm."

"Ho viau teh suh i inchei chu ka nghak thlap ang che..hawh le..min hnial tawh lo la." Ngen ngawl deuh tak hian a ti a.

Shower hnuaiah ruak vekin ka ding dun a, Dominic chu a chimawm leh kher mai! Hmanhmawh hauh lova inbualin hmangaihna kan chendun leh te te a. Bathroom ațanga min pawm chhuah chuan ka la nui hak hak a, a zei thlawt a ni. Amahah hian mipa nihna a kim thlap...

"Ka pa khan a ngaina hle che a ni, mi danglam tak zawng i lo ni e," tiin towel chuan ka sam huh chu min hruk sak a. Min duat viau hian hmeichhia hliah hliah a inhriatna ka nei tlat zel...

"I pa chu ka pa a ni ve thova, nang ai hian min la duat em em ang!" Uang takin ka ti a. A nui ve hawk hawk tho.

Wardrobe ațang chuan kawrfual hring ghalh mai ka phawrh chhuak a, a țhui dan tunlai zet chu ka duhzawng tak a ni. Dominic pawh dinner suit, cream rawng hain a nalh leh pek hle a. Ka insiam lai chu ngunthlûk fahran hian min en reng a. Nuam dangdai riau..

Dominic chuan a kekawr ipte ațang chuan bawm te hi phawrhin a hawng nghal a. Dressing table ah chuan a dah ta a.

"Hei hi zanin a i inchei nan ka rawn laksak che a ni," zawi sap hian a ti a.

Bawm chhungah chuan țhi leh bengbeh inang chiah lunghlu hi a lo awm a, engin a chhun zawng chuan a de sar sar a.

"Oh..nilo, ka inbel thei lo...." ka ti sap a.

"Kiara i hausa tih chu ka hria, ka nupui i ni a, ka hausa hle tih an hre vek bawk a. Lunghlu i inbel hi a țul tlat a ni." A ti hmiah a.

Dim vak lo hian min kuai her a, țhi chu min awrh tir ta a. Bengbeh pawh min beh tir leh thlap. Ka thawmhnaw hâk nen pawh a inrem hle a, a nalh hle a ni.

"Khati kha a nimai alawm," I nalh takzet!

Ka dar ruak kangah chuan a rawn fawp zauh a. Dominic hmaah chuan ka intheh kual vel a, a lo nui var var thung. "Ka pa chuan nalh a ti ngawt ang che, ka nu ta a ni a, mo hmasa ber inbel tura kan dah țhat a ni." A ti ta a. Ka thil inbel hlut dan tur chu ka hrethiam mai!

*******

Kan kalna club chu mi hausa fuan khawmna hmun a ni a. Dominic chu an lo lawm hle a, a nupui ka ni tiin a hrilh zel hlawm a. George a lo thlen pawh chuan club chhunga awm ho chuan an lawm thiam hle a ni.

Dominic leh a pa chuan min karcheh a. Intur no hnih lai ka dawm tawh bawk, dinner ei a kan țhut meuh chuan a lum ham ham tawh khawp mai, ka thil in vang leh George an min fak deuh reng vang chu a ni pakhat a, chhungkaw lungrual tak kan ni tih lantir an tum ber ni hian ka hria.

"Dominic, George," Makti em em niawm fahran hian Amy chu kan bulah a rawn kal a. Dominic secretary a nia, an lo sawm tel ve tho a nih dawn hi.. țhian pakhat a rawn hruai bawk a.

"Ka fanu thar nena dinner ei hi ka châk tawh êm avangin, chawpchilh deuh takin kan lo sawm che a ni e," George chuan Amy lam hawi chuan a ti ta a.

Amy nui lui hmel ka hmuh chuan nuam ka ti ru veng veng.

Dinner kan ei lai chuan kan țawng mang lo. Dominic chuan min rawn melh zauh zauh a. Amy leh a țhianpa pawh chu an ngawi ve reng tho.

"Ka fapa te nupa pual hian ka inah party siam ka tum a, Amy, ruahmanna lo siam rawh aw," George chuan a la ti tak deuh deuh a.

"Umn..awle.." Amy țawng bah nak chu Dominic chuan a melh zauh a.

"Ka fanu, naktuk hian ka rualin company ah lo kal ang che..., Australian merger kan neih zing a țha ber, car pek che ka duh; in inneih present a tana ka tih a ni." A tih leh chuan Dominic chu a hawi hai hle a.

"Pa, kha chu ka tih tur a ni," Dominic chuan a lo ti ve a. An pafa a min duhsakna chuan Amy thin a tirim hle tih a hmel dur deuh khap ațang chuan ka hre thei a ni.

George chu ding chhuakin, Club a lo awm zawng zawng te hriattur chuan, "Zanin hian ka fapa upa zawk Dominic Dron Malakian leh a nupui Kiara Malakian te inneih lawm nan in ei man leh intur man zawng zawng kha ka tum vek dawn a ni." A ti ta a.

Kut beng ri chu a ring kher mai! Dominic chuan ka țhutna ațang chuan min pawt thovin, club chhunga awm zawng zawng te hmuh theih tur chuan min fawp ta siah a.

Min fawh dan dam thlap chuan ka thinlung a hneh kher mai. He pa hi ka hmangaih a ni.

George chuan min chhuan hmel zet hian min lo en bawk a. Amy erawh chuan thinur mitmeng sen rám hian Dominic chu a melh a. 

Kei lah chuan run luih ka chák zek zek a, Dominic chu inti tatu deuh hian a kawngah ka kuah deuh tlat a. Ani lah chuan nuam ti awm deuh hian min kuah lêt ve mai bawk.

Zanin zet chu a nuam dangdai hle mai. 

Malakian monu thar ka ni bawk a, min en duh hlawm kher mai..Artist lar tak 'Maxi' ka ni tih an hriat hun phei chuan engtin tak ngai ang maw!

George pawh hian a la hre miah lo.

I la châk lo khawp ang tih melh hian Amy chuan rum zet zet hian min melh a.

Ka hlau lo ve chiang emai!

©<++++[BeckirafARenthleI]++++>®

                  Chapter-20

Club kan chhuahsan hnu a, George an min hawsan dawn chuan min kuah hlu hluin ka biangah min fawhsak a. A chenna hmuna kal vat turin min sawm bawk a, kan inneih lawmna party ropui taka min lawm sak a tum a ni. A birthday a ni dawn bawk a, kan kal loh a hlau hle a ni.

Kan chenna hmun kan thlen chuan, Dominic chu a ngawi chawi riau a, Amy vang kha a nih ka ring? Amy lak ațang hian Dominic hi ka hum tlat ang? Ka pasal a ni tawh a, midang hmuhah mualpho ka tum reng reng lo.

Bedroom-a kan awm tawh hnu chuan ka thawmhnaw ka phelh sat sat a, ka bulah Dominic chu rawn dingin, "Ka pa rilru i hneh țan der tawh chu a nia!" a ti sup a.

"Chu..i lawm vak nange?"

"A kawi zawng hian ngai țhin lo la, ka chhuang khawp mai che."

"Ka hria alawm, Amy ang lo takin min ngaina ta chu a nia, kei paw'n ka ngaina hle a ni." Ka ti a.

"Mi bumhmang niin min sawi a, nang pawh i ni tho a ni, Kiara! Kan inang reng, ka pa i hneh chungchangah kha chuan lawm lohna ka nei lo a nia," a ti ta a.

"Enge bumhmang ka nih na chu?"

"Min mamawh lo ang maiin i lang tlat a. Chu chu bumna tho asin, ka nupui tereuh te! Chhungrilah chuan min ngaiin min mamawh hle si a." In ringtawk tak hian a ti a.

Chutiang a nih lohzia sawi tum chuan ka áng zuau a, mahse a tlai hman hret, Dominic chuan min rawn fawp a.

"Dominic..." tia lo dan ka tumna pawh chu nuam tia thaw a la halh thawm chuan a zui a. Chutah khum lamah chuan min kuai muin ka ir leh bek velah chuan a rawn fawp kual a, ka bra kilhna chu phelhin ka taksa lum thar thar chu a rawn chul kual țan ta a.

"Zantir ațang tawh khan hetia fawh che hi ka châk tawh," thám sap hian a ti a.

"Ni lo, tunah chuan intihfai ve te ka duh  a."

"Ka nupui i nia lawm Kiara, pumkhat kan ni a, engkimah kan inpawh tur a ni. Intihfai lam chu nakinah le. Kiara. Oh, ka duh ngawih ngawih che."

Dim tak leh hmanhmawhna nei hauh lo hian min chul kual leh țan ta a. Chutih chhung pawh chuan min hawisawn san lo reng reng a. Zauthauna nasa tak ka neih chu ka thunun thei bik lo. Ka taksa ruak kang chu a en leh vang vang a, keipawhin zak hauh lovin ka en ve bawk a, ka pasal a ni...Ka pasal dik tak..

Chutah muangchangin hmangaihna min chenpui leh ta a. Kan zawh hnu chuan ka sirah rawn mu thlain min kuah hle hle a.

"Invenna kan hmang ngai si lova, Kiara?"

"Chu lam chu ka lo ngaihtuah hauh lo," ka ti țha ve mai a.

"Min duh a ni tih hi phat buai tum tawh suh, naute kan neih thuai theih nan țan kan lák deuh angai dawn a ni. Ka pa hian tú hmel hmuh a chak tawh viau a nia!" Nui hak chung hian a ti a.

"Tun anga kan awm zel chuan kan nei vat mai ang," tiin a sam thur deuh chhap chu ka chûl sak a. Ka áwmah chuan beiin duatna a khat mitmeng hian min en a. Ka duh zual sawt.

"Mipa nge i duh hmeichhia?" Dominic chuan nui suk chung hian min zawt a.

"Mipa leh hmeichhia," rang takin ka chhang a. "Chutiang a theih loh," tiin ka pum chu a chul a.

"Phir kan neih chuan ka tihna, nangni pawh phir tho in nia," ka ti leh a.

"Huhh, kan sawi thui mah mah! muhil dawn ang le, naktuk ațang chuan hna ka zawm tawh dawn a, inlamah i lo awm thung dawn a ni." Tiin a hám zui zat a.

"Awle, husband...."

A tukah chuan nunphung pangai zawh țanin Dominic pawh company lamah a kal ta a. Ka nu leh pa nen reife kan inbe leh te te a, chumi hnu chuan ka hna lam chhunzawm turin ka insiam ve ta a. Drawing room zau pui maiah chuan lemziakna dawhkan kilin ka țhu ran a. George a birthday present atan an nupa lemziah ka tum a ni. Sitting room báng a, Dominic nu leh pa thlalak intar chu ka mitthla rauh rauh a. Țhahnem ngai taka nitin ka ziah chuan karkhat chhungin ka peih fel hman chuan ka ring!

Talinda pawh ka la be ta lo fo, ka ngai viau nain min tihdan kha ka lawm chiah lo. Chuvangin min rawn bia anih loh chuan biak ka tum bik lo.

Lunch ei țhulh țhakin lemziak chu ka bei țan ta a, Elina pawh drawing room ah luh ka phal chuang lo...Ka peih fel hmain tuma hmuh ka phal lo bur.

Dominic pawh ka hrilh chuang lem lova. Surprise ka tum miau avangin...

Tlaiah chuan Dominic lo haw hun nghakin tukverhah ka dak ka dak a, nilengin min rawn be bawk si lo. Hnaah a chawlh rei deuh tawh avangin an buai rih a nih ka ring ta ber a. Dinner ei hun tawhah pawh chanchin engmah a la rawn sawi chuang lo.

"Ma'am, dinner hi i ei mai dawn nge? I pasal i nghak dawn?" Elina chuan min zawt a. Tun thleng thleng a chanchin pawh sawi tum lo chu nghah kher țul ka ti ta lo.

"Ka lo ei ange, a lo haw hunah ei ve mai rawh se!"

Elina eitur siam tui hmel tak tak ka hmuh chuan ka rilțam zia ka hre nghal a. Lunch pawh ka ei ta lo kha a nia! Ka duh tawka ka ei hnu chuan țhu khawmuang lovin, drawing room ah bawk chuan ka lut leh ta a, chhung lamah ka kalh thlap bawk.

Dominic em em pawh hi...Engtin nge chanchin sawi lova heti chen chen a awm ni? Dar sawm a rik takah chuan ka tuar ta ngang lo a...Drawing room chu chhuah sanin, silk pyjama var chu hain khumah chuan ka mu ta daih a.

Nizanah min ngaihsak ber angin a awm a, nikhat hna a țan dek dek a, tihian a awm leh a..ka ngaihdan a ni lo bur...

Chutia ka mut men kar lai chuan car ding thawm leh kawngkhar inhawng ri chu ka hria a. Step-a Dominic rawn chho thawm ka hriat chuan maimitchhingin ka muhil der ta a.

Pindan chhunga a rawn luh chuan light pawh ti eng hran lovin a in phelh mawlh mawlh a, ka bulah chuan a rawn inthawlh ve nghal a. "I muhil lo tih ka hria, Kiara mangtha le," tiin a rawn phun sap a. Lehlam a hawi nghal hmak bawk, kár lovah a muhil zui nghal a.

Dominic khawsak phung chu ka ngei zawng tak a ni. Țha takin thil a sawi dun theih! A tih ang hian ka ti ve thiam khawp mai!

Khum bul dawhkana thingpui no innghat ri chuan ka mutui lai chu min ti harh a. Makti takin ka meng chhuak nghal vat.

Khum bulah chuan Dominic chu inchei peih diam hian a lo awm a, a nui deuh var var a. Mahse nizana a awmdan avang khan ka lungawi hlawl lo.

"Thingpui min pek kha angai hran lo ang, Elina khawnge?" Ka ti hmak a.

"Keimah ngeiin pek che ka duh si alawm."

"Ka lawm e, nidangah chuan min pek angai tawh lovang, ka mamawh chu Elina ka hrilh mai ang."

"Kiara, nizan kha pawi ka ti lutuk..."

"I duh danin i nung thei alawm Dominic, min ngaihtuah der anga lan kha a țul hran lo a nia." Ka thinrim zia hi hria se chuan a insawi fiah nghal zung zung duh ang chu...Mahse 'a pawi ka ti lutuk' tih bak sawi tur a nei hleinem...

"Thinrim ringawt țhin lo la...kan buai lutuka rawn phone na hun che pawh ka nei lo." 

"A nih chu..."

"Vawiinah ka rualin company ah lokal turin ka duh che, i car tur chu rawn thlang la a țha ang," a ti leh a, thinrim hmel pawh a pu lo..a dam thluam a, chu chuan ka thin a tirim tulh tulh thung!

"Ka mamawh lo ka tih kha, bákah i pa in min pe dawn! Min pe lo a nih leh ka lei ve mai ang!"

"Ka pa ti teivet suh." A ti hluk a.

"Ka pa a nia lawm, i pa pawh a ni tho bawk. Min lo chhuahsan theih chuan intihfai ve ka duh a nia," ka ti hmak hmak a.

"Kiara, i lung a awilo a nih chuan min hau mai la, hetia naupang chhia taka awm hi bansan a hun tawh khawp mai!" a ti zawk mah a. Lutuk hian, amah zawk hi lawm dik lo chu....

"Min puh țhak suh...niminah pawh..."

"Kiara, nimin leh nizan chungchang kha chu ka sawifiah thei!" 

"Oh...kal phawt mai teh, i rualin ka kal dawn lo tih ka sawi nawn leh e," tia thovin bathroom lam ka pan san ta daih a.

A phun hluk ri chu ka hre pha a, enge a sawi tih ka hre tawh lem lo.

Dominic Pov*

Kha zan a ka nau leh Kiara lo mudun ka hmuh khan ka thinlung hi vih zawk ang maiin a na a. Mahse, mak ka tih em em chu engtin nge Kiara room-ah Gavin kha a chhoh theih!? Tlai a ka phone lai pawhin Talinda bulah dinner a eitur thu min hrilh thlap a. Talinda ka biak khan chutiang engmah a sawi lang leh bawk si lo. 

An pahnih khan zu rim an nam hum hum a, Kiara aimahin Gavin kha a rui zawk bawk. An pahnih khan an chesual lovang tih ka thinlung hian a hre thei tlat a ni. Tu emaw chuan kan unau inkár tihchhiat a tum chiang! inrawlh chu an awm a ni.

Talinda han puh ngawt dawn ila ințhianțha tak an ni bawk si. Rilru buai zetin tun thleng hian ka la awm phah a. Gavin nen pawh kan inkár a hla dawrh lo thei lo.

Rang takin Kiara ka nei ta chuk chuk kha a nia. Inneih thutiam kan chham zawh hma kha chuan ka thla a muang thei lo. A luhlul ve nasa si a, a rilru thlákin min nei leh duh lo mai ang tih ka hlau a ni. Kiara ala thianghlim tih ka hriat zan a ka hlim zia kha... Nula thianghlim hi ka mutpui ang tih ka mumang lamah pawh ka la mang chhin ngai lo...

Min haw viau emaw ka tih lai hian mak deuhin a rilru a hmin hma leh lawi sia..A țhiannuin a țawngkhum dan kha ná a ti hle tih ka hria! Hnem ka duh a, mahse a hunlai khan ka thinrim ve em a ni. Kan mut dun hnu lawkah ka unaupa nen khum khatah saruak deuh thawin an lo awm dun a. Rilru nat lutuk leh thinrim lutuk hian duh ang paw'n a lo chét theih loh a nih hi...

Kan inneih chungchang ka pa ka hrilh khan a lawm lo mai nilovin a thinrim hle a. Kiara hmuh pawh kha a tum lo...theihtawpa ka nawr fe hnu ah áw min pawh chauh ta kha a nia. Amy ka secretary leh ka girlfriend hlui ni bawk hi a ngaithei țhak lo. Company tan țangkai hle lo phei se chuan a pêt chhuak daih tawh ang. 

Seattle-a ka penthouse hi ka pa min pek a ni a, Gavin pawhin penthouse a nei tho na a, Jane boral hnu khan ka pa bulah a cheng ta a ni. 

Ka pa Villa ah hian Kiara lemziak engemawzat hmuhtur a awm a. A tam zawk chu ka pa leh Gavin-a lei an ni. Pathum vel ka lei ve bawk. 'Maxi' tiin an hre miau sia! Ka pa pawh ka la hrilhfiah lo.

Kiara nen hmangaihna chendun hi ka kham thei ngai lovang! A taksa nél thep leh a pian fuh zet te, a engkim mai hian min hîp vel vek a ni ber mai!

Ka pa nen inhmel hriattir kha ka huphurh hle a. Amy ang khan ná takin a lo hau ang tih ka hlauh vang a ni. Mahse ka ring sual chiang hle tih ka pa leh Kiara an inhmuh khan ka hre chiah. Sakeibaknei thinlung ti ném thei khawp a luhlul ka nupui tereuh hian ka pa George Malakian chu a hneh thei tlat. 

Ka pa in ngaisang taka Kiara a melh ka hmuh khan ka lo hlim ve veng veng mai! 

Ka rin phak baka rangin kan inneih lawmna dinner a buatsaih ta lehnghal a! Amy sawm tura min tih khan ka nuih a za ru viau! Ka pa ngaihah chuan Kiara hian engmah thiam a nei lo a, anihna diktak a hriatchhuah hunah chuan mak a ti ve khawp ang!

Nimin nilengin ka hnaah ka buai a. Luxurious car chhuak thar kan sales chungchangah meeting vawihnih kan nei a. Kiara biakna hun pawh ka nei lo. Ka inthiam lo hle a, dinner pawh ka ei mumal hman lo. 

In thlen hlan ka nghakhlel hle a, ka nupuiin min nghah ka beisei ve em em laiin a lo mu daih sia, a muhil lo tih ka hre ru vek tho...min nghah loh vanga ka lungawi lohna chu thuhran ni se. .. a muhil der kher kha ka tei thei țhak lo. 

Tukinah a thinrimna a tilang ta reng a, thiam lo zawk niawm fahranin min la chhuah zui! A duh hi chuan chimawm thiam thei tak a ni tih ka hre ve tawh tlat! Tih lungawi tumin thingpui ka pe ve em em a. Awmzia a awm lo chu a nih hi...

Car present pek ka tum pawh hi ala duh dawn chuang lo tih ka hria. Ka pa in pek a tum thu min la sawikhum lehnghal a! Ngeiawm hian...

Vawiin nilengin vawitam ka call tawh, a pick duh țhak lo a. Luhlul lutuk mai!

Hma tawkah ka haw a, penthouse ka thleinin dar li pawh ala ri lo. Elina leh Joshu chauh an lo awm a, Kiara hmel hmuh tur a awm miah lo. Kan room-ah ka chho vat a, chutah pawh chuan a awm chuang lo...

A wardrobe ka hawng a engkim a awm bawk si...khawiah tehhrep nge a awm le..?

"Elina, khawnge ka nupui?"

"Sir, Drawing room ah ala inkhung char char.." Elina chuan zang vah hian min chhang a. He nu pui roh pawh hian Kiara hi a țan leh tûk tawh..Amy hi a haw em em thung a. Zankhat a lo riah ve pawh khan hmel hlim a hmuh duh țhak lo..

Drawing room lam pan chuan ka pen phei páwk pâwk a. Chhung lamah a la inkalh bur zui...

"Kiara,..."

"Kiara," Drawing room kawngka chu a rawn hawng a, a hmel ka hmuh chuan ka thaw huai mai! Reilote ka hmuh loh pawhin ka buai vek zel chu a nia! Hahthlak hian...!

"I lo va haw hma ve.."

"Ka ngai tawh che," tiin ka pan hnai ruak a. A lo țang țeuh thung.

"Rawng ka kai ania, Dominic."

"A pawi lo..eng em em nge i lo ziah a?"

"Sawi chi loh," a ti sap a. Chutia atih veleh drawing room-ah chuan luh tumin ka pen a. "No, Dominic, ka la zo lo, tumah luh ka phal lo." A ti hlar a.

"I pasal ka nia lawm, ka hmu ve ngei tur a ni."

"Ka hna ka zawh hmain tumah ka entir ngai lo," tiin ka áwmah min nam dat dat a.

"Ka lut dawn tho tho," tih pahin amah chu ka nam sawn deuh a. Chu veleh rang zet hian ka nghawngah min rawn kuahin ka hmuiah a rawn fawp ta hmiah a. A chetdan maksak zet avang chuan ka ham haih viau!

Duhthawh tak hian min fawp tán tán a. A hmui lum ham ham leh a ka chhung sa hiam chuan min tiphur kher mai! Min fawp reng chung chuan zawimuangin min penpui pah zel a.

Phakar reuh lutuk! 

Țhutkhawmna pindan kan thlen chuan thawchham lek lekin kan inthlah ta a. A meng phelh phang mai!

Ka business suit hák chuar lai chu a rawn chul mam thuak thuak a, chutia a tih pah chuan ka mipatna chu a tawk pah zauh a. Chimawm lutuk hian a nui hak bawk.

"Wife..kan hna țan ang le..." tiin min hnial hman hma chuan ka pawm nawlh a, bedroom-ah ka luhpui ta a.

Carpet dup tak chungah chuan dimte hian ka nghat a. "I thawmhnaw a bal vek dawn a nih kha," a ti leh sap a.

"I tan te chuan ka thawmhnaw zawng zawng pawh bal ang hmiang," ka tih chuan nui sáng hian min chum taih a. A chang hi chuan a chét dan hi a cute riau zel.

Bathroom-ah ruak vekin kan lut a, shower hnuaiah ding dunin kan inphuhtir leh sar sar a. Scrubber-a, a hnung ka nawh sak lai chuan keimah zawk hi ka dik lo leh tlat tawh...!

"I vun mám nalh zet ka nawh pilh hma hian min náwt ve rawh le.." 

"Dominic... kan hmanhmawh loh chuan Elina kan ti thinrim ange, dinner ei a hun dawn a nia!" A ti ta a.

"Elina buaipui lovin i pasal hi min buaipui zawk rawh..." ka tih chuan a nui sak a. A chezia engkim hian min hip vel vek a ni.

Kiara hmai huh hliam chu ka kut chuan ka dawm a, tléma kuai dák deuhvin a hmuiah chuan ka fawp ta a. A taksa ka chul lawr dan dan a, ani pawh chuan ka hnungah a lo chul ve riak riak a, he nu hi chuan min ti á thei takngial dawn! 

Bathroom-ah a vawihnih nan duhthawh zetin hmangaihna ka chenpui leh ta a. 

Chumi hnu chuan towelin ka tuam leh thlap a. Keipawh chuan towel ka veng ve nghal bawk. Kiara nui har har chu room-ah ka pawm lut ta a.

Kan lo awm ka hmuh chuan Kiara nui lai chu a tawp chawt a. Keipawh ka hrilh haiin ka thinrim hle bawk!

Khum bula sofa-ah chuan Amy chu file pawm țeuh chung hian a lo țhu a, kan nupa room-a alo lut ngam ringawt pawh hi ka hua...

Kiara ka lo pawm avang chuan a meng thip deuh rám a. He nu tak hi chu..kan inkar a tawp tawh tih ka hrilh chian teh lul nen....

"Dominic min nghat thla tawh la.." Kiara áw chuan ngaihno a bei fahran lo..

Khumah chuan dimte hian ka nghat a, thinrim insum zet hian..."mikhual room ah ka lo va inthlák ange...kan nupa room hi a lo zalen viau anih dawn hi.." a ti ta a.

Kan boruak țha tur pawh Amy vang hian a chhe leh dawn ta a nih hi...

©<++++[BeckirafARenthleI]++++>® 

                   Chapter-21

Kan nupa room chu thinrim țúnin ka chhuahsan ta a. Mikhual pindanah ka lut ta ringawt a. Kei hi enge maw ka ngaihtuah le..thawmhnaw hák tur ka nei reng reng lo. Engtin nge ka tih tak ang?

Ho lutuk kan room alawm le, engvangin nge ka tlanchhiat ngawt ang? Towel nen bawk chuan kan nupa room ah chuan ka lut leh ta a. Dominic leh Amy chu inhnaih fahran hian lo țhu dunin file an lo bih dun a..

Ka lut min lo hmuh chuan Dominic chuan min lo be vat a, "Kiara kan zo har deuh dawn a, Amy paw'n dinner hetah ei law law mai rawh se," a lo ti a.

"I thu thu nimai," tiin ka thawmhnaw hák tur chu ka phawrh zung zung a.

"Kiara min hrethiam mai niang chu, zaninah tihfel ngei ngei angai a, Dominic tel lo chuan a theih si lohva," no zet a Amy țawng chu ka ngaithei țhak lo.

"A țha lawm, nidangah chuan kan nupa room ah nilovin, sitting room ah emaw, study room in pan tawh dawn nia," ka ti hmak a. Dominic nui deuh suk chu rum zet a melh nghekin ka chhuahsan leh ta a.

Mikhual pindanah ka inthlak fel vek a, an ruala dinner ei kha ka chák fahran lo. Pawn lamah chhuakin engahnge ka ei mai lohvang!?

Chokaah Elina chuan dinner tur a lo buatsaih mawlh mawlh a. "Pawn lamah dinner ka ei dawn a, a hranpa a Amy eitur kha kêp a ngai lovang," ka tih chuan a hawi phàwk hle a. "Ma'am, a tihchi lohvang! I pasal thin a rim ange," a ti a.

"Seattle han fankual vel pawh ka chák  ve alawm, Joshu hnenah car chahbi ka mamawh thu i va hrilh lawk dawn en niang!?"

"Awle, ma'am," tiin min hnial hreh tih hriat tak hian chu nu thaupui mai chu a kal ta a. Joshu hi Dominic car enkawl tu bik a ni a, company car hire theih ho zawng zawng pawh a ma kutah a awm vek a ni. Elina leh Joshu an lo lét leh chuan verandah ah ka lo ding vang tawh a.

"Ma'am, engber nge i hman dawn, boss in a hria em?" Min zah hle tih ka hre mai...!

"A hnaah a buai deuha, pawnlamah dinner ei ka duh deuh a. Min hruai mai ta che."

"Ok..Ma'am, i tih dan dan a ni mai!" 

Joshu chu a hmelțha reuh hle a, English ho vun rawng a pu deuh. A sam buang thang mai chu sei lutuk lovin a zuah a. Garage ațang chuan Mersides chu rawn khalh chhuakin ka luh nan kawngkhar min hawnsak thlap a. Engmah sawi tawh lovin kan tlan chhuak ta a.

"Kal duhna deuh bik i nei em, ma'am?" Joshu chuan car khalh pah chuan min rawn melh zeuh a.

"Seattle-a restaurant changkang ber leh tuina berah," tiin ka nui var var a. Joshu pawh a nui ve ta hak hak a, he pa hi a fel dawn reuh tlat...Thianghlim takin hmanruaah ka hmang dawn em niang?

Ka phone vibrate char char chu Dominic bák a ni chuang lovang...ka switch off ta daih a.

Joshu min hruaina restaurant chu a nuam hle a, ka bula țhu tura ka sawm tlat avangin nuam lo ti hmel deuh min hnial ngam si lo hian a țhu a. Kawm tlángnel a Amy chungchang zawh ka tum a ni. 

"Josh, inthlahrung lovin wine kha in rawh, rui khawp erawh chuan in lo la," nelawm thei ang berin ka nuih a.

"Ma'am ka lawm e," a polite hle hian ka hria. 

"Ma'am ti a, min ko tawh lovin Kiara min ti ve mai la, țhian kan ni thei reng alawm."

"Mahse...Boss hi.."

"A ho lutuk, ka hnuaia thawk i ni hleinem! Dominic hnuaia thawk zawk i nia, a pawiti awm lo emai!" Ka ti vat a.

Hahdam huai hmel a pu...

Waiter-in wine min thlit sak chu ka lem hlek hlek a. Kan eitur chah a lo thlen meuh chuan no hnih ka in zo der tawh.

"Amy hi company ah a thawhna a rei tawh em?" 

"Rei tawh e, Mr.Malakian senior zawk a chawlh tâk ațang khan ala thawk char char."

"Dominic nen hian an inkawp țhin tih ka hria a, engvanga innei lo nge an nih!"

"Malakian mo atan a tling tawk lo an ti a," Joshu chuan tím deuh hlek a ti ta a.

"Ka dil chhût mai mai a nia, Gavin phone number ka ti bo daih a...min pek tur i nei mial em?"

"Yes, Ma'am, Gavin Sir, nen chuan zu kan indun țhin alawm." tiin a phone chu a phawrh a. Gavin number lehkha themah chuan min ziah sak thlap a. He pa hi a fel reuh riau a ni.

"Josh, mamawhna  che ka nei fo in ka ring a, min puih zel ka ngai dawn a nia. Malakian motors company in a, an siam chhuah zingah hian ka duh ber car ka thlang thei a, eng hi nge țha ang?"

"Tuna a thar ber chu BMW 7 leh Jaguar XJ, a ni a. An nalhin khalh pawh a nuam viau, i thlang dawn a nih chuan ka sawi pahnih te hi an țha," a ti  a.

"Ok..ka lo hre reng dawn nia, i plate a mi kha ei tawh rawh le..." ka tih chuan thuawih tak hian a plate lam chu min ngaihven san ta a. Kei pawh țawng zawm tawh lovin eitur tui hmel tak tak chu ka ei ve ta a.

Car changkang tak neih hi ka chákna a rei tawh bawk a. Amy runluih nan hrim hrim pawh naktukah company ah chuan ka va kal ang! Dominic hruai lovin Joshu hi ka hruai bawk anga!

Dominic..Pov*

Bathroom a hmangaihna kan chen hnu chuan ka hlim hle a, Kiara hian thup tum viau mahse min duh ve hle tih leh tisa thil tak pawhin min mamawh tih ka hria! A tan a mipa hmasa ber ka ni a. Chu chu engthil mahin a thlák danglam thei tawh dawn lo.

Kan bedroom a Amy lo țhu ka hmuh chuan ka thinrim phat a. Kiara pawh a lawm hauh lo, engtin nge helai thleng thlenga a lo luh ngam ni!? 

Ka rin ang chiahin Kiara chu a thinrim ta ngei a, mikhual pindanah inthlák turin min chhuahsan hmak. Amy kha a hau hrep ka ring deuh kha a nia, chutianga ti ta lo chuan keimah zawk min dem hmel a pu daih a, chu chuan ka awm a ti nuam chiah lo.

Office ka chhuahsan hma avangin sign tur engemaw zat rawn thleng leh Super car ho test na tur atan a kan oil chah list rawn thleng chu Amy in a rawn dah a. Kiara chhuah hnu khan Amy chu ka hau nghe nghe a ni.

"Naktuk nghak mai ta che, kan nupa room hial rawn luh phah nan chuan a ho deuh lo maw Amy!? Ka ti chang fak a.

"Oh...Dominic pawi ka ti lutuk, mahse zaninah list hi ka thawn lêt angai sia lawm," fel ber ang mai hian a ti a.

"Chupawh nise min rawn phone thei reng alawm!"

"Phone ah i hming i sign thei a mi?" A ti leh khauh a. A dik angreng viau bawk si. Engpawh ni se, a lo kal ta rau rau bawk a, ka buaipui mai niang chu...

Dinner eitura kan chhuk chuan Kiara ka zawng nghal vat a. Amy pawh ei ve nghal law law turin ka ti a, kan la zawh fel hman chiah loh avangin dinner ei zawh a, chhunzawm atan kan dah rih ta kha a nia.

Kiara hmel hmuh tur a awm leh ta lo. Drawing room ah a awm ringin ka va kal a, a lo in kalh țhap bawk si. Khawiah tehhrep nge maw a awm leh ták ni...?

Elina chuan tûm deuh hmak hian dawhkanah eitur chu a chhawp mawlh mawlh a. Kiara a awm lo tih hre awm pawhin a lang lo. A tih tur a ti hmiah hmiah a, Amy phei chu melh pawh a melh lo.

"Khawnge Kiara?" Ka tih chuan chhum deuh hmak hian, "Páwn lamah dinner ei turin a chhuak," a ti ta a.

"Tunen, engin nge a kal."

"Chulam chu a pawimawh viau em ni? Ka hre miah lo. Pawn lamah a ei dawn tih chiah a sawi." 

"I lo remti mai amaw? Lo dan tur che alawm, a nih loh pawhin min hrilh thei reng Elina!" Ka tih chuan inthiam lo hmel pawh pu chuang lovin, "Mrs.Malakian a nia lawm, ka dan theih a ni hleinem! 'Ei pui tur a nei thova Seattle hi kan fang kual ange' a ti anih kha," a ti ta a. Kiara mai mai chu.. ka house keeper te nen lam a lamțangah reilote chhungin a siam fel der chu a nia!

"Duhtak, ka ril a țam viau a nia, i nupui chu a lo kir leh em em ang, khatiang polite lo lutuk leh thiam nei bawk si lo kha, engtin nge maw i neih theih zawk le...?" Amy țawng dan mai mai chuh...

"Lo ngawi hmak rawh," ka ti tuarh a.

"Sawi dik loh ka nei em ni? A tawpah chuan keimah bawk min rawn pan leh tho ang, Dominic, min runluih nan nupui i nei tih ka hria alawm," zám map lo hian a la ti zui ah...Elina hi chu awm lo se ka béng tawh hial maithei a ni...he nu hian min tibuai reng dawn a nih chuan ka bán mai angai dawn a ni.

Hna leh mimal thil inkaihnawihtir ka duh hauh lo nain, ka tih ngei chu a la ngaih hmel...

Amy nen chuan ngawirengin dinner chu kan ei dun ta a. Ka thil ei pawh a tui nek lo ve.. Kiara ringawt ka ngaihtuah a. Amy ka haw tawlh tawlh thung! Wine chu ka in deuh mawlh mawlh a, ka plate a eitur inchhawp pawh ka khawih bar lo.

"Dominic, i eitur kha ei ve phawt la," Amy chuan no zeta min melh pah chuan a ti a. He nu beidawng duh lo lutuk hi engtia tih chi nge maw ni...?

"Ka ril a țam lutuk lo, tikhan lo ei la, intur ka lo dawm ange. Kan hna hi khawih zo vat ila haw thuai ang che."

"Darling...engemaw i sawi le...i nupui láktlak loh zet kha theihnghilh teh."

Ka chháng buai peih tawh lo. 

Țhutkhawmna pindan lamah ka phei san ta daih a. Zan dar kua a ri tawh a, Whisky tak țha zet chu ka lem khawlh a. Ka nupui...chu ringawt chu ka ngaihtuah!

Amy nen list kan peih fel meuh chuan a tlai tawh hle a. Penthouse kawt a car ding ri ka hriat chuan chhuak lo turin ka insum țang țang. 

Kiara leh Joshu rawn lut ka hmuh chuan mak ka ti hle a, taxi a hmang mai turah ka ngai kha a nia. Joshu a lo hruai tel ang tih ngaihdan ka nei hauh lo. 

"Khawiah nge in kal.." Kiara en lovin Joshu chauh chu ka melh a. Ka hnathawk te zinga rintlak leh fel ber a thlang nghal chat thei a nia! Ka nupui nge nge a fing teh e...

"Sir, Kiara hi dinner ei turin ka hruai chhuak mai a nia!"

"Kiara a....hming hmasa a in ko ngam tur khawpin in lo innel hman a maw!" Ka ti hmuk a. Ka lawm hauh lo...kei ai chuan Joshu hi a naupang daih a..nula lamah pawh a tla na ve riau! Kiara hian a lo mitmei a nih vaih chuan...He mite pahnih hi enthlak deuh an ngai dawn a ni. Joshu hi hna thiam tak a ni bawk.

"Dominic, tun hi thil sawina hun a ni lo, inbiak i duh chuan study room ah kan inbe thei ang, i hnathawk te awm laia insawifiah ka tum miah lo," tiin Amy chu a melh deuh kher a. Chutah Joshu lam hawiin, "Restaurant nuam takah min hruai vangin ka lawm e, Josh..i kal thei tawh ang!" zám eih lo hian a ti ta a.

Joshu chuan min bûk khum zauhvin ka nupui chu hmel hlim tak a hmuh a.. a mangțha sap hnu chuan a chhuak ta nghal a. Kiara pawh chuan a en zui deuh vang vang nghe nghe.

"I kianga dinner ei ai chuan i hnathawk bula inhnawh puar a chák zawk a ang hle mai, i nupui chuan," Amy chuan meng ralh ralh chung hian a ti a.

"Amy lo țawng suh..." Ka ti hluk a.

"Hna chungchangah hi chuan inrawlh ve ka tum lo a, ka pasal hi ka ring tawk a ni. Páwn lama dinner ka eichhuah chhan i hre duh anih chuan sawm loh mikhual nen a dawhkan khat kil ka duh lo mai a nia! Nidangah chuan dinner, lunch, breakfast engpawh chu ni rawh se, kan company hnuaia thawk i nihna angin kan sawm hun che i nghak țhin dawn nia...Miss Raymond." Kiara chuan a ti dam thlap a. A mitmeng erawh chu a kawlh hrá thung.

"I pasal company hi i ta emaw i ti nghal ngawt tihna mi? Kiara," Amy chuan a ti bak hlar a. Ka inrawlh duh rih lo, engtin nge an in tih tehreng ka hre chák tlat pek a nih chu.

"Ka ta nilovin, kan ta mawle..chuan Kiara nilovin Mrs.Malakian tiin min ko la ka lawm khawp ang! I boss nupui ka ni tih theihnghilh lo bawk la, Miss Raymond," nui lui sang hian a ti leh a. Nui chhuak lo turin ka insum char char. 

Ka pa khan a lo sawi dik hle mai! 'Leili hriam tak, luhlul leh kawlh bawk si' Kiara a sawidan kha tuna a khawsa zia chimawm tak hi a ni chiah. Ka pa, khawvel pum huap a, Motors company lian ber chairman pawh hlau lo tu ka nupui kha a ni miauva. A hlau lo ka tih hian a sual ém e; tihna a ni lo. Rilru țhatak pu tho chung siin a dikna ah chuan a țang ngam tlat!

Ka nupui hi a lo hlu hleuh hleuh em a ni. A rilru țhatna hi ka pa hian a hmuh hmaih lo tih ka hrethiam ve chiah...

Amy te ang sum chauh ngaihtuah ai chuan a lo țha fê...ka thlang sual lo ve, min han hmangaih bur phei se chuan ka nun hi a famkim mai tur!

Kiara chhan dan avang chuan Amy hmai chu a sen deuh țáwn țáwn a, a thin a rim hle tih ka hria. "Dominic, i nupui hi zilh deuh la a țha ang, mi hausa nunphung a tem thut a, awmdan a thiam lo a nih hi.." ka lam hawi chuan țap lek lek hian a ti ta a.

"Mi nupa room a lut dûk dûk secretary hi ka ngaisang lem lo," ti hmakin Kiara chuan a pheikhawk bun chu a tlawh phelh a.  Amy pawh chhang lem lo chuan Kiara che vel chu ka en reng.

"Dom, min thlah tawh la, taxi in ka lo kal a, tun ang hunah chuan taxi vák vel hmuh tur a vang tawh awm sia" tiin ka țhutna bul chetah chuan a rawn tawlh phei a. He nu hian boruak a ngam mah mah chu a ni. Mahse ka secretary a la ni tlat sia, a haw dan tur chu ka buaipui a ngai dawn a ni.

"Honey, Amy hi ka va thlah lawk dawn em niang?" Kiara chu ka ráwn a. Tun dinhmunah chuan tih thinrim ka duh miah lo.

"Joshu ni lo, driver dang kha ko mai rawh, taxi chu a awm tho chuan ka ring a, dar sawm chiah a la nia...." ngeiawm lam lek lek hian a nui hak a.

"Ok...Amy...pawn thleng ka thlah ang che." Ka tih chuan a meng kal ralh a. Ka bánah a rawn vuan chat a, chu chu Kiara chuan a hmuh hmaih miah lo tih ka hria.

"Room-ah ka lo han chho ange.." a ti ta a.

Amy nen pawn lamah kan inzui chhuak a, ka Penthouse piah mai a cottage ah ka hnathawk ho te hi an chéng a. Chu lam chu ka pan pui ta a.

End of Dominic pov*

Dominic leh Amy chhuah hnu chuan kan room-ah ka chho ve nghal a, kha nu min țawngkhum dan kha pai daih harsa ka ti kher mai. 

Pindan tukverh zawn hnuai lama nui thawm awm chuan ka beng a verh zar mai! Curtain chhah țha zet chu ka keu nghal vat. Inchhung éng chhun phák a hmeichhe ding chu ka hmu a, a hmel hmu lo mahila a sam dum hlap ațang chuan Amy Raymond tih ka hre thei!

Thim zing ațang chuan Dominic chu a rawn pen chhuak a, Amy kutah chuan a chelh sak ta a. Nui thawm ka hriat pawh kha an pahnih hi an ni ngei ang!? Ka hmuh laia an induat hman ták loh vangin pawn lamah an chhunzawm dawn a nih khu...

Hawisawn san daih ka duh a, mahse ka hawisawn mai thei si lo. Mercides car dinna lamah chuan Amy chuan Dominic chu hruaiin chu hmeichhia chuan Dominic nghawngah chuan kuahin alamah a kuai kun leh deuh a.  A hmuiah chuan a fawh sak ta a.

Ka ten lutuk! An pahnih chuan duhthawh zet hian an infawp a.

'Â lutuk, á lutuk.....'sehchilh deuh rap rap chung hian ka ti chhuak a, pindanah chuan ka vei sek. Chutah khumah chuan ka bawk leh thlawp a, an lo inthlah thei ngang lo a nih dawn kha...Kei hi ka lo á takzet a ni...Bum nuam min va ti dawn ve..

Hmeichhe dang a fawp ka hmuh chiah khan ka thinlung chhungril ber hi a che dat...A chhan chu Dominic hi ka duh mai ni lovin ka lo hmangaih vang a ni. Ka thil hriat thar chuan min ti lungngai sawt a. Hmeichhe dang nei reng tu hi ka lo hmangaih ta a nia... Engtin nge hmá ka lák tak ang!?

Step-a pen thawm ka hriat chuan nui hmel ka pu lui hram hram a. Engtia lo hmachhawn tur nge niang? Ka áng chiam dawn nge? Ka lo sual hrep dawn? 

Ka thinrimna, ka mitmenga langchhuak lo turin ka inthunun fe a ngai dawn a ni. Room kawngka chu a rawn inhawng a, Dominic chu a rawn lut ta a. Ka thawmhnaw pawh thlák lova khuma ka lo la țhu a hmuh chuan, "Eng thil nge i ngaihtuah a?" tiin a nui hawk a.

"Engmah ka ngaihtuah lo."

"I hmel kha a chiai tlat Kiara," tiin ngun fe hian min rawn en a. Ka kalsan lai che kha chuan hetiang hmel hi i pu hauh lo."

"Min rawn tiphu deuh alawm mawle.." nui lui chung hian ka ti a. "Awle, i phut vanga khatiang hmel kha pu i nih chuan honey, i thinur laia i hmel landan nen a inang chiah tih ka hrilh ang che. Amy vang kha a nih chuan pawi ka ti khawp mai! Khatiang kha a thleng nawn tawh lovang!" Dam thluam hian a ti a.

"A dik, kha nu kha ka lawm hauh lo. I la duh anih te chuan a bulah khan kal law law la."

Ka țawngkam hman avang chuan Dominic chu a khawng deuh lah a. "Enge i sawi awmzia Kiara? Ka nupui bulah lo hian khawimah kal tumna ka nei lo. Zaninah hian," a ti hmuk a.

"Pawna thil thleng ve thung kha? Tunge a secretary kut vuan a, fawp tu kha!?" Ka ti chhuak ta nge nge a.

"Kha chu ka sawifiah thei Kiara, ka tum reng vang a ni lo."

"Ka mit a del lo a nia aw, Dominic, tihpalh ni lovin, thilthleng tur diktak a ni. I girlfriend thup nan kei hi nupuiah min nei a ni...Tenawm lutuk!" ka ti țhawt a.

"Chutiang a ni lo, ka sawifiah thei ka tih chu..." Dominic áw a hrehawm tihna lo lang chu ka hre lo der ve tlat.

"Ni e, Amy nen in infawp lai kha sawlai tukverh ațang sawn ka hmu. Phat tum tawh suh," tiin tukverh lam chu ka káwk va a.

"Kiara, kha chu tihpalh a nih kha, khatiang khan a che ang tih ka hre bik miah lo!" tiin min rawn pan hnai a. Rum zet a ka lo melh avang chuan a ding leh chawt. "Khawngaihin thinrim suh, kan inkár a tawp daih tawh ani nen khan." 

"A la tawp lo chu a nih kha, kan mutna pindan thleng thlengin a rawn lut a. Chutah in la infawp leh ta nghal...Ka lawm hle mai, i nihna diktak ka hre chhuak hma a, chuti ni lo se chuan min duh ve tak tak emaw tiin hmangaihna ka chenpui leh che emaw a nia nga...!"

"Ka duh che...Ani kha ka duh lo, vawi engzat nge maw ka sawifiah a ngaih dawn le... min ring rawh ka tih chu.." Dominic áw a beidawnna lang chu ka hre thei. Mahse ka rilru ka sawh sawn dawn lo...Amy nen an infawh lai khan duh lo tak tak ni se, a nem sawn em em ang!? Chutianga ti lovin a infawhtir tho...Dominic hi ka hua....An pahnihin ka haw lutuk...

"Awle...min lo hrethiam la..." Ka thinrimna chu tilang duh tawh lovin, "Pindan hran nei ila a țha in ka hria, zanin ațang hian.." ka ti ta a.

Dominic hmel chu thinrim vangin a dur deuh khup a. Chutah khuma ka țhu lai chu min pawt thovin, "He pindanah hian ka awm anga, nangpawh i awm bawk ang!" Ka mitah tak min en chungin a ti thum chhak a.

"Teuh lo, nang nen khum khata mut dun ka duh tawh lo," tiin min vawnna ațang chuan tál chhuah ka tum a.

"I mu ang, i mu khawp ang, ka khawih i duh lo a nih erawh chuan ka ti lui lovang che, hmeichhe duh lo chung khawih luih hi ka châk lo ve," tiin min thlah thut a. Chak zet hian pindan chu a chhuahsan ta a.

Ka ruak nghal huai mai! Mahse hmeichhe dang nen min kawptu lakah hian inpek ka tum tawh lo....

Hmeichhe dang a kawp thei a nih chuan mipa dang hmanruaah hmangin ka kawp ve thei khawp mai!

©<++++[BeckirafARenthleI]++++>®

Chapter-22

Dominic a'n min chhuahsan hnu chuan kan nupa khum zaupui maiah keimah te chuan ka mu meng kar a. Tunah chuan ka rilru chiangtakin ka hre tawh a. Dominic hi chán ka duh lo, ka hmangaih a, hmeichhe dang lakah phei chuan chán ka duh lo leh zual.

Mipa a thîk tur han kawp mai tur ka hre bawk si lo. Huizz..ka rilru a buai! Joshu kha a țhat viau ka ring a. Mahse Dominic tan chuan a hnathawk te chu er tham an ni dawn hauh lo...

Gavin a țha ber ang! Ka harsatna zawng zawng hi hrilh vek ila min pui thei ngeiin ka ring!

A tlai tawh viau na a, ka call lui ta thova, vanneihthlak takin a pick hlauh.

"Hello, Gavin, Keimah Kiara," Tháwk a lak hawk danah mak a ti hle tih ka hre mai!

"Kiara, nang maw! Ka ú chu a lung a la awi thei na nge?" 

"Chulam aimah chuan, min puih ka ngai a ni...khawngaihin arang lamin Washington-ah i lo kal thei angem?"

"Engthil nge ni ta? Pawi ka ti lutuk! Hman zana thil thleng kha..."

"Kha lam kha chu theihnghilh hmiah rawh!" 

"Ok..naktip ah rawn kal ka tum dawn nia!" A ti ta a.

Phone ka dah hnu chuan muhil thei lovin ka let kual sek a, zinglam dar thum a rik pawh chuan Dominic chu ala rawn mu lo...Duh leh mu lo daih rawh se...Amy chenna hmunah a kal zawk pawh a ni mahna...

A tuk zing a Dominic hmel ka hmuh meuh chuan breakfast ka ei diam tawh a. A hmel pawr fap leh meng sen rám ațang chuan mut a hmu bik vak lo a nih hmel! Nizan lamah an che nasa viau a nih dawn hi...Ka chhungril na zawk avang chuan biak pawh ka tum lem lo.

Kan mutdun hmasak ber ațang khan thla aral tawh a, achangin min duat awm em em in a awm a. A hmei nu thup nana min nei hi ka haw lutuk tlat..mahse ka hmangaih tho si...

"Kar leh thawhlehni khi ka pa in a party kan neih hun tur kha a nia, i lo inbuatsaih dawn nia," chhum hmuk hian a ti a. Ka pa (George) tiin ka sawi zel tawh ang. Ka pa inah kan party dawn a nih chuan ka lemziak kha a rang lama peih hman ka ngai dawn tihna a nia! 

"Awle..min ngaihtuah duh suh ka inbuaipui ve thei e.." ka ti ve hmak. Mitmeng zim san a min en chu rum zetin ka melh lét nghek a. A hawi sawn rang khawp mai...

Dominic pawh ngaihsak tawh chuang lovin, kan room-ah ka chho a, ka thawmhnaw ka thlák vek bawk a. Vawiin hian an company car siam chhuah thar ber chu ka lei dawn khawp mai! Ka duh duh a ka hman a tan! Ka credit card ka keng thlap a. A thláwna dawn ka tum ta lo mai... Ka pa in a hriat chhuah hunah chuan a lawm hauh dawn lo tih chu ka hre sa a...Sum lian tham em em hmanna tur ka nei hleinem! 

Ka chhuak tur Dominic a'n min koh țáwk țáwk na pawh chu hre lo der in ka kal lui ngáng ngáng a. Ka in enkawl ve thei chiang emai...

Malakian Motors company tih inziah kulhna ka thlen chuan zam miah lovin ka lut a. Counter hmasa ber a lo țhu, mipa chuan min lo dawngsawng țha hle. "Puih theihna che ka nei em?"

"Joshu hi khawnge ka hmuh theih ang." Tukinah hma takah a kal tih Elina khan a sawi tlat.

An boss nupui ka ni tih hi hriattir ka tum rih lo. Dominic leh Amy an lo thlen hma ngei a tihfel hman ka duh..

"Show room lamah a awm a, ka hruai dawn che em ni Miss?" Polite tak hian a ti leh a. "Maxi Forbes, Maxi tiin min ko dawn nia," ka artist hming ka hrilh ve hmiah.

"Maw! Maxi maw! London-a artist hmingthang deuh kha chu i ni lo tiraw!" a ti leh te te a. Ka nui ru sak!

"I hre dik chiah e..Boy.." Tiin ngaihno bei thei ang berin ka nuih a.

"Oh...My God... ka awih thei lo...ka hmu che hi ka lawm e, kan company hian kan lo lawm bawk a che.." Phur sarh hian a ti a. Ka plan a fuh chho țan dawn chiah...

"BMW 7 en ka duh deuh a, tin, Joshu hmuh ka duh bawk..."

"Kan manager Josh nen in inhriatdan chu ka zawt lo mai ang che," tiin counter chu rawn chhuahsanin, show room lamah min hruai ta a.

Show room chu pui tak a ni...Luxurious car tam tham zet a tlar dul a, Malakian hausak dan tur chu pui tak a ni.

Joshu kan hmuh tákah chuan counter nghaktu chuan nui var var chung hian min lét san ta a.

"Hi..Kiara...Ma'am.." Joshu nui hmel ka hmuh chuan Dominic laka ka thinurna pawh a kiang huai mai.

"Ma'am tih tel kher lo khan aw...Tunah chuan boss nupui ka ni tih an hriat ka duh lo.." a beng bulah ka va hrilh ru sap a. Min hrethiam zetin car chhuak thar chu min kawh hmuh țan ta a.

Darkar chanve tehmeuh kan en hnu chuan BMW 7 1.17 Crores man chu ka thlang ta a. A colour pawh metallic ngat, Alpine white ka thlang a. A chhan chu colour dang a tam viau a ka thlan ang kher hi chu company first choice a ni. Malakian cars company chhuan vawr ber a ni bawk. 

A man zawng zawng leh tihfel ngai ang kan tihfel vek hnu chuan ka ta liau liau a ni ta. Lunch pawh company counter duty leh show room a sales manager thlengin ka treat vek a. Vawiin hi ka hlim ni ve ber a ni. Kiara forbes hmán a mi kha ka ni leh ta. 

Company-a hnathawk ho chuan min ngaisang tak hian hmel hlim tak min hmuh vek a. Maxi forbes hmingin car kha ka lei miau alawm...Kiara chu an hre lo...Maxi, Artist lar, Thompson fanu lemziaktu turu zet kha ka ni tlat alawm.

Dominic dron Malakian nupui ka ni tih an hriat hunah phei chuan engtin tak awm ang maw!

Nileng deuh thawin company ah chuan ka awm a. Dominic leh Amy hmel reng reng ka hmu lo. Joshu erawh chuan a boss nupui ka nihna angin min zah viau a. Maxi ka ni tih a hriat laia a hmel landan kha nuih zat thlak tak a ni. 

Tlailamah Seattle bazarah thawmhnaw engemaw zat ka lei a, vawiin bák chu chhuahna hun ka nei dawn tawh rih lo. Party zana hák tur thawmhnaw ka lei ve ngei ang chu... Engkimah a țha thei ang bera lan zel ka tum tawh a ni. Ka nihna ka thup reng hi a țulna pawh ka hre tawh lo!

Shopping mall tam tham fe ka tlawh a, tlailam kawrfual leh pheikhawk engemaw zat ka lei bawk. Tumah dipdal tu awm lova hun tháwl tak hnuaia tei vel chu nuam ka ti kher mai.

Tlailam darthum arik chuan, Penthouse lam ka pan ve ta chauh a.

Inchhung ka luh chuan sofa-ah Dominic chu lo țhuin, zu no hi a lo dawm a. Ka in pawm báwr lûk a hmuh chuan rum zetin min melh a. "Khawiah nge i kal, engtinnge i rawn haw?" a lo ti hlur a, a mitmeng chu a hlauhawm kher mai!

Ka mitko chu ka san khum ák a, ngaipawimawh lo thei ang ber a lan tumin, Car chahbi chu ka khai lang va va a, "Car thar ka lei mawle, ka bazar nghal bawk."

Nghet lo deuh takin a rawn ding chhuak a, "Takzet? Car lei ngai khawpa rethei ka ni em ni? Hman tur nei lo ka nia mi?" a ti vin tuarh a. A rui hle tih ka hre mai!

"I car alawm, keima puala neih hi a dik lohna ka hre lo ve," ka ti ve hmak.

"Kiara, min cho thinrim suh aw, car hmansen loh ka nei a, a thar pawh pek che ka tum a nih kha, i pasal hi engahmah min ngai lo a ni maw?" 

"I duh leh i secretary kha pe la, kha Amy ve khan min țawngkhum na tura awm ka tum reng reng lo."

"Amy rawn sawi tel suh, i car thar chuan tu mipa nge i lo chhuah pui vel a?" Sehchilh deuh hian a ti leh a.

"I hriat ve zel a țulna ka hre lo ve, zanin ațang chuan mikhual pindan ka hmang tawh ang! Chu chu i lo hre dawn nia," ka ti ta a.

"Kan pindan kha i chhuahsan ngam phawt chuan chhuahsan ang che, mahse enge ka tih tur i lo thlir dawn nia!" A ti chhar chhar a.

"I rui a nih kha," tiin ka thil lei ho chu chhuatah dahin choka lamah ka luhsan ta daih a. Elina chu ka thil lei vel min thiar chhohpui turin ka sawm ta a.

Mikhual pindanah a zualpui chu ka inthiar phei ta vek a. Duh leh Dominic chu thinrim mai mai rawh se. Kan nupa room; a hmei te'n duh duh a an rawn palzam kha ka en liam mai mai dawn lo.

Ka inbual zawha ka inpeih fel meuh chuan dinner ei hun a ni daih tawh a. Inhnuai lam thawm reh țhiap chu mak ka ti angreng viau! Elina chauh a lo awm a.

"Khawnge Dominic?" 

"Ma'am a inkhalh chhuahna a rei tawh."

"Engtik laiin, a rui hle sia!" Engtin nge khatiang chunga motor a khalh ngam zawk le...

"Inchunga i awm hlan khan. Dinner chu ei san daih mai rawh." Elina chuan lawm hmel vak lo hian a ti a.

"Awle, a duh thu a chhuak a nia, nakinah ka phone ange!" Pangai tak hian ka ti ve mai a. Elina chu thawveng huai hmel a pu.

Dinner ei țhulh khawpa pawimawh chhuahna tur a neih ka hre lo. Mahse..ka ngaihtuah ru tho si..khawiah nge maw a kal ni! Rui chung lehnghalin....ka thil ei pawh a tui nek lo e.

Dar kua thleng țhutkhawmna pindanah ka nghak a. A rawn haw ták siloh ah chuan inchung lamah ka chhoh san ta a. Ka pa phone ila a țha ang!

Reife a ring hnu chuan a la ve hram a.

"Pa, Kiara ka nia, Dominic alo kal mial em?" Ka ti nghal tawp a.

"Kiara bawihi, engtizia nge? A rawn kal miah lo." 

"Tlai ațanga a chhuak kha a lo la haw lova, kha lamah a lo kal tâkin ka ti mawle," ka ti sap a.

"In inhau deuh em ni? I phone chhin tawh nge? a la duh lo?" Inti hre zet hian arawn ti a. 

"Phone lem nang! Amy nizanah a rawn kal a, ka lawm vak lo,"

"Chu nu mai mai chuh...lo lungngai lutuk duh suh, keiman ka lo chingfel ang!" A rawn ti ta a.

Thil hrang hrang party chungchang leh company lam te kan sawi țeuh hnu chuan kan inbiakna chu ka ti tawp ta a.

Engpawh nise Dominic kan phone ve hrim hrim ange!

Reife a a ring hnu ah hmeichhia hian min rawn chhang ta a. Bar nghaktu a nih thu leh a phone a theihnghilh thu arawn sawi ta a. "Bar-ah hmeichhe pakhat nen an rawn kal a, an chhuahna arei deuh tawh" a rawn ti ta a. Ka sa zak mai! Amy a nih ngei pawh ka ring? Bar awmna lai ka zawh hnu chuan Dominic phone lam tur chuan ka chhuak ta a.

Ka car thar khalh chhuak lovin, Dominic Jaguar car chu ka keng chhuak a. Ka thinrim hi ka puakkeh takngial dawn! Phone theihnghilh khawpin a rui a ni ngei ang!?

Bar-ah chuan mi an tam vak tawh lova, Nichin maia ka biak nu khan phone chu min pe in ngaihțha lo hmel tak hian min en a. "Ka pasal a nia, nupa dangte ang bawkin inhnialna kan neih vang a nia," tiin ka sawifiah a. Ka pasal ti a ka sawi zawng ringawt pawhin ka thinrim țun mai.

Chutia ka tih tákah chuan min hriatthiam hmel tak hian a nui ve ta sak a. Hmeichhe sam dum pakhat nen an nih thu țha takin min hrilh a. Amy ngei a ni tih ka hre mai...Ka rilru natna chu thupin bar chu ka chhuahsan ta a.

Zankhuain Dominic chu a rawn haw ta lo. A phone check ka tum deuh uk a, mahse ka ti ta chuang lo...mikhual pindanah pawh ka riak ta chuang lova, kan nupa khumah chuan ka tlaivar țhak!

Zing hma takah ka lemziahna thawmhnaw inbelin Drawing room-ah chuan ka lut ta a. Ka nu leh pa lem ka ziah chu ka chhunzawm ta zawk a, party zanah pek hman ngei ka duh ve bawk si.. Dominic ngaihtuah duh lovin ka bur ta ngar ngar a. Breakfast eiin ka chhuak zawk a, Elina chuan zawhna mitmeng nen min melh a, mahse ka hre lo der tlat thung!

Dominic Pov*

Ka lu na tluk tluk avang chuan peih lo zet hian ka meng chhuak a. Ka mutna chu kan room a ni miah lo. Nimina Kiara chhuah hnu ațang khan zu ka in char char a, office ah pawh ka kal lo..

Ka bula thaw ri sák sâk ri ka hriat chuan ka hawi phei vat a. Amy chu ka bulah a lo mu ve reng a nih chu...Engtin nge a nih theih? Rang zet hian ka tho chhuak a, Amy pawh kaitho lo chuan bathroom-ah ka lut nghal a. Ka intihfai vek hnuah ka thawmhnaw ngai chu ha lehin Amy chenna chu ka chhuahsan ta a.

Ka phone ka dap ngial pawhin ka hmu zo țhak lo. Khawiah tehhrep nge maw ka dah le... Kiara ka ngaihtuah chhuak zawk a. Ka chungah a thinrim hle tih ka hria a, Amy in min fawp lai kha min lo hmu a nih kha...Ka inrin loh laia min fawp thut a nih vangin ka ham haih deuh bawk nen chét sawn mai nachang ka hre lo va. Kiara'n min lo hmu chu hrehawm ka ti viau! Ka inthiam lo hliah hliah bawk.

Ka penthouse ka thlen chuan a lo reh leh țhiap tawh a. Tlaia thinrim chunga ka inkhalh chhuah khan Bar-ah ka kal ta kha a nia! Amy nen engtin nge kan inhmuh tih ka hre miah lo...Kiara'n a hriat vaih chuan kan boruak a chhe zual khawp ang..Lalpa hriattir lo hram teh...

Kan Garage ah khan kan company car thar ber ka hmu tlat! Ka pa hian min lo chét khalh a nih vaih chuan...á ka pa phone tum pawh ni ila..ka phone awmna pawh ka hre chuang bawk si lo. Engkim hi Kiara vang vek...

Elina ka ko tuar tuar a. Kiara awmna ka zawh chuan drawing room lam bawk chu min kawh hmuh leh a. Eng em em nge maw a tih ni! Ka saruak lem te kha a lo ziak a nih vaih chuan! Huhh...hetia a inkhung reng danah hian a ziak a ni ngei ngei ang!?

Ka en sak dawn khawp mai!

Drawing room kawngkhar chu chhunglamah a inkalh leh tlat tawh..

"Kiara," Min chhang lo. Vawi sawm chuang ka koh pawhin min chhang duh chuang lo...he nu em em hi chu aw...a thin ka la tirim reng a nih dawn hi...pawi lo nghak leh rih phawt mai ang!

Ka va'n nép tak hmeichhe pakhat vangin ka talbuai chûk tawh chu a nia..Hmangaihna hi chuan min lo thlák danglam thei takzet a nih dawn hi...

Engang pawhin ko nasa mahila a luhlul a chhuah tawh chuan ka chhaihkawlh mai mai! Kan nupa room ah chuan ka chhoh san leh nge nge a.

Ka thawmhnaw thlákin company lamah ka kal leh mai niang chu..ka garage a car khu chhui chian a ngai tak alawm le...

Company ka thlen chuan Register office-ah ka lut hmasa ber a. 

Don segal ka manager pakhat zawk chu ka ko vat a. "Niminah tu hnenah nge BMW 7 in hralh han en vat teh." Ka tih chuan rang tak hian min chhang a. "Boss, Maxi Forbes a ni e, kan first choice la tu chu..." 

"Maw! Kiara maw!" Ka țawng ring kher mai! Staff dangte chuan min hlauh hmel takin min en a.

"Boss, Kiara nilovin Maxi ka ti anih chu," Don Segal bawk chuan min chhang leh a. " A payment nge? Ka pa hmingin?" zawi deuh zawka ka tih leh chuan Quatation card chu original chu min hmuhtir ta a.

Maxi Forbes...tih hming pu in ka nupui chuan a lo register thlap. A hausa thawkhat tih chu ka hria a, mahse 1.17crores man a lei thei hi mak ka ti lo thei lo. Ka nupui hi mi namai lo a ni tih ka hre thar leh ta. Amy lah khan a lo hmusit ve em em a. Ka hausakna leh ka company a lo ngainep viau pawh kha a mak ka ti ta lo...!

Ka office ka thlen chhoh chuan ka mak tihna tizual turin ka pa a lo țhu lehnghal! Vawiin ka hun tawng zet chu..

"Dominic i va tlai ve," Ka pa áw chang fak chu makti takin ka en a. Kiara car lei kha sawi chhuah a tum a ni ngei ang!? 

"Ka pa, enge ka office ah te i rawn tih ve teh mial a?" a zawhna chu haiderin ka zawt let khauh a. "Chulam chu i lo buai ve angai lovang, nizanah khawiah nge i nupui i riah chhuah san?"

"Maw! Engtin....engtin nge i hriat?"

"Ka hria a ni mai, kha mi laktlak loh Miss Raymond vang khan ka fanu rilru i tina a nih leh vaih chuan, a pawi khawp ang..arang thei ang berin i secretary thlák ang che." Thinrim insum zet hian a ti leh a. Thil thlendan hi ka hrethiam teh nuai lo e a.

"Awle, ka pa..mahse..Kiara'n a hrilh che em ni? Nizan chungchang kha?" Ka tih chuan min chhan tum lo tih hriat tak hian lehlam a hawi hmuk a. Ka nupui tereuh chu a che rang hle mai!

"Ka sawi ang chuan ti la a ni mai, tunah lunch ei a hun dawn tawh a, i penthouse lamah kan ei ang," hnial theih miah loh hian a ti leh a.

Ka pa nen company kan chhuahsan chuan chawhnu dar khat a ri dawn tawh a. Kiara kha drawing room ah ala inkhung reng a nih vaih chuan ka pa hian min puh leh ngei ang!

Ka apartment kan thlen chuan vanneihthlak takin Kiara chu verandah ah alo țhu a. Drawing room a inkhung tawh lova a lo chhuak ringawt pawh chuan min ti lawm hle a ni.

Mercides ațanga ka pa nen kan chhuak a hmuh chuan hmel hlim tak hian min lo chhawn vat a. Nidang zawng aiin ka hmu hmelțha lehzual! Mahse keimah min en lovin ka pa chauh chu a en a. Verandah ațang chuan kan awmna lam chu rawn panin ka pa chu arawn pan ding nghal chat a.

"Ka fanu chu enge a lo an le?" tiin ka pa chuan a lo kuah vat lehnghal a. Kei a pasal zawk chu ka chuang der mai!

"A pasal lo lawmna hun pawh a nei lo a nih hmel!"Ka lo ti hmanhmawh a, Kiara chuan rum zetin min rawn melh a. Chutah ka pa lam hawi a nui var var chung hian, "I lo kal dawn tih i sawi miah lova," a ti sap a. Ka awm ve tih hre lo ang hmiahin a awm leh tawh.

Kiara kawngah ka pa chuan kuahin in lamah chuan a hruai ta a. Ka pa ka thîk ber țum a ni hial ang chu...

"Ka fanu ka rawn tlawh zeuh zeuh tawh ang che." 

"A lawmawm ngawt ang! I birthday party zanah kan rawn riak dawn nia!" Min ráwn der miah lovin Kiara chuan a ti leh a. 

"Tehreng mai, ka lo beisei ang che u." ka pa țawng dam ta thluam chu ka ngei kher mai. Nichinah lem bung zet zetin min bia a. Hrep tak hian!

Inchhung a kan luh hnu pawhin Kiara chuan min be chuang lova. Ka pa nen ngawt inbiain min ngaihsak țhak lo. Thinrimin min hau chiam se a nuam zawk daih ang! Hetia awm ve lo ang mai a min pehhél hian ka tan a nuam miah lo.

"Lunch ei hmain ka'n inthlák ve lawk ange!" Kiara'n a tih tákah chuan ka lo lawm khawp mai a! Ka pa mitmei pawh veng duh lovin Kiara chu ka zui chho ve ta a.

Kan room-ah inhmachhawnin kan ding a. "Min la hria ang chu maw?" Ka ti deuh hmuk a.

"Hre ve ang chu mawle, i lo haw pawh ka ring chiah lo zawk a!?" Engemaw sawi a tum chiah le? Ka nupui hian...

"Ka lo haw chu a nih hi...midang zingah min haider tawh suh." tiin a bánah chuan ka hmer a, a țé deuh țhat a. "He inah hian ka pa chu a pahnihna chauh a ni a, i nunah pawh a pahnihna chauh a ni tur a ni. Ka pa ni lovin kei hi i pasal ka ni, chu chu theihnghilh tawh miah suh ang che." Ka ti chhum hmak a.

A biangah chuan dawmin ka fawp ta a. A duh lo tál vel chuan min ti thinrim țan der. Chutah tál leh phutin ka biangah chuan min beng ta țhuai a.

"Tenawmpa, ka haw lutuk che!" tiin ka áwmah chuan min chum dawt dawt a. Lo dan pawh ka tum lo, a thinrimna zawng zawng reh vek khawpin che phawt teh se...!

"I duh leh Amy bulah kal leh rawh. Kal mawlh rawh," a ti leh a. Nizanah Amy kiangah ka riak tih a hria a ni chiang mai! Van zia lo tak!

"Ka sawifiah thei ka tih kha...inbengdai phawt teh!" ka ti ta ringawt a.

"Ka hua che, Dominic," ti chang fakin bathroom lamah a tlan phei ta daih a. Umzui pawh ka tum lem lo...

Inhnuai lamah ka chhuk san ta a. Pindan pakhata kan pahnih chauha kan awm reng hian kan nupa inkár a tih țhat phah chuang lo... Nghak rih phawt mai ang!

Ka pa nen chauh chuan wine kan in dun a, Elina lunch siam pawh Kiara a lo la chhuk loh avangin kan ei rih lo...

"I nupui hian a hmangaih hle che a ni. Zanin hian London ațangin i unaupa a rawn haw dawn a, in hnenah a cheng ve rih ang. Min hnial țhak suh ang che." Ka pa in a tih chuan ka thinrim kher mai.

Aparment a nei ve reng a, kan hnena a rawn chen ve ngawtna chhan tur ka hre lo. Tun dinhmunah ngat phei chuan ka hmuh duh loh ber te zing a mi a ni.

Ka nupui hnaih a, awmtur atan ka duh rih lo. Ka lo dan ngei angai ang!?

©<++++[BeckirafARenthleI]++++>®

                   Chapter-23

Kiara a rawn chhuk hnu chuan lunch chu kan ei ta a. Ka pa chuan serthlum tui leh croissant tharlam tak tak te chu Kiara hmaah a nawr phei a. A thinlung takin a fanu ah a pawm hmiah tih ka hriat hian ka chhungril hi a hlim ru phian! Mahse...Kiara hian min kalsan ta se, 'No' chutiang ka ngaihtuah duh lo..

"Ka pa, Gavin a rawn thlen dawn chuan kan zingah dinner chu ei ve law law rawh aw.." ka pa lam hawi chuan a ti sap a. Ka pa chuan nui vur vur chung hian, "Ka chák zawng tak alawm, lunch ei zawh hian i pasal tellovin i tei chhuak dun teh ang!" ala ti zui ah....

Kiara'n a chhan hman hma in ka lo inrawlh vat a. "Nimin lawkah a chhuak tawh, bakah ka tel lovin chhuak tawh lo rawh se.." ka pa chu ka melh run a.

"Pa, ka inpeih reng..," he nu sual reuh zia hi chuh...

"Dominic, nangte chuan i hnaih reng thei alawm; i pa ve thung hi chuan vawikhat chauh ka chhuahpui dawn a nia. Lo buai duh suh himdam takin kan lo haw ang," Ka pa chuan a ti dam thluam a, hnial engang mahila awmzia a nei chuang dawnin ka hre lo. Ka kal tel an hlauh hmel em em lehnghal a.  An luhlul dun vang a nih hi..an inpawh viau nachhan!

Lunch kan ei zawh chuan ka pa leh Kiara chuan driver hruaiin min chhuahsan ta a. Ka nupui a awm loh hi chuan ka ruak huai zel...

Kiara..Pov*

Ka pa nen Dominic kan chhuahsan hnu ah, Seattle-a hmun mawi tak tak min fan pui a.

"Fanu ka neih loh avang hian, ka awt ve em em țhin a, Dominic te unau an pian hnu kum ruk hnuah ka nupuiin min boral san ta kha a nia!  An unau hian Elina kutah ka dah tawp mai a ni. Ka ngaihsak em em reng bawk a..ka company zauh zel ka duh vangin nupui pawh ka nei ta lo a. Phir ve si ah chuan an tui zawng a hrang hlauh. Dominic hian ka sumdawnna a tuipui a, Gavin ve thung hi chuan racing lam a tuipui thung." tiin ka pa chuan min hrilh a. 

"Nupui neih leh mai chu a harsa awm tawp si lova," ka lo tih sap chuan a nui suk a. Hetia a nuih hian Dominic nen an inang takzet.

"Harsa lo ve, mahse ka sum ûm a min neih tum hi an ni deuh zel..ka fapa te hmakhua ka ngaih avangin ka nei ta lo a ni. Amy ka duh loh chhan pawh i hrethiamin ka ring..company chungchang leh sum kal dan a hre vek a. Dominic hi a hmangaih vang ni lovin, a sum lam zawk hi a duh ber a ni tih ka hmu thiam tlat alawm!" 

Pa fing tak zawng a ni ngei e! A sumdawnna kawnga a hlawhtlin dan ațang hian ka hre thei mai!

Jaguar hnungah kan țhu dun a, ka nu leh pa chanchin min zawt nual.. engmah zep nei lovin ka hrilh vek a. Artist ka ni tih erawh ka sawi tel lo thung! Surprise ka tum miauva...!

Eitur chi hrang hrang zawrhna dawr lian zet kawtah car chu tiding turin a hrilh a. Ka bánah vuanin dawrah chuan min luhpui ta a.

"Kiara, i eichâk zawng leh duhzawng kha thlang rawh le..i duhzawng hriat vek ka tum a nia," a ti leh a.

Dawr nghaktu chuan zah takin George chu a lo bia a. Chhuang takin a fanu tiin a hmelhriat a hmuh apiang te chu min hmel hriattir zel a. A chét dan naupangchhia tak chu ka lo nuih pui hak hak a.

Eitur leh champagne engemaw zat kan lei ho chu driver chuan car-ah a dah lut a. Thil changkang leh tui, hrisel lam chi pawh a hre khawp mai!

"Salonis, restaurant ah intur dawm dun ila," ka pa min sawmna chu ka pawm zawng tak a ni.

"Umn..mahse..kan awm rei lutuk chuan Gavin a lo thleng hman ang tih ka hlau deuh!" ka ti a.

"Lo thleng pawh nise, Dominic a awm tho alawm, lo inbuaipui rawh se," a ti sam ét a. An unau boruak țhalo a hre ve lo phawt chu a nia.

Saloni restaurant chu a lun hle a. Mahse George an lo hmuh chuan cabin pakhatah min hruai ghal hmak a. An zah leh hle bawk ...Malakian chhungkaw tan hi chuan khawi hmun pawh a nuam vek a nih hi...

Dawhkan pakhat kilin kan inhmachhawn ran a. "Eng lam nge i in duh ang?" Ka duh zawng hriat a tum lutuk chuan ka nuih a ti za tlat a. Ka nui chhuak ta nge nge a.

"Kiara, nuihzat thlak ka sawi em ni!?" Angaihna hriat loh hmel tak hian a țhen suk a....

"Oh...chutiang lam pawh a ni lo...i duh duh kha chah rawh ka in thei vek!" 

"Ok...eitur i duh tel em?"

"Chips lam a nimai, tuna ka inhnawh puar leh chiam chuan dinner ka kil pui peih lo ang che..." nui hak hak hian ka ti a. George hi ka ngaina takzet tawh. Dominic nen kan inkár chu engpawh nise..ka pa tak tak ang chiahin ka ngaina a ni.

Waiter-in kan no ah wine min rawn thlit sak chu ka in a. A tui kher mai..ka pa chuan chips chu a ei ve lem lo a, ka wine no a chanve vel ka in tawh chu lem leh tumin ka hmui bulah ka dah chho chiah chu ka pum a rawn lêt but but a. Ka luak dawn ta mai! Ka hmel a danglam a ni ngei ang! Ka pa chuan, "Kiara, i țha em? Engtizia nge? Min zawt vat a. Ka chhang thei lo...ka țawng vaih chuan ka luak a ni nghal mai!

Ka țhutna ațanga thawh tum chuan ka ding chhuak a, ka luhai lutuk vang chuan ka áwn ta riai riai a, ka inthunun thei ngang tawh lo..

"Kiara."

Ka pa min kohna pawh chu hla taka ri nimai hian ka hria. Chutah ka vel thim mup bâk chu hriat ka nei ta lo....

Ka harh leh chuan doctor niawm tak pakhat leh ka pa chu an lo in be mawlh a. Ka awmna room chu damdawi in ka tih dawn chuan ni chiahin ka hre bawk si lo. Ka mutna khum leh sofa leh dawhkan pakhat bak a awm lo. Ka dáng ro lutuk avang chuan tui intur zawngin ka hawikual a. 

Ka chevel thawm chu an hria a niang? Ka pa leh a bula ding pa chuan min rawn pan vat a, "I lo harh ta a nimaw? Ka fanu!" Ka pa nui hmel ka hmuh chuan ka hahdam huai huai mai!

"Tui, ka duh," ka ti sap a.

"Awle,"Tiin rang zeta tui bottle chhin chu hawngin min pe ta a. Ka in khawlh khawlh hnu chuan pe let lehin, zawhna mitmeng hian ka pa chu ka melh a.

"Hahdam rawh, engmah hlauhthawn tur a awm lo. Hei hi doctor Alex a nih hi," tiin a bul a ding chu a kawk zauh a.

"Doctor maw! Engtin nge ka awm? Khawi hmun nge ka awmna hi!?" Saloni restaurant....ka hrechhuak leh ta uar uar mai...

"Umn..ka lawmpui lutuk Mrs.Malakian, naute thlakhat leh kárhnih a upa i pai e..., nikhaw hre lovin i awm rei deuh a, ka clinic ah i pa hian a rawn hruai che a ni."

"Maw? Nau ka pai maw!" Engtinmah ka awm ngai tawp si lo a, ka va'n awih lo tak!

"A dik alawm Kiara, nakinah a kimchangin ka hrilh ang che. Alex hi kan be fál lawk anga, kan haw dawn nia, i pasalin a ngaihtuah tawh ang che." tiin min chhuahsan dun ta a.

Lalpa...engtin nge ka tih ták ang? Naute hi ka duh lutuk! Mahse..Dominic leh Amy hi..ka rilru a buai takzet!

Ka pa rawn kir leh hma chuan khum ațang chuan ka tho chhuak a. Zan dar sarih a ri tawh..Gavin pawh a lo thleng tawh ngei anga! Ka pa hian in lampang a lo hrilh a nih vaih chuan...

Huizz...A hrilh loh hram ka beisei..

Ka bag ațang chuan silk scarf ka pai chu phawrh chhuakin ka lu ka tuam hlán a. Boruak vawt deuh chuan ka awm a ti nuam lo..ka pum chu dimte in ka chul a, Dominic fa ka pai chu a ni ta der mai! Ka beisei aia hmain a thleng ta chu a nia! A rang deuh mah mah a ni.

Ka pa arawn lêt chuan min nuih nghal var var a, "Kiara ka lawm takzet! Engtin nge nau i pai tih i hriat loh theih zawk le? Chhuahpui lo phei che ila chuan kan la hre dawn miah lo tihna a nia! Pathian hnenah lawmthu awm rawh se!" a ti ta a.

Car-a kan chuan hnu chuan Dominic a hrilh tawh nge hrilh lo tih chu ka zawt ta nge nge a. "Pa, Dominic i hrilh tawh em?" 

"Kiara mi á niléng ka ni bik lo ania, engmah ka sawi lo. I mut hlan khan vawi tamtak a rawn call che a, kan haw tlai deuh tur thu chauh ka hrilh.. A thinrim khawp mai! Mahse..i pa ka awm alawm hlauthawng reng reng suh. Hrilh nghal i duh nge duh lo?" A ti sam ét a. 

George nge nge! A fing țhin e...

"Hrilh rih lo ve, Amy nen an inkár chingfel phawt rawh se..chumi hnuah ka hrilh chauh ang!?" Tiin ka rilru diktak ka hrilh a.

"A țha e, i inpeih hun hunah i sawi dawn nia, Amy vang chuan i rilru tibuai duh suh. I duh phawt chuan ka inah pawh i rawn insawn thei reng ania!"

"I birthday party thleng hi nghak ila, chumi zawh lamah chuan kan hrilh dawn nia."

"Awle, ka sawi ngai lovin in inkawl țha hle ang che, Dominic pawisa i dil hreh deuh a nih chuan ka credit card pakhat hi i kawl dawn nia!" A ti leh zel a. Ka mamawh loh thu sawi ka tum zet naa ka ngawi leh ta zawk a.

Tihian engmah nei lo ang hian min ngai rih phawt rawh se..Kár leh maiah ka nihna diktak a hre tawh dawn tho a. Ka nghak leh rih mai aniang chu...

"Tunah rih chuan hman tur ka nei alawm, ka mamawh chuan ka rawn sawi zel mai ang," ka ti ta zawk a. 

"Awle, i tih dan dan le... ka fapa mangang tálbuai vel tur chu ka hmu chák ngawt mai. Hei tunah pawh min lo call leh tawh a nih hi.." Tiin a phone chu a hmet hlum zauh a. A nui pah huk huk bawk a, a nelawm takzet.

Kan chenna hmun kan thleng a, Car ațanga kan chhuah fel hma hma chuan Dominic chu kan lam panin vung fé hian a rawn phei a. A hmel dur deuh khup ațang chuan a thinrim hle tih a hriat mai!

"Awle, khawiah tehhrep nge in kal tih chu ka zawt lo law law ang che u." Tiin ka pa nen chuan min melh tawn sek a.

"Dominic in beng dai la...kan thil lei ho hi i hnathawkte kha inchhunglamah dah turin hrilh zawk teh." Ka pa chuan dam thlapin a chhang a.

Kei erawh engmah sawi lovin ka ngawi reng thung! 

"Ka pa, i ti lutuk deuh lo maw? Kiara hi i nupui nilovin, ka nupui a ni," Chhum hmuk a tiin, ka bánah a rawn vuan a, dim vaklo hian in lam chu min pan pui ta dawr dawr a. Ka lo tál ve bawk tak naa, awmzia a nei lem lo.

Inchhungah kan lut fel chiah tihah mikhual pindan ațang chuan Gavin chu a rawn chhuak ta a. Chutia a û in min lo chelh tlat a hmuh chuan min siai zauh a. Gavin nen game kan khel dawn tih ka hre thiam ve mai!

"Hi, honey...ka lo thlen laiin dad nen inlo chhuak daih a," nui sang hian a ti a. Ka pa chuan hriat thiam hmel tak hian a lo nuih suk bawk...Diminic lo rum nghut chu ka hre ru reng.

"Hi, Gavin ka rin aiin i lo thleng har a, ka pa nen i lo thlen hun kan nghakhlel viau a nia," tih pahin Dominic min vawnna chu ka thingthla nghal zaih a.

Ngaihdan nih loh hmel zet a min enin, "Kiara, inbiak kan ngai..." a ti sup a.

"Haa...sawi tur tehchiam kan neih pawh ka hre lo Dominic," tiin ka pheikhawk chu ka tlawh phelh a. Elina chu dinner buatsaih turin ka hrilh zui bawk. Dominic chu awmlo ang hmiah a, kal pelin ka pa leh Gavin-a intur thlit sak turin cupboard awmna ka pan nghal a.

"Kiara, kha thil kha i tih angai hauh lo." Dominic thinrim insum áw ri chu a ring miah lo..mahse a hlauhawm ru riau thung..A pa awm lai te chuan engtin mah min ti ngam tawp nang! Whisky bottle leh shot glass chu la chhuakin dawhkanah chuan ka thli lui ve ngat a.

Zanriah kan kil lai chuan Dominic chu a ngawi ngul a. A phone kha ka la pe lét lo tih ka hre chhuak chiah...

Gavin leh ka pa chuan duhsak tak hian eitur ho chu min suah chhawk sek a, ka ei hnem tawh khawp mai. Kan kim țhap lai hian a phone chungchang kha sawi chhuak ila a țha ang!?

"Dominic, khawnge i phone?" Meng buai deuh nak hian min en a.

"Ka dahna ka hre lo." A ti hmuk a.

"Keiin ka hria alawm, Amy nen bar-ah in kal tih pawh ka hria," ka tih leh chuan a meng hnual raih a.

"Kiara, inbiak kan ngai ka tih kha, i eitur kha ei vat la, pindanah min lo zui chho ang che," a ti hmuk a.

"Ni lo e, chhungkua vek kan nia lawm, a hranpa a sawi a ngaihna ka hre lo, i phone chu bar-ah nizan khan ka va lam tawh e, drawer ah khan a awm." Chang fak hian ka ti a.

Chutia ka tih chuan a hma aiin Dominic hmel chu a chang sawt.

"Bro, Amy nen bar-ah chuan in kal dun tak tak em?" Gavin chuan a lo ti ve bawk a.

A fork ken lai chu dah thlain Gavin chu rum tak hian a melh leh te te a, "Lo in rawlh tum suh, Gavin! Kan nupa buaina ah hian midang tel ve a rem lo. Ka pa, nang pawh Kiara hi rawn ngaihven chûk a ngai lovang! Ka nupui chu ka mawhphurhna a ni." A ti thum chhak a.

A țhutna a,ațanga thovin, "Amy nen in inzui tih ka hriat leh chuan Dominic, Kiara hi ka bulah acheng ang! Ințhen lam te kha chu ngaihtuah pawh ngaihtuah chhin suh." A ti ve ta a.

"Ințhen maw? Chu chu i duh tihna mi Kiara, ka pa hnenah hian eng chiah nge maw i lo sawi le?" Ti supin a tho chhuak vut a. A plate a eitur awm pawh pakhatmah a ei lo. Thinrim tih hriat zet hian a chhuak ta daih a.

Keini pathum chu inhrethiam zet hian kan inmelh ralh ralh a. Gavin phei chu insum thei lovin a nui hawk hawk a. "Lamțang i nei țha e, Kiara Malakian," Ti a, ka biangah fawp zauhvin min chhuahsan ve ta a.

Ka pa nen chauh kan ni ta. Naute chungchang chu a intiam angin Dominic chu a hrilh ta lo phawt chu a nia! Kan țan tlan chuan Amy lak ațangin kan pawt hrang thei ngei ang..Ka pa leh Gavin ka lama an țan chhung chuan...

Dinner kan ei zawh hnu chuan, țhutkhawmna pindanah coffee kan in leh te te a. Dominic erawh chu a lo lang ta lo. Ka pa haw tur verandah thleng ka thlah a. Gavin a'n a thlah dawn a ni. 

"Kiara in enkawl țha la, ka sawi kha zawm hram i tum dawn nia! Ka birthday hmang thei turin lo hrisel țha ang che," ka biangah fawp zauhin, min kal san ta a. Ka țah a chhuak țun mai! Hetiang tak hian ka pasala pa hi ka ngaina ang tih ka hre lo...

Inchhunga ka luh chuan Elina che vel thawm bak hriat tur a awm lova. Dominic hi khawiah nge a awm daih le..? Rilru nuam lo zet hian kan nupa pindan chu ka pan hna hna a. Ka pum chhunga naute vang tal pawh hian intihchak ka ngai a ni.

Kan room-a sofa ah chuan Dominic chu a lo țhu thluang duai a. A chhuak daih emaw ka ti kha a nia. Ka thawm a hriat chuan a rawn dák chhuak a.

"Ințhen i duh a mi?" A ti bul hmuk a.

"Ka duh tih ka sawi awm ka hre lo. Mahse i duh tlat te chuan ka hnial thei lo thung che a." Ka ti ve hmak a.

"I duh si loh chuan ka pa khan engvangin nge a lo sawichhuah?" A àw danglam thut avang chuan a mitah tak chuan ka en a. A meng rum hle a, a țhial pawna thisen zam chu a pawng țawlh țawlh a. "Ka pa sawi apiang hi ka hrilh a ni kher lo." Ka tih chuan kut min thlák mai duh hmel a pu tawh.

"I chungah hian ka lungawi lo khawp mai! Kiara."

"Ka lung awi bik em ni? Ni reilote chauh kan la innei a, i hmei nu i zui leh duan duan a, mihring ve tho ka nih hi..!? Ka ti hlar a.

"Hmeichhe thikthu chhe lutuk kan ni a ni maw? Kan tinzum kan tilang ta em ni?" elsen zet hian a ti leh a.

"Ka tin a zum kher lo." Ka lo ti hmanhmawh a. 

"A zum chu a ni ber alawm, i tan Amy thik angai lovang tih ka sawi nawn leh e," a ti sup a.

"Tunge ka thik ti? Nupui nei i nih chuan hmeichhe dang fawh kher kha i tih tur a ni lo. Mi á emaw min ti a mi?" 

"Ka sawifiah vek tawh kha, a bul ațangin țan zel țhin suh."

"Nizanah pawh in riak dun khum khatah in mu bawk! I sawifiah leh dawn em?" Tiin inti hre zet hian ka țawng leh a.

"Kiara, Pathian hmingin ka kut hmawr pawhin ka khawih lo. Ka rui ém a, engmah ka hriat loh laiin ka bulah a lo mu a ni ngei ang? Ka harh leh chuan ka bulah alo mu ngei a, mahse ka hriatpuina a tel lo. Ngawi rengin ka rawn haw san a ni." A ti zawi ruih a.

An mudun tih ka hre teuh lo..ka rinthu ka sawi mai mai ania. Ka rindan pawh a lo dik chiah e...An lo mu dun ngei a nih chu, engtinmah awm lo mahse..kha nu bula a mu hrim hrim pawh kha ka hua!

"A țha e, i pindanah hian mu la, mikhual pindan Gavin-a hman loh zawk saw ka hmang ang." Ka ti ve hmak a. Inherin kawngkhar lam chu ka pan ta a. Ka thleng țep tihah, Dominic chuan min rawn man bet leh hram...

"Min khawih suh," ka ti tuarh a. Mahse engahmah a ngai lo thung! Ka thin tertek a chhuak leh ta, "I kut hmawr pawh a min khawih leh chuan...Dominic Dron Malakian, ka chhuahsan khawp ang che..hmeichhe dang i khawihna kut khan min khawih tawh hlek suh."

Dominic chuan min vawnna chu a thlah riai riai a. A hmel chu a chang țha hle bawk, a kut chu a thlakthla ta zan a. A mitmengah thinrimna nasa tak a lang bawk a, "A țha e, mikhual pindanah chuan riah angai lovang. Kan nupa inkar buaina ka unaupa hriat kher ka duh lo, i duh ang chuan ka khawih lo ang che." A ti ta a.

"Ka ring dawn che em?" Ka ti țalh a. 

Naute chungchang hi hrilh tumna pakhatmah ka nei lo..Gavin zawk erawh chu zanin hian ka hrilh ang! Ka la mamawh dawn tlat!

"Min ring rawh, ka tiam a che...min chhuahsan lohna tur a nih chuan ka khawih lovang che." Tiin a chhuak zui ta nghal a.

Ka chhuahsan hlau awm tak te chuan a țawng lehnghal a..Lutuk hian a... 

Darkar chanve dawn shower chuan ka inphuh tir a. Ka nu leh pa ka ngai takzet..Naute chungchang ka hrilh hun a an lawm dan tur te ka mitthla thei hial! An fanu hian nau ka pai ve tih an hre ve ngei tur a ni...

Bathroom ațanga ka chhuah chuan ka mutkawr hlui ka nu min leisak ngei mai kha ka ha leh a. Coffee sa țha ver vawr in a chákawm alawm!

Elina chu a mu daih tawhin ka ring a, Gavin pawh a rawn lét tawh ngei ang!  Naute chungchang hrilh vat ka duh a ni...incheck up ka ngai thuai dawn a, Gavin hi min hruai turin sawm ta ila...

Inhnuaiah chuan ka chhuk thla a, țhutkhawmna pindan lama inhnial thawm ka hriat chuan ka ding deuh dat.

Hmeichhe áwki sangtak ri chu Amy bawk a ni..ka hai hauh lo...

"Dom...Kha nu kha engtin nge kei aiin i thlan zawk theih a?"

"Amy, hetia inneih thut hi kan tum dan a ni bik lo..A nu leh pa in thil an hriat sual palh vanga innei kan nia...hriatthiam tum teh.." Dominic áw chu a zawi vak bik lova..Amy insût hlap hlap ri ka hre zui bawk...

He inah hian ka leng ve lo a nih hi...ka va lût thut dawn nge? Kan room ah ka lét leh dawn?

Tenawm dun lutuk....Ka va runluih hrep zawk dawn em ni..khawnge Gavin pawh hi a awm daih le... hreh viau mahila lem kan chan ngei chu a ngai dawn ta e.....

©<++++[BeckirafARenthleI]++++>®

Chapter-24

Kan nih nih nimai ila a tha tawh zawk!  Dominic leh Amy inhnialna room ah chuan ka lut ve ta a. Thawm ka dim tehchiam lo bawk nen min lo hmu nghal vat a.  Amy chu sofa ah țhuin Dominic zawk erawh chu tukverh bulah a ding thung a. Inhnaih taka an awmdun ka rin tehreng nen! An inhlat  phian sia.. Mak chu ka ti deuh!

"Kan inchhungah hian enge i la rawn tih fo a?" Amy chu rum tak hian ka melh a. Zám miah lo leh mitmeng de sar hian min en lêt a. "Nizanah i pasal hi a lo riak tih chu i hre thovin ka ring a!" Ngeiawm tak hian a nui hak a.

"Hre tehreng mai, a ruih laiin i khumah i muttir a, a bulah i mu ve tih pawh ka hre tho. Mipa zu rui engmah ti thei lo pawh i lo thlahlel hle tihna a nia!" Ka ti ta hrep a.

"Duh tawk tawh rawh u..Amy nangpawh haw tawh rawh..naktuk ațangin i hna rawn zawm angai tawh lovang!" Dominic áw chu a ring miah lo..mahse a hlauhawm ru riau..Amy tan pawh hnial ngam chi a ni lo..

"Mahse, Dom..ani vang mai mai hian ka hna ațanga bán tir min tum abmaw!?" Tiin min sawisak chák hmel takin rum lutuk hian min melh a. A hmel țhatna zawng zawng a bo vek hian ka hria. Hawi sawn duh map lovin ka lo en lét ve siah a...

"Ani i tih hi ka nupui Kiara, a nih hi...I boss nupui i biak danah fimkhur rawh.." a ti leh a. Chutia Dominic a'n min țan anga alan tákah phei chuan Amy chu a thinrim hle a, "I neih chhan pawh i sawi vek kha..London i kal hma khan kan affair ala tawp reng reng lo. Rinawm lo hmasa zawk chu nangmah i ni," a ti leh tawn tawn a. Dominic lo rum nghut ri ka hriat chuan amah chu ka en vat a. Thinrim insum zet hian a inseh ruh țawlh țawlh a.

"Kan affair chu a tawp daih tawh, i pawm duh lo mai zawk a ni. Ka inah hian buaina siam tum tawh suh," a ti tuarh a. A áwka vin zet a vang chuan ka lo ip chawih mai!

"In hlim rei chuang lovang, hetiang mi hnuaihnung lutuk hi chuan hlimna leh tisa nawmna ka pek țhin ang che pawh kha a pe ve thei ngût che emaw!?"  Mahni indah sang larh chunga tiin, chak fé hian ka lam a rawn pan a.

"Tenawm nu, Dominic nen kan inkarah hian rawn tla zep lo la chuan kan innei tawh ang," tiin ka inrin hman hma chuan ka biangah arawn beng ta țhuai a. A thip zawk mai! A chétdan chu ka rin loh lutuk thil a nih avangin lo dawnsawn dan tur pawh ka hre mai lo, áng pam chung hian ka biang chu ka dawm vang vang a.

"Amy, enge maw i tih le..?" Dominic chu ka bulah a rawn thleng chawpchilh nghal a. Ka darah chuan vuanin, "I țha em?" Amy pawh ngaihven lo chuan a ti a. Amy lo nui hawk ri ka hriat chuan ka thinrimna a kaitho ta..Dominic min vawnna chu ka thingthla a, zawimuang hian ka pan phei ta a.

"Hetiang mizia i neih vang a nih ngei dawn hi..ka pasal hian a nei duh loh che, tenawm chu kei ni lovin nang zawk hi hi ni!" Tiin a inrin hman hma chuan a biangah ka beng ve ta țhuai a, ka kut a thip zawk mai! Thinrim lutuka beng ka ni bawk a, a hawi sawk.

"Nang nu hian kut min thlák ngam a maw?" Țap deuh țiau hian a ti a.

Țahbelh reuh mange..Min beng hmasa te te a, amah a țap leh țeuh sia..! Ve lutuk a..ka țap awm lo chiang e...

"Engvangin nge ka ngam loh ang, ka inchhung ngeia kut min thlak hmasa tu chu nangmah i ni! Tunah hian i chhuak dawn nge? Ka nawr chhuak zawk dawn che!?" Ka ti ram hmarh a.

Ka țawng zo deuh chiah tihah Dominic chuan Amy chu kawngkhar pui lam pan chuan a kai phei dawr dawr a. A dimlo viau lehnghal! Amy chu rawn hawi lêt leh in, "I chák lo khawp ang! Lo nghak reng ang che, enge ka tih theih chu i la hre mai ang!?" A la rawn ti hram a. Ka chhang peih vel lo e a.

Kan room-ah thinrim țûnin ka lut a. Dominic, a rawn inrawlh lo kha ka lawm viau zawk! Hmeichhe pahnih te inhnial kha uluk fahran a min entawn sek lai ka mitsirin ka hmu ru reng..Nidang chu ni se, ka nuih a za ngawt ang! Va inrawlh lo tur ka ni tih chu ka hria a, mahse ka pasal a ni miauva..a hmei nu beng lo khan..amah Dominic ben zawk awm tak! Nep lutuk mai...

Amy car tlan chhuak thawm ka hriat hnu lawkah, Dominic chu room-ah a lo lut ve nghal a.

"Kiara, țha takin zanin chu sawidun teh ang, i lungawi lohna lai leh insiamțhat ka ngaihna laite min hrilh la, i rilru diktak min hrilh rawh, khawngaihin! A hma ang khan awm leh ka duh!" Khuma țhut pah chuan a ti sup a. Ka rin loh lam daih a rawn sawi leh ta..Keipawhin inrem taka awm te chu ka duh ve reng alawm..

"Amy nen hmuh dun leh che u ka duh tawh lo..hmeichhe dang reng reng pawh," ka ti sap a.

"A va huam zau deuh ve, hmeichhe tam tak hnathawkah ka chhawr țeuh sia, chung zawng zawng chu ka bán vek dawn tihna mi?"

"Ka sawi kha i hrethiam reng! Hmeichhe țhian bik nei tawh suh ka tihna a nih chu..Amy te ang chi kha..kan inchhungah zah lo taka kut min thlak ngam ringawt te kha.. zak lo lutuk mai!" Ka ti hlak hlak a.

"A pawi ka ti khawp mai! A pawi ka ti takzet, a thleng nawn tawh lovang," thutak zet hian a ti ta a.

Dominic ka neih khan phuba lák chu ka tum ngei mai! Mahse ka hmangaih ta tlat si a. A mahin min țhen duh a nih si loh chuan țhen tumna ka nei lo. Naute chungchang hrilh chu ka duh deuh ut ut a. Mahse George birthday zanah law law hrilh ta zawk ila...

"Umn...kan inneih chhan chu engpawh nise..Amy bula min neih chhan i sawi pawh kha ka hria a. Thinrim viau mahila ka theihnghilh mai aniang chu!" Ka lung ala awi zán lo nain inrem lo taka awm reng hi ka kham ve hrim hrim..

"Kan thusawi zawng zawng kha i hre vek lo anih chu..ka neih chhan che ka sawi lai chauh i hria a. A hmalama ka sawi i hre leh si lo a, ka sawi chu..." a țawng lai chu bán vaiin ka lo titawp a. "Ka hriat kher a țul tawh hleinem..kan inneih chhan i sawi kha a dik alawm," ka ti ta a. 

Sawi thui zel chuan inhnialna a tam mai mai! Kei pawh ka dik vek bik lo..Hmanruaah Gavin hman ka tum ve tho alawm..

"Gavin a rawn awm dawn chuan, I țhiannu Talinda kha chah ve la," Dominic chuan a ti ta a.

"Haa, kan inkár boruak i hriat vek kha.." 

"A thinrim reng tawh bik nang! I biak hreh chuan ka be thei thova," thinrim tawh lovin a țawng dam thluam a.

Hei tak hi Dominic țhat ve na chu a ni..A insum thei em em a, dawhtheihna angah bawk..

"A țha lawm, i tih dan dan," ka ti ve ta zawk a. Talinda a lo kal chuan Gavin pawh a khua ahar lo deuh ang chu.. Kan nupa inkâr buaina fel duak lo mahse ziaawm lam a pan turah ngai ang!

"Ok..ka lo phone dawn nia, mu dawn tawh ang le..a tlai tawh a nia, ka sawi tawh ang khan pindan hranga riah ka phallo tih chu i hriat kha.."

"Umn..ka hrethiam e," ka inthlahdul ta riai riai a. A thusawi dan khan awmze dang a nei niin ka lo ring hmanhmawh a...ka hmui ro tak chu liak zauhin khumah chuan ka mu ta kak a. Ngawi rengin ka bulah chuan a rawn inthawlh ve a...a kut lum thar thar chu ka dulah a rawn nghat a. Dah sawn sak ka tum chuan, "Khawngaihin Kiara, engtinmah ka ti lovang che, kuah chung che a mut ka duh mai a nia!" A ti sup a. Ka dah sawn sak ta bik lo..

Zinga ka harh chuan Dominic chu a lo tho daih tawh a. Sana ka en chuan dar sawm a ri tawh, min kaihthawh ve tur a nia!  

Ka intihfai vek hnu ah inhnuai lamah ka chhuk thla a. Dominic chu chokaah a lo buai hle a...

"Khawnge Elina?" Ka tih chuan ka lam hawiin a rawn inher ta chauh. Ka lut thawm a hre miah lo aniang!?

"A pasal a dam țha lova, chawlh ka pe a nih kha..Gavin a'n station thleng a thlah dawn a.."

"Oh..a nih chu..min kaitho ve mai lo a.." inthiam chiah lo hian ka ti sap a.

"I mutui ém alawm, bákah ka eisiam tui i tih țhin kha ka la hrereng a nia!" Nui suk hian a ti a. Shirt dum body fit a ha a, cotton kekawr thawl hnekhnawk a ha leh tawp..a inhmeh em em tho nia!

"A dik chiah, eisiam lamah hi chuan ka tluk lo che a ni e," nui var var chungin ka ti ve a. Hetia inpawh taka awm hi ka chák ber kha a ni reng a.

"I eisiam peih loh vang a, thiam loh der tawp ang chi kha chu ka ngaina tehchiam lo." Fiamthu titak deuh hian a ti a. "Ka thiam lo der kher lo aw.." tih pahin salad dawhkana a dah chu ka hmawm zauh a.

"Lo țhu la...ka inpeih a nimai..a siam lam ka tum tawh a, silfai lam chu i tum ve thung ang!" 

"Ok...boss.." Chimawm tak hian ka nui a, ani pawh a nui ve suk tho.

Dominic eitur siam chu a tui leh pek hle a. Ka ril a țám tawh deuh bawk nen ka ei hnem kher mai! Dominic chuan theitui chu a rawn thli a. Ka in zo leh nghal vek a hmuh chuan mak tih hmel takin min en ta reng a. "I pumah kháng zawng zawng kha aleng vek chu a nia," tiin spanish omlette chu ka plate ah a rawn dah belh a. "A tui êm alawm.." tih pahin ka ei leh ta a...

"A țha e, wife..i duhtawk khan ei rawh le.." a ti ta a. Ka naupai vang nge ka hre lo nai, ka thil ei tui ta lutuk chu ka hrethiam tawh bik lo.

"Dominic, office-ah i kal dawn lo a mi?"

"Dawn e, i car thar hi ka lo test dawn em niang?" Nuihzat hmel tak hian a ti a. A hre chhuak ta nge nge e..

"A neitunu hian ka khalh ve phawt ang chu.."

"Maxi Forbes, huhh..chimawm si," tiin ka ei ruahna plate chu a seng mawlh mawlh a. "Ka lo seng ve mai dawn alawm insiam tawh rawh le.." ka inthiam vak bik lo..ka ei na leh zel tihfel tir chu ka duh lo.

"Kan pahnihin silfel ila, chuan..min insiam pui anga.." naupangchhia takin a ti leh a. Kan inhau loh hi chuan Dominic mizia hi ngainatawm tak a ni țhin reng a ni...

"Ok...Shower i neih chhungin ka lo sil ang..ka zawh veleh ka rawn chho dawn nia."

Min kalsan hnu chuan kan eina vel chu ka sil țan ta a. Elina hi chawlh tir reng tur zawk a ni..Kan nupa chauhva kan awm hian a nuam dangdai tlat! Gavin ka chah ve em em a, mahse ațangkai dawn ta lo a ang riau..a pawi lo e..an unau inkar țha lo pawh kan hnena a chen ve hian a ziaawm phian thei a sin.

Kan room-a ka han chhoh chuan Dominic chu towel veng țat hian dressing table hmaah a lo ding a. A taksa nalh tak mai ka hmuh leh meuh chuan ka lum deuh pap thei nia..

"Tikhan min thlir reng dawn nge? Ka hák tur min thlan sak dawn?" Nui sáng hian a ti a. Ka lai leh ringawt tawh!

"Vawiin chu ka duh ang thlapin ka chei ang che. Sawisel awih loh.." Ka tih chuan a nui suk a.

"Ka nupui kawlh em em te, i tih dan dan le..."

A thawmhnaw dahna wardrobe chu hawngin kamis intlar dul chu ka keu lawr dan dan a. Ka hnunga Dominic ding chuan ka chét a ti khaihlak lek lek mai. A tawpah kamis pawl tak a ruka țial chu ka thlang ta a. Business suit dum dak hlarh mai nen chuan inrem dawn riauva ka hriat vang a ni.

Ka thawmhnaw thlan chu sawisel miah lohvin a inbel a. Ka thlang sual lo e, a inhmeh thlawt...A palianin a sang țha si a, a chhip sam buk deuh lai chu a ti phir hlek bawk a. Dressing table a kan inneih zungbun a dah chu lain..

"Min buntir leh rawh le..ka inbual dawnah ka phelh a." 

"Kei chuan vawikhatmah ka la phelh lo. Tuna ka buntir che hi phelh leh tawh suh ang che. Duh hun huna phelh leh atan ka buntir lo che a nia!" Nui duh miah lovin ka ti a. Ka rilru diktak a ni bawk..

"Sorry, ka phelh tawh miah lovang, za tibuai deuh che em ni?"  A ti ta a.

"Tibuai chiang e..kha zungbun i bun chhan kha nupui nei tawh i ni tih chhinchhiahna a ni. Hmeichhe dangin an rawn hnaih dawn apiang che in..hrechhuak țhin ang che.."

"Awle, nangpawhin i thusawi zawh chiah kha vawng reng la... Ka unaupa emaw mipa dang, nangmah hnaih tum che an awm apiangin hre chhuak ve ang che." Ka țawng dan ki chiah chuan a ti ve a.

"Ok..min han fawp teh..husband," áw tham deuh țiak hian ka ti a. Bul țan țha leh tur hian ka pasal chauh hma la tur a ni bik lo..kei pawhin inrem ka duh a nih chuan hma ka la ve tur a ni.

"Oh, ka tum alawm, thinlung takin ka lo nghakhlel hle bawk." 

"Tak tak maw." 

"Tak tak ni e, i nghakhlel ve lo em ni?" Min zawt lêt khauh a.

Ka nghahhlelh zia chu ka inhrechiang khawp mai! 

Min rawn fawh tákah chuan ka hlim veng veng tawh mai! Kan taksa chu a insi thlap bawk a.

"Oh, Kiara!" Min fawh karlakah chuan a ti sap sap a. Ka hmui bul vel te chu dam tak hian a fawp kual a. A nghawng a ka kuahna chu dimte a la thlain, "Kal tawh rawh le..i tlai lutuk ang," tiin ka inlahrang ta a.

"Kal ka lo tum ta kher kher a ni.." hreh zet hian min vawnna chu thlahin a rangkachak sana bun chu a bih zauh a. "Pawn thleng min thlah turin ti ta che ila, ka phût sang viau i ti angem?"

"I sawi hma khan thlah che ka tum chiang alawm," tiin ka nuih var var a.

"Ka lawm e..Kiara, chance min pek avangin," ti a, ka kutah kaiin room chu kan chhuahsan ta a.

Garage ațang chuan Joshu in Rolls a rawn khalh chhuak, a lo nghak reng tihna a ni maw! Kan pahnih chuan min rawn nuih var var a, a hmel nelawm tak hi alawm ka ngainat chhan...

"Kiara, enge i lo tih ang..i bula awm ka chák zia hi..." 

"Drawing room-ah ka awm ang."

"Awle, indim la..lunch ei hmana ka rawn haw dawn chuan ka lo phone hmasa dawn che nia, mahse kan buai deuh mai thei a, engmah ka tiam thei lo che!" tiin kan inneih zungbun, ka bunna lam kut chu lakangin a fawp zauhva. Lungawi hmel pu hliah hliah chungin car-ah chuan a lut ta a.

Hetiang hian awm reng thei ila tih ka lo ngaihtuah hmanhmawh a, a nupui hian ka zir phawt chuan ka pasal rilru hi ka hneh thei em em ang! Min hmangaih lo mahse min thlahlel ve hle tih ka hre ve tlat...'Kiara țang hle rawh' tiin ka infuih ru sauh sauh a.

Dominic te tlan chhuak ta chu an lan theih chhung ka thlir a, ka pum chu chul zauhin, 'Papa hian min la hmangaih em em ang,' tiin inchhungah chuan ka lut ve ta a. A office kal hreh hmel lutuk kha ka theihnghilh thei tawh lo mai thei a ni..

Drawing room-ah ka inkhung leh ta a. Naktuk friday nileng ka ziah leh chuan ka zo theiin ka ring a. Ka pa ka present hun tur ka ngaihtuah a piang hian ka chák zek zek tawh...

A intiam lo nain, lunch ei hunah chuan a rawn haw ta thova. Drawing room-ah ka awm vangin a thawm ka hre lawk si lova. Inah tumah an awm chuang lo tiin ka lo inkalh hnan si lo..ka hnung lama pen thawm ka hriat chuan rang lutukin ka hawi lêt a. Ka lemziah pawh thuhrukna hman a awm ta lo..Dominic chuan a hmu ta nge nge a..ka zo deuh thaw tawh lehnghal! Naktukah chûlmam chauh ka hmabák a sin le...

"Kiara, engthil nge ka hmuh hi..." Dominic áw thám deuh țuak ka hriat chuan amah chu ka en vat a. Min en miah lo hian a nu leh pa lem ka ziah chu a en tlawk tlawk a nih chu...

'My God...engtin nge i ngaihtuah chhuah theih zawk le?" Tiin hnai zetah a bih leh ngat a, "A ang hle mai, ka nu phei hi chu a dam lai hmel hmu ang mai ka nia lawm le..!" 

"I hmuh ala hun lo asin le...!" Ka lo ti ve thung a. Ka tüm deuh bár bawk. Ka lemziak reng reng a hun hmain tumah ka hmuhtir ngai lo. Ka nu leh pa takngial pawh kha en ka phal lo țhin kha a nia! Tun țumah erawh chuan loh theih lovin, ka lo thup ve țang țang chu ka pasalin a hmu ta chu a nia!

Kan inhauh buai lai kha chu ni se..ka nasa ngawt ang..Mahse kan inkár a fel ve țan chauh a, ka thinrim ngam ta lo. Buaina chawk chhuaktu zawk nih loh hram ka duh bawk si...huizz...ka hrehawm vek...!

"Ka saruak lem i ziak emaw tiin, ka lo hlauthawng ve em em a." A hmui a tih sawih dan velah a nuih a za hle tih a lang reng a. "Min tih thinrim chuan ka ziak lovang tih tunge sawi thei!?" Cho ár hian ka ti let ve a.

"Thleng lo hram rawh se..hetianga a tak tak a ang dawn a nih phei chuan, mitinin i pasal kumkár an hmu vek dawn asin." Insum theilo niawm tak hian a nui chhuak ta hawk a.

"Chu tak chu ka tum a ni," ka nui ve ta hak hak a. "Ka pa in a hmuh hunah, engtin nge a hmel a awm ang tih ka hmu chák kher mai!" 

"A lawm viau a nih loh chuan, mak tiin a meng pháwk vak ang!?" 

"Chu tak chu ka hmu chák reng a ni! I lu ûm teruhte ah hian thluak chu a lo awm ngei e...my dear," tiin ka țhutna ațang chuan min pawt thovin amah si chét in min kuah ta hle hle a. 

"Hey, i thawmhnaw hi...a bál vek dawn ania aw..."

"Ka hrilh tawh che kha, ka hnaih theihna tur che a nih phawt chuan ka thawmhnaw zawng zawng bál vek mahse pawi ka ti lo." ti thum chhakin a hmui lum ham ham chuan min fawp ta a. 

Min thlah leh hnu chuan a thaw chhuak ham ham a. "I hmelțhat ang bawkin i fing a, a chang chuan ka rilru put dan hi mak ka ti fo țhin. Lunch ei lovin helai hmunah hian hmangaihna chenpui che ka duh hial mai!" A ti leh a.

Dominic in min thlakhlehna a tihlan hian nuam ka ti ru veng veng zel!

"Ka pasal i ni tih hi ka la awih hlei thei lo," ka tih chuan "Ka ni chiang e..keimah Dominic Dron Malakian, i pasal ngei ka ni e..a tak ka ni nge ni lo, ka fiah thei reng bawk!" a tih chuan a biangah ka fawp zauh a. "Ka lemziak hi thup tur a ni tih i hria ang chu maw! Duhtak..."

"Ka thu i awih viau a ngai dawn a nih chu...chuti lo chu...." a'n sawizawm duh lo ngei a..sual thiam ve tak a ni.

"Min blackmail leh dawn tihna mi? Nupuia min neih i tum dan style khan.." Chimawm taka ka tih chuan, "Shit..kha thil kha sawi tam chi loh...hawh le..lunch ei turin ka hruai chhuak ang che, i car thar kha i keng thei ang!? Tiin thudangah a pakai ta daih a.

Dominic chuan ka thawmhnaw thlak chhung takngial pawhin min kalsan phal lo. Ka hák tur ka zawn lai chuan underwear leh bra nen chauh ka awm a. A insum hmel ka hmuh chuan ka nuih a za ru viau! Min tur chhen a...

Chiffon kawrfual, a kamis hák rawng ang deuh chu ka ha ve a, a țhuidan simple zet chu ka duhzawng tak a ni. Ka mitmeiin ka nalh em? tih ka rawn zauh a. A lo bu deuh nghat...lungawi hmel tak hian ka car thar lam pan chuan min kalpui ta a.

Min hruaina restaurant chu a lun hle a, dawhkan a lo hauhsa thlap bawk. "Kiara, i țhiannu chu ka phone tawh a, zanin hian Washington a rawn thleng ang!" tiin ka țhut nan chair min pawh chhuah sak a. 

Talinda khan sum a nei tehchiam silova ka ngaihtuah ru riau! Ka hmelah ka ngaihtuahna chu a lang deuh nge? Dominic chuan, "Ka private jet in Gavin a'n a hruai dawn alawm, hlauthawng suh...kan hnena a chen chhung zawngin a mamawh engkim ka ngaihtuah sak ang!?" A ti ta a.

Hei vang hi a nimaw! Gavin kha a lo reh em em, Elina thlah tur chauhva kal si..a hmel hmuhtur a awm miah loh... Phakar dun reuh mang e..mahse ka thin a rim lo...Talinda ka hmu chák tawh hle a ni.

Waiter-in champagne ka no a, thlit a tum chuan ka lo hnial a. Nimin lama ka awmdan avang khan insum rih ka tan a țha tih ka hria...Chutia ka lo hnial chuan Dominic chu a nûr deuh nâng a. "Engtizia nge?" a ti thuai a.

Ka lu thing mat mat chungin, "Ka chák lo satliah mawle.. tui vawt tawk ka duh zawk!" Ka ti ta ringawt a. Diktak chuan naute chungchang ka thup avang hian ka inthiam chiah lo.

Eitur kan chah a lo thlen hma chuan kan inbe lem lo..Dominic chuan Champagne chu a lem hlek hlek a. A mitmeng buang thak chuan min hawi san meuh lo..

"Dominic..."

"Dominic darling," hmeichhe áw mawi tak hian a rawn ti ta thut a. "Ka hmu leh che chu a lawmawm hle mai! Tunlai chu i inlahrang ngawt mai duhtak," a la rawn ti cheuva. Dominic chauh chu a en a, min hmu ve awm pawhin a lang lo.

Ka hmuh tawh a zawnga hmeichhe hmelțha ber a ni hial ang chu...a sam sen thar chu a tle siauva. Chunu  nen chuan kan inchen hialin ka ring! A sang țha ve khawp mai! A kawr hák hnunglam chu a zauvin a taksa a lang hnem hle a, a nalhin a man pawh a to hle ang..Amy ai chuan nalh chungchuang tak a ni.

A hmel ka enchian chuan a mitmeng thip tak chu ka hmu nghal mai! Ve lutuk a...buaina dang min thlen loh hram ka beisei...

Dominic lam a hawi leh chuan a mitmeng thip tak chu a lang dam leh thlap lawi a..ka ngaihtheih tur chi a ni lo tih ka hre mai!

Dominic chu a ding chhuak nghal a. "Suzy" a ti deuh hmuk ringawt.

"Min inhmelhriat tir pawh i tum dawn nange darling," tih ham ham pah chuan min rawn en deuh kher a.  A perfume rim na zet chuan ka luak a ti chhuak nghulh thei nia!

Chu hmeichhiain min rawn tibuai chu lawm lo tih hriat tak hian a tüm hmuk a.  'Ka nupui a nih hi'  tih bak engmah a sawi lo..ka hming pawh a hrilh lo a, ka lo lawm ve em em tawp...

"Ka hmuh hnu a ang hle mai," Suzy chuan a la ti hram a.

"I hmu tawh ngei ang," a ti leh hmuk a. "I secretary thar ber a ni em? Nge model zawk? Model a nih ka ring mah zawk..a pian en hian," a ti leh zat zat a.

Dominic chu a thinrim a ni tih a thisen zám pawng țalh țalh ațang chuan ka lo hre thei mai! Chuti chung chuan a la inbengdai thei zel thova, "Ka nupui hi model nilovin artist a ni." 

"Tak zet?" Mitko san ák hian suzy chuan a ti leh a. "I secretary Amy aia a țhat bikna ka hmu ve hauh lo."

"Min kalsan thei tawh ang, Suzy..ka nupui leh kei hian kan mamawh lem lo che tih i hriatthiam ka ring," vin hauh si lo, kha fak hian a ti leh a. 

Ka lo ngawi reng a, an inbiak vel dan chu ngaihthlak a nuam tlat!

"I nupui chu...Pathian leh.. a la naupang hle a ni lawm ni? Tu emaw..Maxi a ang deuh! Mahse a ni si lo a nilawm ni?" Chal chuar nang in min en a. 

Min hre lo hram se ka va'n ti tak..Dominic chu ka melh vat a...'Sawi suh' tih melh hian ka melh a. A lo man vat!

"I hriat ve zel angaihna ka hre hrep lo ve.." A ti hmuk a.

"I khuma mutpui a, chutah an aia hmelțha emaw nalh emaw i tawn leh huna thlauhthlak leh i chin dan kha a hre ve lo ani ngei ang! Nge chutianga palzam theih loh khawp a luhlul a ni zawk?" Suzy chuan a ti sak sak a.

A girlfriend hlui a nih ngei dawn hi...

"I sawi hnem tawk tawh in ka hria..." Dominic áw fiak țhak chu a ring miah lo.

"Hnem khawp mai...tui takin chaw in ei ka beisei mi mawl nu..i pasala i thlan ták hi i hriatchian ngei ka ring!?" tih nghauh pahin a kal sawn ta a.

Dominic chu a thinrim em em mai a. thinrim awm tak pawh a ni. Kei erawh chu ka thinrim lo ve teh tlat! Suzy khan Dominic hi ala duh reng a, nupui a nei tih a hriat khan ná a ti nimaiin ka hria! 

Ka pasal hi a lo lar vet vet em a nih hi... Kei aia hmelțha leh nalh tamtak a hmu țeuh dawn tih pawh ka hre fiah uar a..a nupuia min thlang hi ka lawm ta phian zawk...

Suzy nen an inbiak chhung zawng khan Dominic chu a ding char char a. A mitmeng chu hlauhawmna hian a khat tawh, a hmui a pet ruh nasa mai bawk. "I chhuak teh ang," tih pahin ka bánah chuan a chelh a, min kaitho ta a.

Hrilhhai tak hian ka en a, "Engmah pawh kan la ei si lova," ka ti sap a.

"I ril a țám tawh viau em ni?"

"Aw..țám thove, a țam tak tak.." ka ti a.

"Kan inah tui deuh ka siam ang che..ka mood a off vek..Kiara min hrethiam rawh.." a ti sup a.

"Awle...min siam sak dawn te chuan," lungawi takin ka ti ve mai a. A thinrimna tih reh tumin a biangah ka fawh sak zauh a. A nui suk.

Kan chenna hmunah kan lét leh ta ringawt a....Dominic chuan eitur a buatsaih mawlh mawlh a. Tihpui ve ka tum pawhin a phal țhak lo.

A soup siam lai chawl meuhvin min rawn en a, a chevel hmuhnawm ti taka ka lo en lai a ni bawk nen kan mit a intawng sak a. "I thinrim ve miah lo em ni?" Maktih hmel takin min zawt a.

"Thinrim tur ka ni em ni?"

"God, Suzy awmdan khan min ti mualpho hle a ni."

"A pawimawh vak hleinem..ala duh vang che a nih kha..i nupui neih a la ná deuh mai chauh a nih kha..." hnem tum tak hian ka ti a.

"Min duh vanga kan lunch tur min tih buai kher kha thil țul lo tak a ni..kut ka thlak teuh zia kha..nang lah i ngawi hmak si..." min en deuh vang vang chung hian a ti ta a.

"Ka lo inrawlh chuan a chi náng...ka thin tertek chhuak a dawl lovang!" Tiin ka nui sak a. 

Dominic hmel chu a dáng ve deuh lap a. "Nichina Suzy awmdan tenawm tak, hawihhawmna awm hauh lo ang chi kha i tawh leh hi ka phal tawh ngai lovang. Ka tan chuan mi bîk i ni a, min ring thei em, Honey? a ti dam ta thlap a.

"Ka ring che alawm, i ta chauh ka ni bawk, chuan ka ril a țam tawh takzet," ka tih chhunzawm zat a. 

Tháwk ala ham ham a, "I thil ngaihtuah zawng hi chu ka thlák hlei thei lo chu a nih hi...ok..dawhkan lo buatsaih la, ka rawn chhawp ang," nui hawk hawk chungin a ti ve ta a.

Suzy chungchang sawi tawh lovin hlim takin lunch kan kil dun ta a.

Chawhnu lam pawh company ah a kal ta lo law law a, drawing room-ah a luh ka phalsak ve tih ka hrilh chuan lawm hmel takin min en a.. Ka lemziah lai chuan min tihbuai hlau zet hian ka bula chair ah chuan thatchhe tak hian a lo țhu a...ngaihsanna mitmeng hian min en leh zauh țhin!

"Talinda leh Gavin tan hian theihtawp kan chhuah dawn lawm ni?" A tih chuan ka nuih a za hle. Gavin hi a la thîk deuh tlatin ka hria...

Ka pasal chauh lo hi chu mipa dang ka duh thei ngai lovang...

Tlailam dar li a rik chuan ka lemziah chu chawlhsanin, Dominic țhutna lam ka va hawi phei a..remlo zet hian a lo muhil a, ka khawngaih reuh tawp! 

Dimtein a hmuiah ka fawh sak a, a rawn che deuh țuah țuah a, chutah chiang taka rawn mengin alamah min kuah hnai a, duhthawh takin min fawp ta vawng vawng a.....

©<++++[BeckirafARenthleI]++++>® 

                 Chapter-25

Drawing room-ah duhthawh zetin kan infawp ngar ngar a. A bák thlen chákna in ka khat, mahse naute vang hian ka tîm leh deuh. Tihtawp vat a ngai a ni.

Hrehzetin ka inla hrang ta hram a. Dominic hmel phelh phang ka hmuh chuan ka nuih a za ru hle a, min nawr lui ngam chiah lo niin ka hria.

"Kiara," 

"Umn..dinner buatsaih kan ngaih kha, ka inbual chhungin i lo buaipui mai dawn em niang?" Pawisawi lo hmel takin ka ti ta daih a.

"Dinner tehhrep pawh chu a, eitur ringawt i ngaihtuah hi ka hrethiam thei lo, i thau belh mang bawk si lova!" a ti hluk a. Ka nui ringawt, a țhutna chair ațang chuan lo thovin, ka darah min kuah a..kan room thleng min hruai ta a.

"Engvangin nge kan inbual dun mai lohvang?"

"Ni lo e, ka lo inbual hmasa anga ka rei lovang." Min chhán hma chuan bathroom-ah ka lut ta daih a. Kan Inbual rual anih chuan thil thleng tur ka hre mai! Tun dinhmunah chuan a țha ber lo.

Țhutkhawmna pindan ka thlen thlak ve meuh chuan a tlai ruih tawh a. Pindana nu valai angreng tak a rawn luh chuan Dominic chuan țhu turin a lo hrilh vat a. Tunge tih ka hre ve bawk si lova, ka hrilhhai angreng viau!

Chu nu lam hawi chuan mi pahnih eitur buatsaih turin a hrilh ta a. Chunu chuan makti hmel pawh a pu lem lo.

Kan pahnih chauhva kan awm hnu chuan, "Dinner siam lam chu ka peih leh ta lo mai, nang pawhin i siam ka remti chuang lo..Chinese food siam tur ka ruai a nih kha.." A lo ti sam ét a.

"A ngai kher chuang lova," tiin a bulah chuan ka țhu thla ve a.

"Eisiam turin ka nei lo che..Kiara, hmangaihna min chenpui hi i tum tawh miah lovem ni?" A thusawi inpersan lutuk vang chuan ka nui hak a.

"Hmangaihna chenpui duh lo che ah min ngai deuh em ni? Kan boruakin a zir loh vang mai mai alawm."  A lunghnur hmel ka hmuh chuan țha takin ka chhang a.

"Zing ka thawh hlima ka bula i hmel ka hmuh thuai theih loh chuan ka buai vek zel! Kiara ka thlahlel takzet che a ni."

Thin phu dap dapin a thusawi chu ka ngaithla a. "Chu chu ka duhdan chiah a ni ve tho, mahse min thawhsan zel a nih kha "

"Huhh..ka bula mut i hreh em kha..min riah chhuahsan i tum ut ut reng a, ka dang hram hram zawk che a." Sawi fuh inti zet hian a nui deuh a.

"Khangte kha chu a dang daih alawm..Tu emawni bula riah kha i thlang ta zawk a!" Chimawm zetin ka ti a.

"Nang tereuh hi...ka sawi tum tak pawh ka sawi zawh hmain min lo chhang zel a." Tiin zahzelah ka sam chu a zût a. "I sam kawi hi i inhmeh ka ti, hmeichhe sam ngil siau kawp țhin khan, nupuiah a opposite chiah ka nei ta a nia.." a ti leh daih a.

"Chu..min iai țan deuh elaw!?" Titau deuh titih a ka țawng chuan, "Ngai kawi kher lo la...Sam ngil nei ai chuan nangmah hi ka duh fé che. Ka damchhunga ka bula awm reng turin ka duh che a ni, Kiara.." Thutak zet hian a ti ta a.

"Oh..Dominic ka..."  ka thaw chhuak nghal ham ham a, ka hmangaih thu ka va'n sawi chhuak teuh ve le.. A țawngkam dam thlup hian ka duh loh thleng thleng min sawitir dawn alawm le...

"Ka hmeichhe lo kawp tawhte lakah chuan i dang hlak a ni. Kan inneih ni a i hmelțhat zia kha..hetah ngei hian inneih țhat leh ka duh hial mai.." uar fahran hian a ti leh a. A hmeichhe lo kawp tawhte lakah chuan ka danglam a ni tih ka ringhlel ngai lo. Mahse inneih țhat leh lam reng reng chu ka ngaihtuah miah lo thung.

"Party zawh lamah kan sawi țha dawn nia, ka pa kan hriattir ve phawt ang chu.."

"Ka pa rilru hi engtin nge awlsam taka i hneh theih chu le...?" tiin min kuah nghal thlap a. Ka nghawngah chuan a hmai phumin, "I kianga awm reng ka duh," tih sap pahin ka hmai vel chu a fawp lawr dan dan a. Ka ir ah te chuan fawp thla zelin ka hmuiah a rawn fawp ta a.

"Dinner ka peih tawh e, Mr....Oh," kawngka bula ding eisiamtu chuan hmuh thiang lo hmu palh ang maiin a țawng bah nawk a. "A pawi ka ti lutuk..ka...lo hre lo a.." nuam ti lo hmel taka a rawn tih chuan ka inla hrang vat a.

Pangai taka chhang tur chuan Dominic chu a inthunun nasa mai a, "Minute nga hnu ah kan lo kal ang, Mrs.Maxwell." A ti ta a.

"Awle, Sir..." rangtakin a kalsawn nghal vat a.

"Dominic, kan kal nghal ngei chu a ngai ang!" tiin ka ngheng hnai țalh țalh a. "Ok...kan ei poh a niang chu.." tiin min kai tho ta nghal a.

Mrs.Maxwell thilsiam chu a tui hle a, ka  ei nual mai! A tawp nan kaikuang kan chu ka hmawm leh hram a, ka lem fel hnu lawk chuan ka pum a rawn let but but a, ka luak dawn ta mai.."Dominic, bathroom ah..." Ka sawi zo hman tawh lo. Bathroom lam pan chuan hmui hup chungin ka tlan ta chawn chawn a. Ka hnungah hmanhmawh zetin Dominic chuan min rawn zui a.

Bathroom-ah chuan ka luak ta bawrh bawrh a. Ka luak chhung zawng chuan ka hnungah Dominic chuan a lo chul hauh hauhva.

Ka thil ei ho chu ka luak chhuak leh vek a, ka tháwl huai mai! 

"Kiara, engtizia teh thut nge?" Min pawm nawlh a, Sofa-ah chuan min nghat thla ta a. "Mrs.Maxwell, tehhrep chu a..." a ti hmuk a.

"Khawngaihin, eisiamtu chu hau lul suh. Keima dik loh a nih kha..kaikuang ka ngeih lo tih ka lo theihnghilh atin ni.."

"Chupawh ni se..." a la ti hram a, hlauthawnna mitmenga min en chuan nuam ka ti lo. Kaikuang ka ngeih loh vang a ni lo...ka naupai vang zawk a nih ka ring a..

"Doctor ka ko dawn em niang?" A ti hmuk a.

"Oh..aih..angai lo..ka zia tawh alawm..biscuit leh bawnghnute min lo lák sak la.."

"Chu chauh chu maw..in check up phawt la, chumi hnu ah i ei chauh dawn nia."

"A ngai lo ka tih chu.." ka duh aiin ka vin mah mah. Maktih hmel takin min en a. "I tana țha tur ka ngaihtuah vang zawk a nia," dam thlap hian a ti leh a.

"Ka țha alawm.." tih paha tho chhuakin choka lam chu ka pan a. "Enge tih i tum?"

"Eitur dang ka zawng leh dawn mawle..ka pum a ruak vek alawm," ka ti hmak a. Dominic phun hluk ri chu ngai pawimawh duh lovin chokaah chuan ka lut leh ta a. Min rawn zui ve zel tho.

Mrs.Maxwell chuan dawhkan a lo tifel mek a, min lo hmuh chuan, "Pawi ka ti lutuk..Kaikuang i ngeih lo tih ka lo hre lova!" Inthiam lo tak hian a ti sap a.

"A ho lutuk, inthiam lo duh suh! Chu ai chuan eitur dang ka duh leh zawk." 

"Awle, ka lo chhawp sak ang che lo țhu rawh." tiin dining chair chu min pawh chhuah sak a.

"I duh chuan i haw thei tawh ang, ka nupui hi chu ka lo buaipui ve tawh ange!" Eisiamtu lam hawiin Dominic chuan a ti ta a. A ngei ringawt anih hmel! He pa tak hi chu...

"Awle..Sir.." inthlahrun hmeltakin Mrs.Maxwell chu a chhuak ta a.

"Khatia tih kha a țul ber lo e," Dominic lam hawi chuan ka ti hmak a. A ngaihdan a nih loh hian a ti leh hmuk hmuk țhin a. 

"Kan mamawh tawh hleinem, a thilsiam i ei ve atana ka it ber pawh i ei hleithei lo a nia!" Tiin bawnghnute leh chocolate biscuit chu min rawn chhawp a. "Keima lam dik loh vang ka tih kha mawle..theihnghilh tawh rawh."

"Yes, nirawh se, i țan ve em em a!" a la ti țalh a. Ka nuih tawp.

"Engtik nge Gavin te chu an lo thlen ang le?" Tiin ka zawt zui daih a.

"Gavin te nge? Talinda te?" Dominic hmel chu a inthlak daih a.

"Oh..an pahnihin..engemaw i hriat le..Dominic, thil ho mai maiah inhnial ka duh miah lo a nia!" Buiscuit țhial hmarh hmarh pah chuan lungawi vak lo hian ka ti a.

"Kiara, atawp nan..ka unaupa hi hnaih suh..abák ka sawi tawh lohvang! Ka pa pawh, Gavin pawh, kei aia ngaihsak i neih hi ka duh lo.." ti hmukin choka ațang chuan a chhuak daih a. Va'n naupangchhia thei tak!

Ka duh tawka thil ka ei hnu chuan muangchangin choka chu ka chhuahsan ve ta a.

Dominic Pov*

Ka nupui hi mi mak tak a ni. Suzy țawng ngeiawm tak tak a hriat khan a rawn țawngchhuah ve ka ring ania! Chutianga ti ta lo chuan hmel danglam miah lovin kan inbe lai kha a lo thlir veng veng thei nia! Amy a haw hlur leh bawk sia! Ka hrethiam tehhrep lo ve a!

Ka nu leh pa lem ziah nachang hre khawpin a fing tawk a. Ka pa lah chuan aduat uchuak mah mah..ka ngaithei lo lek lek țhin. Han sawisel ngawt dawn ila an pahnih hian an luhlul dun ropui si! Engahmah min ngai mang reuh si lova..ka thluak a tibuai vek!

Amy hnena kan inneih chhan ka sawifiahna kha a lo hria a, a hmalama ka sawi a hre leh si lo.. 'Ka duhin ka hmangaih a, inneih nghal ka duh. Mahse amah Kiara'n a duh loh avangin kan innei lova, a nu leh pa thil hriat sual vang liau liauva nei thei chauh ka ni' tiin ka hrilh kha a nia..a tawp lam chauh a lo hre hman kha zialo ka ti khawp mai! Ka rin ang chiahin ka insawifiahna pawh a ngaithla leh duh lo a..ka nupui luhlul lutuk hi chu aw....

Gavin kan inah arawn chén ve ták si ah chuan ka talbuai leh vek a. Diktak chuan kan inang ropui si a, a hmaa thilthleng ang kha a thleng leh ang tih hlauhnain ka khat tawh...Kan hmel leh pianphung inang lutuk vang hian tunhma pawhin buaina kan tawk fo tawh a, Gavin lah chuan ka lem a chan ațang khan sam dum ngawt a pu lui ta lehnghal a! A original sam pu leh tura ka hrilh angai dawn a ni.

Talinda ka ngainat ém vang pawh nilovin, ka nupui leh ka nau inbe tam lutuk tur ven nan ka chah mai a ni. Kiara lah hian ka nau hi a ngain phian a, á...ka rilru hi a dik lo zo vek tawh.

Zanin dinner kan neih laia Kiara awmdan kha a țha miah lo. Eitur a duh ta lutuk hi ka hrethiam lo bawk..Hmeichhe dangte angin mawi loh hlauvin a phi ve chung lova, hei tak hi ka ngainatna chhan pakhat a ni. A nihna ang ang hian alang chhuak hmiah hmiah a...Amy i'n a ben khan ka lo țang lutuk a, khanu kha kut ka thlak lo chauh. Australian merger tihfel lai a neih hi inchhuan phah nan a hmang ziah lehnghal a..kan zo țep tawh a, ka be țha lui hram hram a ni...ka hne lutuk tawh..Amy Raymond hi..

Kiara'n a ben ve khan ka lo nui ru var var a. Ka nupui hi a duh lohna ah chuan nasa ve tak a ni tih ka hriat phah. Kan inhmuh hmasak ber zanah pawh khan min sual lét ngam ngat kha a nia! Ka saruak lem a ziak ang tih mawlh ka hlau! Artist thiam tak a ni a..a nihna ang takin a ziak lang thei tlat!  Drawing room pawh tlawh ru ve zauh zauh tawh ila a țha ang!

Tunah tak hian enge a tih ang aw! Choka ațang khan ka chhuak daih sia, ka thimrim vanga chhuak chu ka ni chiah lo na a..kei aiin kha eisiamtu kha a țan zawkin ka hre leh tlat pek a..ka lawm viau lo..

'No' Ka chhuahsan ațangin minute sawmhnih aliam tawh a, a la rawn chho miah lo..tun thleng thlengin engthilmah a ei tawh lo tawp ang!

Rangtakin inhnuai lamah ka chhuk thla ta a. Ka thil hmuh avang chuan ka ding chawt..Sitting room chhuatah chuan cushion dahin a țhu thluang diai a. TV chu uluk em em in a lo en a nih chu..a thil en lai chauh chu ngaihsakin mit a khap eih lo...a landan cute zet chu a inhre der si lova...!

'Fifty shades darker' film sexy zet leh hmuhnawm deuh kha uluk em em hian a lo en ve ngial a..a inhmeh thlawt lo..

Dimtein ka pan phei țhám țhám a, a hnunglam ațanga a mit ka hup sak chuan a țé deuh țhat a..

"Min thlah teh Dominic, i rim ațang khan ka hre vek che.." a ti deuh hmak a. "Ka nupui film en duh zawng chu leh.." Ka fiam chák tlat.

"A changtupa khi ka duh tawp..min lo tibuai miah suh..Lalpa lehh.. Christian Grey(Jamie Dornan) chhiat loh zia khi.." a la ti zui ahh..

"Huhh..A hur emai.." tih pahin ahnungah chuan țhuin ka kuah thán a. "Hur kher lo...Director te an ruahman angin a che mai a ni..dinner eipui atan min han sawm mai se la..."

Ka lo thik leh ringawt tawh...ka pa leh Jamie Dornan hi an inhre chiang a! Kan car chhuak thar la hmasa ber tu a ni ziah..a birthday party ah a sawm a nih vaih chuan Kiara hian a bepawp hrim hrim ang..Ka thlen tir dawn lo hrim hrim...

"Jamie Dornan..huhh.." ka nui pah kher a. Kiara huat tawk a tling ve em em a, min rawn nghawk sawk..a kutthlak lah hi a ná phian a.

"I en peih loh chuan han mu rawh." a ti deuh hmak a. "Talinda te kan nghak chhuak law law ang chu.." Ka tih chuan sana a melh zauhva..A țhiannu hi a ngaina hle a..Unaunu ang chiahin a en tak kha mawle...a mut san phal awm lo emai!

An inkár buai chhan lah kha kan unau vang a nia! Nuam lo ka ti viau!

"An lo thleng dawn tawh angem?" Tih sap pahin min rawn ngheng țalh țalh a. A taksa lum hiamin min nghen chuan ka danglam leh țan der..!

"Tunah dar sawm a ri tawh a, sawmpakhat bawr velah chuan an lo thleng theiin ka ring!?"

"Ok..kan lo nghah ngei chu a ngaih hmel..Chuan țawng tawh lovin ka film en lai khi min en zawh tir phawt la.."

"Umn..En ta poh che..intur i duh em?"

"Coke..ka duh e..chuan popcorn pawh.." min chhang rang mah mah..

"Wife..cinema hall a ni lo a nia..Popcorn kher chu a harsa ang.."

"Min leisak mai la..." ka lo sawi ta kher kher a ni. Ka tih sak leh ngei a ngai dawn e..Joshu hi a mu tawh angem aw..?

"Ka chhuah daih chuan nangmahin i awm dawn asin.." 

"Ni bawk si..Elina awm bawk silo..ka ei chák asin le.." ati nai nai a.

"Ok..Joshu emaw hnathawk dang ka va leitir ange.." tia, thawhsanin cottage lam pan chuan ka kalsan ta a.

A film en kha ka ngaihtuah leh a, ka nui chhuak hawk. Ka nupui hi chuan min ti phu reng mai dawn a nih hi..! Suzy pawhin model emaw a ti hial kha a nia, hmeichhe țhenkhat chu nise, artist anihna ringawt pawh hi chapo pui tham a nia. Ani ve chuan an hriatchhuah hlau takin hming dang a in vuah țáwk țáwk a. Ka nu kha la dam se..hetiang hmeichhia mahni lu zo veh vawh, midang rinchhan lo mo a nei hi a lawm viau ngei ang! Ka pa ang hian!

Joshu chu popcorn lei tura ka hrilh chuan mak a ti hle tih ka hria. Nui țha chung hian a kal ta nghal a.

Ka hnathawk zingah chuan ka ngaina ber bawk.

Inchhunga ka va luh leh chuan Kiara chu a țhut dan ngai chiahin alo la țhu a. Chips alo ei leh hmarh hmarh tawh..a hmui bulah chuan a kai liam a. Kum 22 a ni tih pawh hi ka awih lo lek lek țhin..a chang hi chuan...

"I duh ve em?" tiin a thil ken chu a rawn lek zauh a. Ka lo bu liam satliah ve ringawt..a țhutna bulah chuan țhu thla ve in a thil eina, a hmui bula kai chu ka fawhfai sak zauh a..."Min tibuai leh țan dawn a mi!?" Meng de sar chung hian a ti a.

"Tehnang..honey, zo thuai se ka ti.."

"Chuti nih chuan lo ngawi mai mai rawh," tiin a thil en ah bawk chuan rilru a pe leh daih tawh..Keipawh laptop phawrh chhuakin ka hna ka khawih ve ta a.

Joshu rawn lut chuan kan lo ngawi reng a hmuh chuan a áw a thian kharh a. Popcorn leh eitur dang emawzat a rawn khai bawr lûk bawk. Ka mitmeiin Kiara pe turin ka hrilh a..

"Kiara, ma'am, kha le.." 

"Oh, Josh, nangmaw?" ti hliaiin a nui var var a.

"Umn..ka kal leh nghal mai ang," tiin Kiara chu a nuih suk a. Ani pawh chuan bu nghat chungin eitur lam chu a ngaihven san ta a. Ka lam hnai ho zawng zawng hian ka nupui hi an ngaina chu a nih tawh ber hi...

Ka laptop ka bih ve tak na a, Kiara chu ka melh leh zauh zauh țhin. Kan nupa chauh hian awm ila a nawm phian dawn hi..

Sawmpakhat rik nan minute sawmpanga ala awm tihah chuan a thil en chu a tawp ve ta țáwk a.

Ka bulah chuan rawn țhuin ka laptop chu a bih zauh a. "I car aia țha kha ka siam tir dawn!" Ka tih chuan a nui nasa ngang mai! "I ta chu ka ta..." chimawm takin ati zui zat a.

"Chuti BMW saw ka ta tihna a ni maw!"

"Ni e, mawle...kan ta...Chuan kan in, kan khum, kan room," a ti deuh duah a. Nuam ka lo ti viau. 'Kan' tih țawngkam hian nupa kan nihna a ti nghet sawtin ka hria..!

Pawn lama car thawm kan hriat chuan kan tho rual țhawt a. Kiara darah chuan kuahin pawnlam chu ka panpui ta a. Ka nau leh Talinda hmuhah nupa inngeih tak kan ni tih lantir ka tum.

Verandah ah chuan Gavin te chu ka lo nghahpui ta a. Car ațanga Talinda rawn chhuak a hmuh meuh chuan alam panin a tlan thla ta daih a..an țhiandun hlim hmel hmuh hi alo nuam ber a ni. Ka chah sual lo ve.

Țhutkhawmna pindanah Kiara leh Talinda chu an țawng mawlh mawlh a, Gavin nen ngawirengin kan en tawp! Sawitur an ngah dan em em chu...Mak kan ti dun a ni ber..

"Bro, whisky kan dawm dun dawn em niang?"

Ka chhan hman hmain Kiara chuan , 

"Whisky maw?" a lo ti vat a. "Umn..min tllit sak hreh loh chuan.." Gavin chuan a lo chhang a.

"Tui pawlh nge pawlh loh..Husband?" Nui sang hian min rawn en a. "Khawngaihin, tui pawlh ka lo in ange, Gavin khan tui pawlh loh in thung se.."

Intur siam mawlh mawlh pahin Kiara chuan Talinda țawng chu a chhang pah zel a.

"Zanin chu Talinda nen kan mudun thei angem?" Intur min pek pah chuan min zawt a.

"Teuhlo..."

"Teuhlo.." Gavin nen kan ti rual dun țhawt a. Hmeichhe pahnih te in melh ralh chu ka hmu reng! 

"Zanin chauh te chu.." Kiara chuan a la ti hram a. Ka phal teuh lo..ka rilru ang chiah a pu ve tih hriat tak hian Gavin chuan min siai zauhva..."Hun tamtak in la hmang dun dawn chauh alawm, ka nupui tellova mut tumna ka nei lo." Ka ti deuh nghut a..whisky chu tlák papin.."Zan a rei tawh..lo inbuaipui ve tawh mai rawh u.." tiin Kiara chu ka kai sawn pui nghal daih a. Hetia kan awm khawm reng chuan kan tlaivar thei takngial dawn alawm..

"Ok...Dominic sawi kha a dik chiah..ka chau khawp mai Kiara, mut hahdam ka duh..Gavin a awm tho bawka, min ngaihtuah suh," Talinda chuan a ti ta hlauhva. Upa zawk nge nge...rem a hre țhin e..Talinda sawi avang chauh chuan Kiara chuan min zui ve ta a.

Lungawi chiah lo niawm tak hian a tûm deuh bár a. Hetiang hmel a put hian a hmelțhat zia a inhre der si lo..fawh nawk nawk ka chák kher mai! Ani lah chuan ngawirengin bathroom-ah min luhsan hmak a. Ka tih lungawi angai ngei ang!

Khumah reife ka ghak a, a lo chhuak lawk lo lehnghal..tui herh haw ri ka hre pha vek a. Inbual pawh nise zawh a hun tawh lutuk..a thinrim lah hi a nasa ve sia..ka pawh duh lawk lova..mahse a rei ták ém avang chuan bathroom lam pan chuan ka phei a..

"Kiara,"

"Kiara, honey..enge i tih em em a! I dam lo mai anga sin.." Min chháng chuang țhak lo. Bathroom kawnghar chu ka sawi ta dawt dawt a, hlauhthawnna mak tak ka nei nghal bawk. A tawpah arawn hawng ve ta hrám a..

Ka thin a rim hman deuh kha ania, mahse a hmel pawr phang leh chauh hmel zet ka hmuh chuan ka kuah vat a. Min rinchhan titih deuh chuan khum lam kan pan a..a awmdan hian ka ngaih a ti țha hlawl lo.. khumah chuan dimte in ka muttir a..a thawmhnaw ka phelhsak chuan min hnial miah lo..

Nidang chu nise a duh lo viauvin ka ring! Engemaw tak harsatna a nei a ni..mutkawr ka háktir hnu chuan puan ka sintir leh thlap a. A țawng miah bawk silova, a bula ka inthawlh ve chuan min lo kuah vat. 

Ama duhthu ngei hian min kuah khát ve khawp mai! Nuam ka lo ti hman leh pek viau! Hetia min ngai awm tak leh min mamawhna a tih lan hian nuam ka ti țhin. Mahse, zanin a chauh hmel dan em em hi a țha lo..tlaiah khan a luak vak a. Nichin pawh khan a luak leh a ni ngei ang! 

Ka lo ngaihthah lutuk deuh a ni. Ka inthiam ta lo tawp! 

"Honey," min chhan loh avangin a hmel en tumin ka kuai dák deuh a. A lo muhil der tawh..ka áwmah beiin a muhil a nia..ka awih thei lo zawk!

Naktuk chu a duh emaw, duh lo emaw in check up turin ka hruai ngei ang!?

Ka nupui damlohna chu ka damlohna a ni....A hmuiah chuan ka fawp a, a vawt thler lehnghala ka kuah ta hle hle a..Ka hmangaih thláwt a ni....

©<++++[BeckirafARenthleI]++++>®

                      Chapter-26

Ka țhanharh chuan zinglam dar sarih a ri tawh a, ka bula ka nupui mu thaw sák sák ri ka hriat chuan ka ngaih a țha veng veng. A hmel dáng lek lek hi engvang nge niang aw!? Vawiin lam chu incheck up turin ka hruai ngei dawn a ni. Ka thawhsan kha a duh lo viau na a, a harh veleh eitur a duh leh nghal thovang! 

Elina awm lo chu a hrilhhai thlak angreng! Talinda leh Gavin pawh hi an va reh ve mawle... Choka ah lutin bawnghnute ka ti lum a, Orange juice a duh viau țhin bawk alawm le..Tray ah ka nupui duhzawng chu ka rem sawk sawk a. Kan room lamah ka chhoh pui leh ta a.

Kiara tui taka mu ka hmuh chuan ka kaitho phal lo lek lek..a bula va mut ve leh mai ka duh deuh rum rum hman a. A puansin chu a kawng thlengin a lo dah thla a. A mutkawr chhana a áwmbawr lang deuh ruai chu ka hawisan hlei thei lo..A pian a nalh mai bakah a vun mám țha zet hi mipa duhthusam a ni. A bawp sei thlarh chu a khal țha reuh hle a..a kuttin leh ketin englai pawh a var sar țhin hi hmuh a nuam phian bawk..ka hmeichhe mutpui tawh ho te ang lo takin hmangaihna chendun kawngah pawh hma asawn chak hle...

A rum țiah țiah ri avang chuan ka thil ngaihtuah lai ațangin ka harh zawk a. Khumah ka țhu thla nghat vat, a chal sam hui kian sak pahin, "Good morning wife," ka tih chuan nui var var chungin, "Morning husband, ka ril a țám," a ti zui zat a. Ka rin dan vel chiah..ná nei hmel pawh a pu leh tawh lem lo..khum ațang chuan thovin ka biangah min fawp zauhva. Bathroom-ah a lut ta a.

Kiara rawn chhuah hnu chuan khumah țhuin tray chu a malchungah a dah a. Ka ken chhoh ho zawng zawng a ei fai leh vek tih ka hmuh chuan ka nuih a za hle a, "A dang i duh belh em?" 

"Duh lo ve, mahse nakin lawkah chuan ka duh leh thovang!" a la ti hram a. "Company ah i kal dawn lo em ni?" Min zawh leh ka ring reng a.

"In check up turin ka hruai phawt ang che. Chumi hnuah ka kal chauh ang," ka tih chuan ngaihdan nih loh hmel zet hian a tûm deuh hmak a.

"Dominic, incheck up ka ngailo ka tih kha," a ti deuh hmak a.

"Min hnial suh nizana i awm dan kha a țha miah lo tih ka hria, khawngaihin min hnial suh.."

"Ka țha ka tih chu mawle, hmeichhiate chuan khatiang khan kan awm fo alawm."

"Engnge in entir pawh chu i hreh viau le." Ka duh aiin ka vin mah mah. Min hnial reng hian ka thin a tirim deuh tlat! Amah ka ngaihtuah vang a nia..engmah hi a hre thiam duh lo.

"A țha e, kan in entir dawn nia," ti hmakin pindan chu a chhuahsan a, kawngkhar chu ring zet hian a khar ri bur bawk a. Tunlai a mize inthlak lutuk hi ka hrethiam lo..Talinda ka zawt tawp mai dawn em niang?

Inbualin ka thawmhnaw ka thlak vek a. Office ah kal a ngai thova, a duh ngang lo a nih leh incheck up lam chu ti lo mai ang! Ka nawrluih chuan a thinrim leh emaw anianga..kan inkar țha sa a ti buai leh vek ang!

Breakfast room ah Gavin leh Talinda chu in haw lo zet hian an lo awm dun a. He mite pahnih hi an induh ve tak tak nge? An awmdan hi ka hrethiam tehhrep lo ve a..Kiara hmel hmuh tur a awm lova..drawing room ah a awm leh pek a niang! Chulam pan chuan ka phei ta a. Kawngka a inkhar phui chiah lo deuh a, Kiara țawng thawm ka hriat chuan va pawh mai lovin kawngkhar chu zimte hian ka hawn belh a...

"Dominic hian incheck up turin min nawr reng a, engtin nge ka tih dawn?" Tunge maw a biak le..ka chungchang te an sawi bawk si. Leh lama mi țawng chu ngaithla tih hriat tak hian a ngawi deuh vang vang a. "Ka luak zeuh zeuh a, a hun hma hian a hria ang tih ka hlau alawm, hrilh hun tur a i sawi kha kan nghak thleng thei dawn lo ang riau. Vawiinah incheck up turin min hruai a tum a, kan kal a nih phawt chuan naute chungchang hi a hre ngei dawn a..." 

Engthu nge ka hriat hi..? Kiara hian nau apai a ka lákah a zep amaw!? Lalpa lehh..engtin nge a theih zawk? Tunge a naupai chungchang hi hre ve? A pasalin ka hre lova, tunge a biak? Ka fa a ni lo tih na em niang? Zawhna hlirin ka khat a.. Ka thinrim lutuk hi ka puakkeh takngial dawn!

An thusawi pawh ngaithla zawm tawh lovin, dim baksak lo hian kawngkhar ka chhuih ri bur a. Ka kal nghal nal nal bawk. 

Kiara chuan ka thawm a hria a ni ngei ang? Min ko zui lawm lawm a, a hmel pawh ka hmu peih mai mai lo..kan inrem theih nan ka inphah hniam ve a, tun țum chu ka thiam loh a ni ta lo e. Midang fa pai reng chungin kei hi min nei amaw? A ni thei lo..Kan mutdun hmasak ber khan ala thianghlim tlat a ni. Chuti a nih chuan ka unaupa fa a ni ngei ang? Kha zanah khan an lo chesual ngei a nih hi...

Ka thinrim êm avang chuan inchhung a awm pawh ka peih lo. Company lam pan chuan chak fê in ka inkhalh chhuak ta a. 

Hna pawh ka thawk thei chuang lo. Ka nupui a rai a, min hrilh lo...chu ringawt chu ka rilru ah a awm. Kiara'n vawi engemawzat min lo call a, Gavin leh Talinda paw'n min call tho. A tawpah phei chuan ka switch off ta daih a.

Penthouse-a haw pawh ka chák lo kher mai. Mahse Kiara biak ngei hi ka nupui a nihna angin ka tihtur a ni. Ka pa birthday thlen nan ni thum chauh a awm tawh a, lunghnur taka ka pa siam  ka duh lohvang chauhvin ka insum rih ang! Chumi hnu ah ka nun ațangin ka kaltir ngei tawh dawn a ni. Ka hmangaih êm avangin hrehawm chu ka ti ngei anga..ka hmangaih anga min hmangaih ve siloh chuan awmzia a awm chuang lo..

Zan dar riat velah ka haw ve chauhva. Talinda leh Gavin chuan dinner an lo kil a. Kiara hmuh tur a awm leh ta lo. Kan room-ah ka tlan chho nghal vat a. Ka lut lai min lo hmuh chuan a rawn ding chhuak a. "Dominic," ka hre lo der hmak. 

"Dominic, ka sawifiah thei..."

"Insawifiah ngai lovin ka hre vek alawm, nau i pai a..mahse ka hre ve lo."

"Ka sawifiah thei ka ti reng alawm," a ti dam thlap a. "Engtinnge i tih theih zawk le..Kiara, kan nupa inkarah hian tunge tlazep tih chu ka hre thuai ang." Ka ti hmuk a.

"Ka thusawi i ngaithla dawn nge? I ngaihdan kha i kal tlang pui dawn!?" a tih chuan rum zetin ka melh a. Pawisawilo mitmeng niawm taka min melh te chuan ka haw hlur tawh.

"Ka fa a ni em? Nge, Gavin zawk?"

"A ni tih chu i hria alawm.." ala thinrim chuang lo.

"Ka hre lo, ka hre hauh lo..phone i hmang lai kha lo hre lo phei ila chuan tunah pawh ka la hre chuang lovang! Min bum duh suh.." ka ti tuarh a. A mitmenga zámna lang hauh lo hian min en lêt kal a. "Hrilh che chu ka tum reng alawm, mahse a hun ka la ti rih lo mai a ni." Chang fak hian a ti ve ta a.

"A țha e, min hrilh ngai lovin ka hre ta alawm, ka pa party buaisaih hi zo se..min chhuahsan ang che. Amy te kha i lo thîk kawi vel a, nangmah i lo dik loh vang a nih hi..." Ka ti ta hmiah a. A mengphawk deuh hra a..maktih hmel fahran hian min en bawk.

"Dominic, a tawpnan ka insawifiahna hi i ngaithla dawn nge dawn lo?"

"Oh..Pathian hmingin..min vau ve lo mai rawh Kiara, Amy kha chuan ka sum a duh ngei mai! Mahse nang angin mi bum a ching kher lo." Ka tih chuan ná a ti hle tih a mitmeng rawn alh deuh phát ațang chuan ka hre mai!

"A țha e, ka pa party siam thleng ka nghah a țulna ka hre bik lo ve." Thinrim insum taka tiin room chu a chhuahsan ta a. Ka zui thla ve nghal ta tho a. Țhutkhawmna pindana Talinda țhu chu Drawing room ah a pawt lut dawr dawr a, a țhiannu hrilhhai hmel ka hmuh chuan ka nuih a za lek lek.

"Bro, enge in buaina? Kiara hian dinner ei turin a nghak reng che a."

"He thilah hian lo inrawlh ve suh Gavin," ka ti hmuk a. Drawing room ah luh ve ka tum chuan chhung lamah an la inkalh hnan zui ah.., hrep tak hian!Kawngkhar chu ka chhuih leh bur a.  An rawn hawn phah lem hlei lova..

Darkar hnih lai an inkhung tawh, engemaw an tih em em ni? Gavin lah chu a phi sek. A bulah chuan țhuin whisky no thum ngawt ka in tawh a!

Drawing room kawngkhar a rawn inhawn chuan ka ding vat a. Kiara ngawt ka melh, Talinda chuan min huat hmel takin min melh a. Kiara hmel landan chu..țap hrep hmel a pu bawk..an pahnih hian an ințan hle tih ka hre tho a, mahse Talinda'n min huat ve ngawt nachhan tur ka hre lo. Duh leh a țhiannu hi hua se..dik lo zawk chu amah a nia.

Nizan te khan kan hlim em em a, hlimna puar pawleng mai a lo ni si! Tunah zet chuan ka khawvel a lo kehchhe zo ta a, engtianga siamțhat leh tur nge tih pawh ka hre tawh hek lo.

Gavin lam hawi chuan Kiara chu a nui hak a, nuihza tak tak erawh a ni lo. 

"Hlim taka nuih theihna tur ila hria chu ka lawm ngawt mai!" hmusitna áw hian ka ti lui ngat a.

Kiara chu a rawn inher vat a. Min hmachhawn zawngin ading a, zám hauh lo leh mitmeng rum angreng tak hian min melh nghek phawt a. "Eng nge i duh..ka nuih avang hian i lo na viau em ni?" ngeiawm zet hian min chhang a.

"Thusawi dun," tiin ka ner sawk a. "Engthildang nge ni ang?" Tiin a lam ka pan phei chhak chhak a. Min hlau hmel a pu chuang lo.

"Sawidun duh lo tu kha tunge..Dominic Malakian!" Min cho ár reuh. A thinrim laia a landan te hlei hlei hi a țha sia, ka thil ngaihtuah mai mai chu le..hun lo lutuk.

"Tunah ka duh thung alawm," tiin dim vak lo hian kan room lamah chuan ka kai chho dawr dawr a. A țang ve nasa viau a, tháah min hneh miau hek lo le..Kan khumah chuan ka nem țhu hnawk a. A țe țhat..

"Nau ka pai tih i hriat kha, min dim lo viau suh."

"Tunge a pa?"

"Tu vak nge ni se i tih? Nangmah Dominic Dron Malakian kha mawle.."

"Dawt min hrilh chai suh," ka ti hrawk a.

"Dawt a ni tlat silova, a pawi ka ti khawp mai!" a ti deuh hmak a. Ka fa a nih chu ka ring ve tho..mahse engvangin nge ka lakah a zep kher nachhan? Fa ka áwt tih hre chung reng lehnghalin!

"A tirte ațangin min bum char char a, infiam nan min hmang a ni!" 

"A bul ațangin kan țan leh zel dawn a nimaw!?" A hmaa ka lo tih dan ang chiah chuan a țawng chhuak kher a. Ngeiawm thiam ve a nia!

"A tawk e, mu tawh rawh," ka ti ta ringawt a, min hnial dang zel bawk si.. 

"Ka mut lohvin ka țhu reng peih hleinem!" A la ti hram a. Bathroom-ah ka luhsan ta daih a. Kiara bulah hi chuan ka thinrim rei thei miah lo.

Bathroom ah reife ka awm a, pindan a ka let leh chuan alo mu fel diam tawh. Min hnungchhawn zawngin a mu ngát a. Ka ngaihbel vang nge a thau deuh riauvin ka hria! Intur dawmsan ka tum zet na a, ka țhulh leh ta zawk a..a mutthilh lai hian duhtawkin ka kuah thei alawm. A bulah chuan ka mu ve ta zawk a.

A pumah chuan dimtein ka chûl sak a, ka fa a pai hi ka lawm rualin min hrilh loh avang khan ka thinrim bawk si..He nu tereuh hian ka thluak a tibuai vek! 

Zinglam dar hnihah ka harh hlawl a. Kiara a mu tawh miah lo..Ka ngaihtuahna a buai leh nghal vek! Bathroom ka en phawt a, a awm lo. Inhnuai lamah ka tlan thla leh a, a reh țhiap bawk si..Drawing room pawh pawn lamah a inkalh thlap...Khawiah nge maw a kal le...!

Garage chahbi ka la a, pawnlamah ka chhuak ta a. A car a awm miah lo..beidawng zetin inchhungah ka lut leh a. Gavin leh Talinda'n an hre mial maithei tih ngaihdan ka nei leh thut a. Chumi hmain ka phone phawt ang! 

Switch off a inti tlat bawk sia, ka mangang lutuk chuan ka nau chu ka kai tho ta ringawt a. Phak zetin an rawn tho chhuak a. Thil awmzia ka hrilh chuan kei aiin an bo hmel mah zawk!?

Talinda phei chu a mangang nghal hle a, Seattle-ah hmelhriat a neih kan hriatpui der bawk si lova. A țhiannu takngial pawh hrilh hre lovin khawiah tehhrep nge maw a kal ang le..Lalpa..Ka nupui venghim hram rawh..

A insawifiahna kha lo ngaithla tal ila țha tur a nia..

Kiara Pov*

Dominic min tih dan kha ka ngaizam mai mai dawn lo. Party zawhah chhuak turin min ti a maw! Insawifiah ka tum pawhin a ngaithla duh lova, naute chungchang ka pa nen kan sawidun tih hria se a lawm ber tur a ni reng sia! 

Kan hrilh nghal lohna chhan pawh a pa vang a nia! Ka hmangaih ang hian min hmangaih se chuan min ngaithla em em ang. Ka lemziak ber ka zo tawh a. Khatia Dominic nen kan inhnial hrep hnu khan Talinda engkim ka hrilhfiah a, min lawmpui rualin Dominic ka hrilh nghal lo kha min dem ve tho..Mahse..a hun lai khan Amy a awm ve a..ka inthiam ve tlat!

Khuma min kuah ran chunga Dominic muhil hmel chu ka thlir vang vang a. Dimte a thawhsanin pindan chu ka chhuahsan a. Pan mai tur ka hre lo..Hetia inngeih chuang silova inkhat a chendun reng hi a țulna ka hre lo ve..

George khan ka duh hun hunah a in a kal tur khan min ti tak alawm le..kan buainaah hian a tel ve thova, ka pan phawt mai ang! Dominic pa chenna panin ka thawmhnaw pawh keng chuang lovin ka car thar chuan ka tlan chhuak ta a. Darkar khat lai tlan a ngai a, motor veivák a tlem lai a ni hlauh a, a zia phian!

Ka pa'n min lo hmuh chuan a lawm hle a. Ka kal chhan ka sawi hma hmain, amah zawk chuan a hre vek tih a lo sawi hmiah a. A fapa mangangin vawitam a lo va phone a ni awm e..

"I pan tur dik tak i rawn pan a ni, Kiara, beidawngin ka siam ngai hauh lovang che.' tiin min kuah hlu hlu a. Ka nu leh pa tak tak nilo ah chuan min hmangaih tu ber a ni. Ka țah chhuak chu insûm ka tum viau na a, ka thei ta lo.

Chhuak zetin ka țap ta a. Ka bán hma chu ka hnungah chulin, "I duh chen chen țap rawh..ka fapa hi i hmangaih tih ka hria alawm.." a ti sup a. Meng phelh phang chunga ka en chuan a nui suk a. "Mak i va ti awm ve, hmangaihna hrethiam turin ka upa tawk tawh alawm," tia min kuahin ka pindan turah min hruai ta a.

Zep lovah chuan ka thla amuang nghal siai siai mai!. Midangin nél lo mahse ka tan chuan pa nih a tling khawp mai!

Khumah min țhuttir a. Ka rilru lákpen tum tih hriat tak hian a birthday programme an duan láwk te chu min hrilh a. Sawmna hi ama lam ațanga ruahman tur a ni a, Amy kha buaipui turin a tih tak kha mawle...

"Pa, sawmna in sem chhuak vek tawh em?" ka ti sap a.

"Sem tawh e, enge ni ta?" dam thlup hian a ti a.

"Pakhat  sawm ve duh ka nei a," ka tih chuan, "Zawhna chang che ka lo hre lo a ni..ka fanu in a ngaihpawimawh  em em chu tunge niang aw..!"  a nui pah suk a.

"Christian Grey..Oh..Jamie Dornan mawle.." Ka tih chuan mitmeng buai deuh nak hian min en a. "In in hria em ni?"

"Hre hran lo ve.. ka ngaisang em a, a takah hmuh ka chák," zak deuh tak hian ka ti a. Naupangchhia min tih hmel tak hian, "Hmm..Mr.Dornan chu ka hria alawm..ka kutah dah rawh..keiman ka lo hrilh dawn nia, secretary kaltlang ni lovin." A ti ta a.

"Maw! Jamie, i hria maw!" mawl hmel zetin ka ti hliai a.

"Hria e..kan company luxury new car, la hmasa bertu a ni ziah alawm..lunngai suh i pasal rilru i hriat theih nan Mr.Dornan ngei hi kan hmang dawn nia.." A ti awl sam ét a.

A va'n nuam tak..ka rilru natna theihnghilhin ka nui ta hak hak a.

"Ka fanu, nalh thei ang bera i lan theihna turin, țang nasa ang che." tiin ka darah a béng thak thak a. "Ka fapa rilru hneh ngei tum la..chumi tur chuan duhsakna ka hlan a che." Tiin min chhuahsan ta a.

Ka phone ka on chuan missed call tamtak a awm, Dominic min call na phei chu vawi 32 lai a ni. Ka call back nguar ang.. A fa anih te a'n ring lo kual vel a..ve lutuk a..!

Party zanah a hre khawp ang..Khawvelin tunge ka nih an hriat hun tur chu...

©<++++[BeckirafARenthleI]++++>®

                   Chapter-27

Khuma mu chungin ka ham bai bai a, ka rin loh deuhin ka mutui phian! Ka pa'n min chhuahsan hnu khan ka muhil zui nghal deuh mai anih ka ring.

Ka pindan luah chu a nuam reuh hle a, hotel-ah ka lo innghat hman ang tih pawh a hlauhawm alawm le..Dominic ka pasala ka lo pawm hi ka tisual ta em ni? Engvanga min chhuah tir duhna rilru hial pu nge a nih? Á...keipawh ka thiam chuang lo.. Naute chungchang ka lo hrilh nghal lo kha pawi ka ti vawng vawng. Awmzia a nei tawh si lo.

Khum bula tui inchhawp chu ka in khawlh khawlh a. Ka luak chhuak nghulh a tihreh deuh ka rin vang a ni. Ka thawmhnaw hlipin, bathroom ah chuan ka lut ta a. Mikhual hman a tana robe leh towel fai tak an dah chu ka hmu ta a.

Robe sen duk chu lakangin ka ha a. Nghet takin a kawngah ka suih thlap. Thil ka ei vat a nih loh chuan ka luak leh dawn khawp mai..zing lam nawm loh ka nei țan der chu a nia..ka thá khur dar dar reng chu tih tawp tumin tháwk ka la vang vang a. Mikhual room chu ka enkual a, a thawveng reuh hle mai!

Ka pa penthouse chhungah hian mikhual room engzat tak awm ang maw! Thawmhnaw hák tur ka nei bawk si lo.. Va'n buaithlak tak!

Bathrobe nen chuan ka chhuak ta ringawt a. "Ka hmu che chu ka lawm khawp mai, Mrs.Malakian," nui sang chung hian nu thau lam hian min chibai nan a kut a lo phar chhuak a. "George khan i thawmhnaw tur a ngaihtuahin ka hria, engthil pawh duh leh mamawh i neih chuan min hrilh zel dawn nia! Eng thil nge i ei duh ang?" A ti leh a. 

"Bawnghnute lum leh biscuit a ni mai," ka ti vat a. "Ok..lo țhu rawh, ka lo pe ang che.." tiin chokaah chuan a lut a..Ka thawmhnaw hák tur ngaihtuahin ka pa a kal maw..kan inah a kal loh hram ka beisei..

Dominic Pov*

Zankhuain Kiara zawngin Gavin leh Talinda nen Seattle-a hotel hnaivai kan en vek a, kan hmu zo lo. A tawpah  phei chuan beidawngin kan haw ta ringawt a. Sitting room sofa ah kan țhu  țhap a. Ka á thei takngial dawnin ka hria, khawiah nge maw a kal le..a nu leh pa a be bawk si lo..A chungah thil țhalo a thleng a nih chuan ka inthiam thei ngai lovang! 

Gavin paw'n min hnem ngaihna vak a hre bik tawh lo va. Jane a chán lai kha a hrechhuak tih ka hre thei mai! A hun lai khan a nat dan tur ka lo hriat thiam pui phák lova..tunah ka hmangaih ngawih ngawih ka nupuiin zankhat lek min awm bo san tih ka hriat a ka mangan zia hi..Ka nupui leh ka fa tello te chuan ka khawvel a tawp a ni dawn a sin..

Khawvar hma lawkin ka lo muhil sek a. Doorbell ri ring zetah chuan ka harh zawk. Kan tho rual țhawt mai! Kawngkhar lam pan chuan chak zetin ka phei a. Kiara a ni mai thei asin..!

Pawnlama lo ding ka hmuh chuan ka beiseina neih ve chhun chu a reh riai riai a. Ka pa lo ding chu hmel hlim ka hmuh hleithei lo.

"Min luhtir i tum lovem ni!?" 

Ding sawn deuhin a luh theih nan kawng ka kian a. Tun ang zing lutukah engti tura lo kal nge a nih? Kiara awmloh chungchang ka hrilh miah lo..A lo hre ru reng zawk a nih ka ring ta a. Phur deuhvin ka zui lut a. 

Talinda a hmuh chuan a hmel a danglam nghal vek! "Nang hi tunge i nih? Helai hmunah hian tihtur pakhatmah i nei lo.." A vîn deuh țhak a. Ka girlfriend emaw a ti a ni chiang mai.

"Pa, Talinda a nih hi..Kiara țhiannu; chuan ka unaupa girlfried a ni bawk." Ka tih chuan ka pa hmel chu a la rum úl thova. "Kiara, țhiannu a nih chuan tinge a kiangah a awm si loh?" 

"Maw! Kiara awmna i hria tihna mi?" rang lutukin ka zawt a. Engtin nge ka pa bulah a kal ang tih ngaihtuah chhuahna chang kan hriat loh le.. Ka hahdam nghal huai mai!

"Zana i in chhuahsan duh khawp a rilru naa i siam hnu ah, a awmna te min la zawt ngam amaw? I nupui, i fa pai mektu hian chhan awm lovin min rawn pan lovang tih ka hria asin Dominic," Chhum hmuk hian min chhang a. A naupai chungchang pawh ka pa hian a hriatpui vek tihna a nia..!

"Chutiang a ni lo. Kiara'n ka lákah naute chungchang hi a zep alawm! Niminah phone hmanga midang a biak ațangin ka hre ve chauh zawk a nia, engtin nge kei a pasal ngei hi min hrilh loh?" 

"Gavin, i țhiannu nen khan lo inthiarfihlim ula a țha lo maw, i û thluak thawl zet hi kan zilh hlak ange...!" Ka pa chuan Gavin chu a melh run a. A thinrim hi chu kan unau hian kan pal zam ngawt ngam bik lo. Gavin leh Talinda'n min chhuahsan hnu chuan ka pa nen chauh sitting room sofa ah chuan in ep chiahin kan țhu ta a.

"I nupui thawmhnaw la tura lokal ka ni..a háklai nen chauhva lo lut a nia, hmeichhe hmelțha lutuk thawmhnaw lei tur chuan ka upa ta deuh a ni e. A mamawh zualpui tur pack la ka lêt leh nghal mai ang." A ti ta a.

"Ka pa, enge maw i hriat le..i fapa aiin i monu i țan zawk a maw?" Thinrim takin ka ti a.

"Ka mo nilovin, ka fanu a ni..Kiara hian ka hnen ațangin a thlawnin engmah a dawng duh dawn lo tih ka hriat vang a lo kal ka nia, a thawmhnaw chu i siam dawn nge? Keiman ka siam dawn?"

"Tunțum chu thiam lohna ka nei miah lo. Amy vanga kan buaina pawh ka chingfel tawh a. A naupai chungchang a zep kher hi chu ka hrethiam thei lo..a thawmhnaw chu aman a duh chuan rawn la rawh se..nangin emaw, keiin emaw kan pêk a țulna ka hre hauh lo." Ka ti chang fak a. Ka pa lehzelin a țan hi ka ngaithiam lo..

"Dominic, thil i hre sual duai a ni. A naupai zep tura ti tu chu keimah ka ni." A tih chuan rum zet ka melh a.

"Engvang nge tih ka zawt thei che angem?" Ka pa mah nise ka haw lutuk tlat! Kan nupa inkarah hian a inrawlh thuk mah mah a ni. Oh..fanu a awt tih chu ka hria, mahse a fapa min thlauhthla tur khawpa hlu erawh Kiara hi a ni lo..a thisen zawm loh lehnghal!

"Ngun takin ka thusawi hi ngaithla la, i nupui nen kan chhuahdun khan restaurant a kan awm laiin, nikhaw hre lovin a tlu a. Ka țhianpa clinic-ah a rang thei ang berin ka hruai a. Chutah chuan nau a pai tih kan hre chiah. I la hrereng a nih chuan khatih hun lai khan Amy inah i riak a nih kha..Kiara'n a hrilh nghal loh nachhan che chu i hrethiam tawh maiin ka ring..A pasalin hmechhe dang khum a țawmpui tih a hriat khan a nát i ring lovem ni?" A ti dam ta thluam a.

"Amy chungchanga kan buaina a fel hnu pawhin min hrilh chuang hleinem!" Ka la ti țalh a.

"Kha chu keiman hrilh lo turin ka tih vang a nih kha..Ka fapa ka haw reng reng lo che..ka birthday zana surprise che kan tum vang a nia! Nimin zinga phone a, a biak kha keimah alawm! Chupawh incheck up tura i tih khan kan plan a buai vek a hlauva..a hun hma, party kan neih hmain naute chungchang hrilh loh che kha kan titlu ta kha a nia! A taksa lam harsatna avangin loh theih lovin min rawn call nghal vat a ni.. kan inbiakna i lo hria kha pawi ka la ti fo..surprise kan tumna che a flop ta tihna a nia..!"A ti ta a.

Ka thawveng nghal hawk mai! "Kiara chu ka va hruai nghal teh ang," ka tih chuan, "I nupui luhlul zia i hre tawh emaw ka tia, a lo pawm nghal mai lo tawp ang che." 

"Chupawh nise hmundanga a awm ka phal lo..ka hruai haw dawn a ni tawp mai," Ka ti hmuk a.

"Han tum chhin la, ka va kir phawt anga, i duh leh i rawn kal ve dawn nia." A ti awlsam leh mai a. Kan ințhen a phal lo tih a sawi ve na a ni tih ka hrethiam. 

"I rualin ka lo kal ve anga!?"

"Ni lo e, ka fapa, ka rawn hmu che tih a hriat vang a, Kiara'n min huat ka duh lo."

"Ok..a thawmhnaw chu engtin nge niang?" Ka nui nghal vur vur a.

"Hák hnih khat kha a tawk mai, i in a ka kal laiin i awm lo tih ka sawi ngei angai dawn a nia, chuti lo zawng i nupui ka ngam lo palh ange!" Nui suk chung hian a ti a.

Hmanhmawh takin kan room ah ka tlan chho vat a. Kiara thawmhnaw dahna chu hawngin ka hmuh hmasak ber, jump suit chu ka la a, underwear leh bra nen, bag ah khungin inhnuai lamah ka chhuk leh ta a.

Ka pa ka pek chuan a khi suk a, "I nupui rilru hi tina ngai suh, chán i duh loh chuan, chuti lo chu tu emaw hmel duh a nei mai thei a nia!" Chimawm zet a nui chunga sawi ni mah se ka ngaih a țha miah lo. Amah lah chu a chhuak zui nghal daih a.

Kiara'n midang duh a nei amaw! Tunge niang le! Ka pa'n a hriatpui bawk tihna a nia..Chu pa chu ka zawn chhuah ngei angai dawn a ni..Ka chhuah lo tawp ang!

Kiara Pov*

Breakfast ka ei hnu fê ah ka pa chu a room ah a lo lut ve chiah a. 

"Nizan lam te i mu țha em? Kiara?"  tih pahin a bag ken chu khumah a rawn dah a. Ka makti hmel a hmuh avanga, nui suk hian, "Min zawh thui hmain ka lei a ni lo a nia, in chenna hmunah ka va kal a, thawmhnaw lei lam hi ka tih lohna a rei deuh tawh bawk nen i hákthlak ka va la a nih kha.." A ti zung zung a.

Dominic penthouse ah a va kal a nih chuan ka awmna hmun an hriat ngei dawn chu...Pawi tawp nang! Ka haw dawn tihna a ni kher chuang lova..Talinda leh Gavin pawh an ngaih a țha deuh ang chu..engmah ka hrilh ta mang si lova..!

"Ka lawm e, ka'n inthlak anga ka lo zawm thuai dawn che nia!" Ka ti a, Dominic chungchang zawh ka tum hran lo..a pa ani a, a rukin an ințan tho chuan ka ring!

A thawmhnaw rawn lák berkher chu jump suit ala ni zui! Pawilo ka ha mai niang chu..!

Ka pa ka va fin leh hnu chuan a inchhung min fanpui a, Malakian hausak zia ka hriat belh a ni ngawt alawm le.. pawnlamah min hruai a, pool zau tak chuan ka mit a la hle a, helai hmuna chén hi a chákawm hliah hliah...

"Naute i neih hunah chuan ka hnenah in cheng ve dawn nia!" Ka pa'n a tih chuan ka nui ringawt a. Ka ngaihtuahna thleng hian min hriatsak vek lo chauh a ni.

"Kiara," Min rawn ko tu chu tudang nilovin Dominic a ni. A hmel ka hmuh hian ka luak a chhuak tlat..a hmain hetiang hian ka awm ngai silova. Ka thlahlel ngawih ngawih țhin zawk kha a nia.

"Kiara," ti lehin ka bulah a rawn ding chawpchilh a. Ka pa ka va en chuan mit a lo siai zauhva..inla hrethiam vel lutuk.."Tikhan lo awm ru, inchhungah ka luhsan dawn che u a nia!" Tiin a kal zui nul nul a. 

"Hruai tur che in ka lo kal a ni." Dominic áw chu a zawi hle a. Inthlahrung te pawh a ang ve lek lek alawm le..

"Ka lo haw dawn lo," ka ti hmak a.

"Khawngaihin, thinrim tawh suh..helai hmun hi i in a ni lo. I sawi țhin kha, kan inah haw ang." Dam thluam hian a ti a.

"Ka in a ni ka ti lo..min duh lohna hmunah awm ka tum lo, englai pawhin ka pa hian min pawm reng a ni, nang ang lo takin," ka ti deuh salh a.

"Ka hria alawm, luhlul chhuah tlat lo teh, chuti lo chu..." a sawi zawm duh lo lui ngat a.

"Eng nge? min blackmail leh te i tum a ni lo maw?"

"I lo haw theihna tur a nih chuan engmah tih hreh ka nei lo. Ka rualin ilo kal dawn nge? I lemziah kha ka pa ka hrilh dawn?" A ti thum chhak a.

"Oh...tenawm viau lo teh, Dominic..kha lemziak kha ka tan a pawihmawh zia i hriat kha.." Mangang ru deuh tak hian ka ti a. Ka zui haw lo a nih chuan ati leh duh tak tak ang! Chu chu ka duh hauh loh thil a ni.

"Kiara, ka duh chu ka nei zel țhin..tunah hian ka duh chu kan in a i lo haw leh hi a ni bawk."

"Party zawh a chhuah ai chuan tuna inthiar fihlim hi ka tan a țha zawk!"

"Kha chu ka thinrim laia ka sawi a nih kha, ka fa nen hian khawiahmah in kal lo tawp ang..a țul anih chuan tihluihna pawh ka hmang duh mai ang!" a tih rual chuan min pawm nawlh a. A car dahna lam pan chuan min pén pui ta páwk páwk a. A remna laiah ka chumin ka hám a, a sáwt chuang lem hlei lova. "Min hám pilh vek mah la ka hruai haw tho tho dawn che." a la ti zui ah...

Huizz..angaihna a awm lo..

"Ka pa tal ka hrilh loh chuan ka kal ngawt thei lo," ka tih chuan, "A hrethiam em em ang, a nupui nilovin, ka nupui alawm i nih! Chuti teh ualin a ngaihven lovang! Ka nupui ka hruai haw chungchangah a lo buai ve vakna tur a awm lo.." tiin car kawngkhar chu min pawm reng chung chuan a hawng a, dimtein a seat-ah chuan min țhuttir ta a.

Tlan chhuah zui theih miah loh turin pawn lamah a lock thlap a, kan inhrechiang ta hle mai! Chhuk leh ka tum tih a man thiam pha a ni ngei ang!?

Car-ah chuan rawn țhu lûtin zawimuangin kan tlan chhuak ta a.

Ka ngawi ngal a, min biak a tum bik lo. Ka car ve kha engtin nge ni ta ang? Țawng loh ka tum ve kha a nia.

"Ka car kha, min lét pui leh rawh ka hnutchhiah ngawt thei lo a nia," ka ti hmak a.

"Lunngai suh, ka pa driver-in a lo dah mai ang," a ti liam puat a. Ni dawn tak driver pawh engemaw zat an nei ang chu mawle..

Kan penthouse kan thlen chuan kawngkhar min hawnsak hun nghakin ka țhu rán a. A la hmanhmawh lo em em lehnghal a..

In a kan luh pah chuan Dominic hmel chang tak mai chu ka melh zauh a. Talinda leh Gavin hmuh tumin ka hawikual a. A lo hrethiam a ni ngei ang!

"Anni kha chu ngaihtuah duh suh. I pasal chauh hi min ngaihven la a tawk!" A ti deuh hmuk a.

"Ka ngaihven theih turin awm ta reng che." Kan room panin step ah kan chho dun a, ka kutah nghet zetin a chelh tlat bawk. Bedroom kan thlen chuan kawngkhar chu a hawng a, ka dara kuahin min luhpui ta a.

"Tunah hian i ngaihven theih turin ka awm e, mu ang!" Nui suk chung hian a ti ta a.

Ka kawngah a rawn kuah zui zat a, "Ka lak ațanga hlat i tum poh leh ka hnaih ve telh telh ang che." Tiin ka kawr hák chu min hlihsak a tum ta a. Ka duh lo tál vel chu engahmah ngai lo hian, "Min hnial reng leh min do rengna hi bansan a hun tawh lo maw! Kiara," a ti leh sup a.

"Tisa thila inpawh ringawt hi a tawk lo a nia, Dominic!"

"Tunge tisa thil tih sawi! Chutiang ka sawi lai ka hre hauh lo." Tiin ka áwmbawr chu a tawk a. Lum ka ti țan der nia!

"Mipa ve tawk tak kha i niin ka hria a, insum theihna i neih ka beisei..i hriat ang in nau ka pai a, doctor in rem a tih hma chuan nupa nun kan hmang thei lo." Ka ti ve zaih a. Hetia ka tih mai loh chuan thiam takin min thlém leh anga ka lung a awi leh vat palh ang..

"Naute vang chauhvin i him hram e..mu hahdam ang che." Tiin ka hnial hman hma chuan khumah min muttir ta a. Ka bulah a rawn mu ve nghal bawk, min kuah pahin, "I tana țha tur i hriat chuan mutthilh tum ang che..nizan zankhuain ka muhil lo tih hria la, mut ka mamawh ve tho!" A ti ta a.

Ka awmbo san avangin a tlaivar a maw! Ka awih chiah lo. Talinda'n sawitur a ngah leh ang chu..

                     *******

Party Night*

Ka pa birthday a nih rualin kan inneih lawmna a ni tel tho bawk a. Ka thawmhnaw hák tur ka thlang uluk kher mai; Vawiin nilengin parlour-ah Talinda nen hun kan hmang a. Ka sam kawi chu ngil siauvin ka pawh tir thlap. Ka landan thar chuan min ti confi sawt bawk..

Chiffon kawrfual ka taksa rem zaih a, țhui chu ka ha a. Rangkachak rawng a ni in a sir kak chuan ka mal a tilang thui hle a, mahse zanin hian zahawm tak leh nalh taka ka lan a ngai tlat a ni. Nidang ang lo takin make up pawh ka hmang uar deuh! Kan inneih zungbun tih lovah chuan Diamond bengbeh simple angreng tak ka inbel leh tawp a. Dressing table hma a ka lo inthlék vang vang lai chuan Dominic chu a rawn lut ta a.

Dinner suit buang thák body fit a ha a. A chhip sam tih phir hi a inhmeh takzet!  Ka dress a hmuh chuan a nur náng a. "Wife, kha thawmhnaw lo kha hák tur i nei lo tih sawi hlek suh. I inhmeh viau na a, mipa dang hmuh a tan ka duh lo." A ti deuh hmuk a. Ka sam ngil ta siau chu hmu thar thut ang mai hian a mengpháwk hle bawk.

"Oh..Dominic, hmánlai hun a nih loh hi..zanin hian Kiara nilovin Maxi ka ni dawn tih i theihnghilh loh ka beisei." Ka ti deuh ngat a, huat theih miah loh tur hian ka nui lui ngial a.

Jamie Dornan a tel ve dawn miauva, Dominic rilru diktak hriat nan hma ka la dawn alawm..

'I tan eng ang chiaha hlu nge ka nih ka hre thuai ang! Dominic Dron Malakian....' ka ti ril ru a.

©<++++[BeckirafARenthleI]++++>®

                   Chapter-28

Party țan hun kha zan dar riat a ni a. Hunserh mumal tak ka pa khan a ruahman a ni. Tunah dar sarih pawh a la ri lova, Gavin leh Talinda pawh an nalh dun khawp mai. Talinda hian phuba lák a tum tawh lo tih ka hriatna ringawt pawh hian min ti thawveng huai thei. 

Drawing room-a ka hruai luh khan ka naupai chungchang leh Dominic ka hmangaih thu thlengin ka hrilh thlap a. "Mak ka ti lem lo, ka û phuba lák tumin Gavin hi ka hnaih tih ka pha lo. Mahse,  Jane thihna chhuitu lam ka rawih te'n an chhui chhuah chu racing car brake fail vang a ni an tia, Gavin pawh a thi lek lek tih ka hre lehzel a. ka ngaihdan kha a lo dik lo tawp a ni." A ti a.

"Tunah Gavin lakah eng rilru nge i put," tih ka zawh khan, "Ka hmangaih chu ka ti lo..hmangaihna hi enge a nih ka hre lova. Mahse a kianga awm hi ka thlahlel reng a ni." tiin min chhang a.

Kan lo mawl dun zia leh thil hrechiang mang lova ngaihdan kan lo siam ngawt vang khan kan nun kan lo ti hrehawm a ni tih te kan sawi a. Tunah chuan Talinda pawh a rilru a dam tawh tih ka hria, Gavin nen an inkar erawh hi chu ka sawi phák a awm lova..an in chingfel ve thei turah ngai ang.

Kei leh Dominic zawk hi a ni, buaithlak chu! 

Ka sang viau nain zanin chu high heel bun ve ngei ka duh tlat. Khum chungah țhuin pheikhawk chu ka in thawlh mawlh mawlh a. "Kiara, khatiang bun kher kha a ngai a mi! Lo tlu sual palh ta la, naute tan khan a pawi thei a...!" Dominic lungni lo hmel en tum chuan ka dák chho ha a.

"Oh..ka tlu miah lovang! Min ngaihtuah suh, ka confi ve tawk!" 

"Ok..i tih tlat te chuan..inpeih rawh le..kan tlai a rem miah lo a nia!"

"Ka present tur kha car-ah min lo dahsak dawn em niang?" Ka tih chuan a nui suk a. "Ka dah tir vek tawh, hmanhmawh rawh le.." Min tur sek sek a ka ngaihdan a ni lo lek lek. Mahse inhnial ka duh bik lo..dressing table a ka cluch dah chu la in, room kan chhuahsan ta a.

Ka pa penthouse kan thlen chuan car tam tak a intlar dul a, ka rin aiin mi a sawm hnem dawn a ang riau mai!

Car ațanga kan chhuah chiah chuan, kan lam panin ka pa chu a lo kal a. Min hmuh veleh, "In rawn tlai ka ring lo reng a ni, kan mi sawm a tam zawk chu an rawn thleng tawh a nia!" Tiin, Dominic ngaichang miah lo chuan inchhung lamah min hruai lut ta a. Dominic lo phun hluk ri chu a hre lo der hmiah.

Inchhungah chuan mi an lo tam tawh hle a. Wine no inkhak thawm leh țawng ri bengchheng zet chu kawngkhar kan luh rual chuan a reh hmak a. Ka pa in ka darah kuahin mipui lo awmna lamah chuan min hruai phei ta a. Țhenkhat chuan min en chîk hle tih ka hria, a țhen te erawh chuan George-a girlfriend ah min ngai deuh a ni mahna. Kan hnungah Dominic chuan min rawn zui ve zel a..

"Ladies & gentleman, zanin a party ka siam chhan ber te an lo thleng ta bawk a. In hmel hriattirna hun tawite ka nei a nga, party kan țan dawn nia." Ka pa chuan dawhsan lamah chuan min hruai chho ta a. Ka zám tur a ni lo..Dominic chuan ka kutah a rawn chelh vat a. Ka bulah a lo ding reng tawh chu niin..!

Mipui lam hawi chuan ka nui var var a. An vaiin tumah hriat ka nei lo..Amy Raymond tih loh chu..zanin hi Malakian chhungkaw programme siamah a tel tawpna tur a ni tih ka pa khan min hrilh avangin ka ngaimawh lem lo a ni. Kil khat ațangin rum zetin min rawn melh a, ka hre lo der hmiah thung! Min hmusit viau a, ka surprise chák ber te zinga mi a ni.

"Ka birthday a nih rualin, ka bula ding te hi ka fapa upa zawk Dominic Dron Malakian leh a nupui Kiara Forbes Malakian te an ni a, an inneih lawmna party a ni nghal bawk a ni." A sawi zawh chiah chuan kut béng riin a zui a. An phun deuh mur mur bawk. Makti awm tak pawh an nia lawm, Seattle ah kan innei tlat lova!

Tun hun tluka ka nihna pholan hun remchang a awm lo. Ka pa lam chu hawiin, "Ka present tur che hi khawngaihin min pawm sak ang che..keima kut chhuak ngei a ni a, ka hrilh láwk loh che avangin min hrethiam dawn nia!" Ka ti sap a. A ngaihna hriat loh hmel tak hian min en a, chutah mipui lam a hawi leh te te a, "Ka fanu hnen ațangin thilpek ka dawng dawn a, ama kutchhuak ngei a ni bawk, min lo hrethiam ula, in thilpek te a mal malin ka hawng dawn lo va, ka fanu min pek erawh chu kan zavaia hmuh atan ka hawng thung dawn a ni." Ring leng lawngin a ti ta a. 

Kan ruahman láwk angin Talinda leh Gavin chu hall-ah an rawn pen lut a. An hnungah ka lemziah chu Joshu leh Don, chuan an rawn zawn lut ta a, a intuam vek avangin tuman an hmu thei rih lo.

Mipui lam an ngawi țhup a. Kei erawh ka lo zám ru em em, Dominic chuan ka kutah nghet takin chelh lo phei se chuan boruak zo lo hian ka tlan chhuak daih duh ang.

Lemziak chu dawhsanah chuan an rawn dah ta a. "Ka pa, hawng rawh le.." Dominic chuan a ti a, George chu tîm ve deuh niawm tak hian min en leh phawt a, ka lo nuih sak a. Chutah lemziak an dahna lam chu zawimuang hian panin a hawng ta a.

Amah leh a nupui lemziah a hmuh laia ka pa hmel kha ka theihnghilh thei tawhin ka ring lo. A hmel a, awih lohna leh mak tihna, lawmna inpawlh nuaih mai ka hmuh chuan ka chhungril hi a lo hlim ve veng veng! Mipui lam hawiin Joshu leh Don chuan lemziak chu an hûng țha leh phawt a. Kan misawmte chuan 'Maxi' tih pahin kut an beng ta dur dur a. Mi za chuang kut béng thawm chu ring tak a ni.

Amy ka zawng ru nghal vat a. Kil khatah hmui hupin a lo ding zum reng! A meng pháwk hra a. Talinda leh Gavin chuan min lo nuih var var thung"

"Ka fanu, enge thil awmzia hi...! Ka pa makti hmel chu a la reh hlei thei lo..Ka lam pana rawn kalin min kuah ta vang a. "Ka lawm e, Kiara..ka lawm takzet! Mahse kan mi sawm te haw hunah i insawifiah ka phût a nia." A ti sup a.

Ka chhán hman hmain Dominic chu arawn țawng ve ta a. Mipui lam hawi chuan, "Artist thiam tak Thompson fanu lemziaktu 'Maxi' tia in hriat kha, ka nupui Kiara hi a ni e..." min chhuang taka a tih chuan kut an béng leh a..an phun leh deuh mar mar bawk. 

Dawhsan ațanga kan chhuk chuan lawmpuina chibai min buk tumtu te chu ka chháng seng meuh lo. A tawpah phei chuan ka pa in a rawn ti tawp ta ringawt a. Amy hmel mawlh kha..khawnge maw a lo awm daih ni..A zak ve viau chuan ka ring! Ve lutuk a..

Sawm bikte chu ka pa chuan min hmelhriattir zel a, Maxi a ti deuh kher lehnghal! Min chhuang taka min hruai kual fé hnu chuan kil khata wine no lo dawm mek, min hnungchhawng zawnga ding bulah chuan min din pui ta chat a. Chu pa chuan Norfolk jacket leh cream rawng kekawr țhui nalh tak a ha a. Hnunglam ațangin tunge a nih ka hre mai lo.

"Mr.Dornan," ka pa in a tih chuan kan lam hawi turin zawimuangin a rawn inher ta a. Lalpa leh...Jamie Dornan maw! Ka pa hian a lo sawm ta nge nge a nih hi...ka actor ngaihsan em em kha... Min hmuh chuan a nui suk a. "Mr.Malakian, i monu chu min hmelhriattir phal dawn ta lo emaw ka tia!" 

"A hming chu i hriat kha..tikhan lo inkawm rawh u..ka țhiante intur kan dawm pui ve lawk ange." ka pa inla zei vel chuan ka nuih a ti za ru hle a. A kalsawn nghal hmak lehnghal!

"Kiara,nge Maxi zawk? Ka hmu che chu ka lawm khawp mai," nelawm zeta nui var var chungin Jamie chuan ka biangah a fawp zauh a.

"Keipawh ka lawm e," zak deuh tak hian ka ti lét ve sap a. Music a rawn rik takah chuan chulam pan chuan ka bánah kaiin min kal pui ta a. A sang țha hle naa Dominic ai chuan a sang chuang lo. Khawnge maw Dominic pawh hi a awm daih ni..!

Nichin deuh ațang khan ka hmu tawh miah lo! "I pasal i zawng deuh em ni?" Jamie chuan a ti sup a. Ka hawi nasa ve bawk ém alawm le..

"Er..umn..zawng deuh tho!" Tinge maw ka zah țût le..

"I pasal chuan min melh rum khawp mai! Mahse..a pa phalna thlap a, ka bula awm i nih kha, hlauthawng suh." A ti ta a. 

A hawina lam ka va en chuan Intur no dawm chunga nula chhelo zet bula dingin Dominic chu ka va hmu ta a. A mitmeng chang tak ațang chuan enge a ngaihtuahnaah awm tih ka hre mai thei lo..A lawm lo tih chu ka hre thei tho nia! Ho emai! Ani pawhin hmeichhe dang a dinpui ve tho alawm le.. Zanin bák Jamie kiangah ka awm thei dawn si lo a....Ka inthiam chawp ta mai!

"Min lámpui duh angem Kiara?" Jamie chu ka en vat a. "yes," ka ti lo vat.

Lámtual lam pan chuan min hruai ta a. Hmeichhe țhenkhat chuan min en zui deuh vang vang tih ka hria! Jamie chuan hre ve awm hmel pawh a pu lo.

Ka mitsirin Dominic chu ka melh ru zauh a, ka chezia nguntakin a rawn thlir reng! A hmel rum tak ka hmuh chuan ka inthiam chiah lo.. 

Party chu anuam țan dawn chauh a ni. Talinda leh Gavin pawh lámtualah chuan inhnaih fé in an lam dun a. Upa lam deuh ho chuan dawhkan kilin intur an dawm far bawk a. Lámtual kan thlen hma chuan min lo be tu neuh neuh an awm vangin kan ding khaw tlai leh ta hlek a. Keimah mai nilovin Jamie ngaisangtute pawh an ni nawk hlawm! 

Dominic leh Amy rawn inzui ka hmuh chuan ka mengpháwk deuh hra a. Mahse ka inthup leh vat! Nula chhe lo tak tak an awm țeuh laiin Amy a thur chhuak leh nalh a nia! Ka thîk tih a hriat vang a nih ngei pawh ka ring!? An pahnih chuan min kalpelin phur tak hian an lam dun ta a.

Chutia Dominic leh Amy lám ka en lai chuan ka bengbulah, "I pasal sawn min thík a ni chiang mai! Mrs.Malakian," Jamie thusawi avang chuan ka phu deuh zawk a. Ka chháng lem lo.

"Lám lovin pawn lamah kan hawi thawveng zawk dawn em ni!" a tih chuan ka pawmpui thlap..Dominic leh Amy lám lai melh leh zauhvin Jamie bánah chuan ka kuah ve ta a. A lo nui suk..He pa hian engkim a hrethiam chiang! Actor tih takah min duh hmel deuh niawm tak chuan ka hmuiah a fawp zauhin pawnlamah min hruai ta a.

Party thawm bengchheng ninawm tak kalsan pawh a chákawm ve alawm le..

Páwn a kan chhuah hnu chuan second engemawzat Jamie chuan min en vang vang a. "I pasal khan a hmangaih hle che a ni." a ti ta a.

"Huh..Mr.Dornan, engmah i hre lo."

"Mipa ka nih hi..ka mipat pui rilru chu ka hre ve alawm!" A ti leh mai a.

"I hriat dik loh ve chhun a ni ngei ang!"

"Ni lo ve, min that duh mai tur hmel a pu alawm le..chuan i lemziah ho engemawzát ka kawl a sin," tiin thildang a sawi zawm daih a.

"Oh..a ni maw!" Ka ti hliai a.

"I la naupan tehlul nen i thiam hle a ni."

"Ka lawm e," ka ti sap a.

Hmalamah chuan rawn áwnin, a kut a rawn phar chhuak a, "Kan ințhian zel ang chu," a rawn ti ta a.

A kut ka lo dawm hma chuan ka tîm leh deuh hlek a, "Kan ințhian ang chu," ka lo ti ve ta a.

Ka kut chu a rawn tawk zauhva, ka mitah tak min en ngar bawk. "Ka hnarah hian bawlhhlawh a awm nge thildang vang zawk?" Fiamthu zetin ka ti a.

Jamie chu a nui ta var var a, a mit sir lamah chuan a de sar sar bawk. "Chutiang lam a ni lo," tiin a lu a thing mai a. "Party hlimawm tak an neih laia, mi nupui, hmelțha leh naupang bawk si..talent nei țha zet.. ka kianga i awm duh hi ka lawm! A ti ta a.

"Actor zinga ka ngaihsan ber bulah ka awm thei hi ka lawm fé," Ka lo ti var a. Hmelțha tia min sawi vang chuan ka lai leh ringawt tawh.

"Ka ring chiah lo..I pasal i hmangaih tluk zetin ani paw'n a hmangaih che..hlimtaka in awm theih nan duhsakna ka hlan a che Mrs.Malakian," tiin ka biangah a piai leh zauhva. Ka lo nui var var a.

Kut béng thlap thlap ri kan hriat chuan kan hawi rual dun țhawt a. Dominic chu car pakhat ngheng hian kawisawi deuh hian a lo ding a. A mit buang thák, de deuh sar ațang chuan thinrimna a lang a. Chutia Jamie nen chauh kan lo ding chu ngaihdan nih loh hmel takin min melh ngur a..Ka awm a nuam vak lo..

"I pasal thin ka tirim a nih ka ring! Ka kalsan phawt ang che Kiara, min mamawhna i neih chuan i pa in min biakpawhna tur number a neih kha," tiin min kal san ta a. 

Chutia Jamie kal hnu chuan Dominic chuan ka lam a rawn pan ta chhak chhak a. A mitmenga min tenna lo lang chu ka hmuh hmaih hauh lo...

"Kei aia i thlan zawk chu zui ta che.." A ti thum ta chhak a....

©<++++[BeckirafARenthleI]++++>®

                   Chapter-29

Mahni inringtawk taka Dominic kal nul nul chu ka umzui dawn nge dawn lo! Jamie Dornan a thik ve ngei! Ka láka thikthu a nei ringawt pawh hi a lawmawm hrim hrim, mipa ah pawh inti pa lutuk tak mai kha a ni miauva..

Inchhung lam ri luih luih chu ka hne hle a, Dominic hmel ka hmu miah lo. Ka pa a țhiante zinga intur no dawm chunga lo țhu chu ka pan ve ta ringawt a. Talinda leh Gavin hmel hmuh tur a awm leh ta lo..he mite pahnih hi chuan hmun fál an zawng reng mai dawn a nih hi..Innei law law se an tan a țha zawk ang! Sex ringawt an buaipui tho si..

"Lo kal rawh ka fanu..coke tal i dawm ve dawn lawm ni?" Nui chunga min tih chuan ka lu ka thing ná ná a. A beng bulah ka hrilh ru ta sap a, "Ka pindanah ka lo chawl hahdam a nge! Boruak hi ka zo lo deuh niin ka hria," ka tih chuan min pawmpui tak hian a lu a bu nghat a. A țhiante hnenah chhuanlam min siamsak nghal vat bawk.

Mikhual room, hmán zana ka riahna ah khan midangin min chim buai theih lohna turin ka lut ta daih a.

Ka thawmhnaw chu phelhin shower ka nei zawk a. Underwear leh bra nen khumah ka mu ta hmak a. Ka chau ve thláwt! zú lam chi reng reng ka insum tlat tawh a, party tih velah ka kal anih chuan ka rui deuh ziah țhin kha a nia! Ka naute vang hian zanin pawh khan far khat mah ka in lo. 

Ka pindan lehlama hmangaihna chen dun thawm ka hriat chuan tute nge hrilh hranpa ka ngai hauh lo. Talinda áw a ni chiang mai! Tun ang hunah pawh an inthlakhlelhna an ti lang zel chu a nia! An dem awm loh ve,  ngaihthlák a hrehawm deuh tih mai lohvah chuan! Beng hupin ka maimitchhing ta daih a. 

Khuma mu chungin ka ham bai bai a, ka puansin chuan ka inkhuh țha leh sauh sauh a. Bathroom lama thawm awm avang chuan ka meng chhuak rang kher mai! 

Bathroom kawngka chu a rawn inhawnga, mipa lo chhuak chu rang tak hian ka en vat a. Dominic lek chu niin..! Nizanah ka room-ah hian a riak ve tihna mi le..ka hre miah lo! Ka mutui hle a nih ka ring! A sang țha in a 'Pa' hliah hliah hliah a. A taksa chu a ruak kang a, boxer bák inbel a nei lo. A hmel țha zet chu ka en ning thei thlawt lo. Shower-a a inbualna avang chuan a sam chu a la huh a, a sam a țanga tui lo far chu a taksaah a luang thla a..a landan sexy zet chuan ka hrawk a ti ro halh mai!

"Dominic," 

"Ka nupuiin ka fa a pai chungin mipa dang a thlêm kual vel a nia!" Ngeiawm zet hian arawn ti a.

Min hmusitna leh huatna mitmenga min en chuan ka chhungril a ná veng veng! "I ngaih ang kha a ni lo ania!" Zaidam takin ka ti a.

"Min bum thei tawh lovang Kiara, Jamie Dornan i ngaihsan zia pawh ka hria! Nizanah a fála hmuh theihna tur i dap reng tih kha ka hre lo der ang maw! Ka nupuiin a pasal theihnghilh țhakin páwn lamah actor hur zet a awmpui a nia!" Thil tenawm tak sawi a ang mah zawk!

"Dominic, i țawngkam hman fimkhur deuh rawh," ka ti vin țhat a.

"Sawi dik loh ka nei em ni! Ka thusawi kha ka chiang khawp mai!" A ti leh hmuk a.

"Chuti nih chuan i hnenah sawitur ka nei tawh lo a nih chu," ka ti ve hmak a. Jamie chu ka ngaisang tehmeuh mai mai! Mahse țhianah kan insiam fel diam tawh. Diminic ka hmangaih a ni tih hrethiam turin ani kha a fing tawk bawk.

"I nei lo pawh a ni mahna le..! Mahse kei chuan hrilh tur che ka ngah hle thung a ni!" A ti thum chhak a. Khumah chuan rawn țhuin mitmeng dam deuh zawk hian min rawn melh a. Ka lo hawisan hmak.

"Ka chanchin hi engmah hriat i la nei na fo nge, Mrs.Malakian? Hre tur i ni asin! Kan inneih chhung reilote ah hian chuti maia tihnat chi leh hnawl chi ka ni lo. Ka fa pai tu leh lek phei chu."

"Eng nge i sawi awmzia chu?" Ka ti ha a.

"I á hle a ni." tiin ka hnute chu a rawn tawk zauhva.

"I sawi awmzia ka la hre lo fo. Á chu kei ni lovin namah kha i ni..Dominic." Ka ti ve leh a. A hmui a lo pet sawi nghek a.

"Min ring tawk lo a nih chuan sawi theih ka nei hleinem! Min kaltir i duh hrim hrim a nih chuan ka inthiar fihlim ang! I hriat angin naute enkawlna tur pawh ka thawk chhuak ve thei a, kha Amy kha nei mawlh rawh." inherin Dominic chu ka hmachhawn ve hmiah a. A hmel landan avang chuan ka thinrimna pawh chu a reh chawpchilh nghal der! Tawrhna, khawharna leh min thlakhlelhna lang zut zut chu ka hmu ta a.

Engemawchen Dominic chuan min en hnuah, "Kaltir che maw! Chutiang tur chuan a ngena min ngen fo a ngai ang ang Kiara!" A ti sup a.

"Ka pa hi i vengthawng a nih chuan ka sawifel thei a nia!" Ka tih chuan, "Ka pa hrep chu! Kan nupa inkárah ani khan sawitur a nei lo." A ti hmuk a.

"I â takzet tawh anih hi..a tir ațang reng khan..a fuh tawh lo..inbumna leh phuba lâk tumna hian engmah țhatna a nei lo..chesual dun lo puiin kan inneih phah tawh a..hlimna aiin nátna kan inpe tawn zawk a ni!" Dam thlapin engtin nge ka țawng chhuah theih zawk!?

"Nang ka hmangaih che hi átna a nih chuan ka â zel mai a niang chu Wife.." Dominic thusawi chu ka hresual a ni chiang! 

"Maw! Engmaw i sawi kha...?"

"Kiara, ka hmangaih che..tu mipa mah hian ka hnen ațanga an lák hran che hi ka phal ngai lovang," a ti ta a.

Lalpa leh...Dominic hian min lo hmangaih ve reng a maw!? Ka awih thei lo..!

"My God..kha mipa Jamie Dornan thah ka chák zia kha Pathian chauhvin min hriatpui ang! Kiara, min hrem tawh suh..nang leh i pum chhunga ka fa awm nen khan ka hmangaih ngawih ngawih che u.." Dam thlap leh zawi sup hian a ti leh a. A lamah min pawt hnaiin ka áwm ruak kangah chuan a hmai a phum a. A rawn lum deuh pap nia! Dominic hi a țap chiang mai!

"Dominic," Tiin ka kut pahnih chuan a biangah dawmin, a hmel hmu chiang thei tur chuan ka kuai dák a. A mitmeng buang thák hnawm deuh chap ațang chuan a mittui a tla a ni tih ka ring thei chiah..Hetiang khawp hian ka tán a tlawm thei amaw! A hmuiah dimtein ka fawhsak ta a.

"Keipawhin ka hmangaih che, Husband.." ka hmui ka láksawn rual chuan ka ti ve sap a.

"Wife, Pathian hmingin tuna i thusawi hnuhnung ber kha han sawi nawn leh teh." Tiin min ngen leh ta tlat a.

Nui deuh chungin, "I ngaihdan leh i ex-girlfiend te ang lo takin, ka hmangaih che.."

Makti leh awih theilo hmel pu deuh hian min en a, "I sawifiah leh deuh thei angem? Engtiklai ațangin nge tih te.." a ti leh a. Ka nuih a za ang reng hle a.

"Sawi dawn chuan a tam lutuk..a pawimawh ber chu..Jamie ani emaw, mipa dang an ni emaw, ka pasal Dominic Dron Malakian chauh hi ka hmangaih awmchhun i ni." Ka ti ta a.

"Whew..Ka lawm e, keipawhin ka nupui luhlul leh kawlh turu deuh lo hi chu ka hmangaih thei ngai lovang.." A ti leh sup a. Ka bánah a rawn vuan chat a. Ka mitah tak enin, "Seattle ah ngei hian innei țha leh ang, i duh angem?" A ti leh a.

"I ti tak tak em ni?" tiin ka hnaih ve țalh țalh a.

"Tun ang reng hian ka la titak ngai lo," A ti leh hmiah. 

"Engvangin nge inneih țhat chu i duh kher a?"

"A hmasa kha chu blackmail a nia, tunah chuan kan inhmangaihna vanga innei kan ni tih hi khawvelin an hriat ka duh a ni, engtikahmah ka kal tir ngai lovang che." 

"Mahse..naute hi.."

"Aw nge Aih"? Min tur leh sek sek tawh.

"Hmn..inneih țhat leh chu ka duh alawm, ka nu leh pa te pawh an rawn kal ve anga..."

"Dawn chiang..ka pa duhdan pawh a ni." tiin ka chhán hman hma chuan min pawt hnai leh sauhvin, thlah leh ngai tawh lo tur nimai awm hian min kuah ta a. Thawmhnaw mumal inbel kan nei lo bawk nen, kan boruak a țang nghal at mai!

Chutia min rawn tawh chuan ka taksa pum chu Dominic thlakhlelhna in a khat a. Chutah min en leh vang vangin, ka khurh dar dar thleng chuan min fawp leh vawng vawng a. A tawp thei dawn ta lo emaw tih mai tur a ni. Ka hlim ém avangin thildang pawh ka hrechang ta meuh lo.

Inthlahdul hnak hian ka lo ngheng hnai țalh țalh a. Hmanhmawhna nei hauh lo hian ka taksa chu a chul lawr dan dan a. Kan tháw pawh a rang halh halh tawh. Dominic chu rawn dák chhuakin tisa chákna avanga meng phelh phang chung hian min nuih suk a. A hmel țhat dan hi..min hîp chiang alawm...

"Ka hmangaih che..wife!" áw thám deuh sap hian a ti leh a. "Ka hmangaih ém che avang hian mipa, nangmah hnaihtu apiang che hi ka haw hlur zel,"

"Oh..Dominic," tiin a fawh tur chuan ka dák deuh ha a. Lungchim tak hian min lo fawp leh vang vang a. "Ka hmangaih hmasak ber leh ka mipa hmasa ber i ni, kalsan che hi ka duh ngai lovang!" ka ti ve ta a 

A biang leh bek velah chuan ka lo chulsak ve dan dan a. Min pawm bet chawih a, a thin phu dawt dawt pawh ka hre thei hial...!

"Ka hriat ka lo inring ngai lova, nizan ațang phei kha chuan i lakah hian ka beidawng ta deuh a ni. Jamie lákah ka hlauh ta che niin ka ngai a, Kiara" Rilru natna áw hian a ti sup a.

"Nangpawh, Amy nen in lám dun tho alawm."

"Amy hi chu nangnen kan intawn hma thil a ni. Nang i lo lan ve ațang khan hmeichhe dang tumah ka hnaih leh tawh ngai lo. Nizana ka lámpui nachhan kha chu i lo thîk ve mial tákah ka ti a ni."

"Hahh..thîk chiang e, hmeichhe dang i hnaih apiang ka thîk! Keimah chauhva pumbilh che ka duh."

"Jamie Dornan kher ni lo, ka unaupa ngawih ngawih pawh ka thîk a nia, Mahse tunah chuan ka hlauthawng tawh lo..min hmangaih tih ka hre tawh si a."

"Gavin chu hmanrua mai alawm," ka tih chuan a nui suk a. "Ka hre tawh e, aman tukinah min hrilh a, chuvanga i pindana lo lut ve ngam chauh ka ni. I țhiannu pawh i tán a țang na ngang mai!" A ti leh a.

Talinda pawh maw! Henu tak hi chu..Dominic ka hmangaih thu ka hrilh kha a lo sawi leh thawt thawt a ni ngei ang! Ka hmuh hun chuan a chák lo ang chu...

"Ka hmuh tirh phat ațang che khan ka awm hlat san thei tak tak lo che tih chu i hria alawm! Farm house-a kan awm lai a, ka hna thil a min rawn koh pawhin, chán che ka hlauh ém vangin ka aiawh turin ka nau ka la hmang hram a nia!" Zak ve deuh hmel a pu a. "I engber hian nge min hîp tih sawi fak tur ka hre lo. Mahni inringtawk tak i nihna te, i luhlulna te, á..i engkim hi ka duh vek!" Nui chung hian a ti leh a, hlimna hian a hmel chu a káp éng ve deuh a.

"Gavin kha nangmah emaw ka ti hman țhelh a. Min fawp ve ngei a, mahse maw..ka thinlung hian i ni lo tih a hre tlat. Min nawr lui deuh se, zankhatnaah khan ka mutpui hialin ka ring..in inang ve ém a ni..pawnlam landanah chuan! I unaupa hian a hmangaih hle che a ni! Khami zan khan pindan hrangah min riahtir daih a..Ka thlém hmasa lehnghal!" Zak deuh tak hian ka inpuang ve ta a.

"Kiara, mipa tán hnar i har ve ém a ni. Ka unaupa chu lawmthu ka hrilh ngei a ngai a nih chu..Lalpa..kha zan khan chhinkhatmah ka chhing lo, engtin nge in awm ang tih ngaihtuah reng rengin ka tlaivar țhak!"

"Shh..engmah a thleng hleinem! TV show nei turin a tukah Crewe kan pan nghal daih tih i hriat kha..In hmel inang mahse ka thinlungin ka mipa hmangaih chu a thliar hrang thei thung!" Tiin ka nui var var a.

"Kan la hria ang chu.." Dominic chuan cho zet hian min en a. Khumah min mut ta riai riai a.

Ka pasal a ni a, a lákah inthup ka tum tawh lo...Ka inbel chhun bei tham tak chu min hlih sakin, a boxer hák a hlip ve nghal bawk a. Dominic mit buang thák chuan ka taksa chu a en lawr dan dan a. A mitin a enna chu a kut chuan a zui zel bawk, ka áwmbawr ațanga țanin, ka hmeichhiatna thleng chuan khawih loh lai a nei lo..

Min fawp turin a nghawngah ka kuah ta a. Duhthawh takin hmangaihna chu kan chendun ta a. Min dim a tum viau ná a, a thei lo chu a ni e..Ám taka kan chét hnu chuan shower nei turin bathroom ah min pawm lut a. Chutah pawh a bul ațanga țan țha lehin kan inhmangaihna chu a takin kan lantir leh ta..Ka pasal hi ka hné thei ngai lovang...!

Bathroom kan chhuahsan hnu chuan towel a intuam hlán chungin khumah ka pasal ngheng chialin ka țhu a. Thawmhnaw hák thlák kan nei miau lova..Party na a kan hák kha kan inbel leh ngawt te a nih loh chuan...!

"Engtik nge naute kan neih ang le..?" A rawn ti thut a. Ni dawn tak engmah ka la hrilh chiang reng reng hleinem mawle...!

"Tluangtaka ka pai anih chuan tun ațanga thla sarih hnuah kan nei ang."

"Nangmah ang deuh ka duh a nia...A luhlul reuh ang chu aw..." tiin a nui hawk a. "A chhun che chuan nula lamah a tla na viau ang!" Ka ti ve zat a.

"Gavin sam rawng diktak hi i hre duh em?" Tiin thildang daih min zawt a.

"Umn...sawi la.."

"A sam hi a buang a, a mit rawng a dum thung. Ka lem a chan dawn khan ka tih dum tir a, chuan kei ve thung hi...."

"I sam a dum a, i mitmu rawng a buang thung," a sawi zawh hma hmain ka lo chhang a.

"Nang tereuh hi..." 

"Ka pasal mitmu rawng hre lo tura á ka ni lo e..." inti thei lek lek a ka tih chuan a nui suk.

"Ka hlauh hman teuh zia che kha, i hmelțhain i nalh a, i hausa tho bawk si..mipa dangin min tibuai tawh ém lovang chu..." Fiamthu titak deuh hian a ti leh a.

"Huhhh...i 'ta' chu ka 'ta' chutiang bawkin ka ta chu i ta...tih ka sawi lovem ni! chumi khaikhawmna chu 'Kan' tih hi a ni." Ka ti nawn leh ngat a.

"Ka va'n hmangaih tak che..wife..." a ti ta thláwt a. Min fawp leh țan nghal der! Ka hnial duh eih lo..A tan ka in peih at zawk a ni.

Kawngka kik ri kan hriat rualin, ka pa chu a rawn lut hlawl a. Chutia kan lo inkuah chial a hmuh chuan zak hmel a pu ve deuh roh.

"Hrep tak hian...! Ka puihna tel lovin in lo insawi fel diam tawh tih ka ring thiam mai e..." A ti hluk a.

"Ka pa, Seattle-ah ngei hian inneih țhat leh kan duh a ni." Dominic a'n a tih chuan a nui vur vur a. "Gavin leh Talinda paw'n inneih phalna min dil zo chiah a ni." A ti ta a.

"Maw!"

"Maw!" Dominic nen kan ti rual țhawt a.

"Ka fapa pahnihte inneihna buatsaih thei tura ka dam thleng hi ka lawm takzet! In hmangaih tak in neih tluka hlu hi ka tan a awm lo..Son," A hnuk a ulh ve deuhvin ka hria!

"Kan lawm e...Dad," Inthurual ang hrimin Dominic nen chuan kan ti leh a.

Ka lawmna hian van a tawng pha hialin ka ring..Gavin leh Talinda pawh ka lawmpui takzet...Ka țhiannu ka hmangaih em em kha ka unaunu a ni dawn tak tak ta e.....

"In thawmhnaw tur Joshu la turin ka tir a, a lo thleng țep ang! Lunch ei a hun lek lek tawh a. Inkhung reng lo khan in inneihna tur rel angai dawn a nia! Gavin leh a țhiannu pawh an inkhung leh tawh kha..." Tiin min siai zauhva, a chhuak ta a...

Dominic phone a țang chuan ka nu leh pa reifé kan be leh te te a. A hun tur kan la sawi theih loh avangin kan inpeih veleh hrilh kan tum thu Dominic chuan a hrilh zung zung a. Naute chungchang a hrilh laia a hmel hlimna a khat chuan min ti lawm veng veng!

A tawpah an inbiakna chu a titawp ve ta hram a. Malakian private jet-a hruai a tum bur. 

Joshu țawng lang lang thawmah Dominic chuan min chhuahsan ta a. Kan thawmhnaw hák thlak tur nen pindana a rawn luh leh chuan a nui vur a. "I thawmhnaw kha sawisel lo hram ang che, Elina a awm silova thlan tur a hre thiam lo a ni awm e," a ti a.

"Ok..a lo lák apiang ka inbel mai aniang chu..."

"A țha..nupui phunchiar deuh ka duh lo a nia.." Min fiam pah zauh a.

"Pasal thikthu chhia ka duh bik lo..."

Thawmhnaw kan inbel zawh hnu chuan lunch ei turin mikhual room chu kan chhuahsan ve ta hram a. Ka hlim ém vangin ka ril a țam tih pawh ka lo hre tawh hlei nem mawle...

"Mrs.Malakian...kan eitur min zuah ve ang chu maw..!" Talinda room ațanga rawn chhuak chuan nui var varin a rawn ti a. A hnungah Gavin a'n a lo zui ve bawk a.

"Eitur in mamawh ve a mi? Va inkhung leh mai rawh u..bro...!" Ka chhán hman hmain Dominic arawn inrawlh vat a.

Tunah chuan an unau inkár pawhin ngai a awh leh ta. Dominic sawi ang chiah khan Gavin mitmu rawng chu a dum tak a lo ni..a nu mitmeng a chhun a nih hi..Ka pasalin a pa mitmeng a chhun thung a. An danglamna a tlem khawp mai!

Ka pasal nui var var chu ka siai ta zauh a.....

Talinda Pov*

Ka ú vanga Gavin hi hnaih lui ve mai chauh kha ka nia. Accident thlen dan kimchang ka hriat meuh chuan Gavin thiam loh ni lovin racing car company neitu lam daih an ni ta a. Kha racing car kha intlansiakna an neih zawh hnu ah company mechanic lamin major check nei tura an ruat khan a lo check loh vangin accident kha a thleng ta a ni. 

Kan unau sum khawl hmang a private detective ka rawih khan report kimchang a pék danah phei chuan Jane thihna khan Gavin nasa takin a nghawng a. Kum hnih pumhlum țhak racing car khalh tawh lovin mahni inlamah a tawm chawt a. 'Pawn lamah a hmel hmuh tur a awm ngai lo a..Mi á ang maiin a awm,' a ti a nih kha.

Ka hmel a hmuh hmasak ber ni a, hlimna, maktihna leh awih theihlohna niawm tak ka hmuh pawh kha ka hmusual lo a ni tih ka hrethiam ta bawk. Racing lam chawlhsanin eizawnna mumal pawh a nei tawh lova..A phirpui Dominic hi awm lo phei se chuan mihring pangai nunphung a zawh leh hi tuman an ring tawh lo.

Jane emaw min tihna khan nasa takin min tiná țhin a, ka û boyfriend lo kawp kha ka inthiam chiah lo. Mahse, kan mutdun hmasak ber ațanga ka rilru ném tial tial ta kha hriat loh der ka tum viau ná a, ka thinlung hi ka thunun thei bik si lo chu a nih hi..Min hmangaiha min thlahlel ngawih ngawihtu a ni a, ka rilru putdan PHUBA LAK ka tumna pawh chu zawi zawiin a reh chho hret hret a. 

Ka phuba lák tumna avangin ka țhiannu ka hmangaih em em rilru ka ti na a. Ka û kha a lo tho leh dawn tihna a ni bawk si lo. A thi tawh a, Gavin berin mawhphurhna a lo nei leh si lo..Kiara ngaihdam ka dil ngei a ngai a ni. Dominic a'n Washington kal tura min rawn biak khan ka lawm hle a..

Chutah ka beisei phák hauh lohvin Gavin khan min lo hruai leh ta nghal! Washington thlenna tur sum khawlsa ka nei hauh lova..engkim ruahmanna felfai tak hnuaiah vek niin Kiara te chenna Penthouse-ah ka awm thei ringawt pawh hi ka lawm tawk..

Gavin leh Dominic mizia ka lo hrechiang tawk lo hle tih ka hre thar ta bawk a. Kiara'n Dominic a lo duh a, a hmangaih em em nachhan pawh ka hmu fiah uar a ni..

Ka lo hrechiang lo lutuk leh ka rilru puthmang chhe zet vanga thil ka tih khawloh teuh zia ka ngaihtuah phei chuan keimah ka indem ru ngawih ngawih thei nia! Ka țhiannu naupai chungchang ka hriat khan ka lawmpui em em a, Gavin ka hrilh ve vat ta kha a nia! "Lungngai mahta che, i pai thuai theihnan nupuiah ka nei ang che. Ka hmangaih che,Talinda..Jane nau i nihna ang leh Ka hmangaih min hmangaihpui tu hi damchhunga ka kawppui tur atan ka duh che." A ti a nih kha...

Gavin hi ka hmangaih em? Hunin ala hril ang chu..mahse tunah chuan ka ngaina takzet tawh a. A sawmna pawh ka hnar ta lo..

'I nihna diktak ka lo hriat chian loh vanga ka tihnatna zawng zawng che ah khan min ngaidam hram turin ka ngen a che u, 'Unknown Man,' tia Kiara'n a lo sawi țhin kha ka hrethiam ve chiah...A rui țawng mah nise, a dik hle a ni..Hriat loh mipa zûnah ka uai țan der a nia!

George paw'n min pawm thlap tih ka hria. A fapa in min hmangaihna hi a hmu thiam a nih ka ring!? Kiara nen unau kan ni dawn ta..Malakian mo nih chu ka chák ta phian mai....

End of Talinda***

Lunch kan ei lai chuan, "Kiara, Lemziak avang khan ka lawm e," Ka pa chuan a ti ta a. Nizanah lawmthu min hrilh tawh reng sia!

"Ka tih ve theih tawk a ni e," ka ti sap a. "Ka lo ngaihtuaha, ka hmuhtirh che khan hmuh tawhna che nei thánin ka inhria a. Keini upa lam tan chuan hriat reng alo har ta a niang e! Maxi tih ai chuan Kiara, tih hi ka duh daih zawk!" Tih pahin ka pa chu a nui suk a.

"Talinda leh Gavin inneih hunah ka nupui hian kan chhungkaw lem a la ziak dawn nia," Min chhuang tak hian a ti a. Ka lo meng phawk ngang mai!

An vai chuan ka chhánna nghakin min thlir țhap a. Dawhkan hnuai ațanga Dominic a'n min kheuh zawk chuan ka phu zawk! "Er..umn..engmaw!" ka ti vat a. An lo nui țhaw hlawm lehnghal!

"Kan nupa thlalák a ziak tel ve duh dawn lo aniang!" Gavin chuan min rawn fiam ve zauhva..Talinda a awm ve vang hian a lai deuh reuh emawni! Naupangchhia thei lutuk!

"Han innei fel ve phawt ula mawle..." ka tih chuan "An innei chu a ni ber alawm! Certificate chiah an mamawh tawh!" rawn ti tu chu ka pa a ni.

Dominic rawn nui hawk chu ka mitmeiin ka khap vat a..Talinda zak hmel sen țawn țawn chu ka hmu ru reng! 

Lunch nuam tak a ni..ka pa phal lo chung keini nupa chu kan haw ta a. Gavin leh Talinda erawh chuan ka pa an awmpui tawh dawn a ni...An thawmhnaw pawh kan hnathawk te kan pék tir mai niang chu...

Inhmuh leh vat intiam chungin ka pa penthouse chu kan chhuahsan ta a.

Hmangaihna hi chu a lo mak a ni..huatna te hi hmangaihnaah a in let thei a, tisa in itna pawh hmangaihnaah a chang thei tho bawk a..Hmangaihna hian engkim a lo thlák danglam thei takzet a ni.

Ka pasal car khalh chu ka en vang vang a. A hnehsawh kher mai! 

"Ka sumdawnna lam ka thlahthlam rei  tawh riau a, company tlawh zawk ka duh deuhva i lo kal ve duh em?" 

"I tih dan dan a ni mai," ka ti sap a.

A rangkachak sana bun chu a bih zauhva. "Kan awm rei kher pawh a ngai lovang, sign tur neuh neuh ka sign anga, kan haw vat dawn nia!"

"Ok..." tiin a malpuiah ka tawk zauh a. A nui suk.

Malakian motors company building kan thlen chuan hnathawk hovin Dominic chu zah takin chibai an lo bûk a. A nupui tiin min hriattir zel bawk. Țhenkhat chu makti deuhin an awm a, a țhen erawh chu nizan party ah khan an lo tel hlawm avangin hmel hlim tak min lo hmuh zel a...An mitmenga ngaihsanna lo lang chu hlim takin ka chhàwn ve zel bawk. 

Dominic office a kan luh chuan a secretary thar Amy ai awhtu pawh a lo awm reng tawh a. Nuthlawi niin, kum sawmli vel tur a nih ka ring!

"In lo kal thei chu a lawmawm e," tiin computer chu a off a. "Mrs.Malakian ka hmu thei che hi ka lawm khawp mai!" Polite taka tiin in a nui var var a. A ngainatawm reuh tawp. Nu te lam deuh a ni a. A rawn din tákah phei chuan ka dar a chen ngawr ngawr a ni. A pian erawh a nalh phian..

Dominic a'n paper a sign mawlh mawlh lai chuan coffee intur a secretary chuan min lo pe a. 

"I office chu a nuam hle a mai," Dominic lam hawi chuan ka ti sap a.

"Margaret, hna ka thawh chhungin ka nupui kha office lo fanpui ta che." Dominic chuan a ti ta a.

"Ok..Boss," Margaret nen chuan kan chhuak zui ta a. 

Show room leh motor parts dahna thlengin min fanpui vek a. Painting room phei chu pui tak a ni. Dominic leh  George thawhrim dan tur pawh ka hmu thiam uar mai! Hausa tur chuan taimák angai a, thawhrim angai bawk a ni tih ka hrethiam ve tlat!

Ground floor-a kan awm laiin Dominic chuan min rawn fin ve ta a. Office hnathawk te chu ko khawmin eitur a treat ta vek a. Hnathawk tute lam hawi chuan, "London-a kan inneihna ah tumah ka sawm lo che u a, tun ațanga rei vak lo ah hian, Seattle ah kan innei țha leh dawn a, a hranin sawmna card  kan sem chhuak dawn tho tak náin, tunah hian kan nupa ngeiin kan sawm che u a ni tih min hriat sak țheuh dawn nia. Kan lo advance deuh a ni e," Nui chunga a tih chuan kut an lo béng dar dar a. Lawmpuina min hlan nghal sap sap bawk. Hlim taka inkai rialin office building chu kan chhuahsan ta a.

Kan chenna hmun kan thlen chuan ka chau ve khawp mai! Elina ala rawn haw lo bawk nen Dominic eisiam tir ngei angai dawn a ni! Eisiam leh vel tur chuan ka ti hlei thei tawh lo chu a ni...

"Elina a awm silova, dinner hi engtin nge ni dawn?" Tlawn pah deuhin ka ti sap a.

"Lungngai suh wife, ka oder diam tawh." A ti sam ét a. "Dinner siam aia pawimawh tihtur kan nei alawm!" Tia, min pawm nawlhin kan room lamah min pawm chho ta zel a...

"Kan tih tur chu ka hresa deuhvin ka hria," nui var var chunga ka tih chuan...

"Thil man chak deuh leh hrethiam hma tak ka lo nei tel reng che a nimaw! Wife, I pasalin ka mamawhna che hi min han chháng lét ta che.." A ti ta a.

Ka țan hmasak a phût tihna a nimaw! Ka țan ngei ang..ka tan zah țulna tur a awm tawh lova..ka hmangaihna thup buai angai tawh hek lo..

A lungawina tur chu ka pe ngei ang....

©<++++[BeckirafARenthleI]++++>®

              Last Chapter -30

Kan nupa room-ah Dominic chuan min pawm lut ta a. Tunah chuan rilru hmunkhatin kan nung dun tawh ang. Duhthawh zet hian kan infawp ngawr ngawr a. "Naute tan hian a țhat loh phah ém lo'ng chu!" Ka tih chuan...

A lo nui hawk a, "A nu in i hriat loh chu a pa talin ka hriat angai a ni tihna a nimaw! Naktukah incheck up turin ka hruai ang che." A ti ta a.

Khumah chuan kan tlu dun ran a, hmanhmawh fahran hian kan thawmhnaw inbel chu kan phelh a. Dominic taksa ruh țang mai ruak vek a awm chu ka en vang vang a. "Ka hmangaih che Dominic..Oh..ka hmangaih takzet che..." ka ti no ta hnàp a.

"A nih min han entir teh le..chét ziain," tih pah chuan a chungah min pawt kai ta nawlh a. Ka tihtur ka hai lo kher mai! A hmui lum ham ham leh fawh chákawm zetah chuan ka fawp ta a, a kawng hnuailamah ka kut chu dahthlain a mipatna chu dimtein ka tawk a. Uar theihtawpin hmangaihna kan chendun ta a.

A bawp thahrui ngah hmel tak sei thlerh thlawrh, a dar pharh hlai țha tak leh in khaithli thlarh mai chu ka en kham thei thlawt lo. Ka pasal a ni lo ang tih ka hlau ru ngawih ngawih!

After 1 Months:

Wedding Venues Seattle...

Wedding hall zau leh ropui zet, mihring sanghnih leh zanga zet zawt len theihna hmun chu Malakian chhungkuate chuan an hire a. Vawiin hi kan inneihni a ni a, Malakian phirte chuan a rualin nupui an nei dawn ta a ni.

Talinda mothuam man zawng zawng ka tum vek a, ka unaunu ni mai tawh tur leh ka țhiannu nibawk tan insen so hi ná ka ti lem lo. Kei lo chhungte leh țhianțha a nei bik lo a, ka pa min hringtu in a kai lut dawt a ni. A upa zawk nupui ka nihna ang leh innei tawh sa kan nih avangin kei erawh chu George an min kai lut ve thung dawn a, hei hi ka nu leh pa remruatna a ni bawk.

Hall zau pui chhungah chuan mipui an țhu khat tlat a. Ka zám ve deuh lek lek thei nia! In lam ațanga hall kan panna kawnga Dominic leh Gavin chu Rolls car- in an kal a. Kei leh Talinda Mercides car in kan kal ve thung a ni.

Malakian cars company staff zawng zawng sawm an ni a. London ațanga ka chhungte lo kalna tur senso Dominic a'n tum vek a a tum a. Mahse ka pa in a phal ta lo..an inhnial fé hnuah ka pa duh dan zah sakin Dominic chuan keimahni kan inbuaipui a phal ve ta hram kha a nia!

Hall pawh a nalh thei ang bera chei a ni bawk a. A vawihnihna tur ni tawh mah se, ka tan chuan a hlu em em tho a ni. George a'n min kaih luh lai chuan mipui an lo ding țhup a; music ri riai riai chuan ka hnuk a ti ulh ve lek lek! 

Kan in cheidan tur engmah Malakian unaute hian an hre miah lova. Talinda nen a rûk thei ang berin kan buaipui a. Chutiang bawkin anni pawh engmah kan hriat sak bik lo..Dominic leh Gavin te lo dinna hmun kan thlen chuan ka hawi hai hman viau!

A chhan pawh an inang ém a ni! Suit dum dak hlarh an ha ve ve a, an inthuamdanah danglam na awm lo..an sam thlengin a dum ve ve a..Gavin paw'n a la ti dum tho tihna a nia! He mite pahnih hian eng rilru nge maw an put ni...min tih zah an tum chiang mai..! Talinda ka pa in arawn hruai lut ve leh ta a. A mokawr hák chu a inhmeh reuh hle a! Keimah ang bawkin Malakian unaute lam a hawi chuan a chiai hle a. Ka nuih alo za ngang mai!

Ka dinna bul a lo thlen chuan ka beng bulah, "Unknown Man," a rawn ti sap a. Ka nui chhuak teuh ngei mai!

Mipui lam chuan min thlir țhup a. Dominic leh Gavin chuan kan țhian dun chu min en reng a. An nui duh țhak lo lehnghal a! An mitmu rawng pawh a buang ve ve tlat..! An mahni hnaih fé ah ka ding a nih loh chuan hriat hran ngaihna a awm lo.

'Lalpa..min pui hram rawh' Talinda zám hmel lutuk ka hmuh chuan Dominic te chu ka ngei lek lek! Tenawm dun lutuk mai!

Inneih hunserh kan țan ta a. Pastor chuan Malakian unaute kiangah Talinda nen min hruai ta a. Ka pasal ka hriat hran theihna turin ka insawrbing a. A upa zawk nupui ka ni a, Dominic ka hriat theih chuan Talinda tan Gavin chu hriatsa a ni dawn a ni.

Dominic leh Gavin te hmaah tak chuan ka va ding a. Mit khap eih lovin min lo en dun a, ka vei lamah ka tawlh phei hleka, engmah ka 'feel' lo... tlémin dinglamah ka pen phei leh a. Ka thinphu rang dat dat ta avang chuan ka dinglam a mi ngei hi Dominic a ni tih ka hria. Nui sak chung hian, "Husband," Ka ti ta sap a. 

Ka pasal hmela lawmna leh hlimna lo lang chhuak avang chuan thaw ka la hak. Talinda paw'n Gavin a pan ve ta vat a. Zungbun inbuntir hun leh thu chham zawng zawng te chu a rualin kan ti vek a. A hma ang kha ka ni ta lo..hlimna thuk tak nei chung leh ka hmangaih tan liau liau țha takin ka chham chhuak thlap a. Nupa kan nihna min nemngheh hnu chuan hunserh a zo ta a. Kan invawn hmasak nen kha chuan a dang ta hlak mai...

Thlalak chhung rei lutuk chu ka hné hman hle a. A tawpah phei chuan Talinda leh Gavin chu kan inthiarfihlim san ta daih nghe nghe a. 

Inneih lawmna a zawh vek hnuah Gavin leh Talinda Honeymoon hmangtur kan thlah liam leh te te a, Paris-ah an kal dawn a ni. Keini ve thung chuan honeymoon hman kher, țul kan ti ta lo.

Ka nu leh pa hlim hmel khan keipawh minti hlim hle a... An fanu hlimna an duh ber a ni tih min hrilh nghe nghe!

Ka nu leh pa chu ka pa(Dominic pa) khawhar an hlauh avangin a penthouse-ah an insawn a. Hun tháwl min pe leh hrám tho..Nu leh pa te nge nge..fate hmangaih hi a lo ná aniange! Min ngai tak chungin an inthiarfihlim ta kha a nia!

Kan chénna hmun kan thlen chuan mut vang vang ka chák ber tawh..

"Wife..ka nau nen min thliar hrang thei kha ka lawm takzet..ka hlauhthawn zia kha i hrethiam phák lovang!" Dominic chuan a ti ta a. Khumah inngheng rialin kan mu a, ka dul a chul hauh hauh reng a.

"Ka thinlungin a hria che ka tih kha," intithei deuh takin ka ti ve sap a.

"Talinda buai hmel ka hmuh khan ka nui chhuak țep alawm, lence inang kan vuah bawk sia!"

"Enganga danglam pawhin inchei mah la, ka hre zel thovang che."

"Ka hria a, ka chhuang hle che a ni." A nui var var a.

"Honeymoon hman i duh bawk si lova, a hmain kan hmang tawh lo bawk nen.." A ti leh sup a.

"I kianga ka awm chhung chuan a hran a honeymoon hman a ngai hleinem! Kan damchhung hun hi kan honeymoon chu a nimai!" Ka ti ta a.

"Ka kalsan ngai lovang che...ka hmangaih che.." tiin ka hmuiah a rawn fawp ta vang vang a.

A tuka ka harh chuan ka pasal áwmah ka la bei chial a. A mitmeng buang thak chuan min lo melh reng a, a harhna a rei tawh hmel viau!

"Ka ril a țam hle mai, breakfast tur siam ila..." ka ti nghal a. A nui suk.

"Kan siam ange..lo mu rawh. Mut tam i mamawh a nia!"

"Mu bik lo e, ka bulah i lo mu dawn te a nih si loh chuan.."

"A nih chuan intifai rawh le..inhnuaiah ka lo nghak ang che." A ti ta a.

EPILOGUE

Kumkhat hnuah chuan kan fanu leh fapa te baptisma chang lai chu insi riala ding chungin kan en a. Puithiamin an lu a tui thianghlim a rawn far chuan an țé rual țhat a. 

Ka naupai chhung zawngin ka pasalin nitin min hmangaihna a lantir fova. Phir ka pai bawk nen ka in zo lo hle a, Elina bákah nurse pahnih leh housekeeper pakhat kan lák belh bawk.

Kan fate'n baptisma an chang tawh bawk a. London-ah ka nu leh pa te tlawh turin thlathar hian kal kan tum a ni.

"Fá neih ve an chák tawh riau a nih saw!" Dominic chuan ka bengbulah a rawn ti sap a. A enna lam ka va en chuan Talinda leh Gavin chuan khawdang hawi miah lovin kan fate baptisma chang lai chu an lo thlir a.

Talinda pawh a rai ve tawh a, naute en turin an rawn kal sek zel kha a nia! George paw'n a tûte pahnih chu a átchilh hle bawk. Malakian junior (Gavin te fa) a pian hma chu, an hnéna cheng turin min sawm reng zel a. Chu erawh Dominic nen kan hnial thei hrám.

Kan penthouse a nursery room zau hek hawk kan siam tir a. Naupang toys a tam ngang mai! Kan inneih nawn khan nau ka pai tih an hriat hlawm vangin kan present dawn pawh naupang toys hlir deuh thaw a ni.

Seattle-ah pawh lemziak tur tamtak ka hmu a. Nau awmtu kan nei tho náin ka lo hnar zel a. Ka fate hi keimah ngeiin buaipui ka duh a ni. Kan room-ah naute khum kan dah tel ve a, a chhan pawh ka pasalin riah hran tir a phal tlat lo. Ka hnunglama thawm ri hlek ka hriat chuan lehhawi thuai a.

Dominic-an a fanu muhil lai pawma ka lam a rawn pan chu ka hmu a. "Wife, i fapa saw va pawm ve rawh le.." Nui var var a, atih chuan naute mutna lam pan chuan ka kal ta vat a. Huhhh..a harh chai si lova..min tih der chiang! 

Ka pasal lam hawi chuan ka lei ka chhuah zauhva, "Dominic Dron Malakian, an țé deuh hleka i pawm zel zawngin aw..i duat sual khawp ang.." ka ti a. Mahse, kei ngei pawh ka insum thei chuang lo. Ka fapa muhil lai biangah chuan ka fawp zauhva.

"Mrs.Malakian, fá țha tak tak min pek avangin ka lawm e..." A áw chu a thutak hle a. "Engtik nge UNKNOWN MAN, lemziak kha min pék dawn le..." A ti ta a.

Ka hrechhuak leh chiah, kan intawn tirha Dominic lem ka ziak kha Crewe-a ka aparment-ah pack thlapin ka dah alawm le..inluah man ka la chawi vek thova ka bungraw tam zawk a la awm hrim hrim bawk.

"Hahh..ka pe lutuk ang che..țhutkhawmna pindanah kan tár i phal dawn phawt chuan..." fiamthu deuhin ka chháng a.

"Ka nupui lemziak a nih phawt chuan kan inchhung hmuntinah hian tár ka phal..."

"Umn..kan zin hunah kan la dawn nia..kawr ha lo ngei a i awm lai a ni tih kha i la hriat ka beisei...khalai ațang daih tawh khan ka lo duh tawh reng che tihna a nia." Lai ru deuhvin ka sawi chhuak ta a.

"Keipawh ka ni tho alawm..zak duh mahta che.. hetiang em em hian hlimna min thlen dawn tih hria ila chuan..."

"Oh...Dominic, kei pawh ka hlim alawm..ka hlim takzet.." tihpahin ka pasal chu ka ngheng țalh țalh a.

"Ka fanu hi ka'n mut ange..chumi zawhah, kei min nei hi i hlim takzet em? Tih i lantir dawn nia wife..." Nui var varin a ti ta a.

"Yes, ka inpeih e..husband..." ka ti ve sap a.

Ka pasal, ka hmangaih Dominic Dron Malakian hlimna pe turin ka thawmhnaw hák lai chu ka hlîp ta sat sat a.....

               ***THE END****

Ka story beitham tak 'Unknown Man' min hlutsak a min chhiarsak tute zawng zawng chungah ka thinlung takin lawmthu ka sawi e...

                     #KA LAWM E#

©<++++[BeckirafARenthleI]++++>®