LUIGI SHINODA (Completed)

LUIGI SHINODA

Ziaktu: Becky Rafa Renthlei  (B®®)

RHAPSODY

"I nunah vawikhat ka lo lût tawh a, tunah a vawihnih nân ka rawn lût leh dâwn ta. Min hnar tumin thiam thil 'show' chiam mah la, kei hian ka chhuah tawh dâwn miah lo che." Awki hniam leh mahni inringtâwk taka a ṭawng chhuah chuan ka lo nui ru sak a.

"Vawi hnih te chu a tlêm êm mai, chatuan daihin lo lût ta mawlh che.." ka nuih zatin a hre deuh nge, a mit paw phât chu a meng zau deuh kâwk a!

He mihring nunah hian ka lût ve ang a maw! Sì! Ka lût a nih phawt chuan ka chhuak leh mai mai tawh hauh lovang.

Chapter 1

Santa Marinella

Rome- Italy

8:00Pm

Ka cousin Bianca Birthday chhim tura min sâwmna chu ka hnial hrep hnuah a lungawi theih ngang loh avangin peih lo zet hian ka kal ve ta a. Tleirawl hawklak an tam mai bâkah thâwm a bengchheng mah mah a ni.

"Hey, Luigi, helamah aw.." Bianca in tur dawm chunga lo phei chu ka lo melh reng a, tunah kum 19 a tling chiaha bialpa chhiar sen loh a nei hman tawh hial ang chu!

"B, ka awm rei hman lo a nia i present tur hi la lâ ka chhuak mai ang,"

"Sì (Aw le), ka ṭhiannu lo thlen hunah i haw dawn nia i hmel hmuh a châk ve a," a ti ham ham a; Bianca ṭhiannu pawh engteh ual a ni chuang lovang amah ang a phawhawr leh bialpa ngah tho a ni leh dawn sa.

Intur dawmin music ri bengchheng zet kara tleirawl lâm suau suau chu ka thlir reng a, hmelṭha fê fê an awm nual! Mahse, ka nupui hual Stella Costa tluk tur an awm lo hrim hrim.

Chutia ka thlir reng lai chuan hmeichhe pakhat sam buang thâng, 'A chêr mah mah' a nih hi tih tur a rawn lût ta a; Bianca nen inkuahin an nui hawk hawk a, saw nu saw a ṭhiannu chu a ni ngei ang! Ka lam pana an rawn kal lai chuan leh lam ka hawi deuh hmuk a; kei, kum 34 ka tling tawh a, saw ti ang naupang lutuk ngaihven rual ka ni lo nasâ.

"Luigi, ka ṭhiannu hian a hmu châk che a.." ka bulah rawn dingin min chhoh melh hâ a, a hmelṭha kher mai, a mit rawng a hring a ni a, a sam rawng nen a inmil chiah lo deuh.

"I ṭhiannu chuan hming a nei em?" Nelawm taka lan ka tum hauh lo.

"Carli Davino, Carli tiin ko mai rawh, tikhân lo inkawm u la ka ṭhiante zingah ka'n awm leh lawk ang e," a sawi zawh rualin a kal sawn nal nal a, 'Carli Davino' a hming hi ka hriat hnu a ang hlê mai!

"Signore, ka hmu thei che a ka lâwm.." a nui san san a, a ha var rual ṭhap chu a nalh vei phian.

"Min hmuh châkna chhan tur awm ang ka hre hauh lo,"

Zak hmêl deuhva min melhin,"Luigi Shinoda i ni lo em ni?" A ti ta a.

"Ni e, ka hming vânga min hmu châk i nih chuan hei, kan inhmu tawh a i kal thei," ti nghutin Wine semtu ka hûi zauh a.

"Grazie Sir, (Ka lawm e ka pu. BRR)" ti sapin a kal kiang ta a; tû hmeichhia mah hi an upa emaw an naupang emaw ka ngaihven khu chûk lo. A chhan chu Luigi Shinoda hian hmeichhia ka mamawh belh lo êm a ni! Ka nupui hual Stella, model ni bawk hi ka duh tâwk viau.

Intur dawmin rei vak lo ka ding khawmuang leh a, mi sawmruk chuang an awm tawhin ka ring, Bianca ṭhianteho hi e, ka ngainat zâwng chhete eih an awm lo.

Nichina hmeichhia kha a ṭhiante zingah pawh awm ve lovin kil khatah intur a lo dawm ve rân a, a ruih hmel phian! Zu lam pang a in ngai lo nge, a in thei lutuka duh aia tam a in zâwk?

A ṭhutna lam panin ka phei ta a, nichina ka chhân dân kha thil mawi a ni miah lo; mahse, tleirawl tê tê min zartute hi hnawhkian nghâl zel loh chuan buaina ka tâwk tam mai mai.

"Signore, i va mal ve a..?" A bul ka thlenin min lo be vat a, a ruih tawh hmel kher mai.

"Kei aia i mal lohna ka hre bik lo."

"I lokala ka mal lo chiah chiah." Tia din chhuah tumin dawhkan a nem a, a kut no zet leh fai sar chuan ka mit a la ang reng.

"Kha ti anga rui chunga Party hi i awm tluantling a nih chuan tu emawin a mutpui châk ngei ang che, Bianca anga bialpa ngah i nih phei chuan.."

"Ka bialpa ni mai la.." a nui ta hak hak a, a zâm lo ve hrim hrim nge a rûi ṭawngah ka ngaihsak dâwn!?

Keia pawh chu hâw tum khâ ka nia, henu hian eng tin emaw tak min pawt tlat nia maw le! Biak zawm zêl châkna ka nei ta a.

"Miss Davino, i rui tawh a nih kha.."

"Ka rui lo tu'nge ti? Bianca room-ah khawngaihin min lo hruai, heti ang boruak hi ka zo ve lo," a irhfiak zui ak ak a.

Hnial ka tum ûk a ka duh leh ta lo. "Lokal rawh, ka hruai ang che," ka tih chuan a rawn pai phei deuh nak a, ka lo vuan ding hman hlauh. A rui ṭhing ve hle mai.

Carli Davino kuah chungin inchungah ka chhohpui ta a, chak zeta Bianca lokal ka hmuh meuh chuan step tâwp ber kan thleng tawh.

"Luigi, Carli kha a inchhiar to teh mai a nia, vawikhat mutpuiah 'Euro' eng emaw zât a ngai a nia," ka beng bulah a rawn ti ta a. (Euro hi Italian pawisa hming a ni BRR)

"Tû hnenah nge pawisa chu pêk ngai a?" Mutpui ka tum vang pawh ni lovin hriat ve hrim hrim ka duh vanga zâwt ka ni.

"Ka drawer-ah i lo dah dâwn nia ka room in hmang thei ang," tiin inhnuai lamah a chhuk leh ta a. Hahah! Henu hi pawisa châwia mutpui chi maw!? A hur hma mah mah!

Chumi hnu chuan Bianca room-ah kan inchhawm lût ta a, Carli hmel phelh phang leh meng sí sap chu a nalh ru zêk.

"Italian mipaah hmelṭha ka tiber che," khumah a let thla nghâl tap a, min ngaihven hûrh hran miah lo!

"Hmelṭha min titu zingah i la naupang ber."

"Min ngaihvena room thlenga min hruai avangin ka lawm e, naktuk zingah ka haw mai ang, mang ṭha aw.." khuma puan inthlep chu pawtpharhin a inkhuh zui daih a; a chezia maksak deuh leh a ṭawng dan inpersan tak te chuan amah hriat chian châkna min pe tlat nia.

"Kha ti ang lawmthu sawina eng atan mah ka ti lo. Helai hi i in a ni lova haw rawh.." ka tih chuan mut chhuah hmêl taka min melh chung hian, "Haw zâwk rawh, ka tibuai tawh lovang che," inla polite zet hian min nuih der ngial a, a chhûngril a nui lo tih ka hmu thiam ve vek.

"I duh duha i tirh káwi tur ka ni lo." Tih nghut pahin Bianca room-a intur inchhawp tlar dul zînga pakhat la chhuakin ka inthlit a, kawngkhar rawn inhawng pawh ka lo hmu lawk lo va!

"Carli, khawiah nge?" Mipa sâng lam deuh ruih hmêl fê hi a rawn lût chawpchilh a, khuma hmeichhe mu nen min melh tawn sek hnuah, "Zanin a tân ka be fel vek tawh a; Mister, min chhuahsan thei ang." A ti ta a.

"I rawn tlai hret, kei nen kan lo inremsiam hman chiah, min chhuahsan zâwk rawh." Ka dâwt sawi hre chhuak tura Carli a meng lo hlauh chu a tihzia hle mai.

"Dâwt sawi suh," tiin min vîn ve khang lâng nia!

"Chhuak rang mai rawh, i awm lohna turah i awm rei chuan i inchhir palh ang e.." ka aw dam ruih phêna hlauhawm rim nam lo lang tel chu a hre thiam nge thinrim zet hian a chhuak tau ta a.

Kei hi ka â deuh nge nupui hual nei reng chunga hmeichhe tleirawl ka'n ngaihven tlat chu le. Ani lah chu a mutui êm em a, vawikhat tal mutpui loh a chhuah a tân chuan a uiawm deuh ka ti.

Rui deuh hnâpa whisky ka in hnuah chu nu bulah chuan ka inthawlh ve ta a, a taksa lum ham ham leh a lungphu dat dat hre phâkin ka kuah ta a.

Mipa dangin duh tâwkin an mutpui ṭhin chu a ni âwm a; mahse, a hmêl hian a zir êm alawm.

Khawvar dâwn hnaihah ka harh ve chiah a, kut lum thar tharin ka kâwnga a kuahna chu ka hre hmasa ber! Rang lutukin ka meng chhuak a, Carli mitmeng fiah kâkin min lo en reng chu niin!

"Ka kianga i mut ve ngawtna chhan hre lo mah ila thil ṭha lo eng mah a thleng lo tiraw?" A nui leh ta var var a.

"Thleng turin i duh em ni?" Min kuahna a kut dah sawn sakin ka ṭhu chhuak a, "A thleng si lova ka lawm e, vawiinah inhmuh kan tum dawn nia," tiin ka inrin hma chuan a tho chhuak a, pheikhawk pawh bun lo leh a purse pawh chuh miah lovin pindan aṭangin zu tlân chhuak daih a!

A mâwl a nih lo vêk pawhin a zak a ni ngei ang, khatiang naupang lutuk bulah zankhuain hun ka khawh ral a nia! Ang lo lutuk.

'Vawiinah inhmuh kan tum dawn nia' a ti em ni khâ? Haha sì, khawiah khân min hmu lovang, a rui a la harh chiang lo a ni mahna.

Khatiangho hmuh phâkah ka inlâr mai mai ngai lo. Tuna min hmuh nachhan pawh Birthday party-a ka kal vâng zawk a nia; khâ Carli Davino khân min hmu fuh mai mai chauh a ni. Luigi Shinoda hmu tur hian security eng zât nge paltlang ngai a hre lo a nih hmel.

Kei hi Luigi Shinoda ka ni a, Italian mipa hmelṭha thlan chhuah zingah Top 3-a lang pha ka ni. Mahse, mî rin loh dan deuhvin vantlâng hmuhah ka inlan ngai mang lova news paper-erawh ka luah hneh hlê.

'Shinoda Jet Charter Company' neitu ka ni miau a, Rome khawpuia millionaire, Billionaire thlengin England leh Australia, California-ah ka company siam chhuah personal Jet plane hian hralh a hlawh ber a! South America lama thawn chhuah tumin hma kan la mêk bawk.

Chutih lai kâra tleirawl awm ṭha duh lo leh man chawia mutpui te zawng ka rilrem hlawl lo; mahse, kha nu têreuh khân min hîp ru riau, a hmel ṭha phian bawk si.

Feet 6'3 a sâng ka ni a, ka nu British a nih vângin ka vun a hâng uchuak lo, Italian mipa te neih ang sexy leh 'riau' awm ṭhin erawh ka nei kim thawkhat.

Ka company Jet Airlines model tur vawiin hian lâk a ni dâwn a, hmeichhe eng emaw zât interview tur an awm tawh a, chûng zingah chuan ka nupui hual pawh a tel ve dawn! A ber hauh tum hmeichhia kha a ni tlat a, ka remti vak lo nâa a tum lui miau si a ka nupui hual a nih vânga lâk ngawt ka tum hek lo. Engkim a paltlang ve vek tur a ni dawn lo'm ni?

Bianca room-ah rei awm tawh lovin kha nu pheikhawk leh purse kha pack ṭhain ka hâwn ta a, thil hlû eng mah hmuh tur awm nghal lo chuan!

A hmêl nung sar leh a nui hmel mitthla chungin ka office lam ka pan nghal a, khatiang hmeichhia kha hmuh nawn leh châk mah ila ka tân a la naupang mah mah. Bâkah zawrh theih hmeichhia hi ka ngaisâng lem lo.

Ka office hi chhâwng chung bera awm a ni a, elevator-a ka luh laiin ka body guard pahnihin min rawn zui nghâl bawk a, zinglam dâr sarihah min hmu ang tih an ring pha eih nang.

"Sir, i car bulah khuan hmeichhe pakhat a dinga kan lo hruai chho dawn em?" Guard number one-in a tih chuan nui suk chung hian, "Lo buai suh a ding ve châk a ni ang e." Ti liam puatin elevator button ka hmet nghâl a, an hawihai hmêl en duh lo vin ka luh san hmiah.

Tu nge ka car bula ding hriat ai chuan vawiina interview hmachhawn tur list check hmasak a pawimawh fê.

Travelex Limited

Italy- Shinoda

Nula pian nalh leh chhe lo fe fe eng emaw zât an rawn lût tawh a, zawhna pangnga ṭheuh ka zawh hnuah atu amah ka mit tlung an awm lo!

"Sir, pakhat tê mah thlan tur i hre lo a nia! Pathum chiah an awm tawh." Ka personal Asst Stefania-in a tih chuan ka kiai suk ringawt a.

Ka mi duhzawng an awm lo a nih chuan ka close rih mai tur a ni.

Hmeichhe rawn lût thar ka hmuhin ka ner nûng a, tu dang ni lovin nizana ka chhar chawp Carli Davino lek!

"Eng nge i rawn tih ve dâwn?" A incheina ka en lâwr dan dan a, Kamis senduk mar ṭang a ha a; kekawrbul dum leh boot a bun mawl tawp! Hetiang thawmhnaw nena interview a hmachhawn ringawt pawh hi a tla sa.

"Sir, interview tur ka ni e," min hre ngai miah lo niawm tak hian a meng ralh a, ka hai lo chiang ê. Min bum a tum reuh em maw ni.

"Nizanah pawisa i hlawh chhuak si lova i rawn lût ve ringawt a ni maw? Nge, min umzui i tum?"

"Min lo hrethiam la, advertisement i tihchhuah ka lo hmu a.." ati ṭha ve mai.

"Nang ang kum tling lo hian eng model hna mah i thawk thei lovang, i hnute kha model hnute ang a ni lo a nia," tiin a âwmbâwr lian vak lo chu ka melh zauh a.

"Hmêla leh! Hnute lian deuhin ṭangkaina a nei lêm em ni?" Tih pahin a ding hliai a, nizana a nui hmêl ang kha hmuh tur pakhat mah a awm lo. Chutah mitmeng rum âla min melh lêt chung hian, "Tu hmeichhia mahin i hnuaia thawh an peih lo ang Signore Luigi Shinoda!" Tiin a ner sak a.

Ka secretary lam hawi hian, "Madam, i boss hi hnute lian deuh zawnpui hmasa rawh.." a sawi zawh rualin zâm map lo hian a chhuak nal nal a, a la naupan hmel nen a ṭawng chaltlâi zêk.

Stella a rawn lût ve a, a taksain model pian nei mah se ka zawhna chhân theih a lawi a nei lo! Ani pawh lâk loh tur list- ah ka dah tel hmiah.

"Stefania, guard -ho hrilh la rang lutukin nichina hmeichhia kha umzui rawh se," Ka Asst ner sak chu engah mah ngai duh lovin ka ding hluai a.

"Sir, atu ber kha?"

"Hnute sawitu kha maw le, a hming sawi kher a ngai em ni?" Duh aia ka'n vin chu le!

"Sì Sir,"

Ka office tukverh aṭangin hnuailam ka thlir thla a, chhâwng sawmparuk zeta sâng aṭang chuan eng mah ka hmu pha teuh lo. Carli Davino kha an lo hruai lêt lo a nih vaih chuan..

Darkar chanve hnuah Guard thaw huam huamin a rawn lût a, "Sir, kan man hman ngang lo, a chimawm si!" A hah lutuk vangin ṭawng pawh a ṭawng ṭha thei lo nia maw le.

"Hahdam rawh, hahdam rawh.."

"Sir, kan umpha lo 23 Avenue-ah a tlân lût daih!"

"Chu lai hmuna kal tur chuan car lo dah chhuak rawh u, keimah ka kal tel bawk ang." Ka tih chuan makti lutuk hian min en hû a, "Sir, keimahni kan kal mai ang,"

"Ka sawi ang chuan ti rawh u.." min hnial ngam tawh hek lo, Stefania'n min zui a tum chuan ''A ngai lovang, advertisement thar tichhuak la ni thum hnuah interview ko leh rawh." Tiin office ka chhuahsan ta a.

GTA Spano Car-in min lo nghâk reng tawh a, bodyguard pathum leh ka driver nen 23 Avenue lam panin kan tlân chhuak ta a; kha nu chimawm zet kha Jet plane model atân a ṭha phian ang. A chhan chu a kum a la nau a, a huna zak lo thei hmeichhia mahni lu zo veh vawh kan mamawh a ni.

Rei ngial kan zawn hnuah Carli Davino inti tumah hmuh kan nei lo! Beidawng zetin office lam kan pan leh ta a.

Ka nunah hmeichhia chhiarsen loh ka seng lût tawh a, chung zingah chuan Stella hian min hneh ber; mahse, duh aiin a chapo leh tlat ṭhin hi amah ka ngainat zîktluak lohna pakhat a ni.

'Carli Davino' A mitmeng hring râm Australian Zawhtê ang maia meng kawlh hrâ kha eng ati nge ka mitthlaah a châm reng le!

Office ka chhuahsanin 'Plough Way Bar' ah ka lût kawi zawk a, Bartender-in nui sâng chunga, "Mr Shinoda, wine thleng thar kan nei i nupui hual tan hawnsak rawh," tiin min lo be sawt sawt a.

"I chhuan viau chuan ka car-ah pahnih lo va dah ula kan châwl ve hlek ang e." Private room ka puala an dah lam panin ka phei zui ta a, stool chunga hmeichhe pakhat lo thle bâk bâk chuan ka mit a la ta riau! A hmel hmu lo mah ila a sam rawng leh a boot bun a ṭang sâwn ka hmeichhe zawn kha a ni tih ka hre mai.

"Hey, Davino.." a rawn hawi duh ṭhak lo nia!

"Carli Davino," tia ka koh nawn leh chuan zâwimuangin a ṭhutna stool tivirin min rawn en ta a.

"Shinoda hnute lâwm a!" A la ṭawng ring em em zui a(h)!

"Hmêli..." Bar chhunga mite mitmei vêng hman tawh hek lo, ka awrâwl vîn ṭhak avang chuan ka lam an rawn hawi ṭhup a, "Shinoda chhe lo pa.." nui ar ar chungin a ṭhutna aṭang chuan a chhuk tharha ka lam panin a rawn phei ta a.

A sam buang thâng chu a sei angreng hlê a, kawr tawngchham zet inbelin a mal khuhtu awm lova lang vâr haih chuan chu laia mipa awm ve te mit a la viau ta ve ang. 'In duh leh min thlîr ṭhup rawh u' ti niawm tak hian a kal larh larh a, kum 19 a nih loh pawhin 20 vêl bâk a niin ka ring lo.

Ka dinna zâwn a rawn thlen chuan ka mawngtam a min ṭhâm sak nawk pah hian, "Interview lai ka ni lo a nia," a sawi zo chiah tihah chak lutuk hian a tlân chhuak ta a, ka hawihâi lutuk nen ûm mai nachâng ka'n hriat loh chu le!

Ka harh chhuah meuh chuan Bar chhunga mite an nui tet tet hlawm a, thinrim insehruh ṭeuh chung hian pâwn lamah ka chhuak zui ta nghâl a.

'Dio' min va tizak kher ve le.

Eng ang pawhin umzui mah ila ka hmu zova ka rin loh avangin thinrim ru ṭûn chungin car-ah ka ṭhu lût ta a.

'Carli Davino ka hmuh leh hun hunah che i chungah eng thil nge ka tih dâwn i ring thiam pha lo ang' ka tichhuak sup a.

Shinoda Jet Charter Company neitu hmusittu leh mî nuihzata siamtu hi ka chhuah hauh lovang..

A teuh lo, ka chhuah lovang.

B<++[BeckirafARenthleI]+>RR

LUIGI SHINODA

Becky Rafa Renthlei

Chapter-2

Davino Penthouse

Santa Merinella

Carli Davino.

Ka hmanhmawh lutukna lamah ka inchhuih phei nawk nawk a, Luigi Shinoda khân min lo umzui ka rin avangin chak mangkheng hian car-in ka tlanchhuak zui ta nghâl a. Ka chênna hmun ka thlen meuh chuan ka thaw hle hle thei nia.

Kei hi Carli Davino, kum 21 a upa ka ni a, ka chênna hmun dik tak erawh Milan a ni thung. Ka nu leh pa'n min boralsanna kum thum a liam tawh a, ka unaupa Lorenzo kiangah hun eng emawti chen ka awm hnuah keimahin ka pa in pakhat zâwk Milan ami Davino Apartment- chhâwng hnihna ka luah ve ta. Tuna ka awmna hi ka nu private Apartment Santa Merinella hmun a awm a ni ve thung.

Ka pa sumdawnna 'Oil company' erawh Lorenzo-an a enkawl a, ka tuina zâwng a nih ve hlawl loh avangin modelling ka zir ta a! Mahse, ka pa sum khawlsa leh a company-ah erawh chanvo eng emaw zât ka nei. 'Nula hausa' tia sawi tur chu ka ni ve reng.

Bianca birthday kan lawm zâna Luigi Shinoda nen khum khat a kan mudun ve ngawt kha zawng, mumang nuam tak niin ka hria; mahse, a nungchang polite lo leh nelawm lo zet kha ka ngaina lo mai pawh a! Italian mipa hmelṭha bera an thlan ni mah se nungchang mawi a neih chuan si loh chuan ka ngaisâng em em bik lo.

Ṭhutkhawmna pindanah dinner nen ka inchawi phei a, TV ka en chuan 'Nithum hnuah Shinoda'n interview a buatsaih leh dâwn' tih a rawn puang kalh kalh a, keimahin ka'n nuih hak chu le.

Khapa khan min va ngei dâwn tak! Ka awm dan chimawm zet kha a rilrem lo tih ka hre reng mai si a, chhaih buai ka châk zek zek. Ani aia ka la naupan vangin min nuihzat ve khanglâng a, a nunah inrawlh pha lo mah ila Model atana min lâk ngei theihna turin ka ṭang mar tur a ni ringawt.

Doorbell a rawn ri zawt zawt a, kei hian vawikhat mah inlêng ka nei ngai lo! Hlau ru deuh reuh chung hian ka bihthla ta a, a thim bawk nen tu nge tih ka hmu thei miah lo! A aia nasa zâwka kawngkhar an rawn sâwi leh tâkah chuan ka hawng ta nge nge a.

Sì! Pawnlama mipa ding chu he khawvela ka mi hmuh duh loh number one.

Luigi Shinoda hmel dur khap ka hmuh chuan ka nui tâwi tak nia! Ka chhîp aṭang a ka ke ler thlenga min en chhuah dap hnuah, "Miss Davino, ka umzui loh che i ring rêng rêng em ni?" Tih pahin inchhungah a rawn pên lût ta a.

Ka tlânchhe leh dâwn nge, eng tin nge ka lo hmachhawn ang tih ka ngaihtuah rauh rauh lai chuan, "Tlânchhe mah la ka ûmzui leh tho ang che, zanin hian Euro sâng chuang pawh inchhiar mah la, man lovin ka mutpui dâwn khawp mai che." Thinrim tih hriat zet hian ka samah min phih dawrh a, a hmelṭhat nen a nungchang a khaw lo zêk a nih dawn hi.

"Mr Shinoda, min hai a ni lo maw, call girl ka ni lo.." zâm lo anga lan ka tum viau nâa ka thei lo a chhâ chu a ni e.

"Nangni ang ho hian min chîm buai in châk zek zek a, i duh chu ka pe ang che." Ti lehin ka kut hnunglama ka suih tlat chu a pawt phelh a, ṭhutkhawmna pindan lamah min kai phei dâwr dâwrin min nem ṭhu hnawk nia maw le!

"Hey, eng nge i hriat a!?"

"Luigi Shinoda timualpho tu chu hrem lohvin a chhuak lovang, zanin hian ka mutpui dâwn khawp che tih hria la; pawisa erawh i chân thung ang." Chiang fek fawka min chhânna chuan ka chhungrilah hlauhna namên lo zuk siam thei a!

"I mutpui mai mai tura hmeichhe nikhua lo ka ni lova man chawia mutpui theih lah ka ni hek lo." Din chhuah tuma ka ke ka chêt chuan ka dârah vuanin min hmer salh a, ka che ngam tawh dêr lo.

"Kan la hria ang chu," dîm baksak lo hian min pawt tho-in ka hmuiah nazetin min fâwp ta a.

"Min khawih suh," ka sawi zawh rualin a aia ring hian, "Luigi Shinoda'n min pawngsual a tum a nia!"

"Bengchheng suh," a ti hmuk.

"Sarah, Nicola, Manuelle...lokal r'u," tia au tuar tuar chungin min vawnna ka thingthlaa Sofa lo hnai ber ka zuan khum ta a, ka va han infit zak zak ve le.

Thinrim lutuk vanga thaw hawk chung hian Sofa a rawn zuan khûm ve a, pâwna tlânchhuah ka tum chiah chu rang lutukin ka kawr hnungah a rawn man ta chaih mai le!

He Apartment-ah hian tu mah koh phâkah an awm lo hrim hrim. Luigi hlauhthawn nân dâwt sawiin ka au chiam chiam tak nâa awmzia a awm eih lo.

"Tenawm nu, i duh leh âu leh lá.." tih pahin nghet lutuk hian min pawmbet ta a, amah a palian bawk nen ka che thei îkhaw lo.

Ka kum a la nâu a ni mahna; mahse, khawvel hi ka lo pal darh zau ve tawh a, chuti mai mai chuan minti bîk hauh lovang.

"Luigi, min thlah rawh.." min kuah nghet lutuk a ṭawng chhuah a har ṭalh mai.

"Ka duh ang ka tih hma chuan ka chhuah dawn lo che, nula fel ber ang ziazânga i han awm vêl chu le!" Ka kawr hâk lai ka inrin hman hmain ka lu lamah a hlîp chho tâwk a, ka lo ṭê ring ngei mai.

"Bengchheng lo mai rawh.." ti leh nghutin ka kekawr bul hâk pawhthlâk leh a tum chuan ka kê hnunglamin a ngalah ka'n kick ve chu a nia, a nui hawk ri chuan ngaihno a bei lo kher mai. Zanin hian mipa hmelṭha lutukin min pawngsual a tum ta mai em ni? 'Zaidam leh duat takin min thlêm ta se ka hmin awl dâwn asin le." 'Pathian ka lamah a ṭan hrâm beisei teh ang'

Sofa-a min bawhbeh lai te chuan a remna a piangah ka lo ham ve ang tâwk tâwk a engah mah a ngai lo. A thinrim inhrosa thâwm chu a 'Pa' ru phian nia!

"Luigi, min thlah loh chuan i inchhir ang." Rum eltianga ka melhna chu eng hû-ah zu ngai lo va! A thâ a thlah chhin lo reng reng! Saruak ngalngata min muttir hnuah uluk fê hian min thlêk a, 'Sal' niawm ang a min enna chuan ka thin tertek a kaitho ve ta.

Ka tactic thlâkin a inring lo lai chu ka fâwp ta thut a, a meng buai deuh nak ka hmu hman. 'Bisogna' tia a phun sup ri chuan ka beng a verh zar mai.

A thawmhnaw inbel lai a phelh sawk sawk a, min fawp chhunzawm leh zatin ka âwmbawr lian lutuk lo kawh vah chu a chûl lawr ta dan dan a. 'Luigi...'

"Carli..'' kan ṭawng rual chiah.

Ni e, mipa chhe lo ka tih ber leh hausa turu lutukin min pawngsual a tum chu a nia! A chêt dan dam ta thluam leh serious ru riau te hian ka dâi ngai loh ram fan châkna thinlung min puttir tlat nia maw le.

Mahse...

Chuti maia hneh awlsam nih ka tum lo bur. Saruaka ka hmaa ṭhingṭhi Italian mipa nalh uchuak hi ka bum ngei tur a ni.

"Luigi, helai chu a rem lo ka khumah aw.." no thei ang bera ka melh chuan a nui suk a, a mitmeng tisa châkna a khat chuan khawdang a hawi lo.

"Pawisa hlawh tur i ni lova khawi hmun pawh ka tân rem lohna a awm lo." Min fawh tuma a rawn kûn hniam lai takin a pumah ka tlawhsak ta a. A eu awrh chu ngaihven zui duh lovin rang lutuk hian insaseng tumin ka inperh tho a, "Tenawm firfiak nu, hei hi chu i cho chhuah liau liau a ni." Ka tukkhum samah ṭhamin min hnûk a ni hrim mai.

Chumi hnua thil thleng chu mumang chhawng sawmpakuanaa thleng tur atana ka duh loh ber thil a ni ta!

Hnung lam zâwngin a mipatna ka chhûnga a rawn luh chuan ka ṭê eih lo. Ka rin lo thil a nih vâng leh hetiang êm ka chunga thleng tura ka beisei loh avangin ka ngawi ngal a, ka mittui luang tur erawh dankir a har ta.

Ka Apartment chhunga a lo luh khân min fiam mai mai a nih ka ring kha a nia, kum 21 chhunga ka lo vawn him ka thianghlimna heti maia min lâksak hi 'ka na lo' ka tih chuan dâwt ka sawi tihna.

A duh tawk a ngah hnuah, 'Carli' tia phun supin min nam sawn dawrh a, nula thianghlim ka nihna hian a shock ve deuh a ni ngei ang!

"Shinoda, hremhmunah kal rawh, kal ngei ngei ang che." Ka aw khûr thunun tumin theihtawp ka chhuah a. A mitmenga eng emaw lo lang zuai ka hmu hman! Eng nge a nih erawh ka chhiar thiam lo.

A thawmhnaw a inbel zawh vek hnuah ka thawmhnaw ka lamah a rawn theh phei a, ka hamna vel thi ser ser leh a bân duk raih chu ka hmuh hmaih bik lo.

"Kha..." a wallet aṭanga pawisa tam tham fê phawrhin ka kutah mi hmehbel nawk nawk a, ṭawngkam khat mah a chhâk chhuak lo. Chhuata thi far fep chu melh zauhvin, "Ka hre lâwk bîk lo tih i hriat thiam ka beisei." Tiin vawikhat pawh min en nawn tawh lo hian ka Apartment a chhuahsan ta a.

Kan inchai chhûng leh ka taksa chhunga a lo luh lai kha hun rei lo tê ni mah se ka damchhunga ser nung ka pâi tur a ni tih ka hre nghal vek.

A eng pawi nge ka sawi a, khatiang êm thlen duhna rilru a put tâk le!?

Rálkhat aṭanga ka lo hriat ṭhin Luigi Shinoda kha anna pakhat mah a nei lova a hmelṭhatna leh a hausakna pawh eng mah lo mai a ni. Mipa tenawm uchuak tak a ni ringawt.

Ka thawmhnaw inbelin ka mittui luang ngiai ngiai chu ka kut hnunglamin ka hru tâwk a, ṭahin sâwtna a nei lova ka hmeichhiatna a 'Shinoda Ramhuaia' sulhnû la châmbâng ka silfai laite chuan phuba lâk dan tur kawng tin rêngin ka dap ngial a, ka hre thei mai si lo.

Carli Davino, Bonis Davino fanu hi chuti maiin ka tlânchhe dâwn reng reng lo. 'Misual chu hrem lohvin an chhuak tur a ni lo' tia ka pa thu sawi ngaihtuah lêt chungin ka khumah ka meng tlaivar zak.

After 3 days

Ka râlthuam famkim nen dârthlalang hmáa ka din meuh chuan ka zâm ru hle a, vawithum khuh deuh kharh kharhin, "Arianna Grico Australian ka ni a, Jet company model interview tur ka ni e.' Tiin ka aw ka tidang lam chhin vel a, 'Naa, ava har ve le!'

Khatia Luigi'n min kalsan hnu khân ngun taka inngaihtuahin phuba lâk dan tur ngaihtuah reng rengin ka hmanhlel ta kha a ni a; chuta ka ngaihtuah chhuah chu ka hming leh ka lan dan thlâk danglam hi a ni.

Nimin chawhma chhung khân ka mamawh tur engkim ka lak khawm nghauh nghauh a; thawmhnaw tawngchham leh thémlém inbel ṭhin kha business suit ṭhui nalh tak tak paruk leiin sam ka tidum vek bawk a, ka mitmu rawng erawh 'lense' pâwlin ka thlâk thung a, ka sam kâwi ta vek chuan 'Nula inringtâwk tak' angin min lantir ve ta deuh.

Feet 5'7 a sâng ka ni a, high heel ka bun leh lek phei chuan Australian model nalh uchuak tak angin ka lang tih ka hai hauh lo.

'Shinoda lo inring rawh le' tia phun sap chung hian Lipstick sen hlar ka inhnawih tâwk a, Carli rilru tinatu hi chuti mai maiin ka chhuah lovang.

Maserati car dumpâwl chhunga ka luh meuh chuan ka va'n confi si êm!

Shinoda Travelex

Limited Private fly

"I file khaw'nge?" Zawhna min zâwttu Stefania chu zâm hauh lo hian ka en a.

"Model interview nei turin file ka mamawh lo, ka taksa en la, ka hmêl en leh la i duh duh zawhna min zâwt rawh." Ka ti hmak.

"Tu nge i hming?"

"Arianna Grico Australian, kum 25."

"Sir, Arianna ka rawn luhtir dawn a nia i inpeih em?" Tiin intercom aṭangin a boss a bia a, Luigi Ramhuaia hmuh ka huphurh ru ngei mai; mahse, tun hi ka paltlang a nih chuan ka hmabâk thui tak a hril dawn?

"Lokal rawh le.." tiin ni thum liam taa hnâwl ka nihna office-ah ngei mai chuan min luhpui ta a.

Luigi Shinoda Suit dum dak hlarh inbela lo ṭhu chuan min melh lo hrim hrim!

Businessman tih takah a smart leh hlê a, a hmêl ṭha vawr hi vawikhat tal ben ka châk a nia. A hnar ngûl sâng vah te a khabe ruh kual invuah dik zaih leh a mitmeng pâwl phât te hian hmeichhe tam tak a hîp ṭhin a, kei ngei pawh min hîp a nih kha; Mahse, ka chunga a chêt dan mawi lo tak leh tenawm uchuak khân amah min huattir miau si.

"Miss Grico, Australian maw i nih?"

"Yes,"

"I thawh tawhna file i nei lo nge, hmeichhe tlahlang i ni zâwk?" Ngun zeta min en phei chuan min hrechhuak ang tih hlauvin ka thaw dêp dêp nia!

"I sawi ang chu ka ni lo ve ve?" Ka ti hmak a.

Chumi hnu chuan zawhna pathum min zawtin ka chênna hmun min zawt leh a, ka sawi awm lo em mai.

"Ka mimal chênna hriat kher i tân a ṭulna ka hre lo, ka kal ang e.." ka tih chuan rang zet hian a ṭhutna aṭangin a rawn tho chhuak a, uluk lutuka min thlêk leh ngial hnuah, "Stefania, interview tur midangho kha kaltir tawh rawh le, Jet charter chuan Arianna Grico hi a en chhin ang," tia a secretary a biak chuan ka thâwl huai huai mai alawm le.

Chumi hnu darkar chanve chhung chu Jet Plane model atan a training tênau Stefania nen kan en dun a, Luigi Shinoda pawh kan kiangah ṭhuin min en leh vung vung zel tih ka mitsirin ka hmu ru reng.

'Dio (Pathian. BRR) min hriat chhuah tir lo hrâm rawh' tiin ka ṭawngṭai ru hial.

"Miss Grico, naktuk aṭangin Milan Private Charter-ah shooting kan nei dawn a, make up eng mah rawn hmang suh ang che." Tia Luigi ṭawng chu dârsan âkin ka lo ngaithla a, ka bu nghat ringawt.

Ka nuna mipa hmasaber hian ka nihna dik tak hrechhuak tur chuan a beih ve fê a ngai ang. Ka original sam erawh a rawn ṭo chhuah hmaa ka dum zêl a ngai dawn tihna.

Lorenzo ka unaupa hnen aṭangin car thar leina tur ka dîl tawh a, Milan-a ka Apartment-ah awm hmun ka sawn mai dawn a ni.

Lo ngawi tak rawh, tunge i tih nat i la hre mai ang ti rilru chung Luigi chu ka nuih tlawn ta sak a...

B<++[BeckirafARenthleI]+>RR

3.LUIGI SHINODA

Becky Rafa Renthlei

Chapter-3

Ciampino Airport

Private Jet|Fly

Luigi Shinoda

Ka hmaa nula ding inkhaithli thlarh leh confi zet mai chu vawi hnih vawi thum ka en tawh a, ka company siam chhuah Jet Plane Charter hmâa a taksa a'n síksawi kual ve chu en loh a har ve bawk atin ni.

Arianna Grico anga zei hi ka chhawrte zingah pakhat tê mah an awm lo mai ni lovin amah tluk tur zu awm hauh lo va!

"Stefania, cameraman kha hrilh la, Shinoda Jet bulah zâwk khân shooting nei leh rawh se." Tia hrilhin Adrianna nui sâng chu ka thlîr vang vang a, kei hi ka dik miah lo, Stella ka nei reng chungin kha nu hawihhai lo zet leh nula Virgin kha ka mutpui teh ngawt a, ka rin ang hmeichhia a nih loh avangin ka inthiam lo hluah hluah bawk.

"Sir, eng mah hrilh hriat angai lo, USA lama kan thawn chhuah tur hi advertise leh ila kan duh tawk dawn em ni ang?" Arianna nen ka lam panin an rawn kal a, Stefania nena tehkhin râlah phei chuan 'Lei leh Van' anni ringawt.

Lunch break kan neih lai pawhin kan model thar chuan min ngaihven lo hlê a, a boss ka ni tih hria ang pawhin zu awm duh dêr lo va!

Carli Davino bawk ka mitthlaah a rawn lang leh a, Bianca sawi ang hmeichhia a lo ni lo tawp tih ka hriat chhuah bâkah ka tum loh dân a ka chêtna khân rilru nuamin min awmtir thei lo reng reng.

"Miss Grico, helamah lo phei teh," Tih pahin ka ṭhutna aṭangin ka ding chhuak a, private Jet fak lârtu tur atan chuan he nu tluka ṭha hi an awm thei lovang.

A taksa chêr lam deuh leh Bikini chhana a hnute hmur thlâ lo lang te chu hre awm pawhin a lang lova a sam dum hlap leh kâwi chiat a biang hual chhaptu chu a inhmeh kher mai!

"Mr Shinoda min ko em ni?" Ka kianga a rawn din tâkah chuan ka hmuh hnu ang riauva hriatna ka'n neih tlat chu le!

''Ko chiang e, Mr Shinoda tia koh ka duh lem lo, Luigi a ni tawp mai."

"Ka tân chuan Shinoda i ni tlata ka boss i ni bawk; tin, i hming ka lam dan tur chungchângah sawi vak tur i nei lo a nia ka thû thû." Red wine dawhkana inchhawp a in vei khalh nia!

"Ka sawi ang chuan min ko mai rawh, hmeichhe tih mawh deuh chhawr hi ka duh vak lo a nia,"

"Chuti a nih chuan min chhawr lo thei reng, tunah pawh hian en chhinna kan ṭan chauh a nia, ka lawm e Mr Shinoda," ti nghatin kal sawn a tum a, ava chapo êm êm ve le!

"Ngawi rih teh.." A bâna ka vawn chuan eng tin emaw tak ka taksa pâwn lam a fan raih raih thei nia! Mahse, mipa taksa leh hmeichhe nalh lutuk taksa a insîkte chuan 'Ṭêk' chhei chhuai mah se thil awm lo a ni hauh lo.

"I kut lasawn rawh," rum fê hian min melh a!

"En teh, Arianna, contract sign ila i hlawh tur kan sawifel dawn nia."

"Hmeichhe tih mawh i ngai thei lo a nih chuan i hnuaiah ka thawk thei lovang, a chhan chu tûn ai hian ka thu ka duhin sawisel tur pawh ka la hre tam dawn a nia," inti vei zet hian a thawmhnaw dahna bag-a la a Stefania lam hawiin, "I boss kha lo enkawl ṭha rawh ka zûnah a uai palh ang e." Ngeiawm taka nui lui sak chung hian Maserati car nalh zetah a pên lût ta a.

Eng ati nge a hmêl leh a ṭawngkam chhuakte kha ka hriat hnu ang tlata ka ngaih le!?

Chutah inngaihtuah harh thutin Arianna tlân liam tur chu ûm tumin Sports car chhungah ka lut ve ta a, ka chhuah phal teuh lo; ka ngaihzawn vang em em pawh ni lovin ani ang Model kha hmuh mai mai tur an awm dawn lo tih ka hriat vang a ni.

MILAN -Rome

Fiano Square

Arianna Grico car ka umpha ta ṭâwk kha a nia, tûn hma pawh a mihausa ho chenna hmun Fiano Square-a a tlân luh chuan mak pawh ka ti lo. A nungchang leh a hawiher reng rengah Model satliah ni lo vin mihausa chhungkua aṭanga lo chawr chhuak a ang tlat!

Kum 25 a inti ve bawk tak nâ a, ka awih teh chiam lo. A sam mawlh mai kha a inhmeh uchuak êm a ni.

Ka phone ah lai a rawn rik chuan rang zetin ka pick a. Stella Costa a ni.

"Luigi, zanin party kha ṭhulh theih a ni miah lo a nia ka pasal hual tel lova kal ka tum lo a nia," a rawn ti nghar nghar a. A ṭawng no lutuk leh eng emaw hlek a 'ka pasal hual' tia min ko sek hi ka kham leh thut zel.

"Fiano Square ah hna thil ka la buaipui a, a hmunah kan inhmu dawn nia."

"Jï, Uncle te rualin ka lokal hmasa mai ang,"

Kan inbiak tawp hnuah Arianna Grico chenna hmun ka zawng ṭan ta a, bodyguard ka hruai loh avangin keimah ngeiin mi chi hrang hrang ka zawh kual pawhin Arianna Grico Model hria an awm lo!

Hahah! Stella khân min rawn be lo se chuan ka bo awm chai si lova thinrim zet hian car chhungah ka ṭhu lût leh ta a.

Zanin hian Sebastian Ricci chenna hmunah Party lian tham a awm dawn a, Bianca putea a ni a, tleirawl rual ho an za leh chung ang chu! Chuvang chuan ka kal peih lo hle a; mahse, an nupa anniversary anih vangin ka lan ve ngei na tur a ni si. Arianna ka hruai châk asin le! Eng ati nge henu hian min hîp em em pawh ka hre bik lo.

Beidawng zetin Fiana Square chu ka chhuahsan ta a.

Carli Davino chunga ka chêt dan erawh ngaihtuah zui pawh ka duh tawh lo. Kha tleirawl hmelṭha zet nun khâ ka tih chhiat loh hrâm ka beisei. Bianca khân 'call girl' ang thawthângin a chhuah si a, kei lah 'Hremhmun Lalpa' thu awihin mipa tenawm ber angin a chungah ka che si! Khami hnu khan ka ngaihven zui tawh lova ka pawisa pêk kha in enkawlna tham lawih chu a ni rêng rêng e.

After 4 hours

Sebastian Party

Frascatya Penthouse

9:00Pm

Party zi hut hut kârah Stella'n ka bânah kuahin a ṭhiante min hmelhriattir a, Music bengchheng leh ri hulh hulh te wine no inkhak ri te chuan ka luak a ti chhuak. Bianca ṭhiante pawh an dân pangngaiin a rui leh hlê a; mahse, Carli hmêl ka hmu lo.

"Luigi, mî zawn i nei em ni? Nichin aṭang tawh khân min ngaihsak lovin kawngkhar lam ngawt i melh a!" Stella min biakna chhâng lo hian kawngkapui a hmeichhia leh mipa rawn lût chu mit khap miah lo hian ka en ta zâwk a.

Kawrfual dum chhîng mangkheng inbelin a mal khuhtu awm lova vâr chho haih chu nalh fia fia tak a ni! A sam leh a make-up hman hrim hrim pawh duhthusama nalh a ni bawk a! hnuailam control thei khawp a a'n chhiat loh chu le. A mipa kalpui erawh a sâng ṭha viau nain a la naupan hmel viau!

"Luigi Shinoda! Ka biak che hi.." Stella'n min nghawk sawk a, ka phu chiang kher mai.

"Sawi ṭha leh mai rawh." Ka ti nghut a, ka mitin Arianna a hawisawn san lo hrim hrim.

"Saw nu saw i eng nge a nih?" Tih pahin Arianna chu rum zetin a melh a, ve ringawt hian a!

"Ka model chhawr thar a nih saw, i tlin ve tâk lohnaah khân ani chuan file nei lovin a rawn paltlang." Ka ti deuh kher a.

"Jus! Chuti khera min tih lê!?"

"Thudik a ni a lâwm," min kuahna a bân dahsawn sakin in tur semtu ka hûi a, zanin chu zu lampang in vak ka tum lo.

Arianna pawh a ṭhianpa nen induh hmêl takin an nui hak hak a, ka chhungrilah che deuh a awm! Stella pawh ngaihsak lo hian contract sign chhuanlamin an bulah ka va kal ta a.

"Arianna, inbiak lawk kan ngai," nui suk chungin ka va bia a.

"Vawiiah kan sawi zo tawhin ka hria i company model tur midang i zawn a ngai ang tih ka hlau khawp mai." Mawi zet hian a nui sak a. A mitmeng paw phât hian min hîp zar thei nia.

"Ni lo ve, contract sign turin lo inbuatsaih la, i thusawi te pawh zawm kan tum dawn nia," inphah hnuai taka ka sâwmna chu dâr san âk hian, "Ok, ka chênna hmunah zanin hian min thlah la kan sawi dun dawn nia," ti sapin Stella amaha ding tûm bâr chu a melh pah zauh a.

"Mahse, Stella.."

"Stella, Stella, chutiang ngaihtuah hman ka ni lo, i hna ka thawh i duh tak zet chuan ka sawi angin awm mai rawh. Marco, intur dawm ang le, chuan kan lâm ve dâwn lo em ni?" Min ngaihsak tawh eih lo hian dawhsan lam panin min kalsan ta a.

He nu hi eng hmeichhia nge maw a nih le?

Chumi hnu chuan Arianna leh a bialpa nge tih pawh ka hriat siloh chu 'Italian flow dance' ngei maiin an lâm dun a, mi mit an chung a fu ṭhup te chu engah mah ngai lo hian sexy zet zetin an intheh kual vel a, ka hriat loh laia ka kut ka lo hûm ruh ngat ngat chu Stella-in a rawn vuan a, thinrim insûm zet hian, "Khi nu khi ka ngaina lo a nia," a ti thâwp sat nia.

"I ngainat kher a ngai lo, nang pawh a ngaina chuang lovang che.." ti supin whisky ka lem khalh a, Stella kalsanin Arianna ka buaipui ang nge, Carli Davino ka ûmzui zâwk ang! 'Dio' Hmeichhe pathum ka nuna seng lût thei khawpa mipa 'Man to' ka ni chiah em ni?

"Hey, Shinoda, i car-in min zui dawn nge i nupui hual inla no zet kha i buaipui zawk dâwn," Arianna ka dinna bulah rawn kalin a mipa kalpui kha hmuh tur a awm tawh lo va.

"Min lo nghâk rawh Stella ka'n hrilh ang e," Tih pahin ka nupui hual ka zawng nghal a, kal lamah ka rualin a kal tawh si lova a lungawi chiahin ka ring lo deuh.

"Parking Area-ah ka lo nghâk ang che," tiin kawngkhar lam a pan a, Bianca ṭhiannu Carli nen an chezia a inang leh thut zêl! Ni lo, Carli ka ngaihtuah tawh tur a ni lo.

Stella hnenah 'ka hruai haw hman dawn lo' tih ka hrilh chuan a thinrim hle a, "Luigi, i awm dan inthlâk thut hi ka hai miah lo a nia," ka bânah vuanin pâwn lamah min zui chhuak ve ta a, mi hausa fanu duat sual ho hi enkawl an har duh a nih hi!

"Kha nu kha i zui dawn a nih chuan ka lokal ve ang," Car chhunga ṭhut luh tumin handle a vuan a.

"Hna chungchâng a inbe tur kan nia i awm ve a ṭûl lo, ka hnaah midang an inrawlh ka duh lo tih ka sawi lovem ni?"

"Mr Shinoda, i nupui hual i kalsan hleithei na nge?" Arianna nui hak ri chuan ngeiawm rawng a kâi deuh. Mahse, amah ka mamawh miau avangin ka insûm hrâm a ni.

"Nang nu kha..." Stella'n a ti fiak ṭhak a.

"Miss, i pasal hual nen hian thil lian tham tih tur kan nei a, i lokal ve erawh a ngai lovang, ka inah sâwm lova lokal te chu ka be ngai lo a nia." Arianna ṭawngkam ngeiawm leh kha fak chuan Stella thin tertek a kâi chhuak ngeiin ka ring.

"I zâm lo ve hlê mai, tu nge ka nih i hria em?" Car bul aṭanga pén sawnin Arianna a melh lêt khai a.

"Tu nge i nih ka tân hriat a ngai hran lo, model chhawr tlâk loh pawl tak i ni tih mai loh chu, Mr Shinoda i nupui hual buaipui aia tih tur pawimawh i nei a nih chuan min lo zui rawh," midang ngaichâng lêk lovin leh Stella en nawn tawh miah lo hian a car hunna lam a pan ta a.

Hetiang hmeichhia, thiam thil nei leh hmelṭha bawk mahni inenkawl zo hian ka mit an la deuh chu a ni e.

"Ka driver-in i chenna thleng a thlah dawn che nia, Miss Grico biak ka ngai miau sia, min hrethiam ang che," a hmuiah fawp zauhvin ka driver Romeo ka call ta nghal a, khawi lai bâr ah emaw a lo awm leh pek tawh ang.

"Luigi, kei min kalsana kha nu kha i pan a nih chuan kan inkâr hian ṭhat lam aiin chhiat lam a pan ang," tia min vauna chu eng atan mah ka ti lo.

Kei, Luigi Shinoda hi tû hmeichhe lakah mah tlâwm ka tum lo, he khawvelah hian hmeichhia an tam lutuk.

Ka nupui hual ngaihven chhunzawm tawh lovin, 'Kan Model intiveii' ka zui ve ta a, tunah thunun thei lo mah ila ka hnuaia a thawh phawt chuan ka thuhnuaiah a kûn em em ang.

A kûn tur a ni tawp...

B++[BeckyRafaRenthlei]+RR

LUIGI SHINODA

Becky Rafa Renthlei

Chapter-4

Fiano Romano

Apartment B12

Luigi Shinoda

Arianna chenna hmun chu ka lo rinlâwk ang chiahin a zau nuam hle a, bungrua pawh tun lai tak tak hlîr a awm bawk a, nula rethei zawk zawk a ni lo tih a lang reng.

Housekeeper a nei hran lo a ni ngei ang, inchhunga kan luh rualin, "Intur i duh chuan nangmah i inbuaipui a ngai a nia, coffee, whisky leh wine, a bâk kawl ka nei lo." Tiin room pakhatah a lût zui nghal daih nia!

Hmeichhe dangin min tlawn hûrh hûrhin min tih thinrim an hlau a ni a, henu erawh chumi letling hlauh chu! Cupboard nalh leh a frame hnûm hlarh chu hawngin 'Brunello wine' ka la chhuak ta a, Shot glass pawh a lo inrem sa thlap nen nula tla dah a ni lo tih ka rin hriat mai.

"Mr Shinoda, LSJ Company hian min mamawh tak tak a nih chuan thla li contract ka sign lâwk ang a, a bâk ka thei lovang tih ka hlau khawp mai." Room a ṭangin a rawn chhuak tawh a, cotton kekawr thawl hnek hnawk leh shirt lian lam a inbel a, a hmuh a nuam phian!

"Chutiang chhûng lek te chu a rei lo mah mah lo maw?"

"Australia-ah lêt leh thut ka ngai mai thei a, thla li chhung atan inbe rem phawt ila a bâk chu a tlachawpin aw ni ang," Nichina a nelawm lo hmêl kha hmuh tur pakhat mah awm tawh lovin a nui sâng a, a sam dum kir chiat kha a chhîp lamah a bâwk khawm tawp a, a lang naupang sawt.

"A ṭha alawm, model eng emaw zât kan nei sa a, number one i nih dâwn avangin leh ramdanga hralh chhuah tur ho phei hi chu kan uluk zuala i mawhphurhna a sâng viau dawn a nia," wine lem khalh paha ka tih chuan, "Ka ngaihtuahawm lovang," tih pahin ka ṭhutna lamah a rawn kal kual a, ka wine no min chhuhsakin a in zo nghâl pap a, chutah, "Kha chu a strong lo em mai, a dang ka thlitsak ang che," Cupboard a mi 'Vini whisky' nokhat papa thli chhuakin ice cube a thlâk nghal a, min hrai ruih a tum em maw ni.

"Mimal inkungkaihna nghet lo pawh ka pawm thei reng a nia," a mitmeng paw phât a min melh zeuh hian eng emaw hriat fiah theih si loh hian ka kawchhung a nghawr dawt zel.

"Affairs nei thei ka ni hleinem nupui hual lai a nei," ka tih chuan ngun fê hian min melh a, chutah, "I nupui hual nen khân ramropui inthleng lovang a tlawktlâw em mai," ei loh hmel zet hian a ner zui sak a.

Dik tak chuan Stella hi ka hne ngawih ngawih! Carli ka mutpui hnu aṭang phei kha chuan tihtakzetin ka la fâwp leh miah lova kha tleirawl thianghlimna ka lâksak tâk khân ka nun chhungrilah hmun a luah tlat.

"Mr Shinoda, ka nunah mipa ka la seng lût hauh lo; mahse, nang hian min hîp hle a ni." A rûi deuh nge min fiam mai mai tih pawh ka hriat si loh!

"Arianna, i hria alawm nupui hual lai nei ka ni a..."

"Sì, ka hria ka hria i hna ṭha taka ka thawh chuan a tâwk mai.." whisky nokhat dang min thlitsak leh a, nichina ka in kha a tak deuh bawk nen ka kâi chhalh thei nia.

Chumi hnu chuan thil hrang hrang kan sawi dun a, modelling lam na na nâah chuan a hriatna a zauvin sawi tur a hre par par khawp mai. Branded thawmhnaw pawh a chhuak thar a hre viau bawk a, tûna kan Jet hralh chhuah thar turah pawh ani kan hmang a nih ngat chuan hma kan sawn leh sawtin ka ring.

A khât tawkin whisky min thlit sek a, mut chhuakin min zem chiai chiai tawh mah se haw zai ka rel thei lo. A chhan chu kan model nu kianga awm hi a nuam êm a ni. Stella angin a pangchang ve lova hmeichhe titipui tlâk tak a ni bawk.

"Luigi, i rui tawh mah mah lo maw.." min biakna chu hla tak aṭanga lo ri chhuak ang maiin ka hai chhalh thei nia.

"Ka riak ve mai ang."

"Sì, i duh phawt chuan riak rawh.."

Carli Davino

Bedroom

7:00 Am

Ka khum a Luigi Shinoda company lian lutuk neitu boxer nen chauhva mu lai chu ka thlir reng a, he pa ka huatna hi eng tikah mah a reh dawn si lo.

Ka zahawmna neih ve chhun min tih chhiatsakin invenna hmang hauh lo leh dimna tel miah lovin sex min hmanpui kha a nia! Ka duh chuan tun hunah pawh hian phuba lain a saruak lai thlâ ka lâksak thei reng; mahse, chu erawh min tih nat zâtve pawh a la nih loh avangin dam reng chunga hremna pêk ka tum dawn a ni.

A nupui hual nen ka inṭhentir phawt ang a, ka ngaizawng der mai tur a ni.

A rawn rûm ṭuah ṭuah a, dik tak chuan hmeichhe duhthusama nalh leh hmelṭha a ni a, kei ngei pawhin ka âtchhilh thawthâng kha a nia! Tuna ka rilru erawh phuba lâk châkna hlirin a khat thung.

"Hey Luigi, tho rawh le, breakfast ka peih tawh a nia." A lû ah ka sawi sak nawk nawk a, whisky no ruk zetin ka hrâi rûi a nia vawiin lamah damdawi a ei te a nih ngawt loh chuan lu nâ-in a ṭhen sawk sawk ang chu.

"Khaw'nge ka awm?" Rawn mengchhuakin a nui suk a, a mit paw phât a min melhna hi zâm rum rum na tham a ni maw le.

"Arianna bedroom-ah nizana sex kan hman hnu khân i muhil daih a..?"

"Maw! Sex maw!?

"Luigi, min dem bik vek suh, i ruiin min ngen tlat a nih kha.." ka tih chuan a chal dawmin a chhîng deuh vang vang a, 'Dio' eng pawi nge ka khawih leh tâk?

"Khatia inchhir leh tur si te chuan whisky in loh mai tur alawm," khumah lawnin duat ber niawm hrim hian a sam dum hlap ka chûl sak ta a.

"Arianna tihpalh lutuk.." tisupin a tho chhuak a, ka zui ve nghal vat.

Ngawi reng hian a thawmhnaw inbelin min rawn melh zawk a, "Breakfast kil dun phawt ila i kal dawn nia,"

"Ni lo ve, rawn tlai suh ang che." Hmanhmawh zet hian Aparment a chhuahsan ta a. Min mutpui chai si lova tikhân ka duh hun hunah Stella lakah ka blackmail ve mai dawn a ni.

After one month

Shinoda Company

Carli Davino.

Company-a ka thawhna pawh thlakhat a tling tawh a, Stella leh Luigi an la inzui reng tho nâin hmâ ka sawn ve hret hret chuan ka hria. Ka rin phâk aia tam hlawh min pe bawk a, ka unaupa Lorenzo hnenah ka hnathawh ka hrilh vek bawk.

Bianca nen vawikhat mah kan inbe tawh lova a chhan chu ka nihna dik tak a hriat chhuah ka hlauh vâng a ni.

"Arie, helamah lokal teh." Stefania nui sângin a rawn phei a, henu hian min ngaina tih ka hria.

"Lunch ka treat ang che.." tiin Kaikuang ur hmin ṭhap leh Italian pio rice min rawn chhawp a, Luigi erawh Stella nen Vatican city lamah an kal daih a, ka ngaihven peih vel lo.

"Grazie, Stefania, dinner ka la treat ve ang che," Kaikuang hmawm thaih pahin ka nui hak hak a, unau hmeichhia ka neih loh avangin Stefania hi ka ngaina ve tho. Ani erawh pasal neiin fa an la nei lova Naples-ah an khawsa ve mêk.

"Arie, thil eng emaw ka zâwt thei che ang em?"

"Teh reng mai!"

"Luigi hi engvanga ngaizawng der tlat nge i nih?" Min zawh dan teh tawp avang chuan ka phu dâwrh thei nia.

"Maw!"

"Luigi i ngaizawng der kher hi mak ka ti mai a nia, i mitmeng pawisawi lo zeta amah huatna lo lang ṭhin kha ka hmuh hmaih ngai lo a nia." In la fing zetin a nui rah rah a, chhân mai dan tur ka hre lo.

"Chutiang eng mah a awm lo," ka sawi zawh rualin vawileh khatah ka uak tuar a, ka pum let but leh ka hrawk sa ham ham te ka âwm a min hnawhtu awm tih kian tumin thâwk chhuah ka tum a, ka thei lo a chhâ chu a ni e.

"Arienna, Arie.. i ṭha em!?" Men chhuah tumin theihtawp ka chhuah ve tak nâ a, ka thâw a tawp riai riaiin ka hria.

##

Ka harh chhuah leh ruala ka hmuh hmasak ber chu Ceiling vâr vo niin, zawimuang hian fan a vir mûai mûai a, mit khap fak fak chunga hawikualin ka mi hmuh hmasak ber chu Stefania a ni, damdawi in khumah hian eng nge ka tih?

"Tui," ṭhut chhuah tumin ka che sawn hret a, Stefania rawn tho vatin tui min lo pe ta a, "Arie, i ṭha tiraw?"

"Umn..eng ati nge hetah ka awm?"

"Lunch atana kaikuang i ei kha i ngeih lo va," sawi hreh niawm tak hian a hawi zak zak a, "Chuan nau thlakhat mi i pai bawk.." a ti ta sap mai le!

"Dawt i sawi? Chutiang a theih loh!"

"Ka fiamthu lo," tia inher nghauhvin pâwn lamah a chhuak ta a, minute nga dâwn hnuah doctor pakhat leh nurse a rawn hruai lût ta a.

"A dinhmun chiah hrilh rawh u le, ka sawi ai chuan in thusawi a awih zawk ang,'' Doctor lam hawia a tih chuan thaw dêp dêpin ka lo ngaichâng ta a.

"Miss Grico, tunah hian naute thlakhat mi i pai a, i hriselna lam ngaihtuahin i ei tiṭha hle ang che Lui lam sa ei phalsak i ni lo bawk." A nui sâng a, 'Ka awih lo' tih chi ninghal lo chuan.

"Thil theih a ni lo." Tiin ka la hnial ṭâlh a; mahse, report kimchang ka hmuh meuh chuan awih loh chi a ni tawh lo hrim hrim, phuba ringawt ka ngaihtuah avangin ka thlatin hunbi neih loh pawh ka lo ngaihsak lova; khâ zan Luigi Shinoda'n mihur leh zawrh lai ang mai a min mutpui zan rah chhuah chu he naute hi a lo ni ta tihna.

Doctor chhuah hnu chuan ka mittui dan rual lohvin a tla a, a tawpah phei chuan insûm thei lovin ka inhnît chhuak ta hlawp hlawp a.

"Arie, duhtâwk teh, keini kum hnih kan innei tawh a, fa kan la nei lova nang erawh i vannei ka lo tiviau asin," ka samah chûlin a phun sap sap a.

"Ni lo, i hrethiam lo a ni.." chutia kan lo inkuah lai chuan, "Stefania, eng nge thil awmzia?" Luigi leh Stella lo lût chu en duh lovin hnuai lam ka melh daih a.

"Sir, englo..Arie hi.."

"Ka ṭha alawm ka Kaikuang ei ka ngeih lo mai chauh a ni." Tiin Stefania ka mitmei vat a.

"Mahni ngeih loh zawng ei ṭhin mi ni awm lek i ni." Tham lo deuhva min ṭawngkhum chuan ka thin tertek a chhuak leh mai dawn.

"I pasal hual kha veng ṭha mai rawh, i chân palh ang e.."

"Duhtawk tawh rawh u," Luigi in hmêl dur khap chunga Stella a en chuan ka lo nui ru sak thung. Keiin a fa ka pai a, ka kâ ka âng a nih vaih chuan zankhat thilthu lekah Shinoda ropuia hi a hmingchhe mai dawn a ni.

Luigi te pahnih an inzui chhuah lai chuan haw turin kan insiam ve ta a, ṭhat lohna dang em em ka nei lo bawk nen incheck up ṭhat leh ei ṭha ka mamawh a chu zawng chu a nimai.

Stefania'n ka chenna hmun thleng min thlah ta a, he nu hi ka tân a ṭha takzet.

"Arie, Luigi hnenah ka lo sawi dawn nia naktuk pawh chawl rih la ṭhain ka hria,"

"Naute chungchâng hi sawi chhuah ka duh lo a nia,"

"Sì, inenkawl ṭha rawh aw." Tih pahin min tlanliam san ta a.

Kum 21 mi, Carli Davino hian LSJ Company neitu fa ka pai a nia! Tih tlâk lam ka rilruah a awm lova; mahse, ka fa pa erawh he khawvela ka mi huat ber a ni. Kha pawisa kha engtikniah emaw chuan ka la pe lêt leh ngei ang.

Australia-a chêng ni lo pui leh Italian mi leh sa ni na na nâ chu Luigi hmuh phâk lovah engtin nge ka bihrûk ang tih hian ka thluak a tibuai ta ber.

Dinner tuitang pawhin ka ei lo va ṭhian ka nei tam lo nen ka hnaivai ve ber Luca ka call ta a, ani hi ka chênna hmun aṭanga hla lo têah an awm a, ka nu leh pa boral hnuah pawh ka kawm tam ber a ni.

"Carli, i thawhna chu a nuam em?" A dan pangngai angin a rawn nui lût leh nghâl var var a, kei aiin kum thum chauhvin a upa bawk.

"Nuam e a, Jet chhungah ka intheh sexy haih haih mai," fiamthua lo chhângin ka nuih lêt ve var a, beer leh chips a rawn khai lût ṭeuh a, ka naupai avanga intih hrehawm ka tum teuh lo. Luca nen TV hmaah ṭhu in ka sam dum ta vek chu a thlêk vang vang a, "A dum ai chuan a buang kha i inhmeh zawk daih!"

"Jus! Ka model hming chu Arianna Grico tih theihnghilh miah suh.." ka sawi zo hman chiah doorbell a rawn ri a, kan hawi phâwk dun nasâ!

"Carli, midang inlêng i nei dawn a nih hmel!"

"Nangma'n va hawng rawh," ka tih chuan beer ûm nen kawngkhar lam a pan a, Luca tezawng tlangval fel leh polite ngang a nia a ngaihtuahawm teuh lo, hmanzana party-na a ka hruai kha a nia.

"Khaw'nge Arianna?" Luigi aw thum chhak ri ka hriat chuan rang lutukin ka beer kenlai ka tlâk pawp a, 'Khaw'nge ka lense?' Rang lutuk a bathroom-ah lûtin ka zawng nghâl a, 'Lalpa, min hmuhtir rawh' Rei ngial ka zawn hnuah ka hmu ta hrâm.

"Arianna kan hre lo, chutiang mi helaiah an cheng lo." Luca ṭawng ri ka hriat chuan kelawngin an dinna lam ka pan ve ta a.

"Hi! Luigi.."

"Nang kha, dâwt min hrilh man i hmu khawp ang," tiin Luca kawr âwmah a ṭhâm sak ta a.

"Dâwt ka sawi hleinem, hei chu Ca..." a sawi zawh hmain ring lutuk hian Italian hla phuahchawp ka'n sa ta a nih kha!

Mipa pahnihte makti hmel engah mah ngai duh lovin dik lo baksak hian ka zâi lui ngâng ngâng a, min en tawp.

"Arianna duhtawk rawh, he pa hi i chhuahtir dawn nge keima'n ka nawr chhuak zawk dawn?" Luigi thinrim hmel en kânin, "Luca, min lo chhuahsan mai rawh nidangah ka hrilhfiah ang che," tia ka mitmei chu hrethiam hrâm se ka va'n ti tak.

"I boss ni lo se chuan a châk lovang," ti nghatin Beer cane khat a la a, a chhuak ta a.

"Kha pa kha tu nge?" Ka mitah chiang takin min en a.

"Luca, ka ṭhianpa.."

"Ka thusawi hi ngun takin lo ngaihthla ang che, naktuk hian Stella nen kan inhualna ka titawp dawn a, nang nen kan inkawp tawh ang," a ti ta a.

"Engvangin?"

"Stella aia ka duh zawk che avangin," a sawi zawh ruala ka lama a lo kûn chuan tawlhsawn tumin ka che hrat a.

"Arie, min hlat i tum poh leh ka hnaihah i awm zêl tawh ang," ka kut pahnih vuan kawpin ngun zet hian min en a, Carli ka ni tih a hrechhuak ta emaw ka ti hman hial!

"Stella i kalsan thei ang maw!?" Amah ka huatna dah ṭhain ka tum ram thlenna chance chu hlah ka tum miah lo.

Luigi Shinoda tih nat hi alawm ka thil tum lian ber.

"Ka kalsan tawha ka lêt leh ngai lo, Arie, ka duh che," ka khabe-ah vuanin a hmui fawh châkawm tak a chhah deuh tap leh sexy zet chuan ka chal leh hnâr vel a rawn fâwp dan dan a, kalsan duh mah ila lemchan ka ngai miau si.

"Luigi..." ti sapin, ka fâwp hmasa ta zawk a, duhthawh leh zei zeta min chhânna chu 'A nuam lo' tia phal chi ninghal lo chuan.

Thaw halh halh chunga min thlah meuh chuan a meng sî deuh sap a, a hmelṭha ve thlâwt.

"Kei lo mipa dang i nuna an lût a nih chuan chumi ngei chu ka kut lâwng hian hremna ka pe ang, Stella kalsanin leh hmingchhiat pawisa lova nang thlang che ka nih avangin ka rilru hruaikawi thei thil eng mah ti suh ang che," tiin min vau lâwk hmiah.

Ni e, ani ang businessman hlawhtling leh hmingthang hian zankhat thilthu leka a nupui hual hmeichhe dang laka a ṭhen a nih chuan a muapho dan tur ka hrethiam ve vek. Step khatin hmâ ka sawn leh ta.

"Nangpawh ka boss i nih ang leh affairs kan nei dâwn takzet a nih chuan tû hmeichhia mah i hnîm hnai tur a ni lo," ka ti ve a, a nui hawk ri chu a ring hran miah lo; mahse, a nuih a za hlê tih a hmêlah a lang reng.

Lemchan hlimawm zanin aṭangin kan ṭan dâwn chu a nia, ka pum chhunga naute pa ngei mai ka sâwm ni miah lo va ka nuna a lo lût hi Pathian thilthlawnpek a ni thei mai em? A rûkin ka nui leh var var zel.

"Kaikuang vawikhat mah ei tawh suh ang che, diet control pawh a ngai tawh lo a nia, ei rawh in rawh ka tih chauh loh chu i kâ ah engmah a lût tur a ni lo," inti thu zetin coffee a chhuang a, ka sawisel duh lem lo.

'I duh ve em?' Tia min zawh chuan ka lo bu nghat a, a taksa lian leh sâng thlurh mai inringtawk tih hriatzeta a'n tei vel chu a hmuh nawm ru riau.

"Arie, i va'n zai thiam lo em em ve le.." nui suk chungin coffee min rawn pe a, Luigi Shinoda'n min siamsak hi thil awihawm pawh va ni suh.

"Ka zaithiam vang a ni lova buaina ka duh loh vâng zawk a ni,"

"Hahah! Kha pa khan thu dik min hrilh mai se ṭha tur a nia,"

"A la naupang a, a zah deuh che a ni mahna," tia Luca thlavâng ka hauhsak chuan, "Ani pawh i hnaihah awmtir tawh suh ang che," dawhkanah coffee dahin ka ṭhutna a rawn pan a, "Ka duh tawh chu ka chhuah mai mai ngai lo a nia," a kut phah lum vung vung a ka biang tawkin, "Nang hi ka duh chu i ni." Thutak zet hian a ti ta a.

"Ka lawm e, Luigi.." a mal chungah ka ṭhu kâi tharh a, a tak ang thei ber lemchan ka mamawh atin ni.

Duhthawh zeta min fawh rualin ka âwmbawr a chûl kual dan dan a, zanin hian sex min hmanpui tum ta se engtin nge ka tih tâk ang?

"Luigi..."

"Min hnial duh suh, ka lo riah hmasak ber zan khân kan mudun a ni lâwm ni?" Tia min zawh chuan ka meng buai nak a; ni lo, ka dâwtsawiah ka tâl âwk titih dêr.

"Um, aw, er.." chhân mai dân tur ka'n hriat loh chu le.

"Chuti a nih chuan zaninah pawh kan mutdun lohna chhan tur ka hre lo, ka ta i ni tih nem nghet turin ruih kher ka mamawh lo a nia," ti supin sofa-ah min nghat a, a coffee dawhkan chunga a dah chu a in ta a.

Kei hian thiam taka ka thlêm a nih loh chuan zaninah lo riah a tum tihna!

Ka phuba lâk tumnaah hian mutdun lam a tel lo.

Ka damlo der thut dawn nge, engtin nge ka tih tâk ang?

B++[BeckyRafaRenthlei]+R+R

LUIGI SHINODA

Becky Rafa Renthlei

Chapter-5

Fiano Romano

Apartment B12

Luigi Shinoda

Arianna kianga awm hi engti zâwng emaw tak hian a hahdam ru riau nia! Zaninah a bula riah ka tum chu a nia,Stella phatsanah ka inngai tawh lova nizanah kan chungchâng kan sawifel thuak tawh.

"Luigi, ka inbual chhungin intur lo dawm la.." bathrobe nen ka hmaah a ding a, tunah zan dar 12 a hnai tawh a han inbual leh rih te chu a!

"Wow! Arie, ka zawm ve thei reng che a nia," nui suk chunga ka chhan avang chuan a lâi deuh reuh em maw ni! Vawikhat sex hmang dun tawh kan nih chuan zah ṭût nachhan tur awmin ka hre lo. Kan hman dun lai ka hre lo mai pawh a!

"Whisky lo in rawh, a nih loh paw'n Russian champagne a awm kha.." tiin bathroom-ah min luhsan ta a.

A sawi ang a intur dawm mai loh chu tihtheih awm nghal lo chuan. Cupboard ka hawng leh ta nge nge a. Arianna Grico kum 25 mi, model ṭha tak leh hawiher zâng vah, hmelṭha tak hi kei hian ka zahawmna dahṭhain ka pan ta ruak ruak a nia, thil âtthlâk a ni êm lovang chu maw!

Tukverh lam hawiin Rome khawpui pe tuar chu ka thlir ta a, nu leh pa unau pianpui nei tawh lo mah ila ka damchhung leh a bâk thlenga nawmna tur hausakna ka nei. Mahse, ka chhungril ruak huai hi Stella khân a hnawhkhat zo teuh si lo! Mak takin Arienna nen kan awm dun hun chhûng rei lo te ah hian ka mizia a inthlâk zut a, Carli Davino laka ka chêtdan mawi lo tak erawh he nu ka hmuh hian ka hrechhuak leh ziah lawi si.

Kawngkhar inhawng ri ṭhuai leh pen ri khauh khauh ka hriat chuan rang zetin ka inher a, Stella Costa, ka nupui hual thinrim hmai sen ṭeuh nen kan inhmachhawn ta a.

"Khaw'nge, kha nu kha?" In chhung a melh kual ruai a.

"Eng atan nge i tih a?" Ka aw zawi sup chu a nelawm miah lo.

"Luigi Shinoda, i company leh i hmingthanna zawng zawng tichhe theitu ka ni tih i hre nange?" Thinrim meng tâl tap chunga min biakna chu eng hû-ah ka ngai lem lo va. Hmeichhia mahni zahawmna humhim nachâng pawh hre lo hi ka ngaihsan hluah nachhan tur ka hriat si loh.

"Arianna Grico, i bihrûkna hmun aṭang khân rawn chhuak rang rawh," Stella aw fiak ṭhak chu ring tak a ni. Ka no dawm lai dah ṭhain a bulah ka va ding ta a, "Ring deuh deuhvin ko rawh, chuti lo chu a hre pha lo palh ang e, nang aia ka thlan zâwk hi hmeichhe namai a ni dâwn lo a nia," ka tih khum salh a.

"Luigi Ramhuai tenawm pa!?"

"Tûna min kohna ang pawh kha nang aia hmang hmasatu an la awm cheu! I zahawmna tihchhiat i duh loh chuan i chênna hmun panin kîr rawh," In tur ka dawmsan leh hmiah a. Ho sih sah em mai, Italian hmeichheho hian zahna an tlachham deuh bik nge, Stella hi a nasa pâwl a ni zâwk!?

Chhuak ta mai lo chuan inchhung hmuntin a enkual ta a, Arie a inbual tih sawi ka tum reng reng lo! Stella hi model hmeṭha leh nalh a ni a, kum hnih kan inzui tawh a; a mizia ka hrechiang ve viau. A ruih phei chuan thunun hleihtheih lohvin a phî cheng zel tih pawh ka hriat hnu tho a ni.

"Luigi, ka zo e," Arie lo chhuak chu Stella nen an inhmachhawn ta rân mai le. Ṭan bîk nei lovin an inhnialna ngaihthlâk tum hian kut kuangkuah âtin ka lo thlir ang chu.

"Miss Costa! I pasal hual i rawn umzui deuh em ni?" Arianna aw a nuihzatna lo lang chhuak chu Stella huat tâwk a tling leh ngawt ang.

"Umzui chiang e, tenawm nu,"

"Mipain min kalsanin hmeichhe dang min pansan ve ta se chuan nang ang hian ka inti thangtlâwm hauh lovang, i pasal hual nen 'Ka in aṭang hian chhuak rawh u' han ti ngawt ila ani chu chhuahtir ka tum dêr lo; nang zawk kha mamawh i nih lohna hmunah i ding khawmuang a ni thei mai lo maw!?"

"Tenawm nu," Stella'n Arie ben tum a a kut a lekchhuah chuan inrawlh ka la tum chuang lo. Hmeichhe buaina chu hmeichhia vêkin chingfel rawh se.

Stella kut phar chu Arianna'n lo bum zauhvin a insawn nalh a, "Miss Costa, minute thum chhung a ka Apartment i chhuahsan lo a nih chuan.."

"Eng maw i sawi!? Miss Grico, i naupai lai kha Luigi fa a puh i tum deuh em ni?" Arie, thinrim mitmeng chu kawlh hrâ hrâ tak a ni. Henu hian nau a pai a maw! Ka hriat ve loh Stella hian a hria tihna.

"Arianna, thudik a ni em? Tunah nau i pai a maw!?" Mak ka tih êm avangin ka hmaa hmeichhe pahnih dingte chu ka melh tawn chhên a.

"Luigi, dâwt ka sawi reng reng lo a nia, kei aia i thlan hian naute thlakhat mi a pai," tih pahin doctor report min pe ta a.

Arianna erawh a dinna ngaiah a ding reng a, makti hmel a la pu reng bawk.

Stella sawi ang chiahin Arie a rai tih ka hriat chuan ka chhungril a na veng veng thei nia! A chhan sawi fak tur awm lo mah se ka thin a rim ru et et bawk.

"Miss Costa, Luigi hian tun maia phatsan che a ni lo, thla hmasa lam daih tawh khân he naute siam hna hi a thawk tih i lo hre dawn nia." Ngeiawm zetin a nui lui kher bawk.

"Uicho tenawm nu," tih paha Stella'n Arienna bianga a ben tâk thlawrhah chuan ka dinna aṭangin ka pensawn ve ta chauh va.

"Luigi, lo inrawlh miah suh, i nupui hual chungah hian eng nge ka tih dawn lo en rawh," Ka hriat ṭhin Arianna Model nui sâng ṭhin kha hmuh tur awm lovin Australian Zawhte kawlh tak ang maiin Stella a pan hnai ta a, ṭawng tuma ka ân zuau lai chuan Stella bekah a hnek sak ta a, a kut a ri ṭhawt bawk!

"Miss Costa, vawi thum ka chhiar hmaa i chhuak lo a nih chuan i hâ ka hnek bal tawh ang," zawi sap leh fiah kalh a a ṭawng chhuah chuan ka lo nui suk. Ka tih reng mai kha! Mahni invêng zo lo tur khawp a hmeichhe nêp a ni lo tih ka hriain ka hmu thiam tlat a lawm.

Chutah Stella ken lai doctor report chu chhuhsakin, "Ka naupai chungchânga report i lo lam thawt thawt manah vawikhat chu i tuar leh hlek a la ngai," a sawi zawh rualin Stella tukkhum samah a pawt dâk awrh a; "Ka phalna la hmasa lova ka nuna i rawn inrawlh leh a nih chuan i hmêl hmuh tlâk a awm tawh lo turah ngai rawh," tia nem sawnin amah a kal kiang ta a; kawngkhar a va hawng a, Stella tân pawh chhuah lohna chi ni hek lo, meng zak zak chung leh mittui tling piau chunga min enin,"In pahnih hian ka tichhe vek dâwn che u." A la ti hrâm nia!

Arie nen chauh kan awm dun hnuah Sofa-ah a ṭhu tûm bâr a, "Ka fa i pai a i lo zêp a.." Tiin ka ṭawng chhuak ve ta chauh va.

"Ka hriatna a la rei bik hleinem.."

"Min hrilh hmasa tur ber i ni tih i hria a lawm. Engtia tih nge i tum?"

"Ka pumah hian thlakua vel a awm turah angah ngai ila a bâk chu ka sawi thei lo, pasal neih tumna rilru ka pu miah lo a nia." Tia a inṭawng khalh chuan ka sa zak.

"I thu thu a awm tur i ni tawh lova ka fa a nih ang ngeiin ka enkawl dawn tih hria ang che." A bulah ṭhu hnaiin ngun deuh hian ka en leh tê tê a, khawiah emaw chuan ka hmu tawh a ni! Mahse, ka hre chhuak zo tawh si lo.

"I enkawl a ngai lovang i hausa a ni maithei; mahse, ka fa enkawlna tur sum ka nei ve bawk. Tunah hian min hawsan a hun tawh viauin ka hria inngaihtuah ka duh," ati sap a.

Ni e, a sawi dik chuan ka hria kan pahnih hian inngaihtuah ve ve kan ngai. Nupui neih tumna rilru ka pu rih lova; mahse, ka fa thlahthlam erawh ka tum chuang miah lo.

"Arie, eng pawh nise Stella nen kan inhualna ka chhu chat phawt ang a chumi zawh lamah kan awm dan tur kan sawi dun ang,"

"Ka nuna i lo lût dawn a nih chuan hmeichhe dang an awm tawh tur a ni lo mai ni lovin pakhat tê mah an awm tur a ni lo, chuti a nih loh chuan nang leh kei hian inzawmna kan nei lovang." Thinrim angin lang tawh lo mah se a lungawi lo aw chu ka hai bîk lo.

"Min lo nghâk ang che, tunkar chhung i hnaah kal a ngai lovang a, naktuk tlaiah incheck up turin lo inruahman bawk ang che, Luigi Shinoda thlah fahrah an awm tur a ni lo." Kawngkhar lam pana ka kal chu min rawn zui ve teh tlat a, ka beisei miah lohvin, "Luigi.." min ko sap ri ka hriat chuan ka pen tawp chat a, chutah min ngai hlê niawm tak hian ka nghawngah kuahin min rawn fâwp ta a.

Duhthawh zeta ka fawh lêt veleh a inla hrang leh daih nia!

"Min lo nghâk ang che." Min chhanna pawh ngaichâng tawh lo hian ka chhuak ta a.

Carli Davino

Apartment

Luigi chhuah veleh In chung lâm hawiin ka khêk râih a, ka plan fuh lutuk kha mak ka va ti êm! Stefania min ṭanpuina liau liau a ni.

Tunah chuan Luigi Shinoda chu ka thangah ka âwk ta chaih e. A fa dik tak a ni teh meuh mai; mahse, a pâitu hian hmaikâwr ka nei tih a hre tlat si lova, ka naupai chhung hian phuba tak tak ka la ngei dâwn e.

Ka ruahman dan chuan kan contract a zawh veleh ka unaupa Lorenzo kiangah Carli Davino dik tak angin ka tlân bo mai dawn a ni. Ani hian min hre chhuak tawp lovang, thlamuang takin kei leh ka fa kan awm ang a, Luigi erawhin a dam chhung zawngin Arienna Grico a theihnghilh tawh ngai lo thung ang.

Zanina kan riah dun a ngai lo ringawt pawh hi kan Pathian mai ni lo Greek ho Pathian a rawn inrawlh tel ve hialin a nia ka rin.

Ka khumah muin ka nui leh var var zel a, a pa haw mah ila ka pum chhunga naute tan erawh nu ṭha ber nih ka tum ve tlat; ka lense vuah lai phelhin ka mitmu rawng hring râm chu darthlalangah ka va en leh tê tê a, 'Carli, theihtawp chhuah ang che, i thianghlimna i hlauh tâk kha Euro tam tak ai pawha hlu zawk a nia, inthlah dul suh' tiin ka infuih sauh sauh thung.

LSJ Company tichhe theitu leh mualphona thlen theitu chu Stella Costa ni lovin keimah, Carli Davino chauh a ni.

Stella ka hnekna ka kut na et et theihnghilha ka'n nuih chiam chu le! Kha nu ve kha ka hlau chhete eih lo. Ka unaupa Lorenzo kianga tâl tam ṭhang ka ni bawk a, insual tezawng ka profe ve chiang e.

Zinglam dâr thum a rik pawhin muthilh zai ka la rêl chuang lova Luca Beer rawn ken pawh ka in zo deuhthaw a ni mai. Luigi na lai hmel hmuh châkin amah duh awm taka ka lan a ngai miau si a, model leh actress ka ni kawp dawn tihna a nia ava nuam si êm!

Nichina Italian hla phuahchawp ka sak kha sak nawn leh tumin ka'n bei ngial a, ka thiam tawh awzâwng lo. Kha kha Carli nihna dik tak chu a ni e.

Lemchan bul kan ṭan dâwn chauh e.

B<++[BeckyRafaRenthlei]+>RR

LUIGI SHINODA

Becky Rafa Renthlei

Chapter-6&7

Penthouse

Charter Private

Luigi Shinoda

7:50Pm

Khatia Arianna Grico Apartment, zanlaia ka chhuahsan khân reporter pahnihin min lo hmu chu niin! Nupui hual lâi nei ka ni a, ka model chhawr lâi chenna hmun zan rei tawh taka ka chhuahsan tih an hriat meuh chuan News paper sub head-ah ka hming a chuang ta kulh mai le!?

'LUIGI SHINODA hian a nupui hual lâi ni lo hmeichhe dang kawppui a nei ta em ni?' Vawi thum ka chhiar hnuah ka secretary ka call a, 'Khâ reporter kha zaninah hmuh ka duh tih lo hrilh ang che' tia ka va biak chuan, 'Boss, i fimkhur a ngai a nia, Stella nu nangmah hmuh tumin vawi thum a lokal tawh' a ti ta a.

Ni e, vawiin chhunah Stella nen kan inhualna chhu chatin ka kuta inhualna zungbun pawh ka phâwi tawh a nih kha.

Arianna chanchin kimchang hre turin kan company private detective ka tîr tawh bawk a, a râi ngei tih a doctor ṭawngkam aṭangin leh Stefania sawi dan nen pawh a inmil chiah bawk.

Ka ruih chhiat lai a mudun kan ni a, ka fa a ni chiah em? Tih ka la hre miah lo; mahse, Stella awm lâia hnial ka duh loh avangin eng mah ka sawi buai duh ta lo kha a ni a.

Arianna Grico hian tû fâ chiah nge a pai chhui chhuak turin hma ka la mêk tih sawi lan kher ka tum hek lo. A chhan chu amah ka la mamawh a, rai pawh nise model nalh leh professional a nih avangin chhuah ka la tum lo cheu! Chuvangin 'ka fa a ni lo' tia sawi buai ka tum lo hrim hrim. Bâkah a duh dan ang ngeiin Affairs neih pui ka tum ruh tlat.

Ka phone a rawn rîk chuan rang lutukin ka chhâng a, detective Juan Ramirez a ni.

"Sawi rawh le, hma i sâwn em?" Ka zawhna rawn chhângin, "Sir, Australian Model hmingthang leh lâr zingah Arianna Grico tih hming pu an awm lo," atih chuan ka nûr nûng a, "A chênna hmunah amah en thla tur pahnih lo rawih belh ang che,"

"Yes, Sir.."

Ka rin dan a dik chho ṭan viau e, he nu hian tum neisa râna ka huangchhung rawn dai nge a nih? Vawi tam tak sex hmang dun tawh kan ni lova tunah nau paiin ka fa angin a sawi leh nghâl a, chu pawh min hrilh hmasa lovin Stella khân a lo hre hmasa daih bawk si a, thil fel lo chu a awm a ni. Mahse, nau erawh a pai ngei tih ka hre chiang tawh.

Ka nun min ṭawmpui tur hmeichhia an awm a nih chuan inhriatchian tawnna kan nei hmasa tawh tur a ni, tunah chuan Arianna nen bul ṭan tumin Stella ka thlah fel chiah a, a mize dik tak leh tû fa nge a pai tih chiang taka ka hriat theih nân game ka khêl ve ang chu.

Shinoda Company

Airways Jet Terminal

After 3 days

Luigi.

"Arie, duh tak, dâr khat a chhuak hman turin lo inbuatsaih rawh aw.." Office chhungah kei leh Stefania, Arie kan awm a, 'company-ah lokal rih suh' tiin chawlh ka pe nâa nikhat chiah a chawlh hnuah nimin leh vawiin a rawn kal chhunzawm a, a rai tih hre lâwk lo phei ila chuan amahah danglamna hmuh tur a awm lo.

"Mahse, Luigi..thawmhnaw eng mah ken ve loh te chuan.." mak a ti tih a hriat mai! Vawiin chawhnu hian Palermo thliarkara ka farm house-ah hruai ka tum khâ a ni a, thawmhnaw a mamawh tam hauh lovang.

"Min ring rawh, i mamawh tur ang chu ka ngaihtuah vek ang."

"Ni rawh se, kan kal hma a incheck up ka duh khawp mai," a tih chuan ka pawmpui thlap. A hriat laiin ka fa a nih leh nih loh chungchang eng mah ka sawi lang lo va, amah ka chhui mêk tih lah a hre hek lo; mahse, he nu hi ka duh a, rui lo hai lova mutpui ngei ka tum bawk. A nungchang ngêng zet leh induh larh hian ka mipa rilru min chawhthawh sak miau a lawm.

Chumi hnu chuan Arianna pawhin vawi eng maw zât thlâ a lo lâkpui tawh ka private jet siam chhuah thar ngei mai chuan Palermo thliarkár panin kan thlâwk chhuak ta a, tumah Jet-ah ka la phur ngai lova a chuang hmasa ber pawh Arianna hi a ni.

"I huphurh em?" Tia ka zawh chuan a nui sâng a, a mitmeng paw phâta min ngaihsanna niawm tak lo lang chhuak chu ka hmu reng.

Inringtawk taka a ṭhu laite, tukverh lam thlir paha a nui leh sak ṭhin te chu ka mitsirin ka hmu reng a, hmeichhe dang anga ri hluai chi a ni lem lo hi a nungchanga ka duh lai pakhat chu a ni.

"Luigi, engtik thleng nge kan châm theih ang?"

"Kâr khat vel inring phawt ila midang tumah hmuh tur leh kawm tur an awm dawn hek lo, i hmuh chhun leh i kawm tur awm chhun chu keimah Luigi chauh.." min hnial ringin ka'n ngaichâng deuhva mahse; eng mah a sawi miah lo!

"Arie, helai hmuna kan awm chhung hian kan pahniha inhriat chian tawn leh khawvel mite hmuh phâk lohva nun hlimna chen kan tum dawn nia."

"Sì, boss.." nui var var chunga ka mal rawn tawk zauhvin, "Midang awm lohna hmun apiangah ka thlâ a muang ṭhin." Zuk ti teh daih a.

Arie nui hmel ka hmuh a piang hian party na hmuna Carli Davino nui hmel ka hmuh hmasak ber kha ka hre chhuak ziah nia maw le! Mahse, kha tleirawl ai kha chuan Arie hian min hîp fê zawk, chutih rualin Carli erawh hmuh leh ka la inbeisei ru tlat a, ka pawisa pêk kha eng atan nge a hman tih te, nau a pai nge pai lo tih tal hriat a ngaihven zui hi ka mawhphurhna a ni.

Jet ka ṭum tir laia Arie lam ka va hawi chuan a lo muhil daih chu niin! Kan thlawh chhung a rei loh teh reng nen ka ṭawng a ngaithla ve reng emaw tih lai lai a!

Dimtê-a pawmin farm house lam ka panpui ta a, dik tak chuan a muthilh ngat phei hi chuan a duhawmin tihnat awl tak a ang. Mahse, a mit a men erawh chuan nelawm taka lan a duh miau si lova a kum ai pawhin a lang upa zawk.

A hriat miah lohvin bodyguard pathum ka dah lâwk vek tawh a, ei siam leh eng ilo vel chu kan model-i kutah ka dah hmiah. Billionaire ka ni a, chhiahhlawh eng emaw zât hruaia amah hi hahdam tir thei tur pawh ka ni; mahse, a nungchang leh nitin a khawsak dan hmuh a hriatbel ka tum avangin tumah ka hruai duh ta lo kha a nia mangan tawpah erawh tu emaw koh theih tur ka ruahman chauh ang.

Farm house hian bedroom pahnih chiah a nei a, Affairs nei tur kan nih avângin room pakhat kan inluah ṭâwm turah ka ngai hmiah bawk. Khum zau pui Silk sen hlar a inkhuh dulhah Arie ka mut ta a, mak takin a la harh miah lo nia maw le!

"Lorenzo.." tia a phun sap thawm ka hriat chuan a harh emaw tiin ka zuk en a! Harh chu sawi loh a mut dan a siam rem sauh sauhva a chhîng leh daih nia.

Tunah tlai lam dar li a ri tawh a, Arie bag khai tereuhtê ka check sak chuan a phone leh make up tih loh eng mah kawl a nei lo. Helai hmunah hian phone a mamawh dawn loh avangin ka dah ṭhat sak zui daih bawk.

A mutna khumah ṭhuin a hmaifang dikzet chu ka en ta a, a hnâr ngûl tê deuh sâng vah te, a mitko hmul dum hlap kual râih te chuan a tilang hmeichhia hliah hliah a, a sam mawlh mai hi khawihah chûlsak ka châkna a rei tawh, a kâwi chiat chu thuhran a dum tih dâwn a dum hlup si lo, coffee rawng lam a pâwl lek lek! A nalh dangdai viau.

Stella a hnek lai kha ka mitthlaah rawn langin ka nui suk a, a mize mak deuh leh kawlh hrâ hi khawi aṭanga a neih nge hriat pawh va ni suh.

Nichina 'Lorenzo' tia a lam kha a boyfriend nge a nih ang a, a nunah a pawimawh hlê a nih ka ring.

Dinner ei hun thleng pawha a la harh tâk loh avangin bodyguard number one a rukin ka ko ta a, zanin a kan ei tur siam tur leh intur rawn dah turin ka hrilh ta a. Anni hian kan awmna aṭanga hnaitêah Sangha mantute chawlhbûk atana kan sakah an chêng rih dawn a ni.

"Sir, eng nge dinner atan in ei ang?" Wine leh Scotch ûm a rawn keng lût a.

"Sam, Thawm dim rawh aw, Arie a harh ang e."

"Yes, Sir.."

In tur dawm pahin bedroom-ah ka lût leh ta a, Bianca fax min lo thawn ka hmuh chuan rang zetin ka hawng ta a.

#Luigi, Carli chungah khân eng thil ṭha lo nge i tih? A awmna chin kan hre tawh miah lo a nia, a chênna hmun pawh thla khat chuang a tlawh tawh lo.

'Dio' kha nu ka lo mutpui thawt thawt kha ka thil tih sual lian ber a ni. Amah vânga buaina dang ka tâwk a ni ngat chuan ka sumdawnna leh Arie nen kan inkar thleng pawhin a nghawng thei tlat.

Sam-an ei tur a siam peih tawh min rawn hrilh a, zan dar sarih a ri tawh bawk a, Arie kaihthawh tum a khum lam ka va pan chuan a lo ruak hiai nia!

Khawiah nge a kal hman le? Choka leh sitting room lam rang lutukin ka en nghal a, tum hmêl mah hmuh tur a awm lo! Bathroom lam aṭanga uak ṭhat ṭhat ri ka hriat tâkah chuan chu lam pan chuan ka phei leh ta a.

"Arianna...?" Tia kovin bathroom-ah ka lût a, bang leh a chal sîktîr chung hian a lo uak leh pap pap a, ka ngaih a ṭha miah lo, "Hey, Arie, i ṭha em?" Min chhâng lo hian mittui tling pamin min rawn en ta a, damlo hmêl erawh a pu hran lo.

"Naute hi a ril a ṭâm a ang khawp mai," tisapin a hmai a phih zui bawrh bawrh a, Â hah! Thlakhat mi nau a pai tak alawm le! Mahse, a ril a ṭâm kher erawh ka thil awih loh ber a ni.

"Luigi, ei tur ka duh.."

"Lokal la dinner kan ei dawn nia," Nui sak chung hian min rawn zui a, ''Ka thawmhnaw hâk tur khawiah nge a awm ang, intih fai ka duh a.." Ni dawn tak maw!

"Inthlâk a ngai hran hleinem dinner ei zawhah kan mu nghâl dawn a, eng mah i mamawh hauh lo." Ka tih chuan ner sak chung hian, "Ka mamawh engkim i hre vek kher lo a nia Luigi.." thinrim a tum leh nghâl ringawt em maw ni? Mahse, Helai hi a chênna hmun dik tak a ni lova a hma ang mai mai a zalên kha chuan a awmin a in luling tur a ni lo tawp.

"Ka sawi ang chuan ti mai rawh, min zui rual khân ka thu thu awm turin i rawn inpe tihna a ni." Ka tihkhum ve hmiah.

"A teuh lo, tû thuhnuaiah mah ka kûn lovang.." tiin choka lam a pan nal nal a, en pawh min en lo hian Sam-a dinner siamsa chu ama ei tur chiah a chhawp chhuak a, white wine nokhat a inthlit zui nghâl hmak!

"Arianna, tû thu-in nge khâng thil kha ei i tum, ka farm house a nih hi.."

"Keima thu in maw le, Luigi, i farm house pawh nise Sakawr in pawh nise ka ril a ṭâm chuan engvangin nge ka ei mai lohvang," min cho âr niawm taka Arsa kan a hmawm thaih chu ka run ang reng.

"I plate kha dah thla rawh, a neitu phalna la hmasa lova ei ngawt kha thil mawi leh awm dan mawi a ni lo," ka thusawi engah mah ngai lo hian arsa leh tomato zai lêp te, Sausage leh Italian pico kan ro te chu a kâah a thun lût mawlh mawlh a, ka thinin a tuar ta lo.

"I plate dah la, ka ei tur siam hmasa rawh," chang faka ka ṭawng tâkah chuan zawimuang hian a plate ken lai dining table-ah dah thlain wine nokhat a thlitsa chu a thâwkkhat pawp a. "Ka thil ei lai i hmuh mawh viau chuan 'Ka ei ve duh, a rualin ei ang' ti ve mai ta che.'' Zâm map lova min chhânna chu ka huat tâwk a tling.

"Arianna Grico, mipa ka nihna hi cho chhuah kher tum suh," Ka ti hmuk a.

"Luigi Shinoda, hmeichhia affairs neihpui i tum a nih chuan rilṭâmin dah hmasa suh,"

"Ngawi chîp cham rawh," ka ti sup a.

"Chutia dinner ei i phal miau loh chuan kei leh i fâ ka pumchhunga mi nen hian rilṭamin kan awm dawn a nih chu, i pawi tih loh te chuan.." a plate lain dustbin-ah a paih ruak vek a, "Kan ei ai tur zawng zawng pawh ei zo vek rawh.." tih pah hian dinner min siamsak chu sawi loh, choka aṭangin a chhuak tau nghat a, nasa ve tak a ni.

"Ding rih teh.."

"Ka hming chu Arianna a ni," a rawn hawi lêt duh ṭhak lo nia!

Keimah chauhvin dinner ka kîl ta a, chuti mai a tukzal theih hmeichhia a ni dawn hauh lo. Inthiam chiah lo chung hian ka ei lui ngial a; mahse, ka ti hleithei bik lo.

"Arie, lokal rawh kan pahnihin ei ang," Pindana ka va luh ve chuan a bag a lo hâi chiam a, a phone a zawng a nih ngei ka ring.

"Ka phone khawiah nge i dah?" bak hlara min zawhna chu ka chhâng hran lo.

"Luigi, ka phone khawiah nge i dah?" Mitmeng ling hlara min melhna chu a mawi ang reng phian!

"I phone ka khawih lo ti ila i awih awm si lova ka dah ṭha, helai hmunah hian i mamawh dawn lova.." tifuh inti zet hian ka nui zui suk a.

"Chuti chu nang pawhin i mamawh lo tawp ang," tih pahin dressing table bula phone ka dah chu lain a ak zui hmak!

"Arie, chimawm viau suh, ka hnuaia thawk i ni a, mahni duh dan dan a tâl tur hmeichhia kan mamawh lo tih ka sawi lovem ni?"

"Sawi e, i sawi lai ka hriat ang bawkin ka chhânna che leh min chhân lêtna pawh i la hria ang chu," ti nghatin khumah a lâwn tharh a, ka chhuhsak ang nge chhuhsak lovang tih ka ngaihtuah rauh rauh lai chuan, "Ka phone min pêk hma chuan i phone hi hmuh inbeisei suh ang che," a ti ta a.

"I nasa mah mah lo maw!?"

"Nasa ve thawkhat e, ka ei atâna i ui em em i arsa kan kha va eizawm leh rawh, Arianna hian dinner vawikhat ei loh mai mai tezawng eng atân mah a ti lo tih i lo hre tel dawn nia," ngeiawm zet a nui luiin min melh ralh a, "Vawikhat chauh a ni lo mai thei," ti nghutin ka chhuahsan ta a.

Hetiang em ema hmeichhe induh tawk leh chapo hi an awm thei dâwn em ni! Stella ai pawhin a nasa zâwk mah em maw ni?

Dinner ei zawm tawh lovin intur ka dawm ta zawk a, Arianna nihna dik tak hre fiah tur hian Australia-ah kal ka dum rum rum nia, 'a hlauhawm e' tihna lam nilovin kei, Luigi Shinoda hmeichhe duh rawn luai luai hi eng teh ualah min ngai lova ka thusawi lah eng atan mah a ti bawk si lo! Min mamawh angin a lang hauh lova ka mamawhna a hre hlur zawk em maw ni!

Palermo-a ka hruai hi ka tisual tlatin ka hria.

Nui hak hak ri ka hriat chuan dimtê hian room lam ka pan a, khumah Arie bawkkhupin ka phone-a Airways Jet fighter limit games a lo khêl a, a châng leh a âwn vak vak a, a nui hak hak ri chuan thil min hriat chhuah tir zawk!

Bianca party-a Carli zu ruiin 'Ka bialpaah ṭang mai la' a tih ṭum a a nui ri nen khân inang tak a ni. Eng ati nge Carli Davino ka hriatchhuah sek chu le!

"Ka phone kha dah rawh.." ka aw a hriat rualin min rawn en zawk a, a thil tih ngai a chhunzawm zui leh hmiah.

Ka thawmhnaw thlâkin khumah ka lâwn ve ta a.

"Hey, i khumah va mu rawh, helai hi pathum mut nân a zau tawk lo," ka lâksak hlau niawm tak hian phone a thukru ṭât ṭât a.

"Pathum a!? Eng nge i sawi awmzia?"

"Ka pumah pakhat a awm a, kei, nang Luigi uikawma nen pathum kan ni tihna,"

"I pum chhunga mi kha ka fa a ni chiah em? Nge, Lorenzo fa zâwk?" Ka tih chuan a mitmeng a buai deuh nak a chutah, "Tenawmpa, i fa a nih i ring lo maw! Lorenzo khatiangin vawikhat mah puh tawh suh." Min thawhsan a tum chuan rang zetin ka pawt mu leh nghâl a, "Anih leh Lorenzo chu tunge?"

"Lorenzo a nimai, i hriat a ngai lo.." ka vawnna phelh tumin a ṭang deuh phat phat a, ka vuan nghet tulh tulh thung.

"Luigi Shinoda, i fa a nih i rin si loh chuan engvang a helai hmuna min hruai hi nge i nih si!? Rilṭâma awm tur leh nghalin" Thinrim hmai sen ṭân chunga min melh hâ chung hian a ti ta a.

"Mutpui tur che in, ka tâah ka siam nawn leh dawn che maw le, rui chunga tih te zawng ka hriapui ve si lo che a, zanin hian emaw tun kâr chhung zawng hian zankhat tê mah âwl ka tum lo."

"Tenawm pa, tenawm lutuk.." ka inrin hman hmain ka hmaiah a rawn ham ta a, thinrim mitmeng kawlh hrâ leh min haw lutuk hmel hi a ti der mai mai hauh lo. Ka biang thîp ṭhuam ka hriat rualin ka harh chhuak zawk. He mitmeng min huatnaa khat hi ka hmu tawh chiang.

"Arianna duh tawk rawh," ka tih pawhin ka taksa a remna lai a piangah min chûm pawp pawp a, Ramhuai khawsakin a nia a khawsak ni!

"Tenawmpa, min mutpui hauh lovang," thinrim mitmeng alh phât chunga min en lehin khum thawhsan tum hian a tho leh a, ka thinrim a kâi tho tih a hre lo a ni ngei ang.

"Hmeichhia zawkin kut min thlâk hmasa a nia, zanin hian ka duh ka hmu khawp ang," a kawr hâk lai Silk nem thap chu vawilehkhatah ka pawtthler kâwk a, a ṭê ṭhat ri pawh engah mah ngai duh lovin cotton kekawr a hâk chu pawh phelh sak ka tum leh ta a, a duh lo ṭang tâl vel chu nasa tak a ni. Thih thâ takmeuhvin zuk tâl a!

"Luigi, duhtawk rawh.."

"Arianna ṭang buai duh suh i hah thlâwn.."

"Ramhuai ai pawhin i râpthlâk zawk," a sawi zawh rualin ka bekah na zet hian min rawn hnek ta a, ka thle sawk thei nia! A kutthlâk a na hrep leh nghal.

"I cho chhuah liau liau a ni." A kut pahnih chelh behsakin a hmuiah ka fawhsak ta a, chuti maia thunun theih nibik hek suh. A ke pawh a hmang thiam ârh ârh khawp mai.

Reingial kan inchai hnuah under wear leh bra nen chauh a awm ta, a taksa mâm han leh a vun paw phiai te chuan ka hnuailam a tinung chawpchilh nghâl a, ani erawhin ka hnungzâng leh ka malpuiah min ham tâwn tâwn a kawlh firfiak tak a ni!

"Arie, tlâwm la inpe tawh mai rawh, a chhan chu zanin hian ka duh neih ngei ka tum, ka duh chu Arianna Grico taksa hi a ni." Ka aw thâm ṭuak chu keima aw ni pawhin ka hre lo, tisa châknain min fan ṭan miau alawm.

"A ṭha e, a ṭha e, i duh i hmuh theih nan engtia ka awm nge i duh? Hetiang hian em ni?" A bra kilhna phelhin hnute lang vek hian ka hmaah a ṭhingṭhi ta a, hei chu ka rin loh lam daih a ni.

"Arie..!?"

"Hei pawh hi kan phelh law law ang e," a under wear inbel lai a pawt thla leh ta a, saruak vek a ka hma a ṭhingṭhi hi Arianna Grico, model nalh tak leh itawm tak kha ni lovin 'Setana note' ang maiin a mitmeng a thîp râm a, min hawisan map lo hian, "Ti ta che, i duh chu ti ang che," a ti ta sap a.

Amah ka vawnna ka thlah riai riai lai chuan, "Ka taksa i nei pawh a ni mai thei, ka thinlung i nei chatuan lovang,"

"I thinlung ka nei ang pawh ka tih si loh!"

"Mahni fa te rilṭâma dah duhtu hi eng mipa uikawm nge i nih tih Greek Pathian ka zâwt ang ti nia," khum sirah tawlh pheiin a saruakna zahpui hauh lo hian a mu zangthal ar a, nichina ka thisen lum hak dâi ta raih raih chu engvang nge tih ka hre chiang khawp mai.

Nichina a duh lo ṭang vel khân tu emaw min hriat chhuahtir vang a ni. Carli hrechhuak lo thei lova min siam tlat zel hian ka thluak a tibuai vek.

"Ka fa a ni nge ni lo test kan nei thuai ang, chumi hma chuan eng mah sawi ka tum lo," keimah zawk khum aṭang a tho chhuakin intur dahna lam ka pan ta a, ka taksa thîp sup sup hi Arianna zawhte lian chi min hamna a ni tih ka hria; thin nawk nawk châk viau mah ila amah tina lo tur hian ka thinlungah chelhtu a awm a tlat lawi si.

"I farm house chhuahsan tur hian ka inpeih e, nang nena inzawm hi ka duh tawh lo." Khumah ṭhuin ka chezia min thlir reng a, a kawr hak tur Stefania ka pack tir pawh a awmna ka la hrilh lo kha a nia, a hâk lai ka pawhchhiatsak ta si a engtin tak awm ang maw!?

"I duh chuan kal ta che, ka dang lo ang che. I chênna hmun a hruai thleng tur che eng thlawhna mah a awm lo a nia," Whisky lem khalh pah a ka tih chuan, "A awm ka ti bik hleinem, ka phone min pe la ka chênna hmun chu ka pan thei a ni mai," a ti sap a.

"Ka pe dawn lo che ni mai lovin helai hmun a i awm chhung leh i chhuahsan duh a nih pawhin i hmu tawh chuang lovang," drawer-a Arianna phone ka dah chu phawrh chhuakin tukverh lamah ka pheipui a, farm house piah thingkung din ṭhupnaah chuan ka vawm ta a.

"Shinoda..i ti mah mah.." thawmhnaw pawh inbel lo hian lukhama ka phone a dah kha phawrhin ka chhuhsak hman hma chuan tukverhah a vawm chhuak ve ta a, ka nui chhuak teuh kher mai.

Hmeichhia min cho em em tu leh min hlau miah lo tu, ka hausakna leh ka hmelṭhatna pawhin a hîp ve miah loh a vawikhat nân ka tawng ve ta!

Arianna Grico hmeichhe danglam leh maksak hi ka nunah dinhmun nghet luah turin hmun ka chantir loh a tâk ah. Chona hmchhawn ngam hmeichhe dangdai tak a ni.

"Ti kha chuan kan intluk ta chiah e, i khum, i farm house a ni a, ka 'ta' ti a sawi tur ka neih ve loh avangin, Mr Shinoda, pâwnah ka riak ang e.." a bra leh under wear inbelin, "Ka thawmhnaw i tihchhiat man aiah hei hi ka la ang e," Bedsheet pawt hlipin luhlul hmel zet hian a intuam sawk sawk a, a chezia makti taka ka thlir lai chuan bedroom a chhuahsan ta a.

'Ka awih thei lo' ti ngawt ila ka mit ngeiin a chhuak lai ka hmu bawk si. Fridge inhawng ri leh inkhar ri ka hriat chuan Arianna en thlithlai turin ka chhuak ve ta a.

Beer eng emaw zât leh Apple leh grape te a hmuh ang ang bucket chhungah khungin khai chhuah a lo tum a nih chu.

"Farm house chhuahsan i tum a nih chuan eng mah ken chhuah ka rem ti lo. Tin, i pum chhunga mi kha ka fa a nih bawk chuan he lai hmun hi a chhuahsan ka remti lo a nia.." Choka kawngka biang nghengin ka ding a, dik tak chuan a chezia hian ka nuih ati za hlê! Common lo ve tak a ni.

"Ka khai chhuah ho hi i ui deuh a nih chuan ka hlawhah i cut mai dawn nia, naute erawh 'ka fa a ni lo' i tih leh keima'n ka nei ang a, tikhân kan inrem em?" Thinrim miah lo niawm tak hian a lang leh thliam tawh!

"Inrem lo," ka dinna aṭang a pên sawnin bucket chu ka chhuhsak leh ta a, min hnial tuma a âng zuau tawh chu a hmuiah fawpin ka khar chilh hmiah.

"Min kalsan i tum poh leh ka hnaihah i awm ang titu Luigi Shinoda kha ka la ni reng e," Zo zet hian ka pawm kâng nawlh a, a duh lo ṭang buai vel chu enga tân mah ka ti tawh lo. Tharuma hneh chi hmeichhia a ni lova zaidam leh tihtakzeta thlêm lungawi chi a ni zawk.

Amah ang hmeichhia hi Italy leh a chhehvel khawpuiah tumah an awmin ka ring lo. Ka thinlunga a mah ngaihsanna leh duhna lo piang chhuak ṭan mêk hi thunun tum mah ila ka thei dawn lo tih ka inhre sa vek bawk.

"Luigi, min thlah rawh.."

"Shh..inhnial hun a tâwp tawh e, shower nei zuai ila kan mu hah dam dawn nia, i phone erawh kan lêt leh hunah ka leisak ang che.." a biangah nâwk zauhvin khumah ka nghat thla ta a, min melh ralh chung hian, "Thinlung pahnih i nei a nih chuan a pahnih khân min pe ang che." A ti ta a.

A sawi awmzia ka hriat loh avangin, "Eng tin maw?"

"Pawngsual duhna hial rilru i pu thut a, tunah lêm mihran ang chiahin i lang leh a, i mize inthlâk thut thut ṭhin kha hmun khatah beng khawm la ka lo kawl ṭha ang e.." nui hauh lova tiin a intuamna bedsheet a pawt phelh ta a. Min zah ṭît ṭêt ang pawhin a lang leh chuang lo.

"Sì, Arie, inbual ang le, a tlâi lutuk tawh.." thinrim khum ka tum tawh lo hrim hrim, kei aia a pawngpawrh zel avangin zawi muanga a thinlung neihsak hi ka tum mai tur a ni dawn lo'm ni?

Arianna Grico, ka detective in a chanchin a chhuichhuah meuh chuan tûn ang hian a kawlh firfiak tawh lo chiang ngawt ang.

Amahah hian mize hrang hrang hmuh tur a awm a, kei hian engvang a ringhlel ringawt nge ka nih pawh ka hre lo!

Carli min hriatchhuah tir chhên vâng pawh a ni mahna. Luigi Shinoda nuna hmeichhe lût leh chhuak reng rengin chanchin sawi hat tham an nei tlângpui a Arianna hi eng ang hmeichhia chiah nge a nih ka la hre chhuak dawn khawp mai...

'Amah hmangaih suh la, a thinlung erawh hneh tum ang che.' Hei hi Luigi mizia chu a ni.

Tû hmeichhia mah hmangaih ka tum lo. Mahse, henu mize dangdai lutuk hian khawi hmun nge min hruai thlen dawn Pathian chauhvin a hria ang chu...

B++[BeckyRafaRenthlei]+®®

LUIGI SHINODA

Becky Rafa Renthlei

Chapter-8

Palermo Island

Farm House

Shinoda

Arianna, khum kil lama muhil bâm chu vawi hnih vawi thum ka en nawn sek a, ka lo ruahman dan leh tuna kan mut dan hi thil inpersan tak a ni. Ka hmai leh ka taksa hmun tina min hâmna hnuhmâ lang kulh chu thup sên chi ziazâng ni nghâl lo chuan. Em em a na!

Khatia kan inrem leh tâk hnu khân pawisawi lo niawm tak hian ei tur a dap kual a, Arsa kan leh toast, juice no hnih zet zuk in leh a!

Ka phone min vawm bo sak avang khan ka bodyguard tumah biak tlang theih ni bik hek suh, amah lah chuan engah vak a ngai lo nge tui takin a muhil a, kei ve thung chu muhil thei lovin ka tâl kual sek chu a nia a muhil tui lutuk hi ka thîk lek lek zâwk.

Ka Laptop on in ka tho chhuak leh ta nge nge a, Juan Ramirez detective-in thû a lo hnutchhiah ka hmuh chuan mak tih lutuk vângin ka meng deuh kâwk a.

## Mr Shinoda Arianna Grico, i model chhawr lai thlalâk hi eng company mahin an la chhawr ngai lo. A hmel hria pawh an awm lova buma i awm loh nan lo fimkhur phawt mai teh.

Eng tin nge a nih theih? Model tam tak ai pawha ṭha zawk leh super ni hiala ka rin Arianna hian eng experience mah nei lovin ka hnuaiah a rawn thawk a maw!? Mahse, interview a neih ni khân file a rawn keng miah lo tih ka la hre ve tlat. Ka zawhna leh min chhân dan thlengin ka la hre bawk.

Laptop khupin farm house kawtah ka teichhuak ta a, ka nun a hmeichhe rawn lût hi engtia hmachhawn tur nge ka hre lo mai ni lo vin ka bo hû. Hetianga danglam leh mahni in control thei hmeichhia hi a leh lamah chuan ka ngaisang ang reng viau lawi si.

"Luigi, helai velah hian tui chênna tur a awm mial lo maw!?" Khua a vâr dêt dêt tawh a, Arianna pawh bathrobe inbel chungin farm house kawtah a rawn chhuak ve a, tun ang hunah tui chên a duh a maw!?

"I tho â chu a ni êm lo maw Arie!?"

"A teuh lo, tui chêng turin min hruai dawn nge ka breakfast tur min siamsak hmasa dâwn?" Nui sak chung hian ka ṭhutna bulah a rawn ding a, a bathrobe-in a khuh phâk loh a châwn nalh zet chu a langsar kher mai.

"Eng maw i sawi?" Luigi hi i breakfast siamsak turin min phût a maw!?" Lungawi lo zetin ka ding chhuak a, inrem lam ai chuan inhnialnain bul kan ṭan leh dawn ava ang ve.

"Min siamsak lohin tu nge min siam ang a, dik tak chuan naupai ka ni a indim hun lai a ni bawk."

"I kâ a lut tur chu nangma'n i buaipui ang." Ti hmukin ka pensawn nghâl a. "Luigi, i ti mah mah lo maw, helai hmunah hian i chhiahhlawh ni tur a min hruai a nih chuan i tisual duai ang, ka ei tur chu ka siam thei a, i eitur siam ve ang che." Ti nghatin farm house lam panin min kal pel a, Juan Ramirez min rawn biakna ka hmuh vâng nge Arie hi ka ngei thar deuh tlat!

Chumi hnu chuan choka lamah eitur a siam ta a, a thil siam rimtui chem chem chuan ka hnar a verh zar thei nia. Ka ṭhut hmun aṭangin a chezia ka thlir reng a, nuam ti hmel deuhva a chevel chu a hmuhnawm ang reng.

"Ka phone min vawm bo sak manah i Laptop ka hmang ve thei," inthlahrunna tel hauh lo hian a breakfast tur a siam malh malh a, ka plate tur a chhawp tel ve loh avangin, "Ka eitur i siam ve nange?"

"Siam lo, i kâ a lut tur chu nangmahin buaipui ve mai rawh," Bacon a ṭhial ṭawlh ṭawlh a, a soup siam khu vat vat te chu tui tih hmel zetin a tep hlak hlak a.

"Ka ei  tur min siam kêp ve nange!?

"Teh suh ei, pahnih ei tur siam a hautak tehreng nen nang lehzel chu inbuaipui ve rawh," ei tur lam a buaipui zui leh daih a; ka ngawi mai mai hauh lo ang.

Ka ṭhutna aṭanga tho chhuakin breakfast dawhkan ka va kîl ve a, a sawi dik chiah! Engmah a bo a bâng awm lovin a thil siamsa a plate-ah a suak chhuak vek a, min siam kêp lo hrim hrim.

"Khawi, ka ei ve hun a ni tawh," a plate chhuhsak ka tum chuan a kut pahnih hian nghet zetin a vuan bet ṭang a, "I ei tur siam thiam lo tur khawpa mipa nêp i nih ka ring lo," min pe phal bîk teuh lo, Bacon dahna plate kan inchuh ta chu a nia ka awih thei lo.

"Ka lei vek a nih kha min pe ṭha mai mai rawh."

"I lei pawh nise i zawrh pawh ni raw sek sek helai hmuna min hruaitu chu nangmah i ni a, rilṭam a awm ka tum reng reng lo." Mitmeng ling hlarin min melh zui kâwk nia!

"A ṭha alawm," tih pahin a soup siam sa leh bacon a la ei zawh loh chu chhuhsak thutin a plate chawp hian tukverhah ka thehchhuahsak ta a, "Luigi Shinoda ti thinur tu chu hrem lohvin a chhuak lovang," ka ti sup a.

"Min huphurh leh tur si chuan engvangin nge helai hmunah hian min hruai?" A ṭhutna aṭang a tho chhuakin pawnlamah a chhuak tau ta a, kalna tur dang a hre dawn chuang lova a rawn kir leh vat beiseiin ka ngaihven duh dêr lo.

After 3 hours

Carli Davino.

Luigi min tih dan mai mai chu ka thin tertek chhuak tur ka insum hrâm a ni. Ka pawngpawrh viau chuan ka phuba lâk tumna a hlawhchham ka hlau si. Helai thliarkârah hian min ti rethei tur ringawtin min hruai a nia.

Thing in sak thar lian vak lo ka hma lawka lo awm ka hmuh chuan lâwm avangin ka au chhuak ṭhelh a lawm le! Mei an chhem a ni ngei ang meikhu Van lama chho ngiai ngiai ka hmuhin ka phûr hle a, bathrobe chauh inbel mah ila ka pawisa zo tawh lo.

"Awm in awm em?" Kawngkhar ka kik dat dat a, thâwm eng mah hriat tur a awm loh avangin Thing kawngkhar chu ka pawt hawng ta a, inchhung fel fai thlap leh thuk a mei inchhêm alh hlat hlat ka hmuh chuan luahtu an awm ngei tih hrilh hranpa ka ngai lo.

"In awm em?" Zawi sap a ka ṭawng chu chhângtu an awm lo bawk a, hlauh leh vênthawn nei miah lo hian inchhung chu ka enkual ta a. Atu a pawh chêng rawh se, helai hmun a chên ve ka dîl hmiah ang.

Luigi Shinoda hian min ngaihsak tak tak a nih chuan min rawn zawn ka ring a, min zawng a ngaihdam min dil chuan alakah ka induh sawt ang. Mahse, chutiang ni lova min ngaihsak lo leh eng atân mah a min ngai lo ang mai a alan chuan theihpalingkawh leh a uchuak thei ang berin ka ngaizawng thung ang.

Shinoda tih nat hi ka thiltum ber a ni a, eng mahin a dâl dâwn lo. Ka thianghlimna ka hlauh tâk kha chatuanin ka nei lêt thei dawn tawh lova chumai ni lovin a fa min la hnutchhiah zui nen phuba lâk hi ka tih mâkmawh a ni.

Chulai Thing in nuam leh reh raihah chuan hahdam zet hian ka mu ta dar dar a.

After 3 hours

Luigi Shinoda

"Sam, thing hmun leh Litengsâwl awmna te Coconut hmun zawng zawng te kha zawng vek rawh u," Arienna dârkar thum hnuah pawh a lo la lêt loh avangin ka mangang takzet tawh a, ka hmuh phâk zawng zawng Farm house leh a chhehvel ka en kual vek tawh bawk.

Eng ati nge henu hi a dangdâi em em mai lê!? Ni lo, ka fa pâi ang te khân a insawi bawk si a, kei hian finfiah chiah lo mah ila heti mai chuan ka thlahthlâm thei lovang.

"Sir, i sawina hmun a piang kan en a Arienna hmuh tur a awm lo." Ricco an atih chuan ka thaw chhuak halh a, phone hman mai tur ka nei bawk si lo.

"Ricco, engvangin nge Arienna tia i koh ve rîkngawt a!? Tun bâk kha a hming sawi tawh suh ang che." Ti hmukin Farm house kawtah ka vei nghut nghut a, khawiah nge maw a awm daih le?

"Sorry Sir,"

"Charter company phone la, helicopter rawn tîr rawh se,"

"Yes, Sir.."

Chutia kan buai em em lâi chuan thaw hlawp hlawp chung hian Sam a rawn tlân phei a, "Sir, Thing inah Miss Grico a muhil!"

"Eng a..!?

"Thing inah maw le.." Ka bodyguard pathum te nen an chênna hmun thing in panin hmanhmawh lutuk hian kan tlân ta a, ka rin lohna deuhva a lo awm daih chu niin.

Hremna pêk belh chhah leh ngei tum hian rilru ka siam sauh sauh thung.

"Tumah rawn lût suh u," in chhungah ka lût hmasa ta a, chhuat hnûm hlurh a Arie lo muhil ka hmuh chuan ka sa zak thei nia. Amah ngaihtuahin dârkar tam kan philî a, ani enghelh nei miah lovin a lo mu der der chu a nia!

"Hey, tho vat rawh.." ka sawi nawk nawk a, a meng chhin eih lo!

"Arienna, tho rawh ka tih chu."

"Min hnaih hlek suh," tiin a rawn meng siar siar a, a la che duh chuang ṭhak lo.

"I awm lohna tur hmunah i awm avangin min tibuai hle a ni, hremna i pumpelh hauh lovang."

"Kal mai teh, mi rethei vâk vêl ka ni lova i hmei lah ka ni hek lo, nang mi uikawm..." a sawi zawh hmain a hmui ka hupsak ta a, a awki a sân ve bawk nen ka bodyguard te hriat lai a ṭawngkam mawi lo tak a min biak hi ka duh miah lo.

"I kâ i âng leh a nih chuan helai hmunah hian ka pawngsual ang che." Ka tih chuan meng bial kal chung hian min en a, a mitmeng kawlh leh ta hrâ chu a tawrhhlelhawm leh dâwn mang e.

"Bacon leh Soup bowl khat lek pawh ka tân i ui a nia, min hnaih tura i ke i rawn pên leh vaih chuan.." a'n sawizawm duh lo ngei a.

"Arienna, min vau reng reng suh," a hmui hupna ka thlah rualin rangzet hian ka bân a la lawk a, ka rin loh ang tak a a chêtna chuan min ṭhâwng hlê a ni.

Ka bân a min sehna val kalh ka en chhûngin, "Tikhân lo inbuaipui rawh helai hmun chhuahsak tluk a châk ka nei lo." A bathrobe suihna ka pawt phelh hman ṭâwk. Under wear leh bra nen chauhva tlân chhuak ta ka 'model kawlhi' chu ûmzui mai nachang ka hre lo.

"Sam, lo man r'u.." ka aw ṭêng chhuai chu a ring mah mah.

Ka bân a min sehna thîp vang vang pawh ngaihsak hman tawh lo vin Thing in chu ka chhuahsan ve ta a.

Eng thil nge ka hmuh leh tâk!?

Ricco-an Arie pumah a lo kuah a, a hnute chung chiahah a kut a nghat tih ka hmuh chuan, "Nang kha, tu thûin nge Arie kha i kuah!?"

"Sir..."

"Thlah nghal rawh, bân i duh loh chuan.."

"Mahse, Sir, man turin min ti bawk sia.."

"Ricco, i kuahna hmun kha a dik lo," a bân a thlah rualin Arienna chak lutuk hian a tlanchhe bawk a, "Ûm leh rawh u." Mipa paliin hmeichhe chimawm pakhat kan buaipui ta chu a nia!

Arie, tlân kan umpha ṭêp tihah Litengsâwl a a dive lût chu mak tizetin kan thlîr ta ṭhap a, hei chu 'a em em deuh lo maw!?'

"Hmelchheho, inngam chuan rawn zuang lût u la.." a rawn au vawn vawn ri ka hriat chuan ka mipa rilru a chawk tho leh ta. Tuchen lah chu a thiam zêk lehnghâl a!

Ka thawmhnaw inbel hlîpin ka dive lût ve ta a, ka bodyguard tepawh a mal malin an rawn zuangthla ve a, hun dang chu nise ka nuih aza ngei ang; mahse, tun ṭûm zet zawng thinrim lutuk avangin ka chhungril zawng zawng a sa chhuak vek thei nia.

"Hey, Luigi, helamah.." a rawn nui sâng a, a hmelṭha vawr hian ka thinrimna a bengdai tur a ni lo.

"Arienna.." a awmna lamah ka va hleuh phei ve a, min tih thinrim dan chu a hre ve khawp mai! Minute thum lek chhung pawh kan inrem hman lo chu a nia; mahse, Arie hian engtizawng emaw tak hian min hîp riau si. A hmelṭhat chu thuhran, a mize dangdai lutuk leh hmeichhe tamtak te neih ve loh a nei tlat hi a ni.

Rei ngial tui a min chhaihkual hnu chuan vawilehkhatah a pil thuta chumi rualin a awmna hmun ka hleuh thleng ve chiah bawk.

Min tih thinrim a tumnaah ngaiin ka ngaihsak duh miah lova; mahse, minute nga dâwn a rawn lan tâk lovah chuan tui chhungah ka lût leh ta a, Arie che miah lo ka hmu hmasa ber! Tui chhungah ngîl ât hian a awm a, a mit a meng miah lo bawk. Rang lutuk a kuahin vaukam lam ka panpui ta a.

"Hey, chimawmawm nu, i thider leh em?" A biangah zawi tê têin ka ben sak a, a meng chuang miah lo.

"Eng ang pawhin min bum tum mah la tun ṭum chu i che fuh tawh lovang." Ti supin a hnâr zawnah ka kûn hniam a, a thaw ri hriat tur a awm miah lo.

Sam leh Ricco an lo thleng bawk a, "Sir, Miss awm dan hi a dik miah lo a nia,"

Chumi hnu chuan theihtawp chhuahin a pumah nemin kan buaipui a, tider mai mai chu a ni ta hauh lo.

"Arie...duhtak...ni lo, i thi thei lo a nia.."

"Sir, a zia mai ang, a taksa tih lum hmasak a ngai a nih hi."

Arie taksa vawtthlar pawm kângin Farm house lam ka panpui ta a.

Ni e, henu hi ka duh chiang alawm, eng hmeichhia pawh nise model a ni emaw ka fa a pai emaw pai lo pawh nise ka thlah hauh lovang.

B<++[BeckyRafaRenthlei]+>RR

9.LUIGI SHINODA

Becky Rafa Renthlei

Chapter-9

Farm House

Palermo Island

Luigi Shinoda

7:00Pm

"Sam, heater on la, Ricco, nang kha ding reng lovin Arie thawmhnaw tur kan ken zing a mi a lum lampang lo va la chhuak rawh. Phone thar pahnih chah ula Helicopter rawn tir rawh se." Khumah Arie ka mut tawh a, a thaw a dik deuh tawh bawk. Mahse, tui tak a muhil ang maiin a la harh chhin eih lo.

Arienna kutah vuanin khum sirah ka ṭhu a, ka bodyguard pathumte te'n min kil ṭhap bawk nen ka ngaihtuah chian chuan ka nuih a za deuh. Muhil pangngai ang chiah a alan tawh avangin ka hlauhthawnna pawh a ziaawm sawt bawk.

"Sir, kha le.." Ricco thawmhnaw rawn lâk chu inbel tir tumin a puansin lai ka keu a, under wear leh bra huh nen ka mut hlâwm tawp kha a nia ka naute hmuh lai a a thawmhnaw thlâk tezawng thil tihchi ninghal lo chuan.

"Lo va chhuak rawh u.."

An pathum a an chhuah hnuah muangchângin a hnuailam thawmhnaw inbel chu ka phelhsak ta a.

"Hey, min pawngsual i tum tak tak elaw!?" Arie aw ka hriat chuan ka phu nasa ngei mai.

"Ni lo, chutiang eng..."

"Luigi, dâwt sawi miah suh," ruak vekin a mu tih a inhre lo nge a ke dinglam rawn lek kângin ka koki-ah min tlawh zawt a, "Arie! Eng nge maw i hriat le?"

Chiang zet hian min rawn melh ta a. Ni lo, a mitmeng paw phât ṭhin kha hmuh tur a awm miah lova tuna min melhtu hmeichhia hi ka hmuh hnu a ni! Khawi hmunah mah he mitmeng hring râm dangdai zet hi ka hai ngai hek lovang.

Ṭawng tumin ka âng zuau a; mahse, ka thinlungin a hriat hi chuti mai a sawichhuah chi a ni lo.

Arienna Grico nilovin Carli Davino a ni!

"Luigi, i insawi fiah dawn em? Saruaka ka mutna chhan hi i sawifiah ve ngei chu a ngai ang." Chhâng buai duh lovin a thawmhnaw inbel tur a ka kensak vek tawh chu amah vawm nân ka hmang a, pindan ka chhuahsan ta a.

Ni e, ka hmuh hnu ang a ka hriat tlatna te, a mize dangdai leh kawlh em em si te hi Carli Davino a lo nih reng vâng a nih hi! Bumin ka awm. Luigi Shinoda hi min bum a ni.

Farm house kawtah thinrim ru ṭûnin ka vei nghut nghut a, Arianna Grico anga lem changin Carli hian min rawn bum tih hrilhfiah ngai lovin ka hrethiam vek. Khâ zan Carli thianghlimna ka laksak zân khân rilru hrehawmin ka awm a nih kha. Tunah ka nunah mihrang ang a lo lûtin ka fa a pai bawk a, a dik chiah. Carli a ni emaw Arienna pawh nise ka fa paitu hi mi thuhmun anni a, nupuiah ka nei ngei tur a ni dâwn lo'm ni!?

Mahse, min bumna man hi a to fer fer khawp ang le.

"Sir, Miss ril a ṭâm." Ricco pawnah rawn chhuakin a tukkhum a tuai vut vut a. Ka ruahman dan angin engmah a kal eih lo hi mak ka ti.

"A ei duhzawng zâwt ula siamsak rawh." Ti hmukin thingkung nghêng hian ka ding a, hmeichhe tleirawl satliah bum theihin ka awm chu a nia!

"Sì Sir," Ricco nui tut tut chu ka run viau nâ a, inhau mood-ah ka chêng tlat lo.

Carli hi ka hrechhuak lo der dâwn nge, a nihna dik tak sawi chhuakin ka nun aṭang hian ka thehchhuak dawn tih hriat va ni suh.

Farm house chhung a ka luh leh chuan dinner dawhkan kilin a lo ṭhu thân tawh a, ka lût lai min melh zauh pah hian, "I uikawm viau nain i hnathawkte talin min ngaihsak a ka ngaidam ang che," zu han ti a!

Whisky inthlit pah hian a hmêl ṭha zet chu ngun takin ka en reng a, ani erawh chuan min ngaihsak leh tawh chuang lo. A thil ei lai chauh ngaihvenin a kâah a hnawh lût mawlh mawlh a, Ricco leh Sam-an maktih hmêl zet a an en te chu hreawm pawhin a awm lo.

"Kan Shinoda ropuia chu eng mah i ei ve dâwn nange?"

"Ṭawng ṭawng lo khân ei rawh," ka ti hmuk a.

"I eichâk ve a nih te chuan siamsaktu tur che an awm reng hi."

"Arienna, min hnial buai lovin i thil ei lai kha eizo la inbe teh ang. Sam, invai khân min chhuahsan ula koh innih hmâ loh chuan hetah rawn kal a ngai lovang ka phone tur erawh Ricco khân rawn dah se la."

Arienna nen chauh kan awm hnuah ṭawngkam khat mah ka chhâk chhuak tawh lova whisky no thum zet ka lem tawh bawk.

"Ka fa i pai tak tak em?" A ṭhutna bulah dingin chîk zet hian ka melh a, a sam buang ṭhin dum ta vek te, a mit rawng thlengin min bum nân a thlâk chu a ni si a; Tui hâk a thi der Arienna hi Carli Davino a ni tih rin harsa ka la ti cheu.

"I fa chu a ni ngei alawm," a ti tawi tak a.

"A nih chuan naktukah helai hmun chhuahsanin kan innei nghâl ang."

"Eng maw i sawi!? I â chu a ni êm lo maw!?"

"Â zawk chu kei ni lovin nangmah khâ i ni."

"Pasala neih che ka tum chhin eih lo." Thinrim zet hian a rawn ding chhuak a, "Arie, i mit rawng kha a pâwl ni khân ka lo hria a, tun minute reilotê chhung a mitmu rawng hring i pu ta daih hi eng lemchan nge ni ngai?" A nihna fak sawi duh chiah lo hian a rilru enchhin hmasa ta ila ka tifuh zawk ang.

"Ka mitmu rawngah lo buai suh, ka piantirh aṭangin a hring char char alawm le ka put," buai map lo hian min chhâng nia!

"A nih chiah kha, tu emaw mitmu rawng hring nei ka hriat nen inanna riau innei; mahse, nang aiin a kawlh lo zâwk." Nui suk chung a ka tih chuan a nui duh ṭhak nâng.

"I hriat ṭhin chu ka hriat ve miau loh avangin ka lo buai ve na tur a awm lo, chuan inneih lam kha chu sawi chhuak duh suh; a chhan chu kei hian pasal neih ka tum lo, i fa ka pai a ni maithei; mahse, hei hian i nupuiah min siam thei tihna a kâwk rêng rêng lo a nia." Intivei zet hian a hawi larh a, Carli mizia dik tak ka hmuh belh niin ka hria.

"Kan la hria ang chu, Biak in thleng rak a hnuh ngai mah la ka hreh miah lo, ka fa chu nu leh pa kârah a seilian tur a ni." Whisky nokhat dang ka tlâk leh pawp a, eng game nge khelh a tum tih hriat hi ka tân a pawimawh hmasa ber. Chuvang chuan Arienna angin ka ngai lui zel rih phawt tur a ni. Carli Davino chanchin erawh chhui a awlsam khawp ang.

"I tum chhin poh a ni ang chu, min lo hriatthiam theih chuan ka mut a chhuak ta." Min kal pelin nichina a mutna lam kha a pan zui hmak a, a nihna dik tak ka hrechhuak a ni tih hi a hriat ve kher a ṭûl hran lo ve.

Dârkar chanve liam ta a tui hâk a thi teuh deuh Arie kha kei chuan ka ngainain ka duh zawk. Carli Davino hmeichhe mâwl leh mahni sa himna tur ngaihtuah thiam lo kha ka tei thei chai lo.

Bedroom-ah ka zui lût ve ta a.

"Luigi, ka rawn mu ve dawn tih sawi tum miah suh," min hmuh rualin a ner sak a.

"Ka khumah ka mut lohvin khawiah nge mu se min tih a, zanin chu ka fa kiangah mut ngei ka tum." Ka thil in avanga ka lu rit chhak chu haiderin khumah ka lawn ve nghâl a.

"A ṭha e, ka kiang a i mu duh a nih chuan intiamkamna felfai tak kan nei tur a ni." A thusawi chu hla tak aṭang a lo ri chhuak nimaiin ka hria. Kei hi ka dik dawn miah lo, ka mit men ka tum pawhin ka tih theih tâk hlawl loh avang chuan ka chhîng ta riai riai a.

##

Ka harh leh hmasak ber rual a ka thil hmuh chu leh!

Arienna dârthlalang hmaah lo dungin a pum leh a kâwngbâwr uluk zetin a lo en kual a, kawr eng mah a ha lo bawk. Under wear erawh a inbel hrâm a, a pian nalh zaih leh inkhaithli thlarh te, a hnute tê lam deuh kawh vah te chuan ka hnuai lam nunna a pe lo chauh nia maw le. A taksa lâwng ka hmuh a piang a danglamna ka lo nei hman ziah hi thil mak a ni!

"Eng ang pawhin i pum khâ teh kualin bih ngun mah la tun dinhmunah chuan a rawn puar thut lovang." Ka nui chhuak hawk a.

Ka lam rawn hawi chung hian a hnute lang hiai chu thup a tum vei ngial a, "Min en reng lo khân i tih tur ti rawh."

"Ni e, ka tihtur ka ti ang." Khum thawhsanin a hnungah ka va ding a, a makti hmêl âng deuh pam chu ka hmuiin ka kharchilh zui hmiah.

"Eng..?" Inlâk hran a tum ngial a, ka vawn ngheh êm avangin chuti mai chuan a thei bik lo.

"Ka ta i ni, ka tâ chu ka vênghimin ka enkawl ṭhin." Ka sawizawh rualin duhthawh zet hian ka fâwp zui ta a, a ka chhung sa hiam te, a lungphu dat dat te chuan mipa ka nihna a rawn tharthawh leh ta.

Uar leh duhthawh takin fâwp tâwn tâwn mah ila min chhân chu sawi loh a hmui chîp tumin ṭan a khawh nasâ! He nu Carli Davino hian min hîp takzet tih phat buai ai chuan a taksa leh a thinlung nei tur hian hmâ ka la mai tur a ni.

"Luigi duhtawk teh.." a biang sen ṭân ṭân chuan experience a neih loh zia leh atân a mipa hmasaber ka nihna min hriat nawn tir lo thei lo.

"Bul kan ṭan dun dâwn alawm, ka ta i nihna tukkin hian nemngheh ka tum bawk." A inrin hman hmain khum lamah ka pawm phei ta a, tharum tel lova thlêm chung zelin a taksa ka chûl lawr dan dan a, milim ang maia a mu khawng ât hi chawkphur thei turin thiamthil ka show ngei ang.

"Arie, min hnial suh aw.." a beng bul a phun supin a hmui ka bawhthuah zui zat a, ṭawngkam khat mah a chhâk chhuak lo.

"Arie, duhtak.." min lo chhâng lêt ve tih ka hriat rualin uar fahran hian ka fâwp a, a taksa mâm han leh lum ham ham te hi ka thlah phal tawh teuh lo.

"Luigi...!?" Tisa châkna avanga a mitmeng buai nak chu a nalh ru phian.

Thiam leh zei taka ka thlêmna chuan hna a thawk ṭan ta. A kuttin zum sâl a hma lawk a min hamna ngei hmang khân ka hnungzâng leh ka dul thuar vel a rín zai zai a, phurna nasa takin min fan chiai chiai thei nia.

"Ka fa lo piang tur tân hian ka tling tâwk." A hmeichhiatna ka deh rualin a phu deuh zak a, a ma duhthu rêngin a vawikhat nân min rawn fâwp ta vang vang a.

Kir leh thei ka nih tawh miau loh avangin ka ta a ni tih nemnghet turin pumkhatah kan insiam ta a, min hnial emaw min dâl emaw a tum chhin miah lo! Phûr hûrh angin a lang lo nâ a, a thin zâwn phu dat dat leh a thaw lum hiam te chuan keimahah lungawina a nei tih ka man thiam tlat.

Tisa thil a ka milpui dik tak ka tawng chiang alawm, hmeichhia eng emaw zât ka lo mutpui tawh te zingah Arienna ang a insûm thei hi pakhat tê mah ka la tawng lo.

"Ka duh che.." ka âwm nghêng a chhîng chial hmeichhia hi thlah tumna ka nei ta rih lo.

After 3 hours

Tisa thila kan duhthu rêng a kan inzawmna chuan kan boruak nuam lo zet kha a thlâk danglam hlauhva 'kan model phuahchawpi' hian mize engzât fakau nge a neih le!?

"Luigi, lunch kan siam dun thei ang tiraw!?" Nui sâng chung hian choka lamah min hruai phei a, hnial ka tum ûk nâ a, ka ṭhulh leh chiang kher mai.

"Sì, Arie.." a kawngah kuahin ka lamah ka pawt deuh salh a, "Tun aṭang chuan inhnial tawh awih lo aw," ka tih chuan thuawih hmel zet hian a bu vei nghat a, ka nui chhuak teuh kher mai.

A chângin min ti thinrim a, a chângin min ti hlim viau lawi si.

Spanish chaw dik tak kan siam dun a, "Kum engzat nge i nih?" A kum dik tak ka hresa reng. Mahse, game kan khêl tawn ve ve a ni tih sawi lan kher ka tum lém lo.

"Kum 20.." ka mitah tak min en a, ka rin loh deuhvin thudik a sawi mial!

"Ok, kei nen kan kum a inthlau viau nâ a, hnuai lam erawh a inmil si.." nui lek lek chunga ka tih chuan ka lam hawiin fork a rawn lek lang zauh a, "I kianga ka awm lai hian min duat hlê rawh chuti lo chu i inchhir palh ang e." Eng a sawi tumna nge hre chiah lo mah ila ka ngaih erawh a ṭha chiah lo.

Lunch kan kil dun lai chuan "Inneih ka duh lo ka tih kha ka sút leh e," tiin hnuailam a melh zui daih a, "A ṭhat chu, inṭhenna a awm tur a ni lo tih i hre tel dawn nia," ka ti hmiah.

Ruahmanna felfai tak hnuaiah engkim a dik thlap a tih ngei ka tum a, Carli Davino thil tum ka hriat chhuah hma chuan nupui pathum neih ngai mah se ka nei mai tur a ni.

A vawi hnih nân a nunah ka lût leh ta. Carli chunga ka chêt dan mawi lo tak kha Arienna hian min thungrul a tum tih hai theih ninghal lo chuan.

Hmeichhe thuhnuaia kûn ṭhin mipa ka ni lova ka thunun theih ngei tur hmeichhe inluling hian phuba lâk chu han tum poh teh se. Hmangaihna ngaisâng lo tu Luigi Shinoda nun a inrawlh te chuan an phû tâwk an hmu zel ṭhin.

Kiai suk chung hian, "Inhualna hran kan nei dawn lova eng ang mipa nge ka nih tih i hriat duh chuan i ṭhiannu Bianca zâwt ang che."

"Eng..Eng maw i sawi kha!?"

A hmêl dâng ta lâwp lâwp chu uluk zet hian ka en leh phawt a, "Bianca nen ininhria a ni lawm ni? I hre lo a nih chuan keiman ka la inhmel hriattir ang che." Ka ti ta a.

A hlauthawng hmel kha ka hmu hman vek tawh a, rinhlelh rual lohvin Bianca ṭhiannu Euro tam tak ka pêk ngei Carli kha a ni tih ka nemnghetah ka ngai hmiah...

Phuba lâk tumtu hmeichhia hi nupuiah neiin ka inhmangaihtir dâwn em ni ang?

B<++[BeckyRafaRenthlei]+RR

LUIGI SHINODA

Becky Rafa Renthlei

Chapter-10

Palermo Island

Farm house

Luigi Shinoda

Arienna breakfast tur ka naute ka siamtir a, chawlh hmang tur a kal kan ni tak nâin ka rilru ka thlâk hlauh.

Farm house-ah hian eng mah tih khawmuan tur kan nei tawh lova a rang lam a inneihna buatsaih chûk chûk ka duh avangin Ricco-a phone rawn dah ka hmang kual zung zung a, Arie erawh a la mutui sâk sâk khawp mai.

Min bum tumin hma la teh mah se Luigi Shinoda, khawvela Jet plane ṭha ber ber siam chhuaktu thluak hi a ûmpha ngai lovang. Ka Solicitor biain inneih hun tur leh ka duh dan ka hrilh zung zung a.

"Luigi, ni tlemtê liam taah Stella nen in inṭhen chauhva i company hian a tlâkchhiat phah lâwng maw!? Tia min zawh chuan, "Nupui hual ka nei dawn hleinem, nupui tak tak ka nei dâwn zawk a lawm, nupui fanau ka neih vânga ka company-in a tuar dawn a nih chuan tuar mai rawh se, a aia ṭhain din chhuah ka tum leh mai tur a ni." Tiin ka chhâng hmiah.

Ka rilru diktak a ni bawk. Carli Davino nupuiah ka nei dawn lova Arienna Grico alawm le ka neih dawn. Û huh! Company nge hlu ang a ka fa lo piang tur tih hi ngaihtuah tham fe a ni.

Arienna fa pai lai hi 'Ka fa a ni lo' tia sawi buai tumna pakhat mah ka nei tawh lova a chhan chu ka fa a ni tih confirm kher ngai lovin keima'n ka hre chiang bal.

"Sir, Miss hian kan siamsa eng mah a ei duh lo." Sam-a a rawn vui phei nuah nuah a, Arienna'n sual a chhuah leh pek tih ka hre mai.

"A ei duh ang zâwt la siam sak leh mai rawh." Ka tih chuan lungawi vak lo hian choka lam a pan leh hnu hnu a, Arienna thil tum hrechhuak tur hian inphahhnian char char a ngai dawn a nih hmêl.

"Arie duhtak, eng nge i ei duh a?" Breakfast dawhkan kilin a lo ṭhu tûm bâr a, a kum dik tak hresa lo ila chuan ka nuihzat ngei ang; mahse, ka hriat miau tawh avangin ka lo kawp tawh ṭhinte ang a puitling viau tur a beisei chi a ni lo. Inthup tum eng ang mah se a naupanna a lang leh nge nge zel.

"Eng mah ka ei duh zawng an siam lo." Juice a inkhalh khalh a. "Eng nge i duh sawi la ka lo siamsak ang che," ka tih chuan ka mi chhawrte makti hmel ka hmu hmasa ber.

"Apple Pie leh Coconut Jam.."

"Ok, kan siam dawn nia, shower neiin lo va intifai la ka lo siam ang." Dam thluam a ka tih chuan ka biangah a rawn fâwp zauhva!

Arie kal hnuah rang lutukin Sam leh Ricco, Abella te'n ei tur an siam zui nghâl a, kei hian eng mah siam ka tum tak tak teuh lo. Bumtu bum lêtna mai a ni; mahse, Arie ka duh loh vang a ni chuang lo.

"Sir, bathroom-a zai chu ngaithla teh." Abella a nui vur vur a, Arie inbualna bathroom lam hawiin a beng a chhi hrâ bawk.

"Ngaihven loh tur zawk i ngaihven a nih kha Abel, minute nga chhungin ka nupui eitur siam peih rawh u."

"Eng maw..!? Nupui maw?" An pathumin an ti rual ṭhawt a.

"Aw ni e, Arienna hi ka nupui tur a ni a, vawiin aṭang hian company ah duty tawh lovin ka penthouse-ah in duty tawh ang, a lût leh chhuak engkim hmaih nei miah lovin in hrefai vek tur a ni a; ka fa a pai tih hre tel bawk ula a duh zawng apiang pe ang che u." Thupe ṭhang aw taka ka tih chuan an bu nghat nghat a, Abella za lutuka a rawn nuih chhuah chuan ka nui lo thei bik lo.

Arienna'n ka kekawr leh ka kawr tâwk lo tih hriat lutuka a rawn inbel chhuak ka hmuhin nuih loh na chi ninghal lo chuan!

"Hey, eng thawmhnaw nge ni ngai?" Nui suk chungin ka lo be vat a.

"Company lian lutuk nei ve si ah chuan i uikawm ber! Ka thawmhnaw inbel tur min ngaihtuahsak lo tih sawi nawn kher ka duh lo a nia," a ti hmarh hmarh a.

"Wow! Ka tihpalh, i thawmhnaw hâk tur kan lo dah chhuah theihnghilh a ni e," Ricco ka mitmei zauh a. Rang takin Arie thawmhnaw inbel tur la in a kal ta nghal a, Lal fanu ni mah suh se ka duh ka hriat theih nan leh ka neih theih nan chuan mipa zaidam leh thilphal ber angin ka lang mai tur a ni.

"Khatia ding reng lo khân ka breakfast tur min siamsak rawh u," Sam leh Abella lam hawia tiin a thawmhnaw hâk lian hlup chu a melh zauh a.

"Luigi, min lo zâwm ve la.." ti sapin breakfast dawhkan a kil nghal a, ka ṭhutna tur min pawhchhuahsak vei thlap! A chezia reng reng a dik thlap a, a confi em em bawk.

"Coconut Jam hi ei chhin teh." Ka hmui záwnah a kut a rawn phar dâ a, ka hnuai a thawkte hmuh lai hian min barh a tum deuh em maw ni!

"Arie," a nui sâng a, ka ân hma loh a kut lâksawn a tum tlat si lova ka âng ve ta nge nge a. Ricco a rawn lêt leh tawh bawk a, sofa-ah Arie thawmhnaw tur a rawn chhawp hnawk a, "Miss, i duh duh thlang rawh le."

Breakfast kan ei chhung zawngin an pathumin min vil ṭhap a, hundang chu nise ka kalsawn tir ngei ang, kan model-i hian tirh a châk hmel êm a ka kalsawn tir duh ta bik lo.

Palermo chhuahsan tura kan inbuatsaih lai chuan ka private jet pahnih a rawn thleng tawh a, Ricco leh keini pahnih hmun khatah kan kal ang a, Sam leh Abella a hranin an lokal ve thung dawn a ni.

"Ka nupui i nih hunah chuan i hna thawh zawm phalsak i ni tawh lova, ka chenna hmun bâk khawi mah chhuahsan phalsak i ni lo bawk a nia," Palermo chhuahsanin kan thlâwk chhuak tawh a, ka koki nghêng riala a ṭhu chu thil mak pawh a ni lo. Tukkin zing aṭanga a nungchang rawn inthlâk ta thut hi a chhan hre lo mah ila eng tactic emaw a hmang leh dawn tih ka hrethiam vek.

"A anglo lutuk, ka hna ka bansan dawn miah lo." A ṭhut dan siamremin min en hâ a, a lung nih loh hmel hle bawk.

"Luigi Shinoda nupui tân hnathawh a ngai lo tih hre tur chu i nia lawm; i mamawh engkim pêk i ni ang a, i account-ah pawisa ka thun bawk ang, i tihtur chu nupa nun min hmanpui leh ka fa ṭha taka enkawl kha a ni mai."

"Ni lo, chutiang ka duh lo.."

"Min hnial suh ang che, tunah hian ka company meeting room-ah sawm bik mi eng emaw zât te'n min lo nghâk reng tawh a, inneihna hunserh hman laia i awmdan tur suangtuah mai rawh." A kut vawt thlar humsak ka tum chuan a inlahrang vat a, "Vawiinah kan innei nghal dawn a maw!?"

"Ka sawi ang chiah kha a ni mai, mokawr fual hâk i lo inbeisei deuh em ni?" Elsen lam rawngkai lek lek a ka tih chuan, "Beisei lo ve eng mah beisei ka nei lo." A ti leh lawi si.

Charter Jet

LSJ Company

Main Building

Italy. Arienna Grico

Company Main building chung zâwl a jet a ṭum lai chuan nghet zetin Luigi Shinoda'n ka kutah a vuan a, he pa hi ka hrechiang lo nge min duat thar ta riau hi a chhan pawh ka hriat si loh!

Nizana hmangaihna min chenpui lai khan ka chhungrilah inthiam lohna lian tak a awm rauh rauh a; mahse, ka phuba lâk tumnaah hian tiamchin a awm tlat lo. Ka tân mipa hmasaber a ni a, amah ka tihnat theihna tur ber ni a ka rin a piang leh min rin ngam phawt a ngai tih ka hre ve kar.

Company kawt a mipui tam zet lo ding khawm leh reporter team khat daih zet lo awm te chu ka rin phâk loh leh ka beisei miah loh thil a ni. Ka kutah vuan tlat lo se chuan baklêngin ka tlanchhe duh maiin a nia ka rin.

"Arie, hahdam rawh, i thawmhbaw inbelah buai lo la, keimah rinchhanin ke pên ang che." Awki hniam chhak leh ril ruih a min biakna chu a sexy kher mai.

Ni e, tukin a ka thawmhnaw inbel kha hlîpin sweater sen duk leh pawnfen dum ka khup chen lek a chhing ka inbel ta kha a nia; mahse, mihring heti zozai hmuh atan chuan a chhuanawm fahran loh.

"Mahse, eng ati nge hetia an punkhawm chiam a!?"

"Vawiinah company mi leh sa hriatpuina leh khawvel ram hrang hrang a ka thawhpuite hriatah ka nupui i ni dawn tih kha i theihnghilh ta em ni? Tun aṭanga darkar chanve a liam chuan Solicitor kaihhruaina hnuaiah inneihna thuchham kan nei dawn." Fiah kêk kâwkin a ti ta a.

Ni lo, khawvel hriatah engtin nge a nupui ka nih ngam ang, ka unaupa Lorenzo beng a thleng a nih vaih chuan ka chhe vek a ni mai.

Carli Davino angin lang lo mah ila ka pianpui, ka thisen zawm hian min hai dawn lo hrim hrim. 'Dios, min pui hrâm teh' rilru ṭawngṭaina ka neih ngei a ngai. Ka mit rawng chungchangah ka chesual tawh a, ka lense vuah kha tui chhunga ka tâlbuai lai khan a bo tih ka hre tlat lo a tin ni!

Arienna Grico anga khawvel hriatah min nei a nih chuan Carli tân phuba lâkna chance a tam dawn tih ka hria. Mahse, ka unaupa ka bum tel thei dawn em ni?

"Inring rawh le, Camera hmachhawn la, khawvela model ṭha ber i ni tih tarlanna hun remchang a nih hi." Tiin ka kâwngah min rawn kuah a, a thawmhnaw inbel Blue Jeans leh Shirt dum a hâk te chuan ati buai eih lo. A sam thliin a chhêm thur deuh chhap te chu engti maw tak hian a nalh ru riau bawk.

"Mr Shinoda, i nupui hual kalsan a i thlan chu a hming min hrilh thei em? I model chhawr lai a ni chiah em? Khawi hmunah nge in intawn?" Zawhna chhân sên loh a ri nuaih nuaih a, ka thâw a chham mai dâwn alawm le.

"Arienna Grico, kum 24, Shinoda super model.." Luigi ṭawng chu a ring lêng láwng hle a, kei erawh ka zâm ru takzet. Super Model-ah min chhuah tehngawt nia!

Camera de chuai chuai leh Security khauh tak hnuaiah company chhunga min hruai lût tu Luigi Shinoda hi mipa namai a ni lo tih ka hriat phah. US ram hruaitu lawk deuh deuh te pawh ka hmu nual a, Rome khawpui a solicitor ṭha ber ber te hmuh a ka incheina hi duhthu a va'n sám lo tak.

"Miss Grico, i pasal tur hi i hmangaih em? A hausakna ûm a nei nge i nih?" Min zawhna chu ka chhâng lo hrim hrim.

Meeting room-ah mî eng emaw zat an lo ṭhu tawh a, chung zing a langsar ber chu Stella Costa a ni. Mitmeng rum âl chung a min melhna chu dâk vahin ka chhâng lêt a.

"Ka thawmhnaw hi ka thlâk ve dawn lo em ni?" Luigi lam hawi a ka tih chuan a nui suk a, "Dâwn tehreng mai," a sawi zawh rualin a personal asst. Stefania leh hmeichhe dang pahnihin room pakhatah min hruai lût zui ta a.

Inneih hunserh ṭan hun pawh eng mah ka hre lova Luigi ruahmanna siam pakhat tê mah hriatpuina ka nei lo bawk.

Pindan zau hek hawkah ka hmai leh sam an chei zung zung a, ka kawr hâk tur ka hmuh meuh chuan maktiin ka khêk ta râih a! Solomos Bridal studio Italy ami mokawr nalh lutuk a kâwng achin chung lam taksa rem thlap, a hnuailam erawh 'A' cut nalh zet chu ka inbel ang tih mumangah pawh ka la mang chhin lo!

"Arie, i thawmhnaw inbel tur buaipui nân hun ka khawhral hnem khawp mai." Stefania a nui var var a, ka hriat miah lova Luigi Shinoda buai dan tur ka man pha ve chiah. Ani hian nupuiah min duh tak tak chu a nia, eng thil mak nge thleng ta hi!?

"Stefania, Luigi nen engtikah nge in inbiak?" Tia ka zawh chuan a nui ringawt a, mothuam famkim nena kan awm meuh chuan Carli hmeichhe tleirawl anna pakhat mah ka nei tawh lova Arienna Grico, Shinoda super model chiah chiah! Sì, nuam ve le.

Inneih hunserh hmanna hmun a min hruai luh lai chuan Lorenzo Davino, ka unaupa rêng ka hrechang ta lo. Ka hma a mipa ding, nui hmelpu chunga min lo thlirtu Luigi Shinoda hmelṭha vawr chuan ka mit a la hmasa ber.

Italian suit thim lam inbelin 'Necktie grey colour' a rûk a ṭial a awrh bawk a, a hnuaia a kamis hâk vâr sar te chu a inhmeh hliah hliah bawk. Kekawr ipte zen chunga a ding ka hmuh meuh chuan 'phuba' lâk lam a lang ta rih lo. (Cover photo en mai rawh u, Luigi wedding dress hrechiang duh chuan..BRR) Businessman ni lovin Model niawm a mawi a ni.

Ka mitah tak min en chung hian, 'Mi piaci e ho' a ti thûm chhak a.

Hepa zûnah hian ka uai tur a ni lo.

"Arie, i nalh lutuk, i nalh hlê a ni." Ti lehin inneih hunserh hmangtu tur lo dinna lamah min kâi phei ta a. Rilru sual putna chi a ni lo rêng rêng, a hmelṭha tak leh fai vang te Italian mipa hmelṭha thlan zinga lang pha ngat, businessman hlawhtling hi mitkhap kâr lekin ka pasal a ni dawn a nia! Vân lam hawi a 'Grazie' tih hial ka duh maw le.

Thuchham teh duah kan nei hran lo.

'Voglio vendicarmi (Phuba lâk ka duh a ni. BRR)' Tia ka phun sap ri chu Luigi'n a hriat loh hrâm ka beisei.

LSJ Charter Jet Company Chairman Luigi Shinoda nupui ka nihna puan chhuah a nih rual chiahin ka pasalin ka hmuiah a rawn fâwp ta a, minute rei lo te chhung a inneihna ropui chiai buai miah lova buatsaih theitu hi ka bitum dawn chu a nia, huphurhawm ṭan ngei mai.

Camera de chuai chuai kar a, "Carli, eng thil nge i tih hi?" Bianca mitmeng thîp râm nen kan inhmachhawn ta rân mai le! 'Lalpa, min hriatchhuahtir lo hrâm rawh'

"Signora, min lo hrethhiam rawh, inhmuh tawhna kan nei em ni?" Ka nui sâng a, makti hmel taka min enna hawisanin, "Luigi, i hriat zawng a ni em?" Tia ka ṭawng leh chuan, "Sorry, ka ṭhiannu Carli nen ka hriat pawlh che a ni e." Bianca kalsawn rualin Luigi'n ngun zet hian min en chhuk rûn a, a hmelah eng nge a ngaihtuah ka hre mai thei lo.

"Bianca kha i hre lo em ni?" Tih pahin ka kâwngah a rawn kuah a.

"Sì, Bianca ni lovin Stella ka hria." Ka ti hmak a. Kiai suk chung hian "Ka cousin a nih kha, remchângah dinner kan la kilpui dawn nia, i kawm ngeih chi a ni ngei ang." Ti liam puat chung hian Ford car lo dinna lamah min hruai ta a, Cheuffer(Car khalhtu. BRR) pawh pahnih a nei deuh thlap.

Inneih zungbun kan bun hauh lo. Sawi chhuaktu a ṭan ka duh loh avangin ka ngawi hmiah a, ani erawh chuan hreawm hmel pawh a pu lem lo va a tihzia phian.

Zungbunin min phuar lo tih ka hriat hian ka thaw huai thei nia.

"Honeymoon kan hmang dawn lova ka penthouse-ah kan tlang nghâl ang." Cheuffer hnenah kan kalna tur hmun sawiin min au chuah chuah tu reporter ṭawng ngaihsak map lo hian kan tlân chhuak ta a.

Shonoda ropuia nupui ka ni ta. Phuba ka lâk zawh hnuah South America lamah ka tlânbo dawn nge, Lorenzo kiangah ka biru zawk dâwn?

Lû thing nakin ka khap sak sak a, ka kut vuan tlattu kut hi engtikah nge ka tihnat ang a ka kalsan ang tih hi ka topic a ni leh ta...

'Voglio vendicarmi Shonoda' ti rilru chungin kan nupa bul ṭanna tur Penthouse ding ṭo lurh chu ka melh vang vang a..

B<++[BeckyRafaRenthlei]+>RR

LUIGI SHINODA

Becky Rafa Renthlei

Chapter-11

Penthouse

Italy Rome

Living room

Luigi Shinoda

Arie hlim hmel ka hmuh hian ka chhungril a hlim ve viau zel nia maw le. Inneihna tak tak ka neihpui ta chu a ni a; ka nupui Arienna Shinoda nge Carli Shinoda ka tih zâwk dawn pawh ka hriat si loh!

A mokawr minute sawmhnih chhung lek a Euro eng emaw zât seng a ka order chu ka rin ang chiah leh ka lo suangtuah ang ngeiin a inhmeh hlê a, midang tân 'ka phal lo' tih tui a a tlâk aṭang khân ka hrethiam chiah bawk.

Penthouse kawta car a din chuan Arie hmêl ka en vat a, phúr hluaina pawh a nei lem lo a ni ngei ang, a kut ka vawnna chu nghet zet hian a rawn hûm lêt a, a kut no sar leh a tin var sar te hi a nalh dangdai reuh hlê. Vawiin tlai dar nga velah kan inneih zungbun tur a rawn thleng dawn chauhva a hunlai a ka buntir lohna chhan chu thil hotê maw lê! Rome khawpui a zungbun man to leh design thar ber ka duh vângin darkar thum nghah a ngai tlat sia, ka nupui ka buntir tur chu zungbun narân a ni tur a ni lo tawp.

"Arie, kan thleng a nia," a dârah vuanin a beng bulah ka phun sup a. Min en hâ chung hian, "Penthouse ropui leh nawm hmel zet a ni nâ a, min lo hmuaktu an awm miah lo." Tiin a'n phunnawi ṭan leh nghal a!

"Lungngai mahta che, ka bodyguard pathum te'n an zâwn luh kher che i duh a nih pawhin ka hrilh thei reng a nia, nge; ka pawm lût zawk dawn che?" Cheuffer-in car kawngkhar a rawn hawn chuan ka chhuak hmasa a, Arie rawn pên chhuak chiah chu pawmin ka chênna hmun hmeichhia vawikhat mah ka la hruai luh ngai lohna hmunah ka nupui thar ka pawm lût ta a.

Ka nupui, Arienna Grico Shinoda.

"Luigi, min dah thla vat rawh," a tâl deuh chat chat a, engah mah ka ngai duh dêr lo. Ka laka a thiltum hi hre chiah lo mah ila min hmangaih theih nân leh ka tel lova awm lo thei lova ka siam hunah meuh chuan eng ang mipa nge ka nih a la hrechhuak mai ang.

"Bengchheng suh, honeymoon hmang turah inngai la, South America-a awmah inngai bawk la, zanin tlai aṭangin i thawmhnaw tur a ṭha ber ber i inbel tawh ang." Inchung panna elevotor kan thlen thlengin ka pawm chho ta a, a duh vâng reng nge ka hre lo nâin ka nghâwng a min kuah tlatna chu a nuam vei phian.

"Sir, helamah aw.." Ricco a nui ṭhû a, kei hian tû hmeichhia mah ka buaipui khu chûk ngai lo tih a hrechiang ve tlat a.

Dinning table zau hek hawk leh sei ṭha zet chungah chuan kan inneih lawmna tur dinner peihsa diamin a lo awm tawh a, Zungbun dahna box lian leh hrawl zet chuan ka mit a la hmasa ber. Khawvel hriat a ka nupui ni ta hian a ṭha ber a bun tur a ni dawn lo'm ni?

"Luigi, ka thawmhnaw a chuar vek tawh a nia," dining chair-a ka ṭhuttir chuan a mokawr hâk a phih nawk nawk a, ava han thinchhe ve tak!

"Lungngai suh, i inbel rei tawh dawn hleinem," Sam ka mitmei zauh a, reporter pathum leh Cameraman pahnih company-in kan chhawr lai mêk an rawn lang bawk a, engvangin nge zungbun ka buntir lai hi ka cover loh lêm ang. Thuchham laia bun kher kha inneih nghehna a ni lova Luigi Shinoda, mipa Romantic tak ka ni tih lantir a hun ta viau a ni.

Chumi hnu chuan ka hnuaia thawk mipa pasarihte hmuh laiin Arienna zungbun ka bun tir ta a, a mitmeng hring râm a mak tihna leh awih theih lohna inpawlh niaih lo lang ka hmuh chuan ka nui ru suk suk nia.

"Hetiang zungbun man tam lutuk ka bun duh teuh lo." Phelh leh tumin a kut zungṭang a tuai nak nak a.

"Bun mai mai rawh, ka nupui tân man to lua a awm lo." Wine thlitsa pêin a mitah tak ka en a, "Arie, ka duh che a, ka fa i pai bawk a, a ṭha ber inbel hi i phû a ni."

"Min duh maw!?" A sam dum kawi chiat a thing deuh nak a.

"Duh lo che ila helai hmunah hian i ṭhu hauh lovang. LSJ Penthouse-ah ka lo lawm a che." Ka ṭhutna aṭanga tho chhuakin a bulah ka va ding a, a biang sen ap apah chuan ka fawhsak ta a. Abella khuhkharh ri ri hre mah ila ka ngai pawimawh eih lo.

"I hnathawkte awm laia min duat der kher kha a ngai lo a nia," tiin wine a in pap pap a, no engzat chiah nge a lem hman ka hre lo.

"Wine i lem hnem deuh nge i biang a sen ṭân a nia, nupui wine heh deuh ka duh lo a nia," nui suk chung a ka tih chuan a ner sak a, "Pasal over deuh ka duh bik lo." A ṭhutna aṭanga tho chhuakin a mokawr hâk a chawi chhîng sauh a, ka lâmah a rawn âwn phei ta a, a rui tak tak em maw ni le.

"Ricco, Madam hian no engzat nge a in?"

"Ka hmuh laiin no thum, ka hmuh loh laiin no hnih.."

"Eng a?"

"Sir, thudik alawm, ka hmuh lai chuan no thum chiah a in a, Sam-a hmuh laiin no hnih a in thung, in room-ah kan dah phei dawn em ni ang?" Dinning table darkar chanve kan kil chhung khan wine no nga a lo in hman a maw!? Amah ka en ve reng si a, a va mak ngai ve le.

Arienna rui chhâ leh ṭawng sehchilh nak chu ka room lamah ka pawm phei ta a, nichin khan rui ang pawhin a lang miah si lova a ṭhutna a thawhsan chiah khan a dân a dang daih.

Khum zaupuia ka nghah thlâk laite chuan a meng davâ diar diar a, chimawm mai siah.

"Luigi Shinoda nupui ka nih hi." A phun sap sap ri chu a ring miah lo.

A thawmhnaw inbel ka phelhsak laite chuan a lo che ve sek a, saruak a muttir tehngawt ka hreh avangin puanin ka khuh a, Juan Ramirez biak ka tum ta a.

"Juan, Arienna Grico chhui a ngai tawh lo a nia, Carli Davino zawk lo chhui ang che. Lorenzo nen eng inkungkaihna nge anneih tih lo hriat tum bawk la." Ka tih chuan, "Yes, Sir, hun rei a ngai tawh hauh lovang."

Kan inbiak zawh hnuah Shower ka nei zuai a, khuma Arie muhil chu ka en ta vang vang a; tunah naute thlakhat leh karhnih mi a pai a, wine ruiin a muhil dêr chu a nia! Ka nunah tum neisa rânin a rawn lût a kei lahin ka chhuah phal miah si lo.

Chutia ka thlir reng lai chuan a rawn irhfiak ak ak a, muangchâng hian a lo meng chhuak ta a.

"Khaw'nge ka awm?"

"Ka inah, i pasal Shinoda khumah i mu mêk."

"Luigi Shinoda, ka pasal khumah maw!?"

"Ni chiang e,"

A rawn ṭhu chhuak hlawl a, a mit hnawih pherh deuh liam leh a sam thur chhap chuan a ti lang sexy viau. A taksa khuhtu awm lova lang var haih te chu zahpui hauh lo hian a bawp sei thlarh chu a rawn kham chhuak a, 'Ka it lo' ka tih chuan dâwt ka sawi tihna.

"Hmangaihna min chênpui dawn nge tikhan inla îtawm zetin i inshow kual zawk dawn?" Ka panhnai ruak a.

"A mamawhtu zawkin min rawn pan loh chuan.." enghelh neih loh hmel zet hian a kuta zungbun chu a tuai vat vat a.

"Sì, ka mamawhna che thup buai tumna ka nei hauh lo," tih pahin khumah ka ṭhu thla ve nghâl a, mak takin min lo kuah hmasa ve mial nia! Ka ṭan hmasak ngai miah lo hian ka hmuiah duhthawh zetin a rawn fâwp ta a. Ka kut pakhat lâin a âwmbâwr zâwnah a nghat vei thlap a, ka hnial loh zawng tak a ni.

"Luigi, ka pasal i ni alawm, thiang lo a awm lo." Min nem mut laite chuan tisa phurna hian min fan chiai chiai a, tleirawl, a thianghlimna ka lâksak Carli nilovin Arienna Model zei tak kha a ni miau a lawm. Ka kekawr kap zawnah a kuta dahin a khawih tur a hai lo chiang kher mai.

Tisa châknain min fan raih raih lai lai chuan, "Ka chêt chhuah hmasak chuan ka eitur i siam zel ang," tiin ka thawmhnaw a phelh ṭan ta a.

Û huh! A eitur siam tur hian engvanga min phût em em nge maw a nih le? Mahse, tun dinhmunah chuan ka hnial dawn teuh lo, a taksa rimtui chem chem hmang hian min dâwi â ṭan chu a ni ber e.

"Lutuk tlat, i duh ang chu a thleng ang." Saruaka ka mu lau min en deuh vang vang a, "Ka pasal nawmna chu ka nawmna a ni." Nui sak chung hian ka chungah a rawn lawn ta a, kei hian ka lo ringsual deuh em ni? Arie mitmenga min duhna rawn lang chhuak hi ka hai lo chiang.

Hmangaihna chêndun a nawmna vawrtawp kan inpêk tawn meuh chuan ka nuna a lo luh chhan ka ngaihtuah tawh lova, eng hmeichhia nge a nih tih lamin hmun an chang ta lo. Ka hmeichhe duh, ka nupui ni mêk leh ka fâ paitu hi ka duh hlum lo chauh a ni.

"Arie...ka mamawh che," ka phun sup a, a hmai sen tâi hlar te chuan phurna min siam belh tulh tulh.

"Ka mamawh ngawih ngawih che, tia i sawi hunah Vanram kawtchhuah ka fanpui ang che," chimawm zet hian a meng kal râlh a, a taksa rihna hmangin min delhbet deuh ngei a, chuti maiin ka che chhuak thei bik lo.

"Ka mamawh che.."

"I la sawi zîktluak lo.." ti leh tlatin ka hnar leh khabe vel a rawn nûl nâ nâ a, a bâk duh belhnain ka khat nghal.

"Arie, ka duh che, ka mamawh che.." Tisa châkna tuipuiin min chîm meuh chuan ka tum loh deuhvin ka sawi chhuak nghal hmiah hmiah a, hmeichhe dangte tih theih loh mî thunun theihna riau a nei tlat hi amah min hnaih zualtirtu a ni.

Kan innneih zan kan hman dan chu duhthusam a ni a, amah duat leh hmangaihna chendun bâk tih tur kan nei lo. Shower hnuaia ding dunin vawitam infâwp mah ila zuk kham thei chuang miah lo a!

"Luigi, Ice cream ka duh.." khum kil lamah a ṭhu thluang diai a, ka phone a khawih mial mial bawk a, phone a la neih ve loh avangin ka sawisel sak lo. Zinglam darthum a Ice cream ngen hmeichhia ka hriat hmasak ber a ni hial ang chu.

"Ricco kan lâktir dawn nia."

"Aih, nangma'n la rawh.." ati leh tlat a, ka nuih aza deuh.

Khum thawhsan a kalsawn ka tum chuan ka kutah min rawn vuan a, "Ka lokal ve ang," ati leh lawi si! Chutah ka inrin hman hma hian ka hnungah a rawn pakâi nawlh a kan tlu ṭhelh nia.

"Hey, Arie, ka la inring hman lo." A mawng dâwm pahin din ngil ka tum a, "Tikhân naute nen min paw kawp tihna," nui hak hak chungin choka lam ka panpui ta a.

Ricco, Sam leh Abella te'n card an lo la deng a, min hmu thut chu an hawihâi teh e!

"Sir, Madam!?"

"Kan pahnih ta tur ice cream rawn chhawp rawh u le."

"Tunah maw!?" A ngaihna hre lo zet a min zawh chuan, "In madam hian ice cream a duh a." Ka ti ta a.

"Madam, tun ang hunah lei tur kan hmu zo dawn em ni?" Ricco-an ati nang nang a.

"Min siamsak mai u la," ka hnungah Arie ala awm reng a, ka rin aiin a zâng daih.

"Sam, 23 street-ah ice cream va zawng la, Abella, nangin coffee lo chhuang thung rawh." Ka tih chuan 'Yes sir' anti rual ṭhap a, Ricco lam hawiin, "Madam in ka ei duh atih chu thuawih takin pe mai rawh u, min zah ang tho hian ka nupui pawh inzah ve tur a ni." Ka ti chang fak a.

"Sorry sir.." Ricco inthiam lo hmel haiderin Arienna Sofa-ah ka nghat a, ka duat poh leh ka lakah a lût thûk dawn tih ka hre tlat alawm.

Darkar chanve hnuah Sam a rawn lêt a, ice cream tam tham zet a lo hawn chu Arienna'n paruk zet a ei zo a, khawvar dawn hnaihah bedroom lamah kan insawn leh ta chauh.

Ka nunphung a ka la tih ngai loh leh ka tihtur ni a ka rin ngai miah loh hmeichhe pakhat buaipuiin hun ka khawhral zar zar chu a nia.

"Luigi, maimitchhing rawh." Naupangchhia zetin ka mit a rawn hup a, ka khum zaupuiah insi rialin kan mu dun a, kum 30 chuang ka ni tawh a nia ka nupui thar vang hian ka ho zo vekin ka inhria. Businessman induh tak kha kan model chimawmi lakah chuan ka inti mitak thei lo a chhâ chu a ni!

Muhil tura ka insiam rem meuh chuan zinglam dar nga a ri tawh a, ka kiang a mu erawh a thaw sâk sâk a, ka pumah a kut nghatin thlamuang takin a muhil siai siai a en loh pawh tum ila ka thei miah lo! A biangah fâwp zeuhvin ka kuah lêt ve ta a.

Shinoda nun dan inthlãk danglam ta thut hi Arienna vâng a ni chiang alawm.

Stella nen kan chungchâng mai bakah ka nupui neihna chuan Newspaper front page a awh khat hneh dawn mang e, mipa nikhua lo leh Italian mipa lerh thlan chhuah zingah ka lan loh hrâm ka beisei.

Ka sumdawnna kum 18 zet ka lo enkawl tawh hmingchhiat huamin nupui ka nei chu a ni a, ka nupui neihna hian engchen thleng nge ka sumdawnna a nghawng dawn hre lo mah ila ka nupui hual kalsan a, ka model chhawr lai ka nei ta ringawt hi sawi hat tham chu a ni rêng a ni.

Stella Costa ka business partner ni bawk hian eng ang takin min dodál ang maw.

B<++[BeckyRafaRenthlei]+>RR

LUIGI SHINODA

Becky Rafa Renthlei

Chapter-12

Presidential Aviation

Stratos Jets Shinoda

Rome-Italy After 1 month

Luigi Shinoda

Nupa nun awmzia la hrethiam chiah lo mah ila ka nunah thil mak ka tawng chho zel chu a ni ber e.

Ka thusawi zâwmin ka nupuiin a hna a zawm tawh lova ka Penthouse-ah nilêngin a awm tih ka hriat ringawt pawh hian ka thla a muang huai thei nia. Ka bodyguard pathumte nen eng nge an lo tih ṭhin hre chiah lo mah ila an kaihhruaina hnuaia awm a nih angin an tihlim turah ka ngai.

Breakfast kan eirual ziah a, office ka thlen rualin ka nupui hnenah ka inreport ziah bawk a, lunch ei dawnah ani'n min lo call thung a, dinner pawh vawikhat mah ka ei chhuahsan bik lo. Ricco leh Abella te'n Cctv record min rawn thawn chu nui suk suk chungin ka en ta a.

Arienna Grico, sofa-a ṭhu chung a lehkhabu a chhiar lai a rawn lang phawt a, a bulah Sam an a vil rûn bawk. Penthouse chhuahsan ka phalsak tlat si lova a hun hman dan ninawm zet ka hmuh chuan ka khawngaih thar ta riau.

A chângin coffee a in a, a chang leh khumah a va mu a, tih tur hre lo leh ning awm takin a vei sek bawk. A kalna a piangah Sam leh Abella'n an zui zel bawk a, khuma a mut chhung chiahin an vil lo. Ka thupek khauh tak chu an zawm ṭha hlawm kher mai.

Thlakhat chhunga a hun hmandan ka hmuh chuan ka lo ninpui ngawih ngawih a, a naupai lai thlahnih a tling ve tawh bawk a, insawiselna eng mah a nei hran lo nâin incheck up tura hruai ka rilrûk ta a.

Ka nupui chezia nuihzatthlâk deuh deuh hmuh châkin nitin Cctv record Abella ka dil ta ziah kha a nia! "Sir, Shopping Mall eng emaw berah tal hruai harh ve ila," tia an rawtna chu ka pawmpui viau.

Sumdawnna lamah ka buai si a, zan hun bâk a kiangah ka awm hman meuh lo. Arienna chimawm deuh ni a ka ngaih kha thâwklehkhatah a mizia a inthlâk thut a ni ber. Office aṭanga ka haw a piangin Penthouse kawtah min lo hmuak ziahin ka kawrchung min hlihsak ziah bawk!

"Vawiin i chau em?" Tih paha min fawh zeuh ṭhinna kha ngaiah ka nei titih der. Alak a ka rilru putdan pawh a dang chho hret hret tih phat buai ka tum lo.

"Luigi, America Jet plane pathum order kan neih kha Stella'n a lo cancel vek a lawm le.!" Office chhuahsan tum a ka kal laiin Stefania'n min ko ding leh rih a.

"Tû thuin nge a lo cancel? Tunah Stella ko nghal rawh." Ka thinrim ru kher mai. Jet pakhat design thar siam tur pawh a thluak hmang ve hlek lovin ka thu lova order a cancel hi pawmzam mai chi ninghal lo chuan.

"Sir, i chenna hmunah a kal daih tawh alawm, dinner in kil dun dawn lo em ni?" Stefania min chhânna avang chuan ka mengphar âwk a, eng ruahmanna nge ni ngai?

"Stefania, ka rualin ka chênna hmunah lokal ve nghal ang che, a tlai viau tawh tho nain Stella te nen sawiho tur kan nei a nih hmêl." Tunah tlai dar ruk a ri dawn tawh a, in lamah Stella'n min thlen khalh a nih vaih chuan ka nupui nen an inbakkaih dawn chiang.

GTA Spano car chhungah Stefania nen kan ṭhu dun rân a, ani hi kum sarih lai ka thawhpui tawh a, a rintlâk hle tih ka hria.

"Sir, Stella tel lo hian company hi a kal thei ang em? Share engzat nge a neih?" File check pah a min zawh chuan ka ner sawk a.

"Hmun thuma ṭhena hmun khat pawh chan a nei lo, chuvangin tuna a thiltih man hi a hmu ngei ang," ka ti hmuk a, Stella Costa nen kan lo inthlunzawm hman hi thil pawi tak a ni. Arienna lo lan hma kha chuan Model ṭha ber a ni a, ka partner a nih mai bâkah ka nupui hual a ni ṭhin bawk. Kan inhualna chhutchah a nih tâk aṭang khan a boruak a dang tih hrilh hriat kher loh pawhin ka man thiam ve vek.

Ka chênna hmun kan thlen chuan min lo hmuak turin ka nupui a rawn chhuak hauh lova ka hrilhhai angreng.

"I nihna dik tak pholan sak i duh loh chuan Luigi hi ṭhen ngam ang che." Stella awki fiak ṭhak ka hre hmasaber a, Stefania pawhin a hre ve tho a ni ang mitmeng danglam deuhvin min en a.

Sam leh Abella'n ka nupui an pawt bet a, Ricco in Stella a chelhbet thung. Living room hnawk nuaih leh dawhkan thal phung te chuan boruak danglam a thleng tih ka hmu thiam nghal vek a, "Stella, ka chênna hmunah eng ti tura kal nge i nih?" Ka ṭawng ring hran miah lo. Mahse, ka thinrim awki hai theih a ni lo.

"I nupui nen thupawimawh sawi dun tur kan nei," Ricco rum deuhvin a melh a. Arienna erawh an chelhbehna hnuaiah a ding khawng ât a, en pawh min en lo.

"Ka nupui hnena sawi lovin ka hnenah sawi ta mai la i tifuh zawk ang, a chhan chu pumkhat kan ni tawh." Ti nghutin, "Sam, chelh duh tawh suh u," ka ti zui zat a.

"Helai hi LSJ Company a ni lova office lah a ni hek lo, sawi dun tur inneih chuan office pan rawh u." Tih pahin Arie bedroom-ah a lût hmak a, ngaihven zui duh viau mah ila Stella biak hmasak ka duh avangin ka ûmzui ta rih lo.

After 1 hours

Arienna Grico

Experinco Hotel

Nidang aia Luigi a lo haw har avangin hmuak turin ka chhuak a, phone hmang a chanchin min rawn hrilh ka ring deuh kha a nia; mahse, Garage aṭanga Stella Costa induhtawk larha a lo chhuak ka hmuh chuan ka ding chat a.

"Eng nge i rawn tih dawn? Luigi a lo la haw lo." Ka tih chuan, "Miss Carli Davino, i inthupna hi ka hre lo emaw i ti elaw, i u company-ah lêt la i tifuh ang." Nui sâng chunga a ṭawng chhuak chu ka hre lo der tlat a.

"Carli nilovin Arienna Shinoda ka ni e."

"Min bum theih i inring reng reng em ni?" Ka bânah vuanin inchhung lam panin min luhpui dâwr dâwr kha a nia, ka ṭang hman ík lo.

Bodyguard pathum te awm lai a, min hmusit hmel tak a, "Luigi Shinoda hnenah i nihna dik tak pholan i duh loh chuan zanin hian he Penthouse hi chhuahsan ang che." Tia min vauna chu ka paidam thei ngang lo. Dawhkan chunga Ashtray banin ka vawm ta kha a nia; mahse, Sam-an a lo dawng hman hlauh.

"Tenawm nu, tun ṭum chu ka chhuah tawh hauh lovang che," min ben tumin a kut a phar dâ a, Abella'n min chhan hman lo se chuan ka nuih aza hauh lovang.

Ṭawngkam bawlhhlawh zet zet a min ankhum chungin Abella bekah a ben sak a, ka tei thei der lo, kan inphêk sual chhung kha minute reilote ni mah se ka pum let but but leh ka luak chhuak hlûi tihkian tumin thâw ka la vang vang a, Luigi leh Stefania lo luh thleng khân ka la pangngai thei lo.

Luigi lakah hian theihtawpin ṭhat ka chhuah a, ka mizia ka thup hmiah bawk. Thlakhat lai kan chêng dun tawh a, vawikhat mah kan la inhau chhin lo bawk. Zanin a Stella thu rawn sawi aṭang khan ka phuba lâk tumna a hlawhtling dawn lo tih hriatna ka nei miau alawm.

Carli Davino ka ni tih Stella'n a hriat tawh chuan Luigi tãn thudik haichhuah a har tawh lo.

Room aṭangin an inhnial thawm ka hre ve vek a, thlasik boruak vawt vurah hian he in chhuahsan hi ka duh rum rum tawh. Luigi'n ka nihna dik tak a hrechhuak a nih chuan hrem lohvin min chhuah ka ring si lo. Khumah ka ṭhu a, eng mah luhpui ka nei hran lova kut ruakin ka chhuak leh dawn tihna a ni mai.

Balcony lamah chhuak pheiin chhuah rûkna tur ka melh kual ruai a, a vâng pharh mai.

Kan room aṭanga chhuahna hnai ber pawh feet thum zeta thui a ni a, ka tân beisei bo a ni. Dinner kan la ei loh avangin ka pum a ri ruk ruk tawh a, zanin hian ka chhuak thei ta lo a nih pawhin naktukah tal chhuak thei tura ruahmanna ka siam a ngai.

"Madam, dinner kan peih tawh a nia," Abella'n min rawn koh chuan chhân enah ka en lo va.

"Madam.."

"Abel, room-ah min rawn pe ta mai che."

"Sì, mahse, boss-in lo hruai chhuak rawh a ti." Nuam lo tih hmel deuhvin hnuailam a bih zui daih a.

"Chuti a nih chuan dinner ka ei lo mai ang," Ti nghauhvin balcony lamah bawk ka chhuak leh ta a.

"Arie, duhtak.." Luigi aw ka hruat chuan ka dinna ngaiah ka la ding reng a, Stella khân ka nihna dik tak a la hrilh lo nge a aw ah eng mah danglamna a awm lo.

"Arienna, lokal la dinner rawn kil rawh le.." dam thluam a min koh leh tâkah chuan muangchangin min lo nghahna lamah ka chhuak phei ve ta a.

Khum bulah dingin a thawmhnaw inbel a lo thlâk mêk a, mitmeng zîmsan a min en chung hian, "A dâwih zâwk ang mai a bîkbo kha i inhmeh lo, tumah an awm tawh hleinem, i pasal hian ka venghim zel ang che." Thutak zeta tiin min rawn pan ta a.

A taksa ruak kûng leh a bân sek uchuak hauh lo zantin a min kuahtu chu ka melh ngar a, a mit Tuifinriat ang maia paw mûk raih chuan min hawisan eih lo. "Arienna, nang leh ka fa hi tumahin an tihnat che ka phal reng reng lo, min ring la i pasal thlazar hnuaia awmdan tur tâwk thiam tumin inzir rawh aw.." duat tih hriat taka min kuahna chuan ka lungphu a thlâk danglam hret.

"Luigi englo..!" Ṭawng tum a ka âng zuau chu a kutin ka hmui a rawn hup a, "Stella chêtdan mawi lo tak avang khân ngaihdam ka dil a che, naktukah hunawl insiamin Mall-ah kan kal dawn nia, i doctor tur ka be fel vek tawh bawk." Ti lehin a âwmah min kuah bei ta a.

Ka chhungril a inthiam lohna nasa tak lo awm chu tihreh tumin thâwk ka la hak a, ka bum tih a hriat hunah chuan tuna min kuah ang hian min kuah tawh hauhvin ka ring lo.

Reingial a âwm nghêng a min kuah hnuah ka inla hrang ve ta ṭâwk a, ka thinlung kil sira phuba lak duhna zawi zawi a reh ṭan mek hi ka thil duh loh ber a ni.

"Dinner chu.." tihpahin pindan ka chhuahsan ta a. Sam leh Ricco lo nui suk suk chu ka ngei kher mai. Stella awm laia ka chêt dan khân an nuih ati za tih ka hre reng.

Dinner kan ei chhung zawngin Luigi a ṭawng miah lova nichina min duatna ang kha a hmêlah hmuh tur pawh a awm hran lo; min haw hmêl a pu chuang bawk lova ngawirengin wine nothum zet a in tawh!

"Luigi..!?"

"Ṭawng lovin i plate ami eizo rawh." Ati nghut a.

"Nangpawh ei zo rawh." Ka tih chuan nui suk chung hian, "Nupui te an puar chuan pasal pawh kan puar a ni mai." Tiin whisky a inthlit zui zat a, minute thum lek chhunga a mize inthlâk ta daih hian ka ngaih a ti ṭha lo. Naktukah a rûkin Ricco ka zâwt tho vang.

A bodyguard inla strick deuh deuhte tlân bosan theih dan a vâng dâwn ê!

Khumah Luigi phone khálin ka mu a, ani'n Laptop khawihin Private Jet list a thliar nghauh nghauhva, "Puih theihna che ka nei em?" Kan ngawih rei êm avangin ka be hmasa ta a.

"Tikhan ngawirengin lo awm la, nakinah i thawh tur ka hrilh ang che," chimawm zet a kiai suk chung hian ka mal lang huai chu a melh pah zuk a, a ngaihtuahna a thilawm ka hre thei mai.

"Zaninah kan off ang." Tih paha puan ka sin ṭhat chuan ka lamah a rawn bawk phei a, "Kan nupa nunah hian 'off' a awm lo, 'On' hlir a ni." Ti supin ka hmuiah a rawn fâwp ta a.

A mipa rim faisar leh a hmui hnâwng chap te hi ka lo thlahlel ru reng tawk zawk a ni.

Duhthawh leh uar tak a kan infawh mawlh mawlh lai chuan Luigi phone ka kenlai chu a rawn ri ta a.

Stella Costa tho!

He mite pahnih hian ka hriat loh vin ruahmanna an nei ru zawk em ni ang? Bum ka tumna lamah hian keimah bumin ka awm zawk tlat a hriatna ka nei.

"Stella, sawi rawh." Luigi ṭawng bung hmuk chu ka ngaithla hrâ a, hriat hmaih neih ka tum miah lo.

"Lorenzo Davino leh i nupui kha unau pianghmun anni, Grico nilovin Davino a ni nupuia i neih kha." Luigi mitmeng a danglam miah lova an ṭawng ka hre pha tih hreawm pawhin a lang lo.

Tunah chuan Transportation motor hman tur zawn a, he in hi ka chhuahsan a ngai tih ka hre tawh. Hremna ka dawn hma a Luigi tlanbosan hi ka tih mâkmawh a ni ta...

B<++[BeckyRafaRenthlei]+>RR

13.LUIGI SHINODA

Becky Rafa Renthlei

Chapter-13

La perla

Italy Rome

Luigi Shinoda

Stella nen kan inhnial hrep hnu khân thinrim mitmeng pâwng zâwrh khawpin min melh kha a ni a! Kei hian kum hnih chhung inhualna ka lo neihpui kha ka â a ni hial ang. Arie nen kan inkawp chhung sawi tham a awm miah lova; mahse, kan nupa nun erawh a nuam dangdai riau!

A naupangchhe zia erawh a paih mai bik lo. Ka lakah inthup tum eng ang mah se a nihna ka hriatsa miau avangin ka haider char char a, dik tak chuan amah nen nun bul ṭan ṭhat a, chhungkaw pangngai din ka hreh miah lo.

Balcony lama a lo ding zum zât ka hmuh khân ka nui chhuak teuh kher mai! Mahse, thin tertek nei a nih vângin ka insûm leh ta zâwk a.

Lorenzo Davino nen an inkungkaihna erawh ka la hre ta lo fo. Juan Ramirez paw'n theihtawp chhuahin hmâ min lâkpui ngei a, hmasawnna hmuh tur a la awm eih lo.

Ka kianga muhil Arienna chu ka thlir deuh sek a, dik tak chuan a naupai chungchângah pawh chuti tehchiamin ka ngaihven lem lo, a pum lah a la thêp zaih mai si a, a puar hunah ka la buaipui ve ang chu.

'Carli Davino leh Arienna hi mi thuhmun anni' tia Stella thusawi kha ka bengah a ri nawn tlut tlut a. Kei lo midang engzat takin hria ang maw!

Khawvar rualin ka harh lehnghal a, ka mit thîl hlur chu tihreh tumin ka khap sak sak a, 'Arie,' kuah tuma ka va inleh chuan a lo mu tawh miah lo! Tuktin keiaiin a tho tlâi ziah a, tukkin hi a nuam lo deuh em ni ang? A la hma bawk nen ka chhing leh ta a.

"Sir, i Ford car hmangin madam a chhuak a nia." Ricco-an min rawn sawi nawk nawk a, ka harh chiang kher mai.

"A chhuak tih inhriat chuan umzui ta che u, tawhsual a tâwk a nih vaih chuan.." thinrim awki vin hlur a ka chhânna chu a hlauh hmel kher mai.

"Rang lutukin umzui rawh u." Tiin ka tho chhuak nghâl a, nizana Stella nen kan inbiakna kha a hria a ni ngei ang. Anihna ka hrechhuak tih hriaiin tlanbo a tum tihna a ni.

Dressing table chunga lehkha inthlep leh pawisa tam tham zet lo awm chu makti zetin ka en ta a.

##

Mr Shinoda, Arienna Grico ka ni hauh lo. Stella sawi ang khân keimah Carli Davino ka ni e, Bianca ṭhiannu dimna tel miah lova sex i hmanpui ngei kha ka ni a, min mutpuina pawisa min pêk pawh hei i kutah ka rawn dah lêt e.

Nupui a i neih tâk Arienna Grico kha ka official name a ni tlat si lova, tikhân nupui nei rei lo ber Award dawng pha chiah lo mah la a dawttu tal i nih ka beisei. Ka pum chhunga i fa erawh a man i pe nghâl kha a nia, a paitu in ka dawn duh miau loh te chuan awmzia a awm lo tihna a ni mai. I pawisa hi eng atan mah ka ti lo a nia, suma lei theih ka ni lova ka ni ngai bawk hek lovang.

I dam chhunga i tihsual lian ber chu kei min mutpui kha a ni. I sumdawnna thleng a nghawng thei tur khawpa pawi liantham i khawih tih inhre bawk la.

Keimah

Carli Davino

Ka chhiarzo chiah chu thinrim lutukin ka thaw chhuak hawk a, pawisa têl chhah ṭha zet Carli hnena ka lo pêk tawh ngei chu chhuatah ka vawm darh chuaih bawk a, ka chhungril a na vawng vawng tih phat buai ka tum lo.

'Dio' Hmeichhe naran a ni lo rêng a ni. Hetiang sum tam tham pawh hmang miah lova dahṭha thlap theitu Carli Davino hi ka duh a ni. Ka chân tur a ni lo bur.

Nupui vawithum neih nawn ngai mah se ani a nih phawt chuan ka nei nawn sek tur a ni ringawt.

Sam leh Abella te'n ka Ford car an umzui tih ka hriat chuan ka thaw huai a, Ricco nen Milan lam kan pan thung. Khalai hmun kha Carli chenna dik tak a ni a, hmun dangah a kal lo tawp ang. A phone ka lo vawmbo hman khanglâng nen a kalna chin chhui tur pawhin tih ngaihna hlawl a awm lo.

"Sir, Milan lamah i car chu kan hmu e,' Sam-an min rawn bia a.

"Umpha u la chhuah hlek suh u."

Ricco-an min melh zauh zauh a, a speed a sâng kher mai! Hun dang chu nise ka vin hrep tawh ang maw le; mahse, Arie ka duhzia hrechiangtu a ni a ka chân a hlau ve deuh a ni mahna.

"Sir, i nupui kha hmeichhe mak tak a ni." Tiin kawng lam ngun tak hian a melh a.

"Engtizawngin?

"I awm laiin eitur leh intur kan siam kher kha a phût ṭhin a! Mahse, nitin office i kal hlânin kan siam eng mah a ei ngai lo, amahin a insiam zel." Ati ta a.

"In siamtir ziah a maw!?"

"Sir, i hriat kha, a luhlul êm a ni," ati sup a. A sawi dik, Arienna hi thunun mai mai theih hmeichhia a ni lo tlat.

Milan 17 street kan tlân thlen laiin traffic jam-ah kan tâng a, Sam-an min rawn be leh chiah bawk.

'Ford car hnutchhiahin Transportation motor-ah a chuang' tih a rawn sawi chuan ka thluak a buai takzet. Tranportation motor-in khawilam nge a pan tih an hrezui bawk si lo a, ka puakkeh lo chauh.

Ricco chu Carli chênna hmunah kal turin ka hrilh ta a, henu hian min bum ni a hriatna ka nei tlat.

After 2 hours

Milan Carli Apartment

Inchhung changkâng leh nuam zetah dârkar hnih dâwn kan ṭhu tawh a, Ricco ning lutuk pawh vawi eng emawzat pawnah a chhuak tawh bawk. Sam leh Abella hnen aṭangin chanchin kan hre tawh lova Transportation motor an la umzui zel a ni maithei.

Kawngkhar kalhna a rawn rîk rak rak chuan Ricco nen kan biru vat a, he Apartment chahbi neitu chu Carli chauh a ni. Keini erawh Ricco thiamna hmangin inchhungah kan lût diam tawh kha a nia, rinhlelh tur pakhat mah a awm lo.

Aparment chhunga rawn lût chu tudang nilovin Carli Davino ngei a ni. Nizana a thawmhnaw inbel ngai chiah kha a la inbel a, a chauh hmel hle bawk. Ka lo rin ang chiahin min bum theih inringin kha motor-ah khân a chuang der tihna a nia. Jet plane neitupa thluak a la pha chiah lo hi ka vanneihna a ni ta.

"Ka nupui chu a chau awm kher mai," Ka bihrukna hmun aṭanga chhuakin kan inhmachhawn ta rân a.

"Nang, nang kha.." a meng bial kal a, mak tih loh rual a ni lo.

"Ni e, keimah Luigi Shinoda.." ka ti thûm chhak a. Ricco pawh a rawn chhuak ve ta bawk a, "Madam, i ṭha maw!?"

"Nangpawh maw!?" Tiin a kiai sak a.

"I awm lohna tur hmun a i awm chuan kei hi min hmu tel zel ang," Ricco an tiin a chhuak zui nghal a.

"Luigi, min rawn hnaih miah suh." Tihpahin hnung lamah a tawlh hrat hrat a, "Nang ka hnaih theihna tur che a nih chuan khawvel pum hi lei ngai mah se ka lei mai ang," ka pan hnaih zel avangin a kut a phar dâ a, posi min lâkkhum lo chauh chu a ni e.

"Carli ka nih hi Arienna ni lovin,"

"A tu a pawh ni la, nupui a ka neih tâk tho kha i ni,"

"Ka nunah rawn inrawlh tum reng reng suh," tih pahin tlânchhiat a'n tum nghâl ringawt a, ka man rang teh e.

"I nunah vawikhat ka lo lût tawh a, tunah a vawihnih nân ka rawn lût leh dâwn ta. Min hnar tumin thiam thil 'show' chiam mah la, kei hian ka chhuah tawh dâwn miah lo che." Awki hniam leh mahni inringtâwk taka ka ṭawng chhuah chuan zâm miah lo hian min en a.

"Vawihnih te chu a tlêm êm mai, chatuan daihin lo lût ta mawlh che.." tiin min nuih zat hmel deuh hian a mit paw phât chu a meng zau deuh kâwk a! Engtik laiin nge lense a lo vuah leh hman ni!

"Ka lut khawp ang vawithum, vawisawm pawh nise ka kiangah ka bulah i awm ang, chu chu i awmna tur dik tak a ni e." Ka ti hmiah a.

"Luigi Shinoda, i duh duh sawi ringawt suh," thinrim meng ling hlar chung a min chhân chuan dâr ka sân âwk a. "Ka duh duh ka sawi lohvin ka bodyguard te duhzawng em ni ka sawi ang! Û huh! Min la hrechiang lo hle mai, kei aia naupang fêin min bum i tum a nia, min bum tur hi chuan ka thluak hmun thum a ṭhen a hmun khat i neih phâk a ngai." Tih pahin a tukkhum samah ka phih deuh dawrh a a ṭhensak chu engah mah ngai lovin a hmuiah nazet hian ka fawp chhunzawm ta a.

Min chhân chu sawi loh a hmui a chîp hmiah.

"Ka nupuia ka neih tâk ka fa pai mêktu hi Transportation motor-a chuang duh tur a ni lo tih ka hria alawm, ka model chimawmtê,''

"Ka Aparment chhuahsan nân minute thum hun i nei," ka vawnna thinthlâk tumin a tâl at at a, ka vuan nghet sauh thung.

"I chênna hmun chu ka chênna a ni a, chutiang zêlin..." a inrin hman hmâa ka pawm thut chuan a ṭê ring ngei mai. Mualpho lah hi a hlau mang reuh si lova ka va ngei mai mai tak.

Reife kan inchai hnuah Sam, Ricco leh Abella an lo lût a, "In pathum khân madam hi ka car-ah zâwn lut rawh u, tâlchhuah a tum emaw bengchheng a siam a nih chuan a kâ inhnawhphui dawn nia," tiin ka hrilh ta a.

An huphurh hmel kher mai..A chhan pawh Carli kawlh zia an lo tem chhin vek tawh miau a.

'Luigi nupui chênna hmun tur a ni lo a, he Aparment hi hralh theih a ni tih târ ang che u." Tia thû ka pêk chuan Carli a meng tâl tap a, eng emaw sawi tum hian a âng zuau va; mahse a ngawi leh daih.

Tihluihna tel miah lova an inchhawm chhuak lai chu ka thlir reng a, kei erawh carli lo chhawr chhuahna dik tak hre turin ka khawmuang lui ta a.

Nupui pakhat chauh neih ka tum tlat si a chu ka nupui chu henu chimawm zet hi a ni si.

Aparment chhung uluk zeta ka chin fê hnuah a nihna dik tak ka hrechhuak chiah bawk. Oil company lian lutuk rochuntu Lorenzo Davino farnu lek lo niin!

A unaupa hriatpuina a thilti nge a nih, an pahnih ṭangkawp a min tihchhiat an tum tih hi ka hriat chhuah ngei a ngai ta.

Tleirawl kum sawmhnih mi lekin ka nunphung a ti khaihlak vek chu a ni a, Lorenzo ka bia ang nge a rûkin ka chhuizui dâwn tih Pathian chauhvin a hria ang chu.

Ka fa paitu mah nise ka nuna a lo luh chhan ka hriat fiah vek hma loh chuan ka chhuah dawn miah lo. Amah ka duh a, ka ît bawk, hmangaihna lam erawh ka tinzawn lo nasâ. A thil pawimawh ni a ka hriat ho zawng zawng ka khungkhawm vek a, Apartment ka chhuahsan ve ta a.

He inah hian vawikhat mah a kir leh tawh loh nân hralh sak hmiah ka tum bawk.

Hetianga min bum kual chung pawh hian kei hian ka la duh cheu nia maw le.

B<++[BeckyRafaRenthlei]+>RR

LUIGI SHINODA

Becky Rafa Renthlei

Chapter-14

Penthouse

Italy Rome

Luigi Shinoda

Carli leh ka kid te tlânliam hnu chuan hmanhmawh zetin ka penthouse lam panin ka tlân chhuak ve ta a.

Vawiin pawh amah vângin office ka ṭhulh leh ringawt tawh a, ka nunphung a ti khaihlak takzet. Penthouse ka thlen chuan Carli ṭhutna bul Sofa-ah ka kid te pathumin an lo vuan far a, ka nui chhuak teuh kher mai.

"Ricco, eng ati nge inla chelhbeh reng a?" Tia ka zawh chuan, "Sir, kan chelh loh chuan kalsawn a tum zel,"

"Thlah tawh rawh u le, lokal rawh Carli, inbiak a ngai," a bânah vawn tumin ka ban ûk a, "Carli ka ni lo, min tawk hlek suh," vin hlar chung a min chhân chuan dawhthei vak lo hian a bânah ka vuan lui leh ngat a, ka hnuai a thawkte awm laiin min vin tur a ni lo hrim hrim.

"Luigi, min thlah rang rawh," a bengchheng leh ṭan dawn e.

"Sawifel tur kan nei tih ka sawi lovem ni? Ka thusawi i zawm dawn lo a nih chuan min bum man hi i têl ngei ang, i unaupa sumdawnna tichhe vek thei khawp thiltithei hi min cho tawh suh."

"Eng a!? Ka unaupa maw!?"

"Ni chiang e, i unaupa Lorenzo Davino maw le," Bedroom lam panin ka hruai phei dâwr dâwr a, "Sir, kan lo pui ang che aw," Carli ṭang buai vel chu Sam-an a nuihzat ngei mai.

Ka kid te hi anmahni tawkah 'Pa' tak anni vek a, hmeichhia vanga buaina ka tawh pawhin an nuih a za thei viau zel, Italian mipa hmelṭha top 3 zinga ka lan khân thlakhat chhung deuhthaw ka chênna hmun leh office-ah hmeichhe tleirawl tê têin min chimbuai tumin min zar reng a, ka bodyguard te hi an ṭangkai hle a ni.

Carli thinrim hmaisen ṭân chu melhin, "He pawisa hi chharkhawm la dahṭha rawh," nelawm tak ang a lan ka duh rih lo.

"Ka ta a ni hleinem min mutpui man hi kawl ka tum tawh reng reng lo," tih pahin nichina ka vawm darh tak Euro têl chhah ṭha zet chu chharin min vawm ta a.

"Carli, kut min thlâk hmasa ngam elaw?"

"Kut ka lo thlâk che a ni maw! Kut ka thawh awm lai reng reng ka hre miah lo." A dang chhar lehin min vawmzui leh a, ka dawhtheihnain a tlin ta lo.

"Min cho ve hliah hliah sia maw," dressing table bula a ṭhu chu pawt thovin ka kuah ta a, "Carli, inrem ka duh a hma ang khân awm leh ang." A bengkawm vel leh a biangah ka nûl thuak thuak a, min vin hrep ka rin tehreng nen engtin mah min ti miah lo.

"I thinrim lo em ni? Ka hming thup a ka bum che avang a i thinrim dawn lo a nih chuan inrem theih lohna chhan tur kan nei lo," min hmachhawn zawngin a rawn ding a, ka nghâwngah a bân pahnih a min kuahin min kuai kûai kûn a, ka rin loh dan deuhva a che leh that ṭhin hi amah min duh zualtirtu a ni.

"Vawikhat inbum kha tawk rawh se, kan naute thar tur hian min nuihzat ka duh miah lo a nia," a hmuiah ka fâwp ta vang vang a, "Sir, puih i ngai lo maw!?" Ricco pindanah a rawn dâk lût a, kan awm dan a hmuh chuan a nui tuh tuh nia maw le.

"I awm lohna tur hmunah i awm a nia Ricco, car pahnih lo buatsaih u la vawiinah Mall leh Hospital-ah kal kan duh a madam tâ tur thawmhnaw kan lei dawn," Carli nem sawnin, "My dear, inbual rawh le, Tranpotation motor rim i nam a nia," ka tih chuan nui sak chung hian, "Kan pahnihin kan inbual dun thei,"

Shower hnuaiah saruakin kan ding dun a, a pum a la puar lo nâin ka hmu thau ve deuh.

"Carli, intihbuai ka duh tawh miah lo a i hna ngai erawh chhunzawm ka la phal ta chuang lo a, i mamawh apiang min dil la sawi hreh suh ang che." A taksaah shower Gel ka hnawihsak a, zak ang pawhin a lang lem lo.

Ka tih ang chiahin ka taksaah Gel min hnawihsak thlap a, ka mipatna a rawn tawh lai chuan, "I nupui ni lo hnêna i hman chhuah chuan hremna ka pe ang che," nui hak hak chungin a ti ta a. A naupang zawk hian min vau deuh reng chu a nia; mahse, ka haw phal lo.

Cozy Restaurant

Santa Marinella

3:00Pm

Kan nupa leh ka kid pathumte nen restaurant-ah kan inzui lût ṭhâm ṭhâm a, venhimna lam ka uluk poh leh kan himna a ni tih ka hrechiang miau a lawm. Carli duh danin hospital-ah kan incheck up hmasa phawt a, doctor Luisa nen an inbiak dan ka ngaihtuah lêt khan ka nuih a la za reng.

"Mrs Shinoda, in naute tur hi mi eng nge tih hriat tum a min zawh loh hrâm ka beisei." A tih chuan, "Eng mi pawh nise ka duh vek, ka pum chhungah hian Negro fa a awm lo tih ka chiang alawm, a pa Luigi Shinoda ang a hmelṭha a awm lo a nih pawhin a nu Carli ang tal a hmelṭha a awm dawn tih ka hria." Zâm map lo hian zuk tia maw le!

"I sawi dik, Luigi nupui i ni thei hi ka lawmpui a che."

"Ka pasal a ni thei hi lawmpuina hlân ve tho la," tiin a nui duh map lova doctor hrilhhai hmêl ka hmuh chuan "Duhtak, i lei li hriam ṭha zet khân kan doctor a tibuai a nia," tia ka inrawlh chuan, "Zawhna pangngai zawh chuan chhânna dik pek tur," a la ti hrâm a (h).

A naupai pawh a ṭha a kan incheck up leh hun tur min hrilh hnuah kan chhuahsan ta kha a nia, "Luigi, nauawmtu tur hranpa lâk ngai lovin Sam leh Abella hian buaipui ta mai se," car-a kan chuan hnuah a ti a.

"Madam, Ricco awm tir zawk rawh kei chuan ka thiam lovang," Ka chhân hman hmâin Sam an a lo ti ve bawk a.

"Ni lo ve, Ricco hi ka ngaina lo, naute a duat lovang, Sam, nang mah ngei ka duh e." Chutiang vel sawi chuan hun ka khawhral ta chu a nia, Carli phone tur kan lei bawk a, Cozy restaurant kan thlenin chawhnu dar thum a ri chiah.

Stella nen chaw ei a kan chhuah dun ṭhin kha chuan ka kid te'n min veng reng ṭhin kha a nia, tunah chuan ka nupui duhdanin dawhkan khat kan kil bial ṭhap a. Sam leh Abella an zah hmel viau bawk! Ricco erawh a dan pangngaiin a confi leh viau.

"In duh duh chah u la inthlahrung miah suh u," Carli'n Menu an lamah a dah phei a, kei erawh Restaurant chhunga mite hmuh chian tumin ka hawi kual a, table pakhat kîl a ṭhu mipa, American hmelpu deuh chuan kan luh tirh aṭang khan hawisawn miah lovin ka nupui a la en ngar ngar tih ka hria alawm.

Carli incheina mawlmang leh holam tak chu Stella inbel duh chi a ni miah lova ani erawh chuan eng teh chiamah a ngai lo nge a nunphung a khaihlak ṭhak lo.

Wine chi hrang hrang leh Lui lam sa eng maw zât a order chu tui tih hmel zetin a ei tiam tiam a, nizanah dinner a ei lova tukkinah breakfast a ei loh bawk a vangin ka khap duh lo.

"Luigi, i plate ami ei ve rawh," dawhkan hnuai aṭangin ka mal a rawn tawk zauh a.

Nichina ka en reng pa khân kan ṭhutna lam a rawn pan tih ka hmuh leh lek phei chuan eitur lam ka ngaihsak lo nasâ! Carli ṭhian nge a nih a ex boyfriend tih ka hriat chhuah hma loh chuan ka hahdam thei ṭhak lo nia.

"Hey, Carli, nang mah i niin ka hre rêng a!" Kan dawhkan bulah a rawn ding a, Abella leh Ricco an ding chhuak nghal vat a.

"Mister, Madam hi duh duh a biak pawh phal a ni lo." Ricco-an ati khauh mai le.

"Madam a!?"

"Yes, Madam Carli Shinoda a ni e," ti nghutin ka nupui rawn dingchhuak tur chu a nem ṭhu leh a, hei hi ka hnuaia thawkte ka zirtir dan a ni hauh lo. Hun dang chu nise Ricco hian ati mah mah ka ti ngei ang a; mahse, tûna a chetdan hi ka duhzawng tak a ni, ka nupui hi mipa dangin an hnaih tur a ni lo bur.

"Ricco, ka ṭhianpa Narda Moretti a ni e, i thil ei lai chhunzawm la ka'n be lawk ang e," Carli'n a tih chuan Ricco a nûr nûng a eng mah phei chu a sawi tawh lo.

"Narda, hei hi ka pasal Luigi Shinoda a ni a, Luigi, ani hi Narda Moretti Argentina-a hnathawk mek a ni a, Italian tho a ni." Ati ta a.

"Carli, ka hriat lovin pasal i lo nei a maw! Lorenzo a ṭha em?" Tia ka nupui kut a vawnna chu ka hmu mawh lek lek.

"Lorenzo chu a ṭha e, i duh chuan kan dawhkan min rawn kilpui thei ang, a nilawm ni Luigi?" Min rawn râwn a.

"Nidangah ni rawh se, tun ṭum atan chuan kil rih lo ta se.." ka ti hmiah.

"Sì, Nardo Buena noches," Carli ṭawng zawi sap chuan ka chhungril ati nui var var.

A ṭhianpa lungawi lo hmel leh rum fahrana min melhna chu eng hû-ah ka ngai hauh lo. A chhan chu ka nupui hian ka thû zawmin a mangṭha vei thlap a.

Kan thil ei chhung zawngin Carli a ṭawng tawh miah lova Ricco a melh no lo thei khawp mai.

Sardinia Shopping Mall-ah thawmhnaw lei tura kan chhuah thlengin a ngawi ngal a, ka nui ru suk suk. Nichin khan thinrim angin a lang duh lo nâa a lawm chiah lo tih erawh ka man thiam ve reng. Thawmhnaw eng emawzat a thlan ho chu Sam leh Abella kentir duh lovin Ricco a pe zel a, ka khap duh lêm lo.

"Hi, Luigi..." Teresa Oposi kan bulah lokalin ka biangah a rawn fâwp zauh a, ani hi helai Shopping Mall building neitu hi a ni a, nula chhe lo tak a ni bawk.

"Hi, Teresa, i buai em? I dâwr a thawmhnaw ṭha ber ka nupui tân i dah ngei ka beisei." Tiin Carli nen inhmelhriattirna ka nei nghal a.

"Signora Eposi, ka pasal bianga fawh man hi a to teh a nia, nidangah chuan chin tam chi a ni lovang, ani lawm ni Ricco? I boss biang hmeichhe nazawngin an fawh te chuan a chi nâng." Ati deuh kher a.

"A dik. Miss Eposa, madam sawi ang chuan i ti tawh dawn nia." Ricco an atih chuan Sam leh Abella annui suk suk a. He mite hian eng nge an hriat chu le.

"Tihpalh, Luigi, i nupui chu a la naupan hmel tehlul nen a chaltlai angreng." Ti nghauhvin Carli a melh ralh a, "Shinoda nupui ka ni miau alawm, Signora Eposi, ka dinhmunah hian ding ve la kei aiin i nasa mai thei! Sam, helai a khawtlai tur hi kan ni chiah em? Tihian lo inbia se pheikhawk lam en leh ila," dâk vah a kalsawnin mipa pali te chuan kan zui leh ta a.

Teresa pawh ngaih dan nih loh hmel zet hian a kalkiang ve ta a.

Carli Davino mize thar ka hriatbelh leh ta. Mi hausa chhungkua aṭanga chawr chhuak ni mah se a thil duh zawng leh a duh loh zawngah a chiang hle a, kum 20 mi lek ni siin a lû a zo veh váwh hle bawk.

A mamawh engkim kan lei zawh meuh chuan zan dar riat a ri tawh a, Penthouse panin kan haw ta a.

After 2 Months

"Duhtak, tho rawh le," Ka Mansion tharah kan insawn tawh a, Penthouse-ah duhthusam a pindan âwl a awm lo tia ka nupui a phun sek avangin ni li liamta khân Travelex lamah kan lêt a.

A naupaiin thlali hmêl a hmu tawh a, a phunchiar lutuk leh a tih tam lutuk hi ngaiah neih a har deuh chu a ni e.

Ricco nen phei chuan an inmil hlawl lova; mahse, ka bodyguard zinga rintlak ber a nih vângin ka bân phal lo. Company thilah Japan-ah ka zin dawn avangin ka kaitho hma a, Jet plane Machine duang thar turin kan meeting dawn a, Japan daih daih a ka zinsan tur hi ka huphurh hlê.

"Luigi, rei lo tê chauh ka mu leh thei ang em?"

"No, min thlah ngei ka phût," tih pahin a kawr hâk lai hlîmin a dulah ka fâwp zauh a, a dul puar ve âk tawh chu 'A inhmeh lo' ka tih chuan dâwt ka sawi tihna. Amah ngun taka entu tân lo chuan a râi tih hriat mai a har viau ang. A taksa a inphut ṭan a, nisa hnuaiah a awm tam lo bawk nen enkawlna ṭha ber ber dawng a ni bawk a, a hmuh a nuam khawp mai.

Carli tel lo chuan ka nun a kim tawh lova meeting leh dinner party-a ka chhuah zeuh zeuh a ngaih avangin kan imbakkaih leh zeuh ṭhin tih mai loh chu inhnialna liantham kan nei ngai lo.

Company tân rim takin hna ka thawk a, tuna Jet kan siam thar tur hi kan zawh hunah chawlh lâk ka tum bawk.

"Mansion chung aṭangin Jet hi thlâwk chhuak tawh se ka ti." Tih pahin a rawn zi ṭalh ṭalh a, hei pawh a sawi ngai bawk. Pâwn chhuah ka khapsak vang nge company-a hruai ka tum pawhin a chhuak duh dêr lo.

"Mansion chungah em em chuan ni lo ve," Ka insiam peih vek tawh a, business suit dum dak hlarh ka inbel chu, "Kha kha ha suh, hmuh a nuam lo," insawiselna hun a rawn hmang ṭan leh ta. "Khawngaihin ka tlai tawh a, inhnial turin hun ka nei lo."

"Ni lo, kha chu a ṭha lo," rang zet hian ka thawmhnaw dahna wardrobe a hawng a, suit buang thek thawk leh kamis dum a rawn lek lang ta a.

Kan thlawh chhuah nân minute 15 bâk hun ka nei tawh lo.

"Carli, hun ka nei tawh lo, min lo thlah phawt mai rawh." A inphihfai pawh nghâk hman lovin a bânah kâiin ka chhuahpui ta a.

Garage-ah Abella'n min lo nghâk a, car kawngkhar min hawnsak hnuah Carli ka ṭhut luh hmasak tir leh tê tê a kan tlân chhuak ta a.

Hearthrow

Terminal in Italy

"Carli, hetah eng nge i tih?" Mipa sam buang feet ruk aia sâng mah terminal-a lo awm chuan kan lam a rawn pan a, a mitmeng hring rãm leh fin hmel zet chu ka hmuh hmaih lo.

"Lorenzo, ni lo, Luigi, ka thlah hman lo che." Hmanhmawh lutuka tlân lêtin car chhungah a lût sawk sawk a, ka chuanna tur a inpeih vek tawh avangin ka ngaihven hman ta lo.

"Nang kha, ka farnu chungah eng thil ṭha lo nge i tih." Chu pa Lorenzo an ka kawr nghâwnga a ṭhamna chu ka phihthla nawk a, Abella leh Carli tlân liam tur ka hmu hman vuai.

"I farnu kha ka nupui a ni e, Luigi Shinoda, LSJ company neitu." Ka sawi zawh rualin ka bekah a rawn hnek ṭhuai a, Ricco-an min lo dawm lo se chuan ka thal chiang khawp ang.

"Sir, vawi engzat nge kut thlâk se min tih?" Ricco thinrim hmel dur khup chu mitmeiin, "I madam unaupa a ni e, thil awmzia lo hrilhfiah ang che ka kal a hun."

"Luigi Shinoda, atu a pawh ni la ka hriatpuina tel lova ka farnu nupuia i nei hi ka ngawi dawn miah lo. Lo inrâlring ang che." Ka chhânna pawh nghak lo hian Mercidez car dumah a lut ta a.

Carli unaupa a nih takzet chuan buaina liantham kan tawk ngei ang.

A chhan chu a farnu pawh hmeichhe satliah lo tak a ni a, a unaupa hriatpuina tel lova innei kan ni miau si a, chêt ka lâk hmain min hmakhalh ta si.

Carli lah chân ka tum dêr si lo.

Japan kal tura meeting kan duang lâwk ṭhulh theih a nih tâk si loh avangin rilru nuam lo zet hian thlawhnaah ka lût ta a.

Sam leh Abella erawh an madam veng ṭha tura ka chah ngun fê a ngai ang.

B+>[BeckirafARenthleI]<+®®

LUIGI SHINODA

Becky Rafa Renthlei

Chapter-15

Mansion

Italy Rome

Carli Davino

"Abella, hmanhmawh rawh." Ka unaupa thinrim hmel dur khup kha engtin nge ka hmachhawn ngam tehreng ang ni!?

Luigi thlah liam chu sawi loh hmanhmawh lutukin car-ah ka lût ta kha a nia, Lorenzo hian min duat viau mah se a duh lohzawngah chuan pal luih theih a ni chai lo.

"Madam, i unaupa kha ka hriat hnu a ang," Abella'n min biak chuan ka ngaihtuahna ram aṭangin ka harh zawk a.

"Hria ang, Davino oil company hi kan ta a ni a, ka nu leh pa ro kan khâwm a nia."

"Sir khân a ngaihtuah ngawt ang che." Mansion kan thlen tâk avangin ka chhâng ta lo.

Engkimah ka thiam loh vek a ni. Ka unaupa hriat lohvin pasal ka nei a nau ka la pâi zui. A hriat chhuah hun hunah min pawt hrang dawn tih ka hrechiang bal.

Ka phone a rîk chuan rang lutukin ka pick a.

"Carli, Mansion chhuahsan hauh suh aw, a rang thei ang ber a lo hâw ka tum dawn nia, i unaupa pawh kan pahniha kan biak ngei angai a nia." Thûm chhak leh inringtâwk taka a rawn ṭawng chuan ka hahdam sawng sawng thei nia.

"Min ngaidam rawh, keima thiam loh vek a ni." Ka insût hraih a.

"Hush! I pasal thlazar hnuai aṭang hian tumahin an lâk hran che ka phal lo, Abella kha phone pe teh, ka lo be lawk ang e." A ti ta a.

Eng nge an sawi pawh ka hre ve lem lo, bedroom-ah lûtin ka thawmhnaw ka khung mawlh mawlh a, ka chhuak dawn tihna ni lovin eng emaw thut thil awm thei a ni a inhmakhua ka ngai.

"Madam, eng mah hlauhthawn tur a awm lo a nia," Sam rawn lûtin coffee min lo siamsak deuh ngei a, a rûk tak chuan an inrâlring tih ka hre reng.

Nu leh pa nei tawh lo ka ni a, he khawvela ka neih chhun ka unaupa hriatpuina tel lova pasal ka lo nei thawt thawt leh ka hmâ ka sial vânga ka tihsual man tuar a ngai a nih pawhin ka tuar ngam mai tur a ni.

Thlamuang lo zetin dinner ka kil a Sam leh Abella'n min kârchehin ka mamawh ka lam a piang min pe zar zar bawk a, Luigi thupêk a nih ka ring.

Ricco hmel hmuh tur a awm miah lova Japan-ah a kal lo tih ka hria khawiah nge a awm daih le!

"Madam, muangchângin ei rawh i duh chuan white wine pawh in phalsak i ni e," Abella a nui vur vur a, min tihhlim an tum ve tak nâa ka chhungril a hlim thei tlat si lo. Tunah hian Luigi'n meeting a nei mêk tih ka hria a, ka ngai takzet.

"Sam, ka pasal biak ka duh."

"Meeting an nei laklawh a zaninah an zawh hman chuan naktuk hian lo haw a tum." Dam thlapin min chhâng a.

"Sir, kan boss a awm lo." Ricco aw ka hriat rualin kawngkaa Lorenzo lo lût ka hmu chawpchilh nghâl a, a mitmeng rum ûl a min melhin, "Carli, he inah hian minute khat pawh i awm tur a ni tawh lo, min zui rawh," ka bânah a rawn vuan chat a.

"Ni lo..englo.."

"Mr Davino, boss thu lo chuan Madam hi hruai chhuah phal a ni lo a nia, i be duh a nih chuan kan awm laiin hetah i be thei ang." Sam aw ril ruih lrh khauh far chu nidanga ka la hriat ngai loh a ni.

"Lo ṭawng suh, ka farnu hruai chhuak tur hian dikna ka nei, Carli min zui rawh." Tih pahin min pawt tho nawk a. Ka pum puar ve âk tawh chu a hmu a ni ngei ang, chîk lutuk a melhin, "Eng thil nge ni ngai? Nautê maw!?" Min nam sawnin khawih thiang lo khawih ang maiin ten hmel zet hian min en a.

"Mr Davino, minute thum hun i nei, chumi hma a Mansion hi i chhuahsan lo a nih chuan.." Abella ṭawng chu a ring hran miah lo; mahse, thupe aw a ni.

"Hremhmunah kal rawh." Lorenzo aw ṭêng chhuai a rik chhuaj rualin Abella a pai nawk a, Sam leh Ricco-an ka unaupa an vuanbet nghal bawk.

"Sam, thlah rawh u, keima'n ka lo bia ang e, Renzo, ât so suh inbia ang." Tia ka din hnaih chuan "Madam, a fâl a inbiak phal a ni lo, in sawi duh chu tunah kan awm laiin sawi mai rawh u."

Chumi hnu chuan ngawirengin minute thum vel kan awm rên râwn a.

"Carli, i duhthlanna ka zah sak ang che, i unaupa nge i thlan dawn Shinoda," a mitmeng a natna niawm tak lo lang chhuak ka hmuh chuan hrehawm ka ti hlê.

"Renzo i hrethiam lo a ni, ka duhthlanna ngei a pasal nei ka ni a, tunah chuan a hrilhfiahna ka pe thei lo che," ka ti sap a.

"A nih chuan i pasal nge i thlan, ka nu leh pa awm loh hnu a enkawltu che hi.."

"Renzo khawngaihin khatiang zawng chuan sawi teh suh, Luigi lo haw hunah kan sawi ṭha dawn nia."

"A teuh lo, kha mihring hmeichhe kawp lâwr duah leh a nupui hual ṭhen a midang kawpsantu nen khân inkungkaihna neih ka duh lo." Luigi a huatna pawh thup a tum hran lo.

"Ka boss sawi chhe tura lokal i nih chuan keini hian kan en liam lo tawp ang che." Ricco rawn pên chhuakin Renzo rum zetin a melh a.

"Ricco, lo inrawlh suh." Ka ti ṭhat a.

"Madam, ka boss tân a thawk ka ni a, a ma inchhung ngei a a chanchin a chhezâwng a sawi ka duh lo, i duh chuan i unaupa chu zui rawh le, kan dâl lovang che." A ti zui hmiah a.

Ka ngaihdan a pêl ta.

"A ṭha alawm, min rawn umzui hlek suh ang che u." Tiin bedroom-ah ka bag leh phone, ka thil pawimawh zual khungkhâwmsa a ka dah chu ka la ta a.

"Renzo, kal ang le."

"Carli, ka lâwm e, hengho kianga awm ai chuan i unaupa hian ka venghim ang che."

Luigi bodyguard pathumte che miah lova ding khawng reng chu kan chhuahsan ta a.

Ni e, ka pasal a ni tehmeuh mai; mahse, ka unaupa aia hlu an awm thei dawn em ni? Renzo Jaguar car-a ka luh dâwn chuan Abella'n min rawn umzui a, "Madam, khawngaihin kal suh," ka kutah vuanin ngenna mitmeng hian min en a.

"Ni lo ve Abella, ka awmna tur dik tak chu ka unaupa kiangah a ni. Ka pasal kha i lo ngaihven ṭha dawn nia." Vawikhat pawh hawi lêt tawh lovin car-ah ka lût ta a.

Lorenzo Aparment chu zan dar sawmah kan thleng a, kawng lakah vawikhat tê pawh kan inbe lo. Min hmangaih tih ka hria a, kei pawhin ka hmangaih bawk, a hriat miah lova pasal ka nei hi ka thiam lo takzet a ni e.

A partment chhung a kan luh rualin hmeichhe nui thâwm ka hre hmasa ber a, Renzo hian nupui a nei lo a; tû hmeichhia nge lo awm ve ringawt!

Living room sofa-a lo ṭhu ka hmuh meuh chuan thinrim leh mak tiin ka puakkeh lo chauh! Stella Costa whisky no dawmin a lo ṭhu a, kan lût min hmuh veleh Lorenzo rawn pan hnaiin, "Duhtak, i farnu chu i va hruaichhuak thei maw!? Miss Davino, i tihtur dik tak i ti a ni." Tih pahih Renzo hmuiah a fâwp zauh a.

"Eng nge hetah hian i tih chhuak rawh." Thinrim insûm tak a ka ṭawng chhuak chu min nuihsawh hmel kher mai.

"Lorenzo, hrilhfiah la Carli hi.." no takin ka unaupa a melh a.

"Carli, ka girlfriend thar Stella Costa a ni e," a bâk eng mah a sawi zawm lo.

"Maw!? Henu hi i girlfriend maw!" Ka kut vai fua lo turin ka insum nasat a ngai viau.

"Ni e, thlakhat liamta khân kan inkawp tawh alawm. I pindan ngai kha luah leh la ka thu lovin Apartment chhuahsan phal a ni lo aw." Whisky a inthlit zui zat a.

"Teuh lo, henu nen inkhat a chendun ai chuan thih ka thlang." Inher nghauhvin tun hma a ka pindan luah ṭhin lamah ka lût ta a.

Engtin nge Stella leh Lorenzo an inkawp daih theih! Luigi nupui hual hlui leh ka unaupa, ka ngaihtuahzawng ringawt pawhin ka luak a chhuak ut ut thei nia maw le.

Khumah ṭhuin ka pum ka dawm a, ka pasal kalsan a ka zui ka unaupa hian ka hmakhua a ngaihtuah miah lo nge Stell bumna hnuaiah a tâng zawk?

Ka phone a rawn ri a Luigi a ni.

"Carli, khawiah nge i awm?" A aw ka hriat ringawt pawhin ka thin a phu dat dat chu a nia.

"Lorenzo kiangah."

"Tunah khân pawhah chhuak la Abella'n a nghâk che, hmanhmawh rawh." A rawn ti ta a.

"Luigi, ka unaupa thu lo chuan ka chhuak thei lovang tih ka hlau khawp mai." Ka sawi zawh rualin ka phone ken lai tu emawin min rawn phih thlâksak a.

"Tenawmpa, Carli nunah i rawn inrawlh leh a nih chuan ka kut lâwngin ka that ang che." Lorenzo aw a ni.

Engtin nge Luigi'n a chhân ka hre lo nâin thinrim zetin Renzo an phone a vawm ṭhuai a, ka mitah tak en chung hian, "I pasal hi ka chhuah dâwn miah lo a nia, Hremhmun thleng a ka nawr liam hma loh chuan.." Tiin pindan a chhuahsan ta a.

Ka phone chhuat a darh nuaih chu chhar khawmin khumah ka ṭhu leh hnawk a, Renzo thinrim haiderin ka chhuak lui dawn nge, tihian Stella nuihsawhna hnuaiah sual ka chhuah zâwk ang.

Ka tih dik loh man têlin ka tlanbo zawk dawn em ni? Ni lo, Lorenzo leh Luigi hian inrem an tum hmel tlat loh.

Stella Costa ruahmanna vek a nih ka ring ta a, tukverh hawngin pawnlam ka thlir a, Abella car nghêng a ding reng ka hmu a, koh tumin ka âng zuau a; mahse, ka unaupa hriat ka duh teuh lo, dressing table a body spray bur khat lain Abella awmna lamah ka vawm thla ta a.

Ka dinna tukverh zâwn a rawn thlir lai chuan ka ding lang ve nghal bawk a, min hmuh veleh zaizirin 'Lo chhuak rawh' ati ta a.

Tunah hian ka thisenzawmpui chhuahsanin ka pasal bodyguard ka zui dawn nge, engpawh huamin ka unaupa kiangah ka awm zawk ang.

Luigi hian min lo hnar leh si ang a, ka unaupa kumkhua a chân hlen ka duh si lo.

Rilru buai nuaihin khum lamah ka lêt leh ta a.

B+>[BeckirafARenthleI]<+®®

LUIGI SHINODA

Becky Rafa Renthlei

Chapter-16

Lorenzo Davino

Apartment

Carli

Abella awmna zâwn thlengthla tur chuan garage bul a tui dahna pipe-ah tawlthlâk a ngai dâwn a, engtin nge kei raipuar hi ka chhuk teh lul ang, ka phone nise hman tlâk lohvin Lorenzo an min vawm darhsak tawh bawk si.

Ka room kawngkhar ka kalh ṭha sauh sauh a chhuak rûk dan tur ka dap leh ta a.

Abella lah chuan ka chhuk hun a nghâk nge min rawn hûi chhên a, eng ang pawhin chhuah tum mah ila ka unaupa leh Stella paltlang lo hian ka chhuak dâwn lo a nih hmel. Paper leh Pen lain, "Abella, inchhungah lo lût mai rawh ka awmna aṭang hian chhuah ngaihna a awm lo." Tih ka ziak a, Nail cutter nen tuam hnan chung hian ka vawm thla ta a.

Ka room kawngkhar rawn insawi dawt dawt chu hriat loh der chi ninghal lo chuan.

"Carli, eng thil ṭha lo mah tih tum suh ang che." Ka unaupa aw a ni! Stella nen an chêng dun tih ka hriat ringawt pawh hian thinrim lutuk vângin ka ter at at thei nia.

"Renzo, i bialnu nen hun thâwl ka pe ang che u, Luigi thlah tura min duh takzet chuan kha hmeichhia kha kaltir hmasa rawh." Ka ti lui ve ngat.

"Eng nge maw i sawi le, mahni nupui hual lai kalsan a hmeichhe dang pantu leh a company aṭanga pêt chhuaktu Shinoda tenawma i la ṭan a nia, kawngka hawng la inbe teh ang."

Ni e, ka hawng em em ang; ka unaupa in bîk a ni lova kan chhungkaw chênna hmun tho a nih vângin ka hlauh viau nachhan tur ka hre lo ve.

Lorenzo leh Stella ka pindanah an rawn lût a, whisky rim an nam huam bawk nen ka luak a chhuak ut ut.

"Renzo, kan unau inbiaknaah henu hi a tel ve ka remti miah lo a nia," Stella ka melh râm râm a. "Carli, a kâwi zâwng a awm tum tlat lo hian Stella nen inrem dan zawng ang che, a chhan chu ka nupui la nimai tur a nia." A tih chuan ka sa zak mai.

"Carli, Luigi Shinoda vânga inrem loh hi ka duh miah lo a nia, a chanchin a hre ber tur i ni alawm, i lo lan hma kha chuan inneih tumin kan inhual vek tawh a nih kha; mahse, hmeichhe nalh leh a ît zâwng a hmuh rualin min kalsan ta a, chu hmeichhe naupang tê chu nang mah i ni." Tih pahin a phone hlai zet ka lamah a rawn lek lang a.

Business suit ka thlansak ngei inbel a dining table kîl ka pasal leh hmeichhe hmelṭha lutuk ṭhu dûn ka hmuh meuh chuan ka chhungril a tâwt tâwt up up thei maw le. Luigi lakah hian phuba lâk duhna rilru ka pu ngei mai; mahse, kan inneihna nuam leh dang dai zet te min duatna leh min ngaihsakna zawng zawng te khân ka chhungril a phuba lâk duhna ka neih kha a lo ṭhiat hlek hlek ni rengin!

"Stella, khawi a mi nge?" A Phone kenlai lâksak ka tum chuan a phal teuh lo. "Japan-ah a bialnu nen dinner an kîl dun a ni tih i hmu ve reng lo em ni? Japanese nula a ni lova Italian nula ngei a zinnaah a hruai tel tih pawh i hre tawp nâng." Min deusawh hmel takin a nui lui sâng a, "Lorenzo, i farnu â zet hi ka hrilhfiah peih tawh lo." Inher nghatin ka room a chhuahsan zui hmak!

"Carli, i hmuh leh i hriat aia tam keini hian kan hria tih ring mai rawh. Stella chungchângah erawh chuan i thurâwn ka mamawh lo a nia, i pasal neih dâwnah pawh min râwn bîk hleinem." Ti hmukin ka chhânna pawh nghâk lo hian a chhuak ve ta a.

Luigi hmeichhe ṭhutpui kha tunge ka hriat chhuah ngei a ngai. Kan inneih chhung rei lo têah hian Luigi'n hmeichhe dang a kawp awm ka hre lo. Dinner leh party-ah takngial pawh a kal khât a nia, Stella fin kherek bâk va ni suh.

Ka room aṭanga ka chhuah chuan tûmah hmuh tur an awm miah lo! An ngaih a ṭha tepawh a ni mahna. Dimtêin kawngkhar ka hawng a, Abella lo ding reng nen kan inhmachhawn ta a.

"Madam, hmanhmawh la," a ti sup a.

"Abel, tunah kan chhuah nghâl a ngai a nia, bag kan la lawk ang e," tiin inchhungah ka lût leh ta a.

Abella paw'n thâwm dimzetin min zui lût ve a, Luigi bodyguar te tluk a mahni hrechiang leh tlin hi an tam lo khawp ang. Ka room-ah lûtin ka ken luh ho zawng kan la chhuak leh ta a.

Thâwmdim thei ang bera Apartment kan chhuahsan lai chu min hmutu an awm loh hrâm ka beisei. Luigi chênna hmun pana kan tlânlaiin zing lam dar ruk a ri tawh a, chhîn khat mah ka chhin loh bakah thil ka ei mumal lo bawk nen ka pum ri rak rak chu Abella'n a hriat hlauvin ka dawm vat a.

"Madam, eng mah ei lovin zankhuain i awm tihna em ni?" Min ngaihtuah hmel zet hian kawngsir remchangah car a tiding ta a.

"Abel, pawisa pakhat mah ka nei lo a nia." Inthlahrung ru takin ka ti sap a. Mak tih hmel deuhva min en hnuah, "Ka nei alawm, i duh duh i ei dawn nia,"

In ka chhuahsan lai khan pawisa lam ka lo ngaihtuah thleng miah lova ka card pawh ken nachang ka hre reng reng lo! Chuvangin Luigi inah ka lêt leh a ngai hrim hrim tihna. Ka pasal thlazar hnuaia ka awm ve chinah ka tân eng mah ngaihtuah buai a ngai lova ka lo inthlahdah ve deuh atin ni.

Abella'n breakfast tuihnai tak min leisak chu chin lêm nei lovin ka ei ṭân ṭân a, theitui pawh no hnih ka inzo pap!

"Madam, duhtawk tawh la i taksain a ngeih loh palh ang e." Nui suk suk chung a min khapbeh tâkah chuan puar âl chungin ka tho chhuak ve ta a. Kan hnathawk zinga mi in ka eiman min tumsak ta chu a ni a; "Ka rûl leh ang che," ka tih chuan "Sir hnena i kir leh avangin ka lawm e." Tih chiah a sawi.

Mansion kan thleng ta hlawl mai le.

Nizan lawka ka chhuahsan tâk in ropui zet chu uluk takin ka thlir vang vang a, he inah hian ka chêng kumkhua thei ang em ka hre lo, ka unaupa chhuahsana ka pan tâk Luigi Shinoda hi ka innghahna tur mipa awmchhunah ka ngai hmiah tawh a, a chanchin hre tur tal a ka phone ngei a ngai.

Inchhunga ka pen luh rualin Ricco leh Sam an lo ding vat a, Ricco hi ka ngaina hran lo nâin a mawhphurhna erawh a hlen ṭha hlê tih ka hria.

"Morning madam," Tia min wish chuan ka nui var var a.

"Madam, breakfast-ah eng nge i ei duh ang?" Nidanga an tih ṭhin danin min zawt leh thlap tawh.

"Tukkin chu tu emaw kiangah ka ei tawh a, in ei duhzawng inbuatsaih thei ang, ka'n inbual ang e." Tia ka kalsawn chuan an nui ṭhâ a, Abella an hmehbel deuh ringawt.

Uluk lutuka ka inbual lai chuan ka zâi pah rât rât a, Stella Costa ve mai mai kha! Lorenzo nen an innei a nih phawt chuan ka unaupa kiangah ka kír chatuan lovang.

Bathrobe-a intuam hlân chungin kan nupa room-ah ka pên lût ta a, khum a lo ṭhu te ka hmuh rualin ka towel ken lai ka thlauh tawp a, chêt mai nachang ka hre lo.

Luigi leh nizana dinner a kilpui hmeichhia kha inhnaih fêin an lo ṭhu dun a, engah mah min ngai lo niawm tak hian Luigi chuan min melh zawk ringawt nia!

"Carli i ni ang maw!?" Hmeichhia chu rawn ding chhuakin uluk fê hian ka chhîp aṭanga ka ke hmawr thlengin zuk en chhuak vek a!

"Aw ni e, Luigi nupui Carli ka ni e." Nui sângin ka kut a vawn theih nân ka phar chhuak a, "Carli, inlâk polite vak a ngai lovang, i unaupa hnenah i awm tawh turah ka ngai a," Luigi rawn ding chhuak ve-in mitmeng huatna a khat hian min melh ta a.

"Ka unaupa hnen aṭanga chhuak tura thu min petu kha i ni lâwm ni?" Cho takin ka melh ve hrâ a, "Mansion chhuahsan lo tura hrilhtu che i pasal thu zawm lovin Lorenzo i pan vêl a," hnai zetah min enin, "Ka thû pawisa lo tu hmeichhia hi eng atan mah ka ti lo. I unaupa i pan rual leh ka phone leisak ngei che i vawmchhiat aṭang khân kan nupa inkâr a tawp tawh." Chang fek fawk leh nelawm loh zet a ṭawng chu ngawirengin ka ngaithla a, a hmeichhe rawn hruai lah chuan min diriam a châk hmel em em lehnghal!

"Luigi...!?"

"Ka sawi ang chiah kha a nimai, i unaupa hnenah i lêt leh thei ang, Lorenzo Davino farnu luhlul satliah hi eng atan mah ka ti bik lo." Ti leh nghutin a nur nûng a, ka awih thei lo!

"Mahse Luigi..?" Zah pawh dâwn lovin ka ti leh sap a, "Mipain an duh lo che a nih chuan 'mahse mahse' tih tih a ngai em ni?" Chu nu chu a vawikhat nân a rawn inrawlh ve ta a.

"Ka pasal chênna hmun chu ka chênna hmun tur a ni. Nang khân inneih certificate i nei ve a nih loh chuan râk mai mai suh ang che." Luigi lam hawiin, "Nizana ka unaupa in chhuahsan tura min ngenna tihlawhtlingin Mansion ka rawn pan a, i duh huna i pêt chhuah tur emaw i koh kal mai mai tura bodyguard ṭang lai ka ni hek lo, ka chhuah beisei duh suh." Ti hmiahin drawer ka hawng zui nghal a, ka inthlâkna tur lain mikhual pindan ka pansan ta a.

"Madam, mamawh i nei em?" TV hmaah ka ṭhu a, ka chhungril sa up up leh puakkeh mai tur hi thunun tumin ka insangmar hrâm hrâm a ni.

Abella ka kiangah a rawn ding a, a boss te ṭhian dun breakfast kil lai a vil ve miah lo chu mak ka ti deuh!

"Abella, khawngaihin ka chênna hmunah min hruai ta che." A beng bulah ka ti sap a.

"Ni lo ve, i lamah kan ṭang tlat a nia, boss hian chhan nei lovin hmeichhia a rawn hruai lût lovang tih ring hmiah rawh." A ti ta a.

Luigi te pahnih induat hmel zeta ṭhu dun chuan ka mit a tikham ngei mai. Mi â nilêng tân lo chuan he inah hian chên ve chi ninghal lo chuan.

Min mutpui hmasak ber ṭuma a pawisa min pêk kha ka hrechhuak zawk! Keima pualin engvangin nge car ka lei ve mai lohvang! Hmanhmawh zetin kan nupa room-ah ka lut ta a, Luigi an min enzui tih ka hria; mahse, ka haider thung.

Ka dahna ngaiah a lo la awm ṭhap a, 'Dio, ka va han lawm tak'

"Sam, Abella, min bazarpui lawk hman em?" Living room kawngka biang nghengin ka ding a, Luigi leh a hmeichhe lo hruai chuan maktih hmêl fê hian min en a.

"Carli, chimawm chhuah suh ang che, Mansion chhuahsan phalsak i ni lo." Ka lam pana ka pasal lokal chu en pawh ka en duh lo.

"Kei min ngaihsak lovin ani saw ngaihven zâwk ta che, i bodyguard te hi rei lo tê ka'n hmang ṭangkai ve lawk ang e, boss nupui hruai chhuah hi an tihtur a ni bawk." Cho zetin ka ti lêt a.

"Carli..." a ti sup a.

"Sì, chu chu ka hming a ni. Hmeichhe dang ngaihven rengtu kianga nilêng hun hman ai chuan ka pum chhung a naute thawmhnaw tur parcel khat lei ka thlang zawk." Tiin Abella bânah ka vuan a, "Sam uluk deuhva min vên loh chuan ka tlu palh ang e." Tia ka runluihna chu Luigi chuan a huat hmel kher mai.

A hmeichhe lo hruai hi tunge a nih ka hre lova a tân eng nge a nih ka hre hek lo. Kan pathuma chênho ngai mah se ka unaupa leh Stella min hmusit phahna tura he Mansion hi chhuahsan ka tum reng reng lo. A chhan chu kei hian chimawm chhuahin sual ka chhuah ve mai ang.

He ka pum chhunga naute hi a thlâwna ka pâi a ni bík hleinem maw le. Shinoda Jet pakhat tal ka hlawhchhuah hma loh chuan ka bei ve ṭâng ṭâng dawn. Phuba lâk duhna rilru pu chiah tawh lo mah ila Carli Davino timualphotu leh hnâwltu hi chuti mai chuan ka ngaidam lovang.

Ka unaupa thusawi awihin nizan lawkah ka pasal in ka chhuahsan a, a thu zâwmin ka unaupa ka phatsan ta sa sa, a tâwp rât thlengin a nia ka ṭan dawn ni. Latin thisen kai Carli Davino hian Luigi Shinoda leh a hmeichhe kawp lai hi nuamin ka awmtir bik lovang.

Sam leh Abella nui ru suk suk chu siai zauhvin an boss Ford car ngei mai chuan kan tlân chhuak ta a, tukverh aṭanga min thlirtu Luigi chu side glass aṭangin ka hmu reng.

A pawisa, a car, a bodyguard te nen lam a fa pai chungin a nia sual ka chhuah dawn ni. Bar-ah zû ka in nghek zawk dawn nge, a company Jet-in Rome khawpui ka fang zawk dawn tunge hria?

LSJ Company neitu nupui hian thil ka tithei ve chiang alawm.

B+>[BeckirafARenthleI]<+®®

LUIGI SHINODA

Becky Rafa Renthlei

Chapter-17

Santa Marinella

Carli Davino

Luigi Mansion kan chhuahsan hnu chuan car-ah ngun zetin ka inngaihtuah a, 'Kei ka ni' inti ve tân chuan Luigi leh a hmeichhe ṭhian thar nen in khat a chendun chu thil tlâwmthlâk tak niin ka hria.

"Madam, lungngai lutuk mah ta che, boss nupui i ni a inṭhenna a awm a nih loh chuan keini hi i hnuaia i chhawr te ang tho kan ni tih i hria ang chu maw, kan thusawi ang a piang i zawm a kan inthurual chuan boss hi a thinrim rei miah lovang; i lamah kan ṭang a nia." Abella'n min thlamuan vei ngial a, a sawi awmzia chiah hre lo mah ila ka thawveng huai.

"Eng ruahmanna nge siam in rilrûk?" Tia ka zawh chuan Sam nen an inmelh zauh a, chutah "Ricco kan thurualpui thei maiin ka ring a, boss thu zâwm tho siin kha nu Angelica kha kan runluih dâwn nia." Sawi ṭha inti zetin a nui suk suk a.

Luigi hmeichhe ṭhian thar hming chu Angelica a nih chu. Keiin a hming ka hriat loh laiin bodyguard rinawm te chuan an lo hre leh hman vek tawh!

"Madam, kan sawi ang apiang zâwm rawh aw." Sardinia corner, car chi hrang hrang zawrhna hmunah car an tiding ta a, eng nge an ruahman pawh ka zâwt sí sê lêm lo.

Sam leh Abella'n min kârcheh a, an palianin an hmelṭha vuah mai si a mi mit kan la hlê.

Counter-a lo ṭhu hnenah chuan an card entirin 'I card phawrh ve rawh' tia min mitmeina chu ka zawm ve vat a, LSJ Company seal chuang thlap ka pasal hming sign hnan ngei credit card dawhkân a an dah chu makti zetin ka en a.

"Boss in a nupui tân car la turin min tír a, a man lamah buai a ngai lo aw." Sam an dawr nghaktu a biak mawlh mawlh lai chuan Rome khawpuia luxurious car manto uchuak inhûng phei dul chu Abella nen kan enkual ta a.

"Abel, an remti ngawt dâwn em ni? Luigi hriatpuina tel lo te chuan," ngaihngam zân lo hian ka ti chhuak ta a.

"Min ring rawh kan tih kha, Sardinia corner-a mi deuh vek boss ta tur foreign car ka thlang ṭhin, amah a tel kher ngai hleinem," zuk ti awlsam êt a.

Chumi hnu chuan sawibuai awm eih lovin Sports car hring duk nalh zet nen keima mimal chenna hmun Santa Marinella kan pan ta a, Luigi hming vekin car kan la chhuak a, a kid thiltithei ru riau te chu ka ngaisang ta phian!

Ka kut a inneih zungbun leh ka pum puar ve âk tawh chuan counter nghâktunu rilru a hneh viau te pawh a ni mahna, car thar chhungah naute mutna tur an vuahsa thlap a, hei chu ka rin phâk bâk a ni.

Chawhma chhung zawng ka chênna hmunah ro kan rêl a ni deuh ber. Sam-an note min ziahsak chu uluk zet vawili zet ka bih nawn tawh a.

1.Boss in a bia che a ni loh chuan i be hmasa tur a ni lo.

2. Zanah a kiangah mu lovin pindan hrangah i mu tur a ni.

3.Angelica hriat laiin boss zah lo takin i be tur a ni lo.

4.I ṭawng chhuah a piangin boss râwn kher a ngai lo. Thupe aw a ri chhuak tur a ni.

5. Boss hmuh laiin indîm lutuk anga lan tur. Etc, Point sawm zet an ziah chhuah chuan ka nuih ati za kher mai.

Lunch pawh ka chênna hmunah kan ei a, Lorenzo ai thlâwt chuan hemite pahnih hian min duat fê. Chinese food la lum vat vat min rawn chhawp te chu duhthaw takin ka ei tân tân a, Abella hian ka diet min control sak leh zeuh ṭhin.

Hlim taka white wine kan inho lai chuan Sam-a phone a rawn ri ta a.

"Yes, sir, madam-in hmundangah lunch ei a duh a kan hruai rih." Tia a chhân chuan nui huk chungin 'Lo bengchheng suh u' tih nân a hmui zawnah a kut a dah a, loudspeaker-ah a dah zui bawk a, Luigi aw thûm chhak leh inringtawk tak chu kan ngaithla ta ṭhap a.

"Sam, ka chhawrlai inni a hlawh petu che u ka ni bawk, ka thu nge inzawm dawn Carli thû.."

"Sir, i nupui hi i ṭhen phawt a nih loh chuan keini tân tihngaihna a awm lo alawm Shinoda hming a pu miau a, inneih certificate a kawl hi a hmang ṭangkai viau a nia, i ex girlfriend te ang lo takin a luhlul zia i hriat kha." Sam bawkin a ti leh zuah zuah a, a duhnaah chuan ṭawngkam pawh a lo thiam hi lê! Min puhna ang apiang ngawirenga zawm tur tih min hrilh tawh avangin ka ngai haw duh lem lo.

"A nih chuan tunah rawn haw rawh u, inṭhen lam kha chu sawimawi duh vak suh, a duh ang tihsak zel ang che u, a pum chhunga nautê kha ka fa a ni tih theihnghilh lo bawk u la." Ti leh lawi siin phone a dah ta a.

Kan Luigi Shinoda hian eng rilru chiah nge a put ka hrethiam ta hauh lo. Kutzungpui tipir vâ chung hian 'All the best madam Carli' tiin Sam a nui hawk hawk a. Plan A to C kan ṭan dawn tih a sawi bawk.

Hmanhmawh duh chuang miah lovin kan car lei thar nen LSJ Company lamah min hruai leh ta a, an thu angin ka awm ve hmiah hmiah.

An pahnih hian company hnuaiah an thawk rei tawh a ni ngei ang, kan mi tawh apiang te'n nui var var chungin an lo chhâwn zel a, Luigi office chhâwng chungber pan tura Elevator ka lût tur chiah chu Stella Costa nen kan inhmu fuh ta a.

"Carli, i unaupa lung a awi miah lo a nia," mitmeng de sar chung a min enin a nui lui deuh kher bawk a.

"Renzo lung tiawi turin i awm alawm, kan company aṭang hian pêt chhuah i ni khân ka hria a, eng ti tura lokal nge i nih Stefania ka zawh ngei a ngai ang." Ka ti hmak.

"I kum ngaihtuahin i chaltlai mah mah, i unaupa sumdawnna ka neihsak i duh loh chuan fimkhur ang che," ka bengbulah a rawn phun sap a.

"Renzo sumdawnnaah a zatve ka chanpual a awm tih i lo hre dawn nia, Sam, kan kal dawn em ni?" Tiin Elevator-ah ka pên lût ta a. Kan inbiak chhung khân Sam leh Abella an ṭawng miah lo.

Stefania'n min lo hmuh chuan mak atih hmêl kher mai! Luigi a zawng ru deuh tih pawh ka hrereng.

"Carli, big boss hmuh ka lo inbeisei deuh a..."

"Vawiinah chawlh a la dawn tih a lo sawi na nge, Jet pakhat hman kan duh dâwn a naktuk hian, Abella hian a khalh thei turah ka ngai."

"Tehreng mai, company plane nge boss private jet in hman ang?" Tiin computer-ah Jet chi hrang hrang list a enkual nghâl a.

"Ka pasal hman ṭhin LSJ chuang ngei kan mamawh dawn a, darkar thum chhung atan aw."

"Sì,"

Luigi hriat lohvin thil kan va tifel hnem tawh tak. Naktuk hian Rome khawpui mai bâkah Spain thleng rak thlâwk ila a ni mai.

Company building kan chhuahsan meuh chuan tlailam dar nga a ri dawn tawh a, pawnlamah dinner ei ka rawt lehpek.

"Madam, nilêngin kan chhuak tawh si a boss ngaihdan a ni tawh lo viau ang." Sam-an a ti sup a

"Dinner ka treat dawn che u alawm," pawisa têl chhah ṭha fê ka phawrh chuan annui ta hawk hawk a. Diktak chuan Luigi hnen aṭanga ka dawn kha a nia uikawm taka ka khêk kher a ṭûlna ka hre ta lo. Dinner tuihnai leh wine changkâng ber ber kan inlai te chuan tudang mah kan ngai bik lo.

Longsita thawmhnaw zawrhna dawrah kan pathum ta tur thawmhnaw inang thlap kan thlang leh tê tê a, Luigi kan vehthlêm tak tak dawn a nih chuan a bodyguard te nen kan ṭanho a ngai miau sia. Anni lah misual tak anni hek lo.

After 1 hours

Luigi Shinoda

Mansion kawtah car pahnih a rawn ding a, Angelica a ṭhutna aṭangin a ding chhuak hlawl a, Carli nena tehkhin râlah chuan a mizia a inpersan ngei mai.

Ka ford car la chhuakin ka kid te pahnih ka phalna la hmasa miah lovin a hruaichhuak bawk a, a mize ngêng leh kawlh hrâ thunun tur hian eng hmanrua nge ka hman tâk ang.

Kawngkhar a rawn inhawn rual rualin inthlahrung map lo hian an rawn pên lut a, Sam leh Abella ka kamkhat ngei chu a ngai ang.

"Khawiah tehhrep nge inthang bo? Car pakhat khu tû ta nge?" Thinrim insûm zetin ka ti nghut a.

"Sir, madam lei a ni e, i car lâkna ṭhinah khân i hmingin pakhat a la a, company lamin an rûl ang tiin a sawi." Sam min chhânna avang chuan thinrim hmel dur khup chung hian ka nupui raipuar ding âl chu ka melh a, "Tu thuin nge car i lo lâk ngawt?"

"Tû thurawn mah ka lâk a ngai hleinem, ka pasal ta chu ka ta a ni a, ka puala car neih ve hi a thiang a ni. I car manto leh ṭha uchuak tak takah hian ka pum chhunga mi chuanna tur design nei eng mah a awm si lo alawm," dâk vah hian min chhâng a, Angelica hmuha inhnial ka duh miah lo.

"Kan sawifel a ngai a nih chu, min rawn zui rawh kan pindanah.." a bânah vuanin kalpui mai ka tum a, a lo duh îkhaw lo! Tâl bat bat chung hian, "Luigi, kan nupa room hi hmeichhe nazawngin an rawn paltlang ṭhin a chuvangin luh ka tum tawh miah lo a nia, induh chuan inpahnih hian in awm dun thei ang, kei erawh mikhual pindanah ka mu thung ang." Nui hak chungin Angeli a melh a, "Miss, Shinoda nupui hian kan room ka kian ang che."

"Carli, ṭawng tam tawh suh, dinner ei turin kan nghâk che u a nia, Abella dinner buatsaih ang che." Tia thû ka pêk chuan, "Sir, Signora Angeli nen chauh in eitur ka lo buatsaih ang e, Madam te nen kan inthun puar tawh a," dining room pana a kal tur chu, "Abella, eng maw i sawi? In pathumin dinner in ei diam tawh a maw?"

"Yes sir. Boss nupui thu zawm hi kan hna a nia lawm." A tih chuan hnial ngaihna ka hre miah lo.

Angeli ngawireng a ding chu melhin, "Nangmahin va ei ta mai che, ka nupui nen inbiak kan ngai," ka ti ta a.

"Luigi, keimah chauhva dinner min kiltir i tum a nih chuan i tisual duai ang," ka bânah vuanin Carli a melh deuh kher a.

Sam, Abella leh Carli te min ngaihsak miah lova checker khêl chu ka run angreng.

A unaupa Lorenzo thiltum ṭha lo tak ka hriatchhuah vek hma loh chuan Carli hi biak ṭhat ka tum lo kha a nia, ka thil tum ka tihhlawhtlin hma hmain amah tereuh hian min ngaipawimawh dêr lo!

Tunah pawh a kianga mut a duat tak a kuah ka châk zia hria se chuan 'Luigi keima'n ka ṭan hmasa ang' tiin min hrilh leh ngei awm si a.

Kan nupa room-ah Angeli nen kan ṭhu dun a, "I nupui hian a hmangaih che tih ka sawi ngam sak." Tiin kan inneih thlalâk lianpui kan târ chu a melh vang vang a.

"A teuh lo, kan nupa nunah hmangaihna a tel lo, Angeli puih che hi ka hnial hran lo; mahse, Carli rilru tih nat tel kher ka duh lo a nia." Thaw huai chungin kan nupa khum zaupui chu ka mitsirin ka melh zawk a.

"Nang pawhin i hmangaih a; mahse, i pawm duh lo mai a ni," tia a sawi lai mêkin, "Sir, madam thawmhnaw ka rawn la thei ang em?" Abella'n a rawn ti láwng láwng a.

Hmeichhia tamtak ka lo kawp tawh a, Carli an ngainat ang hian atu amah kha an ngaina ngai lo, thupêk zawmin an tihtur an hlen chhuak tawp ṭhin kha a nia, tunah meuh chuan keimah ai mahin an Madam tih lawm tumin ṭan an inkhawhsiak a ni ber. Ricco pawh hian eng mah a sawilang lo nain Carli lamah a ṭang ru deuh tho tih ka hria.

"A thawmhnaw la tura midang tîr kual lovin a mah rawn kal rawh se." Ka ti nghut a.

"Sir, a nuamsam lova a nautê a chê bawk nen a hlauthawng teh a nia."

"Eng a!? Nautê a che maw!?" Ka kianga hmeichhe ṭhû ngaihsak tawh lo hian ka ding hluai a, kawngka hawngin Abella lo ding chu ka kalpêl thuak a, Carli mutna mikhual pindanah ka lut ta a.

Khumah a pum dawm chungin a lo ṭhu a, min melh eih lo hian bang lam chauh ngun deuh hian a thlír vang vang a, "Carli?"

"Umn.."

"Nautê a ché em ni?" Nichina amah vanga ka thinrimna kha vawmbo ang duakin a reh vek.

Min chhâng duh ṭhak lo.

"Mrs Shinoda, i pum khâ ka khawih i duh loh chuan ka zawhna chhâng rawh."

"Exam kan neih awm pawh ka hriat si loh." Mit khap fak fak chung hian min melh a, a mitmenga min huatna lo lang chhuak ka hmuh chuan hrehawm ka tiru hlê.

"I tâna ṭha tur chauh ka ngaihtuah tih i hriat kha." A dârah vuanin kuah ka tum twh ngawt a, a duh lo nasâ. "Hmeichhe dang i khawihna kut tenawm khân min tawk reng reng suh."

"Carli...!"

"Luigi, nang aiin ka naupang zâwkin bum nuam tak pawh ka ni maithei; mahse, ka pasalin a nupui awm lai reng a hmeichhe dang a rawn hruai lût hi ka ngaih dan a ni bik lo a nia. In duh ang a in awm theih nan ka dâl lovang che. Solicitor hmaah inṭhenna lehkha thehlut la i nun a ṭangin ka chhuak ang."

Khum thawhsanin kan inneih certificate a bag-a mi chu a phawrh chhuak a, "Hei hian rinawmna a keng tel lo a nih chuan kei leh ka fa hi min tibuai suh ang che, ka pindan aṭangin chhuak rawh, i chhuak duh lo a nih chuan keimah ka chhuak ang." Zawi sap leh fiah kâk a min vauna chu ka nupui naupangtê ṭawngkam ni pawhin ka hre lo.

Eng mah sawi tawh lo hian ka chhuahsan ta a.

Carli ang a hmeichhe rilru sak hi ka hre lo. A kum ngaihtuah phei chuan thil mak tak a ni! A mimal nun leh Lorenzo nen an chungchâng ka chhui mêk a, Angeli sawi ang khân ka lo hmangaih rêng em ni? Kei hian ka hmangaih a nih phawt chuan a tuartu ka ni hmasa ngei ang.

Lungawi lo zet hian whisky ka inthlit leh a, Sam-an chips leh theitui Carli room-a a chawi lût ka hmuh chuan la ner sawk.

Eng tactic hmangin nge ka nupui hian a lo hmin vek ni!?

Ka phone a rawn ri a, kan room-ah ka dah daih avangin Angeli min rawn pe turin ka ko ta a. Stefania a ni.

"Sir, Carli kha lo hrilh la, Jet chu dâr sawmpakhatah a hman theih ang aw." A rawn ti ta a.

"Eng a! Eng Jet maw!?" Ka ti hû a.

"Naktuk hian madam leh Sam, Abella te khân Rome khawpui leh Spain an fang dâwn a, i private Jet 1127 ka check fel tir tawh."

"Stefania, ka rawn be leh ang che.." phone ka off rualin Abella leh Sam awmna lamah hmanhmawh zetin ka kal ta a.

Ka hriat lohvin car an lei a, tunah Jet an hman tur thu ka dawng leh a, he mite pathum hian min bum a ni.

An madam hi an ngaizâwng a nih vaih chuan North Pole-ah ka thawnkir ang. Kei hi ka fimkhur lo viau em ni? Ka hnuaia thawk te'n an ngaihven mah mah hi thil dik a ni lo. A ni miah lo..

Carli hriat lohvin ka cancel sak ngei ang.

B+>[BeckirafARenthleI]<+®®

LUIGI SHINODA

Becky Rafa Renthlei

Chapter-18

Shinoda Mansion

8:30 Am

Luigi

Zankhuain ka muhil lo tih theih deuhthaw a ni. Carli nen kan inneih hnu hian vawikhat mah kan la riak hrang ngai miah lova nizan khân a vawikhat nân mikhual pindanah min riahsan khâ a nia. Angelica nen kan mu dun hauh lo, engvangin nge ka mutpui lêm ang ni. Nupui nei tawh ka ni a, hmeichhe dang neih ve hauh lo neitu Carli phatsan tumna ka nei lo hrim hrim.

Ka ruahman ang a thil a kal fuh a nih chuan kan nupa inkârah buaina a awm khât tawh khawp ang.

Btakfast dawhkan kîlin newspaper ka bih a, Sam leh Abella thawmhnaw inang chiah inbel a lo chhuak te chu makti zetin ka en hû a, he mite pahnih hian Ricco an thlim chiang mai! Ka kid-te tumah intibik awm lo turin ka enkawl ṭha viau khân ka hria a.

"Sam, nimina kan car lei kha garage aṭangin lo dah chhuak rawh le. Breakfast pâwn lamah kan ei ang aw." Carli pawh chu!? Ka bodyguard te inbel ang rawng chiah design hran hlauh thawmhnaw inbelin a rawn pên chhuak ta a! En ngun deuh tân lo chuan raipuar a ni tih a hriat miah loh; A sam dum kawi chiat ṭhin kha a pawt ngil vek a, a tukkhumah a ṭâwn váh bawk.

"Madam, kan tlai ang e, lokal rawh le. Sir, ni hman nuam aw." Sam ka lamah a bu nghut a, an awmzia hi ka hrethiam eih lo.

"Carli, kal teh rih suh." Ka ṭhutna aṭanga tho chhuakin ka nupui chhuak tur chu ka ûm a, min ngaihsak chu sawi loh a thil ken tur buaipuiin paper bag-a hâi mawlh mawlh a.

"Enteh Luigi, Sam sawi ang khân kan tlai palh ang, Angeli nen hunthâwl innei dâwn tihna." Nui sak chung hian Angeli a melh a. Ka va'n reuh tak.

"A teuh lo, ka tel lovin khawi hmunah mah i chhuak dawn miah lo." Ti nghutin a bag ken chhuhsak ka tum a, "Min dan han tum chhin chiah la Luigi Shinoda, he Mansion-ah hian i hmei nu i rawn hruai lût ngam a nih chuan ka duh na hmun a kal turin ka zelên." Thinrim mitmeng rum âl a min melh hnuah Angeli huat hmel takin a melh leh a.

"I hrethiam lo a nih kha Carli.."

"Ka hrethiam mah mah, min chelh suh." Ka vawnna thinthlâk tumin a tâl laih laih a, Abella kan bulah rawn dingin, "Sir, kaltîr rawh, in a tawm reng hi madam hriselna atân a ṭha lo a nia, a naupai pawhin pâwn boruak ṭha a dawn ve a ngai a lawm." Carli thlavâng hauh zetin a rawn ṭawng a.

"In duhna hmun a piangah kal u la rawn lêt leh tawh suh ang che u, Abel, Sam pawh hrilh ang che tûn aṭang hian bân inni e." Ka ti ta a.

"Luigi, keipawh tiamin maw!?" Carli aw vâwt raih chu ngaihthlâk a nuam lêm lo.

"Aw, ni e, inpathum khân lo kîr tawh suh ang che u. Luigi Shinoda thu zâwm thei lo chu pêt chhuahin an awm zel ang." Ti nghutin ka vawnna ka thlah ta a.

Angelica ka kiangah rawn kalin, "Luigi, i tih tur diktak i ti a ni, i nupui leh i kid te hian an zah lo mah mah che."

"Nang pawh chhuak ang che, Ricco bâk ka mamawh lo."

Chumi hnu chuan Carli te pathum chuan min chhuahsan ta a, Sam leh Abella khân 'Boss, min bân lo hrâm rawh, i nupui kan ngaihtuah vâng a ni e' tia min ngen ka ring deuh a nia. A teuh lo mai! Ngen chu sawi loh Carli rualin kan nupa room-ah a thawmhnaw leh a thil pawimawh an la chhuak a, dâl tumna pawh ka nei lo.

An chhuah hnuah Angeli ka melh a, "Ka nunah rawn inrawlh tawh hlek suh ang che, nang mah vâng a ka nupui ka chân hlen a nih chuan.."

"I nupui bulah khân inla ngêng lovin i rilru dik tak hrilh mai ta che, hmeichhe rilru lian tak a nih hmêl a tuna i umzui lo a nih loh chuan i nun aṭangin a chhuak hlen ngei ang." A ti ta a.

"Lo inrawlh suh ka tih chu.." whisky tak ṭha zetin ka inthlit a, zîng aṭanga zu in ka duh miah lo; mahse, ka thiltawn hian a zir lo êm a ni.

"Luigi, i nupui khâ umzui rawh," Angeli thusawi pawh ngaithla tawh lovin ka phone ka hmet zui nghâl a, Stefania ka biak ngei ngei a ngai.

"Ka nupui te kha eng Jet mah lo hman chhuahtir suh ang che." Tia ka va hrilh chuan, "Sir, tun maiah khan Spain panin an thlâwk chhuah chiah."

Thinrim zet hian cupboard dârthlalang ka hnek keh vek a, ka thil tih apiangah ka tlâi zel chu a ni e.

"Stefania, Jet pakhat hman mai theih turin lo buatsaih la, ka rawn phei ang."

Ricco ngawireng a lo ding chu hûiin "Internet Satellite on la, ka nupui chuanna Jet plane chhui nghâl rawh."

"Sir, chhui a ngai hleinem an kalna tur hmun Abella hnen aṭangin ka hre vek i inpeih chuan kan chhuak thei a ni mai." A ti sup a, kei aiin ka kid te hian ka nupui chinchâng an hre daih zâwk.

Company main building chungzawlah thlâwk chhuak mai thei turin kan awm tawh a, Ricco-an a khalh dawn avangin ka confi ve deuh, tukkinah whisky ka lo inthawt thawt a Jet khalh chi pawh ka ni lo.

Angelica pawh ngaihsak tawh lovin kan chhuak ta kha a nia, daily-a kan chhawr Indian nula a lokal hman hlauhva a tihzia tho e.

Spain pana kan thlawh lai te chuan Carli ringawt ka rilruah a awm tawh a, Abella'n Ricco engkim a lo hrilh danah an inngaizawng lo chu a ni phawt ang a; mahse, Sam nen zawk pawh a ni mai thei.

After 2 hours

ENCHANTE HOTEL

SPAIN

Spanish hotel lian turu lutukah hian ka nupui leh ka kid te an thleng tih ka awih thei lo! Khawia pawisa nge anneih tih hriat pawh va ni suh.

Hotel Lobby-ah Ricco nen kan ding khawmuang a, counter-a lo ṭhu Spanish nula naupangtê chu panin zawhna ka zâwt ta a.

"Carli Shinoda tih hmingpuin hotel room lo an book em?"

"Sir, ka hrilh thei lo ang che tih ka hlau khawp mai." A tih chuan, "A hmingin room a book em tih chauh kan hre duh a bâk eng mah a awm lo," tih pahin ka business card ka phawrh a, "Mom, lokal teh.." tia kan piah a nu pakhat inkhaithli thlarh a hûi chuan ka vîn hrep lo chauh a ni.

"Dear, enge ni ta?" Chu nu lokal thar chuan counter nghâktu chu a zâwt ta.

"Mom, Mr Shinoda hian Carli Shinoda hmingpu-in kan hotel-ah room a hauh nge hauh lo hriat a duh a nih a!" Tia an inhrilhfiah hnuah, "Mr Shinoda, i nupuiin a tlânbosan che em ni?" A mitmeng fin hmel zet chuan ka mitah tak a en a.

"Engtin nge ka nupui a ni tih i hriat theih?"

"Shinoda, LSJ company neituin nupui naupangtê a nei tih newspaper aṭangin kan lo hmu ve alawm," tiin a nui sak a, a hmelṭha kher mai.

"A ṭha e, ka nupui awmna ka hre duh a, he hotel-ah hian a thleng tih ka bodyguard te hnen aṭanga thu ka dawn kan rawn bawhzui a ni." Ṭha takin ka chhâng ta a.

"Ok, room 170 ah a guard pahnihte nen an châwl hahdam a, dârkâr hnih chhung atan room an hauh bawk. I nupui tina tura lokal i nih chuan i hlawhchham mai thei." Chík zet hian min en leh a.

"Ka nupui chungchâng eng nge hriat i neih?"

"Eng vak mah," tia a bân vai zauhvin, "Sofia, Mr Shinoda te hi room 170 thleng han hruai rawh leh, i nupui râi lai kha duat hle ang che." A la tizui hrâm a, mi zawng zawng hian ka nupui naupai hi an ngaihven vek em maw ni.

"Madam i hming min hrilh thei ang em?" Chu nu sâng ṭha zet leh nalh ru riau chu ngainatawm angin lang lo mah se biak a nuam riau.

"Amelia Soreno Evans, he hotel neitu hi ka ni." A ti ta a. Ka rin dan a dik chiah, Evans chhungkua hre lo chu an hawi zau lo hle a ni ngei ang. MJS company, wine sawrna khur neitu Jerome Evans/ Mourizo Soreno billionaire lâr lutuk nupui lo ni rengin!

An fanu Sofia chuan room 170 thlengin min hruai ta a. Carli vângin Spain-a hotel lâr lutukah ka lût ta chu a nia, ka nupui nge nge mihausa fanu tih takah hmun ṭha leh changkâng pawh a thlang thiam e.

Kawngkhar vawithum ka kik hnuah Sam-an a rawn hawng hrâm a, min hmu thut chu makti hmel pawh zuk pu miah lova!

Dawkan pakhat kîlin hahdam hmel zet hian Carli leh Abella an lo ṭhu a, Salmon, steak leh lobster, cocktails, red wine leh Bourbon brandy inchhawpin card an lo sam mial mial a, an dawhkan chunga mi pawh ka hmu kim hman vek.

"Carli, Spain fang tura kal ni lovin hotel pindan pakhatah nuam in lo tâwl vel a.." Abella chuan zah hmel taka min enin, "Sir, madam hahdamtir hi kan duh ber a ni, a bâk eng mah a awm lo."

"Abel, Sir, tia koh a ngai tawh hleinem a hming chu in hriat kha, in hna aṭangin a bân tawh che u a, kei pawh min pêt chhuak tawh tih i theihnghilh ta em ni? Min en chuang miah lova Carli'n a tih chuan ka thin thawk thutin dawhkana an thil chhawp zawng zawng chu a khuhna chawpin ka paih darhsak ta a.

"Luigi Shinoda, kan mamawh reng reng lo che, i nun aṭanga i pêt chhuah tawhte kan ni a, kan chungah thuneih tum suh." Chang fak a tiin a rawn ding chhuak a, ka thinrim chu hlau ang pawhin a lang lo.

"He hotel-a inthlen man hi ka pêksak che beisei reng reng suh, a themtê pawh ka pe lovang." Rum zetin ka melh a.

"Pe turin kan ngen lo che, a nilawmni Sam, hotel kan book-na hi i pe fel tawh tiraw!?

"Yes, Madam, pêk vek tawh a ni."

"I lo hria maw Luigi, i hausakna tel lo pawh hian kan awm ve thei a nia, khawngaihin min chhuahsan tawh u la kan lawm hle ang." Ricco lam hawiin, "Nang pawh i pu nen Spain-ah inla châm dawn a nih chuan a thlenna tur tihfel sak la, mamawh in nih lohna hmuna in awm hian bawlhhlawh mai inni." A hma a Ricco ṭawngkam ngei kha a rawn chhâk chhuak ta a, ngeiawm fia fia tak a ni.

"Cali.." ka kut phe vuai chu ka thunun hman tawh lo! Ka nupui biang sen ṭâwn ka hmuh rualin ka kut ka thlâk thla riai riai a, Sam-an lo vuan hman lo se chuan a tlu chiang khawp ang.

"Sir... i ti mah mah a ni." Abella ngaih dan ni lo hmel lutuk chuan hrehawm min tihtir zual.

"Ricco, buaina siam tura in lokal a nih chuan intisual chhiava a ni, tukkin mai khân bân kan ni tawh a, keini chuan hlawh nei dawn lo mah ila madam venhim zel kan tum," a ti hmiah.

"Abel..! Ka ti nghut a.

"I nupui venhim hi kan hna a ni." A bâk eng mah sawi chhunzawm tawh lovin room pakhatah ka nupui a luhpui ta a, Sam pawh chuan eng mah sawi lovin fridge a hawng a, ice pack pakhat la chhuakin Carli-te luhna room-ah chuan a lût ve ta a.

Ricco nen ngawirengin kan ding a, tun maia ka chêt dan kha a lutuk lam hret a ni e. Carli nei lêt leh tur hian engtin nge hmâ ka lâk tâk ang..Ka tisual let dêr a ni.

Chhuata ka thil tihtlâk ho Ricco-an a dah ṭha nghauh nghauhva ani chauh hi ka neih chhun a ni ta em ni? Abella ka lo hnek tel law law lo khâ pawi ka ti hnuhnawh viau. Ka nupui min chuhpui a tum deuhva hriatna ka nei tlat.

"Sir, Italy-ah kan lêt dawn nge hetah hian kan awm rih dâwn?" Ricco-an a ti sup a.

"An pathuma an awmna hmun a piangah kan zui zel ang, ka hmuh phâk lovah an awm tawh tur a ni lo."

Darkar chanve a liam hnuah an rawn inzui chhuak ṭhâm ṭhâm a, tumah an ṭawng lo. Pindan chhunga an thil vel Sam-an a lakhawm zung zung a, a hma a ka hriat ṭhin min zah em emtu Sam Lewis kha ni tawh lovin mihran daih niawm a mâwi a ni. Chutiang bawkin Abella Davies pawh a ngawi ngul a, biak huphurhawm tak hmel a pu bawk.

"Ric, kan chhuahsan mai ang che u.." Abella'n Ricco bân a vai khum zauhva Enchante hotel room 170 an chhuahsan lai chu ka enliam tawp. Mihring mizia hi a lo va inthlâk thei ngai ve le!

"Sir, kan umzui dawn em?" Tia min biak chuan ka harh zawk a, "Khawi hmunah pawh kal se kan umzui zel ang."

Beni Beach

Espanòla

Spain Madrid

Tuipui cham pût kianga ṭhut mutnaah Carli a mu a, a kiangah a kid rinawmte pahnihin ṭhuthmun an rem ve bawk a, min hmuh phâk lohna turah Ricco nen kan zui ve zêl ta kha a nia.

Kan tel lo pawhin an hlim ngei mai, beach bula balloon leh ball an zawrh ṭeuhna hmunah Sam a kal phei a, ball sen lian zet pakhat va lain an pathum chuan ṭiauvutah an bêng ta vêl a, Carli pawh naupai a ni tak nâin a infit phian!

Nui hak hak chunga a tlânkual vel ka hmuh phei chuan an kianga awm ka châk ve kher mai. Nu leh pa leh unau pianpui nei tawh lo ka ni a, Carli ka nuna a lo luh aṭang hian chhungkaw awmzia ka hriat phah a, min kalsan hlen tur anga ka ngaih phei chuan ka chhungril a na vawng vawng thei.

'Dio, ani hi ka hmangaih chiang!' Hmangaih nei ngai lo leh mite hmangaih dan thiam lotu hausakna leh Jet plane charter ringawt ngaihtuaha thâ leh zung sêngtu Luigi Shinoda hi ka harh chhuak hlawl mai le.

"Ricco, Carli hi ka chân phal lo." Ka tichhuak sup a.

"Ka hrethiam e, Abella leh Sam neih kír leh dan ka lo zawng dawn nia." A tih chuan ka thaw huai huai thei nia.

Tui a an chêng laite chu mit la sawn miah lovin ka thlir reng a, a vun paw phiai leh a pian fuh tak te, a naupai avanga a hnute kawh vâh te chuan hmeichhia a nihzia ati lang chiang hle mai, a nui hmel leh a hlim hmelte hi ka en ning ngai lovang.

Carli nei lêt leh tur hian ka company pumpui hralh ngai mah se ka hralh duh ngei ang.

Tlailam darthum a rîk tâkah chuan car hawhchawp chi ah an chuang ta dial a, an kianga mite'n ngaisâng awm taka ka nupui an melh ka hmuh ringawt pawhin ka lo ṭang ṭung thei nia maw le.

An chuanna car hmu pha chiah chiahin an hnungah kan tlân ve zel a, vawiin hian eng mah kan la ei lo. Ricco rilṭâm pum ri ruk ruk ka hriat chuan Mozarella bar-kawtah ding turin ka hrilh ta a.

"Sir, kan din khawmuan chuan madam te kan umpha tawh dawn miah lo a nia," ṭhahnem min ngaihpui taka tiin a ding duh ta lo.

Jet Terminal-ah an chuanna car a ding ta a, Spain chhuahsan an tum tih ka hrethiam mai. "Ricco, an thlawh chhuah rual a chhuak ve thei turin inbuatsaih rawh le."

"Yes, Sir."

Sum hmansên loh ka nei ngei mai. Helicopter pahnih leh peivate jet paruk, luxurious car pali ka nei chung hian ka nun a famkim ta lo. Italian mipa hmelṭha thlan zingah tel mah ila ka fa paitu Carli tel lo chuan eng mah lo mai ka ni.

Ka hausakna leh a unaupa ka huatna dahṭha a ka inphahniam a nih loh chuan kan model phuahchawp, ka nupui luhlul firfiak hi engtikah mah ka nei lêt thei dawn tawh lo tih ka hrechiang bal.

Jet pan chhohna step-ah pawh Carli chu Sam-an a pawm chho nawl nawl a, an duat thiamin an ngaihsak hlê mai! Ka hnuaia an thawh lai pawh a mi rinawm leh rintlâk anni a, mawhphurhna ka pêk 'Ka nupui thlahthlam suh u la, a thiltih engkim hre vek rawh u' tia ka hrilh ṭhin kha an zâwm ṭha mah mah.

Spain chhuahsan a an thlawh chhuah rualin keini pawh kan chhuak ve ta a.

Mansion-a an kir ka rin chiah tawh loh avangin boruak a han inzui vêl chu a nuam dangdai phian! Rome kan thlen pawhin an chuanna a ṭum ta mai lova vawi thum zet Rome khawpui chungah an lêu kual vel a, an hlim hmel tur ka mitthla rauh rauh ringawt tawh.

Zân dar sawmah Italy Heathrow-ah an ṭum ta chauhva kan zui zel a ni tih hre mah se pawi ka ti tehchiam lo. Santa Marinella Carli chênna hmun thleng rak Ricco nen kan zui thlen meuh chuan zan lam dar 11 a pêl fel tawh nia.

'Sir, inhnawhpuar ka mawmawh takzet.' Ricco phun sup chu ka nuih lêt suk a, "Ka nupui chênna hmun chu ka chênna ve tho a ni a, chutah chuan i inhnawh puar dawn nia."

"Mahse.."

"Solicitor hnenah dân anga inṭhenna ka theh luh hma chuan ka nupui a la ni reng tih hre ta che, min ring rawh; wine ṭha ber ber leh pasta tui tak i ei ngei ang," tiin ka tiam ta a.

Carli Aparment chhungah luh hrehna ka nei eih lo. A chhan chu chhuak tura ka tih lai khân ka Mansion a chhuahsan bik lova eitur leh intur a duh ang ang pêk vek a ni a chuvangin chhuanlam ṭha tawk tak ka nei ve miau a lawm.

Doorbell pawh hmet buai duh lovin kawngkhar ka hawng rawp a, Sam leh Abella'n eitur an lo buatsaih mêk a, ka nupui erawh hmuh tur a awm lo thung.

"Sam, Ricco nen kan ei tur buatsaih tel ve ang che u." Thu pe aw taka ka tih chuan an ngawi reng a, "Engtin nge in sawi khâ, inṭhenna in la nei lo tiin nizan lawkah min hnial kha a nia, tunah pawh kan la inṭhen chuang si lova ka nupui chênna chu ka chênna tur a ni." Cupboard hawngin intur ka la chhuak a, businessman inringtawk Luigi Shinoda hian tactic pakhat chauh ka nei bîk hleinem.

"Ka Aparment-ah hian tih tur i neih âwm ka hre lo." Bathrobe nen chauhva intuamin Carli a rawn chhuak a, min huatna mitmeng chu hmuh hmaih a har kher mai.

"I pum chhunga mi kha ka fa a ni a, zanin hian Ricco nen kan naute bulah awm kan tum," ka tih chuan Sam a rawn nui chhuak huk a, hepa hian ât a so vaih chuan a châk lovang.

"Chuti maw! A nih chuan in ei tur leh in tur inbuaipui rawh u aw, Abella in inpeih chuan dinner kan ei dawn em ni? Anni pahnih hi chuan ngaihven duh lêm suh u." Ngeiawm zeta tiin min kalpel a, vawiina ka ben vâng ringawt pawh khân min sual lêt ka rin nen eng mah a sawi chhuak miah lo.

He Aparment-ah hian kumkhua a chên ngai mah se ka chêng mai tur a ni. Lorenzo min vauna erawh Carli hrilh hriat kher ka tum lo.

A farnu hmangaihtu Luigi Shinoda hi min han bei chhin teh se, Carli hian Stella leh Lorenzo chungchâng a la hre lo a ni maithei.

Ka nupui hian a unaupa hnen aṭangin chanvo a nei tawh lo tih hi sawi chhuah kher lah ka tum hek lo.

'Carli i tân ka awm reng tih engtikniah emaw chuan i la hrechhuak ngei ang.' Ka ti rilru rauh rauh a....

B+>[BeckirafARenthleI]<+®®

LUIGI SHINODA

Becky Rafa Renthlei

Chapter-19

Apartment

Santa Merinella

Carli

Sam leh Abella te thû ka'n zawm meuh chuan ka chênna hmun thlengin Luigi'n min pan rawk rawk mai alawm le!

Dinner ei hmasak tumin dining table ka kîl fel vek tawh tihah Luigi lokalin ka bul chiahah ṭhuthmun a rawn rem ve a.

"Carli, kan nupa kal dan phung pangngaiin kan kal zel ang, boss te nupain dinner kan kil zawhah midang hi chuan an ei ve chauh tur a ni." Tiin Ricco lam a hawi a, "Madam tân white wine rawn chhawp rawh le." A ti zui zat!

Sam emaw Abella pawh tîr duh lova Ricco kher a tîr chu ka haw ru ang reng.

"I chênna hmun aṭang khân min pêt chhuak zo chiah a, tunah ka inah dinner rawn kîl i tum leh a, kei hi chuti maia lungawi ka tum hleinem," Salad ka hmuam ṭûn a.

"I lungawi lohna dah ṭha a kan inrem vat loh chuan i unaupa duhâm zet khâ kan nunah a rawn inrawlh leh ngei ang."

"Ka unaupa chungchâng eng nge hriat i neih?" Tia ka zawh chuan, "Ka nupui chanai zawng zawng a bialnu Stella Costa hnenah a pe vek tawh, ka hriat sual loh chuan naktuk dâr sawmpakhatah court-ah an innei dawn bawk." Tiin a sawi ta a.

"Maw! Eng maw i sawi?" Ka ṭhutna aṭangin ka ding chhuak hlawl a, "Carli, nang leh kei kan innei tih a hriat khân i û in i pa thurochhiah tih danglam dîlin i chanai pawh an ṭhensawm tawh." Hreh chung chunga sawi chhuak tih hriat takin hmun dang a hawi sawn nghâl daih a.

"Chutiang hre vek chung chuan ka lakah i zêp a nia eng ang pasal nge maw i nih le?"

"Ka nupui rilru natna thlen duh lo tu, hmangaihnain a bual ât Luigi Shinoda ka ni e." Ti nghutin a ding chhuak a.

"Tunah insiam la i unaupa chênna hmunah kal teh ang."

"Engtin nge kan tih chuan ang a?"

"Min ring rawh, min rin theih nân i unaupa lawyer ka biak kher a ngai em ni?" A sawi zawh rualin Ricco lam a hawi a, "Lorenzo Davino Apartment-ah kan kal dawn a, thin butut nei a nih vângin inrâlring ang che."

Ricco thil ei lai pawh hmanhmawh zetin a tho chhuak a, eng mah hi ka hrethiam tawh lo! A tunge min bum zâwk pawh ka hre thei tawh hek lo.

Ka lungawi lohna dah ṭhain Luigi nen car pakhatah kan chuang dûn leh ta nge nge a.

Ricco leh Sam, Abella an lokal tel bawk a, Lorenzo hriat lohvin pasal ka nei ngei mai; mahse, Stella Costa hnenah ka share a dah kher erawh ka ngaidam thei ngai lovang, kei raipuar hian ka pasal puihna tel lo chuan eng mah ka sawi kaw dâwn dêr lo tih ka hre ru ve kar bawk.

Apartment kan thlenin zanlai a pêl tawh a, Lorenzo hmuh pawh thil phurawm zawk zawk a ni lo maw le.

"Carli, Lorenzo ka biak laiin ngawih lo chuh ang che," Tia min hrilh lâwkna chu ka zâwm thei angem tih pawh ka hriat si loh!

Doorbell vawisarih zet kan hmeh hnuah kawngkhar a rawn inhawng hrâm a, Renzo rui hmel ka hmuhin ka thin asa zak mai, a hnungah under wear leh bra chauh inbelin Stella'n a rawn zui bawk a, sex an hmangzo hlim hlawl tih hai theih ninghal lo chuan.

"Ka farnu têreuhtê, ka hnena awm duh lovin ka in i chhuahsan tawh a ni lawm ni?" A nui sâwng a, Stella kâwngah kuahin a lamah a hnûk hnai bawk a, tenawm dun lutuk. Ṭawng tuma ka âng zuau chu Luigi mitmei ka hmuh vângin ka ngawi leh ta zawk a.

"Lorenzo, ka nupui chanai i chhuhsak tâk kha zaninah hian min pêkkir leh a ngai tih i hria ang chu maw!? Zawi sup a ka pasal ṭawng chu engah mah ngai lovin dâr a san âwk a!

"Pasal hausa tak a nei che alawm, nangni'n nuam intâwl lai khan keini kan lo ngawi hle hle anga maw! Hnai lo mai, Stella nen kan inneihna turah sâwm in ni lo bawk."

"Lorenzo.." Ka awki sâng tak chuan an pahnih hmel a ti danglam chhin eih lo.

"Ricco, ka nupui hi Living room-ah hruai phei u la kan rawn zui ang che u."

Lorenzo'n min zui nghâl a, Stella inthlâk tura a kal hlânin ka thinrim a puakkeh ta.

"Nupui engzât pawh nei la pawi tihna ka nei lo; mahse, ka nu leh pa aṭanga kan rochun oil company-a ka share i lo thlâk danglam hi ka ngawihpui dâwn hauh lo." Ka ti ta a.

"Carli, ngawi hmiah rawh, i share i la duh a nih chuan i pasal Luigi Shinoda nen in ineihna titawp phawt la tichuan i chanvo ngai i nei lêt leh ang." Rum zeta min melhin whisky rim a nam thur thur a, ka pasal huatna mitmeng nena a melh lai chuan Stella a rawn pên chhuak ta bawk a, kan unau inkâra boruak ṭha lo tichhuaktu chu Luigi nilovin Stella a ni tih ka hre tawh.

"Miss Costa, hetah lokal teh." Ka ṭawng dam thlap nain ngaihno a bei hlawl lo.

"Carli, mí hi chaldelh viau suh," min rawn pan hnai a, ka mitah tak min enin, 'I ral raih hmâ loh chuan ka tawpsan dawn lo tih hria ang che, i unaupa hlutna ka tlâk hniamtir hunah i pasal ka chuhpui leh ang che." Midang hriat ve loh tura zâwi hian ka bengbulah a rawn ṭawng ta a.

"Stella.." ka bân vai thuakin a bek veilamah ka bensak ta a.

"Carli.." ka unaupa thinrim hmachhawn tum a ka inher chiah chu Lorenzo'n min rawn hnek ta a, ka taksa hit chhawk leh ka lu hai muai muai thunun tumin ka insangmar a, a hnu a Luigi chêt dan chu ka rin phâk bâk a ni.

Lorenzo nghâwngah a kut veilam a rêkin ding lamin a biangah a hnek mial mial bawk a, Stella ṭê chûl chu thunun a hun chiah, "Abella, phuar hlawm la store room-ah khung rawh." Ka ti hmak.

Chumi hnu chuan Lorenzo hnar thi phung chunga chhuat laia let reng chu enin, "Nang ang unaupa ka lo nei hi ka zak ngawih ngawih," chau zet hian sofa chungah ka ṭhu thla hnawk a, ka tâi bâwr na riai riai leh ka lu hai chhak chu tihreh tumin thâwk ka la ham ham a.

"Carli duhtak, i ṭha em?" Luigi a rawn ṭhu thla ve nghâl a, a sam thur chhap te thinrim avanga a hmêl dur khup te kha chawp leh chilha rehin duatna mitmeng hian min melh a,

"Eng mah nei lo pawh ni la ka phatsan ngai lovang che," tia a phun sup ri ka hriat chuan ka indaidanna ṭhiahin a awm ta. Chhuak lutuk hian ka inhnît ta hlawp hlawp a.

"Duhtak ṭap teh suh.." min hnem a tum poh leh ka ṭah a chhuak zual sauhva Luigi Shinoda lo hi neih eng mah ka nei ta lo. Ka nu leh pa awm lo mah se ka unaupaah ka lo innghat ve a, tunah chuan kan sumdawnna pawh midang kut a pe chhâwng duh khawpin min hlat ta si.

"Sam, tissue paper bâwm khat rawn la rawh le, i madam a ṭap a nia." Luigi'n a tih chuan ka ṭap bâng hmiah.

"Ka kiangah, ka hnenah, ka nunah leh ka sumdawnnaah Carli Shinoda hming a chuan ngei theih nân i pasal hian hma ka la ang, eng oil company mah kan mamawh belh lova nang leh ka fa lo la piang tur tân hian khawvel hmun thuma ṭhen a hmun khat lei ngai mah se ka lei ang." Ka biangah a rawn fâwp a, a ṭawngkam nghet charh leh a mitmenga thutiam tih hlawhtlin ngei tur lo lang chhuak ka hriat chuan ka nui ta sak a.

"Min ngaidam rawh aw.." a nghâwngah kuahin ka melh chho hau a.

"I unaupa leh Stella chu innei mawlh rawh se, anni kan mamawh lova kan nunah hian tudang mah kan mamawh belh hek lo." Ka hmuiah duhthawh leh uar zetin a rawn fâwp ta a.

"Sir, Miss Costa saw a bengchheng mah mah." Sam-an report a rawn pe a, "A kâ hnawhphui la Lorenzo erawh phuar beh a ngai lovang, a rûi a harh rual erawh chuan a nuih aza miah lo thung ang," ngaihsam zeta tiin min pawm nawlh a, "Kan nupa awm nân a boruak hi a hrisel lêm lova, i awmna tur chu Shinoda Mansion a ni."

Car dahna thleng rakin min pawm ta a, dimtêa min ṭhuttir hnuah, "Ka bodyguard-te tihhran tuma hmâ i la leh a nih chuan bodyguard mai nilovin keimah i pasal ngei hian ka veng tawh ang che." Nui suk chungin ati ta a.

Ni e, kan inrem lohna leh Angelica vânga ka lungawi lohna lam hrechang tawh lovin ka innghahna neih chhun Lugi Shinoda hnenah intulût ila a ni'n min hnar ngai dâwn lo tih ka hre chiang ta khawp mai.

Kan inneih dan leh intawn dan duhthu sâm lo mah se, ka tâna mipa hmasaber ka thianghlimna kawltu phatsan tur hian ka chak tawk lo tepawh a ni mahna.

Carli Davino ni tawh lovin Luigi Shinoda nupui diktak Carli Shinoda ka ni chatuan mai tur a ni.

Ka chênna hmunah ka bungrua lâin kan pêng zawk a, Mansion lam panin kan tlân leh ta a, ka naupai mêk tân a nu ṭha ber nih leh ka pasal tih lawm hi ka hna tur a ni mai. Eng model mah ka tân nih a ngai lova ka rinchhan ka pasal ka neih chhung hi chuan ka hlimin ka nuamsa ang tih ka chhut thiam ve ṭan ta.

"Hey, i muhil em ni?" Mansion kan thlen thlengin a âwm nghêng chialin ka awm khâ a ni a, Ricco-an nui suk suk chunga min melh chuak ka zak ve deuh.

"Muhil lo e.."

"He mansion hi i tel lo chuan eng tihna mah a ni lo a Angelica kha i unaupa ex girlfriend a nih kha, tunah hian nau thlathum mi a pai ve mêk." A tih chuan maktiin ka mengphar âk a, "Stella nupuiah neih a tum leh si tih a hriatin ka puihna min rawn dil a nih kha." tiin a sawifiah ta a.

"Mahse, i girlfriend angin min rintir tlat sia."

"Ni lo, Carli nang chauh lo chu ka nunah tû hneichhia mah lâk luh ka tum tawh lo."

"Sir, kan lût dawn lo em ni? Car-ah mutna a awm bawk si lo, ka mit a thîp khawp mai." Abella tak hi chu(h)!

Min pawm chunga Mansion kan pan lai chuan 'Sam' a khuh kharh kharh a, ka va han ngei mai mai tak.

"Madam, plan A kan zo ta." Tiin min siai ta sak a...

B+>[BeckirafARenthleI]<+®®

LUIGI SHINODA

Becky Rafa Renthlei

Chapter-20

Rome Private charter

Air Hire|Private Fly

Luigi Shinoda

Carli nen kan nupa boruak pawh a ṭha chho viau a, a naupaiin thlasarih hmêl a hmu tawh tak nâin a inzo lauh lauh khawp mai; ka nupui duat taka ka enkawl hian ka hlimin ka lawm ber zawk a lo ni.

Lorenzo pawh sawrkar dan phal loh anga a chêtna; a nu leh pa thurochhiah a rûkin a lawyer nen inberem a an khawih danglam avangin kum ruk chhung Jail tâng tura a chungthu rêl sak a ni a, Carli hnenah ngaihdam dil chiam mah se ka nupui rilru khauh tak leh sut tlang mai mai theih loh hian, 'I tân hunbi te kha han tâng bikim ve phawt la chumi hnuah chuan ngaihdamna i hmu mial mahna' tiin a chhâng ta kha a nia!

Stella Costa pawh hna mumal nei lovin leh midang nunah sual chhuaha a inrawlh avangin Italy a chhuahsanna thlahnih zet a ni tawh.

Carli duh ang ngeiin Angelica erawh chuan Lorenzo fa a pai avangin a sumdawnna a enkawl ta a, Angelica hi mi rilru sual a ni lova khatia ka insawifiah hnu khân ka nupui nen inbiain engkim an sawi dun a, ka company enkawl pawh thil hautak a nih vângin Carli inpeih hma zawng Angelica'n a enkawl rih ang tih kha an thuthlun dan a ni bawk.

"Abel, naktuk aṭang chuan madam hruai angai tawh lovang aw, ka rualin a kal ang a, a haw duh hunah in rawn lam dawn nia'' ka tih chuan angaihna hriat loh hmel tak hian, "Sir, nileng a i office-a tawm reng a peih lo tawp ang," a'n ti sa nghal ringawt a.

"A peih loh hunah in rawn hruai dawn reng alawm, karkhatah vawihnih bâk pool-ah hruai tawh suh ang che u."

"Yes, Sir."

In a tawm reng a nin avangin company-ah nitin a rawn kal ve ziah a, lehkhabu chhiar tur tam tham zet ka lei sakte leh naute tâna ṭha tur inzirna bu ka leisak zawng zawngte pawh thuawih tak hian a chhiar vei thlap thlap a, doctor râwn a ngaih a piangin ka kal tel ziah bawk.

"Luigi, naute hming tur pathum ve ve inphuah siak ila.." Kan mut dun a pianga kan fa hming tur phuah kan inchuh ziah avangin vawiin hian a rawtna chu ka pawmpui ve ta nge nge a.

Naute hming pathum paper-a ka ziahsa chu thlepin box-ah ka khung a, office chhungah awmin ani pawhin a phuahsa a rawn dah tel ve bawk a.

"Tikhân, fa kan neih veleh kan pawt dawn nia, sawi buai theih a ni lovang," A ti ta a.

Puitling angin lang fo mah se kan kum a inthlauh êm avangin eng emaw chenah dawhtheih a ngai viau a, ka rin phâk bâkin ka thu a zawm ṭha bawk!

An company pawh pumbilh thei a nih laia midang kuta a dah ngawt te hian a rilru tluanzia a tilang chiang a, 'Ka hmangaih che' tiin inhrilh tawn lo mah ila kan inkâr erawh a ṭha tih piahlamah a ṭha hlê.

Nithum chhung ka company-ah ka office-ah ngei min rawn awmpui tawh a, a nin deuh chângin Jet showroom lam te a vil ve zauh ṭhin bawk.

Carli ka nun a ka sengluh hnu hian chhungkaw awmzia leh ka tâna a hlutzia ka man thiam ve ṭan bawk.

"Luigi, i dam chhungin company tân i thawk reng mai dawm em ni?" Sofa-ah ṭhuin naute thawmhnaw Stefania leisak a thlep malh malh a.

"Ni lo ve, ka nupui leh ka fate kiangah ka damchhung hun ka hman theih nân, company enkawltu tur traning kan pe mêk," ka ti ta a.

"Tak tak em?"

"Ka sawi ang chiah kha a ni e."

"Ka hmangaih che." A tum loh deuhvin a sawi chhuak hlawl mai le!

"Carli, han sawi nawn leh teh.."

"Englo, ih.. Ka hmangaih che" Office dawhkan hêlin a lam ka pan ta a, a ṭhutna aṭanga kaihthawh pah hian, "Ti amo e ho bisogno di te' (Ka hmangaih che, ka mamawh che. BRR) tiin ka phun sup a.

"Grazie," tih pahin ka kut a la a, a pumah a nghat ta a.

A hmui sen hiam leh no chek a ka fawh rualin duhthawh zet hian min lo chhânglêt var a, Carli Davino tel lo hian ka nun a kim tawh lova ka hausaknain awmzia a nei hek lo.

Stefania rawn lûtin thâwm a neih tâk avangin kan inthlah ta ṭâwk a.

"Vawiin chawhnu a appoinment ka neih zawng zawng cancel ang che." Tia hrilhin ka briefcase la turin ka dawhkan lam ka pan a.

"Sir, US Jet charter nen meeting inneih dawn kha.."

"Cancel rawh, ka nupui aia pawimawh eng mah ka nunah a awm lo, lunch eiin kan chhuak dawn," ka ti nghut a.

"Mahse sir,"

"Stefania, company khâr hial duhna rilru ka put hma hian ka sawi ang chuan tirawh." Ka nupui bânah kaiin Sam leh Abella lo dinna lam ka panpui ta a.

Avero Italian restaurant ṭha berah lunch ka buatsaih sak ngei tur a ni lo'm ni. 'Ka hmagaih ang chiaha min hmangaihtu ka nupui hlimna hi ka hlimna chu a ni mai.

"Diet control a ngai dawn em?" Abella kan kiangah khawng atin a ding a, ani hian Carli a ngaihtuah fâl deuh bîkin ka hria, kan nupa room tih lovah chuan a zui chawt a, an inkâwmngeih hle bawk.

"Abel, tun ṭum chauh wine in min phalsak leh la zanah checker ka khelhpui ang che." Tia ka nupuiin a tlawnna chu a hnial phal ta ngang lo a ni ang e, "No khat chiah aw madam,"

"Ahah davero..." tiin a nui ta hak hak a. Abella laka a lungawi loh deuh hian 'Davero' tiin a ko lui kher zel.

A nunah mipa sawi tur ka hre lova ka hriat chhun chu a tân mipa hmasaber ka ni tih chauh hi a ni.

Veal parmesan, Lasagna leh catfish a chah leh ta, lunch, dinner leh breakfast-a eiin a duhzawng a thlâksek ngai lova a thlâk dawn a nih pawhin a hmâ nikhat kaltaah a sawi lâwk thlap zel bawk.

Ricco nen erawh anla inbe ṭha uchuak lo khawp mai! Ricco, inla pa zet hian ka nupui ze dangdai zet hi a ngaina tehchiam lo tepawh a ni mahna.

"Luigi, ka pualin engtikah nge Jet ka neih ve ang?" Wine tyi tih hmel takin a tep hlak hlak a, "I birthday present atan Stratos, keimah ngeiin ka buatsaih ang."

"Sì, Amore mio.." (Aw le ka hmangaih BRR) dawkhan hnuai aṭangin ka mipatna a rawn tawk zauh a, ka taksa danglam tur thunun tuma wine ka tlâk pap chuan nui var var chung hian, "Ka ta chauh i ni, keima ta chauh," a phun sap ri chuan ka chhungril a tawk che pha tlat alawm.

Lunch kan ei zawh hnuah kan chhungkaw chênna hmunpui Milan lamah kan lêt leh ta a.

Luigi Shinoda nun a chatuana inrawlh tumtu Carli Davino chauh lo chuan ka thinlung an tawk che pha tawh hlawl lo.

"Bianca dinner ei turin kan la sâwm ve ngei a ngai ang." Tun hi a ṭhiannu chungchâng a vawikhat dawi chhuahna a ni a, "I sam rawng dik tak i put leh hunah kan sawm dawn nia."

"Shinoda chimawmpa.."

"Carli mio piccolo gattino(Carli ka zawhte têreuhtê BRR)

A pum rawn che dat dat zût kual chung a ka fawhna chu îhe lovin min chhâng ve nghal mai bawk.

Hmangaihna chendun kawngah pawh ka nupui hi zirlai thiam thei tak a ni a, pe chhuaktu nih a hreh ngai lo.

Shinoda wife dik tak leh mí zagkai ni tur hian ani tluka ṭha an awm lova an awm tawh ngai hek lovang.

B+>[BeckirafARenthleI]<+®®

LUIGI SHINODA

Becky Rafa Renthlei

Chapter-21

Shinoda Family

Mansion

169 |7

"Carli, i inpeih dawn tawh em?" Ka nupui dressing table hmâa ṭhu tûm bâr chu thlêm tumin ka pan hnai a.

"Ka chhuak dawn lo ka tih chu min en ta che," a pum puar kawh lah a kawr hâkin a khuh ṭhat mang loh chu lungawi lo zetin a en a. Ka nuih ati za ngei mai.

"Tuna i inbel nilo pawh thawmhnaw hâksên loh i nei a ni lawm ni? I kal loh chuan Bianca a lawm hauh lovang," a thawmhnaw dahna wardrobe hawnsakin thawmhnaw inkhai tlar dul chu ka keu lâwr a.

"Kan chênna hmunah dinner buatsaih sak mai tur a nia, hmun dang a chhuah kher."

"Khawngaihin, inhnial ka duh lo a nia, Bianca chu Mansion-a lokal turin ka'n hrilh ṭha leh mai ang e."

Zanin tlai hian Marinella-a Bianca chênna hmunah dinner ei turin ruahmanna ka siam vek tawh a, ka nupuiin tukkin aṭang khân a duh leh tlat tawh lo. A pum puar ve tawh tak chu chhuanlamah hmangin min hnial deuh tlat.

Amah nen kan intawnna hmun a nih vângin Bianca inah kher surprise ka tum deuh khâ a ni a; mahse, a duh miau loh avangin ka nawr lui duh ta lo.

"Hei hi inbel rawh," Silk kawr a khûp khuh chang chang vêl a fual khumah ka thehthla a, "Luigi, ka kal duh lo ka tih chu maw le!" A thinrim leh tak tak dawn e.

"Kan kal dawn hleinem, i thawmhnaw inbel khâ thlâk phawt teh." Min chhân hman hmain a kawr hâklai chu a lu lamah ka pawhchhuahsak ta a, a ṭê ṭhat nâ a ka ngaipawimawh duh eih lo.

"Kan nautê hian a nu a chhun chuan tihtauh a hrât vek mai ang."

"A pa a chhun chuan a lerh khawp ang," tive zatin a hmai a chei mawlh mawlh a, a sam a tih dum chawp ṭhin pawh ka thu zâwmin a rawng pangngai ang a pu leh ta a.

"I tâna rinawm leh hmangaih che hi ka damchhung hna a ni." A biangah ka fawhsak ta a, "Luigi, naute thil vel lei turin Sam leh Abella ka hruaichhuak thei ang em?" Teh daih chuan!

"Bianca pawh i duh chuan i hruai thei ang,"

"Englo, ih..min mutpui hmasakber ṭum khân engvangin nge pawisa min pêk?" Ka hlauh ber thil min zâwt ta. Dâwt a sawi mar ka tum ûk a; mahse, ka duh leh ta lo. Bianca nen kan inbiakna zawng zawng ka hrilh ve ta vek a.

"Chu nu mai mai chu(h)" tia phun sapin a phone a phawrh a, Bianca a call ta a.

"Hey, i lokal ngei tur a ni, ka pasal nen thinrim a kan chhuahchhâl hma che hian darkar chanve chhungin kan chênna hmunah rawn thlen tum ang che." Phone a off zui hmak bawk.

"Engtia tih nge i tum a?" Ngaihṭha vak lova ka zawh chuan nui sak chung hian, "Ka blackmail dawn maw le, lungngai suh amah vânga intawng kan ni a, ngeiawmin ka che hauh lovang," a tih chuan ka hahdam huai huai thei nia.

Carli sawi ang tak takin dârkar chanve hnuah ka cousin Bianca a rawn lût ta a.

"Carli Davino, min lo bum nalh hlê mai," Cupboard hawngin intur a dap nghâl a.

"Madam hming i sawi dik lo, Davino ni lovin Shinoda a ni," Abella a lo inrawlh zat a.

"Nang kha lo ṭawng suh," Abella leh Bianca inhnial lai chuan Carli a nui char char thung.

"Tun thleng thleng a madam hming dik pawh hriat loh!" Abella'n a tih mêk laiin, "Ṭawng suh ka tih khâ," a hmaiah whisky-in a theh ta a.

"Bianca.." Carli'n a ti ṭhat a.

"Carli, amah ka be hleinem, a phû tawk chiah a nih kha."

Abella ka mitmei chuan hrethiam zet hian a bu nghat a, Bianca panin a inrin hma chuan a hmuiah a fawhsak ta a.

"Nang.. nang hi.." a biang sen ṭâwn leh a mitmeng buai nak ka hmuhin ka nui suk a, Carli mahti hmêl âng pam chu, "An la inhmangaih vat ang," tiin a beng bulah ka hrilh sup a.

Abella te pahnih khawsak dan vêl chuan ka nuih anti zâ. Sam leh Ricco-an intur dawhkanah an rawn dah a, ka kid te pawh ka nupui vâng hian ka enhrang lutuk tawh bik lo, an thawh tur engkim ṭha takin an thawk vek a, kan chhungkaw zînga mi ang maiin a nia ka en tawh ni!

Dinner ei chhung zawngin Carli te ṭhian dun an titi char a, ka lo rin dan chuan an inhnialin an inchhuahchhâl turah ka ngai deuh kha a nia a teuh lo! Inngai hlê niâwm tak hian min ngaihsak miah lovin zuk ṭawng a!

"Sir, Miss hi kan thunun deuh loh chuan madam a chau vek ang." Abella a nui sûng a, a mitmeng aṭangin Bianca a duh tih hai theih ninghâl lo chuan..

"Abel, dinner ei zawh veleh Miss hi i thlah dawn nia aw.." ka ti ta a.

"Luigi, hepa thlah hi ka duh rêng rêng lo." A rawn ter leh at a, nui suk chung hian, "Thlahtu i neih lai hian bawhpelh miah suh." Ka ti ta a.

Carli nau neih huna awmpui intiam chungin Bianca pawhin a 'Aw' veleh tho. Ka bodyguard zingah Abella hi a hmeichhe mi deuh ber a, eng emaw lai khân Russian nula nen an inkawp ve zuai tawh bawk. Mahse, Carli'n a sawisel sak reng avangin an inṭhen ta nge nge kha a nia.

Ricco leh Sam ve thung chu an awmhmunah an ila 'pa' em em a chuzawng chu a nimai.

Lorenzo Jail tâng kan ve ka rawt pawhin Carli'n a duh miah lova a thisen zawm leh a pianpui neihchhun heti em ema a hua hi mak ka ti deuh! Mahse, Lorenzo chêtdan tenawm tak kha ngaihdam a harsa viauin ka ring.

"Lokal teh" khumah ka mu tawh a, ani erawh a tih dan pangngaiin dârthlalang hmâah a pum a teh leh nia maw le. A hma chuan zantin a teh ṭhin a, eng emaw lai khân zankhat danah a teh leh ta thung a, a phunchiar zualpui pawh a reh thawkhat chuan ka hria.

"Luigi, hmangaihna chen dun sawi mâwi tawh suh aw," a ti sap a, a pum a len deuh hnu hian a hah hma em em a, doctor thusawi zâwmin nupa nun ka hmanpui ta rih lo.

"Ka kuah ringawt ang che, a bâk eng mah ka ti lovang,"

"Tak tak!"

"Sì, Shinoda'n a thutiam a hlen ziah ṭhin tih i hriat kha." A dulah kuahin a bêngkâwm velah ka nûl nâ nâ a, ka mipatna thunun tur hian tuivawt a inbual ka va'n mamawh zing tak.

A birthday present atân leima duan ngei CDSJ (Carli Davino Shinoda Jet) ka company chhuak ngei ka siamtir mêk a, hun duh rei deuh mah se a birthday-a an peih hman chuan a tâwk viau a ni.

Ka nupui pualin Apartment pakhat nursery room special taka buatsaih sa thlap ka lei tawh bawk a, tûn aṭanga chhiar a thlaruknaah ka hna ka chawlhsan tawh dâwn a, ka thchhang dâwltu, Rory Sullivan ka ruatfel tawh bawk.

Ka nupui fanaute ka thlazar hnuaia thlamuang taka an awm theih nân Luigi Shinoda hian ka hna, ka thâ leh zung sênga kum tamtak ka lo enkawl tawh chu ka thlauhthla dâwn ta a ni.

Ka nunah Carli aia pawimawh pakhat tê mah an awm lova an awm tawh ngai hek lovang.

A muhil hmêl thlir chung leh amah kuah chial chung hian ka chhîng ve ta a.

EPILOGUE

After 6 months

"Luigi, Arianna kha Ricco pawmtir rawh." Ka nupui balcony-ah rawn chhuakin coffee sat hmel zet a rawn châwi chhuak a.

"Ricco a awm lo," Kan fanu Arianna Shinoda, mitmeng hring râma min en kiautu chu ka sâwi hliau hliau a.

"Nupui neih nachang hre si lo, ngaihzawng hmu zo chuang bawk si lo.." a tih mêk laiin Ricco tûm bûrin a rawn lang ve ta a.

"Madam, i sawi ka hre vek a nia," tiin Carli a melh rulh a.

"Nupui i hmuzo lo ta rau rau a nih chuan Arianna hi buaipui berah nei la ti nia," a nui duh miah si lova tiin ka kiangah a rawn ṭhu a, Ricco lungawi lo hmel ka hmuh chuan ka khawngaih ta deuh a, "Duhtak, Ricco tel lo tel te chuan reporter-ho kan hmachhawn ngam nâng." A thlavâng hauhsak anga ka ṭawng rualin kan Ricco pawh a nui leh suk suk tawh alawm.

Kan fanu hming tur lehkhapawh hmanga kan pawh fuh tâk Arianna Shinoda tih lungsi thlapin kan puttir ta kha a nia. Tunah thlalina a hmang ve mêk a, a nu hmêl a chhûn kher mai, a sam rawng erawh a pa hlauh!

Sam leh Ricco chiah kan awmpui tawh a, Abella pawh ka lo tinzâwn sak ngei ka cousin Bianca nen honeymoon hmangin Sidney lamah an liam tawh a, ka bodyguard pathumte zingah tumah duatbik leh tihbik ka nei hran lo. Abella a naupang berin nupui a nei tharh erawh Sam-a ngaih dan a ni lo viau.

Company ka chawlhsan tawh a, Carli nen a nu leh pa thlân tlawhin kârleh hian kal kal tum bawk. Hnaitê mah nise a birthday gift CDS Jet ngat a kal a duh mauh mai si a ka hnial leh ta lo.

Ricco leh Sam pawh bodyguard ni tho siin Shinoda family-ah kan la lut ta a, chhungkua nei tawh lo leh mahnia tâl ṭhang Luigi Shinoda meuh paw'n ka nupui ngenna ka ti hlawhtling leh ta nge nge e.

Kan fanu a rawn ṭê ṭhat ṭhat tâkah chuan ka coffee in lai dahin a nu kutah ka hlân a, "A ṭah apiangin ka chanai pakhat zawk ka ken a ngai si a..." ka tih chuan, "I chantâwk a bo lo turah ngai ang Mr Shinoda." Arianna hnute a pêk laiin Ricco'n lehlam a hawi zuk tih ka hmu reng.

Ni e, ka nupui leh ka fanu ka rila rah ngei hmêl ka hmuh hian sumin hmun a chang tawh lova neih belh tuma thawh duhna rilru ka nei ta lo. A chhan chu kan damchhung leh a piah lam ram thlenga khâwlsa nei tawh businessman Luigi Shinoda ka ni miau alawm.

Italian Homeron newspaper tuktin chhuakah Shinoda family-in front page a luah ziah erawh ka lawm viau lo. Kan chhungkaw chanchin update vântlâng hriata puanzar ziah hi ka rilrem zâwng lah a ni hek lo.

Ka nupui mitmeng hring râma min hmangaihna lo lang chhuak fo ṭhin ka hmuh hian ka thlan sual loh zia ka hrechiang tulh tulh bawk.

'Carli, Mi piaci e ho, Bisogna di te,' tia phun sup chung hian Ricco awm ve pawisa miah lovin ka nupui ka fâwp leh ta a.

THE END

B+>[BeckirafARenthleI]<+®®