RAPSAGY Completed [B®®]

RAPSAGY( Completed)

Ziaktu: Becky Rafa Renthlei [B®®]

A vawikhat nân Mizo thawnthu ziah ka'n tum chhin ve dâwn chu a nia, duhthusam lo lai a awm tamin ka ring. Sâp thawnthu ringawt ziah hi ka hnê ve ṭan a ni deuh ber mai. Mahse, ka ziak tawh dawn lo tihna a ni chuang lo ania. Comment lamah inngaih dan dik tak lo sawi ula ka lawm hle ang.

PROLOGUE

"I ṭawngkam tin kha ka lo record vek tih hria la, kan pahniha inremsiamna thlap a ni. Nang ngei pawhin 'aw le' tiin min pawmpui vek tawh kha a nia, court thlen ngai mah se he ka pum chhûnga naute hi zawng, min chuhpuiin pâ dinhmun dik tak i luah thei ngai lovang: A chhan chu mipain 'Ka tibuai lo ang che' tiin thû i tiam tawh alawm." Ka ṭawng a dam raihin a zawi viau nâ a, ka thin erawh a phu dat dat thung si.

"Kha thutiam kha ka tân engtihna mah a ni lo. Ka fâ a nih tak tak chuan ka thlahthlam ngai hek lo ang." Chang khel khawla min chhânna chuan ka thin tertek ati chhuak nghal pang mai. Mahse, thinrima ankhum buan buan chi mipa khâ a nih tlat loh avangin ka insûm leh ta zawk a.

Ni e, kei hian pasal nei lova fa neih ka cho et et mai si a, ka nuna mipa lo lang nen hian inngaihzawnna engmah kan nei lo. Mahse, a fâ ka pai tâk si-ah chuan kan inremsiamna bawhchhiain min chuhpui a tum leh lawi si..!

Engtin nge ka tih tâk ang? A ngaihzawng nen anla inthlah lo tih ka hrechiang ropui mai si a. 'Lalpa ka daisual man hi min teltîr lul suh' tiin ka phun sap sap a.

RAPSAGY [B®®]

Chapter-1

Ka chuanna Sumo kawngkhar ka hawn rualin ka thlenna in tur a lo lang nghal at a. A chhunga chêngte zingah ka hmelhriat pakhat chauh a awm avangin huphurh tak têin ka huphurh thei nia.

Ka chuan man ka pêk fel hnu-ah in neitupa, min lo hmuaktu chuan ka bungruate min khai luh sak zung zung a, pa hawiher zau tihtakah hmel hlim leh nelawm taka min lo biakna chuan ka hah ati dam sawng sawng thei maw le.

"Mafel, i pindan turah ka hruai ang che," ka thlen in pa'n atih chuan ka bu nghat a, kum eng emaw zat Sumo-ah ka chuang tawh ngai lova ka luak a chhuak hluiin ka hria.

"Ka thawmhnaw kha chu nakinah ka rawn khâi lut mai ang, pa Hriat," inthlahrung dâkin ka ti ve a, dik tak chuan ka zâm ru viau a ni. Ka pa in a enghelh nei miah lova awm ṭhin kha hmelhriat leh chhûngte awmna pawh ni lovah kârkhat lai ka awm ve dawn chu a ni si a. Ka huphurh fia fia ngei mai.

"Thingpui in rawh aw," nu tê lam deuh ngo ving veng, hmelṭha angreng zet hian thingpui no ka kutah a rawn hmehbel a, ka thlen in nu anih ngei pawh ka ring. Min zâwt hmasa lova min pêk tawp avangin 'Ka duh lo' tih leh te zawng ka ngam tawh teuh lo mai.

Duh hlê niawm tak hian thingpui chu ka in vei ngial a, ka ner ru sawk. A chhan chu a sen hâng ngat kha a nia, kei, thingpui ngaina viautu hian a sen hâng kher hi chu ka in ngai lo ve chiang êm a ni.

"Inthlahrung lovin mahni in ang chiahin awm rawh aw," tiin nu ber chu a nui var var a, nu sual tak a ni lo ang tih a hmel dam thlap aṭang chuan ka rin hriat thei mai.

Chumi hnu chuan Pa Hriata'n an chhungkaw chungchang te sawiin inhmel hriattirna a nei zung zung a, nichina thingpui min petu kha a nupui Pi Zuali alo ni ngei e. Fâ paruk neiin a upa lam hmeichhe pathum te'n pasal annei fai vek tawh a, a naupang lam pathum nen tuna an awmna Quarter hi an luah niawm tak a ni. Fapa pahnih an nei a, an hmel hmuh tur erawh a awm lo.

An fanu nula, bathroom aṭanga lo chhuak chiah chu a hmelṭhain a ngo sar mai a. A la naupang ang tih ka hrethiam ve mai a, min melh chhin eih lo hian a pindan lam panin a kaltlang ngât ngât a, mak chu ka ti deuh!

"Kan fanu Arini, Lalrinpuii a nia, BA 2nd year a zir ve mêk a, a û-ah mipa pakhat leh nau mipa a nei a, an lo la haw ve lo a.." tia nu Zuali ṭawng mawlh mawlh chu ka ngaihsak lutuk lem lo.

"Inbual ve ta che," ati zui leh zat a, ka hnial loh zawng tak a ni. Tunah tlailam dar thum ari chiah a, ka ban chuap bawk nen inbual vat chu ṭha dawn riauva hriatna ka nei a: he inah hian ka la awm rih hmel a, ka tlangnel hma poh leh keima tan a nuam dawn tihna a ni mai. Ka zahzumna leh inthlahrunna dah ṭhain inbual ka tum ta zawk a.

"Inbual chu a ṭha khawp ang," tiin ka ding hluai a, Pa Hriata pawh rawn ding ve in, "Tui khai chawp angai dawn a, 'Tap' a ṭha tlat lo," ati a.

"A khaina tur hmun min hrilh ula ka lo inbuaipui ve a nge," ka tih mêk lai chuan, "U Mafel, keima'n ka lo khai sak ang che," kawngkâ-ah tlangval pakhat a rawn lut chiah a, a sâng ṭha hle mai. A hmel enin an fapa a nih ka ring ve nghal mai a, ka hmingin min ko nghal chat bawk nen ka nui nghal var var a, 'A ngai lo' tiin ka hnial sateh nâa min khaisak thlap tho nia!

Ka pindan turah min hruai zui ta bawk a, an tlangval pawh chu ka hmu zui ta bik lo. Ka pindan tura an lo dah chu a tê fel khar reuh a, khum pakhat leh thawmhnaw dahna wardrope pakhat, dawhkan hniam lam deuh leh pheikawk dahna Thinga siam tih loh bungraw dang eng mah hmuh tur a awm lo a, ka duhtawk tiu teu khawp mai.

"Tikhan lo inbuaipui la, zanriah kan buatsaih ange," Nu Zuali'n atih chuan ka bu nghat nghat a, ṭawngtam mi ka lo ni lo bawk nen sawi tur ka vân angreng viau.

In neitunu-in min chhuahsan hnuah ka thawmhnaw te chingfel thuakin bathroom lam ka pan ve ta a. Chuti lutuka hrawn hrehawm chu annih loh hmel..

Kei hi Remruatfeli ka ni a, ka nu leh pa fanu neihchhun niin nau mipa pakhat ka nei bawk a, tuna ka zinna hmunah hian 'World Veterinary' puala 'Free Clinic' nei tura min tih chu zawmin ka kal ve ta kha a nia, naktuk lam hian min puitu tur helai hnaia VFA an lokal dawn a, keima lam aṭangin min pui tur pakhat ka sawm ve ang tiin ruahmanna ka siam bawk a.

Vety Doctor ka ni hi ka inchhuang ru ve riau nghe nghe, a chhan pawh ka hnâah ka tuiin kan zirlai pawha a thiam ber nihna hauh ṭhin ka ni tlat a..

Nula senior inti duh chiah lo mah ila ka kum erawh a tam ve ṭan ta, ka hnaah ka rilru zawng zawng ka pêk miau avangin kan hotute duhsak ka hlawh fû..

Bathroom-ah thlamuang zetin ka inbual a, hmanhmawh chûk mi ka nih lem loh vangin tun ataka hmanhmawh tâk chiam pawh ka tum chuang der lo.

Chutia ka inbual lai chuan, "Hmanhmawh miah suh, ka nghâk reng che," mipa aw thûm zâwi fiah tak siin arawn tih chuan ka run kher mai. Tunge tih hre lo mah ila mipa chimawm thawkhat ani ang tih ka rin hriat a, a aw kha ka hriat hnu a ni lo tih pawh ka ngaihtuah nghal vek.

Chhan pawh ka chhâng buai peih lo e a.

Bathroom aṭanga ka chhuah rualin min lo betu khâ ka zawng ru deuh a; mahse, tû hmel mah hmuh tur zuk awm miah lova!

"Mafel, Mama alo haw tawh a, i inbual zawh chuan chaw ei lam kan hnaih dawn em ni?" Nu Zuali'n atih chuan ka bu nghat nghat a, 'Mama' tia a sawi chu ka la hmu ve lo nâ a, nichina mi kha a nih ka ring deuh ngawt. An fanu pawh hmuh tur ala awm ta lo fo a, ka pindan lam panin ka kal ta a.

Chaw ei dawhkan kan kil lai chuan bathroom aṭanga mi pakhat lo chhuak chu ka mitsirin ka melh zauh a, towel chauh a veng a, a dar ruak kûng aṭanga tui far fap fap chuan ka mit ala kher mai. Mahse, en reng ka duh chiah loh avangin eitur lam ka ngaihven san ta a. Khâ khâ 'Mama' chu a nih ngei dawn kha. Ka bul chiahah ṭhuthmun ala rawn rem zui a(h)..

"Mafel, i ei tlêm lutuk, chaw ka lo khawrh belh ang che," In neitunu'n atih chuan lû ka thing nar nar a, "Ka puar e, ka duhtawk," tiin ka thlêng nen ka tho zui nalh a, "Khawpui nulaho te chuan thau an hlau alawm," ka dinglama ṭhu nichina mipa khan zawi supin a lo ti a, a unaunu nen an la nui zui lehnghal nen ka ngei angreng. Ka inbualna tur tui min khaisaktu kha a polite deuh ber mai awm mange ka ti rilru nauh nauh a.

Sitting room-ah nu Zuali te nupa nen kan ṭhu a, an fate erawh hmuh tur awm lovin an bo leh phiar tawh. An nula khan vawikhat mah min la be lova ka be bik hek lo. An chhungkaw boruak ka hre lo nâin, an ṭawngtam lem lo khawpin ka hria.

"Pa, bike chahbi khawiah nge i dah?" Mama chu a pa bulah arawn ding a, a hmel pawh chiang takin ka hmu thei ta.

"Zanin chu lengchhuak lo ve la, hei Mafeli hi a khua a har ange lo awmpui ve rawh committee kan ngai si a.." Pa Hriata chuan ati chuar chuar a.

"Khawpui nula ka kâwm thiam lo," chupa ṭawng dan chu ka haw ru kher mai.

"Awmpui ka ngai hleinem ka mu nghal mai ang," tihpahin ka ṭhutna aṭang chuan ka thova ka pindan lam ka pan ta daih a.

Khawpui nula chu ka ni mahna. Mahse, kha pa ngeiawm ru zet nena awmdun ai chuan mut hmak ka duh zawk, ala naupan hmel tehlul nen ṭawngkam ngeiawm a chhâkchhuak thiam ru phian!

"Zirsanglian, khatiangin kan mikhual be miah tawh suh, Doctor ani lehnghala mak ati ru khawp ang che," Nu Zuali ṭawng ka la hre pha renga, ka ner sak thung.

"Eng doctor pawh nise ka biak ṭhat hûrh a ṭulna ka hre lo ve." Titu Zirsangliana chu tuk ṭawlh ka chak kher mai.

"Be ṭha hûrh rawh kan ti lo che, i mize ngêng lutuk leh ṭawngkam ngeiawm kha alakah hman kher a ṭul lo. Arini nen hian awmdan mawi inzir deuh angai a ni." A nu chuan ala ti hmarh hmarh a.

"Zanin tlaiah alo thleng ve chauh a, biakna tur pawh ka hriat si loh.." thûm chhaka tiin an ṭawng ka hre zui ta lova, mipa induhtawk tak chu a nih ngei ka ring.

Anihna takah chuan kei, induhtawk ve tak hian a khawsazia hi ka run lam deuh hret zawng a ni e.

"I bialnu ringawt ngaihtuah lo khan i zirlai ngaihven tawh ang che, thlatharah Chennai i pan leh dâwn tih theihnghilh reng reng suh." A nu sawi dan hmangin hmun dangah lehkhazirin a awm ṭhin tihna a nia, mipa hawklak satliah a ni lo te pawh a ni mahna..

Zirsangliana chhânna ka hre pha ta lova, chak fê-a bike tlân ri bâk hriatzui tur a awm tawh lo.

A nu a zah lo viau nge, a khawsak dan phung ve hrim hrim tih pawh kei mikhual tharlam hian ka hre mai mai lo.

Ka nu leh pa, phone hmanga ka biak hnuah muthilh tumin ka chhîng ta vang vang a. Mahse, kha pa, Zirsangliana hmêl ringawt khâ ka mitthlâah zuk châm reng a!

Ka nunah mipa pakhat chauh ka la senglût ve a, tû mipa mah hian ka thinlung an tawk che pha lo a ni ber mai. A chhan chu pasal neih châkna thinlung ka pu ngai lova, ka lo 'dream' ve ber ṭhin mahni inenkawl theia awm kha a ni ṭhin a: tun dinhmunah chuan Sawrkarah hna nghet ka nei tawh nen Aizawla inbenbel tepawh ka duh deuh rum rum tawh.

Ka nau mipa-in 'Pasal i neih hmâ chuan nupui ka nei lovang' tiin a lo sawi tawh a, a û hian pasal neih ka tum lo tih hria se chuan a ngaih dan a ni lo nasa ang chu.

Tuna ka awmna hi Lunglei aṭanga Km hnaitê a ni a, Aizawla lêt leh ka duh rum rum hial a ni. Kan khua tak chu Lunglei niin ka chhungkua leh ka thisen zawm te awmna a ni tak nâa ka hãw khât pharh mai.

9:00Pm

Bike thâwm ka hriat tâk avangin ka puansin lai chuan ka inkhuh ṭha sawk sawk a, tumah an rawn lût dawn lo tih hre mah ila hlauhthawnna eng emaw tak ka nei nia maw le. 'Senior hrî' te pawh a ni mahna..

Ka ring dik chiah.

Sangpuia, tlailama tui min khai saktu kha a ṭawng lâwng lâwng a, pa Hriata fapa naupang zawk niin tunah an khaw ṭhenawm lawka private school-ah a inhlawh ve a, a hmelṭha roh phian.

"U Mafeli kha a muhil tawh em maw ni le?" Sangpuia ṭawng ri ka la hre pha vek a. "Muhil awmlo em mai, a hmêl aṭang khan zanrei lama phone khawih chîng deuh a nih duh hmel," Zirsangliana ṭawngkam ngeiawm zet chu chhân ka châk kher mai. Mahse, ka pa in a nih tlat loh avangin ka mut hmunah ka lo ner sak sak a, a hmêl ka lo mitthla khanglâng kha ka inchhir deuh rum rum.

"Mama, kei chu hmelṭha ka ti reuh, a confi hmel bâkah a pian a nalh ka ti, englo.." awm ve lo ang hmiaha ka chanchin an sawi avang chuan ka lungawi lo ru hle a, an thusawi pawh ngaithla zawm duh tawh lovin 'ear phone' ka vuah sauh sauhva zâi ka ngaihthlâk san ta daih a.

3:30Am

Tui taka ka mulai chu ka pum nâ riai riaiin min tiharh a, ka luak a chhuak ut ut bawk nen khum bula ka tui bottle inchhawp chu hawngin ka lem pawp pawp a, tlêm chuan ka zia deuh.

Dimtê-a thovin ka dingdihlip phei a, ka thâwm an hriat ka hlau ru viau. Toilet-ah lutin ka pum tinuam lotu paihchhuah tum chuan ka ṭhu deuh vang vang a.

Ka pa inah a ni emaw keimaha in ka luah lai pawhin thil ei dan tê tê ka nei ve a, ka mikhualnaah hian an ei ang ei thei lo nih ka hreh vangin an siam ang ang ka ei ve ta kha a nia. Ka tihṭhan dan a ni si lova, ka pumin a zo lo deuh a ni maithei.

Toilet ka chhuahsan chiah tihah ka hmâa mipa lo ding reng ka hmu ta a, ka phu chiang kher mai.

"A rûk a râla thawh ṭhêm ṭhêm kha i inhmeh miah lo, light on la kal ve ta mai che." Zirsangliana ṭawng fiah fak chu ka chhâng ang nge chhâng lovang tih ka ngaihtuah zawk a. Chutah, "Thim zinga kal ka lo thiam fû pawh a ni mahna tunge hria?" Tih paha kal pelh mai ka tum laiin ka kâwngah a rawn kuah thut a, alamah min pawt dawrh nia!

"Nang hi, i va...?"

Ka sawi zo hman tawh lo. Ka hmui a rawn fâwp nghal nawk nawk a, thinrim lutukin a hmuiah ka lo seh lêt a, min thlah chiang kher mai. "Kawlhi" tia phun supin min nam sawn leh dawrh a, ka tlu lo chauh. Rum lutukin ka melh a: mahse, a thim êm vangin a hmuh chiah pawh ka ring lo.

Zak lo lutuk. Zû rim ala nam deuh lehnghal vei nen ka lo chhuih zawt lo kha pawi ka ti hnuhnawh viau. Mahse, ka hamhaih ve êm atin ni!

Ka khuma ka mut leh hnu thlengin ka thinrim a, khatiang mai mai khân min ti ngam a maw!? A ve lutuka..

Khawvar thleng pawha ka muhilh theih tâk loh avangin ka tho chhuak leh ta nge nge a.

Pa Hriata hi PWD-ah a thawk a, a nupui pawh High school zirtirtu a ni. An hnathawhna hmun a inan avangin Aizawlah awm lovin tuna an awmna Quarter hi kum 4 lai an luah tawh a ni awm e.

An chhungkaw chanchin eng teh vak mah hriat ka nei lo a, han hriatchian tumna em em pawh ka nei lem lo bawk.

Eirawngbawl tura tho ka ni ve tak nâa an chêtdan phung ka hriat miau loh avangin pâwnlamah ka hawi khawthawng ta zawk a, dar nga leh a chanve a ri dêk dêk chauh a ni.

"I room khawngkhar a inhawng si a, nangmah ka hmuh loh che avangin ka lo hawihhai deuh alawm," nu Zuali'n thingpui siamsa min pêk a tum chuan, "Ka in lo zâwk mai teh ang, pawnlamah ka teichhuak alawm le.." tia chhângin dawhkana chawhmeh siam tur inchhawpsa chu ka kâwk a, "Ka lo pui ang che." Ka ti zui zat a.

"Mama nen vawiin chu inzui ula, midang hruai ai chuan i tân pawh a nuam zâwkin ka ring." Atih chuan ka ner ru sawk. Kha pa ve khâ eng atan mah alâktlâk lo ang, an vêng YMA Hall-ah hun hman kan tum a, ka thawhpui turte an lo thlen hmâ loh chuan eng mah hmanhmawhin atih theih bik loh.

"Nia, amah te pawh lo be ve chhin la" tiin ka chhâng ta tho va. Hruai tak tak ka tum teuh lo em mai a, ani ai chuan a nau Sangpuia pawh ka hruai duh fê zawk. Mahse, alanga sawi chhuah ka duh chiah lo mai pawh a..

Chaw ei dawhkan kan kil ṭhap tawh hnu-ah Arini leh Zirsangliana chu muang em em hian an rawn phei ve a, an pahnih hnihin en pawh ka en lo. A bikin Zirsangliana phei chu ka melh peih lo lehzual.

"Mama, vawiinah Mafeli i pui ve lawk hman em?"

"Ka hre lo le, Faka nen motor sil kan tum a," min en miah lovin chaw a bâr zui nghal a, ṭawngṭai pawh zuk tum lova!

"Lalfaka nen inzui tam tawh suh u, Mafeli'n min rawn pan ve a, helaiah hmelhriat a nei lo tih pawh i hriat kha, hun an hmang rei lutuk chuang nâng, i hruai dawn nia," a nu-in atih leh tâkah chuan Zirsangliana chu a ngawi reng a, ka ṭawng a hun ve chiah tih ka hria.

"Keimahin ka kal thei tho alawm, Hall-awmna lai min kawhhmuh ula a tâwk mai," ka tih chuan Arini'n min rawn melh zawk a, engmah phei chu a sawi lo.

"Chutiang ringawt tur a ni lo, Mama nen in kal dawn nia, motor sil tih mai mai, kan hmang nghal dawn pawh nihlei lo." Nu berin atih leh chuan ka ngawi ta rauh rauh a.

"Keima'n ka hruai ang che, Bike-in kan chho dawn nia," Pa Hriata'n ati ta khauh a, ka va'n lawm tak.

An fapa Mama nena nizan kan boruak kha engmah an hre lo tih ka hre tho a, mahse, nilênga ka bula awm tur atan ka duh îkhaw lo mai.

Ka pindana ka insiam laiin Zirsangliana chuan phone-ah tu emaw a be mawlh mawlh a, an ṭawng hre vek lo mahila inhau an ang ka ti deuh! A nu khân ngaihzawng a nei tih a sawilan tak kha maw le.

Ka hmai ka chei thuak thuak a, kekawr dum ka pian rem zaiha ṭhui ka hâ a, a chungah shirt sen hlar ka inbel bawk a, doctor coat fual erawh inbel nghal lovin ka dárah ka bât thung a. Ka inpeih chu a ni der! Inchei hluak hluak mi ka ni tlat lova ka awlsam phian ṭhin.

Ka bag nen pindan ka chhuahsan hnuah pa Hriata lo ṭhutna sofa-ah ka va ṭhu ve a, "Ka inpeih tawh a, kan nauteho nghâk lovin Hall-ah chuan kan chho dawn em ni ang?"

"Pawi chuang hleinem, inzawh hunah min lo call la, ka lo hruai leh dawn che nia," thawh chhuah pahin ati awlsam mai a. Pâwna KTM Bike lo ding ka hmuhin ka Bike khâ ka hrechhuak ram ram mai.

YMA Hall lam panin kan inphur chhuak ta a. Sangpuia hruai ka tum rûk tehreng nen school-an chawl si lova, vawiin chu hmelhriat chhar thar nan hun hmang pah ta ila, mipa kher chhawr tur an awm loh pawhin hmeichhia pawh ka pawiti teuh lo. Khatiang Zirsangliana tih vel hruai ai kha chuan ka la thlang fê zawk.

"Mafel, ka sawi ang khân inzawh hunah min lo phone mai dawn nia," tiin pa Hriata chuan min chhuksan ta a.

Hall-ah mi eng emaw zât an lo awm tawh a, ran damdawi leh ka mamawh turho pawh ka hnuaia thawk te'n an lo dah fel thlap tawh bawk a. Ka hmâ ve viau emaw ka tih laiin min lo nghâk ṭhap tawh zâwk maw le!

"Dâr kua leh a chanve kan ti ve bawka, an thleng hma hlawm kher mai." Kan thawhpui ṭhin Lawmi'n nui var var pahin min lo chibai a.

"Min thlenkhalh ka rin loh tehreng nen in hmâ hlawm kher mai. Tikhan reilote ṭhu châwl lawk ila, kan ṭan dawn nia," ka dawhkan tura an lo ruahman lam ka pan ve nghal a, min en duh hlawm angreng!

Mipa tur emaw min ti tepawh a ni mahna. Vety doctor leh mipa hi an inrem bik riau alawm.

After 3hours

YMA Hall

Kan inpeih meuh chuan dârkar tam aliam tawh a, thingpui in chawlh takngial pawh kan nei hman lo. Kan naute pawh an hah ve viauin ka ring a, helai bialah hian nithum hun hmang tura ruahman sa kha a nia: a lehpekah chuan kan naute rualin kal mai a ṭha zawk tawh dawn a nih hi. Pa Hriata te chhungkua tihbuai reng pawh a inthlahrunawm ka ti deuh bawk si a.

Ka phone a rawn ri a, pa Hriata a ni.

"Mafel, i nu Zuali nen damlo kán lawk kan ngai a, Mama zâwkin a lo hruai mai ang che aw, in zo dawn tawh em?" A rawn tih chuan ka hnual nghal rawih rawih thei nia. Mahse, alangah erawh, "A remchâng apiang kha a ṭha a nimai." Ka ti ta zâwk a.

Zirsangliana hmel châng rât mai leh nui hmêl pu lo zet nena han inphurh chu ka châk fahran lem lo.

Kan inbiak zawh hnu-ah ka bungrua an lo sengkhawmna bulah chuan ka ṭhu a, Lawmi leh Maneihi, Zuala te'n min hruaitu tur min lo nghahpui ve a, ka lawm kher mai.

"Tunge rawn hruai dawn che? I pa motor i keng mai lova," Zuala'n atih chuan, "Ka huphurh deuh alawm le, kawng a chhe bawk nen driver hruai lova kal ka zuam chiah lo a. Pa Hriata fapa-in min lo hruai ang." Ka ti ṭha mai a. A hming sawi kher ṭûl pawh ka ti lo.

"An fapa upa zâwk khân nupui a nei dâwn hnai tawh lo maw, tuna a ngaihzawng nen hian kum thum vel an inzui tawhin ka hria, kum tâwp lamah a training zo dawn anti a." Zuala bawkin ati leh a, "An chhungkaw chanchin engmah hriat ka nei lo a, ka zâwt lem lo," tiin ka hawikual rûai a. Zirsangliana chak fê a rawn tlân phei ka hmuhin ka ṭhutna aṭangin ka ding chhuak ve vat a. Min biak hmasak loh chuan biak ka tum bik lo. A ṭûl anih leh kê-in ka chhuk mai ang.

"I inpeih tawh chuan rawn chuang rawh," zuk ti hmuk a!

Ngawi rengin ka bag ka la a, a hnungah ka ṭhukai ve ta a. Kan nauteho pawh an kalkiang ve nghal deuh mai.

Chak lutuka min tlânpui avang chuan ka ngei ru hle a, a ṭawng duh der lo lehnghal! Ka hlauh a ring deuh a nih chuan a tisual viau ang. Kei hian ka hlau lo nasâ, bike pawh ka khalh chak ve fia fia tho e. Hepa hian ka khalh thiam pawh aring tawp nâng.

Zirsangliana anga mipa hmelṭha hi ka la hmuh awm pawh ka hre lo. A sâng ṭha hle a, chuti tehchiamin a ngo hran lo a, hâng pawh a ni chuang hek lo. Tuna a khawsak phung ang hi ka ngaina lo mai chauh a ni a. Chuti tih lohah chuan sawisel tur vak ka hre lo. Kei ai chuan a naupang hlekin ka ring a. Mahse, a palen vang nge alang puitling ru riau!

An inkawt kan thlen chuan, "Chhuk rawh, hmundangah kal ka la ngai," ati sup a, ngawirengin ka chhuk ve hmiah.

Inbe tam lo ila a ṭha a nimai.

Inchhûngah tumah an lo awm lova, Arini pawh ka hmu chuang lo. Ka room-ah lûtin ka inthlâk sawk sawk a, he in hi ka hnê nghal dêr! Zirsangliana awm lo se chuan nuam ka tih dâwn nen, nizan vang khan ka la haw deuh tlat!

"U Mafel, ka nu leh pa te kha chaw ei-a nghah chi anni dawn lo a, kan eisan mai dawn nia.." a vawikhat nân Arini'n min be ve hrâm. A nui sâng lehnghala ka thlen hlima a mize ngêng kha hmuh tur a awm miah tawh lo!

"Ok, eirawngbawl ila.." zangkhai takin ka tive ta zâwk a.

Chumi hnu chuan Arini nen eirawng kan bâwl dun ta a. Ka lo rindan nen inpersan tak a ni. A ṭawng duh barh barh hle a, a chawhmeh siamho pawh chhuang takin min temtir thül, kan hlim ta phian a. Sangpuia lo haw lai pawhin a bialpa thar chanchin min hrilh ve siam siam a, kan la nui tak uar uar a..

"In bengchheng mah mah, nula senior tihawm pawh a nih loh kha..." Zirsangliana a rawn lût a, a hmêl ka hmu chiah chu ka nui tâwp hmak.

"Mama, U Mafeli chawhmeh siam hi lo en chhin teh," Arini'n a û chu a lo be vat a, Sangpuia ai chuan a u Mama hi a ngaina zâwk a nih hmel.

Arini thilsawi pawh ngaihsak lem lo hian, "Lungleiah ka chhuk lawk dâwn a, ka pa te khâ lo hrilh mai rawh motor ka keng ang." Ti hmukin a room a pan nghal nulh a, min en lo hrim hrim bawk.

"U Nutei nen an inzui leh pek dawn a ni ang." Arini'n ati sap a.

"Tunge Nutei chu?"

"Aw, u Mama bialnu maw le,"

"Rinpui, ka chungchâng sawi thui vak a ṭul lo ang." Zirsangliana room-aṭangin a rawn chhuak a, a pheikhawk bun tur niawm tak a rawn khai chhuak bawk a.

Arini'n a chhâng dawn emaw ka tih laiin min mitmei zauhva a ngawi ta daih a, a û a hlauh hmel kher mai.

Zirsangliana chezia chu ka en ta reng a.

A pheikhawk chu bunin a hrui suih ṭha tura a kûn hniam chu uluk fahranin ka en a, ka enreng tih hria niawm tak hian a mitmeng lian leh fiah kâk chuan min en ve chiah bawk a, mak takin ka chhungril ber a nghawr che dat mawle!

A hmel ṭha tih hre tho mah ila hetiang em em a chiang hian kan la in en lo. A hmaifang invuah dik zet te, a hnar ngul sâng vâh te hi ka lo la hmu miah lo chu niin! A chhip sam chu 'vikings' style-in a zuah buk deuh a, hah! Kei hi ka dik dawn miah lo. Nizana min fawh ve rîkngawt vang pawh khân haw ngawih ngawih tur ka ni asin.

Ka mit ka lasawn ta daih a, a nui suk lai erawh ka hmu hman hrâm.

Ka lâi deuh hû-in ka hria, kei aia a naupan loh vêk pawhin kan inrualkhat vel ka ring a. Mahse, a landanah erawh ka upat hmel zawk deuh chuan ka hria.

"Mafel, ka rualin i chhuk ve duh em Lungleiah?" Zirsangliana min biakna chu chhân mai nachang ka hre lo va, a chhan pawh min be peih lo hmêl taka a tûm bûr ṭhin vang a nia.

"Ka hna ka la zo lo tih i hria alawm,"

"Ka riak dawn hleinem i duh chuan lokal ve la, khawvar hmâin kan thleng leh hman daih ang," tiin a ding hluai a, a thawmhnaw inbel chu a inhmeh kher mai.

"Ni lo ve, engmah tih tur ka nei lo." Ka ti deuh hmak a.

"Ka sâwm der ve mai mai che a nih kha, doctor phur tur chuan ka la junior mah mah." Ngeiawm zeta min chhânna chu ka hre lo der thung.

Min biak zui leh ka hlauh êm avangin ṭûl lo puiah bathroom ka pan ta ringawt a, hetia kan inbiak kan inbiak chuan ka duh palh ka hlau. Ngeiawm leh ngêng deuh anga alan dan phênah hian mi hîp theihna riau a nei tlat! Chu chu tûn maia ka hmuhchhuah thar a ni a, ka duhzawng lah a ni hauh lo.

Kei hian engtin emaw mitmei ta ila îhe lova min ngaihven rinna ka nei tlat nia!

A chhan chu mipa lerh hmêl tak anga ka hmuh vâng a ni.

Ngaihzawng neih lam ka la tinzâwn lo nasa mai si a. Hetiang khualzinna a ka tawn chawp lehnghal! Hus! A hmel ṭhatna hi intihbuaitîr ka tum tur a ni lo bur.

Bathroom aṭanga ka chhuah leh chuan alo awm tawh lo va, a car tlânliam tur erawh ka hmu hman. An unau hian an hmelṭha vek a, Zirsangliana mizia erawh a hran hlak niin ka hria.

Nula puitling, mahni inenkawl thei china ngaih ka ni tawh a, khatiang mipa, 'hairstyle' mumal pawh nei lo laka inhamtâng mai mai tur ka ni lo. Mahse, amahah khân eng emaw ka hriat fiah thiam si loh 'riau' a awm tlat a, a âw ka hriattirh phat aṭang khân mipa satliah a ni lo tih min hriattîr lawi si!

Ka invên viau loh chuan kei hi a zûnah ka uai palh mai ang. Mipa, vawikhat ka hmuhnaa ka huat hmasak ber leh hmel ṭha ka tih awmchhun a ni hial ta ve ang.

Amâ lamah eng mah awm lo mah se kei hi ka rilru puthmang a dang hret tih ka hre tlat a ni...

'Theihnghilh rawh' tiin ka infuih rilru sauh sauh a..

©<++++[BeckirafARenthleI]++++>®

RAPSAGY

Becky Rafa Renthlei

Chapter-2

Pa Hriata te nupa an lo haw meuh chuan zan dâr kua ari tawh a. Arini'n chaw ei a siam sak zung zung a, kei erawh ka Laptop hmâah ṭhuin vawiin lam report ka type fel thung.

"Mama leh Nutei chu eng maw an tih dâwn?" Nu Zuali ṭawng ka hre pha ve reng a.

"Ka hre bik lo. Lungleiah ka kal dawn tih bâk sawi a nei lo."

"Mama leh Nutei inkawp hi chu ka duh lo viau asin le, Nutei asual tihna nilovin a thîkthu a chhe lutuk a, kum eng emaw zât an inzui tawh chung pawh hian vawikhat tê mah kan inah a rawn chuangkai ve duh lova: vêngkhatah kan awm ve bawk nen miin an chanchin an sawi duh ṭhin lutuk hi ka hre kham hlûi tawh," ati barh barh a.

"U Nutei hian a ring zo hlawl lo alawm, bâkah zû in zeuh zeuh a chîng ve bawk nen keipawh ni ila ka lawm miah lovang." Arini'n atih chuan dik ka lo ti ru viau. Mipa ina lên dûk dûk te chu min sâwm a nih si loh chuan a zahthlâk ve alawm le.

Chumi hnu chuan ka hnathawh chungchâng leh kan chhungkaw chanchin min zâwt zui daih a, an nupa hian min ngaina ve riauva hriatna ka'n neih tlat chu.

"Mafel, nang zawng i puitlinga pasal ṭha tak i la neih ngei ka ring." Nu Zuali'n atih chuan, "Pasal neih lam pawh ka la tinzâwn lo, ka nu leh pa kiangah awm thei rih lo mah ila, pasal neia hmun hrang daiha ka awm tur hi ka ngaingam lo a ni ber mai."

"Khaia! Hmeichhiate kan zahawmna chu pasal te hi anni asin. Hna ṭha leh rintlâk nei ringawt mahila min uap lum tur pasal kan neih loh chuan a ho zo vek a nia, kan Zirsangliana pawh a zirlai zo se Aizawl lamah a awm tawh ang," ati leh a daih a.

"Tunah eng nge a zir a..?"

"M.Com hi July thlaah a zo anga, a patea sumdawnna a chhunzawm dawn alawm, a kutah engkim dah fel a ni tawh a, kan hnâ vang hian helamah kan awm lo thei si lo nen a buaithlâk a nih hi.." tih pahin Neembu a vel a, ka chil a pût ru deuh.

"A patea chuan a enkawl zawm thei lo nge, ava mak teh daih ve...!?" Laptop khupin an bulah ka ṭhu phei ve ta a.

Hriatchian châkna ka nei tlat nia.

"A patea, i pa Hriata nau chiah hi a nia, nupui neih tumin kan inbuatsaih vek tawh a, chutih lai chuan a nupui tur hi Lung lam ṭhalo vangin a boral thut a, khata ṭang khân nupui neih leh chu sawi loh a tuar em em a, tihian engmah ti hleithei lovin a awm ta a, zû a in nasa lutuk bawk nen i pa Hriata pâ sumdawnna a rochun pawh enkawl hleithei lovin a awm ta a. Fâ a nei bawk si lova Mama kutah a hlân fel ta a ni. Ti hian zu ngawl veiah a chhuak a, Mama pawh kan hnenah a awm ngai mang lo. Chawlh a neih apiangin a patea a buaipui nghal char char a, a chângin Arini'n a va awmpui thûl.." ati deuh duah a. A rilru a hah hmel kher mai.

"Midang han buaipui tur an awm îk lo em ni?" Ka lo ti sap a.

"Awm bîk nâng. Hriata leh amah chauh hi unau an ni a, kan chhûng hnai deuh te pawh Lunglei leh Siaha lamah an inbêngbel bawk nen kan phur a rit ru ve riau asin."

"Lokal r'u, ser bawl hi ei ang," tiin side table-ah a thilsiam chu a rawn chhawp a. Arini nen kan eihnem ngang mai!

Dâr 11 kan meng thleng a, thil ho mai mai kan sawi zui ta a, Zirsangliana ala rawn haw lova, Sangpuia lêng rawn haw laiin keini pawh mu turin kan room ṭheuh kan pan ta a.

Zirsangliana

1:00Am

Nutei hruai a ngaih vangin Lunglei ka chhuk tih ka chhûngte hrilh kher ṭûl ka ti lem lo a, ani nen hian kum hnih aia tam kan inzui tawh a, kei aiin kum liin a upa zâwk. A hriselna a ṭhat tâwk loh avangin akhât tâwka incheck up reng a ngai a, nimin lamah a chhukthla kha a nia. Nizana kan inbiakin 'min lo hruai rawh' ati a. Tunah lêm ka ruala chho duh leh lovin a lo titau a, a chhan pawh kan vêng ho ṭawngtheih lutuk vâng a nia. Tlai lama kan mikhual ka phur khâ an lo hrilh hmanhmawh pek alawm le!

Rei ngial ka thlêm hnuah pawh a lungawi thei ngang lova, tihian ka haw chhoh san leh ringawt a nih hi. Natna nei chu ni lo se ka ṭhen vang vang tawhin ka ring. Mahse, a damloh hmâa inzui ve tawh kan ni a, hetia a awm tâk vanga kalsan hi ka duh chiah bik lo a ni.

Amah vang hian ka zirlai vawi tamtak ka ti khaihlak tawh a, ka patea ka enkawl lai pawhin min rawn phone zingin ka hunâwl zawng zawng amah biak nân ka hmang fai vek a. Ka hmangaih em ka hre lo nâin ka duh viau tih erawh ka pha thei bik lo. Mahse, atâna ka rinawmna hi a hre duh dêr lo! Amah lah a luck phian si a, ngaizawngtu pawh a nei thei angreng viau. Chûng zawng zawng ka hre vek chung pawhin mipa ka nih ang ngei hian ka ngawi mai ṭhin kha a nia. Zanina min ṭawngkhum dan erawh pâidam harsa ka ti a ni.

"Mama, eng pawh nise inṭhen phawt mai ang, ka thil leisak ho zawng zawng che kha min rawn thawnkir vek ang che. I duh leh zû chu in la, duh leh ngaihzawng dang pawh nei rawh, eng atan mah ka ti lo" atih ri chu ka bengah a ri tlut tlut a, motor tidingin whisky ka in leh ta nge nge a, M.Com ka chhuah hunah inneih te hial kan sawi dun ve tawh a, a hmeichhia zâwkin hetia min ti hi ka ngaihdan a ni lo khawp mai.

No thum lai ka in zawh hnuah muang chângin ka inkhalh chhuak leh ta a.

Kan mikhual intivei zet kha ka mitthlaah ka'n hmuh chuai chuai chu le!

A sâng ṭha reuh hle a, a ngo lutuk lo nâin a vun erawh a nung sar si! A hmaifang dik zet leh a sâm sei angreng tak khâ a nalh ru phian a, Nutei ang lo takin a nû zêm lem lo. Doctor niawm rêng a ni. A inhmuam ûp em mai. Ka nau, Sangpuia khân a star tih ka hria a, kei aia a upatna a chhe viauvin ka ring. Nilo, kan inrualkhat vel maithei zâwk a ni.

A nungchang hrim hrim a 'confi' mai bâkah a hawiher a zâng vah a, khawvel hi eng atân mah ti lo hmêl a pû-in ka hria. Engtin emaw taka tih châkna ka nei tlat pek a: mahse, a khirh hmêl riau chu ka ti. Nutei theihnghilh phah nân a ṭha dâwn riauvin ka hre ta a, a lo chhe lo ve kher bawk nen ka phûr ru sarh nia.

Kei hi Zirsangliana ka ni a, eng emaw chânga ruih zeuh zeuh ka chîn avangin ka zirlai pawh kum hnih ngawt ka chawlhsan a, sawrkar hnathawh ka tum miau loh avangin ka hmanhmawh em em hran lova, graduate kha ka tân a tâwk rih. Ka pû ( ka pâ pa ) sumdawnna enkawltu tur ka ni a, tunah pawh ka enkawl ṭan chu a ni deuh dër. Tlangval ṭhalai fit zek zawk ka ni bawk a, hmeichhe lamah pawh ka thei ve viau a: mahse, Nutei nen kan intawn chinah hian rinawm takin a tân ka awm ve ṭhin kha a ni a. Ho hle mai, ani lahin 'ka thei ber' ti niawmin min la ṭhen hmasa zui a nia! 'Ka na lo' ka tih chuan dâwt ka sawi tihna a ni.

Ka chhûngril a na ngut ngut a, mipa ka nih avangin ka sawilang lo mai zâwk a ni.

Garage-ah car-ka dah lut a, rui viau lo mah ila ka lû a hai chhak chhak hle mai. Ka thluak nu but tihreh tumin lû ka thing nawk a, a reh phah lêm hlei lova. Kan mikhualnu room- a thim ṭhap tawh a, va pawh mai lo tura ka insûm nasat angai viau.

Ka phone-ah lai arik chuan ka hawi phâwk hle a, tun anga min call ngam tur chu pakhat chauh an awm.

Nutei..

"Mama, i thleng tawh em?" zawi sapin a rawn ṭawng a.

"Umn..."

"A ṭhat chu, tûn bâk rawn biak che ka tum tawh lova, nang pawhin min rawn be tawh suh ang che." atih chuan phone ka off hmak a, ka rui lungpuam bawk nen ka thin a thawk deuh thut a, dawhkan ka tlawh rîk bur rualin ka pai deuh chawn chawn a, ka mitmeng fiah lo tiâl tiâl mah se kan mikhual nu hmêl ka hmu hman vuai..

"Hey, harh ta che maw le!" Hmeichhe aw chang fak ri ka hre hmasa ber a, ka mit men tumin ka khap sak sak a: mahse, ka lu na tluk tluk avang chuan ka meng peih leh lo.

"Rui ṭhing lutuk.." tia phun sap thâwm leh tui bottle hâwng ri rak rak ri ka hre zui leh zat a, "Nute..." ka âw a zawi kher mai.

"Hus! Zirsanglian rui nâwi pa, i chhûngte tihharh i duh loh chuan i hmui khâ chîp hmak rawh." Mafeli ṭawng dan chuan ka nuih ati za deuh reuh, engtin nge ka kiangah a lo awm ngawt theih!

"Dâr engzat nge?" Tia ka zawh chuan a sana bunlai a bih leh tê tê a, a doctor tarmit tel lo hian a meng fiah fê zâwk.

"Dâr thum leh a chanve a pêl, i harh tawh chuan i pindan lamah insawn rawh le.." khum aṭanga tho chhuakin kut kuangkuah thân hian min en a, a boxer hâk tawitê ina a khuh chin bâk a malpui leh châwn vel chu a nalh ngei mai. Ngaihzawng te a nei ve ngei turah ka'n ngai deuh ngawt a.

"I khuma ka mut ngawt dan ka hre lo."

"Hre lo rêng ang chu, energy drinks ka pâi hi in la insawn tawh rawh lem.." hnial chi miah loh leh dam thlap si a min biak avang chuan ka tho chhuak ta ṭalh ṭalh a, "Zîngah hei hi min dîl dawn nia," tih pahin car chahbi a lek lang zauh a.

"Tunah min pe mai ta che.."

"No, i lo inbelh leh emaw a ni anga, khawnge, khawnge? I tih loh nân ka lo kawl ṭha dâwn alawm," tiin a bag a hâi rak rak a, 'Lion' bûr khat rawn dah chhuakin, "In zo vek la, mi â i nih loh chuan zû inbelh tawh suh ang che." zâwi sapin ati ta a.

A thil ken lai min pêk hnu-ah ngawirengin a room chu ka chhuahsan ta a, ka rui a reh vek bâkah ka zak ru chem chem.. Ṭawngkam dam thlapa min biak vêl dan khân ka zah ati zual.!

Ka khumah ka mu meng reng a, muthilh tum mah ila ka thei dâwn chuang lo tih ka hriat vangin zâi ka ngaithla ta a. Nutei hmêl mitthla ka tum apiangin kan doctor-i hmêl zuk lang zêl a!

8:45 Am

Ka harh leh chuan ka phone-ah zâi ala in'play' reng a! Ka lo muhil sek ningei tur a ni.

Nizan ka awm dan zahpuiawm zet kha ka ngaihtuah chhuak zawk a.

Rang lutuka inperh thovin choka lamah ka phei nghal a, ka room dawt chiah hi kan doctor nu room khâ a nia, thuphâ châwi ka tum hauh lo. Mahse, vawiin lamah erawh 'free clinic' an neihna hmunah hruai ngei ka tum thung.

"Khaw'nge Mafeli?" Choka-ah ka nu chiah a lo awm a.

"I pa-in a thlah chho tawh. Dârzât enna châng te hre ve la.."

"A la hmâ e, tumah kal pawh an la awm lo ang."

"A ṭhiante ruala kal tum a nia, i pa'n a remti lo a nih kha, a rêng rêngah nizan ang khân vawikhat mah rui tawh suh. I thâwm hre lo kan ni hleinem, Mafeli zâwk a tho tih kan hria a kan inrawlh duh lo a nih kha.." zuk ti sam êt a!

"A ma'n a sawi a ni zâwk lo maw!?"

"Teuh lo mai. Ani te zawng nangni anga râk chiam chiam chi a nih loh kha maw, Nutei ai chuan ka ngaina fê," tih pahin chaw ei min siam sak a, ka nuih a za ru deuh. Nutei hi ka nu hian a ngaina tehchiam lova, a hua tihna phei chu a ni lo.

"Ka kherh dâwn em ni ang?" Nui suk chunga ka chhânna chu, "A duh chuang lo ang che. Zu in mi neih ai chuan ngaihzawng nei lova awm pawh a duh zawk ang." Inti hre zetin ati leh a.

"Kan la hria ang chu, Nutei nen kan inṭhen tawh." Ka tih chuan awih loh hmel takin min melh hû a.

"Zirsanglian, i duh duh sawi ve ringawt suh, i bialnu chhetê kha i hauh ve hlur chu a nia, i zirlai zo la, Aizawlah awm vang vang ang che."

"Teh reng mai, ka kalbo san hunah che u chuan 'Mama Mama' tiin min lo phone sek tawh lo u la.."

"Mama, kan tih loh che in 'Mami' tiin kan ko dâwn che mi?" Ka nu nuih za lutuk chu ka nuih ve lehchhawnga a ho zo leh vek.

Min ânkhumin min hau nghek nghek mah se ka nu a ni tlat a. A thinrim rei thei tak tak lo.

"Arini leh Mafeli pawh an inkâwm thei phian a, a rualpui ang maiin Arini te kiangah a nuih ve chiam chiam kha, tukin pawh eirawng an bâwl dun a, a doctor zirlai chanchin vêl an inhrilh a.."

"Engtik thleng nge a châm dâwn?" Tia ka zawh chuan, "Naktuk chawhnu hian kan khaw ṭhenawmah hun an hmang leh dâwn a, zîng chaw eikhamah an kal ka ring." A ti ta a.

Ka lo huphurh ve ringawt! Ka engmah a ni lo nâin a bula awm kha a hahdamthlâk riau ka ti.

Ka pa'n a lo hruai thawt thawt chu ka ngei kher mai. Nizana min buaipui vâng tal pawh khân hruai ve ka duh deuh a nia. Car chahbi min pe ta miah si lova, khawiah nge a dah le?

Ka chaw ei a tui hlawl loh avangin eng tham mah pawh ka ei lova, nizana ka thil in khân min ṭhîng te pawh a ni mahna..

Mikhual pindanah ka lût zuk a, eng nge hmuh ka inbeisei pawh ka hre bik lo.

A pindan zimtê pawh a tifai ngêi mai! Carpet var lam inphah chu a fai sar a, a bungrua leh a thawmhnaw nise a inremfel thlap a, ka ngaisâng ru viau. Laptop inkhup chuan ka mit ala hle bawk a: mahse, mahni tâ lo khawih duh tur khawpa mipa nêp ka nih loh vângin ka khawih ta lo.

Dawhkan chunga lehkha thém inthlep leh car chahbi lo awm chu ka hmu ta a. Rang mangkhenga banin, ka chhiar zo chiah chu ka nui suk maw le!

"Zirsanglian rui nâwi pa, chahbi pawh ka dah e, hmeichhe pakhat vânga rui kual mai mai lo khân 'engtin nge ka chhûngkua hi ka enkawl ang' tih ngaihtuah zâwk la mipa dik tak i nimai." Tihte mai hi a lo inziak a, kan doctor-i nge nge a kutziak pawh a felfai thlarh alawm le.

A room ka chhuahsan lai pawhin ka nui deuh suk suk reng a, a lo hâw hun ka nghâkhlel hle mai. Nge, free clinic neihna hmunah ka kal ve zâwk ang âw..

"Mâm, vawiin chu u Mafeli han ṭawiawm ve ila," Ka nau, Arini min sawmna chu ka hnial loh zâwng tak a ni.

"I peihte chuan ka peih reng.." chhûngril nui var var chungin ka chhânga, amah ka ngaizâwnga ka duh ta tihna nilovin a kianga awm ve hrim hrim ka châk tlat nia! Councelling class tênau kalah ka inngai deuh tlat nia maw le. A chhan chu a ṭawngkam chhâk chhuah reng reng a dik thlap a, ngaihthlâk a hahdam viau lawi si! Atira amah ka lo hmuh dan nen a inang lo ta khawp mai. Nula chapo leh induh tâwk tak a nih ka ring kha a nia. Mahse, a lo ni teuh lo. A puitlingin a dik thlarh zâwk a ni.

"Inthlâk la, khatianga kal te chu a chi miah loh a nia," ka nauvi ṭawngah chuan ka phu zawk a. Eng vanga phûr viau nge ka nih pawh ka hriat si loh.

Jeans half pen hâin a chungah shirt var sar ka inbel a, ka sam pawh nidang zawng aia ka'n siam uluk chu le!

Arini nen YMA Hall lam panin kan inphur chho ve ta a, ka pa'n Bike a ken vangin car kan keng ta zâwk a, zu ṭhing rim ka nam lo turah ngai ang.

Kan khua hi in zaruk bâwr vel kan ni a, VC pahnih kan nei nghe nghe bawk. Chuvangin mipui an tam angreng viau a, ran vulhtute zawng zawng kim vek lo mah se a tam zawk chuan an ngai pawimawh viauin ka ring a. Bâwng vulhtute leh Ui, Vawk leh Âr vulh pawh mi eng emaw zât an awm a ni. Kei tak hi chu ka awm khât êm a: ka nu leh pa an pension te a nih ngawt loh chuan kan awm reng rih dâwn tihna a nia.

Hall chhûngah ka nau nen kan inzui lût ve ta a, ran kan vulh pawh a ni lo. Kan mikhual doctor ṭawiawm tura kal kan nimai a, ka inthiam chawp deuh a ni ber mai.

Dr. Mafeli chu a dawhkan bulah ṭhu-in 'Husky' ui tereuhtê a lo check mêk a, a hmêl ka hmuh rualin, 'Zirsanglian rui nâwi pa' tih ṭawngkam khâ ka ngaihtuah chhuak zawk a, ka nuih a za ngei mai.

Nula leh tlangval hmuh tur an awm nual a, an ngaisâng viau a nih loh pawhin an ei lo hlê tihna nge an en duh hlawm angreng.

A chezia reng reng a muang uchuak hauh lo a, a dam thlapin a nui sâng bawka, amah betute tân pawh biak a nuam viau ang. Ka bulah lêm a inla fêkfawn ve em em a, a nui hmêl ka hmuh awm pawh ka hre lo e a.

A nâwlpui an zawh hnu-ah kan unauva kan lo ṭhutna lam a rawn pan ta a. A sam sâng takah vialin a ir no var hâi chu a langchiang hle a, Silver bengbeh a mûm pakhat leh a kual a beh bawk a, Ṭhî pawh sîntê a awrh tel tih ka hmu chiah! A kutah zungbun hmuhtur a awm lova, Silver rawng tho Sana a bun tih nizan khân ka hmu tawh bawk. Â hah! Ka enchîk mah mah.

"Eu! Nangni pahnih chu eng ranvulh nge in neih ve a?" A nui sâng a, a ha var rual ṭhap chuan ka mit ala kher mai. Sahdah, Tuibur leh Kuhva tih velin atibuai ve lo tih a hriat mai.

"Englo..Mama'n kal ve ang ati a," Lalrinpuii mai mai chu(h)! Chawp leh chilha dâwt a'n sawi chu le.

"Ah! Zirsangliana hmêl pawh kan hmu ve alawm," tih pahin ka lam a rawn hawi deuh hâ a, a hmâ pawhin min hmu reng tih ka hria, ngeiawm thiam ve asin.

"Nia, niminah kan telpui ve hman si lo che a, kan lokal ve a nih hi.." ka ti sup a.

"In fel hle mai, tikhân lo ṭhu leh lawk ula, kan inpeih har tawh lo ang.." tiin a ṭhutna lamah min kîrsan leh ta a. Min ngaihpawimawhna arawn tilang hrim hrim pawh khâ Arini lawm tâwk a tling a ni ang, a sawi chhên nia! Keipawh ka lawm tho nâin lawm anga lan ka tum teuh lo.

Dâkar chanve vel kan awm leh hnu-ah an inpeih fel ve ta chauh a, hundang chu nise ka ning teh ang chu! Mahse, Mafeli chezia hian engtin emaw tak min ko tlat si.

"I pa rualin nge ka hâw dawn, in rualin?" Kan bulah a lo phei leh tawh a, a inkhâi bâwr angreng bawk nen Bike-a chuang chi ninghal lo chuan..

"Arin, ka pa phone la, kan rualin a hâw dâwn tih hrilh mai rawh.." ka ti ta a. Vawikhat na reng reng chu ka'n phur leh teh ang.

Kan in pana kan tlân lai te chuan ka nau nen an ṭawng char char a, ka awm ve tih pawh a haider hmiah reuh em maw ni! Ṭawngkam khat mahin min be lo.

"In pahnih hian awmdun ta ula midang kawm nachâng inhriat pawh ka ring lo." Tlânchak sawt paha ka tih chuan min rawn melh zauh a, "Kan pahnihin kan awmdun reng alawm, hei bâk bâk," tia Mafelin min chhân chuan ka dang dër!

"Ni chiah.." Lalrinpuii'n a lo la tive lehnghal a, ka ngawi zui hmiah.

"Zanin tlâiah chaw ka ei dawn lo aw Arin, kan thawpuite'n min sâwm ve si a.."

"Ehe! ka va'n ngei e, thil tihsak tur che ka nei a nia," tiin zawi sap, ka hriat ve loh turin ava hrilh ru kher a, Lalrinpuii khawsak phung chimawm zet hi ka la khak ang maw le.

In kan thlenin dâr thum ari dâwn tawh a, hmundanga chaw ei kher a ṭul pawh ka ti lo. An thawhpuite nen chuan an la eiho thei dâwn thova, naktukah khaw danga an kal leh si chuan biakna hun mumal pawh ka nei dawn hleinem..

"Zirsang, zanin tlai chu ruih awih tawh loh aw.." Mafeli'n a pindan pan pahin min fiam a, ka nui tâwi tak mai.

Ka zui lût ve ang nge, zui lovang tih ka ngaihtuah fê hnu-ah 'Kan in alawm le," tiin ka zui ve ta a.

Khumah a lo ṭhu a, phone a lo hmet mial mial bawk a, "Inpa i ngai chu a ni êm lo maw!?" Tia ka biak chuan a phu zawk thei nia!

"Eng nge i rawn tih dâwn? Engmah tihtur i nei lo," ati deuh hmak a.

"Nizanah pawh engmah tihtur ka nei chuang lova i khumah ka mu tho alawm."

"A lo nih tak chu. Nizan nilovin zanin tlâi a nia, i chhuak thei," kawngkhar lam a kâwk váh a. Ngeiawm dan chi hrang hrang pawh hi a lo thiam hi maw le.

"I pindana min hruai ve ngawt nachhan kha min hrilh hmâ chuan ka chhuak lovang," ka tih chuan dâr san âk chung hian, "I rui chhe lai hmêl i nu leh pa, i unaute'n an hmuh che kha thil ṭûl ber a nih loh vângin, a chhan chu mipaa a upa zawk leh rilru neitur zawk i ni a, Sangpuia te Arini te hi, i awm ang khân awm ve se i duh dâwn em ni?" Tia min chhânna chuan thil thui tak min ngaihtuahtír zawk nia.

"Chuvang chuan min hruai lût ta a..."

"A nih lohvin engvang nge ni-a i lo rin a..?"

"Ka hriat loh vang alawm ka zawh che.."

"I hre tawh bawka min chhuahsan tawh rawh le, inthlâk ka duh," ati sap a.

"Hmundanga chaw ei kher a ngai em ni?" A mitah tak ka en a.

"Ngai aniang ei ka tum tlat sia,"

"Remruatfel..!"

"Eng nge Zirsanglian?"

Min chhân ve zêl avang chuan tlâwm mai ka tum lo. Henu hian min cho âr reng mai a, vawikhat tal chu ka fâwp leh ngei tur a ni.

Chutah kûn hniam thutin a khabe-ah ka chelh sak a, a lo ṭang nasa ngang mai.

"Nutei nilovin keimah Remruatfeli ka nih hi.." a sawi zawh rualin chiang mangkhengin min melh a, a thawmhnaw pawh thlâk ta chuang lo chuan zuk chhuak daih a..!

Mipa ka nihna leh Zirsangliana ka nih vang hrim hrimin henu hi ka hneh ngei tur a ni.

Ka hneh hmâ chu ka beidawng lovang. Hmangaihna lam nilovin induhna pawh nichuang lovin 'chona' a ni chona.

A tlâwm hmâ chu ka thiamthil hrang hrang hmangin ka thlêmthlu ngei tur a ni dâwn lo'm ni? Nutei a ni lo ngei a, a ni ngai hek lovang. An mizia a inpersan vang vang em mai...

Tunah chuan ngaihzawng nei lo, tlangval zalên ka ni tawh a, ka duh lam lam ka pan thiang tawh tlat a, ka pan rêng bawk ang..

©<++++[BeckirafARenthleI]++++>®

RAPSAGY

Becky Rafa Renthlei

Chapter-3

Zirsangliana

8:30 Pm

Zanin chu zû far khat pawh ka'n in loh ve teh khiah chu le! Khanu vang khân harhfîma awm ka châk phah a, Nutei'n ka rilru a luah tho tak nâin vawikhat pawh min rawn be nawn tawh lova: ka be bîk hek lo. Ka theihnghilh hmin ṭhak chuang lo a, ka haider chauh zâwk a ni.

Dâr riat a pelh hnuah pawh Mafeli a lo la haw lova! Ka nu leh pa damlo tlawh pawh an la rawn haw lo bawk nen Arini nen chauh kan awm a. Ani lah chu a room-ah a inkhung hmiah a; inlêng a nei ve zauh zauh tho tak nâa regular deuh pakhat a awm ve. A bialpa tepawh a ni mahna..

Sangpuia a lêng chhuak daih bawk si a, tihtur hre lovin TV ka en thûl.

Mafeli phone number ka nei lo tih ka hrechhuak chawpchilh a, whatsapp aṭangin ka pa ka zâwt a, min chhâng har hrep lehnghal. Doctor-ho pawh hian huau huau an lawm ve tho a nih hmel.

Dârkua arîk tawh hnu pawha a lo la haw tâk loh fo avang chuan min mawlhtu eng emaw tak a awm a nichiang. An thawhpui pa te in ah kal ka tum ta a, thil mawi a ni lo tih ka hre thova; mahse, thlithlai ve hrim hrim châkna thlarau sualin min man tlat nia!

Bike-ah ka ṭhu fel chiah tihin kan kawtah Car-a rawn inhûng dawt a. Remruatfeli ngei mai chu a rawn pên chhuak ta a. Veranda light-in a hmêl a chhun chiang sak sak bawk a, a mitmeng dul raih leh meng chiai chuan ruih a nei tih ka hmuh hmaih lo chiang kher mai!

"Mafel, ka lo lût lo mai ang," driver ṭhutna lam aṭanga mipa aw hniam sat rawn ri chhuak ka hriatin chulam chu ka va en leh kher a, a hmêl erawh ka hmu chiang thei lo. Remruatfeli chuan zuk chhâng miah lova!

Hmeichhe polite tak ni khân ka hre si a! Vawikhat pawh hawilêt tawh lo hian kan inchhûngah a pên lût ta a. Min hmu miah lo!

Rang lutukin Bike aṭang chuan ka chhuk a, ka zui lût ve ta nghal a. Tâwi khawmuang miah lova a pindan a pan nghal nal nal danah thil fel lo a awm tih ka man ve mai.

"Mafel...!?" Khumah ṭhingṭhiin tukverh lam a hawi a, a 'flat shoe' bun lai pawh a phelh hek lo! Ka koh nawn leh pawhin min chhâng chuang hlei lova, khumah chuan ka lâwnkai ve ta ringawt a.

"I nuam lo deuh em ni?"

"Remruatfel..!"

Min la chhâng ta lo fo! Vawilehkhatah a uak pawp a, a luak nghal bawrh bawrh nia! Beer leh zu chawhpawlh rim a nam rum rum a, mak ka ti hle mai.

A hnungah ka kut veilama chûlin dinglamin a chal ka dawm sak bawk a, reingial hnuah chauh hmel zet hian khumah a mu ta a. A maimitchhing zui daih.

Dimtêin a pheikhawk bunlai ka hlihsak a, engtin mah min hnial lo. Â, a meng lo hrim hrim a ni zâwk!

An chaw eikhawmnaah zû a in ve tih a lang reng a, mahni inzât tur hre lo khawpa naupangchhia chu a ni lo maw le. Nge, a in ve ngai lo anga a hneh lo zawk tih pawh ka hriat si loh.

Zawitêa ka koh leh pawhin min chhângtu an awm lova, a thâw ri sâk sâk bâk hriat tur a awm hek lo. Zan dar 10 ari chiah bawk.

Ka nu leh pa lo haw lai pawhin ala mutui hle a, mawihnai takin ka'n phatmar sak hrâm kha. Hmeichhe zu in ka ngainêp hle ṭhin kha a nia; mahse, ani in erawh mak takin felhlel a awm tih hriatna ka nei tlat. Doctor a rûka zu in ṭhin an tam tih ka hria a, chûng zingah chuan a tel ve lo ang tih ka thinlung hian a hre tlat. Nge, ka lo ring ṭha mah mah zâwk!?

Ka room-ah ka pheisan ta a, phone ka khawih reng lai pawhin a hmêl hlir ka mitthlaah alan reng avangin kei hi ka muhil thei dawn lo tawp. Muangchânga ka khum thawhsanin a pindan lam ka pan leh ta nge nge a.

A saisîrin a lo mu ngât a, Dr. Remruatfeli kha hmuhtur awm miah lovin nula ngaihawm leh tihnat awl tak angin ka hmu tlat nia! Min haw dawn mah se kei hi a bula mut ka châk tlat a nih chu!

Ka shirt hâklai hlipin tawnzau nen chauh a kiangah amah si chêtin ka inthawlh ve ta a. Ka kalsan dawn khan puan ka sintír lo a, a Rizai inthlep keu pharhin amah nen kan sin dun ta a. A che eih lo maw le! Nautê ang maiin tuitak hian a mu chiah chiah a, a thâwk lâk zâwng a, zû rim nam leh hak ṭhin chuan min ti in châk ve vek.

Minute15 dâwn ka mut hnuah zu in châkna sual bawk chuan min bei leh ta. Dimtêa thovin ka room lamah ka lêt phei a, Royal Stag ûm khat ka dah ṭhat chu phawrh chhuakin muangchâng hian ka in ta a. Rui lutuka awm khâ ka peih ta chiah lo deuh nen ka kâi nuam deuh ta maw tihah no chanve dang ka thli leh a, nizana Mafeli min pêk 'Energy drinks' khâ a khat papin ka pawlh a, a pindan lam ka panpui leh ta a.

Eng rilru chiah nge ka put pawh ka hrethiam tawh bik lo.

Khum bul dawhkanah ka thil ken chu dahin ka chhin thlap a. A rûm ṭiah ṭiah ri chu ka bengah a ri ring kher mai. A âwmbâwr kawh lah 'Ka cho che' ti niawm taka rawn inpho vâh chuan ka mit ala hle a, Nutei nen vawi tam sex kan hmang dun tawh ṭhin kha a nia; mahse, Mafeli ka îtna hi chu a hran hlauh a ni. Min hîp zar si...

"Lawmsang, min hnaih miah suh.." zawi sapin a rawn ṭawng chhuak ta a.

Tunge Lawmsanga chu nita ang?

"Mafel, i harh em?" A beng bulah ka phun sap a. Chiang kêk kâwka rawn mengin "Eng nge hetah i tih?" Ati chang ta fak a. Remruatfeli dik tak khâ a lo lêt leh ta.

"I rûm reng a, i damlo a nih ringin ka rawn ngaihven che," dâwt sawi ka va awlsam si êm..!

"Ka ṭha tawh a nih dâwn hi, i kal thei tawh ang." Tiin ṭhutchhuah a tum a.

"Aw le, hei hi in phawt la i zia mai ang," nichina zû leh 'Lion' inpawlh ka siam kha banin a kutah ka hmehbel ta chawt chawt a, "Eng thil nge a!?"

"Lem pawp pawp la i muhil leh dawn nia,"

"Yes, ni rawh se.." ngaihsam zet hian zuk in zo nghal vek a. A hrawk aṭanga ri thla raih raih ka hriat chuan ka nui suk. A thluak lam ala chiang vak lo a nih dâwn hi..! A rim aṭanga a hriatchhuah ka lo hlau ru deuh a; mahse, engmah a sawi lo. Tuiti awm em em in a in zo duak nia!

"A thlum lutuk lo a nih hi," ala ti tak deuh deuh a!

"I duh leh em?"

"Min siam leh dâwn em ni?" A nui sak a, a mitmeng a fîm riau lawi si.

"I duh chuan ka siam leh ang che, tikhân lo mu hahdam rawh i chau a nih kha.."

"Min duat hle mai," tih pahin ka malpui arawn tawk zauh a. Ama duh thû rênga min dehna hmasa ber a ni. A thil in a thawk ṭan zâwk pawh a ni mahna.

Phûr fê-in a intur chu a hmâ aia tak zâwkin ka siam sak leh a, luak lo tura ka ṭawngṭaisak ngei a ngaih hmel.

Zinglam dâr hnih a rîk meuh chuan inkuah chialin kan phun sap sap a, a rûi âw thâm deuh chhâlh chu a sexy kher mai. Kan ṭawng kârlakah kan infâwp leh zauh ṭhin a, chu aia thlen thui tumna rilru ka pu bîk lo.

Sex kan hmang dawn a nih rau rau chuan a ruih loh lai ngeiin le.. 'Mipa dik tak chuan hmeichhe rui lai an chêtsualpui tur a ni lo.' Tih hi ka ngaihdan nghet tak a ni.

"Kan inngaizâwng lo tiraw!?" A rawn ti heu mai le.

"Inngaihzawn i duh em ni?" Ka tih chuan, "Duh hran love." Ati lawi si a, ka nui chhuak teuh kher mai. Nula puitling ve uai tawh si. A nâwi ru phian.

Khawvar dâwn hnaihah a muhil leh ta a, kei erawh muhil thei si lovin a kâwngah ka kuah thân a, a lungphu dat dat ri pawh ka chhiar zat zat thei nia.

7:00Am

Ṭawng nak nak riin ka muhil lai min ti harh a, ka mutna hmun ka hai ṭhelh nia! Ka âwm nghênga muhil hmeichhe hmêl ka hmuh chuan famkim riauva inhriatna ka nei tlat nia mawle! Mahse, ani erawhin min haw dâwn tih ka hria, a chhan pawh nizan chungchâng kha a hrechhuak ngei anga a sa mai mai ang chu.

Arini nui ri hak hak ka hre chhunzawm a, "Mama hi a thawhna ava'n rei tawh awm ve?"

"A la rawn chhuak lo hrim hrim," ka nu chhânna avang chuan rang lutukin ka inlet thák a, Mafeli'n min kuahbet ta tlat a!

"Hey, doctor an mu rei ngai lo.." a biangah ka fâwp zauh a, a mit rawn mengin chiang lutuk hian min rawn melh a, "Min hai tawh êm lo maw, Zirsanglian.." tih paha min kuahna phelhin a ṭhu chhuak nghal a. Sawi tur ka hre tawh miah lo.

A sam sei angreng tak ṭâwn ṭha mawlh mawlh chung hian, "Tho vat rawh, min lo hmu ang e," ati zui sap a.

"Min hmu mah se pawi ka ti hleinem, Nutei nen kan inṭhen fel tawh.." ka tum loh deuhvin ka sawi chhuak hlawl a.

"Inṭhen mai mai tur a ni hleinem, tho phawt rawh le," ngai pawimawh awm lo zet hian a tho chhuak zui ta a. Ani hian min duhna chhetê mah a nei lo a ni ngei ang. Hmeichhe dang chu nise phâwk lutukin min en anga, 'Ani maw, engtikah?' tiin zawhna min zâwt ngei ang.

Kan doctor-i zawng a danglam fai vek a ni ber mai.

Chaw kan eilaiin Mafeli a ngawirenga, eng tham mah thil a ei lo hi mak ka tiru deuh ṭhin. Kan chawhmeh a tui lo pawh a ni lova, chhungkaw khawsak harsa kan nih loh mai bâkah kan phâk tâwka ei tiṭha kan ni ve chuan ka hria. Mahse, a duh loh zâwng hlir kan hmeh te pawh a ni maithei bawk a!

"Vawiin lam engtin nge in awm dâwn?" Ka pa'n a zawh chuan, "In khaw ṭhenawma kan kal hun kha a nia, hruai ka ngai lovang aw.." ati leh mai a.

"Hruaitu tur i nei em ni? I inthlahrung lutuk a nih kha.." ka sawi tum tak ka nu'n min zawh khalh hlauhva ka va lâwm si êm..

"Englo, Lawmsanga nen kan kal rual ang chu ka lo ti deuh.."

"Keima'n ka thlah ang che," ka tih chuan min melh zawk a, min hnial han tum vaih teh se, ka hruai dâwn tho tho a ni tawp mai.

"Nie, Mama hman ve lai a nia, Bike- in ken peih loh leh Car-in kal rawh u.." ka nu bawkin ati leh a, Mafeli hi a ngaina tih ka hria a, Sangpuia'n car ken a tum tih ka sawilan chuan "Bike-a kal pawh a pawi chuang hleinem, ka bungrua an phur vek dawn tho a.." alo ti ve vat a. Ka hruai a duh tihna..

Arini'n veranda-a ka dinglai min hrilhru sap a, "Mâm, u Mafeli hi chaw eia an sawm leh chuan chhuanlam siamsak rawh aw.."

"Engvangin?"

"U Zosangpuii te dawrah thil entir tur ka neia hruai ka duh.." zuk ti pek a!

"Ka thawmhnaw bâl min suksak dawn phawt chuan.." a hnungah ka bêng thák a. Sangpuia school kal tur pawh a rawn chhuak rimtui leh vut vut tawh.

"Ok, ka lo su dawn nia, ka sawi kha theihnghilh miah suh." Tiin inchhungah a lut ta a. Mafeli pawh a lo chhuak ve chiah bawk a, vawiin chu a kianga hun ka hmang nilêng dawn a ang riau mai.

"Ka inpeih e. Ka lo khalh zâwk dâwn em ni ang?" Atih chuan ka nui suk a. Henu hian khawi mah min phur thleng nguar ang.

"Zirsang, ka khalh thiam i ring vak nange?"

"Ring lo mai ni lovin khalh lo phawt mai rawh aw, ka lawm em em e.." kal paha ka chhânna chu a run deuh nge, a tûm hmak nia.

Kan khaw ṭhenawm pana kan tlân lai te chuan a confi mah mah. Min si hlek lo hian nghet zetin zuk ṭhu thiam a! Nutei ka phurh chuan nghet fê-in min kuah tlat ṭhin khâ a nia, ani erawh a khalhtu zâwk ang hrimin enghelh neih loh hmel zet hian a sam a phiar phei malh malh nia maw le.

"Nizanah khân tunge zû pe che?" Ala hmâ thova kawngsirah bike tidingin ka zâwt ta a. Min chhâng dawn lo emaw ka tih hnuah, "Beer in ve rawh min tia cane khat ka in," atih chuan ka nui chhuak hawk a.

"Beer rim nam lovin whisky rim i nam tlat sia.." awih loh hmel zetin a ner nâng a, "Zû kher chu ka in lo aw.."Helmet chhanah min nam sawk a. Thinchhe reuh mang e.

"Rawn thlahtu che kha tunge?"

"Â hah! Zirsanglian i dilchhût mah mah, kal ang le, zanah kan sawi dun dawn nia," ati a. Ka hnial ta bik lo. Zaninah a lo riak leh dâwn tih ka hriat phah tal alawm le.

Kan khaw ṭhenawm kan thlenin zinglam dârkua leh a chanve a ri chauh a, a bungraw phurhsaktute an lo thlen lai chuan 'Free clinic' anneihna tur hmunah kan lo awm diam tawh a, Nutei û mipa pawh ka hmu ve thânin ka hria! Min be lova ka be bik hek lo.

"Zirsang, nilênga helai hmuna awm chu i tân a ninawm deuh tâkah min hawsan la kan nauteho rualin ka lo lêt mai ang." Mafeli'n atih chuan ka ngaihdan a ni lo hle a.

"Ka ning ang tih ka sawi lai awm ka hre lo. I ngaih dan ang ang khâ phuhchhuak ringawt suh." Ka ti hmuk a.

"Ok, i nin dâwn loh te chuan a ṭha alawm, nirawh se.." tiin a pheikhawk hrui a suih ṭha mawlh mawlh a, vawiina a thawmhnaw inbel pawh a inhmeh leh hle a ni T-shirt dum body fit hâ-in, Jeans pâwl dâng a inbel a, sneakers dum a bun leh tawp. A insiam rei lo thei ka ti rêng a ni. A hmai nise a chei uchuak hauh lova, a mit erawh a hnawih dum deuh mah mah..

A thawhpuite'n an lo koh tâk avangin inchhûngah min luhsan ta a. Chutah lo lêt lehin, "Zû in miah suh ang che, inchhûngah i duh chuan ṭhutna tur a awm a nia," ati ta a.

"Ka lo lût ve rih lo mai ang. Helaiah hian ka ṭhiante an awm a, phone charge pahin ka lo nghâk ang che." Ka tih chuan a bu nghat nghat a. Min kalpêl apiangin min enzui zel avangin, 'Ka lût aw..' bân vai zauh paha tiin min luhsan ta a.

Inngaihzawnna lam engmah kan sawi lova, min duh angin alang bawk hek lo. Keimah vangin a nunphung a khaihlak eih loh mai bâkah a tâna ṭhianṭha ber ang maiin min enin ka hria. Kei ngei pawh hian ka rilru diktak ka hrechiang bik lova; mipa ka nihna angin hmeichhe nalh leh ítawm tak a nihna hi ka hnar phal lo tepawh a ni mahna..

Zorina te ṭhutthlengseiah ka mu awr awr a, ani hi college ka kalpui ṭhin a ni a, Aizawla ka awm loh chuan kan inkâwm nasa ve ṭhin. Mahse, Nutei ka kawp aṭang hian ka ṭhiante zawng zawng ka thlah vek angaih phah a; Kohhran leh YMA velah pawh ka inhmang lutuk ta lo. Kan inkawp tirh khân min control thei hlê ṭhin a, tunah hian ka ngaithei ta vak lo bawk nen kan inkâr a nghâwng ta deuh chû a nih hi.

Puitlin lam rilru ka pan chhoh zêl vang zâwk a nia, hmeichhe thuhnuaia awm ka duh lo bur. Chutih rual erawh chuan ka phâk ang tâwkin ka ngaihsakna ka lantir reng ṭhin a. Chennai-a ka awmlai pawhin min ringhlel reng ṭhin a, a rinhlelh anga ka awm loh tlat avangin ka sawisel duh lem lo ṭhin khâ a nia.

Ka whatsapp tone a rawn rîk a ka en chuan Mafeli a ni. Ka number a lo nei fel dêr tawh nia!

#Thingpui in a hun dâwna ka chah kêp vek che lokal rawh#

#Angai hleinem ka ṭhiante inah ka awm a#

#Lokal rawh, ka lo nghâk ang che#

Nuam ti vak lo chungin ka chhuak phei ve ta thova, min hriat chhuah pawh ka rin loh tehreng nen an buai si a, thingpui min chah kêp nachâng a hre ringawt pawh hian a ngaihtuah kim hle tih a tarlang viau a ni.

An awmna hmun ka va thlen chuan min lo hûi zauh a, a kianga chair âwl pakhat min kawhhmuh zui bawk a, ka ti deuh hûih-in ka hria. Doctor bulah, an hnathawh lai lehnghala ka lo va ṭhu ve ringawt hi thil mak chu a ni. Min zahpui ka ring deuh a; mahse, chutiang ni ta lo chuan hmêl hlim sarhin min lo be sawt sawt a, a thawhpuite hnenah 'Ka ṭhianpa leh ka thlen in pa ni bawk Zirsangliana a nih hi' tiin a hrilh vei thlap a. A hnuhnung bera ka chibai pa, 'Lawmsangzela' tia a hming min hrilh chuan ka beng a verh hle mai.

Nizana 'Lawmsang min hnaih suh' tia a ṭawng ri khâ ka hrechhuak zawk a. Nimin tlaia an chaw eina pa kha a nih ngei pawh ka ring. Kei ai chuan a hniam hlek a, a taksa erawh a inphut nalh angreng. Ani pawhin min enchîk hlê a, ka kut a vuan rei lo mai pawh a!

Mafeli'n min ngaihsak êm avangin midangho paw'n min be ve nghal sawt sawt a, ṭawngtam mi ka ni lo nâin ka tlangnêl thuai nghe nghe.

Beef roll leh paratha, coffee etc..a awm nual mai. Vety lam hian sum an ngah deuh nge, an chhûn hmeh pawh a tihtlâk viau. Ka ei ve nual mai.

"Zirsang, min nghah dâwn rau rau chuan min pui ve la, hlawh i nei tihna a nimai." Coffee tem hlak pahin Mafeli'n min bia a.

"Ka thiam ve kher nâng.." tia chhângin Lawmsangzela chezia ka thlithlai ru pah reng a, ka rin ang chiah. Min ei loh hmel zetin a hmui a kum phât a, runluih châkna ka'n neih tlat chu le! Kei misual dum ber hian..

"Engmah harsa a awm lo, kan chawlh lai hian tihdan ka hrilh ang che." Paper leh pen a la, ka lamah a rawn kûn hnai ta a.

Saw mihring runluih nân hrim hrim tih ve chhin ka châk riau pek a nih chu. Ngun lutuk hian tihdan tur min hrilh chu ka ngaithla a, ka thiam ve maiin ka ring.

"Lawmsanga nen ṭhudun ula, Laptop-ah in lo type zel dawn nia, Lawmsang, Laptop pakhat khâ Zirsanga rawn chhawp rawh le. M.A vâl a nia, kan lo chhawr vat lo a ni." A'n tizui zat a. Nuam ka lo ti veng veng.

Lawmsangzela te tân hnial chi ni hek lo. An pi a ni miau sia..

Chawhnu pumpui 'Free Clinic' ah hun ka hmang ve ta a, a khât tâwkin Mafeli'n min be zauh zauh bawk nen nuam ka ti phian bawk, a bula hnathawh a hahdamthlâk reuh khawp mai. Aw dam thlapa min hrilhfiah pah phei chuan ka lo nui leh suk suk zel.

A nâwlpui kan zawh hnuah a hnuaia thawkte'n 'kan lo chhunzawm tawh mai ang' an tih pawhin a duh tlat lova, a tâwp thleng rakin kan awm ve ta a. A hah ve ngang a ni ang, a biang a sen ṭân a, a nghâwng vel a thlan dap bawk nen a lang sexy phian!

"Âte, kan hawsan ang che u aw,"'a ṭhiannu eng emaw pe paha atih chuan ka ṭhuthmun aṭangin ka ding chhuak ve nghal a, Lawmsanga'n chîk zeta min en pawh ka hmu reng. Mahse, ka haider thung.

"I chau em?" Ka Bike hûnna bulah kan ding dun a, a sam hûi mâm thuak pahin, "Kan tihṭhan alawm, invêngah Bâwng râi lai en lawk a ngai dawn a, kan kal nghal mai dâwn em ni?" Atih chuan, "Hruai i ngai ang em?" Ka ti sup a.

"I phal chuan Bike hi ka hmang lawk anga, ka en rei lo tawp ang."

"Hah! Khalh thiam ber ang mai hian ṭawng ve ziah suh."

"A ve lutuka che, rawn chuang rawh," tiin a lâwn ta mai!

"Remruatfel, thih ka la duh lo a nia," chhuk turin ka mitmei pah a, nui sâng hian, "Lo chuang phawt la, ka thiam lo i tih ngang chuan i khalh ve thung dawn nia," ka lamah a kut a rawn phar dâ a, mihring veivâk an la awm bawk nen bike chahbi ka pe ve ta nge nge a.

Kei, Zirsangliana hi nulain min phur dâwn a nih chu! A hnung seat-ah ka ṭhu ve ta a. Ka phûr tehchiam lo. Mahse, hall-tukverh aṭanga Lawmsanga lo hawi vung vung ka hmuh chuan kan doctor-i kâwngah ka kuah deuh kher a. Ani lah chuan eng mah hrethiam ve lo hian, "Min rinna chin apiangah ka rinawmna i hmu ang," ti sapin a tlân chhuak ta a.

Tûna a thusawi zawh chiah khân ka thinlung a dek zar mai...

©<++++[BeckirafARenthleI]++++>®

4.RAPSAGY

Becky Rafa Renthlei

Chapter-4

Zirsangliana

4:00Pm

Ka ṭhiante Bike khalhah vawi tam ka chuang ve tawh a, Remruatfeli hian mipa tamtak aiin zuk khalh thiam daih a!

Hei chu ka rin phâk bâk a ni. A nú zêm lo tih hre tho mahila Bike êm khalh tur chuan a rilru a pauhkhauhin a luhlul thawkhat ang tih ka ring thiam ve mai.

Vety doctor niawm rêng pawh a ni e.

"Hey, Bikers-ah inlet la.." fiamthu titak deuhva ka biak chuan, "Min ngaisâng lutuk suh," tiin a nui var var a, traffic duty awm hek lo. A khalh chak par par khawp mai.

Khawchhûng kan luh dâwnah erawh, "Le, i hun a inṭan chiah, ka khalh lohna a rei deuh tawh a ka mal a na vek'' tiin kawngsir zau laiah min dinpui ta a. Amah kuah chunga la chuan ka châk tehreng nen ani têreuh hian min dek duh leh dêr si lo anga..

"Khalh tlang law law rawh," ka ti ta a.

"Naa, ka peih tawh rih lo, bâkah khawchhunga khalh luh zawng min sawi peih leh âwm em mai," ati deuh tlat nia.

"Ok.." kei aia a thiam lohna ka hre miah lo. A inringtâwk êm êm mai bawk si a, ka thlâ a muang tih phat buai ka tum hek lo.

Kan tlânchhuah leh chuan ka rin loh dan deuhvin ka kâwngah min kuah thlap a, a pangti lum thar thara min sîkna chuan ka chhungril a chawk nung pha tlat nia maw le!

"Hmun fianrialah min dinpui êm lo'ng chu," ka ngaihtuahna hria ang hrimin ala ti zui a! "Fianrialah Bâwng râi an awm em ni?" Fiamthu-ah lâksakin ka chhâng thui duh vak lo.

Hmeichhe pakhat taksa nghen ringawta Setana lawmzawng ka ngaihtuah thuak thuak ta mai hi inngaihtuah chian deuh ka ngai a ni.

"Inah kan hâw phawt anga, keimahin ka kal mai ang," min kuah nghet sauhva, nizana kan mut tlân tawh vâng nge, ka taksa nghen pawh a ngai thutak tehchiam tawh lo.

"Nangmah chauh chuan kal lo ve, vawiin atâna i mi chhawr ka nia, a tawp thleng rakin aw.." tiin kan in kawtah ka dinpui ta a. Ka nu puanpho seng tur chuan mit min siai khum zauh tih ka hmu reng. Doctor ngaisâng em em tu khâ a ni tlat a.

"Inah lût kawi lo mai ang," tiin ka nu hnenah kan chhuah leh nghal tur thû a hrilh zuai zuai a, Arini thil min chah ka hrechhuak chiah bawk.

"Zaninah Arini'n ka û te dâwrah kalpui che a duh a," kan tlânchhuah rualin ka sawi ve ta chauh a.

"Tu, i û maw!?

"Kan upa ber u Zosangpuii te inah a nia, thawmhnaw leh bungrua eng emaw anti thleng ve ṭhina enpui che a duh a ni ang." Ka tih chuan, "Pawi tawp nâng, an in hmuh ve hrim hrim pawh ka châk alawm," a lo ti awlsam êt a.

Pu Sinha chênna in panin ka phur phei ve leh ta a. Kan khuaa Bâwng nei tam ber leh a hnutê sem chhuak tam ber te an ni.

"Awi! Glove dahna bag khâ Lawmi te motor-ah a awm daih," Pu Sinha in kawtah kan awm tawh a.

"Glove kher angai dâwn em ni? A râi leh râi loh en ringawt te chuan.." ka lo ti hmanhmawh a.

"Hus!" Tih paha a kut lek kângin, "A portegus-ah zen a ngai alawm," a tih chuan ka nui nasa lutuka ka pum a na vek thei nia.

"Portegus.." Mizo ṭawngin dah rem thiam chiah lo mah ila a sawi tum erawh ka man ve nasâ, inchhûnga kan luh thlengin ka nuih ala za reng a, a nui ngai lo viau khân ka hria a, a kianga ka awm tam poh leh mi hlimthei tak a ni tih ka hriatbelh phah sauh si.

"Pi, in lo thleng tawh maw?" Pu Sinha leh a nupuiin min lo be vat a.

"Bâwng chu engtika inpâwltir nge!?" A zawh dan teh tawp chu(h)

"A la rei lutuk lo, tunah en nghal i duh em?"

"Duh e, têl inneih chuan tlêm keng rawh aw," Pu Sinha chuan a nupui têl la turin a tîr zui ve zat a. Bâwng in lam kan pan ta a. Doctor hnungzuiin mí Bâwng inah ka'n kal ve chu a nia, ka nuih a za deuh.

Bâwng râi bulah Mafeli a ding a, a chezia ngun takin ka lo en thung. 'Glove a ken si loh chuan eng tin nge atih ang le?' Tih ringawt ka lo ngaihtuah pek a. Muangchâng hauh lova a sam vingvial chhovin, a shirt hâk lai a hlîp ta mai! Mahse, a hnuaiah tawnzau dum mar ṭang a lo ha tel a, "Khâ, min lo kensak lawk rawh," tih pahin a kawr chu ka lamah a rawn theh phei a, ka lo dawng chat.

Pu Sinha nupui têl ken lai laksakin a bânah a chulh mawm hlarh a, kan pathum chuan ṭawng miah lovin a chezia kan thlir tawp. Bâwng mawng lamah a kal phei a, chutah 'A portegus' ah ngei chuan a zen ta a. Mipa mah ni ila ka ten deuh reuh.

Minute thum dâwn a dap kual hnuah, "Ka pu, engmah ngaihṭhat lohna tur a awm lo a nia, in Bâwngpui pawh a ṭha e, naktuk zingah a eitur damdawi ka lo pe dawn nia. Hei, Zirsanga te inah hian ka thleng a, lo lam mai rawh u aw.." dam thliama tiin a kut chu a sil thuak thuak a, a ten miah lo em maw ni!

"Kan lawm lutuk, engzât nge kan pêk dâwn che?" Pu Sinha'n atih chuan, "Engmah a ngai lo, 'Free clininic' neia lokal kan nia ka free ve che u a nimai,"

"A chiloh lutuk, nangmah ngei i rawn kal lehnghal a nia," tia ₹200 pêk a tum chuan ala duh ṭhak lo.

"Ka pi, khawngaihin la hrâm rawh.."

"Ni lo e, ka hna alawm, naktukah Bâwng hnutê min khilai mai dâwn nia, kan tlangval in atân hian," min melh zauh pahin a ti a.

"A nih leh kan lawm lutuk a nia," Sinha nupuiin a lo ti ve bawk a, kei erawh chuan Mafeli hmêl ka lo thlír char char thung. A hnâah a tui tih a hriat a, vawiina Ui damlo leh ranvulhtute a biak dan hrim hrimah pawh a 'chapo' hmêl hmuh tur zuk awm miah lova!

Pu Sinha te in kan chhuahsan hnuah in lam kan pan leh ta a. "Tûn ṭum chu ka kuah lo phawt mai ang che, Bâwng rim i nam palh ang," fiamthu-a tiin a kut dinglam a phar deuh dâ a, ka nuih a za hle. Ka ten ve deuh roh bawk.

"I û te inah chuan chaw ei khamah kal ila," tui khawihnaah uluk fahran hian a kut a sil hliau hliau a.

"Arini nen kal dun ula.."

"I kal ve ang chû, kan pathum pawhin a kal theih tho alawm nge, in nu te inah i lêng dâwn zâwk?"

"Hah! Lên lam a lang lo. Common bathroom hmang la, ka nu-te bathroom-ah ka inbual mai ang." Tiin thildangah ka pakai ta daih a.

"Ok, khaw'nge an awm zawh vek le!?" a hawikual ruai a. "U Mafel, zan chu aw.." ka naute pahnih room- aṭangin an rawn chhuah ve tâk avangin inbual turin ka luhsan ta a.

Kan chhungkaw zinga mi ang maia a awm ve mai te hi fakawm ka ti riau. A hunah a nui bâwk bâwk a, hnathawhna hmunah biak châkawm tak hmêl a pu leh a, Pu Sinha nen an inbiak danah pawh khân sawiselna tur ka hre lo. Kei ni ila, '₹300 min pe mai rawh ka tih duh hmel' khatiang Bâwng êk zinga va din ringawt pawh kha nula tân chuan a nuihzatthlâk vak loh ka ti deuh.

Chaw eilaiin ka nu leh pa an ngawireng a, nidanga ṭawng bawrh bawrh ṭhin kha an nia, engtizia teh thut nge ka hre lo.

"Nu, u Mafeli nen ka û te thawmhnaw zawrh kan en dâwn a nia," Arini'n atih chuan, "A chau ve ang chû, mut hahdam a duh ang," tiin a chhâng a.

"Mama, chaw eikhamah kan room-ah lokal lawk ang che aw," ati zui leh a, ka pa ala ṭawng ta lo fo! Eng emaw tak dik lo a awm chiang.

Mafeli leh Arini ruala chhuah ka tum tehreng nen ka nu leh pa thusawi tur a pawimawh hmel si a, ka kal ve ta lo.

"Mama, nichin tlaiah Nutei'n Arini a lo phone a, 'Kan inṭhen fel vek tawh a, ka thil leisakho zawng zawngte kha min lo pekîr vek rawh se,' ati a nih chu'' Lawm lo tih hriat taka ka nu ṭawng chu ngawirengin ka ngaithla a, ka zak hle tih bâk sawi tur ka hre lo.

"Hei leh chen in inzui tawh a, thil ho mai maia inhau rual pawh in nilo. Khawtlâng hriata inkawp in la nizui bawk nen engkim a bo a bâng awm lovin thawn ang che. I mamawh i sawi apiang kan lei a, hmeichhe hnen aṭangin thilpêk la tawh suh ang che." Ka pa ṭawngkam dam thlap ka hriat phei chuan ka thin a so bulh bulh thei nia.

A nasa ve thawkhat tih hre mah ila hetiang em em a thlen hi ka ring lo asin maw le! Ka nu leh pa pawh chhâng tawh lo chuan ka chhuak ta daih a.

Ka phone ala ri chhên zui! Ka vawm keh vek zâwk dâwn em mawni?

Dik tak chuan Nutei nen hian kan inpawhin kan innêl em em a, internet aṭang leh miin thil an zawrh pawh ka inhmeh tur ni a arin apiang min leisakin min chahsak zung zung a, ka duh huam lah ka hre hek lo. Bialnu te min leisak na nâ na chu ka la ve mai a. A tîrah te chuan ka dawng duh bik lo kha a nia. Mahse, amah zâwkin a thinrim pui lek lek avangin ka la chauh zâwk a ni. Tunah hetia min ti leh si hi ka zakin hrehawm ka ti hle bawk.

Hlawh la nei chiah lo mah ila ka mamawh leina tur ka thawk chhuakin ka nei ve. Tûna ka Bike pawh hi ka patea Hardware dawr leh Glass House ka enkawlna hlawha ka lei ngat a ni ve a.

Nutei phone-a hau hrep lo turin ka insûm nasat a ngai viau. Mahse, chuti maiin amah ka theihnghilh theih ka ring lo. Hun hlimawm leh lungngaihna kan tuar tam dun tawh a, a harsa ve khawp ang.

Ka khumah ka ṭhu reng a, Mafeli lam pawh ka ngaihtuah hleithei lo. Zû intur zawnga chhuah ka tum ta a. Nizana ka inbâng kha a tlêm laklawh deuh si nen Vengthlang lamah chhuk turin ka insiam ta a.

Vengthlangah hian 'Wine shop' aṭanga an lâk chhâwn, Whisky leh Rum an zuar a, laklawhah chuan ka kal ve mai ṭhin.

Thinrim inseh ruh ṭeuhvin chak fê hian ka tlânthla ta a, ka û te inkawtah Arini leh Mafeli haw chho tur ka tâwk chiah a, en pawh ka en lo.

"Mama..." ka nau min ko ri hre tho mah ila ka 'Eih' lo chiang asin.

10:30Pm

Dr.Remruatfeli

Zirsangliana rawn tlan thla chu ka hmu hmasa zâwk a, khawi hmunah pawh hmu ila ka hai ngai lovang. A hmêl ṭhat chu thuhran, ka thinlungah eng emaw hriat theihna riau ka nei tlat alawm.

Nizana kan chaw eikhâwm khân Lawmsanga'n ka Beer inturah Whisky a pawlh tih ka hre miah lo va. Beer in zeuh zeuh ka chîng ve ṭhin tunhma kha chuan. Mahse, doctor ka nih hnu hian vawikhat mah ka tem chhin tawh ngai lova, nizana min pêk pawhin ka duh lo fithla ṭhak kha a nia; Maneihi leh Kimkimi'n min nawr tâk sek avangin an hawn sa Cane khat ka in ve a, Lawmsanga'n thildang a pawlh tih ka hre dêr lo.

Zirsangliana'n vawiina min hrilh khân ka hrethiam ve chiah!

'Engtin nge ka kiangah a lo mut ngawt theih' tih ka ngaihtuah rauh rauh a, amah a hmelṭhat mai bâkah mipa dik tak mizia pû-a ka hriat tlat avangin inngaihzawnna tel miah lo pawha kawm theih ka inbeisei a, a nun dan holam anga lang si hian a puitling ru riau thung tih kei, thil chîk mi hian ka hre tlat alawm.

Lehkha thiamthei tak a nih loh pawhin thluak ṭha tak nei a ni ngei ang. Vawiina a hnathawh dan aṭang pawh khan thil man chak tak a ni tih ka hre vat rêng a ni. A hlawh pawh ka la pe miah lo lehnghal.

A bialnu a rím dâwn a ni ngei anga, nichin khân a rawn tlân chak fia fia êm mai. Nutei hi ka la hmu miah lova a hmelṭhat ka ring ve ringawt. Nu Zuali ka room-a a lo luh lai chuan phone ka lo khawih mial mial a.

"Mafel, engtik thleng nge i châm theih dâwn?" Tiin khumah a rawn ṭhu thla ve a.

"Naktuk chawhnu hian Lunglei lamah ka chhuk ang."

"Awm ve reng thei la ka ti ngawt mai, i bulah chuan sawi ta mai ila, Mama chungchâng hi a nia," zawi sap leh inthlahrun hmêl taka atih chuan, "Sawi tawp rawh, khawiah mah ka tiri chhuak lovang."

"Englo a nia, Arini'n a sawi tawh em ka hre lo a, Nutei hian a ti mah mah chuan ka hria. An inkawp laia a thil leisakho khâ min lo thawnkir vek rawh se a ti a, engtia tih chi nge maw ni dâwn le, a pa nen kan sawi dun ngial pawhin nu leh pa inrawlhna chi niin kan hre chiah lova, kan zak ru viau bawk. Kan chhungkaw dinhmun en la, chapo thu ni lo se, ka tlâwmngâi ang reng viau a ni." Ati ta a.

Ka lo sa ve phat mai.

"Ê, engmah thawn rêng rêng suh u, an inkawp lai thil a nia, tunah inzui tawh lo mah se a hunlai khân duhsak takin a pe tawh a, a pêk tawh ber a hnû, engmah pêkkîr a ngai lo." Ka tih chuan a bu nghat nghat a.

"Mama pawh lo sawipuiin lo fuih ve lâ.."

"Ka thusawi a ngaihthlâk duh phawt chuan ka sawi hreh hleinem, eng pawh nise hun reitak inzui tawh anni a, inhau châng leh intih thiamloh châng chu a awm tur a ni. Mahse, thutâwp sawi zung zung erawh a puitlingzia lo deuh chu ka ti.."

"Nichiah e, Nutei hi misual a ni hran lo a, a thikthu a chhe ve deuh nen Mama aiin kum li laiin a upa zawk a, kan fate'n an duh zâwng an thlan chungchângah inrawlh ka tum lo ṭhin asin le. Tun ṭum chu ka thâ a nâ deuh tlat." Tih pahin min rawn en a. "Kan thusawi aiin i sawi a lo awih phian thei a, chhungkaw tâna a mawhphurhna hlen chungchângte, Zû in a chîng leh tlat ṭhin hi lo kamkhat ve deuh la ka ti maw le."

"Ni e, zaninah ka lo sawi dawn nia, ka chungah in ṭha hle a, Arini leh Sangpuia phei hi chu ka nau ang tak takin ka en ve a nia, tuna kan programme duansa kan hman zawh hunah hian chawlh ka la ve dâwn a, Lungleiah ka awm rih ang," ka ti a.

"A ṭhat hlauh chu, kârleh inrinni hi kan inneih Anniversary a nia, chhungkua leh kohhrana i pa Hriata rawngbawlpuite nen chaw eikhâwm buatsaih ve kan tum a, min lo hmanpui theih chuan kan lawm khawp ang." Nu Zualin atih lai mêkin Bike thâwm ka hria a, Zirsangliana a lo haw tih inhrilh hranpa kan ngai hauh lo.

"Hun ka neih chuan lo hmanpui che u ka tum dawn nia.."

"Ka phei rih ang. Mama alo haw anih chu.." tiin a chhuak ta a.

Ka mu zui nghal daih a, nu Zuali thusawi khâ ngun takin ka ngaihtuah nauh nauh a. Ni e, Zirsangliana pianphung leh hmêl hi chuan hmeichhia tupawh a hîp rêng ang chu. A ṭawngtam teh duah lova a nui khât angreng viau bawk. A cool ruih a ni ber mai.

A ruih lai pawhin a phî cheng hek lova a sam dum hlap a chhip lam buk deuh 'vikings hairsyle'-a, a meh hi a inhmeh hle bawk, a hnar ngûl sâng vah te, a mitmeng fiah kâk leh lian lam deuh, a mitko hmul dum chhah ṭha takte hian kei ngei pawh min hîp tih ka pha thei bîk lo.

A nui ka hmuh ve chhunah ding(Right) zâwngin a nui suk zel a, a ṭha thlâwt! Mahse, ngaihzawng nghet nei a nih mai bâkah kei hian mipa lam ka ngaihsak lutuk loh avangin ka thinlung ka thunun mai chauh a ni. Ka vawikhat hmuhna a mipa, hmelṭha ka tih awmchhun ani ngei ang.

Thinlung tawk che zawk thei khawpa mipa 'charm' ngah a ni bawk.

Ka hmuh hmasak ber khâ ka la hrereng mai. A inbualzo, Towel chauh venga bathroom aṭanga a lo chhuak lai khâ ka mithlâah a la châm reng.

Ngaihtuah thui ka duh loh avangin phone ka khawih ta daih a. Ani leh keizawng 'thil inhmeh lo te' tia vuah chi kan niin ka hria.

After 15minutes

Zirsangliana pindan aṭanga thâwm bengchheng rawn ri chhuak chuan ka beng a verh hle a.

"Tunah ka kal duh ka tia lawm.." A vîn kher mai!

"Mama, zu in vanga hetianga awm hi a ṭha miah lo a nia," Arini âw a ni.

Thil ri bur bur ka hre zui leh a, ngaihsak loh ka tum ngial nâ a, nuam ka tih chiah bik loh avangin ka tho chhuak ta nge nge a.

Dimtê-in Zirsanga pindan lam ka pan a, kawngkhar inhawng aṭanga ka thil hmuh avang chuan chal ka chuar nâng a.

Pa Hriata, nu Zuali leh Arini, khumah an lo ṭhu a, amah Zirsanga'n a thawmhnaw a lo khung mawlh mawlh bawk a, he in chhuahsan hi a tum tihna em ni ang?

"Mafel, han hrilhfiah ve teh.." Min hmuh veleh nu Zuali'n a lo tinghal a.

"Eng nge thil awmzia?" Ka tih chuan, "Zû a rawn in pek a nih kha, Nutei chungchanga kan zilhna a ruihhnan a, Aizawlah ka phei dâwn zuk ti a.." ngaihdan nih loh hmêl tak hian ati a.

"A ang lo lutuk, lokal teh Zirsang.." ka tih chuan min melh zawk a. A thawmhnaw a la khung mawlh mawlh tho!

"Tikhân lo inhrilhfiah ve teh u, a hahthlâk em mai, Arin, nangpawh i room-ah phei rawh." Nu Zuali bawkin ati leh a.

An pathuma an chhuah hnuah, "Lokal la ka bulah hian lo ṭhu teh," zawi sap leh fiah kalha ka ṭawng chuan ala ngawireng a, rui chhe lutuk hmêl a pu lo.

"He khawvelah hian vâk vâk mah la, hausa-in engkim pawh nei thei mah la, i chhungkua, i thisenzawmpuite anga hmangaihtu che i tawng ngai lovang. Nutei pawh i hmangaih a ni maithei, ani hmangaihna aia nasa che hian i nu leh pa, i unaute hian an hmangaih che tih theihnghilh ngai suh."

"Lo inrawlh lo mai rawh.." Ati sup a.

"Nie, ka inrawlhna tur chhetê mah a awm lo; inchhûngte ka ni lo a, i û ka ni hek lo, i nu leh pa leh i nau pawh ka nichuang lo. Mahse, i mizia ka enin hetianga awm mai mai tur atan chuan i uiawm ka ti a ni. Vawikhat chauh ka thusawi hi zâwm la, he khawvelah hmeichhia pakhat chauh an awm lova, tlangval hmeṭha leh puitling china ngaih i ni tawh bawk. Nu leh pa rilru tihahtu ni lova chhungkaw khaidingtu nih tum zâwk ta che." Ka tih chuan rum zet hian min melh a.

"Remruatfel, engmah i hrethiam lo." Ati hmuk a.

"Ka hriatthiam loh min hrilh la, ka hre mai ang chu.."

"Ngawi tawh rawh.." tiin a kut a phar hluai a, ka ngawi nghâl hmak. Mahse, a room erawh ka chhuahsan lo.

Dâr12 rîk nân minute 10 chauh a awm tawh a, chawhnu lamah haw ka tum bawk nen ka pindan lam pan tumin ka tho chhuak ta a, ngawirenga kan awm chhûng khâ minute 15 dâwn a ni.

"Khawiah nge i kal dâwn?" Ka kal tur min en pahin ati sup a.

Ka chhâng lem lo.

"Ṭawng ta che, i sawitur i sawi zo tawh em ni?" Tiin ka ṭhutna bulah a rawn ding a.

"Mipa-in 'ngawi tawh rawh' min ti a nih chuan ka ngawi mai tur a ni." Ka ti hmak a. Ka kutah vuanin, "La kal rih teh suh," ati leh lawi si!

"Hmeichhe pakhat vang mai mai a mahni nu leh pa, unaute tibuai ṭhin mipa hi ka ngaisang lo mai nilovin ka ei lo. Ruih avanga buaina cho et et ṭhin mipa lah ka ngaisâng chuang hek lo." Ka ti zui hmak hmak a, a ngawi reng.

"Nutei min tihdan i hre lo a nih kha, ka nu te hian an ngaithei lo ve hrim hrim.."

"I ngaihdan mai mai a nih chu, a hmeichhia zâwk mahin a ṭhen ngam che chuan engah nge i theih ve loh, i tâna ṭha ber ngaihtuahtute chu i nu leh pa anni." Ka ti leh sak sak a.

"Ka ṭhen thei lo ka tia mi..?"

"Ti ni awm hrima i ruih leh si, vawiinah pawh i rui lo a, zaninah engvanga rui nge i ni tih nangmah khân i hrechiang ber ang, i thinlung dum zet khâ ka hmuh tlang theih miau loh avangin i ruih chhan ka hre lo."

"Nge, i thinrim ve rîkngawt a!?" Min ti zâwk mah a!

"Lokal rawh, vawiina i hlawh ka pe ang che, naktukah haw ka tum a nia," tiin ka pindan lam ka pan nalh a, rang lutuka min zui chu ka hmu reng.

Nutei nen an inṭhen hi ala na hle tih ka hrethiam ve mai.

"Naktukah i hâw dâwn maw!?"

"Ka sawi zawh chauh kha, i whisky rawn phawrh la kan indun dâwn em ni, ka in thei lo a ni bik hleinem, ka inthunun mai chauh a ni. Nang anga nêp ka nih loh avangin leh zû in hian ṭangkaina a neih tlêm êm avangin ka ti lo mai a ni." Ka tih chuan a nui suk a.

Chutah, "In dun chiah ila.." a pindan lam panin a kal nghal a, kei hian ka tidik chiah lo tih ka hria; mahse, 'Kan rilru hi eng emaw chenah kan control ve thei' tih târlan ka duh tlat si atin ni.

Zirsangliana rawn lêt leh lai chuan ka mutkawr ka lo inbel diam tawh a, Whisky ûm chanve a lo keng phei bawk a. Mipa, zû ka inpui ve dâwn chu a ni sia! Û huh! Ruih hlê nge ṭha anga, ruih chiai chiai..

"Mafel, i in ngai lo a nih chuan in kher a ṭul lo a nia," sehchilh naka tiin min en deuh vang vang a.

"In ngai lêm nâng, ka tel lovin hmeichhe pakhat ngâiin i lo va kûr leh vak ang tih a hlauhawm deuh alawm," tih pahin a zu thlitsa nokhat chu ka thâwkkhat pawp a. Ka hrawk sa thla ham ham leh ka pum let but tihreh tumin chil ka lem zui khalh khalh a. Ka in lai ngun lutuka min en chu ka hmu reng.

Ani pawh chuan nokhat a in ve nghal a, kei angin a tlâk ve pup lo. Muangchâng hian a tem hlek hlek a, ngun taka thil ngaihtuah hmêl a pû!

"I haw hunah ka khua a har ngawt ang." Ati sup a.

"Ka lo be ṭhin dâwn che nia, thil pakhat i hriat reng tur chu Nutei'n a lo call che a nih loh chuan be hmasa reng reng suh ang che. Hmeichhiate hi kan in ang vek lo nâin mipain min duh hluah hluah hi chuan inluling chin kan nei a, a lo be ta che a nih leh ṭha takin chhâng ang che, inṭhen hlen kher tur tihna pawh a ni chuang lo a nia; Tlâwm zâwk kan awm te pawh a ngai ve ṭhin." Ka ti deuh duah a.

"Nangmah ang vek hi hmeichhia nise aw.."

"Anni chatuan dâwn si lova, chuvang chuan midang i neiha Nutei i theihnghilh theih dâwn loh ai chuan tlâwm la, inrem dan kâwng zawng mai rawh. Chu chu mipa tih tur a ni."

"I duh leh em?" Nokhat dang min pêk leh chuan ka la ve leh hmiah.

"Mafel, Nutei hi chu ka duh ve êm a ni.." a rûi ṭawng mah nise ka chhûngrilah che dat a awm. Eng nge a nih ka hre lo.

"I duh viau chuan naktukah be leh lâ.."

"Aih, ka duh lo.." ati leh lawi si!

"In chapo dun lutuk a nih kha.." tiin khumah ka lâwnkai a, "I bulah ka lo mu leh thei angem?" Tia min zawh chuan, "Ê, mu rawh, i kut leh i lû, i taksa tiche miah lo la.." tia ka chhânna avang chuan a nui suk suk a.

"Che leh tur chuang ka awm lo ang, ka mut a chhuak lutuk." Tih pahin khumah a rawn lâwn ve nghal zat nia!

Kan Zu in na bottle ruak leh no vel sengfelin ka tho leh zawk a, pa Hriata te nupa thâwm hriat tur a awm lo. Arini room a thim ṭhiap a, Sangpuia erawh inhnuaiah a riah vangin a lêng a haw tawh nge tawh lo pawh ka hre bik lo.

Khum sir tê-ah Zirsanga a mu a, kei, a kil tâwpah ka mu thung, kan insi eih lo.

Ka zun chhuakin ka mutui lai min tiharh hlawl a, Zirsanga hnâr sâk sâk chu tihharh hlau zetin ka tho chhuak ṭhâm ṭhâm a, nula leh tlangval mudun ve si-ah chuan kan 'Fair' ve khawp mai.

Toilet aṭangin ka chhuak chiah tihah Zirsangliana a rawn tho chhuak phei ve chiah a, zinglam dar thum a pêl chauh a. Dârkâr hnih vel kan muhil ve hman tihna a nih chu.

"Hey, eng ati nge i lo thawh ve ngawt a!?" A lam hawi paha ka tih chuan, "Ka ril a ṭâm a.." tiin eitur a dap zui nghal a.

Naa, keipawh a ṭâm ve reng.

"Eitur siam ang," tiin ka pa in a ka lo tih ṭhan em em zanlaia thil ei chu ka phûr kher mai.

"Eng nge kan siam ang?" Ati sup a.

"Lungngai suh, keiman ka siam dawn alawm," tiin cupboard ka hawng zui nghal a. "Flash-ah tuilum a awm em en la, a awm loh chuan tam vak lovin lo chhuang rawh." Noodles cup pahnih ka la chhuak a, kan in ni mah suh se ka ril a ṭâm miau sia zahtheih loh ka chhuah a ngai tlat.

Min hnial ka rin tehreng nen Gas-ah tui a lo chhuang ve mial a, kut kuangkuah chunga min thlir reng avang chuan ka lâi ṭêp. A chhan chu a rui tawh tlat lo va, Zirsangliana, mipa dik tak khâ a ni leh tawh.

Noodles kan ei zawh hnuah ka pindan lam panin ngawireng hian ka phei a, 'I lo mu leh dâwn em?' tih te zawng a chiloh nasâ.

"Mafel.." ka hnungah min lo zui ve zêl chu niin!

"I pindanah riak tawh ta mai che.."

"Remruatfel, i kianga ka awm pawh chu i va hlau awm ve.." Min ti erh a!

"Chutiang a ni lo. Reilote muthilh ve zawk ka duh a," dam thlapa ka chhân chuan, "Engtin mah ka ti lo ang che, i muhil thei em em ang."

"Ni rawh se, nula ka ni tih hrereng la, ka ngaihdan ni lova i chêt chuan ka nui hauh dâwn lo tih hria ang che." Tiin kan inzui lut leh ta nge nge a. Nichina kan ṭawng duah ang khân sawi tur kan hre ta lem lo, ngawirengin asirah a mu ṭha ve mai a, kei pawh a kil lamah amah hnungchhawn zâwngin ka mu a, a hlawh ka pêk loh khâ ka hrechhuak leh thut.

Lukhama ka Purse dah ka dap rak rak lai chuan, "Ka tihbuai che i duh loh chuan che tawh suh."Hniam chhaka a rawn ṭawng chhuah tâkah chuan, "Khâ, vawiina i hlawh kha.." ₹500 phawrhin a kutah ka pe a, "Ka duh lo.." tih pahin min pêk lêt a tum ve thung a, ka la duh bik si lo. Kan inhnâwn chhên hnuah, "Remruatfel, pawisa nei lo ka ni bîk hleinem.." ti hmukin ka kâwngah a rawn kuah thut nia!

"Zirsanglian i kut..."

"Ka kut hi maw..i kut a ni lo.." a nui vei suk a, ka va'n ngei tak!

"Vawithum ka chhiara i kut i lâk loh chuan.."

"I pindan panin i thlâwk phei nghal ang," ka sawi zawh hma hmain min lo chhân khalh a..

"Vawikhat chauh ka sawi nawn leh ang, i kut hi lasawn rawh." Ka tih leh chuan, "Uluk deuhvin vawikhat chiah ka fâwp che anga a bâk ka pêl miah lo ang," zuk ti mauh a!

"A theih loh.."

"Luhlul viau teh suh, nizanah pawh i duh reng kha."

"Nizan a ni tawh hleinem, zanin a lawm.." tiin a kut dahsawn sak ka tum ve ṭâng ṭâng a.

"Vawikhat chiah," tih leh rawn kûn a rual a, ka lo invêng hman ta lo.

Duhthawh leh uar fahran hian min fâwp ta a. Ka hmui chîp tlat chu nawrkau tum sateh mah se a thei mai bik lo.

Beidawng duh lova min fawh zui zêl avang chuan, 'Vawikhat chauh te chu a pawi viau em ni' ti rilru chungin ka inthlah dul ve ta a. A hmui lum ham leh hnâwng chap a min fawhna chuan kei, mipa eng teh ûala ngai lo tu thinlung hi a nghawr che dat thei nia.

Rei ngial min fawh hnuah a kut lum ham ham a ka âwmbâwr a rawn tawh tâkah chuan 'Tâwp a hun' tih ka hria.

"Zirsanglian, i vawikhat fawh chhûng a rei ngar ngar hle mai," hawisawn pahin ka ti ta a.

A mitmeng phî deuh chiai leh a hmui, min fawhna avanga la hnawm deuh chap chuan atilang 'Pa' hluah hluah!

"Mafel, min duh em?" Ati sup a.

Kei hian ka duh tih ka pha lo. Mahse, nun nghet nei lo mipa, hmelṭha satliah leh tisa in îttawnna mai mai avanga ka duhna ka tilang a nih chuan ka che fuh dawn lo tih ka hmutlang sa vek.

"Ka duh lo che, ka tih chuan dâwt ka sawi tihna a ni a, i nun i sim a, nun bul i ṭan ṭha dâwn a nih erawh chuan intiamkamna felfai tak nen inkawp ka remti e.." Ka ti ve ta a.

"Eng intiamkamna nge?"

"Kei hian pasal neih tumna ka nei lo. Mahse, fâ erawh neih ka duh ve a, tin, nangin Nutei i nei bawk a, tunah inṭhen mah ula nakin lawkah in inbe rem leh ang tih ka hria, fâ min pe rawh.." ka tih chuan mak tih lutuk vângin a meng deuh kâwkin ka hria..

"Remruatfel, eng ang hmeichhia nge i nih?" Tiin min nam sawn dawrh a, khum aṭang chuan a tho ta a, vawikhat pawh a rawn hawi tawh lo.

Kei hi ka â a nih loh vêk pawhin ka mâwl chhah hle tihna a ni ngei ang. Eng thu nge ka chhâkchhuah tâk mai!

Ka sawi zo vek tawh si...

Ka dinna ngaia ding reng turin khâ ka thusawi âtthlâk zet kha ka sût leh thiang tawh lo.

Min pawmpui lo mah se ngai ka awh tihna, min pawmpui vaih chuan ka hmabâk a dur khawp ang le.

Mipa a nih tlat avangin 'chona' a hnarin ka ring lo..ka ṭawngsual let dêr a ni.

©<++++[BeckirafARenthleI]++++>®

5.RAPSAGY

Becky Rafa Renthlei

Chapter-5

Remruatfeli

5:00Am

Zirsangliana'n min chhuahsan hnu-ah ka muhil thei tawh ngang lova ka thluak nu but kha 'Zû ka in vang' ti dâwn ila ka sawi laiin ka rui tawh chai si lo. Ka lo dream ve ṭhin 'Pasal nei lova fa neih' tih ka lo auchhuahpui hmâ lutuk deuh atin ni.

Dâr nga a ri dêk dêk a, ka tho chhuak ta daih a. Bâwngpu te chu an tho hmâ alawm ti rilru chung hian exer la pahin Sinha Bâwng inah kal ka tum ta a. An tân damdawi rawn lam kher ngai lo turin va pêk pah ka tum a nih ber chu.

Jump suit dum inbelin sam ka ṭawn sâng vah a, nizana ka thil in ve ringawt kha a âtthlak deuh mah mah a ni.

Kawng chanve ka kal tiha min tâwk zawgin mipakhat a rawn kal a, a kûn deuh tlat avangin a hmêl ka hmu thei lo.

Mi teivâk an awm lo hle a, Aizawl angah te kha chuan tun ang hunah ṭhalai kan inpel suau suau a, helam zawng an reh ṭhiap mai.

Mi pakhat rawn kal chu a lo hnai zel a, Zirsangliana lek! Ka bia ang nge be lo vang tih ka ngaihtuah fê hnuah' A puitling zâwk ka nia lawm le' tiin ka ko ta a. Min en duh miah lo!

"Zirsang, i va tho hma ve.."

Min en duh chuang hlek lo nia!

Ka ko nawn duh tawh bik lova, amah huatna pakhatmah ka nei lo. Ani pawhin min huat nachhan tur ka hre hek lo. Naupangchhiatthlak lutuk!

Pu Sinha in ka thlen thlengin tumah ka tâwk leh tawh lova.

Damdawi ka pêk chuan an lo lâwm thiam hle a, Bâwnghnute min hawntir ṭeuh a, plastic bûr khai chungin ka thlenna in lam ka pan leh ta a.

Ka tleirawl lai khan ngaihzawng pakhat ka nei ve a, kan inzui rei ve thawkhat viau. Ka zirna chhunzawm tura kal a ngaih tâk avangin inṭhenna mumal pawh nei lo khân kan inbe lo tawp ringawt a, kha bâk khâ mipa ka hnimhnai leh ta miah lo.

Ka nau chiah Bawiha hian bialnu nghet a nei ve a, anni pawh kum thum lai an inzui tawh a, ka nauvin nupui a neih hunah keimahin ka indang ve ang ka lo ti rilru ṭhin khâ a nia..

"U Mafel, Mama nen inva tho hma ve?" Inchhûnga ka luh rual rualin Arini a lo ri hlut a.

"Nia, mut luih a har ve êm a ni." Nui sânga ka chhânna chuan Zirsangliana ati tûm hmuk thung.

"Khaw'nge i nu leh pa te?"

"Bazarah an kal lawk a, haw lo mai la.." Arini'n ati leh a.

"Hâw ngei ka ngai alawm, i û Zirsanga hian min hnê ṭan.." ka tih chuan Zirsangliana a tho nulh a, a kalsawn nal nal nia!

"Tak takin, u Mafel, ka nu leh pa Anniversary hmang turin ka lo hruai ang che aw."

"Tehreng mai, Sangpuia number min pe la, invaiin ka lo call diat diat ang che u.." thingpui inthlit pahin ka ti a.

"Hmeichhe dang tumah an awm si lova, ka nu a awm loh phei chuan ka khua a har tawp, i awm hian nuam ka ti." Arini hian û ang tak takin min en ve-in ka hria a, Aizawla ka phei hunah zin tura chah phei ka tum deuh a, kei pawh fanu mal ka ni ve tho a, hmeichhe ṭhian ka mawmawh ve viau.

Pa Hriata te nupa an lo haw meuh chuan dâr kua ari thuak tawh a, ka thawmhnaw siamfel ala ngaih avangin chaw eikham veleh ka room-ah ka lût nghal a, min duat bawk nen a nuam ka ti phian..

"U Mafel, eng whatsapp nge i hman?" Sangpuia ka pindanah a lo lut a.

"Pahnih ka hmang a, Abo sadam leh Official,"

"Min lo pe ve mai teh, ka whatsapp a chhia a ka download thei lo." Khumah ṭhuin a phone a hmet nuap nuap a, Sangpuia hi chu a naupangber a ni bawk nen ala puitling lo lehzual a, social media-lamah a tâl na ve deuh ṭhin niawm tak a ni.

"Sangpui, rilru nei takin awm tum la, i nu leh pa hian zankhat mitchhin an tâwk thei, chumi hunah chuan engtin nge ka awm ang tih ngaihtuah la, private school-a inhlawh pawh a ṭhat rualin zirzawm leh rawh, i û in nupui a neiha a indan phei chuan he in hi i kuta awm tur a ni a, i pawimawh hle a ni." Ka tih chuan dik tih hmel deuh hian a bu nghat nghat a. Ka thusawi pawh a ngaithla uluk viau.

"U Mafel, lo zin leh ngei ngei rawh aw.."

"Dam te chuan zin leh e a, i number sawi rawh le, ka hman chângin ka lo be ve dawn che u nia.."

A number ka save zawha whatsapp plus ka thawn leh tê tê a, a hman dan leh official nena a in an lohna ka hrilh thuak thuak a, "I sam khâ tan miah suh," ati teh daih a, ka hawichhuah chuan chîk fê hian min lo en reng nia!

"Nia, ka nu leh pa in a tâwi i inhmeh lo an tih vangin ka zuah deuh ngar ngar a nih hi.." ka ti ṭha ve mai a.

Ka room chhuahsanin kan inzui chhuak ta a. Lawmsanga motor-a chuan ka peih tawh lo kher mai.

Dâr sawm hian damdawi leh ranvulhtute tana hriattur sawina hun veng ṭhenawmah kan nei leh zawk anga, chumi hnuah kan haw tawh dawn a ni.

Pa Hriata te nupa an hna-ah an kal tawh a, min mikhual chungchângah lawmthu ka sawi ve nual kha maw..ṭawng thlup thlup e tilo hian lawmthusawi lam ka bahlah viau. Tin ka ṭawngkauchheh hrim hrim hi a chang leh fuk zel a, a dawngsawngtu tân ngaihthlak a nuam lo maithei bawk.

"U Mafel, ka û te thawmhnaw zawrh tur a lo thlen leh veleh ka lo call ang che, Bangkok vek a nia, i duhzawng ka hre tawh a nia," Arini nen Veranda-ah kan ṭhu a, kohhran hnatlânga kal tur mipa ṭhenkhat chu an lo hawi leh vung vung zel a, "Arin, in mikhual nu kha min lo biak," tia rawn fiamthu hlut tepawh an awm, ka nui liam ve mai mai a.

"Mafel, thlah i ngai dawn em?" Zirsangliana tûm bûrin a rawn chhuak ve a. Nge, min huat ve em em rîkngawt ni!? Ka thilsawi kha a duh lo a nih pawhin, 'ka duh lo' tih ṭhat ve mai âwm. Chhe khir lutuk!

"Ngai lovang, Lawmsanga rualin ka kal dawn a, kan haw tlang tawh ang." Ka ti sap a.

"A nawm dâwn chu," inherin a lût leh hmak a. Ka vawm zui ṭawlh dâwn em maw ni! Ka mood ati off tlat.

"Engah mah ngai duh suh, Mama a thinrim rei ngai lo, u Nutei nen an inbiak rem leh hunah a nui leh mai ang." Tiin Arini chuan ka koki-ah min kuah a, Arini nen hian kan pumrua a inang viau, kei ai chuan a hniam hlek a, thawmhnaw pawh kan inhâk ṭâwm theiin ka ring.

"Eng atan mah ka ti hleinem, a zirlai ṭha taka zawm tur leh Nutei vanga zû in tawh lo turin hrilh tam la, i û hian a hun hmâin a nun atichhe vek mai ang."

"Nia, ka hrilh ve fo ṭhin tak nâin nau zawk thusawi hi chu a ngaipawimawh tak tak lo alawm, a luhlul si.." ati nang nang a.

Lawmsanga a rawn thlen tâk avangin Arini chuan ka bungrua min khaipuia, Zirsangliana erawhin 'Ṭîk' pawh zu ti lova..!

After 2 days

Lunglei

Lungpher farm aṭanga ka inkhalh haw laiin ka phone ari chhên a, bike ka khalh laklawh bawk nen dinna tur remchang ka hmu mai si lova, ka pick duh ta lo law law a.

Pa Hriata te pawhin min lo call ve zauh zauh a, Zirsangliana zu in nasa lutuk an manganpui a ni deuh ber.

"U Mafel, Mama'n lo biak ve che a tum apiangin i biak tlang theih ngai lova i block em ni?" Whatsapp aṭanga Arini min lo biakna ka hmuh chuan mak ka ti hle a! An khua ka chhuahsan hnu khân ka thutiamah dingin, an unauvin a mal tê tê in ka be ṭheuh a, Zirsangliana paw'n ṭha takin min chhâng a nih kha.

"Block nâng, inah ka awm char char a, vawiin hian Farm-ah ka kal ve zawk a, bike ka khalh laklawh avangin i call ka chhâng thei lo a.." tiin ka reply ve thuai a.

"Anniversary hmang tur chuan lokal tak tak rawh aw, zankhat riakin ka lo hruai ang che. Motor ka khalh thiam ve si lova, Sumo-in ka lokal mai ang."

"A hun te lo thleng phawt se kan sawi ṭha dawn nia,"

Inbual ka duh vangin Arini nen kan inbiakna ka titawp ta a.

A mak hle mai. Min call tlang thei lo tumah an awm ka hre lova, ka hna chungchangah pawh min rawn betu an awm fo. Zirsangliana berkherin min be tlang thei lo hi thil awihawm pawh va ni suh.

Kan inbiak hnuhnun ber khân 'Lo zin leh rawh' ati lo a, kan chungchang leh a kianga ka mut zana ka thusawi kha engmah a sawi zui bawk hek lo.

Thawven khat chuan ka thawveng deuh huai nia. Mahse, zanhnih ngawt ka mumangah ka hmuh mai bâkah keimaha ka awm châng apiang hian amah ka lo ngaihtuah leh veng veng zel a, eng rilru nge ka put tehreng ni!

"Mate, i phone a ri a nia, ka lo chhâng mai dawn em ni!?" Ka nau Bawiha'n bathroom kawngkhar beng ri dat dat paha min lo biak chuan, "Aw, nakinah ka call back mai ang," ka ti liam puat a.

'Tu'nge, lo phone?' tih pawh zawhna châng ka hre pek lo.

Fai ser sawra ka inbual hnu-in ka room-ah ka lut ta a.

"Zirsangliana'n a lo call che a.." Bawiha'n ka phone khumah a rawn dah a, "Eng nge a sawi?" Khuma phone chu ka ban zui zat a.

"Eng vak mah a sawi lo, khawnge Mafeli ati a,"

"I fel e, coffee lo siam ta che, Bawiha,"

"Muantei ka lo tîr mai ang, chhuah lawk ka duh a, i bike ka hmang dâwn aw.." tiin dressing table-a bike chahbi chu a la a, biak thui hlau zet hian min chhuahsan ta a.

RS 200 Bike ka nei a, ka hlawh ka khâwl aṭanga ka lei a ni. A hmâin Karizma ka nei tawh a, a hlui hmelhmang a chhiat deuh avangin kan tiral ta kha a nia. Tuna ka bike hi chu kum chanve pawh ka la kawl tling lo.

Ka pa in Grand i10 Car a nei thung a, Bawiha hian emgmah lirthei lam a ngen ve ngai lo hi mak ka ti deuh ṭhin.

Kei erawh chu upa zâwk ka lo nih mai bâkah ka nau nen kan kum a inthlau deuhva lirthei lam hi chu ka khalh thiam hmâ viau. Ka pa car pawh ka mamawhnaah chuan ka keng chhuak mai a, nikumah a pension ve chiah a, High Shool Headmaster a ni ṭhin. Ka nu hi nurse a ni a; mahse, Bawiha a pian lai hian a hna a bânsan a, keini unau enkawl hi a hnapui ber a ni mai.

Muantei coffee siam ka tem hlak hlak a, ani hi ka cousin a ni a, ka awm loh a pianga an koh ṭhin a ni a, kei aiin a naupang zawk. Ka patea fanu a ni.

"U Mafel, eng chawhmeh nge kan siam dawn?" Muantei ka room-ah a lo lut leh a, "Ka hre lo, i duh duh siam rawh, ka nu leh pa'n inneihnaah an ei dawn kha aw.."

"Ka hria lawm, a nih chuan ka duh duh a nimai," tiin a chhuak leh vat a. Ka inpeih hunah ka pui ve ang chu.

Ka phone a rawn ri ta. Zirsangliana bawk.

"Aw, sawi rawh.." ka ti nghat a.

"Biak tlang i va har ve.."

"Har ang chu, min lo call tlat lova.."

"Remruatfel, vawi engzat nge biakpawh ka tum che.." a rawn ti hlur a.

"Ka hre nâng, ka hâw dawn kha chuan min be châk vak lovin ka hria,"

"Rawn sawichhuah kher a ngai lo. I thilsawi khâ ngun takin ka ngaihtuah a, zawhchian che ka duh.."

"Theihnghilh rawh. Awmzia a awm tawh lo." Ka ti hmak a. Ka thin a phu nghal zaih zaih thei maw le!

"Ka theihnghilh thei hleinem, inngaihzawnna tel miah lova sex hman i duh tihna a nia," a rawn ti ta fak mai le.

"Chutiangin ka sawi loh khâ..." ka ti tak nâa ka sawi dan kalhmang chu a ni deuh bawk si.

"Naktukah rawn chho rawh, i lo chho a nih phawt chuan zû ka in miah lovanga i sawi ang khân nun bul ka ṭan ṭha ang." Hniam raih leh khauh ru far si a Zirsangliana ṭawng chuan ka thluak ati vir zawk.

Kei hian ani nena sex hmana a fâ pai chu ka duh chiah em? Hus! Engvanga khatiang sawi chhuak reng reng nge maw ka nih le.

"Ṭawng rawh, min chhâng ta che.." ati sek sek a, ka ngawi rauh rauh thung.

"I tlânchhe leh si elaw, i duh tak tak ka ring lo rêng a ni. Mahni thusawia ding ṭhin hmeichhia i ni emaw ka lo ti che a, Nutei nen in inang reng." Phone a off zui nghal hmiah a.

Ka thluak a buai map mai le.

Inngaizawnna nghet nei lova inkawp satliah ringawt chu a pawina ka hre hran lo. A vawihnih nân ka'n tum leh chhin poh a ni ang chu. Amah ang, ka vawikhat hmuhnaa ka ngaihven nghal mipa hi an awm ka hre ngai lova, a nun buaichuar ru zet siam ṭhatna tur a nih dâwn chuan a hnena ka lo sawi tawh kha ka tihlawhtling dâwn lovem ni?

Mahni thutiam sût leh mai mai tura hmeichhe nêp ka nih tlat loh avangin Zirsangliana nen affairs (Inngaihzawnna satliah) nei turin thutlûkna ka siam ta a.

Nutei nen an inṭhen lai a ni a, mí inkawp ṭha lai pawt ṭhen tur ka bik hleinem le..

Ka phone la-in Zirsangliana number ka 'dial' ta a.

"Aw, sawi rawh.." nichina ka ṭawng ang chiah khân a lo ti ve kher a.

"Ka thusawiah ka ding a, mahse, hei hi hrereng ang che. Nau ka lo pâi ta a nih chuan min chuhpui thei lovang. Ka nunah i inrawlh tur a ni lova, a hmâ a ka lo sawi tawh ang khân pasal neih tumna rilru ka pu lo. Chuan kan inkâr chungchâng hi khawiah mah a ri chhuak tur a ni bawk lo."

"Nau i pâi te chuan kan innei anga a ni mai alawm,"

"Chutiang ka duh lo. Kei hian fâ neih chu ka duh tehmeuh mai, mipa tamtak min duh der ve tute zingah nang ka thlan kher nachhan che hi lo chhût chhuak ang che. Ruih chîng mipa i nihna te, hmeichhe pakhatin a ṭhen che avanga i nâ lai hmutu che ka ni a, chuti chung chung chuan tuna kan inresiamna hi pawm ka ni." Thaw chhâm dâwna ka ṭawng lai chuan min lo dang chat a.

"I thutiamah ding la, kei pawh ka ding ang. Fâ chungchângah chuan ka thu a ni lo tih i hria ang chu. Ka nun min khalh ngîltu tur atana ka thlan i ni. A chhan lo chhût chhuak ang che." Ati ve leh kher a.

"Kan inkawp chhung na nâ na chuan hmeichhe dang i be tur a ni lo a, Nutei pawh a huam tel tih hria ang che, ruih theihthilah inhambuai tum bawk lo la, hêng ka sawi ang zawng zawng hi i zâwm vek thei a nih chuan ka thusawi tihlawhtling turin ka lokal ang." Ka ti ta a.

"A ṭha e, nang pawhin mipa dang i be tur a ni lo."

"Sex kan hmanga ka lo râi ta a nih chuan keima fâ a ni ang. Min pe hmiah thei ang tiraw!?"

Thâwk ala hap a, chutah, "Aw le, chuti em em a min neih hlau hmeichhia i nih chuan i duh angin engkim thleng rawh se."

Kan inbiakna ka record vek tih a hre dâwn der si lova, kei hian ka damchhunga ka nun chawkbuai thei thlutlûkna ka siam a nih chuan engvangin nge voice record ka neih loh lêm ang. Mipa nikhua lo tak a ni hauh lo.

Kei anga luhlul leh tihmawh ve tho a nih tlat avangin kan hmâah eng nge thleng dawn kan hre lo ve ve a, chuvangin kan inremsiamna record khâ ka neih ngei a ngai a ni.

"Engtikah nge i lokal ang?" Tia min zawh chuan, "Zaninah ka lo confirm dawn nia, i nu leh pa inneih anniversary hmang tur anga ka lokal chuan ala hma deuh si a, zankhat riakin ka lokal mai dawn em ni?" Ka ti ta a.

"Naktuk chawhnuah rawn kal tum la, hruai i ngaih chuan min lo hrilh dawn nia," ati nghal ta mai!

"No, kan inkâr tumahin an hriat ka duh lo. Zaninah ka lo hrilh chiang ang che, ka nu leh pa hnenah chhuanlam ṭha tak ka neih a ngai tih hria la.."

"Ok, i thutiamah ding ang che." Zuk ti hrâm a!

Kan inbe zo chu mak takin ka thâwl huai thei nia!

Vety doctor ve lâi chu min duhtu leh min ngaihventu an awm ve nial a, mipa lam ka ûksâk loh êm avangin an beidawng leh nge nge ṭhin.

Zirsangliana kher kher ka thlang hi kei ngei pawhin ka la hrethiam bik lova, chupawh sex chungchâng thlenga kan sawi dun ta mai leh ka zahawmna zawng zawng thlauhthla ngam a thutawp ka siam ta rup mai hi eng thluak nge maw ka neih le!

Mahse, a chhan bulpui ber chu ka vawikhat hmuhna a min hip tlattu mipa a nih vang a ni. Ngaihzawng nghet nei a ni tih ka hria a, 'an inṭhen' tih ka hriat hma aṭang tawh khân ka thinlung a luah tlat tih ka chiang hle bawk.

Kan chaw ei laiin ka nu leh pa hnenah ka zin tur thu ka sawi chuan mak an tih hmel hle a. "Zan hnih chiah kan hnenah i la awm a, eng thil pawimawh nge ni ta!?" Ka pa min zawhna chu chhân mai dan tur ka'n hriat loh chu le.

"Zan hnih bâk ka riak lovang. Ka thlenna te nupa inneih anniversary hmang tura kal leh tho angai dâwn a, tuna mi hi chu ka mimal thil a nia." Tia ka chhânna chu an pawm ve mai. Phal loh mah se an fanu in thutlûkna ka siam tawh a nih chuan min dâl dawn lo tih ka chiang ve tlat.

Nula puitling mahni inenkawl thei ka ni tawh a, ka nu leh pa mualphona tur ang hian vawikhat mah ka la awm ngai loh avangin keimahah rinna an nghat hmiah a ni.

"Mate, ka hruai ang che aw.." Bawiha a phûr hle a, mahse, inhruaitir ka tum lo.

"Hruai ka ngai lovang, naktûk chawhnu-ah dam chuan ka kal anga, Bike ka keng dâwn,"

"Mate, Bike keng lovin i nau inhruaitir mai la.." Ka pa in a lo ti a.

"A buaithlâk, châmrei ka tum hleinem, a hnai em mai.." min zawh thui hlau zetin ka tho ta daih a.

Engmah an sawi zui tawh bik lo. Muantei erawhin min enchîk hle tih ka hria.

"Pasal neih tum lo fanu ka nei a nia," ka pa fiamthu thawh chuan ka nuih ati za vak lo, "Ka nei ve thut mai thei, Bawiha ai hian ka nei hmasa lovang tih ka sawi thei miah lo a nia," ka tih chuan an awih lo nasâ.

"Bawiha, i û in pasal a neih phawt chuan ran chikim ka talh ang," ka pa'n ati leh a, an sawi thui leh dâwn e, pasal nei tur hian min tur fova, min nin vang nilovin ka hmâkhua an ngaih vang tih pawh ka hrereng. Mahse, mipa zantin 'Up down' pui tur khawpa ka nun chawkbuai thei ka la tawng lo a ni mah na...

Ka room-ah ka zinna report thehluh tur ka siam malh malh a, thlakhat chawlh ka lâk dawn avangin ka zawm leh huna buai chung ngai lo turin ka inhmakhua a ni deuh ber.

Tanhril Broiler chick farm-a thawk, ka ṭhianpa nen kum tawp lamah training pe turin kan zin dâwn a, ka kal theih leh theih loh tur inreport na hun last date hi naktuk a ni a, chumi tur pawh chu ka la siamfel chiah lo bawk nen ka buai angreng viau. Zirsangliana call-na hun pawh ka la nei ta rih lo.

Dâr sawm dâwnah ka inpeih chauh a, ka whatsapp tone ari ngun malh malh khawp mai.

Ka group awmna bâkah Arini leh Zirsangliana message a awm a, Arini min lo thawn ka en hmasa phawt a.

#U Mafel, i inhmeh deuh tur T-shirt nalh deuh deuh ka dah hrang a nia.

#A thlalâk ka lo thawn ang che aw.. Tih vel a ni. Arini hi kum 25 vêl bâwr a nih ka ring a, class 12 a zirlaia a damloh avangin kum khat a chawl a, chumi hnuah a patea damlo buaipuiin kum khat dâwn Aizawlah a awm leh a, a zirlai a khaihlak deuh tih ama'n a sawi a ni.

Zirsangliana min lo thawn ka open ve ta a.

#Remruatfel

#Ka kianga i mut hunah i muhil hman dawn si lova âm deuhvin zaninah lo mu ang che.

#Doctor bialpa ka ni pha lo. Kei misual dum ber hi..

Ka nui nasa ngei mai. Arini ka reply hnuah Zirsangliana ka call ve ta chauh a.

"Umn, min la hria maw.." Mut chhuak lutuk tih hriata a ṭawng chu a sexy ru riau.

"Hre chiah lo. Mahse, min ngâitu awm ang tlata hriatna thlarau sual ka dawng a, nangmah ka lo tinzâwn che,"

"Â hah! I thlarau sual dawn chu a dik a nih chu, i khumah khân ka mu," arawn ti chhak mai le.

"Tak tak maw, a sirah i mu nge a kilah," ka nui var var a, "A kilah ngat le, lukhamah i rim ala nam veng veng, i lo chho dâwn nge dâwn lo?" Tia min zawh chuan rang fê hian, "Dâwn e, hruai ka ngai lo anga, hmuaktu erawh neih ka inbeisei.." ka ti sap a.

"Ka lo hmuak ngei ang che, ka chhûngte ka hrilh dâwn em?" Ati a, "Hrilh duh suh, surprise a nimai,"

"Ok, tak takin Mafel, hruai i ngai lo tak tak maw?"

"Ngai lo e, ka lo chhuah dâwnah ka lo call che anga, signal awmna apiangah ka thlen chin lo hrilh che ka tum dâwn nia.."

"Aw le, i duh chuan i fel thei thliam thliam maw le, i hmuiah ka fâwp châk," zak ṭhak lova atih chuan ka lâi ringawt! Min hmuthei tawp si lova.

"Fâwp angah inngai la, maimitchhing rawh le, chuan.."

"Sual viau suh aw, i lo thlen hunah chuan âw.." tiin a aw a thian kharh a, hepa hian phone aṭang ringawt pawhin min tizak thei mai dâwn alawm le.

Rei fê thu ho mai mai sawiin ka titi a, sawmpahnih thleng rak kan inbiak chu le!

"Zingah ka lo kai tho ang che" tiin kan inbiakna ka titawp ta a.

A aw ka hriat khân ka lung zuk lêng deuh tlat a! Ka lo duh ve tak tak em maw ni le! Mahse, ka thinlung kilkhawr ber erawh pêk ka tum hauh lo. Mipa, englai pawha a bialnu hlui hnena kîr leh thei lakah hian rilru natna ka tâwk ang tih ka hlau a ni.

Ngaihzawnawm tak mipa ni mah se thinlung zawng zawng a kawp chi mipa niin ka hre lawi si lo.

Sex hmang dun tura thutlûkna han siam ngawt mai chu thil finthlâk a va ni si lo êm!

Zirsangliana

5:30

A hmeichhia zâwk rawtna pawmpui loh khâ mipa nêp ber hna a ni a. Nupui atâna neih tlâk a ni tih ka hai hek lo, ka nu phei chuan, 'Mihrang nisi-ah chuan Mafeli anga duhsaktu che hi i tawng tawh kherin ka ring lo, rilru puitling pu pha chin a ni a, i hma hun tur ngaihtuah thui nachâng hria ni la, a thusawi pawm hmiah rawh,' ati nghe nghe.

A sawi dik chiah tih ka hria.

Hmân zana min zilhna ṭawngkam ang te kha Nutei lak aṭangin vawitekhat mah ka la dawng chhin ngai lova, Remruatfeli zawng hmeichhe dik tak a ni. Mahse, eng vanga khatiang ruahmanna âtthlak lutuk rawn phuhchhuak nge a nih tih ngaihdan ka la nei lo fo.

'Ka lokal dâwn' atih ri chu ka bengah ari nawn tlut tlut a, mikhual pindanah, kan lo mut dun tawhna ngeiah chuan ka riak lût ta khâ a nia.

Ka hawina lam apiangah a hmêl hlir ka hmu zêl a, Nutei hlimthlâ ai chuan Mafeli hlimthâ in min luah hneh zâwk.

Kan sitting room-a kut hnungsuiha a tei lai te kha ka hmu nawn zut a, hmeichhe inringtâwk tak a ni tih a chezia engkimah alang a ni deuh ber.

Dâr nga a pêl dêk dêk a, mawnga hawlh ang maiin ka za sek thei nia! A lokalna tur motor a sawi miah lova, rethei zawk zawk anni lovang tih hre tho mah ila a incheina pawh a sâng lem lo khawp mai.

Ka chhûngte hnenah a lokal tur thu sawi a phal mang si lova an hmuh hunah mak anti teh ang chu.

Min lo call hun ka nghâk ngar ngar a, dâr rukah chiah chiah min lo phone ve ta.

"I tho tawh em?" phone ka pick rual rualin min zâwt a.

"Tho nâng,"

"Tho lâ, tuilum pep pep in rawh," a rawn ti a.

"Eng atân?"

"Zaninah i kianga ka mut dâwn avangin i taksa chhûnglam lo 'drain' rawh le.." zingkar karah za lutuka ka'n nuih chu le.

"Ka fai vek a, ka fit vek bawk," ka tih chuan a nui hak hak a, a nui hmêl ka mitthla thei nghal.

"Englo..ih..ka tâ tur kha maw lo tifai ṭha hle ang che," sawi hreh deuh niawm tak hian a bahlah deuh a, hei tak hi Mafeli danglamna chu a ni. Atih tura chiang hmeichhia a ni a, kan sawifel vek tawh sa-ah khân tlânchhiat a tum lo hlê a ni tih ka hrethiam uar.

"Nangpawh fai lutukin rawn kal ang che," ka ti a.

"Englai pawhin ka fai," ati zui zat a, kan thilsawi ho lutuk chuan min nuihtîr suk suk reng mai.

"Chawhnû khera lo chhoh tum lovin tunah lokal la, ka lênkualpui ang che."

"Aih, khawlaia inzui rawl rawl ka duh lo, â ka duh lo a nimai," a'n ti ṭha leh a.

"Ok, ka lo nghâk reng dâwn che a nia,"

Kan inbiak zawh hnuah nui suk suk chungin ka tho ve ta a. Remruatfeli kum dik tak hriatchhuah ka tum ta a, Lungleia ka ṭhianpa, Hruaisanga ka phone a, Mafeli chanchin leh an chhungkaw chanchin lo hrechiang turin ka ti ta a.

Doctor pawh nise, a rûka nikhualo zet a lo ni ve thei tho tlat a ni.

After 11 hours

Nilêngin inah ka awm a, Mafeli'n a lo chhuah dawnah min lo call-a.

Zû in châkna nei tho mah ila tih thinrim ka hlau ru deuh tlat nia!

Motor rawn tlân apiang ka lo mitmei zel a, dâr thum arîk thleng pawh chuan lo lan chu sawi loh a reh vung vung a, a lokalna tur motor lah a sawi duh reuh si lova ka beidawng titih tawh.

"Hmuaktu tur pawh ka neih si loh, " Kan kawtah Bike a rawn ding dat a, Remruatfeli aw ngei mai ka'n hriat chuan ka chhungrilah chê a awm!

Mipa dang arawn inhruaitîr vaih chuan ka thusawi zawng zawng khâ ka sût leh vek ang.

Rang lutukin pâwnah ka chhuak a.

Helmet full face khum, Bike chunga ṭhu hmeichhia ka hmu chiah chu maktiin ka meng kâwk lo thei lo.

Lunglei aṭangin a rawn inkhalh thleng thei a nia.

A sam sei angreng tak khâ hraw hraihin a phiar a, kekawr dum mar ṭang hâin leather jacket dum a ha bawk a, a boot bun pawh a dum tho.

Chhelo tak a ni.

"Hey, Zirsanglian, khatia ding reng lo khân ka bag hi hlângthla ta che maw le," a Helmet phelhin a sam a chûl thuak a, glove a bun thlap bawk.

He hmeichhia hian ka thluak a tibuai ṭan. Ka fâ pâi tumin min rawn pan ta chu a nia, 'ngaihtuahna fîm a hmang lo ani ang' tingawt ila, chu erawh thil nithei a ni si lo.

Keimah zâwk ka lâi deuh hû alawm le.

A bag ka lâkthlâk sak hnuah bike a hûng rem leh tê tê a, henu hi zaninah ka 'Ta' a ka siam lo a nih chuan Zirsangliana ka ni lo a ni ang.

Vawi tam tak mutpui tlâka îtawm leh nalh a ni a.

Hmangaihna tel lo, induhna leh tisa châkna puitlin tura duh thlang fel ve ve kan ni bawk a.

Ka chhuah hauh lovang...

©<++++[BeckirafARenthleI]++++>®

RAPSAGY

Becky Rafa Renthlei

Chapter-6

Remruatfeli

4:00Pm

Pa Hriata te in kawtah Bike ka tiding dat a. Zirsangliana hmêl ka hmuh loh avangin ka hâwihâi hle mai.

Min hmuak tur anga a insawi ve si vang khan ka lunghnur ru riau nia! Mahse, kawngka zâwna amah ang deuh ka hmuh chuan, "Hmuaktu tur pawh ka neih si loh,'' ka tilui ve ngat a.

Inchhûng aṭanga rawn chhuakin mak tih hmel taka min en pawh ka hmu reng. Mak ti awm rêng pawh a nia lawm le, tû hmeichhia mah hian ka tih ang hi an tih ve duh ka ring lo. Kei chuan ka thutiama din tlat ka duh avang leh rinawm lo nih ka duh loh vangin amah ngei ka pan a, hnunglam hawikîra inchhir ka tum hek lo.

Ka hmabâk hlenchhuah ka tum mai a ni.

Mi tenawm ber ang ziazânga ka che ta mai hi mak ka inti lo thei lova. Mahse, mihring induhna leh in îtna hi chuti maia hnara, hnâwl theih ninghal lo chuan..

Ka zin bag lian vak lo, Bike hnunga ka ṭâwnbeh min lâkthlâk sak hnuah an inchhûngah kan inzui lût ta a. Min hmuh tirha a lâwm hmel leh min rintâwkna lo lang khân ka thusawiah ka ding nghet tlat tih atârlang chuan ka hria.

"I chau em? Inbual nghal i duh chuan tuilum ka lo siam ang che." Polite takin min bia a, ka kal hmasak zâwk nen a boruak a inthlâk hlawk a ni ber mai.

"Duh ve tho, tui sa ṭha ver vawra intleuh zuai chu ka pawiti miah lo."

"Tumah inah an awm lova, eirawngbawl te pawh ka kutah an dah vek," lungawi chiah lo hian ati leh a.

"Ka inbual phawt anga kan pahnihin kan bâwl dâwn nia," ka tih chuan dar san zauh pahin, "Nuam dâwn ve" ati sup a.

Chumi hnu chuan ka inbualna tur tuilum min dahsak thlap a, mamawh ka neih chuan amah hrilh zêl turin min ti vei thlap bawk a, a duh chuan a lo fel ngei mai.

"Inlip vek i tum em ni?" Bathroom kawngkhar zâwnah a ding ningei tur a ni. Inbual rei minti tih ka hre mai.

"Lip bik nâng, ka sual ka tlêngfai," fiamthua ka chhân avang chuan a nui hawk a.

"I inbual zawh vat loh chuan eirawngbâwl kan tlai vek dâwn a nia," tiin a kalsawn ta a. A nupui emaw min ti a ni maw. Mahse, lung lo-ah ka la bîk lo, nuam ṭan dâwn e.

Bathroom ka chhuahsan lai chuan chawhmeh siam tur a lo dah chhuak mêk a, min melh zauh pah hian, "Ka fâwp châk tawh che." Zuk ti mauh a.

"A hun leh a hmun a awm aw.. tunah chuan khatiang lam ngaihtuah rih loh tur,"

"Strick ṭhak ṭhak ve le," a nui deuh suk a.

Eirawng kan bâwl dun ta chu a nia, ka sawi ang apiang thuawih deuhin ati zar zar a, keiin a siam lam ka tum a, a ni'n ka mamawh tur min lâkkhawm sak zung zung thung.

"Engtik thleng nge i awm theih ang?" Buhfai a sil a, keiin Arsa ka lo fry ve bawk a.

"I awmdan a zirin ka awmreiin ka awmrei lo ang," ka ti liam puat a.

"Hâw tawh lo mai ta che," thutak zeta tiin min rawn pan a, "I awm loh chuan kan in hi nuam ka ti tawh miah lo," ti leh supin ka kâwngah min kuah ta a.

"Hey, tun hi a hun a ni lo ka tih khâ!"

"Kuah ringawt pawh i duh lo a nia, engtin nge zan hun kan hman ang le!" ngaihdan ni vak lo tih hriat deuh hian a insaseng thuai a.

"I lungawina tâwk ka pe ang che, mî hmuh laia induat hliau hliau ang chi te kha ka duh lem lo, a hunah chuan ka ri phat mai ang."

"Remruatfel, a hun thleng thuai thuai se kan va ti ve," tiin a thil sil lai a chhunzawm leh ta a, min nawr luih ka ring deuh a nia, a teuh lo mai! Ka ring sual leh ta.

A chhûngte an lo haw meuh chuan chaw ei kan peih thlap tawh a, ka hmêl an hmu thut chu mak an ti hlawm ngei mai.

"U Mafel, engin nge i lokal?" Arini'n min zâwt hmasa ber a.

"Bike-in maw le," ka chhân hma hma a Zirsangliana'n min lo chhân khalh chu le.

"Lalpa leh! Lunglei aṭangin i lo inkhalh thleng a maw!" Arini leh Sangpuia makti hmel avang chuan ka nui ta hak hak a.

"Chief minister fanu ka ni bîk si lova ka lo inkhalh thlen mai loh nâkah.." ka tih chuan an nui vek.

"U Mafel i ṭawngkam hman hi a mak thei e.." Arini'n ati leh a, ka nui tawp.

Pa Hriata te nupa-in ka kalchhan leh ka tihtur engmah min zawt miah lova hmel hlim takin min lo chhâwn thung.

Chaw kan ei dâwnah, "Ka bulah ṭhu rawh aw," Zirsanga'n ati sup a, hnial buai ka tum lo.

An dining table hi kil li nei a ni a, asîr berah Arini ṭhu-in, kei alaiah, ka veilamah Zirsanga a ṭhu a, a bâk zawng kan ep chiahah an ṭhu ve thung a, ka awm loh a an khawhar zia an sawi ve luam hlawm a, tak tak nimaw.

Kan chhungkaw chanchin min zâwt chîk ve ta deuh bawk a, nu Zuali'n, "I chhungte chuan lokal leh an phal meuh maw," ati a.

"Phal e, ka hna thil tih lohvah chuan ka zin chhuak khât ve êm a.."

Thildang dang min zawt luam a, dik takin ka chhâng vek. Zirsangliana'n a ngaithla uluk hle.

Inkhawm tura min chhuahsan vek avangin Zirsanga nen chauh kan awm a, a ṭhiante lokalin hruaichhuah an tum paw'n a duh bîk ṭhak lo.

"Kan mikhual chhuahsan daih te chu a chiloh.." tiin a hnar ve zêl a, midang hriat laiin min duhna leh hriatthiam theih turin a awm lo hrim hrim! Chutiang chiah chuan keipawh ka awm a, tlangval lo lêng te pawh tumah biak chhiat ka nei hran bik lêm lo.

"Zanin chu arûk deuhva ka lo mut angai dawn a nia," ka bengbulah a rawn ti sup a.

"I chhungte mut hunah lokal mai rawh," ka ti ve hmiah.

Ka nu leh pa, Bawiha te ka chanchin phone-a ka hrilh hlânin Zirsangliana a chhuak zuk a, eng nge atih hre chiah lo mah ila rinhlelhna deuh chu ka nei.

Mahse, eng mah hrechiang lova thinrim ka duh loh avangin ngawih ka chuh ta a, minute sawm chhung vel a thangbo in ka hria.

A lo lut lai ka hmu chiah tawh lova, kan pu-in min lo be ve chhên bawk nen ka ngaihven lutuk hman lova. Mahse, ngaih chu a ṭha chiah lo deuh.

"Ka u te thawmhnaw zawrh, ka dah hran sak che chu i hmu duh em?" Arini inkhâwm bângin a lo tilût a.

"Duh e, lo la chhin la,"

"Ka room-ah lokal mai rawh, Mama chu pawnah Lalfaka nen ani inbe rih.." ati leh mai a.

Arini room-ah kan inzui lût ta a.

Thil neuh neuh, tesep a ngah kher mai, nautelem ringawt pawh panga vel a nei nia!

T-shirt dum leh sen, a purple leh a hring duk a lo dah hrang diam a, avaiin ka ha tâwk vek!

"I inhmeh lutuk, keipaw'n ka la nual mai," tiin a lâksa min entir a, ka ta tura a lo dahhran nen inang pahnih a awm a, mahse pawi ka ti lem lo. Kan hâkna tur hmun a in hlat êm mai.

"U Mama hian zû a in miah lo.." ati sap a.

"A in ngam lovang kan in hrilh ngun alawm," ka tih chuan, "In pahnih hian inkawp daih u la ka ti. Mahse, i duh âwm si lova.."

"Kan la ngaihtuah ang chu, puitlin lam a pan phahna tur a nih chuan theihtawp ka chhuah ang," Arini lawm hmêl ka hmuhin ka thusawi anga ka awm angai tih ka hre mai.

"A zirlai zo se, sumdâwnna lam a khawih anga a zia ve mai ang. Amah ring ngam tlattu hmeichhia a mamawh a ni." Tiin khumah a ṭhu hnak a, "A châng chuan u Nutei ka ngei lek lek zel, Mama hi a ringhlel leh ringawt zel a, Chennai-a a awm lai pawhin engmah hrechiang hawt lovin thîkthu a pe chhe em em a, kâr thum vel an inṭhen alawm," atih zawm leh a, ka ngawi reng thung.

Nutei chungchâng an sawi fo ṭhin a, amah ka la hmuh loh avangin râlkhat aṭangin eng ngaihdan mah ka siam duh lo. An sawi ang vek a ni lo ve thei tlat a ni.

"I û zu in vel hi a hre ve tho awm si a, a hau nge hau lo?"

"A hau nasa lutuk, u Nutei hriat lai phei chuan a in ngam ngai lova, a lo haw hlima a in leh pawhin 'Nutei kan hrilh ang' ka nu-in atih chuan a in lo hmak zel, chuti khawpa a thu awih si hian eng emaw hlekah phone aṭangin a rawn âng vak zel a, an ina a lên dâwn phei chuan a rui ngai lo hrim hrim.."

"Mak ve," ka ti sap a.

"Nia, an awmzia hi ka hrethiam tawh bik lo. An intih thiam loh apiangin zû in a tum zel bawk si a, thlatharah a chhuk tawh dâwn a, ka ngaihtuah ru riau a ni." Arini hian a û te chungchâng a hre tam ber ang tih ka ring a, a sawi pawh a dik ka ring.

Zirsangliana hi hmeichhe pakhata lungawi mai chi mipa niin alang. A fair viau e.

Arini pindan kan chhuahsan hnuah, a nu leh pa an lo haw ve bawk a, eng eng emaw kan sawi nual mai. Pa Hriata'n "Mama i lo kâwm duh a, kan lawm viau a nia, tunlai a khawsak dan hian rilru a tihah deuh zawng a ni e, zû lah duh duh a leitur a awm bawk si, in khuahkhirh tum mah ila an duh chuan ṭhiante hnen aṭangin an nei leh zel tho bawk nen kan invêng sêng lo a ni ber mai." Tiin min hrilh ve a.

An fapa upa zâwk, engkima an rin leh an innghahna hian an rilru a tihah hlê tih ka hriatthiampui lutuk tlat.

Zirsangliana rawn luh laiin ka tûm hmak a, biak ka châk lo.

"Mafel, Lalfaka'n a computer min enpui lawk rawh ati a, ka chhuak daih a, lo hrilh hmasak che ka tumin phone-ah mi i be laklawh sia ka kal ringawt a nih kha.." ka kiangah a rawn ṭhu a, a thusawi hi awih tur nge awih loh tur pawh ka hre lo. Mahse, a rawn insawifiah thlap avangin a ṭha tho e.

"Kan pu-in min rawn bia alawm le," ka ti ve ṭha ve leh mai a.

"Va mu daih rawh, i men ve reng chuan ka nu leh pa'n mut nachâng an hre lovang," ka bengbulah ati a.

Tenawm ṭha ve asin.

Nui deuh sak chung hian, "An men chhûng ka meng ve reng anga, lo mutna hun i nei tlêm a nimai." Tia ka chhânna chu a run deuh nge, ka hnunglam aṭangin ka bra kilhna a rawn pawt zauh a, "Tlanchhe mah la ka zui zêl ang che." Zuk ti hrâm a!

A nu leh pa mi â ni hek lo le. Rei vak lovah an mu ta thuai a, Arini pawh a mutna a rei leh deuh tawh. Sangpuia ve thung chu a dan pangngaiin a la lêng a, zanreiah bâk a lo hâwin ka ring lo. Chupawh inhnuaiah a riak daih a, a haw thâwm ka hre ngai lo hrim hrim.

"Ka bike kha garage-ah min dah luh sak lâ.." Zirsanga lam ka hawi a.

"I sawi hmâin ka dah daih tawh, a berh angreng bawk nen i inbual hlân khân ka tleuh thuak thuak alawm," ati awlsam êt nia!

Ka rin ang chiahin a ruih loh chuan a chêt fel thlup duh hmel rêng a ni.

"Fel leh si ve.."

"Ka fel lo a ni ang, inngaihzawn pawh i duh hleinem," ati hmuk a.

"Lungngai mahta che, bul kan ṭan dâwn ék ék chauh alawm le,"

"I thluaka i ngaihtuah hi hrethei ila ka tingawt mai. Le, mu ang.." tih pahin min pawt tho zui ve nghâl a.

"A ruala mut tezawng a chi loh lutuk.." ka ṭang deuh ṭung a.

"I rilru tihah suh, engkim an hrethiam vek alawm, an sawilang duh lo mai mai a nih kha, puitling ve ve kan ni tawh a, kan duh thlan a ni bawk." Dam leh zawi supa a ṭawng tâkah chuan îhe lovin ka zâwm ve mai.

Mi â nilêng tân lo chuan hriatthiam loh tur awm nghâl lo chuan..

A room-ah min hruai a tum a, mahse, ka duh loh avangin mikhual pindan, a hmaa ka lo mut tawhna ṭhinah khân kan inzui lût ta a. Ka zâm ru viau nâ a, tihlan erawh ka hlau hle.

"Zanina kan awmdan hi sâp thawnthu ah bâk a awm ka ring lo." Zirsanga thawmhnaw hlîp mawlh mawlh chu ka en a, a in phelh fai vek dâwn emaw ka tih laiin boxer leh tawnzau nen khumah a rawn lawn kai a, mipa na nâ na chu tîmna eih pawh zu nei lova.

Kei ve thung erawh ka insangmar ru ṭeuh a, a hmuh laia mutkawr inbel ringawt pawh thih hrehin ka hreh si.

"Inbengdai rawh, i inpeih hmâ chu ka nawrlui hauh lovang che, i mutkawr phawrh chhuak la, light ka off veleh i ha dâwn nia," ka ngaihtuahna hria ang hrimin ati ta a.

Ka mutkawr phawrh chhhuakin ka malchungah ka dah a, ka chezia ngawirengin min en a, a hmelah eng nge a ngaihtuah tih ka hre thei bik lo.

"Off rawh le.." ka sawi zawh rualin light a off hmak a, "I rilru thlâk leh i duh chuan sawi tawp rawh." A aw chhuak chu a hniam hrat.

Choka lam leh sitting room-êngin a rawn chhun pha tho a, chuti em em a thim chu a ni lo.

"Thlâk love, Remruatfeli ka nih chhung chuan ka thutiamah ka ding zel ang," khumah ka lawn a, a kiangah amah kuah thlapin ka mu ta a. A che eih lo.

"Mafel, i inchhir lo ang maw!?"

"Ka inchhirna turin awm lo la, ka inchhir lo ani mai, ṭawng ṭawng tawh suh," ka tih chuan a nui hawk a, "Bengchhheng siam hlek suh, an hria ange.." ka ti leh a

"Lalpa, ruahsur tir hrâm rawh, tia ṭawngṭai i duh em?" Atih chuan ka nui khûr dar dar a. Ni e, ruahsûr hlauh se chuan kan thâwm a hriat dawn miah lova, chu chu a ngaihtuah tih alang reng.

"Ṭawngṭai la..." tiin a biangah ka chûl a..

"Â hah! Kan lawm em em e, ka sual dum a var hunah aw.." a kut lum thar thara ka kâwngah kuahin min pawthnai sauh a, a pangti lum leh a rim pa hrâk ka hriat chuan chhûngrilah thlamuanna mak deuh ka nei!

"A lehpek awm lo tura kan sawi kha theihnghilh suh ang che, tuna kan awmdan hi helai hmuna ka châm chhung chauh a ni tih hria la, inbiakzui leh inngaihven zui a thiang lo tih kan hriat ve ve a ngai a nia.." ka ti leh hrâm a.

"Aw le, i sawi chiang khawp mai, i ngaihtuah zâwng hre vek lo mah ila, i sawi ang chu ka pawm e.." tih pahin ka hmuiah a rawn tawk zauh a, kei hian ka thinlung duhna tilianin thil mawi leh zahawm ka kalsan ṭan mêk a ni si.

Ka inchhir tur a ni lo.

A kuta min tawhna chu a hmuiin a chhuizui zêl a, mipa tih takah hmeichhe taksa lumna a nghen rualin tisa phûrna a nei nghal deuh mai. Kei ve ka la inthlahdul hleithei lo.

A hmui lum ham ham a min fawh rualin a kut, thununtu awm miah lo chu a vâkkual ruai a, 'ka duh thlanna alawm' tiin leh min tawh rengna chuan keimahah awmzia a nei ṭan ta.

A taksa hnuailam inpeih at tawh chuan ka tâi bâwr vel a nêk a, phurna sawifiah theih loh hian min tuam ṭan der nia, ka lo hriat ve dan chuan 'hmeichhiate hi an châkna a chhuak har' tih khâ a nih ṭhin a, chutiang ni lovin hmeichhe hrisel ṭhaah chuan mipa an lo pawimawh hle tih ka hrechhuak chawpchilh bawk.

Mipa, ka taksâ nena pumkhat nitura ka thlan ngei a nih avangin leh mipaah pawh 'pa' tak a nih tlat avangin ka chhungril a tawk che si anih hi!

"Ka kir thei tawh dâwn lo a nia," tiin ka hmeichhiatna hnâwng chap, a kuta a rawn tawh chuan ka îp zawk a. Mahse, ka inthladul leh rang ngei mai.

A mipatna ruh leh khauh ṭang, ka taksa chhûnga alo luh lai chuan mak tiin ka mengphar âwk a, ani pawh a châwl dat tho. A nâ ti mah ila a taksa lumna ka nghen rual vêkin ka lo insiamrem sauh a, a vawikhat nan ka duhthu ngei leh ka intiamkamna tihlawhtling turin tisa nawmna vawrtawp thleng tur chuan ka thluak ka sawrbing ve ta.

A hmui hnâwng chap leh a mitmeng fiah kâk, tisa châkna avanga phî chiai chu a nalh ru zêk a, maimitchhin ka tum chuan, "Meng la, ka mitah tak en rawh, i vawikhatna tur a ni tih engvanga sawi lo nge i nih?" Thinrim nimiah si lo. Chang ru zet si-a a ṭawng chhuah chuan ka ngawi reng a.

"Remruatfel, i mak hle mai, i mak a ni.." tia ka chung aṭanga lehthlâk tumin a inbengkâng uaih a, a kâwnga vuan tlat chungin, "Chhunzawm rawh, tûn bâk hun ṭha i nei tawh dawn lo a nia, a nih tur a ni zo vek tawh bawk." Ka tih chuan ka mitah chiang takin min en a, harhfim ve ve kan ni bawk nen a zahthlâk ka ti lo thei lo.

"A nâ lo ti a dâwt min hrilh tum hlek suh, i luhlul avanga pal luih che ka tum miah lo ania,"

"Chhunzawm rawh ka tih chu.."

Chutah min en deuh vang vangin, "Hmeichhe mak leh dangdai tak chu i lo ni e, ka tawpsan hauh lo ang.." ati nghut a. Nawmna tem ve dâwn lo mahila sawisel ka tum lo. 'Ka tih tawh chu a tâwp thleng rakin le..'

Kan awm dan a 'diklo' tih ka thinlungin a hria, mahse, chhunglama min turtu a nasat êm avangin 'Lalpa min ngaidam rawh,' ti rilru chunga ka inpekna chuan 'Seol' ah min hruaithleng ta tho chu a ni e.

Mipa, vawikhat ka hmuh ruala min hîptu a nih miau avangin kei hi ka inchhir ngai tur a ni lo. Nawmna vawrtawp a thlen laia a rûm nghat ri chuan ka chhungril ber ati nghîng thei nia..

'Zirsanglian' tia phun sap chungin a âwmah hmai ka phum ta a...

A hmaifang dik zet leh a mitmeng fiah kâk chu ka harh leh hmasak ber rualin ka hmu nghal a.

A tân eng nge ka nih ka hre lo. Mahse, ka tân erawh mipa diktak a ni thung si. Ka kalsan hlen thei ang ngem ka hre lo nâ a, rilru put thiam har ka hlê mai, thutiam chu thutiam a ni.

Ka kianga mipa mu, ka ngaihzawng ni hauh si lo chu ka en deuh vang vang a, kan duhthlannaa chesual dun kan nih miau avangin hnunglam hawikîrin ka inchhir thu sawi chhuah ka tum teuh lo mai.

Ka inchhir tlat lo a lawm!

A muhil hmel dam thlap chuan alan dan a ti dang hlawk a, a phone ri dar dar pawh ka hrereng. Ka phone a nih tlat loh avangin lâk tumna ka nei lo a, tun ang huna rawn call tumtu chu 'tunge' tia zawh ngaiin ka hre lo. Midang tan ka phal miah lo tih ka hre chawpchilh bawk a.

"Zirsanglian, khawngaihin i nungchang hi sim hram ang che," ka ti rilru a. Ani erawh tui takin a muhil thung...

Mipa ka tawnchawp leh ka hmuh hnuhnun ber hian ka thinlung aluah tlat ang tih hriat va ni suh.

Amah nei tur hian theihtawp ka chhuah ang nge, ka kalsan hlen dawn tih Pathian chauhvin a hria ang chu...

Ka lam hawia a rawn men tâkah chuan ka mitsirin ka melh ru zauh a, a rilru puthmang diktak ka hriat tlat loh avangin sawi tur a vâng angreng phian bawk si.

Ka taksa na ṭhum chu hrereng mah ila, ka sawilang bik miah lo.

"I ril aṭâm em?" Ka hmuiah a nûl thuak a, a nui lek lek bawk.

"Ṭâm lo e.."

"Kei chu a ṭâm a, mahse, pum hnawhpuar lam chu a ni lo.."

"Tenawm suh aw, vawikhat khâ a tâwk, muhil leh rawh.."

"Û huh! Ka kiangah i mu a, kan insawirem danah vawikhat chauh tih a awm lo." Min kuah leh ṭan ringawt nia!

"Ka peih tawh lo e a.."

"Mafel, nichin kha chuan ka thinrim ṭêp a ni, i vawikhatna a ni tih keimah ngeiin finfiah lo phei ila.."

"Sawi chhuah kher a ngai lo aw..naktukah bedsheet hi su ang che," Ka tih chuan zawitê hian a nui hak a. "Paih mai ang, nimina an thlâk chauh a nia, kan sûk leh si chuan 'inpuang law law ang' tihna a ni mai.." tih pahin a kut a chêt ruai a, ka dul leh âwmbâwr zut kual pah hian, "I kum dik tak sawi rawh.." ati ta a.

"Sawi hmasa rawh.." tiin a kut ka manbeh sak a.

"Mipa-in zawhna ka zâwt che a nih chu," ka malah a rawn khan lui kher a!

"Hmeichhiain ka zâwt lêt che alawm, ka kumah buai lovin keimah ti keimahtu hi duh bur rawh," za lutuk hian a nui a, bengchhen a hlau ve deuh nen ka kut pakhat ala a, a hmui zâwnah dahin a nui leh a, engmah nuihna tur ka hriat ve si loh.

"I ṭawngkam hman ṭhin mak lutuk hi khawi aṭanga i zir nge, ka duh bur ang che maw!?" A nui leh a.

"Min duh bur la, rilru pelhê pu lo bawk la, i hma hun a êng uar mai ang." Nui duh miah lo hian ṭha takin ka chhâng zel a, "A ṭha alawm, ka duh che, 'Bur' tih erawh hunin ala hril ang chu.." a bawp dah sawnin a ṭhu chhuak a, tui a inkhawlh khawlh hnuah, "Duh lo che ila chuan hetiang hian ka awmpui lo ang che, hmeichhe mutpui lawr dun dun tur khawpa hur ka ni hek lo." Thutak zâwkin ati ta a.

"A nih leh kei..?"

"Nang chu e, a taka tawngtu tân lo chuan 'nula thianghlim ka ni' tiin râk râk mah la an awih lovang, mahni inenkawl zo khawpa puitling i ni a, zanin hi awm lo se englai mahin 'Virgin' i nih ka ring lo ang." Ati hlawl maw le!

"Kha kha a ni dâwn rêng asin, mi hi an hmêl en ang ngawt an nilo tih i hrethiam tawhin ka ring."

"Ṭawng tawh lovang, nichinah keimah chiahin khawi ram emaw ka fang a, tun ṭum chu kan pahnih ngeia fan rual ka duh, engkimah helaia i awm chhûng chauh hi chuan kan pahnih zelin aw.." a sawi zawh rualin min pawt tho ve nghal a, a malchungah zo zet hian min pawm nawlh nia.

Dim leh duat taka min fawh leh tâkah chuan zah a hun lo tih hriain duhthawh zet hian ka chhâng lêt ve ta a.

Rei ngial kan infawh hnu chuan min thlah hlawl a, "A tak ram thleng turin inbuatsaih rawh le.." Zawi supa tiin min mut riai riai a, a tawnzau hâk hlipin ka mutkawr, nichin lawka ka inbel leh tâk chu zuk hlip fai vek a!

Nichina kan mutdun khân a boxer a pawt phelh tih ka hria a, tunah erawh saruak ngatin a awm ta. Amah chauhva awmtir bik te chu a 'fair lo' tiin ka thawmhnaw inbel a phelh bâk zawng chu keimahin ka hlîp ve ta a.

A vawihnih nân a hnuaiah ka awm leh ta, amah ringawt chêttîr bik thü awm suh, a chungah ka awm ve ta thung a, ka zak lo a ni hauh lo. Mahse, engkim a nihdan tur ang thlapin a awm tawh a, zah der khân khawi ram nuam mah min hruaithleng dâwn si lova, chuvangin kan hun neih tlêmtê hi ka tâna mipa hmasaber tan ka hmang mai tur a ni dawn lo'm ni.

A rûm nghat nghat ri leh a lungphu dat dat ri ka hriatna chuan min ṭan mar tîr sauh a, engkimah a dawngtu nih reng tum hi mahni hmasialna a ni bawk. Ka chhungril sa ham ham leh ka lungphû rang ta sauh chu thunun tumna ka nei lova, Muangchânga kûn hniamin a bengbulah, "I inpeih em?" ka ti sap a.

Ṭawngkâa min chhâng lovin duhthawh lutuka min fawh chuan a inpeih tih hrilh hranpa ka ngai ta lo.

Nawmna vawrtawp kan inpêk tawnna chuan lungawina famkim min pe-in, min hruai tel ve a tumna hmunah ngei chuan ka hruai ta zâwk a.

Ka hnung thlan dap chu a fâwp dan dan a, "Ka rin phak bâk a ni." Tiin Mitmeng zauthauna la reh chiah lo a khap fak fak chung hian min en a. Ka zak ru viau...

Ka thiam ang nge thiam lo ang tih ngaihtuah chhin miah lovin ka che ve pawp a nia. Hah! Ka biang sa ap ap tihdaih nân ka nui lui chiam dawn em maw ni.

"Remruatfel, engmah hi i tân zir a ngai ve lovem ni!?" A aw a min ngaihsanna lang chhuak chuan ka zahna ati reh huai huaiin ka hria.

"Zir chawpa thiam ai chuan, 'ka thiam tur a ni' tia chêt chhuah pawp hian kan thiam a ni mai," inringtawk zetin ka ti ta a.

"Muhil ang le, 2nd Remruatfeli siam leh tur pawhin muthilh hmasak kan mamawh a nia," Min kuah chial chungin ka nghâwng zâwnah a thâw ham ham a, keipawh mutchhuakin min zem tâk chiai chiai avang chuan muthilh tumin ka chhîng ve ta a.

'Second Remruatfeli' a sawi awmzia chu fâ-ah hmeichhia a duh tihna, chupawh keimah ang chiah, thui tak sawi duah lo mah se a sawitum erawh a fiah riau si.

'Ka ngaisang che' tia sawi kur luam ai chuan, tuna a sawi zawh chiah khân keimah ang fâ a duh tih a sawina a ni.

Zirsangliana zûnah ka uai ṭan deuh dêr chu a ni ta...

Ka zûna uai ve tur hian eng 'tactic' nge ka hman tâk ang? Ka kalsan thei dâwn em ni...?

Ani hian min lo duh ve viau em tih ka hriatchhuah a ngai ta.

Tuna kan inzawmna hi chu Mipat hmeichhiatna dik tak a ni. A hnuleh awm lo tura inremsiamna..

B+++[BeckirafARenthlei]®®

7.RAPSAGY

Becky Rafa Renthlei

Chapter-7

Zirsangliana

4:00Am

Zirtawpni

Ka dang ro huam huamin min tiharh hlawl a, ka mutna hmun ka hai ṭhelh alawm le!

Kâr lovah ka hrechhuak leh uar uar a, nizan kan awm dan zawng zawng kha engtikah mah theihnghilh theiin ka inring lo.

Ka kianga tui taka muhil doctor hmêl pawisawi lo zet chu ka en vang vang a, a hming te a nihna te leh a pianphung a engkim a hmêl nen lam hian hriat bel loh ka hlau kher mai.

Hmeichhe Virgin ka vawikhat mutpuina a ni hauh lova, pakhat phei kha chu a ṭap deuh pur lehnghal! A nâ viau ang tih ka hre ve tho a, kan Remruatfeli nge nge, a nalai hmêl min hmuhtîr a hreh ngar ngar hle mai. A mittui tling pap kha ka hmuh loh a ring em mawni!?

A muhil thaw sâk sâk chu ka thlir reng a, ka fâ pâi tumtu leh a thusawia dinngheh atumzia ka hriat hian ka ngaisâng lo thei lo.

Ka phone vibrate chur chur reng chu off tumin ka ban a, ka ṭhianpa, Mafeli chanchin lo chhui tura ka tih hnen aṭanga msg tam zet lo lût lek niin!

#Remruatfeli i tih kha chhuah hlek suh, ṭhianpa, Pathian thilthlâwn pêk i dawn a nih kha..smiley a tlar dul a, chupa mai mai chu(h)

A kum zât leh an veng hmingte a nu leh pa hnathawh, a nau hming chipchiar zetin a rawn type thla dul a, a tâwp bera a rawn dah chuan ka mit ala viau.

#Ngaihzawng a neih ngai an hre lova, a college kal laia a neih bâk sawitur hria an awm lo. Pasal a neih duh ring aiin ring lo an tam zâwk.

Dâwt pakhat tê mah min hrilh lo tih ka hriatna chuan ka chhungril ati hlim veng veng thei nia. Tunah khua avâr ṭêp tawh a, ngun lutuka ka inngaihtuah apiang hian 'Mafeli hi ka tân a ṭha' tihah zuk tâwp zel a.

Nutei ka hrechhuak zantin a, vawitam kan chesual chung khân a râi hauh lo. Invenna kan hmang ngai lo tih ka hrechiang a, nupuia neih ka hnial loh êm avangin ka pawisa lem lo ṭhin kha a nia.

Nizanah invenna kan hmang lo. A duh ang ngeia nau a pâi a nih chuan min hlatsan tak tak ka ring miah lo a nih chu..

A chan chhe zâwk tur leh mualphona tawng baw tam zâwk tur a ni tih hrethiam tura puitling a ni a.

Tuna kan ruahmansaah hi chuan kan in a a lo chên chhung chauh inkawp tur kan ni. Chuvangin 'zawng zawng' pêk tumna ka nei lo mai nilovin Nutei laka ka tlân tauhnaah ka ngai deuh ber. Amah ka duh lo tihna ni lovin amah zâwk hian thu delhkilh a nei sa tlat a, thlâk danglamtîr kher ka tum lo a ni.

A rûm ṭiah ṭiah a, ruah mal rawn tla phiar phiar chuan thil min hriatchhuahtîr zawk.

Vawilehkhatah ruah tam fê a rawn sûr ta a, a Rizai sinlai keuvin amah kuah tlat chung hian ka mu ṭha leh ta a.

"Misual dum ber ṭawngṭaina chhânin a awm ta." Fel fai takin a rawn ṭawng khauh a. A muhil emaw tih lai lai a, a lo men kiau chu le!

"Ṭawngṭai chiah lo e, ka rilru min hriatsaktu chunglam hian a hunah hna a thawk a nih hi.." Thawhphan nei miah lovin a ṭhu chhuak a, a âwmbâwr kawh lah chuan ka mit ala kher mai.

"Min en reng lo khân tui intur min lo lâk la.."

"Vawikhat min fâwp la ka lo lâk ang che."

"Vawikhat chauh maw! Duh tlêm ve.." ka nghâwngah kuahin alamah min kuai hnâi a, dam leh ngaihawm zet hian min fâwp ta a. A bâk pelh ka tum veleh, "Vawikhat chu vawikhat a ni dâwn lawm ni," a hmui lasawnin a nghâwng thleng rak hian Rizai a pawt chho a, thawmhnaw engmah kan la inbel lo.

A sawi ang chiaha a awm zel hi ngeiawm lamah a kal lek lek. A inringtâwk leh lutuk deuh a ni. A nâ lai hmêl engtin tak awm ve ang maw?

Tui a in zawh chuan a mu leh thân a, ruah lah chu a sûr tam telh telh bawk nen duhthusama chêt leh mai ka duh rum rum.

"Zirsang, ka bag-ah khân Khawizû a awm a, khawngaihin tuilum nen min lo siam.."

"Tunah maw.."

"Aw, khawizû thirfian khat i telh anga chawk rawk rawk la atawk mai tuiso kher pawh a ngailo ang, filter tui khâ chhuang lum pep pep lâ, thawh ka tum ngial nâa ka taksa a na vek.." ati a, ka hrethiam lutuk tlat.

"Umn..lo muhil suh aw.." tiin a bag-a khawizû chu ka lachhuak a, a sawi anga siam turin choka lam ka pan ta a. Boxer ka inbel hman ṭâwk a ni.

Nula chengvawng tak a ni tih ka hre tawh a, ka kianga a awm lai na nâ na hi chuan ka thiam ang tâwka duat ka duh a ni deuh ber.

Bâkah a ṭawngkam hman hrim hrim a felfai thlarh a, hnial chi nimiah si lo dam thlapa a ṭawng zel thei hi ka duhzawng tak a ni. Hmeichhe âng buan buan chi a ni lo tawp ang.

After 2 hours

7:00 Am

"Mâm, u Mafeli a la tho nange?" Arini a tho hmasaber a, ka nu leh pa pawh an la tho lo ve teh tlat!

"Aw, niminah bike a rawn khalh chhova a chau deuh a ni ang."

"Nizanah a bulah i riak chiang!?"

"Arin, i duh duh sawi ringawt lo khân eirawngbâwl rawh." Ka ti hmuk a.

"U Mafeli bulah ka awm reng châk," naupang chhe ṭawng ang maia a ṭawng chu ka ngaithei leh pek lo. "Lalrinpui, a bula awmna chhan tur i nei lo nasa êm mai, bâkah chîmbuai reng suh, a lo thlen tirha i nuihzat nen i rin ang a lo ni leh si lova, tiraw..?"

"Nang pawhin i biak ṭhat duh bik loh kha.." atih chuan ka dang dêr.

A lokal tirh khân ka be tehchiam lo a nih tak kha maw le.

"Sawi tawh lovang, eirawngbâwl rawh ka mu leh dâwn," tih pahin room-ah ka luhsan daih a, ruah ala sûr cherh cherh a, Mafeli room-a ka va luh leh chuan nichina ka thilsiam sak khâ a lo inzo diam tawh a, saisîra a mut vangin a hmêl ka hmu thei lo.

"I muhil em?"

"Aih.." min chhâng rang ngei mai.

"Lo mu tawh rih suh aw, min hrechhuak ang tih ka hlau a nia," tiin a rawn inlet thak a.

"I phal loh tlat te chuan,"

"Tihtauh a ngai kher lo a nia, mipa ve si tihtauh hrât deuh chu ka ngaina lo,"

"Ka titau hleinem, ka hrethiam alawm, i duh chen chen mu la ka lo phat mar sak ang che." Ka tih chuan, "Ka tho ṭêp, chuan bedsheet hi kan thlâk lawk dâwn em ni ang? En la.." tih pahin a mutna zâwna thisen val kalh chu min kawhhmuh a.

"Tho phawt la, kan hlîp dawn nia.." a mutkawr a lo inbel diam tawh a, chesual lo turin engkimah a fimkhurin a ngaihtuah kim ka ti lo thei lo.

Khum kan siam zawhah ka room lam panin ka pheisan ta a. Min ngai ang pawhin alang duh dêr lo nia! Kei erawh chu a bula mut leh châkin ka phî sek a kan inang lo teh e.

Ka thawhchhuah leh meuh chuan zinglam dâr sawm a pêl tawh a, tumah inah an awm lo!

Mafeli pawh a awm chuang lo, chaw ka ei peih loh avangin pâwnah ka chhuak a, ruah a sûr tawh lova khua erawh a hnîm ruih thung.

Khawiah nge an awm vek le! Mafeli bike a awm lo bawk a, ani hian min lo hawsan daih em mawni! Rang zetin inchhungah ka tlânlut a, a pindana a bag ka hmuh chuan ka thawhuai mai. Arini nen an teichhuak a nih ka ring ta a.

"Zirsang, engmah i ti nange, engtik nge i chhuk leh dâwn?" Pa Zara'n min lo biak chuan ka chhuk leh hun tur ka hrilh a, ka nu leh pa an awm loh avangin a chhuak zui daih bawk nen tihtur ka hriat loh êm avangin ka phone-ah games ka khêl ta vel mai mai a.

Mafeli hi kei aiin kumkhat chauhvin zuk upa a, doctor hna a hmuhna pawh ala rei lo hle a, a chêtzia a puitlin êm avang leh doctor a nih vang nge upa riau turah ka lo ngai a, Nuteii aiin a naupang daih!

Lehkha thiamthei tak a ni tih alang reng a, ka ṭhianpa sawi danah phei chuan doctor a zir lai pawhin a tiṭha ber zel a ti tak alawm le. Kei hian ka phû miah lo.

Amah vang hian mahni kê a din theih ka châk thar ta riau mai.

"I tho har lutuka kan lensan che," Mafeli a lo nui lût var var a.

"Arini nen em ni?"

"Aw, ani chu alo la haw ve lo a, ka rawn hawsan," ka bula a lo ṭhut mai ringin ka tawlhsawn deuh a.

"Hey, inngaizawng kan nih loh kha, ṭhut tlan kher a ngai lo, zanah chiah, kan tihtur leh ka lokal chhan kan tih chuan a tawk.." ati hmak a.

"Khatianga kan awm tawh chung khân inngaizawng kan ni lo a maw!?" Mak ka tih êm avangin ka zâwt nawn ngat a.

"Ni mai mai lo, kan inbiakrem dan thlâk phêt tum suh." Ati erh a.

"A ṭha alawm, inngaizawng lovin tikhan kan awmzel dawn a nih te chuan.."

"A hunah chauh tih ka sawi lovem ni?" Tiin a rawn ṭhu ta tho a. Min en hâ chung hian, "Nutei hnenah engtikniah emaw i la lêt ka ring tlat. Rei tak kan lo kawp tawh hi chu kalsan hlen a har riau a nia."

"Ka lêt dawn tawh lo. Nangman min duh tak tak phawt chuan khawiah mah ka pênsan lo ang che." Ka ti a.

"Zirsang, inngaihtuah ṭha leh rawh, a hmasa zawk nge nge chuan i rilru aluah ang tih ka hria a nia, kei chuan fâ ka neih hlauh phei chuan pasal neih ka tum lo. I kâ i ang lo a nih phawt chuan engmah ka sawichhuak lovang. Ka duh loh vang che nilovin i hmakhua ka ngaih vang a nia." Ati duah a, a mizia hi engtikah mah ka hrethiam dawn lo a nih hi.

"Nangmah ka duh zâwk che alawm," ka la ti ve ṭâng ṭâng a.

"Ka hria, Nutei i be tawh miah dawn lo a nih chuan emaw a lo biak leh che paw'n i chhâng dawn lo a nih chuan ka insiamrem thei." dam thlap hian ati a.

"Ka be lo ang, ka ti tak tak Mafel, min ring rawh.." ka rilru dik tak ka sawi rêng a ni.

"Kan la hria ang chu, kan awmna hmun a hrang leh dâwn a, zû tih vel khan i nunah thû an nei tur a ni lo." Chiang takin min en a, "Ka tân mipa hmasaber i ni a, i ni reng dawn bawk. Mahse, mi inkâra tlazep duh tur khawpa rilru chhia leh nêp ka ni lo a nia," ati leh ta a.

"Zanah kan sawi ṭha ang, vawiin chu kan lengkual dawn em ni?" Tiin thildang ka sawipui ta daih a.

"Khua a nuam lo e, ruah hian sur a tum leh hmel," tho chhuakin pawnlam a thlir vang vang a, a pian invuah fuh ru riau hi en hmaih har tak a ni.

A sawi ang tak takin ruah a sûr leh ta a, Arini a tawmbo daih bawk nen a room-ah kan inkhung ngar ngar a, a naupan lai chanchin te sawiin a titi char char a, ka rin aiin a ṭawng duh daih! Thil nuihzatthlak deuh deuh sawi tur a hre hnemin ka nui suk suk reng mai.

Chawhnu lamah eitur kan siam dun a, a duh ulukin a che peih angreng si a, ka zui kual ka zui kual ringawt nia!

"Kan teichhuak ve mai mai dawn em ni ang? I bike keng la, ka keng ve bawk anga bazarah kal ila.." pheikhawk a bun pah mawlh mawlh a.

"A hran ve ve a kal a ngai hleinem, inphur ila a nimai alawm," ka tih chuan, "Kan inkawp hi vantlângin an hriat kher ka duh lo." ati hmak a.

Min zahpui deuh em maw ni!?

"Ok, i bike la chhuak rawh le.." ka ti ta zâwk a.

"T-shirt dum ha la, keiin a sen, kekawr dum ve ve aw.." tiin a inbel lai a hlîp a, shirt sen a ha ta a. Keipawh inthlâk turin ka room-ah ka phei ve ta bawk a.

A chang chuan a che naupangchhia leh riau lawi si.

Bazar lam pana kan tlân lai chuan kan mi tawh reng reng te'n an enduh hle a, helmet kan khum lova, a sam sei tak thlîin a chhêm siau siau chu a nalh reuh riau nia. A hunah a nû hnâp a, tunah lêm kei aimahin bike a khalh chakin a confi leh bawk sia ka ngaisang lo thei lo.

Nutei te in kan tlanpelh laiin amah ka hmu vuai a, chîk zeta min enzui pawh side glass aṭangin ka hmu reng. Mafeli erawh chuan engmah a hre ve lo bawk a, chak fê hian ka hmaah a tlan zar zar a, kan khua angah te hi chuan thil a darh chak si a, Mafeli chungchâng pawh an hre leh vek tawhin ka ring.

"I duh duh thlang rawh le," thawmhnaw dawra kan luh hnuah jeans inkhai dul chu a en vang vang a.

"Hmeichhe hnen aṭanga thilpêk dawn ka sim hlauh."

"Hus! Ani nen min tehkhin reng reng suh, ka pêk tawh la lêt leh tur khawpa rethei ka ni bik lo." ati deuh hmak a.

"Thawmhnaw leisak ka ngai lo, i duh chuan nangma hâk tur lei rawh," ka ti ve tlat a.

"Zirsang, kha kha mi innu thar chu..?" Lalrama a rawn lut ve a, Mafeli nen min entawn chhên hnuah, "Nei chhelo thei riau mai.." ati leh a.

"Ka ṭhiannu a nih hi, a lo zin ve zawk a.." tiin thawmhnaw lam ka melh san daih a. Mafeli chuan Lalrama en pahin, "I ṭhianpa ṭhiannu ka nih hi.." nui var var chunga atih chuan nui chhuak lo tura ka insûm nasat angai viau.

Nula fing tak a ni. A hming a hrilh duh lo a ni tih ka man vat thung.

'Ka duh lo' ka tih tlat avangin engmah min leisak ta lova, titau hmêl pawh a pu chuang lem lo.

Chawhmeh leh zana eitur eng emaw a lei nual a, dâwr kan chhuahsan chiah tihah Nutei leh ka la hmuh ngai loh mipa pakhat an rawn lut ve a.

"Mâm, innu chu min hmel hriattîr i tum nange!?" Ngeiawm lam lek leka rawn tiin Mafeli a en chîk hle a.

"Annu ka ni tu'nge ti? Duh duh sawi ngawt loh tur.." Ka chhân hmain Mafeli'n min lo chhân khalh a. A dik dawn lo.

Mafeli dam thlup mah se Nutei a nasa ru phian sia mualpho palh a hlauhawm ṭan tlat.

"Kal ang.." tiin Mafeli bânah ka vuan a ka chhuahpui ta a.

"Innu chu ka biak thui i hlau hle mai," zuk ti zui ṭâlh a!

Nutei leh Mafeli an inhmu kher chu pawi ka ti hle mai.

A thinrim loh hrâm ka beisei. Puitling viau e tilo hian kan doctor pawh hi a duh loh naah chuan a nasa phianin ka ring.

"Nutei chu ka hmu ve ta e.." zawi sap a Remruatfeli ṭawng chu ka hre pha reng.

©<++++[BeckirafARenthleI]++++>®

8.RAPSAGY

Becky Rafa Renthlei

Chapter-8

Remruatfeli

7:00Pm

Bazar aṭanga kan chhuah chhoh hnuah Zirsanga a tlân hmasa a, a hnungah ka ûm a. Inah kan haw tlang dawn emaw ka tih laia a tlân zel si avangin ka zui ve lo thei lo.

Vengchhak lamah a tlân chho a, kawngsirah lo dingin, "Mafel, u Siamtei te inah kal lawk ang aw, kan rei lo ang." ati a.

Siamtei hi a û chiah niin pasal a nei tawh a, hmanni deuh khân naute thar an nei niawm tak a ni.

"Kan rei dâwn loh te chuan inbual ka duh a nia.."

"Rei lovang, Kenedy-a ka hmu zuai anga a tawk mai."

Siamtei te in kan thlen chuan an nupain an lo awm a, fâ pakhat chauh an la nei nghe nghe. Zirsanga'n naute a pawm a, a duat hmel kher mai. Kei erawh nautê lâwm viau e ti lo hian ka chhawnchhaih thiam lo angreng a, ngawirenga pawm tawp emaw puak tawp kha a ni mai.

"Ava'n hmelṭha ve.." Zirsanga tupa biangah ka piai zauh a, "Hei aia hmelṭha leh ngo hi i pumah ka dah dâwn.." ka bengbulah a lo ti sup a. Ka nui ve tawp.

"Ka tâ tur liau liau a nia uluk angai viau ang, tih lai apiangin a sam, a kut, a ke...ti zel ila.." ka chhânna avang chuan a nui huk a, "I va'n zâm lo reuh tak.."

"I lo sawichhuak hmasa a nih kha.." ka thusawi an hre pha ve nge ve lo ka en leh tê tê a, Siamtei a lo nuih var var danah a hre pha chiang! An pa chuan a hre ve lo pâwnah a lo chhuak daih a, Zirsanga nui hmêl ka hmuhin ka zak ve ṭêp.

Ka frank lutuk leh fiamthu ka thawh leh hluai zel hi sim vat a ngai. Ka mize hlui ṭhin khâ a nia, ka sim mawh teh e.

"Fel, pawm ve chhin teh.." Kenedy-a ka mal chungah a rawn dah a, a phone phawrh chhuakin thlâ min lâksak zui a(h)! 'Thingpui in rawh u' min tih deuh tlat avangin kan in ta a, Siamtei pawh a hmel ṭha tho. A vun a nalh hle a, Zosangpuii leh Siamtei hi an hmel ṭhat dan a inang a, Arini erawh a dang deuh. An unau rau rauah chuan Zirsanga a ṭha fâl nalh a; mahse, kawhmawh bawl a hrât ber thung.

Sangpuia pawh a chhe chuang lo nâin a hmâi a hlâi deuh.

Kenedy-an min zunkhum hlauh mai le. Ka kap zâwn a huh dup a, diaper an lo hrên tîr lo chu niin.

"Siamte, diaper inhrentir lo a, Mafeli a huh pûr ania," Zirsanga a nui suk suk a, nautê-in min zunkhum vânga nuih kher. A kap an ṭâwnphui a nih loh te chuan a zung ve bawk ang chu maw le.

"Kan teichhuah loh chuan ka hrentir vak ngai lo. Awi! A zia lo e.." inthlahrun hmel takin ati a.

"Ho lutuk ka la inbual chuang lova, kan chhuk hunah ka inthlâk mai dawn alawm," ka tih chuan Zirsanga'n hâwn a rawt ta vat a.

'Lo lêng leh ngei ngei r'u aw Mafel, thil nuihzatthlâk deuh ka hrilh ang che..' a nau melh zauh paha Siamtei'n atih chuan Zirsanga a nui duh ṭhak lo.

Eng tak ni ang maw!

Mi teivâk hmuh tur an awm vak tawh lo bawk a, huh deuh pûrin bike ka khalh thla ta a. Kan thil leiho aniin a phur thung a, in lam panin kan chhuk ta a.

Zanin chiah ka riak thei ta. Naktuk lama hâw ka tum thu ka la sawi chhuak lova chaw ei laiin sawi ka tum deuh a ni.

"Inbual nghal rawh aw," kan thil lei vel a dah fel zung zung a, nu Zuali'n eirawng a bâwl a, Arini leh Sangpuia'n tanky an tifai a, an lo buai nak nak hle mai.

"In va thangrei phian ve.." nu Zuali'n atih chuan Siamtei te in a kan kal thu ka hrilh zung zung a, Kenedy-a ka fak luam bawk.

"Mafel, fâ nei ve la i duat âwm.."

"Duat ngawt ang, tumahin an pawm dawn lo reng reng.." Zirsanga a nui a, thil a inti hrethiam ve râp. Nizanah kan ṭan dêk dêk a, râi turah min ngai deuh ngawt em maw ni!

"Kan Zirsangliana hian engtikah tak nei ve ang maw, hmeichhe fâ ai chuan fapa te fâ nge nge hmuh a châkawm ve alawm," tiin a thil chhuan lai a chawk mawlh mawlh a.

"Nu, i hmanhmawh a nih kha, i hau hrep hrep tur ninhlei zet an la awm lovang tih pawh a sawi theih loh," min rawn en deuh kher a, ka nuih aza ve tho.

Kan kawppui te azir hian ho deuh deuh a awm a lo awl ber a nih hi.

An nufa a an inhnial fiam laiin inbual turin ka luhsan ta a.

An chhungkua ka fak ve na em em chu, sum an nei viau ang tih hriatsa a ni a, Aizawla an in pawh a turu riau an tih kha maw le. An nupain sawrkar hna an thawh bakah pa Hriata nau zu heh deuh khân dâwr a enkawl mumal theih loh avangin an kutah a awm tawp a, Hardware dawr leh Glass house an nei a, Seling-ah Sethlum huan puitling sa vek an nei bawk a, kum tawpah vai hovin a kung chawpin an khâr ṭhin a ni.

Chhungkaw member panga chauh anni a, Sangpuia hlawh hi chu an chuhpui lo, amah intuamhlawm nân a hmang a. Zirsangliana leh Arini hi an zirna ala hautak deuh.

An che fel thlap thlap hle a, awmpui pawh annei bîk chuang lo. Arini leh Sangpuia hi chuan inchhûng chêt an peih a, Zirsangliana erawh inti 'Pa' chi a ni deuh, a ṭûl tâwpah lo chuan thleng seng leh eirawngbawl ati ve ngai meuh lo. 'Ka thiamsa vek' zuk ti tlat a!

Tunah thlathar kan kâi ṭep tawh a, a nu leh pa inneih anniversary hman zawhah Zirsanga Chennai-ah a chhuk tawh dâwn a, keiin ka hnaah chawlh ka nei ve chiah thung dâwn a ni.

"Mafel, i phone hi ka lo chhâng mai dâwn em ni?" Zirsanga'n min rawn au a.

"Tunge?"

"I nu a nia.."

"Aih, keima'n ka call back mai ang."

A reh zui vang vang a, ka nu'n thil a sawi duah anga, ani khân sawi loh tur tur te a lo sawi palh ang tih ka hlau deuh.

Chaw ei chhung zawngin Zirsangliana a ṭawng miah lova, ka nu pawh ka la be ta chuang lo. "Naktuk zingah chhukthlâk ka tum deuhva.."

"Maw! Eng ati nge?" Arini a rawn ṭawng leh hmasaber.

"Ka châm rei thei lo a, chawlh lâk ka duh vangin eng eng emaw tihfel ngai ka la nei nual a, naktûk tûklehah Aizawl ka pan a ngai dawn a," ka ti a.

"Awm ve rih la kan tih nen, nangzawng i pawimawh êm a, kan inneih anniversary erawh i rawn hman ngei ka beisei," titu nu Zuali chu en pahin, "Ka lo tum dawn nia.." ka ti sap a.

"I nu leh pa te paw'n an ngai ve ang che, doctor buai theihzia te chu kan hria alawm, vety lam hi tlêmin inzia deuh lo maw?" Pa Hriata'n ati ve thung a.

"Zia tehreng e, free clinic a awm lem loh chuan office-ah ka ṭhu deuh ber. Directorate-ah a nia ka awm.."

"Aizawlah maw!?" Tia min zawh chuan ka bu nghat a.

"Kum thar lamah min sawn chhuak ve-in ka ring. Tanhrilah emaw, Lunglei pawh a ni maithei.." ka ṭawng mawlh mawlh laiin Zirsangliana a tho nulh a, a titau leh ringawt em maw ni! Duh hun hunah a nui suk suk a, a chhan leh vang awm lo-in a ngawi leh hmuk a. Hus! Puitlin loh thlâk lutuk.

Arini nen hmun kan thian fel a, nu Zuali kan awl ve a, Zirsanga leh Sangpuia room-ah an inkhung daih bawk a, ruah a sûr deuh cherh cherh reng bawk nen pa Hriata te nupa pawh an teichhuak lo. TV enin an ṭhu a, ka nu biak ka duh avangin ka room-ah ka lût ta a.

Ka nu chuan ka haw hun tur te min zâwt a, a dân pangngai têin fimkhur turin min chah leh mawlh mawlh nia, 'Nula i ni a, mi inah intivei deuhva awm loh tur, a ṭûl ang apiangah puih zêl tur' tih vel tho a ni.

Ka nu leh pa hian tuna ka awm dan hi hria se, min hlap er zawk zawk duhin a nia ka rin. Mahse, duh ka thlang fel tawh a, ka lo râi ta a nih leh a pa hming ka sawi lo tawp anga a ni mai.

Ka nu ka biak zawh hnuah whatsapp ka check zuai zuai a, ka thawhpui nawi zet zet te msg chhiarin ka nui var var a, phone-hi ka khawih tam lutuk lova mi biak nân chauh ka hmang a ni deuh ber.

"Naktukah i chhuk dâwn tih engvanga min hrilh lo nge i nih?" Zirsangliana ka pindanah a rawn lut a, a lungawi loh hmel kher mai.

"Zanhnih riakin ka lokal ang ka tih khâ.."

"Chhuk rih lo mai rawh," ati sup a.

"Ka sawi vek tawh si a, inhnial ka peih lo a nia, a rêng rêngah tûm bûr zel lo hian i ngaih dan sawi chhuak ve mai ṭhin ta che.."

"Min duh thlâwt lo tiraw!?" Tiin khumah a rawn ṭhu a.

"Duh e, chupawh kan sawi vek tawh. Kan inkârah tumah an awm tlat loh te chuan engmah buaina tur a awm hleinem; ngaihzawng ka nei lova, nangni pawh in inṭhen tawh a, i rinawm chuan ka rinawm a ni mai, naupangchhia deuhva induat hliau hliau kher tur a ni hleinem, ka ngaihsak theihna apiangah ka ngaihsak ang che. Min ring la, ka ring bawk ang che." Fiah faka ka ṭawng chu a ngaithla uluk viau.

"Min ring rêng rawh, inngaihzawnna tel lova sex hmang hmasa kan ni a, zanin aṭang erawh chuan chutiang a ni tawh lovang. Min kalsana midang i pan ta anih loh chuan ka pan bîk lovang," tiin ka kâwngah min kuah a, "Mafel, vawilehkhatah rilru ka pe vek thei lo che tih i hriat angai a nia, hmangaihna chungchâng sawi dun tûr chuan ala hma mah mah ka ti," ati leh a.

"Keipawh chu chu ka ngaihdan chiah a ni. Tuna kan awm dan hi chu a nihna takah chuan induhna leh tisa in îttawnna mai a ni a, rilru nghet kan pu a nih erawh chuan kan hma hun thui tak a hril tel tih kan hriat ve ve angai bawk, zû in tawh lo la, keima'n bul ka ṭanpui ang che." Ka ti ve hmiah a.

"Ka lawm e, ka zir chhûng zawng min lo nghâk reng rawh aw.."

"Lutuk tlat, he inchhungkhura i mawhphurhna, fa û i nihna te hi hlenchhuah tum ang la, mi in an nuihzat lohna tur che u leh i nu leh pa awm loh hun thlenga i unaute tuamhlawmtu leh khaidingtu tur i ni tih theihnghilh ngai suh ang che." A biangah ka chûl dan dan a, "I hmel ṭhat teh lul nen sual rawng i bâwl leh tlat zêl.."

"Remruatfel, zû ka in zeuh zeuh avang hian sual rawng ka bâwl tihna a ni kher lo.." ka kutah vuanin a hmui bulah a chelh kawp a. "Thinrim engphiarin min hau ang tih ka hlau, ṭawngkam bungrua i ngah si, 'Lalpa, Mafeli hi Setana nen inremtîr lul suh' tih deuh chhên ngai suh se aw.." atih chuan za lutukin ka nui ta a.

"Bengchheng vak mah ta che, min hriatchhuah i hlau a ni lawm ni? Chuan min hawsan rih suh aw," ngenngâwl taka atih chuan châm leh ka châk zek zek nia.

"Tun ṭum chu min hrethiam hrâm rawh, ka châm chuan a laklawh vek dâwn si a, kârlehah lo kal ka tum zâwk ang, i nu leh pa sawmna khâ ka ngaihpawimawhawm angreng si a," tiin a hmui leh hnâr vel ka dap kual dan dan a.

"A nih leh ka thlah ang che, zankhat ka lo riak ve anga, kan inhriatchian tawn angai alawm.." ati leh tlat!

Ka ngawi ta rauh rauh a, kan inah mipa vawikhat mah ka la hruai lût ngai si lova ka hreh ru ang reng.

"I phal lo anih chuan ka nawrlui lo ang che, i nu ka biak pawh i phal lo a nia," ati nghut a.

"Ka nu biak kher a ngai hleinem, mipain ka phone i lo pick khân zawhna chhân tur ka ngah mai mai, bâkah mipa chhân sak ngai khawpa hmanhmawhthlâk engmah a awm lo tih ka hria alawm," tiin ka sawi mar parh a.

"Min zahpui tlata hriatna ka nei.." ala ti ṭalh a.

"A ṭha e, kan inring tawn a ni tih chêtziaa lantir angai a nih hi, naktuk chaw eikhamah ka chhuk anga min thlah dâwn nia, bike keng lovin kan inphur thla anga, duh leh in khaw Sumo service-ah i haw chho mai dawn nia.." ka tih leh tâkah chuan awih chiah lo niawm tak hian min en deuh vang vang a.

"Ka thlah che chu i duh tak tak maw!?"

"Duh e, i nu leh pa pawh kan pahnihin kan hrilh dawn nia, puitling taka engkim sawi thlap hi chîn tam tur, lokal rawh le.." tiin khuma a ṭhu lai chu ka pawt tho ve a, lungawi hmêl a pu leh ta.

Hun reilote chauh kan nei a, chutihlai kâra inhau leh rih te zawng a âtthlâk em mai.

Kan tum dan a nu leh pa bula a sawi chuan an lo phal nasâ. "Fimkhur la, mi sawi kâi turin awm reng reng suh ang che, Mafeli mualpho theihna tur ang zâwnga chêt tum lo bawk la," tiin a nu in a lo zilh erh a, a haw bîk teuh lo.

Dârkâr khat dâwn sitting room-ah kan titiho a, a naupan lai chanchin leh a patea a enkawl dan te an sawi kâia rin aiin kan meng rei ta phian.

"Mafel, i duh chuan mu hahdam daih rawh, ruah a sûr reng nen keini pawh kan mu ṭêp," Nu Zuali'n ati leh a. Mahse, Zirsangliana zâwkin, "Ka room-ah thil tihtir lawk tur ka nei, ala mu hman lo," Dâwt zuk sawi ringawt a..

"Anih chuan tunah va tihtir la, bike-a inchhuk dâwn phei chuan in taksâ hahdam tir rawh u.." tiin thingpui hâng siam turin min thawhsan ta a.

Zirsangliana'n min signal zauh chu ka hmu reng.

A room lamah kan inzui lût ta a.

"Awlsam deuh deuhvin dâwt sawi tawh suh," a khumah ka ṭhu a, mipa room tih pawh hriat loh hian a fel fai thlap nia!

"Dâwt pawi lo chi, Meidil tlâkpui tham loh a nih kha.." tiin chair pakhat inhûngah chuan a ṭhu a, "Zaninah ka room-a riah nge i duh i room-ah?" Tia min zâwt zui lehin min en reng a.

"Ka room-ah riak zawk ang, Arini room nen a inhnaih si a, ṭawng pawh kan ṭawng ṭha ngam lovang."

"I tih ka ring rêng a, lo va mu hmasa la, nakin deuhah ka lo phei ang aw, suahsual chhuaha kawngkhar i lo kal vaih chuan kei hian ka tichhe tho dawn tih i hre dâwn nia," tiin zuk intlawh khalh chiam a!

"Ka kalh nghal loh.." chimawm takin ka tilui ngat a. Ka hnunga nam dat dat chung hian, "Chuti a nih leh a rualin kan mu anga, mother India-in min manchhuak anga ti nia.."

"Eng nge i la tih dâwn!?" Ka thawmhnaw ka rem ṭha mawlh mawlh a.

"Thingpui hâng in pahin thlaleha ka submit tur ka ziak lawk ang."

"Tihpui i ngai lo em ni?"

"I kianga awm châk viau mah ila ka nu leh pa men chhung tal men ve kha a mawi ka ti deuh a.." atih chuan dik ka ti viau lawi si.

"Ok, bengchheng lovin i lo mu dawn nia.."

Zirsangliana kal hnuah ka thawmhnaw ka thlâk sawk sawk a, mi tenawm ber ang maiin nupa ni hawt si lova riah dun ringawt chu ka rilru a nuam chiah lo. Mahse, chuti maiin ka rilru ka thlâk zung zung thei bîk si lo nen nizanah kan lo mudun tawh bawk si a, rilru a hrehawm ru angreng viau.

Tuna kan awmdan sawhkhâwk a lo lan hunah tuar angai a nih pawhin ka tuar mai a ni ang chu.

After 1 hours.

Zirsangliana

Ka duh aia ka inpeih har tâk avangin ka mu lawk hman lova, ka inpeih meuh chuan zan dâr sawmpakhat a pêl tawh.

Ruah a sûr buan buan a, hetia a sûr reng chuan naktukah kan chhuk thlâk theih loh hmel hle mai.

Mahse, zanin atan erawh duhthusama tam sûr se ka ti lawi si.

Mafeli room-a thim ṭhiap tawh a, a muhil tawh hial maithei a ni. Ka chhungte an mu phiar tawh a, Mafeli hi an ring ṭha lutuk nge min ringhlel ang pawhin an lang chhin eih lo.

Ka pa phei chuan 'Ani ang hi mo-ah nei ila, kan fapate pawhin rilru puitling an pu zung zung mai ang' tiin a sawi nghe nghe.

Ka room-ah ka lût leh tê tê a, chhuanlam neih khâ angai ve tlat sia.

Minute sawm dâwn ka awm hnuah thâwmdím fahran hian Mafeli mutna lam ka pan ta a. Êngin a chhun raih a vangin puansin lovin a mu tih ka hre mai.

"I harh em?" Ruah ala sûr reng avangin a beng bulah ka kûn hniam a, a muhil chiang!

Tihharh hlau zetin a kiangah amah kuah tlat chungin ka mu ta a, a muthilh theih phawt chuan muhil teh se, a chau dawn em asin, a âwmbâwr kawh lah chu dimtê hian ka khawih niap niap a, a harh chuang ṭhak lo. Hmeichhe muhil lai mutpui te chu a chi hian a chî loh nasâ.

Mut chhuakin min zem chiai chiai a, a kâwnga kuah chungin ka chhing ta vang vang a.

"Zirsang.."

Min ko ri ka hriatin ka meng hlawl a, a thim deuh bawk nen Mafeli mutna lam ka dap chuan saisir hian a lo mu a.

"Min ko em?"

"Ko chiang e, i hnâr ring lutuka ka sâwi harh zo lo che.." ka lam hawiin a rawn inlet thak a.

"Awihawm loh lutuk, ka hnâr ngai lo e a."

"Tak tak alawm, khatiang te chuan ka bulah i mû tih an hre vek dawn asin." Ti lehin a chek tlak tlak a.

"Zanin chu, a kê leh a kut siam zân a ni maw..! ka tih chuan ka bânah sikin, "Tenawm suh.." ati sap a.

"Nizanah a lû leh a nghâwng kan siam tawhah ngai ila, zaninah chuan a bâk zawng," min chhân hmâin a hmuiah ka fâwp zui hmiah a, min chhâng ṭha kher mai. Duhthawh leh uar taka fâwp chung zelin a taksâ a rem lai laj ka chûl lawr dan dan a, a lungphu inthûm rawn tlat tlat chu a ring kher mai.

"I thawmhnaw ka phelhsak dawn che nge nangmahin.." ati sap a. Nizan ai chuan kan boruak a ṭha dawn e.

"Nangma'n le.." inbengkangin amah ka pawt tho ve nghal a, thâwm dim ngai ta lo chu a va nuam si êm.

Ka thawmhnaw inbel muangchânga min phelhsakin saruakin ka awm ta a. Ka mipatna nung at chu a tawk zauh a, khawih nawntîr leh ka tum chuan nui hak chung hian a kawr hâk lai a phelh ve sawk sawk a, zanin a chêt dan chu a dang zar mai.

Kan pian chhuah tirh ang vêl kan ni ta.

A hmui nêl thepa min fawh tâkah chuan maktiin ka meng deuh kâwk a, a ṭan hmasatu a ni ve teh tlat!

Chutiang zelin ka taksa hmuntin chu fâwp kualin a thaw ham ham a, kâr lovah ka inpeih dêr. Mipa chhâwk zangkhai thei tur khawpa confi hmeichhia hi ka duh rêng a ni.

A vawikhatna a ni tawh lo bawk a, ka dîm lutuk ta lo. Ka bawp a kherhbet chial a, a vun mâm hanin min nêkna chu a sa ṭha ham ham khawp mai. Pumkhatah kan insiam chiah tihin kâwl a rawn phe zuai a, a hmêl nung sarh chu ka hmu hman vuai nia.

Hmeichhe phûr thei tak a ni tih ka hriat phah ta bawk a. Nawmna kan inpêk tawn hnuah inkuah chialin kan mu a, atu amah kan ṭawng lo.

Rei fê kan ngawih hnuah, "I phone-ah chhinchhiah la, i period loh chuan arang thei ang berin min hriattîr ang che." Ka ti a.

"Nangpawhin chhinchhiah ve tho rawh aw..." min kuahna a thlah a, lukhama a phone dah chu phawrhchhuakin eng emawni a type niap niap a, a chhinchhiah a nih ka ring ve ringawt. Ziakin dah lo mahila kei hian ka theihnghilh ngai lovang.

"Nau i pâi chuan kan innei dâwn nia," ka tih chuan a ngawireng a.

"Mafel...!"

"Umnn.."

"Ka nei duh che ka tih chu.."

"Tunah chutiang sawi rih suh, kan innei lovang tihna nilovin engmah sawi lâwk lo ila hunin a hril mai ang." Ati deuh tlat a. A rilru tur ka hriatthiampui pha ve in ka hria. Engmah hnathawh mumal ka la nei lo a, ka zirlai ka la zo chiah lo bawk nen ani doctor tân chuan rilru siam a har tepawh a ni mahna..

"Min lo nghâk reng rawh aw, nangmahah ka innghat a nia.." a pumah ka chûl riak riak a, ka kut vuan chat chung hian, "Ka nghâk thei che alawm, taima takin keimah min ngaihtuah rân chungin i zirlai chhunzawm la, i dam chhunga i inchhir lehna tur thil eng mah ti suh ang che."

"Tehreng mai, ka tân hmeichhe pakhat a tâwk. Chu chu nangmah i ni.." ka tih chuan a thaw chhuak hliai a.

"Engkimah ka ring tawh che a, ka rinna che hi tichhe suh aw, chuti a nih loh chuan ka ring leh ngai tawh dâwn si lo che a.." ati sap a.

Ni e, ani ang hmeichhia, rilru nghet pu tlat tâna rinawm hi ka tân a harsa miah lo. Min hriatthiama min nghâk thei a nih ngat chuan a tân mipa ṭha ber nih ka tum dâwn lovem ni?

Nutei, min ringhlel rengtu tân pawh ka rinawm thei a nih chuan engkima min ringtu leh min hrethiamtu Remruatfeli tân hian ka rinawm thei khawp mai..

Ka thei ngei ang..

©<++++[BeckirafARenthleI]++++>®

RAPSAGY

Becky Rafa Renthlei

Chapter-9&10

Remruatfeli

Khawvar dâwn hnaihah pawh Zirsangliana âwm nghêngin ka la nui hak hak a, ani leh ni lo angin a titi ve luam a, 'Bialnu neih tihvel hi chuan min tibuai lo, inṭhen leh kher a ngai ṭhin zâwk hian min tibuai' atih chuan ka nui lo thei lo.

"Fâ nei ta la, eng nge a hming i phuah ang?" Tia ka zawh chuan a ngawi vang vang a, chutah ''Remruatsangi emaw Remruatsanga ka ti ang" tiin ka pumah bawk a rawn chûl leh a, a kut phah lum vang vang te hi ka thlamuanpui thar ta riau!

"Chuti hmeichhia a nih chuan sâp hming ka phuah ang," ka lo ti ve ringawt a, a nui nasa ngang mai.

"Muhil tawh lo law law ang aw, vawiina i thil lei, chips-ho kha ala awm ṭeuhva horlicks leh bawnghnute chawk ila kan in dawn nia.." tiin a tho a, "I duh chuan lo tho ve la, kan pahniha siam dun a nuam alawm," atih deuh tlat avang chuan peih lo zetin ka tho chhuak ve ta a.

Min duat hûrh hran lo. Mahse, min ngaichâng thiamin min dah pawimawh hmasazel tih ka hre ve tlat.

Sitting room-ah eitur nen kan inchawi phei a, boxer leh tawnzau a inbel a, keiin ka mutkawr ka ha thlap tawh bawk.

Fel hmel fahran hian kan ṭhu hrang deuh ngei bawk a.

"Midangah buai suh, mahse, midang sawi sep sep kâi lo turin fimkhur thung ang." Amah en chunga ka tih chuan, "A ṭha alawm, ka tâ i ni tih midangin a hriat sup sup kher angai hleinem, a hre tur dik tak hian hria ila a tâwk chiah." Thûm chhaka tiin eitur a hmawm zauh a.

"Ka ngai ngawt ang che.." ka ti chhuak hlawl a, a dik chiah bawk a. Kum tam tak hnu-a mipa ka pawh lehna hmasaber a ni a, ka tâna a hlutzia hi a inhrethiam tawp nâng.

"Kei deuh, ka hawina lam apiangah i hlimthlâ alang zel mai dawn si a ka huphurh lâwk.." ati ṭha ve mai a.

"Chennai-a i chhuk hunah pawh min lo call ṭhin la, i zirna tibahlahtu a tân min hmang suh ang che. Inbiak theih loh châng te pawh a awm ang; mahse, thinrim phah nâna hmang lovin kan inbiak theih hun nghah mai khâ a finthlâk tih i hrereng dawn nia, i tân ka awm zêl dawn tih theihnghilh lo la, min duh tak tak a nih chuan kawng thar, rahbi thar kan chuangkai zel dawn alawm," tiin ka fuih ve a.

A lâwm hmel ka hmuhin atâna rinawm hi ka bat liau liau a ni tih ka hrechiang tulh tulh nia.

"I puitlingin i thusawi hrim hrim a dik thlap zel thei hi ka chhuang ngawt mai che, doctor niawm rêng i ni.." a no ken lai dawhkanah a dah a, ka bulah a rawn insawn phei ta a.

Min fawh tuma a kûn hniam chu lo dangin, "A hun leh a hmun a awm ka tih tawh kha.." ka tih chuan a ṭhu ṭha ve leh mai a, "A hmunah kan insawn angai anih chu, a hun erawh a dik chiah a nia," nui chunga tiin min pawt thova ka mutna room lamah bawk kan insawn phei leh ta a.

Hmangaihna ala tel miah lo. Inhriatthiam tawnna leh inzah derna hian kawngro a su hle a ni.

"Mafel, Nutei khâ i thîk em?" Khumah kan mu leh tawh a.

"Thîk love, i hun liam tawh ka chhuisak che chuan lungawina tur ka hmu tlêm dâwn si a, kan inkawp aṭang chiah hian amah i kalsan hlen dâwn tih inhria la, ka thîk turin engmah ti suh ang che. A hnena kîr leh duhna rilru i lo pû a nih chuan tlang takin min hrilh la, ka lawm zâwk ang.." ka ti duah a.

"Kîr leh tumna ka nei tawh lo. Ka tân i tâwk.." ati sup a.

"A ṭha e, i thîk turin mipa ka hnaih hauh lovang.." ka tih chuan a nui suk a, "Ka ring tâwk che, tun thlenga nula thianghlim ila nih theihna hian mipa i hnaih lo tih a sawifiah vek alawm.." dam thlup leh nghet charha a ṭawng chu ka tân ngaihthlâk a nuam hle mai.

Zirsangliana kalsan hmasatu nih ka tum ta ta lo bur. Amahin min kalsan a nih erawh chuan ka thutiamah ka ding nghet thung ang.

A khât tâwkin kan infâwp reng a, thildang erawh kan tih belh ta lo. A hunah a insûm thei riau te hi amah ka duhna tizualtu a lo nireng si.

"Zû in leh châkna thlarau sual i dawn loh hrâm ka beisei.." tiin a hnungzâng sei thlurh ka chûl hauh hauh a.

"Châk ve tho. Mahse, ka inthunun thei.."

"Kan inkawp laia i nghei hmak thei a nih chuan innei ta pawh ni ila i nghei hmiah thei ang. Ka siam ṭhat theih loh tur mipa ka ngaisâng ve ngai lo." Thutak zeta ka ṭawnglai chu min lo dang chat a.

"Min siam ṭhat tumtute zingah a hlawhtling awmchhun nih tum ang che." Zuk ti daih a..!

"Nakin zelah pawh i nungchang miin an enin an thlîr anga nangmahah danglamna an hmuh chuan 'Mafeli nen an inkawp vang anih hi' an tih ai chuan, nangmah Zirsangliana i nihna hrim hrim hi lansarh tîr hmasazel ang che."

"Hmeichhiain an siam ṭhat chawp mipa nih tum ngai lo la, mipa i nihna khân siam ṭha zâwk che rawh se."

"A va ṭha dap dap ve le, ka vawng reng ang," tiin min rawn fâwp nghal zat a.

A tâwpna tur ni hauh lo. Bul ṭan dun turin hmangaihna kan chêndun leh ta a. Min hruai a tumna ram ngeiah chuan a vawikhat nân kan lut rual ta.

Thâwm bengchheng siam chi ziazâng a nih loh avangin ka hmui hnuailam ka pet fan fan a, Remruatsanga emaw atu apawh ni rawh se. Ka pum chhunga awm tir tumin a uar hlê mai. A hnung thlan avanga hnâwng chap chuan a thawhhah man hmuh ngei a tum tih ka hrethiam ve lutuk tlat.

Thaw hawk chunga inbengkângin, "I thleng tawh tiraw?" Ati sup a.

"Umn..i ruala kal zel ka duh alawm," tiin ka lo chhânga, "I danglam takzet.." tih pahin ka sîrah a rawn mu thla ta a.

"Ka danglamna hrefiah turin, ṭang nasa rawh.." fiamthu-a ka chhân vang chuan a nui hawk nia! A lum ta lutuka kan rizai sin lai chu asirah dahsawnin min kuahna a thlah dul bawk a, chau ang pawhin alang eih lo!

Rei vak lo hnuah inbual turin ka luhsan ta a. Thawmhnaw engtham mah ka ken loh avangin insiam lutuk tur ka nei lova, Arini min lo lâksak veho khâ a man ka pe vek tawh bawk a. Châw ei tawp a ni tawh mai.

He inchhungkhur ami te hian min ngaina ve riau tih ka hria a, eng mah ni lo mah ila kei tehlul min ngaihsaka min duat hi ka lawm hle a ni.

Zirsangliana chungchâng bîkah chuan amah ka ring thlap a, a hnêna ka sawi ang deuh tak tak khân a hunliam tawh ka en sak chuan lungawina ka hmu dâwn si lo.

Zû in zauh zauh chîng ṭhin mi a ni a, mipa dangte anga heh lutuk ni lo mah se a ruihna leh a nihna ang ang hi kan inkawpnaah hian a tel vek a, ka nei tel tih tihna a ni chu. Mahse, amah thlâk danglam theitu nih ka tum tlat thung.

Mihring tumah ṭha famkim kan awm lova, keipawh ka bâng bik chuang lo. Chutih rual erawh chuan amah nena kan inremna tur a nih phawt chuan leh thil ṭha lam zâwng min kawhhmuh a, ka kawhhmuh theih bawka kan indawh tawn hian engtikah mah 'Inṭhenna' a awm theiin ka ring lo bawk a ni.

Fai leh uluk taka ka inbual zawh meuh chuan Sangpuia tih loh zawng an lo tho kim tawh a.

"I va inbual hmâ ve, hmanhmawh lutuk lo mai u la, khua te ngaichâng pahin.." Pa Hriata'n min lo bia a, nizan leh tukin thlenga ruah a sûr reng avangin min ngaihtuah tih ka hria.

"Ni e, Bike phei chuan a peihawm loh angreng khawp mai," sam ka hru mawlh mawlh a, Zirsanga leh Arini'n vengchhakah pheikhawk an en lawk tih nu Hriati'n a lo sawi ve bawk a.

"Mafel, in chhuk hunah pawh zu in te kha a tum leh ngawt ang e, a tum tawh chu kan ṭhulhtîr leh thei dawn si lova.."

"A in lo turah ngai ang, nangni paw'n ṭan han la deuh u la, ka awm loh hnuah pawh a chanchin ṭha lo lam a awm a nih phawt chuan zêp ṭhen awm lovin min lo hrilh ve zêl dâwn nia.." ka ti tlang hmiah a.

"Tehreng mai, a zirlai hi zo se Aizawlah Arini nen an awm tawh ang; mahse, zu in a sim loh chuan an unau ringawta awm chi an ni lova a patea a lo ni ve bawk nen an ngaihtuahawm dawn lutuk tlat, kan ṭawngṭai chhânna hi engtikah tak thleng ang maw.." Nu Zuali ṭawng bawrh bawrh lai chuan Sangpuia a lo tho ve ta a, engtin mah ka chhâng ta lo.

Pâwnah Bike ka hru hliau hliau a, min kalpêl apiangin, "I uluk lutuk a nih kha, a berh leh vek thovang" an rawn ti liam liam a.

Ka rilru tê tê in 'A berh dâwn tih hrereng chunga hrufai ka nia lawm le, lirthei reng reng kan khalh chhuah te chuan a bâl ve bawk ang chu..' an sawi peih ve hlawm angreng sia.

Damtêin han awm ila tlêma ka kawl rei deuh hnuah hralha car lâk ve ka rilrûk deuh a, kan upa tulh tulh a, bike khalh a peihawm loh tulh tulh tawh chû a nih hi.

"I va inpeih tawh awm ap ap ve.." Arini leh Zirsanga ka bulah an rawn ding a.

"Ka châk tehchiam lo khawp mai, kawng a chhe leh dawn mai sia.."

"Inpahnihin in chhuk dawn bik a, Mama hi veng ṭha viau rawh a pharvar san mai ang che," Arini a nui var var a.

"Teuh lo mai, ka thlung bet tlat ang," ka ti ve bawk a.

"In ṭawngthei dun lutuk, chaw ei ang u, Mafel, dah rih rawh.." Zirsanga inchhungah a lut nghal daih a, midang hriat laia induat hliau hliau loh tur tih chu a zawm ṭhat hmel khawp mai.

"U Nutei'n nizanah min lo call a.." Zawitêin min hrilh sap a.

"Eng nge a sawi a!?"

"I u Mama leh in mikhual nu kha an ni ve tak tak em ni!Tih vel mawle."

"Engtin nge i chhân a!?" Ka tih chuan, "Eng mah ka hre lo" tih bâkin ka chhâng lo a ti ta a.

Nutei hi ka haw hran lo ka tih tawh kha. Mahse, hetia a lo inrawlh sek dâwn anih chuan ka duai lo viau ang. Ama'n a ṭhen hmasa tê tê a, hetia rawn inrawlh phêt tum mai! "Arin, a number min lo pe la, eng emawah ka la mamawh dawn tlatin ka hria,"

"Lutuk, a nasa ve riau a nia, in lo insual vêl ange.." nui vak vak chung hian ala ti zui a, ka nui ve tawp. Henu hi ê, ala â ve phuang phuang mai si a!

Zirsanga'n min koh tâk chhên avangin inchhungah kan lut ta a.

Chaw ei an lo peih ṭhap tawh a. Pa Hriata'n ṭawngṭaina hun a hmang a, tluang taka kan thlen theih nân a dil thlap bawk.

Chaw eilaiin awmdan mawi an hrilh leh hrep a, a chhâng ve lêm hlei lova. A nu leh pa hian thu ṭha tinreng an hrilh chamchî ṭhin tih pawh alang reng a, a zâwm vak lo a nih hmel.

"Mama, naktuk Sunday a ni si a, engtin nge ni ang, engin nge i lo chhoh dâwn, Monday lam a ngai daih a nih zawk chu?" A pa-in Zirsanga a zâwt a, "Ka hre lo le, kan chhuk phawt anga chanchin ka lo hrilh dâwn che u nia," min melh zauh pahin ati ta a.

Ni tak, Sunday-a haw chhoh te chu thil tihchi a ni lo hrim hrim, tawhsual tawh te pawh a hlauhawm alawm. Mahse, Zirsanga sawi ang deuh khân thlengthla phawt ila kan ngaihtuah ṭha leh turah ngai ang.

Arini lah chuan kal ve a châk thu a sawi sek a, fanu awmchhun a ni tawh bawk a, râkin nui vak vak mah se an hau lem lo. Amah a sualin a lerh hran bawk si lo a, an enliam vel a ni deuh ber. Sangpuia inah a awm tlêm hlê a, School a kal tih lohah chuan chaw ei lai leh mut hun hi ina a awm chhung a ni mai.

"Mafel, i inpeih chuan khawṭhat lai hian chhuk daih ila.." Zirsanga ka room-ah a rawn lut a. Kei pawh ka inpeih chu a ni deuh thaw tawh.

"Eng nge i hâk ang..?" Tia ka lo zawh chuan mak atih hmel viau!

"Eng nge inbel tura min duh deuh?"

"T-Shirt dum ve ve ha ila, Blue Jeans i nei em?"

"Nei e, i va'n ho reuh tak," ati sup a.

"A nuam ve alawm, ka bialpa thar nen kan inah kan haw dâwn a nia," ka nui var var a.

"I bialpaah min pawm meuh maw, in ṭhenawmte tih vel an lo meng shaala ang tih chu a hlauhawm," a'n ti deuh ngei a. Ka nuih aza zâwk e a. Kan ṭhenawm tlangval Israela, min ngaizawng ve ṭhintu ka hrechhuak zawk.

"Inthlâk ang le, kan tlai dâwn, i thawmhnaw sawi ang chu inbel kan tum poh ang e, Lalkhirhte," nui suk chung hian min chhuahsan ta a.

Nge, a nuam ve alawm, a hmel ṭha ropui si a, min han phur tur ka mitthla vel hian nuam ka ti.

Ka tleirawl ṭha leh a ni ber alawm le.

T-Shirt dum dak hlak leh blue Jeans mar ṭang ka inbel a, kal lama ka boot bun bawk kha bun lehin ka hmai ka chei thuak thuak bawk a, ka sam pawh 'Vikings' hmeichhiate phiar danin ka phiar vek a. A chhan chu Zirsangliana'n Vikings mipa hairstyle ang a pu tlat alawm.

Vety doctor tih vanga in lâk 'uganda' vel kha ka type ninghal lo chuan.

Ka mipa duhzawng street boy an ni ṭhin kha a nia, tunah erawh mipa cool ruih leh hmelṭha, hleitling bawk si-ah ka inham buai ṭan chu a ni ta der mai. Kan awm dun ngun telh telh a, ka duh tulh tulh thung si.

Hmeichhe ṭhenkhat tâna duh ngawih ngawih chi mipa a ni miau alawm.

Ani pawh arawn inpeih thlap tawh a, kan dress a inang thlap. Timberland dum lawk lam deuh a bun a, inhmeh fia fia tak a ni. A chhe lo thlâwt! Keimah chuan awm ila ka khêk râih ang chu maw le.

"Jacket kan hâk loh chuan a vawt maithei a nia.." khuma leather jacket ka dah a melh zawk a.

"A dum tho ha ang che," ka lo ti hmanhmawh a.

"Remruatfel, Lunglei chhuk dawn vanga inchei viau angaihna ka hre lo a nia," ati tak nâin a kut hnung lama a ken Jacket chu ka hmu reng.

"Inthlâkna pahnih khat i keng ve ang chu tiraw, Sunday châm angai dâwn sia.." ka tih chuan, "Ka keng alawm, ka châmrei viau dâwn anih leh kan bazar ve tawh mai ang chu.." ati liam puat a.

A nu leh pa, Arini nen an pathumin min thlah a, 'U Mafel, i bike khalh lai ka hmuchâk nangma'n khalh chhin teh' atih tlat avangin Zirsanga ka melh a, "Khalh mah la a pawi hleinem, nakinah ka chhâwk ang che." Ati ve mai a.

Kum li chhung bike ka lo khalh ve tawh a, tun ṭum zet chu ka confi lo teuh hle mai. Min thlirtute hian min enchîk nasa mai si a! 'Mipa fâ tur hmeichhiaah i lo piang a nih hi' min ti palh ang tih chu hlauhawm tak ani.

Zirsangliana nu leh pa leh a farnu hmuh laiin ka kâr chho pâwk a, Helmet erawh Zirsanga ka kentîr a, ani pawh rawn ṭhu kái ve-in ka tlânchhuahpui ta a.

A nu leh pa hmuh lai chuan ka tlanchak vak lo. Kan liam ta maw tihah ka phit chhuak a ni hrim mai.

"I pumah khân eng emaw a lo awm palh a nih chuan a invaivir nasa ngawt ang." Ka hnunglam aṭangin a rawn ṭawng lâwng lâwng a, za lutuka nui chungin, "Tun aṭanga paukhauh azir ṭan angai tihna anih chu," ka tlânmuang duh der lo.

Nutei te in zâwnah mi pathum vel an lo ding ṭaih a, kei misual tharlâm hian sual ka chhuah châk tlat pek a nih chu. Nizana Arini kan chungchâng a lo zawh vang hrim hrim pawh khân vawikhat horn ka pe tuar a, amah Nutei ngei mai nen kan inmelh chiang kher asin.

Nui sak chung hian kawng lam ka ensan leh hmak a, ka hnunga ṭhu erawh ngaih dan nih loh hmêl tak hian a hawi tau hmuk thung.

Zan hnih ka riah chhung khân vawikhat mah an inbe lo a, Nutei paw'n a lo call lova, Zirsanga paw'n a call hek lo.

Dârkâr khat dâwn inbe lovin kan awm tawh a, ruahsur hmaa thlen hman kan duh vangin kan hmanhmawh angreng viau.

Vâi Truck lian kawngsira lo ding bulah Zirsanga'n din a rawt tlat pek a!

"Eng nge kan tih dâwn?" Amah lah chu rang fê hian a chhuk a.

"Hmai phih ve lawk ang, boruak a uap em mai," tiin kawngchhaka tui lo khawhthla lamah a chho a, a hmai leh sam a tihuh nghal bawrh bawrh nia!

Vâiho lah chuan min en duh hrep lehnghal a!

"Mafel, pheikhawk phelh ila tui hi dai ang, a nuam lutuk, ala hma tho alawm," a pheikhawk phelh tura a kûn hniam lai chu ka en reng a; a mit, thlíthâw-in a chhêm vanga sen râm te, a sam huh hlap te chuan ava tilang ṭha si êm..

Amah alianin a sâng ṭha si a, en reng mai ka duh. Kei hian ka thinlung takin amah ka duh hliah hliah tih ka pawm ta thlap e.

"Remruatfel, min en reng lo khan i kutkawr phelh la, va inphih harh rawh," ka kiangah a lo ding tawh a, Vâi pakhat chu huiin, a be zui mawlh mawlh a, an sawi pawh ka hriat ve si loh!

Lakhuih vel sa diam, tam fê hi vâipa chuan a rawn keng a, Zirsangliana kutah a pe ta a.

"Ei rawh, Lakhipur Lakhuih a nih hi, hmun hrang hrangah an sem ṭhin a, a thlum teh a nia," tiin lian ṭha zet min pe ve a, amah lah chuan tuitih hmêl takin ala ei zui a. Ka ten deuh! Mahse, arim tui êm avangin ka ei ve ta thova, a thlum ngei mai. Kawngsirah ṭhuin Lakhuih thei chu kan ei ta mial mial a. Ka puar awk thei alawm le.

Vâiho lah chuan nuam an tih hmel khawp a, 'a dang inla duh em?' Tia min zawh chuan kan duh tawh loh thuin a chhâng a, reifê chulai hmuna kan chawlh khawmuan hnuah kan tlânchhuak leh ta a.

Ama'n a khalh ve thung a, tukin zinga ka lo suangtuah khâ a thleng dik ta chiah e. Helmet full face a khum thlap a, a hnungah amah si chêtin ka bet thlap bawk a, mipa khalh na nâ na chu a chuan a hahdam deuh e. Bike khalh ṭhang a ni bawk a, ka hlau bik teuh lo.

Lunglei kan luh meuh chuan ala hmâ hle a, dârkâr tam pawh kan tlânin ka hre lo.

After 2 hours

Zirsangliana

Mafeli te in kan thlenna pawh a rei leh deuh tawh a, mikhual room-a khumah ṭhuin ka nu leh pa kan thlen tawh thu ka hrilh zo ve chiah a, councelling class min neihtîr leh hmain phone ka off daih.

A nu leh pa pawh ka rin aiin an la ṭhalai daih a, a nau Bawiha nen kan innêl ve nghal mai.

Amah Mafeli tak chu a inbual rih avangin a nu leh pa bulah ka ṭhu phei ve ta a, an ina awm hmeichhia erawh a cousin a nih thu a sawi a, thâu lam deuh tawitê a ni a, Mafeli nen an pianzia a inpersan hlauh thung.

"Zirsanga maw i nih?" Mafeli pa, pu Rozuala'n min zawt a.

"Aw ni e," ka chanchin min zawt chipchiarin ka zirna leh kan chhungkaw chanchin min zâwt chiam a, a nupui erawh a ngawi reng thung.

An in pawh a nuam hle a, Mafeli'n nakinah ka fanpui ang che atih avangin ka la teikual bik lo. Aizawla kan in tepawh min ti hrechhuak e a.

"I duh ang ang khân lo awm ve tawp mai rawh, keini zawng mikhual kan nei khât a, kan ṭawngtlêm nupa bawk nen min hrethiam mai a ni ang chu." Mafeli nu in a ti ve a.

Bawiha'n, "Guiter i perh thiam em?" Tia min zawh chuan, "Thiam e, i nei em ni?"

"Pahnih ka nei, lokal rawh Matei inpeih hmâin ka hlaphuah kan sa dâwn nia," tiin a pindan lamah kan inzui lût ta a.

Bawiha hi a hming tak chu Remruatpuia a ni a, Mafeli nen an hming a inzûl viau!

Kan inchen vel viauvin ka ring a, Gym-a kal ṭhang niawm tak hian a pian pawh a inphut nalh khawp mai. A hlaphuah kan han zir chu kei takngial pawh ka nuih azâ a, a thlûk a mak bawk si! A hla thû nen lam common lo rem rem tak a ni.

Mafeli hrechang lo lêkin kan zâi dun ta kha a nia.

"Zirsang, i lo va zaithiam ve!" Mafeli lo luh lai pawh chuan kan la zâi uluk hlê a, Bawiha ber hian ka nuih a tizâ zual, mahni hlaphuah thlûk te a theihnghilh thûl ka nui nasa lutuka zâi pawh ka zâi ṭha thei lo. Ka'n siamrem sak lâwp lâwp a.

"Lo phei tawh u la, ka nu leh pa mitthi inah an kal dâwn a, Muantei a awm bawk si lo." Mafeli'n atih chuan kan thiltih lai dahin kan zui chhuak ta a.

Zaninah Remruatfeli kiangah mut ka tum tawh hauh lova, a mualpho theihna tur ang chi hrim hrima awm ka tum tawh lo bur. Amah ka thlahlel lo tihna nilovin insiam ṭhat ka tum takzet a nih chuan insûmtheihna ka mamawh hmasa ber a ni.

A nu leh pa chaw eiah kan nghâk ta lova, Bawiha mitthi inah a kal tawh bawk a, an section ami a nih vangin thingpui lum a ngai tiin a kal hma deuh.

Muantei a lo lût ve chiah a, phone khawihin sofa-ah a ṭhu nghal a, a ṭawng tam lo khawp mai. Ka thlentirha min biak bâk kha min be tawh pawhin ka hre lo.

"Zanin aṭang chuan kan mu tlâng tawh rih lovang," Mafeli room-ah kan awm a, ani'n Laptop-ah thil a type a, a Album ka lo en thung.

"Min hnê deuh tihna em ni?" Laptop a khup thak a.

"Chutiang lam a ni lo. Bul kan ṭan dawn tak tak a nih chuan zanhnih kha tawk rawh se, i tâ ka ni a, ka tâ i ni bawk. I sawi dan takah misual dum ber nih reng zawng ka duh bik chiah lo," tiin ka lamah ka kuai hnai a, a hmela lawmna lang chhuak chuan ati hmel ṭha zual sawtin ka hria.

Dimtêa a hmui fawhsakin a sam hnâwng deuh chap chu hnung lamah ka dahkian sak a, a hmai make up tel miah lova fai sar te hi ka ngaihsan zawng tak a ni.

Hmeichhe ṭhenkhat chu nise, an inchei leh hliau tawh anga kan Remruatfeli zawng a hun leh a hmun thliar thiam hmeichhia a ni tlat a, ani ka neih chhung hi chuan ka thlâ a muang ngeiin ka ring.

A hnathawh leh a hausakna lam ka en lova, chutiang chiah chuan ani pawhin min en ve bawk. Engmah ka thawk lo chung pawh hian Zirsangliana ka nihna hrim hrim leh zu in ṭhin ka nihna te pawh a pawm thlap a, ka tâna ṭha tur chauh sawi ṭhin a nihna hian amah ka duhna a tipung sawt zawk.

Ka hmangaih leh hmangaih loh ka hre lo. Mahse, ka duh hlê a ni.

Nutei'n vawikhat mah min rawn be tawh ngai lova min lo hmangaih ngai reng reng lo em mawni ka ti hial tawh.

Ka hmangaih ṭhin teh lul nen min ringhlel peihin kan inhau reng ṭhin kha a nia. Tuna kan boruak dam raih nen hi chuan inang lo tak a ni.

'Lei leh Van' tia sawi chi ni lo mah se hmeichhia ṭheuh ṭheuh an lo inang lo ngei mai.

"Hey, eng nge i ngaihtuah vung vung a," Mafeli'n ka hnungah min bêng thak a. Ka phu zawk thei nia!

"Kan in chu nuam iti meuh nange?" Tiin min nghêng ar ar a, ka lo kuah lêt vat thung.

"Ti e, mahse, teichhuah ve mai mai a châkawm, dâwrah tal kal ve ila.."

"Hmm, hmel thar hmuh i châk deuh a ni maw, lokal rawh Lalawmi te inah kan lêng dâwn nia," ati ta a.

"Tunge Lalawmi chu..?"

"Kan monu a nia, ka cousin nupui, Lungleia ka awm chuan amah nen hlir kan inkawm ṭhin, i ngaina ngawt ang." Tih pahin a tho chhuak a, Lalawmi te ina kal tur chuan kan inzui chhuak ta a.

Nula rîm tih vel ka bansanna a rei tawh khawp mai. Nutei te inah ka lêng a nih loh chuan ka chhuak khât hle a, zû ka in leh tawp zel ṭhin.

Lalawmi chu a fel hle taka! Min lo be nghal sawt sawtin Mafeli an dem fiam nghal ringawt a!

"I lo inzêp thei hle mai, Patea ka hrilh dâwn," tiin a nui tak uar uar a.

"Lalawmpui, i kâ âng hlek suh ang che, tuma hriat kan duh lo a nia," Mafeli'n atih chuan min mitmei zauh pah hian, "Zirsang, a rûkin a lerh phian a nia a phone check sak ngei ngei rawh," ala ti tak deuh deuh a.

"Ka ring vêl a ni. Vety lam Lawmsanga tih vel te kha an tlar thla dul emaw a ni anga.." Tia ka lo ṭawng ve chuan, "Hus! Nangni pahnih hi awmtlâng chi inni dâwn lo tawp mai," ati nang nang a.

"Mafel, ka puan fâi vek châk che, Zirsânga hi i phû lo ka ti.." Tih pahin thingpui lum turin min thawhsan a, ala valâi bawk a, a ho reuh phian.

Thingpui hâng ka in a, Mafeli'n a duh lo leh tlat! Model pian ang êma nalh ni lo mah se ei leh inah a insûm thei hlê tih ka hre tawh a, zan mut dâwnah leh zing thawh veleh khawizû leh tuilum inpawlh a in ṭhin tih pawh ka hre bel ve hman.

A phone a rawn ri ta a.

#"Aw, Lalawmi te inah kan lêng a, tuisâ lo nei u la kan lo kal dâwn nia," tunge a biak hre chiah lo mahila a pawimawh hmel chu ka ti.

"Pu Sangvêla te Vawkpuiin note a nei a, a chhûl a tâng a, a chau vek tawh an ti anih chu, an mangangin min lo phone tawp a.." hrilh bîk pawh nei chuang lovin ati a.

"I kal dâwn em ni?" Lalawmi zâwkin min zawh khalh a.

"Kal ang, Zirsang, i duh chuan hetah lo awm lâ.."

"Ka lo kal ve zâwk ang e, a hlâ em?" ka ti a. Zui ve chi a ni em tih pawh ka hre chiah lova; mahse, an inah tu vak mah an awm si lova, mí ina lo nghah teh ngawt ka duh chiah lo a ni.

"Hla ve e, car-in kal angai ang, an hmanhmawh hmêl em mai," a tho nghal a, keipawh tho chhuak ve-in, "I pa'n car a keng lo em ni, bike in tlân zuai ila.."

"Bike chu Bawiha'n a keng daih a, ka pa te hi engin nge an kal ka hre miah lo, hâw phei phawt ang." Ati nghal tu tu a.

Lalawmi'n 'Hetah nghâk ve mai la, kanpa a awm bawk si lo' ati tak nâin kan kal chhuak ta thova.

An inah a hman mamawh tur ala khâwm zung zung a, a pa'n car a lo keng lo hlauh chu a tihzia ngei mai.

"Ka lo khalh dâwn em ni ang?" Ka tih chuan, "Lawk aw, Muantei khâ kan kalna tur ka va hrilh leh lawk," tiin chahbi min pe a, inchhungah a tlân lût leh ta rih a.

A chê rêng rêng a hmanhmawh khu chûk lo nâ in a muang chuang hauh lova, zanah lehzel inkoh chhuah chu ka ngaih dan a ni lo ve lek lek. Mahse, ran doctor a ni tlat si a, a hnâ ni miau hek le! Keia lo phunchiar ve vakna chi ninghal lo chuan..

A lo chhuah leh lai pawhin car ka lo tinung vat vat tawh a, a hmâah rawn ṭhu-in, "Hmanhmawh deuh ang aw, Vawk chhûl tâng chu a buaithlâk riau a nia," ati a.

"Tihian an ko chhuak fo che mi?" Tia ka zawh chuan, "Min ngamtlâk deuh chuan ko ve fo e, mahse, zîngah a ni deuh ber."

An in awmna lai sawi zui nghalin kan tlânchhuak ta a.

Doctor pasal ni ta ila ka phunchiar riauvin a nia ka rin! Â hah! Ka thil ngaihtuah avang chuan ka nui hawk a.

"Ka hriat ve chi a ni em?" Ka lam hawiin ati a.

Chhân mai dan tur ka'n hriat loh chu le!

"Mahni-a nui huk huk rual chu i ni tawh lo maw le," atih chuan ka nuih aza telh telh nia.

"Tihian, i driver-ah min chhawr ta mai che, ka hnehsawh viau ang" thildang ka sawipui daih a, ka ngaihtuahna khâ sawi chhuah chi a ni teuh lo.

"Ka duh lo e a, driver chuan zu in an tum zêl a,"

"Sawi ve ziah suh," ka tih chuan, "Driver nilovin ka eng emaw tur i lo ni maithei asin," ati zauh a.

"Eng maw i sawi!?" Ka phûr sarh a.

"Eng mah," sawi sual inti niawm tak hian tukverh lamah a dâk chhuak daih a. A sawi tum ka man ve chiang e, ani têreuh hian min duh tak tak a ni.

Pu Sangvêla te in kawtah kan ding ta a, car-a nghah ka tum bîk teuh lo. A thiltih engkim hriatpui vek ka duh tlat.

An lo dawngsawng ṭha hle a, 'Tunge' tia Mafeli an zawh chuan, "Ka ṭhianpa a nia, min lo hruai a nih hi" tiin a chhâng a, ka hming a hrilh lo.

Vawk in lama an chhuk chu ka zui ve zel a, light an lo fit vek bawk nen a êng uar mai.

Bucket-ah tuilum an lo chhawp sa diam a, ka bialnu Vawk inah a lût dawn chu a ni sia, intih no na chi a va ni si lo êm! A kekawr thlep chhîngin a sam a ṭâwn ṭha sauh sauh a, Vawk note râk nawk nawk zingah chuan Vawkpui chu a va pan ta a.

"Zir, box-ah khân glove a awm a, min lo pe lawk mai ta che," ka bula box chu hawngin glove ka phawrh a, ka nuih aza tawh lo. A chhan pawh Vawk note 12 zet a pui hnute hnêk tuma tlân kual sek leh a pui chau lutuk chilphuan tla bawrh bawrh chu ka lo khawngaih ve viau atin ni.

A chhan thei lo ang tih mawlh ka lo hlau a, Vawk inah ka kal ve ang tih hi ka la ring pha miah lo. Nilo, Vawk kan vulh ngai lo hrim hrim a ni zâwk.

A chhûl tâng uluk leh dîm taka a zen sak lai chuan ka lo ṭang ve nasâ!

"Artui inneih chuan a kâah lo chhûng lut u la, a harh phah deuh mai thei," Mafeli'n a sawi zawh rualin pu Sangvêla a che vat a, puitu tur tehchiam awm hek lo. Vawk inah ka lût ve ta a, a neitupa in a kâ-ah a lo keu laiin Artui ka lo tulh ve thung a.

Thawk ṭha tak ka ni.

Minute15 dâwn a buaipui hnu-ah a chhûl a tla ta hlawl mai le. Mafeli leh pu Sangvêla te aiin ka lo lawm zawmah nia.

"Kan lawm lutuk, ka mangang tawh bawk si a, zah pawh sawi lovin ka lo be ringawt che a nih kha," Pu Sangvêla lawm thu sawina chu nui var var chungin a chhâng a, "Vawiinah ka lo haw chauh a, in vannei hle mai, naktukah Artui leh Âṭa tuiril deuhvin pawlh u la in lo pe dâwn nia," tiin Vawk vitamin bûr hnih a pe ta a.

"Pi Mafel, hei tal hi min lâksak rawh," tiin pu Sangvela chuan pawisa pêk a tum a, ani'n a duh si lo. "In vawk talh hunah chaw ka lo ei dâwn nia," zuk ti deuh tlat a.

"Anih nang talin lâksak rawh," tih pahin ka kekawr iptê-ah a rawn hnawh lut a, "Angai lo atih mawlh mawlh kha," tih bâkin hnial thiam hek lo.

Min pe lui ta nge nge a.

'Thingpui in rawh u' tia min sâwmna chu chhuanlam siamin kan hnar ta a.

"I berh vek lo maw!?" Car-a kan chuan leh hnuah min zâwt khauh a.

"Tehnâng, nangmah zâwk khâ?"

"Berh ve tho, zanin chu kei aiin i lo ṭang deuh zâwkin ka hria," a nui var var a.

"A note khâ an khawngaihthlâk êm alawm," ka ti sup a.

"I rilru aṭha tihna a nih chu, thlen veleh i inbual dawn nia," atih chuan, "Misual rilru ṭha ka ni tihna a ni maw!?" Ka lo ti a.

"Hus! Ka sawi awmzia i hre reng, VFA lam i lo ti ve daih lo a ni," ala ti tak deuh deuh a!

"Ran doctor nupui ka nei dawn alawm," nui duh miah lovin ka ti ta a. Ka mala tawk zauh pah hian, "Sumdawng hausa neih ka tum ve thung." A nui zui hak hak a. A hmêla hlimna leh mahni inrintâwkna rawn lang hian min ti lâwm ru veng veng.

An in kan thlen leh chuan dâr sawm a hnai tawh a, a nu leh pa an la awm lo fo!

A room-ah bathroom a awm tho avangin a inbual nghal a, kei pawh common bathroom lamah ka intleuh ve zuai zuai a, insil ringawt tum ka nia. 'Inbual law law rawh' min tih deuh tlat avangin ka inbual ta nge nge a.

Ka ngaihtuah thui tulh tulh a, Mafeli hi ka tâna Pathian min pêk a ni thei mai angem? Â chutiang ngaihtuah nân ala hma deuh. Keimahin ka nui leh suk zel a. Mipa, 'mahni inchawmzo nih ka tum ngei tur a ni' Tih hi rilru ka siam thar dan chu a ni ta.

A room-ah kan awm leh tawh a, mitmei vên tur awm ta lo na nâ na chu kan infâwp sek a, ka phone riin min tihbuai tâk avangin kan inthlah ta chauh a.

Nutei'n min lo call lek niin!

Mafeli pawhin a hmu ve reng a, 'Kan nu' tia a number ka save chu ka lo la delete awzâwng lo.

"Innu call a nih kha chhâng rawh." Ati hmak mai le!

"Ka be dâwn tawh lo tih ka sawi lovem ni?"

"Anih chuan engvanga 'Kan nu' tih la awm kuau nge a nih si?" Tiin a ṭhu sawn daih a.

"Ka lo delete theihnghilh daih a alawm, tihpalh lutuk," dam thlapa ka chhânna chuan a rilru hneh hrâm se ka va'n ti tak.

"Ok, tihpalh chu a awm thei alawm, a number delete kher rawh ka ti lo ania, thlalâk dun te pawh innei nualin ka ring a; kum kha leh chen inzui ve ta chu, engmah paih duh suh aw, engtikah mah i nei leh dawn tawh lo tih hria la, chuti em em a rilru tê ka ni bîk lo a nia." Min chhânna avang chuan ka hamhaih zawk mah!

"I rilru a na ve îk lo em ni?" Ka ti ta ringawt a.

"Na mah se hun liam tawh ami a nia, tunah pawh i be chuang lo a, ka tân huat tur a awm hleinem," zu ti dam thlap a!

"Ka duh che, Remruatfel,"

"Engzâtin?" A kutṭang a tikâk a, nui lo turin ka insûm nasâ.

"Tiang tiat hian," tia ka kut ka khâwr pum a hmuh chuan a nui ta hak hak a, a ho zo leh vek.

A kiangah hian nuihna tur ka hmu fo a, a thinrim hun erawh Sakeibaknei ang vel a nih ka ring. Ka ngaihtuahna avang chuan ka nui nasa zual sauh a.

"Zirsanglian, min nuih elaw..!?" Khuma ka ṭhulai chu ka chalah a rawn nam a, a kâwngah kuahin a nghâwng leh khabe-velah ka lo fâwp lâwr dan dan a, a hmuiah ka fâwp ṭan chiah tihin Bawiha'n min lo ko ta a.

Hun lo ve le, hmeichhe ṭawng thâwm ka hre tel bawk a, tunge a lo hruai ka hre ve der lo.

"Zir, awm ṭha rawh le, Bawiha'n a bialnu Maengi a lo hruai a nih chu.." Tiin a ṭhu ṭha nghal sawk sawk a.

Remruatpuia bialnu aw chu ka hriat hnu a ang hle mai. Mahse, a hmel ka hmuh tlat loh avangin 'tunge' tih ka sawi thei mai lo.

An thâwm hre lo ila chuan Setana pâwlah kan tel leh teuh ngei mai..

Mipa leh hmeichhia, inngaizawnglai awm dun tam na nâ na chuan thil ṭha lo tih mai duhna sual a lo awm tlat zel nia!

B<+++[BeckirafARenthleI]®®

RAPSAGY

Becky Rafa Renthlei

Chapter-11

Zirsangliana

Mafeli room aṭanga kan chhuah chuan sofa-ah Bawiha leh a bialnu an lo ṭhu a.

A aw ringawt ka hriat khân tunge tih ka hre thei lo khâ a nia, Zoengi lek lo niin!

"Hey, Chanchinṭhazoeng!" Tia kan ko chiah chu a mengphâwk nasa mai. Chutah rawn ding chhuakin, "Zirsanglian zuheh," min ti zui ve zat a.

"Nangni pahnih hi in inhria elaw!" Bawiha makti hmêl ka hmuh chuan, "Chanchinṭhazoengi hi i bialnu maw! Â hah! Ka kid hlui a nih hi.." tiin ka nui a, Maengi lah chuan Mafeli nen min entawn chhên hnuah, "Mafel, engtin nge Zir zuheha nen hian in lo inhriat a!" ati ve bawk a. Kan nui vek.

Maengi hi kan hnuai chiah a ni ṭhin a, kan khuaa ka pa te school-ah a lut ve ṭhin. High school kan kal lai a nia, hmân deuh khân kan inbe ve zauh zauh zel a. Kawm a nuamin a fel hle nghe nghe a, DC-a a thawh hnu hian kan inbe ngai ta lo mai pawh a, ka ṭhiannu ti a ka chhâl ngam a ni.

"Zirsanglian, kan inah thleng lovin midang inah i thleng kual vel a.." a nui duh miah tawh lova, kei lah ka nuih aza tulh tulh si.

"In pahniha in inhriat dan sawi ve phawt ula maw le." Tih pahin Bawiha'n Maengi darah a vuan a, "Zirsanga hi ka ṭhianpa alawm, a a nawi thei teh mai a nia," tiin a hrilh fiah ta a. Mafeli a ngawi reng thung. Makti hmel a pu deuh!

Ka kal chhan min zâwt nasa bawk a, ka hrilh vek hnuah, "Naktuk tlaiah chaw lo ei rawh u, Mafeli nen," tia min sawm chuan Bawiha a lunghnur hmel khawp mai.

"Nia, va ei rawh u, kei chu min sawm ve lo," ati deuh hmak a.

"Remruatpui, i tih tauhna a ho em mai, Zirsanga bialnu hlui pawh a titau reng zel," zuk ti ngawt pek a!

Mafeli nuih azat hmel hle a, "In va in hrechiang deuh ve, chû, Zirsanga bialnu chu tunge a hming?" Maengi a zawt ta a. Ani lah chuan 'Nutei' tiin a lo sawi hmanhmawh a, ka va ngei mai mai mai tak.

"Maeng, kan hriat a inang chiah e, naktuk tlaiah kan inah chaw lo ei zâwk la, thawhṭan lamah Zira a chho leh nghal dâwn a, thlah pahin kan leng khawthawng anga, tiraw Bawiha..!?' A nau a râwn pah a.

"An inah chuan va ei rawh u," titau der tih hriat taka Bawiha ṭhen suk lai ka hmu reng. Maengi hi a chhe lo reuh hlê a, Bawiha nen an inhmeh ka ti viau.

"Hmundanga chaw ei lam alang tlat lo, Chanchinṭhazoengi te inah ngat phei chuan.."

"Zirsanglian zuheh pa, i châk lo nasâ ang," Ka hnungah min chûm awk a, a ho ngaiin ala ho reng. Keini ai chuan a nau zâwk a, Shillong-ah kum khat a zuk awm ve rên râwn a, a pa an transfer tâk avangin kan inhmu zui ngai ta mang lo.

"Tlaivâr ve u la, kan kal rual anga.." ati leh a.

"A ṭha khawp mai, mahse, kan kal lo mai ang.." tia ka chhân chuan, "I chhe êm mai.." tiin Bawiha ṭhutna lamah a insawn phei a, an inkawpna a rei deuh tawh bawk a, an inpawh hmel khawp mai.

Kan rîk hluai lai khân Mafeli nu leh pa an lo haw tawh a, thingpui hâng an in hnu-ah an mu nghal daih a, anmahni sawi dan takah an ṭawng tlêm dun hle a ni.

An fanu an ringtâwk viau ani ang, ka mutna tur chungchâng vawikhat tê pawh an sawi lang lo.

Mitthi inah kan kal dâwn loh avangin Bawiha te ṭhian dun rualin Muantei a kal ve a, mut chiah kan hmabâk ta.

Kei, mi ṭha famkim ni hauh lo leh tlangval fit ve pangngai tân chuan ka bialnu bula mut a thlâkhlelh awm ngawih ngawih nia! Mahse, an inah kher hi chuan a zahawmmna tihchhiatsak kher ka tum lo a ni.

Innghéng rialin sofa-ah kan ṭhu a, TV kan chhuah ve tak nâ a, en chu khawilamah! Bawiha te inngaihzawn vel chungchâng a sawi char char a. Maengi fel a tih zia leh a nau a kaihruai ṭha tih thlengin a sawi kâi a, 'an innei ṭêp tawhin ka ring' atih chuan, "Innei hmasa zâwk ila.." ka lo ti hmanhmawh a.

"Thlaleha i zo mai tawh dâwn a, kan la inhrechiang lo mai nilovin i nun sawhnghet phawt rawh, ka nghâk thei che ka tih kha." Ati leh ta a.

"Chennai-a ka awm chhungin Lungleiah i awm dâwn sia, Aizawl thleng min thlah ve la.."

"Kan ngaihtuah dâwn nia, Nilaini hian Aizawlah ka kal a ngai dâwn a, Inrinni kha i nu leh pa inneih anniversary a ni bawk si nen ka rawn hmang hman angem aw.." Rilru buai hmel deuhvin ati a.

"Zirtawpah chawhnu-a lo haw tum la, Lungleia tlang lovin lo pêng haw la a awlsam daih zâwk ang chu, a tihchi loh em ni!?"

"A theih tho mai, ka chhungte bulah ka sawi thâwi tawh a, Sunday ka rawn hman chuan min inkhâwmpui ngei angai ang."

"Tehreng mai, ka châk zek zek." Tia ka chhânna avang chuan a nui var var a.

"Eng kohhran nge in nih khâ?" Tiin min zâwt a.

"Lei rochun tur tlansâte kohhran.."

"Zirsanglian uang lo mai teh, Sunday ka lo hmanga kan inkhawm thei a nih chuan i lo chhunzawm zel dawn nia.." thutak zeta tiin ka kut a hmer deuh vang vang a. "Nang pawh i awmna hmun apiangah inkhâwm tum zel ang che." Ka lama kuah hnâi pahin ka ti ve a.

"Inkhawm inkhawm hi Vanram kâina a ni lova Vanram kâi tumte erawh chu inkhawm a ṭûl tho si," ngaihtuah mûk hmel takin ati sap a. Dik ka ti hlê.

Mi fel leh ṭha chauh inkhâwm tur nise kei hi ka piantirh aṭanga tûn thlengin inkhâwm tlâk ka ni eih lo. Mahse, zu in chîng viau ṭhin mah ila ka nu leh pa hmâi ka zah vang hian ka inkhâwm ngun khawp mai. Tunah arah chhuah hmu rih lo mah ila nakinah emaw, engtikni-ah emaw chuan ka la chhawr ṭangkaiin ka ring ve tlat nia! Kei misual ngaih dan a nih chu.

Dâr 12 a pelh tawh avangin mu turin kan kal ta a. Nizan mai kha chuan kan la inkuah dun rial rial khâ a nia. Zaninah zawng a fel ber leh mite tih ang tive ngai miah lo angin kan mu dawn ta. Ka room kawngka bulah duhthawh zetin kan infâwp a, a bâk duh belh zêlna, Hremhmun hmahruai a lo lan hmâ ngeiin a inthiarfihlim ta a.

Ka khumah ka mu meng reng a, ka pum a nuam lo deuh ṭeuh ṭeuh reng bawk nen ka thaw chhuak leh hluai zel a.

Nutei ka ngaihtuahnaah a lo lut a, Arini hnenah 'Midang ka nei tawh' tiin a lo hrilh a. Ka na lo ka tih chuan dâwt ka sawi tihna a ni dâwn a, ka na ve det.

A hmai bial lam leh a sam kâwi chiat te, a mitmeng te kha theihnghilh thei rih lo mah ila mipa ka nih ang ngeiin theihnghilh hmak ka tum tûm tur a ni.

Remruatfeli nen an mizia a inpersan hle a, Nutei a no viau laiin Mafeli erawh a ni miah lo! A 'pa' ta viau e tihna lam nilovin han inlâk 'inno' vel khâ a mizia a ni ve lo. Nutei âw a thâm chhalh a, kan doctor aw erawh a fiah fel fak thung. An in 'confi' hleih nasa mai si a. Nutei hi chu awlsam tê a ṭah mai a chîng a, a châng phei chuan ka ngei deuh hlek ṭhin.

Mahse, in anna riau annei ve a chu chu an duh lohnaah an nasa ve ve-ang tih hi a ni.

Pianphungah chuan Mafeli a dawk nalh zâwk a, a inkhaithli tharh a, pakhat ve thung chu a chêr mah mah! Mahse, a hriselna a pan ve êm a, a awm ve reng. Mafeli a sâng zâwk bawk; ka beng a thleng deuh thuak a, Nutei hi a tê chhe hran chuang hauh lova a ngo veng bawk.

Û huh! Ka'n khaikhin chiam chu le!

Mut chhuakin min zem chiai chiai a, muthilh tumin ka chhîng ta vang vang a.

5:00Am

Remruatfeli

"Mate, Mate..." ka nu min ko ri chu ka mang hriat rêi rûai a.

"Mate, tho teh, i ṭhianpa saw a rûm nasa lutuk a nia..." Ka meng deuh kâwk a.

Rang lutuka tho chhuakin Zirsangliana pindan lamah ka tlân phei nghal a. Ka nu in min zui ve bawk.

Khumah a lo vial ngawlh ngawlh a, a thlan a tla nasa bawk nen ka hamhaih ṭêp alawm le.

"Zir! Zirsang..!" A rawn rûm chhuak dat a.

"Nâ i nei em ni?" Tih pahin a chal leh nghâwng vêl ka khawih thuak thuak a.

A dâi dap bawk si.

Ka nu tui la turin ka tîr a, ṭawngṭai inkhâwmnaah ka nu leh pa an kal ṭhin avangin an tho hma thei hle a. Tukin erawh mitthi an awm vang khân an kal lo a; mahse, an harh tho avangin a tho chhuak niawm tak a ni.

"Mate, ko harh phawt la, chumi hnuah tui khâ inpawp pawp rawh se, a khua asik pawhin ka hre lo." ka nu'n a lo ko ve bawk a.

A rawn meng ve ta hrâm e.

"I harh em? i eng nge nâ?" Ka zawh chuan muangchâng hian a rawn ṭhu chhuak a, "Ka pum a na deuh tlat nachhawkna kawl i nei em!" Ati a.

"Pum ruah laia ei chu a chi miah loh thil eitur ka lo siam che anga chumi zawhah i ei dawn nia," ka ti a.

"A ziaawm deuh leh eirawngbawl a ngai chuang lova lo inbuaipui r'u aw mitthi in lamah kan han dâk chho ve leh ang e, Bawiha leh Muantei an tlaivar a, an lo haw hunah i lo ngaihven deuh dawn nia." Ka nu chhuah veleh khumah ka ṭhu a, Zirsanga erawh lehlam hawiin a mu a, a thaw chhuak leh hawk zel.

"Min lo phone tur che alawm, a anglo lutuk em mai. Eitur kan siam ange," tia thawhsan ka tum chuan rawn inlet thakin ka kutah a vuan a, "Kal teh rih suh," ati sup nia!

"Ka rei lo ang, thil tlem tal ei la, damdawi i ei phawt angai alawm lokal rawh, ka room lamah insawn ang helai chu a uap ve bawk êm a nih hi." A mu lai chu pawh thawh mai ka tum a, a ṭhen sak tih ka hmuhin, "I tho thei ang em!?" Ka ti leh rih a.

Engvanga a pum na ta thut nge tih ka hre lova nizana kan chawhmeh ti dawn ila ei leh in lam na nâ na chu kan uluk ve viau ṭhin asin le.

Choka a eitur ka siam laiin ka kiangah a lo ding a.

"Zankhat lek i kianga ka mut loh pawhin ka pum a na nghal chu a ni sia..! A fiamthu mah nise ka ngai thutak riau.

"I pum lam chian lohna hi a rei tawh em?" Tiin ka zâwt daih a.

"Rei ve tawh e, ka insawisêl zauh zauh ṭhin a, zû ka in vang tih ka hria a; mahse, sim thut a har ve êm alawm," Ka thilsiam pêk pahin, "Vawikhat mah in tawh reng reng suh ang che."

"A bul aṭangin a ṭan leh dawn e.."

"Le, mu hahdam la, damdawi chu ei phawt teh.." a thil inna noruak dawhkanah ka dah sak a, ka room lamah ka nawr phei ta a.

A dam ta e tihna nilovin nâ anga lan a duh lo tih ka hrethiam ve vek tho.

Ka khuma a mut leh hnuah a chhing deuh vang vang a, pum damdawi ka eitîr tawh bawk a, "Reilote muthilh tum leh la.." puan sintir paha ka tih chuan, "Reilote lo mu ve phawt rawh, kawngkhar kalh bawk la.."

"Mutna hman a awm tawh lo. Bawiha te an lo thleng ṭêp tawh ang,"

"Reilote chauh maw le.." atih deuh tlat avangin ka mu ve ta nge nge a, a taksa lum ham ham leh a thawrang ta sauh chu hre mah ila ka haider lui ve tlat a.

"Ka ngai ngawt ang che," tiin ka biangah a chûl a, "Kei pawh.."

"Mafel, vawikhat chiah ka sawi leh ang, min kalsan hmasatu i nih loh chuan ka kalsan ngai lovang che," a sawi zawh rualin dimtê hian ka hmuiah min fawp ta a.

Rei ngial kan infawh hnuah Bawiha thâwm ka hriat tâk avangin ka inlahrang ta a. Tisa nawmchen tumna kan nei tawh lo a, rilru zawng zawng pe vek lo mah ila ka thinlung luahtu a ni ber tawh si.

"Tikhân lo mu hahdam rih la, i pum a nat leh chuan min lo au vak dâwn nia," tiin ka thawhsan ta a.

Sunday ni mah se mitthi an awm miau a inkhawm tur a ni lo hlauhva, nilêngin a kiangah ka awm thei tihna.

Ka nu leh pa lo haw laiin Zirsanga ala muhila chaw eikham lamah kal leh an tum bawk nen chaw kan eisan ta a. Bawiha leh Muantei an mu hmak a, ka room-ah vawithum ngawt ka lût tawh a, ala mutui fia fia ngei mai.

Zirsanga phone a ri chhên a, a mah a muhil tlat a, ka lo pick sak ta a.

Number lâwng ringawt a ni.

"Hello..."

"Mama a awm nange..?"

"A muhil a, tunge aw..!?"

"Nutei.."

"A nih chû, a muhil rih a, a lo harh hunah ka lo hrilh dawn nia.." zawi sap leh dam thlapin ka chhâng a.

"Aw le.." ati ve mai.

Nizan kha chuan 'Kan nu' tihin Nutei number a save a, a lo delete vek a nih dawn hi!

Eng atan nge biak a duh tih pawh ka zâwt bik chuang lo a, a aw thâm chhalh khâ a ngainatawm reuh. Thinrimin min be lova ka be bik hek lo, kei aia upa zawk a ni a, rilru putling pu pha chin turah ka ngai ve deuh a ni.

Zirsangliana hian min hîpin duh ve tho mah ila, ka chhûngril tak takah hian kim lo awm tlatin ka hria a. Mahse, eng nge a nih ka hrechhuak zo si lo.

Dâr 10 pelh hretah a rawn harh ve ta chauh a. Na nei hmel a pu tawh lo.

"Chaw kan eisan ringawt che," inthiam chiah lo hian ka ti a.

"A pawi lo, nizan ka mu tlêm lutuka damdawiin min chhâwk bawk nen ka harh thei hlawl lo." Rawn tho chhuakin khumah a ṭhu a, a sam thur deuh chhap leh a taksa, tisa chuangtlai hmuh tur awm miah lo te chu a nalh kher mai.

"Inbual ta che.."

"Ka peih rih lo e a, ka ril a ṭâm viau.."

"Ok, Bawiha leh Muantei ka kai tho anga in ei rual dawn nia,"

An chaw ei chhung zawngin Zirsanga leh Bawiha an titi char char a, "Muante, tlailamah Maengi'n chaw a lo ei dâwn a nia," tiin ka hrilh a.

"Sâwm lo mai rawh, Maengi te inah ka ei dawn.." Bawiha'n atih chuan ka nui a, "I lo insawi lût daih a ni maw, a pawi chuang lo, tiraw Zirsang,"

"Maengi hi chhuah miah suh, i inchhir lovang," Zirsanga'n tiin an pahnihin an nui kur kur a. An inkâwm thei phian hi a lawmawm viau.

After 3 hours

Ka room-ah kan awm char char a, Nutei'n a lo phone tih ka hrilh chuan a ngawi reng a.

"I duh chuan call back rawh, thil pawimawh te pawh a ni ve thei a," dam thlapin ka ti a.

"Ka be dawn tawh lo ka tih kha, eng nge nang pawh chuan i lo chhân kher!"

"Amah tih ka hre hleinem.."

"Eng nge insawi?" A vin hauh lova mahse, a lungawi lo tih ka hre reng.

"Eng mah kan sawi lo," tiin kan inbiak dan vel ka hrilh a, "Nidangah chuan ka phone ri i hria a nih pawhin min zawt hmasa lovin chhâng tawh suh ang che." Ati hmuk a.

"Tehreng mai, ka tihpalh lutuk.." tihpahin ka ding hluai a, en pawh min en lo hian a phone a khawih char char a, ka run angreng viau.

Ka lo hrilh ta kher kher a ni.

Ka room-ah a awm tlat avangin leh a ngawih tâk reng vang chuan ka chhuahsan ta a. Ka thinrim hran lo; Mahse, a mizia inthlâk thut hi ka la hmu ngai si lova ka ngainat zâwng a ni lo.

Midang tumah an awm lo bawk nen inchhung ka tihfai san ta daih a, common bathroom tifaiin chhuat ka nâwt leh vek a, Zirsangliana erawh ka room-ah a inkhung char char a, eng nge atih pawh ka hriat si loh.

A rawn chhuak hmasa a nih loh chuan va pawh ka tum duh ta bik lova, Nutei vanga intih thiam loh tezawng ka duh dêr lo.

Tlailam dar li arîk pawhin a rawn chhuak duh chuang miah lova, dimtê hian ka room lam panin ka phei ta a.

#Arini hnenah ngaihzawng ka nei i tia nilawm ni?

#Kei pawhin ka nei a ni mai alawm.

#Min ṭhen hmasatu i nia, i duhthlan a ni.

Nutei nen an inbia tih hrilh hranpa ka ngai hauh lo. "Ka be tawh dawn lo de dei dei" titu Zirsangliana ve chu le(h).

Ka chhungrila huatna leh ngeina rawn chhuak tur chu duh lovin ka room-ah ka lût lui ngat a, an la inbe reng tho. Min en zawk a, phone lam bawk a ngaihven leh ta a.

Ka inthlâkna tur leh bathrobe la-in ka chhuahsan leh ta a. An duh chen chen inbia ang hmiang, a tel lovin hei leh chen ka lo nung tawh a, chuti maia nat ka tum reng reng lo.

A chhungte'n min duat êm vang te, puitlin lam pan se chhungkaw tâna ṭangkai tak a nih theihna turin ka duhsak viau. Ruihtheih thil tel lova Nutei nen bul ṭan ṭhat a duh a nih chuan ka insiamrem zel thei alawm.

Mihring induhna leh in îtna te chuan rei daih hek lo le. A daih rei lo mah mah a ni.

Ka chhungril dik taka amah ka duhna leh thlâkhlelhna hi tih lan ka tum tawh reng reng lova, hmalam pan a duh anih chuan ka pui hreh hek lo. Keimah remruatfeli ka nih chhung hi chuan tuma'n min tina tur a ni lo bur.

Ka inbual zawh hnuah Lalawmi te inah ka pheisan ta daih a. Muantei'n chaw a lo chhum dawn tho va, ka nu leh pa an lo hâw tawh bawk.

Bawiha'n, "Mate, lo haw phei tawh rawh, i ti ang lo ṭhin em mai, Zirsanga i lên san daih a..!" Tiin min rawn ko a.

Ka chhâng buai peih lo. Lalawmi hnenah, 'Ka va haw ang e, lo lêng phei rawh aw.." tiin ka chhuah san ta a.

TV hûnna lamah an lo ṭhu ṭhap a, Zirsanga bulah Bawiha a ṭhu a, asîr berah ka va ṭhu ve ta a.

Zû rim nam tlat a ka'n hriat chu le!

Ka pa'n chhûng inkhawm hun a hmang a, hei hi chu kan tihdan pangngai a ni ve hrim hrim a, keimah awm lo pawh ni ila an hmang zel ṭhin.

Chaw ei laiin Zirsangliana nen kan ṭhu dûn a, amah hi a nih hi zu rim nam kha! Khawiah mah a chhuak lova a pâi lo tih ka hrechiang bawk. Mahse, khawi a mi nge a lo in si!?

Bawiha a ṭawng luam a, châw nise nidang zawng aiin a ei hnem a, Maengi te ina eitur anga insawi si khân hetah a ei leh daih bawk sia ka hrethiam ta uar mai.

Zirsangliana leh ka nau hian zû an in dun chiang.

"Mate, inkhâwm in tum em? Ka pa'n atih chuan, "Tum pawh ka hre lo, Bawiha leh Zira hi duh leh inkhawm se.." ka ti deuh ngat a.

"Eng mah thawmhnaw ka keng lova.." Zirsangliana'n alo ti ve bawk a.

"Inkhâwm u la, in kan lo nghâk ang, Mate, Aizawlah i ruala kal ka tum a nia," ka nau chu ka melh deuh kâwk a, zû a in awm ka hre ngai si lova mak ka ti viau. Kan awmtlâng tam lo hrim hrim a, a rûkin a lo in ṭhin pawh a ni mahna!

Ka pa'n Bawiha nen min zilh a, inkhawm ngaihsak tur leh 'khawvelah hian Pathian tel lo chuan eng hlimna mah a awm tak tak lo' tih a sawi a. Ka nu in a lo tuihnih ve bawk nen chaw ei chhûng a rei duh khawp mai.

Muantei a kham hmasaber a, min melh zauh chung hian, "Thlêng sil mai rawh aw, inkhâwm ka duh a," ati a.

"Insiam rawh ka lo tifel ang." Tiin ka kham zui ve bawk a, ka nu leh pa pawh an kham tawh a, Zirsanga leh ka nau an ṭawng luam a, an la eikham ve lo.

He mite pahnih hian ka thin ati ur lek lek a ni. Mahse, âng buan buan chi ka nih lem loh avangin ka ngawireng a, Zirsangliana nen phei chuan kan inbe tawh lo hrim hrim.

Ka awm ve tih hreawm pawhin a lang hek lo.

A thu sawi eng mahah a ding lova, min namnûl ka ti lo thei lo. Chuvangin ka ngaihsak hûrh nachhan tur awm nghal lo chuan.. A ve lutuk a!

Inkhawm turin ka chhungte an chhuak duak tawh a, Bawiha pawh a kalna tur sawi lovin a chhuak leh daih bawk a. Ka thlêng sil laiin Zirsangliana a rawn kal hnai a, "Titau ve suh, i inhmeh lo." Ati sup a.

"Khawia mi nge zû i in!?"

"Ka sawi chu, titau tawh suh," ka zawhna pawh min chhâng lovin ati leh a.

"Tukinah i pum a nâ a, tlai lamah i in leh thei nghal a nia i mak ka ti!?"

"Tihpalh.."

"Zirsang, i duh zât zât in rawh, ka lo sawi tur a awm ve hleinem, ka pum a na ve dawn pawh nihlei lo, kan ṭhenawmte pum pawh ala na chuangin ka ring lo."

"Chuti khera han tih.."

"A dik lo em ni!? I duh chuan inbelh rawh, Remruatpuia'n a lâkna a hriat kha, pawisa ka pe ang che u.." ka ti dam thlap a.

"Ka tihpalh ka tih chu, thinrim tawh suh," ka kâwngah min lo kuah a, engtin mah ka ti lo. Ka ding mar at a.

"Thinrim lo ve, ka sawi chiang tâwk tawhin ka hria, i duhthlanna zel a ni a, i hlimna tur leh i lungawina hi ka duh ber.." Ka thil sil lai ka zawh tawh avangin kal sawn ka tum a. Ka bânah vuanin, "Mafel, tûn chauh min hrethiam rawh,"

"Ka hre lo le, i nat a na tel ve tur hmeichhia ka ni pha lo te pawh a ni mahna.."

"Mawh..tun chiah," ka kalsawn tur min dâl zel a, ka nuih aza lo khawp mai.

"Puitling takin thil kan sawi dun tawh a, Nutei i la duh a nih chuan alakah tlâwmin ngaihdam dil mai ta che. In inrem lohna ṭhin kha sim tum lâ.."

"Nutei lo sawi suh, vawikhat chiah chance min pe leh la, zû ka in emaw midang ka bia i hriat chuan i duh dan ang thlap ka pawmpui ang che," ka bânah a vuan deuh ṭung a. Zu rim a nam ham ham bawk nen ka chhâng thui duh ta lo.

Ka room-ah kan luta khumah zuk mu thla hmak a!

"Zirsang, i room-ah va mu rawh.."

"Reilote ka muhil lawk dawn," tiin a inkhuh daih a, biak tlâk loh ve asin! Eng zât fakauva tam nge a in pawh hre nghal lo chuan a..

"Muhil rawh, ka lênsan dawn che."

"Remruatfel, sual viau zel suh, ka duh che tih i hriat vang hian induh phah nân i hmang.." A rui ṭawngah ngaihsakin, "Zû i duh zâwk lo maw! Zirbawih.." ka ti ve ngat a.

A lo muhil hman a nih chu!

Tenawm hian a..Hetiang a lo nih ṭhin vang hi a ni ang Nutei paw'n a ṭhen..

A ruihin a kianga awm te eng atan mah ti lo ang mai hian a khawsa a, biak zui tur awm hek lo. Laptop ka khawih san ta a.

A pum han na leh vaih teh se, no thum ka in belhtîr ang maw le.

5:30

Monday

Remruatfeli

Nizanah engtik laiin nge Zirsanga a insawn ka hre lo va, ka mut dawnah kaihthawh rual a nih loh avangin ka khumah a mu ta kha a nia.

Kei, ṭhutthlengah TV enin ka mu thung a, ka lo muhil tlang daih niin! Mahse, tuna ka mutna hi chu ka khum tho a ni. Amah bâk min sawn tur an awm lo.

Ka nu te pawhin min kai tho bik chuang lem lo a ni ngei ang. Mipa ka ngaihsak loh êm avangin rinhlelhna rilru an put ka ring lo.

"Mafel, counter thleng min thlah la," ka room-kawngkaah Zirsangliana arawn dâk a.

"Dâr engzatah nge Sumo a chhuah dawn?"

Inngaizawng ang pawhin kan inbe lova, ṭhian satliah kan ang zâwk mah.

"Dâr rukah a nia, chawhnu lam chhuak chu a tlâi em mai," room-ah rawn lutin dârthlalangah a in en a, nizana a rûi hmel ang kha pu tawh lovin Zirsangliana dik tak a ni leh ta.

"Ok, ka thlah dawn che nia," ka tho chhuak ve nghal a, "Mafel, nizan khâ pawi ka ti lutuk, i nauvin a hrilhfiah thei ang che." Ti supin ka chalah a rawn fâwp a.

"Tihpalh chu tihpalh a ni."

"Vawikhat chauh chance min pe rawh, ka tellovin i awm thei tih ka hria, mahse, kan awm dun tawh dan kha ngaihtuah la, vawikhat chauh aw.." atih leh chuan ka ngawi rauh rauh a.

"Bawiha lo zâwt la, ka sawi ai chuan i ring zâwk ang, ka thlah thei lo che.." Tiin min kuah ta vang vang a.

Nie, vawikhat chauh alawm min dîl, kei hi induh thei ka ni bik lo a, mipa, inngaihzawnna tel lova sex ka hmanpui hian min thlah a duh loh chuan engvangin nge ka thlah bik ang.

"Aw le, ka sawi tawh zawng zawng kha sawi nawn vek ka tum tawh lova, i nun uluk ang che. Nutei i be leh a nih chuan kei nen inzawmna a awm tawh lo ang. Zû in bawk, hmeichhe dang inrawlh bawk nunah tel ka tum lo; inhambuai loh law law ka thlang tih theihnghilh hauh suh ang che." Fiah faka ka ṭawng lai chuan ngun takin min en reng nia!

"Ka lawm e, i tihtur engkim min hrilh ve vek ka phût a nia, call i hman loh pawhin msg ka lo beisei ang. Kei pawhin ka lo hrilh zel ang che. Nangma sawi ngei, 'min rinna chin apiangah ka rinawmna i hmu ang','' a sawi zawh ruala rawn kûn hniamin min fâwp ta vawng vawng a.

A duhthawh kher mai. 'Chatuan daih' a min fawh tum ang maiin zuk uar thiam a!

Thaw hak hak chunga kan inthlah meuh chuan dâr ruk ari hnai tawh a, khawmuanna chi a nih tawh loh avangin amah thlah tur chuan ka insiam ve ta a.

Kan awmna hmun a inang thei rih si lova, min thlah châng a awm anga, ka thlah châng pawh a awm zêl dawn zawng a nih hi.

Bike-a kal kan tum ûk a, chhûm a tam bawk nen car-in kan kal ta a. "Maengi number kha min lo save sak lawk," tiin a phone min pe a. Ama'n car-a khalh vang a nia.

"I phone khawih tumna ka nei lo, whatsapp-ah ka lo thawn mai ang che."

"Mafel, nimin thil sawichhuah awih tawh loh," steering a kut khingkhatin a vuan a, lehlamin ka kut a chelh thung a.

"I sawi dik alawm, ka phone pawh i khawih tur a ni lova i phone pawh ka khawih hek lovang." Ka ti deuh tlat a.

"Remruatfeli luhlul reuh dan hi chu aw.."

"Nge, duh duha kan inkhawihsak te chuan phone neih hran a ṭangkai lo e.." ka ti ve zel a.

"I awm loh chuan ṭawngkam kha fek fek a min hautu ka nei tawh dawn si lova," tiin a nui suk a.

Ka zilhna ṭawngkam hi ka hau angah a lo ngai zel tihna a ni ngei ang.

"Hâu leh zilh awmzia i mother India lo zâwt rawh aw," tiin ka nui ve ta nge nge a.

"Inla puitling viau zel suh, kan inrual reng."

"Kei aiin i naupang zawk aw.."

"Û huh! U Mafel.." min runluih pahin a nui suk suk a, ka va ngei mai mai tak.

"Zirsangliana nen kan inrual a, kei aiin a nawi zawk!" Ka la ti hrâm a.

"Vawk Til i la hnem lutuka i thluak a su ṭan a nia, an koh che pawhin kal duh tawh miah suh," za lutukin a nui a, a thusawi inpersan lutuk chuan ka nuih atiza ve thung.

Thil sawi ve ṭâlh a duh si. Sawi mai tur a hre lo ṭhin hi a khawngaihthlâk ka ti.

Counter kan thlenin Sumo pawh a lo ding vâng tawh a, a huphurh hmêl ka hmuh chuan ka lainat deuh.

"Hetia inkalsan ngai leh ṭhin hi alawm ka nin em em chu.." ati chhuak hlawl a.

"Hus! Kalsan zing tawh awm ve.."

"Tikhan ngai kâwi zel lo la, Aizawl i kal dawnah min lo hrilh rawh aw, ka lo châng ang che." Tiin car kawngkhar a hawng a, a chhuak zui ta a.

Nu Zuali ka phone a, Zirsanga counter-ah ka thlah mêk tih ka hrilh chuan 'An tlânliam hma chuan nghâk reng rawh aw, zu intur te kha a rawn hawn leh ngawt ange' ati a.

'Aw le' ka ti ṭha ve mai bawk.

An fapa zu in hi chu an ngaimawh ve khawp mai. A ngaimawhawm rêng bawk atin ni.

"Ka thlen veleh ka lo call ang che aw, i phone dah hla suh ang che, chuan ka tâ kha lo duat la, a hun leh a hmunah keimah chauhvin ka hmang thei tih hre bawk la," ka beng bulah ati sup a.

"Nang pawh lo enkawl ṭha ang che, hmaikâwr vuaha i lo hmang ṭâlh a nih chuan ka hre leh tho dâwn a nia.." ka tih chuan ka chalah min pen fawk nia.

"Zir, ka thusawi kha zawm hrâm i tum dawn nia," ka ti zui hrâm a. "Indim la, rim takin hná thawk suh aw, eng lo kha.." a sawi thui hmain ka melh deuh kâwk a, sawi zawm tawh lo hian a ding nuih suk a, a ṭha thlâwt.

Zirsangliana te tlânliam hnu pawh chuan ka dinna ngaiah ka la ding reng a, 'ka ngailo' ka tih chuan dâwt muhlûm ṭhak a ni. Kei hian ka ngai takzet. Mahse, chumi avanga mahni intih hrehawm ka tum hauh si lo.

Muangchângin car-ah ka lut a, a 'bandana' a lo la theihnghilh zui ah..

Zirsangliana vanga ka nunphung inthlâk ta dâwrh hi tumah hriattîr ka tum lova, nau ka lo pâi a nih hlauh chuan kan inkâr pawh tun aia a ngheh ngei ka beisei.

Kei hmun hranah ka awm a, Nutei a hmun ṭhû a awm thung si. Engtin tak awm zel ang maw.

Amah ka rin phawt angai a ni. Tih bâk beisei tur ka nei lo.

Zirsangliana tân innghahna tlâk leh rinngam hmeichhia nih zel hi ka tih mâkmawh a ni...

B<++++[BeckirafARenthleI]+++>®®

12.RAPSAGY

Becky Rafa Renthlei

Chapter-12

Remruatfeli

Aizawla ka kal hun a lo thleng ta dêr mai. Ka pa inah hahdam taka awm ka châk zual sauhva, ka hna-ah chawlh ka la fel tawh a, naktuk hian report theh lût pahin, Kolkata aṭanga Âr note lo thleng en dik tur a ni a, chuvanga kal tum chauh ka ni.

Ka nu in, 'Mate, i inluaha mahni chauhva khawsak saw ṭha ka ti mang miah lo a nia' atih vangin tleirawl/rawlthar school kal lai awmpui tur ka dap a, Champhai khua Dintea a lo remchâng hlauhva ka awm pui dâwn a ni. Ka nî tupa a ni a, pâwl sawmpahnih a zir ve mêk.

Zirsangliana nen kan inkâr pawh a nuamin a hahdam hlê a, ka rin phâk bâkin min ngaihsakna a lantîr avangin sawisêlna tur ka hre meuh lo.

"I lo chhuah veleh min lo hrilh la, ka lo nghâk ang che" tukina kan inbiak pawhin ala ti ve a. Min hmuh a châk tawh thu a sawi sek bawk.

Bike nena zin ka huphurh deuh avangin Sumo ticket ka cut a, ka pa'n a car a hmang duh ve reng bawk nen a awlsam zâwk ka ti ta deuh a ni.

"Khawi lai nge in lo thlen tawh," Zirsanga'n min rawn call a. Kan thlen chin ka hrilh chuan, "Ka û te insaknaah min phût deuh tlat sia ka kal dâwn; mahse, ka lo nghâk chhuak phawt ang che,"

"In inah ka lo pêng zuai ang, i bandana theihnghilh khâ ka lo dah dawn a kawtah min lo nghâk tlat ang che."

"Yes, lutuk," tia min chhân chuan min hmuh hun nghâkhlel ve tak tak a ang ka ti.

Dâr sawm pelhah Zirsanga te in kan thleng a, kawtah tumah hmuh tur an awm lo!

"Reilote kan pêng lawk ang e, thil dah zawk angai a," driver bulah ka ti a, a ding ve mai bawk.

"Sangpui, khawnge an awm zawh vek a?" Sangpuia chauh a lo awm a, a nu leh pa an hnaah an kal ka ring a, Arini leh Zirsangliana ka hmuh loh vanga zâwt ka ni.

"Mama'n a nghah reng che kha, Arini chu inhnuaiah a awm." Tiin Zirsanga a ko a, mahse, a reh ṭhiap.

Motor-in min nghah reng avangin awm reina chi ni hek lo le, "I û lo pe mai rawh," tiin bandana chu Sangpuia ka pe ta a.

Ka lungawi chiah lo. Nichin lawka kan inbiak pawhin kan lo thleng dâwn tawh tih ka hrilh reng a, min hmu châk lo tawp a nia nge tiin ka chhuak leh ta a.

Ka lunghnûr ru viau nâ a, engmah sâwtna a awm chuang hlei lova.

Dârkâr chanve dawn kan tlân leh hnuah, Zirsanga'n min rawn call leh a.

"In lova thleng har si ve, ka û te'n min lo phone sek tawh a nia," arawn ti chhek mai le.

"Ka lo pênga i awm si loh..!"

"Eng a..! Mafel, ka nghâk reng che u alawm le," a vîn mah mah.

An ina ka pên thu leh Sangpuia hnenah 'bandana' ka dah tih ka hrilh chuan, "I phone khâ eng atan nge i tih a, min hmuh loh chuan min lo call mai ta che.." pâwr lutuka tiin phone a off zui hmak a. Ka call leh pawhin zuk la duh ṭhak lova!

Rilru nuam lo zetin ka awm ta reng a, 'Hmuifâng kan thlen hunah ka call leh thovang,' ka ti rilru a.

Inhmuh kan tum tehreng nen ka thinrim ṭung a, kan inpelhsawlh ve chiang êm a ni. Tû thiam loh zawk nge tih pawh ka hriat bik si loh!

After 3 hours.

Aizawl kan luh hnuah ka call tlang thei ta chauhva.

"Kan thleng tawh aw.."

"Aw le, kan hnathawk kan la bâng lova in ka thlen hunah chanchin ka lo hrilh ang che," dam thluamin ati leh lawi si a. Ka thâwl huai thei nia!

Ka inluahah ka awm tawh a, châmrei ka tum loh avangin chawhmeh pawh eng mah ka lei lova restaurant-a inhnawhpuar mai ka tum ta zawk a.

Kan chhungte an awm nual nâin mi ina 'ei rawh, in rawh' tih nghâka zalên lo deuhva awm ka peih loh vanga in luah ka nia, ka awlsam angreng viau.

Zan dar riat a rik hnuah pawh Zirsangliana'n min la rawn phone miah lo maw le! Call ka tum deuh thut thut a, an hna a la laklawh a nih ringin ka ngaichâng leh rih ta a.

Eng mah thawh hreh a nei lo hi Zirsanga ṭhat ve na a nia.

Dâr kua ari tawh a, ka khumah mû-in phone ka khâl char char a, min lo call ve ta hrâm alawm le!

"Mate, kan haw tlâi lutuka ka inbual zo ve chiah," ka chhûngte'n 'Mate' tia min koh vek avangin eng emaw lai aṭang khân min ko ve ta zauh zauh a, ka pawiti hran lo.

"E he! Eng ati em em nge a!?"

"Kitchen Cabinet fit tur an lokal.a, zanina zawh hman hrâm an duh maw le, Sangpuia pawh chawhnu lamah a rawn chhuk ve a, kan inhmu lo hi ka thin ala rim hlur a nia," ati nghut a.

"Eng nge i lo chhuah dâwk dâwk, ka hrilh reng che a, min hmu peih lo a ni ang chu.."

"In lo thlen dawnah min lo call ni la buaina awm lovin kan inhmu ngei ang," ati ve leh a.

Kan sawichhuah chhên chuan kan inhnial leh takngial dawna ka hriat avangin, "Kan inhmu lo zo tawh a, sawi tawh lovang, haw lamah dam chuan lo pên ka tum a nia, eng nge ka lo hawn ang che..?"

"Eng mah a ngai lo. Ka sawi tawh kha, thilpêk dawn lam ka bânsan tawh." Atih chuan, "Nangmah tiam lovin midangho zawng ka hawn anga a nimai alawm." Ka tilui ve tlat a. Hawn ngei pawh ka tum.

Mahse, anmahni zâwt hmasa lova in hawn tawp chu a tunlai tawh lo ka tih vangin Zirsanga hnenah, "I nu min lo biaktír ve lawk teh ka ti ta a.."

A nu a au thawm leh ka biak duh thu a hrilh lai pawh ka hrereng.

Zirsanga phone aṭangin nu Zuali nen kan inbe ta a.

"Mafel, vawiinah i lo pên laiin kan lo awm mumal si lova, Mama'n haw lamah a rawn riak dawn ati che a," ati nghal bawrh bawrh a.

"Nia, a hranpa a lokal a buaithlâk tawh ka ring a, Anniversary lo hman ve ngei chu ka tum dan a nia, eng nge ka lo hawn ang che?"

"Eng mah a ngai lo, nangmah i lokal theih chuan a tawk."

"Sawi ve hrim hrim rawh, eng emaw tak lo hawn che ka tum tho a nia, i sawi loh chuan ka duh duh a ni mai." Ka tih tlat si avangin "Pheikhawk" ati ta nge nge a, a mal mala biak vek a buaithlâk deuh bawk nen "midang chu i duh duh rawn hawn sak rawh, Sangpuia kawrlum lo ensak la hetah a man kan lo pe ang che." Tiiin kan inbiakna kan titawp ta a.

Zirsangliana nen kan inbiak leh chuan, "Eng mah ngaihtuah buai vak duh suh, thawmhnaw tezawng hâk sên loh annei." Ati hmuk a.

"Nangte chu ka hawn ve dâwn hleinem che,"

"Ka lawmthu tak a ni." Ati deuh hmak a. Hepa tak hi chu âw..

"Indim hle ang che, doctor ni mah la nâ i neih pawhin nangma thuin damdawi ei ngawt suh ang che, i awh em em khâ kan chân mai ang," a rawn ti ve ngial a.

"Hey, i chhûngte hriat phâkah khatiang sawi reng reng tawh suh," ka tih chuan, "Ka room-ah ka awm leh daih tawh, an hre pha awm lo em mai.." zuk ti awlsam em em a!

"Chu pawh nise.."

"Mate, mi â i nilo ang chiah khân ka chhûngte hi an â bik lo ania, kan awm danah an hrethiam vek. An sawi lo mai mai anih hi.."

"I kâ âng tam lo la a nimai, i sawi kher a ngai lo a nia, naute chungchang ngat phei chu.." ka ti hmak a. Ka thinrim ṭêp a ni. Thil a ngai awlsam thei lutuk leh a nu leh pa hriata ṭawng tawp tawp a chîng a, an lo duat ve bawk nen a sawi apiang îhe lovin a awih mai si a, tunah ka râi pawh nihlei lo. Lo sawi a zêldin vak vak kha ka ngaihdan a ni chiah lo deuh a ni.

"Eng nge ka thilsawiah huat tur awm? An hre pha lo tih tih pawh a.." ati hluk a.

"A ṭha anih chu, an hriat loh chuan, nidangah khatiang lam i sawi leh dâwn a nih pawhin kalsawn zêl ang che." Ka ti ṭâlh a, a ngaih dan a ni lo deuh nge a ngawih vung vung hnuah, "Midangin kan inkawp tih an hriat i hlauh dan em em hi engvang nge?" Ati ta a.

"An hriat vek angai lo tih kan sawi tawh reng kha.." tiin ka ṭang ve tlat a.

"A ṭha e, i duh dan a nih chuan.." tiin phone zuk dah hmuk a!

Ka call nawn duh bik der lo. Mipa ve si dawhtheihna tlachham lutuk mai.

Ka khumah ka let kual sek a, ka motor chuanna ka taksa a sil ṭhûm nen muthilh ka harsat kher mai.

Sawmpahnih pelh hnuah pawh ka la meng kar a, Zirsangliana a reh hmak a, whatsapp-ah takngial pawh min rawn be lo. A status up ka hmu a, mahse, ka en tih a hriat ka duh loh avangin 'Hide view status' ah ka'n dah leh tê tê phawt a.

#Hmeichhe zûna uai tur hian thiamthil neih kher a ngai em ni?

Hus! A awmzia pawh ka hriat si loh. Hnâ ala neih loh vang hian ka lakah a inthlahrung tih ka hria a, keiin engah vak kan ngaih loh nen.

Dik tak chuan pasal neih lam ka la tinzâwn ta lo fo! Zirsangliana a ni emaw atu apawh ni rawh se, damchhûnga 'tiam tlat e' han tih vel khâ ka rilrem zawng ni nghal lo chuan..

Ka mut theih ngang loh avangain atawp atawpah ka call leh ta nge nge a, zuk 'busy'a..!

Tunah dâr khat a ri deuh thaw tawh a, tunge a biak ang!? Vawithum ngawt ka call chung pawhin a busy char char a, ka ngaih dan a ni lo nasâ.

A hnu fê-ah min rawn call ve ta a, chhân loh ka tum deuh ûk a; mahse, eng mah sawifiah lova tihtauh hi ka mizia a ni lo. Tin, ka titau emaw ka thinrim pawhin hre ve ngei se ka duh a ni.

"Eng nge?" Phone ka pick rual rualin ka ti vîn ṭhak a.

"Min lo call em ni?"

"Zirsanglian, i phone-a i biak kha a pawimawh viau a nih ka ring, min bum tum tawh suh, tûn ang hunah tû fâ mah hian thil pawimawh an sawipui che ka ring lo." Thinrim insûm zetin ka ti ve ta a.

"Nia, Nutei alawm maw le, a dam ṭha lo a, a hmâ a damdawi min chah ka leisak khâ a dawr awmna min rawn zawt a.." awki hniam ruiha atih chuan ka thin tertek a chhuak ve ta.

"Inbe leh rawh u, ani hi i kalsan phal tak tak lo a lo nih dawn hi," Ka ti ta a.

"Mafel, ngaihzawng chungchangah kan inbe lo, thinrim ringawt suh." Ati dam thluam a, "Engzawng pawhin inbia ula ka tân a danglam chuang lo. 'Ka be tawh lovang' tia sawi zuah zuahtu khâ tunge? Sangpuia leh kei chu kan ni lo phawt a.."

"I ngaih dan a mak em mai, damdawi dawr inzawh ringawt a thinrim tur atan chuan i upa tawh deuh lo maw!?"

"Upa lam hian i rilru an la deuh a ni ang e, nang nena inbiak zui zel a ṭulna ka hre tawh lo. I lum chuan lum la, i vawh chuan vawt rawh. Nutei i thlang a nih pawhin a tâwp thlengin thlang ang che." Ka ti zui ve tâwn tâwn a, mipa nêp ber anga a khawsa hi ka tei thei hlawl lo.

Ka awkâ a dam bik hauh lo. Kan boruak a ṭha ve dawn chauhva hetia tih zel mai. Ve lutuk a..

"Remruatfel, hrethiam rual chu i nia sin, ka biak danah engmah huat tur a awm lo. Nangpawh ni la ka tihdan ang tho hian i ti ve ang."

"Ka ti lovang, nang anga nêp leh hnunglam hawikîr chhên mihring ka ni lo, induhtâwk khân inbe rawh u, ka lo inthiarfihlim ang e; nang kalsan che hi ka thei lo emaw i ti em ni. Zan hnih kan mutdun vang khân i duh duh a min tihkâwi i tum ngawt a nge, a teuh lo mai.." ka ṭawng thui mah mah tih ka hria a, ka insûm thei thlâwt bik lo

"I mak hle mai, min ring lo em ni?" Tih chauh a sawi a.

"Rin turin awm hek lo che! Zanlaiah i bialnu hlui nen in inbia a, ani pawhin engvangin nge tun ang hunah kher khân damdawi dawr a lo zawh che? I chanah dah la i lungawi bik lovang."

"Thinrim lovin sawi ṭha ang." Dawhthei vak lo aw hian ati leh a.

"Sawi ṭhat tur a awm lo, inbia u la induh ang khân awm rawh u. Min lo phone tawh hlek suh." Tiin ka off khum ve ta hmak a.

Zirsangliana vang hian rilru mumal pawh ka pu thei tawh lo. Nutei lah hi ahma zawnga be duh si lo. Hetia kan inkawp ni a a hriat tâk avanga alo be sek hi ka ngaih dan a ni lo hle a ni.

Duh lovin a ṭhen tawh a, midang a neih tâk avanga inrawlh a tum leh hian hmeichhe rilru ṭha tak a nih ka ring thei tawh hek lo. Ka thinrimna a chawk tho tak tak a nih chuan a nuih aza hauh lovang.

Zirsangliana'n min rawn call nawn sek a, vawi 32 ngawt min phone peih nia! Luhlul lutuk!

# Kan inring tawn tawh emaw ka lo ti a. Whatsapp aṭanga min rawn biakna chu chhân pawh ka chhâng peih lo.

#Ka lo call leh dawn ania sawi ṭha ang.

A rawn call leh ta nge nge e.

"Sawi rawh," ka ti hmak a.

"Nutei laka kir tumna ka nei lo, ka biak chhan pawh ka sawi tawhin ka hria, i duh chuan i awihin i awih lo thei alawm," ati kher a.

"In inbiak hun ngaihtuah chuan i thusawi hi ka awih lo tlat. Kan inbiak tawpna ni rawh se, i nu leh pa bula ka lo tiam tawh erawh tih hlawhtlin ka tum ang, ka nunah rawn inlan tawh suh ang che, hmeichhe pahnih rilru tihnat ai chuan pakhat a nat hi a tawk viauin ka hria, a chhan chu nangmah vang hian nat ka tum lo." Ka ti duah a.

"A va mak tehthlawt ve le, Remruatfel, nau pâi tal la engtia tih nge i tum?"

"Nau ka pâi ka ti ang, ka duatin ka ngaihsak bawk anga, i tel lo hian Pathian zarah kan awm thei lutuk ang, tunah phei chuan ka pâi leh pâi loh ka hre der si lova keimah chauh ka la ni rih bawk si a, i tel lova awm theih ka tum."

"A ṭha e, min ring lotu biak reng ka tum bik lo. Inenkawl ṭha ang che."

"Nangpawh ruihtheih thilah inhambuai lo la, i pum a nat khân ka pum a na ve lo tih i lo hrereng dawn nia," tiin phone ka dah san ta a.

Mipa pakhat vanga ka nunphung tih khaihlak ka tum awzâwng lo. Amah ka duh tawh lo tihna nilovin hmeichhe dang inrawlh ve sek hian ka chapona a kaitho mai chauh a ni.

Thinrim ru ṭûnin kan hun hman tawh reilote chhung kha ka ngaihtuah vang vang a, lungawina tur a tlêm hlein ka hria, hetiang mipa a ni chung hian Zirsangliana tân ngaihzawng neih turah buaina tur a awm lo.

Tlangval luck lutuk a ni tlat. Kei, pakhata rinawm tum bur mi tân hian a rem lo a ni e.

Ka tlaivar ta ṭhak a, a chhungte erawh kalsan ka tum lova, an hnena ka lo sawi tawh ang ngei khân Anniversary hmang tur chuan ka kal ngei ang.

After 2 days

Zirsangliana

Mafeli lo haw ni a ni a, khatia a thinrim aṭang khân vawikhat tê pawh min rawn be tawh lo a, ka be tlang thei hek lo.

Whatsapp-ah min block zui hmiah a, a luhlul tih ka hre tak nâ a, a thinrim erawh ka la hmu miah lo. Hmân zanah pawh khân min vîn duai duai lova aw dam thlap ni lo mah se a ṭawngkam pangngai nen a danglam tehchiam lo.

Hmaichhanah kan sawi dun thei tho dâwn a ka hriat avangin ka nawr lui duh ta lo kha a nia.

Anniversary hmangin a lokal ngei dawn tih ka thinlung hian a hre tlat nia! Nutei athîk lo emaw ka tih kha a lo thîk hle a ni tih ka hriatchhuahna hian min ti nui suk suk reng mai.

Kei misual dum ber mai hian a thîk nge thîk lo hriatchhuah a ngai tlat a. Mahni lu zo veh vawh a ni bawk a, a inthup thei ngar ngar khawp mai.

Motor rawn tlân apiangah ka beng ka chhi deuh hrâ reng a, an lo thleng ṭep tawhin ka ring.

Min be lo mah se biak luih ṭâlh ka tum dawn sia, eng ang chiahin nge min duh ve tih ka hriat tluka pawimawh a awm lo. A chhan chu Nutei'n a hnena kîr leh tura min sawm vang a ni.

Remruatfeli nunziaah hian min duh hluah hluahna hmuh tur a tlêm hle a, zu nghei tura min duh vel vang mai mai a min kawp tepawh ang ka ti.

Kan kawta motor lo ding thâwm ka hriatin ka pindanah ka lût daih a, engtin nge a awm tih hriat ka châk vang pakhat a nia. Doctor bialnu neih zawng a khirh phian a nih hi.

"U Mafel, i lo thleng tawh elaw!" Arini a ṭawng lâng lâng a, va pawh mai lo tura ka insûm nasat a ngai viau.

"Arin, ka bag dumah khân in thil tur a awm," an ṭawng thâwm ka hre vek a, ka va chhuak ve ta a. Min biak loh chuan ka be rih lo ang.

Sofa-ah ṭhuin a pawr fap reuh a, a sam a hnawk deuh niaih bawk. An in a ka hmuh bâk kha ka hmu tawh lo va a biang a chêr deuh chuan ka hria. Vawikhat tê mah min melh chhin eih lo.

Arini tân Jump suit senno raih leh Sangpuia kawrlum nalh zet a hawn a, ka nu pheikhawk flat a hawn bawk a, ka pa Sana a hawn thung. Keimah chiah min pe lo.

"Mama eng mah i hawn nange?" Arini'n ati ta rêng a, hrehawm ka lo tiru viau, Mafeli hi a ngaina takzet tih pawh ka hria a, ka lo inthlahrung viau zel, zawh awm leh awm loh a ngaihtuah vak lêm si lova.

"Hawn e, a hnuailamah khân a awm, hawnsak a phû lo nâin khawngaih mark-in ka lo telh ve a nih kha.." a nui sak a. Midang tâna hriatthiam theih tur hian a awm duh reuh si lo a ngeiawm thiam tak a ni.

Boxer, kâwnghren dum nalh zet leh Levis shirt min rawn hawn tih ka hmuh chuan ka chhûngril a nui suk alawm le.

Kan inbiak hnuhnun ber ngaihtuah phei chuan engmah min hawn ka beisei lo hrim hrim..

Chutia kan phûl hlut lai chuan Nutei nau Rindika a rawn lût hlawl a, "U Mâm, ka û khulaiah khuan luhaiin a tlu a, nupuii te-inah kan zâwn lût a, ka lo ko tawp che," a rawn ti heu mai le.

Mafeli hmêl ka en vat a, engmah a hriat theih loh. Nilo, min en lo hrim hrim, Rindika ngawt a melh a, ka kal loh chuan zia lo ka ti deuh si.

Ka awm dan a lâi zo vek.

Tûn hi Nutei ka buaipui tâwpna ni rawh se, Mafeli melh zawk chung chuan ka chhuak ta a.

Kan boruak ala fuh chiah lo bawk nen nuam lo ka ti viau a ni.

Nutei kalsan hlenin Remruatfeli-ah ka zawng zawng pêk duhna ka nei tawh miau a, 'Min hrethiam hrâm rawh..tun chauh a ni ang.' ka ti rilru a...

©<++++[BeckirafARenthleI]++++>®®

Chapter-13

Zirsangliana

Ka rin ang chiahin ka kal tur pawh Mafeli'n min en duh miah lo a, Nutei an zâwn luhna, Nupuii te ina ka luh chuan a chalah puanin an lo hrêng bâr a, a hrisel lo tih ka hriatsa avangin chuti tehchiamin min ṭhâwng tawh lo.

"I ṭha em?" A bulah ka ṭhu thla ve nghal a.

"Ṭha e, engtin nge i lo hriat theih zawk a..? Min ti zâwk mah a.

A nauvin min lo ko tih ka sawi chuan nuam lo tihmêl a pu ve deuh.

"Ka ngaihtuahawm loh han chho rawh," ati ngial a, a hmel ka hmuh hian lainatna chu ka nei ngei mai. Mahse, Mafeli thinrim bengdaih leh khâ huphurh taktêin ka huphurh tawh a, "A nih i zia deuh chuan ka chho mai ang, naktuk anniversary lawmna tur thil ruahman a ngai a." Ka ti a.

"Min sawm ve dâwn nange?"

"Ka nu leh pa'n an sawm leh sawm loh che a ni mai, an inneih cham a nia, inrawlh ve vak ka tum lo."

"Mâm, kan inah min zuk dah zuai la, scooty ka keng a, i chho leh nghal dawn nia," tiin a rawn ṭhu chhuak a.

"Lokal rawh, ka hmanhmawh deuh tak tak a nia.." ka bânah a rawn vuan a, pawnah kan inzui chhuak ta a.

Kan in lam ka hawi phei chuan kan in kawtah Mafeli'n towel a lo zâr mêk a, min hmuin ka hria, "A rawn thlen chilh leh tawh che elaw! Doctor hman tak a nih hmêl.." Nutei ṭawngkam mei nei zet chu hriat loh der a har kher mai.

"Min rawn thlen chilh nilovin a hna chungchângah a zin a, ka nu leh pa sâwmna a ngai pawimawha hman lo chungin a rawn pêng alawm," ka ti deuh kher a.

"A nih chu, hlawh nei nge nge chuan duhsak a hlawh deuh ava ang ve.." ti sapin ka bâna a vawnna chu a thlah ta a. Ka chhâng thui duh lem lo. Ka nu leh pa'n chutiang zawngin an thlir lo tih ka hre ve kar a. Mahse, hrilhfiah hi ka bat ni nghal lo chuan..

Scooty-a kan inphurhthlâk hnuah kan ṭawng tawh lo ve ve a, luhaia tlu si engtin vak a awm pawh ka hriat si loh.

"Mâm, lokir leh rawh nun bul ṭan ṭha leh ang," Nutei min sawmna chu kâr hmasa lam te kha nise chuan 'Aw' tiin ka chhâng mahna. Mahse, ka nunah hmeichhe dang ka sêng lût tawh a, min kalsan hmasatu zâwk lehnghal hi ngaihdam duhna thinlung ka nei miah lo.

"I duh thû rênga min kalsan i ni a, inṭhen ka duh loh zia pawh i hria, chuti chung chuan min kalsan lui a, tunah inzui leh pawh ni ila rei kan daih chuang lovang." Ka tih chuan a ṭah a chhuah hmel hle a.

"Ka thiam loh a ni, i tel lovin engtin nge ka awm theih ang, min ngaidam la bul ṭan ṭhat leh ka duh.."

"Chutiang lam sawi tura lokal ka ni lo." Ti nghutin ka chhuak zui ta a. Dik tak chuan Nutei mizia ka hrechiang ve thawkhat tawh a, nidanga min ṭhen pawhin keimah zawk hian ka be lui tlut tlut a, tlâwm zâwk chan ka chang zel ṭhin a nih kha.

Mahse, tuna min ṭhen hian ka nunah Mafeli a awm tâk avangin Nutei vawikhat mah ka be zawm tawh lo khâ a nia. A hma anga alaka tlâwm turin min lo ngai leh a ni maithei.

Remruatfeli hian min duh tak tak a nih chuan nupuia neih mai pawh ka hnial lo hrim hrim. Keia tân ani tluka ṭha an awm lo tih ka chiang ve tlat.

Ka rilru tibuaitu ber chu hmeichhe pahnihte hian ka nunah hmun an chang ve ve a, Mafeli'n rilru tak tak min pe lo a nih chuan Nutei ka chân laklawh si ang tih ka hlau ve tho. A chhan chu athar hlaka ngaihzawng dang neih ka peih tawh lo.

In ka thlen chuan chaw ei an lo siam mêk a, Mafeli leh Arini'n chawhmeh an suak a, ka nu'n châw a khawrh thung. Ka pa leh Sangpuia ka hmu lova tuma'n min be miah lo chu mak ka ti deuh!

"Arin, khaw'nge ka pa te?"

"Pu Ruata te inah Âr man a pe lawk a, a lo chho ṭêp ang." Ati liam puat a. "Zaninah bungraw hawh angai dawn a, Sangpuia nen YMA property chairman han be r'u aw, zingah bazar kan duh anga hun a awm dawn miah lo a nia.." atih zawm leh a.

"Sawm zau in va tum awm ve.." ka nu lam hawia ka tih chuan, "A lo berah mi 130 vel anni ang, kan thawhpuite ve ve te leh kohhran hruaitu, VC member leh hênglaia ṭhenrual ṭha te a kim thei ang berin sawm kan rilrûk a, fatu tur pawh Sangpuia kutah kan dah a, makpa ho chêt hun alawm," ati duah a.

Chaw kan ei chhûngin naktuk programme tur an sawi zar zar a, zingah kei leh Mafeli, Arini nen kan pathuma bazar turin min ti a, ka va phur si êm.

"U Mafel, kan âwl thei bîk si lo che a.." Arini'n atih chuan, "Âr puah lam chu ka kutah dah hmiah rawh u," tiin a nui var var a. A fiamthu thawh ve dan chu leh..

"Â hah! Mipaho chan alawm, Sentei leh Ramtei'n min rawn pui dawn a, ka ṭhiante an nia i ngaina ngawt ang." Ati leh siam siam a.

Ramtei hian nau apâi mêk a, nu mah nise Arini nen an inkawmngeihin kan inah a lo chuangkai ve fo ṭhin. Sentei ve thung chu ram dang-ah a awm reng a, thla hmasa khân a lo haw chiah a, Arini best friend a ni a, Sangpuia tân kan hual ru deuh.

Chaw eikhamah pawh Mafeli biakna hun ka nei lo reng reng a, bungraw hawh angai bawk si nen inbe lêm lovin kan inpêl deuh sek ringawt.

"Mama, i ṭhiante pahnih khat sâwm ve la.." ka pa'n atih chuan thingpui hâng in a kan ṭhut lai a ni a, Lalfaka leh Lianzuala an awm ve bawk.

"Nutei i sawm la.." Lalfaka'n a lo ti hmanhmawh a.

"A ṭhian a ni hleinem a eng lo a nia," nui ruh ruh chunga Lianzuala a lo ṭawng ve leh phei chuan ka nuih pawh a za lo.

Mafeli a awm lo hlauh zawk a!

Dâr sawmpakhatah a zualpui kan inhawh kim tawh a, tlailam dâr thuma hunserh hman tur a ni a, ka nu leh pa thlalâk târ chhuah tur atana kan 'print' tîr pawh a rawn thleng fel diam tawh bawk a. Kan inpeih chu a ni mai.

Mafeli leh Arini an mu tawh a, ka ṭhiante an la haw loh avangin ka la meng thung. Vawikhat tê pawh Remruatfeli'n min ngaihsak îk lo hi mak ka ti lo thei lo. Chaw ei lai te khan kan ṭhu dun ve reng a, ka awm leh awm loh hre hmêl pawh zuk pu lova!

Lalfaka te haw hnuah mu turin ka lût ve ta chauh a. Sangpuia tih loh an mu fai vek tawh.

Mafeli hlir ka rilru-ah a awm vangin a pindan lam ka pan ta a, a kianga mut ka tum tihna nilovin a muhil nge muhil lo en ve hrim hrim ka duh vang a ni pakhat.

Kawngkhar nem hawn ka tum chuan chhunglamah a lo kalh tlat nia!

"Mafel.." zawitê-in vawithum ka kova thâwm bengchheng siam ka hlau ve bawk nen ka ko ring ngam si lo. Û huh! Kawngka a kalh ang tihte chu lo hriat ve awm a nia. Luhlul si, beidawng zetin ka room lamah ka lêt leh ta a.

'Ka call anga ka tiharh thovang' tiin ka'n call ngial a, a la switch off zui a(h)..

Hmeichhia si hetiang em em a han induh thiam hi mak ka ti! Hundang chu nise ka be lo chiang ang chu; mahse, be ngai tawh lo tura ka inngaihtuah apiang hian ka theih ka ring si lo.

Khawvar dawnah ka lo chhing sek a, Arini'n bazar tura min kaihthawh tâk avangin mit thip hlurin ka tho leh ta a.

"Ka nu te remti lo chung u Mafeli'n bazarna tur chu ka lo tum ang ati tlat a, ka nu pawisa min pek pawh ala duh lo.." a lo ti nang nang a

Ka ngaihdan a pêl leh ta.

"I pawisa hman angai lo a nia, lo inrawlh ve duh suh," motor-a kan chuan hnu-ah Mafeli hnenah ka ti a.

"Lo inrawlh lo zâwk mai teh," ti sapin pâwnlam a hawi zui daih a, inhnial ve hrim hrim pawh a châkawm alawm le, chuti anih loh chuan min biak a tum der mai si lova!

Arini a front seat-ah a ṭhu a, Mafeli a hnungah a ṭhu daih nia! Min hnaih leh a tum miah lo tih a chêtzia aṭangin ka man thiam vek. Mahse, chuti maia tlâwm ka tum bik îkhaw lo.

"I tân engmah insenso nachhan tur a awm lo, kan sâwm che i ni a, pawisa thawh rawh kan ti lo che," nelawm loh thei ang berin ka ti leh a.

"Miin thawh rawh, ti rawh, min tih vanga ti ka ni lova, ka duh ve rêng vang a ni. In inneih anniversary ni lovin i nu leh pa pual a nia, i thawhchhuah an hmang dawn hek lo," ati hmak hmak a. Chhân dan tur ka'n hriat miah loh chu le, Arini lah a lo nui char char a, ka va ngei mai mai tak.

"Anih chuan i duhdan angin han awm ta poh che.." abâk sawi tur ka hre tawh meuh lo chu a ni e.

Bazara an teikualnaah ka zui ve zel a, an thil leisa min ahtîr vek avangin arit chak khawp mai.

Kan doctor 'induhi' lah chuan lei tur a hria-in thil hrisel lam a thlang deuh ngar ngar a, tomato leh zikhlum, pârbâwr, dhania, ka hre sêng tawh lo ve a.

"Thingpui in ang u," ka nau rilṭâm hmêl ka hmuhin ka ti vat a.

"U Mafel, i in duh ve tho tiraw!?" Lalrinpuii lah hian a pianpui unau emaw zuk ti tlat a.

"Duh ve mai ang, inlâk model dâwn loh chuan zînglam thil ei insûm hi ka ti lem lo," tiin a nui sak a. Arini lah chuan," Model zeta rilṭâm ai chuan puar lênglâwnga model tho nih ka duh," ati a, an nui tak uar uar a.

"Bengchheng lo khan lokal r'u" tiin Siamkima te thingpui dawrah kan luhsan daih a, kan khuaah Restaurant changkâng tak awm bik hek lo, paratha leh zochhang, châna tihvel an siamna hmun kha a nimai a, doctor nu hian eng tak ei ve ang maw!

Tute emaw anga a duh changkâng viau a nih chuan a zia lo viau ang.

Arini nen ka ep chiahah an rawn ṭhu a, min biak chu khawilamah!

Thingpui leh Paratha pahnih a ei a, a chevel hrim hrim hi a hmuhnawm ka ti thar riau, Arini'n a beng bulah a hrilhru sap a, eng nge a sawi pawh ka hre pha lo. An pahnihin eng emaw tihrûk an tum ani ngei ang.

"U Mafel, i insêng hnem sia a inthlahrunawm e," Zochhang ṭhial ṭâwlh ṭâwlh chunga ka nau ṭawng chu ka ngaimawh hle a, Mafeli ve thung chuan ngawi hmak leh hmui chîp hmânin a ṭhial a. Hah! Ka en chîk leh lutuk a ni.

"Ka lo kal zen zen thei dawn si lova ka tih theih tâwk a nih kha, chawlh ka lâk hi a zawh chuan kum tâwpah bâk Lunglei ka rawn hawin ka ring lo."

"Ka lo zin hunah min mikhual loh vaih.." an pahnih inbiakna chu ka ngaithla reng a, thingpui dawr kan chhuahsanin zinglam dar kua a ri dêr tawh.

Kan haw kawng tluan pawhin an titi a, a hnungah an pahnih in an ṭhu dun a, ka rin phâk bâka an inkawm ngeih chu le!

After 3 hours

Fatu ho zingah ka awm deuh reng a, Arini, Sentei, Ramtei leh Mafeli'n salad an siam a, kan makpa pathumte bâkah Lalfaka leh Zuala an awm bawk a, kan upa ber pasal lah chu zîng aṭangin a nam deuh that that reng bawk nen zû in ve ka châk kher mai. Mahse, kan doctor hian councelling class min pe leh nek ang tih chu ka hlau deuh.

Kan mi sâwm lokal apiangte'n Mafeli chu an en duh hle a, amah lah chuan eng teh chiamah angai lo nge, a awm dan zuk danglam îk lo va..!Hmechhe ṭhenkhat chu nise, an inla eng emaw leh viauvin a nia ka rin!

Hunserh an hman laiin, "Zira, ûmkhat lek te chu show ve la.." Lalfaka'n min rawn hrilh ru sup a.

"In duh chuan ti u la, pawisa ka pe ang che u..." a rûk bawkin pawisa ka pe a, kei chuan tih ka tum lo.

Hunserh hman hmâ khân Arini leh Mafeli an bo daih a, an tîr anih ringin ka ûksâk lem lo kha a nia.

Ka pa'n thusawi tâwi neiin, "Min zâwt zing tawh bawk a, thildang tlêm kan zep tel ang e, kan mikhual ti mai ila Dr.Remruatfeli hian vawiina kan anniversary hmang tura kan sawmnate min tihhlawhtlinsak bâkah kan ei leh in tur eng emaw zât a tum bawk a, a chungah kan lawm hle a ni. Ṭhenkhat chuan inhriat tawh tho ka ring a, hmânni a 'free clinic' rawn nei khâ a nia; kan chhungkaw member ni chiah lo mah se keini chuan kan chhûng zinga mi ang chiahin kan en a, a lokal châng pawha kan in a thleng turin kan beisei tlat a ni." Tiin a sawi teh daih nia.

Ka pa meuhvin hetia a sawi chuan a ngaina hle tihna a ni ngei ang. Ni e, doctor a ni a, mi puitling chin leh mî zahkâi a ni bawk a, ka nu leh pa a ngainâin kan chhungkaw mila awm a thiam bawk nen ka chhungril a lo hlim ve em em ringawt nia.

Remruatfeli vâng liau liauvin zû far khat tê mah ka'n in loh chu le!

Inleng neuh neuh an la awm a, Arini a ṭawng duh barh barh hle mai!

Nidang aia a danglamna em em hre lo mahila zanin tlâi hian eng emaw dik lo a awm deuh tlat a hriatna ka nei a, Sangpuia leh Sentei'n inlêng thingpui an lum a, Ramtei erawh in lamah an buai deuh avangin thlêng sil zawh khân a haw tawh bawk a, Mafeli chaw eikham aṭangin ka la hmu lo.

A room-ah a awm ngei ka rin avangin ka lût phei ve ta a.

Light on lovin khumah a lo mu kawm ngal a, a muhil nge hil lo pawh ka hre thei lo.

"Mafel.."

"Umn.."

"I nuam lo deuh em ni?" Tia ka zawh chuan min chhâng lova a che eih lo.

Khumah ṭhu thlain, "I che ve vak vak a, i taksa in a tlin ve lo anih kha," tiin a chal ka khawih sak a, "Min rawn hnaih reng reng suh, damlo buaipui tur i nei a ni lawm ni!?

Nutei a sawina ani tih ka hrereng.

"Thinrim tawh suh aw, ka kalsan lovang che tih ka sawi lovem ni," kûn hniamin a chalah ka fawh sak ta a.

Zû rim a nam! Ka hresual a nih ringin ka kûn ṭha leh ngat a, a puansin ka pawhhlîm sak hlek bawk a, chu chu duh lovin a lo pawt vei ṭung a, keiin ka pawt ve bawk nen vîn zet hian, "Zirsanglian, eng nge i hriat a!?" a lo ti hlar a!

A rawn ṭawng chhuah tâkah chuan ka hresual love, Zû leh beer inpawlh rim a nam ham ham a, ka thin a úr kher mai.

"Remruatfel, tunen nge zû in lo in hman a!?"

Min chhân chu sawi loh ka thusawi eng atan mah ti lo niawm tak hian lehlam a hawi hmak a, ka run êm avangin min en turin ka kuaiher lui ve ngat.

"Sawi rawh, tunen nge in in, Lalfaka te'n an pe che em ni?" A koki-ah vuanin ka sawi nawk a.

"I hriat a ngai lo, Nutei ka ni lo, keimah ka nih hi keimah.." a rui deuh reuh em maw ni!?

"Ṭhu teh.." tih pahin ka pawt tho nghal a, min hnaih deuha a awm tâkah phei chuan zu rim hlîr ka hre tawh.

"Remruatfel, Lalfaka te bula zû i lo in ve a nih vaih chuan in pahnihin in châk lo viau ang," ka ti nghut a.

"Ka duh duhin ka awm thei alawm le, i inrawlhna tur a awm lo. I eng mah ka ni lo ka ni ngai bawk lovang," tiin ka âwmah a chûm dawt nia. A thinrim zawkah te chuan ala ṭang a, Henu tak hi chu aw...!

"Ka tâ i ni tih i theihnghilh ta elaw, i lo theihnghilh a nih chuan kei hian ka hriat nawn tir hreh hauh lo che.." A inrin hman hmâin a hmuiah na zet hian ka fâwp ta a.

A duh lo ṭang vel chuan ka thin ati rim tulh tulh a, amah ka vênthâwn vângin farkhat tê pawh ka in lo a, a hmeichhia zawkin min lo inkhalh daih hi ka ngaihdan a pêl mah mah.

Khumah ka lawnkai ve ta a, a kut pahnih chelhbeh sakin, "Thutiam chu thutiam a ni, i tâna mipa hmasaber ka ni tih ka inhai reng reng lo a nia, a ṭûl a nih chuan hâw tawh miah lo turin ka siam ang che." Tia ka vauna chuan hna a thawk ṭha ta deuh, ngawireng hian min en kal a, ṭap mai tur hmel a pu tlatin ka hria.

Chutah, "Zirsanglian tenawmpa, pakhatah lungawi la, i tân a ṭha anga leiah i dam rei bawk ang." Atih chuan ka nui teuh hle mai. A thinrim poh leh chhaihkawlh a nuam telh telh. A thim bawk nen light ka on thut chuan a meng sî sap nia!

Ruih nei tih hriat fahrana a meng phi chiai hi a sexy ka'n tih tlat pek chu.

Kuah tuma ka ban chiah tihah, "Min hnaih tawh suh, ka ṭê vak mai tur a nia.." min melh râm râm a, "I duh phawt chuan âu vak vak rawh, a lokal apiangin zu rim an hria anga; zanin tlaiah ka in lo tih an hre vek bawk si nen a mualpho tur chu i hria alawm.."

"I chhe zeh zuah e a.." tukverh lam a hawi nghâl daih a, Lalfaka nen an in a nih loh chuan tunen nge an in tâk ang, zawh chhuah ngei ka tum tur a ni.

"Mafel, dik takin min chhâng rawh tunen nge in in!?" Dam thluamin ka zâwt ta a.

"I hriat a ngai lo ka tih chu.." ala ti ve ṭâng ṭâng a, "Vawikhat chiah ka zâwt leh ang che thudik i sawi lo a nih chuan Lalfaka ka zawt dawn a nia, a ṭûl anih chuan kan makpa, zanin tlaia in te pawh ka zâwt chhuak vek ang." Ka ti leh a.

"Arini nen.." Zawi sapa min chhânna chu mak ka ti kher mai. Hei vang chiah hi a nih hi Lalrinpuii khâ a lo dak duah nachhan..!

"Khawi ami nge in in?"

Min chhâng duh ta miah lo a, "Remruatfel, i sawi dâwn khawp mai," A kut pahnih ka chelhbet leh a, ka dinglamin a biangah ka vuan bawk a, ka'n fâwp lui tehreng a nih kha. A hmui chîp tlat chu nawr kau tumin ka fâwp ngar ngar a, a ṭang rei thei phian a!

Reifê duhthawh leh uar fahrana ka fawh tâkah chuan a inthlahdul ta deuh.

"Ka mut a chhuak a nia, kal sawn tawh rawh,"Tiin a ṭang ṭha leh dâwn a, a insiamrem hlek chhung chuan khumah nembetin ka delh bet ta a. a thaw chhuak ham nia.

"Mipa in ṭha taka zawhna ka zâwt che a nih chuan min chhâng ziah tawh ang che, vawikhat pawh i in leh ka hria a nih chuan i nuih aza tawh hauh lovang. Lalrinpuii pawh ka hau dawn tih hria ang che.."

"Arini hau kher a ngai lo, keimah min hau zawk rawh.." zuk ti a!

"Ka nau a nia, ka hau khawp ang, nang pawh ka ngaihzawng i ni a, ka hau tel tho dâwn che, zak lo dun lutuk mai.."

"Kal tawh teh, ka muhil duh a nia," tiin ka malpuiah a sik a,

"I duh tâwkin kut min thlâk mah la, zanin hian i kiangah ka mu dawn khawp mai. Thâwm ka dim hek lovang, a duh duhin hria se ka pawiti nek lo ve." Tiin ka khuh lui kher a, min nghawk sawk pahin, "Nutei ka ngam lo, tho rawh le.." ati dam thliam a, min elsenna a ni tih ka hrereng.

"Nutei lo sawi suh, keimah chauh min ngaihtuah la, ka fâ pâi thut thei i ni tih inhre bawk la, zanin hian kan chhunzawm bawk ang." Ka ti leh sup a. A thinrim hmêl kher mai.

"A ṭha e, i duh ang chuan che mawlh rawh," fiah faka tiin min melh ta vang vang a.

Ni e, a damchhunga a theihnghilh theih tawh lo tur chhinchhiahna ka siam dâwn khawp mai.

A mutkawr chhûngah zen lûtin a hmeichhiatna ka tawh sak ta a.

Zan hnih khâ a la tawk lo a nih chuan zan hnih dang a kiangah ka mu leh ngei ang.

Min hlatsan theih tawh miah lohna turin ka siam dawn a ni..

B<+[BeckirafARenthlei]+®®

14.RAPSAGY

Becky Rafa Renthlei

Chapter-14

Zirsangliana

Remruatfeli khumah minute sawm dâwn ka mu tawh a, ka deh hlek pawhin min chum áwk loh leh ka bânah te a rem lâi laiah min sik vak zel a, ka biak lahin min chhâng duh bawk si lo! A inlukhûp thûl! A sual reuh dan hi namai lo tak a ni.

"Mafel, thinrim tawh suh.." a kâwngah ka kuah leh a, "Zirsanglian ka hnê khawp mai che aw, tlaiah i bialnu i ngaihven hûrh a, a awm loh veleh kei min ngaihsak leh a, zak ve deuh teh.."

"Ka ngaihven nachhan i hria alawm, a puitling zâwk leh thil hrethiam tur zawk i titau tlat a.."

"Ka puitling lo tihna a nih chu.." ka kut a dahsawn leh hmak nia!

Kei, mipaah pawh inti pa tak thin hian a tuar tawh lo. "Ṭha taka ka ngaihven lai che hian kan inkâr sawi fel ang, râlkhat aṭanga sawi mai mai ka duh hleinem," tiin ka kuah lui leh ngat.

"Sawi dun tur eng mah a awm tawh lo, kan inkâr a tawp tawh.." a ṭhu chhuak hlawl a, in control tum eng ang mah se a kâi deuh tih a awki hniam raih aṭang chuan ka man thiam ve vek.

"Khatiang khân ka lakah i awm tawh a, ka fâ pâi pawiti si lo, keimah min haw leh tlat si hi inngaihtuah chian i ngai deuh lo maw, mipa dang duh i nei leh zâwk si em ni!?"

"Nang ang ka ni lo aw," tih pahin lukham a la a min vuak tumin min tin uaiha ka ngaih dan a pel ta.

"Hmeichhia zawkin kut min thlâk i châk et et zâwk chu a nia, zû in ve chi pawh i ni lo," tiin a bân chunglamah ka lâk kawp sak a, ṭang eng ang mah se mipa thâ chu mipa thâ nge nge..

Dím baksak lo hian a hmuiah ka fâwp ta a. A chîp hmak. Mahse, ka thunun theih loh tur hmeichhia eng atan mah ti lo tu Zirsangliana thin a thawk tlat tawh.

Chutah a mut kekawr chu ka kut leh lamin ka pawhthlâk sak a, tâl chhuah tumin a ṭang nasa ngei mai. Min haw ta sa sa min ṭhen pawh ni se eng emaw tal ti lova chhuah ka tum tawh bik lo.

A bawp nawrkauvin ka insiamrem zel a, a ṭang rei thei ngar ngar khawp mai.

"Ka tâ i ni tih ka sawi lo em ni, zanin hian kan inru ang, ka fâ pâi tumtu hmeichhia chuan i pâi ngêi theihna turin ṭan kan la ang e," a thaw chhuak ham ham a, ala inthlahdul duh chuang eih lo.

Tharuma hmeichhe mutpui duh lo ṭhintu khâ ka nia, zanin zet zawng henu hian ka mipa rilru a kai tho tlat.

A hnuailam pang thawmhnaw inbel ka hlîp fai vek tawh a, a bawp zuk khawkherh tlat a! A kut ka chelhna ka thlah vaih chuan a tâl leh nasa dawn tih ka hre bawk si nen ka hah ngei mai. Mahse, ka tum ka tiruh sauh thung.

Rei ngial kan inchai hnuah, "Ti ta che, i duh ang chuan awm rawh.." zawi sapa tiin a inthlah dul ta riai riai a.

Ka chêt dan ka thlak zui vat a. Muang leh dam raih hian a hmuiah fawpin ka kut pawh a awmna tur dik takah ka dah nghal a, min chhâng lo nâa ṭan a khawh tawh lem lo.

"Mafel, innei mai ang.." Ka fawh kâr laka ka tih chuan a nui hak a.

"Nuihzatthlâk ka sawi lo, la zir chhuak chiah lo mah ila ka enkawl thei ang che, thinrim tawh lo la.."

"Nutei nen in inkâr a fel mawh em mai, a ni lo lova inhambuai tur a tan chuan ka puitling tawh," ati sap a.

"Kan inṭhen fel tawh tak tak.." tiin tlaia Nutei ṭawngkam khâ ka hrilh ve ta a.

"Hetiang hian kan awm dun tawh a, mipa dang lakah tuna i awm ang hian i awm thei dawn em ni? Min duh ngang lo a nih chuan tlang takin sawi la ka nawr tawh lovang che,"

Amalah ka chûl riak riak a, min chhâng dawn tawh lo emaw ka tih hnuah ka lam hawiin a rawn saisîr a, "Hetiang hian mipa dang laka ka awm chu ring duh suh, ka tân pakhat a tâwk, chumi nena a rem lo a nih chuan, kan inhriat hma ang chiah khân nun phung pangngai ka zawh leh ang." ati ta a.

Rui ang pawhin a awm tawh lova, a kutin ka tukkhum sam a tuai hauh hauh a, ava thlamuanthlâk si êm.

"A ṭha e, kan inkâr a fel ta tih lantir nan leh hetiang nun, hmeichhiat mipatna hi nupa kan nih hma zawnga kan hman tawpna ni turin zanin hian ka tâ ah ka siam nawn leh ang che, i remti em?" Ka ti tlang hmiah a.

"A ngai kher hleinem.." ati sap a.

"Ok, i duh dan a nih chuan ka tilui lo ang che, Nutei lakah ka inhnamhnawih tawh lovang, ka phone number ka thlâk dawn nia," tiin thawhsan ka tum a.

"Ih..Zir, ka rilru ka thlâk leh si.." ka tho tur min kuahbet leh lawi siin min rawn fâwp ta a. A duh thu rênga min fawh hun hi ka lo ngaichâng rêng a ni.

A taksâ khuhtu awm lova lang ta vek chu zahpui ang pawhin a awm miah lo a, rilru leh thinlung taka min fawp a ni tih ka thinlung hian zuk hre tlat a!

A ṭan hmasatu a ni ve teh tlat! Chatuan daih tur ni lo mah se tûn hun hi kan tân a pawimawh hle tih ka hria.

A hmeichhiatna hnâwng chap chuan a inpeih ta tih hrilh nawn ngai lovin ka hre mai a, uar leh duhthawh tak a ka fawh laiin a lû a her zauhva, "Ka duh dan i hriat kha, ka thlen dawnah ka lo hrilh ang che, chuan hmanhmawh chûk suh aw.." thâm sapa a ṭawng rî ringawt pawh chuan phûrna min siam si.

"Lutuk, a ruala kan kal zel theih nan inthunun ka lo tum dawn nia," ka sawi zawh rualin min fawp leh chat a. Zanin zet zawng hmeichhe phûr thei, zauthau zet kiangah ka hun ka khawhral a ni ber e.

Ani lo hmeichhia ka mutpui fo tawh. Mahse, Remruatfeli zawng a danglam a ni. A hunah zak miah lovin min mamawhna a lantîr a, ka tâna a neih hlu ber min pe hi ka la awih thei lo hial zâwk! 'Lalpa, naute hmelṭha tâwk min pe rawh' tiin ṭawngṭai mah ila ka inthiam tho tho.

Duhthawh taka chêt tum pawh ni ila kan mutna hmunin zir hek lo le, kan inphen ve na ber ruah a sûr mai ta si lo nen atak ram dâi thleng turin duhthawh si, che uar ngam chiah si lo hian pumkhatah kan insiam ta a. A rûm hak ri chuan ka rual ngeiin a kal ve a ni tih min hriattîr lawi si.

"I rit lutuk ka thaw ṭha thei lo," chhuk tum lova a chungah ka la awm reng avangin a rawn ti chhuak hlawl a.

"Â hah! Phunchiar hun kan lo hawng ang," ka tih chuan ka mawngtamah a ṭhâm deuh salh a, chimawm thiam ve tlat.

Ani nen hi chuan lungawina famkim kan inpe tawn tlat a, ka duh hluah hluah tâ hi tumahin min dem ka ring lo. Ka duh thlâwt a ni.

"Zir, ka zun a chhuak.."

"Ka hruai dawn che nia, i hmai phih la, hâ nâwt bawk rawh aw, wine shop rim i nam," ka nui suk a.

"I châk ve vang a nih chu a.." a rawn ṭhu chhuak a, thawmhnaw eng mah kan la inbel lo. A âwm bâwr kawh lah leh a kâwng fêk te hi ka en kham lo chu a ni ber mai. "Tlêmin thil ei tam deuh rawh aw, i chêr ṭêp a nia.." a mutkawt hâktir paha ka tih chuan dâr a sân âk a. "Ka thau chuan 'up down' ka hnehsawh thei lo ang," a nui chhuak ta hak hak a.

"Hey, Hotel nilovin ka pa in a nih hi aw, bengchheng reng reng suh," a hmuiah ka hup sak a, a nuih a za telh telh bawk nen khumah ka bawhbet leh ta nge nge a, ka fâwp zui hmak.

"Hus! Min rûk i tum a ni lawm ni!" A la ti tak deuh deuhva, a ṭawng zawi duh ṭhak lo nia.

"Tum e. Mahse, khatia i ṭawng lâwng lâwng kha chuan inrûk hranpa a ngai hauh lo ang." Tia pawt thovin ka kuah ta vang vang a.

"Zun ka cheh ṭêp.."

"Thawmhnaw inbel tam vak duh suh, towel veng mai lâ.."

"Khawi min lo lâksak rawh," towel pe-in boxer ka inthawlh sawk sawk a, common bathroom kan pan dun ta a.

Nupa ni ta ila a nuam dâwn riauva ka'n hriat pek chu a..

Zinglam dar hnih apêl awrh chauhva Mafeli nen kan awm dun hi chuan kan mu tlêm deuh ziah. Kei hian ka ru tak tak dawn em maw ni, ka hreh reng reng lo. Inneih fel hnuah ka zirlai ka zawm mai anga, Aizawlah hnâ a nei thova keiin ka patea dawr pahnih ka enkawl tawh thung anga azia riauin ka ring.

Ka room-ah riah tumna ka nei tawh teuh lo mai, khuma kan mut leh hnuah, "In ru mai ang, naktuk hian Aizawlah phei ila," ka tih chuan za lutukin zuk nui a!

'I rilrua awm ang ang sawi tawp zel suh, ka nghâk thei che ka tih kha, i zirlai zo phawt la, a hmâ a ka lo sawi tawh ang khân i nun sawhnghet phawt rawh, hun rechang a awm em em ang," ka kâwngah min kuah a, a biang sa ham ham chuan ka hnungzâng a si chêt a, tuna kan awm dan anga awm reng mai hi a nia ka duh tawh ni.

"I kianga ka awm theih phawt chuan tun ai hian ka puitling hma zâwkin ka ring."

"Keimahah innghat suh, nangmah i nihna ang ngei khân dinchhuah tum la ka duh ber," ti sapin a hâm bái bái a, a mut a chhuak tawh tih hrilh hranpa ka ngai lo.

"Reilote muthilh tum la, ka lo vêng ang che." A sam fai sar chûl sak hauh hauh pahah ka tih chuan ka biangah a rawn fâwp zauh a, "Min kai tho hma dawn nia, exer lâk ka duh," tiin a maimitchhing ta a.

Min kuah chial chunga a muhil hmêl ka hmuh hian a lainatawm reuh, pasal tur ṭha deuh deuh a hmu ve ngeiin ka ring a; mahse, ngaihsak hmêl a pu der si lo.

Ka nuna hmeichhia ka tawn tawhah a danglam lawr lak a ni ber mai.

A phone a off lo a ni ngei ang, a vibrate leh ṭhin a, check ka châk riau pek a nih chu..

Pattern a dah miah lo chu mak ka tiru deuh hlek a, mahse ka lâwmthu tak a ni leh lawi si.

Whatsapp msg tlar thla dul chu ka en thuak thuak a, ka mit han la deuh eng teh chiam a awm lo. Mahse, 'Zirsangliana bialnu' tih a hnuai lama lo awm ka hmuh chuan mak ka ti hle mai. A han save dan kher kher chu!

Nutei number a ni tih pawh ka hre chawpchilh nghal.

#I lo lan ve aṭang hian kan inkâr a buai vek tih hria la, mi puitling i nih takzet chuan inthiarfihlim rawh. Nutei rawn thawn a ni!

Mafeli aia ka en hmasak zawk avangin ka delete hmiah a. Ani nen inzawm tumna ka neih tawh miau loh avangin Mafeli nen kan inkâr a chhiat ka duh tawh lo.

Ka hmu hmasa hlauh chu a vanneihthlak ka ti kher mai.

Ka kianga mu hmeichhia, induhtâwk ve tak hian a hmuh vaih chuan a nui dâwn miah lo tih ka chiang bal. Whatsapp tih vela nâwi mai mai mi a ni lo tih pawh ka hmuin ka hre bawk a, mipa dang nena an inbiak na ngat phei chu hmuh tur a awm lo hrim hrim, hmeichhe fair tak a ni tih ka hriat belhchhah bawk.

A rawn rûm ṭiah ṭiah a, a phone ka ken lai chu lukhamah ka hnawh lût leh ta a.

'I rinawmna ang neih ve tum hian ka beichhin khawp ang,' ka ti sup a.

Tunlai angah te chuan ani ang tân biak tur an tam lutuk tih mi â ber pawhin an hria ang chu maw le. Remruatfeli tâna mipa ṭha ber ni rih lo mahila zanin nunbul kan ṭan ṭhat leh aṭang hian atân nghet taka din ka tum bur tawh. Harsa-in hrehawm deuh mah se ka zirlai zawh phawt a, amah enkawltu nih zâwk ka tum a ni.

5:30 Am

"Mate, tho la..khua avâr tawh asin," a hmui bulah ka be mawlh mawlh a, zuk meng thei miah lova!

"Hey, exer lâk i tum lo em ni," mutchhuak lutuk tih hriat deuh hian a rawn meng a, "Dâr engzât nge?"

"A la hma, 5:30 ari chiah," ka chhâng fel chiah tihin ka nu aw ka hre ta thut mai! Rang lutuk hian Mafeli'n min kuai mu a, a hlauthawng hmêl ka hmuhin, ka kuah ta vat a.

"Mafel, Pu Liana te'n an be duh che a, i lo tho peih em?" Ka nu aw a ring ṭha bawk si a, ka va ngei mai mai tak.

"Chhâng mai rawh, kawngkhar ka kal vek tho alawm," a beng bulah ka ti sup a, Rizai-in kan inkhuh tlat bawk a, midangin ka ṭawng an hriat erawh ka ring hran lo.

"Aw, ka lo tho dawn min lo nghak rawh se," tia a chhân hnuah ka nu a kal kiang ve ta chauh a.

"Timing lo ve le, tho chhuak la, ka room-ah ka lo va insawn ang," ka tih chuan, "I room, ka room, tih reng ngaia awm hi ka ning," a'n ti ve ngei ah..

Mafeli chhuah hnu-ah kawngka zimtê-in ka hawng a, min hmuh hlau zetin ka room ka pan ve ta a.

Pu Liana ṭawng lawng lawng ri ka ngaithla reng a, muthilh chi ni nghal lo chuan. An vawk Til lâ turin a rawn ko lek niin. Û huh! Vety doctor kher kher han nih chu a peih hi ka'n tih khawp a, mi vawk in leh ran bâl deuh deuh thingtlâng khuaah chuan ala tam si a, ka peih loh zawng tak a ni.

"Zirsang, i bike ka lo hmang lawk ang chu.." ka pindanah a rawn lut a, a lo insiam peih diam tawh.

"Bungrua i keng em ni!?"

"Ka mamawh tur ka keng tel ziah alawm, hna thila zin ka ni tih i la theihnghilh loh chuan.." ka khumah a rawn ṭhu a, "Bungraw hawh intihfel vel chhungin ka lo lêt hman daih ang, khawi chahbi chu.." ati zui zat nia.

"Ka hruai i duh chuan ka hruai hreh lo che a nia."

"In lamah singsak fel tur ala tam êm mai ka phût ngam lo che," ka chhip sam buk deuh lai tuai zauh pah hian, "Kan inhmuh leh hmâ chuan lo mêt reng reng suh," tiin dawhkâna chahbi chu a la a, biak zui hman miah loh hian zu chhuak daih a.

Mi hriat lai chuan 'Zirsang/ Zirsanglian' tiin min ko lawl lawl zel a, kan pahnih chauhva kan awm erawhin 'Zir' ati awlsam mai ṭhin, a hmui nen a inrem bîk hliah hliahin ka'n hriat chu le.

After 3 hours

Kan bungraw hawh leh inhnuai ber eirawngbawlna atana kan siam chawp ho pawh kan tifel vek tawh a, Sâ leh chawhmeh ala bâng hnem bawk nen kan ṭhenawm hnaite kan suah diat diat hlawm a. Fatu-ho nise Lalfaka leh Zuala tih loh mihrang awm hek lo, an duhtâwk an insuah hmiah hmiah mai khâ a nia.

Sangpuia'n Sentei leh Ramtei chaw eiah a sawm leh a, an rawn ei ve bawk.

Mafeli a lo hâw lawk loh avangin hruai tura va kal ka tum a, "Nu, Mafeli ka va hruai lawk ang e.."

"A rawn thleng ve mai ang, Bike a keng daih sia engin nge i va hruai leh chuan anga.." atih chuan Bike a keng tih ka hrechhuak leh chiah. Pu Lawma te in hi a hlat deuh avangin kê-a kal chu peihawm loh ve tak a ni.

Châw min eisan vek tawh a, Mafeli ka la nghah avangin ka la ei lo a, ani lah chu a rawn haw har phian bawk nen tihtur hre lovin ka teikual sek a, a tawp atawpah ka phone ta ringawt a.

"Yes, ka lo haw dawn chiah.." zângkhai fê hian a rawn ti a, "Lo hruai che ka tum deuh thut thut a."

"Ka rawn chhuk nghal a nimai, ka dah aw.."

A va han ngaihtuahawm loh ve chiang tak. Min mamawh lo lutuk hi ka thin arim lek lek zâwk. Eng kimah a intodelh fai vek a ni ber mai. "Min lo hruai rawh," atih ve kan beisei deuh a nia, a teuh lo nasâ.

Lalfaka nen an rawn inphur thla a, a hmel hlim siah leh Lalfaka nui vur vur ka hmuh phei chuan ka thîk ringawt nia! Ang lo lutuk!

"Chaw eiah ka la nghâk che a nia.." a lo luh hma hmaa ka tih chuan a ding deuh chat a.

"Pu Lawma'n 'ei rawh' min ti tlat a, min siam kêp vek sia ka ei diam tawh." Ala ti zui a.

"Phone tala min rawn hrilh tur a nia, rilṭâm em emin ka lo nghâk ve che a," lâwm chiah lo hian ka ti deuh hmuk a.

"Sorry, Mate, min lo nghah ka ring lo a, ka ring lo tak tak.." inthiam loh hmêl tak hian ati sap a.

Tunah khân 'Mate' tiin min ko. Phakar ve chiang asin. Nakin lawkah 'Zirsanglian' tia min koh loh atâkah..

"I ei tawh miau chuan keimahin ka ei mai loh nâkah.." choka lamah ka phei nghal daih a, Arini chaw eisiam turin ka tîr nghal bawk a.

"Ka lo siam ang che, i rualin ka lo ei leh dawn nia," ka hnungah a rawn ding a, nuam ti lo hmêl a pu ve deuh.

"A ngai kher hleinem, ka ei vat vat anga kan lêng dawn nia.."

Ka chaw ei chhung zawng ka bulah a ṭhu ve tlat a, min be sek lo nâ a, a nuam riau.

Hmeichhe ṭawng tam a ni lem lo bawk nen a ngawi rauh rauh zel a, Arini bula a awm chuan a ri ve hluai zel thung.

"Insiam la, kan teichhuak mai mai dawn nia," ka tih chuan, "Ka châk lem lo khawp mai, ih..ka chau, ka luak a chhuak nghulh.." tui a in nghâl khawlh khawlh a.

"Nizanah thil ṭha lo i tih vang a nih kha, sim hmiah ang che, vawikhat pawh i ti leh a nih chuan ka nui tawh hauh lovang,"

"Yes, boss.." a nui a, ka nui duh miah lo thung.

Bike-in kan khaw ṭhenawmah ka lênpui ta a. Kawng tluanin a ṭawng ve teh mial! A naupan lai chanchin a sawi laiin ka hruai tumna hmun kan thleng ta a. Ramsanga te kuhva rah hmun thengthaw nuam zetah chuan reifê ka ṭhutpui ta a.

"Nau i lo pâi hlauh chuan a rang thei ang berin min lo hrilh dawn nia," a dârah kuahin a kuttin nail polish hnawih loh fai sar chu ka khâl nauh nauh a.

"Engtin nge i tih chuang ang.."

"Ka lokal nghâl anga i incheck up naah ka hruai ang che, ka duat dân tur che chu maw.."

"Sawi leh ṭan dâwn ta e, tunah duhthusam sawina hun Zirsangliana'n a lo nei leh ang.." atih chuan ka nui hawk a. A ṭawng dan kal hmang mak lutuk hi ka lâwm riau.

"Tikhân lo uang suh aw.."

"Nau pâi lam sawi nân chuan ala hma ê.."

"A hmâ vak hleinem han pâi ve tak tak ta la, Bike-ah ka'n phur che u anga.."

"Zirsang, i ho lutuk..Chennai-a i chhuk dâwn hunah Aizawl thleng thlah hrâm che ka tum dâwn nia."

"Ka phût ve chiang alawm. Car ken ka lo tum anga, bike in lo chho phawt la, kan inah i dah anga, chuan Aizawl aṭanga i lêt leh hunah car i khalh haw mai dawn alawm ka ngaihtuah fel vek tawh.."

"I duh chuan i fel ṭhin maw le, i zir chhuah hun ka nghâkhlel hle mai.." ati ta a.

Thlâ kan la nasa hle a, hmun hrang hrang ka fan kualpui chiam hnuah hâw a rawt ta a.

Zanin chauh awm dunna hun kan neih tawh avangin a kianga awm ka kham hlawl lo a ni ber.

Kan inpawhin inngaihzawnna lam kher lo pawh kan sawi dun thei zel a, a hla duhzawng a sawi phei chuan ka nui ka nui ve mai. Kan doctor hian Hip hop lam pawh a lo ngaina ve tlat!

Thil inhmeh lo tak a ni.

Kan in kan thlen meuh chuan chawhnu dâr hnih a ri dêr tawh a, inah tu vak mah an awm lo.

"Mafel, i hâw hun tur ka huphurh ngawih ngawih,"

"Kan inhmu leh thuai turah ngai ang, hrehawmna paltlang lo chuan nawmna a awm hmasa vek lo tih i hriat angai a nia," ati dam thlap a.

A va dik si êm!

Ka nu te lo haw laiin Bike ka sil a, Mafeli erawh a inbual thung. Kan chhung zinga mi ang maia ngaiin ka nu leh pa pa'wn an ko chhên a, thil a hre zauvin thiam loh lutuk a nei lo bawk nen kan ṭangkaipui hlê.

"Mafeli a awm em? Naktukah Lunglei kal ka tum a, ka rualin a chhuk ve duh tâkah ka ti deuh.." Lawmsangzela, vety-a thawk ve tho a ni a, hmân zana Mafeli beer leh whisky pawlh saktu khâ a ni.

"A inbual a, lo nghâk rawh amah nen inbe r'u.." ka pa-in a chhân avangin ka ngawi reng a.

Lawmsangzela ruala a kal ai chuan ka thlah leh mai ang. Hepa hnaihah hian awmtîr ka tum lo nasâ.

Aizawlah pawh an inhrawn hrep tawh tih Lawmsanga sawi ka hria a, he mihring hi ka ngaina dâwn miah lo.

Mafeli a sâwm hmâ ngeia ka chêt a ngai tihna a nia...

©<++++[BeckirafARenthleI]++++>®

15.RAPSAGY

Becky Rafa Renthlei

Chapter-15

Zirsangliana

Lawmsangzela a ṭhut ve reng avangin Bike ka sil zawm duh bik ṭhak nâng. Mafeli hi a duh tih ka hre ve kar a, mipa rilru te zawng mipa vêk hian kan hrechiang chiang ber mai.

"Lawmsang," engtikah maw chhuk i tum? Tia ka zawh chuan, "Naktuk zingah a nia, pi ber phurh te pawh kan châk ve alawm le.." tiin a nui suk a.

"Ehe! I lo lêng elaw!" Bathroom aṭangin Mafeli a lo chhuak ve chiah a, bathrobe senno hâin towel-in a lû a tuam bawk a, taksa lang tam a inbel lo hlauh.

"Nia, naktuk hian Lungleiah chhuk ka tum a, i lokal ve duh tâkin ka ti maw le.." chîk zeta a en chu ka hmuh hmaih teuh lo.

"A va tihzia dawn ve, naktuka chhuk ka lo tum ve tho a.." Mafeli'n atih chuan, "Inthlâk fel phawt la chumi hnuah insawi ṭha leh dawn nia," ka mitmeiin room-a kal turin ka hrilh a.

"Ok, Lawmsang, lo ṭhu rawh aw, kan inthlâk lawk ang e," ati ṭha ve mai a. Room-a a luh hnu lawkah ka zui lût ve hmiah. Ka pa nen lo inkâwm mai mai rawh se.

"Hey, Lawmsanga rualin chhuk i tum tak tak em ni?" A khumah ka ṭhu thla a, lotion a inhnawih mawlh mawlh lai dahin min en deuh vang vang phawt a, chutah, "A remchâng i ti lo em ni, a hrana motor danga kal leh ai te chuan hmelhriatsa nena chhuk te chu a nuam zawk ang ka ti."

"A ngai lo, keiman ka thlah ang che," ka ti deuh nghut a.

"Ka ngaihtuahawm hleinem, kan thawhpui ani satliah ringawt a, eng mah ngaihṭhat lohna tur a awm lo."

"A ngai lo ka tih chuan a ngai lo a nimai, min hnial lo mai rawh. Hmanni ah pawh amah nen anih kha zû in in..!"

"Awi! Zirsanglian min puh chhe em mai, amah nen chauh kan in lo tih i hriat ve vek kha min sawi kawp ṭâlh tum suh," tih pahin a inthlâk mawlh mawlh a, ka awm leh awm loh a pawisa tehchiam lo a nih hmel.

"A ruala i kal ai chuan ka thlah ang che, sawi nawn ka tum tawh lo a nia, Lawmsanga chu hrilh rawh, ka lo ṭawng ve a mawi lo." Tiin ka chhuahsan daih a.

Mipa dang nena zinkawng zawh dun tur anga ka ngaihtuah ringawt pawh hian ka chhûngril a che tlat! Amah ka ringhlel tihna nilovin Lawmsanga rilru ka hriat vang zawk a ni. Hmeichhe care a thiam ropui si.

Chumi hnu chuan Mafeli'n Lawmsanga hnenah, "Ka hmanhmawh lutuk lo a, ka nauvin min rawn hruai dawn a nih chu, ka lawm reng reng e min lo ngaihven a," atih chuan ka thaw huai. A nau Bawiha'n a lo hruai tak tak dawn lo tih ka hre ve kar a, ka hming sawi lan kher a duh lo te pawh a ni mahna..

"I number ngai kha i la hman chuan ka lo bia ang che, chaw te pawh ka rawn ei duh mai thei a nia," Lawmsanga fiamthu chuan ka nuih pawh a ti za lo Hemite pahnih hi an lo inpawh ru viau zawk em ni ang!?

 ka ring chiah lo.

Veranda thleng Mafeli'n a thlah chuan ṭul lo ka ti khawp a, mahse, eng emaw hleka ṭeu hlur nih ka duh loh avangin ka ngawi ta zâwk a.

Ka nu leh pa'n Mafeli haw tur chu an ui hle a, Arini phei chuan 'U Mafeli Aizawla a awm hunah ka zin ve ang' alo ti ve sek a, kan chhungkua ami ang maiin an ngaina tih ka hriat hian ka thlang sual lo tih ka hria.

Ka nu leh pa hian sawrkâr hnathawk kher an êm lo. Nungchang zawk a ni an en. Kan inkâr hre vek lo mah se eng emaw chenah an man thiam ve-in ka ring a, min khak miah loh danah min duhpui tih ka hrethiam vek bawk. Lungleia ka kala zû ka in bâk kha ka in leh tawh lo bawk.

Zanah pawh khawihah mah kan teichhuak lova, Arini'n a mithmul a pawh sak lai chu hmuhnawm ti zet hian ka lo en a, sam kan 'steam' dawn an la ti tak deuh deuh va!

"Mama, u Mafeli i thlah dâwn em ni?" Ka nauvin min zawh chuan, "Thlah ka ngai lovang Bawiha a lo chho dâwn," Mafeli'n min lo chhân khalh a, a nau a lo chah tak tak anih chu!

"Ka thlah ang che ka tih khâ, Bawiha chu hrilh leh rawh,"

"A lokal châk ve alawm, Arini nen inhmu ve rawh se," tiin a nui var var a, kan nauvi a lo phûr nasâ.

Sam an steam zawh meuh chuan a tlai duai tawh a, ka nu leh pa an mutna arei tawh a, tun bâk kan inhmu leh lawk dawn si lova huphurh taktêin a nia ka huphurh ni.

Ka la inbual ve loh avangin bathroom-ah ka luhsan ta a.

A bula mut ka tum tlat avangin fai sersawra inbual ka mamawh viau a ni.

"Zir, Nutei'n a lo call a, i inbual thu ka hrilh a nia," bathroom ka chhuahsan veleh Mafeli'n min lo hrilh nghal a, Lalsawmthangi hian engvanga min lo la call fo nge maw a nih le!

"Eng nge i lo chhân kher a, off ve mai tur alawm," ka phone min pêk a tum chuan lâk pawh ka la duh lova.

"A number i save tawh si lova, a hmâa a lo call na kha ni hek lo, amah a ni tih ka hre hleinem," nuam lo tih hmêl taka atih tâkah chuan a thiam loh a ni bik lo tiin ka ngaihtuah leh vat a.

Ka phone a rawn ri leh a amah tho a ni. Ka hmet busy zel a, vawi ruk ngawt a rawn tih nawn sek tâkah chuan, "Zir, chhâng mai rawh ka thinrim hleinem, damlohna te pawh thil awm thei a nia a hrisel loh êm kha," ati sap a.

"Lokal rawh, room-ah kan pahniha hriat theih turin ka bia ang," ka ti deuh ngat a.

A ho lutuk, ka ring che alawm, eng mah thinrimna ka nei lo, a nihna takah chuan inṭhen tâk avanga inhuat zui tur a ni lova, puitling tak rilru pu-a thu pangngai sawi te chu a thiang vek, vêngkhat in ni lehnghal," dam thlapa tiin, "I thawmhnaw va ha rawh, TV ka lo en ang, i chhe têng tûng ropui si.." a nui zui hak hak a.

"Min ît a nih mai chu.." ka nui suk a.

"Ît tehnâng aw, ngaiah ka nei titih dêr a nia,"

"Remruatfel, daw lo mai rawh sexy min ti.." ner sak chungin, "Hus!" tih bâk a sawi lo.

Inthlâk turin ka kalsan ta a, Nutei'n min lo call leh chiah bawk.

"Sawi rawh.." ka ti nghal tawp a.

"Mâm, vawikhat chauh hun min pe leh rawh, ka thiam loh ka tih tawh kha, englo..tun thla hian ka period miah lo a nia.." atih chuan ka phu zawk mai.

"I intest em?"

"Aih la test lo, ka âwl ve hrim hrim dawn pawh a ni maithei a, naktukah test kit min lo lei rawh aw, ka lei ngam si lo a, hriat thuai i duh ve thovang ti raw.." zawi tê hian ati a, ka thluak a buai map mai le!

"Tirh tur zawng mai rawh, ka lei kher nachhan tur ka hre lo. Kan awm dan engkim i hre vek a, râi thei i ni tih pawh i inhria chuti chung chuan engah mah min ngai lo a, a chan chhe zawk tur ngaihtuah thiam turin i upa zâwk bawk.." ka ti deuh fawk a.

"Doctor nu nen khân in inkawp tak tak em ni? Amah ka lo be ve ang aw.." zuk ti a!

"Lalsawmthang, i biak a ṭûlna ka hre lo, Mafeli hi han tibuai vaih teh, i msg thawn te kha ka hmu lo emaw i ti ang e, tiang em em i nih ka ring lo asin.." Duh aiin ka awkí a sâng hrat.

"Mâm, engpawi mah ka sawi lovang, eng emaw ka zâwt ringawt anga i duh chuan i ngaithla ve thei tho alawm," ala ti ṭâng ṭâng nia!

"A theih loh ka dah dâwn, inbiak nachhan tur innei lo," ka sawi zawh rualin ka bula ding Mafeli ka hmu ve chauh a.

"Min be duh em ni? Khawi ka lo bia ang." Ati sap a.

"Ho lutuk, biak biak angai lo.."

"Zirsang, naupangchhia kan nih loh hi, i awm ve reng laiin alawm ka biak dawn.." ka phone ken lai min chhuhsak a, 'Inbe suh u' pawh ti ila tun hunah kher hi chuan ka thû a zawm ka ring lo.

#Hello, keimah Mafeli.. hmui phunin, loudspeaker-ah dah rawh ka ti a.

#E, Mafel, Mâma nen khân inni ve tak tak em ni?

#Eng atan nge i tih?

#Ka tân hriat a pawimawh lutuka dik taka min hrilh theih chuan..

#Kan ni tunge ti? Mafeli ṭawng dan chu mak ka ti hlê a, zawhna ngawt zuk zâwt a!

"Miin an sawi a, kan vengah te chuan Mama chanchin a chhe lam pawh a ṭha lam pawh nise an sawi peih alawm.

#Miin an sawi tih mai maia innghat lo khân nangmah ngeiin finfiah ta che, tunah pawh an inah ka awm a, i hre duh tak tak a nih chuan phone hmang kher lovin lokal mai la, mi sawi apiang i awih chuan tunen pawh inkawp u la, engtikah mah in nghet ngai lovang.

# Kan chungchang i hriat vek kha, thudik sawi mai rawh.

#Ka sawi lo phawt mai ang, thudik zawng chhuak la ti nia. Tia Mafeli'n a chhân chuan Nutei'n phone a off hmak a. Ka lo nui suk.

"Kan inngaizawng ti ve mai ta che," tiin ka kuah a.

"Ka ti awm lo em emai, a lo hriat ve vek a ṭulna ka hre lo." Ati hmak a. Thinrim a tum ringawt em maw ni!

"Nangmah ngeiin i sawi chuan azia deuh kan ring maw le."

"Ho em mai, nula senior ve si, 'Miin an ti' tih mai maia buai ka ngaih dan a ni lo." Ati hmak a.

"Sawi tawh lovang, Nutei vanga inhnial ka peih lo, mu daih ang," tiin a room lam panin ka nawr kal dat dat a, lungawi anga lan tum mah se a lâwm chiah lo tih ka hre reng.

Nutei a period lohva a râi vaih chuan kei hi ka che chhe vek dâwn tih ka hria, vantlâng hriata inkawp kan ni a, Mafeli lah chutiang dinhmuna ding thei a ni bawk si, ka ngaihtuahna a kal thui ngei mai.

Ngawirengin khumah kan mu a, zan dang anga phûrna pawh ka nei lo. Rilru a vâk kual zut zut a, chutiang tho chuan Mafeli pawh a awm ka ring. Kan hlim ve dâwn chauhva buaina neuh neuh a awm zel hi ka thâw a ipik.

"Zir, Nutei nen vawi eng zat nge in chêtsual tawh?" Ka lam hawiin a rawn inher a, a hmêl dam thlap chuan eng nge a ngaihtuah tih rin dan pawh ka nei thiam lo.

"Eng atân? Sawi tawh lo ang ka tih khâ.."

"Hun liam tawh ami a ni a, sawi ve mai ta che, 'Kan chesual lo' tiin dâwt min hrilh tum miah suh" ati zui zat a.

"I rilru a nâ ang," ka tih chuan, "Nat vak ngaihna a awm hleinem kan inhriat hmâ thil a nia; mahse, tun thlenga nau a pâi lo hi mak ka ti. In duh lo nge, engvang nge!?" Tiin min zâwt sek a.

Ni e, Nuteiin nen kan mudun fova, invênna ka hmang ngai lo. A hun lai khân ka duhin ka hmangaih em em a, nupui atân neih hial ka tum ṭhin khâ a nia, a hrisel loh êm avangin nau apâi thei lo angah ka lo ngai mai ṭhin a, treatment ala nasa thei bawk nen ka lo dîlchhût ngai lêm hlei lova, Mafeli'n min zawh tâkah chuan chhân mai dan tur ka haihchham tlat.

"In chesual ngun tawh lutuka a zât i hre meuh tawh nange?" Tiin dik deuh hian min zâwt a.

"Hetiang lam sawi a ṭûlna ka hre lo, muhil rawh naktukah i chau lutuk ang,"

"Zirsang, hmeichhia ka ni a, kha leh chen inzui tawh induh em em si hi engvanga inṭhen chiang em em nge in nih? Ani khân tlâwm zâwk chan changin 'min ngaidam rawh' ati lawm lawm lovem ni? Vawikhat chiah inngaihtuah leh la.." dam thlapin a ti a.

"Eng nge maw le, 'inngaihtuah rawh' min tih sek a, ka thlang tawh che a, Nutei nen kan inkâr sawifel tumna ka nei lo, nang hian min hnâwl dan ngawt ngaihtuah suh," ka thin a chhe hlur tawh.

"In pahnih hmakhua ka ngaih vang a nia, a la duh ve ngawih ngawih che a, a hmain zû i lo in ve ṭhin bawk nen hmeichhe lama a rinhlelhna chhan che pawh i hmelṭha a, thîkthu a pe chhe deuh tihna mai a ni. Kei chu min ngaihtuah suh, Nutei nen in inbe rem thei ngang lova ka hnêna lokir i duh chuan ka lo nghâk ang che. Chance vawikhat chauh pe leh lâ.." Remruatfeli rilru tluang purh mai hi amah ka duhna tizualtu a ni.

"Ka thei tawh lo, ngawi tawh rawh.." tih chiah ka sawi a, "Ka ngawi thei lo, ka duh che tih i hria a, inṭhen ta ni ila ka rilru a na ve ngei pawhin ka ring; mahse, mahni chanah ka indah chhin a, Nutei hi ka khawngaih a ni." Ati ta a. Rilru siam dan pawh ka hre tawh lo. Ka thin a ur hluah hluah.

Naktukah min hawsan dâwn a, zanin te chu hlim takin hun kan hmang ve ang chu tih laiiin Lalsawmthangi vang bawk hian kan boruak a chhe vek chu a nih hi..

"Ngawi hmiah rawh, eng mah sawi tawh suh ang che, ka duh chu ka duh a nimai, mahni bialpa midang hnêna kîr tura duh tlat hmeichhia ka hre ngai lo ve." Ka ti nghut a..

"Ka sawi dan i man thiam lo a nih kha, inrem leh..."

"Mafel, khawngaihin ngawi tawh rawh." Tiin lehlam ka hawi san ta a.

Ka thinlung hian kîr leh duhna a nei hlawl lo. Mahse, lo râi ta se nupuia ka nei lo a nih chuan kan chhungkaw mualphona a ni dâwn si. Nun nghet nei tura rilru siam tum vek tawh khâ ka nia, Mafeli kalsanin Nutei hnena lêt ka duh si lo.

Nutei râi lo tura min ṭawngṭaipui tur ka va'n duh tak!

Ngâwi tura ka hrilh aṭang khân a ṭawng tawh miah lova, ka sîrah ngawirenga mu-in ngun deuhva thil ngaihtuah hmêl a pu in ka hria.

Kei paw'n sawi tur ka hre lo kher mai.

"Mafel.."

"Umn.." a che eih lo nia.

"Ka kalsan thei lo che, Nutei chungchâng chu duhtawk ang aw, hmeichhia i nih vangin i lainat tih ka hria, ka thusawi tur hi ngun takin ngaithla la i hrethiamin ka ring." Ka ngawi leh deuh vang vang a, chutah..

"Kan inṭhen hlim kha i lo zin lai a ni tih i hre ve thovin ka ring a, i mizia leh nunphung hian min cho êm a; tin, min fuihna thu ṭha tak tak te kha pakhat mah ka theihnghilh lo. Chutih rual erawh chuan Nutei vangin ka rilru a nâ a, amah theihnghilh inbeiseiin nang nen kan inkawp ta a nih kha.." ka sawi zawh hmâin a khuh kharh a.

"Sawi zawm rawh.." tih pah hian ka mitah min en tlat nia!

"Vawi eng emaw zât kan inṭhenin kan ni leh zêl a, kei chuan vawikhat mah ka la ṭhen chhin lo. Amah zel zâwkin min ṭhen a, zû ka in ṭhin ngei mai; mahse, ka lerh san ngai hek lo, keimah hian kan inṭhen pawhin ka be lui zel bawk; tun ṭum erawh i lo lân tâk avangin vawikhat tê mah ka be lo a, kan pahnih chungchâng mi sawi a hre leh bawk nen a ngaingam leh si lo a nih hi, chuvangin ngaih khatah ngai la, kan inkâr tih chhiat phah nan hmang lovang." Ka ti duah a.

In sawifiah ka tumna lutukah ka ṭawng kual hrep a ni ringawt alawm le, hmeichhe dang anga namnûl theih ni ve hek lo. A hriat duh a hriat hmâ chuan min zâwt nawn sek dawn tih ka chiang ve tlat.

"Mipa-in thutlûkna nghet i siam a nih chuan keia dan rual ni hek lo le, muhil ang aw.." tiin a chhing zui daih a, biak zui pawh ka tum bik lo.

A muhil nge muhil lo tih pawh ka hriat si loh.

11:45

Remruatfeli

Zirsanga thusawi khân ka rilru a luah reng a, Nutei huat ka tum viau nâ a ka thei lo. Keimah ang tho hian Zirsanga a duh ve tak tak a nih chuan a ṭhen hlen phal miahin ka ring bawk lo.

Ka suangtuahna rama ka chên lai chuan, "Mâm, in muhil tawh em?" Ka room pâwn lama Arini ṭawng ri ka hriat chuan ka meng vat a. A û ka kiangah a mu ve tih a hria tih ka hriatin ka zak ru viau. Mahse, zahin awmzia nei hek lo le.

"Mâm.." zawitêa atih leh tâkah chuan Zirsanga a tho ta nge nge a, ala muhil bik lo tihna a nia. Ka muhilah a ngai a ni maithei ka che duh miah lo a.

"Eng atan nge min tih, ka nu te iti harh anga sin,"

"Nutei'n min lo call reng a, a ṭap a, i û leh Mafeli kha an ingaizâwng tak tak em min hrilh rawh ati a, Mâm, engtin nge ka chhân ang?" An unau inbiakna chu ka ngaihthla ve reng a, Nutei ka khawngaih takzet. Mahse, a mipain rilru a sawhsawn duh tlat loh chuan tihngaihna ka hre bik si lo.

"Arin, a lo call leh che chuan 'Eng mah ka hre lo i duh chuan u Mafeli zâwt rawh, Mama be tawh suh i lakah a lungawi miah lo a nia i ti dawn nia' " Zirsanga'n atih chuan a rilru a kîr hlê a nih ka ring ve tawp a.

Arini nen choka lama an inzui phei lai pawh chuan ka la che chhuak chuang lo.

Whatsapp aṭangin Nutei biak ka tum ta a. Kei hian Zirsanga hi ṭhen ka duh a ni lo. Mahse, ka thinlung hian eng emaw tak fel lo awma hriatna a nei tlat a, biak leh ngei ka duh a ni.

#Midang zâwt buai lovin inbia ila aṭha ang, Remruatfeli ka ni e. Tih tawpin msg ka thawn a.

Min chhâng dawn tawh lo emaw ka tih hnuah, #Tehreng mai naktuk zingah ka lo call dawn che nia, an inah khân ka kal ngai loh avangin tuna lokal thut chu ka tân a nuam lo a, min hrethiam dawn nia.

#Ok, tui deuhvin mu rawh aw. Te chu ka'n tikhawmâwi ve bawk a.

Inbiaka chipchiar deuh taka hrilh fiah ka duh a ni.

Mipa rilru lêt tawh ko kîr leh tur chuan Nutei hian hmanrua a neih ngei angai ang. Mahse, kei hian Zirsangliana thlah ngai mah se a nun a hlim a, chhungkaw ngêlnghet a dinna tur a nih phawt chuan keimah kher ka nih a ngai lo. 'Midang tân ka phal lo' tih bur chi ninghal lo chuan..

Arini ka hmaizah ru angreng viau a, zantina ka kianga mu a û nen kan inkâr a hre vek tihna a nia. Mihring pangngai nih ve bawk si chuan thil mawi tak a ni miah lo. A mawi lo takzet.

Khumah ka mu meng renga Zirsanga a lo la mu leh lova Arini nen eng emaw ka hriat ve loh tur an sawi te pawh a ni mahna..

6:15 Am

Ka phone riin ka mutui lai min kâi harh a, Zirsanga'n min lo kuah chial a, a bawp sei zet leh khauh ṭanga min khanna chu a lum vung vung thei nia!

Nizanah a lo mut lai ka hre tawh miah lova an mengrei viau a nih loh chuan ka muhil nghal tihna a ni ngei ang.

A kutin ka âwmbâwr a dek rân a, dimtêa dah sawn sakin ka phone lukham hnuaia ka dah chu ka dap ta a, tun ang huna min call tur chu ka chhungte emaw Nutei anni ngei ang.

Ka ring dik chiah Bawiha'n min lo call a lo ni a, call back ka tum lai takin Nutei call a lo lût ve nghal bawk. Zîng tih takah bei hmâ fia fia khawp mai.

"Mafel.." phone ka pick rualin a rawn ti nghal a.

"Yes, sawi rawh le.."

"Eng lo a nia, Mama nena damchhunga inṭhen hlen tur chuan ka ngaingam lo a ni, khawngaihin ka hnêna lokir turin hrilh hrâm teh, i thusawi a zâwm deuh zawkin ka hria a, zû a in tawh lo tih ka hriat te khân ka lawm asin. I hnena kaltîr tumin rilru pawh ka siam a; mahse, ka thei ngang lo.." a rawn ti tlang tawp a!

"Keia thû a ni lova, in inkâr chu nangmahni chinfel tur a ni, 'lêt leh rawh' tiin hrilh chamchî mah ila a rilru a thlâk duh si loh chuan engtin nge ka tih chuan ang, amaherawh chu ama hnen aṭang nilovin in chungchâng ka hre nual a, nangpawh insiam ṭhat i ngai dâwn a nia.." ka tih chuan a thaw chhuak halh a.

"Nia, ka thiam loh a ni. Midang neih tuma rilru ka pêk dâwn pawhin ka thei ngang si lova tlâwm leh zah pawh sawi lova i hnena sawi ṭha a ka hriat vang a nia.."

Chhân leh ka tum lai takin Zirsanga a rawn meng hlawl a, kal sawn nachang ka lo hre lo chu â ka inti kher mai. Rawn ṭhu chhuakin rum lutuka min melh hnuah ka phone min chhuhsak ta a.

"Remruatfel, eng ang pawhin min sawirem tumin ṭan la mah la ka lêt chuang lovang, min hnâwl duh tih ka hriat phah bawk a, ka tibuai tawh lovang che." Ati hmuk a.

"Zir, hriatthiam tum ve la, inbe leh chhin phawt u la chuta a theih ta ngang lo a nih chuan ka hnenah i lo kîr dâwn nia, inthusawi inngaihthlâksak tawn phawt ula a ṭha ka ti."

"Khawi, kan call back ang e, ka kiangah i mu ve tih a hriat kher i duh loh chuan lo ṭawng tawh suh ang che. Vawikhat chauh ka thusawi min zawm sak la a bâkah ka inrawlh tawh lovang." Ka ti leh a.

Ngawirenga phone min pe lêtin a tho zui nghâl a, dan pawh ka tum bik lo.

Nutei ka call leh ta a, a lo pick rang kher mai. Dâwt vâra ka inphat mar hnuah kan thusawi lai kan zawm leh ta a.

"Nute, tlâwm takin ngaihdam dil la, kan inbiak zawh hian ka phone aṭangin i be ve dawn nia." Ka tih chuan, "I lo puitling hlê mai, kei ai chuan Mama tân i lo ṭha zâwk a nih hi, hlim taka in awm theih nân duhsakna ka hlân a che u.." zuk ti daih a.

"Chutiang lo sawi rih suh, min lo biak chhan ang tak hian vawikhat inbe leh rawh u, i thil leisak ho te pawh 'min lo thawn lêt rawh' te i ti a, khatiang kha thil nih dan tur a ni lo. In inkawp laia i pêk a ni a, atân a zahthlâk ve dawn asin! I pêk tawh miau chuan la lêt ta la eng atan nge i tih chuan anga, nidangah chuan amah ani emaw midang pawh nise ti tawh ngai suh aw, i zahawmna a chhe vek thei a nia,' dam thlapin ka ti ve ta a.

"Nia, a hunlai khân a rûi reng zel bawk nen Chennai-ah ngaihzawng a nei tih vel te a ri reng a, ka thinrim rilru nâ ṭawng a nih kha, pawi ka ti lutuk," ati ve a. A dikin ka ring.

"Tikhan in pahnihin sawi ṭha ula tlâwm zâwk awm lo hian inrem a har a nia, Zirsanga chu kan ko ang e lo la dah suh aw.." Ka sawi zawh rualin ko tur chuan ka tho chhuak ve ta a.

Ka phone erawh off lovin khumah ka dah thung a.

Zirsanga lo ṭhu tûm bur chu kovin inbe turin ka ti ta a, a thinrim hmêl kher mai. 'Vawikhat chauh, a bâk ka ngen lovang che' ngen taktê a ka ngen avangin ngawi hmak chung hian min zui ta a. Phone ka pêk chuan a la ve mai bawk.

"Sawi la.." ati nghut a. An ṭawng hriat ve kher ka tân a ngai lo. Bathroom lamah inphihfai turin ka kalsan ta a.

Kei hian ka ti lutuk em ka hre chiah lo. Mahse, engkima fihlim vek duh mi ka ni a, kan hmâah eng harsatna nge kan tawh dâwn tih ka hriat tlat loh avangin, 'Theihtâwp chhuahin in inrem leh theih nân hmâ ka la lovem ni' tia sawi tur neih ve ka duh tepawh a ni ang chu.

Ka room-a ka luh leh chuan an lo la inbia a, lungawi hmêl ala pu ta lo fo.

"Inbe leh rawh u.." tiin phone min pe leh chhâwng a, a ngaihna ka hre dêr lo.

"Mafel, engang pawhin sawi tam mah ila a rilru a sawhsawn duh lo. Hlim taka a awm theih nân ka thlah angai a ni hi, ka tih dik loh hmasak a ni a, aman ka têl chu a ni e, ka hmangaih tak tak em chu ka hre lo nâin.." inhnît hraih chunga atih chuan ka sa zak.

"Kha leh chen in inkawp a, i hmangaih leh hmangaih loh i hre lo a maw..!?" Duh aia ka'n vîn tâk chu le.

"Â ka hrethiam teh nuai tawh lo e a.." tiin a thaw leh hak a.

Kan inbiak zawh hnuah Zirsanga a lokal a, "Min kalsan hi i châk zek zek a ni tiraw!?" A thinrim hmêl hmuh a hrehawm angreng.

"Sawi nawn tawh lovang, in pahniha inbiakna hun ka siam sak che u a, nakinah dem ka kâi lohna turin ka intlawh khalh ve a nih kha," ka ti ve mai a.

"A nih Nutei hnenah kîr ila i na dâwn lo em ni?" Tia min zawh chuan, "I kîr dawn lo tih ka hria alawm, ka ring tâwk che. Mahse, in inkâra tlazep nih ka duh loh avangin felfai taka awm ka duh mai a nia.."

"Remruatfel, i thluak hi a khat ṭha bîk ngawt mai! Kei chuan mipa dang ka biaktîr ve dâwn hauh lo che a nia," khumah a rawn ṭhu thla a, ka khabe-ah dawmin, "Ka kalsan che ring ngai suh, ka ta i ni.." min fâwp dâwn tih ka chian êm avangin ka lo maimitchhîng sa a.

"In la confi mah mah, ka fâwp leh dâwn lo che," tiin a nui hawk a, ka meng chhuak rang ngei mai.

"Zirsanglian misual.." nui hawk hawk chungin ka hmui a hup a, "Bengchhen loh tur aw, ka chhungte hian an beng an hup miah lo a nia," a kut lasawnin min fâwp ta nge nge a, ka lo chhâng ṭha kher mai.

Tunah chuan engkim hnuaiah ka hriatpuina thlapin kan inkâr a fel ta. Nutei tân sawi leh tur a awm tawh hek lo a, ka thlâ a muang ta huai mai.

Ka tana mipa rintlâk leh inghahna ngam a nih ngei theih nân theihtâwp chhuah chiah ka hmabâk ta e.

Zirsangliana nge nge, mipa dik tak a lo ni e, hnunglam hawikîr lo tura thunun tumin ṭan ka khawh ve thei ta.

Duhthawh leh chintâwk nei lova kan infawh hnu chuan kan inthlah ve ta ṭâwk a.

"I taksa-in min kalsan mah se hetah hian ka awm reng ang," ka thin zâwn khawih paha titu Zirsangliana âwm nghengin ka bei ta thlap a....

<++++[BeckirafARenthleI]++++>®

16.RAPSAGY

Becky Rafa Renthlei

Chapter-16

Remruatfeli

9:30Am

Min lo hruai tura Bawiha a lo thlen meuh chuan zinglam dâr sawm a hnai kuar tawh a. Zirsanga'n Arini nen a inhmêlhriattîr deuh ngei a, Arini lâi hmêl chuan ka nuih ati za hlê mai.

"Mate, Maengi lokal ve a tum a, ka phal ta lo a nih kha." Bawiha'n Arini kut ala vuan reng a, anpahnihin an lâi vel em maw ni!?

"I hruai lo fuh a nih chu, Arin, i nu leh pa ka dîl ang a, zankhat riakin lokal ve ta che.." ka tih chuan a zak ringawt nia!

Henu thawveng zet hi tun hunah kher chuan a sen awp awp a, ka nau Remruatpuia pawh zuk en ṭha ngam lova!

"U Mafel, a chawpchilh em mai, Mama kal zawk rawh se," ati ngawt pek a, kan nui vek.

"Hey, ka bula awm châk viau si, i û i sawi leh daih a.."

"Englo, ka inring lâwk lo em mai, nidangah nimai rawh se," tiin ka nau a melh zawk a, Bawiha erawh mipa zâwk ani bawk a, Arini lâi hmêl chu a hre lo der hmiah.

Pa Hriata leh nu Zuali pawhin Bawiha an be ve nghal bawrh bawrh a, Zirsanga nen zû an inrûk khâ ka sawi dâwn em maw ni le!

Kan hawna tur ala hla ve bawk nen khawmuan vak khâ thil tihchi a nih loh avangin, "Zir, kan chhuk nghal deuh mai ang, ka bag min lo lâksak la.."

"Ala hmâ em mai, mahni in lam pan tur lehnghal hmanhmawh vut vut angai em ni?" Nichin deuh aṭang tawh khân ka haw tur a huphurh tih a sawi chamchî a, ka khawngaih ve angreng viau.

"Khaw chin hriat a ni lova bâkah Bawiha nen kan awm loh chuan an khua a har lutuk ang, Muantei a haw lai a nia," ka pindanah ka lût nghal a, Zirsanga'n min zui lût leh hmiah tawh.

"Mama chuan u Mafeli hi a nupui emaw ati tlat tawha azui kâwi reng mai," Arini ṭawng lâng lâng ka hre pha reng a, Zirsanga erawhin engah mah ngai lo tih hriat deuh hian mitko a sân âwk chauh a ni.

"I chhukthla anih pawhin tuna i awm ang chiah hian keimahah rinna nghat ngam ang che, keiin ka ring tlat che hian," ka kâwngah kuahin hnai set sawtah min en a, a mitmeng lian lam fiah kâk hi a mawi danglam hlê a ni tih ka hre ve chiah.

"Ka ring che alawm, ruihtheihthilah inhnamhawih suh la, i rilru nat châng leh khawhar ngawih ngawih hun te pawh ala awm ang, chûng hunah chuan zû in te kha i lo tum ngawt ange, in châkna rilru i put apiangin min hrechhuak la, inthunun ang che." A nghâwngah kuahin ka kuai kûn a, duhthawh leh lungchim tak hian kan infâwp ta vawng vawng a.

"Fel, ka ngai ngawt ang che, i tello chuan kan inchhung hi a ho zo vek ka tih tawh kha, in inah chuan ka sûlhnu chhui tur atlêm a; mahse, hetah chuan hawina lam apiangah i hmêl alang zêl ṭhin." A thaw hawk a, alamah min kuah hnai leh sawtin, "Kan nautê tur a awm ngei theih nân vawithum tal nikhatah dîl ve ṭhin ang che aw.." a nui zui suk a.

"Tehreng mai, a pa a chhun chuan a hmelṭha ngawt ang.."

"A nu a chhun pawhin a hmelṭhain a bright hle anga, a rilru pawh a ṭha tel ang." Ka chala fawp zauh pahin ati leh a, min duh ngei a ni tih ka chiang tawh êm a, amah duat leh ngaihsak, a hlimna tur a nih phawt chuan kei hi ka inhuam thui hlê a ni.

Motor-a kan ṭhut vek hnuah Sangpuia takngial pawhin min rawn thlah ve a, Bawiha nen phone number an inpêk hnuah inngai leh inthlahlel ru takin kan tlân chhuak ta a.

Zirsanga awm loh laiin, "Mafel, Mama chanchin tharlâm rawn hrilh zel che kan tum dawn nia, i pa Hriata hian i kutah a dah hlâwm tawp mai si a, kan ṭanrual angai a nia.." Nu Zuali'n ati kha a nia, ka pawm zâwng tak a ni.

Inngaihzawnna chungchângah nu leh pa hriatpuina thlap hi a lo nuam ber a ni e.

Arini leh Bawiha pawh an in be ve bawrh bawrh a, kum inthlau lutuk anni lo bawk nen an lungrual dun phian mai thei asin.

Zirsangliana.

Mafeli haw thlâk aṭangin kârkhat aliam tawh a, ka nu leh pa hian an lo ngâi ber a nih dâwn hi, engpawh sawi se 'Mafeli' anti reng ringawt a, Arini pawh a bâng chuang lo. Sangpuia erawhin a lokal tirh khân a star ve deuh vâng kha nge min zah deuh ṭût a, a sawi tam ve vak lem lo. Sentei nen an inkawp deuh chawt a, a lêng reng ringawt mai a ni.

Chhunah ka pa ai school-ah ka kal ṭhin a, kârleh mai khi Chennai-a ka chhuk hun a nih tawh avangin ka zirlaiah ka insâwrbing ve ta deuh bawk a. Zanah ka teichhuak ngai lo.

Inah ka tawm tlawk tlawk a, zû lam pawh alang chiah lo chu a ni e, ka ṭhiante'n tlaitin in puiah min lo sâwm ve ziah a; ka châk lo a ni bik lo, a chhuk dâwna a thusawi ka hriatchhuah ziah ṭhin avangin ka hnar zêl zâwk a ni.

Zîngah a tho hmasa deuh ziaha min rawn call ngei ngei bawk a, ka thawh hmasak ṭumin ka call ve ta ziah bawk. Kan hunâwl apiang inbiakna hun atan kan hmanga inhau chu sawi loh eng anga rei pawh inbia ila kan inhnê thei lo a ni ber.

"Zir, ka period hun a thleng ṭêp tawh a ania, a hmasaber aṭanga chhiarin," nizanah arawn sawi chhuak ve teh tlat a, ani aiin ka lo nghâkhlel ve em em chu a nia.

"I period loh chuan intest vat ang che, i lei ngam loh pawhin min lo hrilh la ka rawn thawn ang che," ka tih chuan a nui nasa hle a, "Hey, test kit inthawn te chu atê tham em mai, ka mamawh tur lei ngam lo khawpa nêp ka nih bîk loh hi.." ati leh tlat nia.

Zû in chu sawi loh, inna tur hunawl nei hman lêk lovin kan inbia a, min ngaihsak khu chûk leh min duat hliau hliau angin a awm hran lo nâ a, mi control theihna riau amahah hian a awm bik nge, tih thinrim ka hlau zek zek nia.

"Zanah pawh i duh chuan lêng chhuak la, tlangval tawm sen rengte chu a ni bik lo alawm, i kal dawnah leh i haw huna i lo inreport chuan a tâwk reng a nia," A aw dam thlap hriat nuam zet hi ka ngaithla kham ngai lo.

"I tel lo chuan eng mah tih ka tui hleinem, lênna tur pawh ka hriat siloh.."

"Tak takin i chhuah ve châk ka ring deuhva," ati ṭha leh mai a.

A thikthu a chhe ve tho tih ka hria; mahse, ati lang khât em em a, Nutei chungchâng vawikhat mah kan sawi dun tawh ngai lo.

Ka be ngai lova min rawn be bik chuang lo nen arâi ta nge rai ta lo pawh ka hre zawm tawh bik lova. Aman min hrilh a nih loh chuan zawh ka tum thertê lo.

Ka nunah hmeichhia eng emaw zat an awm tawh a, Remruatfeli anga danglam leh rilru zau pakhat mah ka hre hek lo.

Zan dâr 11 ari chiah a, Mafeli nen dâr 9 vêl aṭanga inbe ṭan kan ni a, tunah kan dah fel ve chiah a nih chu!

Ka chhungte pawh ka lakah an lâwm ve viau a, ka pa hian a khât tâwkin Mafeli chanchin min zâwt ve ziah bawk. Ka nu nen erawh chuan an inbe ve fova, ka nau te pawh a be ve vek zel. Tumah tibîk angin alang hek lo a, kan inbe rei tulh tulh a, a puitlinzia ka hre chiang telh telh thung.

Ka mutui lai ka phone riin min tiharh a. Nutei a ni.

Kârkhat deuh thaw a reh hnuah min lo call ve chauhva thil pawimawh tak pawh nise biak ka tum tawh lo hrim hrim, ka intiamna anga awm ka tum ve tlat.

Vawi 32 chuang a rawn call tawh a, ka harh reng nâa ka pick duh chuang der lo. A tawpah phei chuan ka switch off ta daih a.

After 15 miniutes

"Mama, u Nutei a lokal a, pawnah a awm nia," Arini'n min rawn ko a, mak ka ti lo thei lo. Vawikhat mah ka sâwm pawhin kan inah a lokal duh ngai lo kha a nia, zanlai lai a ani meuh a rawn kal chuan a pawimawh tâwpkhâwk a ni ngei ang.

"Khaw'nge tunah a awm?" Tiin ka tho chhuak nghal a, ka ngaih a ṭha lo kher mai.

"Kan garage sirah atia, whatsapp aṭanga min lo bia a,"

"Ka va en ang e," tih leh chhuah ka rual a, tun ang hunah tu hmeichhia mah mipa inah an kal ngam dawn em ni? Nutei leh lek phei chu!

Veranda êngin a chhun phak loh deuh chiahah hian a lo ding a, a hlauhthawn hmel kher mai. Min hmuh veleh ka lam panin a rawn kal phei a, ṭap hrep hmêl a pû!

"Eng nge i rawn tih dâwn?" Nelawm vak lohva ka biak chuan a kûn reng a, min chhâng lawk lo.

"Nute, mi pangngai awm dan tur ang hian awm ve mai ta che, kan inkâr a tawp tawh a, i tân eng mah ka ni lo ang chiahin ka tân eng mah i ni tawh hek lo."

"Mâm, khawngaihin.." a insût hraih a, a ṭap zui titih ta mai!

"I lokalna chhan sawi phawt rawh, khatia i ṭah khân awmzia a awm tam lo a nia,"

"Nau ka pâi..."

"Eng maw i sawi!?" A dârah vuanin ka thing deuh nawk a, min en ṭha ngam lo reng reng. Kei lo ngaihzawng a neih ka hre lova râi pawh nise ka fâ tih ka chiang bal a ni. A hnuhnung bera kan tih kha ka chhût thleng chiah thei lo nâin tunah a rai a nih chuan a âwm tawk vel viau ang.

"Nau ka pâi tih an hrechhuak tawh a, thlahnih a tling lek lek tawh bawk, engtin nge ka tih dâwn!?" A dâra ka vawnna chu lathlain ka melh tlawk tlawk a, Mafeli ka rilru-ah a rawn lang nghâl zawk.

"I pâi a nih pawhin sawi theih ka nei lo, min ṭhen hmasatu i nia lawm le, kei hian ka ṭhen hmasa ngai lo che a, kum thum dâwn kan inzuiah khân nangmah zelin min kalsan lovem ni..?"

"Khawngaihin, i tello chuan ka paltlang zo lo ang," ka kâwngah min kuahin a insût hliam hliam a, eng emaw chenah ka lainat ve tho. Mahse, hmeichhe pahnih hnena thutiam kawp chîng mipa ka ni lova ka ni ngai hek lovang.

"I test kit nen naktuk dâr sarihah kan inhmu ang, tun hi thil sawi hun a ni tawh lova, ka thlah ang che, haw phawt rawh.." ka tih chuan min kuahna athlah chhin eih lo.

"Ka nu leh pa-in Zirsangliana han hrilh nghâl rawh, in sawifel hmâ chuan rawn haw suh min ti a.." tiin aṭap leh dâwn ta mai.

Ka thaw chhuak hawk a, ka fâ a nih ka ring ve tho bawk si. A hriselna dinhmun ka ngaihtuahin ka khawngaih lo thei lo. A pa rilru ka hrechiang ropui mai si a, engtin nge ka tih tâk ang?

"Haw phawt la, i chhungte hnenah chuan 'naktukah kan sawifel dawn tunah chuan engmah kan sawi thei lo,' ti ang che. Chu chu thudik a ni bawk.

"Mâm, ka haw ngam tawh lo, min vaw duh mai ang, Mafeli nen inchanchin an hre ve vek si a.."

"An hriat tawh ber te chuan eng ati nge i lokal si, midang ka nei tawh a, ṭhen tumna ka nei hek lo."

"Keima'n Mafeli chu ka lo be dâwn em ni, a hrethiam em em ang." Zuk ti a!

"A teuh lo lutuk, i lo bia a nih chuan ka nui dâwn hauh lo a nia," tiin a bânah ka vuan a, an in lam ka panpui ta a, a ṭang ve viau nâin hruai haw ka tum miau si lova an inah tal ka dah ve ang chu.

"Mafeli hian ka neih loh enge a neih? Heti em em a i danglam ta hi mak ka ti! A ṭha e, ka hriselna dinhmun hrechiangtu ber i ni a, i fâ i duh lo a nih chuan keiin ka duh alawm, thlah ka ngai lo ve, eng dinhmunah pawh ding ila inchhir suh ang che." Tiin ka vawnna a thingthla a, inchhungah min luhsan ta a.

Zinglam dar 1 ari chiah a, ka room-ah muhil thei si lovin ka let tawn chhên a, Nutei lak aṭanga inthiarfihlim ka tum apiangin harsatna a awm zel si. Mafeli'n a hriat chuan inṭhen a rawt ngei anga ka ngai ngam si lo.

Lalsawmthangi ka nuna ka lo senglût hi ka tihsual lian ber a ni.

Remruatfeli.

Ka phone ri zing lutuk chu phun nang nang chungin ka pick a, Nutei hian tun ang hunah eng nge sawitur a neih!?

"Mafel, nau ka pâi, Mama fâ.."

"Nute, infiam nân chuan ala hma mah mah lo maw..!?"

"Ka fiamthu lo, Mama'n a hrilh hreh deuh che avangin keimah min hnawn a, i rilru tihnat tum a sawi ka ni lo ania," ati leh a.

Ka thluak a châwl nghalin ka hria.

"Thla engzat nge?" Tia ka zawh chuan, min chhâng ve mai a, kan inkawp hmaa thil thleng a ni.

"Amah nen insawi dun tawh tihna em ni?

"Sawi dun e, a fâ tihfahrah a duh loh avangin keimah ngeiin ka rawn bia che.." nghet charh hian ati a, sawi tûr ka va nei ta lo ve.

"Min hrilh avangin ka lawm e, Zirsanga biakpawh ka lo tum dawn nia," ka ti nghat a.

"Aw le, hmeichhia tho i nih avangin ka dinhmun min hriatthiam ka beisei.,"

Kan inbiakna kan tihtawp hnuah ka mu meng reng a, Zirsangliana biak ka tum reng reng lo. A chhan chu aman min hrilh hun ka nghâk dâwn a ni.

Ka rilru a na lo ka tih chuan mi dawthei tak ka ni tihna a nia. Ka chhungril na veng veng leh mahni inkhawngaihna avangin ka mittui a hnâm sak nia.

Zirsanga hmêl ka mitthla a, ka haw dawna a hrehawm tihmel te kha a rawn lang uai uai a, amahin min ṭhen a nih loh chuan ṭhen hmasak ka la tum lo fo.

Nutei thusawi pawh ka ring thova. An chesual tih Zirsanga'n a pha lo a, kan inkawp hnua râi a ni lo bawk.

A bialnu hlui a râi si chuan a rilru a buai ngawtin ka ring. Mahse, ka ngaihdanah chuan hun liam tawh ami a ni a, kan inkawp hmaa an thiltih rah a ni bawk a, a ṭhen hmasatu Nutei a nih tlat avangin Zirsanga thutlûkna a pawimawh ber ta a ni.

Kei min ṭhenin Nutei a pan dawn nge, a rilru hah dan tur ka chhût pha ve in ka hria.

Kei chuan nau ka la pai lo a, a fâ ngei a nih chuan a thlahthlam hauhvin ka ring lo.

Engpawh nise, Nutei a râi tak tak a, Zirsangliana'n a pan a nih chuan kei aia rilru sehhel an awm bîk lovang.

"Ka nu-in min koh chhên avangin rilru pik zet hian ka tho ve ta a...

<++++[BeckirafARenthleI]++++>®

Note: Chapter 2 ka dah ang ka ti zet a, mahse, ka meng thei ngang tawh lo. Min hrethiam êm ang chu.

Ka pa inah ka awm leh tawh avangin dam chuan naktuk zanah ka hun pangngaiah a tluantling deuhvin rawn dah ka tum zâwk ange, dah loh aiah tak meuh meuh ka dah anih hi..

Ka edit thui thei ngang lo a ni e.

<++++[BeckirafARenthleI]++++>®

17.RAPSAGY

Becky Rafa Renthlei

Chapter-17

Remruatfeli

Zirsanga'n min la rawn be miah lova biak hmasak ka tum lêm lo.

Puitling takin engkim kan sawi dun vek tawh a, Nutei lo râi ta pawh nise min hrilh turah ka ngai a, min hrilh ta lo a nih pawhin sawi chhuak hmasatu nih ka tum bik lo a ni.

Ka nu leh pa hnenah, Aizawlah zankhat lek riaka kal a ngai tih ka hrilh chuan an phal ve mai bawk a, an fanu hi ngaihtuahawmin ka awm ngai lo atin ni. Tin, ka lehkha zirlai hun aṭang tawh khân an kiangah ka tâl tam lo hlê a, doctor hna ka hmuh hma kum khat erh awrh chauh an hnenah ka awm a, tihian hnâ ka nei zui ta bawk nen Aizawlah in ka luah ta kha a nia.

"Kan fate in ni a, kan hmangaih em em che u, in tâna ṭha tur kan ngaihtuah tih hria u la, nu leh pa ti hmingchhe zawnga awm loh hrâm in tum dawn nia, kan dampui reng thei dawn lo che u tih hriain in nawmna tur leh in nakin hun tur thlîr thiam rawh u.." tia ka pa min zilhna chu ka hrereng ṭhin.

Nupui pasal zawn chungchângah inrawlh an tum lova, kan zawn thiam leh kan tân; thiam loh leh keimahni tân bawk a ni tih an sawi zing khawp mai.

Remruatpuia(Bawiha) hian hna ala nei chiah lo a, dâwr lian deuh Whole sale rate-a pêk chhuahna tur ang chi siamsak kan rilrûk a, Maengi nen an chungchângah pawh ka nu leh pa an inrawlh tlêm khawp mai.

Keimah ber hian an rilru ka tihah a, a chhan chu pasal neih zâi rel lova ka hna ngawt ka buaipui hi a ni.

"Mate, pasal i neih loh chuan i zahawm tluantling thei ngai dawn lo tih hria la, hetiang lam hi âwn ve ṭan a hun tawh a nia, fâ nei tur pawhin kum upa lam ai chuan tuna i kum ang hi a tâwk viau a ni," ka nu in atih chuan ka chhûngril a phu dat dat a, an duhthusam anga ka awm lo hi an hriatchhuah hunah chuan an nâ ve ngei ang le!

Ka period hun pangngai ni nihnih chiahin a la thleng lova, Zirsanga pawh ka hrilh thlap a, nau ka lo pâi a nih pawhin a zir lai a zawh hmâ chuan tihbuai ka tum lo tih thlengin ka sawi lâwk diam tawh khâ a nia.

Thingpui hmeh tur leiin ka chhuak a, ka phone ka ken loh avangin inchhûng ka luh veleh ka nu'n phone call a awm tih min lo hrilh a.

Zirsangliana'n min lo call ve ta nge nge alawm, ka call back ta nghal a..

"Fel, engtin nge ni ang, Aizawl thleng chu min thlah thei dawn ta em?" A rawn ti nghal a.

"Thei ang, ka sawi lâwk tawh a, naktuk zingah dam chuan hmâ deuh hlekah lo chhuah ka tum dâwn nia, in inah zan riak lovin chaw eikhamah chhuak ta mai ila.."

"Ka va'n lawm tak, i duhdan ngeiin kan kal ang, Arini kal ve a tum a; mahse, ka remti lo a.."

"Aw, a duh te chuan hruai ve la," ka tih chuan, "Tûn ṭum atan chuan a hnawksak mai mai, hunthâwl kan nei thei nâng.." ati sup a, Nutei chungchâng hre awm pawhin zuk awm miah lova! A hmâa ka biak ṭhin Zirsangliana min duat riautu khâ ala ni reng.

Nutei paw'n dâwt a sawi ve thei thova, Zirsanga ala duh ve zia hrechiangtu ka ni bawk. 'Inchuh' tepawh kan ang dâwn dâwn alawm le! Hus! Inchuh hat tham mipa a ni tlat a..

"Bike i lo keng dâwn em?" Tia min zawh chuan, "Keng ang, ka lo thlen hmâ theih tâkah.."

"Bike khalh tam a hun lo ṭêp a nia, indîm hlê ang che," a aw a min ngaihtuahna lo lang chhuak chuan fimkhur min ti châk sawt.

Mipa chu mipa an ni. Hmeichhe lû chu mipa a ni a, mipa lû chu Krista. Kei aia a rilru ala puitling lo a nih pawhin leh thawh mumal nei lo pawh nise, mipa a nihna ang leh ka ngaihzawng anih vâng hian ka zah tho tur a ni dawn lâwm ni!?

Rei ngial kan inbiak pawhin inhauna chhan tur eng mah a rawn sawi chhuak lova, tukina Nutei'n min lo biak pawh kha sawi chhuah ka tum ta bik lo.

"Fel, hmuh leh hun che ka nghâkhlel tawh teh a nia, ka nghâwngah hian bâwk chawr tereuhtê a lo awm ringawta i lo chhoh hunah min ensak la ka tia.." ati leh a.

"Tehreng mai; mahse, ran doctor te chuan kan hre ve dâwn em ni?"

"Ka ring che alawm, doctor ni lo mah la min ensak tho thovang," ati deuh tlat maw le!

"Ok, zanah inbiak kan tum dâwn nia, ka nu thingpui siamsak angai a," tiin phone ka dah ta a.

A ṭawng duh ve sâwt viau tawh a, midang bulah erawh a dân pangngaiin a la ngawi ngul zêl tho.

Engmah insiam ngai ka nei lo bawk nen ka bike tanky full papin petrol ka thun a, kan ṭhenawm tlangval Siamkima chu inhlawhna siamsak pahin bike leh ka pa car ka siltîr bawk a, tûn hma ang khân ka sil ṭha peih mang tawh lova a bâl ka ngaithei chuang der si lo nen Siamkima hi ka tîr deuh ber.

Zanah pawh chaw eikham veleh min lo call leh a, "I lo chhoh hunah ka thawmhnaw min siampui rawh aw, lehkhabu tih vel ka lo pack ang a," ati ve ngial a.

"Siampui tehreng e, thawmhnaw ṭhing deuh deuh keng turah lo inngai hmiah rawh, chuti lo chu hmeichhe dangin min chuhpui leh che emaw a ni anga, min kalsan palh ang," tia ka fiam chuan, "I dah ang apiang inbel turin he ka taksa leh ngaihtuahna hi nangmahah a insawrbing vek."

"Eng nge ka lo ken ang che. I duh duh sawi rawh?"

"Ka tâ kha a ni mai, a neitu nen," za lutukin a nui a, ka nuih aza ve tho, ka tâna a hmasa ber a ni hi a intithei hle a, eng emaw sawi nân 'Ka Tâ' ati deuh kher zêl.

"Ka ta ve kha ala him ṭha maw, rubber hian vawithum vel i lo khuh mawi êm lo'ng chu..?"

"Remruatfel, rubber mamawh tur khawpin ka tuihâl lo, chuan chutiang hman ngai hmeichhia ka hnaih peih bawk lo, a nawm loh loh nen.." a nui leh hawk hawk a.

"A finfiahna min pêk angai ang, tu emaw wallet-ah kha chuan ka hmu reng mai ah.."

"Â hah! Ka nih loh tawp chu, Lawmsangzela wallet a ni ang." Zuk ti zaih a.

"Lawmsangzela chu 'Zirsang' tiin an ko ve tho em ni..?" Ka tih chuan, "I chhe lutuk, chimawm viau lo mai teh.."

"Ka chhe lo a ni ang, 'Mafel, Mafel' min tireng chu a nih hi.." dang duh lova ka chhân zêl avangin, "Engtik lai aṭang khân nge fiamthu thawh te i lo chîn ve tâk a!?" Ati ta a.

"Ka zin, ka vahvêlnaah mipa ho ve deuh, inla 'ultra' lutuk ka chhar a, amah vang te pawh a ni mahna.."

"E e ê, nangnu kha rawn chho teh i châk lo ang maw le," ati ta ringawt a.

Rei ngial kan inbiak hnuah min lo hmuah tur thu sawiin kan dah ve ta ṭâwk a.

Ka mut hmunah pawh a hmêl ṭha tak leh a sam dum hlap, a hnar ngûl sâng vah te kha hmuh leh hlân ka nghakhlel ngawih ngawih a, bâkah min ngâi em em chung hian a sawi kûr duah ngai lo a, vawikhat min ngaih thû a sawi chhuah chuan a thinlung taka sawi a ni tih ka hre ve tlat.

Hmeichhiat mipat chungchâng pawh kan sawi lang ngai tawh lova, a chhan chu kan mutdun hnuhnun ber khân 'nupa kan nih hmâ loh chuan kan ti tawh lovang' tiin thu kan delhkilh sa vek tawh bawk.

Mipa dang ang chu nise inhmuh a remchâng a awm phawt chuan an bawhpelh duhin ka ring lo. Zirsangliana erawh chuan 'A tâ' ka ni tih pawm thlapin min nawrlui lova keimahah rinna a nghat hmiah mai a ni.

Min ringtu na nâ na chu ka rin ve mai loh nâkah. Nutei'n eng pawh sawi se, a mipa-in min hrilh anih loh chuan kan inrem lohna tur sawi chhuah ka tum bik reng reng lo.

Inngaizâwng, inhau reng leh inhnial reng nih ai chuan hlim taka ṭhian ang maia inkawmntheih hi a nuam dangdai fê zawk a lo ni.

Zirsangliana

6:00 Am

Ka tlaivar ṭhak ti ila dâwt ka sawi deuh awm si a, ka muhil mang lo a ni ber mai.

Ka chhungrila lungawi lohna awm nget nget, min khertu hi ka hrilh ang nge hrilh lovang tihah ka la buai a, Nutei chungchâng ka sawi a nih phawt chuan min kalsan dâwn tih ka thinlung hian a hria a ni.

Ka tihsual man ka têl chu a nih tho rualin Lalsawmthangi khân min ṭhen hmasa lo se chuan Mafeli hi ka nunah ka sêng lût awm chai si lova, tunah a râi tih sawi mah se kei hian ka kalsan hlen thei khawp mai. Min ṭhen hmasatu zâwk a ni a, a mawh a phur ngam tihna a nia, chuvangin râi sîngsawmkua mah se ka hai der thei alawm.

Mafeli hlim hmel leh min rinna ṭawngkam a chhâkchhuah lai te kha ka hrechhuak uar uar a, buaina dang kan hmachhawn a nih loh chuan ka zirlai chauh ngaihsakin hun ka hmang phawt anga; Mafeli pawh nise Nutei pawh ni rawh se, ka hmuhphâkah an awm tawh dâwn tlat lova taima taka zira, mahni kê a dingchhuak tura min duhtu Mafeli thu zawm hi kan pahnih tân mai ni lo, kei leh ka chhungkaw tan a pawimawh hle a ni.

Ka whatsapp tone a rawn rik chuan ka en vat a.

#Hey, ka rawn chhuak dâwn chiah, min lo hmuah ngei ka beisei..

Mafeli min rawn thâwn a ni a, tuna a lo chhuah chuan zinglam dâr 8 velah a lo thleng hman dâwn tihna..

#Yes, lutuk tlat. Fimkhur takin aw..

#Kawng lakah ka rawn be lo mai ang che, phone phawrh vel a buaithlâk ṭhin a, i chhungte khân chaw min lo chhumkêp theihnghilh vaih. Smiley a dah tuar a, va ho reuh e.

"Keimah ngeiin ka chhum kêp ang che tluang deuhvin aw.

Ka nui suk suk a, kan inhmuh hun a hnai telh telh a, ka huphurh deuh, confi zeta kan inchhunga a teikual turte khâ ka'n mitthla leh vel ah..!

A la hma bawk nen ka tho chhuak duh ta lem lova. Aizawlah sim card thar leiin Mafeli leh ka chhungte chauh hriat tur ka neih ngei a ngai ang, Nutei tih velin min rawn ṭahkhum leh reu reu palh ang.

Ka status ah Kuhva hmuna kan thlâlâk dun khâ dahin..

#My dear doctor, fimkhur deuhvin aw. Tihtê mai ka type tel a, Lalsawmthangi runluih ve nâna ka tih a ni. Mipa in hmeichhia runluih kher hi thil mawi a ni lo tih chu ka hre tho nâ a, nizana a status hnuhnung ber khân min vit zak thei nia! Keimah tak chuan ka en lova Arini zâwkin a lo en avangin min hrilh ta kha a nia.

#Doctor rau rau-ah chuan ran doctor hi chhâwrna an tlêm berin ka hria, piang nawn leh dâwn pawh ni ila ka la ni duh chuang lo. Tih a dah deuh kher nia!

Nutei hian lehkha a thiam thei ṭhin hle a, eng emaw lai khân Account & Treasury ah pawh a thawk reng tawh a; a hriselna a chhiat êm avangin a nau hian a ai a kal ta niawm tak a ni. Ka zâwt thui ngai vak lova hmeichhe nikhua ve tak a ni bawk.

Phone aṭangin Mafeli nen an inbe vek tawh a, puitling ve ve annih vang nge inhau leh han inchhâng lawk deuh ang pawhin an awm chuang lo a; Mafeli hian ka bulah Nutei a sawisêl khât viau! Pakhat ve thung hi chuan a ei loh thû a sawi lang leh zauh zel ṭhin a, Arini min hrilh ka hriat tho a ni.

Ka status rawn view hmasabertu chu Nutei nau mipa ni rengin!

Mipa ve si hâwkdâk lutuk.

Engah mah ka ngai der si lova a râi zâwk pawh ka nih siloh, ka pum a puarin ka luak a chhuak dâwn pawh nihlei lo adang ka 'up' leh ngat ang.

Lungleia kan chhuk dun ṭuma a Lakhuih ei lai pick ka dah leh ta a.

#Doctor chuan thil hrisel lam hlir an ei ṭhin tih hi a lo dik a ni maw! Mate, Lakhuih tam deuh ka lo thawn ang che. Ka ti leh a; keimahin ka nui ka nui mai.

Hus! Mi runluih tezawng ka thiam ve e, zû ka ina ka ruih ṭhin lai pawh khân ngawi reng e tilovin ka chimawm theih êm kha maw..

"Mâm, u Mafeli a lo chhuak tawh em?" Sangpuia room-ah arawn lut ve a, eng atan nge maw atih ni!

"Chhuak daih tawh e, eng ati nge?"

"A nauvin thil min lo thawn em ka hre duh a?"

"Chutiang lam a sawi miah lo. A lo thlen hunah zâwt mai rawh, kawng lakah phone hman a buaithlak ati a.."

"Bawiha ka zâwt leh zâwk mai ang," tiin a chhuak ta a. Sangpuia leh Bawiha an lo inbe ṭhin tih ka hre ve chiah!

Ka helhhawlh lutuk nge ka mu lui thei tawh ngang lova dâr sarihah ka tho chhuak ta nge nge a, ka nu'n khawizû leh tuilum pep pep min siamsak ka in nghâl a. Mafeli khân a ngaisâng êm a, 'in ve rawh' atih deuh tlat avangin Khawizû kan ngah bawk nen zîngtin regular takin ka in ve ta ziah.

"Mama, Nutei nen hian in boruak a ṭha leh tawh em ni?" Titu ka nu chu ka melh vat a.

"A anglo lutuk, kan inṭhen hmiah.."

"I ṭhen thei a nih chuan alawmawm thova, khâ leh chen in lo inzui ve a, ngun takin thil ngaihtuah tur, puitling i ni tawh a, ngaihzawng neih lâwr duat te kha thil mawi a ni miah lo a nia.."

"Ka ṭhen nilovin ama'n min ṭhen hmasa alawm, Nutei chungchâng sawi ka peih lo a nia."

"Niminah kan thawhpuite'n min zâwt a, Nutei'n nau a pâi tih thâwmte an sawi a.." atih leh chuan ka hâwi phâwk ngei mai! Mi hian thil an va hrethei ve maw le! Ka hre tlâi ber zawk nge maw ni.

"Eng mah lo sawi ve reng reng suh, mi in an zâwt che a nih pawhin 'ka hre lo' ti ang che." Ti nghutin bathroom-ah ka luhsan ta a.

Nizan hmasaah ka hre ve chauhva, ka nu thawhpuite'n an sawi leh hman tawh a nih chu! Thil mak tak a ni!

Nutei mizia ngaihtuahin a hriat rual ruala min hrilh nghal ka ring a; mahse, vengchhak lam thleng thlenga an lo hre tawh a nih si chuan min hrilh nghal lo tihna a va ni mai awm ve! Thil fello chu a awm chiang mai.

Mafeli lêmin a râi hma hauh aṭangin a period hunbi min hrilh thlap a, ka hriat loh a hlauh tehreng nen Nutei hian mangan tâwp lama min hrilh ve chauh a ang ka ti riau..

'Mipa dang fâ a ni ang' ti dâwn ila puh mai tur ka hre miah bawk si lo.

Huiha! Mafeli a râi bawk chuan a ruala sâwnthlâk ang deuh thaw ka ni dâwn, ava namai lo deuh ve le!

Kan kawtah ka ding vâng tawh a, dâr riat vêla a lo thlen ka rin vângin ari ṭêp tawh tho bawk nen ka lo va ding chhuak a. Min hmuh loh chuan a ṭeu leh nasa ang chu, fiamthu titak deuh leh ṭawngkam mak deuh deuhvin min kâp leh fak fak ang tih chu hlauhawm deuh a ni. Chhân dan tur ka hre lo thei ropui si a..

"Mâm, ka lo nghahpui ang che aw," Arini a nui kar kar a, Mafeli ka duhzia a hre ve bawk a min fiam zauh zauh a chîng.

"A ngai lo ve, kan lawm e.." tia ka chhân chuan, "I lerh ve hi chu ka ti, ka unaupa ni lovin ka bialpa ni la chuan ka nasa thei ngawt ang," ti nang nangin a rawn chhuak ta tho va.

"Ka lerh loh zia i hria alawm, duh chu duh, duh loh chu duh loh, Remruatpuia i star tih ka sawi chhuah i duh loh chuan.."

"Awi!" Ka tukkhum samah min pawh sakin ala tlânchhe zui a!

"Arin, Mafeli ka hrilh dâwn a nia," tiin ka au lâwng lâwng a, ka nau hian Mafeli nau Bawiha kha a star tih ka hrechhuak tawh a, a zah ka hlauh vangin ka fiam duh lawk lo khâ a nia.

Unau nauva in 'chû e kha' te chu a zia viau lo.

"Han hrilh vaih teh, u Nutei lokal khâ ka sawi ve a nimai," atih chuan ka melh kâwk a, "Kan kâ ve ve i chîp ngam ang aw.." ka sawi zawh rualin Bike a rawn ding dat a. Ka mi chân a lo thleng ta.

Bike chungah a la ṭhu reng a, a helmet khum pawh phelh chuang lo hian, "Hello, i Lakhuih min thawn tur chu min thawn lovin lo ei nghâl ta ila.." za lutuk hian a nui a, a kut ka lam hawiin a phar deuh dâ bawk a. Â hah! Henu hian ka status a lo en..!

"Rawn chhuk mai mai teh, nge, ka rawn pawm thla zâwk dawn che.."

"Unlimited pahnih an inhmu leh ta lût daih ang.." Arini'n ṭawng chimawm zet chuan Mafeli nuih atiza tulh tulh a, "Nangni unau chu leh.." ti sapin a rawn chhuk ta a.

A inchei nalh leh pek hle. Â, ṭhenkhat chuan 'pa' anti mah mah maithei bawk a.

Levis kekawr dum leh Kamis body fit a pâwl leh duma ṭial a hâ a, sneaker dum leh pâwl inpawlh tho bunin scarf pâwl dâl raih a awrh a, a sam erawh a thlah mâwl tawp thung.

"Min en reng lo khân ka helmet hi lo dah la, bike ka'n hûng ṭha ange," a nui sak a, a va han hmelṭha reuh tak.

"Yes, doctor.."

"Zirsanglian.." tihpahin helmet min pe a, bike dah rem tur chuan a kal zui daih nia! A mizia kha a ni ve hrim hrim a, ngaih khatah ka ngai ve tawh.

Mi hmuh laia inbiak hluak hluak lam ngaina mi ninghal lo chuan..

"U Mafel, Bawiha'n thil a lo thawn che em?" Tûkṭhuan kan ei laiin Sangpuia'n a zâwt ve ta hrâm e.

"Thawn chiang e, a man angai lo ati aw.." Mafeli lam hawiin, "Eng nge an lo inchah leh pek a!?" Tia ka zawh chuan, "Ka hre teuh lo, Bawiha'n min hrilh loh bâkah an châr uluk em mai.." ati a.

"Thil manto deuh a nih phei chuan pawisa thawn ang che aw, Sangpui.."

"U Mafeli ka thawn dâwn alawm," tiin a thlêng nen a tho zui ta a. Ka nu leh pa'n Mafeli an be nghal bawrh bawrh a, 'Mama i thlah thei hlauh tur hi kan lawm viau a nia, motor pawh i kutah kan dah a, duh leh petrol chu i rawn phei dâwnah lo thun mai rawh aw, pawisa ka pe dawn che nia," ka pa'n ati awlsam êt a.

Kei chu sawi loh Sangpuia phei chuan ka pa car hi a khawih ngai mang lo, a ui deuh ṭung zel a, 'long run' tur lehnghal a min kentir a tum hi mak ka tih tawh tehreng nen Mafeli khalh hâw a la phal cheu a nia!

"Nia, zankhat chauh ka riak ang, Zira Lengpuia ka thlah zawhah ka rawn lêt mai dawn nia, riah kher pawh ka tum tawh lo.." ati leh a.

"I lo chhuah dawnah min lo phone ang che aw, in thlen chin min hrilh nachang rawn hria u la, kan ngaihtuah êm che u hi.." ka pa'n atih chuan 'Ni e' tiin kan chhâng rual deuh ngêi.

Muangchâng lutuk chî kan nih loh avangin ka thawmhnaw Mafeli'n min siampui zung zung a, rinai takin a zam a ṭha.

"Tihian a leng hnem duh" Tiin thawhnaw hâkkhat zêl a tumtêla Trolley suitcase-ah a rem thlap thlap a, tam tham fê a dah pawhin alang tam chuang miah lo. 'Idea ve tak a ni'

"Zuk inthlâk sek lo la, a thar i neih belh pawhin ka rem ang ṭhap hian rem ang che aw," pheikhawk pack pahin ati leh a.

"yes, boss; mahse, ka peihnain a tlin lo maithei."

"Tlintîr hrâm hrâm rawh, check turin ka lo kal lovang tih pawh ka sawi thei miah lo a nia."

"I lokal theih chuan mumang nei ngai miah lo turin ka zirlai ka bei ngawrh ang." Ka tih chuan a nui sak a.

"Ṭawng ṭawng hman pawh kan ni lo a nia, kal dâwn hnai ang," tiin ka inrin loh lai tak hian ka Jeans kekawr hâk ipte a rawn zen thut nia!

"Hey, eng nge i hriat a!?"

"Lawmsangzela wallet-ah nilovin Zirsanga wallet-ah zâwk alawm rubber ka hmuh!" Tihpah hian condom pack a rawn phawrh chhuak a, ka nuih a za deuh bawk si! Ka ngei ru ang reng bawk si a, chhuhsak ka tum chuan, "I mamawh chauh pâi ang che, chuan hei hi i mamawh ang em!?" Condom chu a rawn lek lang deuh kher nia!

"I va han chimawm tak, dah ve mai mai teh,"

"I mamawh em?" Ati leh ngat a.

'Mamawh e' tihchi ninghal lo chuan, "Mamawh lovang," ka ti sup a.

Chutah ngawireng hian a bag-ah khung hmakin, "Kalkawngah kan paih dawn nia, Chennai thleng thlenga mamawh loh ken tlat chu a âtthlak lutuk," ala ti zui a, chhân ngaihna ka hre der lo.

Ka pa'n petrol lâkna tur pawisa pêk a tum chuan duh lovin a ṭang nasa ngang mai. Mahse, 'la rawh' atih luih tlat avangin a tawpah nur nâng chung hian ala ve ta nge nge a, amah ang rual inchei parh tak tak ang lo takin a simple riau zel a, sum chu a khâwl thei phianin ka ring. A châwm pawh a hautak lo ang chu.

Kan khua kan chhuahsanin zing dâr sawm a pêl tawh a, kan inah a bike a hnutchhiah a, chahbi Sangpuia kutah zuk dah thlap a! 'Mi rinna' a ngah hlê a ni tih ka hriatbelh bawk.

"Zir, i tâna hahdam deuh tur ka hria," tiin min rawn melh zauh a. Front seat-ah ngîl auhvin a ṭhu at nia!

"Sawi la.."

"Steering, break, clutch tihvel kha vêng la, a gear erawh ka lo thlâk zel ang a," tihpahin a gear chu a rawn hûm nghal a, kei aiin a khalh thiam lohna awm hek lo, a sawi ang chuan ka'n ti ta alawm!

Gear thlâk angaih apiangin a lo sâwi zauh zel a, atîr chuan ka buai phah deuh! Mahse, "Min ring rawh" atih deuh bur avang chuan gear a hûmna kut chu ka kutin ka bawhthuah ve ta a, a va nuam dangdai si êm!

"Ka inah lût nghal mai ang aw, Tachhipah bazar ve zuai ila, zanin tlâi chawhmeh tur kan lei dâwn nia," atih chuan ka nui suk a, nupa ni ta ila a nawm dan tur ka lo suangtuah hman pek alawm le.

"Kan dine out ve dâwn lo em ni!?''

"Hah! Pharvar tum nghal ringawt suh aw, chuti a nih loh chuan Chennai thleng rak ka zui mai tur che a nia," a nui zui ar ar a, Sialsûkah thingpui in a rawt deuh tlat avangin kan châwl ta a.

Zinkawng ka zawh tawhah tûn ṭum hi nuam ka ti ber a, ka room-a kan awm lai khân ka nghâwnga bâwk tereuhtê kha ka entîr a, ''kan hlep dâwn nia, pangti chawr inṭan a nih kha a len tak tak hmaa kan paih chuan a reh hlauh thei," atih tak kha maw le.

Thingpui in leh zunram kan thiar zawh hnuah kan tlânchhuak leh ta a. Nutei chungchâng sawi ka tum ûk a; mahse, a hun chiaha ka hriat loh avangin ka ngawi leh ta zâwk a.

"Zir, i awmna hmunah pawh thildang zawng aiin i zirna ngaihsak la, lunglen tih velin i nunah hmun chang suh se, kei chu mahni rama awm tur ka ni a, min be duh a nih chuan eng lai pawhin i tân ka awm reng tih i hre dawn nia.." Gear a vawnna kut ka hûm hnan a, a thutak ru riau bawk.

"Min biak hmasak i tum ve dâwn lo em ni!?"

"I 'Timing' eng mah ka hriat loh avângin i hman hun apiangah min lo call la a fuh zâwkin ka ring. Mahse, ka sawi ang khâng i zirlai aia dah pawimawh hmasak tur ka ni lo a nia, tûn bâk chance ṭha i nei tawh lo tih inhria la, kan pahnih hma hun atân i zir chhuah a pawimawh teh a nia."

"Ka rawn chhuah veleh inneih kan tum dâwn tihna em ni!?" Ka tih chuan a nui var var a, "Ka sawi lâwk thei lo, thlahnih bâk i awm dâwn hleinem maw le,"

"Min neih hi chu i phûr tehchiam lovin ka hria."

"Phûr ve tho e, thil sawi lâwk chiam chiam ka duh loh vang a nia." Ati ṭha ve mai a.

"Kuhva min lo siam, ka kâ a thlum dup mai," tiin dashboard-a kuhva chu ka kawhhmuh a.

"E hê! I ei ve dâwn a maw!?" Mak atih hmel kher mai. Zû ka in ṭhin tak nâin a dang engmah ka ti ngai lo teh tlat a! Arini'n kuhva ro ei achîng a, min pêk ve zauh zauh ṭhin avangin tunlai hian ka ei ve ta mai mai khâ a nia.

"A châng chângin ka ei, i duh ve em?" Tia ka zawh chuan, "I ei chuan ka ei anga i ei loh chuan ka ei lo ang," zuk ti tlat a!

Mafeli kuhva ei ve chu motor khalh châwl meuhin ka nuih ta a, a hmui a sen hiam a, a beng nen lam a sen nasa bawk si, a khuh kharh kharh te chuan ka nuih atiza tulh tulh a, mî tih theih ang tive lo bîk nih a hreh lutuk hi ka lâwm zâwng tak a ni.

"Chhâk vek la, i kam ṭhuah mai rawh," ka ti ta ringawt a, ati ve mai bawk a. "Ei ve tawh miah suh, ruitheihthilah inhnamhnawih lo la keimah min hrechhuak zel ang che," ka hnena a lo sawi tawh ṭawngkam ngei ka hman chuan ka hnungah min chûm awk nia!

"Min ngaisâng mah mah.."

After 3 hours

A inluah kan thlen meuh chuan khua a thim chhalh tawh a, amah lah chuan 'Dine out tihvel ai chuan ka chawhmeh siam cial deuh deuh ei la tui i ti fê ang,' ati a.

"Kan pahnihin kan siam dawn nia, inbual hmasa la, chumi zawh kei, aruala inbual châk teh mah ila kan thutiam kan bawhchhe palh ang," ka tih chuan min rawn hnaih hrat a.

"Thutiama ding ṭhin mipa hi alawm ka ngaihsan em em chu," ti sapin a rawn dingdihlip âk âk a, a kâwngah ka lo kuah ve vat bawk, duhthawh leh lungchim takin kan infâwp ta a.

"Le, ka'n inbual dawn ange.." ka thlah rualin a ati nghal a, a inluah chu a zau lo nâa nuam tak a ni. Nupa rek awm nân a nuam tâwk khawpin ka ring a, bungrua a tam tehdul lova mamawh tur zualpui erawh a kim viau thung si.

A room pawh hmeichhe pindan tih takah a felfai thlap a, luah loh tih hriat miah lohvin a invawng fel nia!

Bathroom-a Mafeli zâi rât rât chu eng emaw chen ka ngaihthlâk hnuah ka chhungte ka phone ve ta a.

Kan thlen tawh thu hrilhin eirawng kan inbawl chawp dawn tih ka sawi chuan councelling class hun an rawn hawng leh chiah!

'Nula leh tlangval in ni a, awm dan chintâwk i thiam angai a nia, hotê-ah hmingchhiat a awl a, Mafeli nihna leh a hnathawh hre reng chung khân a zahawmna tihchhiatsak lam ngaihtuah suh ang che' ka nu nge nge, a sawi leh duah e.

"Tihian kan inru nghâl a nimai.." tia ka chhân chuan, "Zirsanglian, khatiang mai maiin ṭawng suh, nupui neih i duh chuan zahawm takin ni rawh se," a rawn tileh hmarh hmarh a, ka nui hawk.

"Hei, Mafeli a inbualzo chiah, inbe r'u,'' ka ti daih a.

A sawi kual thui leh dâwn tlat.

Inbual tura ka luhsan lai pawhin ka nu nen an la inbe char char a, min sawi tel tih pawh Mafeli ṭawng dan aṭangin ka man vek.

"Ka rualin lo chhuk ve thei la.." Chaw kan ei mêk a, kan boruak hahdam zet hian Nutei vanga ka rilru pik pawh a tiziaawm deuh.

"Insawi lunglenna hun minute thum lek kan hawng leh dâwn em ni ang?" Tiin a nui kar kar a.

"Tikhân ti ve ziah suh, min ngai lo mah la kei chuan ka ngai viau che asin.." thutak zâwka ka tih tâkah chuan, "Hnunglam hawikîr lo tura rilru paukhauh nei la, min duh tak tak a nih chuan kan pahnih hma hun tur thlirin i lunglenna zawng zawng hneh tum rawh; kei, Remruatfeli hi i tân ka lo awm reng a ni tih i hriatchhuah fo khân chakna i neih phahin ka ring," Inringtâwk zeta tiin ka mitah tak min en bawk a. Mak takin a thinlung tak tak a sawi a ni tih ka hriatsak thei tlat nia!

"Mafel.."

"Umn.."

"Nang nen a nih phawt chuan engkim paltlang ka huam a nia.."

"Hmeichhia aia mipa dinhmun a hniam tlat chuan inrem a har a, min thunun i duh a, i hnuaia min dah i tum a nih chuan theihtâwp chhuahin ṭan la rawh, kei aia dinhmun sângah i awm a ngai.." ati khauh a.

A dik hle a ni.

Hmeichhiain a pasal a châwm tlat chuan inluling chin a awm thei tih ka hmuhhmaih bik lo.

Tuna Remruatfeli min chona khân ka zirlai zawm thuai thuai min ti châk tlat nia maw le.

Amah ka thunun a chhungkua ka dinpui dâwn takzet a nih chuan nasa taka ṭan mar ka ngai rêng a ni.

Ka thei khawp mai, ka dam a nih phawt chuan eng emaw tak chu nih ve ngei ka tum bur tawh. Thiam thei lo leh rilru chak lo ka ni bik lo a, zû leh nulât tlangvalnain a tihbuai loh nun nghet chu ka nei khawp ang.

A pindana kan luh hnu thlengin ka la inngaihtuah a, midang fuihna tur ṭawngkam leh entawn tur amahah ka hmuh belh zêl avangin kan doctor-i tumruh dân tur hi ka hrechiang zual sauh.

"Zir, incoming call a awm a nia," ka phone ka silent daih a, Mafeli'n a lo hmu chu niin!

Lalsawmthangi pa hnen aṭangin a ni!

Ka chhâng ang nge chhâng lovang tih ka ngaihtuah ngial hnuah chhân loh a finthlâk zâwk tiin phone ka switch off ta daih a.

"Ka lam lo hawi la.." asirah ka mu a, ani erawh lehlam hawi hian a mu ngât a, nichina min biak tumtu kha min zawh ka rin nen eng mah zuk sawi miah lova!

"Lo hawi zâwk rawh," ti sapin a rawn inlet ta tho a, ka lo kuah chial thung.

"Zanin bâk hunthâwl ṭha hmaichhana inbiakna hun kan nei lawk tawh dawn si lova âm takin ka ṭawng reng mai a ni ang chu.." tiin a nui hak hak a.

"Khawi aṭangin nge kan ṭan ang," ka lo tih chuan, "Ka ke hmâwr aṭangin,"

"Remruatfel, thutak pâi a hun viau tawh lo maw.."

"Thutak pâi ai chuan naute pâi i duh zâwk lovem ni?" Ala ti ṭalh nia.

"Nizanah, i lo chhoh hunah i châk lovang tia ka sawi khâ i la hriat chuan phuba lâk hun a inṭan chiah e.." A kut chelhbeh sakin a lu lamah ka dah kawp a, ka khabe-in a nghâwng vel ka nûl thuak thuak a, a zâ ati tih ka hrereng; a hmuia fâwp duh chiah si lo hian ka thlêm vêl a ni ber mai.

"Hey, duhtawk rawh aw," che phutin a kut a tâlpît a, ka nghâwnga min kuahna chu a nghet ṭha kher mai. Zâwimuangin alamah min kuai kûnin min rawn fâwp ta a.

A hmui lum hiam leh hnâwng chap ka fawh hian ka hnuailamin nunna zu nei dêr a! Thunun ka tum miah thung lo.

"Duhtâwk rih teh ang," ka ti tak nâ a ka thlah phal chuang ṭhak lo.

A kianga awm reng thlâkhlelh awm khawpa mi hîpna ngah hmeichhia a ni tih ka hre chiah!

Ka dam chhung hian ka thlah phal dawn em mawni le..

B+[BeckirafARenthleI]++®®

18.RAPSAGY

Becky Rafa Renthlei

Chapter-18

Zirsangliana

Ka kianga muhil hmeichhia, Remruatfeli thaw sâk sâk chu ka thlir reng a, amah nen kan inkawp aṭang hian mutmû ka tuahṭha lo chu a ni ber e. Zantin a hmêl leh a pianzia, kan hun hman reilotê te kha ka mut hmâin ka ngaihtuah kim vek zel!

Amah ngaihtuah chungin ka muhil a, amah vêk ka thawh rualpui leh ṭhin. Hetiang em em a min hîptu hmeichhia ka la tawng lo mai nilovin ka nunah pakhat tê mah zuk awm hauh lova!

Ka hmuh tirh te khân Lalsawmthangi nen kan la inkawp lai a nih vângin ka lo ûksak lêm lo kha a nia! Tunah zet zawng atel lovin ka awm thei lo a chhâ chu a ni e. Nau a pai lo ang tih mawlh ka hlau a, pakhatin a râi thû a rawn sawi ve bawk a, ka hlim hauh si lo.

A rawn rûm ṭiah ṭiah a, hmangaihna chênpui ka châk tih phat buai ka tum hek lo. Mahse, nulât tlangval in îttawnna hian rei a daih lo tih ka hrechiang tawh êm a, sex tel lo pawhin kan hlim dun thei tho a ni tih ka hriat phah bawk.

A mut kawrin a khuh phâk loh a mal vâr haih te, a âwmbâwr lian lutuk lo kawh vah si te hi mipa tân chuan îtawm tiuteu tak a ni. Hnuailam thunun tura vawi thum ka'n thâwk chhuah halh halh pawhin a neitu kiangah a awm tih hre ve ang maiin 'Ever ready' zuk ti tlat a!

Khawvar dâwn hnaihah ka lo chhîng ve sek a ni ngei ang, hmui lum ham hamin ka bianga a rawn fawh chuan ka mêng riai riai a, ka mutna ka sawn vang te pawh a ni mahna ka mu nghet lo kher mai.

"Hey, tho tawh rawh le.." Mafeli aw ka hriat rualin ka meng deuh kâwk a, a sam towel-a tuam hlân chung hian ka kiangah a lo ding a, a kut leh lamin 'coffee mug' a keng bawk a, khawizû leh tuilum inpawlh bâk a ni leh chuang lo ang.

"Morning.." ka ti chhuak sup a.

"Hus! I mit khâ meng la, ka room tukverh en teh le, dâr khata thlâwk chhuak tur tân chuan thawh a hun tawh khawp mai."

"Tunah dâr engzât nge?"

"11:30Am a pêl tawh, hei intur ka siam che hi in la inbuatsaih dawn ang le, traffic jam turte ngaihtuah tel la, chuan i nghâwnga bâwktê kha paih lawk teh ang," side table-ah no dahin ka puansin a rawn theh hlim a, 'Ka mut a la chhuak lutuk' tia mut leh chi ninghal lo chuan!

"Min kaihthawh hma ve mai tur che a nia.." ka tih chuan, "Awi! Zirsang, vawi engzat nge ka koh tawh che, i mut bur bur lai khân petrol ka thun fel vek tawh tih hria la, ka inthun puar diam tawh bawk."

"Chaw ei tur pawhin min nghâk peih lo a nia, nupui fel tak i ni dâwn lo chiang.."

"Pasal mut duh deuh neih ai chuan zîng taka tho ṭhin infit zaih leh.."

"Ka infit chiang em mai," a sawi zawh hma hmain ka lo chhâng hmanhmawh a, "Tho phawt mai teh ṭawng zuah zuah lo khân," nûr nânga tiin pindan a chhuahsan ta a.

Peih lo zeta tho chhuakin intur min siamsak chu ka ban a, ka ring sual deuh! Khawizû lam nilovin Bâwnghnute leh eng nge a pawlh pawh ka hriat si loh!

A tûi zêk lehnghal a, vawikhatah ka inzo nghal vek nia!

Ka inbual nghal ta law law a, bathroom pawh a lo tifai vek tawh a, nizan khân 'Towel pawh phawrh buai duh suh, hetah a awm vek' atih vângin a awm sa ka hmang ve leh hmiah a; mahni-a awm ṭhang tih takah inchhungkhur pangngaia bungrua kan kawl ang hi chu a nei kim deuh vek maiin ka hria.

"Zir, hmanhmawh deuh la, hei ka inchhawp hnawk tawh a nia," dawhkanah scalpel(Inzaina chemtê) leh Betadine, lapua tih vel a lo dah a.

"Ehe! Engtin nge i tih dâwn a na riau ang e!"

"Na lo lutuk, Lelte lotion te pawhin an ti reh ve ṭhin tho a; mahse, zai hian a reh hlen mah zâwk, ṭhu vat vat rawh atlai zêl.." Min tur deuh sek avang chuan ka ṭhu ve ta nge nge a, "A huaisual vaih chuan a pawi viau ang," ka ti ṭâlh a.

"Hus! Nêp viau lo mai teh," tiin ka nghâwngah a rawn vuan a, inzai tih vel leh injection hlau em emtu Zirsangliana hi ka'n phut zawk chu le.

Chutah plaster vel a siamrem leh tê tê a, ka lo ṭang ṭung thei nia!

"I inring em, a na.." a sawi zawh hman hmâ-in athîp sek a, a kâwngah nghet fê in ka vuan a, a nui hak.

"Tikhân a zo a ni mai alawm, dâwih mai si a.." nui var var chunga tiin a hru fai nghal mawlh mawlh a, "Tunlaiah hetiang zaithlâk hlau an awm pawh ka hre lo, nêp sazu lutuk.."

"Remruatfel, a thlengtu ram tân chuan hlauhawm ve deuh a nia aw.."

"A zaitu district-in kan ngam phawt a hnu, a huaisual nguar ang," ala ti tak deuh deuhva

Ka nghâwng a plaster fel hnu-ah pawh ka la vuan ta reng a, a kut a dam ka ti dawn nge, a na miah lo nia maw le!

Chumi hnu chuan room-ah min luhsan ta a.

"Chaw i ei dawn nge, Lengpuiah kan inhnawhpuar zâwk dâwn!?" Ka va luh ve chuan a thawmhnaw a lo thlâk vek tawh a, pheikhawk a lo bun mawlh mawlh tawh.

"Ka ril aṭâm lo, i sawi ang chu ni rawh se, eng nge ka hâk ang!?" Ka tih zawm zat a.

"Nimina i inbel kha chu duh aiin a paw mah mah, hei hi a nimai," Khumah shirt hring duk leh halfpen dum alo dah sa a, "Khaw'nge nimina ka inbel kha!?" Tia ka zawh chuan, "Ka su a ala ro lo, i lo chhoh hunah rawn ring mai rawh, hetah ka dah anga damtê-a kan awm chuan ka lo hmuak leh dâwn che alawm," ati awlsam êt a, ka nui leh suk.

Thil ka hre chhuak ta thut a!

"Fel, pregnancy test kit chu helai hnai dawrah hian ka lei anga ka chhukthlâk hmâin test ve hrim hrim rawh.." a in luah bul lawka damdawi dâwr ka hmuh vânga sawi ka ni.

"Ka period loh chuan ka test chauh ang, tunah te eng mah a hriat tawp nâng!"

"Ka lei sak ang che, nang phei chu an hre sa che sia i tân lei a chi miah dâwn lo a nia, a hun hmaa mualpho palh a hlauhawm," ka tih deuh tlat tâkah chuan min hnial ta bik lo.

"Tikhân lo awm lawk rawh aw.." tiin ka chhuahsan ta a. Test kit pathum lai ka lei hnuah in lam ka pan leh ta a. Eng mah a result a lan ka ring bîk chiah lo. Mahse, ngaih tihṭhat ve nân ka duh hrim hrim.

"Kha le," tiin toilet awmna lam ka panpui nghal dâwr dâwr a.

"Zir, a anglo e! Eng mah a lang chuang lo ang, Lungleiah ka test anga a thlalâk ka lo thawn mai dawn che alawm," tiin a ṭang deuh ṭeuh a.

"A lan loh pawhin a dang pahnih kha i hman hunah min lo thawn mai dawn alawm," ka tih tlat si avangin thaw hak chung hian, "I va'n ti kher kher tak.."

Toilet-a a luh hlân chuan ka lo helhhawlh hle a, a la rei em em zui ah..

Tûm bâr chungin a rawn chhuak a, "A lang lo ang tih ka sawi rêng kha," lungawi chiah lo hian test kit chu min pe, negative a ni.

"Tikha chuan i period loh chauhvin i test tawh dawn nia, a awm ta lo a nih leh a siam lam tezawng a awlsam em mai.." ka nui hawk a.

"Chhe hlê suh," tihpahin min melh râm râm a, a thinrim tak tak lo tih ka hre miau alawm.

Thuawih taka ka sawi ang zawm duhna thinlung a pû kha ka lâwm daih zâwk. A result hriat hun pawh ninghal lo chuan..

Lengpui Airport pana kan chhuahin dâr sawmpahnih ari vel chiah a, a chê rêng rêng a dik thlup mai. A in luah kan chhuahsan dawnah 'theihnghilh ka nei nge nei lo' min en dik sak leh vek bawk a, tun ṭûm ka kal tur zet zawng duhthusamin a fuh vel vek.

"Ka in luahah lêt tawh lovin ka haw tlang dawn a nia, i hman hunah chanchin min rawn hrilh ang che aw," ati sap a.

"Zanin te chu riak la, naktuk zingah muangmarin i haw mai dawn alawm, zanlaiah bâk kan in i thleng hman dâwn miah lo a nia, i kai tho ngam dâwn em ni?"

"Ngam ang, bâkah Aizawla châm chhan tur ka nei lo bawk nen haw thuai thuai ka duh zâwk.." ati mai a.

"I thu thu a nimai, i nu leh pa kianga i awm kha chuan ka ngaihtuah lutuk lo deuh che a, nangmahin in i luah bawk si nen ngaih chu a ṭha chiah lo alawm," zawi supin ka ti a, a dik chiah bawk.

Nula mahni-a in luah hi a ṭhat rualin eng emaw hlekah hmingchhiat a awl a, bâkah tawhsual tawh palh te pawh a hlauhawm ve hrim hrim.

"Min ngaihtuah duh reng reng suh, nangmah ka ngaihtuah daih zawk che, zû te kha in in leh ang tih mawlh ka hlau a nia, a ngai sawi nawn sawi nawn ka peih ve lo, chuvangin i duh thlanna a pawimawh ber zel a nia.." dam thlapa tiin ka malpui a tawk zauh a.

"Min ring rawh, chhungkaw pangngai dinpui thei tur che-in rilru ka siam ve mêk a nia,"

"Ka lawm e, lunglen tih vel mai mai te chu a ho lutuk, kan hmabâk a êng lam zâwng hlirin thlir ila engkimah hmâ kan sâwn duh zawk.."

"Fel, min ngai ve angem?"

"Engvangin nge ka ngaih loh ang che; mahse, eng ang pawhin ngai che mahila ka hmuh phâk dâwn tlat loh che avangin intih hrehawm phah nan hman ka tum lo tak tak! Chutiang rilru chu pu ve thei la ka ti. I lo haw leh huna kan awm dan tur suangtuah daih ila hlim takin kan inkâr a ṭha reng mai ang." A ti duah a.

"Nang hi chu aw.." a bâk sawi belh tur ka hre lo reng reng. Dik thlap leh thlirna zau zâwka engkim a thlir thiam ṭhin hi Remruatfeli ṭhatna a ni.

"Inhmu leh tawh lo tur ang mai leh eng emaw hleka tihtauh leh thikthu pêk chhiat em em te khân sâwtna a nei miah lo a nia, a sawifel tura i rawn haw thei a nih loh chuan emaw, finfiahna mumal awm mang si lovin thinrimna zawng lo la, chutianga tih ve ngei chu ka tum bawk." A sam chhâwllêng hûikiang paha tiin hmalam ngun takin a thlir a, a nun awhawm leh hahdam raih hi tun hunah hian ka awt kher mai.

Airport kan thlen tâk avangin eng mah kan sawi zui ta lo va.

Ka chhuah hun a hnai telh telh a, ka huphurh tulh tulh thung si. Ṭhulh leh mai te ka duh rum rum nia!

Mafeli ka va en a, ngaihtuah mûk hmêl tak hian hla tak a thlîr vang vang a, eng nge a lûbûrah awm ka hriatsak dêr si lo.

"Mipa tiha mawi lo khawpin i zuk lunglêng vel a nge.." ka lam a rawn hawi a, ani pawh a meng dul raih tho.

"Ka hre lo le, atam thei ang ber inbiak tum ila ka lung alêng lo mai ang," a kut zum sâl nêl thep ka vawn sak chuan ka kut a rawn hûm lêt vat a.

"Ka lêt san ang che aw, inthlah liam kher zawng rilru a kal thui ve deuh.." atih chuan 'A ngai rih lo' tih ka tum ûk a; mahse, a sawi dikin ka hria. A hawna tur ala hla si a, zan tlân a tum tlat bawk nen ui tak chungin 'Aw le' ka ti ta hrâm a.

Car kawngkhar hawn sakin a ṭhut luh fel thleng ka ding ve reng a, chutah kûn hniamin a beng bulah, "Nang hmangaih che hi thil har a ni dâwn miah lo, ka hmangaih che, tiin sawi thei rih lo mah ila hmangaih che erawh ka tum fan ang," zah pawh dâwn lo leh mi mitmei vêng miah lovin ka fâwp ta a.

Mak takin min hnial bîk miah lo! Reilotê takmeuh kan infâwp a, hetiang hmun ualau-ah te chuan a duh ka ring chiah lo kha a nia!

"Min fawh i tum ta lo em maw ni ka lo ti hman a," Car-a tinung nghal hlarh hlarh a.

"Mi an tam angreng deuh nen i duh loh ka hlau alawm, a mawi chiah lova; mahse, ka insûm thei ta ngang lo a ni e." Nui suk chunga ka tih chuan, "Mî-ah buai ngai suh, kei ka tlânchhuak nghal dâwn a, nang lah i kal zui nghâl bawk anga, tumah khân an hre zawm teuh lo em mai," zuk ti awlsam thliam a!

"Fimkhur takin aw," a kut ka vawnna ka thlah phal lo teuh kher mai.

"Lutuk tlat, i nghâwnga plaster kha naktuk zan a thlen hma chuan phelh suh aw, kan inbiak leh hunah enkawl dan tur ka lo sawi dawn nia.."

Ngai leh thlahlel tak chungin Remruafeli tlânliam ta chu ka thlir reng a, ka chhuah a hun ta.

Ka mawhphurhna hlen chhuak tur leh ka hmeichhe duh em em nei thei tur hian theihtawp ka chhuah ngei ang.

'Ka kiangah awm lo mah la, hetah hian i awm reng ang' ti chhuak supin, ka thin zâwn ka khawih leh ta a. Hetia ka tih hian Mafeli hnaih sawt angin ka inhre tlat zel nia!

Remruatfeli

After 3 Hours

Nimin maiah inlungrual takin zinkawng kan zawh dun a, keimah chauhva zan thim hnuaia ka tlân ta hi ka inchhir lek lek tawh; ka lung aleng êm em a, tumah biak lûmlâm tur awm hek suh.

Zâi ka ngaihthla ve bawk tak nâa ka ngaihtuahna kal ding tur a chhâwk ka beisei nen a teuh lo nasâ.

Zirsanga pa'n min lo bia a, ka thlen chin min lo zawh chuan ka chhuah dâwn thu pawh ka hrilh eih lo tih ka hrechhuak chawpchilh a, ka inthiam lo kher mai.

"Mafel, fimkhur hle rawh aw, kawng laka an lo phar che a nih pawhin ding reng reng suh ang che" Tiin min chah lawm lawm a, 'Long run' zawng a hahthlâk lam deuh chu a ni e.

Tachhip ka thlen lai khân nimina kan bazarna hmun vel ka melh thuak a, chak fê-in ka tlân zui ta kha a nia! 'Nimin' thil a ni tawh a, ngaihtuah thui ka duh lo.

Zirsanga te khua ka thlenin zan dâr sawmpakhat ari tawh a, min lo la nghâk ṭhap nia!

"I tlânchak awm hle mai," Nu Zuali'n alo ti nghal a, vawikhat mah ka ding chhin eih lo tih hria se chuan min khawngaih khawp ang.

"Ramhuai speed chu nêp tê.." ka tih chuan Arini a lo chek tlak tlak a, "Mama pawh a thleng thla tawh a, a in luahpui a lo la thleng lova a khua a har ngawt ang, i thlen hunah rawn inreport rawh se ati.." Tia min hrilh chuan, "Nangma'n lo hrilh la, kan intleuh zuai ang e.."

Nu Zuali'n tuilum a lo siam thlap a, keimahni in a ka haw aiin min ngaihsak daih zâwk. Pa Hriata paw'n himdam taka ka thleng thei chu lawmawm atih thu a sawi bawk a, Sangpuia lêng ala haw ve lo.

"U Mafel, Mama'n i inbual hma a be duh che.." Arini'n phone min pe nghal a.

"Aw, Mâm.." ka'n ti ve nghal ngawt a(h..!)

"Hey, min koh dan a dik lo, keimah i Zirsangliana.." a nui hawk a.

Nitak! A nau koh dâna ka'n koh ve ngawt chu le, ang lo lutuk!

"Eng lo, i thleng tluang maw!?" Ka tih chuan, "Tluang e, ka rin aiin i thleng hma daih, i thlâwk zeuh zeuh em ni," ati a

"Thlâwk lêm nâng, ka dingdihlîp phei.."

"Mafel, ka ngai lutuk che, ka inluahpui a awm bawk si lova keimahin ka tei ruk ruk mai." Ati zâwi ruih a.

"Zingkawng khawharthlâk ka zawh zo chiah a, mahni inkhawngaihna sualin min bei ṭan mêk, chhantu ka ngai.." tia ka chhân chuan a nui hawk hawk a, "Hus! Inbual phawt rawh thutak i pâi lo êm mai.."

"Thildang ka pâi alawm.."

"Ok, ka be thui lo mai ang che intifai rawh le chuan chuan ka 'ta' kha aw.." kan inbiak zawha ka'n hawichhuak chiah chu a nu leh pa, Arini tiamin min lo nuih a, ka va zak si êm!

Zak tak ka ni. Ka pa in emaw ka ti leh tlat ṭhin hi ka âtna zuk ni tlat a!

Lû su lovin ka intleuh zuai a, chaw pawh ei lovin chhangthâwpah butter ka tât a, thingpui nen ka hmeh tawp.

Riak lova haw mai ka duh thut thut a; mahse, Bike nen ka nih tawh dâwn avangin ka huphurh ta deuh a ni.

Zan a rei ta bawk nen mahni mutna ṭheuh kan pan a, ka khawharzia chu namai lo tak a ni. Ka muthilh theih pawh ka ring lo e a.

Whatsapp ka check zuai a, Bawiha'n ka haw hun tur min zawhna chu ka chhâng hmasaber a, a bialnu Maengi nen an intih thiam loh thu a rawn sawi chuan mak ka tiru deuh! An inhau khât ve êm asin.

Zirsanga ka call ta a, a pick rang ngei mai!

"A hmâ ang tho khân i inlip leh ta em ni?" A rawn ti nghal a.

"Teh suh ei, khumah ka mu diam tawh, tu emaw a awm ta si lova ka muhil thei lo maithei a ni." Dik takin ka hrilh a.

"Kei hi engtin nge ka awma i rin? Ka lo kal ta kher kher a ni." Ati sup a.

"Lo haw leh mai la.."

"Chiah maw, i phal maw!?" Ati nghal a, 'Lo haw rawh' tia fiam chi ninghal lo chuan.

"Fel, video call ila.."

"Internet a chhe lutuk, kan ina ka awm hunah aw.."

"Try ve hrim hrim ang," atih deuh tlat avangin kan han bei ngial a, a theih ngang loh! Whatsapp message a lût ngawr ngawr chauh a ni.

Naute chungchâng bawk a rawn sawi leh a, 'I lo pâi tak tak a nih chuan thil ka lo hawn nasa viau ang' a'n tisa ringawt a.

Mihringte zawng duhthusam khawvela chêng kan ni miau a, eng zâwng pawhin rawn sawi se ka 'Aw, e' sak vek mai.

Rei ngial kan inbiak hnuah kan dah ve ta ṭawk a; mahse, 'zingah min lo kaitho rawh' ala ti hrâm maw le!

Lungleia ka chhukna pawh ni li a liam tawh a, Zirsanga paw'n class a ṭan tâk avangin a hmâ anga regular khân kan inbe thei ta lo. Mahse, inbe zing tak chu kan la ni tho tho.

Inah ka tawm deuh chawt a, ka hna ka la zawm rih lo nen thatchhiat a awl ngei mai. "Mate, ngaihzâwng i nei ve a ni lo maw?" Bawiha takngial pawhin min zâwt a, chaw ei tlêm tawh sa nâklaiin ka lem thei hlawl lova, ka lung alêng lutuk a ni ber mai.

"Nei ve ṭêp," fiamthuin ka chhâng a, a awih lo chuan ka hria. Maengi nen an inṭhen tih a sawi chuan mak ka ti ngawih ngawih a, a chhan ka zawh lahin a sawi duh bawk si lo. Zu in a chîng zeuh zeuhva hau eng ang mah ila a sâwt chai si lo.

Ka period hun nihnihin a pêl ta! Zirsanga lah chuan nghâkhlel takin min zâwt nitin a, 'ka la test lo' tiin ka hrilh ziah bawk.

Nizanah phei chuan a thinrim deuh tûk tawh a, "Remruatfel, test tawh rawh, chuti a nih loh chuan ka thutiam bawhchhiain ka rawn luhkhung mai ang che," zuk ti a! Ang lo thei lutuk mai.

'Naktukah ka lo test ngei ngei ang,' tia ka chhânna chuan a thinrim tur a bengdai hrâm a ni ber mai. Kei aia a nghâkhlel hi mak ka ti viau zâwk a ni.

A nu leh pa, Arini te nen pawh chanchin kan inhrilh tawn reng a, 'Aizawl i kal dawnah zan khat tal lo riak rawh,' Pa Hriata'n ati nghe nghe a, chu erawh ka tum chiah bîk lo.

Ka zing tho test kit hûm rân chungin bathroom-ah ka lut a; ka phûr rualin ka huphurh tho bawk si.

Ka zun ka'n test ta chu le! Sawi buai tur pakhat mah awm lovin rin sen pahnih a awm kalh a, ka âwm dawmin 'Lalpa ka lawm e' ka ti ve ngial.

Râi lo ta ila mipa ka mutpui tho avangin ka thianghlim tawh chuang lova tihian ka nihna dik tak chu alang chhuak ta mai a ni.

Fâ lo vânga nuthlawi ni ta lo tamtak zingah ka tâna mipa hmasaber leh ka fâ pa ni tura ka thlan ngei lak aṭangin ka duh ka hmu a, Setana lawmzawng siamtu ni mah ila tisual nawn leh tawh lo tura Pathian malsawmna ka dawn liau liau a ni.

Rang lutukin bathroom ka chhuahsan a, khumah test kit ka dah sauh sauhva, a thlâ ka la ta a.

Whatsapp aṭangin Zirsanga ka thawn nghal a, 'Kha le, i nghahhlelh em em chu, he thil hian i zirna kawngah ṭan martîr che sela, nangmah nghâktu pakhat chauh ni ṭhin kha pahnih kan ni ta, i ṭawngṭai thei ngang lo a ni pawhin 'Lalpa ka lawm e' tih talin a malsawmna i dil ka beisei." Ka pian a hnu lama ka type ran ber ṭum a ni hial ang.

A hmu lawk lo lehnghal a, ka va hmanhmawh si êm! A la hmâ ve êm bawk a ni.

Test kit ka hman hnu chu lehkha a tuamin ka pack thlap a, ka wardrobe-ah ka kalh hnan ta a. Mamawhna neiin inhre lo mah ila ka paih phal rih teuh lo.

'Mate, ka lawm e, i kiangah awm ila chuan chatuan daihin ka'n fâwp tur che a nia.' Min reply-na ka hmuh rualin ka call ta nghal a.

"Yes, i nuamsam meuh maw'' zuk tinghal ngawt a.

"Nuam mah mah, i awmlai a ni lo hi pawi ka ti.."

"A rang lamin incheck up rawh aw, tihdam aiin inven a ṭha tih a nih kha," ati sup a.

"Tûn kâr tawpah ka lo tum dawn nia," ka tih chuan, "Chutiang daih daih a hla lutuk, vawiin emaw naktukah emaw tih tum rawh," nidanga a ṭawng dan a ang lo ta riau. Thupe aw a ri tel tlat!

"Zir, i lawm ve tak tak em?" Tiin ka zâwt ṭha leh a, "Lawm e, min hriat kha, sawi duah ka thiam ve lo, ka lawm hlê a ni." Ati nawn leh sup a.

"I sawi ang chuan naktukah ka lo incheck up ang, chuan a hun hmâ chu kan chhungte hrilh rih lo ang aw.."

"Engvangin..!? A ngaihdan a nih hmel vak lo.

"A la hma deuh alawm, mihring chin hriat a ni lo a, kan pahniha kan hriat hi a tâwk rih ka ti."

"Ok, i ngawih theih chuan ka ngawi thei ang; damtê-a kan awm chuan ka lo hâw hunah thla thum a ni dâwn chauhva a hriat vakin ka ring lo, inenkawl ṭha hle ang che." Ati vei thlap a. A va thlamuanthlâk tak êm.

Thuho mai mai sawiin kan phûl luam a, a tawpah erawh a lunglen thu bawk a sawi leh nge nge ṭhin. Ka kianga awm a thlahlel ngawih ngawih tih ka hriatna hian minti lâwm a, ka ring thlap bawk.

Serkawn doctor Rammawia hnenah incheck up turin ka kal ta a, ani hi mipa mah nise a thiam hle a ni. Ka cousin te sawi ka hriat a nia, kei hian ka la pan ve ang tih pawh ka hriat si loh.

"Kan doctor chu i chî a la hût lo tihna a nia," nui suk suk chung hian min fiam a, doctor ka ni tih a lo hre ve mai bawk. Min en uluk hle a, "Bike chak deuh deuhva tlân pawh i sim angai dawn ta a nih hi.."

"Hah! Bike ka khalh ngai reng reng lo," ka tih chuan, "Doctor Remruatfel, ka sawi ang apiang zâwm la, i tân a ṭha a nimai," ati ta a.

Eng eng emaw min sawipui hnuah, pasal ka nei tawh emaw tiin, "Inpa rawn hruai tur alawm, ka fiam hlak châk asin." Ati ta a.

"Pasal ka la nei lo." Dik takin ka chhâng hmiah a, makti lutuk hmêl a pu lo. "Chuti a rûk a râlin i lokal a nimaw, induat hlê ang che, ṭhenkhat te anga inthlahdah mai lovin damdawi ei ṭha bawk la,"

"Tehreng mai.."

"Sawi chhuah i hlauh tâkah i nu leh pa ka hrilh lo mai ang," nui chungin ati leh a, ka va ngei reuh tak!

Pu Rammawia ka chhuahsan rual rualin Zirsanga ka call nghal a, vawithum ngawt zu 'ring' ral ṭhak a! A buai a nih ringin ka tinawn duh ta lova; missed call a hmuh te chuan min lo call em em ang.

Ka chhungrila hlimna awm veng veng hi doctor hna ka hmuh ni bâk khân ka neih awm pawh ka hre tawh lo.

Ti hi chuan nû ka ni ve mai dawn chu a ni si a; ka chhungkaw tân zahna thlentu ni dâwn mah ila min phatsan lotu tur leh ka mawi lohna min hliahkhuhtu tur Zirsangliana ka nei alawm le.

Ka thawmhnaw ka thlâk laiin whatsapp msg arawn lut ṭawk ṭawk a, Zirsanga a ni tawh mai thei a ni.

#Mafel, inbiak kan ngai viau a nia, nichina min lo call lai khan ka buai deuh a..

Amah a lo ni tak tak a!

#Ka hman tawh reng, inah ka hâw thleng chiaha, i hman chuan min lo call thei.

Incoming call a rawn lût zui a, number ka hriat loh a ni. Tunge tih ka hriat loh miau avangin ka pick duh lova, vawithum, vawi li.. a rawn tih nawn zêl avangin ka chhâng ta nge nge a.

"Hello.."

"Doctor Mafeli em ni?" Pa tling aw a ni. Ran damlo chungchânga min biak tumtu anni mai thei.

"Aw ni e, eng nge ni ta!?"

"Nutei pa ka nia, ka fanu leh Zirsangliana inkâra tlâkzeh hi nuam i ti viau a nih loh chuan duh tâwk tawh la.." A rawn ṭawng dan kher kher chuan ka thin tertek a kai tho chiang kher mai.

"Atu apawh chu ni la, thil hrechiang hmasa lovin rawn ri hluai suh," ka ti ve ngat a.

"Ka fanu hian nau a pâi tih i hre lo a nih chuan mi â tak i ni ngei ang, tunah pawh kan khuaah chuan an hre deuh vek tawh a, Zirsanga pawh kan hrilh diam kha"

"Zirsanga nilovin kei chu Mafeli ka nia, ani hrilh mah ula keiin ka lo hriat daihna tur a awm lo, i fanu pawhin min hrilh tawh tak kha maw le! Mahse, a neitu duhthlanna' a ni tih ka hrilh tel khân ka hria; mimal nun sawi tura min lo call i nih chuan sawi tur ka nei lo."

"I chaltlai hlê mai.." min la tizâwk mah a!

"Nula leh tlangval inngaihzawnna chungchanga nang meuh i inrawlh chu a pawimawh viau tih alang reng mai."

Min rawn chhân leh hmâin Zirsanga call a lo luta ka hmet busy tawp.

Nutei pa'n min biak zawh chuan ka sa deuh pawp pawpin ka hria!

"Busy rei ve.." lawm chiah lo tih hriat takin Zirsanga ṭawng khauh a.

"Nutei pa in min lo bia a.." tiin ka hrilh ve ta a.

"Eng nge a sawi? Nidangah chuan be tawh miah lo la aṭha ang, " ati sup a.

Kan inbiak dan kimchang ka sawi chuan a sa kher mai.

"Hrehawm ti reng reng suh, keiman ka chingfel vek ang," ati ta a.

Nutei a râi tih a hre tawh a, a fâ ah a ngai hmiah tih tuna a ṭawng dan aṭang khan ka man ve mai.

Ni e, kan pahniha kan râi miau te chuan duh a thlang thei alawm, eng dinhmunah pawh ding ila zah lo taka min lo biak ve ngawt kha ka rilrem zawng a ni hauh lo.

Nutei leh a pa hian Zirsanga lak aṭanga inthiarfihlim turin min hrilh chu a nia, a teuh lo.

Min kalsan hmasa a nih loh chuan kei hian ka pên san hauh lovang...

B++[BeckirafARenthleI]+®®

19.RAPSAGY

Becky Rafa Renthlei

Chapter-19

Remruatfeli

Lunglei

Ka nu leh pa eng mah ka hrilh ngam rih loh avangin ka râi tih ka hriat aṭang khân kârhnih dâwn a ni tawh a, ka vannei angreng! Luak chhuak leh awm nawm loh tih vel ka nei miah lova ka awm dan pangngai rengin ka awm miah miah mai a ni.

Maengi leh Bawiha an la inṭhen ta reng a, tunlai hian hmeichhe dang biak a nei tih ka hria a, tunge a nih ka zawhin a sawi duh miah lo lehnghal! Zû erawh zanriah ei hmâin a in ziah a, rui chhia angin lang lo mah se arim aṭangin ka hre vek zel tho.

"Pa, Bike hi ka hralh dâwn," TV ena kan ṭhut ṭhap laiin ka sawichhuak ta nge nge a, mak an ti hle tih an hmêl landan ka hmuhin ka hre ve mai.

"Eng ati nge, kum khat êm pawh i la kawl lova!?" Atih chuan, "Ka hnaah ṭangkai viau mah se ka rawn haw duh hian a buaithlâk êm alawm," ka ti sap a.

"Bike hralh ta la, engin nge office i kâi ang a, taxi ringawt chuan a daih sêng lovang che." Ka nu'n alo ti ve bawk a.

"Car thar lâk ka rilrûk alawm, tuna ka bike hi ₹99000 velin hralhna ka hmu a, Ramsiami'n (Naunau tiin an ko ṭhin) a lei duh a,"

"A khalhtu tur berin i peih tawh miau loh te chuan hralh la; mahse, Bawiha hian a ui deuh chuan i bike hralhna man tur ang kan pe che anga, a bâk loan la mai ta che," ka pa'n ati hlauh mai le! Loan lâk kher ngai lo pawhin Santro chhuak thar pakhat leina tur te chu ka neih ve mai ka ring deuh kha a nia, ka bike hi ka ui teh a nia.

"Bawiha ka lo bia anga, kawl ve hrim hrim chu a châkawm alawm, mamawhna a tam ve a.."

Kan sawi chiam hnuah Bike hralh lovin ka pa pension-na kan la khawih chêt loh chu Santro New Model lâk nân ka hman sak dawn a nih chu.

Nau pâi leh Bike khalh inrem nghal lo chuan.

Kan in hi nikum lamah kan sa zo fel chiah a, a chhung pawh kan chei nual tawh; mahse, a chênga te kan tlêm hrim hrim a, rinai takin kan insêng tlem zawk a, ka pa car-a hlui ve telh telh a, keiin ka lo mamawh ve bawk nen min leisak an tum tih ka hriat chuan ka lawm hlê a ni. Fanu mal ka ni bawka a hunah chuan min hre ve teh khiah!

Mahse, ka naupai hi engtin nge ka hrilh ngam ang, an zahawmna ka tihminghliau dâwn ta si a. Inchhir erawh ka la tum chuang lo, a sâwt tlat lova.

Zirsanga nen alo berah vawithum tal nikhatah kan inbe ziah a, ka hriselna chungchâng a ngaihvenin min zâwt sek sek ṭhin. Santro new model ka la ve dâwn tih ka hrilh chuan a phûr hle a, 'Min be duh tawh lovang tih chu ka hlau' ati vei ngial a, ka nui ve tawp.

Nutei tihvel pawh an reh hmiah a, a pa pawh chuti tho!

Zirsanga'n a lo kamkhat deuh nge ka hriat bîk siloh. A insawi dan ang chiahin a phone number a thlâk ta bawk a, kei leh a chhungte tih loh chuan an hre lo tiin a sawi a, ka awih hmiah.

Zirtawp tlâi a ni a, karleh inrinni hi Aizawla ka phei hun a ni tawh a, ka hna ka zawm a hun dawn tawh tih ka sawi chuan Zirsanga'n min ngaihtuah hle mai. "Nangmahin in i luah bawk si a, awmpui i neih loh chuan ṭha ka ti miah lo." Ati a.

"Ka nei dawn alawm Dintea ka nau school kal lai a rawn awm dâwn a.."

"Mipa tezawng a chi loh lutuk, thiam a nei tlêm awm si." Zuk ti nghal ngawt pek a.

"A teuh lo mai, a fel phian a nia, i ngaih dan a nih vak loh chuan duh leh lânga kal tur ka lo zawng dâwn nia, riahna ka nei tlêm si a, Dintea'n room chuang a hman phei chuan sitting room-a mut te a ngai dawn nen lânga rawih tur an awm mai ang." Tiin ka thaw hak a, min ngaihtuah mah mah. Awmpui neih kher ṭul ka ti lo nâa a thuawih ve phawt ṭha a ka hriat vang a ni.

"Awmpui i lâkna man ka lo tum ang, min hnial miah suh," a'n ti nghal ringawt a.

"A teuh lo lutuk em mai, i zir chhuah hunah i la tum dawn nia, min ngaihtuah lutuk a nih kha, i Remruatfeli ka la ni reng ania," a hmâa a ṭawng dan ang chiahah ka ṭawng ve chuan a nui hawk hawk a. "I kianga awm ka châkzia hria la chuan min khawngaih lutuk hian flight ticket i la tawh ang maw le." Ati sup a.

"Ka la tawh nimai rawh se, chuan i kianga awmah ngai la, tui min lo lâk lawk.."

"Remruatfel chimawm nu, surprise-na tur che ka nei a; mahse, ka sawi dawn lo."

"Zirsanglian rui nawi pa, ti che ila i thinrim dâwn si a, Zirbawih, Mate Zir, khawngaihin surprise lam chu tilul suh aw, kan nautê a mengphâwk lutuk ang." Ka tih chuan min chhân ngaihna hre lo hian a nui ringawt nia!

Chutah, "A mengphâwk ta viau a nih leh, kan siam laiin kan maimitchhing lova kan ti zel tawh mai dawn nia, mengkur chunga siam te pawh an awm ve awm em mai," ala ti zui ah!

Kan inbiak apiangin naute chungchâng a rawn sawi lang ziah a, a nghâkhlel hle tih ka hriat hian nuam ka lo ti veng veng.

Naunau-i ka Bike lei tumtu nen khân reingial kan inbe leh a, ka hralh leh dawn lo tih ka sawi chuan a lunghnur angreng khawp mai. Vety-a ka thawhpui fanu a ni a, a pa hnenah, "U Mafeli ang nih ka châk' tiin a lo sawi ṭhin a ni awm e.

Kei ang a nih chuan a ngaihzawng ni hauh lo lakah a inbât tâng ve dâwn tihna a nia, ka awhawm hran miah bik lo.

Zirsangliana laka ka inpêk dan tehngawt kha a va'n ho tak! Ka mipa hmuh tawhah a hmelṭha lawr lak a, a induh tâwkna te khân min cho et et ṭhin a nih kha. Thiamthil nei lovin zei teh hâwrh lo mah ila ka tel lovin zuk awm thei bik miah lo va!

Inrinni bazarah Bawiha nen kan kal ve a, nau pâi mah ila a hma a ka lo tih ṭhin ang kha bansan ngawt theih ni bik hek loh le, phur tehchiam lo hian kan inzui chhuak ve a, ka chhungte kiangah ka awm rei tawh dâwn chuang lova ka ti ve hrâm hrâm a ni ang chu.

Zantîr aṭangin Zirsanga'n min la rawn be miah lova! Dâr sawm thleng ka nghah pawhin a reh hmiah nia! Ka mut a chhuak tawh bawk nen inbe lova mut ngawt ka hreh deuh si a, ka call ta a, switch off a intih tlat avangin rilru nuam zân lo hian ka mu ta a.

After 1 day

Mawnga hawlh ang maiin ka za sek tawh a, nikhat leh zankhat a ni ta. Zirsangliana a reh hmiah a, call tlang theihin a awm bawk si lo!

Ka thinrim ṭung tawh a; mahse, eng mah hrechiang hawt lova thinrim rîkngawt zawng a puitlin loh thlâk ka ti si. Arini biak mai ka tum ta a. Mahse, nuam ka ti chiah lo deuh, vawi eng emaw zât biak tlang hrâm tumin a number pathum ka kawl chu kan hmang ṭhin tak nâa awmzia a awm eih lo.

Arini ka call ta nge nge a.

"Awi, u Mafel, i va reh ve.." a rawn ti nghal vat a.

"Nia, min lo be duh lo êm alawm, induh mai sia.."

"Chutiang a ni lo, Mama hian min rawn call sek a, i chanchin bâk sawi tur a hre lo a nia," nui uar uar chunga atih chuan mak ka ti hlê!

"Tûn hnaiah in inbia a maw..!?"

"Bia e, nichin lawkah pawh a inluahpui nen chaw eia chhuah an tum thu a rawn sawi alawm," ati ta mai.

"A nih chu, ka hna ka zawm dawn hnai tawh a, lo zin phei rawh aw.." ka'n tikhawmawi ve tak nâa ka chhungril erawh a su dup dup thung!

"I u Mama nen in inbiak leh chuan 'u Mafeli'n a ngai lutuk che' i lo ti dawn nia," ka ti a, "Unlimited-ho tak hi chu aw.." tiin a lo hrilh tur thu a sawi ve mai a, eng eng emaw kan sawikual hnu-ah kan dah ve hrâm.

Min ngaina takzet tih ka hria a, û enin min en tih ka hre bawk. Engvanga Zirsangliana hian min rawn be lo nge anih ka hre lova, a chhungte a be thei tho si. Mahse, a hnena ka lo sawi tawh ang ngei khan 'Inbiak theih loh châng a awm a nih pawhin, inbiak theih hun nghah mai tur' tih kha ka vawng reng.

Ka thin erawh a rim ve lek lek tawh a ni.

Zan dâr sâwm dâwnah min rawn call ta a. Ânkhum hrep lo turin ka insûm nasâ.

"Mafel, i mu tawh em?" Ka hriat fo ṭhin Zirsangliana aw tho kha ala ni.

"Mu chiah lo e, i va reh ve..!?"

"Nia, i ṭha em?" Nidang ang lo takin a zuai ruih a, "Ṭha e, ka rawn be tlang thei miah lo che a," ka tih chuan, "Nia, inngaihtuahna hunthâwl ka mamawh deuh alawm le," hniam chhaka atih tâkah chuan ka ngaih a ṭha ta miah lo.

Nâ a neih leh neih loh te ka'n zawt leh rih a.

"Mafel, min hrethiam rawh, nang chu rilru puitling zâwk i ni a, Nutei nen kan inbia a.."

"Engtin maw, eng maw i sawi!?"

"Nutei nen kan inbia a, kan inṭhen chhan kha thil hriatsual palh vang a lo ni alawm le,"

"Chuan.."

"A hnenah ka kîr leh dawn.." atih chuan ka mitsulhin ka hria! Sawi mai tur hre lovin ka ngawi rauh rauh a, ka zak tihpiah lamah ka zak a ni tawp mai.

"Min ngaidam ang che, mahse, ani khâ ka duhzia i hriat kha, amah theihnghilh nâna nang kawp che ka ni tih pawh tlang takin ka sawiin ka hria, thil hriatsual palh vang liau liau a ni e." Inthlahrung aw tih hre mah ila kei, Remruatfeli chapona hian a pawmzam thei bik ta lo.

"Zirsang, ava mak tehtawl awm ve, Nutei be lo tura intiamtu khâ i ni meuh a maw!? Inbe lo ula chuan tuna i thusawi zawng zawng te kha i tân sawi angai hauh lo ang." Ka ti ta a.

"Ka thiam loh a ni. Mahse, a hmasa zâwk nge nge, kan inṭhen chhan engkimah ka dik lo zâwk vek si a, chuvangin ka kîr a ngai, angai a ni tawp mai." Ati nawn leh sup a.

"A ṭha e, i duhthlanna a pawimawh ber a, kei leh nautê hi min rawn ngaihtuah eih suh ang che. Mipa, mahni thutiam pawh zah lotu hi eng atan mah ka ti lova ka ti ngai hek lovang, ka nun aṭangin i chhuak tawh tih inhre bawk ang che." Ka ti hmiah hmiah a, tlâwm zâwk nih tumna ka nei thertê lo.

"Mafel..."

"Nangmah avang hian mipa ka ring leh tawh ngai hek lovang. In inṭhen laia 'Vawikhat chauh sawi dun leh rawh u, inrem leh hrâm ula aṭha ka ti' tia ka sawi lai khân engtin nge min chhân khâ, tunah hian ka kiangah awm la chuan i mitah enin, 'Zirsanglian tenawm khawro pa' tia koh che ka châk." Ka sawi zâwng ringawt pawhin ka thinrim et et a, ka chhugril ber thlengin a na ngawih ngawih tlat a ni.

"Sawi tur ka nei tawh lo.." ati tawl a.

"I nei lo rêng ang chû, i dik lo zâwk tlat alawm, tun aṭang chuan i fâ nilovin ka fâ, ka tâ a ni tawh ang; i hming a pu lo anga, miin a pa hming min zawh pawhin, ka kâ hian a sawi ri ngai lo ang che." Ka tih leh chuan a thaw chhuak hawk a, ka duh aia tam ka ṭawng dâwn tlat.

"In enkawl ṭha la, hlim takin awm zêl ang che u, i tel lovin kum tamtak ka lo hmang liam tawh a, tunah pawh ka hman theih lohna chhan tur ka hre miah lo, zak ve thei i nih chuan min rawn call tawh reng reng suh ang che." Tiin phone ka off ta a.

Phone ka dah chiah chu khumah ka ṭhu thla hnawk a, ka ngaihtuahna tâwi tuk mai.

An inrem leh theih nân hmâ ka la lovem ni? Theihtâwp chhuahin a duh lo chung chung ka biak luihtîr zâwk a nih kha maw le! Ka mipa duh ve ngawih ngawih, ka vawikhat hmuhnaa engkim huama thutâwp ka siampui ngei maiin tihian min ti ta chu a nia.

Ka ṭah a chhuak lo ka tih chuan dâwt lian tak ka sawi tihna. Lukham lakângin ka hmai ka hup a, ka râi thu sawi pawh eng tih thu loh. A pa hming sawi tlâk mipa rinawm ka nei ta lo hi nâ ka ti ngawih ngawih a, ka thinlung pik leh tâwt lutuk tireh tur hian eng damdawi mah a awm lo.

Zahna, mualphona, natna te nen lam engkim mai ka ta vek anni.

Lukham behchhanin ringtaka au chhuah ka châk a, ka âw ri chhuak tur a awm hek lo.

Doctor hna ka hmuh khân lâwm avangin Pathian hnenah ka inkawltir a nih kha. Mahse, min dahna hmun leh midangte tâna nung tura min duhna zâwn thlir lovin ka mihring duhna ka tilian ta a, kum eng emaw zât ka zahawmna ka lo humhim tawh chu Zirsangliana alakah ka hlauh fâi vek ta a nia.

Inneih lam tinzâwn lo mahila a pa hming chhuang taka ka sawi ve theih nân a nun siam ṭhat te khâ ka lo tum ve asin. Tunah zawng, ka pum chhunga mi hnenah hian eng mah a pa chungchâng sawi tur ka nei dâwn ta lo a ni.

Ka phone switch off-in khumah ka mu meng kar a, ka hmabâk zahna namen lo ka tawn tur suangtuah ngam lovin muthilh ka tum sateh nâa a har ṭalh ṭalh khawp mai.

Pathian tel lo. Mihring induhna ringawt hi chuan tâwp chin a nei a, a tuartu dinhmun aṭang chuan khaw hawi ngaihna a awm hek lo.

Ka lû ri tluk tluk leh ka lungphû rang ta sauh te chu thunun tum mah ila, ka ti hleithei lo. Zirsangliana-ah ka lo innghat hlê tih ka hriatchhuah phah bawk.

Zankhuain chhin khat tê mah ka chhing lova, rilru siam eng ang mah ila vawilehkhata reh nghâl phiar thei ninghal lo chuan!

Khawvar dawnah ka tho chhuak ta nge nge a, ka chhunglam hliam hi ka chhungkuain an hriat ka duh miah lo. Ka bike document la chhuakin ka check zuai zuai a, rilru lâkpênna tur ka zawng ruai a ni mai.

Car thar lâk tuma ka intintuah ve na pawh a ho zo vek. Mahse, ani mai mai vang hian ka hrehawm chatuan lovang.

Fai takin ka inbuala, taksa, rilru thar put tumin bathroom-ah ka thaw chhuak halh halh a.

'Remruatfeli hi ka lo ṭhen ta a ni, ka inchhir lutuk' Zirsangliana'n atih theihna tura awm ka tum dâwn lovem ni? Ka tum ngei tur a ni.

Ani aiin ka future a bright fê zawk a, ka hna ṭha taka ka thawk zêl thei a nih chuan Vety Director nih theihna chance ka la nei hman bawk. Pasal nei lo pawh ni ila ka fâ hian min la enkawl ve ngei theihna turin ṭan ka la sauh tur a ni dâwn lo'm ni.

Bathroom chhuahsanin ka intur ka insiam a, ka phone pawh ka 'on' ve thei ta.

Ka chhungril a na lo a ni lo a, tilang tur khawpin ka â chhah hek lo. Hnunglam hawikir leh mai mai tura hmeichhe nêp ka ni hek lova ka hmabâk ka tihtur hlenchhuak tur hian ṭan mar a insawrbing ka ngai chauh zâwk a ni.

Whatsapp message a rawn lût ṭak ṭak a, Zirsangliana hnen aṭangin a tam ber. Pakhat tê mah en lovin ka clear pawp a, a number ka delete ang nge delete lovang tih ka ngaihtuah fê hnu-ah 'Tihian awm rawh se, amah be lo turin ka incontrol a ṭûl zâwk' tiin a ngai ngaiin ka dah leh ta a.

Mipa, a fâ ka pâi tih hrereng chunga min kalsantu hnenah hian inhambuai ka tum lo nasâ..

B++[BeckirafARenthleI]++®®

20.RAPSAGY

Becky Rafa Renthlei

Chapter-20

Remruatfeli

Aizawl ka kal a hun ta dêr mai.

Zinkawng zawh ka huphurh ru hle a, pa Hriata te nupa-in min la rawn be fova eng mah ka rilru natna lam a thâwi pawhin ka sawi ri ngai lo. 'Mama pawh a ṭha e, zû ala in ta miah lova kan thlâ a muang huai huai mai alawm,' tia a chanchin min hrilh pawhin ka chhângliam mai ṭhin.

Ka chhungte hnenah ka râi thu ka la sawi lang ta lo fova, ka ngam rih ngang lo a ni e. An hriat hun hunah hre ta mai se tih ngaih dan ka nei ta deuh hlek a, an hnena ka lêt leh hmâ zawng an hre bîk tawp nâng.

Zirsangliana nen inbiak chu sawi loh a reh hian a reh vawng vawng a, alakah beiseina nei tawh lo mahila vawikhat tal 'I ṭha em?' tia zawhna ka dawn te ka ring ve ṭhin. A teuh lo nasâ!

Ka tel lovin a nun a hlim a, min hrechang tawh lo pawh ni se a duh tak a nei tawh alawm le tiin ngaihtuah ve ṭhin pawh ni ila ka chhungril thûk ber chuan amah tho a zawng ru leh si.

'Ka kiangah awm lo mah la, hetah hian i awm reng ang' a thin zâwn khawih chunga a sawi lai hmêl ka mitthla nawn awn awn a, a lo sawi dik a ni.

A thusawi tawh zawng zawng zingah kha chauh kha thudik awm chhun a ni hial ta ve ang. Ka kiangah awm lo mah se ka thinlungah a châm tlat si atin ni.

Motor khalh ka peih loh avangin driver min lâksak a, ka pa car-kan keng anga, driver hian a hâwn lêt leh dawn a ni. Ka car tur pawh kan book fel vek tawh a, tuna ka phei hian 'down payment' ka tifel anga car thar ka nei dâwn ta.

"Mafel, chaw kan chhum kêp che u a nia, in lo ei chho turah kan ngai," Pukpui ṭawngṭaina hmuna kan chawlh laiin nu Zuali'n min rawn bia a, 'Aih' tia chhân chi ni hek lo. "Kan lo thlen dâwnah ka lo hrilh ang che," ka ti ta zâwk a.

Driver ka'n ti tak nâa tuna motor khalhtu hi Rammawia a ni a, ka pa thawhpui ṭhin pa Zela fapa a ni. Tunah hian Horticulture-ah a thawk ve mêk a, tlangval fel tak a ni nghe nghe.

"Mafel, i pa khân riak nghal la naktukah i lo lêt chauh dâwn nia, ati sia engtin nge ni ang, motor hi ka nî te inah ka keng tlang mai dawn em ni?'' Hnehsawh zetin car-a khalh a, a kuttin, mipa kut tih hriat taka fai sar leh bûl mât chu a nalh angreng.

"Ka inah thleng mai rawh ka lo mikhual ang che, zankhat na nâ na chu.."

"A chiloh lutuk, miin an hmu khaw lo ang che," ati mai a.

"Mî ah ka buai hleinem, i duh leh duh loh a nimai.."

"Duh te chu duh e.." ati lawi si.

Zirsanga te in awmna ka hrilh a, kawngpui bul mai anih vangin Rammawia paw'n a hre ve nghal mai a, "Hotel-a chaw ei ai chuan a nuam daih ang chu.." car tidingin ka ṭhutna lam kawngkhar min hawnsak thlap a, a polite riau!

"Ka chhungte anga ka neih ve an nia, inthlahrung reng reng suh, nula chhe lo deuh an nei." Ka tih chuan a kiai suk duh chauh nia!

Pa Hriata ka hmu hmasabera min chibai pahin, "I chêr deuh em maw ni, i ngaihawm hle mai." Ati sup a.

"Nangni deuh, khaw'nge an awm zawh vek a!?" Ka sawi zawh rualin Arini leh a nu an lo chhuak ve bawk a, Rammawia nen ka inhmelhriattir hnu-ah chaw ei min siam sak ta nghal a, Zirsangliana nen kan inkâr chhe tawh mah se a nu leh pa a unaute hi zawng thlahthlam ka tum awzâwng lo.

An fapa ka hlatsan thei a, anni min ngainatu te erawh ka huat kher a ṭul hran lo ve.

"Fel, puar deuhvin ei rawh aw, kawng lakah thingpui in tawh lo ila kan thleng hma viau ang." Rammawia nen chauh kan ei a, anni chuan min lo eisan tawh a, a tlâi ve tawh deuh atin ni.

"Mutthlûk hisâpin ei ila a ni mai alawm, i lo zak vel ange, ka pa in ni mah suh se, puar deuhva i ei ngamna tur khawp chuan ka tlângnêl a nia.." ka sawi zawh rual a, mipa khuh kharh ri ka hriat chuan ka dâk chhuak thuai a, 'No'..

Zirsangliana ngei mai chuan mikhual room kawngkhar nghengin min lo en reng nia!

Engtin nge hetah a lo awm theih? Chennai-a awm tur a ni lo'm ni? Min en reng a, a chhungte pawh hian eng mah an sawi bawk si lo! Hus! Ka ngaihtuah thui peih lo e a, puar el euhvin ei ila tlânsan daih ang.

"Mafel, Mama pawh nizanah a lo thleng a, barakhaih che kan duh deuh maw le," Pa Hriata nui vur vur chuan ka nuih atiza ve hlek lova; mahse, ka nui lui sak thung.

"A nih chu, khulamah ala awm turah ka'n ngai deuh ngawt a," ka ti liam puat a.

Ka mitsîrin Zirsangliana'n Rammawia a hawisan miah lo tih ka hmuh chuan ka nuih a za ta deuh. A dik lo zâwk chuan midang pawh an hmu dik lo mai zel a ni.

Min be miah lova ka be hek lo. Rammawia leh nu Zuali an titi a, "Mafeli inah ka riak mai ang, hmundang pan a phal lo deuh a.." fiamthu-a sawi ni mah se sawi ṭha tak a ni. Min hnaihtu mipa an awm emaw ti a Zirsangliana a lo awm ve theih nân a ṭha phian.

"A tihzia em mai, amaha inkhalh phei leh ngawt tur chuan a ngaihtuahawm deuh ka ti ṭhin," nu Zuali bawkin ati leh a, kei tak chu min be lêm lo bawka ngawirengin chaw ka ei mial mial mai a ni.

A dinna hmun aṭangin Zirsangliana a rawn pên phei a, min hnai deuh hlekah lo dingin, "I eikhamah biak lawk che ka duh.." ati sup a. Zâm lo mang e, ka chhungrila thlarau sual thawk mêk hi ka thunun loh chuan Fian-a tuk lawlh ka duh mai dâwn!

"Kan hmanhmawh angreng sia, inbiakna hun kan nei kherin ka ring lo." Zawitê bawkin ka chhâng a, min han melh rum ve em em ah..

"I hman theih dan tur ka hria alawm," tiin min pawhthawh mai zuk tum a!

"I kut hmâwr pawha min dek a nih vaih chuan.." ka ṭawng ring ngam ṭha si lo. Buaithlâk ve..

"Nu, Mafeli biak lawk ka duh a, a ṭhianpa kha thingpui hâng lo lum sak la.." Zirsanga'n atih lai ccuan kut ka sil zo ve chiah a.

"Hmanhmawh deuh rawh aw, an chhuak tlâi lutuk ang," a nu chhânna avang chuan eng mah sawi ve ka tum lo. Rammawia pawh nuam lo tihmel angin alang bîk lova, biak loh pawh tum ila a nu leh pa hriat laia a sawi tlat avangin hnial khâ thilmawi ber a ni lem lo.

Ni e, râlkhat aṭang kha chuan ka duh ang pawh ka sawi chhuak thei lova a tâwp nân ka be tur a ni. Ka rawt hmasak ni lovin ama sawi zâwk a nia lawm le.

"Ram, kan inbe zuai ang aw, a rei lo ang," ka tilui ve ngat a. Thil ṭul ber a ni lo tih ka hria; mahse, amah vanga nâ ka ni tih hriattir ka tum lo bur.

Mikhual pindanah kan inzui lût ta a.

"I ṭha em?" Ati sup a.

"Ṭha angin ka lang em?"

"I ṭhat hmel khawp mai, kei chu ka ṭha lo," ati leh a.

"Lo ṭha zel teh khai! Nang ber i ṭhat loh te chuan a ṭha nâng, kei chu ngaihtuah ka ngai lo ka tih tawh khâ, keimah ka nih chhung hi chuan ṭhat zel ka tum." Ka ti deuh hmak hmak a.

"Nautê a ṭha tel em?" Zawhna ngawt min zawh chu le!

"A ṭha lutuk tlat, ngaihtuahawm a ni miah lo, ka tâ chu ka duatin ka vawnghim ṭhin."

"Ka fâ a ni tak tak em?" Tia min zawh chuan angaihna ka hre lo deuh dâwn a, mahse, ka harhchhuak thut.

"Ni teh suh ei, ka fâ liau liau a ni e.."

"Remruatfel, thudik min hrilh rawh, i mipa rawn hruai hi i tân eng nge a nih!?" Thinrim a tum ringawt nia, kei tak hi thinrim zâwk tur ka ni reng si a.

"Rammawia of Mipa, nupui nei lo tlangval fel tak a ni e.."

"Ka fâ khâ ka duh dâwn a nia," ti nghutin min melh rûn a, a hmel thim ta deuh leh a hmai dur khap chu hlauhna chhetê mah ka nei lo.

"I fâ pâitu Nutei hnena sawi chi a va nimai awm ve, thil pawimawh sawi dun tur kan nei lêm lo rêng a ni." Tihpahin kal sawn mai ka tum a, a lo phal îkhaw lo mai!

"Khâ i pum chhunga nautê kha ka taksa pêng pakhat a ni tih hria ang che, pasal i nei a nih chuan ka taksa pêng khâ ka hnenah ka lakîr ang," a ṭawng chang fal leh hniam chhak ri chu ngainatawm loh tak a ni.

"Kan inkawp tirhtêa kan inremsiamna khâ ka la vawng reng tih hria la, 'Ka fa' tiin sawi singsawmkua mah la ṭanfung ṭha i nei chai lo, vengthlanga i fâ zâwk khâ duatin lakîr la ti nia," tia ka chhân chuan min bêng duh mai hmêl a pu.

Ka hnenah insawifiah a tum lo va, a fâ chauh a ni a duh ni.

Tenawm firfiak lutuk.

"Ka tâ la lêt leh tur hian theihtawp ka chhuah ngei ang tih lo hria ang che, tû mipa mahin ka fâ an enkawl ka remti lo." Ati nghut a, a âw-a inrintawkna lo lang chhuak chu tunhmaa ka la hriat ngai loh a ni tlat.

Nutei nen an inbakkaih leh tawh zâwk em ni ang?

"Ngun deuhvin hei hi lo ngaithla rawh. Kan inbiak hmasak ber khân i ṭawngkam tin kha ka lo record vek tih hria la, kan pahniha inremsiamna thlap a ni. Nang ngei pawhin 'aw le' tiin min pawmpui vek tawh kha a nia, court thlen ngai mah se he ka pum chhûnga naute hi zawng, min chuhpuiin pâ dinhmun dik tak i luah thei ngai lovang: A chhan chu mipain 'Ka tibuai lo ang che' tiin thû i tiam tawh alawm." Ka ṭawng a dam raihin a zawi viau nâ a, ka thin erawh a phu dat dat thung si.

Ka phone leh ear phone phawrhin kan inngaihzawn tak tak hmâa naute chungchâng kan sawina, ka lo record diam tawh chu ka ngaihthlâk tir ta a.

"Kha thutiam kha ka tân engtihna mah a ni lo. Ka fâ a nih tak tak chuan ka thlahthlam ngai hek lo ang." Chang khel khawla min chhânna chuan ka thin tertek ati chhuak nghal pang mai. Mahse, thinrima ankhum buan buan chi mipa khâ a nih tlat loh avangin ka insûm leh ta zawk a.

"Ka fâ tia sawi ngam tur i nilo. He khawvel mipa zinga nêp ka tih ber leh thutiam zah zo lo awmchhun chu Zirsangliana a ni. I nihna dik tak hrechhuak hmasa tura Bâwng ek khawro mai mai thluak ka nei lo hi ka va lâwm êm.." Ka sawi zawh rualin ka biang ari ṭhuai a, ka mittui a hnâm nghâl sawk thei nia.

"I nihna dik tak pholang tur hian vawi tam ben ngai mah ila ka tuar duh fê zâwk.." tih pahin a bekah ka bêng lêt ve hmiah. Ka kut a thîp ngei mai.

Kan thâwm a ṭha deuh a ni ngei ang, nu Zuali a rawn lang chawpchilh nghâl a, min entawn sek hnu-ah, "Ngaidamtu thinlung in put ve ve loh chuan in inrem mawh khawp ang," tiin a chhuak zui a, min haw hmêl a pu hran lo tih ka lo hmu hman hrâm.

"Remruatfel, i nasa mah mah.."

"Zirsanglian, i nasa lo mah mah, a ruala sâwnthlâk thei mipa hi engtikah mah ka ring thei ngai tawh lovang, i kâ chîp la, Lalsawmthangi vuan tlang ang che."

"Ka thu thu a ni."

"A pa hming min zawh hunah ka sawi dâwn tlat loh avangin lo insawi mualpho duh suh, thi dâwn mahila ka sawi chatuan lovang," dam taka ṭawng a har ta ngei mai.

Min chhân leh hmâin rang lutuk hian ka tlânchhuak a, min chelh tumin min ban ve tak nâa min man hman ta lo hlauh.

Min kalsan hmasatu a ni a, chelh din leh vau mai maia hnunglam hawi dûk dûk hmeichhia ka ni lo chiang em mai.

Nui sângin pa Hriata te nupa ka be lui kher a, min enchîk tih hre reng mahila hriat loh der mai a finthlâk zâwk.

Rammawia'n min lo be vat a, "Kan kal tawh dâwn em ni ang, a tlai zel a nia," atih chuan ka bu nghauh a, Zirsangliana ala rawn chhuak ta lo.

"Tluang deuvin kal r'u aw, Mafel, ka la rawn be ṭha ang che," nu Zualin ati a, car-a ka ṭhut vek tawh hnu-ah kawngka bula Zirsanga ding ka hmu reng a, en chu sawi loh vawm chawrh a nia ka duh ni.

Khatianga min hnâwl hnu leh zak taka min siam hnu khân ka la be leh peih hi chu lâwm ngawih ngawih tur a ni. A hmel ṭha. Mahse, a thinlung a dum mah mah.

Vawikhat pawh hawikir duh tawh lovin kan tlân liam ta a.

An ina alo awm leh ngawt dan khâ hre chiah lo mahila a hlim lo a ni tih ka hmu thiam ve tlat!

Nautê min chuhpui te chu ala tum ve a, a teuh hian a teuh lo nasâ..

"In boruak a fuh vak lo a ni maw!?" Rei fê kan tlân hnu-ah Rammawia a rawn ṭawng ve chauh a.

"Fuh teh nâng, hlap er a nia ka duh ni.." ka nui sak a.

"Insûm teh khai! Lungphu ṭha lo i nei palh ang e.." a nui suk suk a, ka chhâng tawh lem lo.

Zirsangliana awm vang a nih kha chaw ei chho tura min lo sawm mai mai. An fapa nihna dik tak an hriat hunah an nui tawh miah lo ang.

Zirsangliana ngaihtuah duh tawh lovin muthilh ka tum ta a, ka thei êm ang chu.

Min benna lah hi a sa vut vut lehnghal nen ka thin arim ṭung mai..

Nunphung pangngai ka zawh theih hmâ chu an khuaah kal leh tawh ngai lo turin rilru ka siam ta sauh sauh a.

©<++++[BeckirafARenthleI]++++>®

 21.RAPSAGY

Becky Rafa Renthlei

Chapter-21

Remruatfeli

Ka hna ka ṭanna pawh thlâ aliam ve ta reng mai!

Nitin office-ah kalin theihpatawp takmeuh meuh hian hnâ ka thawk a ni ber mai. Tû mipa mah ka hnaih ngai lova, ṭhian takngial pawh ka kâwm ta lo. Ka pum chhunga mi hian 'Ka ṭhang thei lo' ti bîk hek suh, a zên mi ka lo ni bawk nen a lang hmâ dawn riauvin ka hria a, ka huphurh kher mai.

Nu Zuali leh Pa Hriata'n min lo la call zeuh zeuh a, an lakah thinrim lo mah ila biak teh fo pawh ṭha a ka hriat loh avangin ka phone hmasa khât hle.

Hmeichhe dang anga luangliam mi ni ila chuan status ka up kûr ve nguaiin ka ring.

Zankhat ka mu chu ka muhil thei ngang lova ka phone-a Zirsanga nena kan thlalâk ka en ta alawm. A hmel ṭha tak leh a hmai fang dik zet te, min duh hmêl taka min melh lai te ka en nawn leh meuh chuan lunglenna hrilêngin min man titih nia!

A vawikhat nân 'status up' alang ve tlat.

#Hnunglam hawikîr duh tur khawpa nêp ka ni lo hi ka vanneihna awmchhun a ni hial ang a. Tih chiah ka dah a, lo en hmasatute pahnih chu Nutei leh Zirsanga anni!

Zirsanga hian ka number ala kawl reng tihna a nia! Ani chuan status a ngah thei fia fia khawp mai. Kan inṭhen aṭangin pakhat tê mah ka la en sak miah lova, en ka châk; mahse, amah ngaihven anga lan ka tum lo bur.

A zirlai a zo lek lek tawh tih ka hre ve thova, hmânni a a lo haw ve ngawt dan kha a chhungte'n an la hrechhuak lo. Ngawirengin a haw tawp a ni awm e, Nutei a ngai tawh tepawh a ni mahna.

Aizawla kan phei tûk khan a chhuk lehnghal tih Arini'n min hrilh a, kan chungchâng min zawh chhuah a tum viau nâ a, ka sawi ṭha duh ta bik lo.

#Thil awmzia chhuichhuak hmasa lova ngaih dan siam mai mai mi i lo ni ta elaw? Zirsanga'n whatsapp aṭangin min rawn be hlawl a, mak hle mai!

Ka chhâng duh ta chuang lo. Tleirawl ka ni tawh lova whatsapp-a thu sepsel tê tê hmanga biak reng tur atan hun ka nei lo.

#Remruatfel, i pum chhunga mi khâ ka tâ, ruahsur laia ka siam a nih kha.

Ka nuih aza teuh kher mai, a rûi deuh em maw ni!? Ka en sak zêla ka chhâng duh ṭhak lo.

Min call a tum hran lova ka nun aṭanga a chhuah tawh miau avangin phone ka off san ta daih a.

Zirsangliana

Chennai 11:30 Pm

Ka in luahpui Hruaia nen dinner eiin kan chhuak a, Party-na hmunah min pênsan avangin keimahin ka haw ta kha a nia.

Remruatfeli ngaihtuah loh tum eng ang mah ila ka thluakah leh ka thinlungah hian hmun tam ber a chang zel si.

Ka ruahmanna a kal tluang a nih chuan engtikniah emaw ka hnenah alo lêt leh ngei ka beisei takzet.

Nutei hnena kîr tur anga ka insawi kha ka ti takzet lo tih hrethiam thei turin min ringtâwk se a ṭha tur a nia, a rûka ka insawifiahna whatsapp aṭanga ka thawn lah a hre lo der tlat tawh si!

Ka thluak nu but hian eng mah hre lo khawpa ruih a châk ngawih ngawih a; mahse, zû in tawh lo tura min fuihtu leh ka hmâkhua ngaia ami zilhna khâ ka zah thlâwt a ni. Nutei hnenah lemchan a ngai ta erawh he khawvela ka thil nin ber 'number one' a ni ngei ang.

"Zirsang, ka fanu hian i fâ ngei a pâi tih i haider lui a nih chuan i pa rawngbawlna, kohhran leh khawtlângah mualpho theihtâwpin ka siam ang, tunah innei thei rih lo mah ula hmeichhe dang ngaihven i nei tih kan hre vek a nia," Tia Nutei pa min vauna kha ka thinlungah ari nawn tlut tlut a.

Ka pa, ka ṭhatna duhtu, min zilhtu leh min hmangaihtu hi a fapa Zirsangliana vânga damchhûnga a mualpho tur hi ka ngai ngam lo a ni.

Nutei pa hi tuna kan awmna khuaa VC member a ni a, tunhma chuan Soil-ah a thawk ṭhin. Pa induh tak leh thinthawk thut nei a ni nghe nghe a, ka pa hnâ thleng hian a tuar lo ang tih ka sawi thei tlat lo.

Thingtlâng khua tak tak, motor luh phâk lohna hmun ang ni si lo-ah chuan an rilru hi a zîm mah mah emaw tih mai a awl khawp mai! Khawtlângah mi chanchin sawi an la peih ve hle a ni ber mai. Aizawla kan inpui-a haw ka châk et et tawh. Kan awmhmun nghet a ni lo a, hotê-a hminghliau a awl em em bawk a ni.

Ka nu leh pa hnathawh avanga helai hmuna awm ve mai kan ni a, an transfer ta a nih pawhin pawi kan ti lo. Mahse, a fapa vanga hmingchhe lutuka he khua a chhuahsan tur leh a hming ṭha sa thaichhiata a awm tur hi ka duh lo a ni ber mai.

'Tunah nupuiah nei nghal rawh' min ti pawh a ni chuang lo a, Mafeli hi luhlulin tihmawh viau mah se kan tân kawng a la inhawng ang tih rinna ka nei ve tlat a; 'lemchan' a ni tih hrilh hriat ka duh; mahse, hmanzâna ka biak khan sawi lanna hun a awm ngang lova, a chhan chu a rilru na lutuk khân ka thusawi zawh nghâk hman lovin a duh ang a sawi hnuah phone a off ta a nih kha.

Mipa ka ni a, ka lung pawh a lêng ngei mai; mahse, ka zirlai ka zawh hma leh Nutei ka chinfel hmâ chuan beiseina ka siam duh tingtang ta lo a ni.

Ka thutiamah ka la ding reng a, ka la phatsan bawk hek lo. Lalsawmthangi te chhungkaw mâkpa nih tumna ka nei miah lova, tuna rilru chhe lutuk pu chunga min ṭawngkhum dan a ṭang hian nupuia neih chi ninghal lo chuan. Teuh lo lutuk, ka nei malêk ang. Ani neih ai chuan Ramthim a missionary pawh ka thlâng fê.

 hah! Ka thil ngaihtuah dan mai mai chu, 'Zirsangliana Rampâwn missionary' ka ngaihtuah zâwng ringawt pawhin ka nui suk suk a, ang lo lutuk.

Chennai aṭanga ka haw nachhan ber pawh Lalsawmthangi pa nen inbiak ṭula ka hriat vang a ni. Ka zirlai ka zawh phawt loh chuan khawdang ka hawi thei lo tih thlengin ka sawi tlang vek a, mi mâwl ka ni lo, tlangval awm ṭha duh lo lah ka ni hek lo. Harhfîm kêk kâwkin leh ngaihtuahna zau zâwk put a ngai tih ka hre kar tawh tlat alawm.

Mafeli pawh hmeichhe rilru kâwi a ni lo a, ka dik na nâ na chuan min hriatthiam hun ala nei em emin ka ring tlat nia.

Tunah rih chuan a hlimchhawn a lo ni bawk nen ka hrilh dan teh tawl kha dawnsawn thiam a har ve bawkin ka ring a, ṭawngkam ka thiam loh aleiah ka ngaihtuah loh dan puiin ka sawi chhuak ve bawk atin ni.

Nutei call a rawn lut a, zan lai laiah engvanga min lo call nge a nih! Nitin min rawn be ziah tho taknâin zanrei lamah chuan 'lehkha zir ka duh' ka tih deuh tlat avangin min rawn be ngai miah lo kha a nia.

"Aw sawi rawh.." ka pick ruala ka tih chuan min chhângtu an awm miah lo, ari hruih hruih ringawt nia! Loudspeaker-ah dahin, "I ṭap elaw..!?" Ka ti leh a.

Ṭawng thâwm a rawn ri ta a, mipa aw thûm lam hian, 'Ka la hrechhuak khawp ang' atih ri te pawh ka hre nêl nual a, atir chuan a pa âw emaw ka ti zet a; mahse, Nutei'n insût faih faih chunga, 'I fâ a ni lo, hâw tawh rawh,' atih ri chuan ka beng a verh zar mai.

Rang lutukin call record ka hmet nghâl a, a fiah lo viau nâin a hriat theih chang chang chu a ni ber e.

'Lalsawmthang, mipa ka nih hi tunah dik takin min chhâng rawh, ka fâ a ni nge ni lo?" Chu pa aw chu hre tawh thânin ka inhria a, tunge tih ka ngaihtuah chhuak zo tawh si lo.

'I fâ a ni lo, a ni ngai lo ang..' ari leh ṭawk ṭawk a, eng mah ka hrezui tawh lo. Phone an inchuh nalamah min lo call palh a nih ka ring ta a, tunah zân dâr sawmpahnih a pêl duai tawh a, an inah ngampa takin mipa ala awm tihna a nia! Kei hi min bum hauh lo ang, kei lo mipa dang an awm tih alang uar a, ka hriatchhuah ngei angai.

Zanrei pawh sawi lovin Sangpuia ka call nghal a, a lêng rei thei thova a muthilh ka la ring chiah lo.

Vawithum a 'ring' hnu-ah min rawn chhâng ta hrâm e.

"Mâm, eng nge ni ta?"

"Rang lutukin tunah khân Bike la chhuak la, Nutei te in thlen hmâin ding la tumahin an hmuh loh nân che fimkhur ang che, an in aṭanga mipa lo chhuak hriat tum rawh.." ka tinghal zung zung a.

"Ava tlai tawh ve le..."

"A pawimawh a nia, lokal hrâm rawh, i phone keng la, i hmuh pa thlâ rawn la ang che, ka dah.." ka phûr ngei mai.

Mipa dang an awm a nih chuan ka fâ a ni emaw ni lo pawh ni se, keimah ni lo mutpui a nei tih ka hre kar tawh, mahse, finfiahna ka neih loh chuan awmzia a awm dawn miah lo.

Kei misual dum mai nilo ung firfiak hi vanneihnain min kiansan dâwn lo a nih hmel hle mai. Mahse, Mafeli mipa hruai ve Rammawia khân min tilawm chiah lo.

Kan pianphung a inang viau a, kei aiin a chêr deuh, kum lamah chuan a upa zawkin ka ring a, kan doctor hian mipa dang a ngaihven ka ring chiah lo nâ a; mahse, thil awm thei a ni ve tlat.

Engtin nge min ṭawngkhum khâ, 'A pa i ni tih sawi lan ka tum miau si lova lo insawi mualpho duh suh.' ka chhungril ker nget nget tura ṭawng pawh a lo thiam ngei mai!

Ka nu leh pa hnenah Nutei chungchang ka sawi lang vek tawh a, an thultlûkna chuan min va ti lawm si êm. Ka zir chhuah hmâ eng mah sawi an tum lo va, palâi pawh an tîr dawn rih lo.

'Mama, Mafeli hi engtin nge ni ang a hre ve tawh em?' Ka nu min zawhna kha chhân a har viau a nih kha. 'A hre tawh a, kan inkâr a tâwp hmiah' tia ka chhânna chu ka nu lawmzawng a ni lo khawp mai, 'He khawvelah hian vâk vâk mah la, ani anga duhsaktu leh i ṭhatna tur duhtu an awm tawh lovang a pawi êm mai,' ati a.

Mafeli thu zâwmin ka chhungte hnenah a râi thu ka sawi lang lova, chutiang tho chuan Nutei pa ṭawng dan ka sawi lang chuan hek lo. Kan inzui reizia hretu an ni a, ngaih dan an nei sa tepawh a ni mahna.

Sangpuia'n min lo call chuan zinglam dâr khat ari tawh a, "Mâm, Nutei te ina lêng chu Ramthana a ni e, Veranda thleng a rawn thlah a, an inhnial deuh a ang ka tia an ṭawng ka hre pha chiah lova,' a rawn ti ta a.

"Thlâ chu i la em?"

"La e, a thim bawk sia flash ka on ngam lo bawk nen a fiah lo lutuk,"

"A pawi reng reng lo, min lo thawn rawh aw.."

"Eng atan nge i tih reng reng a?" A tih chuan, "A pawimawh lutuk a ni tawp mai," tiin ka chhâng a.

"Min hrilh ve ngei angai ang.." a nui zui a, mak ati a nih pawhin min zâwt dilchhût lem lo.

"Sangpui, naktuk zan aṭang chuan Nutei leh Ramthana chhui hna lo thawk la, Timberland boot ka lo hawn ang che." Ka ti ta a.

"Engtin nge ka chhui vak anga!?"

"An awm dun lai emaw an ina a lût chhuak lo ngaihven la, inngaihzawnna an nei em? Tih hriat a nimai," chiang kelh kawlha kan inhrilh fê hnu-ah kan inbiakna ka titawp ta a.

Ramthana pu leh Nutei pu hi unau anni a, cousin annih vângin an inkawp em tih hriat chian a ngai takzet. Phone-a mipa aw kha Ramthana aw a ni lo ve thei tlat a, unau inngaihzawn thu awm suh!

Ka mood a off chawpchilh nghal a, ka lo lâwm ve hman tawh tehreng nen a mipa hre fuh ngat ila chuan an tâna sawibuai tur awm miah lovin ka'n ṭhen hmiah mai tur.

Mahse, beiseina tlêm ka la nei a, chu chu 'mipa-in ka fâ a ni em?' tih zawhna a zâwt ngam anih chuan a inrawlh ngei tih a chiang sa reng.

Zirsangliana bum tumtute hi bum lêt dan kawng a awm tur a ni ringawt. Lalsawmthangi hian a unaupa a nih vângin mualpho thup nân min hmang ve thei tho bawk.

Chhin khat tê mah chhing lovin ka tlaivâr ṭhak a, ka nau pic min lo thawn fiah mang lo chu vawi engzât nge ka en hman tawh pawh ka hre lo.

Kan inṭhen aṭangin status za chuang fê ka nei tawh a, kan doctor luhlul hian vawikhat mah zuk en lova! Min thlah hlen a tum ve khawp chuan ka hria.

Amah aia dinhmun sâng zâwka ka awm hma loh chuan ka thunun thei dâwn em ni? Mahse, ka hmangaihna hian a kiansan hlen dawn si lo.

 hah! Tunah khân 'Ka hmangaih' tiin ka suangtuah maw! Kei hian tisa induhna leh in îtna piahlamah ka lo hmangaih reng tihna a nia. 'Lalpa, amah nei lêt leh tur hian Missionary-a kal ngai mah se pawi ka ti lo' tia ṭawngṭai mai tur em ni ang.

Chu em em zawng ka peihna leh ka Kristianna dâl ve tak hian a tlin ka ring si lo. Sâwn pahnih thlâka rawngbâwla chhuah te chu a! A ang lo lutuk!

Ka thil ngaihtuah avang chuan khawvar lamah ka nui chhuak hawk a, miin min hmu se mak anti teh ang chu! Hmeichhe pakhat, vety doctor zûna uai turah ka indah chhin ngai lova tunah chuan amah ka neih lêt theih dan tur kawng tinrenga ka dap a ngai tawh chu a nih ber hi..

After 2 months

Aizawl. Remruatfeli

"Mate, ka awih thei hlawl lo, engtin nge i lo zêp ngar ngar theih le!?" Ka nau Bawiha rilru na hmêl ka hmuh chuan hrehawm tih piahlamah ka hrehawm thlâwt. Ka ngawi reng a.

"Ka nu leh pa'n an hriat hunah an rilru a va na dâwn êm?" Tiin a ṭhutna aṭanga tho chhuakin ka in luah zimtê-ah chuan a tei nghauh nghauh va. Ka nau Remruatpuia, fiamthu duh leh min ngainatu khâ hmuh tur a awm tawh lo.

Ka naupâi a hre chhuak ta hi pawi ka ti a ni lova, a hun hmâa a hria erawh pawi ka ti zawk a ni.

Kan nau Dintea ka awmpui khân a lo va phone a, 'U Mafeli hi a nun a hlim hlawl lo, chaw a a ei tlêm si, hna a thawkrim bawk si a, ka ngaih ati ṭha lo' alo va ti ngawt pek a, min ngaihtuah em emtu Bawiha hian ka nu leh pa hrilhin nizan khân a lo zin a ni.

"Mate, vawikhat chiah ka zâwt leh ang che, tunge a pa..?"

Chhân chu sawi loh hnuailam bihin ka kûn ngar a, ka sawi dâwn lo a ni tawp mai.

"Eng ang pawhin min zâwt mah la ka sawi dâwn lo, khawngaihin min nawr lui tawh suh.." ka ti sap a.

"Luhlul hun a ni tawh lo, sawi rawh, a nei duh lo che a nih pawhin chhungkua i la nei a, hna nghet i nei bawk a, i tân eng mah lungkham tur a awm lo, pa nei lo-in fâ a pâi theih loh tih te chu ka hre ve reng," a tukkhum dawmin a ding leh a, thinrim awki vînin min zâwt hauh lo. Mahse, a thin a rim tih erawh ka hria.

"Ka nu leh pa hnenah sawi la, nau ka neih hmâ lo haw ka tum lo a nia," ka tih chuan lokal hnaiin ka darah a vuan a, "I luhlul tih chu ka hria, hetiang em em a luhlul i ni tih ka lo hre lo a ni," min sâwi deuh nawk a, ka thin asa ve phat; ka râino thinchhe ve bawk nen ka ding uaih a, "Remruatpui, luhaia ka tlûk i duh loh chuan zawhna min zâwt tawh suh, ka tihdik loh man chu ka têl mai ang," ka mittui a hnâi kuar a, ṭap lo turin ka insûm nasâ.

"A ṭha e, i thu thu a ni, ka nu leh pa hnenah chuan 'a pa sawi tur a hre lo' ka lo ti dâwn nia," thinrim lutukin kawngka lam a pan a, kawngkhar a rawn nam khâr bur a, a chhuak zui ta a.

Ka nau pâiin thla thum hmêl a hmu tawh a, min chîktu tan chuan hriat a har lo ngawt ang, ka nghâwng a rêk ngât a, ka mitkhur a tla deuh bawk. A chhan chu ka muhil ṭha lovin taksa ṭhatpui tham eng mah ka ei lo bawk a, Zirsangliana vânga ka rilru natna hi sawi chhuak lo mah ila ngâwi rengin ka tuar ru tlawk tlawk a ni ber mai.

Zirsanga chanchin hriat ka nei lo a, Chennai-ah ala awm nge awm lo pawh ka hre tawh bik lo. Ka ngaihven lo a ni tawp mai.

A nu leh pa a unaute nen kan inbe leh zauh ṭhin a; mahse, a chanchin an sawi ngai lo hrim hrim!

Nutei nen an inkawp leh aṭang hian Nutei pawh a reh hmiah a, ka status en erawh ala ṭhulh chuang lo. A râi lian riau tawhin ka ring a, ka tâna mipa hmasaber a nei dâwn ta chu a nia. Ka na lo ka tih chuan dâwt muhlûm a ni, ka na ru ngawih ngawih a, ka luhlulna leh induh tâwkna hian hmalam min pantîr mai mai zâwk a ni.

Bawiha alo la lêt lova, ka daisual man têl tur hian chak taka ka awm a ngai a ni.

Khumah ka mu meng kar a, Dintea lehkhazir thâwm pawh ka hre reng a, ani hi awm lo phei se chuan ka khua a har ngawt ang, fiamthu a duh bâkah engkim ka tih ve ngai lovin min chhâwk hneh em em a, mipa mah nise a fel thlâwt.

Ka phone a rawn rîk chuan ka phu zawk a, Bawiha khân ka nu leh pa a hrilh tawh anga min lo call nghal a nih ka ring a. Mahse, pa Hriata lek lo niin!

Zirsanga pa hian tun ang hunah eng atan nge min biak a duh tih ka hriat si loh.

"Hello.."

"Mafel, i dam ṭha em?"

"Dam e, nangni zâwk?"

"Kan ṭha e, i mak ka ti, kan fapa nen in inkâr boruak ṭha lo avanga keini thleng thlenga min be duh ta lo hi i nu Zuali ngaih dan a ni lo a, kan fanu ang chiaha kan en i ni a, Zirsangliana tih vel vânga inreh san hmiah chu kan lawm lo viau a nia." Ati ta a.

"Chutiang pawh a ni lo, kan buai ve lutuk a.."

"Inbuai ang tih chu ka hre tho a, kan lo biak loh che chuan min biak hmasak reng reng i tum ta lo a, kan ngaih tehlul che nen.."

"Ka lo la be dâwn chauh che u," tiin ka nui lui ngial a; ni e, ka thiam lo let dêr a ni.

Zirsangliana nen kan inzawm hma pawhin min duatin min ngaihsak em em a, Arini leh Sangpuia te pawh anni vek tho. Ka lo ti lutuk deuh em maw ni?

Ka zin leh theih hun turte min zâwtin thil chi hrang hrang a sawi luam a, a fapa chanchin erawh a sawi lang eih lo. Chennai-ah a awm tawh lovin ka ring a, result a nghâk mêk ang tih erawh an exam hun tur whatsapp-ah min lo hrilh aṭangin ka chhût ve mai.

"Remchângah lo zin ngei ngei ang che," tiin kan inbiakna a titawp ta a.

Ka zin khawp ang, ka dam a nih phawt chuan; mahse, tunah nilovin nautê ka neih hunah a pi leh pu diktak, a nî leh a patea te ka la hmuhtir ngei ang.

After 2 hours

Bawiha a rawn haw lova, a ṭhiante inah a riak dawn tih message-in a rawn sawi a, 'Lo haw rawh' tih ka tum ûk a, a duh dâwn chuang lova ka hriat avangin 'Aw le' tiin ka chhâng ta zawk a.

"U Mafel, kawngka an rawn kik a, ka hawng dâwn em?" Ka room-ah Dintea a rawn dâk a, tunah 11:30 Pm ari tawh a, tunge lokal tur awm? Doctor ka nih vang hian min rawn pan ve zauh zauh ṭhin a, chutiang pawh chu a ni maithei!

"Hawn sak la, a pawimawh viau loh chuan a mu tawh timai rawh aw.."

"Aw le," a pen thlauh chhar paha tiin a chhuak leh mai a.

"Mu tawh mah se ka hmu duh alawm," mipa aw hniam chhak chu ka la hrechiang ngang mai.

Zirsangliana a ni!

Rang lutukin ka thova ka room kawngkhar kalh tuma ka pawt chiah tihin, "Remruatfel, i muhil lo tih ka hrechiang alawm, dâwt i sawi dâwn chuan i whatsapp kha hide online-ah dah rawh aw.." tiin a rawn pên lût ta a.

"Chhuak rawh, i pa in nilovin ka in a nih hi.." ka vîn hauh lo a, ka ṭawng erawh a chang fal fal khawp mai.

"Ka pa in nise chuan kawngka ka kik ṭulh ṭulh lovang," ka bânah vuanin khumah min nem ṭhu a, chîk lutuk tak mai hian min en a, chutah ner sawk chung hian, "Doctor eitur hrisel ngaina ṭhin kha i lo tlahniam hle mai," ati sup a.

"Ngawi hmiah rawh, Zirchhekhâwn.."

"Hming thar neih hi ka inhmeh ve hrim hrim, Zirsanglian rûi nâwi pa, tia inkoh ai chuan a lawmawm dan a dang deuh."

"Chhuak phawt mai teh," min vawnna thingthlain ka ding hluai a, engtin mah min ti bîk miah lo!

"Min haw hlum ṭhakin kut min thlâk mah la ka sawi tur ka sawi hma chuan chhuah ka tum lo." Ati deuh hmuk a.

"Nang nen sawi tur kan nei tawh lo, kan nei lo takzet?"

"A nih leh Bawiha'n min lo call tih sawi ila i ngaih dan a dang deuh lo maw!?" Atih sup tâkah chuan ka hawi phâwk ta hrâ a. Remruatpuia khân Zirsangliana hi ka fâ pa a nih a lo ring tihna a ni maw! Hus! Nau fing zet ka lo nei a nih chiah hi.

"Ka nau in a lo call che chuan inbe mai ula, a ṭhiante inah a riak dawn, nang biak che hi châkna ka nei lo, ka nunah hian i tel tawh lo mai nilovin ka eng mah i ni lo, i ni ngai tawh dawn lo tih ka sawi lovem ni!?" Ka aw a fiak ṭhak ta mai.

"I nunah ka lo tel ve dâwn pawh ka tih siloh.."

"A ṭhat chu, ti mah la i tel dâwn chuang lo.." tiin Dintea ka ko zui nghal a, "Zirsangliana hi tui in tur pe la, kan mu dâwn tawh tih lo hrilh mai rawh.." ka sawi zo hman chiah, "Ran ka nih loh hi, tui pêka lâwm rual lah ka ni hek lo, ran doctor-ho tak hi chu aw.."

"Ran doctor, ran doctor ti sek lo khân chhuak rawh.." a hnungah ka nam dawt dawt a, ka thin tertek chhuah nân minute tam nghah angai tawh hauh lovang.

"I thin ava'n chhe ve le.." tiin a chhuak ve teh tlat nia!

Dintea a be zui nghal bawrh bawrh a, "I u Mafeli eitur pudding lo siam rawh aw, ka inbual chhungin ka bag-ah khân a awm ang." A ṭawng ka hre pha reng a, eng nge maw a hriat ni!

"Engtin nge ka koh ang che?" Polite taka Dintea'n a zawh chuan, "Zirchhekhawn tih ka duh lo phawt a," atih chuan Dintea a nui hawk a, an pahnihin zuk nui chiam a!

"Tak takin, u Zirsang min ti mai rawh, i û min koh dan a nia.." ati deuh kher a, a hmâ a Zirsangliana, ngawi ngul ṭhin khâ anna pakhat mah a nei lo. Damdawi te hi a rûi zâwk nge ni! Zu rim a nam lo phawt mai ah..

"Aw le, u Zirsang, chaw i ei tawh em?" Dintea zawhna chu ṭul lo ka lo ti khawp mai a.

"Ei tawh e, pudding chu lo siam la, ka inbual zo har lovang," ati leh a.

Tih ngaihna vak ka hre bik lo. A duh chuan a fel thei hle a ni tih ka hrechiang tawh tlat a, engvanga lokal ve ngawt nge a nih hre lo mah ila tihtur pawimawh lian tham tak a nei a ni ngei ang. Kha leh chen a ngawi tawh a, nautê min chuhpui a tum ti dawn ila thlathumna tur a ni chauh a, a puar pawh ala puar mang lo ania!

Khumah ngawirengin ka mu a, ka room kawngkhar ka kalh hmiah tawh bawk. Alakah beiseina chhetê mah ka nei tawh lo va, kîr leh duhna rilru ka pu hek lo, Remruatfeli rilru tinatu hi hrem lohvin a chhuak lovang.

Nutei nen an innei ta lo nge an inṭhen ta nge pawh ka hriat si loh.

"Mafel, inthlâkna ka rawn keng lova ka thawmhnaw ka chhuk san tâk khâ ka lo ring nghâl a nia," kawngka bulah a rawn ṭawng lâwng lâwng a, ka ngawi reng thung.

"I lo hawn loh chuan.."

Ka la ngawi ta reng a..

"U Mafel, lo hawng zuai la, pudding hi lo ei rawh.." Dintea'n atih chuan "Ka ei châk lo.." ka ti hmak a.

"I muhil lo tih kan hre ta phawt chu a nia, luhlul hun minute 3 chauh hawn a ni e.." Zirsangliana mai mai chuh..

Ka tho chhuak leh ta nge nge a, ka rilru a pawimawh ber a, ka inthunun tlat chuan a duh duhin awm mah se min nawr lui chuang lovang.

Kawngkhar ka hawn rualin a rawn pên lût nghâl a, ka towel ala veng zui nia maw le!

"Zaninah chuan biak che ka tum lo, pudding saw tlêm tal ei la, ka lo inthlâk ange.." ati sup a. Chhâng lova kalpêlin choka lamah ka chhuak phei ta a.

Mi puitling china ngaih ka ni a, thinrima âng buan buan chi ka nih loh avangin lungawi lo teh mah ila midang hmuh laia tih lan kher ṭulin ka hre ta lo a ni.

Amah ngaihsak miah lo hian ka awm thei alawm, tun aṭang chuan min biak pawhin a rûl tâwk chauhvin ka chhâng tawh ang.

'Mipa rinawm lo tawh chu an rinawm thar thut ngai lo' tih hi ka vawng reng tur a ni.

©<++++[BeckirafARenthleI]++++>®

Nizan post comment zet chu ka nui nasa ngei mai. Kan ṭang tlang mai si a, Rapsagy chhiartu zawng zawngte chungah lawmthu ka sawi nawn leh e.

In comment ka chhiar khân 'I story a dangdai, a common lo, i ṭawngkauchheh ka duh..etc' atam mai.

Khawi hmunah pawh chhiar u la, ka hming lang miah lo pawh ni se ka ziak a ni tih inhriat theih nân ṭawngkauchheh danglam chherchhuah tumin ṭan ka la hle a ni tih min hriatsak theih chuan ka lawm hle ang.

Tin, induh khawp lohna pawh a tamin ka ring a, inzir zel ka ni tih leh Mizo romance ka vawikhat ziahna a ni tih kan sawilang leh ange.

Sâp thawnthu nen a danglamna tihlan ka tum hle a, Mizo chu Mizo, Sâp chu Sâp tia thliar hran theih turin ka zir ve nasa a nia.. Inzavaia chungah lawmthu ka sawi mawlh mawlh e.

 (B®®)

22.RAPSAGY

Becky Rafa Renthlei

Chapter-22

Zirsangliana

Aizawl

"Zirsanglian, i inthlâk rei mah mah tawh," room leh lam aṭanga Mafeli rawn ṭawng chuan ngaihno a bei tehchiam lo.

"Ka thawmhnaw i dahna ka hre hleinem min lo zawn sak la.."

"I duh duh kha inbel la ti nia.."

Mafeli room-ah ka la awm ta reng a, a nauvin min lo phone khân chaw ka eikham ve chiah a, ka patea inah kârkhat lai ka awm tawh nâ a; Mafeli hmu turin vawikhat mah ka la kal lo.

Dik tak chuan kal ka châk em em a, min huat êm avang leh whatsapp aṭanga ka biak pawhin min reply duh ṭhak si lo nen a rilru hneh tum eng ang mah ila ka intihah thlâwn mai maia rinna ka nei miau alawm.

Ka ring dik chiah bawk a. Mahse, zanin zet zawng chhuanlam ṭha lutuk ka neih avangin tlânchhiat ka tum lo hrim hrim.

Chennai ka chhuahsanna pawh kârhnih vêl a ni tawh a, kan inah zan thum riakin ka haw zuai a, ka patea dâwr ka kuta awm tâ enkawl hna thawk turin ka phei leh ta kha a nia.

Keima pualin sum khâwlsa eng teh chiam mah ka nei lova, chuvangin ka kê-a ka ding dâwn anih takzet chuan ṭhahnem ngai taka sumdawnna hi ka enkawl a ngai a ni.

Nutei nen kan inkârah pawh buaina em em sawi tur a awm lo, a hmâ ang teh huam khân min ngaihsak tawh lova ka lâwmthu tak a ni si. A pum a puar ve âl tawh a, Ramthana fâ a ni tih finfiahna tur nei chiah lo mah ila Sangpuia sawi danah an inzui ngun thawkhat hle tih ka hria, ka thîk chhin eih lo.

'Mâm, Nutei hi ka ringhlel tulh tulh, kan chhungkua nena inhnamhnawih pawh ka duh miah lo a nia, ṭhen hmiah rawh' Sangpuia'n ati nghe nghe a; mahse, tûn hi a hun ala ni rih lo. Nutei pa zâwk hian inneih a sawi ri ṭan tawh a, 'kohhranah pawh thunun inngai a nia' tiin min tur sek nia!

Lalsawmthangin nena thunun kawp nih ai chuan Remruatfeli nen ka duh fê zawk.

Naktukah kan khuaah ka haw phei phawt anga engkim sawi chhuah vek a ṭûl tawh a, kan mualpho ta a nih leh mualpho sîngsawm mah ila ka chaw ei ka ṭhulh awm lo em mai. Mafeli hnenah erawh chuan eng mah ka sawi rih dâwn lo a, engkim felfai taka ka chinfel hnu-ah chauh amah neih lêt leh dan ka dap mai dawn a ni.

A room aṭanga ka chhuah chuan tûm hmak chung hian ṭhutthlengah a lo ṭhu a, pudding 'ka ei châk lo' ti siin zuk ei fai vek a! Daw peih reuh mang e.

"Thin tertek tihchhuah awih loh aw, sawi buai ngai lovin ṭhutthlengah ka mu dâwn ania.." ka ti nghal a.

"Hetah riah kher a ngai lo, hâw rawh.." ati hmak a.

"Sawi buai ngai ngai lovin ti na nâ na a.."

"Zirsanglian, min run luih lo mai rawh, ka ngaih dan a pêl palh a nge," tih pahin a tho chhuak zui nghal a, a thinrim lai ka hmu khât bawk a, a nuam viau lo.

"Mafel, thinrim na tur a awm lo, ka fâ a ni tih kan hre ve ve a, min haw hle ang tih ka hriat vanga ṭhutthlenga riah tum ka ni bawk. Chuti ni lo se, i kiangah ka mu dâwn lo em ni?" Ka tih chuan min chhâng tawh lovin a room-ah a lut daih nia!

Biak zui emaw chelh tumna ka nei lo, a rilru a len bakah mahni thutiama ding tlat hmeichhia khâ a ni tlat a, nawr lui eng ang mah ila 'inhau ang' tih nen a inang reng dawn a, a dik lo zawk dinhmunah ka ding tlat si nen ngawih ka chuh ta zawk a.

Dintea a mu tawh a, 'Ka khumah mu zâwk rawh' ati ngial nâin ṭhutthlengah ka mu ta zawk a.

Engtin nge bul ka ṭan ang? Ka duat hliau hliau ang nge, a awm ang hian ka titau ve mai dâwn? Â hah! Ka thluak a chawlh hmâ zawng hi chuan amah hneh tum hian ṭan ka lâk fê angai dâwn a ni.

Khawvar dawn hnaihah ka lo chhîng ve sek a ni ngei ang, "U Zirsang, chaw ei ve nghâl rawh aw," tia Dintea'n min lo koh chuan ka harh chiang kher mai.

"Ei lo mai ang, i û in min huphurh deuh tâkah, kan khuaah ka hâw dawn a kalkawngah ka ei mai ang, ka tih chuan "A chi loh lutuk ka chhumkêp ang che." Ati ṭâlh a.

"Ni lo ve in neitunu berin min sawm mang si lova ka chhuak deuh nghal mai ang."

"Zirsanglian, khatiang sawikâwi chhên lo khan chaw ei la, i duh lam lam i pan thei ang," Mafeli'n a rawn ti ve ta a, ka nui ru suk mai.

Hetiang a nih chuan duat hliau hliau lovin a rilru la deuh zâwnga game khelh tur tihna. A va nuam si êm!

"Mafel, ka kal zâwk ange, i nauvin min lo phone vanga lokal ka nia, i sawi ang khân i nunah telve tura min duh loh chuan ka nawrlui ngai lovang che; Mahse, ka fâ in pâ hming sawi tur a nei dawn ta lo erawh ka thiam loh a ni e, thudik i hriat hunah i tân ka lo awm reng ang," amah ngaihsak tawh miah lo hian ṭhutthleng bula ka zin bag chu lain ka ding hluai a, ka hmai pawh ka phih duh tingtang tawh lo.

Ngawireng hian a ding a, min en reng ringawt!

"Dam takin le, i nu leh pa in zawhna min lo zâwt ta a nih chuan thudik ka hrilh dawn a ni tih i lo hre dawn nia, min zâwt ta lo a nih chuan i hnêna ka intiam ang ngei khân ka kâ ka ang lovang," ti supin kawngkhar lam ka pan ta a.

"U Zirsang, ka lo thlah ang che.." Dintea hian min lainat ve deuh a ni mahna, mipa rilru hrethiam tur khawpa fing fel a nih ngei ka ring.

Dintea nen kan inzui chhuah lai pawhin a dinna ngaiah Mafeli ala ding reng a, ṭawngkam khat mah a chhâkchhuak lo.

Luhlul tihpiahlama luhlul a ni.

Ka patea car i20 dum ka keng phei dawn a, Remruatfeli thinlung sak lutuk leh hliam hi tihreh dan dîl tura chawnghei ṭawngṭai neih hial mai ka duh.

"U Zirsang, keiman u Mafeli pa te chu ka lo hrilh dawn nia, heiang ringawta a awm chuan a damlo mai ang," garage bula kan din lai chuan Dintea'n ati ve a.

"Inrawlh duh suh, a luhlul si a, chubâkah keima thiam loh a nia, nakinah ka la hrilh ṭha vek ang che, lo duat la eng emaw a thleng palh a nih chuan min lo call rawh aw.." ka phone number ka pe ta a.

"Engtikah nge nautê a neih ang le..!?"

"Ṭhataka a pâi puitling a nih chuan tun aṭanga thlaruk hnuah a nei ang, ani lo hi nupuia neih tumna rilru ka pu lova ka pu ngai hek lovang." Ka tih chuan min lainat hmel a pu ve deuh.

After 7 hours

Kan khua ka thlenin zan dar sarih ari tawh a, kawng tluanin phone ka switch off ta kha a nia. Lalsawmthangi pa hnena ka ṭawng dan tur ka ngaihtuah phei nasa mai!

Ka rin loh deuhvin ka chhungte an lo awm kim ṭhap a, Arini ṭhiannu Sentei pawh a lo awm ve bawk!

"Mama, i biaktlang theih si lova kan ngaihtuah tehlul che nen," ka nu'n alo ti nghal a.

"Phone ka off daih alawm.."

"I patea lah a biak tlâk mang si lova kan hlauthawng hman alawm, chaw ei la chhungkuaa thil sawi a ngai a nia." Ati zui leh a, Nutei chungchâng a nih ka ring nghal deuh mai. Mafeli a râi tih an la hre lova, ka nu leh pa hian fahrah siam an duh dawn lo tih ka chian êm avangin palâi tirh an tum ta a nih ka ring.

Chaw eikhamah ka nu leh pa pindanah kan awm ṭhap a, mi lût chhuak an awm zeuh zeuh ṭhin avangin sitting room lama awm chi ninghal lo chuan, Arini leh Sentei an awm thung.

"Nutei fâ pâina dik tak kan hre chhuak tawh a, sâwn man kan pêk a ṭul kher tawh lo." Ka pa'n atih chuan ka phu zawk a, Sangpuia chu 'I hrilh em ni' tih melhin ka melh nghal bawk a.

"U Mâm, Ramthana'n Nutei a luhkhung a, tlâiah khân Nutei pa a lokal a.." tia min chhân chuan ka nui teuh kher mai.

"Eng nge a rawn sawi!?" Ka nu leh pa ka zâwt a.

"I laka a ṭawng dan velah ngaih dam min rawn dil a, keini'n eng mah kan lo hre ve si lo nen kan bangbo khawp mai." Atih chuan, min tih dan zawng zawng kha ka sawi chhuak ta a.

"Mama, min hrilh ni la chuan i pa hi ka ngawi hauh lovang. A dik lo zawk an ding chang ngai lo." Tiin ka dârah a bêng thak a.

"Puitlin lam i pan zel tih kan hriat hian i nu nen kan lawm hle a nia; mahse, Mafeli rilru i tinâ erawh pawi kan ti hle a ni." Ani leh ni lo ang takin pawi atih hmel tak tak a.

Ka nu ve thung chu Nutei pa min ṭawngkhum dan ka sawi zawh rual khân thinrim insûm tak hian a thaw chhuak halh a, ân hrep châk hmel a pû.

"Ramthana fa pai chunga kan chhungkua min tih hmingchhiat a tum ṭâlh hi ka lawm miah lo, palâi kan tîr hman lo hlauh hi Pathian min venna liau liau a ni e, tun chinah i nun uluk la, i nupui annih loh chuan hmeichhiat mipat kawngah fimkhur tawh ang che." Ka nu ṭawngkam kha fak avang chuan ka zak ru chem chem thei nia, nakin lawkah Mafeli chungchâng an hre leh awm si a, khua a vâr lo kher mai. Ani lahin min kalsan a tum nghet ropui mai si a.

Thil dang dang sawiin councelling class ka kal a ni ringawt. Mahse, nu leh pa hi 'kan lei Pathian an ni' tih min hrilhtu Mafeli ka hrechhuak rauh rauh mai.

Tunah chuan ka thawpik zualpui a reh tawh a, Nutei ka chinfel a ngai tawh hek lo. Nimahse, a aia khirh zâwk atel lova awm harsa ka tih em em Remruatfeli ala awm tlat si a, ka fâ dik tak pâitu leh ka hmeichhe hmangaih ngei chu.

Ka chauh deuh avangin hmâ takah ka mu a, zu in châkna ka nei khât ta pharh mai. Ka wallpaper-a Mafeli leh ka û fapa Kenedy-a thlalâk chu ka en vang vang a, ka lung a lêng ngawih ngawih.

"Mipa tiha mawi lo khawpin i zuk lunglêng vêl ange" Tia a sawi lai hmêl te kha ka mitthlâah a châm reng nia!

Lalsawmthangi ka ngaihtuah kâi zel a, khati khawpa kan inkawp chung leh ngaihdam min dîl lawm lawm chunga midang fa, ka fâa a puh tlat kha phubâ lâk ka châk et et.

Mafeli nen kan inkâr a chhe vek a, ka siamṭha thei angem? Tih Pathian chauhvin a hria ang chu. Ka fa tân pa nihna dinhmun ka hauh ngai dawn lo tih thlenga ka ngaihtuah phei chuan ka thinrim lutuk hi awm ngaihna ka hre lo dâwn takngialin ka hria.

Rang lutukin khum aṭang chuan ka thova, min hua emaw engtin pawha min tih huamin Remruatfeli pan leh ka tum ta a.

Ka tihdik loh siam ṭha tur leh engkimah a tân rinawmin ka la awm tlat a ni tih hi chêtziaa lantir a hun ta viau a ni.

A ṭûl a nih chuan ka luhkhung ve mai ang. Ramthana mahin Nutei a luhkhung ngam chuan ka hmangaih tân hian mualpho ka hlau bîk reng reng lo.

Pastor fapa ka ni lova, Chief minister fapa ka ni bawk hek lo. Ka duh duh titurin ka zalên a ni.

"Nu, pa, Aizawlah ka phei lehnghal dâwn," ka nu leh pa TV en a lo ṭhu te bulah chuan ka ti sup a.

"Eng maw!?" An makti hmêl ka hmuhin, "Mafeli biak ngei ngei ka ngai, a ṭûl chuan ka lo hruai haw maithei.."

"Zirsanglian ât so chhên teh suh.." Ka nu a vîn ṭhak ṭhak ngei mai.

"Mama, ngun takin thil ngaihtuah hmasa rawh, i duhna tilianin nawr tet tet mah ta che, Mafeli tezawng keini chhungkaw mo-ah a awm duh lo tawp ang, tuna in boruak thlîr phei chuan.." ka pa'n ati ve thung a.

"A awm ang pawh ka ti si loh, ka bei ve chhin reng reng dâwn alawm."

"Mi â ni nghâl lo chuan i duh duh hi i sawi pawp pawp mai a, Mafeli mizia en la, i mizia en leh la, i nghah deuh angai zâwk lo maw.." titu ka pa chu enin, "Nghâk hman ka ni lo, tunah nautê thlathum mi a pâi tawh, ka fâ..englo.." ka inrin hman hmâa ka sawichhuah avang chuan thup leh tumin, "Ih, ka sawi awmzia chu.."

"Zirsanglian, i rawn rûi haw chu a ni êm lo maw, zanin hi i chiangkuang hlawl lo, Mafeli'n a hre palh ang e.." ka nu'n atih chuan ka ngawi ta reng a.

"Mama, thudik i sawi em?" Ka pa a rawn ṭawng ve ta. Chhâng lovin ka la ngawi ta reng a.

"Ka zawh che chu, a thlazât nen lam i sawi danah dâwt i sawi ka ring miah lo," atih zawm leh a.

"A dik alawm, tunah hian a râi mêk a, a nu leh pa'n an la hre lo maithei, a nau Bawiha kha chuan a hre tawh a, a hrilh leh hrilh loh ka hre tawh bik lo." Ka ti sup a.

"Pathian pawi i sawi nasa êm a nih hi.." ka nu âw a chuai raih a, kei erawh ka thâwl huai mai. Ka mualpho dâwn a nih chuan a tâwp rât thlengin le.

"Tunah insiam la, Aizawlah chuan phei nghal ang che, Mafeli rilru damna turin theihtawp chhuah chiah i hmabâk tawh, a nu leh pa pawh a la hrilh loh danah a haw hle che tihna a nia, a pawi hle mai," min melh no tehchiam lo hian ka nu bawk a ṭawng leh a.

Chumi hnu chuan ka thawmhnaw min siampui zung zung a, 'Naktuk zingah kal rawh' min ti bîk hek suh. A zan a zânin Aizawl panin ka tlân chhuak leh ta a.

Mafeli hi sawrkâr hnathawk a nih vang nilovin a mizia engkim an ngaina a, mo atân an duh tih ka hrechiang bal.

Tunah zan dar sawm ari tawh a, khawvar rual vela thlen hman ka inbeisei.

Remruatfeli

11:00 Pm

"Ka nu leh pa ka hrilh tawh a, i fa pâina pawh kan hre tawh bawk." Bawiha nen ka room-ah kan awm a, khatia Zirsanga a chhuah hnu khân Bawiha pawh a rawn haw ve nghal a, a hmêlah lungawi lo hmêl alang tawh lo.

"Hre mah u la engtin nge intih chuan anga.." ka tisap a.

"Zirsanga a rawn phei mêk a, sawi dun ang che u, a hmeichhia zâwk i ni a, inluling tur i ni miah lo a nia, Mate, ngun takin inngaihtuah rawh, Sangpuia'n min lo hrilh lo phei se chuan kei hian Zirsanga a ni tih rin ngaihna ka hre miah lovang." Ati leh a.

"Tunah arawn phei a maw!?" Mak ka tih êm avangin ka zâwt hlawl a, tukinah a haw chauhva Zirsangliana hian eng nge a hriat a..?

"Inpahnihin engkim sawi dun rawh u, ka ti tak tak a nia, inlam lêta ngaihdam a dîl che chuan 'Aw' ti mai rawh," ati leh a.

"Bawiha, eng mah hi i hrethiam pha lo, Pathian zarah fâ pakhat te zawng ka huphurh bik lo."

"I huphurh lo rêng ang chû; mahse, ka nu leh pa, kan chhungkaw zahawmna ngaihtuah la, amahin a duh phawt che chuan tlâwm mai rawh,"

"Ka sawi peih tawh lo, i duh leh lo nghâk chhuak la ka mu dâwn," ka ti nghauhva.

"Ka nu leh pa ka hrilh dawn a nia, i duh ang anga awm thei ila ni lo, nu leh pa kan la nei a, an thutlûkna kha i pawm tur chu a ni mai." Remruatpuia ṭawngkam ni awm lo tak a ni.

"Ṭawng ṭawng tawh suh, eng mah hre zîktluak mang si lo hian.."

"Ka hre vek, ka hre mah mah, Sangpuia'n engkim min hrilh a, Nutei fa pâina pa pawh Zirsanga nilovin Ramthana zâwk a ni, nangmah hian eng mah i hre lo, a ṭhen chhan che pawh i hre lova, zawn chhuah tumna pawh i nei hek lo," ati leh fak fak a.

'Zirsanga fa a ni lo' tih ringawt ka bengah ari nawn tlut tlut nia! Chuti si engvanga "Ka kîr leh dawn' ti nge a nih!

"Duhtawk ang, ka chau.." ka sawi zawh rualin atho chhuak nghal a, "Nang ang hi ka hmangaih tlat ang tih ka hlau," zuk ti hrâm a.

Ka pindan a chhuahsan fel ta maw tihah ka phone phawrhin Arini ka call ta a.

©<++++[BeckirafARenthleI]++++>®

23.RAPSAGY

Becky Rafa Renthlei

Chapter-23

Remruatfeli

Aizawl

Ka khumah ka mu meng kar a, ka thin a phu dep depin ka hria!

Zirsanga ka ngaihtuah a piangin ka thluak a su dup zel nia! A chhan chu Nutei hnena a kîr leh nachhan hriatfiah tum lova ka lo awm liam mai mai kha mâwl ka inti lutuk a, mipain hmaichhanah ngei, 'Min lo nghâk rawh' tiin a sawi ve a, kei hian ka lo ringzo hlawl lo a ni tih ka hrethiam ve chiah.

Ṭha tê tê-a kan inkawp laiin leh inhauna sawi tur awm miah bawk si lova khatia a rawn ti ringawt kha ani ang mipaah pawh inla 'Pa' lutuk tâna tih chi ninghal lo chuan!

Thu tam tak kan sawidunin kan intiam a, inringtawn tur kan nih laia thâwklehkhata a danglam thut nachhan hrethiam tura upa ka ni tawh asin le.

Tunah min hmu turin arawn kal leh nghal chu a ni si a, ka lo inchhu ngêng tlat dawn nge ni anga ṭha tê tê-in ka dawngsawng zâwk ang?

Lo thleng phawt sela hunin a hril ang chu.

Ka muhil hleithei lo chu a ni ber e.

Zirsanga lo thlen laiin ka tho chhuak lo a, ka nau nen an ṭawng mawlh mawlh a, Bawiha hian a ngaina tih ka hria a, an inkâwm thei phian bawk.

"A muhil tawhin ka ring a, zingah inbe mai rawh u aw.." Ka nau ṭawng pawh ka hre reng a, thawh tumna ka nei lo.

"Ka nu leh pa'n an hre tawh a, amah a pawimawh ber, kei chuan nawrluih tumna ka nei lova, tin, kan inkâr ka tihtawp danah a thiam lo zâwk ka lo ni bawk nen a hlimna tur ka duh ber." Zirsanga aw hniam sat ri chuan ka beng a verh zar mai.

"Ni e, ngun takin ngaihtuah u la, Matei mizia chu i hriat kha, fate tih fahrah ngawt zawng ka rilrem zawng a ni lo, mu phawt la naktukah kan sawi ṭha dawn nia.." thingpui an in nge an ri rawk rawk a, zû an in zawk pawh a ni maithei.

An ṭawng thâwm ka hriat tâk loh avangin ka maimitchhing ve ta a, ani lo mipa dang hnaih tumna rilru ka pu lova amah ka thlang ta e tihna pawh a ni chuang lo. Ka awm mâwl tawp mai dawn a ni.

Ka kâwng kham lutuk inleh tuma ka'n meng chhuak chu min kuah chial chunga Zirsanga lo muhil hmêl ka hmu hmasa ber! Ka lo muhil hlek tihna a nia, a lo mut lai ka hre lo reng reng.

Kaihthawh tumin ka phar deuh ûk a, a hmêl thim ta deuh leh a khabe hmul ṭo siar siarte chu ka en reng a, ka hmuh phâkah, ka kiangah a mu leh ta chu a nia! A chauh hmel kher mai.

Ka thinlungah amah lainatna a rawn awm nghal a, ka bula mu ngam tur pawh a ni lo. Rilru natna ka lo paltlang tawh zawng zawng ka ngaihtuah kîr phei chuan a mu tur a ni lo tawp mai.

"Tho rawh.." a lû-ah ka sâwi nghâl nawk nawk a.

"Fel, khawngaihin, ka chau lutuk.."

"Ṭhutthlengah va mu rawh, kal rawh.." tih pahin ka sâwi lui leh ngat a.

"Remruatfel, ka khawih che pawh a ni lo a, hremhmun panna kawng ka zawhpui che i duh loh chuan ngawirengin mu rawh." Zâwi fiah takin zuk ti a!

"I khum a nilova, ka khum a ni, tho vat mai rawh.."

"A teuh lo mai, dârkâr tam motor ka khalh tih i hriat kha, ka thinrim nghâk lovin muhil rawh, inhnial ka peih lo." Min hnungchhawn zawngin a inlet zui nghâl a, zâm lo ve pah reng.

Ka tlawh chawrh châk kher mai.

"A ṭha e, i thawh duh loh leh ka tho thei alawm.." tiin ka tho nghâl a, ka kianga mu tur hian ka duh eih lo. Kan lo inkawp tawh pawh a ni mahna, khawngaih tho mah ila a hmâ anga awm leh tumna ka nei tawh lo hrim hrim. Kan bul ṭan danin a zir lova ngâiah neih a tum a nih hi..

Sitting room-ah Bawiha a mu bawk si a, Dintea mikhual pindanah a mu bawk nen chhuatah mutna ka siam a. A lo thlen lai khân zinglam dâr li a ri ṭêp a, a tlânchak dan tur chhût chi pawh a ni lo.

Lunglei aṭanga kan zîng chhuah hian dârkâr ruk emaw sarih vel kan tlân tlângpui a, ani hian dârkâr nga pawh a tlân tling lo nia maw le.

Chhuatah mutna ka siam ta a, naktuk office chawlh a ni a, mu âm deuh mah ila a pawi lo ka lo ti kha a nia, ka khuma a rawn mu ringawt hi kalkawngah thisen sâng damdawi a rawn hmawm zeuh a nih ka ring. Zâm lo lutuk mai.

"Mahni khum nuam deuh kalsana chhuata mu peih tlat doctor an lo awm hi thil mak a ni." Khum bul dawhkâna tui ban paha Zirsang ṭawng chu ka haider tlat a.

"A nih loh pawhin Korea-ah pêm dun ila, chhuatah kan mu deuh sek anga a nimai alawm," a tih leh chuan ka nuih aza ru hle a, ka la ngawi ta reng.

Ka mutnaah a rawn insawn leh tâk zel avangin ka ṭhu hluai a, "Min hnaih ngam tur chû i ni lo maw le.." thinrim taka ka tih chuan, "Nangmah ka hnaih lo che, ka fâ bulah mut ve ka châk alawm." Zu ti kher a!

"Zirsanglian.."

"Eih, eng nge?"

"Min tih thinrim kher tum suh.."

"I thinrim sa emaw ka tia, a va ṭha ve chutia i thinrim loh rau rau chuan hahdam deuhvin mu ang le.." ka puansin a rawn keuva nui suk chungin a rawn inthawlh ngam nia!

Ka chhângbuai peih tawh lo.

Ngawireng hian ka mu hle hle a, min khawih tum anga alan tâk loh avangin dimtê hian ka tho va, khumah ka insawn leh ta a. Chutah ngawirenga rawn tho chhuak ve-in a mutna pangngaiah a rawn mu leh hmiah a, a ṭawng tawh miah lo!

A sir tê-ah mu mah se kil theihtawpah ka mu ve thung a, a chimawm dan ala pangngai reng.

"Mafel, tihian haw tawh lovin ka awm ve nghâl dawn a nia, dâwr pawh heta ṭang hian ka kal mai ang." A tih chuan ka ngaihdan a ni lo nasâ!

"Zak ve deuh teh, kan sawi chiang tawh viauin ka hria.."

"Ka la sawi chiang ve hleinem, i voice record ve kha eng atan mah ka ti lo, i duh tâwkin court-ah min khing pawh ni la, ka hlau chhete eih lo a nia, i duh emaw duh lo emaw ka fa tih fahrah ai chuan ka nei mai ang che. Kan innei dâwn tihna a nih chu.." thum chhaka tiin a ṭhu chhuak a.

"A teuh lo lutuk.." a bâk sawi tur ka hre lo.

"Vawiinah ka nu leh pa ka bia anga palâi tîr turin ka hrilh dawn, min hnial eng ang mah la; nang, Remruatfeli hian ka fâ i pâi chhûng chuan ka thlah dawn reng reng lo che,"

"Zirsanglian, i duh duh sawi lo khân tho la, haw vang vang rawh," ka thinrim lutuk tihngaihna hre lo, ṭawng ring ngam bawk si lo chuan a hnungah ka chûm awk a, min enchiang kher mai.

"I râino thinchhia chu ka tawrh theih zêl ka ring, vawi engzât nge min chûm leh dâwn!?" A nui vei suk a. Ka va'n haw tak!

"Kal teh, kal mai teh.." ka nam sek sek a, a che chhuak duh map lo.

"Doctor Remruatfeli an luhkhung, tia sawi i duh loh chuan palai tirin kan innei ang. Min hnial ta a nih leh tihian ka zui zêl ang che, vawiin tlaiah i incheck up dawn tih lo hre bawk la," atih leh chuan rum lutukin ka melh a, lehlam ka hawi tâu zui nghat bawk.

Ngawirengin minute eng emaw zât kan awm tawh a, a muhil bik lo tih ka hria, engtik lai aṭangin nge mahni inringtawk taka ṭawng a lo thiam tih pawh ka hriat siloh! Thla rei lo te chhungin a inthlâk hlawk a ni ber mai.

Khua avâr tawh a, ka phone a rawn rîk chuan ka phu chiang kher mai.

Ka nu a ni.

"Mate, i nau thusawi hi a dik em?" Ka nu aw dam thlap ka hriatin ka thin a phû nghâl dawt dawt thei nia! Remruatpuia chuan a lo hrilh ta nge nge a nih dawn hi.

"Eng chu maw..!?"

"I naupai chungchang a sawi hi a dik em? Nizanah a rawn sawi chauhva puitling rilru fîm taka hmang ṭhin i ni emaw ka lo ti a, i pa rilru a na teh a nia, vawiin chawlh a ni a, rawn haw ang che u." Ati ta mai le.

"Dik e, ka thiam loh a ni, a mawh ka phur vek ang.." ka ṭah a chhuak ru deuh a, ka nu leh pa hmêl ka hmu ngam dawn em maw ni le.

"Mate, i la mu em ni? I nau ka lo be lawk teh ang," dam deuh zawka tiin a ngawi zui vang vang a, "A muhil a, nakinah i be dawn nia.."

"Chhuanlam siam miah lovin inpahnih khân lo haw ngei ngei ang che, i nau pawh hrilh la, tunah eng mah sawi ka tum lo." Phone a off zui hmiah.

Ka nu aimah chuan ka pa ka lainat zâwk a, min chhuangin min chapopui ve ṭhin kha a nia, tunah chuan a zahna tâwp thlentu ka ni ta ngawt mai hi ka inthiam lo takzet, tumah dem tur ka hre lova ka daisual man têl tur hi keimah chauh ka lo ni lo, ka chhungte ka tina tel vek a ni.

Ka phone lukhamah dahin ka mu leh a, Zirsangliana'n min en reng tih ka hria; mahse, ka en duh lo lui tlat a, ka ruahmanna duan lâwk a chhe vek a, 'Ka haw lo ngam chiah si lo.'

"Fel, lungngai lutuk suh, i hmâah ka ding zel ang," min kuah tumin a bân a rawn dah chhuak a, ka lo tawlh hla hrat thung.

"Nutei chungchang kha chu remchângah ka la sawifiah dawn nia, min nei hreh ngawih ngawih tih ka hre ve tho a, hnathawh mumal sawi tur ka la nei lova i nu leh pa tân makpa awhawm tak ka ni hek lo, vawikhat chiah ka mitah enin, 'Inṭhen hlen ka duh' i ti thei a nih chuan i duhthlanna ka zah sak ang che." Ati ta a.

Kei a fa pâitu hian inṭhen hlen ka cho tak tak em? Zankhat mitchhin tâwk ila nu nei lo, pa nei lo a ni dâwn tihna a nia, ka chapona leh induhtawkna hi chuan a ṭhen thei khawp mai; mahse, nautê hi ngaihtuah tel angai tawh bawk si.

Ka thaw chhuak hawk a, Zirsanga min zawhna pawh chhâng lo chuan ka melh ngai ka melh reng ringawt a, ka rilru a buai nuaih a ni ber mai.

"Nang lo chu tû hmeichhia mah nupuia neih ka tum lo, i duh chuan min hua la, mahse, i pum chhunga mi vâng tal khân inngaihtuah ṭha leh ang che." Tiin a tho chhuak nulh a

"Ka thiam lohna leh i rilru ka tihnatna zawng zawngah Pathian hmingin ngaihdam ka dil a che, khatianga ka tihna chhan che i hrechhuak duh a nih chuan ka nau te i zâwt dawn nia, ka tâ lo turah rilru ka lo pe thûk ta deuh a ni." Ti leh ka room a chhuahsan ta a.

Arini ka biak khân engkim min hrilh vek tawh, a sawifiahtu tur ber hian min la hrilh loh avangin ka haider chauh zawk a ni.

Ka fa vang hian ka kîr leh dâwn nge, ka kalsan hlen zâwk ang?

Hmangaihna tel lo sex chauh chuan tawrhna, zahna leh mualphona, natna te min thlen mêk chu a ni si a! Hnunglam hawi erawh ka va hreh si êm!

©<++++[BeckirafARenthleI]++++>®

24.RAPSAGY

Becky Rafa Renthlei

Chapter-24

Remruatfeli

Tukṭhuan kan ei laiin Bawiha leh Zirsanga an ṭawng mawlh mawlh a, kan boruak eng mah an sawi lang lo.

Ka in luahah a rawn awm ve ta ringawt chu a nia, alakah thinrimin ka rilru na viau mah se ka hmâkhua ka ngaihtuah chuan pasal nei lova awm tum rîkngawt pawh thil ṭha tak a ni bik lo a. Tin, amahin min kalsan tumna a neih tlat loh chuan ka inbengdaih ve tepawh a ngai tho si!

'Inhnial châng leh inṭhen châng awm mah se in inṭhen hlen thei tak tak a nih loh chuan tlâwm zâwk an awm te pawh a ngai ve ania' Nutei nen an inṭhen laia ka fuihna khâ ka hrechhuak lo thei lo.

Mihring ve ve kan ni a, tisual thei kan ni, bawhchhe thei kan ni bawk a, kan famkim lohna târlangtu a ni miau si a.

"Mate, ka nu-in lo haw phei rawh u atih kha i hria maw?" Bawiha min biakna chu ṭawngkâ a chhâng lovin ka bu nghat a.

"I car ka khalh anga, Zirsanga nen in inphur dawn nia, ani paw'n eng mah tih tur a nei rih chuang lo, an dâwr nghâktu tlangval te an awm thova invoice leh Challan an lo thawn dâwn tho te chuan kan haw rual vek khâ a ṭha mai." Ti lehin, an pahnih chuan an inmelh zauh a.

"Zirsang, i nu leh pa'n an hre tawh a maw!?" Ka chaw thlêng sengin ka thova inti chângkang ho anga zînga chaw ei lova theitui leh eng emaw tih vela inhnawhpuar hi ka rilrem zawng a ni ve lo.

Doctor ka ni a, eitur ṭha leh chawhmeh hrisel ka ei ve nasa tho a, buh nge nge, tlêm tal ei hi a finthlâk a, kan taksa-in a ngeih ber.

"Hria e, kan inbiak fel angai a nia, keimahni ringawt inngaihtuah thei kan ni lova, kan fa lo la piang tur hmakhua kan thlir tel a ngai bawk, i rilru a nâ tih ka hria; ka dik lohna leh ka fel lohna hmuh kânin bul min ṭanpui leh thei a nih chuan i rilru natna tura awm ka tum tawh lovang," ka nau hriat lai ngeia Zirsanga ṭawng chuan ka thinlung a dek zar mai.

Luhlula inṭhen hlen cho âr tura ṭha famkim ka ni bik lova, amah zilhtu tur leh a nunkawng rahbi remsaktu tur zawk leh khalh ngîltu tur ber hetia awm tlat hi ka ti lutuk deuh ta em maw ni!

"Ni e, ka nu leh pa hnen kan thleng phawt anga, kan sawi ṭha dawn nia," ka ti ve ta sap a.

"Mate, i thutlûkna a pawimawh ber, nang meuhin nau i pâi a nih chuan Zirsanga lakah rilru i pe hlê tihna a nia, eng mah zahthlâk leh tlâwmah la suh, kan hmangaih che a, i tâna ṭha tur kan ngaihtuah vang zawk a nia; Zirsang, nang pawh helaia ṭha taka ka lo dawnsawn na chhan che chu, ka û i hmangaih tih ka hriat vang a ni; ka û i kalsan danah khân thinrimin kut thlâk hial che mah ila ka demawm miah lohva nia; mahse, Sangpuia kaltlanga thudik ka hriat vângin i lam ka ṭang mai a ni e." Puitling taka min zilh duntu Remruatpuia hi ka nuṭâ dik tak a lo ni e.

Chumi hnu chuan an pahnihin chaw eina an sengfel a, kei erawh ka nawmsam chiah loh avang leh thawmhnaw siam ka ngaih avangin min âwl a, inrem angin lang hluai lo mah ila kan boruak a zângkhai ta deuh.

Mahse, a hmâ anga inbe bawrh bawrh ang tur 'policy' kha chuan ka awm ta lo. A be hmasatu nih kha tlâwmah ka la deuh tlat nia!

Lalthanhawla fanu ka ni lo a, a mo lah ka ni hek lo, Remruatfeli vety doctor khâ ka ni ve mai a, kan tum tâwk zel 'Pathianin min pe' tih pawm thiamin leh ka lo daisual tawhna mipa in min kalsan tum lova ka lam a lo hawi leh a nih chuan tlâwm zâwka awm châng tepawh a awm a ṭûl ve bawk a nih hi..

Piangthar hluahin mite anga ṭha vul chûk ni lo mah ila, ataka nunpui theih a awm reng laia pênsan tum ṭâlh hi a Pathian thû lo deuh chuan ka hre ve a ni.

Kan hmangaihte'n min kalsan châng a awm a, min hmangaihtute kan kalsan hun pawh ala awm ang; tunah erawh ka hnêna lo lêt duhna rilru pu-a tlâwm zâwk nih hreh lotu chu kei chang nilovin Zirsangliana pawh a ni ve tho tihna a nia.

"Fel, ka motor-a chuan chû i hreh viau em?" Wardrobe bulah lo dingin ka thawmhnaw thlep lai min lo en ve reng a.

"Hreh lo ve; mahse, i patea hnenah car dah la, kan pathumin kan chuangho mai dawn alawm," ka tih chuan, "Lêt leh nân ka mamawh ka ring deuhva inrualin min phur phei leh dawn nge dâwn lo tih pawh ka hriat si loh." A nui suk a.

"I chhe mai e a.."

"Chhe ve tê mah ni ila ka hmêl ang pu mi he khawvelah hian pakhat tê mah an awm bik miah lo a nia.." tiin ka kiangah a rawn ṭhu a, ka dâra vuan chung hian, "Incheck up hmasa la chumi hnu-ah kan phei chauh dawn em ni ang?" Ati ta a.

"A ngai lovang, ka kalna ala rei lova damdawi ei ṭhat chiah ka hmabâk.."

"A hrehawm leh harsa chin zawng zawng nangmaha i tawrh vek ka phal bik lo tih hria la, 'a nuamah pawh a hrehawmah pawh, hrisel pawhin bawrhsawm pawhin' tih zawng zawng chham tel theihna hmun ngeiah ring lêng lâwnga chham ka châk teh a nia," tiin a nui hawk nia.

"Kal mai teh, i chhe zeh zuah lutuk.."

"Engtikah nge ka hmingpuma min koh leh ang le, min ko khât ta lutuka a zia lo ka ti.."

"Zirsanglian, chimawm viau zel suh.." a sawi zawh rualin ka vîn hlar a, za lutuka nuiin, "Tikhân a fuh ta chiah e.." ala ti zui a..(h)

Chumi hnu chuan ka car thar ngei maiin kan inphur chhuak leh ta. Kan hnungah Bawiha'n min lo chhawm bawk a, a nuam ve pah reng.

"I Bike khâ i hralh ta em?" Min rawn en zauh a.

"Hralh ta lo, tuna ka car-hi ka nu leh pa lei a nia, min present a ni ber ang chu; mahse, ka hlawh hmun thuma ṭhena hmun khat erawh an pualin ka dah hrang zêl thung." Ka tih chuan, "A ṭha reng alawm, a khalh pawh a nuam khawp mai." Ati ve mai a.

"Kan hlawh chhuah a tlêm emaw tam tak pawh nise nu leh pa hnênah pe vek phawt ila kan mamawh dîl chhuah a harsa lo zawk, in ka luah hmâ kha chuan ka tiziah ṭhin a; mahse, tunah chuan ei leh in a lo ngai ve bawk nen 'nangmah intuamhlawm nân hmang rawh' min ti a,"

"Kei chu keima pualin eng mah ka nei lo, ka bike hi a nimai.." inthlahrun hmêl taka atih chuan, "I nei ṭêp tawh alawm, thawh tur te zawng a tam lutuk, tumah nei sa an awm hleinem, i patea dâwr i enkawl tawh a, rilru i neih chuan rethei lutuka awm nachhan tur a awm miah lo. Hausak kan tum nghâl hian a theih mai si lova beidawn a awl teh mai a nia," Ka ti a.

"Nutei chungchâng kha i hre ve tiraw!?" A sawi zâwng ringawt pawhin a lawm lo tih a hriat ngawih ngawih a.

"Hre zîktluak lo ve.."

"I tân ngaihthlâk a nawm loh ka ring tho nâin engkim a hunlaia sawi vek hi a ṭha ka tia," tiin a sawi ta zar zar a, Nutei pa in atih dan vel a sawi lai phei chuan ka lo thinrim ve nasâ!

"Sawi tlang mai la ṭha tur a nia, thil hrethiam lo rual pawh ka ni lova, â mahse, ka thinrim thovang.." ka'n ti leh rih a.

"Ka ruahman dan ka lo hrilh lo che kha ka inchhir rêng a ni, ka status leh whatsapp-a ka lo thawn zawng zawng che kha en ni la chuan i hrethiam ang maw le.."

"Ka en peih teuh lo, ka thinrim zia kha e, thinrim pingling tak ka ni.." duhthawh lutuka ka ṭawng chuan a nui suk suk a.

"I luhlul dan namai lo lutuk khâ ka mangan pui ber mai," a kut lehlam ka malchungah a rawn nghat a, "Eng pawh i chungah thleng se ka phatsan ngai lovang che." Zâwi leh fiah taka tiin kawngpui ngun takin a en a.

'Ka hmangaih che' tiin inhrilh tawn lo mah ila kan rilru erawh a thunhmun ṭan ta.

Thenzâwlah thingpui in turin kan châwl ta a, min ngaihsak teh vût hran lova; ka duhdan hriain midang hmuh lai chuan min be hûrh lem lo.

"Haulawngah bazar ve zawk u lâ, hauh hmabâk i ni si a, chawhmeh lei hâw ṭeuh rawh u.." Zirsanga a nui suk suk a, ka va'n ngei tak.

"Nangpawh an hau ve dâwn tho che, nang phei chu aruala kohhranin an thunun lo che kha lâwm hle teh.."

"Tv.Zirsangliana leh Nl.Remruatfeli chu nulât tlangval kawnga an chêtsual avangin thunun an ni e. Tia an puan dâwn hunah ka rawn inkhawm ang." Ka beng bulah a rawn tisup a, ka zak lâwk chem chem thei nia.

"Zirsanglian, ngawi hmiah rawh.."

"An ti dawn sia lawm; mahse, lungngai reng reng suh an sawi rei peih dâwn chuang lo em mai. Min thunun nawn sek dâwn lah a ni hek lo." ala ti tak deuh deuhva.

Kawng tluanin kan titi phei a, inneih lam erawh kan sawi lang lo, kan chhûngte ve ve in an hriat tawh si chuan eng emaw tak chu kan hmachhawn dâwn chiang alawm.

Zirsanga te khua kan thlenin an inkawtah car- a tiding dat a.

Ka chhuk lo mai dâwn nge, thil tih chi lah a ni si lo, kha zawng zawng ka lo tâl ve-na hmun a ni a, chhuk duh lo mah ila min ko lui dâwn chiang sa.

"Mafel, i chau em?" In chhungah Zirsanga a lût hmasa ber a, kei leh Bawiha'n kan zui lût a, an fapa be hmasa lova kei min be hmasa ringawt pawh hi ka zak titih der nia.

"Chau lo ve, in ṭha maw..!"

"I induh kan ti viau a; mahse..."

"Nu, sawi thui awih loh.." Zirsanga aṭawng nghut avangin nu Zuali a nui var var a, ka va zak si êm!

Arini lah chuan chîk mangkhengin min en a, 'Kurta' ka lo ha hlauh chu ka vanneihna hmahruai a ni mahna. Thawmhnaw mar lam ka hâk chuan ka confi hleithei tawh lova miin min ringhlel ang tih hlau reng rengin ka khawsa ta chu a nia. Ava Remruatfeli lo deuh ta ve le.

"U Mafel, zanin riak ve u lâ.." Arini bulah ka nau a ṭhu a, he mite pahnih hi an nuihzatthlât ngawt mai, inbe em em si lo hian an inhaw miah lo. Mahse, ngaihzawng annei ve ve tho bawk si!

"Riak lo ang, vuak hmabâk a nia.." Zirsangliana ṭawng dan avang chuan an nui vek a, rum taka melh pah hian, "Amah hi hlap er hmasa rawh u.." ka'n ti chiah chu Bawiha za lutukin a nui huk a, ka nuih a za ve reng; mahse, ka insûm thung.

"Arin, i pa ko la, room-ah lo va inthiarfilim ta che.." nu Zuali'n atih chuan, 'Ka lokal ve dâwn,' tiin ka nauvin a zui ve nghal a, kan chungchâng sawi an tum tih hrilh hranpa kan ngai hauh lo.

Pa Hriata a lo chhuak ve bawk a, min chibai hnuah,"Ṭha tê tê-in in inzui emaw tih laia heti hi in ni ta si a, Mafel, engtikah nge palâi kan lo tirh ang?" Dam thlapa tiin min en deuh vang vang a.

"Ka hre rih lo, in kan thlen ve phawt loh chuan.."

"Palâi han tihah inneih lam sawi tumna nilovin i nu leh pa hnenah kan fapa in inpawi a sawi thu-ah ngaihdam dilna ang chi ka tihna zâwk a nia," ati leh a.

"Pa, chutiang eng mah a ni hian a hre ve lo ang, thleng thla phawt se, chanchin min lo hrilh mai dawn alawm, ralkhat aṭanga a nu te paw'n hre ve chauh an nia.." Tiin Zirsanga'n min lo ṭawng khalh vat a.

"A nih chuan nangmahni kutah engkim kan dah dawn a nia, ngun takin inngaihtuah u la, thil ṭha hrethiam rual inni ve ve tawh bawk, keini chuan nautê tih fahrah kan remti dâwn miah lova chutih rual erawh chuan inthutlûkna kan zahsak bawk che u tih inhre dawn nia.."

Chumi hnu chuan thingpui kan in leh tê tê a, nu Zuali lah chuan, "I chêr lutuk reng reng, khatiang tur a ni lo a nia" alo ti ve chhên bawk a. Anni nupa hi chuan innei ngei se min duh tih an chêtzia aṭangin ka man thiam ve mai.

"Mafel, arang lamin chanchin min lo hrilh dâwn nia," Car-a ka luh dâwn thlengin ka kutah a vuan a, a hmâa ka hawsan dâwn lai ang vel kha a ni.

"Nia, ka lo tum ang.."

"An hau che pawhin chhâng reng reng suh ang che, a ṭûl a nih leh ka rawn hruai hreh miah lo che a nia," ati ve fan a. A khawngaihthlâk angreng chu ka ti.

An khua kan chhuahsanin tlailam dâr thum ari chiah a, in thlen hun ka huphurh ngei mai.

Zirsanga sawi vang kher pawh ni chuang lovin Haulawngah kan bazar ve ta a, ka nu leh pa hmêl hmuh ka va'n hreh ngawih ngawih tak.

After 4 hours

"Mate, hau eng ang che mah ila a sâwt tawh chuang lova engtia awm zêl nge in tum?" Ka pa aw dam ruih chuan ka ṭah ati chhuak e a.

"Ka hre lo.." ka ti sap a.

"Puitling, chhia leh ṭha thliarthiam i ni tawh a, hundanga ka lo sawi tawh ṭhin ang khân pasal nei lova awm tum ngawt pawh a fel ber lo a nia.." atih zawm leh chuan chhân ngaihna reng reng ka hre lo.

"Zirsanga pawh misual a ni hran lo va, an chhungkaw boruak engkim hretu ber i ni bawk, amahin inneih a duh reng reng em?"

"Chutiang eng mah kan la sawi lo."

"Tunah thlathum a tling tawh a ni lawm ni?" Ka nu min zawhna chu chhângin, "Aw.." ka ti leh a.

"Eng pawh nise in pahnih in pawimawh ber, in nupui pasal tur chungchângah inrawlh kan tum em em lo, misual tak leh drugs addict anni te a nih ngawt loh chuan.."

An rilru na mah se ṭawngkam khat mahin min hau lova min zilh zing malh malh khawp mai.

Ka pa in, "Kohhranah inreport ran angai dawn a, Pathian hnenah pawh ngaihdam dîlin ṭawngṭai ang che' ati nghe nghe.

Zirsanga'n min lo call-in chanchin min rawn zâwt sek a, ka hrilh vek hnuah, 'tunkâr tawp hian palâi lo tirh kan tum dawn nia, i rilru tihah lo la, i hmâah ka awm zel ang' tia min ṭawng thlamuanna chuan ka hah atidam sawng sawng sawng thei nia!

Zirsangliana

3:00 Pm

Ka nun pik lutuk khâ a kiam duak tawh a, nizanah Mafeli nu leh pa hnenah palâi kan tîr ta kha a nia, amah nen inneih lam kan sawi ri miah lo. Mahse, kan chhungte zâwkin a rang lama inneih ṭha a anhriat avangin an hmanhmawh chûk tawh mai.

Ani pawh nula senior a ni chho mai dâwn a, a râi len hmâ tak tak hian insawifel mai nise tih khâ an duhdan a ni. Amah Mafeli lah chuan eng mah a sawi ve lêm hlei lova keimah hi ka phûr deuh ber mai.

A nu leh pa mi â ni hek lo. Zankhat riak tala zin ve turin min sâwm a, chu erawh ka huphurh deuh. Remruatfeli vang hian 'Salvation camping tenau' ka hmachhawn zing khawp mai.

A nu leh pa an ṭawng tlêm si a, Bawiha ka kawm ve ber lah chu Tukinah Mafeli chawlh dilsak turin Aizawlah a kal daih bawk si.

 hah! Mâkpa interview hmachhawn tur hian 'Vikings hairstyle' put a rem chiah ta lo chuan ka hria, Sangpuia kovin ka sam ka nawr ṭhattîr ta a.

'Mama, in inneihna tur atana sum hman ngai pawh a tam tham dawn a nia, hotê-a tih ngawt kha kan duh dan a ni lova kan fapa upa zâwkin nupui i nei ve dawn ta chu a nia, Pathian tel lova nupaa insiam hian rei a daih dawn lo, chuvangin khawtlângah sual angin lang bûr bûr lo mah ula chhungkaw khaiding tura Pathian i belh tlat angai a ni tih theihnghilh ngai suh ang che.' Tia ka pa min zilhna chuan ka ngaihtuahna ati thui khawp mai.

Hmun danga awm reng reng ka nih vang leh Nutei vâng khan kohhranah ka tel tam lutuk lova tunah chuan kohhran bêl ve tlat tawh turin rilru pawh ka siam ve hret hret chu a nia.

Tun Nilai zanah hian arualin thunun tur kan ni bawk a, chu chu kan nu leh pa te thu pawhchah dan a ni. Kohhran dân khatna kan tlin ta si lova Hall-ah inkutsuih kan tum ta chu a nia.

A hun leh nî tak la ruat fel chiah lo mah se muangchan an tum miah lo! Ka nu leh pa an hmanhmawh dun khawp mai.

Palâi vawihnihna an kal leh hma ngeia Mafeli nu leh pa hmu hman turin ka nu leh pa'n min nawr sek a, an va han phûr si êm!

"An fanu neihchhun a nih bâkah fa û ber a nia, an duatin an hmangaih hlê dâwn tih hre sa bawk la, i zuk ti lunghnur ngawt ang e." Ka nu'n zuk ti ṭâlh a.

"Hey, i lo chhuk dâwn ta em?" Mafelin min rawn be ve tlat a! In rem angin awm tawh mah ila min lo call hmasa ngai tawh lo hrim hrim; ka call erawh chuan ṭha takin min chhâng ve zel tho.

"Dâwn e, zîngah ka rawn chhuak ang, tun ṭum chu min lo hmuaktu an awm ngei ka beisei."

"Hus! Zirsanglian pâwnah ka chhuak duh teuh lo." Zu ti tlat a!

"A ho lutuk, eng mah zahthlâk a awm lo, tunge ka lo hmuah ṭhin khâ? Bawiha chu a ni lo phawt a.." ka tih chuan, "Chhe hlê suh, kan in ang lo lutuk," ati hlar a, a vîn thei mai sia e..

"Ka chhe lo lo.." za lutuka ka nui chu a run ngáng a ni ang, "I chhe lo lo lo.." ani pawh a nui ve tho!

"Min lo hmuak rawh aw, zanah khawiah nge ka mut ang?"

"Zirsangliana eng ati nge i chimawm em em mai le?" A thaw zui halh a,

"A nih leh le, ei châk i nei em?" Tia ka zawh chuan a ngawi rauh rauh a, chutah 'Pudding siam tur khâ lo lei leh la, chuan Chakai a awm chuan lo hâwn rawh aw.."

"Pudding chu ka lei thei mai ang a, Chakai kher zawng a chiloh lutuk, ruahsur laia siam tih vânga inchah kher te chu a..naute chilthli ngah deuh i duh em ni?"

"Awi! I sawi thui thei si..!" Tiin a nui ta hak hak a, kan inṭhen hnu hian za taka a nui ri ka hre ngai mang tawh lo kha a nia. A va nuam si êm!

Nidanga kan inbiak ai chuan a boruak a zangkhai fê zawk!

"Khawi room-ah nge ka mut dawn?"

"I mutna turah buai suh, ka room lehlamah i tân hmun a awm e.." atih zawm leh zat nia!

"Tu emaw pindana luh rûk tezawng ka expert tawh chiang êm mai,"

"A teuh lo nasâ, i mumang chhâwn thumna aṭangin harh rang mai rawh.."

"Yes, Doctor, Vawk no neihna hmunah min hruai tawh loh hrâm ka beisei.."

"Hruai lah lo ve, chimawm i chhuah vaih chuan i 'englo' ka la hreh miah lo, Vawk mah kan lâk sak alawm le.. ih.." a nui ta vak vak a, a sawi tum loh zâwk a sawi chiang!

"Remruatfel leh..!" a thusawi lâi hmêl tur ka ngaihtuah phei chuan ka nuih a za ve hlê tho.

Rei ngial kan inbiak hnuah nui suk suk chungin kan dah ve ta hrâm a, Lalfaka'n 'Vety doctor te chuan sawi hreh vak an nei lo, an frank teh mai a nia' atih khâ ka hrechhuak zawk.

Nupa tur anga ka indah chhin phei chuan keimahin ka nui leh ngawt zel a, 'Zirsangliana of Vety doctor pasal' mumang chhâwngthumna mang ang mai ka ni tak tak alawm le.

'U Mafeli i kherh thlu ve ta chu ania, i tactic a ṭhing ngawt ang' Sangpuia ka room-ah a rawn lût a, Timberland pheikhawk ka hawn sak kha a bun deuh ngei bawk a, a dân pangngai angin a rim pawh a tui leh hlê.

"Tactic vak angai hleinem, ka zei alawm.."

"I tâlbuai ve khawp kha maw! Zanlai lâiah i bialnu hlui te kawmchârah min tîr a nia, khâ voice record keng khân ka zuk lêng dawn em maw ni? Ramthana hmêl khu ka ngei chi.."

"Lalsawmthangi tenawm lutuk kha ka la ngaidam thei lo, Mafeli hi lungawi lo hlen se chuan ka chingphar nasa ngawt ang." Ka ti ta a.

Nutei nen vawikhat mah kan inbe lo mai nilovin kan inhmu ngai lo hrim hrim, mahni cousin mutpui duh khawpa tenawm a ni ang tih rin ngaihna lah ka hre hek lo.

Ngaihdam min dîl ngawih ngawih pawh nise, Pathian ka nih hmâ chuan ka ngaidam duh dâwn em maw ni! Mafeli tân lah ngeiawm tâwpin a che bawk a, anni nupa êl phâk loh khawpa chhungkaw awhawm din ngei hi ka tum ruh tlat a ni.

Kan khuaah na nâ na chuan ka chanchin leh Nutei chanchin an sawi khu chûk reng a, makti tâwk lah bo lo!

Lungleia chhuk tur ka ni bawk nen ka insiam ve zuai zuai a.

Google aṭanga naute pic cute zet ka download chu status-ah hmangin, 'A nu anga confi, mahni thutiama ding fâ nei ngat ila chuan ka nui reng ang' tih ka dah a.

"Tunah khân lo nui lâwk rawh, a chhan chu i nei dâwn lo tlat a, a pa anga zuanglâng tur ka pâi mêk.' Remruatfeli min reply na ka hmuh chuan, 'Kan siam lâi khan rilru ṭawngṭaina ka nei a, ka sawi ang chiah khi a pian ka ring' tiin ka chhâng leh a.

'I rilru ṭawngṭaina dum zet khân i pa Hriata inchung a thleng lo hlauh..'

'Ka hrilh dâwn a nia, pa Hriat te khâ tih ṭulh ṭulh tawh loh tur aw..

Smiley lei chhuah lai lem a rawn dah tlar tuar nia!

Ran Doctor pasal ni tur hian ka tlin êm ang chu, ran lah ka ngaina dêr si lova..

'Ka tih ngai lohte tih a ṭûl si ṭhin' ka'n ti deuh reng mai ang tih chu hlauhawm tak a ni.

Ka nupui pawh a nih hmâ hma-in ka lo suangtuah vêl chiam chu a nia, buaina dang ka hmachhawn tawh loh hrâm ka beisei...

Min rawn mangṭha ve ngial a, kan mengrei phian!

Ka puzawn la nimai turte hian min lo lim hrep lo turah ngai ang..

##

Mafeli te in kawtah Bike ka hûng deuh dat a, tu hmêl mah ka hmu lo chu ka hrilhhai ve angreng!

Ka kal hmasak dan nen a inang lo ta lutuka ka zâm ve hial mai ka ti. Min lo be ṭha duh lo a nih phei chuan sawi tur ka hre tlêm ropui mai si a, a zia lo ngawt ang.

"Zir, hetah ka awm.." Garage kil sîrah Mafeli a lo ding a, sâwn pâi a nih tlat avangin a tân pâwna chhuah a zahthlâk rih ang tih hrethiam tur ka ni asin le..

"Min hmuaktu ka nei ta lo emaw ka tia.."

"Ka nghâk char char che a, helai bâk ka pêl ngam chiah si lo va.." tiin a nui var var a.

"U Mafel, inpa tur chu em ni?" Tlangval naupang deuh a rawn kal phei a, a nui sâng lehnghâl. Engtin nge a chhân tehreng tiin ka ngawi reng a.

"Ka vêl palh ang che.." tiin zuk chhâng a..

Ami biak pa lah chuan nêl deuh hian, "Min hrilh loh chuan i bike ka sil sak tawh miah lo ang che.." ala ti zârh zârh a, "Siltu tur an awm tawh dâwn alawm, hei..." tia Mafelin min lo en chuan chu pa chu a nui nasa zual sauh a.

"Sil sak duh miah suh, a duh uluk si, a lo sawi ve chhên mai ang," tiin min rawn chibai ta a. A fel hmel reuh khawp mai.

An inah kan inzui lût ta a. A nu leh pa an awm lo hlauh!

'Ka pa mit entîr turin an kal a, keimah chiahin ka awm,' atih chuan, 'A nuam daih zâwk' ka lo ti hmanhmawh a.

Chaw ei min siam sak a, a dân pangngaiin a ṭawng tam lo leh khawp mai.

Kurta sen no inbelin slipper pan thlap a bun a, a sam a vial tawm vek bawk a, make-up engmah a hmang lo bawk nen alang fâi sar mai.

"Fel, i inchhîr em?" Tia ka zawh thut chuan min chhâng lawk lova. A hnu fê-ah, 'Inchhir leh mai mai turin rilru ka siam ve ngai hleinem," ati ta sap a.

"A nih leh min hmangaih em?"

"Hmangaih lo che ila inneih ka duh hauh lo ang, a chhan chu nautê tihvel hian min phuar tehchiam lo, pakhat na nâ na chu Pathian zarah ka enkawl thei ngei ang," inringtâwk zeta tiin ka mitah tak min en a.

"Nangmah zawk hian min hmangaih em tih ka hriat tlat loh avangin ka thlâ a muang lo."

"Ka hmangaih vâng che leh i pum chhung ami pawh ka hmangaih tel avangin ka ûmzui zel che tih i hre lo em ni!?"

"I sawi loh chuan hre mai bik lo e,"

"Fel, min ring tawh lo pawh nila ka dem miah lo che; mahse, min rinna tur a nih phawt chuan eng pawh tih ka huam.." ka tih chuan, "Ka ring lo che tih ka sawi si loh.." tiin ka chaw eina vel a seng a, a ṭawngkam hrim hrim hi ngâiah ka neih tawh tlat avangin hmeichhe dang anga thluaithlum chiam turin ka beisei lo hrim hrim.

Thlêng asil fel a, ka inbualna tur min dah sak thlap bawk a, ka room tur min kawhhmuh hnu-ah, a room panin min luhsan ta a.

A nu leh pa lo haw hnu chuan nupa nun leh chhungkaw inrelbawl dan min hrilh hrep a, a pa-in, 'In bul ṭan dan fuh lo deuh mah se Kristian chhungkaw dik tak din tur hian inla tlâi miah lo a nia, kan hmuh phâkah awm lo mah ula englai pawh hmu rengtu che u Pathian nung a awm tlat avangin in nun fimkhur pui hlê ang che u..' ati ta a.

Nupui mawhphurhna leh Pasal mawhphurhna te min hrilh tel bawk a, ka hlâwkpui ngei ka beisei.

'In hrang chang tur in ni a, Matei nise hnathawh nei lai a nia, nangpawh dâwr enkawl i ngai dawn bawk a, inhau châng leh lungawi loh châng inneih pawhin ngaidamtu thinlung put zêl in tum dawn nia' a nu in ati dam thlap bawk.

Inneih hun atan thlathar kan duh mai em tih min zâwt a, a rang lama tih zung zung a ṭha tih thlengin an sawi tel nghe nghe.

"Mate, Zira a riah dawn chuan i nutei te leh i pu Sanga te in tlawhpui ve la.."

"Ka chhuak duh teuh lo, anmahni lo lêng turin sâwm mai rawh," Mafeli'n ati deuh tlat a, ka pawmpui hmiah.

"I va'n ho mai mai tak, innei lo tur pawh nihlei lo.." tia a nu a ṭawng barh barh lai chuan, "Kan inneih hunah kan la lêng ve ang chu," tiin ka lo inrawlh vat a, a sawi zui tawh bik lo.

Nilêng deuh thaw-in room-ah kan tawm a, mitmei vên tehvak a ngai tawh lo bawk nen 'nuam singkhaw' ani mai.

A khât tâwkin kan infâwp zauh zauh a, a bâk eng mah tihpui duhna thlarau sual ka dawng tawh lo.

Zirsangliana ka nih chhûng hi chuan mahni incontrol thei mipa nih ka tum bur tawh.

"Inneih hmâin lo zin ve la.." khumah a ṭhu a, kei ka mu thung.

"Ka zak e a, bâkah tute emaw khân min lo melh leh vak vak palh ang," a'n ti ve ngei a..

"An melh nasa mah mah ang che tih chu ka hlau deuh,"

"Hus! Zirsangliana nupui ka ni dâwn ta chu a nia.." a rawn ti chhuak hluai a.

"Eng nge? Min neih loh hlau a phi chung ai chuan min neih hlau ngawih ngawihtu atel lova ka awm theih miah loh khâ ka tân a hlu fê zawk." Ka tih chuan, "Tunah mahni insawi khawngaih thlâkna hun kan hawng leh ang.." nui sak chungin ati ta a.

Ka Remruatfeli dik tak, fiamthu duh ru riau khâ a rawn lang ṭan ta a.

Ani ka hmangaih hi ka tisual dâwn miah lo.

A rilru tluangpurh leh sak ru riaute hi hmeichhe dang neih ve loh a ni a, chapo thei khawpa hmeichhe zahawm leh mahni invawngfel a ni bawk.

Engtikah mah ka thlah phal dawn lo tih ka thinlung hian a hria a ni.

Kan fa khawvel êng hmuh châka a nu pumchhunga awm ve mêk hian a nu mizia ang pu mawlh teh se...

©<++++[BeckirafARenthleI]++++>®

25.RAPSAGY

Becky Rafa Renthlei

Chapter-25

Zirsangliana

Zanriah kan ei laiin Mafeli pa, pu Rozuala'n, "Zira, engtin nge ni ang aw, Matei inluah lah saw a zîm nasa mai si a, damtêa in innei tluang thei a nih chuan chhungkuaa chênna tlâk pawh va ni suh.." ati chuar chuar a.

"Nia, kan sawi tawh thova keimahni in pui zawkah kan awm law law ang chu ka ti, ka patea enkawl a ngai tho bawk nen ka tân a awlsam zâwk a, Mafeli te office a hla lutuk hran lo bawk nen." Ka tih chuan, kan doctor in min lo kheuh zauh a.

"A ṭhat chu, palâi lokal leh hunah a nî kan ruat fel anga, khawmuan vakna chi a ni tawh lo a nia, Matei pawh a rit telh telh anga, mihring chin hriat a ni lova inpuahchah ran a ṭha.."

Kan chaw ei chhungin thil pawimawh an sawi zar zar a, nu leh pa hawiher zâu tak Mafeli hian a nei a ni. An fapa ang êmin min en lo mah se la, an fanu tân min iai lutuk lo a ni tih ka hriat phah.

Zanah pawh inlêng an nei neuh neuh a, thingpui lum angaih vângin awm dunna hun kan nei tehchiam lova, a thingpui siamna lehzela zui kual zel chi ninghal lo chuan..

"I duh chuan mu hmâ daih rawh, naktuk chawhnu lamah chauh i haw chho dawn nia," Mafeli ka kiangah lokalin ṭhuthmun a rawn rem ve a, nu leh pa hmuh laia inkuah leh inti bîk riau anga lan te kha thil mawi a ni lem lo tih hriain an titina kârah ka lo inrawlh ve zauh zauh a.

"Mut mai ka duh," tih pahin ka tho chhuak a, mitmei vêng reng chunga ṭhut dun te zawng a nuam lo chiang em mai!

Rei lo te hnu-ah nupa kan ni ve dawn chu a ni sia, ka rin phâk bâkin a thleng rang mah mah. Chu erawh ka lawmthu tak a ni si.

Khawvar dâwn hnaih lamah ka zun chhuakin min tiharh a, dimtêa thovin toilet lam ka pan a, ṭawngthâwm hre thâna ka inhriat chu le!

Ka'n ngaihthlâk ngun deuh tâkah chuan ka hre dik tih ka hre mai.

#I sawi dik a nih chu, tunah inbiak hun pawh a ni lo. Mafeli aw a ni! Tun ang hunah tunge a biak ang?

Zung hmasa ta lo chuan a room lamah ka phei ta a, a sawi zawng zawng hre vek lo mah ila eng emaw zât chu ka hre ta tho.

#Pasal nei turin ka inruahman tawh, Mizoramah i lo lêt tih pawh ka lo hre reng reng lo.

Khawvar hmâa rawn be ngam tur khawp khawp chu a tân mi eng emaw tak a ni ngei ang, ka ring sual viau a nih loh chuan mipa a ni ngei bawk ang.

'Thil hrechiang hmasa lova thinrim ngawt loh tur' ama sawi bawk khâ ka hrechhuak leh a, ka chhungril ti deuh ṭung erawh lan chhuahtîr ka tum lo.

Eng mah hre lo ang hmiaha awmin ka zun zawh hnu-ah ka mu leh ta a, eng lai mahin mipa lakah ka ringhlel ngai lo, amah hrim hrim hneh tur pawh hian ṭan khawh a ngai tawh a nia, mipa dang an lo lang a nih vaih chuan ka nuih a za miah lovang.

Ṭawngṭai inkhawm dâr rîk rualin ka tho chhuak zui ta daih a, a nu leh pa an kal dawn tih ka hre miau alawm.

"I tho hma hlê mai i muhil ṭha meuh nange?" Mafeli nu'n min zawh chuan, "Ka harh laklawh a.."

"Kan inkhawm dâwn a i duh ang ang kha lo ei/in mai rawh.."

An chhuah hnuah thingpui ka inchhuan a, awmpui pakhat tal neih ve awm tak! Upa lam annih bâkah nei lo zawk zawk anni chuang lova Mafeli hi a che taima êm a inchhungkhur pawh alang fai nimaiin ka hria.

"Tho ve tawh la.." Khumah meng reng chung hian a lo mu a, ka thâwm a hre ve reng awm sia zuk mu tlat a!

"Ka peih rih lo.."

"Tho la, exer ka lâkpui ang che.." thlêm titihin a kiangah ka ṭhu thla a.

"Ka peih rih lo, nakin deuhah ka lo tho ang," a vîn hauh lova; mahse, a mood a ṭhat hmel tehchiam loh!

"Tukina lo call tu che kha tunge?" Ka zâwt ta nge nge a, ngawihbo pui mai ka tum îkhaw lo mai.

"Ka ṭhianpa a nih kha.." ati deuh hmak a.

"Tu i ṭhianpa maw!"

"En teh Zir, zingkâr aṭanga zawhna inzawh reng chu a ninawm e," tiin a rawn ṭhu chhuak a, henu hian min hrilh chian tumna a nei miah lo.

"Sawi a har viau em ni, khawvar hma em em a inbiak te chu, i hna thil ti dawn ila thil awihawm ninghal lo chuan.." Ka tho vut a min chhânna tur pawh nghâk lovin ka chhuahsan ta a.

Min hrilh duh loh tlat te chuan zawh zawh thu awm bik suh.

A châng hi chuan a mize ngêng lutuk hi ka ngei lek lek zêl nia, a râino thinchhia chu thuhran, zawh ngawih ngawih pawha min chhân duh miau loh te chuan ka zâwt nawn tawh awm lo em mai.

Tumah biak lumlâm tur awm hek lo, Bike la chhuakin Maengi te vêngah kal ka tum ta a, ka bialnu, ka nupui la nimai tur a ni a, hlim taka awm dun a hun tawh tehreng nen a duh hunah min be ṭha a, ka ngaih dan a ni ta vak lo.

Chanchinṭhazoengi te in ka thlenin an lo tho kim vek tawh nia maw le!

"Zirsanglian, i tho â chu a ni lo maw!?" Inchhung ka luh rualin Maengi'n a lo ti nghal a.

"Ka lokal hmasakah ka theihnghilh tawh che sia, tun ṭum chu ka hrechhuak hrâm che."

"Eng nge i lo tih dâwn? Engtikah nge i lo chhuk a?"

Ka chhuk chhan vel ka sawi chuan, "Nangni pahnih hi inti ve tak tak dawn a maw!?" A khêk râih a.

Bawiha nen an inṭhen tawh tih a sawi chuan mak ka ti hle mai! Mafelin eng mah a sawi lang bawk si lo va, bâkah amah Bawiha pawhin sawi ve awm tak!

"Kan inkawp rem thei tak tak lo a ni ber mai," ati sap a.

"In la inzui reng ang chu ka lo ti mai a.."

"Midang biak a nei a, ka man chhuak alawm," tiin an inṭhen chhan vêl a sawi ta a, "Mafeli bialpa hlui Lalhmingsanga pawh niminah a rawn thlen kha," a thusawi chuan ka beng a verh zar mai.

"Khawi ami nge a?"

"Aw, anmahin veng tho a nia, Vellore-ah a awm reng a, i hre miah nange?"

Lalhmingsanga chanchin leh a hnathawh te Mafeli nen an inkawp dan vel leh zirna avanga inṭhen annih thu thlengin a sawi ta vek a, tukin zinga lo betu kha a nih ka ring nghal hmiah.

Ka ṭhianpa min hrilh kha ka hre chhuak uar uar a, 'ngaihzawng sawi tur a nei lo, a tleirawl laia a neih bâk' atih tak kha maw le.

Chanchinṭhazoengi te in ka chhuahsan meuh chuan zing dâr sarih leh a chanve a pêl tawh a, 'Lalhmingsanga' tih ringawt ka rilruah zuk awm tlat a!

"I kalna tur i sawi si lo va!?" Ka luh rual rualin Mafelin min lo be nghal a.

"Mahnia awm reng ka peih hleinem,"

"I kalna tur tal te chu i sawi thei alawm, phone i keng bawk si lo." Ati leh a.

"I tho peih mang si lo va ka teikual mai mai," Maengi te ina ka kal thu pawh ka sawi lang kher duh lo. A nau nen an inṭhen tawh tih min hrilh bîk chuang lova.

"Nia, ala hmâ êm alawm, i va tho hma reng reng ve!?"

"Ka mutui lo te pawh a ni mahna..." a nu leh pa hmel ka hmuh loh avangin ka chhâng ṭha peih vak lo, helai thleng thleng ka kal ve tawh a, min duat hûrh lo mah se zankhat lek châm tur chauh ka ni a, min ngaihsak ka phût deuh pawh a ni mahna.

"Zir, tihpalh, tukin kha chu ka tho peih ngang lo a nih kha.." inthiam chiah lova tiin ka bulah a rawn kal a, ka thinrim tûk lo nâa ka run ve deuh.

"Biak tur ṭha deuh i nei tepawh a ni thei a, ka hriat ve si loh.."

"Zirsanglian, i sawi duh sawi mai la, titau kual lo khân," ati hmak a.

"Ka titau hleinem, nangmah hmu châkin leh i nu leh pa min sawmna tihlawhtling turin ka rawn chhuk a, i nau a awm lo bawk nen mahni chauhva awm reng ka peih lo alawm," ka ti ṭha ve mai a.

Engtin mah phei chuan min chhang lo, a nu leh pa an lo haw ve ta bawk nen chaw kan ei zui deuh mai a, a pâwng atakin ka va thinrim hlur lo nâ a, a chanchin min hrilh tlêmzia ka ngaihtuah hian ka ngaih te pawh a ṭha chiah lo. Mahse, sawi fak tur ka hre mai si lo a, ngawih ka chuh ta zâwk a.

Inrem angin kan awm tawh a, tin ka fa a pâi mêk bawk. Chutih lai kâra hriat chian mang hleih lova lo thinrim ngawt kha thil fel ber pawh niin ka hre lo.

A hmâa kan inkawp lai ang erawh kan phâk ta chiah lo deuh em maw ni!

Chawhnu dâr khatah kan khaw panin ka haw chho ve ta a.

Palâi vawihnihna an kal leh phawt anga inrem sa ang deuh tho kan nih avangin eng mah buaithlâk a awm lo turah ka ngai ve ngawt.

After 2days

Remruatfeli

Zirsanga haw chhoh hnu-ah ka nu nen incheck up in Town clinic-ah kan kal a, Dr Rammawia bawk pan leh kan duh vang a nia.

Ka naupai chungchangah insawiselna nei lo mah ila thil ei châkna ka nei lo lutuk a, ka nu ngaih ṭha lovin min hruai tlat kha a nia, ka Bp a hniam bâkah ka Hb pawh a lo hniam ve deuh bawk nen damdawi min chawhbelh nual a, Zirsanga pawh ka hrilh ve thlap bawk.

Kan ina a lo awm lai khân ka ngei deuh tlat a nih chu! A hmel ka hmuh lovin ka khua a har a, ka kianga a awm lahin ka ning ru deuh tho bawk sia a chhan ber pawh ka hriat si loh!

Mahse, ka nu'n 'Naupai laite chuan khatianga awm kha an awm ve châwk a nia' atih vangin ka thawveng huai.

Amah lah kha a thinrim ṭeuhin ka hria a; mipa dang anga duh duh sawi phawng phawng mi a nih loh avangin a ngawi rih nimaiin ka hria.

Hmingsanga a lo haw tawh tih ka hriat khân engtin emaw tak awm ka inring deuh kha a nia, amah ka la hmu lo bawk nen a aw ringawt chuan ka lakah effect chuti tehchiamin a nei lo.

Ani nen khân inṭhenna mumal kan nei hauh lova, kan zirna ve ve ngaipawimawhin kan inbe zawm tawh lo mai chauh a nia.

Nilai zan inkhawmnaah min thunun tâk avangin ani paw'n a lo hre ve ni ngei tur a ni, min rawn be ta chûk chûk a, dik takin ka chhâng bawk.

'Fel, ka la awih thei lo, in innei dawn em?' Tia min zawh khân chhan hrehawm chu ka ti ve deuh.

Amah leh Zirsangliana chiah ka nunah mipa an awm a, 'Hmingsanga, Zirsanga' Hus! An hming tawp lam ala in ang zui ah!

Palâi pawh an rawn kal nawn leh tawh a, thlathar ni 24 ah an khua (Tuna an awmna hmun) ah kan inkutsuih ve dawn ta chu a nia, Biak in hawng ngeia neih tum khân Kohhran Hall chauh ka chan tâwk a ni ta.

Ngun taka ka ngaihtuah phei chuan vawikhat pasal neih ve man a Biak in pawh hawng lo leh, ka nuṭa neihchhun Remruatpuia'n min kâi lût thei dawn ta lo hi ka ui ngawih ngawih a, pawi ka ti bawk.

A hun hmâa mipat hmeichhiatna hmang, râi ta lo tam tak dân anga innei an awm fo tih ka hria, keini erawh kan daisual man thup ngaihna awm miah lovin kan nihna angin kan mualpho zui ta chu a nia; duh chuan titla thei ka ni. Mahse, Pathian pawi sawina thuahhnih êm zawng ka ngam ngang lo. A Malsawmna dawn a har dâwn em asin.

Zirsanga'n min kalsan lai khân mahni inkhawngaihna sual ka nei ve tehmeuh mai; mahse, ka tihsual man têl ngam turin rilru ka siam zawk a ni lovem ni?

'Thil sual chu thup tumin bei eng ang mah ila, lan chhuah hun a awm tho tho ṭhin'

An ruahman dan chuan chawlh ka lâk chhung thlakhat vel Zirsanga te inah kan awm phawt anga, chumi hnu-ah Aizawla an in puiah kan insawn dawn a ni. Ka inluah pawh vawi leh khata singsak mai theih a nih loh avangin Dintea a lo awm rih anga, muangmarin kan la inla chhuak dawn niawm tak a ni.

Mi chhungkaw ina han tâl ve tur chuan ka huphurh thlâwt.

Aizawlah thil ṭul neuh neuh, ka puan chhawm tur leh mamawh ka neih ve nual avangin chaw eikham hian kan kal dâwn a, ka nu leh pa'n min hruai a tum zet nâa ka nu-in 'motor chuan ka huphurh êm mai, puitling a ni tawh alawm, Zirsanga nen kal se, thil ṭula amah buaipui turin a nau te ho sâwm mai rawh se,' ati deuh tlat nia.

Zirsanga ka hrilh chuan a phûr khawp mai a, Arini pawh kan ruala kal a tum thu a sawi tâkah chuan Bawiha'n kal a'n tum ve nghal ringawt a, kan unauvin kan tum ta a, Arini leh Zirsanga kan lam chho dawn tihna.

'Eng mah chhawm vak angai lo a nia, in hrang chang deuh nghal mai tur in nih avangin in ken buangbar a buaithlâk' Nu Zualin ati sa diam a, a hming chauh tak takin ka lâwi ve dâwn a nih ber chu.

Hlawh chungchâng erawh Zirsanga bula sawiah ka la khêk rih deuh.

'Mate, inpahnihin a hrangin kal u la, Arini nen kan lo chhawm dâwn che u em ni ang, tihtur neuh neuh a awm nual dawn a, inzui kawi reng a peihawm loh e..' atih chuan, 'Thleng chho phawt ila kan sawi ṭha dawn nia,' tiin ka chhâng a.

Tunah chuan ṭhulh leh mai mai thiang tawh lovin kan inneihna tur sâwmna card pawh an siam tîr mêk a, fa û ber ka nih avang leh fanu mal ka nih vângin sawm zau an tum viau.

Ka thawhpui zawng zawng te tiam miah lo pawhin Lungleia kan chhungte ringawt pawh tam tham tak an ni.

Ṭhian dinpui turah ka buai leh pek a, Lungleiah ka awm tam tâk loh avangin han sâwm mai tur ka hre lova ka thawhpui leh ka kawm tam ber Maneihi, Lalneihsangi ka sâwm ta a, a lo phur nasa mai. A nui tak uar uar a, 'Lo phei vat vat ang che, ka lo buaipui vek dawn che nia' ati nghe nghe.

Zirsanga'n a ṭhianpa Lalfakhlua a lo be diam tawh a, midang a thlan ka ring lo sa hrim hrim bawk.

Bawiha nen kan chhuah meuh chuan zinglam dâr sawm ari tawh a, Mualṭhuam bazarah ka ṭhiannu Zikpuii'n min lo hmuak dawn a, 'Mafel, in lo thlen dâwnah min lo call mai rawh aw, theitui tam tâwk ka lo pai ang che' atih vângin Bawiha ka hrilh lâwk diam tawh.

Thenzawl farm-a thawk ka ṭhiannu Thelma-i pawh phone in ka hrilh ve bawk a, a phur nasâ.

Zirsanga te khua kan thlenin min lo nghâk ṭhap tawh a, a chêr deuh kuama ka'n hriat chu le!

Arini ṭhiante, ka ṭhian te pawh anni ve tho ang chu Ramtei leh Sentei an lo awm bawk a, 'In nautê hming tur kan phuah diam tawh' tiin an lo nui ṭhâw a, min va'n tizak tak!

"Mama, fimkhur takin khalh rawh aw, kawng a chhe bawk nen ngaihtuah in na riau.." Pa Hriata'n ati charh charh a.

An chhungkua hi ka tân mithar ni lo mah se ka râi hnu hian ka zah thar ta riau.

Zirsanga nen an car-in kan tlân chhuak hmasa a, Bawiha leh Arini'n min lo chhawm thung.

After 2 hours

"Zir, Thelma-in min lo châng dawn a ding zuai rawh aw.." Thenzawl Bawngchaw chinna hmun kan thlen dâwn ṭepa ka tih chuan a bu nghut a.

Kan inbe tam lo khawp mai.

"I ṭhiannu chu sâwm nachang te kha i hre lo vêl ang e,'' a nui suk a.

"Ka sâwm diam tawh, a phur khawp mai," ka tih chuan, "Mualṭhuama naute kawr leh theitui petu che kha ka hre deuh tlat,' ati a.

"Zikpuii a nih kha, i pa te school-ah tun hmâin a thawk ve zuai tawh,"

"A nih chu, a fel hmel khawp mai, kan nautê thawmhnaw tur min pe hmasabertu a ni hial lo maw!?"

"Ni e, Aizawlah an phei leh ṭêp tawh a.."

"Dik takin min hrilh teh, kan inneihna turah hian i phur viau nge i hreh ru deuh?" Tia min zawh chuan, "A inzât reng," ka ti sap a.

"Phakar mang e.." a nui zui suk suk a, Thelma-i nen kan inhmu chiah chu kan bengchheng deuh hluai, 'Awi! Mafeli hi engtin nge i duh zâwk a!?" Tiin Zirsanga zuk be nghâl a!

"Min kherh nasa êm a, kan tlu ruai ruai mai a nih hi.." tia chhângtu Zirsangliana chu ka melh rum titih a, a nuih a zat hmel khawp mai. 'In inneih ni chu ka che bawn khawp ang' ala ti hrâm nia.

Thenzawl kan chhuahsan dâwna min tlanpêl tu car driver chu ka hmu hman vuai a, Lalhmingsanga ni thânin ka hria.

Zirsanga a ngawi deuh ngul a, Sialsûka thingpui kan in lai pawhin Arini leh Bawiha deuh hlir an ṭawng a, keini pahnih erawh kan inmelh hrek hrek chauh a ni.

"In sawiselna te i nei em?" Kan tlân chhuah leh hnu-ah min zâwt teh tlat a!

Ka neih loh thu-in ka chhâng a, "Lalhmingsanga'n a lo call leh tawh lo che maw!?" tia min zawh chuan ka phu zawk nia!

"Call lo hlauh, eng nge min zawh kher a?"

"Ka lo zin lai khân a rawn be hmâ fia fia bawk che sia ka zâwt mai mai che," ati mai a.

Engtin nge Hmingsanga chungchâng a lo hriat daih theih le!? Bawiha chuan a sawi ka ring chiah si lo a, kan inbia tih thlengin a hre vek bawk si, hepa hian min chhui chiang!

"Engtin nge Hmingsanga nen kan inbia tih i hriat theih?" Ka zâwt tlang hmiah.

"Ka nupui nimai tur leh ka fâ nu chanchin te chu ka hre tur a ni dâwn lâwm ni, min hrilh tum lo mah la ka hre zêl thovang," ati deuh nghut a.

"Hrilh tur em em che pawh a awm lo.."

"A nih ka ring.." ati leh deuh kher a, khawi aṭanga a hriat nge tih hre lo mahila thinrimpui tur chanchin kan neih awm pawh ka hriat si loh.

Chumi hnu chuan atu mah mah kan ṭawng tawh lo.

Keini pahnih innei tur hi a hnai telh telh a, kan inkhak fek fek nimaiin ka hria!

Aizawl kan thlen pawhin ka inluahah reilote Arini nen an lo lût zawk a, 'Kan in pui lamah kan innghat rih mai ang' ati deuh tlat a, Bawiha'n a sâwm ngial nâa a duh ṭhak lo.

"Mâm, zanin te chu awm ve ila, naktukah kan phei mai dawn nia,"

"I duh chuan riak la, keimahin ka lo va phei ang," dam thlupin a nau hnenah ati leh lawi si a, keimah ber hi min ning tlat a hriatna ka'n neih chu le!

"A chângin ka phal lo chung rawn riah i tum a, tunah kan sawm ngial che a i duh leh bawk si lo, i awmzia hi ka hrethiam mai mai lo e a.." ka ti ve ngat a.

Ngawirenga ka bânah vuanin ka room-ah min luhpui a, "Remruatfel nang hian vawikhat tê pawh min sâwm der eih lo, i nau zâwkin min sâwm a nih kha, ka nupui nimai tur hnen aṭanga sâwmna ka dawn loh chuan engvangin nge ka riah kher ang, Lalhmingsanga nilovin Zirsangliana ka nih hi,' a sawi zawh rual rual a rawn kûn hniamin dîm lo baksak hian min rawn fâwp a, ka thin a rim kher mai.

"Naupangchhia pawh i ni tawh lova sâwm ngâiah ka dah hek lo che, i duh chuan ka thû lo pawhin i rawn riak tho a lawm le," min thlah rualin ka ti nghal a.

"A nih chuan i thu nilovin, keima thu in ka riak ang, hetah, i khumah ngei hian.." ati sup a. Vawiin hi eng nge a hriat ni, thinrimna tur zuk zawng tlat a.

"Arin, zanin chu kan riak dawn nia, naktukah kan vaiin kan inah kan insawn ve thung ang." Hnial chi miah loh hian ati leh a.

Zirsangliana ka hriat ṭhin khâ ni tawh lovin tuna mi hi chu Zirthuduha, Zirthinchhiaa Hus! A mize ngêng thar thut hi ka ngainat zâwng pawh ni nghal lo chuan..

Arini leh Bawiha'n eirawng an bâwl a, Dintea a awm loh avangin kan tâl buai deuh, nidangah chuan a lo peihsa diam kan ei ṭhin kha a nia.

Zirsangliana ka khumah a mu a, a phone-ah games a khêl nge a uluk ngang mai.

"Fel, i kawr khâ han hlîm chhin teh," inbual tura ka luh dâwnin min rawn be thut a.

"Eng atan!?"

"I pum ka en châk,"

"I ho lutuk, engtin mah a awm lo," tia kalpelh mai ka tum a, rang lutuka rawn tho chhuakin ka bânah a chelh vat a, "Thlathum a pum tawh a, engtin emaw tak chuan a awm ngei ang," ka Kurta hâk hlimin a en ta ṭâlh a, ka va'n ngei tak.

Chutah ka puma kuah chung hian, amah hnaih leh zual turin min pawt a, ka chhipah a khabe nghat chungin, '"Ka ta i ni, i reng bawk ang," Ati ta sup a.

Nie, a ta ka ni rêng a ni, chimawmin ngeiawm taka chêt châng nei ṭhin mah se ka Zirsangliana kha a ni tlat alawm...

Nichina min fawh dan opposite hlauh khân lungchim leh uar takin min fâwp ta a. Ka lo chhâng ṭha kher mai.

Kan inneih hmaa nupa nun hmang lo tura intiamtu Zirsangliana âwmah chuan ka bei ta thlap a...

©<++++[BeckirafARenthleI]++++>®

26.RAPSAGY

Becky Rafa Renthlei

Chapter-26

Remruatfeli

Aizawl

Inneihni a ka thawmhnaw inbel turah Zirsanga nen kan inhnial leh hrep a, keiin kawrfual hâk ka duh laiin ani erawh chuan a lo duh lo nasa mai.

Kan inti thinrim dâwn takngial a, a duh thlanna angin Puanchei ka bih dawn ta chu a nia, ka kawr hâktur erawh 'cream rawng' niin Maneihin a lo order nghal thlap a, lunghnur ru teh mahila 'I lang zahawm sawt zâwk ang, kawrfual nalh tak tak leh manto uchuak inbel kher khân kan inkâr atih ṭhat phah lova bâkah insenso hau tak zâwnga chêt kher tum tur ani lo a nia' atih chuan dik ka ti angreng lawi si.

'Pasal ka neih hunah chuan' tia ka lo dream ve zawng zawng khâ eng teh ual a lo ni lo a nih hi! Zungbun erawh a thlang uluk leh riau si a, kan pahniha bun tur kan hming chhuttîr thlap chu a man pawh a to far far khawp mai.

"Keima'n ka lo tum ṭhen ve ang," tia ka nawr ngat ngat pawhin, "Chatuan daih pe thei che ila chuan thuhran; mahse, a theih dâwn si lohva, kan bun tur na nâ na leina tezawng ka nei ve alawm, khawvela kan awm chhung zawnga phelh leh thiang tawh lo tur a nia, tlo leh ṭha tak pêk che hi ka tih tur dik tak a ni." Ati mauh mai si a, ka hnial ta lo.

A zualpui kan tihfel hnu-ah Zirsangliana kawm ṭhin Elty te dâwrah dinner ei turin Bon Apetite-ah kan kal ta a, Elty nen hian Aizawla a awm lai chuan an inkawm nasa hlê tih a sawi a, ka vawikhat hmuhna tur a ni.

"Falkland kal tura inchei chiam a ngai lo a nia," Zirsanga ka bulah rawn dingin ka mit ka lo hnawih hlarh hlarh lai chu ngun fê hian min thlêk a.

"Hâk tur ka nei lo, a hma ang te kha chu nise âw, Kekawr dum mar ṭang leh.."

"Fel, eng pawh inbel la ka mitah chuan i nalh ber, Bike-a kal tur kan ni chuang lova i duh leh kawrfual ha rawh," ka sawi zawh hma hma-in a lo ti hmanhmawh a.

"A teuh lo, ka duh lo.." tia ka lo vîn hlar tâkah chuan, "Eng nge i inbel chuan anga, thawmhnaw mar deuh deuh chu a chi tawh miah loh a nia.."

"Chutianga langsar a ni chuang hlei nem," tiin ka wardrobe a ṭangin kawr dum lian lam deuh ka la chhuak a, a ni paw'n shirt dum inbelin Jeans a ha leh tawp a, a inhmeh em em tho nia!

Arini leh Bawiha erawh Chanmari kâwnah an kal a, he mite pahnih hi inngaizawng anga lang si lo hian an in kâwm thei phian! Khawi kipah pawh an inzui a ni ber mai. Kan nau te ve ve annih vâng nge Zirsanga paw'n a khak lêm hlei lova keipawh hian ka enliam mai mai a ni deuh ber.

Maneihi lam kâwi angaih vangin leh Lalfaka kan nghah rih avangin muangchâng hian ka insiam a, nizanah Lalfaka pawh Delhi aṭangin a rawn thleng chiah a, an khuaa ka awm ve lai khâ a lo haw zawk lai lo niin.

Delhi-ah lehkha a zir a, a chhuah hnu-ah company hnuaiah training a nei zui niawm tak a ni.

Elty dawrah mi an lo tam hle a.

"Hey, Zirsanglian zu heh.." tiin min hmuh veleh a nui sâng a, a ṭhiante tupawh mai hian 'Zirsanglian zu heh' tia an ko fiam ziah hi ka huat zâwng tak a ni. A mawi hlawl lo.

"Ka bânsanna a rei lutuk tawh," Elty nen an inbiak lai chuan Maneihi kovin an dawr hnunglama Sangha awmna dîl lam panin kan phei ta a, kha nu khâ a ngainatawm hnûp hnûp ka ti riau.

Dinner kan ei chhung zawngin Maneihi leh Zirsanga an ṭawng char char a, thlâ an la sek bawk. Lalfaka nen erawh kan ṭawng tam ve tehchiam lo.

"Inneihni-ah tuma'n zu in loh tur.." Maneihi'n atih chuan kan mipa te an inmelh zauh a, han in vaih teh se, ka nasa viau ang.

Lalfakhlua hi a hma khân ka lo en chîk ngai lova a sâng ṭha hle a, Zirsanga aiin inches hnih velin ala sâng maw le! A hmelṭha tia sawi tur nimiah lo mah se a 'pa' ru riau a, a pa hnathawhna avanga Zirsanga te khuaa awm ve tho anni a, thlahnih hnuah a pa an transfer dâwn lehnghal nen Aizawl lamah kan inhmu zawm zel turah ka ngai. Ani pawh zu in zeuh zeuh chîng ve tho a ni.

Fapa mal a ni a, an duat hlê ang tih pawh thil chiangsa a ni.

Maneihi nen hian sawirem ve dawn ta ila! Hus! Maneihi tezawng a lerh lo lutuka phuahrem fê an ngaiin ka ring.

##

"Nang Zirsangliana hian Remruatfeli hi i nupui tak tak ni turin i duh em?" Pastor zawhna chu ring leh fiah ṭha takin a chhâng a.

Kei erawhin ka chham ring fahran lo va, ka zak tih piah lamah ka zak. A chhan chu kan lo pûk lâwk tawh avangin mitin hian ka pum an en deuh ṭhupin ka hria a, ka confi hleithei lo chu a ni ber e.

Lungleia man hlannaah kan chhung leh khatte mai piahlamah ka thawhpui leh khawtlanga ṭhenrual ṭhate an kim viau a, kan inneih hunserh min hmanpuitute pawh tam tham tak an ni.

Biak inah invuan lo mahila he khuaa inneihna pui bera chhâl ngam chu a ni ngeiin ka ring.

A kal tur chiangsa a kan ngaihte bâkah kan nu leh pa te ve ve mi pangngai anni a, miin an ngaipawimawh angreng viau! Present phei chu kan dawng tam mah mah!

Thu chham tur kan zawh hnu-a zungbun ka kuta awm ve ta rân ka hmuh chuan pasal nei tak tak ka ni tih a tarlang chiang hlein ka hria, zungbun inbuntîr hi inneih nghehna ni lo mah se ka pasalin Pathian leh mihring hmaa tihtakzeta min buntîr a nih vângin ka ngai hlu hle bawk.

"Fel, i chau tawh em?" Thalâk tâwp berna hun kan hman laia min zawh chuan ka bu nghat a, ka ke te hi a vûng deuhvin ka hria.

Zirsanga ṭhian phawk tak tak an tam si a, ho deuh deuha lo ṭawngin kan nui reng chu a ni ber e.

Tunah chuan ka nu leh pa kalsanin inchhungkhur hranah ka lâwi ve dawn ta chu a nia, ka nu mittui far fap ka hmuh chuan ka hnuk a ulh ve deuh, ṭap chiam mi ka ni lo hlauhva ka hnâr erawh a sen deuh hlarin ka ring; ṭap chhuak lova ka insûm apianga awm ve ziah ṭhin kha a ni tlat a.

Pa Hriata te in aṭanga hla lo tê pa Zuimawia te in chu innghah nân ka hmang a, ka pazawn atâna ka hman a ni. Ramtei mo-na in kha a nia, inthlahrung lutuk lovin ka awm theih phah bawk.

Duh aia hma a kan inneihna chuan an khuaah sawi ati tam leh ngawt chuan ka ring.

"Mafel, hawi chhuak kher lo la, rum deuhva melhtu i nei a nia..!" Zirsanga te in kawta kan din laiin ka beng bulah Maneihi'n min hrilhru sap a.

"Eng ang hmêl nge?"

"A chhe vak lo, sam kir deuh.." atih chuan Nutei a nih ka ring nghal mai. Kan inneihnaah a lokal ve tihna em ni ang!?

"Khawi aṭangin nge min lo en a?"

"Nu Lianpuii kha i hria em? Nizana puan rawn petu che kha, khami te tukverh aṭang khân.." ati ta a.

Ka la hrechiang khawp mai, hmâna Nutei luhaia a tlûk ṭuma an zâwn luhna in kha a ni a, chuta ṭang chuan min lo thlîr ve te pawh a ni mahna..

"Zirsanga X a nih chu.."

"Awi! Nuam e, inpa hi kuah deuh hnâp la.." zuk ti pek a!

"A naupanchhiatthlâk em mai," ka ti sap a. Inchhunga kan luh a hun tâk avangin Lâwichalin Zirsanga te Verandah-ah min dinpui a, ka lo mikhual hrep tawhna hmun leh ka in ang thawthânga ka lo ngaih ve na hmunah chuan fa-mo niturin ka pên lût ta a.

Zirsanga room pangngai khâ Arini room nen a inhnaih deuh avangin Sangpuia nen room an inthleng a, inhnuai lamah kan awm rih dâwn ta a ni.

An fapa upa zâwk nupui neih nî a lo ni bawk nen pa Hriata te chhungkua chuan Bâwng leh Vawk pakhat an talh a, chaw ei pawh an tam khawp mai.

"Kan vety doctor chuan Zirsangliana a nei ang tih ka lo ring pha miah lo asin le; mahse, nupa inhmeh tak chu an lo ni e.." titu, pa upa lam deuh chu ka nuih lêt var var a. Ni e, he khuaah hian kal lo ila chuan Zirsanga nen kan intawng dawn si lo va doctor ka ni hi ka hmang ṭangkai hlê a ni. Ka nuna mipa ka hmangaih ber ka neih phah ta chu a nia.

Rim taka ka lo zirna leh nu leh pa thuawiha ka lo tih ve ṭâng ṭângna chuan rah duhawm tak a chhuah ta niberin ka hria. Ka damchhunga ka kawppui tur ka tawn phah hial a nia.

"Fel, mu hahdam tawh rawh, i chau lutuk ang," inlêng an haw rêm titih tawh a, kan ṭhian hovin present kan hawng zo chiah a, Hmingsanga paw'n thil ṭha tak min lo pe ve reng nia!Zêp miah loh chuan ka chau ve pangngai reng, Maneihi leh Lalfaka an ve hâw ve chiah bawk a, mut chiah kan hma bâk ta.

Kan lo tih hnu vek nimah se chhungkaw hriatpuina a nih vang nge ka lâi deuh ṭût a, mut hmâ vut ka hreh deuh.

"Nia, mut hahdam hun min pêk theih dâwn phawt te chuan.." kan room tur in hnuai lam kan pan ta a, ka nu leh pa pawh an la châm ve dâwn thova, ka pazawn te inah an riak dawn khâ a nia, ka unaupa erawh Arini'n hmun danga thlen a phal miau loh avangin ka lo mut fo tawhna ṭhin mikhual room-ah a awm ve thung.

"Muthilh tih vel ka sawi tel lo a nia, châwl hahdam phawt la, ruahsur nghah ngai tawh lovin kan che chhuak ang chu le.." tiin a nui suk suk nia!

"Teuh lo, kan off ang.."

"Off lo ve a, ka nupui kianga 'up down' tur khawpin ka inla fit tawh," a fiamthu mah ni se ka zak ve reng.

"I zah loh chu a.." ka'n ti ngawt a.

"Remruatfel, he hun ka nghâh vang hian ka tlangvalna ka sûn tih hre ta che.."

"Hus! Ka nulâtna ka sûn ve tho.."

"Khâ zungbun i kuta awm khân khawi hmunah pawh ka tâ i ni tih hriat chhuahtîr che rawh se.." tiin ka kut veilama Rangkachak kual chhah lam deuh ka bun chu a rawn tuai hauh hauh a.

"Ah..Bâwng mawng zennaah pawh maw..!?" Za lutukin ka nui a.

"Nang nu hi chu aw, ka fiamthu lo a nia," ati ve tak nâa a nui suk suk tho nia!

"Thutak sawi laiin lo fiamthu tawh suh." ati leh a.

"Ani rêng alawm, ka la zen leh dâwn chiang mai sia e.." insûm hleithei lova ka nuih leh tâkah chuan, "I thinchhiat a chhuah loh hi chuan i hlim thei teh e.."

"I chimawm a chhuah loh chuan thu belhchiantlâk deuh sawi chhuahna châng te i hre ve a.."

"I sawi thui leh hmâin inbual rawh le, nge a rualin.." Min pawt tho zui nghâl a.

"A ruala inbual kha chu theihnghilh hmiah rawh, chi loh lutuk.."

"Zanin chu nangmahin inbual phawt la, a lehpekah kan pahnihin a ni tawh ang aw.." Bathroom lam panin min nawr phei dat dat a, ka hnial ta lo.

Sangpuia bathroom hi common bathroom aiin a zau daih zâwk a, kan pahnihin inbual duh pawh ni ila a chêp lem lo. Aizawla an inpui a nawm viau laiin helam erawh duh aiin a chêp deuh. Mahse, thlakhat bâk kan awm dâwn chuang lova a tihzia phian.

Ka inbual zo ka chhuah leh chuan Zirsanga a lo mu diam tawh a, a phone-a games bawk a lo buaipui leh tawh nia!

"Vawiinah Nutei'n min melh no lo khawp mai," tih pahin dressing table hmâah ka ṭhu a.

"A lokal ve dâwn tih ka hria alawm, kha heihi en teh.." tiin a phone a rawn lek lang zauh a.

# I nupui neih ni-ah tal chuan râlkhat aṭangin ka lo thlîr ve ang che. Min ngaidam thei lo mah la ka dem miah lo che a nia, hlim taka awm i phû a ni. Mafeli erawh ka thîk khawp mai.

Whatsapp aṭanga Nutei rawn biakna chu nizan lam ami a ni tawh a, ala rawn be ngam ringawt pawh hi a zak lo ka ti ve khawp mai.

"I reply em?" Tia ka zawh chuan, "A teuh lo lutuk, ani biak leh ai chuan i Vawk chhûl lâkna bula lo awm leh ka thlang fê," atih chuan ka nui hak a.

"Zir, Nutei fâ hi i fa ni tak tak ta se nupuiah i nei angem?"

"Nang tawng lo che ila chuan ka nei mahna.." ati sup a.

"Kei chu ka nunah mipa pahnih an awm, nang leh Hmingsanga khâ a ni a, ani erawh chu ka thinlung taka ka kawp nilovin ka tleirawl lai ngaihzâwng a ni a, chuti tehchiamin ka la thutak lo."

"Hmanni zingah pawh a lo biak reng che kha," tiin a thaw chhuak hawk a, "Fel, mipa dang lakah rinhlelh awmin i awm ngai lo tih ka hria, Hmingsanga nen inchanchin leh zirna avanga inṭhen in ni tih ka hriat khân a hnênah i kîr leh mai ka hlau deuhva.." rawn ṭhu chhuakin khum lu lam a nghêng a, ngun taka thil ngaihtuah hmêl a pû.

"A teuh lo, ani neih ai chuan Zir zu heha khâ ka la thlan ve fan.." Ka sawi zawh rualin ka tukkhumah a rawn nam det a, "Zir zu heh, min han ti leh teh..a lêt leh i tawrh ngam dâwn chuan.."

"I ṭhiante pawhin an koh ve tho che kha,"

"Ka ṭhian i ni lovin ka nupui, ka engkim i ni asin, â ka ṭhian pawh i tel tho.." ati leh lawi sia..

Mu tura kan inruahman vek tawh hnuah ṭawngṭai tura ka tih chuan a hreh ngang mai. "Fel, min hrethiam ve mai la.." tiin pehhêlna ngawt a zawng a.

"Hmeichhe lû chu mipa, mipa lû chu Krista, kan bul ṭanna turah hian a mipa zâwkin hmâ i hruai phawt chuan ka zui zêl ang che." Thutak zeta ka tih chuan, "Ka ṭawngṭai khât ve e.." Zuk ti a!

"Ti phawt mai teh.." tiin ka'n nawr deuh dâwn a, "Kan awm tawh dân te ka chhûtin ṭawngṭai ngam tur pawh ka ni lo." Ati leh a.

"Tuna ka thusawi hi ngun takin lo ngaihthla rawh aw.." Ka tih chuan a bu nghat a. "Nupa nun tak tak kan ṭan dâwn a nih chuan kan pahnihin kan pawimawh ve ve, kan hun liam tawh siamṭhat theih si loh va intih hrehawm reng ai chuan kan pahnihin bul kan ṭan dûn thei tawh alawm; Pathian hian min mamawh reng reng lo, keimahniin kan mamawh êm vâng zâwk hian kan ṭawngṭai tur a ni dawn lawm ni, i thei lo chung nawrluih che ka tum lova; mahse, 'Pa' dinhmun dik tak luah tur hian i pawimawh hlê a ni." Ka ti duah a.

"A ṭha e, min nuih miah suh," a'n ti hmasa leh tê tê a, chutah muang ban charh hian a ṭawngṭai ta a.

"Lalpa, zanina i hmâa lo kûn te hian i pawi nasa tak kan khawihin i duh loh zâwng kan ti fo ṭhin, nimahsela kan tâna ṭha turin engkim i thawh ṭhin avangin lawmthu kan hrilh a che, Kristian chhungkua dik tak, nangmah aṭanga chhuak kan neih ngei theih nan i awmpuina kan dil a, i laka kan tih dik loh zawng zawng te leh i pawi kan sawinaah ngaihdam kan dil a che. Nupa hlim leh inngeih tak ni thei turin i ṭanpuia kan Lalpa Isua Krista hmingin kan rawn dîl e."

"Amen.." a ṭawngṭai thui lem lo khawp mai; mahse, kut invuan rân chunga ka pasal ṭawngṭaina hian ka thinlungah thû a sawi si.

"Ka lawm e, ka ngenna che min tih hlawhtlin sak avangin.." a nghâwngah kuahin a biang leh ka biang ka insîktîr vang vang a, a mipa rim fai leh pa hrâk chuan ka hnar a verh zar mai.

"Mut dâwn apiangin kan inṭawngṭai chhâwk dâwn nia," ati vei thlap a, kan thei êm ang chu.

Chu mi hnu chuan ruahsur tura ṭawngṭai ngai tawh hauh lovin leh nu leh pa hriatpuina thlapa hmangaihna kan chêndun meuh zawng, Hremhmun lam rim nam ni tawh lovin Mumang rama kan la hmuh phâk ngai loh ramah kan chuang kai ṭan ta.

"I thlen dâwnah min hrilh rawh aw.." ka beng bulah ti supin a hmâa ka ṭawngkam ngei khâ a rawn hmang a, Zirsangliana tâna ka lo inpe hi ka tisual hauh lo.

"Tehreng mai, i ruala thleng ve ngei turin aw.." a hmui lum ham ham leh hnâwng chap a min fawhna chu duhthawh takin ka lo chhâng lêt a, hmangaihna leh induhna kan chhungril aṭanga chhuak chuan nawmna inpêk tawn duhna rilru min puttîr a ni teh chêk ang chu, kan thlan dap thei nia!

"Ka inpeih e," thaw halh chunga ka tih chuan rawn kûn hniamin ka nghâwng zâwnah hmâi a phûm vat a; lungawina famkim nen kan tum ram kan thlen laia a rûm nghat ri chuan chhungril a fan raih raih thei alawm le.

"Kan nautê hmêlah ka bonus a nih kha, a ngo phah deuh tâkin.." Zirsanga thil sawi avang chuan ka nuih aza ngei mai.

"Bonus deuh fo la chuan a hmâi a hlâi khawpin ka ring.." amah kuah chial chunga ka chhânna avang chuan mawi ka tih deuh ang (ding zâwng) ngêi khân a'n nui kher ah..!

Tenawm ṭha ve asin.

"Ka hmangaih che, Remruatfel.." ka pum zût hauh hauh chunga tiin ka mitah tak min en a.

"Min hmangaihna aia thûk zâwkin ka hmangaih che ti ila i awih chiah ka ring si lova, min hmangaih tluk zetin ka hmangaih che.."

"Zîngah tho hmâ duh suh aw, an hrethiam lutuk ang che," ti daihin a tho chhuak a, eng nge a tih dâwn pawh ka hriat si loh!

"Nutei'n Arini a lo pe a," tiin box lian angreng tak pakhat a va la ta a, eng nge a nih rin chhin ngaihna ka hre lo.

'Hawng chhin teh' atih chuan ka hawng ve mai bawk.

"Ngaihdam dîl ngam tur che u ka ni lo a; mahse, ka chapona zawng zawng dah ṭhain in mi ngaihdamna ka ngen e, nupa hlim tak ni tura duhsakna hlân chung che u in he ka thilpêk hi min pawmsak hrâm ka beisei.." Naute Blanket sen no raih teddy bear-awm khat vek hi a lo dah tel a, mak ka ti hlê mai.

"Fel, i duh loh chuan kan kawl kher a ngai lo a nia.." nuam lo tih hmel taka Zirsanga ṭawng chu haiderin, "Ngaidamtu thinglung put hi thil finthlâk tak a ni, keini paw'n kan tihsual tawhna zawng zawngte Pathian hnenah ngaihdam kan dil zo chauh a ni lovem ni? Damtéa nautê kan neih chuan a sin ve ngei ang." Ka ti ta a.

"I rilru ṭhatna leh tluangpurh hi ka hmangaih chhan che a ni rêng a ni." Ti supin ka biang a chûl zauh a, ngaidam lo mahila engtin tih theih ninghal lo chuan a..!

Zanrei tak thleng thu ho mai mai sawiin kan titi reng a, muhil tura kan inruahman meuh chuan zân dâr 12 a pêl thuak tawh nia!

Ka pasal âwm nghêng chiala mut hi alo va nuam dangdai si êm..

Zirsangliana

5:30 Am

Ka nupui hmêl pawisawi lo leh dam raih ka hmuh hian ka tihsual lohzia ka hrechiang tulh tulh. Nutei nena tehkhin râlah phei chuan 'Lei leh Van' hlauh a ni si! Amah châwmna tur mumal ka la nei hauh lo, a hmâ khân lo inkhâwl nachang hria ila chuan a zia deuh tur a nia; mahse, hetiang dinhmunah hian kan ding dâwn a ni tih hriatsa ninghal lo chuan.

Tui takin a mu sâk sâk a, a lum ati deuh nge puan pawh a ke lamah a hnâwl tawm vek a, a dul puar ve âk tawh chu langsar tak ala ni lo. Englai pawha inkhaithli thlarh a nih vâng zâwkin alang hmâ chi a ni ngei ang!

Kan in chhunga lo lâwi lût tur êm chuan ka lo suangtuah pha ngai lova, vety doctor anihna chu thuhran, mipa tamtak tana itawm hmeichhe inringtâwk tak kha a nia, ka phû lo hret.

A chau deuhva ka rin vângin ka kaitho duh lêm lova, inchungah dimtê-in ka chhoh san ta a. Ka nu leh pa, Arini an lo tho tawh a, tihfel ngai ala tam êm bawk atin ni.

'In mu ṭha em, a chau ngawt lo maw?" Ka nu min zawhna chhângin, "Chau ve e, a duh hun hunah lo tho ve mai rawh se, thâwm dim deuh ila.." ka tisup a.

"Duat ṭan deuh ve.." Arini'n alo tih chuan, "Nangkha i lo fiam leh ngawt ange, a zak ve thei tih hria la.." ka nu'n a lo ti vat a. A nuih azat hmel kher mai.

'A lo harha min hmuh loh chuan a hrilhhai ang' tiin khawizu leh tuilum inpawlh no hnih ka siamsa kengin inhnuaiah ka chhuk leh ta a.

Kan intawntirha 'in ve ṭhin rawh' min tih aṭang khân regular takin ka in ve ta khâ a nia.

Ka chhuk leh pawhin ala mutui hle a, ka mutna zâwnah bân a phar diai a, min kuah a tum a ni ngei ang, "Hey, doctor, harh ve tawh la.." a lû-ah ka sawi dat dat a, 'Morning up down' alang miau alawm, mipa hrisel khawizu in ṭhin ka ni tlat a!

"Mu teh..." a inlet thak a, ala meng chuang lo.

"Ka nu te'n an ko che a nia.." ka sawi zo chiah arawn meng nghal nia!

"Min kohna arei tawh em?" Tihpahin rang lutuk hian a ṭhu hlawl a, ka nuih aza ngei mai. Tuilum ka siamsak chu pê-in, "In phawt rawh le.."ka ti a.

"Zir, i thawhna a rei tawh viau alaw! An tho kim tawh em?" Tuilum a innghal khawlh khawlh a, "Sangpuia leh i nau an la tho lo.."

"Awi! Min kaitho ta che, Zirsanglian.."

Ka tifiam tih ka hrilh loh chuan a tho chhuak tak tak dâwnin ka hria a, ka hrilh ta nge nge a.

"I chhe hlê a ni, Zir zu..."

"Remruatfel han sawizo vaih teh.." tih pahin khumah ka kuah mu nghâl a, a nui duh ṭhak lo.

"Min tihder man i hmu dâwn khawp mai," ati nâa a che chuang miah lo.

"Zingkarah bonus leh zuai ila.."

"Hus! Tho mai teh.."

"A teuh lo êm mai," tih pahin a hmuiah ka bûr nghâl chat a, thinrim nimiah si lo va a ṭang der vel chuan phûrna min siam tulh tulh.

Chutah hmanhmawhna nei hauh lo hian 'bonus' hun min hawnsak leh ta a; ka bawhpelh lo chiang teh e.

##

Kan inneih aṭangin ni thum a liam tawh a, Maneihi leh Lalfaka pawh nimin lamah Aizawl panin an chhuak tawh a, Mafeli nu leh pa, Bawiha telin tukinah an haw ve bawk a, a chhungte'n an liamsam dâwn meuh chuan ka kut a hmer nghet khawp mai! A nu mawlh kha ka lainat a, a mittui tla kan hmuh hlau zeta a hru zauh lai ka hmu hman tlat alawm.

An fa hmasaber leh an fanu neihchhun a ni miau a, a hlawh ringawt pawh hi anni tân chuan thlâkhlelhawm ve deuh tur a nia, rethei lo mah se pawisa duh lo tumah kan awm hleinem maw le, karlehah Aizawlah ka pheisan dawn a, kan dawr bungrua a lo thleng dâwn si a, ka awm ngei ngei a ngaih vang a ni.

'Mafeli hruai lo mai rawh' ka chhungte'n an tih deuh tlat avangin hruai tel loh ka'n tum phawt chu a nia, ka rilru ka thlâk leh thut mai thei bawk.

A car pawh a nu leh pa'n 'In la mawmawh ang' an tih deuh tlat avangin kan nupa kutah an dah hmiah a, A bike erawh Bawiha'n a nei thung dâwn niawm tak a ni.

Ka bike pawh ka keng dawn a, keima puala ka lei a nih vângin midang kutah dah ka tum lo, Sangpuia tân car a la awm thova ka pa hminga awm nimah se a kuta awm tur tho a ni bawk.

Tulṭhuan kan ei laiin pu Siama alo lut a, Mafeli ka nei hi alâwm ber emaw tih tur a ni, "Zira, in nu ka mamawh hlê a nia.." a rawn nui lût ṭhû a.

"Eng atan maw..?" Ṭhu tura hrilh pahin ka nu'n a lo dawngsawng vat a.

"Kan vawk note 'Til' lâk a ngai a, mothar neih manah ka rawn inbengvar ve hmiah." Atih chuan Mafeli ka mitmei vat a.

"Chaw eikhamah kan lokal dawn nia," tia Mafeli'n a chhân chuan kal lo tura hrilh ka duh deuh rum rum nia! A naupai tân a lo ṭhat loh tâkah..

Pu Siama haw hnu-ah, "I ti thei tawh dâwn em ni?" Tiin ka zâwt ta a.

"Thei ang, eng mah harsa a awm hleinem, min hruai hman te chuan.." ati sam êt a.

"I inhuam te chuan.."

Pu Siama te Vawk Til alâk chhungin a bulah ka lo ding ve reng a, hnehsawh tak a ni! Ka vawikhat hmuhna a ni bawk a, hmuhnawm ka ti ta phian nia!

Minute reilote chhungin pawisa a hlawh chhuak der a nia, ka va'n chhuang ṭhin tak êm!

A tel lo hian ka nun a famkim tawh lova, nitin zantin inzui ta na nâ na chu amah ka duhna a pung deuh deuh si!

Remruatfeli tâna pasal ṭha tak ni tur leh ka fa lo piang tur tân pa ṭha ber nih tumin ka rilru ka siam ta sauh sauh a.

"Rapsagy" Tia ka phun sup ri chu a lo hre ve a ni ngei ang, "Ṭawng hriat loh i dawng elaw!?" Tiin min nuih var var a.

"Kan pahnih chauhva kan awm hunah a awmzia ka hrilh ang che, ṭawng hriat loh a nih pawh ka hriat si loh.." ka tih chuan, "(Rapsagy) ka theihnghilh dawn miah lo a nia, awmze nei lo leh thu dukdak lo a nih loh ngei ka beisei.."

Ni e, ka hrilhfiah khawp ang.

Kan nupa hian hma hun hlimawm tak thlir tur kan la nei chiang alawm; mahse, ama sawi dan takah 'Pathian tel lo chuan eng hlimna mah a awm thei tak tak lo' tih khâ vawn reng erawh a ṭûl hlê a ni.

Ka nupui zet zawng ka nihna zawng zawng leh zu in ṭhin mi ka nih lai pawha min vuan tlattu leh min pawm thlaptu a ni a, a lungawina leh a hlimna thlen tur hian theihtawp ka chhuah ngei ang....

©<++++[BeckirafARenthleI]++++>®

Chapter-27

Zirsangliana

Aizawl

Kan inpui pawh thlathum dâwn kan luah ve ta, Mafeli in luah ṭhin khâ kan tiruak vek tawh a, Dintea kan hnenah a rawn insawn phei bawk a, ka patea nise buaipui angai deuh reng bawk nen niminah Bethany Hospital-ah kan admit a; a zu in nasa lutuk a tuar lo a ni ber mai.

Arini'n kan chah phei ta ringawt kha a nia.

Mafeli pawh rinai takin a hrisel phian a, kâwng nâ leh tâi nâ tih neuh neuh a nei zauh zauh tih loh chu insawiselna em em a nei hran lo. Nitin office-ah ka hruai tlauh tlauh a, dâwr nghah ka ngaih ṭhin avangin ka va dah zawk a, tlâi lamah ka lam leh mai ṭhin.

Ka patea dinhmun a ṭhat vak loh avangin vawiin pawh ka hâw hmâ a, ka nu leh pa chanchin ka hrilh chuan lo phei an tum thu-in min chhâng a.

"Fel, Taxi rawn hmang haw ta mai che, patea a ṭha vak lo a.." tia ka va phone chuan 'Rawn kal ve angai em? Kan bâng a ni deuh thaw tawh a," ati a.

In lama haw tlang tura ka hrilh chuan min hnial deuh dâwn a; mahse, a naupaiin thlasarihna a hmang mêk a, a dul pawh a puar ve viau tawh bawk nen tihtheih vak a awm si lova lokal lo turin ka hmin thei hrâm.

Kan inneih hnu-a hlawh a lâk hmasak ber khân ka nu leh pa hnena kan awm lai a ni a, an kutah chêngkhat mah bâng lovin zuk pe fai vek a!

"Eng ati nge i pêk vek a!" Tiin ka zâwt nghe nghe a.

"Nu leh pa kianga kan awm a nih chuan kan thawhchhuah ang ang kan pe mai tur a ni, mamawh kan neih leh kan dil mai dawn nia.." ati awlsam êt a, ka nu mi â ni hek lo lê, 'Min pêk duhna rilru i pu hrim hrim khâ kan lawm viau a nia; in mamawh lei nân hei hi hmang rawh u," tiin a zât ve a pekîr leh ta a.

Remruatfeli puitlinzia leh taimâkzia ka hre thar zel a ni ber mai.

Kan inkhâwm dun hmasak ber ṭum chuan a zak ve hlê a, "In khua hi chu âw mi en an nghal mah mah a ni," tiin a phun ve nang nang a, a ni reng tak a! Kan kalpelh apiang te'n min enzui zel ṭhin khâ a nia, thil nuam zawk zawk chu a ni lo ve alawm.

Kan dâwr pahnih ka enkawl kawp avangin leh nitin office kala a chhuah ve bawk si avangin duh aiin kan awm dun tlêm mah mah chu ka ti deuh.

"Fel, engtik thleng nge office i kal ang?"

"Ka neih dâwn tak tak chauhah ka châwl ang chu, a lo berah thlaruk vel tal chawlh lâk law law ka duh si a, ka duhâm ve deuh a ni." Ati ta a, sum leh pâiah harsa lutuk lo mahila ṭhahnem ngaih a na duh viau.

Nupuite thlazar hnuaia awm ka tum miah loh avangin ṭhahnem ka ngai hle a, kan dâwr pahnih hi ka kuta awm a nih ang ngeiin ka hlawhtlin hma zawng ka bei ṭâlh ṭâlh ang chu, Sawrkâr hnathawk nih kher hi ka tum a ni lova; mahni ke-a dinchhuah ngei ka tum nghet bur.

'Mama, patea awm dan hi a dik miah lo a nia' Arini hlauthawng lutuk âw chuan ka inngaihtuah ngut ngut lai min tiharh zawk nia!

Doctor leh nurse te'n theihtawp tak meuhva an buaipui chung pawhin hmâ a sâwn hleithei ta tlat lova, internal bleeding a neih nasat bâkah a kal (Kidney) a chhe vek tawh bawk a, zanin a daih kher pawhin ka ring tawh lo.

Nikhua a hre tawh lo hrim hrim a, a mar chauh kan en tih Mafeli ka hrilh chuan 'Ka lo phei ve nghal ang' ati a, ka hnial ta lo.

Ka nu leh pa an awm lo bawk nen a thlaphân thlâk kher mai. Aizawla kan chhung hnaivai te a theih ang ang phone-in ka hrilh kual zung zung a, Arini lah a ṭap deuh fap fap reng bawk a, kan boruak a rit kher mai.

Khawvar dâwn hnaihah khawvela inhmu leh ngai tawh lo turin ka patea chuan min kalsan ta a! Arini leh Mafelin an dawmhlum a ni ber ang chu.

A chahthlâk lai hian ka awm ve chiah lova ka pa in min rawn biak avangin pâwnah ka lo awm daih a, ka va hmu ve hman ta lo khâ a nia!

Zu in mi a nihna leh a hun kal tawha rilru natna tamtak a lo tuar tawhte ngaihtuah chuan hetia a boral ta hi a tân a hahdam thlâk ngei ang.

Mafeli pawh a theih ang tâwkin a buai ve hle a, Arini lah a ṭap ngat ngat bawk si! Nu leh pa tel lova thihna han dawnsawng meuh tur chuan ka pachang thei lo a chhâ chu a ni e, a enkawl tam bertu ka nih vang leh a kianga hun hmang tam ber ka nih vang hian intih pachan a har zual.

"Zir, i rilru tur ka ngaihtuah thiam phâk vek a nia, ka nu te lo thlen hunah i châwl hahdam ve lawk dawn nia." Ka nupui ka kiangah lokalin ka kut min vawn sak a, ṭhalai leh nu leh pa lokal khâwm te pawh amah vekin a dawngsawng a, ka va chhuang si êm!

"Nangmah kha châwl hahdam zawk rawh i chau lutuk ang" ka tih chuan, "Ka pum a nuam lo deuh a, rilṭâma ka awm vang nge pawh ka hre lo.." tiin a pum puar ve liah tawh chu a tawk zauh a.

Ka nî te leh ka putea teho an lo thlen tâk avangin kan nupa room-ah Mafeli ka luhpui ta a. Chawlh hahdam a mamawh takzet tih ka hriat vanga hruai lût ka ni bawk.

"Zir, ka pum nâ hi a zing sâwt riau mai," a thlanfim a rawn bawl ṭak ṭak a, ka ngaih a ṭha ta miah lo, ani hian nau a vei a ni chiang mai.

'Tikhan lo awm lawk rawh..' tihpahin ka tlânchhuak zui nghâl a, kan boruak tawn nen ava inrem lo tak.

Ka nî hnenah thil awmzia ka hrilh zuai zuai a, Durtlâng Hospital lam panin kan inphur chhuak ta a.

Durtlang Hospital kan thlenin zinglam dâr ruk chiah a ni.

Mafeli hmel an hmuhin doctor te'n ngaih dan an lo nei sa ni hmiang, 'Nau a vei ṭan ringawt a nih hi, eng mah hlauhthawn tur a awm lo, mipa awmpui kan phal chuang lo a, pawnlamah i lo nghâk dâwn nia' nurse thusawi chu ka ngaihthla liam vel mai mai niberin ka hria.

Kan in lam ka ngaihtuah bawk si, ka nupui ngaihtuah ngai bawk! Awm dan tur pawh ka hriat si loh.

Naute puan vêl eng mah kan lo keng awzâwng lo, Mafeli nu in min rawn thawn ho leh amahin a lei ve te kha kan inah ala awm vek tih ka hrechhuak chawpchilh a, hâw tho tho a ngaih hmel.

"Reilote ka lo be zawk thei angem?" Tia nurse ka dil chuan a lo phal ve mai a, Mafeli natuar hmêl awm ngaihna hre lo ka hmuh meuh chuan hrehawm ka va ti si êm!

Zai ngai lo tura an ngaih avangin nau neihna ward-ah ala awm a, khumah achângin a bungbu thûl, hetiang tehhrep hian a tuar ang tih ka ring pha lo hrim hrim.

"Fel, chhel takin aw.." ka aw a hriat rualin a rawn dâk chhuak a, "Naute puan eng mah kan keng reng reng hleinem, la turin ka kal zuai ang aw.." ka tih chuan ṭawngkâ a min chhâng lovin a lû a bu zauh a.

Patea boral laia kan nautê in pian chhuah phêt a tum hi ka rilrem zawng pawh ninghal lo chuan a..

Kan in lamah hmanhmawh fê hian ka tlân lêt leh ta a.

##

Ka nu ṭap râwih râwih chu ko hrangin thil awmzia ka hrilh nghal a, a ṭap bâng hmiah nia maw le! Ka pa hrilhru-in kan nupa room lamah kan inzui phei ta a. Ṭhalai leh nu leh pa lokal khawmte chu ka nî in a lo hrilhfiah diam tawh niawm tak a ni.

Kan mamawh tur anga ka hriat ho bag-ah ka thun mawlh mawlh a, ka nu nen Hospital kan pan dun ta a.

Hospital kan thlen chuan nau nei turin Mafeli an lo dah lût hman tawh a, kan nang lo chiah chiah.

"Mama, ngaihtuahawm a ni hleinem, thlasariha nau piang an tam lutuk.." ka awm dan hrehawm zet min hriat thiam puiin ka nu'n min ṭawng thlamuan a.

Ka patea vuinaah pawh a awm thei dawn lo tihna a nia, ka rilru a dam lo kher mai. Kei erawh in lama awm ngei ngei tur zâwk ka ni a, "Zuk hâw thla phawt la, innu chu ka lo awmpui ange, i patea thlahliam hmana i hâw khâ a ṭha zawk, chanchin ka rawn hrilh rang dâwn che u nia' atih deuh tlat avangin hreh ru zetin ka hâw ta a.

Chhungkaw aiawha ka pa thusawi laiin ka nu'n min rawn call ta a, mipui an tam bawk nen chhuahna tur kawng îk zuk awm lo a..!

Nautê hmeichhia kan nei tih leh Mafeli pawh a ṭhat thû a rawn sawi a, ka nupui kiangah awm thei lo mah ila ka thinlungah a awm reng tlat alawm.

Thlalâknaah pawh Mafeli a lang ve dawn ta lo chu a nia, ka thinrim angreng; mahse, kan thu ni miau hek lo le.

Naute thar neih leh kan boruak tawn a pik êm avangin awm dan thiam a har a, lehlamah ṭahna, a lehlamah hlimna, buaithlâk tak a ni.

Tunah chuan pa dik tak ka ni ta, kan nupa nuna rawn tel ve kan naute thar hi ka hmangaih a, eng ang hmêl nge a put tih hriat ka châk kher mai.

Nun bul kan ṭan chho tak tak dawn ta chu a nia, kei Zirsangliana hian ka nupui fanaute hi enkawl zawh loh ka tum reng reng lo.

Thihna kan chunga a lo thlen lai pawhin lâwmna tur min la hnutchhiah fo tu Pathian kan nei hi ka lawmna tizualtu a ni.

Mafeli nen rei vak lo kan inbia a, ka fâ hmêl ka hmuh meuh chuan ka rilru zawng zawngin a nu leh nautê ka hmangaih ve ve a ni tih ka chiang lehzual, thihna chauh lo chuan min pawt ṭhen lul suh se.

"Zir, a tê reuh tiraw..?" An nufa-in cabin-ah an awm tawh a, ka rin aiin atê daih nia! 2kg leh 300gram chauh a ni a, a hmêlṭhat leh ṭhat loh pawh ka hrethiam lo, a ngo hlê a, kei min chhûn lovin a nu a chhûn tih ka hre mai.

"Lungngai mah ta che, a tê rei tawp nang, kan zângkhai ting ting a ni mai alawm.." tiin ka fanu biang chu dimtêin ka chûl a, hnute tui a neih lo hi kan buaina a ni ta. Nestogen siamsak angai a, ka nu nen kan in chhâwk zak zak mai a ni.

Kan in lamah nise YMA zan a la zo bawk si lova, amah Mafeli ṭha viau mah se inlam boruak a nuam rih si lova bâkah inlêng an awm deuh reng nen cabin-ah kan insawn ta kha a nia.

"A pu Lunglei amiin a hming a rawn phuah dawn a," tia a sawi lai chuan Lalfaka leh Maneihi an lo lang ve hlawl a, he mite pahnih hi an inzui ta nge, an rawn inthurual ve teh tlat chu le!

"Hey, eng ati nge i lo neih thawt thawt a?" Maneihi'n Mafeli a fiam a.

"Ṭhianpa, Delhi lamah chhuk leh ka tum a, lokal ve la, kârkhat vel kan châm anga.." Lalfaka'n min sawm chuan Mafeli ka melh zauh a, "Naute pahnih enkawl tur neih chuan chhuah a har mah mah a ni."

"Tak takin nakinah kan la kal dun leh dawn nia, nupui nei leh nei lo chu kan inkawp thei tak tak tawh lo a ni ber e," Tiin a nui ṭhû a, "Nei ve rawh, Maneihi nen hian ti ve hmiah u la.." Tia ka chhân chuan a nui ṭha duh miah lo.

Mafeli leh Maneihi inmelh ralh chu ka hmu hman reng.

Dârkâr khat dâwn an awm hnuah min hawsan ta a, kan fanu tân thawmhnaw eng emaw zât an rawn keng a, Lalfaka phei chuan ₹1000 min la pe zui bawk. 'In siam hah man ti ila i lâwm dawn si lova, naute thar enna a nih kha.." tia min pe kha a nia.

Remruatfeli

Aizawl

Damdawi in kan chhuahsanna pawh kâr khat vel a ni tawh a, Zirsanga a buai thei cher cher khawp mai. Dintea a haw chhoh lai a ni a, inlêng kan la nei zeuh zeuh bawk nen dâwr pawh a nghâk mumal hman bik lo.

"Fel, Arini hi kan awmpui law law mai dawn em ni?" Tia min zawh chuan, "A duh te chuan awm se, in khaw lamah nula fel deuh an awm lo maw, awmpui tur," tiin ka zâwt lêt hlauhva.

"Ka hre lo le, ka nu te kan ngaihven tîr dawn nia," ati mai a.

Zirsanga nu leh pa niminah an haw tawh a, Sangpuia erawh chu in lam an ngaihtuah deuh avangin Patea vui tûk khân a haw tawh thung. Arini leh Remruatpuia an la awm a, anni pahnih hian ka mit an tikham lek lek ṭhin! Nau te mah nise an awm dan hi ṭha ka ti vak lo a; mahse, Zirsanga'n eng mah a sawi loh avangin ka ngawi mai chauh a ni.

Bawiha pawh vawihnih lâi ka khak phah tawh.

Zan lamah Zirsanga a muhil hmasa ziah a, Duati'n Nestogen a hnêk tlat avang hian zanrei lamah a pa a tho ve thung a, kan in mut chhâwk tihna a nih ber chu.

A pu (Ka pa) in a hmingah Lalruatsangi a phuah a, kan nupa hming chawia a phuah tih kan hrethiam ve mai. Mahse, a koh dân turah buaithlâk kan tih deuh avangin Zirsanga pa phuah zawk kan ring ta kha a nia.

Zirsangliana nun inthlâk ta hlauh hi amah hre sa tân chuan thil awihawm pawh va ni suh.

Zû a in tawh ngai lova, kan boruak tawnin a zir loh avangin inkhawm lam chu kan la tithei meuh lo, mut dâwnah kan la ṭawngṭai zawm ta zel a, damdawi inah kha chuan patea boral lai vel a nih vangin a rawn kal tam lutuk lova, a nu in min awmpui deuh chawt khâ a nia. Nu Zuali pawh ka lakah a ṭha khawp mai, sawiselna tur em em ka hre lo.

Ka hlawh ringawt pawh kan ei sêng lo a, inluah man chawi a ngaih loh avangin a zia phian! Glass house lamah Zirsanga a ṭhu tam zawk a, Hardware lamah ve thung chuan a hmâa an chhawr tawh sa a ṭhu thung a, sum lamah chuan nei ṭên ṭûn lo mahila kan ziaawm angreng.

'Fel, Duati ka lo awmpui ang intifai ve tawh rawh le.." Zirsanga room-ah a rawn lut a, a chauh hmel kher mai! A tih dan ṭhin pangngaiin Duati a chhaih leh tê tê phawt a, a lo haw laia inbual lova ka lo la awm hian zuk ngaithei ṭhak lova!

"Inbual hmasa rawh, ka hmanhmawh lo.."

"A rualin ti dawn ila, a chi mang si lohva nula pakhat hi chu kan mamawh maw le," hei pawh a sawi ngai bawk.

Arini'n eirawng a bâwl a, kan lo innêl tawh sa nen a nuam khawp mai, Bawiha erawh ala rawn haw lova, naktuk hian Lungleiah a phei tawh dawn a, khua ati har lâwk ve riau. Mipa fa mah nise Duati pawh a lâwmin a chhawnchhaih peih riauva, tihian min awmpui reng se ka ti.

Zirsanga inbual hlânin ka fanu thawmhnaw ka thlâk a, nilênga Duati awmpui khâ ka hna a ni mai a, ka zei lo lutuk hi Zirsanga paw'n min nuih tawp zel.

Ani zawng nautê a ngaina bawk a, ama fâ ngei a ni zui bawk nen a awm chuan ka chang hman meuh lo.

A inbual zo a rawn chhuah tâk avangin bathroom-ah ka luhsan ve ta a, a fanu a be mawlh mawlh ri pawh ka hre pha reng.

'Duat duat, â nu angin Bike te ila khalh ve anga; mahse, vety doctor erawh i nih ka phal miah lo a nia..' Atih chuan ka nuih aza hle a, Vawk chhûl lâk, tihvel ah an khua a mite khan min ko zing ṭhin si a, a ning thei khawp mai. Min sawisel hreh tih ka hria a, ka hna a ni miau bawk si.

Bathroom aṭanga ka chhuah leh lai chuan Zirsanga a lo awm lo a, Duati a muhil thung.

'Arin, naktukah i haw phei ang, hetianga awm mai mai tur hian kan chah phei lo che' Arini room-aṭanga Zirsanga aw lo chhuak chu a chang ṭha khawp mai. Engvanga Arini hau ta vak nge a nih ka hriat loh avangin an awmna lam panin ka phei ve ta a.

Khumah Arini a ṭhû a, tukverh bulah Zirsanga a ding thung. Ka thâwm an hre lo nge atu mah mah chuan min ngaihsak miah lo nia!

'Bawiha nen hian ka la ringhlel chhin ngai lo che u, hetiang rilru i pu dâwn a nih chuan ka ngawi hauh lovang,' Zirsanga bawkin ati leh a, "Mama, iti mah mah a ni, ka duha ani paw'n min duh bawk."

"Ngawi hmiah rawh, tunah chuan chhungkhat kan ni tawh tih i hria a, a mawi miah lo, miin min dem dan turte chhût ve ta che, in induh tak tak a nih chuan khatianga awm lo khân min hrilh thei reng alawm," Thu kal lam leh hâw lam ka hriat ve loh avangin âw ka thian kharh a, min rawn hmu ve ve tih ka hriat chuan..

"Zir, eng nge thil awmzia?" Ka ti sap a.

"I nau Remruatpuia lo kamkhat ve ang che, nimin tlâiah motor-a an awm dun lai ka ṭhiante'n an lo hmu a ni awm e.." ati hmuk a.

"A dik em Arin?" Tih pahin khumah ka ṭhu thla ve a. Min chhâng lo hrim hrim! En pawh min en lo.

"Tenawm dun lutuk, ka car-ah kher kher lehnghal!" Zirsanga bawkin ati leh a, zawh nawn ngai lovin i20 a patea tâ kan rochun tâk a sawina khâ a ni tih ka hre mai.

"Mafel, i nau pawh hrilh ang che, hetiang mai mai a, a awm dâwn a nih chuan ka lawm miah lo a nia, puitling a ni tawh.." Tiin Arini room aṭang chuan a chhuak nulh a, engvanga kei min haw tel ve ngawt nge a nih pawh ka hre lo.

Rang lutukin ka umzui nghal a, ka hmuh hman miah loh chu le! Verandah-ah chhuakin a car tlânliam tur ka hmu hman ṭâwk a ni.

Bawiha leh Arini an lo mudun tihna nge, chupawh nise ka lakah thinrim kher a ngai em maw ni?

Chaw ei tur pawhin a rawn haw lova, a phone nise a switch off hmiah a, Arini pawh room-ah a tawmbo tlat a, vawithum lai ka koh pawhin min chhâng duh ṭhak lo!

A ṭap rî ka hriat tâkah chuan ka ngaihven duh ta lo va, Remruatpuia pawh alo la haw lo, vawi eng emaw zât ka call hnu pawhin a 'ring' ral ṭhak ṭhak a, Duati ka hma lamah ka awrh a, a zei lo mi ka lo ni bawk nen a rem teh ṭeuh lo khawp mai..Ding chungin chaw ka ei ta a.

Ka thiam loh a awm âwm pawh ka hre si lova Zirsangliana awm dan teh thut chuan min tihrilhhai ngei mai.

Zan dâr kua a rîk chuan Duati mutpui pahin khumah ka mu ve a, car thâwm ka hre nâ a, ka tho chhuak ta lo.

Zirsanga ngawirenga lo lût chu ka lo be vat a.

"Khawiah nge i kal a?" Dam thlapa ka zawh chuan min chhâng lovin a ngawi ngul nia!

"Zir, i thinrim anih pawhin ka chungah ṭuan kher lo la.."

"I nau chu i be tawh em? Ka nau laka a awm danah hian ka lâwm miah lo a nia, hrilh ang che.." Ati leh hmuk a.

"Ka phone a, a pick thei lo alawm," ka tih chuan nelawm lo zet hian min rawn melh tê tê phawt a, chutah, "An inzui tirh khân khak ni la, hetiang hi kan tawng hauh lovang," tiin min demna âwka a chhakchhuak ta a. Ka sa zak mai.

"An inzui tih ka hre hleinem, an inkawp tih ka hre lova; mahse, Bawiha pawh ka khak hial a, ṭhian angin an inen ni hmiang ka ti,"

"Dâwt sawi duh suh, Remruatpuia'n Matei pawhin Arini nen kan chungchâng a hre vek ati che a, a hre lo awm chhun chu i pasal chauh hi ka nih hmel, i nau chu mipa a nia, a mualpho dân a nêp deuh ang, ka farnu erawh a mualpho kumkhua tawh ang." Tiin a vei nghut nghut a, a hmêl thinrim avanga thim khap chu a nelawm tehchiam loh.

"Eng mah ka hre lo reng reng, an inbiak vel dan leh an khawsak danah ka mit a kham deuh avangin ka khak tawh a, hetiangin an awm ang tih ka hre bik hleinem.." ka ti tlat a, a dik rêng bawk. Chesual turah ka dah phal lo hrim hrim a, nula leh tlangval anni a mi hmuha mawi lo khawpin awm loh tur tih ka sawi ve ngei alawm.

"An pahnih hian hâw phei rawh se, a ruala haw kher pawh angai lo, Arini chu keima'n ka dah phei anga, i nau erawh i kutah awm rawh se,"

"I awm lovin engtin nge kan lo awm anga, Duati nen chauh te chuan a buaithlâk dawn asin," ka tih chuan, "Mi nupuite pawh an pasal te'n an awmpui reng hleinem pakhat chauh buaipui theih loh tur a awm dâwn em ni?" Ati leh kher a. Ka thin tertek a chhuak ve ta.

"Enteh, i thinrimna chhan chu eng pawh nise ka lakah tihlan kher a ṭûl em ni? I duh phawt chuan i nau chu va dah mawlh rawh.." ka ti hmak a.

"Mahni mâkpa nau mutpui duh mipa ka vawikhat hriatna.." Ati sup a.

"Mahni monu-nau mutpui duh ka vawikhat hriatna," ka ti ve ngat a.

"Arini ala puitlin loh zia hrechiangtu i nia, i nau hi atîr aṭangin zilh nila chuan eng zahna mah kan tâwk lovang,"

"Inhnial buai ka peih tawh lo, i duh dan dan khân awm rawh, keini nufa chauh min kalsana i nau i hruai duh a nih pawhin kal rawh, kan awm thei ang," tiin Duati hnute hnêk tur ka siam san ta daih a, min chhâng tawh chuang lo hian room aṭang chuan a chhuak leh ta a.

Duati kârhnih êm pawh ala tling lova naupawm chungchângah ka thiam loh zia hretu a ni bawk a, khati khera min ṭawng khum kha ka ngaithei bik lo. Keini nufa aia a nau a ngai pawimawh a nih chuan a thû a ni mai.

Tih tak êmah chuan Sumo service a tam lutuk ringawt, inthuruala an haw tlân a hlau a nih pawhiin counter-ah an chhuah hmâ a nghâk thei alawm, ati lutuk ve deuh a ni.

Zankhuain Zirsanga a lo lêt tawh lova, Duati a tlei lutuk lo bawk nen ka thinrim ṭûn mai.

Nestogen ka siam chhunga a lo ṭah nasat phei chuan ka mangang titih a, zan dangah chuan pakhatin hnute a lo siam a, a rilṭâm ṭap vel atu emaw zâwkin kan lo âwi ṭhin kha a nia.

Zinglam dâr khat pelh hretah muhil turin ka inruahman ve thei chauh nia!

Remruatpuia leh Arini chungchâng ka ngaihtuah phei chuan ka thinrim hlur a, tute nge an awmdun lai va hmu tih pawh ka hre îkhaw lo mai.

Khawvar hmâin Duati a ṭap leh a, mit kham ûrh a ṭhu chhuakin ka'n pawm leh tê tê a, Zirsangliana ka ngei ru takzet. Khaw'nge a awm pawh ka hre lo.

A nau leh ka nau awm dan avanga keini nufa chunga thinrim ve rîkngawt! Min ngaihven malêk rawh se.

After 3 hours

"Kan kal dawn a nia, ka rawn lêt leh nghâl ang." Zirsanga lo lût lai chu en pawh ka en duh lova.

"I duh phawt chuan châm char char rawh, kan ngaihtuahawm loh."

"Ka châm kher lovang, i nau khâ lo buaipui la a tâwk " ti hmukin a thawmhnaw a thlâk sawk sawk a, "I nau, i nau, tireng mai, i nau zâwk kha zilh ta che, hmeichhia a nia car-a mipa tawmpui mai mai lo turin hrilh rawh.." Nizan ka mu ṭha lo thinrim bawk nen ka ṭawng na hrat.

"Remruatfel, tuna i sawi zawh chiah kha han sawi nawn leh teh?" Khuma ka ṭhu lai chu ka dârah a rawn vuan a, min sawi deuh nawk nimaiin ka hria.

"Ka sawi zawh chiah ang kha a ni mai."

"Arini chungchâng vawikhat mah khatiangin sawi leh tawh suh.." tiin en pawh min en lo hian a chhuak tau leh ta a.

Nie, Remruatpuia ka nuṭa a ni a, Arini a farnu a ni bawk.

Ṭha tê tê-a sawi theih reng laia a thinrim zâwnga chêt tlat mai, ka ngaih dan a ni bîk lo.

An chhuak thawm pawh ka hrereng a, 'Ṭîk' pawh ka ti duh ta lo.

Kan in zaupuiah Duati nen kan awm ve ta rak rak a, hun dang chu nise thinrim avangin ka be tawh hauh lovang; mahse, ka pasal a ni a, a nupui ka ni bawk. A rawn lêt leh hunah tûn anga ala awm fo chuan ka ngawi mai mai hauh lovang.

Kan nupa inhauhna pangngai chu nise ka hrethiam. Mahse, kan nau te ve ve anni a, a zilh duh a nih pawhin an pahniha zilh dun mai tur, Bawiha ka ṭan hlur dâwn pawh a ni chuang lova ati ve lutuk deuh a ni.

Zirsanglian zawng a thinrim ve mai mai lo a, a thinrim chhunah eng mah pawisak a nei lo tih ka hre tawh tlat alawm.

Duati thleng thlenga a lâwm duh lo erawh ka thâ a na ve deuh.

Remruatpuia rawn luh lai chuan rum deuhvin ka lo melh a, zu rim a rawn nam huk bawk nen ka sa kher mai. Anmahni vanga inti lungawi lo kan ni a, chuti chung chuan zû nam chungin a lo la lût a nia, ka thinrim takzet.

"Mate, khaw'nge an awm vek a?"

"Lungleiah an kal, i thitih pawizia hi i hria em? Zirsanga a lâwm lo teh a nia, kan inhau phah bawk," ka tih chuan a ngawi reng a.

"Arini dahin a kal a, kan nupa inkâr bâkah chhungkua thlengin a nghawng thei tih hrethiam tur chuan i upa tâwk tawh. Zahpuiawm lutuk!"

Min chhâng lovin a chhuak daih a, ka hau ve a pianga atih ṭhin dan a ni bawk.

Ka hauh ber a chhuah tâk daih si avangin rilru pik zetin ka awm reng a, Ziranga'n an thlen chin eng mah min la hrilh lo bawk.

Bul kan ṭan dâwn chauhva buainain min tlâkbuak nghal pang chu a nia.

Luhlul ṭheuh ṭheuh kan indâwr ṭha thei ngût ange maw chu..

C<++++[BeckirafARenthleI]++++>R

28. RAPSAGY

Becky Rafa Renthlei

Chapter-28

Remruatfeli

Duati nen khumah kan mu mai mai a, inlêng em em kan nei lo bawk nen a khawhar thlâk ve reng. Bawiha pawh inthlahrung dûkin TV a en a, zinglamah eirawng a bâwl teh mial! Min biak pawhin a rûl tawk lek lek bâkin ka chhâng duh miah lova.

"Mate, Zirsanga chu a thinrim viau em ni?" Kan room-ah a rawn lut a.

"Thinrim e, i nau khâ lo zilh ṭha rawh, ati deuh chhên bawk, ṭha tê tê-in in inkawm emaw tih laia, car chhunga lo tawm kha a mualpho thlâk lutuk, a patea car a ni lehnghal a, a thihna pawh a la rei loh tehlul nen a rilru tur ngaihtuah ve la, i hrethiam mai ang," tiin ka pasal thlavâng ka hauh tlat a.

"Amah Arini'n min rawn be hmasa zêl a, Maengi nen kan inṭhen chhan pawh Arini vang a nia, whatsapp-a min biakna Maengi'n a hmu a, a tîrah pawh ṭhian ang bâkin ka kawm lo." Rilru hah hmêl takin a sam a tuai puat a, ka khawngaih angreng.

"Tun chinah fimkhur takin awm ang che, nupui neih i duh pawhin kan hnial lo che a, i û hi entawn tlâk ka awm lo pawh a ni thei, nang tal chuan ka nu leh pa zahawmna tichhe suh, fâ pahnih chauh min nei a, rilru nei takin awm la ka duh a ni." Dam thlapa ka zilhna chu ngawirengin a ngaithla a, "Zirsanga rilru tur ngaihtuah la, a lo hau ta che a nih pawhin ngaihdam dil ang che, a farnu a hmangaihzia i hriat kha.."

"Arini nen hian kan inzuina ala rei lo hlê a; mahse, kan inmil khawp mai, Maengi nen in anna pakhat mah an nei lo." Ati ta a.

"Nupui atân i duh em ni?" Tia ka zawh chuan a ngawi ta vang vang a, chutah, "In phal te chuan duh e, a nu leh pa hian an phal angem tih lam zawk a ni, ala naupang si a." Ati sup a.

Rei fê kan titi a, Maengi nen kum tamtak an inzui tawh hnuah nupuia Arini a duh leh tlat lawi si hi ka hrethiam pha lo. Â keini pawh Nutei nen tikhawp khân an inzuia min nei ve tho bawk si a, ka hrethiam pha tawh bik lo! Mipa rilru hi hriatthiam a lo har a ni ang e!

Chhûnah thingpui in lovin Theitui kan in a, Bawiha pawn a theih ang angin min pui ve a, Duati a lo awmpui chhûngin naupuan ka su thung a, a pa awm leh awm loh a hriat bik teuh lo. Nilengin vawikhat tê mah min lo call lova, a lo lêt phei ta nge pawh ka hriat si loh.

Nupui pasala insiam hi tih namai a ni dawn hauh lo tih ka hriat chian phah bawk a, nupa chungchâng kher lovah pawh unau kârah leh nu leh pa aṭang te pawhin innghirnghona tur a lo awm zeuh zeuh dâwn a ni hmel.

Zirsanga thinrim chhan ka ngaihtuah khân dik ka ti viau a, mipa leh hmeichhia chu kan mualpho dan a inang lova chuvangin a farnu a ṭanna kawngah pawh dik ka ti ve tho.

Mahse, eng mah sawi chiang hmasa lova min thinrim khum ringawt erawh ka lâwm bik lo a ni.

Bawiha leh Arini innei ta ang se kan monu tihna a ni dâwn a, a nuam dangdai phian maithei bawk.

Lungawi lo ru tho mah ila a chanchin engmah hriat loh tehtawp chu tiin Zirsanga ka call ta a, a 'ring' ral ṭhak nia maw le!

Zan dâr 12 thleng ka nghâk a, Duati hnutê ka pêk laiin a rawn lût ve ta hlawl a, a pawr fap mai.

"Ka lo call che a.." ka ti sap a.

"Motor ka khalh laklawh alawm," ati nghut a, nidangah pawh motor a khalh laiin min rawn be ṭhin thova tun a taka chhuanlama han hman leh si! Mahse, ka sawilang kher lem lo.

"Chaw i ei tawh em?"

"Ei tawh e, khaw'nge Remruatpuia?" Khum bulah a rawn ding a, Duati hnute hne lai a en vang vang hnu-ah, "Ka va'n ngai reuh tak.." kûn hniamin a chalah a fawp zeuh a, zu rim nam thâna ka hriat chu le!

"Rawn kûn leh teh," ka tih chuan a nui suk a, nichina a hmêl rum zet kha a bo duak tawh a, "Hey, ka kûn kher nachhan tur pakhat tal sawi la.." ati sup a.

"Wine shop rim i nam tiraw?"

"A ang lo lutuk, min puhchhiat i tum.." tiin kal sawn a'n tum nghal ringawt a.

"A nih chuan lokal teh, ka hnîm chhin dawn che," Duati khumah ka mut a, puan ka sintir thlap hnu-ah ka tho chhuak ta a.

"A mak thei, eng mah thil ṭha lo tih ka nei lo, tukina ka chhuah dawn khân ka lungawi lo ngei mai; mahse, thil ṭha lo tih duhna khawpa thinrim erawh ka ni lo.." tiin ka hmai bul chêtah a rawn kûn a, "Min ring chiah lo a nih chuan," a sawi zawh rualin ka hmuiah a rawn fâwp ta a, zu rim a nam miah lo! Nichin khan ka hresual tihna a nih dawn hi..!

"Ka nu leh pa hnenah Arini te chungchâng ka sawilang lo a mia, i nau pawh keima'n ka la bia ang," a hmui lasawnin ka darah a vuan a, "Nizana ka awm danah thupha ka chawi e, ka ṭhiante'n hmu anga ka sawi kha thudik a ni lo a nia, keimah ngeiin ka phâwk alawm," rilru nat hmel takin ati ta a.

Ka hmui hupin ka meng deuh kâwk a, ka lo zak hluah hluah. A nau leh a nupui nau chesual a hmu chu a nia, a rilru tur ka hrethiam lehzual!

"Awi!" A bâk sawi tur ka hre mai lo.

"Ka inbual phawt anga kan sawi ṭha dawn nia," atih chuan ka bu nghat a, thinrim viau pawh nise a âwm ka ti hliah hliah! Kei ni ila ka sa khawp ang.

A thinrim pawha ri buan buan leh kutthlâk ching mi nise chuan Arini khâ a bêng duh maiin ka ring; mahse, ṭawngkamin ala hau thei zawk a nia, Bawiha pawh kutthlâk hial mah se ka dem miah lo. Kan garage-ah ama car chhungah lehnghal mahni naute va phâwk tur anga ka mitthla hian ka lo hrehawm ve ngawih ngawih.

A inbual zo a lo chuan a hmel a dam deuh thlap tawh a, a sam hnâwng chap leh thur deuh chhap chuan ati lang 'pa' riau.

"Min en reng chuan Duati theihnghilh ṭhak khawpin ka che mai tur a nia.." a nui zui suk a, nau ka neih hnu hian vawikhat mah nupa nun kan la hmang lova a insûm thei angreng.

"Insûm insûm.."

"Ka insûm rei thawkhat chuan ka hria, chaw bêl bula rilṭâma awm ang vel ka ni." Khumah a rawn lâwn a, Duati kiangah a mu ta a, "Lo mu ve rawh le, sâp ho anga honeymoon hman tihvel ai chuan mahni in ngeiah, kan khumah ngei hian a nuam fê, ruahsur laia siam chu hmeichhia an ni duh tihna a niang," a nui hawk a.

"I ho em emai aw, tlangval lai anga ṭawng puat puat loh tur,"

"Khirhte," tih pahin ka mutna tur a bêng thak thak a, ka va'n ngei tak.

Duati a laiah muttir lovin ama mutna lamah a sawn a, asír berah kei, chumi zawhah amah, Duati a kilah a mu a, kan khum hi feet ruk square a nih vangin kan la thâwl angreng.

"Nizan ang khân thinrim ringawt tawh suh aw, a hrehawm a nia," a kâwnga kuah pahin ka phun sap a.

"Fel, min hrethiam rawh, ka thinrim mai piahlamah ka zak ngawih ngawih a, kei lo midangin an hmu angem tih ringawt ka rilruah a awm a, nang lah eng mah hre lovin i lo hlim phian bawk si!" Inthiam loh hmel taka atih tâkah chuan ka rilru a dam huai.

"Nidang zelah pawh lungawi lohna i neih chuan ṭha taka sawi hmasak zel tur, naktuk zing chaw ei laiin Bawiha pawh kan zilh dawn nia, keimah ringawta zilh ai chuan kan nupaa ṭangtlângin thu ṭha kan hrilh mai dawn a ni." Ka ti dam thlap a.

"Tehreng mai, a hma chuan chhungkuaa pakhat lekin ka thin an tihrim pawhin an vâia chungah ka ṭuan ṭhin a, ka la thlah hleithei lo chu a ni e." Ka tukkhum sam a chûl hauh hauh a.

"Chu tak chu i insiamrem a ngai, pakhat lek chunga kan thinrim a nih pawhin zavaia tawrhtir kher loh tur, tin, inlêng an awm lai phei chuan kan lungawi lohna tihlan loh hi a finthlâk ber.."

"A har ve êm alawm.." ati sup a, chutah, "Nang ka tawng che hi chu vannei ka inti, nizan chungchangah ngaihdam ka dil nawn a che..."

"Hus! Ngaihdam min la dil awzawng lo e a, daw reng reng suh.." a malpuiah ka ṭhâm sak a, a phu zawk nia maw le.

"Ngaihdam dîl tih lemah, min ngaidam tawh sa tho tiraw!?" Zuk ti zaih a. Phakar lutuk.

"Zaninah Duati vil char char la kan inrem a ni mai, vawiin nilênga i awm loh man leh nizana i riahsawn san avangin zanin chu charge ka hlan ang che.." ka nui duh miah lova.

"Â hah! Fa pakhat lek kan nei dêk dêk a, kan inphût em em chu a ni sia, Duat Duat, â nu hi e, kan la ngam lo ang tih ka hlau," a fanu muhil lai a melh zauh a, a mitmenga hmangaihna lo lang chhuak hian min tilawm ṭhin.

Nupa chu inhau châng leh intih thiamloh châng a awm tur a ni; mahse, a tâwp thlen duhna rilru put loh leh a dawhtu zâwka ṭan hian inremna a siam mai ṭhin a ni. Kan tuar thei ngang dawn lo a nih erawh chuan kír leh ngai tawh lo tura rilru siam hmak mai tur tih hi ka ngaih dan a ni deuh.

"Zanin chu kan 'up down' dâwn lo em ni?" Ka beng bulah a rawn phun sap a.

"Teuh lo lutuk, damdawi in kan chhuahsanna ala rei loh êm hi, bâkah ka..."

"Ok, ok..ka hrethiam e, ka la nghâk thei a nia.." a hmui lum ham ham leh hnâwng chapa min rawn fâwp zui zatin ka lo chhâng ṭha kher mai, ka âwmbawr vel khâl niap niap pah hian, "Nestogen hnêk tir lo ila chuan ka chang pha dawn si lova," zuk ti lehpek a.

"I chantawk a bo lo turah ngai ang aw, Zirbawihte.."

"Remruatfel, tikhan min ko ziah suh.."

'Zirsang' tiin emaw a hmingpuma ka koh loh hian zu ngaithiam miah lo a! Ani pawn min ko duat tehhluâk hran lo, 'Mate' tia min koh ve zauh a chîng a, a bâk zawngah 'Fel, Mafel' tih khâ a ni leh mai.

Nizan lam ka muhil ṭha lo bawk nen mut chhuakin min zem chiai chiai a, a âwm nghêngin ka chhing ta riai riai a.

3:40 Pm

Ka zun chhuakin min tiharh hlawl a, zinglam dâr thum a pêl tawh. Room chhung êng uar ah chuan mit ka khap sak sak a, Duati te pafa an lo la in awi hliau hliau nia maw le!

"Zir, a mu duh nange?"

"A ṭah nasat tehreng i hre miah lo a nia," makti hmel taka atih chuan nuam lo ka ti ve reng.

"Ka lo mutui lutuk a.."

"Tak takah ka ko duh lo che a nih kha, tuemaw vangin nimin leh zan hmasa i mu ṭha tawh bawk si lo va.."

"I sawi dik, ka mit hi a kham urh mai, ka zung phawt anga ka lo chhâwk ang che," ka tih chuan, "Eng emaw ei tur min sak zâwk la.."

Omlette ka siam sak tuiti deuhva a eilai chu ka en reng a, tlangval hawklak leh nun ho ve tak ṭhin hetia chhugkaw pa ber chan a chang ta hi a lehlamah chuan ka lainat deuh! Engkimah hmâ a sâwn a, eng emaw chânga han tih leh hluk erawh a sim thei lo a chhâ chu a ni e.

Khawvar dâwn hnaihah Duati a muhil chauhva ka pawm ve pawh phal lovin min âwl zankhua a ni ber e, a duh hi chuan a fel thei hnûp hnûp asin.

Zinglamah eirawng ka bawl a, Bawiha'n min pui bawk a, nula pakhat ka nu te'n min lo hmuhsak tawh bawk a, kan buai a ziaawm ve turah ka ngai deuh.

"Fel, vawiinah dâwr ka nghâk dawn lo a nia.." Zirsanga'n Duati a rawn pawm phei a, ka sawi zin tehreng nen engah mah a ngai lêm hlei lova, choka lama pawm phei leh a ṭûl tâwpah lo chuan pawm chhên a ṭha lo tih ka hrilh ngun khawp mai. Mahse, a pa a nia, ka tâ vek ni bik hek lo, a zâwm em em lo.

"Bawiha hi thil tihdan vel zirtir la, kan buai zual lai chuan a nghah chhâwk ve che anga a pawi viau dawn em ni?" Ka tih chuan, "A ṭha tak ang, nakinah tih dan tur ka hrilh dawn nia," ati ṭha mai a, Bawiha lakah pawh thinrim angin alang tawh lo; mahse, ala zilh thovin ka ring.

Nilêngin kan chhungkuain kan awm ve rak rak a, Zirsanga lah thu ho deuh deuh sawi a chîng si a, ka nui deuh reng mai.

"Ramthana leh Nutei an innei ve dâwn a.." a rawn sawi chhuak teh tlat a.

"Engtikah..?"

"Ka hre bik lo, an chhungte'n rem an ti lo chung an nawrlui deuh ani awm e, Ramthana ber a haw duh miau si lova."

"Innei rawh se, kârah fa a awm tawh a, hmeichhia tho tiraw anneih ve?" Tia ka zawh chuan, "Ka hre miah lo" ati liam puat a, Nutei chungchâng kan sawilang khât ve khawp mai.

Duati ka bual zawh vek hnuah ka inbual ve nghal daih a, an pafa-a an in awm hi chuan ka ngaih a ṭha hliah hliah.

Ka nu leh pa'n a khât mawi tâwkin chanchin min zâwt reng a, Zirsanga nu leh pa te pawh chuti tho. Sangpuia leh Sentei an inkawp ve deuh tak tak tih min hrilh chuan ka lo lâwm ve ringawt a, innei pawh nise Sentei a fel a, an ngaihtuahawmin ka ring lo.

"Mafel, Duati a luak a nia.." Zirsanga aw ka hriat chuan rang lutukin ka intleuh pawp pawp a, bathrobe inbelin ka tlânchhuak ta a.

Duati hmâiah a hnute hnêk a kai luam a, ka nuih aza ngei mai.

"Khawiah maw a luak chu?"

"A hmai leh nghâwng velah a kâi ṭeuhva ka tifai tawh," atih chuan, "A luak hleinem, hnutê i pe hnem lutuka a irh a nih kha.." ka tih chuan maktih hmêl fê-in min en a, "A luak lo maw!?" Zuk ti a.

"Nestogen pêk hnem lutuk chuan an pum a puar a, an irh vak ṭhin alawm, khatianga a awm leh chuan i koki nghêngin pawm kâng la a hnungah zawi tê tê-in i bêng dawn nia.."

"Ka hlauhthawnzia chu a.." tiin a thaw hawk a; ni e, ani tân chuan hriat kim vek a har khawp ang, Duati lah a ngawi hlê hlê a, a hmai ka hrûksak thuak thuak a, bathroom-ah ka luhsan leh ta a.

Zanriah kan ei laiin Zirsanga'n Bawiha a kamkhat ta nge nge a, eng mah ka sawi ve lo, thinrima hau a ni lo tih ka hriat avangin ka lo ngawi tlat a.

"Nula tlangval inni a, Arini pawh ka hau tho, keimahni anga in awm ve kan duh loh vang ania, tun chinah fimkhur hlê tawh ang che u, ka nau te ve ve in ni, ka en hrang miah lo che u a, a puitling zâwk leh a upa zawk i nih avangin in mualpho tam hmâin in inkâr chingfel turin ka duh che." Ati a.

"Nupuiah ka duh reng alawm," Tia Bawiha'n a chhân chuan, "Ka nu leh pa ka lo sawipui dâwn nia, ala naupang tih i hriat kha, ngun takin inngaihtuah la, mite pawh unau leh unau innei an tam hlê, kha lam kha ka hlauhthawn a ni lova, hmun fianriala mutdun tih te inneih hmâa hmeichhiat mipat hman hi thil ṭha a ni lo, keini pawh a hun hmâa kan chêtsual avangin nu leh pa duhthusam inneihna kan tlin lo a nih ber hi, fapa mal i ni a, an rilru tihnat sak suh.. " Dam thluamin ati leh ta a.

Zirsangliana ṭawngkam chhuak atan chuan puitling tak a ni.

"Min lo sawisak ve ula inpahnih khân,"

Kan nupa-in kan inmelh zauh a, kan nui tawp.

An induha an inhmangaih phawt chuan innei mah se pawi ka ti teuh lo. Chhungkua kan inrem ting ting a ni mai.

After 4 weeks

Zirsangliana

Vawiin hi Duati kan hlan ni tur a ni a, Mafeli pawh a dam ṭha viau tawh a, Pathianni inkhâwmah nau hlan programme an siam a, kan fanu kan hlân ve dawn a ni.

"Fel, car-in kal mai ang aw.." a nulât laia a chêt awlsam nen inkhawm dâwn apianga a insiam nghah angai ziah ta hi ka hau zing ve khawp mai. Office a kal dâwn chuan a inpeih thuai a, puanbih lamah hmâ a sâwn mawh khawp mai.

"Ka inpeih aw, car la chhuak la kan lo kal.." a rawn ti ve hrâm.

Biak in kan thlenin mi an lo awm ṭeuh tawh a, kan ṭhutna tur usher-in min kawhhmuhna lamah kan nupa-in kan inzui phei ve ta a, Mafelin Duati a hma lamah a pua a, a vawikhat nân ka hmangaih te pahnih ka inkhawmpui ve ta. Kan inneih hlim khân pûklâwk kan nih avangin inkhawm kan zak ṭhin a, kan khuaah vawihnih chu kan inkhawm ve tain ka hria.

Tûn hi ka nupui leh ka fanu ka inkhawmpuina hmasa ber a nih vângin ka ṭhianpa Lalfakhlua thlâ min lo lâksak turin ka be diam a, Duati an hlân lai thlalâk neih loh ka hlau teh asin.

"Lalhmangaihzuali, Zirsangliana leh Remruatfeli te fanu.." tia Pastorin kan hming alam chuan kan ṭhuthmun aṭangin kan dingchhuak a, Mafeli a zak hlê tih ka hre mai.

"Ka nau duhtak, Pathian leh a kohhran te zînga i lo tel ve tâk avang leh..." Pastor-in kan fanu lu chungah kut nghatin a ṭawngṭai a, kan fanu pawh a ngâwi vei kar nia. Lalfaka'n camera a rawn lek deuh chhên a, 'Pa' ni hliah hliah bîka ka'n inhriat chu le.

Inkhawm banah min chibai sap sap hlawm a, ka patea boral lai leh Duati pian a inrual avang khân kan fanu hian entu a ngah hlê..

"A hmelṭha si, a ngo bawk si.." min fak tak takna a ni nge ni lo hre chiah lo mah ila dawnsawn a nuam takzet.

"Zir, Duati hi Lungleiah kan zinpui ve dâwn em ni ang." Khumah kan chhungkuain kan mu a, inkhawm ban khân Lalfaka te inah thingpui kan inkâwi a, chumi hnuah kan haw tlang ta kha a nia.

"Tehreng mai, remchang hmasa berah kan tum dawn nia, Duati min pêk avang hian ka lawm hlê a ni." Tiin a pum ka chûl sak a.

"Min pê zawk alawm, in pahnih hian ka hmangaih che u." Tih pahin ka lam a rawn hawi a, a mitmeng fiah kâk a min hmangaihna lo lang chhuak chu ka hmuh hmaih bik lo.

"Kei pawhin ka hmangaih che u, ka hmangaihna leh ka duhna che hi tilang thiam chûk lo mah ila ka thinlungah nang leh ka fanu bâkin hmun an chang lo." Ka ti a.

"Ka lawm e, ka hmangaih che.." Ka hmuiah duhthawh zetin min rawn fâwp ta a, ama duhthû ngeia a chêt chhuah hi chuan uar ve tân tân tak a ni.

A huna zak lo thei, a hmun leh hun hrethiam Remruatfeli ka nupui khâ a ni tlat a.

Hmangaihna chendun kawngah pawh a hmahruaitu nih a hreh ngai lova, vawi engzat nge ka lungawina min thlensak tawh pawh ka chhiar seng lo! Ka nupui hlimna leh lâwmna tur a nih phawt chuan theihtâwp chhuah ka inpeih reng.

Ka boxer hâk min phelhsak lai chuan ka nui suk a, a hmanhmawh duh ṭhak lo lehnghal a!

"Duati hriat phâk lohna hmunah insawn ang ti dâwn ila a rem chiah si lova.." tiin a nui hak a. Ka hnuailam inpeih at tawh chu tawk leh zauhvin, "Ka inpeih e.." a mah bawkin bul a ṭan ta a, nupa te chauh inkâra thleng tur nupa nun hmang turin kan hunawl kan hnawhkhat ta a.

"RAPSAGY" ka sawi chhuah rualin ka mitah tak min rawn en ta a.

"I ṭawng hriat loh dawn chu a awmzia ka hriat a hun ve tawhin ka hria," ka biangah, ka hnar leh ka hmui a zût kual dan dan a.

"Yes, RAPSAGY(Ka phatsan ngai lovang che)" Zawi sup leh fiah faka ka ṭawng chhuah tâkah chuan a kut che lai tâwp chatin min en a, "Ka lawm e, Zirsanglian zu..." a sawi zawh hmâin a hmui ka hup sak ta a.

A sawi tum ka hrechiang alawm, min chhaih nân tak hman phêt atum ṭhin tih ka hria, huat enah pawh ka en tawh bik lo.

Phatsan ngai lo tura rilru siamfel vek tu keimah Zirsangliana khâ ka ni tlat atin ni. Ka tân hmeichhe dang an awm lo mai nilovin an awm leh ngai tawh lovang.

Ka nihna ang anga min pawmtu Remruatfeli hi KA PHATSAN NGAI LOVANG.

A vawihhnihna a nupa nun kan hman leh meuh chuan mipa ka nih ang ngeiin a lungawi zânna ka pê leh ta a, ka âwm nghênga muhil, min kuah chialtu tâna nun hman hi ka damchhung hna a ni.

Duati rawn ṭê ṭhat ṭhat ngaihven a ngaih tâk avangin Mafeli min kuahna bân chû dimtê-in ka dahsawn sak a, ka fanu ka ngaihven san ta a...

A nu hmêl ang maia ngaihawm fanu ka nei hi ka hlimna tifamkimtu a ni.

C<++++[BeckirafARenthleI]++++>R

29. RAPSAGY

Becky Rafa Renthlei

Chapter-29

Remruatfeli

Aizawl

Zirsangliana nen kan inneihna pawh thlaruk lâi a ni tawh a, 'Nupa awhawm ber tia chhâl tur ni lo mah ila chûng zinga chhiar tel tlâk kan ni ngei ang' ka ti ngam ve tlat.

Kan thû inhmuh loh châng tepawh a awm fova inhnialin inti thiam lo ve ṭhin mah ila a dawhtu zâwk ka nih châng a awm a, min dawh hrâm hrâm châng a awm ve tho bawk; chhungkaw diktak kalphung a ni miau a!

Duati Vaccine lâk ni-ah kan inhnial deuh reuh a, a malpuia an jection-na in a khua ati sik ve a, a ṭap tlaivâr zak bawk nen kan buai nupa hlê a, ka âwi tlei hleithei lo mangangin a pa kutah ka dah a, a bâng duh chuang si lova, "Eng ati nge maw ni le, a nu zâwkin i tih tlei theih miah lo chu le?" Tia min vin deuh chuan ka sa zak nia!

'A nu ka nih vanga a ṭah apianga titlei thei tur ka ni bik hleinem, kan pawimawh dan a inang reng' tiin ka lo chhâng pek a lawm le, min melh no lem lo khawp mai, Duati ka pawmlai chu min rawn chhuhsak a, choka lamah a pheipui ta daih a, engtin tin emaw biain an va inti muhil hrâm! Kan room-ah a rawn lêtpui ta mai si lo va ka va pawh leh ta nge nge a.

"Zir, lo mu phei tawh u la.." inthlahrung ru deuhvin ka va sâwm a, min chhâng duh leh tlat lo.

Thingpui ka insiam rak rak a, 'I duh vem em?' tia ka zawh pawhin ala ngawi ngul tho nia!

A fanu pawmin TV a en a, ngun taka thil ngaihtuah hmêl a pu mah zawk!

A kiangah ka ṭhu ve a, "Duati khâ ka lo mut dawn em ni ang?" Ka tih chuan min pe ve mai a, a rit ve tawh riau a, bâkah awm thawlênpui vak chi a ni lo, thlakim lova piang a nih vang hian dímdâwih a ngai viau bawk.

Kan nufa a kan mut fel hnu-ah a lo insawn phei ve ta chauh a, lungawi lo angin alang chhunzawm lo nâ a, min be tuitam lo khawp mai.

Zingah erawh nunphung pangngai kan zawh veleh mai a, ka hna ṭan nî hmasaberah an pafa-in kan office thleng min thlah a, kan nula kutah Duati kan dah dawn chu a nia, ka ngaih angam lutuk lo! Nestogen ring a nih vang hian a luhlul deuh em maw ni!?

'Â nu bye bye rawh le.." Zirsanga'n Duati pawm chunga office a chhuahsan dâwn chuan a nuam bîk miah lo, 'Min lo nghâk r'u car dahna thleng ka lo thlah ang che u' tiin ka zui ve leh ta a. Kan pa nuih aza hlê.

Kan inneih hlim ang bawk khân

midang hmuh laiin kan la in 'chu e kha' tehchiam chuang lova mí hmuh laia induat hliau hliau hi kan nupa rilrem zawng a ni lo tepawh a ni mahna.

Parking area kan thlen thlâk chuan, "Mate, ngaihtuah lutuk duh suh, a tlei ta lo a nih leh ka lo ngaihven dawn nia," Duati min pawmtir leh tê tê a, chutah nui suk chung hian,'A ṭûl a nih chuan dâwr nghak lovin kan fanu ka lo awm dawn nia, i hna dah pawihmawh hmasa rawh le, eng mah rilru hahna tur a awm lo, a pa kiangah chuan a him ang tih ring hmiah rawh." Ati ta a.

Nie, a fanu a hmangaihzia ka hrechiang a, nitin leh zantin a kuah deuh chawt alawm le, awm lo mah ila engkim a lo ngaihtuah fel ang tih ka ring thlap.

Ka thawhpui pa nena kum tâwp training kan neih tur erawh Zirsanga'n a remti ngang lova ka aiawh tur midang an ruat ta a, directorate lamah ka chance neih a ṭhat tehlul nen ka ui ru ang reng viau.

"Training khâ a ṭha lo tihna nilovin Duati nen chauhva awm tur anga ka inngaihtuah hian ka zuam lo, pawisa te chu duhtawk chin tak tak a awm hleinem, director ni lo mah la pawi ka ti tehchiam lo a nia, i luck lutuk palh ang.." Zuk ti tlat a!

Zirsanga nu leh pa'n Duati an rawn tlawh ve a, an tunu tâna an inhuam thuizia ka hriatin ka lawm hlê, car control theih steering nei thlap, sîng chuang man an leisak a, 'A ṭûl lo, ala nau em mai' tia kan hnial pawhin an bengkhawn duh eih lo. A pu phei chuan ka 'pension ṭêp tawha helamah kan awmho dâwn nia, Duati hian min ngaina lo palh ang' a'n ti ve ngei a, awmtlâng tak tak dâwn lo mah ila a dawnsawn a nuam hle mai.

High school teacher lâk a ni dâwn a, Zirsanga interview tura ka nawr deuh chuan a lo duh îkhaw lo mai! 'Sawrkâr hnathawk lo pawhin ka châwm thei che u alawm, nupaa hna nghet neih chu fa te an ngaihtuahawm' ati deuh tlat khâ a nia, ka tîr fail ṭhak.

A tum ruhzia leh taimâkzia ka hre chiang tulh tulh a, kan dâwr pawh lûn tak a ni. A bike a hralh tawh a, i20 patea ta kan rochun tâk leh ka car kan la kawl a, dâwr bungraw phurh nân 'Pick up' loan-in kan la ve ta bawk a, kan khawsak a ziaawm angreng viau.

Sangpuia'n nupui neih lam a âwn tehchiam lo hi a nu leh pa buaina a ni ta. Zirsanga ngaihtuahawm a ni tawh lo a, engkimah 'Mama, Mama te nupa' tih kan hlawh fo ta mai.

Arini leh Bawiha pawh anla inzui tluang zêl a, chhungkaw hriatpuinaa inkawp anni ta bawk nen ngaih angam ta sarh mai. "Arini leh Bawiha khâ i dâwp ta em?" Zirsanga'n nui suk chunga min zawh chuan ka nuih aza hlê a, car-a an tawm dun a hmuh ṭum khân an 'up down' lai kher a hmu lo niawm tak a ni! Thawmhnaw mumal inbel lovin an lo infâwp vel khâ a nia, an chesual ngeia arin vangin min dâwptîr nia maw le! A zâwttu tân pawh thil zawh nuam ninghal lo chuan..

"Mate, a teuh lo lutuk, vawikhat tê mah sex kan la hmang lo, min ring chhe em mai!" Ka nau a ṭang na ngang mai a, "Dâwt i sawi miah lo maw? Min bum thei pawh a ni ang; mahse, Pathian in bum thei dâwn lo a nia, dâwt hmanga dân anga in inneih chuan in tluang dâwn miah lo a nia." ka tih pawhin a ṭang na ngam khawp mai.

Arini pawh chuti tho. Nu leh pa timualpho lo hrâm tura thu ṭha nena fuih chungin an inneih hun kan thlîr ve ta chu a nia, B.A- a chhuah veleh inneih an tum niawm tak a ni.

Duati pawh a hrisel ṭha phian a, kei ai mahin a pa a duh zâwk emaw tih mai tur a ni.

"Duat Duat, i pu Lungleia mi khân eng nge a lo thawn dâwn che khâ?" Zirsanga'n khumah a fanu a awmpui a, keiin thawmhnaw ka thlep thung.

Ṭawng thei rih lo mah se a be sawm peih viau a, ka pa in a a tunu hmasaber birthday lawm sak a tum ruh hlê a, tun aṭangin a mamawh min rawn zâwt ṭan nia maw le! Naktukah a toys tur an lo thawn dâwn a, eng lam nge tih ka zawh lah chuan an sawi duh dêr lo nia!

Ka nu leh pa, Bawiha pawh tiamin Duati an ngai hlê a, kârhmasa khân zanthum riakin an lokal tawh nghe nghe a, a pu-in, 'Duati chu a len deuh hunah kan hnenah awm rawh se, nangni te chu in dam anga a dang inla nei leh turah ngai ang," ati deuh sek.

Zirsanga lah hian an run tur tâwka chhan dan a thiam si a, an inhnial bap bap fo mai.

"U Mafel, ka û in i thawmhnaw tur a lo thawn khâ aw, Mama khân lo ngaihven mai rawh se, Amosa counter-a dah turin kan hrilh vek tawh."

Whatsapp aṭanga Arini min lo biakna ka hmuh chuan Zirsanga ka hrilh ve nghal a, Zosangpuiin ka thawmhnaw tur min lo thawn tih ka hriat chuan ka lawm hle mai. In be sek thei lo mah ila min duhsakna a theih ang angin ati lang ve ṭhin.

Zosangpuii nau chiah Siamtei nen pawh kan inbe fova Kenedy-a thlalâk min lo thawn ho kan delete phal meuh lo, Zirsanga tupa duat lai kha a ni tlat a..

Ka thawmhnaw lam tura ka tirh chuan a nui suk suk a, "Ka farnute hian an tlawn deuh che in ka hria!" A'n ti vei ngial a!

"Awihawm loh lutuk, chêngho chiah ila chuan tûna kan boruak ang hi kan nei pha lo maithei a ni. Kâr a hlat tham deuh hian inngeih te pawh a lo awl zâwk a nih dâwn hi." Tia ka chhânna chu a ngaihtuah zui nge a ngawi vung vung a, chutah, "A dik ang, inchhungkhur khatah awmho chiah ula chuan 'de de dei' tih thawm ari rengin ka ring," za takin ala nui zui ah..

Kan nula eirawng kan bawltîr a, Duati hruaiin Amosa counter panin kan chhuak ta a, amaha kal chhuah ai chuan kan telve a duh deuh tlat zel nia!

"Min nei hi i inchhir em?" Zirsanga zawhna chuan min ti phu zawk a.

"Inchhir leh mai mai ka tum lo tih ka sawi lovem ni?" Ka chhânna chang deuh fuk chu hreawm pawhin alang chuang lova, "Ka nupui i ni lo ang tih hî ka hlau, Hmingsanga nupui te khâ i lo ni hman ang tih chu hlauhawm deuh a ni," atih chuan,"Nutei lakah ka chân teuh fia fia bawk che a, ka lo fel êm a min chang ta hlauh a ni." Ka sawi zawh rualin a nui suk a, "Nutei fâ khân min chhûn ve angem le?" Zuk ti a!

"A chhûn che a nih vaih chuan vawikhat tal ka kuk keuh ang."

"Â hah! Remruatfel, i thilsawi leh i hmêl inrem loh zia kha.." A nui kur kur a, ka inthiam lo leh deuh.

Zahzelah Duati sam ka chûl a, "Nutei vawikhat tal ka lo hau hrep lo kha chu pawi ka ti hnuhnawh.." ka ti lui leh ngat a, "Kan zin veleh phubâ i la dawn nia," a nuih azat hmel kher mai!

"Phubâ rêng rêng la suh u, tih ziak ang khân," te chu ka'n ti ve bawk a, Pathian thu hre tam ber ang ziazânga kan ṭawng chu le!

Zirsanga û thawmhnaw min rawn thawnho pawh ka ha tâwk deuh vek a, Bangkok ami a chah ṭhin khâ a nia, phone-a bia-in lawmthu ka sawi ve nêl nual, 'Pawisa tlêm tal kan lo thawn ang' ka tih pawhin zuk duh ṭhak lova!

"Fel, inbual rual ila,"

'Ati leh ta' tia ka phun sap ri chu a lo hria ni ngei tur a ni, ka bulah lokalin, "Inbual dun i hreh lutuk hi eng nge maw a awmzia le?" Ati a.

"Tunge Duati lo awm anga?"

"Kan nula a awm reng alawm, a tlanbo pui kher bîk nâng.." tih pahin a ko nghâl lâwng lâwng a, ka hnial lui bik ta lo.

Ka hnungah sahbawn hnawihin a nâwt hauh hauh a, "Nupa kan ni ta mai hi ka mumang emaw ka tih châng a awm fo nia maw le!" A rawn tichhuak phawng a.

"Ningawt mai, Zirsangliana nupui ka'n ni ve ta ringawt chu a nia, a hunlai kha chuan inneih lam ka tinzâwn der si lova.."

"Ka zei lutuka min hnâwl phal lo a ni lâwm ni," zak map lova a thusawi vâng chuan tuivawtin ka'n leih pawp a nih kha, ani leh ni lo angin phun hluk chung hian ka kâwngah rawn vuanin,"Min kalsan theih lohna chhan pakhat chu hetiang vâng hi alawm," a sawizawh rualin min rawn fâwp zui nghal a, nupa nun hmang fo mah ila amah ka thlâkhlelhna a kiam chuang dêr lo.

Nidanga kan lo tih fo ṭhin angin bathroom-ah ngei hmangaihna kan chêndun leh ta a, ding chung mah ni se a dangdai thlâwt, hundangah chuan invênna kan hmang ziah ṭhin tih ka hrechhuak chawpchilh a; mahse, ka hrechhuak tlâi hret! Anih tur ang a ni zo hman vek tawh a, ka sawichhuak ta lem lo.

Bathroom kan chhuahsan hnu pawhin kan inkâra phûrna awm a la reh thei lo nia maw le.

"Fel, chhunzawm leh ila.." Towel a bih ṭât a, ka hmuh hmasak ber ni khâ ka hrechhuak nghâl zawk.

"Pa zâwkin i tih chuan 'Aw' kan ti zêl mai a ni ang chu.." ka'n ti ve ngei ah..

##

Duati kumkhat tlin lawmna a pû Lungleia miin lawmsak a tum tlat avangin kan chhûngin ka zin ta a, dâwr pawh kan khâr hmiah a, kârkhat bâk chawlh ka lâk theih loh avangin kan châmrei thei dâwn ta lo a ni.

Kan nula lah chu a'n phûr mai mai khawp a, "U Mafel, kan khuaah zankhat tal riak ve rawh u aw, Duati ka ngai dâwn em mai," ati chhên a, ani hi Zirsanga te khua ami a ni a, ka nu (Nu Zuali) min zawn hmuhsak khâ a nia, a fel reuh khawp mai.

"Riak ang, a nî tepaw'n an hmu châk a, zanah i lo chhuk ve dawn nia," ka tih chuan a nui var var a.

Kan tum dan chuan Zirsanga te inah zankhat kan riak anga, chumi zawhah Lunglei kan pan chauh ang tih khâ ka pasal rawtna a nia, kan hâw pahin kan riak chho leh dâwn niawm tak a ni.

Kawng tluanin Duati a râk phei tih theih dawh thâw a ni, a pa nen car-kan inkhalh chhâwk zak zak a, a chhan pawh min ngên tawn sek a, a tih theih hlawl loh.

Tachhipah Fu tui in a ngên leh pek a, ka remti vak lo chung a pa in zuk pe leh tlat a!

'Naupang tân a pawina a awm lo, a hrisel alawm' ati mai mai a, a fanu a nia! A tâna ṭha lo tur a pe duh lo tawp ang tih ka ring thiam ve mai.

"Mama, khaw'nge Duati?" Inchhung kan luh hma hmâin Sangpuia'n a lo ti nghal a.

A patea zawng a hmu khât deuhva a nêl tehchiam lo. Mahse, thil leipuiah sâwmin an inthlêm chhuak ta nge nge a, Duati hi 'hmelṭha' tia sawi tur chiah chu a ni lo deuhvin ka hria, a ngo em em a, thlakim lova piang tih takah a tê reuh khawp mai, a fel khar a, lawm a hlawh viau.

A pi leh pu te'n chhungkaw chaw eikhawm an lo buatsaih a, Zirsanga farnute bâkah ṭhenrual ṭha pahnih khat an sawm bawk a, kan ri chêl chûl a khua a vâr lo deuh chu a ni e.

Kan inneih hlima kan room khâ min lo dah fel sak thlap a, a ngai tê bawkin kan luah ve leh ta chu a nia.

Arini'n Duati a chuh zing malh malh khawp mai.

"U Mafel" min ko deuh sek hlawm a, Zirsanga a chuang titih deuh, 'Mama' tia kotu pawh a nei ta vak lo, Duati nen kan luahlan fai vek a ni deuh ber mai.

"Tunah chuan chhungkaw pangngai in din tawh a, in awm nghehna tur in tepawh din rilrûk ve tawh ula a ṭha lo maw?" Zirsanga hnenah ka pa-in ati a. Aizawla an inpui hi chu kan chan tur a ni lo tih kan hriatsa avangin inhmun lei tur kan zawng ru ve deuh reng tawh a, ka pa pension hunah an la awm duh dâwn a, kan buai chûk loh nan kan lo invêng lawk titih tawh.

"Nia, in hmun leitur ṭha inhriat chuan min lo hrilh dawn nia," tiin an inchhâng ta kha a nia.

Kan nupa room-a kan mut hnuah Arini'n min lo call a, Duati a riahpui avângin an mu thei lo a nih ka ring deuh ngawt a, "U Mafel, Ramthana'n Nutei a chhuahsana, vengthlang zu zuar a luhkhung," tia min lo hrilh chuan kan pa ka hrilh chhâwng ve leh a.

"Pathianin ka ṭawng min ngaidam se, ka laka a pa chêt dan te, ka fâ ni lo puia min puh tlat te khâ a lêt a tuar a nih chu." Ati hmiah.

Nutei lakah hian a rilru a kír chiang tih ka hre bawk a, sawi zui vak ngaihna ka hre lo. Arini'n min lo hrilh kher nachhan pawh, a hun laia ka rilru natna hretu a nih ve tlat vang a ni.

Lunglei kan thlenin ka nu leh pa'n Venglaiah min lo hmuak a, keini nupa ai chuan Duati bawk an chuh leh ta. Pi leh pu na na nâ chu a duh ve mai bawk a, an car-ah an phur hmak nia.

Bawiha te chungchâng sawipui kan duh bawk nen inlêng an awm deuh reng si a, hun thâwl kan neih meuh lo chu a ni e.

Ka pa'n Duati birthday-ah Vawk a talh a, Zirsanga nu leh pa bâkah Sangpuia leh Arini, Kenedy-a an lo hrual tel ve bawk a, kan hlim tlâng khawp mai.

"Hey, Pi Mafel, fanu i va nei hmelṭha ve," Israela kan ṭhenawn pa pawh a rawn nui lut ṭhâw a, tun hmâa min ngaizawng ve ṭhintu khâ a nia, nupui ala nei lo fo.

"Chutia mi, nangpawh nupui nei tawh rawh," tia ka fiam chuan, "Nangmah an nih loh chuan tû hmeichhia mah ka duh lo.." ka beng bulah min rawn hrilh sup a.

Zirsanga a meng rum titih ringawt! Kan thusawi hre lo mah se Israela khawsazia khâ a ngaithei lo te pawh a ni mahna, ka hriat bik si loh!

"Kha pa kha tunge?" Mut hmunah min zâwt ta chat a, Duati a pi te bulah a mu daih bawk si a, kan nupa chiahin kan mu tlawng a, a khawhar thlâk angreng.

"Israela, kan ṭhenawm ami a nih kha.."

"Eng nge a sawi kha?" Ṭhatê-in ka hrilh ve mai bawk a, a lungawi ve mai. Mahse,'Khatiang mipa khâ ka ngaina lo' zuk ti hrâm a!

Lungleia kan awm chhûngin Bawiha te chungchâng pawh kan sawikhâwm a, palâi hran kal lovin Zirsanga nu leh pa an awm tho bawk nen kan naute ve ve inneih hun kan sawifel ta rup mai le!

A hun leh nî tur nen lam an ruatfel nghâl vek a, tûn aṭanga thlahnih hnuah an innei ve dâwn ta chu a nia, ka chhûngril a hlim veng veng.

Zirsanga nau Arini kan famo a ni anga, ka nau khâ Zirsanga te mâkpa a ni ve thung dâwn ta. Khawtlângah an sawi neuh neuhvin ka ring, a bîkin Zirsanga te khua-in an sawi peih lehzual ang.

Kan haw dawn meuh chuan ka nu leh pa an ngui nghiai a, 'Duati pawh a tlângnêl ve ṭan chauhva min hawsan leh daih te chuan kan khua a har awm em mai' tiin kan tlânliam thleng min thlîr zui vang vang ta kha a nia.

Ka nu leh pa kalsana Zirsangliana ka nei ta hi inchhirna tur pakhat mah ka la nei lo chu a nia, 'Rapsagy' tia thû min tiamtu tâna rinawm tlat hi ka vanneihna tur leh ka nihlawhna tur a lo ni maithei asin.

Eng ang mî pawh nise hmangaihna dik leh rinawmna, inrintawnna kan neih phawt chuan nupa inkârah harsatna a awm ngai lovang, Pathian tel lova nun bul kan ṭan a nih pawhin a tâwp kan khârna turah tal min dintu leh min siamtu, kan hmangaih te min hmangaihpuitu vawn tlat hi a lo him ber mai.

'Lalpa, Zirsangliana pasal atana min pe hi ka lawm e, i rilru tina fo ṭhin mah ila Kristian chhungkaw dik tak kan din theih nân i malsawmna a tharin ka dil a che.' Tiin ka ṭawngṭai ve thei ta.

Rahbi dik lo zawh hmasa mah ila kan nupa nun kawng erawhin Pathian min hnaihtîr lawi si!

B<++++[BeckirafARenthleI]++++>RR

30. RAPSAGY (Last)

Becky Rafa Renthlei

Last Chapter: 30

TLIPNA

Zirsangliana

After 3 Years

"Duati, â nu ko rawh le.." ka fanu inbual zo chuan min rawn pan ding nghâl a, a nu ala inbual leh pek lo, ka sawi zing tawh hlê chung hian tlâi lama inbual a peih dêr lo nia! Zanah, chupawh mut chhuah tawh lama inbual ati deuh kher hi ka ngaimawh hlê.

"Mate, i hman dâwn tawh em?" A kotu ber Duati pawh a nu bulah a tâng lehnghal daih a, an inchhûn nufa ve asin.

Duati paw'n kum thum hmêl a hmu tawh a, a fel that that reuh khawp mai, hmêlah a nu a chhun lo nasâ! A naupan zual lai kha chuan a nu nen an inang ve viau ṭhin khâ a nia, tunah chuan ka farnu Arini têt lâi nen danglamna a awm lo tih theih a ni.

Duati chhang tur a nu-in a pai leh mêk a, tun ṭum chu a in zo lo lehzual a, thlariatna a hmang ve mêk bawk a, kan buai a zual ngei mai.

Kan dâwr kha hmunkhatah kan siam tawh a, a hran hrana in dah ai chuan a awlsam zâwk kan ti ta deuh a ni. Aizawla kan inpuiah kan la awm ta reng a, ka pa'n in hmun min pêk tur a neih loh avangin hmun lâilí deuh leitur kan zawng pah reng a, a vâng khawp mai.

Ka pa Khawdungseiah an transfer lehnghal nen kan inhmu khât hlê a, Arini leh Bawiha te pawh an innei fel tawh bawk a, Sangpuia ala tlangval ta fo, Sentei pawh Singapore-ah a lêt leh rih a, a rawn chhuk leh veleh innei mai thei dinhmunah an ding.

"Zir, ka pa nen in inbe tawh em?"

"Be nâng, eng ati nge?" Shower hnuaiah ka ding a, ani a in bual zo tawh thung.

"Lungleia kan in hmun pakhat zâwk khâ ka hmingin a dah a, kan duh chuan in kan sa thei, â nangmah nen inbe rawh u, inpa ka lo la bia ange ati deuh tlat a.."

"Nakinah ka be dawn nia, va inthlâk phawt mai teh." Ka tih chuan "A Zirsangliana thlâk e a," ati hlak a, a thin a chhe tâk tâk ṭhin khawp mai; an hna lamah a buai bawk nen a rit tawh si a, ka khawngaih viau, bâng mai rawh ti ngawt ila he hnâ thawk tura azir hahzia a sawi ve tlat zel si a, ka nawr na ngam lo.

Mafeli pa nen kan inbiak chuan, "Fâ pahnih chauh ka nei a, Bawiha'n inpui chang se, Mateiin pakhat zâwk chang ve thung rawh se, tiin a nu nen kan sawi dun a, revenue lamah hming kan thlâk fel tawh a nia, in duh hun hunah in inrawn sa dawn nia, in hmun pass ka lo thawn ang che u.." atih chuan ka lâwm rualin inthlahrun a na duh khawp mai. Mahse, Mafeli hminga awm tho a nia, a zia deuh.

Arini'n nau ala pâi miah lova vawi thum lai incheck up-in an rawn kal tak nâa awmzia teh vak a nei lo anih hmêl! An pahnih hnihin an ṭha vek tih chiah a result ka hriat chhun a nia, an khawngaihthlâk nupa viau! An inneihna pawh kum hnih a pum ve tawh a, 'Duati kan lo awmpui rih mai ang' anti thûl, kan phal mang si lo va, Mafeli phei chuan, 'Duati tel lova awm ka duh lo' ati bur.

Kan nupa inkârah buaina kan nei lem lo, ngaihzâwng chungchângah phei chuan atu mah mah rinhlelhawmin kan awm lo bawk a, a thinchhe thar ta lutuk leh a insawisêl neuh neuh reng hi kan buaina ber a ni. A châng phei chuan ka ngawihsan tawp zêl a, nau a neih hunah azia chho turah ngai ang.

"Hey, tho teh.." Duati Pre school-ah a kal ve lauh lauh tawh a, ka hruaiin ka nghâk leh thlap zel a, ka chau ve bawk nen ka lo muhil chu niin.

Peih lo zeta ka men chhuah ruala ka hmuh hmasak ber chu ka nupui hlim hmel a ni. Â hah! Tunlai hian a nui khât ve êm alawm le.

"Eng nge?" Tih paha ka ṭhu chhuak chu envelope ka hmâah a rawn thehthla a, eng nge a nih rindan pawh ka nei îk lo. Amah lah chuan ka hawn hun a nghâk rân a, eng mah phei chu a sawi lo.

Envelope chhunga awm ka hmuh meuh chuan ka nui chhuak hawk a, Vety doctor-aṭang chuan ala bâng dâwn lo tawp mai. Tanhril Broiler Chick Farm-a General Manager appointment lek niin! Ka nupui nge nge hmasâwnna ropui tak a ni.

"Tu emaw chuan lawm a phût leh ngei ang chu?" Ka ti sup a.

"Damtêa nau ka neih theih chuan ka tlânbosan daih ang che u.." a nui sâng a, min fiamna ani tih hre mah ila hetia a ṭawng hi chuan nuam lo ka lo tinghal ringawt zel.

"Tûnah, insawitheihna hun minute nga kan lo hawng ang." Ka sawi zo hman chiah, ka hnungah min rawn bêng thâwr a, "I chimawm leh vaih chuan Duati hruaiin Tanhril lamah ka liamsan ang che, quarter nuam deuh a awm lehnghâl.." a'n ti ngei ah..

"Ka zui zêl ang che, Korea-ah pawh kal la, chakma ram pawh nise ka tel lovin i kal hauh lovang," ka tih chuan ka malchungah a rawn ṭhu tharh a, arit ve tawh bawk nen ka thaw hawk thei nia!

"A lo nih tak chu, General manager zawhah Director, Hus! Ka va han hnaih fia fia tawh ve le.." nui var var chunga tiin min melh hau a.

A mitmenga hlimna leh lawmna ka hmuh hian nuam ka ti, ka taksa pêng pakhat a ni miau a, Remruatfeli hmâna ka hmangaih kha, tunah pawh ka la hmangaih reng a; a hlimna chu ka hlimna a ni a, a lâwmna leh lungngaihna ṭâwmpui phatu a pasal hian engtikah mah phatsan ka tum lo.

'General Manager' a ni ve dâwn ta chu a nia, a pasal tân pawh zahpuiawm loh tak a ni.

Taima taka a thawhna rah mai piah lamah a pasal fanau, ka chhungte a en dan thlêngin sawiselna tur ka hre tam lo khawp mai, Duati chhang a pâi har deuh tih thû-ah ka nu nen an inhnial ve deuh a, a bâk chu sawitur em em ka hre miah lo. Indanna khâ a ei regular angreng a, ka nu'n a tur sek khâ a ngaihthei dêr lo.

"A pâitu ka nia, Duati leikâng deuh phawt rawh se" ati deuh tlat. Ka inrawlh tam lo khawp mai.

##

"Zir, Zirsanglian.." Mafeli aw ka mang hriat ruai ruai a, ka meng thei hlawl lo.

"I va'n mak tak tho teh, ka pum a nâ a nia.." engin nge min vuak ka hre lo a thîp zawkin ka hria, ka har kâwk a, a pumnâ a lo vial ngawlh ngawlh chu niin!

"Mate, i ṭha em?" Kuah ka tumna ka bân a vaisawn lawp a, "Car la chhuak rawh, i tlâi ang e..." a thlanfîm a tla barh barh a, ka hamhaih lutuk ta bik lo.

Kan nula kai thovin ken tur kan siamsa vek chu min khai chhuahpui turin ka hrilh a, a hmanhmawh ve ngang mai, Duati pawh awmpuitu tur an awm chuang si lova kan kai tho ve ta ringawt a, a ṭap bîk lem hlei lova.

Durtlang Hospital-ah bawk kan inphur chho leh ta a, kawng lakah a neih hman loh nân ka ṭawngṭai ru hial nia!

Kan nula pawh kan hruai tel ve a, rinaiin a nâ a zing ta viau mai, kan inring hman lo a chhâ chu a ni e, kârleha lût tur chauh kan ni a, kan naute thar tur a hmanhmawh deuh a ni ange.

Bawiha te ka va phone-a, an nupa-in naktuk zingah an rawn phei dawn a, ka nu leh pa erawh ka hrilh ta rih lo, Khawzawlah daih an awm si a, zanlaia kaihthawh chi ninghal lo chuan..

Zînglam dâr thumah fapa ka nei ve ta, ka lawmna hian Vân a tawng pha lo a nih pawhin a teuh thiak thiak khawpin ka ring.

Mafeli erawh a chau angreng a, an la rawn nawr chhuah hmâin ka fapa min rawn hmuhtîra a lian ṭha roh hlê lehnghal!

"Â pa, ka en ve duh," Duati'n a lo ti ve chhên a, Nurse pakhat chuan a entir ve zuai a, ka nui suk suk reng ringawt tawh mai.

Cabin-ah bawk kan insuan lût leh a, tûn ṭum chu keimah ngawtin ka buaipui ta a, hnutetui pawh a nei ṭha ve ta khawp mai! Duati khâ kan buaipui hah lutuka, mipa fâ nge nge ka thinlung a dek zar mai.

Ka pa-in a hming phuah a hauh a; mahse, a patea'n a chuh tlat a, an kian ta in ka hria.

Kan chhungkaw member thar chuan hlimna famkim min rawn siam a ni ringawt a! A rawn en apiang lah chuan, 'A pa hlauh' tih zel khâ an sawi dan a nia, ka va inchhuang si êm..

"2nd Zirsangliana" Ka nupui a nui var var a, a lâwm hmêl hian minti lâwm lehzual.

"2nd Remruatfeli tur 'warm up' neih a ngai dâwn a nih hi.. ka tih chuan, "Ka peih tawh teuh lo, ka inla young ṭan tawh dâwn, eng emaw hna thar ka nei ta bawk si a," tiin min nuih rah rah a, chhân vak dan tur ka' hriat miah loh chu le!

"Zir, i fapa hian a chhûn mah mah che," ati sap a.

"Ka fapa-in min chhun lohvin ṭhenawmte nauvin min chhûn se i ti a mi?"

"Chhê hlê suh," tih pahin naute puan pakhatin min rawn vawm a, ka lo dawng chat. "Ka fa ni na nâ na a ṭhenawmte fâ antîr tum tlat!" Ka tih leh chuan, "Awi! I chhe zêp zuap lutuk.." tia rawn thawh a tum ve ngawt a, a ṭê deuh ṭhat!

"Hey, che phut phut mah ta che, ka tâ khâ ka la duh a nia," a tûm hmak a, "I fapa hming tâwp lamah 'Zuheh' tih ka phuah belh nghâl loh' tiin lehlam a hawi tau nghat a, hetia a awm tawh hi chuan be sek mah ila min chhâng leh duh tawp nâng.

A patea pawh naute hming phuah turin a rawn kal vang vang a, "Rafael Remruattluanga" zuk ti duah a!

'Sâp hming kan duh lo' tia kan hnial fê hnu-ah, ''A birth certificate-ah dah tel lo u la, kan kohna atân 'Rafael, Rafa' tih tala koh ka duh" atih deuh bur avangin kan hnial ta lo.

'Rafael Remruattluanga' a inrem phian chu ka ti lawi si.

Arini leh Bawiha'n an chuh tehngawt a, ang lo lutuk mai!

Duati paw'n a nau thîk châng a ngah ṭan khawp mai a, kan in thlêm deuh reng chu a ni e.

Kan chhungkaw bila kan awm tâk chinah phei chuan kan ri ve chûl reng a, Mafeli pawh a hah zual ngei mai, Duati'n Nestogen a hnêk lai kha chuan ka âwl thei mai a, Rafaela erawh hnutetui pangngai a ring si a, a ṭah apiangin a nu pêk zêl a ngai ta. Ka âwl thâwng zawmah tawh.

"Ka tâna i hlutzia ka hre zual deuh deuh.." Khumah kan mu tlar ṭhap a, ka nupui bul chêtah mu-in ka kuah vang vang a.

"Kei deuh, i tel lo chuan eng mah ka ni lo ania, min phatsan dâwn lo tih ka hriat avang ringawt pawh hian ka lâwm a ni," ka lam hawiin arawn inlet thak a, ka hmuiah a rawn fâwp ta a, nupa nun la hmang thei lo mah ila kan inthlâkhlelhna erawh kan tilang fo ṭhin.

"Miin Rafa rui nâwi pa, tia an koh fiam miah lohna turin, i fapa hi enkawlna ṭha, Pathian ṭih mi ni turin i chher chhuah ngei ka beisei.." Ati ta a.

"Kan ṭang dûn tlat ang chu le, i fapa tia sawi lovin kan fapa tih zawk tur aw, Doctor.."

Chutah nui var var chung hian 'Kan fapa' ati sap a, kan fate pahnih muhil hmêl chu rei ngial kan thlir hnu-ah, an tân a ri-in kan ṭawngṭaisak dun ta a.

Kei, Zirsangliana hian ka nupui fanaute phatsan ngai lo turin thutlûkna ka siam leh ta.

'RAPSAGY' Tia phun chhuak supin ka hmangaih pathum te kiangah chuan ka mu ve ta a..

Ka nun hman tawh ṭhin dan kalsana hmeichhe fing fel Remruatfeli ka tawn meuh chuan thlâkthleng nun ka neih phah a, pâ dinhmun dik tak luah thei tura min dawha min zilhtu, kan ingaihzawn lai zawng zawng pawha min fuih ṭhintu Remruatfeli leh ka fate tâna damchhung hun hman hi ka duhthusam leh ka tih mâkmawh a ni...

'Min rinna chin apiangah ka rinawmna i hmu zêl ang' tih hî kan nupa thuvawn nghet tak a ni.

A TAWP TA

*****

NOTE: Rapsagy min chhiarsaktute inzavaia chungah lawmthu ka sawi a, Sâp thawnthu ziak ṭhin khân a vawikhat nân Mizo thawnthu ka ziak ve ta râwih chu a nia, ṭawngkam felhlel leh ṭawngkauchheh mar ṭha lo tepawh atamin ka ring a, inmi hriatthiamna ka ngen nawn leh e.

Chapter-30 zet mai ka post ta chu a nia, min nghâktute tih beidawn hi ka thil hlauh ber a nih vângin ka ṭang mar hlê tih min hriatsak theih chuan ka lawm hle ang, a kârah zan hnih ka off a, internet problem zankhat leh chhungkaw lam vangin zankhat, a bâk zawng ka tlang parh a, ka chau ve ta deuh a ni e; famkim lo kan nih angin mistake pawh a awm nualin ka ring a, hei aia mâm nalh deuha ziah ka la tum ve fan a nia.

Min chhiarsaktu, like leh comment tamtaka min lo ṭantute leh min fuihtute chungah lawmthu ka sawi mawlh mawlh a, inmi fuihna te kha hriatreng tlâka ṭha a ni bawk.

Kan dam a Pathianin rem atih chuan story thar nen rawn lêt leh ka tum dawn nia..

He story hi true story a nilova kan mizo nunphunga thil awmthei ka rawn tinzâwn a ni e.

RAPSAGY hi Arabic ṭawng leh Spanish kaihkawp ṭawng 'slang' kan tih zinga mi khâ a ni a, British lam chuan ṭawngkam mawi lo, sexy uchuak (luxurious) atân hmang ve ṭhin. Mizo ṭawnga a thawnthu hming dah dâwnin a sei teh duah êm a, tihian ka rawn vuah ta mai a ni.

Ka lawm e.

Becky Rafa Renthlei (B®®)

B<++++[BeckirafARenthleI]++++>RR