MONEY|PENNILESS LOVE(Completed)

MONEY|Penniless Love(Completed)

Ziaktu: Becky Rafa Renthlei [-B®®]

PROLOGUE

"Eng anga nula nalh leh hmelṭha pawh ni la, i nungchang hi i sim si loh chuan bawlhhlawh bawm chhunga mi nen danglamna in nei chuang lo," titu ka hmaa mipa ding, hmel dur khupa min melhtu mitmu buang thak chu zam miah lovin ka en lêt ve kalh a.

"Ka nungchang siam ṭhat nan dollar eng zat nge sen ral i huam tih te pawh sawi ve la," ka tih chuan nelawm fahran lova min melh hnuah kiai suk chung hian ka hmai bulah a rawn kun hniam a, "Ka senso turah buai lovin kha i taksa itawm zet, mipa thluak chawk nu bat thei khawpa nalh kha ka hnenah hralh la, tichuan, i mamawh eng kim pek i ni ang." A aw thûm chhák ri chuan ka chhungril a fan raih raih thei nia!

Dollar eng zat nge ka inchhiar tâk ang!? Ka chênna khawvel hmun thuma ṭhena hmun hnih lei thei tur khawpa hausa a ni tih ka hre chiang a ni.

Ka damkhawchhuah nân leh ka lo awh rûk em em ṭhin nun zahawm nei ve tur hian he pa sawmna hi ka pawm mai dawn em ni ang?

Dollar maktaduai tluk mah suh ila, thiam thil fahrah tê tê mipa te thlêm thlûkna tur hmanrua chu ka nei ve chiang alawm le....


Chapter-1

Mumbai
India 9:45Pm

Ka hmaa hmeichhe pakhat kal pai nawk nawk chu lehpelh tumin ka pên pâwk pâwk a, a kal dan aṭang reng reng pawhin a rui hle tih a hriat mai! A sam dum sei angreng tak chuan a hmai a hliah chhap a, a hmel pawh ka hmu thei der lo.

Hmeichhe ruih ching hi ka ngaina miah lo va, ka hmu nikhua lo nghal ringawt zel nia! Taxi pakhat rawn tlan chu hmu lo ang hmiahin a awm lehnghal a, ke a kalna turah pawh zuk kal duh lova!

"Hey," tia ka biakna chu a hre lo nge, min en duh ṭhak lo a(h)..!

"Miss..!" tih nawn leh pahin kawngpui sirah ka pawt lêng lawp a, a rim chu leh! 'Bar' zû-ah pawh a rim na ber chi 'Rum' rim a nam hum hum a, Mumbai-ah hetiang zû a awm tih hi vawiinah ka hre chiah!

"Miss, khawi lamah nge i kal dawn?" Ka vawnna thlah ka tum chuan a kut chu tiche zauhvin ka kâwngah min rawn kuah a, a hmel pawh ka la hmu chiang ta lo fo. Indian nula a nih ka ring deuh ngawt a, a hmai hliahtu a sam ka hui kian rualin ka insangmar ru nghal ṭeuh thung.

Hmeichhia ka hmuh tawhah chuan a la hmelṭha ber mai awm e! A mitmeng phî chiai leh ruih nei tih hriat fahrana meng hnuai raih chung hian min melh a, a hnar ngul tê fel rân leh sâng váh chu a nalh reuh kher mai! A lan dan a duhawm viau lo nâ a, nula nalh tak a ni chiang alawm.

"Shala," a bâk eng mah a sawi lo, ka kalsan mai dawn nge? Ka thlenna Hotel-ah ka hruai ve zawk dawn!? Rui chunga vâk mai mai atan chuan a hmel ṭha mah mah chuan ka hria! A hmel ka hmuh chian tâkah chuan Indian hmel a pu mang hauh lo va, Australian lam rawngkai a nih duh hmel zawk.

Taxi lo tlan leh hmasa ber chu pharin ka luhpui ta a, a chênna hmun pan tur pawhin thâ alawi a nei lo chu a nih ber hi a!

"Sir, khawi lamah nge!?" Taxi driver nui vur vur chu melhin ka kal duhna hmun ka hrilh a, intihrethiam ber niawm takin min nghengtu hmeichhia chu a melh zuk a, Hindi hian eng emaw a sawi zui leh a, ka hrethiam ve eih lo. Indian ka nih loh mai bâkah he lai hmun hi ka vawi khat kalna a ni a, Hindi ka thiam lo chu thu hran, a mik a mak pawh ka hre îkhaw lo mai, thiam tumna lah ka nei chuang hek lo.

Kan nula lah chu a chatthla fel der tawh em maw ni, ka taksa nghengin a chhing chial a, a zu in rim tak lutuk chuan ka luak a tichhuak hlui tawh bawk! A châng leh hnâr hup chungin ka awm a, hetianga rui ṭhing lutuk leh thawmhnaw tawngchham uchuak inbel chunga tei vel hi pawngsual pawh a hlau lo em maw ni le!

"Sir, kan thleng e..." Driver pawisa ka pêk hnuah Taxi-aṭangin ka chhuak hmasa a, he nu hi ka pawm chhuah mai loh chuan amaha kal chi ziazang ni nghal lo chuan! Ka unaupa hrawn ngaih dan a ni dawn lo tih hre ru reng mah ila khawlaia vak vel mai mai atan chuan ka ui ru deuh tlat nia.

"Hey, Kitty," a hming ka hriat tlat loh avangin Taxi driver hriat laia, 'Ka hmelhriat a ni lo,' tih thu sawi ka tum miah lo, Mumbai-ah te chuan hetiang hmeichhia hi an tam tih Shane-an a sawi ngei kha, ka ni hman hmasak ve berah ka tawng nghal mai chu a nia!
Zia lo chu ka ti deuh. Hmel ṭhain nalh viau lo phei se chuan kei hian ka buaipui khu chûk tawp nâng.

Taxi driver puihnain elevator-ah ka luhpui thei hrâm a, Shane-a ngaih dan a ni lo teh ang chu, chhuanlam ṭha tawk tak ka neih ngei a ngai bawk ang a, chu zawng ka hnar hnuaia hmui ka neih chhung hi chuan a harsa lo turah ngai ang.

Ka pindan thlengin ka pawm lut thei ta hrâm a, ka rin aiin a zâng reuh phian lehnghal a, a cher mah mah bawk. Zû chhe chi a in hrât viau pawh a ni mahna! Ka khumah nghatin a sam lukhama inchap darh niaih chuan ka mit a la hle a, english ho vun rawng a pu chiah lo va, a hmel fel rân leh a khabe phir ṭhaih chu a inhmeh hle bawk.

Tunah zan dar sawm a ri tawh a, a chênna hmun pana haw tur a nih ve ngei ka ring deuh ngawt a, chutia ka thlir veng veng lai chuan Hindi ṭawng fiah mang lo zetin a riat niah niah a, hriatthiam loh sa nak alaiin, a sawi tum eng mah hi ka man thertê lo! Khum aṭangin a rawn ṭhu chhuak hlawl a, a kawr hâk lai chu hlip sawt sawtin chutiang zel chuan a thawmhnaw inbel zawng zawng chu zuk hlip fai vek a! Amah lah chu a maimitchhing reng a, he nu hi a tho â chiang!

A inphelh ruak vek a, eng mah thleng lo ang maiin a mu leh thân a, chêt mai nachang ka hre bik der lo. Ka hmaah hmeichhe pian nalh lutuk; mahse, rui ṭhing zet si saruakin a mu chu a nia, kei, mipaah pawh 'pa' tak hi a vawi khat nan ka hrilhhai ṭep alawm le!

"Kitty..!" Ka koh dan teh ngawt chu(h). Min chhân chu sawi loh a thaw sâk sâk a, a hmel ṭhatzia em em hi en tawh pawha en nawn leh ngai an tih ang chi ngei kha a ni. Mahse, a nunphung tur en hian ka iai ru tlat lawi si. Ka girlfriend hmel ka hmu hniam nghal rawih rawih thei nia! He nu nena inkungkaih erawh ka mumang chhawng thumnaah pawh ka mang chhin duh dawn lo tih ka hre chiang; natna ṭha lo kai palh pawh a hlauhawm deuh reuh alawm le.

Ka khum ka kian ta chu a nia, Sofa-a riah ka tum miah lo thung. Khum zau lutukah pawh insi miah lovin kan mu thei em em ang, ani ka buaipui vanga hrehawm ka lo tawrh ve chiam kha a ṭulna ka hre mai mai lo e a.

Ka thawmhnaw hlipin a kiangah chuan ka mu ve ta a, zu rim a nam huam vang erawh chuan muthilh ka harsat deuh mai thei, a hmel dâng lap, mahse, dik thlap si chu ka en leh zauh zauh zel a, dik tak chuan London-ah lêt leh thuai thuai ka châk tak zet, India ramah zawng ka mikhual em mai, he nu tê reuh hi a mizia hriat a chakawm phian mai ka ti!

Thlawhnaah ka chuang rei bawk nen ka kianga mu chu haiderin muthilh ka tum ta a, nula hur herh zet a nih loh hrâm han beisei ve phawt ila..

Ka taksa mur er er leh ka chhungril lum pap pap chu ka mang hriat rei ruai a, peih lo zeta meng chhuakin ka hmai bula hmeichhe rawn kun hniam mêk nen chuan chiang zetin kan inmelh ta a!

Ka hmeichhe hruai hawn ve ngawt kha a ni!

"Hi.." tih leh min fawh a rual a, kei lah mak tiin ka meng phâwk hle thung!

"Awm sawn rawh.." ka nam deuh sawk a, a nui hul hak! A mitmeng phi chiai mai chuan zam hauh lovin min melh a, hmeichhe nasa tak anih loh pawhin a zâm lo ve viau a nih ka ring nghal mai!

"I bula ka mut ngawt danah min iai lo chu a ni phawt ang a.." tih paha ka tawnzau hâk chu hlimin ka dul thuar vel chu a chûl zui zat a, a kut lum thar tharin min tawh chuan engtin emaw ka awm tlat pek! Mipa ka nihna hi chuti maia hman awlsam ka tum reng reng hleinem.

"Awm dan mawi i hriat chuan i kut kha la sawn la, thawmhnaw inbel rawh." tiin a saruakna zahpui hauh lo-tu hmeichhia chu ka melh rum ûl a, itawm tîk têk tak a ni. A vun paw phiai leh no ru chek chu mipate duhthusam a ni chiang alawm. Mahse, 'call girl' mutpui duh tur khawpa nun hniam leh hmeichhe mamawh ka ni lo hlauh zawk a.

"I mitmeng aṭang khan min it tih ka hai lo a nia," a la ti ṭalh a.

"I man a tlâwm awm em mai, tun ṭum atan chuan ka hnar rih phawt ang che," ti salhin ka ṭhu chhuak a, ka chêt dan chuan a ṭhâwng deuh nge a meng bial deuh kal a, a mitmeng dâvâ diar chu tisa châkna nge ni anga, a la rui zawk tih pawh thliar hran harsa khawpin zuk meng no thiam a!

Nikhua lo lutuk..

"Ka inchhiar to far far khawp mai, Mister.." khum chu thawhsanin ruak ngalngatin a vei sek a, a âwm bâwr vel inthên deuh nalh nalh chu hmuh a hrehawm hran miah lo.

"Eng anga man to leh tlâwm pawh ni la, tun hun atan chuan tu hmeichhia mah ka mamawh lo, i lo harh tawh bawk a ka pindan hi chhuahsan tawh rawh le.."

"Chhuahsan duh ta tlat lo che ila.." a vei sek lai chu tawp chawtin rum deuh âl-in min en a, ka nuih a za zawk e a, min cho ve âr lehnghal!

"I chhuak lo a nih chuan keimah ka chhuak ang a he room luah man hi i pek a ngai ang," tih pahin khuma a thawmhnaw darh nuaih chuan ka vawm ta a, rang taka rawn che chhuak phatin khumah a lo lawn a, ka biangah vuanin dim baksak lo hian min fawp ta a, chhâng lêt lo turin ka insûm nasat a ngai viau, a zei tih piah lam a ni.

A hmui nêl thep chuan duhthawh fahranin min fawp ngâng ngâng a, ka chhungril nung tur chu duh lovin ui ru tak chunga ka hnawl a ngai, chuti a nih loh chuan ka inthunun hman dawn miah lo tih ka hria.

"Min hnar mah la, nakin lawkah min lo pan leh ngei ka beisei, i pindana ka lo awm ve ngawt dan hi ka hre lo nâ a, i duhthu renga min hruai lut i nih ngei ka ring," inringtawk zetin a sam chu a chul mam thuak a, zinglam dar nga-ah pawh a hmel ṭhat dan a la pangngai reng!

"Kan la hria ang chu," ti supin ka hmui ka tuai thuak a, bathroom lam ka pansan ta a, a va han inringtawk kher ve le! A hmel hriat ngai miah loh pindanah a ṭhangharh a, engah mah zuk ngai lo va! Hmeichhe mak tak a ni.

Bathroom-ah rei fe ka awm lui ngat a, room-a chhuahsan tawha ka rin vangin huh hluam chungin ka chhuak ve ta a, ka ring dik chiah, kha nu kha a lo awm tawh lo. A hming pawh ka zawt ta lo kha a ni a, pawi tawp nâng; khawi lai kawmkâr velah emaw a rui thle vel mai mai awm si a, â, chu zawng ka lo buaipui tur pawh a ni lo ve.

Khum hnawk nuai chu melh zauhvin towel chuan ka inhru thuak thuak a, hmeichhe pakhat, ka tawn chawp mai mai lehnghal buaipui chung turin hun ka nei reng reng lo, a duhna hmun a piangah pharvar mai mai teh se.

Nizan lama ka inbel tawh ka jeans kekawr ipte chu dapin ka 'Wallet' phawrh ka tum chuan a lo awm reng reng lo! He Hotel-a ka thlen man pek hi a ngai reng reng lo va, ka unaupa hrawn Shane-a Hotel a ni a, kan inkawmngeihin pianghmun kan ni lo tih hria an tam lo khawp mai.

Engtik laiin nge ka tih bo le!? Nizanah kha chuan a la awm chiang, 'God' a bo hlen a nih teh chuan a pawi khawp ang. Ka bussiness card leh Credit card bâkah ka nu leh pa thlalâk zinga ka duh ber ka dah tel bawk a, ka hmanchawp tur India Rupees note ka thleng eng emaw zat a awm bawk.

Pindan chhung kil tin ka dap hnu-ah pawh ka hmu zo ta chuang lo va, sum lam ai mah chuan ka nu leh pa thlalâk kha ka tan a hlu fê zawk a Shane ka biak ngei angai dawn ta a nih hi.

Room chhuahsanin counter lam ka pan ve ta a, Shane hmel hmuh tur a la awm lovang tih ka ring tho a; mahse, ka wallet bo kha zawn hmuh ngei ka duh tlat si a, tu emaw ka chhawr zawk mai dawn nge, Hindi ṭawng kâwi khat mah ka thiam lo hi a buaithlakna chu a ni ta.

Kei hi Absalom Colmer ka ni a, kum sawmthumpali a upa ka ni, ka nu leh pa-in min boral san hma êm a, kan chhungkaw sumdawnna chu ka pa fa hmasa Shane-an tui lo chung chungin a enkawl ta kha a ni a; kan kum a inthlau lem lo bawk nen ka graduate hnuah kan company ka enkawl chhunzawm ta a ni.

Ka û erawh chuan a tuina ber, khawvel ram hrang hrang a Hotel neih kha a duh tlat a, tunah chuan Hotel hmingthang tak tak pakua zet a nei tawh nghe nghe a; chung zinga langsar ber pakhat chu India ram, Mumbai-a, a Hotel hi a ni. Ka hmuhpui ve a phût êm avangin nimin mai khan London aṭangin ka rawn thlâwk a, ka rin ai tak chuan a changtlung viau e.

Kei ve thung chu kan chhungkaw sumdawnna lian tak tlachhe mai tur tungding leh turin ka hun ṭha, thâ leh zung ka sen ralna ber Colmer Toys Company-ah hian ka bur chawt a ni ber mai; 'Largest Toys company in the World' ti ngata an sawi neitupa ka ni bawk.

Colmer Toys company hi a hmingthan êm avang leh sum tam tak kan hai luh vang hian ka hming 'Absalom Colmer' hre lo chu an vâng viau ang. A chhan chu businessman hmelṭha bera thlan kha ka ni tlat a, Toys company mai bakah hming ka chher nual bawk.

Kan toys siam chhuah zinga lar ber 'Black Cat ' phei hi chu ka kutchhuak liau liau a ni a, hralh a tla hle a, sum la lut hnem ber a ni nghe nghe.

Onslow Square, Kengsinton Garden-ah nuamsa takin ka chêng a, hmun hrang hrangah Mansion leh Apartment, Penthouse thlengin ka nei fer fur bawk. Chutih lai kâra khatiang nula rui chhe zet lo buaipui kha ka inhmeh hlawl lo mai ni lo vin, ka tân chuan zahthlak lam rawng a kai deuh tlat.

Thlakhat pawh tling lo vah $20 Millions lai 'Black Cat' toys-ah hian sum ka hai lut a, a dang chu sawi loh, nupui ka la nei lo va, girlfriend nghet chet chawt pakhat ka nei thung; kan company tan a ṭhahnem ngaih hi ka hna pui ber leh ka hlimna ber a ni a, Absalom Colmer ka nih chhung hi chuan ka tlachhe leh thei tawh lovang tih hial khawpa hausa ka ni.

Counter nghaktu Hamish-an min lo nuih var var a, english pai deuh nakin min be zui zat bawk, "Sir, i tho hma hle mai, Mr.Shane-an a nghak reng tawh che," tiin ka unaupa pindana min hruaitu tur a melh nghal ruai a, Indian mipa cher lam deuh chu a hui zauh a, nithum tal chu Hindi ṭawng zir ve ila a ṭha ang, hetiang ringawt chuan a fuh dawn miah lo.

Hotel tirhkah nen ka unaupa pindan pana kan kal lai pawh chuan kha nu kha ka mitthla zui rauh rauh a, khawiah tak kal ang maw, chênna hmun a nei ve ngei turah ngai ila, ka wallet awmna kha a hre mial angem? Chu zawng ani rui thle kawi mai mai khan a hre tawp nâng.

"Sir, kan thleng e," tirhkah pa'n min kalsan hnuah ka unaupa pindanah chuan ka lut ve ta a.

"I hma hle mai, bro.." Shane chu khumah ṭhuin coffee a lo in a, kei hian eng mah ka la ei ve reng reng lo, kha nu vang vek kha a ni.

"Ka wallet ka tibo daih mai," ka tih chuan dar san âk chung hian, "Nikhat êm pawh ila awm tling lo va, buaina i tâwk nghal der elaw, khawi hmunah nge i kal tih aṭanga inzawh ava ngai awm ve," tiin ka in tur coffee a thli zui zat a.

"Ka kalna hmun ai chuan i hotel pindan hi a him chiah em tih ka hriat hmasak a ngaiin ka hria."

"Absalom, i fiamthu a ni ngei ang, ka hotel tluka him leh thlamuanthlak hi khawi country-ah mah a awm lo a nia, India rama chêngte hi i rin anga nun hniam kha anni vek kher lo," coffee min pek pahin ati deuh duah a, ka awih em em hran lo. Khawi ramah pawh rûkru te chu an awm vek alawm le..

"Asia, Europe, ka sawi sak vek lovang che, rukru i kawl zawk nge, i hotel aṭang hian chhui ṭan ila ka hmuh lêt ngei angai a ni tawp mai." Ka ti hmuk a.

"Nizana i nula rawn hruai kha min hmel hriattir rang la ti nia," a nui vei suk a, nupui nei lova a la awm rengna chhan hi Pathian chauhvin a hria ang chu.

"Eng hmeichhia mah ka.." ka sawi zawh hma hmain bân a vai thuak a, "Min bum lovang, i lo luh lai khan ka awm ve reng alawm le," atih chuan phat buai a sawt lo tih hriain kha nu ka tawn dan kha ka sawi ve ta nge nge a, makti hmel erawh a pu lo.

"I girlfriend hriat loh vin leh helai hmuna i cham chhunga kawp atan a ṭha mai lo maw?" Fiamthu a sawi ni mah se ka nuihpui thei lo a chhâ chu a ni e. Kha nu kha belhchian châk rûkna riau ka nei tih hriattir kher ka tum lo.

"Ni lo ve, ka nun a seng luh atan chuan a class a hniam lam hlek."

"I wallet kawltu pawh tudang annih ka ring ta hauh lo mai," Shane-a thusawi avang chuan ka meng deuh kâwk a.

"Kha hmeichhia kha anih i ring a maw!?"

"Engah nge a nih lohvang, ruihna tur a duh viau maithei asin," atih leh chuan ka manthiam deuh uar mai, hmeichhe hmelṭha lutukin ka wallet a ru êm dawn em maw ni le!

"A rang thei ang berin umzui kan tum dawn nia, ka sawi sual vakin ka ring lo i coffee kha in zo la zawng nghal teh ang," a ṭhutna aṭanga rawn ding chhuakin min melh vang vang a, "I wallet latu anih chuan dim miah lo vin hremna kan pe dawn nia," a sawi zawng pawhin a phur hmel hle a, kha nu kha a ni thei dawn em ni? Tihah ka lo buai ve thung.

Shane nen Hotel kan chhuahsan lai chuan mi vei vák an la tam lo hle a, Santacruz Hotel neitupa nge nge an zah fia fia ngei mai, kei ve thung chu ka lalna ram a ni ve tlat lo va, a kianga kal ka nih vang te pawh a ni mahna min zah der ve mai maiin ka hria.

Shane hi feet 6'1 vela sâng a ni a, kei ai chuan ala hniam ta tho, a nu a chhun vangin a sam vutbuak rawng chu a nalh angreng hle a, sam dum neih ve a châk thu a sawi fo ṭhin, keiin a sam rawng ang neih ka lo châk ve tumhrang a..!

"Bro, khawi aṭanga zawn ṭan tur nge ka hre miah lo a nia," ka tih chuan a nui suk a, a enghelh loh hmel kher mai.

"Lungngai suh, khatiang hmeichhiate chênna hmun tur kha chu ka rin hriat mai," tiin a pen pâwk pâwk a, Mumbai zingkarah hian kan hmuh pawh ka ring hrep lo ve a, mahse, kei aiin helai hmun hi a hrechiang zawk a, a kutah ka innghat ve tawp.

'Non Alcoholic shop' tih intarna hmuna min luhpui chuan ka hawi hrek hrek a, nizanah rui tâwkin kan inhmu a, helai hmunah hian zawng, kha nu kha a awm ka ring hlawl lo, Shane thluak hi ka ṭâwm pha meuh lo chu a ni e.

Chu dawrah chuan hmeichhe rui harh hlawl hmelpu an lo awm nual a, an hmelṭha phian hlawm lehnghal, soda, juice leh fruit punch an lo dawm deuh far bawk a! Zan lama an penṭawng tihreh an tum tih hai rual a ni lo.

Shane-an min nghawk zauh chuan a melhna lam chu ka melh zui ve nghal vat a. Haha! Nizana ka hmeichhe hruai ngei mai khan ka wallet-a pawisa awm chu a lo chhiar niap niap a, Pearl milk tea a lo inchhawp deuh ngei a, ka va thing chhuak nawk mai dawn em ni ang!?

"Engtin mah ti suh aw," ka beng bula Shane ṭawng sup chuan ka pên chhuak tur chu min dang leh ta zawk a. Nichin mai khan hremna pek a tum viau si a, saw nu hmel sawn a rilru a ti danglam deuh a ni êm lawng chu..

"Engtin nge kan tih chuan anga?"

"Tikhan en tawp rawh, khawi hmunah mah a kal lo tawp ang, i pawisa khawhralna tur a zawng mek a nih saw, keiman kan dawr ange," tih pahin chu nu lam pan chuan a kal ta a, kei erawh ka dinna ngaiah ka la ding reng thung, ka unaupa chêt lâk dan tur ka hriatpui tlat si lo va..

Chu nu bula Shane kal phei chu ka en reng a, hmeichhe hmelṭha leh nalh lutuk ni si in, 'pick pocket' a ching chu a nia, awih harsa ka ti, sum a va'n mamawh awm em em ve le! A khawngaihthlak zawk e a.

Shane leh chu nu inbe lai ka thlir veng veng lai chuan ka lam a rawn hawi thut a, ala nui sâng nia! Ka dinna pana an lokal lai te chuan zâm map lo hian a no a intur chu a tem hlak hlak a, khawvelah hian amah chauh hmeichhia an awm lo tih a hre lo a ni ngei ang, a sam thur deuh chhap chuan a tilang sexy ru riau a, chu erawh ka ngaihtuah duh loh lam tak a ni.

"Bro, hotel-ah kan lêt leh nghal dawn em ni ang, i ṭhiannu hian sawitur a neih ngei ka ring," Shane chuan min mitmei zauh va.

"Ok," a bak engmah ka sawi lo.

Santacruz Hotel
Mumbai India
10:30 Am.
Absalom Colmer

Breakfast dawhkan kila hmeichhe ṭhu chu ka en reng a, a thawmhnaw hâk uchuak zet te saw ngai pawimawh hmel a pu miah lo a, a hnute ni se he khawvel êng a lo hmuh ni a saruaka a pian lai ang mai khan alang tlang thawthâng a, a mal te lah 'ka ta liau liau' ti niawm takin a lang thui hle a; a hmaah mipa ka awm ve tih hre lo ang hmiahin breakfast zuk ei hmiah hmiah a!

"Hey, muangchâng khan ei rawh, ka ei zawh khalh lovang che," ka tih chuan min melh zawk a, a thil ei lai chauh a ngaihven leh daih.

Shane nen hotel kan panpui lai khan ṭawngkam khat mah a chhâkchhuak lo va, ngawirengin kan kiangah a kal ve hnak hnak a, ka wallet pawh kha a kâwngah a zep deuh ṭât! Min pêk lêt tumna a nei lo a ni ngei ang.

"Ka wallet kha eng atan nge i tih?" Ngawirenga awm a nuam miah lo.

"Wallet ai chuan a chhunga awm ka duh zawk," zâm miah lovin ka mitah min en kalh a, rui hmel a pu tawh hek lo, a mit rawng lunghlu ang maia hring nghalh pawh ka hmu thei ta alawm, ka toys siam zinga 'Green kitty' mitmeng nen khan a inang deuh.

"Pawisa i mamawh chuan thawk chhuak mai ta che."

"Ka thawk reng alawm, nizanah i kiangah ka mu a, ka phalna la miah lovin i thlenna hotel-ah min hruai a, 'hmeichhe rubo' tiin case ka file mai tur asin," thutak zeta atih chuan ka nuih a za lo.

"I taksa kha e, ka kut hmawr pawhin ka tawk lo." Ka ti hmuk a.

"I tawk emaw, tawk lo pawh ni la, Mumbai Police hian an hre kher lovang, nang ai chuan helaia chengte hi ka hrechiang zawk," Bawnghnute a in zui khalh a, chutah, ka lam rawn hawi lehin, "I wallet-ah khan ka kârkhat tla pawisa pawh a awm lo, i credit hi eng atan mah ka ti lo ve," ala ti zui a, tuk lawlh ka châk kher mai.

"Ṭawng ṭawng lo khan i thil ei lai kha chhunzawm rawh, chumi hnuah kan inbe ṭha leh ang," ka ding hluai a, ka thusawi chu mak ati deuh a nih pawhin a chezia-ah engmah a lang lo.

Eitur khamkhawp hmu ngai lo ang maiin a hma a inchhawp zawng zawng a ei fai vek a, a hmui mawm hlap chu fawh a chakawm et et nia. A la upa lovang tih a khawsak phung aṭangin a hriat vek a, enkawltu mumal a nei lo a nih ka ring ve deuh ngawt.

"Mister, i wallet ka lâk vang khan Police hnenah min report i tum em ni?" Zawi sapin ati ta a, a rui tawh lo bawk a tlemin biak a nuam deuh ang chu.

"Kei chuan report ngei che ka duh a, mahse, Shane khan eng ngaihdan nge a neih tih ka zawt phawt ang." Nelawm lo thei ang berin ka melh rûn a, min hlau hmel phei chu a pu lem chuang lo va.

"Tunge Shane chu?" Kelawngin a lo awm reng nia, nizan pawh khan pheikhawk a bun awm reng reng ka hre lo, kelawngin a vak vel chiam chu a ni a, mak ka ti tulh tulh.

"Nichina nangmah lo betu che kha a ni e, he Hotel neitupa hi a bawk."

"Ah, tihpalh lutuk, ka lo hre lo a ni," tih pahin a kâwnga ka wallet a zeh chu rawn phawrhin min pe ta a, "Tlemtê chauh ka hmang a, a dang engmah ka khawih lo," hnuailam a bih rân a, a zak ve deuh pawh a ni mahna.

"I hman tlem leh tamah ka buai lo va, a neitu phalna lo va i lâk vang hrim hrim khan hrem chu i phu a ni, i sim phahna tur a nih chuan Jail bang te pawh i zût ve ang chu," ka tih chuan min melh hrâ a, a hmui hnuailam seh nauh nauh chungin a keṭhiah nalh zet; mahse khuhtu awm lo chu a thai kual chhên a, a landan khawngaihthlala zet chuan min ti nem ṭhelh alawm le.

"Min report lo hrâm la, ka rul leh vek ang che," ati ta sap a.

"Tunge i hming, khawi hmunah nge i chên?" A bânah vuanin sofa hnai berah ka ṭhuttir a, min hnial lem lo.

"Leena, Leena Bevan,"

"Indian i nih ka ring lo reng a ni," tiin a hming chu paper-ah ka chhinchhiah a, dâwt a sawi lo tih pawh hriat va ni suh.

"Miss Bevan, khawi hmunah nge i chen, chhungte i la nei em?"

"Ka mimal nun hriat vek tum suh, tunge i hming, khawiah nge i chên, chhungte i la nei em?Tiin zawt chiam che i la i lawm bik hauh lovang," min ti zui erh a, ka lo khawngaih hman deuh kha a nia, a hmelṭhat tehreng nen nungchang mawi a hre hlawl lo.

"Absalom Colmer, London aṭanga lokal ka ni a, ka wallet-ah tunge ka nih tih a inziak chiang viauin ka hria," tiin ka business card chu ka hmuhtir ta a, a mengphar nasa mai.

"I hausak hmel tehreng nen i va uikawm si ve!" Tih pahin ka card kenlai chu min chhuhsak a, ngun fahranin a bih ta a. Chhuh lêt pawh ka tum bik lo.

"Ka uikawm nge uikawm lo tih hre turin min la hrechiang lo deuh lo maw?"

"A hriat vek alawm, i pawisa tlêm ka lo hman vangin helai hmunah hian ka awm a, a hausa apiang hi in kawm em em mai chu a nih hi."

"Ngawi hmak rawh, ngaihdam min dil chu sawi loh, i la pawr em em a, hremna chu ka pe ngei ang che," ka ti nghut a.

"Hetiang hian min hrem la, lawm takin ka lo dawngsawng ang," tiin ka inrin hman hma chua ka hmuiah a rawn fawp ta nawk nawk a, a kut dinglam chu chêtin ka kekawr chhanah ka malpui a hmer deuh salh bawk a, chimawm ve thawkhat tak a ni.

Rei ngial zei leh duhthawh zeta min fawh tâkah chuan ka chhunglam a rawn nung ve ṭan ta, min fawh dan dam thlap chu mipa te thluak chawk buai vek thei khawpa ril a ni. Duhthawh zetin ka fawp lêt ve ta a, a kut chevel reng chu manbetin ka kâwngah ka vuan bet a, a tak ram thlenpui duh hialna rilru ka'n put chu le..!

A âwmbâwr ruh ṭalhin min nek chuan ka thluak a fim ṭan, kei hi tlema tlemah ka che khaw lo zo ṭep alawm le, ka girlfriend phatsanna tur khawpa itawm ni mah se, chu zawng ka thil duh loh berte zinga mi a ni. Rang takin ka inlahrang vat a, a mitmeng hring nghalha min nuih sawhna lo lang ka hmuh chuan ka thin a khei zar mai.

"Tenawm nu, min thlêm theih inbeisei suh," ka ti hmuk a.

"Ka la thlêm hman êm hleinem che maw le, Mr.Colmer, i pawisa ka hman kha tuna ka fawhna che khan a rul zo mai lo maw?" A kawr hâk lai chu hlipin chhuatah a theh thla hnak a.

"Eng tia awm nge i tum a, i taksa kha ka it lo mai ni lo vin, ka ten.."

"I ten nge ten lo kan la hria ang chu," a ti duh chauh!

"I thawmhnaw inbel la Police station-ah ka hruai dawn che, awmdan mawi leh hmeichhe nungchang an lo zirtir dawn che nia," ka tih chuan a pawnfen phelh tuma a kun lai chu a rawn dâk chhuak a, "Insawi thiamna tur ka nei ve tho alawm, Mr.Colmer, kal ila.."

"Eng maw i sawi?" Ka aw vin lutuk vang chuan a phu dawrh a, a mit a khap zui ta fak fak a, lung ṭha lo nei ang ziazânga a'n awm vel chu le.

"Au vak vak suh, kan pahnih chiahin kan awm a, ka beng lah a ngawng hek lo," a thawmhnaw pawh inbel ta lo vin bathroom a pan vei hmak a, a pindan emaw a ti em mawni le!?

Leena Bevan chanchin kimchang hriat hi ka hna hmasa ber tur a ni. Khawi hmuna chêng nge tih leh eng ang hmeichhia nge tih ka hriat fai vek angai bawk, Shane nen inbia ila rang taka hriat vek ka duh a ni; chuti anih loh chuan buaina min thlen fo dawn tlat, a chanchin ka hriat dan azirin report chi a ni nge ni lo tih pawh a lo lang uar turah ka ngai deuh..

Hotel
Santacruz
Shane Colmer
Private Room
Absalom Colmer

Police hnena Leena Bevan report ka duh thu leh a chanchin chhui ka tum tih Shane ka hrilh chuan a ngaihdan a lo ni lo nasa mai!

"Leena Bevan kha ka hria alawm, eng detective mah chhuitir a ngai lo, ka hotel leh a chhehvelah hian a tam khawp mai a, i ṭanpui thei a nih phei chuan a lawmawm viau ang," ka unaupa'n atih chuan ka ngaihdan a ni lo hle a, "I duh leh ṭanpui la ti nia, i wallet ni lovin ka wallet a ni a rûk kha.." ka ti hlur a.

"Mumbai-a a awm chhung hi chuan a nungchang a sim lovang, nu leh pa thihsan, keimahni ang thova fahrah a ni a, ka hotel-ah vawithum buaina a lo thlen tawh bawk, vawikhat mah report tumna ka nei lo va, a chhan chu ka khawngaih vang a ni," ati deuh duah a.

"Indian a ni si lo a, helai hmunah eng nge atih reng reng, chhungte a nei em ni?"

"Keipawh Indian ka ni lo a, chhungte pawh ka nei chuang lo; mahse, ka awm ve tho alawm," ati leh a, adik viau bawk si a, ka dang der!

"Mumbai-a i châm chhung hian chhawr ṭangkai zawk rawh, enkawlna ṭha a dawn chuan a zia mai ang, nula nalh leh hmelṭha tak a ni a, ani tluka helai hmun hrechiang tur an awm lo, a fanpui thei ngei ang che tih ka hria a nia, i pawi a khawih manah i blackmail mai dawn a ni." Sawi fuh inti zetin a nui suk a, kha nu nena Mumbai fan maw! Ka mualpho zing awm em mai...

"I â chu a ni êm lo maw! Shane?"

"Â, lo ve, vawi engzat nge Leena hi ka lo zui rûk tawh hria la chuan i û hi min nuihzat ngei ang, ka hausakna pawhin a thlêmthlu zo lo nge, ka zei lo ve hrim hrim tih pawh ka hre lo." Ala ti tak deuh deuh va, ka unaupa hmeichhe duh chi a nih pawh ka hre lo.

"Ka blackmail ve poh a ni ang chu, i tâna ka thlêmthlu thei a nih chuan ka inchhuang hle ang,"

"Tunah chuan ka bânsan tawh, tun aṭanga karhnih liam hmain a zûnah i uai ngei ang, kan nula mantami chu.." tiin kawngkhar lam a melh zuk a, Hotel tirhkah rawn dâk dêk dêk chu a be zui ta a.

Keipawh ka pindan lam panin ka kal ve ta a, Shane khan a titak tak nge min fiam zawk pawh ka hre lo, Leena Bevan kha a lo buaipui ve hrep tawh tih awih harsa ka ti deuh! Mahse, kha nula kha a nalh turu êm kher lah tak a, vawikhat tal sex hmanpui ka châk tih ka pha lo mai ang.

Ka room-a Hindi hla sa rât rât ri ka hriat chuan Miss Bevan pawh a inbual zo tawh tih hrilh hranpa ka ngai hauh lo va, saruakin awm tawh lo hrâm se, mipa nih ve si chuan hnuai laminNorth Pole a kâwk ru vâ zel zawng a ni e.

Ka ngaihtuahna mai mai pawhin minti phur thei nia!

Room chhung rimtui hak chu ka hîp hmasa ber a, dressing table hmaah Leena Bevan chuan a sam kawi deuh niaih chu a lo siam malh malh a, a thawmhnaw inbel ka hmuh chuan ka meng deuh kâwk! Ka shirt hring duk ha-in, a hnuaiah engmah a inbel lo va, bathroom slipper lianpui a la bun lehnghal! A landan aṭang ringawt chuan 'cute' tak a ni. Nizana rui chhe zet nula kha anna pakhat mah zuk nei lo va!

"Miss Bevan, tu thu-in nge ka thawmhnaw kha i hâk?" Zawi sup, fiah tak si a ka ṭawng thut chuan a phu leh zawk a, he nu hi eng ati nge a phut zawk zawk le!? Thil tisual lai man rûk ang maiin a meng zek zek zel bawk si!

"Tu thu mahin, keimah tih loh chu han rãwn der îk tur an awm lo a, chuvangin ka hmuh hmasak ka inbel mai a ni." A nui sak a, a ha var rual ṭhap chu a nalh kher mai.

"I zâm lo ve hle mai maw!"

"Zâm tur ka ni em ni, Colmer tih hming hi ka hre tawh thânin ka hria," ati zui daih a.

"I mumangah pawh i la hre lovang, i chênna khawvel leh ka khawvel te zawng Lei leh Van ang a ni a, i hriat nachhan tur a awm lo."

"Chuti, Leiah chuan awm la, Vanah ka lo awm thung ang aw, Colmer hmelṭha.." A Samkhuih kenlai chu dahin a rawn ding chhuak a, a sâng reuh phian bawk si! Mipa room-ah engthawl awm takin a awm háh háh mai chu a nia, engti zâwng pawhin min hlau lo a nih hmel hle mai. Sex-ah ni se, a châk zawk niawm hrimin a inpeih at zel mai si a, tihngaihna tak pawh ka hre lo.

"Miss Bevan, ka pindanah hian châmhlen i tum em ni?"

"Tum hran lo ve, Police station-ah min hruai dawn khan ka hria a, ka lo nghak che."

"Khatiang thawmhnaw inbel chung khan khawi hmunah mah ka rualin i kal tawp lovang," a hnungah dingin dârthlalanga Leena Bevon hmel nung sar lo lang chu ka en a, ava han hmelṭha tak.

"I thawmhnaw ka hâk hian ka lang sexy riau lo maw," tih pahin a ṭhutna aṭanga rawn ding chhuakin min en hâ a, khabe phir inhmeh pawl tak chu a ni ngei ang.

"Min hnaih suh," ka mipatna a melh deuh kher avang chuan ka lo tawlh hnung thung a, 'Thlemtuliani' tih hmingpu se a inhmeh ngawt ang, min hnaih poh leh hlauhawm a hnai tihna a ni mai. Colmer tlangval kawp tur atan chuan a naupan mai bakah a class a hniam hrat, englai pawhin ka lei thei reng ang chu maw le. Dollar tam sen ral a ngai hauhvin ka ring lo.

"Police station-ah min hruai dawn lo anih chuan lunch min ngaihtuahsak la, ka ril a ṭâm hle a ni," ka khumah ṭhuin min en kar a, tukkina a thil ei zozai kha a paiṭawih hman pawhin ka ring lo.

"Chimawm chhuah lo la, eitur chu i hmu ang, ka zahna tur leh ka mualpho  theihna turin engmah ti suh ang che," ti a ka vau chuan dâr san âkin a bu zui nghat nghat a, tleirawl te pawh a ang zawk mah! Tleirawl chêtphung erawh amahah hmuh tur a awm miah lo thung.

Lunch ka order lai chuan khum bul dawhkana ka wallet dah chu a ban ru zâl zâl a, a chhunga thil pawimawh ka lachhuak vek tawh tih a hre lo tawp ang, pawisa nawi tlemtê bâk a awm tawh der si lo va, a chezia reng reng ka mitsirin ka en reng tih pawh a hre tawp nâng.

Vên reng ngai hmeichhia ka kiangah a awm chu a ni si a, Shane khan engtin nge a duh theih le!?

"Hey, Miss Bevon..." engmah ti lo niawm takin min nuih var var a, phakar lutuk!

"Ka wallet kha i ît viau chuan nei rawh."

"Ah, ka khawih miah lo.." awlsam lutukin dâwt zuk sawi thei a!

"I kut hnunglam kha ka hmuh theih turin lo dah chhuak rawh le.." dam thlap leh fiah faka ka tih tâkah chuan zawimuangin a kut, hnunglama a dah tlat chu a rawn dah chhuak ta a, wallet a lâk kha hmuh tur a awm miah lo, a la lai ka hmu ngei si a! Khawiah nge a lo thehthang hman ni!

"Absalom Colmer, i hmuh leh i hriat chauh sawi rawh, ringhlel ngawt lovin," chang fakin ati ta a, sawitur ka'n hriat miah loh chu le. Wallet lah chu ka dahna ngai chiahah a lo awm si a, ka hrilhhai letling zawk zaw mah nia.

A ṭhutna ngaiah a ṭhu reng a, a chesawn miah lo tih ka hria, ka hmusualin ka hre bawk si lo! He nu hi a mak thlâwt ka ti, enthlâk reng a ngai dawn a nih hi..

Police station-ah ka hruai lovanga, a chênna hmunah ka kirtir hek lovang. Kei hian nun dan mawi leh nun zahawm a neih theih nan control ka tum zawk dawn a ni.

A ṭul ta anih leh blackmail pawh ka hmang mai ang, kei chang ni lo, mi hrang hrang pawi a khawih zel ai chuan tunah hian a sim hmak na turin zirtirna ka pe dawn khawp mai..

Eng anga nalh leh hmelṭha pawh ni se, a nun dan hi a awhawm hlawl loh tih ka mit ngeiin ka hmu a, ka ngaizawnga ka duh ta tihna lah a ni hek lo.

Ka unaupa hmeichhe duh ngawih ngawih siam ṭha tur hian Absalom Colmer ka awm alawm le...

A thiltih a pianga hlawhtling ṭhin leh mi tumruh hi Leena Bevon hian han hmachhawn teh se...

End of Chapter-1

Note: Story thar ka rawn chhawp chhuak leh ta, min chhiarsaktu zawng zawngte inzavaiin chibai vek u le..

A hma aia chhiar a nawm deuh zawk ka'n beisei ve ngawt a, ka kalphung erawh tihdanglam hret a ngai thung aw..

Kartluana dah hi ka taksain a zawh meuh loh avangin Inrinni zan ka chawl anga, a bâk zawng erawh chu rokhawlhna liantham leh internet problem anih loh chuan regular ka tum ang, ka post thei dawn loh zanah information pek ka lo tum dawn nia..

A hranpa a lawmthu sawi a harsat deuh avangin comment ka reply-na hi ka lawmthu sawinaah min lo pawmsak ngei ka beisei...

Gracias...(Ka lawm e)

©<++++[BeckirafARenthleI]++++>®

2.MONEY|Penniless Love

Becky Rafa Renthlei

Chapter-2

Santacruz Hotel
India, Mumbai.
Absalom Colmer

Kan lunch tur hotel tirhkahin a lo dah lai chuan Leena Bevan chu ka melh zauh a, eng lai pawha enthla reng tur hian ka tlin ngût a nge maw chu le.

Eitur chu ît hmel zet hian a en dauh dauh a, a hmui a liak leh zeuh ṭhin a, a rilṭam vang nge a vir vang zawk tih pawh ka hre chuang lo. A khawsak phung hrim hrim hi a puitling hlawl lo va, kum sawmhnihpali vel a nih ka'n ring deuh ngawt a; mahse, ka ring sual mai thei bawk.

"Mr.Colmer, ka ei thei tawh a ngem?" Dawhkan panin rang fahran hian a kal a, ka hrem rih zawk dawn em maw ni chu le.

"Ka eitur a an lo dah chu a nia, pawisa i nei bawk si lo, heti hian ka room-ah engkim min ṭâwm ve vek dawn tihna em ni?" Nelawm taka lan ka tum buai peih lo, enchhin a nihna ang ngeiin ka khauh far far khawp ang.

"Ka ei phawt ang a, nakinah i hna ka thawhsak ang che." British Cuisine (Bawngsa kan ro leh pudding steak) chu plate-ah a suak chhuak a, chair pawt chhuakin a ṭhu zui hmak bawk.

"Ok, ei rawh, muangchângin ei la, i ei man chu ka chhût chhuahsak leh mai ang che," tiin dawhkan chu ka kil ve nghal a, min chhang lovin ka eitur min suah sak ve teh mial! Tlêmin nunphung a hre ṭanin ka hria, min suah kêp lo nâ se chuan ka vin nek ang ka lo ti rilru deuh kha a ni a. A ngai ta bik lo ve!

"Mr.Colmer, kemah hi min lei mai la, i hausak viau te chuan..." Leena thusawi avang chuan ka wine in lai ka phuhchhuak teuh kher mai.

"Eng zat man nge i nih?"

"Dollar maktaduai sawmhnih chu ka man ve ang," a nui ta hak hak a, a thusawi ngei pawh a awih lo niin ka hria.

"Nangmah ang hlir kha dollar sawm pawhin zuar se ka lei hmel loh," ka ti hmuk a, min melh nghal râm râm nia! Min zah ngawih ngawih zawk tur a nih laiin a ṭhian emaw min ti reuh em maw ni! Eng teh chiamah min ngai lo.

"Min lei châk ru reng tih ka hria a nia," wine chu in ve ngawt tumin a ban a, "In suh." Ka tih chuan angaihna hre lo hmel takin min melh kar a, chutah, "Ka pa i ni lo va, ka û i ni hek lo, i hnuaia thawk pawh ka la ni ta lo fo, ka duh duh ka eiin ka in ang," tih pahin  min pawisa lo zet hian a ban lui leh ngat a, white wine chu a bottle chawpin zuk la ngam a!

"In suh tih ka sawi lovem ni?"

"In rawh pawh i ti chuang hleinem?" Tiin a chhin chu a'n seh hawng ngei a, ṭhing lutuk! A kut lehlamin bawngsa a keng a, lehlamin wine bottle, a hmel ṭhatna chuai rawih rawih khawpa thin hrep ka chak kher mai. Hmeichhe kutthlâk erawh ka thil duh loh ber a ni.

A hmui leh wine bottle chu chuktuahin a in ta khawlh khawlh a, a duh tâwka tam in teh se. Ka ṭhutna aṭanga thovin intercom ka hmet nghal a, vawiin chawhnu puma a in tur zû kan chah sak a nge. In rei peih tak ang maw.

"Absalom, i hmelṭha hle mai," Leena ṭawng zawi sawi sap chu ka hre lo der tlat a, be tui tam lo ila ka him a ni mai, nakinah ka la hmang ṭangkai ve khawp ang maw le.

"Absalom Colmer, hming mawi tak a va ni si êm.." tinawn leh sapin ka plate-a eitur ka thawhsan tâk kha alamah a hnûk hnai a, ka mitmei pawh vêng îk lo vin a ei zui hmiah hmiah a nih chu! Ka lo zak ru chem chem a; Shane bialnu chu sawi loh tu mipa mah hian an mil ngût lovang.

"Eng nge min en reng a, thil ei ve ngai lo ni awm tak khan awm teh suh, British chaw ka ei lohna a rei deuh tawh a, ka huamhap deuh a nih hi.." ati awlsam êt a, ka chhâng buai peih lo. Vawiin chawhnu chu a duh dan ang ang leh nuam ni a ahriat ang hian han khawsa phawt teh se.

"Ok, ok, ei bawrh bawrh la, in hmiah hmiah bawk rawh, Whisky emaw, Brandy pawh an lo dah leh mai ang," dam thluama ka tih chuan a meng deuh ralh a, a awih chiah lo tih pawh a hmel lan dan aṭangin ka hre mai.

"I ti tak tak em?" Ati ta ngei rëng a, a ṭhutna aṭanga tho chhuakin a shirt hâk a pawt mar a, a khup a khuh lo deuh, zahna châng a hre lo nge min runluih ve hrim hrim pawh ka hre tawh bik lo.

"Ka tih tak tak loh tur ka sawi ve mai mai ngai lo Miss Bevan," ka ti leh hmuk a, ka bulah lokalin min hnaih thei ang ber hian a rawn ding a, ka insangmar leh at tawh, a mi uap lah hi a na zêk lehnghal a!

"Eng vanga min haw ringawt nge i nih, i wallet ni se ka pe lêt tawh che a, sawi tham i pawisa ka hmang bawk si lo," sehchilh deuh leh zawi sapa a ṭawng chuan a mitah ka en ve ta nge nge a, wine khati zozai in si kha rui awm angin alang miah lo va, a in thei viau a nih dawn hi.

"I nungchang hi ka lawmzawng a ni lo, ka hmeichhe ngainat chi i ni hek lo, khawlaia rui kawi mai mai tura ka duh loh vang che-in ka hruai ve mai che a ni; a bâk engmah a awm lo."

"A lo nih tak chu, ka haw ve tawh ang e.. " tiin a thawmhnaw inbel hmasa zawk kha ala zui zat a, khawiah khan va haw suh, chênna mumal a neih pawh ka ring mai mai lo.

"Khawi hmunah nge i chên?" Tiin a bânah ka vuan a, a phu leh zawk!

"Nangni ang mihausa te hmuh tlâk khawpa in ṭha ka nei lo, ka nunah inrawlh tum lo mai teh," tiin ka vawnna chu thinthlâk phêt a tum a, ka vuan nghet tulh tulh thung. Chutih lai tak chuan ka room khawngkhar an rawn kik ri dat dat a, ka zu chah kha a lo thleng tawh a ni ngei ang.

Tirhkah-in Brandy ûmkhat leh Scotch Bourbon, ice cube leh chips eng emaw zat rawn nawr lutin Leena chu a melh zeuh a, nui deuh suk chung hian a chhuak leh ta a.

"Absalom, tunah khatiang kha i in dawn em ni?" Leena chhuah tum chu kawngkhar bulah a la ding khawmuang a, tray-a in tur leh chips chuan a hîp hle tih ka hria, a chhuak leh chuang miah lovang.

"In dawn chiang e, India ram lo thlen ve manah vawikhat tal ruih hle ka tum," tiin Scotch chu ka hawng nghal a, tunah hian a chhuak lo a nih chuan inremsiamna ka neihpui dawn a ni.

"Ka lo in ve thei angem?"

"I chênna hmunah i haw dawn khan ka hria a.."

"Ka haw leh lo mai ang.."

"Chuti anih leh i thawmhnaw kha dah la ṭhuthmun rem rawh le," ka tih chuan phur lutukin a thawmhnaw kenlai chu khumah a theh phei dâwrh a, che fel zawk zawk chu a ni lo tih ka hre mai.

"Tuna i thawmhnaw theh phei kha thlep thlap la, chumi hnuah ka kiangah hian i lo ṭhu dawn nia," peih loh hmel zetin khum chu a pan hnak hnak a, min hnial miah lovin thawmhnaw chu a thlep ve ta a, thil ropui tak hmu-ah ka inngai hial nia!

Ka kianga a lo ṭhut hnu chuan tîm miah lo hian chips pack pakhat chu a seh hawng leh nghal pawp a, chu pawh ka duh dan a ni leh ta lo.

"Eitur emaw, intur pawh ni se, i ha hmang khan seh hawng tawh ngai suh," tih pahin a thil ken lai chu ka chhuksak a, chips pack dang la-in awlsam tê a kuta kheh hawn dan ka'n hrilh leh tê tê a, a zu in châk vang nge thuawih takin ka sawi ang zel chuan a ti ve mai bawk!

"I khirh si.." Scotch no dawm paha atih chuan ka nuih aza ru hle a, a hunah chuan a inthlahrung der ve thiam riau alawm, ṭawngkam a duhtui vak lo mai pawh a..

"Enteh Leena, inremsiamna nei ila ṭha in ka hria," tiin a no chu ka chhunkhahsak leh a, hmeichhe zu duh ve tak a ni. A lem zo ang zung zung a!

"Sawi la," ngai pawimawh lo fahran hian a ke chu ka malchungah a rawn hlâng a, ka ngaithei lo leh ṭan der tawh.

"Police hnenah ka report lo che anga, helaia ka châm chhung hian Mumbai min fanpui thung ang," a ke chhuata dah thlâksak paha ka tih chuan a ner sak.

"Eng zat nge ka hlawh ang?" Ati zui zat a, a thinlungah hian sum ringawt a awm em maw ni!

"Hlawh i nei dawn tih ka sawi lo. Mahse, i laka ka lungawi viau chuan eng emaw zat chu ka pe mahna che."

"Aw, tiin chhang ta che ila i room-ah hian ka riak ve thei angem?" Tiin min zawt khauh a. Phakar ve hi ka ti. A riak a nih chuan a mamawh engkim ka tumsak a ngai dawn a, a chhût thleng ve vek tihna a nia, thluak ve hle mai.

"Min beisei loh chuan a tâwk a ni mai, hmeichhia i nihna kha hman chhuah phêt tum lo la, kan inrem thei ang," tiin a mal thui fê a lang chu ka khuhsak lui kher a, ka kutah rawn vuanin, "Min hlau deuh em ni?" Ati ta a.

"Eng vangin nge ka hlauh ngawt ang che, ka hmuh hnuhnun apiang mutpui  nghal duh mi ka ni lo." Tih pahin ka no a intur la bâng zawng chu ka thâwkkhat pawp a, ka tih ang chiah chuan ti ve in no thum ngawt a zâwnin a tlâk pap nia! A ruih chhiat viau loh chuan ka tân a hahdamthlak tihna a nia, ka thawveng huai thei.

"Mipa ka la mutpui ngai miah lo," meng sî sap chunga Leena ṭawng chu haider a har kher mai, a ruih deuh hian a âwki a hniam chhak a, a sexy ru riau. Hetiang hian nung lo se chuan dinhmun sâng takah a awm ngeiin ka ring.

"I rui tawh a nih kha, khumah sawn va mu la, i harh hunah Santacruz leh a chhehvel hi kan fang dawn nia, karkhat bâk Mumbai-ah cham ka tum lo."

"Khawi hmunah pawh awm la, ka zui zel dawn che, i hmansen loh sum i nei a, ka lo hmanpui ve dawn che alawm," thle bâk bâk chunga atih chuan ka nui hawk. Ti hi chuan a zû inzât tur ka bithliah sak thei tawhin ka ring a, no nga a in chuan a rui hle dawn tihna a ni a, Leena Bevan zu in zât tur chu a tam berah nothum tihna a ni. Wine a ni emaw, 'alcoholic content 48%' chin a in a nih chuan no thum aia tam pek reng reng loh tur. Step khatin hma ka sawnah ka ngai.

Sofa-ah chuan a ṭhu mu diai a, a shirt hâkin a khuh bâk a taksa lang pawh pawh chu ngaipawimawh lo hian a chhing diar diar a, 'mipa ka la mutpui lo' te ala ti ve lehnghal! Kum sawmthumpali ka ni tawh a, min bum theih a inring reng reng em maw ni.

"Hey, Leena, tho la khumah va mu rawh, Shane a lokal dawn a nia," a muhil dawn takngiala ka hriat vangin a dârah ka sawi nawk nawk a, a rûm ṭiah ṭiah ringawt! Ka hmuh hmasak ber zan ang khan a rui leh a nih chuan a chi dawn miah loh. Zanin hian Hotel ground floor-ah Shane-an party a siam dawn a, telpui ve ngei ka duh a, Leena hi hruai ka tum bawk.

Rei lo te muhil se a harh leh mai ka ring. Chawhnu dar thum ari dêk dêk chauh a, hmanhmawh rûai a ngaiin ka hre lem lo a ni.

Leena ka kaihthawh zawh tâk si loh avangin khumah ka sawn phei ta nge nge a, zanina a inbel tur Shane khan a ngaihtuah turah ka ngai deuh ngawt a, ka biak nawn leh ngei chu a ngaih hmel viau. Ni lo, a muthilh hlan hian keiman a thawmhnaw chu ka thlansak thei reng alawm le, mi pangngai inbel ang tal ka zawn sak loh chuan Mumbai kan fan naah pawh hâk tur dang ngaihtuahsak leh tho angai dawn tihna a nia.

Hotel room chhuahsanin pawnlamah ka lock thlap a, rawn harh pawh ni se engtizawng mahin a chhuak dawn lo tih ka chiang bal.

Shalimar Shopping
Mall, Mumbai.
4:00 Pm.

Ka pian a hnu lama a vawikhat nân hmeichhe inbel tur thawmhnaw ka lei dawn chu a ni a, ka lei ang apiang a ha mai tur a ni. Ka girlfriend takngial pawh ka thlansak ngai lo a nia, Leena Bevon nula zu heh buaipuiin ka thâ ka'n sen hrep chu le..

Dik tak chuan ka buaipui lo thei reng a; mahse, eng emaw tak hian min mawlh tlat! Ka hmuh phat aṭang khan ṭanpui duhna neiin tun hun hi ka thleng ta chu a nia, phurrit mah ni se, midang kuta a tâl pawlawh tur kha ka ngaingam lo pawh a ni mahna. A hmelṭhatna leh a pianphungin min hip chu thuhran, amahah hian 'riau' a awm tlat atin ni!

Silk kawrfual pahnih leh a hnuailam inbel tur ka lei tel bawk a, high heel dum pakhat, Sandal leh a mamawh zualpui casual dress simple thei ang ber ka thlang a, Shane-an min kalpui a tum ngial nâ a, tei harh ka châk ve hrim hrim bawk nen tumah hmelhriat ka nei chuang lo a, zalen taka bazar vel a nuam phian.

'Mipa ka la mutpui lo' Leena thusawi kha ka bengah ari tluk tluk nia maw le, ka awih lo mai ni lo vin thil ni theiah ka ngai lo a ni. A khawsak phung nasa zet hian Virgin lam a kâwk lo tlat.

Ka phone ah lai a rik chuan ka jeans kekawr ipte ka dap vat a, min call theitu tur chu ka secretary leh ka manager bâkah Shane chauh anni.

Sreen-a hming rawn lang ka hmuh chuan ka mengphar âwk mai, ka girlfriend kum hlun, Sadie Roamer a lo ni a! Engtin nge ka number a hriattheih tih ka ngaihtuah nghal a, luhlul chhuahin ka manager a zawt lui ani ngei ang.

"Absalom.." ka pick rualin Sadie aw no zet ka hre nghal a, hun lo viau mah se, reilote te chu be ve ang hmiang.

"Yes, ka number i neih dan ka zawt lo mai ang che,"

"Engtikah nge i lo haw dawn, ka lokal i phal mang si lo va," inla no zetin ati ṭâlh ṭâlh a.

"Zankhat chauh alawm ka la awm le darling, ka lo haw hunah ka lo tlawh hmasa ber ang che, tunah chuan Mall-ah ka awm a, min lo hriatthiam theih chuan.."

"Mall-ah maw!" Mak ati tih ka hre mai, hundangah ka kal peih ngai lo va..

"Umn, ni e,"

"Eng nge i lei hriat a châkawm khawp mai," lawm vak lo âwka hian min chhâng a, sawi loh tawp tur ka sawi a ni. A thikthu a chhe ropui si.

"Ka dah phawt ang i ṭawng ka hre thei lo," tiin ka off zui daih a, inhnial ka peih miah lo, a hun hek lo.

Mall ka chhuahsan rualin ka phone ari leh a, tunge tih ka en hman tawh lo, Leena harh hma ngeia room-a luh hman ka duh a, amah ngaihsak ber niawm taka a thawmhnaw ka lei tih a hriat ka duh awzawng lo mai. Min nêlin min zuam leh sawt emaw a ni a nga, chu chu tuna ka thil duh loh ber a ni bawk.

A tu a pawh ni rawh sek sek, ka chhâng rih lo phawt mai ang.

Santacruz Hotel ka thlen rual a ka thil hmuh hi eng nge? Leena Bevan chu kan room balcony-ah chhuakin pangpar dahna atana an siam chhawrdawhah chuan lawn liam tum tih hriat lutuk hian a lo phar kual a, building chhâwng kua-na aṭanga a zuangthla a nih chuan a chatuan ram pan turin chak fê-in a kal dawn tih hrilh hranpa ka ngai hauh lo.

He nu thluakah hian eng tak awm ang maw!? A â chháh chháh hle mai. Mi eng emaw zat pungkhawmin an thlir ṭhup a; mahse, tunge a nih an hre kherin ka ring lo, kei leh Shane tih loh chuan..

Rang mangkhengin elevator-ah ka lut rawk rawk a, a nun a beidawng viau nge a rui lungpuam thiltih zawk pawh ka hre nek lo. Hlap er zawk a nia ka duh tawh ni. Nidang zawng aiin ka pindan lah chu ka thleng har a, India ram elevator hi a muang fâl deuh nge an ṭawng hman te reng reng hi a, a ri zawt zawt nimai hian ka hria.

Thinlunga phun âng ru reng chungin ka room ka thleng ta hrâm a, kawngkhar kalhna ka hawn lai te chuan 'Thlemêmtuliani' kha a zuangthla tawh angem tih ngawt ka ngaihtuah a, thi mah se ka tân a pawi lo, han ti ngawt dawn ila ka phal chiah lo deuh..

Kei tak pawh hi min hneh ṭan chu a ni mai lo maw! Chu zawng ni lul suh se.

"Lady riangvai chhanchhuak ngam in awm em?" Leena aw ri ka hriat rualin balcony ka pan nghal a, a hmaa ka hmuh dan ai khan a awmna lai a hlauhawm tawh zawk! Vawikhat lek a ke a chhep sual a nih vaih chuan a tlâkna tur chu ka hre sa.

"Leena.." ka aw a hlauhthawnna ri chhuak tur chu ka thup vat a. Ka vin leh chuan a phu zawk anga a tla nghal a ni mai.

"Absalom hmelṭha.." a meng leh chiai tawh a, zû kha a inbelh a ni ngei ang.

"Eng thil âtthlâk nge i tih?" Muangchângin ka pan a, a eu ang zawk zawk a, ka thin a phu ve hman hial!

"Che lo khan ding la, ka pawm thla ang che aw.." zâwldawh thei ang berin ka bia a, a chêt dan haw hle mah ila thinrim hmel hmuhtir chi ni nghal lo chuan.

"He khawvel hi ka tan a nuam hlawl lo," tiin a bân chu chunglamah a phar vah a, zuanthlak a inpeih at tawh, engtin nge ka thlêm tâk ang.

"Lee, lo chhuk teh zanin hian eng emaw surprise-na tur che ka nei a nia.."

"Dâwt, tumah min hmangaihtu leh min ngaihventu an awm lo," ṭah aw ṭiauin a ti leh a, a rui lungpuam ṭawng ni lo se chuan ka lainat ngei ang.

"Rawn chhuk la, ka ngaihven nge ngaihven lo che tih i hre mai dawn alawm," dam thlap a tiin a lam hawi chuan bân ka phar a. Min en ngun ngei mai.

"Ka tân i awm reng ang tih min tiam rawh," ati leh a.

"Aw le, tehreng mai," ka ti ve bawk a, a ruih a reh hunah a theihnghilh mai ka ring. Lo chhuk tum awm anga alan chuan si loh avang chuan ka thinin a tuar lo ṭep chu a ni. Kalsan daih tumin ka inher ta a, "Absalom..." ring zeta auvin ka lamah a zuang zawk a, min bawh thlu nghal tawp! ka tukkhum a hik nghal chhawk mai.

"Ti kha chuan min phatsan thiang tawh lo a nia," tiin Cctv chu a kâwk zauhva ka hmuiah a fawp zui ta a, Leena thangkamah ka âwk tih ka hrethiam chiah...

A rui tawh hauh lo va, a tider mai mai lek a ni. Tenawm lutuk!

Min la fawp uar em em zui a, a hmui lum ham ham chu ka haider thei lo a chhâ chu a ni e..

Balcony chhuatah min bawh rân a, a kutin ka mipatna a hûm bawk a, lehthal záwk châkawm khawpin a mitmeng a no nalh hle, thluak nei lo chu a nih loh tawp hi..

Hmeichhia zawk mahin min cho chuan a duh hi ka pe ngei ang; mahse, invenna ka hmang thung dawn a ni.

End of Chapter-2

©<++++[BeckirafARenthleI]++++>®

3.MONEY|Penniless Love

Becky Rafa Renthlei

Chapter-3

Hotel Santacruz
Balcony
Absalom Colmer
5:20Pm.

Ka chunga rawn bawk thlar Leena Bevan hmel nung sar leh hmui huh hliam chuan ka chhungril a fan raih raih a, a îtawm chiang alawm.

"Absalom, min hnar i tum poh leh ka hnaih zual sawt ang che," ti sapin ka mipatna lo nung ṭan chu a hum nghet sauh a. Mipa tawh phawt chuan an hnar thei bik lo vang!

"Cctv-ah i nuamti râk thawm a lan i duh loh chuan awmsawn la, ka khumah ngei i duh chu ka pe ang che," ka aw a dik vak bik tawh lo, Mumbai ni tla tur chuan kan awmna lai a chhun raih a, duhthusam hmeichhia tawng ang maiin ka chhungril a phur sarh si! Ka girlfriend Sadie nen khaikhin râlah phei chuan he nu min hipna hi a tak ngâih mai.

"Helai hmun tluka nuam tâwlna remchang a awm lo," ka kawr hâk hlimin ka âwm leh dul thûar tisa chuangtlai awm hauh lo chu a fawp lâwr dan dan a, a hmui lum ham ham leh hnâwng chap hian 'thiltihtheihna' a nei a ni ngei ang! Ka insum theihna ka hloh hma ngei a room ka panpui lo a nih chuan Absalom Colmer hian a hun hmain fâ ka nei lo ang tih tunge sawi thei!?

"Tho phawt ang le," tih pahin ka inlet thut a, hnuailamah a awm ve ta thung. A mitmeng hring nghalh de deuh sar aṭang chuan min îtna hmuh tur a awm chuang hauh lo va, mipa ka nihna angin min en mai a ni. 'Mipaah pawh hmelṭha leh nalh uchuak kha ka ni tlat alawm.

Ka thawhchhuah rualin Leena pawh ka pawt tho ve nghal a, tun hunah hian sex hmanpui hnialna ka nei miah lo, invenna pawh ka kawl reng a, ka hman mai loh nâk ah...

A bânah kaiin pindan chhungah ka luhpui ta a, nichina a rui hmel kha hmuh tur a awm lo, a rui tawh tlat lo va..

"I thawmhnaw i phelh chhungin intur ka'n dawm ve lawk ang e.." Brandy no khat tal ka in loh chuan khuma keuh thlûk inring reng hmeichhia hi a duh aia tam ka pe palh ang tih pawh ka hlauhlel lo ve.

"Mahni chauhva intur dawm chu a va fair awm lo ve," Leena chu under wear nen intur dahna lam panin a lo phei a, a âwm bâwr kawh váh, chhîng láh leh a hmur sen no chek saw khawih lo turin ka kut ka hum ruh nasâ. Dollar maktaduai hên awm reng a ni. A îtawm dan em em hi..!

"Khumah lo va awm la, i mamawh dawngsawng thei turin lo inpeih rawh."

"Yes, ok.." ti sapin khum lamah a phei ve mai bawk a, Brandy-in ka hrawk a kâng sa ham ham mai, hmanhmawh lutuka ka in vang a ni a, mi nu uire tur pawh ka ni lo va, eng vangin nge ka tlânchhiat lêm ang ni.

Leena Bevan mu zangthal ar lam panin ka pên phei ve ta chhak chhak a, hmanhmawh ru et et mah ila, tih lan ka tum lo.

Invenna atana ka kawl reng ṭhin, 'Condom' Sullivan product ngei mai chu ka phawrh nghal a, ka taksa lâwng hian nêk a châk viau nâ a, chu erawh a him lo ang tih rinna ka neih vangin ka hre lo der hmiah thung. A luhna tur a thuhmun reng tho alawm le..

Khumah ka lawn ve chiah tihah Leena  a rawn inperh tho at a, ka thawmhnaw inbel muangchanga min phelhsakna, a kut chu a khur chhin eih lo, confi rem rem tak a ni. Mipa a vawikhat mutpuina a ni lo tih ka rin hriat mai!

"Mipa ka hmuh tawhah chuan i nalh ber, Australian mipa te vun ang i nei lo hi ka lawm," tiin a phun sap sap a.

A sawi dik, ka vun rawng nisa em ṭhan tih hriat taka sen uk kharh hi ka pa vun rawng ka chhun vang a ni a, hmeichhiate hîptu ber a ni bawk, ka taksa hriselna leh ka sumdawnna hi ka dah pawimawh hmasa ber ṭhin bawk.

Eng ang pawhin hausa ila ka hrisel chuan si loh chuan awmzia a awm lo tlat alawm le.

"I kut kha i chêt reng dawn nge, min fawp tawh dawn?" Ka sawi zawh rualin a hmuiah ka bur nghal chat a, a thaw lum hiam leh zû rim nam deuh ham ham hian phurna min siam sak tlat! Min chhâng lêt rang ngei mai, duhthawh leh uar farana kan infawh mawlh mawlh kârah a hmeichhiatna hnâwng deuh chap chu ka chûl ta nge nge a, ka inchhir lo; zu rim nam mah se, a hmeichhe rim fai sar hian min aikaih a ni ber mai!

"Absa.." a sawi zawh hmain a hmui ka bawhthuah leh zat a, a meng dâvâ nghal diar nia! Ítawm taka lan dan a thiam lutuk hi 'porn sites' luhchilh tute ang mai alawm le! Hnuailam pawh a inpeih ta at mai. 'Sadie' tih vel ngaihtuah hman ka ni tawh lo, ka hmui lasawnin 'Cd' chu ka kheh hawng nghal a, ka kut a khur deuh titih, kei hi experience nei lo ang maia ka'n zãm thar leh vel chu..! Ka awih thei lo..!

"A vawikhatna hi ka ṭan hmasa ang e," tiin ka malchungah a pakai tharh a, khawvel êng kan hmuh ni a, kan landan ang chiah khan kan awm ta, saruaka hmeichhe nalh lutuk leh sexy zet han nêk ṭâlh ṭâlh chu 'Paradise' panna kawng ka hlat hle mai. Leena kut lum thar tharin ka mipatna a tawh rualin tisa châkna tuifawnin min khuh hlup hlup a, ani pawh a bâng bik lo, atak ram dai thleng tura a âwm bâwr ka khawih nak nak lai chuan kan room kawngkhar ari dat dat a! Hun lo lutuk!

"Absalom, bro..." Shane-an min kohna chuan ka boruak tawn mêk ati khaw lo zo ta.

"Tho teh.." Leena meng buai nak chu ka hmu reng a, Shane-an kan awmdan a rawn hmuh ka duh lo va, kawngkhar hawng turin ka tho chhuak ta a.

"Absalom, i hmabak hi rawn chhun zawm rawh," Leena chu tûm bârin khumah a ṭhingṭhi a, a biang tai tâk saw fawh hrep ka châk. Mahse, tunah chuan ka thluak a su tlat tawh a, sex mood-ah ka chêng leh tawh lo. Ka taksâ thunun tumin thâwk ka la kâwk a, a har ṭalh nia!

"Lee, i thawmhnaw inbel la, pindan hi chhuahsan suh ang che, Shane kan be lawk ang e." Tawnzau dum ka hmuh hmasak ber chu ka inthawlh tawp a, chutiang zelin a hnuailam pawh, Ka girlfriend phatsan ka tumna rilru vang khan ka inthiam chiah lo. Mahse, 'min hnaihtu hian a zir êm a ni' tiin ka inthiam chawp zut zut tho nia.

"Ka lo nghak ang che," Leena'n atih chuan ka chhâng tawh lo, ka unaupa lahin min ko chhên a, kawngkhar hawng turin ka kal ta nge nge a.

Shane nen kawngkaah kan inhmachhawn rân a, a mitmeng fing zetin ngunthlûk fahrana min melhna chu haider theih ka duh kher mai, ka chhungril ṭang ru ṭeuh chu thunun tumin ka nui lui ngial a, a harsa lam hret!

"Mumbai khawlum lutukah hian engtin nge i muthilh theih! Air condition lah i 'on' si lo!" Pindan chhungah Shane chu a rawn lut a, parcel pakhat a keng bawk, ka unaupa theihnghilh ṭhakin kha nu kha ka'n buaipui chu le.

"Ka muhil hleinem," tuivawt ka in nghal khawlh khawlh a, ka taksa la pangngai chiah lo chu ka tui in chuan a ti dai sawng sawng a ka hriat hial chu..

"Vawi eng zat nge ka koh che pawh ka chhiar seng lo, zanin kha i rawn tlai ang e, parcel-ah hian Leena thawmhnaw tur a awm a, ka lo dah zuai a ni." Tiin room chhung chu a melh kual ngial a, zû ûm leh chips, Leena slipper bun te kha a awm darh phung a, mi â tan lo chuan hriatthiam loh tur a awm lo. Shane lah a â der si lo va..

"Nia, i hmuh ang hian kan che nasa khawp mai," ka kiai zui suk a, Shane hian ka mutpui duh a ring tawp nâng.

"Tunah khaw'nge amah chu a awm?" Zawi supa min zawh chuan bedroom lam ka kâwk zauh a, he Hotel cabin changtlung zet hi nuam ka ti phian tih zêp ka tum buai lo mai ang. India rama  luxurious Hotel kha a ni tlat a..

"Ka kal ang e, ka mi sawm te nen inhmelhriat ve ula ka duh vang a nia, 'Mumbai ke Hero' a, a changtupa pawh ka sawm a, tuna a film siam mêkah hian ka Hotel hi an hmang ve dawn tih ka sawi tawh em kha?" Shane phur lutuk hmel ka hmuh chuan Indian-ho hi a ngaisang thawkhat tih ka hre mai, kan inang lo teh e, ramdanga a hotel te chu a tlawh ṭha peih reng reng hleinem!

"Chu zawng ka hmuhpui ve ngei ang che," Shane thaw hawk ri ka hriat vangin a enna lam ka melh ve vat a, Leena Bevan chu room kawngka biang nghengin, kawi sawi zet hian a lo ding a, kan ṭawng a ngaithla vek tih hrilh hranpa ka ngai lo, room chhuahsan lo turin ka hrilh khan ka hria, mahse, awmzia a awm lem lo chu a nih hi..!

"Miss Bevan, lut nghal rawh," ka ti chang fak a.

"Ah, Mr.Shane, intur min dawmpui ve hman em?" A dinna aṭanga kalsawnin Shane a pan a, ka boxer leh tawnzau a ha ve hmiah! A tân chuan a lian lam hret nâ a, engtin emaw takin a inhmeh lawi si!

"Ka kal a hun e, zaninah inhmuh kan tum dawn nia Leena," Shane-an min siai sak paha atih chuan ka nuih a za lo, a chhan chu ka unaupa pawh ni se, mipa dang hmuha taksa lang tam thei ang ber thawmhnaw Leena'n a inbel hian ka chhungrilah chë a awm tlat nia! Eng nge anih phei chu ka hre lo.

"Lo chhuak suh ka tih kha i theihnghilh nge min runluih zawk?" Shane chhuah hnuah ka ṭawng ve chauh va, mit khap fak fak chunga min en in, "Ka lo chhuah loh kha, kawngka bulah ka ding ringawt tih i hmu ve thovin ka hria," pawisawi lo niawm tak hian a nui sak a.

"Kha kha chhuak a ni lovem ni?"

"Ni lo, chhuak chu.." tih pahin chak fê hian a kal a, room pawnlamah a chhuak tak tak nia! Mawl lutuk! A rang a rangin ka umzui leh si. Hotel pawnlamah a chhuak anih vaih chuan buaina nen kan inhmachhawn leh nghalin ka ring.

Ka room pawn lam bang nghengin a lo ding a, rum zetin ka melh; mahse, engah vak angai leh chuang lo va, nui sângin min en chho hau mai, "Mr. Colmer, khum laizawlah chuan 'Lee' tiin min ko va, midang bulah lem 'Miss Bevan' min ti leh si, i 'tactic' a ṭhing lutuk," ati zui erh a, ka va ngei mai mai tak.

"Ṭawng ṭawng lo khan lo lut la, inbual fai rawh." Ka ti nghut a, sawi tur a hre nasa mai si, ka ning leh ṭan dawn tlat!

"Inbual rual ila.."

"Teuh lo lutuk, nichina thil thleng kha theihnghilh hmiah rawh," dim vak lo vin a bânah ka pawt a, a ṭâng ru deuh ṭeuh tih ka hriat chuan ka sa zak mai.

"Kan inremsiamna i zawm ṭhat poh leh i tân a nuam ang, min beisei tawh suh." Ka tih chuan a meng dur khap a, "Ka beisei tawh nguar ang che, i zei lo roupui si," ngeiawm zetin a nui lui ngial a, chu erawh ka huat tawk a tling viau.

A thawmhnaw ka leisak ho chu ngawirengin ka pe a, lawmthu min hrilh nachang pawh zuk hre lo va! Hawi valh valh chungin bathroom-ah a lut hmak a, nasa ve thawkhat hi ka ti! Eng mah ni mang si lo vin a induh ve em em a, Australian hmeichhiate zia ang pu lo vin actress lâr lutuk emaw a inti a ni ngei ang, chu zawng a mumangah pawh a la hmu hian ka ring lo.

Leena inbual chhungin Sadie ka be ve zuai a, ka manager-in min lo call miah lo hi mak ka ti deuh! 'Ice cream doll' an siam mêk tih kha report ka dawn hnuhnung ber a ni a, ka company-in lar lam a pan zel tih hriat tluka nuam a awm lo.

"Absalom.."

"Absalom.." Bathroom aṭanga Leena'n min koh chuan ka chhang duh lo va, sex leh pawisa bak ngaihtuah a nei lo, tunah pawh eng emaw ruahman a nei leh pek a ni ang.

Min koh nawn sek hnuah pawh ka la che chhuak chuang lo va, bathroom kawngkhar inhawng ri ṭhuai ka hriat rualin chu lam chu ka melh zauh a, Leena Bevan chu sam phuan buah chung leh taksa huh hliam chungin ka bulah a lokal a nih chu!

"I hming i hre ta lo nge, min runluih?" Meng ṭha hleithei lo chungin min la melh rum ve hrâm a!

"Eng nge?"

"Tui a zo daih alawm," tih pahin ka ngalah a chhuih zawt nia! A na lem lo mai pawh a, a thinchhe phian lehnghal a..

"Dâwt sawi reng lo teh," ka awih loh êm avangin bathroom lam panin ka nawr kal dawt dawt a, a taksa aṭanga tui far tlak tlak chu ngaipawimawh awm angin a awm lo, room chhung a ti ṭawp vek.

"Dâwt ka sawi reng reng lo," ati ve nang nang a, 'Lalpa leh' bathroom chhung han hnawk turu zia chu le, chhuatah sahbawn leh shampoo a let phung a, towel dahna leh ka mamawh dahna board-ah te chuan sahbawn phuan a kai luai a, chhuat pawh chuti bawk, engti chêtin nge a chêt le!

'Tap' ka herh chhin a, tui far tur a awm lo, shower ka on pawhin chuti tho chu, hetiang hotel changkangah tui han tlâkchham chu leh! Mak awm ve.

"Tikhan ka thusawi chu i awih ang tiraw?" Tifuh inti zetin bathtub-ah a lut vei nalh a, min melh ang kar lehnghal a.

"Ka rawn dahtir dawn nia, lo chhuak tawh ṭhak suh,"

"An lo dah har chuan ka lo chhuak leh tho vang, inti thu lutuk," tiin a phun sap a, ka hre pha reng, a chênna hmun ang maiin a tlangnel em em zel mai si a, ka lo mangang zawk, tumah zah ṭît ṭêt a nei lem si lo nen nula buaithlak tak a ni.

Shane ka phone hnu-ah leh tui an lo dah hnu chuan thaw huai chungin whisky no ka dawm ta a, he nu hi engtia tihchi nge maw ni dawn le, zanina a awm dan a zirin ka kalsanin ka kalsan lovang.

Darkar khat teh meuh bathroom-a atawm hnu-ah Leena chu fai sarin a rawn chhuak ve hrâm a, min ti khawtlai zo vek dawn a nih hi, inbual ka la tum ve si a, hmanhmawh zeta ka chet loh chuan party kan tlai ngei ang.

"Eng thawmhnaw nge ka inbel dawn?" A sam khuih sawk sawk paha min zawh chuan a thawmhnaw ka leisak leh parcel chu a kawhhmuh a, "Make-up tlem tal hman tur han awm se la.." tiin high heel dum ka leisak ngei kha a phawrh zui zat a, a thlêk vat vat hnuah, "Hetiang ka bun ngai lo," tih leh  dustbin-a vawm luh a rual zui a! Ka thinrim a chawk tho ta.

"Miss Bevan, pheikhawk kha chhar la, zaninah bun ang che, i bun lo a nih chuan kan inremsiamna kha a tawp anga, vawikhat mah ka hmel i hmu tawh lovang," zawi fiah faka ka sawi chuan hnuailam a bih tlat a, eng nge maw a hriat hrep ni.

Amah ringawt buaipui tur hian hun ka nei bik lo, bathroom-ah ka luhsan ta a, a duh leh bun se, duh leh paih se, he nu nena inkungkaih hi 'i thinrim reng teh ang' tih nen danglamna a awm lo.

After 10 minutes

Bathroom a ṭanga ka chhuah ruala ka thil hmuh vang chuan nui lo turin ka nghâwnga towel ka bah chuan ka hmui ka hup rang ngei mai. Eng thil dangdai nge ka hmachhawn leh dawn le.

Leena chu room chhungah dingdihlipin a lo kal âwt âwt a, a kut leh lamin high heel dum kha a khai a; 1,2,3 a chhiar nghauh nghauh bawk!

Chê mai duh lo vin a khawsakzia ka thlir ta reng a, chutah pheikhawk chu bunin a kal leh ṭan ta a, 'Lalpa leh' a kal zei lo ngei mai, pheikhawk sâng bun ngai lo tih hriat lutukin a pai khat khat a; a chang leh a ke a rap lek thul! Ka inbual chhung zawngin a lo zir tihna a nia khawngaihthlak zawk hian a..

A tawpah phei chuan ning lutuk tih hriat tak hian pheikhawk chu a chhuih lêng lawp a, 'Ka bun ai chuan kelawngin ka kal duh zawk' ti a a phun sap ri chu ka hre pha tho. Thil dangah a zei hawr hawr hle si a, thiam miah loh a lo nei ru ve reng zuk nia!

"Leena.." en pawh min en duh lo. Huat ah pawh ka la ta bik lo a, dustbin-a a vawm luh khan lo hrethiam awm tak ka nih vei nen min haw ngawt ang.

"Insiam la, dâr sarih hmain ground floor thlen thlâk kan ngai a nia,"

"Ka hmai cheina tur pawh ka nei lo." ati chhum hmak a, lehlam a hawi zui daih bawk a, tuna alandan tak hi ka ngainat chi a ni. Tlat mai a!

"Ok, i thawmhnaw inbel phawt la i hmai cheina tur pawisa ka pe ang che,"

"Tak tak maw.." ati deuh hliai a, lungawi hmel a pu chawpchilh nghal thei nia!

"Ka tiam e, zanin hian ka mualphona tur thlen lo la, zahawm takin awm i tum dawn nia," a mitah tak en chunga ka tih chuan a bu deuh nghat nghat a, ka thla a muang huai mai.

Chumi hnu chuan pindanah inzui lutin kan insiam dun ta a, western dinner suit dum dak hlarh ka inbel laiin ani erawh chuan silk kawrfual bânbul a taksa rem zaiha ṭhui a inbel thung a, a inhmeh lo ka tih chuan dâwt ka sawi tihna a ni. A sam kawi deuh niaih chu sâng takah a vial tawm vek bawk a, kelawnga a awm chung pawhin ka khabe a chen thuak maw le!

"I hmai a engmah i hnawih loh khan i hmelṭha ka ti zawk.." tum loh deuh vin ka sawi chhuak phawng a, engtin nge a lo dawnsawn ang tih lam ka ngaihtuah hman lo.

"Pawisa min pêk phal loh vang," ner sak chunga tiin min en dauh dauh a, "Ṭha min ti viau mah la, midang hmuhah chuan i thup ve deuh dawn nia," ala ti zui ah..

"Ngawi hmiah la, necktie i suih thiam ve a nih chuan zanina i mamawh tur pawisa ka pe ang che," tiin a kutah necktie ka hmehbel chawt chawt a. Makti a âng pam chunga min en hnuah, "Min pe lo a nih vaih chuan ka chêt dan tur hi i rin phâk bâk a ni ang," alamah min kuai hniam a, ka kûn ve mai bawk.

Chutah hnehsawh zetin necktie chu min suih sak ta a, hei chu ka rin loh dan a ni tlat! Dârthlalang hmaa ka in en pawhin a dik zaih mai. A kut hnu a mâm thlap!

"Le, pawisa chu min pe tawh rawh, pheikhawk leina tur nen," ka hmaah kut a rawn dawh dâ a, pek loh chi ninghal lo chuan. Ka wallet-a mi India pawisa note eng emaw zat chu ka pe ta a, a brazier kârah a hnawh lut hmak, 'clutch' takngial pawh a nei lo va, mobile phone pawh a nei chuang hek lo, hmeichhe awlsam tak a ni.

"Tunah pheikhawk leina hun a awm tawh lo va, i tlailam kawr rem tur zawn nan hun ka nei tawh hek lo, high heel kha bun phawt mai rawh aw,"

"Absalom, dik tak chuan ka bun thiam lo.."

"Eng maw!?" Ka hre ru reng tho tak nâin hria anga lan ka duh lo mai zawk a ni.

"Ka bun thiam lo ka tih chu.." ati leh a.

"Thiam i tum chhin tawh reng reng em? Zanin bak a ngai lovang, naktukah Mumbai kan fang a nih chuan ka bazarpui dawn che nia; mahse, zanin chauh chu i bun ngei a ngai a nia."

"A ṭha e, ka bun em em ang, ka bun ang," nui chunga atih chuan ka ner sawk. Pawisa lam sawi tawh chuan a hmin zung zung zel mai chu a nih hi.

"Ok, kan tlai dawn, lokal rawh le.." ka tih chuan î he lovin ka bânah a vuan chat a, pheikhawk pawh a la bun ta lo fo. Mahse, a bun ngei dawn tih erawh ka chiang bal thung.

"Make-up hmang lovin hmelṭha min ti zawk tak tak em?" Pheikhawk bun mawlh mawlh paha min zawh chuan ka bu nghut a, a kun zawnga a âwm bâwr lo lang chuan min hîp zar mai.

"Zaninah ka boyfriend thar ber anga i awm dawn chuan make up ka hmang lovang," ati ve khauh a.

"Lutuk tlat, awmdan mawi erawh i hriat ka beisei," a nui nghal var var a, pheikhawk sâng a bun a nih phawt chuan zan tluana min chelh a duh ngei ang, a hmel hian tu mipa emaw chu a hîp leh dawn chiang tih ka beng awmna ka hriat tlukin ka hre chiang a ni.

Hotel Ground floor
Santacruz Mumbai
7:00Pm.

Kan tlai chhe lo ve, Leena nen inkuah rialin party-na hmun kan thleng ve chiah a, sawm bikte an kim thawkhat a ni ngei ang, intur an lo dawm far bawk a, ka kianga kal hi ka control loh chuan chintawk nei lêk lo vin a in ve leh mai ang tih ka hlauhlel lo ve.

"Whisky nokhat, beer nokhat, wine nokhat, a bâk in miah suh ang che," Leena beng bulah ka hrilh ru sup a, min chhâng lo.

"Absalom, Leena, ka lo beisei reng tawh che u a nia," ka unaupa kan lam panin a rawn nui phei var var a, a nalh leh pek kher mai! Fashion leh hair style buaipui rengtu hian girlfriend zuk hmu zo miah lo va. Nge, a duh zawng tak a la tawng lo pawh hriat va ni suh.

"Bro, Leena lampuina hun min pêk ve ngei ka phût a nia, a duh ṭan der tawh che a ni lo maw," ka beng bulah Shane chu a rawn phun sup a, ka nuih a za deuh, Indian-ho inchei dan hi a dang dai angreng ka ti. A nalh ru phian bawk.

"Lampui tur chuan amah hi thlêm hmasa rawh, a pheikhawk bun hian tlêmin ati confi lo deuh," ka nui zui hawk a, a lâmpui ngam ka ring lo, hetiang mi langsar tak tak intih hlimna hmunah hian kelawnga kal chut chut duh khawpin ât a chhuah duh ka ring miah lo a ni.

"Kan la hria ang chu," Shane chuan ati duh chauh va, kan inbiak mawlh mawlh laiin Leena chu a lo pênsawn hman der tawh! Mipakhat sâng lam deuh hmui hmul leh khabe hmul zuah deuh chhap nen an lo ding dun a, chu pa mitmenga Leena a ngaihvenna niawm tak lo lang ka hmuhin ka sa deuh zak. Engtik laiin nge a lokal sawn hman ni.

Shane chu ka nghawk ta zauh a.

"Miss Bevan dinpui saw tunge?" Ti a ka zawh chuan a nui suk a, "Lokal rawh ka inhmelhriattir ang che u, amah saw alawm kan hotel-a shooting nei tur ka tih kha," ati sauh sauh a. Chuti anih chuan actor tihna a nia, kan Leena hian a lo va pâk leh hiam em maw ni le.

"Tunge a hming," ka lungawi lo ru nghal ringawt nia.

"'Mumbai ke hero' a achangtupa Ram Charan a ni e, a piah chiaha ding saw Priyanka Chopra a ni ve thung a, an pahniha an channa a nia." Inti hre zeta Shane ṭawng zuah zuah lam pawh ka ngaihsak lo. Ka mit la tu zawk chu Leena in Ram Charan bâna a vawnna chu a ni. An inhriatsa ka ring hran lo va, sum hmuhna remchang a melh leh rân tawh a ni ang.

"Min hmel hriattir i tum chuan kal vat teh ang," ka ti hmuk a, ka unaupa nui suk chu ka haider hmiah.

Leena te dinna bul kan thlen chuan Hindi ṭawngin an lo titi mawlh mawlh a, ka sual a chhuak tlat pek. Zanin hian a boyfriend anga lang turin min duh em ni kha, tlêmtê lem kan chang ve lawk a nge.

"Lee, darling, intur i duh em?" English mar nalh zet leh thûm chhaka ka tih chuan an ṭawng lai an tawp chawt a, Shane erawh angaihna hre lo vin a hawi hau thung.

"Ah, Absalom, hei hi ka ṭhianpa Ram Charan a nih hi.." Leena ât loh zia a lang ṭan, a nui sâng a; mahse, a mitmeng erawh a thim raih si! A chhungril aṭanga nui a ni lo tih ka hrethiam ve tlat.

Ram Charan ai chuan ka la sâng fe zawk, english a thiam nâl hle a, actor hlawhtling tak a nih ka ring nghal mai, a polite hle bawk. Shane-an mumal taka min hmelhriattir hnuah phei chuan kan inkawm thei ta phian a, kan company siam chhuah toys pawh a fate tân eng emaw zat an lei tih a sawi nghe nghe a. Nupui nei lai lo nireng in!

Leena Bevan chan a chau leh ta..

Wine no inkhak ri leh music ri ruai ruai kârah ṭawng thawm a ri nak nak bawk a, Leena pawh kal sawn lo vin ka kiangah lungawi awm takin a awm ve mai! Beer nokhat bâk ala in hauh lo tih ka hria a, eng style thar nge a hman leh ang tih ka lo ngaihtuah mai mai a. Mipaho lah chuan an en duh hrep lehnghal a, a brazier kâra a pawisa bâk ngaihtuah lo tu hi venthawn vak ngaiin ka hre ta lo.

A pheikhawk bun pawh rinai takin a kalpui thei phian a! Mahse, ka bân a vuan reng thung.

"Absalom, lâm ve ila.." min melh chho hau a, a hmel make up pakhatmah tel lo hian ati lang hmelṭha zual kher mai. Ka fawp châk et et nia! Ka rilru put hmang inthlâk ta sek hi ka hrethiam ta hauh lo mai ka ti. Shane sawi ang khan a zûnah ka uai ṭan chu a ni êm lo'ng chu.

"I pheikhawk nena lâm kha tum buai duh suh, mualpho a hnai," tiin a ke ka en zauh a.

"Min lampui peih loh leh midang ka sawm mai ang," ti nghauh vin a pensawn nghal der, chutah inla confi zet hian Shane dinna lam a pan ta a, ka chelh ang nge chelh lovang tih ka lo ngaihtuah mêk laiin lâmtual an thleng hman der tawh.

Shane nen inhnaih fê hian an lam ta a, a pheikhawk bunin a tibahlah leh zauh ṭhin tih ka hmuh chuan ka kiai suk. Mipaho mit la thei ber turin a intheh ṭan ta a, an lam dan saw ka hriatthiam chi pawh a ni lo. A mal rawn lang var leh haih ṭhin chuan ka mit ati kham hle a, ka lampui ta lo kha ka inchhir ṭan. A zei hah mai!

Whisky no khat ka tlâk pawp a, hmeichhe ho lah chuan min vir sek lehnghal a, ka ngaithei der lo.

"Hi.." ka bula hmeichhe ding infêng chhing zet chuan min lo nuih var var a, Indian a ni tih alang reng, a mitmu dum fiah kâk chu a nalh reuh phian a; mahse, tu emaw mitmeng a tluk lo hret.

"Hello, " biak zui vak dan ka hriat tlat loh avangin a vawn theih turin ka kut ka phar chhuak a, a lo vuan ve vat a, duh aiin a chelh rei mah mah ka ti. Chutih lai chuan music ṭang zet a rawn ri chhuak a, lâmtual lam ka hawi nghal vat a, Shane leh Leena kha hmuh tur an awm tawh lo va, hmeichhe pakhat leh mipa an lo lâm thung.

Khawihah nge an kal ang le? Ka unaupa a lo bum a nih vaih chuan a châk lo nasâ ang.

Ka kianga ding hmeichhia chu chhuanlam siamin ka kalsan ta a, waiter- zu semtu ka hui laia ka bula lo nui hak ri ka hriat chuan ka en vat a, Shane leh Indian nula pakhat inhnaih fê-in an lo ṭhu dun a, Shane hetah a awm a nih si chuan khawiah nge Leena? Pindan chhung ka melh kual nghal chûk a, kei hi ka dik miah lo.

Party boruak ri hup hup leh nui ri bengchheng zet te chuan ka thluak an luh ngut ngut a, a kil sirah erawh Leena Bevan hlir ka ngaihtuah si! Amah lah chu hmuh tur a awm miah lo va, ka lo ngaihthah deuh atin ni. Ka pawisa pêk kha hmanna tur a zawng ti dawn i la, hetah duhtawka in tur changkang tak tak a awm bawk si!

Whisky nokhat keng chungin Hotel kawtah ka chhuak ve ta ngawt a, mi vei vâk an tam kher mai. Garage kil sira phun sap sap ri ka hriatna lam chu ka pan ve ta a.

Ka rin loh deuh ka hmu tlat!

Leena chuan Tukeplung ṭhi pahnih a lo sam mial mial a, a pheikhawk bun kha a ṭhutna sirah dahin kelawngin leiah a ṭhu sawp niaih a, ka rilrua zawhna awm hmasa ber chu 'tu thil nge a rûk leh tâk!?' Tih hi a ni.

A neitu phalna la hmasa lo va an thil lâk hi 'ru' a ni a, ka hruai chhuah lai khan Tuikeplung chu sawi loh, ka pawisa pêk dah ṭhatna tur takngial pawh a nei lo. Kut ruakin a ni ka hruai chhuah ni.

Chuti a nih chuan party-na hmuna mi tu emaw ber ta a la leh ringawt tihna a nia, engtin nge maw ka'n tih dawn le!

Muangchângin ka hnaih hret hret a, midang hmuh a tih mual kher ka duh lo. Ka thinlungah hian a mualpho hlauhna lian tak zuk awm ta tlat a!

"Leena.." ka kohna a hre lo nge, a awm ngaiin ala awm reng nia!

"Leena Bevan," rang lutukin a lo hawi a, a kut, hnunglamah a thukru nghal bawk a; mahse, ka hmu hman vek tho.

"Er, Absalom.." ati bah ta nak a.

''I kut kha ka hmuh theih turin rawn dah chhuak rawh.." chang fala ka tih chuan a mit hring nghalh chu a khap leh zak zak a, a inthup thei lo a chhâ chu a ni e.

"Aih.." a chesawn duh miah lo a.

"Vawithum ka chhiar hmain ka sawi anga i tih loh chuan i kalna tur hmun chu i hria alawm Mumbai Jail.."

Chutia ka vau tâkah chuan a rawn ding chhuak a, a kut hnunglama la dah reng chungin min rawn pan ta a. Ka bul a lo thlen rualin, "Absalom.." ring lutuka min ko vin a tlanchhe ta thut mai! A chêt dan chu ka beisei loh tak a nih vangin ûm mai nachang ka hre lawk lo va, kawngpui a cross dawnah ka harh chhuak chiah.

Rang mangkhengin ka ûmzui ta nghal a, a tlânchak tih piah lam a ni.

Motor lah a tei zut zut bawk nen ka hmu lo zui ta thuai a, rei ngial ka zawn hnuah pawh hmuh tur eih a awm lo. A hmel pawisawi lo leh ṭha zet mitthla rauh rauh chungin zetin Hotel lamah ka kir leh ta a.

'Leena Bevon, ka zawng hmu ngei ang che, khawi hmunah pawh awmin biru mah la, kei hian ka thlah lo vang che' ka ti chhuak sup a.

Ka zawng hmu ngei ang, hremhmun thleng pawh ni se, hremna pe turin emaw, mutpui tur talin ka hmuh ngei a ngai.

Kan inremsiamna bawhchhe hmasatu chu kei ni lovin ani kha a ni...

End of Chapter-3

4.MONEY|Penniless Love

Becky Rafa Renthlei

Chapter-4

Apartment Bandra
Eastern Fyx
Mumbai India
Leena Bevan

Thaw hliam hliam chungin ka khumah ka ṭhu hle hle a, kelawnga ka tlânna avang chuan ka kephah a durh sen tâk a. Taxi, phar hman pawh ka ni tawh lo, Absalom Colmer hlauvin ka chênna hmun ka pan rawk rawk ta chu a nia. Kha pa kha chuti maia bum theih a ni awzawng lo.

Tuikeplung ṭhi ka dawhkana ka dah chu en vang vangin hei hi ka hralh thei a nih chuan Australia thlenna tur flight ticket leh rei lo te atana luah tur Flat tê deuh ka hmuh theih ka beisei kha a nia, chu zawng Vana rah ang a ni ta.

Kha pa kha a ngawi hlen tawh hauh vin ka ring lo va, min zawng ngei ang. A unaupa lah sumdawng hausa lutuk a ni a, anni tan min zawh hmuh hi thil har a ni dawn lo tih ka chiang ve tlat, eng ruahmanna mah siam mai tur ka hre tawh lo va, ka nun hahthlak zet hi ka kham ta takzet a ni e.

Kei hi Leena Bevan, Australian ka ni a, kum sawmhnihpali a upa ka ni. Ka nu leh pa inṭhen hnuah ka uncle te'n an hnena chêng turin India ramah min hruai ta a, Uncle Lewis Bevan hi Indian merger embassy-a thawk a ni a, a hnuaiah kum thum ka training ve nghe a ni.

Ka nu leh pa inṭhen hian kum sawmparuka upa chauh ka ni a, ka nu in pasal dang a nei zui bawk a, pasal a neih hnu aṭanga thlathum lekah ka pa Joel Bevan chu lungphu ṭha lo vin a boral zui ta bawk nen pahrawn ka hrawn peih loh vanga ka uncle te nupa zui ve ta kha ka ni a, ka tisual chhiava bawk.

Ka sum khawlsa leh ka nu min pêk ka zir zawm lehna tur zawng zawng ka uncle nupuiin a kawl fai vek a, min pek chu sawi loh, a them te liak pawh ka hmu zui ta lo. Ka patea ni se nupui hlau ta ngang a ni a, ka thlavang hauh ai chuan a nupui tlawn kha a thiam neih chhun nimaiin ka hria, tuna ka dinhmun awhawm loh zet hi ka hnê tawh hle a, chu mi aṭanga inthiar fihlim ka tumna lamah ka damchhunga tih ka duh ngai loh rûk ka ru ta mai a ni. Inhlawh tura ka chhuahin ka sum hmuh ang ang min chhuhsak zel bawk si. Khawvel hi ka tan a nuam hlawl lo.

Kâr hmasa mai khan ka pa thurochhiah hnuhnung envelope-a char thlap ka hawn khan lawm avangin ka biangah mittui a tla hial a nih kha, a thu min hnutchhiah hnuhnung ber chu, kum sawmhnih panga ka tlin hunah ka pa share $ 30million hu zet ka chang thei tih min hrilhna a ni. Ka pa a ni tlat a, ka nu ngaihzawng neih a hre ru vek zel tih ka hria. Ka lainat takzet bawk.

Kum sawmhnihpanga ka tling emaw, tling lo pawh ni ila kan chhungkaw chênna hmun ni ṭhin Sidney-ah lêt ngei ka tum a, chu ka thutiam tihlawhtling tur chuan pawisa ka neih angai bawk. Kha Absalom Colmer lah khan a wallet-ah engmah tihtham a nei bawk si lo. Mahse, a hausa hle ang tih ka rin hriat mai.

A ruala India ram chhuahsan theih kha ka inbeisei ve viau a, thiam thil eng emaw, hreh chung chung a ka show chung pawhin ka thlêmthlu thei lo chu a nih ber kha maw! Tawhkhirh lutuk.

Ka hausak hunah Mumbai-ah hian ka lêt leh ngei bawk ang a, min ti hrehawmtu ka thisen zawmpui te nupa hi ka chhuah hauh lo vang, ka nih tum min nihtir thei lo tu leh nun hniam taka min dahtu ka nu leh a pasal pawh ka zuah hek lo vang. Modelling course ka zo tawh a, mipa te hneh theih riauna ka nu aṭanga ka chhawm erawh ka chhawr ve ta zauh zauh chu a nih hi. Leena Bevan ka nih chhung chuan ka beidawng hlen ngai lovang.

Zanin a Absalom-an min lo hmu kher kha chu ka ruahman naah a tel miah lo va, a thu awih a, London thleng zui ka lo ril rûk ve tawh tehreng nen ka che chhe tlat 'Pick pocket professional' ka nih loh zia ka tarlang nimaiin ka hria.

Thawmhnaw te kha min lo lei ve ngei a, min ngaihsak ru deuh tih ka hre ve chiang e, tunah ka patea te nupa Delhi-ah an zin a, an lo haw hma ngeiin India hi chhuahsan ka duh a ni.

'Lalpa min ṭanpui hram teh' tiin ka phun sap a, he ka taksa nalh tak leh ka hmel ṭhatna te hi sumdawn nan hman an la tum lovang tih tunge sawi thei...!?

Ka khumah chuan rilru pik ṭûnin ka mu a, Tuikeplung ṭhi ka lo la ta kher kher hi pawi ka ti hnuhnawh viau, kha pa khan Mumbai fanpuiah min sawm a nia, a pawisa min pek hi ₹12000 a tling hial maw le, ka hmang phal teuh lo. He ram ka chhuahsan dawnah hian ka thleng anga, ala ṭangkai dawn em asin.

Tumah venthawn tur an awm lo bawka zanin na nâ na chu enghelh nei lovin muhil ve teh ang, zu pawh ka in dawn lo, ka thawmhnaw inbel pawh hlip tawh chuang lovin ka mu zangphar diai a; mahse, ka maimitchhin apiangin Absalom Colmer hmel ka hmu zel si.. Shala..!

Ka mutui lai thawm bengchheng zetin min tiharh hlawl a, eng thawm nge a nih ka hre lo! Zinglam darthum a ri chiah a, Absalom-a khan min lo umzui a nih ka ring ta ber. Rang lutukin ka inperh tho va, khawiah nge ka kal ang! Ka che buai nghal vek bawk.

Bathroom a ka lut tur chiah chu ka tukkhum samah tu emaw ni hian a rawn ṭham sawk a, ka che lo chiang teh e.

Kawngkhar ka kalh vekin ka hre si a, engtin nge a lo luh theih!?

"Leena Bevan, nangmah avanga kan buaizia hi hria la tui takin i mu hauh lo vang." Chu aw ril ruih leh chang fak chu Absalom Colmer aw a ni. Hlau viau e ti lo chuan ka hahdam huai huai thei nia.

"Min thlah rawh," ka ti ve tak nâ a, awmzia a awm eih lo. Ka samah ala vuan reng a, tlêmin a thlahdul deuh tih mai chauh a ni. Ka tlanchhiat hlau niawm takin min thlah duh miah lo lehnghal a, amah chauh hi em ni lokal tih en te pawh ka duh ve tehreng nen.

"Ṭawng miah suh, pawnlamah sawn police an awm a nia, thawm i chhuah a nih chuan i dam chhungin Jail bang i zût ang." Hniam chhek chhawk, khauh far si a thu min petu hi nimina ka hriat Absalom-a kha anna a nei miah lo. Ka chhungril khur ru der der chu ka duh lo kher mai! Hlau anga lan lah ka duh der si lo.

"Khawngaihin min vawnna hi thlahdul tal la.." Ka sawi zawh rualin min thlah ve mai bawk.

Absalom-a hmel, ṭo haw tur ang mai a dur khup nen chuan kan inmelh ta rân a.

"Eng anga nula nalh leh hmel ṭha pawh ni la, i nungchang hi i sim si loh chuan bawlhhlawh bawm chhunga mi nen danglamna in nei chuang lo," titu ka hmaa mipa ding, hmel dur khupa min melhtu mitmu buang thak chu zam miah lovin ka en lêt ve kalh a.

"Ka nungchang siam ṭhat nan dollar eng zat nge sen ral i huam tih te pawh sawi ve la," ka tih chuan nelawm fahran lova min melh hnuah kiai suk chung hian ka hmai bulah a rawn kun hniam a, "Ka senso turah buai lovin kha i taksa itawm zet, mipa thluak chawk nu bat thei khawpa nalh kha ka hnenah hralh la, tichuan, i mamawh eng kim pek i ni ang." A aw thûm chhák ri chuan ka chhungril a fan raih raih thei nia!

Dollar eng zat nge ka inchhiar tâk ang!? Ka chênna khawvel hmun thuma ṭhena hmun hnih lei thei tur khawpa hausa a ni tih ka hre chiang a ni.

Ka damkhawchhuah nân leh ka lo awh rûk em em ṭhin nun zahawm nei ve tur hian he pa sawmna hi ka pawm mai dawn em ni ang?

"A zat ka sawi thei mai lo," zawitê-in ka phun sap a.

"Leena Bevan, ka thusawi hi ngun takin ngaithla ang che, tunah hian i thil rûk avangin an chhui mek che, party na hmuna kal zawng zawng kha an ko mêk a, i sahimna tur i duh chuan ka sawi ang zelin awm rawh." Khumah min nem ṭhu a, a hmel rum lutuk pawh alang ziaawm ta deuh e.

"Mahse, ka ru lo ka tih tlat chuan.."

"I ru miau si alawm, kei hian puanzar ka châk zek zek bawk. Pawisawi lo vin an tuar ai chuan a rutu ngei hian mawh i phur mai tur a ni." Ati hmuk hmuk a, ka mang a ang ve ṭan ta.

"Min pui rawh," ka ti ta sap a. Tuikep ṭhi chu ka dahna aṭanga la chhuakin Absalom-a kutah ka pe a, a hmel aṭangin eng mah a hriat theih loh.

"I mamawh tur khungkhawm la, zanin hian India ram kan chhuahsan ang," tiin, ṭhi chu a kekawr ipte-ah a ak zui hmiah a, engtia tih nge a tum tih takngial pawh ka zawt ngam tawh lo.

"Mahse, eng in nge kan kal dawn?" Ti a ka zawh chuan, "Ka unaupa private jet-in kan chhuak ang, a kutah engkim ka dah a, i pawi khawih hi a namai lo tih hria ang che."

"Eng maw i sawi!?"

"Tuikep ṭhi i ruksak te hi Mumbai-a film producer lar tak nupui a ni a, an ngawi mai mai dawn lo tih hria la, ka sawi hi awih mai rawh," khum aṭanga tho vin pindan chhung chêp zetah chuan a vei nghut nghut a, a chezia 'pa' ru riau erawh ka lo en leh veng veng zel.

"I rualin kal ve ngawt ila khawiah nge ka chên ve ang a!?" Ka phur viau tih hriattir kher ka tum lo va, tun hun ngei hi a ni ka duhthusam ṭhin chu.

"Chu lamah chuan buai suh, i nungchang ṭha lo i sim hmak dawn chuan ka kiangah i chêng ve mahna, le, i thawmhnaw pawh siam lo mai rawh. I mamawh ngawih ngawih tur tih loh chu keng lo la a ṭha ang."

"Aw le, mahse, ka hlawh tur kha.." ka la ti hrâm a, min melh rum nasâ.

Chumi hnuah chuan muangchang lo vin ka inkhung ve zung zung a, ka duh aiin a thleng rang mah mah tih loh chu duhthusam thlap a ni. Mumbai erawh hmuh leh ngei ka tum ruh fan a, he Absalom hian thu tam tak min tiam lo mah se, chuti mai chuan min thlahthlam lo vang tih hriatna ka nei ve tlat.

Apartment kawta police pahnih lo vei sek ka hmuh chuan Absalom-a kutah ka vuan vat a, ani lah chuan engah mah ngai lo niawm tak hian 'Aston Martin car' lo dinna hmun chu min panpui nghal hmiah a, mihausa te nun ka lo awh ve em em nachhan chu tun ang hun hi alawm, khawvel hi an ta bik ang maiin an ngam sarh zel.

Buaina tawk miah lo vin car front seat-ah ka ṭhu thân a, nuam ka ti ru veng veng, kha ṭhi ka ru kha ka inchhir hman deuh kha a ni a; mahse, tunah chuan ka inchhir lo mai ni lo vin ka ru lo vang tih ka hlau zek zek.

Ka kianga ṭhu mipa chu ka mitsir zauh va, steering wheel nghet taka vuanin kawng chauh a en a, a hmel thutak rûn hi nimina alan dan nen khan inpersan tak a ni. Kei aiin a upa fê ang tih ka ring a, a hmel a ṭha uchuak hle tih tunah hian ka hmu thiam chiah!  A hmain 'a hmelchhia ka ti' tihna a ni lo va, hetiang êm a ṭha a ni tih hi ka hmu thiam chiah a ni zawk.

"Min en reng suh," tiin min rawn en zauh a, ka zak ve deuh. A fin hmel nasa mai si a, ka thiam tâwp a ka thlêm chung pawhin ka hneh zo meuh lo chu a ni e. Nupui nei lai te hi a lo ni reu reu ang ka ti.

"Ka en peih che chu lawm hle teh," a malpuiah ka hmer lui deuh kher a, zâm anga lan ka tum thertê lo.

"Mipa tel lo vin i awm thei lo em ni?" Ti a min zawh chuan ka sa zak.

"Ka awm thei a ni ang chu, min rawn hmuh lai pawhin keimah chauh vin ka awm kha.."

"I mizia en in riahpui tur i hmu zo lo te a pawh a ni mahna.." ngeiawm zeta min chhânna chuan ka thin ati sa leh phat a, inbeng daih tumin ka kut ka hum ruh ṭang mai. Mipa hi ka nunah pakhat tê pawh ka la seng lut lo tih sawi ka tum reng reng lo. Chapo lutuk. Mahse, ka mamawh si.

Santacruz Hotel kawt kan thlen tâkah chuan a tu mah mah kan ṭawng tawh lo va, tun ang hunah pawh a lûn laih laih khawp mai, police an vei thuak thuak a, ka îp ru zawr zawr thung.

Ka uncle te nupa ta tur lehkha ka hnutchhiah kha ka mitthla rauh rauh a, an nuih a za lo khawp ang, Indian businessman ka pasal tur an zawng ru mêk tih ka hre ru ve kar a, an chawh hi ka ti ngawih ngawih mai a ni.

"Car aṭang hian lo chhuak suh ang che." Absalom-an atih chuan ka bu nghat nghat. Chhuah ka châk lo chiang e, a rang thei ang bera he ram chhuahsan ka duhzia hi hria se min khawngaih hial zawk ang chu maw le.

Hotel pana a kal lai chu ka thlir zui vang vang a, a taksa inkhaithli thlurh leh a pian fuh zet te, a vun rawng sen uk kharh te hi ka duh zawng tak a ni. Mipa ka hmuh tawh zawng zawngah a ni tluka hmelṭha leh nalh an awm lo tih ka chiang ngam sak.

Chutah a insawi ang a nih phei chuan a hausa dawn fia fia si a e, Vanram tenau-ah ka chêng dawn zuk ni reng a. 'Nuam singkhaw' ti a au vak vak ka châk ngei mai. Model chu ka ni hauh lo a; mahse, ka taksa a ît tih hi ka hre ve tlat. Sex hmanpui châkawm tak mipa a ni. Shala, ka thil ngaihtuah mai mai chu..

Leena Bevan mithianghlimah ka chhuak lovang tih tuman an sawi thei lo.

'India to London' ka ngaihtuah zawng ringawt pawhin ka nui leh var var zel a, kum sawmhnihpanga ka tlin hma zawng Absalom Colmer tih lawm hna ka thawk mai ang. Chumi hnuah Australia lam panin ka thlâwk ve tawh ang chu..

Phuba lâk hi thil ṭha a ni lo a; mahse, ka hrehawmna min thlentute hi tawrhtir ve ngei ka tum si a ni.

Mumang chhawngsarih leh Paradise fan ai pawha ka châk chu Hausaka phuba lâk a ni.

'Revenge..' tiin ka phun chhuak ta sap a.

Hotel aṭanga Absalom-a te unau an lo chhuah chuan fel hmel fahran hian kut kuangkuahin ka ṭhu ât a, ka lan dan phênah hian mizia paruk vel ka nei tih he mite unau hi hriattir ka tum miah lo. Ka tum lo bur a ni mai.

"Leena, tluang takin in kal dawn nia," Shane Colmer hlim hmel ka hmuh chuan ka nui ve sak a. He pa hi a rilru a tluangpurh mai zawng a nih hi. Ka ngainat thuai ka ring bawk.

"Mr.Shane, min ngaihtuahnaah ka lawm e," inla polite zeta ka chhân chuan Absalom-a ner suk ka hmu ru reng a. Ani hi chuan min hmu khaw lo laklawh tawh a, a zia viau lo.

Driver a rawn tel ve tâk avangin Absalom chu a hnungah seat-ah a ṭhu a, "Leena, rawn insawn rawh," ati zui zat bawk, ka insawn awm lo e, airport thleng lek driver bula ṭhut hi sual lian turu pawh a ni hleinem, driver hian eng thil hlu mah rûk tur pawh a nei hek lo.

"Ah, tihian a ṭha reng alawm, khawiah mah ka chhuk bik dawn hleinem," rum lutukin min melh a, a mitmeng buang thaka min melh hrep tawh hi chuan ka lungphu a dik lo zel!

"Ka sawi ang chuan ti la a ni mai," driver ding tura a hrilh tâkah chuan insawn loh ngam chi a ni tawh lo, fel kha ka zir tlat a, luhlul chhuah chi niin ka hre ta bik lo a ni.

Car hnungah min hlat fê hian a ṭhu a, min ten niawm ziazâng a!

"Lo ṭhu rawh i ti a, min va hlat si ve!" No thei ang ber ni a ka hriatin ka melh a, a kiai suk.

"Chimawm hun a ni lo a nia, wallet pawh ka ak lo."

"Ak lo mah la, wallet lian chi i ni tho alawm, sum ka nei lo tih sawi reng reng suh," ka ti ve kha kha a.

"In thlahte ho zawng zawng nen lam khan ka lei thei ang che u maw le, Kitty," tiin a phone vibrate chur chur chu a en a, kei hian phone pawh ka nei reng reng lo. Ka sum khawlsa chu sawi loh ka la neih belh turte nen lam min chhuhsak fai lo chauh a nia.

"Kitty maw!?" Ka biakna hre hmel a pu leh tawh lo va, driver hmuh lai hian chimawm ka'n chhuah ve lawk a nge.

"Darling, i phone kha ka lo en chhin," alamah tawlh phei hretin a malpui khauh ṭang jeans kekawrin a khuh mar at chu ka tawk zauh a, mihur awm ṭha duh lo vah min ngai ta sa sa, min ngai zel mai rawh se, ka la hneh dawn khawp mai.

"Leena.." tiin a phun sup a.

"क्या.. (Eng nge?)" Hindi a ka ṭawng chu a hrethiam chai lo. Nuam ṭan dawn dawn e..

"Hindi i thiam nâl viau em?" Tiin min zawt daih a!

"Thiam tehreng mai,"

"Tlem a zawng min zirtir ve la.." ka rin loh dan deuhva atih tâkah chuan ka meng phâwk hrâ a, he pa hian Hindi ṭawng thiam a duh a maw!

"Engzat nge ka hlawh ang.."

"God, pawisa ringawt em ni i thluakah khan awm a!?" Tih pahin ka lu-ah a tuk ṭawlh a, ka run ngei mai.

"Pawisa nei i la i kiangah ka awm tawp lovang," driver nui huk chu rumzetin Absalom-a chuan a melh a, a huat thu ava chhe tîk têk ve le!

"I hming thar tur chu 'Money' tih a ni tawh ang," a malchunga ka kut dah chu ngaithei lo niawm takin a dahsawn hmak a, ka dah lui leh ngat. Airport kan thlen thlengin kan kut chu a che zui ta reng a, a tawpah phei chuan thaw huai chungin, "Nang nen hian engtikah mah kan inrem lo ang," ati zui hmuk hmuk nia.

Mipa tawhkhirh leh sual ve tak a ni.

Khua a var ṭan dêt dêt a, Airport-a Colmer private jet chhungah inhlat fê-in Absalom nen kan ṭhu a, min ngaihsak lo nasâ. A hmai 'Bandana' a khuhin a hmel a hliah vek a, kei erawh ka harh kar thung. Ka bulah pawh a ṭhu duh ta lo. Darkar tam tak kan chuang dawn a ni si a, huphurh tak ka ni.

'Money' ka hming niawm reng a ni. Ka nu leh pa kâr lova ka awm aṭang khan sum ringawt ka ngaihtuah a, ka uncle kianga ka training lai khan 'Bar' ah ka inhlawh ve kha a ni a. Zu in ka hrât phah vek bawk.

Tunah chuan nun nawmna beiseiin India ka chhuahsan ta chu a ni a,  ka hma hun tur hi engtin tak hmang i maw.

Ka hminga min koh thawm ka hriat chuan rang lutukin ka meng chhuak a, police-in min ûm khan ka hria. Ni lo, ka lo muhil sek zawk a ni, ka mumang ninawm leh hahthlâk zet kha vawikhat mah mang nawn tawh lo ila ka van ti tak. Ka meng chhuak ta riai riai a.

Absalom-a darah ka lo bei tlân a, min kuah chialtu a bân lum vung vung chuan ka thlâ ati muang ngei mai. Min kotu pawh kha tudang ni lo vin amah tho a lo ni a, ngun lutukin min en a, chutah nui suk chung hian, "Police-in an ûm che elaw!" Ati ta a.

Ka mumang vang khan ka tâlbuai a ni ngei ang. A hma khan kan inṭhut hnaih lo tih ka chiang ve tlat.

"Ûm mai mai lo." Min kuahna aṭanga inlâkhran ka tum chuan min vuan nghet sauh va. Eng nge maw a hriat tehreng ni!

"Lee," thâm sapa tiin ka hmui chu a en deuh ngur a, chutah rawn kun hniamin dim leh duat ber niawm hian min fawp ta a, a va nuam si êm..

Hmanhmawh hauh lo va min fawhna chuan ka lu a ti hai chiai chiai thei nia, ama duh thu rënga min fawhna hmasa ber a ni bawk, uar fahrana ka chhân lêtna chuan phurna a pe sauh a ni ngei ang, a kut, ka kawr âwm chhungah a rawn dah lut a, dim tê-in ka hnute chu a tawk ta a. Absalom hian min ît ka tih reng kha!

"Tun hi sex ngaihtuahna hun a ni lo," a hmui lasawnin mahni inbia a ang zawk mah!

"A ni tih ka sawi bik em ni?" Ka ti zui ve zat a, a kut lasawnin a tho nghal bawk a, a khawsak phung hi mak ka ti lo thei lo. Daidanna bang chhah tak nei ang maiin a invêng ru rân a, nupui nei lai a lo nih chuan kei hian engtin nge ka tih tâk ang. Mi nupa inkâra inrawlh hi ka duh der lo. Ka nu leh pa avang pawh khan, nula fel tak ka ni lo nâ in, misual tak pawh ka ni chuang lo.

Absalom chuan min kalsan ta daih a, a ṭhutna ngaiah khan ṭhuin Laptop a inchhawp bawk a, tihbuai ka tum ûk a; mahse, ka ṭhulh leh ta zawk. Rei lo te muthilh leh tumin ka chhing ta vang vang a.

International Airport
London
3:00 Pm

Airport-a min lo hmuaktu ka hmuh chuan London ka pan ta hi ka inchhir nghal titih der. Hmeichhe pakhat leh driver niawm tak hian min lo hmuak a, chu nu hmel ṭha ver vawr tak chu Absalom-a nupui a nih ngei ka ring.

Nu tê lam deuh, sam buang thâng niin a pian nalh zet chu chhuang fahran hian kan lam panin a rawn phei háh háh a, kei aiin a upa zawk tih a hmel aṭangin ka rin hriat thei mai.

"Absalom duhtak, min surprise nalh kher mai," ati no nghar nghar a, keia inti no ṭawng ve te kha chu he nu ṭawng dan lakah chuan nêptê a ni.

"Sadie, min lo hmuah ka beisei miah lo," chu nu hmui a Absaloma'n a fawh chuan ka lo îp zawr nia! Min fawp zo chauh va hmeichhe dang a fawp leh thei nghal hi ka rilrem zawng a ni ta hauh lo. Sual ka'n chhuah ve leh lawk teh ang.

"Min hmelhriattir i tum na nge darling," tih pahin Absalom-a kutah ka vuan a, chu nu meng alh phât chu ka hmu nghal pang.

"Leena, Sadie anih hi.." a hming hnuhnung pawh sawi lo vin a ti liam puat a, a nupui chu a ni lo tawp ang.

"Duhtak, khawilam mi nge i rawn hruai hawn ve ngawt a, toys a siam thiam em ni?" Sadie atih nu chuan min melh râm râm a, ka chhuih zawt châk, inla no chawp ho hi ka ngaisang lem lo.

"Miss, toys lam chu ni lo ve, dollar eng emaw zat intiamkamna thil zawk a ni." Ka ti ve salh a. Dâwt ka sawi lo reng bawk. Min lei tawh tlat a, dollar man tam hu ka ni.

"Leena!" Absalom-a hmel dur khup chu ka hre lo der hmiah, min hmuaktu tur an awm dawn tih a sawi loh man a nih hi. Ka thil tih engkim hian man a nei vek. 'Money' tih ka hlawh phah tâkna kha...

Lexus Ls car-a kan chuan hnu pawhin ka ngawi ngal a, Sadie erawh a ṭawng barh barh reng a, ka hnê khawp mai. Front seat-ah ka ṭhu vei tharh a, anni pahnih a hnungah an ṭhu thung. Ka chhungril sa phet phet tireh tur hian beer vawt raih in ka châk kher mai.

Absalom pawh a ṭawng tam lo khawp a, Sadie biakna chu a rul tawk lek lekin a chhâng mai chauh a ni. A nupui a nih ka ring lo tulh tulh a, ka lo thâwl ve huai thung si. He nu aia ka ṭhat lohna hi ka hre bik lo ve.

"Helaiah hian ka lo chhuk lawk dawn em ni ang," Driver ka biak chuan dinna tur remchang a melh nghal vat a.

"Hamish, din a ngai lo tlân zel rawh," Sadie lo inrawlh chu ka ngaithei ta miah lo. Hnunglam hawiin rum lutukin ka melh a, "I kâ kha i chîp lo a nih chuan," tih pahin ka sandal bun lai chuan ka tin uaih a, a ṭawng leh vaih chuan ka vawm ngei ngei ang.

"Sir, ka ding dawn em?" Driver chuan zah takin Absalom chu a râwn leh tê tê a, inla boss hlawm lutuk mai.

"Leena, eng nge i tih dawn?" Absalom chuan min zawt ve khauh a.

"Eng mah, a ngai tawh lo." Ka ti leh lawi si.

"Hamish, tlân tlang rawh," driver-in min melh zuk hnuah ding lo vin a tlân tlang ta a, tumah kan ṭawg tawh lo.

An chênna hmun pawh ka hre lo va, zawh buai ka tum bik lo.

"Darling, he nu hi tunge?" Rei fê hnuah Sadie chu a rawn ṭawng leh ta a. Ngawi renga awm hi a thiam hlawl lo em maw ni.

"Tunge ka nih a hrilh tawh che in ka hria, Leena Bevan ka ni e," hnunglam hawi chuang miah lo vin ka lo chhân khalh hmak.

"Nang ka be lo che.." A pawr ngei mai.

"Min be lo mah la, ka chhâng thung che alawm, i ṭawng leh chuan ka sawi ang khan ka che tak tak ang tih hre rawh," zawi sap, fiah tak si a ka ṭawng chuan hna a thawk ṭha kher mai. Chu nu pawh chu a ngawi ta vang vang a, Absalom Colmer hmel hmu thei ila chuan a rum leh pek viau ang. Mahse, ka hmu tlat lo va.

Nupui nei lai a nih loh chuan tu ta bik mah a ni lo tihna, a girlfriend pawh ni rawh se, kan inremsiamna kha ka theihnghilh mai mai dawn lo. Helai thleng thleng hian ka zui ve tawh a, ka taksa, rilru leh thlarau hralh huamin a ni ka zui ni.

Nun zahawm leh mi zah kai ni tur chuan engmah lo aṭanga ṭan ka ngai a, ka kawng min sial saktu tura ka zui leh dollar tam min tiamtu Absalom hi ka chhuah dawn reng reng lo.

Chu chu a ni bur mai, ka beirei ta deuh a nih leh ka tuar ve ṭâng ṭâng zel mai a ni ang chu...

End of Chapter-4

©<++++[BeckirafARenthleI]++++>®

5.MONEY|Penniless Love

Becky Rafa Renthlei

Chapter-5

Artillery Colmer
Mansion SWI
Westminster
Absalom Colmer.

Ka chênna hmun kan thlen chuan kan bungrua tlêm azawng ka driver Hamish-an inchhungah a thiar lut a, Sadie tûm bâr chu thlêm ka tum hran lo va, hmeichhe thu hlaah inrawlh tumna lah ka nei hek lo. Ka nupui a la ni bik êm hleinem, bâkah Leena aiin a upa zawk a, amah inhaikaw thei turin a puitling tawh bawk, lo inkhak vel mai mai teh se a.

"Darling, he nu hi i kiangah a chêng ve dawn tihna em ni?" A ṭawng no thei lutuk hi ka kham lek lek zel a; mahse, ka girlfriend nghet a nihna zâwnah ka haider sak vel mai mai a ni deuh ber. A ṭawng hre phâk a Leena a awm lo hlauh chu a vannei kher mai, kan Leena lah kha a kawlh tâk mai si a, vawikhat an inhmu dêk dêk a, zuk inmil lo nghal em em a! Sadie pawh a nasa ve thawkhat a nia!

"Chêng dawn e, ani buaipui lo khan intur lo thli rawh, ka chau a nia," kan boruak tih zangkhai tum takin living room-a single sofa inhûng lam ka pan san ta daih a. Ka bialnu aia nalh leh hmelṭha Leena Bevan hi a rûkin ka ṭan deuh tlat! Ka rilru puthmang pawh ka hrethiam tawh bik lo.

Sex hmanpui ka châk viau te pawh a ni mahna...

Sadie kal tau nghawng nghawng chu ka ngai thutak lem lo khawp mai, 'Kei ka ni' inti ve chin ni mah se min thlah phal dawn lo tih ka chiang ngam sak. Ka hausakna mai piah lamah zan lamah kei aia tilawmtu an awm tlat lo va, invenna ka hmang reng a, ani hian naupai lam ngawt a rilrûk tih ka hria, ka nupui atan ka lo it ru deuh ṭhin kha a ni a, tunah chuan a aia ṭha ka hmu ta tihna ni lo vin Leena hian min hîp deuh tlat zâwk!

"Absalom, ka room tur min kawhhmuh tawh la," Leena chu boxer leh tawnzau chauh inbelin a rawn chhuak leh ta teu mai le! Ka thawmhnaw a duh duh a thing phar ve ngawt zel hi ka ngaihdan a ni hauh lo.

"Tu thu-in nge ka pindanah i lo va luh ve ngawt?"

"India ram aṭanga min hruaichhuaktu Absalom Colmer thu in.."

"Ngawi hmiah rawh, ka hruai chhan che chu.."

"Min hruaichhuah chhan maw, venhimna ṭha dawng tura min duh vang leh sex min hmanpui châk vang," ka sawi zawh hmain min lo chhâng thawt thawt a, Sadie râk ṭhat ri ka hre zui zat bawk. Leena thusawi kha a hre hman chiang! Ka inrawlh dawn reng reng lo..

"Nang nu kha ka boyfriend i lo thlêm vel amaw," tih pahin Leena hmaiah whisky-in a theh ṭhawt a, ka ṭhutna aṭangin ka lo kâng âwk hman. Mahse, ka ṭhu leh riai riai a.

"Thlêm angai hran hleinem, ka awmna country dang daih aṭanga min hruai chhuah danah i boyfriend hian min ngaihsak viau a nih ka ring," chang faka tiin Sadie chu zawimuangin a pan chhat chhat a, a mitmeng de sar aṭang chuan eng nge tih a tum pawh ka hre thiam lo. A ṭawngkam kha ka tan ngeiawm viau mah se ka nuih a za ru tlat nia!

"Absalom, miss Bevan hi i tân eng nge a nih?" Sadie-in min zawt ta khauh a, chhân mai dan tur ka hre ta hauh lo, ka tân eng nge a nih ka hre rih tlat lo a, tun dinhmunah hian affairs neihpui ka hnial lo ngei mai a; mahse, chubâk chu a nungchang simtir hi a nimai.

"Kei min thlauhthlain he nu hi i kawp tih   awih harsa ka ti hle mai," a no ken lai chuan min rawn vawm thut a ka lo inring bik lo nen ka chal ri fawk leh ka lu hai chhak chu ka hre zui zat!

"Shala.." Leena a che ve ta phat mai! "Nang nu hi zirtir deuh i ngai a ni," tiin Sadie tukkhum samah a ṭhâm a, a nâtuar ber pawh chu min ngaihsak lem hlei lo va, ka chal thi ser ser pawh kei tih loh chuan an hre miah lo. Anmahni buai buaiin an lo inbakkaih tumhrang ve bawk nen an ṭê teng tung ngaihthlâk hi a nuihzatthlâk letling phian.

Cho leh cho chu insual ang hmiang, he mite pahnih kiangah hian awm reng ila Colmer toys company neitu tih ka intheihnghilh hialin ka ring.

Sadie râk ṭhat leh ṭap deuh par hmel ka hmuhin Leena chu duhtawk tura hrilh a hun tih ka hria a, nula nalh lutuk pahnih keimah vangin an insual a nia,  ka pian a hnulama ka vawikhat tawnna, 'Shala' tih hi a awmzia hre ve chiah lo mah ila Leena hmuiphun nen hian a inrem bik riau vin ka hria..

"Sha..la," ban deuh chapin ka phun ve sup a.

"Nangni pahnih kha duhtawk tawh rawh u," Sadie tlereuh inbel, sana, bengbeh leh ṭhi te chu a mal malin Leena'n a lo phelhtir nghauh nghauh va, kut a thlâk hran miah lo, hei chu a zia ta deuh ve, ru lo vin a neitu berin a phelh miau alawm, eng atan nge atih zawh kher ṭulin ka hre hran lo.

"Absalom, i hmeichhe khawi huaisar zet hi police hnenah ka report dawn," Sadie chu a ṭap ṭuau a.

"I duh leh min report la ti nia, ka chênpui tur kut i thlâk a, ka report palh ang zawk ang che, i kâ i âng leh a nih vaih chuan North pole mai ni lo, India rama 'slum area' hmunah ka thawn ang che," tih pahin Sadie tlereuh chu dawhkanah a rawn dah a. Ama puala neih a tum lo a ni ngei ang.

"Miss Bevan, tunge ka nih i hre lo a ni ngei ang, ka chunga i chêtdan mawi lo zet hi.."

"Ṭawng tawh suh ka tih kha, ngaihdam min dil hunah i thil hi i lalêt leh thei ang,"  tiin dawhkan a melh zauh a, "Ṭahpui tham nâ i nei pawh a ni si lo va, na nei zawk i boyfriend lah a ṭap eih si lo, nep lutuk.." a duhthawh ve tân tân a nia, a ṭawngkam tin hian ka nuih ati za tlat a, dik tak chuan ka bialnu thlavang hi hauh tur ka ni tawh. Mahse, a ṭawngthei ve zawt zawt lutuka ka chhan thâ a tho vak bik lo a ni.

Chumi hnuah chuan Leena zawk chu inchhung aṭangin a chhuak nalh a, Sadie nen chauh kan awm ta.

"Absalom Colmer, min bum nalh hle mai," Ka bulah lokalin nichina a hlauthawng hmel kha hmuh tur a awm tawh miah lo va, ka hriat ṭhin Sadie Roamer dik tak kha a ang leh ṭan tawh.

"Ka bum che anga i inhriat vang a nih kha.." ka ti hmuk a.

"India ramah ni hnih khat lek i zin a, i danglam ta dawrh chu a ni si a," pangchang aw taka atih leh chuan ka luak ati chhuak.

"Hamish-a ka bia anga haw phawt mai mai teh," tiin ka ṭhutna aṭangin ka tho chhuak nghal a, ka kâwngah min lo vuan vat thung. Kha maw! Ka kalsan hi a hlau zek zek tih ka hre tlat a ni. Hmeichhia, min duh huam huamtu ai chuan inluling deuh hlek leh mahni lu zo veh vawh lam ka âwn ṭan tlat, 'Money' i tereuh kha khawihah nge a teichhuah ni.

"Absalom, kha nu kha hnaih lul suh," tiin ka âwmah arawn bei chial a, kuah lêt châkna ka nei miah lo. A rimtui hman ka hriat fo ṭhinte hi ka hnê ta riau va, ka chhungril a tawk che pha tlat tawh lo.

"Ka hnaih ngei angai, dollar tam man a nih kha.."

"Eng maw!? I company-ah ṭangkaina a nei tihna em ni?" A meng phâwk hrâ a, ka va sawi thui teuh ve le..

"Leena chungchâng sawi hi i duhtawk teh ang, ka inah, ka hnenah achêng ve dawn a, chu zawng chu a ni e."

"A lo nih hlawm tak chu, tenawm khawro pa.." mengling hlar chungin kawngkhar lam a pan tau sawk sawk a, ka inthiam chiah lo. Mahse, hmeichhe titau hrât lutuk hi ka ngaithei ta lo pawh a ni mahna.

Ka chal pem thîp zek zek avang chuan 'first aid box' awmna lamah ka phei a, tuna kan awmna Mansion-ah hian housekeeper ka nei hran lo va. Company lam aṭangin kârtin tifai tur an lo kal ziah a, ka chênna hmun pangngai Onslow square-ah erawh housekeeper pahnih ka nei thung.

Leena Bevan hian thil engkim zirchhuahna hmun atan ka Mansion hi hmang teh se, hmundangah zawng pawi a khawih leh lo vang tih hriat pawh va ni suh. Amah lah hi a tei ang thuak thuak a, thawmhnaw mumal sawi tlâk a nei si lo va, ka thawmhnaw in a tuar zel lehnghal vei nen arang a ranga ngaihtuahsak a ngai dawn a ni.

Plaster ka lo cheh mawlh mawlh laiin Leena pawh a lo lut ve chiah a, ama in ang chiaha ngai niawm tak hian intur dahna lam panin 'beer can' khat a phawrh nalh a, a hâ hmang bawk a seh hawn a tum leh chuan, "Money, engtia hawn tur nge tih kan sawi tawhin ka hria," a phu zawk a, a beer ken lai a thlauh tawp nia!

"Yaar, ka hming dik hmang rawh Absalom.." chhuata beer tla chu chharin ka awmna lamah a lo phei a, "Khatiang ṭahbelh lutuk kha hmuh nawn ka peih miah lo a nia," tih pahin beer chhin chu a kutin awlsamtê hian a hawng a, a hmui nen chuktuaha a in khawlh khawlh ka hmuh phei chuan in ve ka châk ta riau mai ka ti.

"Min lo lâk ve la.."

"Eng chu, chhumbung deuh deuh a ṭawng ching suh, ka ngaithei lo," min ti zui erh a, a kut veilamin a kâwng a dawm ât a, dinglamin beer ûm a hûm bawk a, a inla confi thei ropui mai si a e, ka zo lo lam deuh hrat chu a ni e.

"Khawi, beer kha min pe ve rawh," min chhâng lo vin cupboard-a kâwk va a, chhiahhlawh 'number one' niawm ziazânga min han kawhhmuh vel chu le!

"I in lai kha alawm ka duh," ka tih chuan a kâ chhunga a hmuam, a la lem hman loh ni ngei tur chu beer ûmah chhâk lutin min pek zu han tum a!

"Leena Bevan, i ṭawp lutuk.." ka ten êm avangin ka ner zui sawk a, a chêt dan ṭhing thei lutuk hi khawi 'colony' mah hian an chîng ve-in ka ring lo. 'A nalh nâ a, a ṭhing ru phian si' tih ang vel a ni.

"Ka in lai kher i duh ni khân ka hria a.." a mitmeng pawisawi lo zeta min melhna chu ka run ngei mai.

"Kal teh, ka hmuh phâk lo vah awm rih phawt rawh,"

"Yes, sir.." beer chu dustbin-ah vawm lutin a dang pakhat leh whisky ûmkhat a la chhuak leh a, zak lo lutuk ka khap vat a ngai.

"I thil ken lai kha dah la dinner tur buatsaih rawh, he inah hian housekeeper ka nei miah lo a nia,"

"Tehreng mai, mahse, ka thilsiam tur hi i in duh ve ngei ang dinner ei hmaa in chi a nia," choka lamah a lut zui nghal a, a hnungah ka zui ve leh ta tho a.

Dawhkanah whisky leh Beer bottle chu dahin Fridge a hawng a, eng nge a zawn pawh ka hre îkhaw lo mai!

Chutah cream bur lian ber chu la chhuakin bowl-ah a suak chhuak a, beer leh cream, whisky ala tel cheu bawk! A tui hian ka'n ring lo mai mai khawp a, ner sawk sawk chungin a chezia chu ka en ve tawp.

"Pina Colada anih hi a tui teh mai a nia," tiiin a hâwp zui zat a, ka in duh teuh lo mai! Duh leh amah hian in zo vek se ka awt lo ve.

"Absalom, kha in ve chhin rawh," fian khat papin a suak a, min intir zuk tum a, a teuh hian a teuh lo. Ka in ai chuan zanina kan dinner tur hi siam vek ka thlang zâwk.

"Ka duh lo,"

"In ve chhin teh, i inchhir lo vang," ala ti ṭâlh a, a kianga ka awm reng hian ka â thei takngial dawn, chimawm si! Mahse, a hmelṭha lawi si.

"Dinner tur i buatsaih chhungin ka lo inbual ang e," ka tih chuan a ner sak a, "Engzat nge ka hlawh dawn?"

"Naktukah i account-ah pawisa ka thun dawn nia, chimawm chhuah lo la.."

"Hetah account ka nei lo."

"Tihdan kan dap ang, dinner ei hun hma chu min tibuai tawh suh ang che, i duh ang taka zalenin awm la, eng mah hi rûk chhuah emaw chheprelh tum bawk suh ang che."  Tiin ka pindan lamah chhoh tumin ka inher ta a.

"Absalom, kan inbiak angai a nia," zawi sapa atih leh chuan ka ding chat.

"Eng chungchângah!?"

"Eng nge ka thawh ang tih leh eng zat nge ka hlawh tur tih vel kha.."

" 'I taksa ka hnenah hralh la' tih kha ka sawi lo vem ni? Zanin aṭangin ka 'hmei-ah' i ṭang dawn a nih chu, i hlawh tur erawh min tih lawm dan azirin ka pe ang che, lungngai suh a tlêm chhe hauh lovang," ti deuh duah chungin room-ah ka chhohsan ta a, a âu chûl ka ring deuh kha a ni a, teuh lo mai! 'Ṭîk' pawh zuk ti duh lo va..!

Zân hun thleng thuai se tih ngawt ka ngaihtuah a, Sadie kalsanin eng vangin nge man to taka ka lei hmeichhia hi ka mutpui mai loh vang, intiamkamna kan nei tawh a, bawhpelh ka tum reng reng lo. Ani lah mutpui châkawm hliah hliah khawpa nalh leh îtawm a ni si.

Shower hnuaiah dingin tuilum pep pepin ka taksa a phuh seng seng lai te chuan a hnute hmur sen chek leh a kâwng fêk rât te, a heh vâm hãm te kha ka mitthlaah a châm reng nia! Ka taksa hnuailam ti che tur hian eng 'sites' mah en a ngai reng reng lo, Leena Bevan hming ka thinlungin alam rîk rualin ataksa ka mitthla nghal thei alawm le.

Hmeichhiat mipatna chungchangah ngat chuan ani tluka min chawkphur thei kha ka la tawng lo, a taksa sîk leh tluka thlâkhlelh pawh eng mah ka nei hek lo! A tur hian min tur et et ni berin ka hria!

Uluk lutuka shower gel-a innuai phuanin zan lam hun tur ka dream veng veng a, Paradise kil te pawh hmu pha hiala ka inhriat chu le, â, awihawm loh lutuk! Hetiang em em sex ringawt buaipui mipa hi ka ni ngai lo, tenawm rawng ka kai ṭan deuh tlat.

Bathrobe pawh ha lo vin towel ka veng ringawta ka room-ah min hmu tur tumah an awm chuang hleinem maw le.

Ka khuma lo ṭhu ka hmuh chuan ka pen lai ka tawp chawt. Leena Bevan chu rui tih hriat lutukin a thlê bâk bâk.a, minute sawmpanga êm pawh ka inbual san lo asin le!

"Money," meng ṭha hleithei lo niawm takin min en diar diar a, ka tawnzau leh boxer kha ala inbel reng bawk a, inbual ve awm tak! Nge? Kei ang tho hian min mutpui a châk ve viau tih hriat pawh va ni suh.

"Absalom hmelṭha.." khum aṭanga dinchhuah tumin a insiamrem ve ngial a, hlawhchham ṭhak!

"Leena.." Min chhân tum niawm takin a âng zuau a, chutah irhfiak awk awk chung hian vawilehkhatah a luak ta ngheng mai! 'God' tenawm lutuk, ka luak ve lo chauh zawng a ni e.

Buaipuitu tur midang awm hek lo, ka khumah chuan tui lo zet chungin ka mut ṭhattir a, room chhung lah whisky rim a nam rum rum bawk a, thinrim tak ka ni.

Thawmhnaw pawh inbel ta chuang lo vin a luak chu ka'n thian ta tehreng a nih kha, zanin zet zawng eng dinner mah kan ei dawn lo tih a hriat reng mai. He nu hian min tibuai mai ni lo vin min la chîmral ngei ang maw le, billionaire fanu hnâwla ka thlan hian min chawkbuai teh e.

After 2 hours
Master bedroom

Omelette leh toast bread-in ka inhnawhpuar vel ta mai mai a, a lo harha a rilṭam a nih leh a insiam chawp ve tawh mai ang.

Ka kianga hmeichhe mu chu ka en leh vang vang ṭhin a, 'idea' thar ka nei, Leena Bevon hmel ang hi toys-ah siam chhuak ila hralh a tla phianin ka ring a, keimah ngeiin ka siam dawn a ni. 'Money doll' tiin a hming ka vuah nghal thlap.

A rawn rûm chhuak ṭiah ṭiah a, a kut dinglam chu ka lamah rawn vai thuakin ka dulah tak a nghat a, dahsawn ka tum ûk a ka ṭhulh leh, hmeichhe zurui chatthla khawih duh tur khawpa mipa nêp nih ka duh loh vang chauh vin ît ru deuh chung hian ka hnuailamin 'North pole' kâwk eng ang mah se ka inthunun ve ṭâng ṭâng a, a harsa lam deuh chu a ni.

Ka lo chhing sek a ni ngei ang ka harh leh chuan ka hmai bul chêtah Leena'n min lo en a, a mitmeng phi chiai kha tlêmin areh ta deuh, "Absalom, ka hna ṭan turin ka inpeih e.." ka hmuiah a rawn fawp zui nghal a, hnial ka tum lo hrim hrim, duhthawh leh chintâwk nei lo lêkin ka fawp lêt nghal a, a inchhir awm lo teh a nia.

"Dollar engzat nge min pêk dawn sawi la, i ta ka ni nghal.." a hmui lasawnin chiang takin min melh a, a zât sawi mai tur ka haihchham tlat.

"I duh zat zat a ni mai, nau i pai lohna tur atana ei chi damdawi i nei em?" Ka tih chuan a mengphar deuh âk a, chutah a lu thle bakin, "Chutiang ka kawl lo, eng mah ka nei lo," ati ta a.

Ka thin arim phat mai.

"Nang hian min bum i tum elaw!?" Ka vin nghal tuar a.

"Eng maw i sawi!?"

"Invenna tel lo va sex kan hmang a nih chuan i rai thei tih i hria ang chu maw!" Khum tlângah ka ṭhu chhuak nghal a.

"Hria e, nangpaw'n hman i tum hleinem," tiin a tawnzau hâk chu a phelh a, ka sosâng zualpui a reh deuh tawh a, ka thinrim ṭûn mai. Sum a mamawh vangin min mutpui a hnial lo va, ka fâ pai theih a lo inbeisei tehchêk a ni ang chu! Zahpuiawm lutuk.

"Invenna tel lo-in mutpui che ka tum lo, ka tum lo hulhual," ka ti leh nghut a, min chhâng tawh lo vin a boxer hâk a phelh leh a, a pianhmang nalh zet hi en loh har ka ti. Mahse, a thluak phakar lutuk hi ka man hman hlauh.

"He lai thleng thleng hian ka zui tawh che a, chuti mai hlawhchham ka tum lo, nang Absalom Colmer hian ka hlawh tur min  pe dawn lo a nih chuan nang aia mipa hausa London-ah hian an awm ngei ang," ti hmakin bathroom a pan nghal a, a chêt dan chu ka beisei loh dan tak a nih vangin ka hrilhhai letling phian.

Kei aia hausa chu an tam lo va, kei anga hmelṭha an awm bawk lo. Mipa dang kianga mu tur anga ka ngaihtuah zawng ringawt pawhin ka sa nghal phat a, a theih loh, a theih loh bur.

Eng anga nula lepchiah pawh ni se, a mizia leh a khawsak phung dangdai zet hian min hîp si a nih hi..

$5million ka pe phawt anga, chuta ṭang chuan a awmdan a zirin ka sân leh ang. Ka thlah phal ngang lo!

Bathroom aṭangin a lo chhuak har hle a, a titau chu nichiahin ka hre lo. Hmeichhe thlêm vel hi ka thiam zawng pawh a ni hrep lo e a.

Leena lo chhuah leh lai chuan intur dawm chungin balcony-ah ka lo ding a, tlângnêl takin ka thawmhnaw dahna a hai leh hmiah!

"Inbel duh tingtang suh," tiin room chhungah ka lut ve nghal a, min en duh ṭhak lo.

"Lee, thinrim lo vin sawi dun ang," dam deuh zawka ka biak chuan min en ve ta hrâm a, a mitmeng pawisawi lo leh thim raih hi nidangah ka la hmu ngai lo.

"Sawi dun tur teh vak a awm hleinem, nang lo pawh mipa an tam tih ka hria," ati deuh kher a, chu erawh ka paidam thei ta hauh lo.

"A ṭha e, mipa dang chu va zawng ta che, tunah khan kal rawh, kal nghal rawh.." thinrim sehchilh zeta ka ṭawng chuan drawer-a ka thawmhnaw chu phawrhin min vawm a, a biang a sen hlar bawk. A thinrim hle tih hrilh hranpa ka ngai lo.

"Ka chhuak ang, ka chhuak khawp ang," ka shirt pakhat chu thing pharhin a inthawlh sawk sawk a, ka thawmhnaw ala inbel ngam nia!

"Eng mah i lo keng lut lo va, chhuahpui tur pawh i nei lo, i hâklai pawh kha ka ta a nih kha, ka ta chu ka ta.."

Ngawirengin a hlip leh a, thawmhnaw pakhatmah a inbel tawh lo. Saruakin a ni a din ni!

"I lungawi dawn a nih chuan tihian ka chhuak anga, zawhna ka dawn apiangin i hming 'Absalom Colmer' tih hi a ri zel bawk ang," zâm miah lo hian min en kalh a, keimah zawk ka lo zak. A chhuah ngam tak tak a ka rin loh vangin, "Get out.." ka ti bung nghat a.

Min chhâng tawh lo mai ni lo vin vawikhat pawh min en nawn lo hian ka pindan chu a chhuahsan ta a!

Ka awih thei lo!

Hmeichhe nasa leh lunglian tak a ni.

10:00Pm
Colmer Garrage
Leena Bevan

Absalom-a min tihdan kha ka paidai mai mai lo vang, thinrim insûm takin a room chu saruakin ka chhuahsan ta a, khatiang mipa intivei lutuk khan min umzui ka ring lo.

Mittui tling pam chungin living room-ah ka ding deuh vang vang a, saruaka chhuah te chu atiha tih chi ninghal lo chuan. Hmeichhe hurherh ka ni bik hleinem le..

Ka thawmhnaw engmah ka keng lo kha ka inchhir takzet tawh a, amahah ka lo innghat lutuk a ni. Rin ngam mipaah ka lo ngai ve kha a ni a, ka â lutuk leh ngaihtuahna ka sêng tlêm lutuk hi ka inhaw hluah hluah bawk; thlawhna a ka inbel kha machine-ah ka vawm lut tawh a, chu pawh lâk nachang ka hre si lo. Mahse, timai hian chhuah ka tum îkhaw lo mai.

Sofa khuhna lace hring duk hlai hlap chu ka chuh tharh a, ka taksa pawimawh lai khuh thei khawpin a hlai ṭha, chutah thinrim insawh tau nghawng nghawng chungin chhuak turin ka inbuatsaih ta a.

Ni lo, khawi hmun mah kalna tur ka nei chuang hleinem maw le. Cupboard-a zu ûm chu pathum ka la thla a, Absalom-a hmel a lo lang chuang lo bawk nen tui leh shot glass, ka mamawh tur ka thiar ta nghauh nghauh va, a choka leh living room, inhnuaia room zawng zawng hi ka suasam vak zawk dawn em maw ni.

Keimah Leena Bevan, beidawng ngai lo kha ka la nireng a lawm le..

Ka mamawh tur zualpui ka lâk chhuah hnuah garrage lam ka pan ta hna hna a, hei bak tih theih ka nei si lo. Ṭah vak vak pawh tum ila, ka ṭah a chhuak tlat si lo va ka hul der.

Garrage kawngkhar nghengin ṭhuthmun ka rem ta a, ka dam khawchhuak em em ang, khua han vâr se kawng dang dap tur ka hre em em ang.

Eng dinhmunah pawh ding ila lungawi zel thei turin whisky chu ka in ṭan ta a, nidang zawng aiin a tui daih zawk.

Kha pa ve kha e, hmel chang tiṭha vawr a, uikawm ropui si! Vuakthlûk tawp a nia ka duh ni.

"Lee, Leena.." whisky ûm chanve dâwn ka in tawh hnu chuan ka hminga min ko thawm ka hria a; mahse, ka meng peih tawh lo, ka rilru ala harh chang chang a, mumang chhâwng ka mang ṭan mêk. Nuam lutuk.

Kut lum thar tharin min tawhna chu ka hre rei ruai a, "Shala.."

"Lee, khawngaihin harh teh.." min sawi nawk nawktu chu tlawh chawrh tumin ka ke ka lek kâng ve tak nâ a, awmzia a awm ta lo. Hremhmun kawng lo lam zâwk zawh tumin ka chhing ta riai riai a...

Ka hrawk ro halh leh ka dang ro huam vangin ka meng chhuak ta riai riai a, ka mutna hmun ka hre mai thei lo lehnghal!

Chutah thawh tumin ka inbengkâng ta a, taksa rit takin min kherh chial avang chuan ka tho kâng thei der lo. Ka kianga mipa muhil thaw sâk sâk en tumin ka lu ka chêt a, kan misual Absalom-a lek!

Ka hriat hnuhnun ber kha garrage kawngkhar nghenga ka ṭhu kha a ni si a, min hruai lut a ni ngei mai. Leh lawi si chuan! Rilru thawveng deuh huai chungin ka nui ta sak a.

Boxer tih loh thawmhnaw mumal inbel a nei hauh lo va, a hmel ṭha lutuk hi ka ngei lek lek zawk. Ka tum tihlawhtling thei lo hian a zûnah ka uai mai ang tih pawh ka hlauhlel lo ve.

"Lee, Leena.." ka hming alam nawn sek a, a mumangah min hmu a nih loh pawhin min ngaihven hle a nih ka ring, vawikhat ka'n nui leh lawk.

A bân lum vung vung chu ka kâwngah a nghat a, a mal thahrui ngah hmel taka min kherh chial hian nuam ka ti. Mipaah pawh 'pa' tak mai a ni si.

Hmeichhe saruak 'Get out' ti ngam ngat khawpa mipa induhtawk a nia lawm le! Absalom-a do reng lo hian hneh ka tum zawk dawn lo vem ni!?

A hmui chhah tapah chuan ka fawp ta a, a meng chiang ngei mai! He misual hi a muhil awzâwng lo!

"I hâ nawt la, $ million hlawh turin inbuatsaih rawh le.." a aw thüm chhak leh ril râih chuan ka chhungril a fan raih raih thei nia..

A rin anga hneichhe lepchiah ka ni lo tih proof ngei ka tum bawk.

"Paradise min fanpui turin i mipatna kha lo tuai hriam rawh.." a hmui tawk zauh chunga ka tih chuan a kiai suk a.

"Money, hmanhmawh rawh le, north pole aṭanga south pole transfer thei turin ka inpeih a nia,''

Hmanhmawh hauh lo va washroom ka pan lai chuan dawhtheihna tlachham tih hriat tak hian min tur sek a, ka hmanhmawh phah chuang der lo.

Mipa ka mutpui ve dâwn anih rau rau chuan Absalom Colmer ngei ka thlang e....

End of chapter-5

©<++++[BeckirafARenthleI]++++>®

6.MONEY|Penniless Love

Becky Rafa Renthlei

Chapter-6

Artillery Colmer
Mansion SWI
Master Bedroom
Leena Bevan

Bathroom-ah uluk fahranin ka intuai fai a, zanin hian ka duh emaw, duh lo pawh ni ila, ka dam khawchhuah nan leh ka hmachhawp turu zeta hlawhtlinna ka neih theih nan ka neih hlu ber ka chân dawn ta a ni.

Chân hmasa lo vin hlawhtlinna hmuh theih ni hek lo le. Mahse, chu zawng mipa, ka duhthusam leh mumang chhâwng eng emaw zata ka lo mangphan ṭhin ngei kha a ni si. Ka inchhir tur a ni lo.

Bathroom kawngkhar chu hawngin ka pen chhuak ve ta chhat chhat a, ka chhungrila zâmna tireh tur hian eng emaw ka mamawh a ni.

"I tlanchhia chu a ni êm lo maw!?" Absalom-a kiai suk hmel ka hmuhin ka lai deuh tihtih ringawt! A hma khan ka ngam sarh sarh asin le, tunah a tak ram han dai thlen dawn meuh chuan ka lo zuam rûk ang a ni dawn lo tawp mai.

"Tlanchhe lo ve, hmanhmawh viau chhan tur kan nei lêm em ni?" Ka ke ka hru hul nghal mawlh mawlh a, 'Brandy in rawh' min han ti thut se ka va lawm dawn êm! Ani hi chuan hmeichhe lepchiah hmuhin min hmu tawh a, ka lemchan dan kha a lo fuh chiah lo pawh a ni mahna.

Khumah chuan zak lo awm ang takin ka lawn ve ta a, hundangah kha chuan ka zei hawr hawr viau asin le, engtin nge hmâ kan lâk ṭan ang aw..

"Brandy nokhat lek kan in dawn em ni ang." Ka tih chuan nuihzat hmel fê hian min thlêk a, "I rui chatthla i harh ve chauh a, chutia in leh nghal chu a chi loh vang, bâkah hmeichhe zû in ka ngaina lo," ati duah a, ka lamah lo kun hnaiin zawimuang hian min nem mu ta riai riai a.

Muthilh tum niawm takin a chhing diar diar a, zaninah hian ka ṭan hmasa a nih loh chuan kei hian engtikah mah ka ngam chuangin ka ring lo, ka rilru ti paukhauh vin a hmuiah ka fawp ta dê dê a.

Rawn meng chhuakin ka mitah tak min en a, "Lee, ka mamawh che," aw thâm sapa tiin min kuah nghal a, "Kuah che hi ka châk tawh hle a ni."

"Min kuah hian man a nei tho a nia," nui sak chunga ka tih chuan, "Kha lam kha chu sawi kai lo teh ang," ti supin ka hmai vel chu a rawn fawp sek sek a. "Mahse.." ka ti ṭan chauh a, "Ngawi mai mai rawh, ka hria e," tiin ka biang leh bengkâwm lamah te chuan a fawp kual dan dan a, ka ir no chu rawn chûlin ka thaw chhuak nghal ham ham nia!

Ka zâmna tih reh tumin a hnung ruak kûng chu ka chûl ve ṭan ta a, ka kut a khur miah lo. Experience nei lo ang maia lan kha ka hlauh ber a ni.

Ka hmui kau deuh tiârah chuan a rawn bur ta chat a. A kum lum vang vanga ka âwm bâwr kawh lah a chûl tâkah phei chuan ka îp deuh zãwr a, rilru leh thluak vit zawk khawpin min tawhna chuan thil ati thei nimaiin ka hria.

Bedroom light êng deuh ruaiah  Absalom-a hmelṭha tak chu ka en chho hau a, dik tak chuan a nalhin a ṭha thlâwt a ni, a hausakna tel miah lo pawh hian âtchilh mai chi maw le.

"Money, mipa dang i lo mutpui tawh te kha ngaihtuah lo vin, keimah chauh min ngaihtuah rawh," a ti leh sup a. Ka hmuiah chuan rawn fawp zui leh zatin ka heh chu a seh nar nar a, keipawhin min fawhna chu ka thiamna zawng zawng sawmkhawmin ka chhâng let ve ta. A nih nih ni tura rilru inbuatsaih chungin a mipatna ruh leh khauh ṭang chu ka tawk ve ta a.

"Lee.." a aw hniam deuh chhak aṭang chuan a inpeih ṭan tih hrilh hranpa ka ngai bik hauh lo. Saruaka a awm ka han hmuh tâkah chuan ka thin a phu dat dat a, ala insûm ve hle mai, a kut lâwnga ka hmeichhiatna a tawh thlen rualin a mipatna ka hûm nghet ve sauh va.

"Ka mamawh che a ni, dollar tam man chu min han hlui ta che," a kut âwl lamin ka âwm bâwr a ṭhâm nak nak a, min dim thei vak tawh lo a nih ka ring.

"Ka ta i nih ngei angai ta," a sawi zawh rualin ka chhungah a rawn lut ta a, ka ṭê ṭhat ri-ah a che lai a tawp chawt. A mitmeng thim raiha maktihna leh awih lohna inpawlh nuk ka hmuh chuan ka meng khup ta zâl zâl a, ka chhûngril na ut ut thunun tumin ka heh ka pet ve fan thung.

"Leena Bevan," a áw, hruihrual hlap ri ang maia fiak ṭhak avang chuan ka phu zawk a. Ni e, Absalom-a tan chuan thil mak a ni lo thei lo.

Kei hi nula thianghlim, bawrhbâng lo kha ka ni tlat a...

"Dear God, engtin nge ka tih dawn che?" Ati thâm ṭûak a.

"Rei lo te chawl la, chhunzawm rawh.."

"Chu chu ka ti ngei ang, kir leh thei ka ni tawh lo," ka hmuiah duhthawh leh uar fahranin a rawn fawp zui ngawr ngawr a, ka hnial lo chiang teh e, nawmna pakhatmah tem tur ka nei lo. A chhan chu nâ-in min luahkhat tlat a, ka hlawh tur vang khan ka inlam lêt lo mai chauh a ni.

"Sawi lâwk ni la chuan hei ai hian a nâ a ziaawm ngei ang," ka hmai hliahtu sam chhawllêng chu a hui kiang a, nichin mai kha chuan min bêng duh mai dawn emaw tih tur khawpin a mitmeng a danglam hman kha a ni a. Tunah erawh duat ber niawmin min en thung si!

Chumi hnu chuan dim fahran leh min tihnat hlau awm tak hian zawimuangin a che chhunzawm ta a, nichina nawmna awm miah lo kha a dan a dang ta zar mai, a hnungzâng ruak kûng leh leh a dar pharh hlai hlap te chu ka chûl tawn ve ta zak zak a. Ka chhungril sa phat phat leh nawmna vawrtawp thlen ve loh hlauin a chêt ruala ka lo phusa ve sek chuan phûrna namên lo a thlen tih hriat takin a rûm nghat nia.

"Paradise kalkawng hi a thui miah lo," ti supin duhthawh tak hian min fawp leh a, ka taksa a danglamna lo thleng chu ka vawikhat hriatna leh tawnna a ni bawk nen âwrawl chhuah loh ka tum ngial nâ a, a harsa lam hret...

Mumang chhawngsarih leh an sawi fo ṭhin Paradise chu ka tem ve ta. Absalom-a hmela lungawina famkim lo lang hi engtikah mah ka theihnghilh tawh ngaiin ka ring lo.

A hnungzâng hnâwng chap chu ka chûl hauh hauh a, kiai suk chunga, "$5million sen ralna tlâk chu i lo ni ngei e.." ti a a inlahrang tur chu ka ui ru ngei mai! Ka sawi ngam der si lo.

Ka thianghlimna ka hralhna pa hian Paradise kalkawng a lo 'bye heart' ber mai. A hnung zui tlâka zei leh experience ngah a ni bawk.

Inkuah riala kan mut meuh chuan zinglam dar thum ari tawh a, vawikhat mutpuiah $5million ka hlawh chuan nikhatah vawithum te ngên ta ila ka hausa duh awm mang e.

"Nui nui lo khan muthilh tum rawh.." min nghawk salh a, mi hlim ve te lo hmuh mawh em em ringawt, a khirh thlâk chu ka ti deuh.

"Muhil la ti nia," ceiling ka melh rân a, min mutpui zât tur hi hre thei ila ka chhût chhuak dap peih ang chu maw le, kum thar nghâk kher lo pawhin phuba ka la thei maithei asin.

"I la thianghlim tih kha ka la awih thei lo cheu!" Rei fê kan ngawih hnuah a rawn ṭawng leh sup a.

"Awih lo mah la a ni miau si a, ka rai i duh loh chuan khawvar veleh damdawi eitur ngaihven ang che, pawisa ka nei ve lo."

"Ngawi hmiah rawh," ka bek samah a pawt zauh a, ka huat tawk a tling viau, a chalsam rawn uaithla chu ka phih ve sawk a, min melh rum nasâ.

Nichina hmeichhiat mipatna boruak kha chu a reh hmiah, in tâi rânin ania kan mut leh tawh ni.

"Breakfast i siam anga, chumi zawhah Hindi ṭawng tlêm min zirtir ve ang," atih chuan ka nui chhuak teuh hle a, ani hian Hindi thiam a duh a maw! Ka zirtir em em ang. Mahse, chupawh man nei a ni tur a ni. Nuam e, inhlawhfâkna zawn buai a ngai lo hrim hrim a nih ber hi..

"I eitur leh intur ka buatsaihsak che anga, tin, Hindi pawh ka zirtir ang che. Mahse, ka hlawh tur kan sawifel hmasa ang," ka tih chuan a thaw hawk a, "Leena, eng zata tam nge sum i mamawh!?"

"I neih zatve lai hi ka mamawh atin ni, i hnuaia ka thawh zawh hunah ka duh anga tam a la nih loh chuan midang ka pan leh ang," zawi sap leh fiah tak si a ka tih chuan ngun takin min en a, "Kumkhat chhung ka hmeiah ṭang la, i mamawh tur ka pe ang che.." thutak zeta tiin bangkil lam a hawi nghal daih a, mak ka ti ru deuh! Nupui tlâk khawpa nungchang ṭha chu ka ni lo. Amaherawh chu 'hmei' tihtawl erawh ka ngaina miah si lo.

"Ka lo inngaihtuah ang," ka ti ve ngial a, ka rilru erawh a hmin der. Ka pa thurochhiah nghah nan kum khat ka la mamawh a, chumai bakah mipa hrang hrang mutpui ai te chuan ka tana mipa hmasa ber hi mutpui leh lâwp lâwp ila sual a ni êm lo'ng chu..

India rama ka lêt leh a nih ngat chuan a unaupa Shane Colmer pawh kha ka la mamawh dawn chauh, pa thiltithei tak a ni si a.

Ka bula mu chu a thâwk dan aṭangin a muhil ta tih ka hre thei mai a. A chau ve ngang a nih ka ring deuh ngawt a, zinkawng thui tak kan zawh dun hnuah zinkawng dang khum laizâwlah kan zawh dun leh a, a chau ta viau hi ka dem lo ve. Kha nu Sadie Roamer erawh ka luahlan ta chu a ni ber a, kan la inbakkaih leh nge nge dawn e.

Muthilh tumin ka maimitchhing ve ta a, duhtawk ngah ve ve niawm takin kan insi eih tawh lo. Khum kilah Absalom-a a mu a, kei, a sir thei ang berah ka mu thung! Hmangaihna tel lo sex chauh hi chuan eng thil ṭha mah a thlen ka ring nek lo e. Inchhir a sawt lo va ka hmabak hlenchhuak turin chak taka ka awm a ngai zawk a ni.

'Leena Bevan, ṭang nasa rawh' tiin ka infuih ru mial mial a...

Colmer Mansion
Dining room
9:00Am.

Darkar thum erh awrh ka muhil hman tihah Absaloma'n min ko tho a, ''Nizanah dinner mumal kan ei tawh lo a, breakfast tuihnai tak hmuh ka inbeisei a nia," tiin ka puansin min theh hlim sak a, hnial pawh ka tum lo, ani ai hian ka ril aṭâm fê zawk.

"Yes, sir," khum aṭanga inperh thawh ka tum ngawt a, ka ṭê ṭhat! Ka sil ṭhûm nia! Nizana kan chêtna khan ka taksaah hnu hma a nei chiang mai.

"Che vawt vawt lo khan indim la, muangmar a chêt zir rawh," Nui suk chungin min en a, a thophang hmel hi a nuihzatthlak ka ti. A sam dum hlap uluk fahrana a siam ṭhin kha a thur chhap a, a mitmenga hlimna niawm tak lo lang hian ati lang naupang sawt bawk.

"Thawmhnaw inbel tur ka nei lo," inthlahrung taka ka tih chuan "Tun ataka inlâk khawngaihthlâk kha tum duh ting suh, nizan lawkah pawh ka thawmhnaw i hai chiam kha," lehlam min hawisan hmuk a, a thawmhnaw inbel a phal tihna..

Bathroom-ah lutin ka intifai sawk sawk a, nizan khan thinrim ṭûnin a toothbrush kha ka hmang ve ringawt a, a thar a dahna ka hre lo bawk nen ka duh ber ka hmang ve ngawt kha a ni a, duh leh thinrim mai mai rawh se. Nizana ka hman hnu bawk chu ka hmang leh ta a..

Mansion ropui tak a ni. Luxurious Mansion dik tak!

Absalom-a ei duh zawng ka hriat tlat loh avangin ka tui tih zawng ka siam ve hmiah a, Scramble eggs, chips leh bawnghnute, Apple leh bread toast, coffee, hei aia tam hi siam tumna ka nei lo. Zai rât rât chungin eitur chu ka buatsaih ṭan ta a. Ka pa in chu a ni hauh lo nâ a; mahse, nuam ka va ti si êm..

A nupui ni lo mah ila midang mitmei vên a ngai lo hrim hrim pawhin ka tan a nuam tawk viau. Ka uncle te nupa-in min zawn hmuh mai loh nan erawh ka fimkhur a ngai thung si, he khawvel hi sum nei tan chuan a zîm tih ka hre ve tlat tawh atin ni.

Eitur ka siam peih vek hnuah a lo la chhuk lo fo a, koh kher ka tum duh ta bik lo, keimahin ka ei ta mial mial a, ka pum hnawhkhahna tur khawpa éi tur chuan midang an awm ve loh kha a him ber mai.

"A neituin a ei hmain a tui ṭha ṭha ei zawh i lo tum deuh elaw!?" Lawm chiah lo niawm takin dining room-ah Absalom Colmer chu a rawn pên lut a, ka thil ei lai ka ṭhulh phah chuang der lo.

"Leena Bevan!" Dawhkan a rawn bêng ṭhuai a, ka phut zawk a vangin ka thil hmuam lai ka phuh chhuak nghal ṭhawt a, ka va ngei tak!

"Ka ruala ei i duh chuan lo chhuk hma ve ta che.."

"Ka inah hian thu min pe kual ṭhak suh," coffee inthlitin ṭhuthmun a rem ve nghal a, ka chhâng lo tawp nâng a..

"I hmei thar hian thu ka'n pe ve lawk che a ni e, huat thu tichhe viau teh suh," ka'n nuih tlawn ngei a, a nui vei suk.

Kha kha a nimai mipate hneh dan awlsam chu, an thinrim viau chuan thinrim lo ang hmiahin lang ila, kan thinrim ve hunah min duat khu chûk mai ang.

"Nidangah chuan Apple tih vel chhawp tel hi ka duh tawh lo tih i hre dawn nia," thildang eng mah a sawisel loh avang chuan ka lo lawm ve em em nia.

"Yaar, min fak hreh a nih pawhin sawisel lam kha uar vak lo la, kan inrem hma a nimai," coffee ka lem khalh a, Scramble eggs chu tui tih hmel takin hmui chip hmak hian a ṭhial a, a thil ei dan hrim hrim aṭang pawh hian pa invawng fel tak a ni ang tih ka rin hriat mai.

"Engtikah nge Hindi chu min zirtir dawn?" A ṭhutna aṭanga tho chhuakin tui thianghlim a in khalh khalh a, ni tak! Ka zirtir ang ka lo tih ve tawh kha maw le.

"Inremsiamna mumal tak nei ila ka zirtir ang che," plate ruak seng mawlh mawlh chungin ka chhâng a, "Eng inremsiamna nge i la sawi cheu a!?" Tiin min en ngur a.

"I inah ka chêngin ka eiin ka in dawn a,  i hmei ka nih chuan eng zat nge min pek i huam ve, nizanah $5million ka hlawh a, kha kha ei leh inah i cut dawn em, fair taka inbiak a ṭha," inla puitling fahran hian a mitah ka en kal a.

"Cut lo vang, mahse, ka mamawh engkim inchhungkhur hna zawng zawng i khawih tel chuan a hrana sum pe tawh lo che in, i ei leh inah kan khung thung ang." Atih chuan ka bu ta nghat nghat a.

"Sex vawi eng zat nge kan hman dawn tih tal hre thei ila.." zak chung chunga ka zawh chuan a mengphar âwk a, chutah kiai suk chungin, "Chu zawng hunin a la hril ang chu.." ati duh chauh nia!

"Kan hman zin loh te chuan ka hlawh a tlêm dawn asin."

"Pathian hmingin Leena, duhtawk teh, kumkhat khan a huam vek, kum khat a ral hunah eng zat pawh min dil la ka pe ang che, tun bâk sawi lang tawh ngai suh," ti hmukin dining room chu a chhuahsan ta a.

A thinchhiat dan em em hi engtin emaw tak tih reh angai a ni. A company-ah te khan kal a tum lo nge a insiam mang si lo va! A awm loh hlan a he in hi belhchian ka duh asin le..

Kan ei ruahna plate vel chu phûr takin ka sil sauh sauh a, thil ṭha deuh ka ngaihtuah chhuak ta. Hindi thiam a duh maw kha, kan zir ang a; mahse, a zir tur erawh hman chhuahna hun a vang pharh dawn ta a ni.

Paper leh Pen ka zawng kual vat vat a, a zir tur atana ka duh zawng ka ziak chhuak phawt anga a thiam bel hunah hman ve ngei a duh bawk ang. Chumi hunah chuan a nui reiin ka ring lo, mai mai shalla..

Ka duh ang ṭawngkam ka ziah chhuah hnuah vawithum ka chhiar nawn leh ngat a, ka nui ru nghal var var nia.

Paper kengin inchungah ka tlan chho ta a, balcony-ah Absalom chu lo dingin phone a lo hmang a, ka tibuai hreh deuh. Toys order chungchang an sawi niberin ka hria a, a company hming, a business card-a inziak pawh kha ka hre tawh mai mai lo e; ka sum hmuh tur ka hmuh theih dawn phawt chuan buaipui ve vak kha thil ṭul tak pawh ninghal lo chuan.

"Ka toothbrush i hmang ve ringawt a ni maw!" Pindan chhunga rawn lutin a phone dawhkanah a dah a.

"Ka hman mai loh te chuan, i hâ nawt rawh i ti si alawm," thiam inti fahran hian ka chhâng ve zat a.

"I ta a nih loh chuan eng mah khawihin hmang ve ngawt ngawt tawh suh, cabinet-ah a thar a awm ṭeuh a, i mit kha meng ve îk la chuan i hmu em em ang, sum ringawt ngaihtuah lo vin," zuk ti erh a!

"Ka lo meng lian deuh tawh dawn nia, khâ.." tih pahin paper chu a lamah ka theh phei a, a dawn hman loh vangin chhuatah a tla ta a, "Chhar la, min rawn pe ṭha rawh,"

"Chhar ve mai rawh, i ke bul lawkah a nih kha a awm."

"Chhar rawh ka tih chu," a thinrim leh dâwn tak ngiala ka hriat vangin tûm bâr chungin ka chhar ta hna hna a, min tih retheih hi a châk ve hrim hrim ni in ka hria. Hetiang hian em ni ang affairs nei hote hi an lo awm ṭhin! Ninawm ṭan tlat.

Chawhma êm pawh ka la awm lo va, a hnê awm ru riau dawn mai.

"Eng mah hi ka chhiar thiam lo," tiin paper chu min pêk lêt a tum a, "I thiam lo va kan zir dawn rëng alawm," ka lo ti ve hmak.

"Absalom," ka ti deuh hluai a, sawi mai tur ka hre leh si lo, kan in en rên râwn a, chutah, "Company-ah i kal dawn lo em ni?" Tih pahin a kut, zungbun awm lo va ruak hiai chu ka melh a, nupui a nei lo ang tih ring ru tho mah ila kei hian mi duh lai affairs ka neihpui ang tih ka hlau hnuhnuh viau.

"Company lamah i thluak kha sawrbing lo la, nupui ka neih leh neih loh hriat i duh chuan min zawt mai ta che pehhêl kual lo khân.." ka ngaihtuahna thlengin a hre vek maw le.

"Nih leh nupui i nei em?"

"Nei lo, neih pawh ka la tum chhin lo. Tun aṭanga darkar chanve hnuah indamdawi ei tur a lo thleng anga, ka doctor-in a check bawk ang che." Tiin min thlêk vung vung a, "Nang nen kum khat teh meuh kan chêng dun dawn a nih chuan natna ṭha lo tih dam theih loh ang chi te i vei em tih ka hriat angai, i sum mamawhna a nasa viau bawk si a," a ti leh a.

"I duh tâwkin min check tir dawn nia, min lipse-in, min thingpharh chiam pawh ni se chutiang natna chu an hmu lo vang, nangmah zawk kha incheck ṭha la ti nia, i Sadie-i ve kha.."

"Duhtawk rawh i sawi thui dawn a nia," ka sawi zawh hma hmain min lo pawt chat a, ka va haw tak!

"Kan hna tur ṭan ila, tlai lamah i thawmhnaw tur kan lei dawn nia," ka inbel lai a shirt leh boxer chu a thlêk leh ngial a, chutah, "Ka thawmhnaw i hâk kha nei hlen rawh, inbel nawn ka duh tawh miah lo a nia," a sawi zawh rualin ka bânah a vuan a, pindan chhuahsanin min kalpui ta a. Khawiah nge min hruai dawn hriat pawh va ni suh.

Study room zau hek hawkah min luhpui a, 'Lalber thu ang zelin awm rawh' ti niawm tak hian ṭhutna tur min kawh hmuh zui zat nia! Thuawih zel hi ka nawmna tur tih ka hre ve kar bawk si a, zawm nghal zat zat erawh ka harsat ru viau! Leena Bevan kha ka ni tlat a...

"Intur min lo pe thei angem? Tih hi Hindi in translate phawt teh," atih chuan ka rilrua awm hmasa ber ka sawi chhuak nghal phawng a, " मुझे आप को कभी नहीं छोड़ रहेंगे (ka thlah/kalsan ngai lo ang che)" Tiin ka nui ru sak a, dâwt dâwt zirtir ve ila a nimai alawm.

"Leena, a dik tak tak em?" Ka nui lai min hmu nge min rinhlelh hmel takin min en a, "Dik e, dâwt sawi ngawt nachhan tur a awm hleinem," inla thutuk lutuk a ka tih tâkah chuan a awih lo thei ta lo.

A zir ta tlauh tlauh a, a thluak a ṭha hle mai, kâr lo vah a ziah dan nen a thiam vat a, chutiang zelin, ka hmangaih che, i kiangah lo chuan ka awm duh lo.Etc.. Kan zir ta nual mai. Kei lahin ka thudik hrilh hmiah hmiah tawh mai si a, a hman chhuah hunah tu emaw chuan an la nuih ve dawn khawp mai.

"Eng ati nge Hindi thiam chu i châk viau a!?" Ti a ka zawh chuan, "Weekend hian Shane-a ṭhian nen kan inhmu dawn a, Indian restaurant-ah inhmuh a rawt tlat alawm le.."

"English hmang mai ula,"

"Ka hmang tho dawn alawm, a mik a mak hre lo va awm chu a zia lo ka ti deuh, ka unaupa'n a thiam theih chuan ka thiam ve awm em mai," ala ti tak deuh deuh a, va hmang mawlh rawh se, ka zirtirho te hi chu e, restaurant-a eitur leh intur lam nan a ṭangkai nêp khawp ang. Nui chhuak lo turin ka insûm nasat a ngai viau.

Darkar chanve teh meuh kan zir hnuah lunch buatsaih a hun dawn hnai a, min tirh leh hma ngeia keima thu a siam kha a finthlâk zawk daih. A doctor sawi ve lah kha a la rawn thleng ta lo cheu!

"Lunch tur i buatsaih hmain bedsheet-a thil kai khi tifai hmasa la i mualpho tam lo a ni mai," Study room kawngkhar bulah dingin a nui suk a, eng nge kai pawh ka hriat ve si loh.

"I duh leh nangmah khan tifai la i ngaimawh viau chuan," tiin a ṭawng zirna paper chu dustbin-ah ka vawm tau sawk a.

"Keimah aṭanga chhuak ni lo vin nangmah Leena Bevan, mithianghlim aṭanga chhuak a ni e, i hmuh hunah i hrethiam mai ang, i Paradise kalkawng a mâm lo deuh atin ni!" Za lutuk tih hriat reng reng hian a nui a, a thusawi awmzia kha pakhat tê mah ka hrethiam lo.

Amah pawh ngaichâng tawh lo vin Absalom-a room panin ka tlan chho nghal a, a duhnaah chuan a chimawm thiam kher mai! Min hmusit deuh tlat a hriatna ka nei a, ka rilru a na ru deuh. Mahse, hmusit tlâk lêka nun hniam nei kha ka ni rih tlat a...

Khuma thisen val kalh ka hmuh chuan ka zak ru chem chem thei nia! Ngaihtuah chhin ngaihna pawh ka hre lo va, a rang arangin bedsheet chu ka hlip sawk sawk a machine-ah ka vawm lut tawp. Insûk te hi ka tihtur vek tihna em ni le!

"I va hlip rang ve," inteivei zetin pindan chhungah a rawn lut a, ka lo melh rum ngei mai.

"Insûk lam hi chu tih ka tum lo a nia," ka ti nghal tawp a, ka aw a nêm fahran lo bawk.

"Ok, ka hnathawkte'n an rawn timai ang, lunch buatsaih tawh rawh Money,"

"Tikhan min ko tawh suh."

"Money, Leena Bevon mithianghlim.." min runluih leh kher avang chuan ka thin a sa ve ta phat a.

"Absalom Colmer tenawmpa," tih pahin a taksaah ka pakai nawlh a, min nuihsawhtu a hmuiah ngei chuan na lutukin ka'n seh sak a nih kha! A âl nghal pap thei nia! A lo berah nihnih tal chu a vûng ve anga, han kawh vuau se ṭha tur a nia, chu erawh a thleng lo turah ngai ang.

"Kawlh lutuk!" A nghâwnga ka vawnna chu phelh tumin ṭan a khawh a, ka vuan nghet tulh tulh thung si.

"I cho chhuah liau liau a ni," ti nghutin hrem tum tih hriat tak hian min rawn fawp nawk nawk a, dam thlap leh ngénngawl zeta ka chhânna chuan ati hrilhhai teh ang chu.

Thluak nei râna ka fawhna chuan hna a thawk ṭha ngei mai, uar leh dam dapin min fawp zui ta nge nge a, ka thiam viau chuan pawisa ka hlawh belh leh dawn nge nge e..

Ani thlêmthlu tur hian eng 'tactic' thar tehchiam hman a ngai lo. Hmeichhia ka nihna leh atâna ka inpumpêkzia hria se a thinlung ka hneh a ni mai.

A chhan chu Paradise kal fo tawh ai chuan la kal ṭhang lo kha a duhin a ngaisang tih ka hre tawh tlat alawm le...

End of Chapter-6

©<++++[BeckirafARenthleI]++++>®
7.MONEY|Penniless Love

Becky Rafa Renthlei

Chapter-7

Artillery Colmer
Mansion SWI
Master Bedroom
Leena Bevan

Absalom-a min fawhna ril ruih leh dam thlap chu haider theih ka duh kher mai, a taksa lian leh khauh ṭang maiah chuan ka la awm ta reng a, min dah thlâk pawh a tum chuang hlei lo va, keima ṭan hmasak zawk a ni a, a thlûak buai zawka ṭan ka tum thertê lo.

"I hmui kha a na lo em ni?" a hmui hnuailam ka sehna avanga thi ser ser chu ka en a, "Fawp dam theitu tur chu nangmah chauh," a thinrim ka rin tehreng nen dam thluama min chhân mial chu le!

Duhthawh leh uar taka min fawh laiin kan room kawngkhar ari ta dat dat a, doctor kha a ni ngei ang. Rang lutukin a taksa aṭang chuan ka chhuk nghal sawk sawk a, ka lian ve uaih si a, rit ti hmel zu pu eih lo va! Ka hlawh tur ka chân leh ta.

"Kawngkhar va hawng rawh," ka ti sap a.

"Doctor a lo thleng tawh a nih hmel hle mai," a hmui tawk zauhin kawngkhar lam a pan ta a. Keimah chauh incheck ka duh bik der lo, amah pawh check a ngai ve awm chiang em mai.

Doctor lo luh lai chuan khumah thuawih hmel fahran hian ka lo ṭhu a, a hmel nelawm tehchiam lo hi ka ngainat zawng a ni dawn miah lo. A thauin a tawi hle a, mitmeng zîm lam niin a hnar pherh deuh hluai hmang hian a thaw nasa ngawtin ka ring, doctor smart lo tak a ni.

"Tunge ka check tur chu?" A tarmit phen aṭangin min melh rû a, ka ngei nghal ringawt!

"Absalom-a nen chauh kan awm a, ani anih loh chuan keimah tihna a ni mai alawm," ka'n melh rum nghal ringawt a.

"Lee, doctor Corey Morton a nih hi," Absalom chu ka kiangah a rawn ding a, Mr.Morton nena an in melh zauh lai ka hmu reng. He mite pahnih khawsak dan mai mai chu le.

"Mr.Morton, i hna i ṭan thei ang," a sawi zawh rualin, "Lee, i thisen laktir la, keipawhin ka lâktir dawn tho a, min hnial buai duh suh," thupe aw lek leka a tih chuan ka ner sak a.

"A vai hian la law law ula," ngeiawm taka ka chhân vang nge kan doctor hmelchhiaa chu a ṭhen suk a, "I leili a hriam ṭhat hmel hle mai nula.." atih phei chuan ka ter at thei nia, "I lei kha veng ṭha la doctor râwntlâk i ni tihna a ni mai,"

"Leena, bengchheng suh," Absalom-an min melh rum ngei mai!

Chumi hnuah chuan ka thisen te la-in ka 'heart rate' a check vel thlap a, nasa deuhin thâwk ka la lui nâng a! Doctor kherhkhiap tak a nih ngei dawn hi..

Absalom-a a check ve lai chuan room ka chhuahsan ta daih a, chokaah lunch tur ka buatsaih ta a.

1:00Pm
Absalom Colmer

Leena chhuah hnuah doctor Corey chuan min check ve ta tho a, a hmela lungawi lohna lang chhuak chung hian, "Kha nu kha i tân êng nge a nih?" Tiin min zawt a.

"Kha nu ni lo vin Leena Bevan a ni e, ka chênpui tur."

"A Lung lamah khan felhlel a awm deuh a, test result kimchang a chhuah hunah kan hre thei turah ngai ang," atih chuan Corey chu ka en vat a.

"Eng nge i sawi awmzia!?"

"A Lung kha duhthu a sam lo, treatment lâk dan tur kan la sawi dun dawn nia," tiin a hmanrua a khung ṭha mawlh mawlh a, 'ka awih lo' tih ngawt chi ninghal lo chuan, a chhan chu Leena hi eng emaw hlekah a phu zawk zawk zel a, thil sual tilai phâwk ang maiin a awm ṭhin tih kha ka la hre thei tlat!

"Hlauhthawnawm a ni em?" Ti a ka zawh chuan, "Ka hre lo le, naktukah ka rawn bia ang che," tiin a ding uaih a, lunch ei tura ka sawm ngial pawhin a duh lo hulhual!

"I hmeichhe khawi kha ka ngam lo ang," ati deuh tlat nia.

"Eng vangin, i pawi a sawi em ni?"

"Sawi hran lo ve, a hmelṭha teh vawr êm a, a duh loh zawnga ka awm a nih vaih chuan tuna i hmui ang kha ka pu ve ang tih pawh ka hlau deuh reuh." A nui nghal vur vur a, Leena min sehna, ka hmui vûng deuh âl chu ka khawih zauh a, a chimawm dan em em hi sawiin a siak lo.

"Damdawi hi sex in hman aṭanga darkar sawmsarihpahnih ral hmaa ei tur a ni a, theihnghilh a rem lo vang," Bur lian vak lo dawhkanah dahin a nui suk a, "I vannei ngawt mai, nula nalh leh hmelṭha tak a ni. A luhlul ka ring nâ a, a ngaihawm phian dawn kha," a la tizui hrâm nia!

"Ani chenpui tur hian ka beih fê a ngai tih hre ta la, tuna i ngaih dan dik zia kha i hre fiah zual ang."

Doctor Corey Morton-an min chhuahsan hnu chuan khumah ka bawkkhup a, 'Leena Lung a ṭha lo' tih chu ka bengah ari ring kher mai.

'Ka tân eng mah a ni lo' ti eng ang mah ila ka hlauhthawnna a kiang der si lo. Sex hmanpui atan bâk ka duh lo ni khan ka hre si a; Mahse, darkar tlêm tê chauh kan chên dun chhung hian ka ngaihtuahna tam zawk latu a ni lawi si! Amah hrilh rih loh phawt ṭha a ka hriat vangin ngawih ka tum ta zawk a.

Chuti em em a 'serious' a ni lo turah ngai ang.

A nungchang tlang lutuk leh chimawm ru tak hian ka chhungril ati hlim tlat sia, 'ka duh em em e' tihna chu a ni hauh lo. Mahse, engtin emaw tak hian hnaih châk rûkna riau ka nei a, Sadie theihnghilh ṭhakin ka mutpui ta chu a nia. Ka rin ang a lo ni lo nasâ! Nula thianghlim, Paradise kalkawng hre lo a lo reng si!

Nizanah khan tâwp turin min ngen chiam mah se ka tawp thei dawn lo tih ka hria a, ka rin anga hmeichhe lepchiah leh awm khaw lo chu a ni teuh si lo. Eng vanga sum mamawh em em nge anih tih hriat hi ka hna hmasa ber tur a ni ta. A chhungte chanchin Shane hnen aṭang khan hriat tur a awm miah lo va, Apartment changtlung taka chêng siin sum a tlachham leh tlat bawk si!

Leena Bevan, 'Thluaktibuaii, Thlêmtuliani, Mithianghlim,' hming eng zat nge phuahbelh la ngai ang. Ka thluak kil thim ber lai chawk nu bat thei nula ka vawikhat tawnna.

'Pick Pocket' a ni emaw, eng hmeichhia pawh ni rawh se, a chanchin kimchang hriat hi ka tih hmasak ber tur a ni.

Shane ka call ta a.

"Bro, i tho â em ni?" A pick rual rualin a rawn ti nghal a.

"Leena Bevan chanchin kimchang hriat ka duh a, Mumbai-ah khan engtia awm ve ngawt nge anih tih leh Apartment kha tu ta nge? Tu hminga luah nge tih hriat lo tum rawh aw.."

"Ah, Absalom, buaina a thlen leh che em ni?"

"Teh suh ei, amah hi buaina chu a ni sa, chanchin kimchang i hriat hunah min lo hrilh rang dawn nia, i ṭhian sawi kha tunge a hming ka theihnghilh hlauh mai!" Ka tih chuan a chek tlak tlak a, "Leena khan a tibuai tak tak che a nih dawn kha, Romie Foster a ni e, lo duat hle ang che," a nui zui hawk hawk a.

Room pawnlama thâwm ka hriat vangin kan inbiakna chu ka titawp ta ringawt a, Leena a ni tawh ngei ang.

Romie Foster, Shane-a ṭhiannu hming theihnghilh hi a chi dawn miah loh, Saturday zanah Indian restaurant-ah dinner kan kil dun dawn a, a hming ka hriat fumfe loh te chuan a chi nâng.

"Absalom, lunch ka peih tawh a nia," ka hming alam rik dan te hi a 'cial' ru riau vin ka hre zo vek tawh nia. Chu erawh ka ngaihtuahna tenawm zet a nih ka ring zawk zawmah a, zantin sex ka hmanpui dawn anih chuan ei leh in lam tal a tih ṭhat angai ngei dawn a ni.

Room ka chhuahsan lai pawhin ka nui leh suk zel a, Sadie nen kan inkâr titawp turin ka chhuah ngei angai dawn ta a nih hi..

Leena bazarpui pahin hun remchang a awm turah ngai ang.

Lunch dawhkan kilin a lo ṭhu fel leh ât hman tawh a, tukinah khan min eisan a, ka hau vang kha nge min lo nghâk ve rân mai!

"I inchhung pawh ni se ei siamtuin a siam peih tawh anih chuan koh chhên ngaiin awm tawh suh ang che," a lo ti hmarh hmarh a, ka nupui ang ziazânga a ṭawng reuh chu le.

"Ka in a nia lawm thu min pêk tum suh ka tih kha.."

"In in chhung pawh ni se, tih ka sawi rëng a lawm le," A plate-ah eitur suak chhuakin ka ta tur pawh a suak ve nghal a, min ngaihsak awm deuh va awm hi a thiam ru riau! Chutiang zelin juice, white wine leh Pizza pawh min cut sak thlap a, phunnawi chhan tur a va'n vâng deuh ve le.

A thil siam rim lah chu a tui zêk zel a, ei loh ai chuan ei nual ka thlâng ta nge nge e.

"Lunch ei zawhah insiam la kan chhuak dawn nia," tiin wine ka lem khalh a, a thil ei ṭhial ṭâwlh ṭâwlh chung hian, "Chhuahpui tlâk thawmhnaw ka nei lo tih i hriat kha, nangmahin kal mai rawh," ati sap a.

"I neih loh chu alawm kan lei dâwn, i thawmhnaw tur keimahin ka en anga maw!"

"Min zahpui dawn loh te chuan ka hreh reng reng lo," a thawmhnaw inbel lai a bih zauh a, ka shirt leh pyjama a inbel a, a tân lian deuh mah se a inhmeh viau tho mai. A ta a ni lo tih hriat hran hleihtheih loh khawpin a mawipui a, ei a siam vangin a hmai a sen deuh hlar a, a landan duhawm zet hi a inhre der mai si lo a..(h)

"Hmelṭha min ti a nih pawhin thil ei lai em em te chuan insûm ve rawh," a nui duh miah lo lehnghal a; keimah ngeiin a thianghlimzia proof lo ila chuan a ṭawngkam leh chezia aṭang ringawt hi chuan a hma a nula lepchiah tak ni anga ka ngaih ṭhin ang tho khan ka la ngai mahna. Mahse, tunah erawh chuan kha ngaihdan kha ka thlâk ta hret hret chu a nih ber hi a..!

"Hmelṭha min ti zawk a ni ang, lei i awlsam em mai," ka sawi zawh rualin a kûn nghal daih a, nuam lo ka ti deuh. Doctor-in a eitura atih damdawi kha mumkhat ka ak tak a lawm le, dawhkanah chuan dahchhuakin, "Nang anga chimawm zet fâ ka nei mai loh nan hei hi ei rawh le.." tiin a plate bulah ka nawr phei a, îhe lovin a lo la ve mai!

"Nang anga hmeichhe lawm leh lerh deuh fâ neih ka duh bik reng reng lo," ṭawngkam thlâwn ba duh eih lo a tiin damdawi chu a kheh a, a ei ta a.

Min hnial zawt zawt lo pawh hi a lawmawm hranpa ve hrim hrim, a mize ngeiawm deuh kha bânsan thut a har ang tih chu ka ring tho a; mahse, ziaawm lam a pan deuh chuan ka hria.

Ṭawng tawh lo vin kan ei chhunzawm mial mial a, a hmel phû lo-in zuk ei tam a! Tukinah pawh khan ka hmuh loh laiin a lo ei nual tawh a nih ka ring, 'Lung natna vei lul lo se' tih ka lo ngaihtuah daih a, Corey-an check lo phei se chuan ka hre lawkin ka ring lo. Amah lah hian chutiang ngaihven hmel a pu der mai si lo va..

Lunch kan eikham hnuah sawi nawn ngai miah lo vin engkim a tifel fai leh thlap a, pawlawh hmel viau anga lang si kha rinaiin a chê a dik! Ka rin ang a ni dawn hauh lo mai ka ti! A eitur siam vawihnih ka eina a ni ta a, a tui em em bawk si nen a man to viau mah se inchhirna tur ka la hmu lo chu a nia.

"Pindan hrang ka luah dawn em?" Ka room-ah kan chho tawh a, dressing table hmaah ṭhuin a sam kawi niai chu a khuih mial mial a.

"Luah lo ang."

"I chhungte emaw an lokal ve thut thei a, pindan inṭawm chu a dik chiahin ka ring lo deuh," inthlahrung aw taka atih chuan, "Chhungte ka nei lo, Shane bâk ka nunah mi pawimawh an awm hek lo." Ka ti hmuk a. Dar san âk chung hian, "Ok, i duh dan a nih te chuan," ati ṭha leh mai a, ka mimal chanchin hriat tumin min la zawt miah lo va, hmeichhe dang nena an danglamna pakhat a ni bawk.

Chumi hnu chuan thawmhnaw dang inbel tur nei chuang hek lo le, a hâk lai nen kan chhuak ta a, kei pawh inthlâk buai tawh lo vin ka inbel ngai ngai nen ka chhuak ve ta a. Atan a nawm loh ka rin vang a ni pakhat.

"Car khalh i thiam em?" Garage kawtah a ding a, car paruk lo ding chu hmuhnawm ti hmel takin a en uluk kher mai. Hmundangah a dang ka la nei tih hre phei se chuan maktiin a âu chulin ka ring.

"Thiam lo, keima pualin car vawikhat mah ka la nei chhin lo." A ti tawi tak a. Mak tih viau chi pawh a ni lo, car leina tur sum khawia mi mah a nei tawp nâng, a ru te a nih ngawt loh chuan.

"I car pakhat hi min pe ve la.."

"Eng maw i sawi!?" Min dil ngam tur khawpin kan la chêng dun rei lo deuhin ka hria!

"Absalom, i beng a ngawng lo tih ka hria a nia, i phal lo a nih chuan 'ka phal lo' timai ta che," ti hmakin 'Mc Laren Coup' orange colour dinna lam chu a pan nalh a, ka car ngainat ber a hria em maw ni le!

A chuang châk a nih ka ring a; mahse, ka khalh chhuak phal teuh lo. Saw car kher saw chu ka driver khawihtir pawh ka phal lo a nia, Leena chuanna tur atan chuan a sâng mah mah.

"Hetah lokal rawh,"  Porsche car panamera bulah dingin ka hui zauh a, "Hetah hian ka chuang duh zawk alawm," tiin ka car roh ber chu a thlêk kual a, zam lo ve mai si a e! Engtin nge ka han tih dawn ni!?

"Vawikhat lek ka mutpui vang che khan i duh duh car thlangin i chuang thei tihna a ni lo."

"Ka duh duh ka thlang hleinem, saw saw alawm ka thlan hmasak ber.." zuk kalsawn duh miah lo va!

"Money, lokal rawh, kan tlai dawn a nia," ka tih pawhin a dinna ngaiah a ding ngar a, ben lawlh ka châk zia hi, naupangchhia pawh a ni tawh lo va, puitling te tih ang engkim 'train' vek tawh a ni. Luhlul lutuk!

"Kan tlai i hlauh chuan khalh chhuak mai ta che, ka khalhsak dawn che pawh nihlei lo."

"A ṭha e, i duh dan dan khan awm rawh, thawmhnaw inbel tur nei lo zawk chu kei ni lo vin nangmah i nia lawm le.." ti nghutin Porsche car-ah chuan ka luhsan ta a, en pawh min en duh lo. Sadie hmu turin ka kalsan daih anga a nimai alawm.

Chak zeta ka tlanchhuahsan lai pawhin a dinna ngaiah ala ding reng a, side glass aṭanga ka en leh zauh chuan garage lam a pan lai ka hmu hman. Vawi sawmkua pawh hawn tumin bei mah se a hawng thei chuang lo vang, password a hre teuh lo em mai.

A duhzawng car-a a chuan loh vang maiin a thawmhnaw neih tur a chân ngam a nia, Leena Bevan tak hi chu aw...

7:00Pm
Colmer Mansion
Absalom

Ka tum aiin ka haw tlai hret. Mansion thim ṭhiap chuan ka ngaih ati ṭha lo deuh a, tun ang hunah te chuan êng uar zawk tur a ni asin le! Leena kha amah chauh vin ka chhuahsan kha a ni a, ka ngaihtuah ru deuh tlat.

Car ka dah fel hnuah hmanhmawh zetin inchhungah ka lut a, light ka on nghal pawp pawp bawk a, inchhung reh dan em em hi, eng thawm mah hriat tur zu awm lo va..!

"Money!" Vawithum ka koh hnuah pawh a hmel hmuh tur a la awm ta chuang lo nia! Choka, living room leh inhnuaia room inkalh lo ho zawngah ka en kim vek tawh a, a awm lo.

Ka room panin ka chho leh ta a. Hetah pawh a awm chuang lo! Bathroom chênin ka en kual vek tawh a, ka beidawng ṭhak.

CCTV ka hriat chhuah rualin inhnuai lamah ka tlân thla a ka on ta nghal a.

Ka chhuahsan hnu-ah inchhungah lutin cupboard a hawng hmasa ber a, Scotch ûmkhat la chhuakin choka-ah a luhpui tê tê a, chutah shot glass awmna a hre lo nge, rei ngial a zawng leh phawt. Wine glass pawh hmuh phâkin a awm renga zuk hmang duh ṭhak lo a! Khirh ka tih êm avangin ka nui huk.

A duh a hmuh hnu chuan muang fân raih hian thli chhuakin a in ṭan ta a. 'Absalom Colmer uikawmpa, i cupboard-a awm zawng zawng ka in zawh meuh chuan i nui miah lo vang' tih pahin nokhat a tlâk pap a. Uikawm min ti ve ziaha kei aia thilphal mipa hi a tawng bik awm lo e.

A insawi anga in chhunzawm ta lo chuan Scotch ûm chu a dah ṭha leh thlap a, no pawh a silfai leh diam! Nothum chiah a in a, a chezia muang raih leh dam thlap chu a hmuhnawm ru phian!

A kawr hâk lai hlipin Brazier nen living room-a sofa-ah chuan a mu teh ngawt a, rei lo tê-ah a awm dan chu a ning leh a ni ngei ang a shirt sofa bâna adah chu a inbel ṭha leh a, a sam a'n ṭawn ṭha leh thul. Rui awm angin alang miah lo lehnghal!

'Lewis Bevan, i nupui nen khân ka chhuah dawn miah lo che u' ti leh sapin drawer a hai rawk rawk a, a hawn berkherah lah chuan chahbi bâk a awm der si lo.

Tunge Lewis Bevan chu ni ta ang? A thisen zawm hnaivai tak a ni ngei anga, a mitmeng hring nghalha huatna lo lang chhuak mêk hi ka la hmu ngai hek lo.

"Absalom, khatia ka chezia thlir reng lo khan dinner ei ang," Leena ṭawng chang fal ka hriat rualin ka phu ve zawk a, khawi aṭanga lo chhuak nge a nih pawh ka hre hrep lo ve. Zu rim a nam ham ham a, lungawi chiah lo niawm tak hian min melh tür ngan nia!

"Khawiah nge i kal!? Tunah khan khawi aṭanga lo chhuak nge i nih?" Mak ka tih êm avangin ka zâwt lo thei lo. Mansion chhung hi ka check kim thawkhat tih ka hre ve tlat.

"I khum hnuaiah ka biru te pawh a ni mahna."

"Sawi ṭha rawh," ka vin deuh vang chu nge a hmel a rum âl a, "Min la zawng ngun lo deuh a nih chu, hun dangah min hmu mai lo a nih chuan mikhual pindan khum hnuai i bih dawn nia," tiin ka hnungah min bêng thak a, a thusawi hi ka awih reng reng lo. Min hrilh ṭha duha ka rin loh avangin ka zawt nawn ta bik lo va, Cctv chu off-in hun danga en zawmah ka dah ta rih a, ka la hrechhuak tho tho ang.

Dining table-a eitur a chhawp chu minung rama chêng mi te tân hian ei chi ziazâng a ni lo. A ût rim a nam vung vung a, amah paw'n a ei thei tawpin ka ring mai mai lo.

"Ei ta che.." min en chuang hauh lo va.

"Ramsa ka ni em ni, khutiang eitlâk pawh va ni suh."

"I duh leh ei lo la ti nia," tiin a tho tharh a, fish fry, Alu leh Vawksa kan ut zet zet chu a chhin ṭha hmak a, hrem deuh a ngai dawn tlat.

"I ei dawn lo anih chuan ka mu dawn a nia," min ngaipawimawh lo fahrana atih zui phei chuan ka run hle mai. A darah vuanin, "Tun aṭanga minute sawmhnih ral hmaa ka eitur min chhawp hman lo a nih chuan hremna pêk i ni ang." Thinrim taka ka ṭawng chu hre lo ang hmiahin ka vawnna phelh a tum ve ngar ngar a. Ka vuan nghet sauh thung.

"Ka siamsak dawn lo che a, ka hlawhah cut mai rawh," tih pahin a tâl leh thut a, ka vuan hman ta lo. Chak lutuka tlânin inchung panna step arap chho zawt zawt a, he nu hi a â deuh thut em maw ni le.

Titau ang pawhin a awm chuang si lo a, hrilhhai zeta minute nga dâwn ka din hnuah dawhkana a thil chhawp chu ka en ṭha leh kher a, Vawksa kan tih loh chu a ei theih ve maia ka rin vangin ka ril a ṭâm bawk nen ka ei ta tho a. Colmer Company president-in hetiang thil hi ka ei ang tih ka ring pha lo mai ni lovin ka mumangah pawh ka la hmu lo.

Thinrim ṭeuhin ka ei ta nual a, wine pawh ka lem hnem kher mai. Vawiinah ka fak zut zut a, darkar tam ral hmain ka lung ati awi lo lehnghal pang nia! Zaninah ka hrem dawn khawp mai.

Ka khumah zangphar diaiin a lo mu a, a mit a khap fek fek reuh a, mûk taka ngaihtuah niawm takin ka thâwm a hriat pawhin min en duh chuang lo vin a mut ngaiin a mu reng a. Min pawisa lo lutuk ka ti dawn nge chian loh rûkna a nei zawk! A thisen test result kha han chhuak tê tê se a hriat theih turah ngai ang. A thluak hi kan en leh zawk dawn em maw ni.

"Leena Bevan..." ka ko ring bawk nen a phu chiang kher mai! A hmel alang buai deuh nak a, a dâng lâwp lâwp niberin ka hria.

"I ṭha em?" Ka pan hnai ruak a, a lungphu ngaihthlâk tuma ka kun hniam chu ka lu-ah min bêng fawk nia!

"Eng nge i hriat a!?" A râwl a ring hle a, chiang lutukin ka mitah tak min en bawk.

"Eng nge i hriat zawk a..?" Ka ti lêt ve zat a.

"Enteh Absalom, min leiin affairs kan nei pawh a ni maithei; mahse, min hnuaichhiah deuh deuha ṭawng leh phûrna awm miah lo a sex min hmanpui i tum a nih chuan kan inremsiamna hi ka pawm leh dawn lo." Ati hmak a.

"Tunah khan sex hmanpui tum che-ah min ngai a maw!?"

"Tum niawm taka i rawn kun dâw dâw si.." thil tenawm sawi ang maiin a ner sak a.

"Ngawi hmiah rawh, chuti em em a mipa hur herh ka ni lo."

"Kei pawh." Zuk ti hrâm a..

"Zaninah ka room chhuahsan miah suh ang che, chuan khumah emaw, sofa-ah pawh i mu tur a ni lo. I mutna tur chu.." tiin chhuat ka kâwk váh a, a thinrim hmel sen awp awp ka hmuhin ka nui ru suk.

"Tuna i sawi zawh chiah kha han sawi ṭha leh teh." Zawi sap leh fiah tak, min cho âr chungah a ṭawng leh chuan, "Ka eitur i siam danah ka lung a awi lo va, hremna pêk i ni, i hlawh kan cut a nih chuan i mutna tur pawh ka cut ve mai loh nâkah.."

"A ṭha e, i kianga mut hi ka châk bik reng reng lo." Khuma sintur pakhat chu lain phunnawi miah lo hian a tho nalh a, min hnial chiam ka rin tehlul nen ka ring sual deuh chu a ni e!

Eng mah pawh phah lo va carpet dûp tak chunga Leena mu kawm chal chu ka en leh zauh zauh ṭhin a, khumah Laptop khawihin, ka la mu ve lo. Ani erawh a mutna sawn tura ka hrilh rual khan chhuatah a mu zui hmak a, a inlukhup nghal thak bawk!

Phone nei si lo, zu in bawk si lo leh thawmhnaw mumal inbel tur nei chuang si lo, aleina tur sum pawh la nei ta lo fo chung hian engtin nge hlim tak leh thlamuang takin a muthilh theih bik le..!

Ani tan hian khawvel thlâkhlelh viauna chhan tur a vâng ve e, chuti chung chuan eng mah enghelh nei hmel a pu lo a, a hmel ṭhatna leh a taksa nalhna pawh a hrechang hek lo.

Engvanga ka sawmna kha pawm ringawt nge a nih tih hi ka zawhna a ni ta.

Laptop khupin khum mawng lama sana intâr ka en chuan zan dar sawmpakhat a ri chauh a, Leena tel lo a mut ka huphurh ta riau mai, dimtêin ka tho ṭhâm ṭhâm a, chhuatah ṭhu hniamin a puansin ka keusak ta a.

Ka mitah min lo en kalh nia!

"Eng anga nasa paw'n min ngên mah la zanin hian i kiangah ka mu dawn lo tih hria ang che, Absalom Colmer.." ka lo en ta kher kher a ni, a muhil emaw ka ti ve char char a, engtin nge darkar tam che lo leh thâwm nei miah lo va a awm theih le!

"Chiah maw, ka offer che ka sawi hunah i rilru thlâk miah suh ang che."

"Thlâk tumna rilru ka nei lo, i kalsawn thei tawh," ati nghat a.

"Ka khumah lo mu la, $ 6 million ka pe ang che."

"Teuh lo.." leh lam a hawi zui hmak a. Ka thlêm hlawhtling tur a ni. Sum duh vanga ka hnena lokal a nia lawm le..

"Anih $10 million," a duh tawh beiseiin ka sân leh a, min chhâng duh tawh miah lo.

"Leena Bevan, $20million," ka tih leh chuan a rawn ṭhu chhuak hlawla ka kiai nghal suk.

"Absalom, i neih zawng zawng min offer mah la, zaninah hian ka lo mu dawn lo." A sawi zawhah chiang zetin min en leh a, chutah a mu zui nghal hmak nia!

Hrem tuma ka in hrosak nasat tehreng nen keimah zawk min hrem ta a nih ber hi! He hmeichhe nungchang mak lutuk hrechiang tur hian eng emaw lemchan a ngai dawn tihna a nih hmel..

'Leena Bevan muhil ta poh che khawvar hmain ka khumah i mu ngei ang...'

End of Chapter-7

©<++++[BeckirafARenthleI]++++>®


8.MONEY|Penniless Love

Becky Rafa Renthlei

Chapter-8

Artillery Colmer
Mansion SWI
Master Bedroom
Leena Bevan

Dârkar thum chuang ka muhil der tawh a, Absalom erawh a mut tui hmel kher mai! Nichina a pawisa min offer kha ka va'n ît tak êm! Mahse, thu ka tiam tawh a nih chuan sût leh hi ka hlauh ber a ni a, eng ang pawhin hrehawm dawn mah ila hlenchhuah ngei hi ka tih mâkmawh a ni.

Ka puansin lai ka keu ru dêk dêk a, ka mutna chhuat carpet láwng ringawtah hian luhlul chhuahin ka mu zankhua thei êm ang chu. Mahse, muthilh a har lam hret! Kan mi uikawmpa lah chu a khum dûp nuam zetah enghelh nei miah lo vin a mu bik a, a sir tê-ah khian han mu ve ta ila, a lo harh hmain ka thawh khalh hman angem? Chu zawng thil theih loh tluk a ni a, nimin zingah pawh ama'n min kai tho zawk a nih kha maw le.

Chutia ka inngaihtuah lai tak chuan khum lam aṭangin thâwm a rawn awm a, Absalom-a chu natuar niawm tak hian a rawn rûm chhuak hrâwk a, a mumang a ṭha lo a nih ka rin vangin ka ngaihsak duh lo. A lo harh reu reu palh ang.

"Tui...!"

"Tui ka duh.." a tihnawn leh tâk supah chuan rang fahranin ka inperh tho a, khum bula tui bottle chu la-in a chhin ka hawng nghal sawk sawk bawk a, "Absalom! I harh em?"

Min chhâng chuang hlei lo va, a hmui leh tui bottle ka chuktuak tâkah chuan a lem nghal khawlh khawlh a, a mit ala meng chuang lo.

"Nâ i nei em ni!?" A chal leh a nghâwng vel ka dap that that a, a dai duk si! Chhuat a min muttir vangin a mumangah phubâ ka lo te a nih hlauh chuan a va tihzia dawn tak! Hremhmunah kalin a sa lutuk anga tuihâlin a lo kir leh zâwk te pawh a ni mah na.

Chhuata mut leh tuma khum thawhsan ka tum lai tak chuan  min ko ta a.

"Lee," a hmel ka en a, a la meng ta lo fo!

"Umn.." Eng mah a sawizawm tâk si loh ah chuan a bulah ka ṭhu ve ta reng a, a chhûngrilah natna inṭham te pawh a awm thei a, chutia lainatna nei lo ang maia hriat loh der tlat te chu a sual thlâk ka ti ve deuh!

"Lee, nachhawkna min lo lâk teh,"

A dik dawn lo tawp mai, tunah zinglam dar hnih ari chauh a, keimahin ka buaipui thei dawn em ni? "Khawiah nge damdawi chu a awm?" A chal sam thur deuh chhap hui kiang pahin ka zâwt a, "First aid box-ah khan a awm ang," a sawi zawh rual deuh thawin damdawi la tur chuan ka kal ta a.

Damdawi ka eitir hnuah pawh a pum chu nâ ti niawm takin a chûl leh zauh zel a, ka thawhsan ngam ta bik lo. Dik tak chuan chuti em em a rilru kâwi leh ngilnei lo pawh ka ni bik hleinem.

"I pum a nâ em ni?" Nichina ka lungawi lohna te kha chu vawm bo ang duakin a reh hmiah a, a pum chu dimtê tê in ka chûl risk ve tawp! Ama'n engmah a sawi peih lo nge a khât tâwkin a thaw chhuak leh hawk zel nia.

"Dinner-ah sa ût min rintira ka pumin a ngeih ta lo a nih hi," ati sup a.

"Eng maw i sawi!?" Ka hawi hau mai.

"Fish fry leh Vawksa kan ût ka ei vangin ka pum a nâ tih ka sawi a nih chu," a pum chu a tûai leh zauh a. He pa hian a lo ei tak tak em maw ni le!? Kei pawhin ka ei thei ngang lo kha a nia. Lalpa leh!

"Eng nge i ei ve rikngawt a..!?"

"A dang eitur i siam si lo a, ka ei mai loh nâkah housekeeper ka nei lo va, rilṭam taka ka lo haw min hmuah dan kha a lawmawm loh khawp mai chutah ka pum ti na thei thil ei turin min ti bawk a," tiin lungawi lo niawm tak hian a kiai zui suk a. Ka inthiam ta lo nasâ.

"Tihpalh lutuk, bawnghnute lum ka siamsak ang che aw.." tlawn paha ka tih chuan leh lam a hawi tau nghut a, nuam lo ka ti telh telh, "Absalom, ka ti tak tak, ka tum luih reng vang a ni lo." A kutah vuanin min en tura a lu kawih her ka tum chuan, "Bengchheng lo vin mu la, ka pum hi zût rawh, khawvar hmaa ala reh loh chuan i chunga thleng tur hi i rinphâk bâk a ni ang."

Îhe lo vin a kiangah ka inthawlh nghal sawk sawk a, tîm dai chung hian a dul thêp zaih leh phiar deuh fat chu ka chulsak ta hauh hauh a, eng mah a sawi tawh bik lo a, a khât tâwka thâwk ala hulh ṭhin leh sana chek thâwm bâk hriat tur a awm lo va, zanin hi ka tlaivar a ngaih hmel hle mai. Naktuk aṭang chuan uluk takin eitur ka buatsaih sak tawh ang.

"Min haw viau a nih pawhin khatiang zawng kha chuan chimawm chhuah tawh lo la a lawmawm khawp ang," a muhil emaw tiin ka zût tawh lo kha a ni a, ala muhil awkawng lo. Nachhawkna pawh kha a thawk ve îk lo em maw ni le!

"Muthilh tum rawh, ka thiam loh a ni e, naktuk aṭang chuan uluk deuha siam ka lo tum tawh dawn nia." Inthlahrung ru tak chungin ka ti ve ngial a, a dik chiah bawk. A hnenah kum khat chhung atan ka inhralh a niber tawh a, sum tel lo vin engtikah mah phubâ ka la thei dawn lo tih hi ka vawn reng angai a ni.

"A ṭha e, hre reng ang che." Ati nghut a, tui bottle lâk a tum pawhin ka phal ta lo. Keimah ngeiin ka pe ta a, sualin luhlul viau mah ila mi natuar laia lo nuih kher hi chu ka tih loh lam tak a ni. 'Ka tlâwm ta e' tihna pawh a ni chuang hleinem.

Absalom hian min hmu nikhua lo hle tih hre tho mah ila, thlan tur dang nei miau hek lo ka haider thiam leh ka nuam a ni mai.

Ka mit kham urh tih reh tumin ka khap fek fek a, mutchhuakin min zem chiai chiai bawk nen ka bula mu pawh ngaihsak tawh chuang lo vin ka chhing ta chial a..

9:00 AM
Colmer Mansion

Ṭawng ri nak nak thâwmin ka mutui lai min tiharh hlawl a, zinglam dar kua a lo ni der tawh! Thawhphan awm miah lo vin ka ṭhu chhuak nghal hlawl a, ka kianga mu erawh hmuh tur a awm tawh lo. Nizana ka thawhsan tâk ka puansin kha inthlep diamin Sofa-ah a lo awm bawk a, breakfast siam a ngai tih ka hre chawpchilh nghal.

Ka pa in a nih tlat loh avangin mut luih tumna pawh ka nei tawh chuang bik lo va, washroom-ah lutin hmanhmawh fê in ka intifai zui ta nghal a.

Living room ka thlenthlâk ruala ka thil hmuh chu le..(h)!

Nula chhe lo zet zet pahnih hian thawmhnaw an lo sam mial mial a, a tam ngei mai! Pheikhawk ringawt pawh hi kumin chhungah ka bun sêng hauh lovang maw le.

"Miss, breakfast i ei zawhah hêngho hi inbel chhin la i duhzawng a nih loh chuan a dang kan lo dah leh ang." Nula sâng zawkin atih chuan dar ka san âk a, nghek nghek mai a! Ka hlawh aṭanga cut tur a nih dawn phei chuan eng mah hi ka duh lo.

"A vai hian eng zat man nge?" Ti a ka zawh chuan an nui var var a, makti hmel an pu bawk!

"Ah, chuti maiin kan hre lo, a tlêm chhe lo vang tih chu i hriatthiam tho ka ring."

"Ok, ka inbel duh dawn nge dawn lo kan la hria ang chu.." ti nghatin choka lamah ka luhsan ta daih a. Thawmhnaw chu ka mamawh tehmeuh mai a; mahse, tunah hian dollar eng tham mah ka nei lo. Ka hlawh chhuah ve lah kha min la pe der bawk si lo; Absalom-an a rul dawn te a nih ngawt loh chuan sirah ka hnâwl mai a ngai ang.

Dining table-a eitur tharlâm tak tak inhûng dul ka hmuhin ka mengphâwk nasâ! Absalom-a ka la hmu miah lo va, a pum nat leh a hlau deuh nge hetiang te ka hmuh tâk mai le!

Bacon, Toast, Bawnghnute leh Juice, â atam lutuka ka hre kim vek lo e a. Tukin chu puar lutuk maiin ei ila a nimai.

"Thil i ei dawnin i kut sil hmasa rawh," choka kawngka biang nghengin  Absalom-a a lo ding a, a suit inbel thim lam deuh chuan ati lang hlauhawm ru riau nia.

"Kutin ka ei dawn hleinem," a thusawi chu zawm pawh ka tum chuang lo a, "Ka sawi ang chuan ti phawt mai rawh." Ti a choka chhungah rawn lutin dawhkan a kil ve nghal a, ani pawhin kut a sil tawp si lo va.

"Nangpaw'n i sil fai bik tawp loh kha.." plate-a eitur suak paha ka tih chuan min melh rum mai mai khawp a!

"A nih chuan ei ta che, ei mawlh mawlh rawh," a ti chhum hmuk a, hun dangah kha chuan ka suah sa a ei mai ṭhin a, tukinah erawh engmah a ei duh lo. Amahin a inlâk deuh kher a, intur chenin a inthlit thlap bawk. Mipa ve si, tenchhe lutuk mai. Ka kut lâwngin ka barh nghal loh.

"Min be buai lo la chuan ka ei nual tawh ang maw le," ka ti zui hrâm a.

"I thawmhnaw tur an rawn dah a, muangchang lo vin thlang ang che, nilengin hun an nei lo a nia," Ati leh daih a, nizanah a pumna tikhawp khan ka ngaihsak a, ṭawngkam ṭha a biak ka hlawh miah loh hi tu thiam loh zawk nge! Kei chu ka ni lo phawt a!

"Ka hlawhah i cut dawn a nih chuan avai sawn ka duh lo."

"Enteh Leena, ka inah i chêng a, hlawh neia ka chhawr pawh i ni mai thei; mahse, chuti em em a uikawm ka ni lo ania, keima pek tur a ni. Phunnawi lo vin i duh duh saw thlang la nula fel i ni mai."

"Phunnawi ka tum a ni lo va, ka hlawh aṭanga i cut dawn chuan sawtianga thil man to leina tur sum ka nei ve lo tih sawi ka tum mai a nia," dam deuh zawkin ka ti ve ta a.

"A nih ahnu, tunah chuan i hre ta alawm, ṭawng ṭawng lo khan ei thuai thuai mai rawh, chumi zawhah biak che ka duh ang." A ṭhutna aṭanga tho chhuakin vawikhat pawh min en tawh lo hian choka chu a chhuahsan ta a.

Induhtawk lutuk mai. Engtiang taka hausa nge a nih tih hriat ka châk zek zek a, zawh tawp erawh ka hreh ru deuh.

Thawmhnaw min lei sak a tum rau rau a nih te chuan min hrilh hmasa ve se, a nih loh tal paw'n cheque emaw min pe mai se ṭha tur a nia, eng pawh ni se ka lawm hlê phawt tur a ni dawn lawm ni.

Chumi hnu darkar hnih chhung chu thawmhnaw thlan nan hun ka hmang ta a, nipui thawmhnaw leh tlailam kawrfual chenin an rawn dah belh zel a, ka sum sênga lei tur ka ni lo bawk nen kan mi uikawmpa khan min phalsak zau bawk a, thlang nghek ila a ni mai. Pheikhawk ringawt pawh duh thlan tur a tam bawk si a, kei hian ka pa sum min hnutchhiah kha ka neih hma chuan hetiang thawmhnaw man to leh ṭha hi engtikah mah ka lei zo ve dawn lo tih ka hria a, ka chhungril tak a hlim lo nâin Absalom-a chungah ka lawm hle a ni.

Ka mawi lohna min hliahkhuhtu a ni tlat a.

Bag leh thil dang neuh neuh erawh a rawn kengtu nula te'n min thlan sak thung a. An chhuah dawnah ka vanneih zia min hrilh chiam a; mahse, ka hralh tâk kha hre ve se chuan vannei minti hauh vin ka ring lo.

"Lawmthu min hrilh pawh i tum nange?" Khawi aṭanga rawn lang ve ringawt nge a nih pawh ka hre lo! Absalom chu room-ah a rawn lut a, a hma zawng khan khawiah nge a awm ka lo ngaihtuah miah lo.

"Lawmthu sawi tih vel hi ka thiam ve duah lo va, ka lawm e.." tiin thawmhnaw dahna tur ka melh nghal ruai a, a room-a awm ve hi a phal tak tak em maw ni le!?

"I duh chuan ka pindan dawt chiah hi i hmang thei ang, riah nan ni lovin thawmhnaw leh i mimal thil pawimawh dahna hmun atan i hmang dawn nia," dam thlupa tiin min en vang vang a, ka mizia hrim hrim hi a ngaina lo tih ka hria. Kei pawhin sim ka duh em em a; mahse, ka nu leh pa inṭhen aṭang khan ka kehchhe vek tawh tlat a, kum sawmparuk ka tlin hma zawng kha chuan hmeichhe zaidam leh cool raih ka ni ṭhin kha a ni a, tunah erawh chumi opposite chiahah chuan ka inlet ta a nih hi.

"I insawn chhuak hreh ta mai elaw!" Ngeiawm takin a kiai suk a, min zawhna ka chhâng lo tih ka hre ve chiah.

"Yaar, ih..duh, duh tehreng mai," ka ti bak nak a.

"Chuti a nih chuan vawiin nilengin inrem felna hun i nei tihna, company-ah kal ngei ngei ka ngai a, i phone tur ka rawn en sak dawn che nia,"

"Aih, angai lo, thawmhnaw tam tak min lei tawh a, phone te chu ka mamawh tehchiam hleinem," tiin ka thawmhnaw tharho chu ka pawm ṭân a, eng mah ni lo mah ila, thil zawng zawng min tihsak vek hian nuam ka ti lo.

"Money, khatia fel hmel taka lang der lo khan 'ka lei ang' ka tih chu pawm mai rawh, midang ta i ru leh lo ang tih tunge sawi thei?" A tih chuan chuan ka ngawi rân a, 'chuti em em a, rûkru ka ni bik lo' tih piap mai ka duh rum rum. Mahse, ka insûm leh ta zawk a.

"Tun thleng hian tu phone mah ka la ru bik hleinem hlauthawng suh,"

"Rûk tur remchang i hmu lo pawh a ni ve thei a.."

"Nia, ka hmu lo nimai teh se, i rin ang hmeichhia kha ka ni bik lo," ka tih chuan a hrawk a thian kharh a, "Ka tan hian eng hmeichhia mah i ni lo, 'Money' i ni mai." Tiin chhuata under wear ka thlauh chu a chhar a, "Hmundanga chhuah phalsak i ni lo tih hria la, chuan heitiang inbel lo hian awm tam zawk la a awlsam ting ting a ni mai," under wear chu rawn theh pheiin a nui suk nia.

"Ka lo hrereng dawn nia, nizan anga i pum kha a nat leh i duh loh chuan i ṭawngkam fimkhur ang che, i eiturah tûr phul mah ila i hre dawn si lo." Ka ti ve ta sak a.

"I duh zât zât lo phul rawh, ka hlau reng reng lo, hremhmun kawng zawh hmasatu ka ni dawn miah lo a nia, a hmasa zâwk tur chu i hria alawm," Zawi sup leh fiah taka atih chuan ka ngawi ta hmiah a, vung fê a pindan a chhuahsan lai pawhin che miah lo vin ka dinna ngaiah ka la ding reng.

Mipa ngeiawm ve tak chu a ni. A company hming hriatchhuah tumin ka thluak ka sawrbing ngial a, ka hrechhuak zo ta lo. A hnuaia hnathawk te tan 'Dragon' a nih loh hrâm ka beisei.

Master bedroom dawt chiaha room-ah chuan ka indah lut ve ta a, eng mah nei lo kha 'engkimneii' ka ni lo chauh tawh alawm le! Riah nan hmang ve dawn lo mah ila keima puala tlân tauhna tur pindan ka nei hrim hrim hi nuam ka va ti tak! Khum zaupui chiffon hring no nghalha inkhuh leh thosilen pawh chutiang ráwng tho chu niin balcony erawh Absalom-a room ami nen a inpawh vek a, barthroom pawh duhthusama nuam leh zau a ni.

Mihausa nun ka lo awh rûk ve ngawih ngawih ṭhin kha ka tem ve ṭan mêk chu a ni a! Eng mah hi ka 'ta' ti a sawi tur awm rih lo mah se, ka uncle in a ka awm lai ngawt ai kha chuan a nuam hrim hrim alawm le! Tuma mitmei vên tur a awm eih si lo. 'Nuam singkhaw number two' tih pahin khumah chuan ka tlân lâwn a, a dûp ṭha ngei mai. Nula infi zek zawk leh viak ṭha ka ni bawk a, vawikhat ka'n ṭum alh a, thosilen chung ka chhipin a do pâwng zawk thei nia! A nuam phian ka ti!

Ka naupan lai, chhungkaw kima kan awm lai ang khan khumah keimahin ka infiam ta zak zak a, a tawpah phei chuan khêk râih râih pahin lukham chhunga cotton chu ka vaw chhuak nual. Mahse, hetiang hnawh luh leh te mai mai chu ka hnehsawh ve chiang e.

"Lunch ei ṭhulh ṭhak a chêt nan chuan inthiltih kha a âtthlâk deuh lo maw!?" Kawngka lam aṭanga aw lo chhuak chu a chang ṭha fal fal khawp mai. zawimuangin ka inher ta a, Absalom Colmer mitmeng buang thak nen kan inmelh ta rân a, eng ati nge a lo va haw hma em em ve le!

"Lunch ei aia tihtur pawimawh ka nei alawm," tih pahin zahzelah bedsheet chuar chu ka pawt mar a, pindan chhungah a rawn lut ve a ni tih hriat takin a rimtui hman rim chuan ka hnar a verh zar mai.

"Kha khum kha karkhatah vawihnih siam ziah a ni a, luahtu an awm loh avangin eng mah hnawk a awm ngai lo tih ka hria," pindan chhung chu a melh kual thuak thuak a, ka hnathawh en fiah a tum kher em maw ni!

"Chuvang tak chuan alawm ka lo tihfai,"

"Leena, dâwt sawi hi bânsan rang rawh." Ati hmuk a. A thinrim chhan tur awm ang eng mah ka hre lo ve a, min hmu mawh leh tlat pek a ni ang.

"Dâwt ka sawi lo e a," ka ti ve tak nâa ka inthiam ta chiah lo. "Ka inbualfai chhungin lunch lo buatsaih la, i phone lei turin kan chhuak ang, nichin khan ka chhuak leh hman ta lo a.." ka chhânna pawh nghâk tawh chuang lo vin a chhuak vut a, housekeeper nen kan danglamna a tlêm khawpin ka hria, a khum ka ṭawmpuina hi kan danglamna awm chhun chu a ni deuh mai, Shala..

Nitin eitur siam chu a ninawm dawn riauin ka hria a, company-a a kal hunah erawh chuan keimah chauhvin ka awm dawn tihna a nia, a nuam leh dawn mang e.

"Khatia nui vur vur lo khan i thilsiam kha vil ṭha rawh," sam huh hlap chunga Absalom-a rawn kal chu ka en zauh a, sex chauh ngaihtuah mipa ni turah ka lo ngai deuh kha a nia. Ka ring sual chhiava a ni! Nizan aṭang tawh khan vawikhat tê mah min la fawp lo va kan boruakin a zir lo chu thuhran! Zankhat kha a duh tawk a nih chuan ka hausa har ngawt ang.

"Leena, Tuikeplung ṭhi chungchângah khan a neitu te an lung a la awi thei lo va, eng lai pawha man chhuah theih reng i ni," thutak zeta atih chuan ka lung a phu nghal dap dap a; mahse, inchhirin awmzia nei tawh hek lo le. Ka rûk a ni miau sia..

"Min rawn chhui thleng ta anih leh Jail bang ka zût ve tawh mai a niang chu.." ngaipawimawh lo anga lan hram hram tumin ka eitur siamho chu dawhkanah ka chhawp mial mial a, "Ka theihtawpa venhim che ka tum anga, ka thei ngei bawk ang. Mahse, vawikhat mah i ti leh tawh tur a ni lo." Wine inthlit paha atih chuan ka ngawi ngal a, 'Ka ti tawh lo ang' tiin ka tiam ngawt thei lo. A chhan chu dinhmun khirh takah ding leh ila loh theih lohna avangin tih leh angai maithei asin.

"Min tiam rawh, i ti tawh lo ang tih vawikhat tal han sawi teh." Ka mitah tak min en a, meng khup lap chung hian, "Pawi ka ti khawp mai, Absalom, ka tiam thei lo che a ni."

"A ṭha e, eng dinhmunah pawh ding la, khatiang thil tenawm leh ṭhing lutuk i ti leh a nih chuan kei hian ka ngaidam lo mai che pawh ni lo in Police hnenah ka pe tawh ang che." Thüm chhak leh hlauhawm rim nam tel chunga a sawi chuan ka bu ta nghat nghat a.

Ngawi rengin ka hmaa eitur inchhawp chu ka kâ-ah ka thun mawlh mawlh a, ani pawh a ṭawng tawh bik lo. A hmel rum leh chang ṭha zet hi ka hlau deuh reuh e a.

"I inpeih hunah kan chhuak dawn nia," a wine in bâng chu a thawhpuiin a chhuak zui ta daih a. Ka thil ei pawh a tui bik lo, wine nothum a zawn zatin ka in a, ka chhungrila hrehawmna leh lungngaihna thup tur hian engtianga nun zalen lo vin nge ka la awm dawn Pathian chauh vin a hria ang chu.

After 1 hours.
Colmer Toys Company.

Ka remti vak lo chungin Absalom-an phone min leisak ta tho a.

"Kar leh aṭangin office ka kal a ngai tawh dawn a, ka tel lovin khawiah mah chhuah loh tur tih kha i la hria ang chu maw, phone nei tura ka duhna chhan che chu khawi hmunah pawh awm la awlsam taka i awmna hmun ka hriat zung zung theih nan a ni. India ram aṭanga lokalin rûk bo che pawh an tum thei a, i chanchin kimchang hre lo mah ila tu emaw pawi i khawih tih kha theihnghilh ngai suh ang che; I phone battery a low a nih loh chuan harsatna awm lo vin ka ka rawn chhui zel thei ang che." Chhum lo chat lo va a sawi dap hnuah phone chu ka kutah min pe ta a.

"Ka lawm e," ti sapin rem leh rem lo hian a hmuiah ka fawp zauh a, mak atih hmel kher mai! Absalom-a sawi kha a dik tlat alawm, ka uncle te nupa-in min zawng tawh ngeiin ka ring a, he khawvel zim lutukah hian min hmuchhuak har lo tawp ang. Keima duhthu ngeia ka pan hma chuan Absalom Colmer phenah hian ka awm rih a ngai a ni tih ka pawm thlap.

'Colmer Toys Company' tih intâr kulh ka hmuh rualin a hnathawh ka hre chiah! India-ah pawh an toys siam tam tak lak luh a ni a, 'Ice cream doll' lianpui pui ka lo awh ṭhin em em leh 'Barbie doll' ka naupan laia ka pa min leisak ṭhin te kha Absalom-a te company siam chhuah lek lo ni in!

Toys pakhat tal hawn lo-in a company hi chhuahsan ka tum miah lo.

Building chhâwng sâng lutuk ding ṭo lurh chu ka kianga kal mêk Absalom-a ta hi a ni ang tih ka la awih thei lo cheu! A hausak dan tur pawh chhût thiam chi ninghal lo chuan..

"Mak i va ti awm ve?" A nui suk a.

"Ti ve deuh tho." Dâwt sawi kher ngai lo vin 'mak ka ti' tih ka hmelah alang vek ang chu maw le.

"Tikhan ka hausak dan tur chu i hrethiamin ka ring, nizanah $20million ka offer che lah i hnâwl ta si a," tiin steering wheel a tlir dat dat a.

"Min offer leh la.."

"I hun a zo tawh, ka kianga mu duh lovin i titau kual vel a, zankhuain i mu leh tho si," Car kawngkhar hawng paha atih chuan ka nuih a za lo. Ka mut chhan te chu a hre ve chiang e, a pum na lo se chuan kei hi ka mu tawp lo ang.

"I pum kha na leh rawh se.." ka ti hmak a. Ka chhuk nân car kawngkhar hawn ve ka tum rawk a, ka thiam îkhâw lo mai! Thinrim ru ṭeuhin min hawnsak hun ka nghak ta zawk a.

"I lo chhuk dawn nange?" Kiai suk chunga tiin ka side lam chu a rawn hawng a, inti car nei changkang ve bawk si a, 'thlawhnaa kal law law tur alawm le' ti rilru chungin ka chhuk ve ta a. Gate security-in zah hmel taka alo biak chuan ka lo ner sak.

Ground floor kan rap dêk dêk a, an lo chibai sup sup a, tumah min hmel hriattir pawh zuk tum lo va! Min en duh hlawm hlê tih ka hriat chuan abânah ka vuan lui ta deuh kher a, min en zawka eng mah phei chu a sawi lo.

"Money, ka hnathawk te hi tumah lo titi pui suh ang che, ka office-ah ka lut zawk dawn a nia," a hnathawk te vei suau suau thlir paha tiin ka vawnna chu a phelh a, ṭhutna ruak pakhat min kawh hmuhin, "Chimawm chhuaha eng emaw lâk te kha i lo tum ngawt ange,"

"Hetiang mi tamna hmunah hian ka chêt chiam ring duh suh, ka che duh anih pawhin.." Manger awmna lam ka kâwk a, "Saw saw hneh ka tum hmasa phawt ang." Ka tih chuan min melh no ta lo khawp mai.

"Ka sawi kha hre reng ang che, ka kal a nia," min ngaihtuahna niawm tak a hmela lo lang zawk chu a rei lo êm a, ka hmusual a nih ka ring ta zawk a.

A office-ah luh ve min phalsak lo tih hrilh hranpa ka ngai hauh lo. Ka ṭhutna bula tei vêl te chuan min en hrek hrek a, a awm ve tho mai an boss nen kan inzui lut tlat a!

"Hey," nui var var chunga min rawn pantu chu ka en uluk kher mai. Amerian niawm tak a ni.

"Hi..."

"I va mal ve, coffee indun ta ila tu pawi emaw ka sawi angem?" Ka bulah lo dingin min en chîk  hle a. A sângin a hmelṭha phian.

"Ah, mi nghah ka nei a min lo hriatthiam theih chuan.."

"Hrethiam duh lo ta che ila," ala nui var var reng a, Absaloma-a kha a lo lêt ka ring chiah lo bawk nen helaia coffee no dawm ringawt te chu thil pawi a nih vak ring ta lo va...

"Hmung danga kalsawn a ngaih dawn loh te chuan eng vangin nge kan in mai loh ang." Ka nui ve ta sak a.

"Ok, kan la ange," tih pahin a kal zui ta a.

Coffee no hnih keng chunga a lo lêt leh pawhin ka ṭhut ngai rengin ka la ṭhu a, "Raymond Wright," coffee no min pek paha atih chuan, "Leena Bevan," ka ti ve sap a.

"Kan company-ah eng ti tura lokal nge i nih tih hriat a chakawm khawp mai Miss Bevan."

"Eng lo, mi nghah ka nei tih ka sawi tawhin ka hria." coffee ka tem zui hlak a, a sat êm vangin ka lei a kãng hlawkin ka hria! Ka hmui ka hup nghal vang vang mai alawm le.

"A sa viau elaw!?" Tih pahin ka darah a rawn vuan a, min ngaihsak mah mah chu ka ti deuh!

"Mr.Wright, kha laia ṭhu mai mai lo khan i hna thawk rawh," kan ṭhutna piah chiaha Absalom-a lo ding chu ka hmu chawpchilh nghal a. A dinna ala rei lo a ni ngei ang, nichin lawk kha chuan ala awm lo.

"Sorry, boss.." Raymond Wright hmela nuam lo tihna lang chhuak avang chuan Absalom-a chu ka ngei ru viau. Ṭawngkam mawi hnai hman tur awm reng a, khatia intih fawk te chu a sual thlâk ka ti deuh.

"Coffee intur min pe mai a nia," tiin a thlavang ka hauh sak vat a.

"Ka kalsan hma che a ka thusawi kha i hre tawh nange Leena?" Raymond-a kal liam hnuah zawi supin min zawt ta a.

"Hria e, tu emawin coffee inpuiah min sawm a, chu chu sual em ni?

"Ṭawng lo khan min zui nghal rawh," ti nghutin ka no ken lai chu min lâksak a, dustbin-ah zuk vawm lut hmak a!

"Absalom, i ti mah..." ka sawi zawh hma hmain ka bânah nghet zetin a rawn vuan a, tu mitmei mah veng lo hian chak lutukin min chhuahpui ta a, ka ṭang ngam lo. Ennawm siam ka châk vak lo te pawh a ni mahna..

Company building kawtah min vawnna chu a thlah ta chauh a..!

"I nihna i hriat chian theih nan, i thawmhnaw inbel hnunglamah 'Absalom Toys' tih ziah kher i duh em ni!?" Ati chang fuk a. Ka thinrim kher mai!

Chutah hawi kual zak zak chung hian a hmaiah chil ka chhâk pharh a, a hmela thinrimna lo lang ka hmuh chuan min man beh hmain chak lutukin ka tlanchhe ta a...

'Absalom Toys' ka thinlungah ari ring kher mai...

Ka nihna ka pawm ngam loh kha tunah chuan ka nihna dik tak a ni tih ka pawm a ngai ta..

'Leena Bevan, Sum hmanga taksa hralh' kha ka nihna pawnlâng ber a ni bawk. Mahse, ka ni chatuan lo vang, ka pa hming chhâlin ka tiam e...

End of Chapter-8

©<++++[BeckirafARenthleI]++++>®


9.MONEY|Penniless Love

Becky Rafa Renthlei

Chapter-9

High Street
Onslow Square
Absalom Colmer.

'Lalpa leh..!' Leena Bevan chak lutuka tlanchhia chu ûm tumna pawh ka nei lo a, ka hmaiah chil min chhâk ngam a nia! Ka hmuh tawpna hmunah er zawk zawk khawpin hlap pawh ni ila tumahin min dem hian ka ring lo.

Ka hmai hi vawi sawmsarih ka phih dawn zawk em ni ang! Ngawi teh, chu em em zawng ka peih leh si lo.

Ka bula nui huk ri ka hriat vangin chu lam hawi chuan ka inher ta a! Security hmela nuihzatna lang chhuak chu hnek bur lo turin kut ka hüm ruh nasâ. Leena'n chil min chhâk lai kha a lo hmu fuh tih hrilh hranpa ngai lo vin ka hria.

"I hmui kha i chîp lo a nih chuan i hnathawh lai leh i thawh leh zel tur awm tawh ngai lo turin ka siam ang che." Ka melh rum ûl a.

"Sorry boss, kha nu kha i ûm vat loh chuan tu emawin an lo ru daih ange, a hmelṭha si.." zawi sapa atih chuan ka harh nghal zawk. Ni dawn tak! Mansion-a haw lehna tur pawisa pawh a nei lo a, helai chinchâng hi a hre hauh lo vang.

Rang lutukin car-ah ka lut nghal a, ka umpha emaw, pha lo pawh ni ila zawn ngei ngei a ngai a ni tawp mai. Hremna pe tur tal pawh in..

High street road-ah ka tlan zui ve ta nghal a, tunah tlailam a ni tawh a, khaw thim hmâ a ka hruai haw hman lo a nih teh chuan thil pawi eng emaw a khawih leh hman ngei ang.

Hman zanah lah khan ka pum ka ti na der tawh lehnghal a, ṭûl lo puiah damdawi ka ei phah ta kha a nia. Nâ nei anga ka lan meuh chuan min ngaihsak khu chûk mai alawm le! 'Bawnghnute lum ka siam sak ang che' te min ti vel a, mipa naupang emaw min ti nge, ka naupan tawh loh zia hrilh chiam lo turin ka kâ ka chîp ta zawk a nih kha.

A phone tharah vawi thum ngawt ka call tawh a, min chhâng thei ṭhak lo! Kawngsir leh kawngkama 'bar' tenau deuh te ka melh ru zauh zauh a, khawiah nge maw a bikbo ang le!?

Darkar khat dâwn ka tlan kual tawh a, angaihna ka hre lo. A hlimchhawnah ka ûm nghal lo bawk nen mipui tei suau suau kârah hian hmuh ngaihna awm nghal lo chuan. Ka ṭawngkam eng ber kha nge a huat tâk ang? 'Money' ti a ring taka koh mai ka duh hial tawh. Chu erawh company lâr lutuka an boss meuh tihchi a ni der si lo.

Mansion-ah ka haw ta ringawt a, ngun deuh zawkin ka ngaihtuah anga, a phone chhuina tur lah kha a la nung lo bawk nen midang pun loh chuan zawn ngaihna hlawl ka hre tawh lo e.

After 1 hours
Colmer Mansion.
Leena Bevan.

Kê ngatin Absalom-a chênna hmun ka kal thleng zak a nia, ka pheikhawk bunin a zir chiah lo nen ka ke hnuai a durh vek a, thinrim hle mah ila amah ka la mamawh tlat avangin tlâwm zawkah ka ṭang lo thei si lo.

Dinner siam tur takngial pawhin ka tho peih tawh lo va, a pindan min pêkah khan thinrim ṭûnin ka mu hlawm reng chu a nih hi. Amah lah a lo haw har em em a, 'Absalom Toys' ti a min hmuhsitna kha pai dam harsa ka ti a ni.

Hetiang nun neih hi ka ka duh bik lo asin. Ka mittui a hnâm sak a, mahni inkhawngaih loh pawh tum ila ka thei lo a chhâ chu a ni e. A phone min leisak ve lah kha a changkang ropui mai sia e, Absaloma'n min lo call kha hmu reng mah ila ka pick duh der lo. Thinrim ngam tur ni lo mah ila ka thinlung hmun zimtê a chapona la awm ve hian a ngaithei bik lo a ni e.

Kawngkhar hawng thâwm niawm takin a ri rak rak a, a lo haw tawh a ni ngei ang. Khum aṭangin dimtê hian ka chhuk a, ka kephah na ut ut avang chuan ka pên hleithei lo. 'Tumah midang an awm chuan hleinem' ti rilru chungin ka bawkvâk phei ta a, step-ah erawh ka mawngtawlh thla thei tho a ka ring vangin chuti tehchiama harsa turah ka ngai lo bawk.

Kan naupan lai pawhin Park-ah kan tawlh nasat theih êm kha maw! Detective, kei ai aia hlawh tam fê te pawh an duh nei tur chuan sâng tak tak aṭangin an tawlh per per tih movie-ah te ka lo hmu ve a, keia ke na satliah hi ka mu kawm reng awm lo e..

Inhnuai chhukna step bul chu awlsam lutukin ka bawkvâk thleng ta a, choka thlengthla tur hian ka lum thla ang nge ka tawlh thla zawk ang? Thih thut lohna tur damdawi ei hmasak tur awm ta mial se confi lutukin ka'n 'dive' tur a nia. Shala...

Ka rilruin 1,2,3 ka chhiar anga 3 ka chhiar thlen rual chiahin step vawnbânah hian ka tawlh ang.

Pathum ka chhiar thlen rualin vawnbân nál zak aṭang chuan hnuailam panin ka tawlh ta a, Ka âu thla chûl bawk nen Mansion reh ruihah chuan ka aw chu a ring ṭha ngei mai.

"Mi â ka kawl tih ka lo hre lo a ni," Mawng sawh dawta ka ṭhut rualin Absalom Colmer hmel dur khup nen kan inhmachhawn ta a. A thinrim ngang a ni ang, a hmui a pet ruh fun a, chhuata ka ṭhu chu ka kawr âwmah chelhin min phih tho lawp a. "Kan inremsiamna a tawp e, i hlawh leh ka leisak ho zawng zawng che kha keng la, minute sawm ral hmain ka in hi chhuahsan rang rawh." Ati thüm chhak a.

"Eng maw i sawi!?"

"I beng kha a ngawng lo tih ka hria," tih pahin min nam sawn dawrh a, ka kephah durh ka rap keh ve chiah bawk! Hmun khat maiah a durh lo lehnghal nen thîp êm avangin chhuatah ka ṭhu hnawk a, ka en ta nghal a.

"Lemchan kha tumbuai duh suh, vawiina min tih mualpho man leh nangmah zawnga hun ka khawhral man kha i hlawhah ka cut lo zawk a nih kha.." ati zui leh khur khur a. Keimah hi thinrim tur ka ni zawk reng si a..

"En teh Absalom.."

"En teh, en teh, ti reng lo khan ka sawi chu zawm mai rawh, i nungchang siamṭhat hi ka bat a ni lo e.." thinrim inseh ruh ṭeuha atih leh tâkah chuan ka chhâng tawh lo. Hnuailam ka bih ta reng a, a kalsawn thâwm hre mah ila ka en ngam tawh lo.

Khawiah nge ka kal tâk ang? Kalna tur hmun ka nei lo va, kal tur pawhin ka ke a na si! Ka mittui luang ngiai ngiai chu ka kut hnunglamin ka hru tâwk a, ka uncle te kianga hrehawm taka ka awm lai pawh khan ka ṭap ngai lo. Mahse, he mihring ṭawngkam ngeiawm zet zet  ka han hriat meuh chuan ka rilru no zia ka hrechiang ta kher mai! Hun dang kha chu ni se ka chhuak ngei ngei ang a; mahse, tunah chuan angaihna a awm ngang lo a nih ber hi..

Ka ṭhutna ngaiah ka ṭhu ta reng a, Absalom-a hmel pawh ka hmu tawh lo. A room-ah a la chho lo tih erawh ka hria.

Darkar chanve dâwn ka ṭhut hnu chuan mut chhuakin min zem chiai chiai a, vawiinah thui tak ke in ka kal bawk nen ka chau ve ngang a ni e. Ka pa hmel mithla chungin ka chhing ta riai riai a..

Living room
Absalom Colmer

Leena vanga ka thinrimna bengdaih tumin whisky nothum ngawt ka in tawh a, ruih chu sawi loh ka harh tulh tulhin a nia ka hriat ni. Amah zawngin darkar tam hun ka khawhral a, ani lah chimawm chhuah ni awm ziazângin a lo ninhlei vel mai mai si.

Engtikah mah a insiam ṭha hian ka ring lo. Hmelṭhain nalh viau mah se a nunphung hian a thaichhe zel bawk si a, min timualpho tamtu a ni ringawt dawna ka hriat vangin chhuahtir mai hi ṭhain ka hre ta a ni.

A chhuak thâwm awm ka la hre miah lo a, pawisa pawh ka la pe reng reng hleinem maw le. Ka ṭhutna aṭanga tho chhuakin a hlawh pe tur chuan ka kal ta a, hotel man tlâwm deuhah ka dah mai loh chuan zankhuaa khawlaia vakvai turin ka duh chiah lem lo bawk.

Ka thinlung hian kaltir a phal chiah lo nâ a, ka hmakhua tur ngaihtuah a ngai ve tlat si. Amah vanga hmingchhiatna ka tâwk anih chuan ka company thlengin a tuar dawn tih ka hria a, media lama hminghliau hi ka duh loh zawng tak a ni lehnghal. Hmeichhia vang lek phei chuan..

Ka kalsanna hmun ngaiah chiah, inchung panna step bulah a lo mu kawm chal a, engtin nge a muthilh ngawt theih le!?

"Leena..!"

Vawihnih ka koh hnuah pawh min chhân tâk si loh ah chuan kaihthawh tumin ka kûn hniam a, a pang a sa vur nia! A khua asik tih hrilh hranpa ka ngai hauh lo. Inthiam lohna in ka khat nghal a. Kei hian ka lo ti lutuk deuh em ni ang.

Ka pindanah ka pawm chho ta a, a la harh chuang miah lo!

"Ka ke..." a phun sap a, muangchangin a rawn meng chhuak ta a.

Khum aṭanga ṭhut chhuah a tum chuan ka lo chelh vat a, "Damdawi ei la i muhil leh dawn nia.." a sam pawr phang chûl mam sak paha ka tih chuan, "Ni lo e, ka kal zawk ange.."

"I khuasik tih i hria ang chu maw..!"

"I pawiti lêm em ni, ka pawisa tur min pe la ka kal ang e, ka kê a hnawih tur damdawi ka lei lo a nih chuan a septic ngei ang," tiin a kephah chu a bih vang vang a, engtin nge a ke a awm tih en tura ka kun hniam ve chuan, "Min ngaihsak ang khan lang der vak suh.."

"Money.."

"Aw, Money chu ka ni ngei e, ka kawr hnunga bel tur 'Absalom Toys' tih chu siamtir ta che," thinrim mengling hlar chunga atih chuan ka hre lo der tawp.

Kha ṭawngkam ngei kha a ni a lo huat.

"I ni chiah alawm, kei chu Toys siam chhuaktu ka ni a, ka siam ni lo mah la ka lei i ni. Ka phalna thlapa chhuak i nih chuan sawinawi tur ka nei lo a; mahse, ka phalna tel lo va i chhuak a nih erawh chuan dân kalha chê i ni thung."

"Chhuak tura min titu Abalom uikawma kha i la ni reng," a thinrim hmel te hlei hlei hi a ṭha a nia!

"Chhuak rawh, ka tih laiin i chhuak tawh hleinem, tunah kha hun kha aliam tawh darkar khat aliam tawh ka tihna.." tih pahin a ke chu ka ensak ta thut a.

A kephah pilh phung leh a durh la keh lo te chu a nat hmel hle a, nichina step zawh lo va arawn tawlhthlâkna chhan kha hei vang hi a ni ngei ang!

"A nâ em?" Ti a ka zawh chuan, "Na lo se helai hmunah hian ka awm tawh lovang.." a meng dur deuh khap a, 'ka cho che' ṭawngkamin ti lo mah se min cho hmel a pu hliah hliah si.

"A nat chuan mu rawh le, 'gel' hnawih tur kan la ang e.." ka tho chhuak nghal a, a kephah a chhêm hlat hlat ri ka hriatin ka nui suk. A luhlul ang bawkin a tuarchhel a nih hmel!

"Ka hlawh kha min pe hrim hrim rawh," khum aṭangin ala rawn ti hrâm a, pêk ka tum tawh teuh lo. Chawplehchilhin ka riru ka thlâk nghal hmiah a, hmán zana ka pum ka tih nat der khan atak tak emaw tiin min duat viau kha maw le! Mahni inthiam chawp chungin ka buaipui ve ngei tur a ni ang.

"Ka la pe lutuk ang che lungngai suh, zaninah sum hmanna tur eng mah a awm hleinem," a ke ah damdawi ka hnawih sak a, min tlawh chawrh tâkah tiin ka lo inring ru deuh kha a ni a, a dawh ṭha vei phian!

"Pawisa hmanna tur ka nei, i in piah lawka restaurant-ah sawn ka inhnawh puar dawn," tiin thawh a tum a, eng mah kan la ei lo tih ka hrechhuak chiah!

"Kawh mawh bâwl zawnga i awm dawn loh chuan Spaghetti ka siam ang che."

"Spaghetti ka ei duh lo." Ati chhum hmak nia!

"A nih eng nge i ei duh a?" Dawhthei taka ka zawh chuan, "Meatball leh salad thak tâwk, Pasta leh Rumisa," ati zat zat a, a sawi zingah Salad bâk eng mah ka siam thiam lo.

"Ka siam thiam hleinem."

"Nachhawkna min lo lâk la, ka ei phawt anga min chhâwk veleh a siam dan ka hrilh ang che," a ti leh a.

"A chhâwk loh che pawhin i duh chu i sawi zuah zuah thei alawm," zawi supa ka ṭawng chu a lo hre tehchêk a ni ang. "Min lo lâk dawn nge, pawisa min pe dawn?" ati vín tâk a, thinrim tak tak hmel a pu bawk. He nu tak hi chu aw..

Damdawi a ei hnu chuan, "Choka thlengin min pua la, eitur siam dan ka hrilh ang che." Atih chuan ka chhâng peih tawh lo. Ka sawi tam poh leh min chhân lêtna tur a hre tam ting mai si a, a ngawi zâwkah ṭang phawt mai teh ang.

Chumi hnu chuan chokaah kan inpaw thla ta nge nge e.

Min control chu ka ti hauh lo a; mahse, mi hneh theihna riau a nei tlat lawi si! Dining chair-ah a ṭhu a, ka mamawh tur a sawi zuah zuah lai chuan ka ngawi ngul thung. Khawsik nei lo ang maiin a ṭawng reng a, hun dang chu ni se ka khak leh fawh tawh ang. Mahse, tun hun a ni miau a..

"Salad i siamin oil tlêm telh la ei a nuam duh," wine a lo in leh hmanhmawh tawh a, 'ka ke a nâ' ti a puak ngai hial si, intur la tur chuan hmuh hman loh khawpa rangin a kal thei a, kei anga na der ni lo mah se na lutuk chu a ni lo tawp tih ka hre mai.

"Wine kha no thum aia tam i in tur a ni lo." A sawi ang chiahin Salad-ah oil ka leih a, "I va sawi har ve, no thum ka in daih tawh si a, brandy zâwk ka in tawh mai ang," ala ti deuh deuh a..

"Eng mah in tawh suh.."

"Tú thu-in nge ka in loh ang.." Cupboard bulah a lo ding leh diam tawh a, 'pick pocket' ni awm reng a ni, a che rang em mai!

"Keimah, Absalom Colmer thu in.."

"Yaar, zanin chauh chu tu thuhnuaiah mah ka awm lo a nia, a chhan chu hlawh pe thei lo boss hi ka ngaina tehchiam lo," Brandy ûmkhat a la nalh a, "In rawh, a vai khan in la, i hlawhah dollar 25 ka cut ang." Ka ti nghut a.

"Aw le, ka lawm e, ka lawm lutuk," tih pahin brandy chu a in ta nghal a, min hnial ka rin tehreng nen ka ring sual der a ni.

"Pawisa i duh viau emaw ka tia.."

"Duh e, ka hlawh a nia zu in nan ka hmang ṭhen tihna a ni mai," ngaihsam zeta atih leh chuan tuk lawlh ka châk kher mai.

Dinner kan ei meuh chuan zan dar sawm ari tawh a, a ei tam lem lo khawp mai, a eitur sawi ho chu a tui hle a, keima'n ka ei tam daih zawk maw le! Salad phei chu a tui riau lehnghal a, a thak deuh tih mai loh chu..

Ka phone a rawn rîk tâkah chuan screen ka en vat a. Ka manager a ni.

"Aw sawi rawh le," ka ti nghal tawp a.

"Special order kan hmu a, engtin nge ka chhân dâwn?" A aw a lâwmna ri lo lang aṭang chuan a phûr hle tih ka hre mai.

Minute sawm thuak kan inbiak hnuah naktuka sawizawm atan kan dah ta rih a.

"Thil ei laia phone hman hi a ṭhing ka ti.." Lungawi lo hmel taka Leena ṭawng pawh ka ngai haw lem lo.

"Thu lawmawm lam a nia, min phurpui teh hluah lo mah la kei chu ka phur viau," ka tih chuan a meng phâwk hrâ a..

"Eng thil nge..?"

"Special order kan company-in kan hmu a! Adriana Lima, Brazilian super model ang chiah chiah kha Barbie doll siam turin min rawn ti a ni. Pahnih aia tam siamchhuah phal a ni dawn lo va, pakhat man ringawt pawh a turu viau ang," tiin phur tak hian ka hrilh ve ta a..

"Wow, ropui ve! Pahnih insiam theih chuan pakhat chu ka ta tur.." zuk ti hmanhmawh a! Awihawm loh lutuk, kum khat chhung pawhin ṭhahnem ngai takin hna thawk pawh ni se a lei zo chuang lovang tih tur khawpa man to a ni.

Colmer Toys Company-in Adrian Lima Barbie doll kan siam a nih ngat chuan tun aṭanga thla rei lo te ah sum tam lutuk kan hai lut leh dawn tihna a nia, nuam dawn ve le.

"Absalom, hmelṭha min ti em?" Leena thusawi vang chuan ka nui huk a. A rui tawh a ni ngei ang.

"Eng atan nge i tih, sex kan hman laiin i zawhna hi chu ka chhâng ang che."

"Hmelṭha min tih chuan ka hmel ang hi  toys-ah siam ve rawh. I duh ang ngeiin 'Absalom toys' ti la," Ati ta a.

"I â tawh tak tak a nih dawn hi.." tiin ka chhâng tak nâ a, ka ngaihtuahna ati thui hle thung.

Leena Bevan hmel leh pianphung hi toys-ah ka siam a nih chuan hralh a tla hle ang. A mitmeng hring nghalh ang pu 'Black cat' ka siam pawh kha a lâr hle a nih kha. Ngun taka ka ngaihtuah pawhin ṭha dawn riau vin ka hre ta a.

Leena hmel ang ka siam anih phawt chuan 'Money doll' hming a pu ngei bawk ang.

Kei Absalom Colmer thluak chawl ṭan hi kan 'Money' tehreuh hian a tuai thar zuk ni reng a!

Ka siam ngei dawn tih ka chiang sak. Hmeichhe thianghlim ka mutpui hmasak ber a ni a, sum hmanga hmeichhia ka lei hmasak ber leh manto ber a ni bawk. Ka thluak chawk buai vek thei khawpa hmelṭha leh nalh hi a puala toys siamsak tlak a ni reng a ni..

Ka siam ngei ang..

End of chapter-9

©<++++[BeckirafARenthleI]++++>®


10.MONEY|Penniless Love

Becky Rafa Renthlei

Chapter-10

Colmer Mansion
Abasalom
7:50 AM.

Ka bula mu Leena hmel chu ka en vang vang a nizana dinner kan eikham hnu khan kan mu nghal daih a, a pindan luah ve kha pan a tum vei rawk nia! Ka ngaihdan a ni lo nasâ!

"Kha pindan kha riah nan i hmang tur a ni lo tih ka sawi tawhin ka hria.." Dingdihlip chungin a kal ât ât a, a kephaha damdawi ka hnawihsak kha a ngeih awm cher cher hle mai!

"Chhuata mu leh tur chuan i pindan ka ṭâwmpui peih tawh lo che."

"Chhuatah i mu dawn hleinem," dam thlapa ka chhânna avang chuan sawi nawi tawh miah lo vin ka awmna lamah a rawn phei ve ta mai a! A duh hi chuan a fel leh viau ṭhin si a, a chângin tih mawh lutuk leh luhlul lutukin a awm tho bawk si!

Chumi hnuah chuan engmah inhnialna leh lungawi lohna lam tilang miah lo hian ka kiangah a mu fel ât a nia!

"Ka kuah thei che ang em?" Ti a min zawh chuan ka hnial chhin eih lo. Min kuah lo mah se kei hian ka kuah dawn chiang em mai. A hmuiah duhthawh zeta ka fawh lai pawhin min hnial hran lo a, a phûr hûrh chuang hek lo! Lungawi ber niawm takin a dawh ṭha ve mai zawk a ni. Inkuah rial chungin kan muhil ta kha a ni a.

Tunah zinglam dar riat a ri dawn tawh a, kaih thawh chawp a ngai ve ziah! Tleirawl ang maiin a mu chiah chiah zel mai zawng a nih hi! Kan kum inthlau viau mah se arualpui ang maiin min cho âr reng a, a muthilh hian a hmelṭhat dan a danglam daih! A lang dam thlap a, a îtawm hliah hliah a ni tawp mai.

"Money.." a hmuiah dimtê-in ka fawhsak a, a rûm ṭiah ṭiah ringawt!

"Money, thawh a hun tawh a nia," ka tih leh chuan peih loh hmel zetin a rawn meng chhuak a, a mit hring nghalh väi riai hi a sexy takzet bawk.

"Dar eng zat nge?" A ham zui bai bai a, a tho hlim hmel hi mipa dang hmuh atan ka phal lo tih ka inhre chawpchilh nghal. Kei hian ka duh ta mai em ni?

"Dar riat ari ṭep a, breakfast ei lo va ka chhuah a ngai dawn a, i eitur i buatsaih thei angem?" Ka tho chhuak nghal a, hetia ka mut ve reng chuan ka thatchhe zo vek ang tih pawh ka hlau hlel lo ve.

"Eng mah pawh ka ei châk lo," bangkil lam hawiin a inlet thak a.

"Tlêm tal ei tum la, hun ka nei tam tawh lo a ka insiam a nia," tih pahin bathroom-ah ka luhsan ta a.

Leena hi chimawmin harh thawt thawt viau mah se a chhungril hlim lo tak hi ka hmuthiam ve ṭanin ka hria. Dik tak chuan hmeichhe hrang hrang ka sum ûm a min duhtu leh min zar buaitu ka tawng reng a, chumi laka inven nan leh girlfriend nghet neih ve hrim hrim ka duh vangin Sadie Roamer nen kan inkawp kha a ni a, ani lah chu Leena Bevan vangin ka thlah fel der tawh si!

'Hmei' neih hi ka la tum chhin ngai lo mai ni lo vin ka duh lo hrim hrim a; mahse, ani hian ka nunphung ati danglam hret hret ta a nih hi! Shower hnuaiah dingin ka taksa tui vawtin a phuh seng seng a, eng anga thui nge ka kalpui dawn tih ka hre lo nâ a, chuti mai kaltir ka phal lo a ni tih ka pawm mai a ngai ta a ni.

Pindan chhunga ka luh leh chuan khumah a lo mu tawh hauh lo a! Washroom lamah a awm a nih ka ring.  Vawiin hian nizan lama order kan hmuh kha bawhzui a ngai dawn a, chawhma zawng company-ah ka awm anga, Leena lunch eipui turin ka haw ang.

Eisiamtu tur a hranpain rawih sak tawh ila ka ti deuh bawk a, ka doctor-in min hrilh dan khan Leena hian hna hahthlak leh thu thinṭhâwng zet zet a hriat chuan a Lung ṭha lo hi chhuak thut thei a ni tih a sawi a, thla thar aṭanga treatment la turin ati nghe nghe a ni.

Ka insiam peih meuh chuan dar kua a hnai kuar tawh a, company kal turin inhnuai lamah ka chhuk ve ta a..

"Breakfast i ei hman reng a nia, Absalom.." Leena chu dawhkan kilin a lo ṭhu a, chhângthawpah butter a lo tât mawlh mawlh a, coconut milk leh Vanilla whiped cream a inchhawp bawk a, heng zawng zawng hi a siam hman tihna em ni le!?

"Ka tlai tawh mah mah."

"Boss i ni a, i thu ber bawk, chuvangin ineipuar hmasa lo va chhuah kha a finthlâk tehchiam loh a nia," ka nupui niawm tak zawk a ni. A sawi dik chiah bawk. Nakin lawkah inhnawhpuar ka duh leh dawna tunah ei puar sa a ka kal a nih chuan hna ka thawk sâwt zâwk ngei ang.

"Ok," A opposite chiahah ṭhut hmun ka rem ve ta a, chhângthawpa butter tah pawh tui tih hmel zetin a ei thei zel mai chu a nia! Ka ta tur ka hmaah min rawn chhawp sak a, coconut milk rimtui zet chu ka hnârah a châm veng veng thei nia. Lunch atan Chinese restaurant ami kha ka hawnsak ve ngei ang.

"Eng nge vawiinah i lo tih ang?" Ka tih chuan nui sak chung hian, "Ka hre lo le.." ati ṭha ve mai a.

"Study room-ah lehkhabu lo chhiar la, lunch tui tâwk ka lo hawn ang che," a nui nghal var var a, "Tak tak aw," ka mitah min en kalh a, duattu mamawh ngawih ngawih hmelpu-a ka hriat chu le!

"Yes, promise.." kutzungpui ka tipir vah a, "I lo haw har lo ang tiraw?" Tiin Apple chu a kâ khat ṭûnin a keih a, "Haw har lo turah ka inngai, eitur hmuam chunga ṭawng loh i zir hrâm hrâm dawn nia Money," tho chhuak paha ka tih chuan a bu nghat nghat a, tukin hi a mood a fuh viau!

Kalsan ka hreh riau nia maw le!

After 1 hours
Leena Bevan.

Absalom-a kal liam tur chu tukverh aṭangin ka thlir a, business suit buang thak inbelin a sam pawh nidang ang tho vin a siam uluk leh hle a, a taksa lian leh inphut zet hi amah ti 'Absalom' tu niin ka hria, British mipa ni ve siin a vun a ngo teh vur lo a, ka hmu zing telh telh a, ka chhungril hian a ngaina ṭan tih phat buai ka tum lo.

'Audi S 8' car-in muangchang hian a tawlh chhuak ta zâl zâl a, a kut dinglam a rawn phar zauh chuan ka chhawn lêt ve vat a, nupa te pawh kan ang dawn dawn alawm le.

Absalom-a thusawi zawmin study room-ah ka inkhung ta a, lehkhabu tam tham zet chu chhiar tumin han insangmar ve viau mah ila ka peihnain a tlin ngang lo. Vawiin hian he Mansion-a pindan hrang hrang zir chianna hun atan hmang ta ila..

Ka ke a la nat deuh vangin hmanhmawh hauh lo hian pindan chu ka fang ṭan ta a. A changkang hlawmin mihausa in tih a hriat hliah hliah a, pindan pariat lai inhnuaiah ringawt pawh zuk awm a!

Pindan tawp ber inkalh deuh ṭhap chuan ka mit a la hlê a, chahbi kha khawiah emaw chuan hmu thânin ka inhre tlat. Umn..Living room-a drawer-ah a awm chiang.

Drawer ka hai rawk rawk lai chuan doorbell ari ta a! Inleng neih ka inbeisei hauh lo. Absalom-a pawhin a sawilang miah lo va, Mansion chhung tifaitu tur a nih ka ring ta zawk a. Kawngkhar ka hawn ruala mitmeng thîp lutuka min melhtu, Sadie Roamer hmel nen kan inhmachhawn ta a!

"Eng nge i lo tih dawn?" A lo luh theih nan kawng ka kian a.

"Ka boyfriend inah hian ka duh duhin ka lûtin ka chhuak thei alawm," tlângnêl zetin living room-a pan nalh a, lo dan erawh ka tum lo.

"I boyfriend inah a awm tlat si lo va, engtin nge ni ta ang, kei hi chu min kawm peih vakin ka ring lo va.."

"Hmanni a ka tlereuh min chhuhsak tâk kha lam tura lokal ka ni." Cupboard hawngin Scotch ûmkhat ala chhuak a, a inthlit zui zat nia!

"Kei hian a awmna ka hre tawh hauh lo, dawhkanah dahin ka kalsan ta kha a nia," tiin intur nokhat min pek chu 'Ka duh lo' tih ka tum ûk a; mahse, polite loh thlâk deuhva ka hriat vangin ka ban leh ta zawk a. A khawsak phungah hian a mikhual lo tih a hriat hliah hliah bawk.

"Leena Bevan, dâwt sawi i thiam lo kher mai," Scotch nokhat a tlâk pap a, min melh no tehchiam lo. Kha tlereuh kha a awmna ka hre tawh lo tak tak! Absaloma'n a dahṭha a ni maithei a ni.

"Miss Roamer, fiamthu i duh awm hle mai ka ti, a awmna ka hre lo ka tih chuan ka hre lo a ni mai, khatiang inbel duh tur a min ngai a nih chuan min ring sual hle tihna! A chhan chu Sana bâk ka inbel ve ngai lo." Fiah faka ka ṭawng chuan mitko a sân âk a, "Kan la hria ang chu, min pe lêt lo a nih leh report ka thehlut ngei ang." Ati hmak a.

"I duh leh theh lut ta poh che," ngaipawimawh awm lo taka tiin intur chu ka tem hlak a, min hrai ruih a tum deuh nge, a tak ṭha ngei mai. Mahse, kei, zu chi hrang hrang lo tem tawh hian eng tehchiamah ka ngai lo ve. India rama zu 'strong' lutuk leh rim na uchuak 'Rum' in thei chin kha ka nia lawm! Chuti maiin ka rui chhe hauh lovang.

"I zâm lo hle mai," intur a inthlit belh leh a, ka no pawh a rawn chhungkhat ve leh ta! A in theih phawt chuan ka thei ve awm chiang em mai.

"Absalom hi kalsan ang che," A mitmeng phakar hmel taka min melhna chu ka hawisan duh bik lo.

"I sawi hma kha chuan kalsan ka lo tum deuh a; mahse, i lo inrawlh vang hrim hrim hian ka kalsan lo vang."

"Tenawmnu.." min bêng duh mai hmel a pu tawh a, kei pawh ka insûm rei vak tawh lo ang.

"Tenawm lah lo e, kan tenawm dan a inang vel maithei. 20% in i tenawm ka ring mah zawk." Ka tih chuan ka hmaiah a zu ken laiin min theh leh ta a, vawihnih min thehna a ni tawh a, kei hian ka palzam dawn hauh lo.

"Shala..." a hmaia theh mai duhtawk lo vin scotch ûm a, a chanve dâwn la awm chu a chhip aṭangin ka'n leih a nih kha! A ṭê ring khawp mai.

"Ka chhuah lo vang che," a kekawr ipte zenin a phone ah lai chu a phawrh a min vawm nan a hmang ta a, ka lu ari nghal fawk! Chutah car chahbi in min vawm zui leh a, a hmuh hmasak sak chuan min vawm hmiah hmiah ta mai! Living room chhuata zu luang kawi nuai leh glass no keh rum te chuan ka thin tertek a kai chhuak ta.

Ngam leh ngam chu insual mai tur.

Sadie chhip samah ṭhâmin ka phih dawrh a, ani lah a chak phian! Ka kephah thíp et et chuan ka chêt ati khawr deuh bawk nen ka duh ang thâlin ka sawisa thei lo. A Sandal bunlai hlipin ka chhipah min vaw ta zawt zawt a, sofa-ah min bawhbet rân tawh mai!

"Mihurnu, ka that dawn che," tih paha ka hmai theihtawpa a ben chuan ka hawi sawk thei nia! Ka thâwk a sak ṭalh a, zu rim leh Sadie perfume hman rim chuan ka thluak a luh ngut ngut bawk nen ka âwm chu hnawhtu awm ang maiin a tâwt up up a, ka mit thim tial tial chu ka duh lo kher mai. Inthin harh ka tum ngial a, a taksa rihna hmanga min delh tlat avangin a ping deuh mupin ka hria!

"Eng thil nge..!?" Absalom-a aw zawi sup ka hriat chuan ka chhing ta riai riai a..

"Lee, Leena.." Hla tak aṭanga min ko ri niawm tak chu ka mang hriat ruai ruai a, ka lung phu dawt dawt kha a ziaawm tih ka thâwk dan aṭangin ka hre mai.

"Absalom, engtin mah ka ti lo.." hmeichhe ṭap ṭiau aw ka hre leh a! Men chhuah tuma ka mitvun ka chêt chuan a sak ṭalh ṭalh khawp mai.

"Sadie, ngawi hmiah rawh, i kâ kha i lo âng leh a nih chuan a nung chungin ka lip ang che." Absalom-a ṭawng dan avang chuan ka chhungril a nui sak a, thil awmzia ka man chiah bawk.

Sadie Roamer nen kan insual tak alawm le! Min bawh betin min bêng hial kha a nia, ka hneh lo tihna a ni maw! Zahthlak lutuk! A bul aṭangin kan ṭan ṭha leh anga ti nia. Meng chhuakin ka kianga mi pahnih dingte chu ka en ta a.

"Lee, i ṭha em?" Absalom-an ka hmai bula atih chuan ka nui sak a. Ka bu zui nghat nghat bawk.

"Eng tin mah ka ti lo ka tih mawlh mawlh kha," Sadie lo ṭawng ve chuan ka thinrimna a chawk tho pha tlat tawh.

"Lo ṭawng suh," Absalom-an ati chang fak a. Sadie hmela 'ei lohna' lo lang chhuak ka hmuhin ka mutna sofa aṭang chuan ka ṭhu chhuak a, ka kianga ding Absalom-a chu namkiangin Sadie ka pan ta a. Ka ke nâ pawh ka haider hmiah.

"London police hnenah report chu theh lut ta che," zawi sapa tiin a biang veilamah hawi sawk khawpin ka'n ben kha!

"Absalom..!"A ti ṭiau a..

"Absalom, Dad, Uncle..etc, i duh duh ko rawh, kei hi India ramah pawh chuti maiin min man thei hleinem. A chhan chu min man theihna tur khawpa lian thil sual râpthlâk ka ti tlat lo a. Tual ka that hek lo." Thinrim lutuka ka ṭawng chu a ring hran miah lo a; mahse, hlauhawm ve tak a ni.

"I chapo hle mai.." min la chhâng ngam nia!

"Chapo chu kei ni lo vin nangmah Sadie Roamer kha i ni," a hmai bulah ka kûn hniam a, "Ka thinrimna tura i awm leh a nih vaih chuan eng police mah veng thâwng lo-in, i mitmu kha ka kher chhuak tawh ang." Ka ti ta a. "Absalom, a tlereuh kha i lo dahṭha mial a nih chuan pe rawh, ka hmuh phâka inlan tawh lo turin hrilh bawk la, ka hmu leh a nih chuan mitmu a nei tawh lo ang." Ka sawizawh rualin Absalom chu a nui huk a, ka fiamthu emaw ati a ni ngei ang.

"Ka pe daih tawh, a vai khan ala kir tawh.." Absalom-an atih leh lek phei chuan ka chhungril a so bulh bulh thei nia.

"Tu thu-in nge i pêk? Eng mah sawi lo vin ila ngawih bopui lehnghal a!" An pahnihin ka melh tawn zak zak a.

Sadie bânah vuana a nawrchhuah lai pawhin vawm bur lo turin ka inhûm ruh nasâ. Tenawm dun lutuk.

Absalom Colmer-an a rûkin a lo pe lêt a, a pêk nu lahin zak ṭhak lo vin min la rawn dil ngam a nia! Sofa-ah ka ṭhu hnawk a, min ti chau zo vek tawh.

"Lee, eitur ka lo hawn a nia," Absalom-a rawn lut chu en pawh ka en peih lo.

"Nangmahin ei la ti nia."

"Titau lo hrâm rawh, ka thiam loh a ni e," tiin ka bulah a lo ṭhu a, dawhkana box pahnih inhûng chu eitur a ni tih ka hre mai.

"Eng vanga kha nu tlereuh kha lo pekir ve ngawt nge maw i nih le!?" Thinrim ru ṭeuhin ka zawt ta a.

"Khatiang thil tê tham lutukah khan i hming a hliau ka duh lo a ni. Hetah i la kawl reng a nih chuan mualphona nasa zawk a thleng thei a, Sadie dâwtsawi hrât zia chu i hriat kha.." dam thlapa min hrilh fiah tâkah chuan tlêmin ka inbengdai thei ta deuh.

"Tun ṭum chauh ka ngaidam ang che." Ka ti ve ta a.

"Thank you, intleuh fai zuai la, zu rim i nam nasa teh mai ania," tiin dawhkana box pahnih chu a ban zui zat a. Ni e, Scotch rim ka nam huam a, kha nu vang vek kha a ni.

"Bathroom thlengin min pua la, ngaihdam fel hmak i ni ang." Ka melh ralh a, a kiai ve suk tho!

A coat hâk kha a hlip tawh a, a hnuaia kamis paw duk a inbel chu a inhmeh kher mai. A hnungah pakaiin inchungah min paw chho ta nawl nawl a.

"Eng emaw pawi ka khawih apianga ngaihdam nan puak zel i ngai dâwn a nih chuan ka fimkhur viau tawh ang," tiin bathroom chhungah min nghat ta a.

"Kha nu kha ka thîk miah lo. Mahse, min hmusit viau tur leh i lak aṭanga inthiar fihlim tura min hrilh fo hi ka ngaithei miah lo a nia. Kan inremsiamna puanzar i duh loh chuan i nula khawiho te zilh fing hmasa ang che." Ka ti ve hmak a.

" 'Affairs kan nei' tiin ka sawi zel anga maw!?" Ati hû a!

"Absalom toys, tih ai chuan ala mawihnai deuh zawk alawm, min chhuahsan loh chuan ka inbual thei miah lo ania," ka ti leh a.

"Eng vangin nge kan inbual rual mai loh ang," phûr thar ta thut niawm takin a kamis hâklai a hlip sawk sawk a, ''I thawmhnaw phelh ve rawh'' atih chuan ka tîm deuh! Chutah hmanhmawh hauh lo va ka thawmhnaw inbel min phelhsak tâkah chuan chêt mai nachang ka hre hauh lo.

"C'mon Money, lunch-in min nghâk reng a nia," min pawm nawlh a, bathtub-ah min luhpui ta a. A taksa lum ham hamin min sîk rual chuan ka mûr seng seng thei nia!

Saruakin kan awm ve ve tawh a, atu mah mah zak angin kan lang lo. Kei hi zak ngawih ngawih tur ka nih laiin engtin tehchiam ka awm lo a, mipa ka mutpui hmasak ber leh hnuhnung ber tur a ni tih ka thinlung hian a hria te pawh a ni mahna.

"Money, i taksa ka hmu vek tawh a, hmuh thar leh tur a awm tawh hek lo" Absalom-a aw chu a thâm deuh țuak a.

A taksa nalh thlurh leh phiar fat ka hmuhin ka hawisawn thei bik miah lo. A vun sen uk kharh chuan a tilang 'pa' ngawih ngawih bawk.

Tlêma min tawlhsawntir deuhvin ka hnung chiahah chuan a rawn țhu a, sahbawn chu ka hnungah a hnawih nghal zat bawk a. Min tawhna chuan ka kawchhung thlengin a fan chiai chiai mai!

Uluk fahrana sahbawn a hnawih zawh chuan scrubber-in a nâwt leh hauh hauh a, ka dul leh âwm bâwr vel a nawh thuak thuak lai chuan ka hmai a sa pap pap thei nia!

"Ka tih ang khan ti ve rawh le," tiin sahbawn chu ka kutah min hmehbel a, ka hmaah a țhu ve ta nghal a. Zawimuangin a taksaah chuan ka hnawih ve mai bawk! Ka kut chevel ngaichâng niawm tak hian a ngawi reng a, kan boruak țang ru zet chu kan hai lo ve ve!

Ka lam hawiin arawn inher thut a, kan inhmachhawn ta rân mai!

Eng nge lo thleng tur tih hrilh hranpa ka ngai hauh lo! Muangchangin ka hmuiah chuan a rawn fawp ta a. A rei tulh tulh a, min dim lo telh telh bawk! A kutphah hlai țha zet chuan ka taksa chu a chûl kual rûai a, ka âwm bâwr pawh duhthawh takin a țhâm tâwn tâwn bawk nen nawmna mak tak hian min tuam hlup hlup a ni ber mai!

"Money, i nalh takzet," Absalom-a aw chu hla tak ațanga lo ri chhuak ang maiin a zawi hle a! A kutin zei zeta min tawh chuan ka lo insiamrem ve zel bawk. Hmangaihna min chenpui a tum tih ka hrethiam mai, kei hian dan ka tum miah lo, $5million ka neih belh leh dawn tihna. Bâkah ka hmeichhiatna a kai tho ve hrim hrim bawk a, man nei a nih ang ngeiin a lungawina tâwk a hmu tur a ni.

'Paradise kalkawng a thui lo' titu kha amah tho hi a ni a. A ruala kal ve ngei ka tum nghet tlat bawk.

"Helai hmun chu ni lo e, duhthusam a ni lo," Absalom chuan ti supin, tui thianghlimin min tleuh ta puat puat a! Amah pawh intleuh fai ve nghalin bathtub ațang chuan min pawm chhuak ta nawlh a.

Ruak veka kan taksa a indeh chuan ka taksa chu lo danglamin ka la hriat ngai loh phûrna nasa tak hian min fan a. Ka thianghlimna ka lo hlan tawhna mipa ngei hi a ni, ka chhungril thlenga phûrna namen lo min siamtu chu..

Bedroom lamah min pawm lut ta a.

Towel chuan dimdawi taka ka taksa chu hru hulin khumah min țhuttir a, a taksa hru hul ve leh thuakin khumah chuan alawn kai ve nghal zat bawk a. A taksa nghenga min kuah leh tâkah chuan a thinphu dat dat leh rang zaih zaih chu ka hre thei hial! Kan thinphu a inthüm rawn tlat tlat a ni ber mai!

Chutia dim taka min rawn khawihna chuan mak takin zah lohna min pêk belh sawt nia! Uar leh duhthawh takin min fawp leh a, a chêt dan chuan nawmna tamtak min pe-in, chu tuipuiah chuan ka pil ṭan mêk chu a ni si. Ka Lungphu ri in 'dollar' a chhiar lo chauh alawm le!

Uar theihtawpin ka lo chhanglêt ve tân tân a, ka inthunun thei lo a chhâ chu a ni e. Tisa châkna nasa tak mai hian min tuam dun tawh a, hremhmun a ni emaw, Vanram kawtchhuah pawh ni se, kir leh thei kan ni tawh lo bur.

Absalom chuan ka awm dan a hai hauh lo tih ka hria a, eng thu emawni a sawi sap sap a, ka âwm bâwr kawh lah mai chu a khawih kual a, dang turin thâ ka nei lo, dan lah ka tum hek lo. Min tawhna chu nuamti takin ka lo dawngsawng țha em em a ni tawp mai. A hnungzâng leh a tukkhum samah ka chûl ve ta dan dan a.

Ka chêt dan chuan a tiphur zual sauh nge, a mipatna khauh țang mai chu ka tawk fuh ta a, heti taka ka rilru a luah mai hi engvang nge ni ang!?

Hmeichhe tenawm ber ang maiin ka phûr sarh mai si a! Ka kianga mipa erawh sex hmanpui châkawm hliah hliaha nalh leh îtawm a ni si! Ani pawh a mêng thim deuh raih tawh a, a inpeih thawkhat ta tih ka hriatin ka insiam rem ve ta nghal a.

Ka chhunga arawn luh a, nawmna vawrtawp kan inpek tawn lai ngeiin, "Ka kaltir ngai lo vang che," ati sup a, ka thinlung a nghawr dat mai.

"I kal ka phal bik lo ang." Ka ti ve sap a. Lungawi taka ka chung aṭanga aleh thlâk meuh chuan chawhnu dar thum a ri dawn tawh! Ka rilṭâm lutuk pum ri raih raih chu a hre ve a ni ngei ang.

"Thawmhnaw inbel ila, lunch kan ei dawn nia," Absalom-a ṭawng dam thlap chu a ri ava mawi si êm!

"Tu emaw hian ka mut hmunah min lo pe ta se, ka lawm a famkim mai tur," a hriat phâk ka rin loh avangin ka phun sap a.

"Lalpa leh! I lawmna siam turin helai hmunah mi pahnih chauh kan awm si a, nang a sawitu i ni a, kei, a ngaithlatu ka ni bawk. Misual bera min chhuah mai loh nan i khumah pêk i ni ang." Nui suk suk chunga atih chuan ka nui lo thei bik lo.

"Ka lawm e, mahse, min cut sak miah suh.."

"Eng maw ka cut ang?" A ngaihna hre vak lo va atih chuan, "Ka hlawh maw le, $5millon ka hlawh belh tih kha i hre na nge!?"

Chutah za lutuk tih hriat tak mai hian a nui ta a, hetiang em em a, a nui nasa lai hi ka la hmu ngai lo! Sawi sual ka nei zawk em ni ang!? Ka ngaih te pawh a ṭha lo e a.

"Money, oh Money.." Sawi pawh a sawi ṭha hleithei lo maw le!

"Nui reng chungin khatah khan i ding dawn nge lunch min pe zawk dawn?" Ka nui duh miah lo a, min nuihzat hian ka chhungril a na ru tlat zel.

"Ka kal e," tawnzau leh cotton kekawr a inthawlh sawk sawk a, kiai suk chungin a chhuak ta a.

Min duat poh leh ka nêp zia ka hrechhuak leh si ṭhin. Nawmna leh pawnlam lang thei hlimna ka tem ṭan mek a, phuba lâkna ni erawh nitin ka hnaih si.

Nichina Sadie ka ṭawngkhum dan ang kha ka nihna chu a ni. An pawi ka sawi lo chunga buaina leh ṭawngkam chhe tleuhna atana min hmang lui zel a nih chuan ka thisen zawm anni emaw, ka ṭhian pawh ni rawh se, ka zuah hauh lo ang. Thihpui dawn mah ila a tawp ka thleng ngam tur a ni. Chu chu uncle Lewis leh ka nu chunga ka rilru puthmang kha fak chu a ni.

'Leena Bevan tlanchhe ngai lo leh a hmabâk thim tak sutkian tum hmeichhia kha ka ni a' ka ni reng bawk ang.

"I hmel chu leh! Red Indian-ho nen buaina nei niawm fahranin a tür ngan mai." Tray chawiin Absalom-a a rawn lut a, ka ngaihtuahna dum lutuk vangin hlim hmel ka pu lo tih ka inhria.

"Ka ngaihtuah ang chiah hian ngaihtuah ve la, i hmel khan 'Seol' a ang ve tho ang." Ka nui sak a, "I ngaihtuahna dum kha paih bo la, dollar mena meng lo vin eitur hi ei rawh le," khum bul dawhkanah tray chu dahin a plate tur a chawi nalh a, a rilṭâm ve ngang a nih dawn hi..

Chinese food lum vat vat a eilai chuan chil ka lem khalh.

"Khawi ami nge a, 'ka siam a ni' tiin dawt sawi miah suh." Ka'n ti nghal ringawt a (h)

"Ka siam a ni lo a, ka lei a nih hi.."

Thawmhnaw inbelin ka ei ve ta nghal a, a tui dangdai theuneu lo hle mai! Chinese food min leisak duhna rilru a pu hi ka lawm. A chhan chu lunch siam turin min phût lo tihna a nia, min chhawr hah lo ropui si, ka vanneihna a kaltluang te pawh a ni ve mai thei asin.

A tui hliam hliam bawka kan thiltih zawh chiah khan rilṭamna a keng tel nge, kan pahnihin a lo ken chhoh ang ang chu kan ei fai vek maw le!

"Sadie khan a that dawn ta che emaw ka ti hman alawm," Absalom-an atih chuan ka tui in lai ka phuh chhuak teuh kher mai.

"Min that se engtin nge i awm ang," ti a ka zawh chuan a ngawi ta vang vang a, min chhâng tawh dawn lo emaw ka tih hnuah, "Ka ui viau ang che, mittui êm sêng lo mah ila, ka nuih a za hauh lo ang. Nangmah thattu chu a nung chungin ka khengbet bawk ang." Thutak lutuka tiin a mitmeng buang thak chu a mûk ru phian nia.

"Thleng lo hrâm rawh se.."

"Ka fiamthu lo a nia Leena."

"Ka fiamthu bik em ni?"

"Ka hmangaih che chu ka ti lo. Mahse, ka ngainain ka duh che tih kan sawi tlang pawp ange.." ka malchunga ka kut chu a rawn vuan a, "Kan inremsiamna kha a him zawk nan inhualna zungbun i bun duh em?" Ati thüm chhak ta mai le!

Ka mengphâwk lutuk a ni ngei ang!

"Mak i va ti awm ve a?" Ka ṭhutna bulah a lo ṭhu thla ve nghal a.

"Ti ve e, Sadie nen in inkâr ka ti khaw lo zo tawh a, ka inthiam chiah lo."

"Inthiam lohna chhan tur a awm hleinem, vawiina a lo tihdan che ka hmuh aṭang phei kha chuan ka thlah ta hi ka lawm hle zawk." Ati sup a.

"Vawiin kher kha chu aw.. ka ke na lo se chuan hmai alawi a nei lo ang," ka ti ve kha kha a.

"Nia, duh aiin i che na lo tlat!" Ala ti tak deuh deuh a!

"Absalom, min fuihpawrh reng reng suh," tih pahin a hnungah ka bêng thak a, a nui suk.

"Affairs neih ka rawt tlatna chhan hi i hriatthiam hunah min ngaisang miah suh." A sawi awmzia ka hriat tlat loh avangin ka en hau a.

"Eng nge i sawi awmzia?"

"Leena Bevan, i hriatthiam hunah tih ka sawi lo em ni!? Le, khuma awm reng zawng thâ leh sum a hek em mai, thil eng emaw ka entir ang che." Ti a ding hluaiin min pawt tho ve nghal a, ka ke pawh ka rap ngam ta deuh e.

"Tray kha keng la, i sawi nawn leh hmain ka pua ang che." Atih leh chuan lawm tak tê-in ka lawm tawh. Min duat si, inhualna zungbun ka bun dawn bawk si, hlawh ka la nei zui bawk. Vanram kawng ka zawh dêt dêt a ni thei mai lo maw!?

Inhnuaiah kan in paw thla leh ta a, ka tray kena bowl inkhak ri chu a ring ṭha kher mai!

"Ti hian ka chhawr zawk pua-in ka thên kual chu a ni si a, ka staff dangte'n min hmu lo hi a lawmawm.." a nui ve hawk hawk maw le. Sadie lokal khan kan inkâr a siamṭha zawk ta hlauh tih sawi lan kher ka tum lem lo.

"Nakin lawkah chuan min ngaiin i la vâk kual ruai ang," ka fiam let ve a, kan boruak zangkhai ta lutuk hi mumang thleng pawha mang zawm thei turin ka ṭang mar pât nâng a...

Tray chu sil tur dahnaah ka dah tawp a, min la paw reng tho! Pindan pakhat inkalh ṭhap, en ka lo châk rûk em em ngeiah khan min luhpui ta a.

A chhunga thilawm ka hmuh meuh chuan hlim lutuk vangin ka khêk chhuak ta râih a..

Toys hlirin a khat tih theih deuh thaw a ni. An hming a intâr vek a, Colmer company-ina an siamchhuah kum a awm tel zel bawk.

"Absalom, ka chhuk duh tawh a nia," ka ti sap a. Ka khawih châk zek zek tawh. Toys ngaina hmeichhia tawh phawt chuan an hlimpui ve ngeiin ka ring a tam em a ni.

Black cat, Wooden, Skwish,Teddy  Bear, Ice cream doll, groovy girl leh Barbie, Frozen..etc.. â, atam lutuka an hming ka hmuh hmasak a piang ka chhiar lau lau zel bawk a, Absalom an min en reng tih ka mitsirin ka hmu nâ a, ka insum thei lo.

"Ka toys siamchhuah ai hian ka hlu ta meuh lo em mawni chu le?" Ka kâwngah min rawn kuah a, hun dang chu ni se ka haw leh ngawt ang. Mahse, Nautelem nalh leh changkang, hmelṭha deuh deuh ho hian ka nun an tihlim thung si.

"Pakhat tal khi min lo pe ve.." tlawn pah deuhin ka'n nuih deuh ngei a, "He ina i chên chhung hi chuan i ta vek an ni. Tuman an chuhpui lo ang che," tiin ka biangah a fawp zauh a, nidanga ka la hmuh ngaih loh a mitmenga lungawina niawm tak lo lang ka hmuh chuan nuam ka lo ti ve em em nia. Ka rin anga sual uchuak a nih loh zia nitin ka hre thar a ni ber mai.

"Ka lawm e, mahse, a inkalh reng ṭhin si a, chahbi ka neih loh chuan ka lut thei dawn hleinem," ka ti nang nang a. Chutia ka tih tâkah chuan chahbi spare chu lathlain ka kekawr ipte-ah min thun sak ta a. Ka lawm êm avangin eng mah ngaihtuah lêk lo hian a nghâwngah kuahin ka hmai bul thleng rak ka kuai kûn a, a hmuiah duhthawh zetin ka fawp ta a.

Min chhâng lêt rang kher mai! Ka kawr chhungah zenin ka hnungzâng a chûl hauh hauh a, a kut lum thar thar leh min tawhna dam thlup hian rin ngam mipa a nihzia a tarlang viauin ka hria. Kei hian ka thutiam ka hlenchhuah hma a Absalom hi ka hmangaih a nih vaih chuan thutiam puarpawlêngah ka chantir lo ang tih pawh ka hlau hlel lo e.

"Money..!" A hmui hnâwng chap a ka nghâwng leh âwm bâwr vel a nawr nâ nâ chuan ka lo ip zawr zawr thung.

Thawchham dâwna kan infawh hnu-ah ui ru tak chungin kan inthlah ta hrâm a, tiamchin nei lêk lo va fawh hrep ka châk kher mai.

"Helai hmunah hian mut i duh loh chuan min fawp tawh rih suh," ati ta thlâwt reng a! A kâwng hnuailam pawhin 'North Pole' a kâwk leh vâ tawh tih ka hmu reng. Sum thawh chhuah belh ka duh chuan arang ranga fawh leh chi maw le. Chu zawng nikhata $10 million lâksak chu ka khawngaih deuh, min duat ve bawk si a...

"I pindanah pakhat tê chauh hi ka la chho ve ang aw," a kutah ka vuan rân bawk a, inlâk 'inno' te zawng ka thiam ve chiang em mai.

"Ok, thlang rawh le.."

Ice cream doll sam phiar kâk suau leh kareh zîm zet ka thlan laia Absalom-a hmela nuihzatna lang chu a chhan ka hrethiam lo.

"Kha khan i lung a dum ber em ni?" Tiin ka thil pawm chu a thlêk vang vang a, ka lo bu ve nghat nghat thung. Ka lung hi a awi hliah hliah e, hetianga hlimna leh lungawina hi Sadie kal liam hnu aṭanga ka neih kha a ni a, hlim taka min siamtu ka kianga mipa ding hi ka ngaisâng thar sawt bawk. Amah mai ni lo vin a toys siam chhuah te hian mi tamtak hlimna a thlen dawn tih ka hriat thar phah ta bawk a ni.

Toys room kan chhuahsan hnu chuan dinner buatsaih a hun thuak tawh a, ka phûr sarh sarh teh asin.

"Mr.Colmer, dinner atan eng nge i ei duh ber min hrilh rawh le.." Living room sofa-ah a ṭhu thluang duai a, a kiangah ka ṭhu ve rân bawk. Intur thlit sak tur leh a mamawh hun apianga awm turin ka inpum pêk a ni ber mai.

"Zaninah dinner siam angai lo ang, i ke a dam chian hma chuan kan order zel dawn nia, zaninah pawh Indian restaurant-a mi ka order tawha an lo dah ṭep ang," ati awlsam êt thung.

"Khawiah nge i phone?" Ti a min zawh chuan inchung lam ka kâwk a, "Han la lawk la, games khelh dan ka zirtir ang che," ati ta a.

"Ka ke a nâ.."

"Money, pangchan i inhmeh ve lo ania," kiai suk chunga tiin a ding hluai a, phone-in tu emaw a be leh tê tê a, chumi hnuah a room lamah min pawm chho ta a.

Kan dinner tur kha a driver-in a rawn dah dawn niawm tak a ni. Inchungah kan awm daih dawn si a, mi hrang hlak rawn luhtir a duh lo te pawh a ni mahna..

Khumah games khelh dan min zirtir a, ka thiam thei chai lo. Mahse, dawhthei taka min hrilh chiam hnu chuan ka man ve ta deuh.

"Lee, naktuk tlaiah dinner kan ei dun thei dawn lo a.." thildang a rawn sawi chuan a hmel ka en vat a.

"Eng ati nge? Company lamah inbuai dawn em ni?"

"Company lam chu ni lo e, Shane-a ṭhiannu nen inhmuh kan tum hun kha a ni tawh a, hruai ve che pawh ka duh viau nâin i ke ala dam chiang si lo a, nangmaha i lo awm mai a ngai leh dawn a ni." Ati sup a, nuam lo ti hmel te pawh a pu ve deuh nia!

"Min ngaihtuah suh, ka awm thei lutuk ang," ka ti liam mai a, ka chhungril erawh a mangang ru nasâ. A chhan chu Indian restaurant-ah inhmuh an tum tih kha ka la hre ve tlat! Ka Hindi ṭawng zirtir kha hman ngei a tum dawn si..

'Lalpa leh!' A dik tak kha lo zirtir ṭhat hle hle tur a nia, min man chhuak a nih vaih chuan kan inkâr ṭha sa a chhe vek dawn tih ka hre mai.

Tunah lah 'A dik lo hlir ka hrilh che' tih chi ninghal lo chuan...

Zanin leh naktuk zing a liam chuan 'Seol' tê nau ka tem leh dawn nge nge e. Inpuang turin ka huaisen ngang lo chu a nih ber hi...

A nih nih ni turin ka hmabâka Absaloma thinrim bengdaih dan tur zawng lâwk chiam ila ka tifuh phian mahna...

End of Chapter-10


©<++++[BeckirafARenthleI]++++>®

11.MONEY|Penniless Love

Becky Rafa Renthlei

Chapter-11

Colmer Mansion
Leena Bevan

Ka taksa sil ṭhûm avangin khumah ka bawk hle hle a, Absalom nen dinner special tak kan neih hnu-ah hmangaihna âm takin kan chên dun leh ta kha a ni a. Nimin chhun a mi nen $10million chu ka hlawh pha ta nge nge e! Chhinchhiahna fel tak ka nei a nih loh chuan nakinah intih thiam loh te pawh thil awm thei a ni a, ka tân a buaithlak ka hlau ta deuh hlek a ni.

Khum thawhsanin note book ka zawng ta a, ka hmu mai lo lehnghal! Tunah dar sawm ari tawh a, Absalom pawh a chhuak daih tawh alawm le! Thawmhnaw inbelin inhnuaiah ka chhuk ve ta a, choka lam aṭanga zai rût rût ri ka hriat chuan dimtê-in chu lam chu ka pan ta a.

Yaar, Hamish-a lek! Ani hi Absalom-a driver kum hlun a ni a, Palian leh hmelṭha vuah mai, taksa inphut mawi tak nei a ni bawk.

"I lo thlenna a rei tawh em?" A phu zuk a, a zai tawp hmuk bawk.

"Boss breakfast tur peih hmanin ka lo thleng," min chhan dan pehhêl zet chu ka ngainat zawng a ni lo.

"Chu chuan i lo thlenna a rei tawh leh tawh loh a hrilh fiah lo," chokaah chuan lut ve-in breakfast dawhkana eitur inchhawp chu ka en lâwr dan dan a, a tui hmel hlawm khawp mai.

"Ka lokal hun i hre duh a nih chuan tho hma la ti nia, boss ei tur siam hmanin tho ta che." Ngeiawm zetin a ṭhen suk a, ka chhâng buai peih lo. Ka nihna dik tak an hriat ka duh loh vangin tumah hi tlângnêl takin be lo phawt teh ang.

Ka hmaa eitur tuhnai tak tak awm dul chu ka ei ṭan ta a. "Nangmahin i ei ngawt thei lo ang, ka lo nghâk che asin." Hamish chu a lawm loh hmel hle a, min nghak tih pawh ka hriat si loh!

"Thil ṭul lo pui pui sawi duah lo khan, 'breakfast ei turin ka lo nghak che a' ti mai ta che," tih pahin a eisiam zinga tui hmel ber 'Candied Pecan' chu ka ei mawlh mawlh a, min melh no tehchiam lo khawp mai.

"Housekeeper ni lo vin a driver ka ni a, chuan nang nena breakfast ei dun hi ka châk miah lo. Mahse, boss thupek a nih angin ka lo nghak mai che a ni." A kut sil faiin ṭhut hmun a rem ve nghal a, en pawh ka en lo.

"Housekeeper ka ni bik hleinem," ka ti nghat a, min melh vung vung hnu-ah, A nupui pawh i ni chuang lo a, a unaunu pawh i la ni lo fo." Coffee a in hluk hluk a, mipa ve si ṭawngthei lutuk, ka vawm ṭawlh lo hi mak ka inti!

"A nupui chu ka ni lo, i lo buaina tur a ni lo a nia, Absalom-a thupek che kha zawm la, thu ka pe che pawh nihlei lo.." a nui suk hmel ka hmuhin ka run hle a, he pa hnenah hian 'Ka hmei a nia' te hi a lo ti reu reu anih teh chuan a fuh lo viau ang.

"Ṭawng ṭawng lo khan i hmaa eitur awm kha ei hmiah hmiah rawh Miss Bevan,"  Min en tawh bik lo a, a hmel a ṭha vur a, a polite chai si lo!

"I ṭawng reng avang khan ka eng ei mah a tui nek lo e," ka ṭhutna aṭanga thawh chhuah ka tum chuan, "Ṭhu la ei rawh," Hamish-a aw hniam ruih avang chuan ka meng deuh hrâ a, ani hian thu min pe ve ngawt tur a ni lo. A eng mah ka ni lo bawk.

"Ka thu thu ka.." ka sawi zawh hma hmain dawhkan a khâwng ri ṭhuai a, ka phu nasa ngei mai! Ka lung a phu rang ta zaih zaih a, ka thâwk a sak leh dawn tlat! Kei hi ka lung ṭha lo kha a chhuak anih vaih chuan...!

"Miss Bevan..!" Hamish-a min kohna chu ka hria tih lantir nan ka bu nghat a,  a thil ei lai pawh ngaihsak tawh lo vin ka bulah a rawn ding a, ka hnungzângah a chûl hauh hauh lai chuan tlêmin ka zia ta deuh. Mahse, ka lungphu erawh a la pangngai chiah lo! Incheck up ran a ngai dawn tih ka hre mai.

Ka nu leh pa inṭhen aṭang khan Lung ṭha lo ka nei tih ka hre daih tawh a; mahse, inenkawlna tur sum ka neih loh chu thuhran; ka uncle te nupa hnena ka sawi ve khân min awihsak lo a nih kha! Tunah kum sawmhnihpali ka tling dawn tawh a, zual lam a pan tih hrilh hranpa ka ngai hauh lo.

Phubâ la hmana ka dam a nih chuan ka tan a tawk em em a ni.

"Miss Bevan, i pindanah ka pawm lut ang che aw.." Hamish-an zawi supa atih chuan rum mangkhengin ka melh a, ngeiawm deuh deuha min biak aiah rei lo te arilru ka'n ti hrehawm ve lawk a nge.

"Min ngaihsak der chiam kha angai lo ang, dawhkan rawn tiri vak lo la chuan khatiangin ka awm bawk hek lo ang." Ka ti hmak a.

"Ka tihpalh takzet, tihsak theih che ka nei em?" Inthlahrung dûka atih leh tâkah chuan ka ngawi ta vang vang a, chutah ngaihtuahna thar ka nei thut.

"Garage password saw min hrilh la, heta i lokal apianga car khalh min zirtir dawn chuan tuna min tihdan kha Absalom-a ka hrilh lo ang." Tiin ka blackmail ve ta a.

"Miss, chu kher chu ka thei lo ang tih ka hlau khawp mai. Boss hriat loh leh lek phei chuan.."

"A hre dawn lo reng alawm, driver ṭha leh thiam tak i ni a, a car kan tihchhiatsak dawn pawh nihlei lo."

"Company-ah hruai a ngai dawn asin, engtin nge boss thu lo vin ka lo haw ngawt theih ang?" Atih leh chuan, "Heta i awm chhungin ka tireng alawm, zaninah pawh hmundangah dinner a ei chhuak dawn a, nilengin eng mah tihtur kan nei lo va, kan zir ṭan nghal thei tihna a nih chu.."

"Min man chhuak a nih chuan min bân duh hial ang," ati sup a.

"Nichina ka thâwk buai vek khawpa i chêt dan kha ka sawi chhuah i duh chuan min zirtir dawn lo nia.." ti hmakin  ka tho chhuak ta a, 'nasa' min tih hmel taka min en chuan, "Tikhan min en vak vak suh, i boss girlfriend ka nih hi.." ka nui lui sak a, choka chu ka chhuahsan ta a.

Ṭha lutuk, step khatin hma ka sawn tihna..!

Hamish-an kan eina vel atih fel laiin study room-ah ka lut a. Company note book atana an order niawm tak la hman loh hi a intiang ûr a; a pan ber pakhat ka la ve hmiah. An hmang sêng awm lo em mai tih rilru pu-a la ni.

Absalom-a dawhkan bik bula chair chu pawt chhuakin ka ṭhu vei tharh a, ka inhlawhna chu ka ziak ta malh malh a, vawithum sex kan hmang tawh a, $15million ka nei tawh tihna! Ka hming ka sign hnan thlap a, a hnuaiah Absalom Colmer hming sign-na tur ka zuah awl bawk a, ka thawveng huaiin ka hria. Ti hian a company-ah kalin ka va sign tir tawh mai dawn a ni.

Date &Month ka tarlan vek avangin a him tawk turah ka ngai a, 'witness' atan Shane Colmer hming ka ziak ve hmak bawk a, India ram aṭanga min hruaichhuah ni leh darkar ka ziak bawk. Chuti mai maia bum theih ka ni dawn lo bur.

"Leena..!" Hamish-an min koh avangin note book chu ka khup thak a, he pa hi ka blackmail leh mai dâwn a ni. Vawiin aṭanga car khalh ka zir ṭan a nih chuan ka hmakhua a êng ve deuh mahna.

"Ka hming hmasaa min ko turin kan innêl tawh em ni?" Hamish chu nelawm vak lo hian ka melh a, a nui suk duh chauh nia!

"Ka hming hmasain min ko lo bik em ni? Insiam la, car khalh chu ka zirtir ang che. Mahse, boss-in a hrechhuak tur a ni lo." Atih chuan ka nui nghal var var a, a rilru a dáwih ve hle mai, a palen tehlul nen!

Chumi hnu chuan ka pindanah ka insiam ve ta a, Absalom-a company-ah kal ka tum ru deuh bawk nen ka inchei uluk viau.

Silk kamis bânbul hâin a hnuaiah cream rawng pawnfen ka khup chen leka chhing ka fêng a, flat shoe ka bun leh tawp. Ka sam erawh sâng takah ka ṭawn a, make up hman tur ka neih tlat loh avangin ka hmel fai vang chu duhkhawp lo mah ila tihngaihna awm chuang hek lo le. Pawisa pakhat mah ka nei lo a, Absalom-a ka dil ve tawh mai aniang chu, India-a a pawisa min pek lah kha ka thleng hman ta si lo nen a ngai ngaiin ka la dah a, tuna hman nghal theih pawh ninghal lo chuan...

Hamish-an min lo nghak reng tawh a, ka incheina a hmuh chuan a mengphar nasâ!

"Car khalh zir turin pawnfen fen chu a va rem teh ṭeuh lo ve.." ati sup a, a hmela min ngaihsanna lang erawh ka hmuh hmaih bik lo.

"Vawiinah chuan a kalhmang ka zir phawt anga, naktuk aṭangin pangngai taka zir kan tum dawn nia, tunah chuan Colmer company-ah kal phawt a ngai,"

"Mahse, boss-in min hau dawn asin.." a hlauhthawn hmel hle a, kei hian ka hlau lo alawm, "Thil sign tir tur pawimawh lutuk a awm a, vawiina ka tih ngei ngei a ngai bawk." Tiin nichina company note book kha ka hmuhtir a, a chhunga inziak a hre ve chuang hleinem maw le. "Ka rei lo ang, 'ka be tlang thei lo che a, i driver a lo awm remchang hlauh nen ka lokal tawp' tiin ka hrilh dawn nia, a hau che in ka ring lo." Ka ṭawng thlamuan ve ngial a; mahse, min hau ka hlau ru ve reng tho si a!

"Ok, min hau ta a nih leh car khalh i zir thei lo tihna a nimai," ati nghut a, garage password a hmeh dawn chuan, "Uluk takin en rawh, tun bâk ka sawi nawn dawn miah lo a nia," ala ti zui ah..

Uluk lutuka ka en hnuah theihnghilh tawh miah lo turin ka thinlung phêkah ka ziak hmak! An thlâk danglam a nih ngawt loh chuan leh ka hriatna a bo ta thut a nih loh chuan ka theihnghilh mai maiin ka ring lo.

'Lexus Ls' car ngei mai Hamish-an alâk chhuah lai chuan ka nui ru var var a, car khalh zir ka tum a nih phawt chuan ka thiam ngei ang. Ka rilru pêkna lamah hi chuan ka kaw ve viau bawk a, keima puala neih ve hun te pawh ka la nei mial mahna.

Hyde Park
The Toy Fair
Main Building

Elevator-a ka chuan lai te chuan staff ṭhenkhatin min en duh riau hian ka hria a, ka hmelah dik lo a awm nge, zâm hmel ka pu viau tih hriat pawh va ni suh.

Absalom-an min lo dawnsawn dan tur ka hre hauh lo a, mualpho deuha min lo ṭawngkhum a nih chuan engtin nge ka chhân ang. A hmaa min lo hruai tawh avang khan awlsam tê-in a private office chu ka zawng hmu ve nghal mai a; security pathum lai an la ding zui a..! Hmun tinah security hmuh tur an awm zel a, Cctv leh thildang chu thuhran, company changtlung leh venhimna uluk ber pawl anni ngei ang. Bank ṭhenkhat nen danglamna a awm lem lo!

"Miss, appointment i nei em ni?" Secretary niawm tak inchei smart zet hian min lo ti ding a.

"Er..nei chiah lo," ka'n ṭawng bah vel chu le! Shala, inlâk confi tum ve lai lai a..

"I neih loh chuan boss i hmu thei ngawt lo ang." Chang faka tiin ngun zet hian ka chhip aṭanga ka keler thlengin zuk en chhuak dap a..! Chutah ka note bu zakzeh kha a hmu a ni ngei ang, "Kha kha eng thil nge?"

"I hriat tur leh i hmuh tur chu ni se zawh ngai lo vin ka pe ngei ang che."

"Nang nu hi..!" Thinrim tih hriat tak hian a meng tâl tap a, ka hlau lo nasâ. Ka mimal thil khawih tur hian ani ang secretary sawm pawh hi lokal belh mah se ka pe nguar ang.

"I boss Absalom Colmer hnenah chuan 'Money' a lokal tih hrilh rawh." Ka sawi zawh rualin a nui ta chiam a! A beng bulah, "Sawi tura ka hrilh che kha va sawi rawh le, ka hming i sawi ruala a lo chhuak lo a nih chuan $3million ka pe ang che. Mahse, a lo chhuak nghal anih erawh chuan nangin min pe ve thung ang." Ka tih chuan a nui lai a tawp chawt nia.

"A tân eng nge i nih? ID tal ka en loh chuan risk ka la dawn lo," ati hmak a.

"Chutiang eng mah ka nei lo, a tân pawh eng ka ni hek lo. 'Money' ka ni tawp mai," tia ka chhan chuan phûr zet hian, "Ok, kan inchawina chu ka pawm e, tikhan lo nghak rawh.." min nuihsawh hmel takin min en leh tê tê a, ka risk ve tho alawm, khawvel te chu intihsiakna ang deuh hi a nia, a risk huai huai leh a ngam thui thui hian hnehna an chang mai zel.

Tuna dollar15million ka neihna chhan pawh India ram aṭanga risk la-in Absalom ka zui vang a nia lawm le..

Minute thum dâwn ka nghah hnuah Absalom leh a secretary chu an rawn inzui chhuak ta a. Nuih za lo fê fê chu an awm maw le.

"Lee..." Absalom hmela mak tihna lo lang chhuak chu ka nuih tlawn nghal vat a, A secretary erawh a nui tawh lo chiang kher mai.

"Yaar, ka lo ṭhâwng thut che a min hrethiam a ni ang chu," ka nui var var a, "Lokal rawh," tih pahin ka bânah a vuan a, nimin aṭanga kan boruak nuam zet kha ala zo tlat lo va, min duat dawn tih ka chiang ve êm..

A office bîkah min luhpui a tum chuan a secretary lam hawiin, "Ka hlawh tur kha lo dah chhuak ang che, ka rawn chhuah hunah ka duh nghal ang." Siai sak chungin ka ti ta a. Chu nu hmela hrehawm tihna leh nuam tih lohna lo lang chhuak chu ka haider hmiah. Inchawi chu inchawi a nih ang ngeiin a chawitu-in pek mai tur.

Absalom-a office dai ruih leh zau hek hawkah chuan ka hawi kual chiam a, a changtlung tih piahlam a ni. Air condition hnuaiah engkim a awm vek emaw tih mai turin a phuisui khup nia!

"Engin nge i lokal?" Nichina a nelawm hmel kha tlêmin a kiang deuh tawh a, thinrim hmel erawh a pu lo.

"I driver Hamish kha khawngaih ka dil ngial a, min rawn hruai hrâm, hau miah suh," ka'n ti nghal ringawt a..

"Hamish mai mai chu.." tia phun supin sofa-a ṭhu turin min mitmei zauh a, îhe lo vin ka zawm hmiah.

"Eng ti turin nge i lokal?" Min duat hluah lo nâ-in a aw erawh a dam thlup a, ka thawmhnaw inbel chu a en uluk kher mai.

"Kha, hetah hian sign rawh.." tiin note bu chu ka pe ta a. A lo la ve mai. Company note book kha a ni tlat a, a chhunga inziak a hmuh huna a hmel landan tur ka hmu châk kher mai.

Chutah, ka bulah rawn ṭhu-in a lehkhabu chu a keu ta a.

"God, he thil hi eng nge..?" Sex kan hman ni leh a zât thlenga inziak a hmuh chuan a nui ta hawk hawk a, "Money, hengte chu inah pawh ka sign thei reng alawm," tiin a la nui reng a.

"Nia, mahse, company seal-a chhut hnan kher ka duh." Ka ti leh tlat a.

"Min ring hlawl nange?" Tih paha a Rangkachak Pen chu phawrhin a hming a sign ta hmiah hmiah a, chumi hnu-ah Colmer Toys Company Seal a chhu leh thlap bawk a, a ngaihṭhat thlâk teh e.

"I lungawi em!?" Ka mitah tak min en chunga min zawh chuan ka bu nghat nghat a, "Pawisa hman chawp tur tlêm ka mamawh bawk." Ka ti ta sap a.

"Eng nge lei i tum.!?"

"Ih, hmeichhiate chuan mamawh tê tham tak tak kan nei a, entîrnan, kan thlatin hunbi atana kan hman ang chi te, chuan.."

"Ka hrethiam e, ka hrethiam e.." ka sawi zawh hma hmain min lo chhâng zung zung a, a wallet aṭanga dollar eng emaw zat rawn phawrhin min pe a, "A ṭha lo zawnga hmang lo vin, i mamawh chauh lei ang che.." ka hmuiah a rawn fawp zui ta vang vang a, ka lo chhâng ṭha hle bawk.

Duhthawh taka kan infawh ngawr ngawr lai chuan a inla hrang thut a, "Lee, helai hmunah chuan ni lo e," ati sup a, tisa châkna a mitmenga lo lang chu ka hmu reng. A sawi dik chiah. Office-ah zawng a tih chi tehchiam loh reng a ni.

"Ok, ka kal tawh mai ang, i driver-in min nghâk reng bawk si a.."

"Hun dangah chuan i lokal dawnah min hrilh hmasa tawh dawn nia, i phone-ah ka number leh office number ka dah vek kha.." Min pawt tho zui ta nghal a.

"Aw le, lokal loh hram ka tum dawn nia.." inla fel zetin ka ti ve ngei.

"Car awmna thleng ka lo thlah ang che, Hamish-a biak ka duh reng reng," ti lehin a office chu kan chhuahsan ta a. Ka vanneihna a kal tluang viau e.

A secretary-in min hmuh dun chuan hnuailam a bih daih a, min bum a tum reuh em maw ni!

"Miss, kan inchawina kha i la hriat chuan.." zawi sapin ka bia a.

"Lee, eng nge i sawi awmzia?" Absalom-an min zawt ve thung a. "I secretary nen game tenau kan lo khel zuai a, $3million kan in 'bet' alawm le."

"Mildred, thu dik a ni em?" A secretary chu a melh rûn a, "Yes, boss.." zawi raiha a chhân tâkah chuan ka nui hul hak.

"Chuti anih chuan i pêk ngei angai tihna a ni e.." 'Mildred' tia a koh nu chuan min melh tawn zak zak hnuah, "I account-ah ka lo transfer dawn nia," ati ta a. 'Account ka nei lo' tih sawina chi a nih loh avangin, "I boss hnenah a cheque-in pe la, anin min pe le mai rawh se." Ka tih chuan zâm hmel takin a bu ve ta nghat a. Kha kha a nimai! Minute rei lo te chhungin ka hausak belh leh ta.

Company building kan chhuahsan lai pawhin Absalom chu a ngawi ngul a, a thinrim ru deuh tlat a hriatna ka nei. Mahse, thlêm tumna ka nei miah lo a, zaninah thinrimna tur liantham lutuk a nei dawn tho a, tuna lo tlawn buangbar kha ka peih vel tawh lo a ni e. A secretary a ṭan deuh te pawh a ni ve thei a, ho em mai, ka buaina pawh a nih tawh tawp loh hi..

"Hamish, khawiah mah pengkawi tawh lo vin Mansion pan nghal ang che u." A driver a biak pah chuan ka luhna turin car kawngkhar a hawng nghal a, min en tawh lo hrim hrim.

"Absalom, make up tlem azawng lei ve ka duh asin," tia ka lo ṭawng chu engahmah ngai lo niawm tak hian, "Ka sawi kha zawm mai rawh u," ati nghut a. Ka sawi nawn tawh bik lo. A hriat loh-in kan kal ru thei tho tih ka lo ngaihtuah fel leh diam tawh.

Kan tlanliam hma zawng min thlir reng a, a inla strick thar vel ta riau mai! Mahse, engah tehvak ka ngai bik lo e.

"Bazar hnai berah chhuk ka duh a nia," Hamish chu ka melh ralh a.

"Leena, tun ṭum chauh chu boss sawi ang khan awm rih phawt ang." Ati sup a.

"A hre dawn chuang hleinem."

"A hre lutuk ang, kan hnunga Bike tlan saw en la," tiin side glass a melh zauh a. Colmer company bike-in min umzui tih hrilh hranpa ka ngai hauh lo.

Khermei lutuk mai. Shala..

Vawiin zet zawng, car khalh kan zir thei dawn lo anih hmel khawp mai. Min ven reng te chuan eng thil mah ka ti ve thei nâng maw le.

After 6 hours
Colmer Mansion.
9:15 PM

Hamish nen dinner tuihnai zet kan kil dun a, a kianga awm reng tâkah chuan a fel phian bawk. British chaw siamdan te min zirtir a, a hnehsawh viau bawk nen nuam ka ti ve viau a ni.

"Leena, boss in a be duh che." A phone ken lai chu min pe a, "I phone kha i taksa si rengin dah tawh ang che," Absalom-a aw thüm chhak chu hriat a nuam viau lo.

"Eng nge ni ta!?" Ka thinphu arang nghal dat dat thei nia!

"Tenawmnu, zaninah ka pindanah riak lo vin i pindan kha hmang ang che, i thil min zirtir avang hian restaurant-a awm zawng zawng te'n mi â emaw min ti tih hre ta la i hlim ngawt ang tiraw?" Thinrim tih hriat lutuka a thaw hawk ri chu a ring kher mai.

Shane-a ṭhiannu nen dinner an kil dun tawh tihna a nia. Ka dâwt hrilh kha min hrechhuak ta bawk tihna. Lalpa! Sawitur ka va haihchham deuh ve le.

"I lo haw dawn tawh em?" Ka ti sap a.

"Haw dawn e, ka lo haw ngei ang, tunge ka nih tih leh tunge i nih tih kha lo inzawt nasa mai rawh. Hremna, i theihnghilh tawh ngai loh tur ka pe dawn che." Ram hmuka tiin line a cut zui hmiah a.

Hamish-an ngun taka min en pawh chu ka pawisa zo tawh lo. A phone pe kirin inchungah ka tlan chho ta a.

Tun aṭanga rei lo te hnu-ah 'Seol' chu ka tem ngei dawn e.

Eng ang a nasain nge a thinrim tih erawh amah Absalom ka hmuh hunah ka hre thei chauh ang..

Hlau va kimki tur ka ni lo a, ka tih dik loh hmachhawn ngam turin ka lo inbuatsaih zawk dawn lo vem ni..!

End of Chapter-11


Dated 25th April
Wednesday

©<++++[BeckirafARenthleI]++++>®

 12.MONEY|Penniless Love

Becky Rafa Renthlei

Chapter-12

High Street
Indian Restaurant
Absalom Colmer
7:20Pm.

Ka unaupa ṭhian thar Romie Foster nghakin Indian restaurant-ah ka ṭhu rân tawh a.

Ka office-a Leena lokal ve ringawt kha lawm chiah lo mah ila midang hmuh laia thinrim khum kher kha ṭul ka tih loh avangin ka secretary pawh rawn luhtir tura hrilh ka ni rêng a; Hamish-a, ka driver khirh lutuk pawh awlsam tê-in a rilru a hnehsak mai tihna a nia.

Kan Leena Bevan zet zawng a danglam thlâwt a ni e.

Company note book-a a thilziah chhuah kha ka ngaihtuah zawng ringawt pawhin ka nuih ala za reng! Ka hmeichhe mutpuiin sex kan hman hun date & month, darkar nen lam ziak chhuakin ka hmaah a rawn pharh chu a ni si a! Thil common lo tak a ni. Keimah ngeiin signature ka la pe zui a..(h)

Tun hi Leena Hindi ṭawng min zirtir practice hun chiah kha a ni.

Intur lam nân ka'n hmang chhin dawn teh ang.

Waiter hmai fai vang chu ka kutin ka hui a, 'Intur min lo pe thei ang em?' tih kha ka thiam ve tak alawm le, Romie a lo la thleng lo bawk nen nui suk chungin waiter chu ka be ta a. "मुझे आप को कभी नहीं छोड़ रहेंगे (ka thlah/kalsan ngai lo ang che)" Ka sawi zo chiah! Waiter hmela mak tihna lo lang chhuak ka hmu nghal a! A nuih insûm hmel lah chu hai theih nghal loh chuan!

"तुम क्या मतलब है? (Eng nge i sawi awmzia?" ) Nui ṭhâ chunga min chhân chuan ka sawi nawn leh ngat a, a kuta tray a ken chu kâwkin ka'n zaizir pah a, Restaurant chhunga mite nui thawm chuan ka ngaih ati ṭha lo tulh tulh! Leena khan dâwt min hrilh chiang a ni.

"Crown royal whisky," a bâk eng mah ka sawi ngam tawh lo. Eng mah kha a dik pawh ka ring mai mai lo. Thinrim ṭûnin intur min pêk chu ka dawm a, Romie Foster rawn lut zân zân ka hmuh chuan thudik ka zawh ngei ka tum bawk.

"Miss Foster," ka ṭhutna aṭanga ding chhuakin Romie chu ka welcome vat a, Hindi ṭawnga biak theih inbeiseiin ka lo zir ve kha a nia. Mahse, ka hmang ngam tawh teuh lo! Restaurant chhunga mite lah chuan min en ang hrek hrek a, ka chhungrila thinrimna awm thup tumin thâwk ka la ru hawk nia.

"Mr.Colmer, min lo nghak rei tawh em?" Ṭhuthmun a rem ve nghal a, a hmelṭha reuh kher mai. Thlahpawlh a ni tih hrilh hranpa ka ngai hauh lo.

"Minute nga vel bâk ka la awm lo," intur thlitsak paha ka tih chuan nelawm tak hian a nui sâng a, Shane nen inngaizawng ve hram se ka ti hle mai.

Intur kan dawm zawh hnu-ah dinner kan order a, Leena Hindi min zirtir kha ka iphone-ah type-in Romie chu ka entir ta a.

"Absalom, hengtiang te chu inhmangaihte kâra hman chi chauh alawm," a nui ta hak hak a, rang zet zeta type-in english-in min translate sak ta a, Leena'n a vaiin dawt vek min hrilh tih ka hriat chuan ka zak ru ngei mai. Haw vat vat a hlap er ania ka duh ni.

Dinner boruak tih chhiat ka duh lem lo bawk nen eng mah ka sawi lang nawn ta bik lo a, Romie ṭawng barh barh chu bet lo zetin ka ngaithla a; Shane nen inkawp ta se, an kianga awm a nuam ngawtin ka ring. Nidanga inhmuh leh ngei tumin a chênna hmun thleng ka thlah a, nula ngaihawm tak a ni.

Mansion-a haw tlang nghal lo vin 'Bar' ah ka lut kâwi leh tê tê a, Restaurant-a awm ve te'n min nuihsawh hmel ka mitthla phei chuan ka lung a awi thei hlawl lo. Leena chimawm dan hi a namai lo lutuka kei takngial pawh dâwt min hrilhin ka mualpho pawh a pawisa lo tihna ania! Ka inseh ruh nasâ!

Chak lutuka ka tlanchhuah lai te chuan hremna pêk dan tur ka ngaihtuah rauh rauh a, ka thinrima ruih hnâp ka tum apiang hian ka rui thei mang miah lo lehnghal a, a mak ve ngawt mai!

"Leena Bevan..!" Inchhunga ka pen luh rual rualin ka au nghal vak vak a, Hamish-a hmanhmawh zeta ka lam rawn pan chu rum takin ka melh a, "Boss, Leena chu a mu tawh a, ka kai tho dawn em ni ang?"

""I haw thei tawh e, naktukah hma deuh hlekah lokal i tum dawn nia." Amah pawh en chuang lo va tiin Leena room lam ka pan nghal a. Nichina ka call khan ka pindanah mu lo turin ka hrilh tawh a, mi â anih loh chuan a zawm ngei ka ring bawk.

Kawngkhar pawh kik tawh chuang lo vin ka pawt hawng ṭhuai a, khumah bangkil lam hawiin a lo mu ngât nia!

Thlamuang lutuka a mu ka hmuh phei chuan ka thinrimna chawh thawhin a awm lehnghal a, Absalom Colmer minti mualphotu hi 'opposition' lam ni lo vin ka chênpui leh ka hmeichhe kawp lai ngei a ni a, hremna ka pe dawn khawp mai.

"Hey, Money.!" A darah vuanin ka sawi nawk nawk a, zuk harh thei ṭhak lo a! He nu tereuh hian kan boruak tur hresain zû a lo in em maw ni le!? Ka hnim vei ngial a, kei pawhin ka in ve tho avangin a rim ka hre thei der lo.

"Leena.." vawi engzat nge ka koh pawh ka chhiar sêng tawh lo. A chêt hian a che lo hrim hrim! A bân tawn tawnah vuanin ka pawt tho lawp a, a rawn meng ve hrâm! Chutah mawi lutuk mai hian min nuih ta a, ka thinrimna dah ṭhaa fawh vawng vawng ka châk kher mai. Mahse, a teuh lo. Kei hi chuti mai maiin min tlawn lungawi tawh lo ang.

"Muhil der tawh suh," ti supin rum mangkheng hian ka melh a, meng ṭha hleithei lo niawm tak te chuan zuk meng derê vel a! Min bum chuang lo ang.

"Leena Bevan!"

"Absalom! Naktukah min hrem mai rawh, zanin chu ka mut a chhuak em mai.." zawitê-a tiin hnuailam a bih zui daih a, hun dang chu ni se ka khawngaih leh ringawt ang a; mahse, tun ṭum chu hremna pumpelhtir ka tum miah lo.

"Tho la, ngaihdam min dil rawh."

"Naa, eng chu nge i huat le!?"

"I Hindi min zirtir ve kha e, mi zawng zawngin min nuihsawh tih hre rawh." Thinrim insum taka ka ṭawng chu a ring miah lo a; mahse, a hlauhawm thung.

"En teh, kha chu ka sawifiah thei.." a bân a vai thuak a, min melh zak zak hnuah, "Ka tihpalh, ka tihpalh takzet," ati ta sap a.

"Hresa reng chunga ti i ni." A khabe-ah dawmin hnai zetah ka bih a, min hlau hmel pawh a pu chuang lo nia!

"Ka tihpalh ka tih chu, i lungawina tur a nih phawt chuan engtin pawh min ti la ka pawm vek."

"A ṭha e, ka lungawina tur chu ka ti ngei ang. Khawiah nge vawiina i 'Note' bu kha?"

"Ih..Sawtah sawn," tiin dressing table drawer chu a kâwk a, "Va la rawh.." ka sawi zawh rualin min en hau a, a thiltih phu tawk hremna ka pek loh chuan nakin zelah min zuam dawn tlat.

Hmeichhia kutthlâk hi ka duh lo a, ben lawlh châk viau mah ila ka kut erawh ka thunun tlat thung.

Note bu ka kuta min pek pah chuan, "Ka hlawhah cut i tum em ni?" Tîm dai hian min zawt a, "Cut mai pawh a tawk zo lo ang tih ka hlau khawp mai.." tih pahin signature ka pek hnan tawhna phek chu ka pawthler ta kâwk kâwk a!

"Absalom.! Eng thil nge i tih a!?" A aw vin ṭhak ri chu engah mah ngai duh lo vin ka pawtthler lui zel a, min chhuhsak  tuma a buai chung ka ring deuh kha a nia. A teuh lo nasâ! A dinna ngaiah a ding reng a, ngun lutuka min enin, "I lungawina tur a nih chuan avai khan pawtchhe vek rawh. Mahse, ka thianghlimna hloh a, ka thawhchhuah liau liau a thâmral tur erawh pawi ka ti hle a ni. Ka thiam loh a ni e," tih pahin a insut hraih a, beidawn hmel zeta khuma a ṭhu thla hnak chu khawngaih lo turin hmun dang ka hawi ta daih a.

"Min tih mualpho man leh zak taka min siam man chu kha kha a ni mai, i lo hlawhchhuah tawh zawng zawng kha engmah lo-ah i chantir tih theihnghilh suh ang che." Min chhâng tawh lo vin a melh ngai a melh reng a, ṭap mai tur hmel a pu zawk mahin ka hria.

"I nihna hria ang che, ka hmei i ni a, hlawh neia ka chhawr i ni bawk." Ti leh salhin a pindan aṭang chuan ka chhuak nghal vut a, min umzuiin ngaihdam min dil turah ka ngai deuh.

A tana pawisa hlutzia hrechiangtu ka ni a, a hlawhchhuah zawng zawng bo fai vek tur chu a ngaingam bikin ka ring lo.

Living room-ah intur dawmin rei fê ka ṭhu a, Leena a rawn chhuak ta lo hrim hrim! A pindana va kal leh turin ka tlawmngai ve deuh bawk nen engtin nge a awmzui zel hriat ka châk bawk si a, ka va enthla ru mai dawn em ni ang!? Â, chuzawng mipa tihchi pawh ninghal lo chuan..

Zinglam darkhat ari tawha, a tel lo vin ka khumah ka mu ve tak nâ a, muthilh chu sawi loh ka harh telh telh nia! Nichina ka thirimna te kha zuk reh vek a! He nu tel lo hian ka muhil thei dawn lo a ang riau!

Rang lutukin khum aṭang chuan ka tho a, ruah a sur nasa bawk nen amaha awm ringawt tur chuan ka ngaihtuah ru viau lawi si. London July thla boruak te chu ka lo hre bel hlui tawh a, chuti maiin a sur bâng hauh o ang.

Inhnuaiah hmanhmawh zetin ka tlân thla a, Leena pindan zâwn ka thlen chuan ka ding deuh chat. Eng thawm mah hriat tur awm lo vin a reh ṭhiap a, a muthilh chuan ngawirengin inchungah ka pawm chho daih ang. Duh leh min haw rawh se, pawi chai lo.

Kawngkhar dim fahranin ka pawt hawng a, nichina ka kalsan ang ang khan a lo la ṭhu reng! A mit hnâwng chap aṭang chuan a ṭap tih hai rual a ni lo a, a pawisa kha a ui viau a nih te chuan ngaihdam dil pahin min dil lêt mai se, misual tak pawh ka ni bik hleinem maw le.

"Money..!" Zawi muangin min rawn en ta a, chutah min chhang lo hian a awm dan ngai bawkin a awm leh ta a! Rilru natna thûk tak nei a ang zawk mah!

"Muhil tawh rawh," ka ti hmuk a. Mak takin thuawih ber niawm tak hian a Sandal bun lai a tlawh phelh a, a mu ta thân a! Bangkil lam hawiin a inkhuh nghal hmak bawk a, ṭawngkam khat mah a chhak chhuak lo! Zanin a khawsak dan mak zet hi ka hriatthiam zawng pawh a ni nek lo! Min chhânglêt táwn táwn se a zia deuh tur a nia. Mi â ang maia ngawi ngala a awm hi ka ngaihdan a ni hek lo.

Khumah chuan ka lawnkai ve ta a, 'ka lei tawh a, ka duh duhin ka ti thei alawm' tih rilru ka pu deuh! A puansin keu vin ka inthawlh ve sawk sawk a, chêt chu khawilamah! Milim ang maiin a mukhawng ât nia! Dimtê-in a kâwngah ka kuah ta a, keimah a ka mut laia kim lo riau awm ang tlata ka hriatna kha a kim ta chiah! Leena Bevan hiam mi hîp theihna riau a nei tih ka thinlung hian a hre tlat a ni.

"Lee.." dam deuh zawka ka koh pawhin min chhâng chuang lo.

"Leena..!" A rawn ṭap chhuak ta phawng a, hei chu ka rin loh lam daih a ni.

Hmeichhe luhlul leh tihmawh tak kha a ṭap a nia, inthiam lohna hlirin ka khat tawh. A ṭap khur ngat ngat a, a hlawhchhuah ve kha atan eng ang fakauhva hlu nge a nih hrethiam lo mah ila a rilru a na thawkhat hle tihna a ni ngei ang. Pawisa vang chauh chu nitheiin ka hre lo bawk.

Hném dan vak ka thiam loh avangin a samah dimtê-in ka chûl sak a, dik tak chuan hmeichhe ṭap tih vel hian ka nunah hmun an chang lo. Sadie Roamer pawh khan vawi eng emaw zat min ṭah khum tawh a; mahse, ka chhungril a tawk che pha eih lo a nih kha. Money ṭap ri erawhin ka hriatna thazâm thlengin a fan raih raih thei nia!

"Shh..ṭap tawh teh suh, kan sawi ṭha dawn nia," ka tih chuan a ṭap uar sauh a, a inhnît faih faih tháwm chu aring hran lo nâ a, ngaihthlak nuam ka ti lo.

Rei fê hnu-ah a ngawi ta hmiah a, a hmel en tumin ka thokâng a, a lo meng sen râm mai! Chiang lutukin min la melh zui a..(h)

"Absalom Colmer, i mut a chhuak lo a nih pawhin che reng suh," ati chang fak a, ka nui suk. A pangngai leh ṭan ta tihna. Min cho âr-a a ṭawng chhuah tawh hi chuan Leena Bevan dik tak kha a ang ta deuh alawm.

"Che lo a mut ka thiam hleinem," tih pahin ka kuah nghet sauh a, min nghawk sawk inring rânin ka lo awm a, engtin mah min ti lo! He nu hi a zaidam thar ta thut nge, dâwt dâwt min hrilh vang khan a inthiam lo viau zâwk!? Tuma'n va hrethiam suh.

'Laldangdaii'

A chanchin kimchang inziahna kha naktukah Shane-an min lo thawn dawn a, chuta ṭang chuan enkawl dan tur pawh ka thiam deuh tawh ang chu. Hmeichhe pharvar tak chu a ni lo tih sex kan hman hmasak ber khan ka hre tawh a, a mimal chungchang zawhkual chiam hi ka duh lo va, min chhâng duh dawn chuang lo tih ka hresa te pawh a ni mahna.

A hmel pawisawi lo zet chu ka ennawn leh ṭhin a, darkar thum liamta kha chuan a chungah ka thinrim hle a nih kha! Tunah lêm tih lungawi loh hlau vin ka kuah leh chûk tho si a, amah lah hian min ngaihsak mang hauh lo a, tui takin a muhil sâk sâk thei nia! Ruahsur cherh cherh leh ka bula hmeichhe mu hian engtin emaw tak lungawina min thlen tlat maw le! Ka nupui ni ta se zantin a kiangah ka mu thei anga tun ai hian kan boruak pawh a nuam zawk hialin ka ring.

Leena kuah reng chung chuan ka chhing ve ta a, a taksa lum ham ham nghen tluka thlakhlelh tun hunah hian ka nei lo.

7:00Am.
Leena Room

Ka harh leh chuan khua a êng uar tawh a, zinglam dar sarih a ri der tawh!

Darkar li vel ka muhil ve tihna a nia. Ka room nuam lutuk kalsanin Money-i khumah ka mu zankhua ve ṭhak! Thil awihawm pawh va ni suh. Amah lah chu a tho tawh nge, a mutna a ruak huai a, a pawisa kha ka pêk leh loh chuan nuam ka ti dawn miah lo. Mahse, sawi vul chûk erawh ka tum lo a, ama'n a sawi anih chuan ngawirengin ka pe ang.

Ruahsur ala bâng lo a, vawiinah hna pawimawh lutuk ka nei a, office kal ngei ngei ka ngai bawk nen khum chu ka thawhsan ve ta hrâm a. Hamish-a a lo thleng tawhin ka ring a, chuti anih chuan Leena hi engvanga tho hma em em nge a nih!? Mut a duh hle ṭhin kha a ni a! A la titau reng em maw ni le!?

Ka pindana thawmhnaw ka inbel mêk laiin Leena a rawn lut a, company note book a ken lai chu khumah thehthlain, "Ṭawng dik lo ka zirtir che pawh a ni maithei, mahse, ka thawhchhuahsa-in a tuar kher nachhan tur ka hre lo a nia, i chunga ka chêtdan kha a dik lo tih ka hria, a thar ka siam leh a, i hming i sign theih chuan ka lawm viau ang." Dam thlapa tiin min en kal a, nizan aṭanga a thutak ta riau hi a chhan ka hre lo! A hmaa ka hriat ṭhin Leena Bevan kha anna pakhatmah a nei tawh hek lo!

"Sum ringawt lo hi sawi tur i hre hlawl lo em ni?" Ka tih chuan, "I hnena ka chên ve nachhan chu sum vang a ni, min pe dawn lo a nih chuan vawiinah ka insawn chhuak anga hnathawh tur ka zawng mai ang," zawi sapa tiin min en leh vang vang a, chutah engmah sawi tawh lo hian ka room chu a chhuahsan ta a.

Hnathawh tur zawn a tum a maw!? 'A hmu lo chiang khawp ang' ti ngawt ila dâwt ka sawi tihna a ni. Ani ang hmelṭha leh piannalh lutuk tan hian thiamna mumal nei lo pawhin eng hna emaw hmuh a harsa dawn lo tih ka hre chiang bal.

Khuma note bu chu keu vin ka sign leh ta nge nge a, seal pawh ka chhu thlap. Mahse, a hun ka tihah chauh ka pekir ang. Min blackmail nan te hian a lo hmang palh anga a thluak a vawrh nasa mai si a, a zûnah ka uai ṭan mêk tih hriattir ka tum teuh lo.

Breakfast dawhkan kila Leena lo ṭhu chu ka zawm ve nghal a, "Vawiinah eng nge i lo tih ang?" Coffee inthlit paha ka zawh chuan, "Hna ka zawng dawn," ati nghauh a.

"Eng nge thiam i neih?"

"Thiam loh ka nei lo, ka thiam vek!" Ti a min chhan chuan ka nui huk.

"Ka company-ah thawk ve ta che!?" Ka inrin hman hmaa ka'n sawi thut chu le! Ani thawh tur a awm hauh lo. Toys advertised-tu tur atan tih loh chuan a thawh awm chi a awm lo tih ka hre chawpchilh nghal.

"I hnuaia thawh zawng ka châk lo ve, hlawh min pe ṭha lo si a, dil chawp zel i ngai bawk nen hna dang ka zawng mai ang."

"Ngawi hmiah rawh." Ka vin ṭhawt avang chuan a phu zawk a, mit khap zak zak chunga a âwm dawmin thâwk ala zui halh a, buaipui pawh ka tum lem lo. Inrem tuma hma ka lâk ve apiang hian mei nei zet zetin min ṭawngkhum reuh a, ka duh hliah hliah tih hi a hria em maw ni!

"Vawiinah Mansion pêlin i chhuak tur a ni lo." Dawhkan thawhsanin ka vei nghut nghut a, ka duhna leh thlakhlelhna ka lanchhuahtir vaih chuan tun ai hian a luhlul leh emaw a ni ang a, a buaithlak tam mai mai.

"Ka chhuahsan dawn hleinem, hna ka zawng anga ka haw leh mai dawn alawm," French toast ṭhial ṭâwlh ṭâwlh paha min chhan chuan ka melh hrâwk a.

"Chhuahsan suh ka tih chuan 'aw le' ti mai ta che."

"Aw le," rang fahrana ti lehin a nui sak a, ka kekawr ipte-a ka phone-ah lai a rik chuan mitko san âk chung hian min en a, tun ang hunah tunge maw ni le!?

Shane a ni. Tun ang huna min biak a tum danah thil pawipawh tak a nih ka ring nghal mai a, breakfast room aṭang chuan ka chhuak vat a.

"Shane, sawi la..!"

"Bro, i kiang hnaiah Leena a awm em?" A aw aṭang reng reng pawhin a hmanhmawh tih hairual a ni lo va.

"Awm lo e, breakfast a ei mêk."

"Mansion aṭang khan hruai chhuak la, Lexham Gardens-ah thukru rawh, a uncle te nupa in an rawn zawng mêk a, i Mansion kha an chhui thleng tawh ania."

"Eng maw i sawi! Tunge a uncle chu a hming?" Duh aiin ka vîn leh mah mah.

"Lewis Bevan a ni e, hmanhmawh la, Leena chân i duh loh chuan ka sawi hi zawm ang che."

"Aw le, chanchin kimchang min lo hrilh zel ka beisei a nia," ka tih chuan, "I 'email' check rawh le, Leena kha hrilh lo la, chuti lo chu tlanbo a tum thei a nia, a uncle kalsana i hnen a pan ang chiah khan tu emaw pan tur a zawng thei tho tih theihnghilh suh ang che."

Kan inbiak zawh hnuah hmanhmawh fê-in email ka check nghal zung zung a, Lewis Bevan te nupa hmel leh detective niawm tak ding lai thlalâk a lo tel a; a zíktluakin eng mah hre lo mah ila Leena dinhmun a derthawng tih hrilh hranpa ka ngai lo.

Ka hnen aṭang hian chhuanlam ṭha tawk tak a awm a nih loh chuan tumahin an la hrang tawp lovang.

"Money, lokal teh.." Ka lungphu rang ta sawt hi engvang nge ka hre hauh lo nâ a, Leena chân tur anga ka indah chhin hian ka ngaingam hlek lo tih ka hrechhuak chiah.

"I thawmhnaw mamawh tur zualpui kha lo khung la ka apartment-ah kan insawn dawn nia," ka kianga a rawn din rual rualin ka lo hrilh nghal a, zawhna mitmenga min en chu chhânna ka pe thei rih tlat lo.

"Mahse, Absalom..!?"

"Khawngaihin tun ṭum chauh chu min hnial lo hrâm teh," a pindan lam panin ka kai phei dawr dawr a, min hnial ta bik lo.

"I thawmhnaw i siam chhungin phone ka'n hmang lawk ange," hmanhmawh lutukin ka chhuak leh nghal a, India aṭanga London thlawh thlen chhungte zawng a rei lo êm a, ka chêt vat vat angai.

Company lam ka be hmasa phawt a, vawiina ka hna tur zawng zawng cancell tura ka hrilh hnu-ah ka driver pahnih ka phone lehnghal bawk a, inven fimkhur tluk a awm lo. Security, ka apartment-a duty tur ka chah bawk a, a zualpui ka biak zawh hnu chuan zinglam dar sawm ari chiah.

"Absalom, eng nge thil awmzia?" Leena hawihai hmel ka hmuhin ka kuah vat a, "India ram aṭangin nangmah zawng tur mi an lokal mêk," ka hrilh tlang ta nge nge a, an hming erawh ka sawi lang ta lem lo thung.

"Tute nge?" Chawplehchilhin a hmel a danglam nghal a, hlauthawng hmêl a pu miah lo chu mak ka lo ti deuh!

"Anmahni ka la hre chiah lo, engkim ka hriatchian hunah ka hrilh dawn che nia," a hmuiah ka fawp zauh a, a meng kal ralh nia! Inthlêm hun a ni lo tih hrilha fiam ka châk viau rualin ka ṭhulh leh ta zawk a.

"Tupawhin min rawn zawng se ka hlau thertê lo, he in hi chhuahsan tumna lah ka nei hek lo. Min man theihna tur pawi liantham ka khawih hleinem,"ati ta nghat nghat a, luhlul a chhuah leh ṭan dâwn e.

"Ka hria alawm, i himna ka duh vang a nia, i buaina hi ka buainaa ka pawm ve theih nán ka nupui ni rawh."

"Eng maw!" Mak ati hle tih a mitmeng phâwk hrâ aṭang chuan ka hre mai.

"A romantic viau lo tih chu ka hria a; mahse, him taka i nun i hman theih nan leh i hmabâka tihtur awm i hlenchhuah theih nan ka nupui nih hi a him ber." Zawi supa ka ṭawng chuan a barakhaih deuh te pawh a ni mahna! Min chhâng lo.

Eng mah a sawi tâk loh avangin leh Hamish-a arawn kal tâk avangin keipawh ka ngawi hmiah a, nakinah mumal deuh zâwkin ka la bia ang chu.

"Boss, ka inpeih e.."

"Leena thawmhnaw hi car-ah dah lut la, Lexham panin tlân nghal ang che."

Hamish nen kan inbiak zawhah ka room panin ka tlanchho leh nghal a, ka hnungah Money pawhin min zui ve hlak hlak tih a pên thâwm aṭangin ka hre ve mai.

"Absalom..!" Ka bâna Leena min vawnna chu ka melh zauh a.

"Tunah eng mah sawi fiah ka tum lo."

"Shala.." Zawitê-a phun sap ri chu ka hre pha tho.

Chumi hnu chuan muangchâng tawh lo vin Range Rover Suv-ah Leena ka chuantir sawk sawk a, ani lah chu ala ṭang ve tumhrang nen ka haw lek lek tawh.

"Khatia buai phili chung lo khan min zawngtu te chu ka lo hmachhawn zawk dawn lo vem ni!?" Ati ram hmak a, hlauhthawnna châng lah hi a hre mang reuh si lo a, a uncle te mai ni lo, midang dang pawhin an la rawn zawng thuai dawn tih Shane khan min hrilh tel tlat.

A chhan chu a pa rokhawmtu tur a ni tih an hrechhuak tawh tlat alawm.

Leena Bevan hmeichhe vâk rawlai satliah emaw ka tih kha Australia-a wool company lâr lutuk neitu Joel Bevan-a fanu lek lo niin!

Ka unaupa'n chanchin kimchang min rawn thawn aṭanga ka hriat chhuah thar a ni a. Amah zawngtu tur chu a uncle mai ni lo vin, a nu pasal leh a fa chuam an la tel cheu bawk!

Absalom Colmer huangchhunga rawn lut tawh leh ka hmeichhe kawp lai tihbuai tumtu ngat phei chu an samzai pakhat pawh hmuhtur awm lo khawpin ania hremna ka pêk dawn ni!

Leena Bevan hi ka huangchhung ami chu a ni a, a rosum leh amah hi ka venghim dawn a ni. Chumi tur chuan ka nupui a nih angai bawk...

'Leena Bevan Colmer' hming nalh tak a ni. Ka hming hnuhnung min ṭâwmpui tura ka thlan hi hmeichhe naran a ni lo tih ka hrechiang ve tlat...

13.MONEY|Penniless Love

Becky Rafa Renthlei

Chapter-13

Lexham Gardens
Kensington
London(Onslow Square)
Leena Bevan.

Abasalom-a Apartment changtlung zet kan thlenin zinglam dar sawmpakhat ari tawh a, car-a kan chuan chhung khan nidang ang lo takin min melh leh zauh zauh ṭhin a, ani hian hriat rûk a nei em maw ni!?

"Money, ruah a sur nasa bawk nen office ka kal lo law law mai ang," a hmel thutak rûn leh a mitmeng buang thak chuan min ngaipawimawh ber niawm takin min en chiang ngei mai!

"Helai hmuna min hruaina chhan hi ka la hrethiam lo fo a nia," ka bânah a la vuan renga ka thawmhnaw ṭhenkhat Hamish-an master bedroom-ah a dah lut tawh bawk a, Mansion-a, a pindan ai khan alian zawk bawk! A hma te khan insawn daih law law awm a nia, a nuam ropui si.

"Ka hruaina chhan che hi eng dang vang a ni lo. I uncle Lewis Bevan lakah humhim che ka duh mai a nia, tun aṭanga rei lo te-ah London-a lo thleng tawh dawn a; Tuikepṭhi chungchangah nge, an pawi i sawi nge, hriat va ni suh. Police lam pawh an lo lang thuai ang." Ti deuh duahin intur a inthlit a, ka uncle hmachhawn tur hian ka la inpeih lo nasâ! Mahse, tlanchhiat erawh ka tum chuang lo.

"Uncle Lewis tluka hmuh hreh ka nei lo." Ka ti chhuak sap a.

"Eng vangin?"

"Ka hmuh chuan khawi rama Lawyer mah hian an chhanchhuak zo tawh lo vang, a chhan chu kei hian Lungin mai ni lo thihna kotlânga dâk zak zak khawpin ania hremna ka pêk dawn ni." Ka tih chuan Absalom chu a kiai suk a, ka tukkhumah túk keuh pahin, "Khawngaihin insûm hrâm rawh Kitty, i sûm khawlsa hmang thei lo hian Jail bang i zût palh ang e." Ati ta a.

"Jail bang su chhe thei khawpa hausa Absalom Colmer nupui ni ta ila..minute reilote liamtaah khan i nupui ni turin min sawm bawkin ka hria," tiin a kekawr chhanah a mipatna chu ka tawhsak zauh a, "North Pole a kawh hma ngeia inneih i duh chuan arang lamin hma la ta che.." nui miah lo a ka sawi vang chuan min melh vung vung a!

"Min neih i remti tihna em ni?" Mak atih hmel hle a, nichin lawka min zawh khan ka chhâng lo a, tunah chuan rilru ka siam fel vek tawh. Ka hmabâka tih tur awm te hlen chhuak tur hian Absalom-a nupui ka nih ngei angai tih ka thluak hian a ngaihtuah diam tawh bawk.

'Money' min ti maw kha! Ka thawhchhuah ngai lo va, a sum leh pai ka chhawr ṭangkai duh a nih chuan a nupui chu ka ni ngei ang. Ka inhumhimna atân leh ka inphen nân ani tluka mipa awhawm an awm hek lo.

"Remti tehreng mai! Ka duh huam vang che ni lo vin i hnuaia hlawh neia thawh kha a hlâwk lem lo tlat a ni. Contract hmanga inneih ka duh bawk." Ka duhdan ka sawi zui nghal thlap a.

"I contract duan chuan eng chen nge a huam tih hriat a châkawm kher mai!" Living room Sofa-ah ṭhu-in intur a dawm a, a hmelṭha uchuak lutuk hi ka ngei lek lek zel. A chhan ber pawh ka hmalakna tur minti ṭhuanawp vek dawna ka hriat vang a ni.

"Kum khat leh thla nga ni ta se.." zahzelah Vodka ka inthlit ve ringawt a.

"Intur dawm kha tum reng reng suh, Police nen inhmachhawn ngai ta se i rim an hriat chuan i chan a chau sa, kei erawh chuan ka duh zát zát ka in thei thung a nia Lewis Bevan-a zawnlai ka ni ve tlat lo a.." ngeiawm lam rawngkai deuhva tiin ka no-a intur ka thlitsa chu a thlêk zauh a, ka ṭhutna aṭanga tho vin Vodka chu ka paih ta daih a.

A rin loh danin ka chê a ni tehchêk ang, maktiin min en deuh hu nia!

"Contract chungchang ka sawi kha i pawm zawng a nih chuan inneih a rem lohna ka hre lo." Ka ti zui sap a, ka hmanhmawh ru riau. Lewis nen engtik ni ah emaw kan la inhmu dawn tih ka hre ru kiau va, Colmer hming ka pu hman a nih chuan an chêt dan tur a buai phah ka ring deuh a ni.

"Vawiin chawhnu-ah kan innei nghal ang."

A sawi sual emaw tiin ka en hau a! Tunah chawhma a zo dawn rûai tawh a, engtin nge chawhnu-ah kan inneih theih tehlul ang ni! Awihawm loh hian a..!

"I mumang sawi ringawt zel suh.." ka nui sâng a, min bum a tum chu a ni êm lo'ng chu.

"Mumangah innei ila a ni mai alawm," a kiai suk a, fiamthu mah ni se min neih loh hlau te pawh a ang ve dawn dawn alawm le!

Absaloma'n phone a hmang a, inneih chungchang a sawi chu ka ngaihdan a ni lo hle a; mahse, amah ngei hi pasalah ka neih ngei a ngai tih ka hriat tlat avangin ka thin tertek erawh tichhuak lo turin thâwk ka la hak thung.

Sum thawk chhuak paha phuba lâk tum ai chuan a neihsa hman ngaihna hre lo a khawl ṭûn uikawm ru zêk Absalom-a ngei hi belbul ila ka tifuh dawn chiang.

"Money, insiam la, register office kan pan nghal dawn nia, mothuam tih vel kha buaipui angai lo bawk ang aw.." Ka bulah a rawn ding a, a sana bun lai bih zawk chung hian, "Kekawr bul tih loh chu engpawh inbel la ka pawisa lo a nia," ati zui leh sup a.

'Under wear nen ka kal nghal loh' ka hâk turte chu ka buaipui ve thei reng alawm le. Ti rilru chungin inchung lamah ka chho ta a, min zui lo ve teh tlat!

Eng anga inneihna phuahchawp pawh nise îhe lova ka zawm angaih tlat avangin phur ber niawm takin ka inthlak sawk sawk a, dik tak chuan ka phur ru ve deuh tho. A chhan pawh Absalom Colmer hmelṭhatna hian min hîp ṭan tlat tawh a, a nungchang cool ruih leh induh tawk taka a hawi vel hi ka duhzawng tak a ni. 'Pa' bik riauva hriatna ka nei tlat pek nia!

Silk kawrfual bânbul ka inbel tawp a, ka sam pawh khuih mâm ṭha lo hian ka bâwk tawm leh hmiah, hun tam insiam nan ka nei tawh lo tih ka hre ve kar tho. A hminga Colmer nihna ka chhawm kha a pawimawh tawpkhâwk a ni mai. Uncle Lewis-te lo thlen hma ngei a Apartment kan chhuahsan kha a ngai tlat si a..

"Money!" Bedroom kawngkaah Absalom a rawn dâk a, a hmel landan buaichuar deuh chu ka lo man nghal vat.

"Ka inpeih e.." hmanhmawh lutuk tih hriat reng reng hian ka banah rawn manin inhnuailamah min chhukpui nghal hlawk hlawk a! Engmah a sawi lem lo. Range Rover dum tliang hlarha min nawr luh lai te chuan ka hawi hai nasâ.

"Eng nge hmanhmawh viau a ṭulna..!"

Chak lutuka kan tlan chhuah tâkah phei chuan ka ngaih a ṭha hlawl tawh lo a; mahse, ka zawhna engmah min chhang lovin steering wheel-a vawn lohna a kut veilam chuan ka kut a rawn vuan a, a mitmeng hriatthiam har zeta hlauhthawnna niawm tak lo lang chuan ka ngaih ati ṭha miah lo!

"Ka kiangah awm zel la, i him a nimai," ti supin kawng lam a en ngur bawk a, ka zawhna leh min chhanna erawh inpersan tak a ni.

"I kiangah ka awm reng hi.."

"Le, ṭawng tawh suh, minute sawm bâk tlân angai dawn lo a nia, i seatbelt hreng nghet rawh." A sawi zawh rualin a hma aia chak zawk hian car chu a khalh leh ta a, ka bo tulh tulh a; mahse, ka lungphu rang ta sauh avang chuan hlauhawm a hnai tih ka hriatna thazam hian a hre lawi si.

London
Tempo Marriage
Samuel Cliff.
1:30Pm

"Mr.Cliff, muangchang lovin signature la nghal rawh le, thu chham tih velah kan buai lo a, Marriage certificate chauh kan mamawh." Absalom-an mi pakhat dawhkan bula ṭhu a biak laiin ka lo hawikual ve chhên a. Chuti em em a hmanhmawh a ṭulna ka la hre ta chuang lo fo.

"Mr. Colmer, chuti vut vutin nupui neih i hmanhmawh ang tih ka lo ngaihtuah hleinem, min lo call pawh khan ka awih meuh lo a nia; mahse, i ti tak tak anih hmel viau e," tiin a ṭhen suk a.

"Chutiang sawikawi hman ka ni lo." Ti hmukin a Rangkachak Pen a phawrh zui nghal zat a, Solicitor Mr.Cliff-a chu rum mangkheng hian a melh bawk a, minute reilote liamta kha chuan hetiang hmel hi Absalom hian a pu miah lo. Eng emaw hriat rûk a nei anih ka ring nghet tulh tulh.

Dawhkanah nupa kan nihna nemnghehna tur certificate-ah Absalom nen kan sign ta a, holam viau angin lang mah se ka hmakhua thui tak hril thei anih vangin kei erawh ka mittui a hnâm sak thung. Ka pa phuba la tur hian sum leh pai tam tak leh venhimna ṭha uchuak lutuk ka mamawh si atin ni. Tunah chuan eng hlutna mah ka nei tawh lova, ka thianghlimna nise dollar tamtakin ka hralh tawh bawk. Mahse, ka pasal tur erawh ka tana mipa hmasaber ani tal a, mipa hrang hrang kawp lawr chi kha ka ni lo tlat a...

"In inneihna hi thup induh nge duh lo?" Mr.Cliff-a zawhna chu chhan ka tum buai lo. Tun lawka ka pasal nita hian chhang teh se. Phuahchawp inneihna emaw ka tih kha alo ni miah lo. Contract paper-ah signature ka pe hek lo.

"I duh leh Media lam i hrilh dawn nia," Absalom-an atih chuan ka nui sak a.

"Mrs.Colmer, hawh le.." Mr.Cliff melh nawn tawh ṭhak lo a Absalom-an min hruaichhuah leh tâkah chuan ka lunghnur ru ngei mai.

"Eng nge thil awmzia, Absalom, dik takin min chhang rawh." Range Rover bulah dingin ka kut, hnung lamah ka suih ât a, min chhan hma chuan akiangah kal ka tum tawh reng reng lo. 'Kan pahnihin Hremhmun pan law law teh ang' ti niawm taka chak khan car akhalh leh emaw a ni anga ka duh îkhaw tawh lo.

"Money, tun hi inhnialna hun a ni lo, rang lutukin Car-ah khan lut la i tan a ṭha ang."

"I hmanhmawh viauna chhan leh Marriage certificate rang taka i duhna chhan kha sawi phawt la, chuan eng vanga car pangngai keng lova Range Rover keng nge i nih?" Ka ti ve kha kha a.

"Leena Bevan Colmer i nih thuai angai tih hria la atawk mai." Tih pahin min pawm nawlh a, motor chhungah min hlâng lut ta a, "Eng buaina nge kan hmachhawn dawn tâk le, luhlul chhuah lo la chuan kan pumpelh mai tur," ati leh sup a, a hmel ṭo haw tur ang maia dur ta khup leh a mitmeng rum deuh ûl a amelhna lam ka en ve chuan ka thâw a sak ṭalh mai.

Uncle Lewis leh Indian hmelpu mipa lian zet pahnih car-aṭanga rawn chhuak mêk te chu ka hmu ve ta a!

"Tlân chhuak rawh, Absalom.." Ka aw chu leh!

"Tlân chhiatin awmzia a nei tawh lo." Tih pahin car aṭang chuan a chhuak nghal a, "Rawn chhuak ve suh ang che." A sawi zawh rual vêkin car kawngkhar a lock nghal vek bawk a, amaha hmachhawntir ka tum lo asin le.

An ṭawng ka hre pha ve tawh bawk si lo.

Uncle Lewis hmela thinrimna lo lang chhuak erawh ka hmu thiam ve tho.

Chutah Indian pa-in Absalom-a hmaiah tak a hnek lai ka hmuh chuan ka ṭe chhuak ṭhat a, helai hmun ualau lutukah kut anthlak ngam anih chuan eng mah pawisak an nei dawn lo tih hrilh hranpa ka ngai hauh lo.

Car aṭanga chhuah tumin ka bei ve ngial a, awmzia a awm der si lo.

Uncle Lewis hmela chapona lo lang ka hmuh phei chuan ka sa zak a, tunah hian minute sawm liamta a ka pasal nita Absalom tan hian eng nge tih theih ka neih ve. Eng emaw tal ka ti ngei tur a ni dawn lawm ni.

Indian pa in Absalom chu chelh betin pakhat zawkin kut athlâk thung a, theitawpin bei lêt ve mah se chêt ngaihna vak a awm lo tih ka hmuhin ka thinrim ngei mai.

Chutah Indian pa hmaiah tak Ansalom-an a hnek bur chuan chu pa chu a pai awn awn a, chu chu remchangah chuhin a rawn tâl chhuak ta a, Uncle Lewis chu rum lutuka a melh hnu-ah rang mangkheng hian car-ah arawn lut ta a, a kamsir thi deuh niaih leh a hnar aṭanga thi lo chhuak chu engah mah ngai lo niawm tak hian chak lutukin min tlanchhuahpui leh ta a.

"Money, rei ka khalh thei dawn lo a nia, ka bân dinglam hi a zawi vek," awki hniam chhaka tiin davâ zet hian min rawn melh a, engtin nge ka tih tâk ang car khalh ka thiam reng reng si lo.

"Ka khalh chhawk thei lovang che ka thiam ve lo," zawi sapa ka tih chuan a bu nghut a, min chhâng lém hlei lo va!

"Apartment-ah kan tlang nghal anga police phone miah suh ang che, i tân a him lo a nia," tiin akut lehlam chauh hmangin steering a control a, ka hamhaih ngei mai. Keimah vanga kut tuar anih chu thuhran, ka inthiam hlawl lo.

"Absalom, tihpalh.."

A kiai suk a, a speed tisang leh zual sauhvin kan tlan kawi zawr zawr ta mai!

Kan hmaa 'Mini Van' dum rawn lang thut ka hmuh rualin ari bur a, car hmalama Air bag ka nawr puar pawp chu ka mang hriat ruai a, ka lungphu dup dup leh Absaloma rum ri ka hre vuai vuai bawk! Lalpa leh!

Vawiin hian keini nupa tuak tharte hian kan hmabâka tihtur hlen chhuak hman lovin Paradise emaw Seol pawh nise kan zawh ngei dawn e...

Ka thâwk sak telh telh leh ka mit vai riai riai chu men chhuah tumin ka bei ngial a, Absalom-a rûm thawm pawh hriat tur a awm tawh lo, a kawng tur a zawh ta nge, ni lo, chuzawng a dik thei lo.

"Ab..salom....!" Ka áw ri chhuak tur a awm lo va, ka khawhmuh fiah lo tial tial avang chuan ka chhing ta riai riai a...


©<++++[BeckirafARenthleI]++++>®


13.MONEY|Penniless Love

Becky Rafa Renthlei

Chapter-13

Lexham Gardens
Kensington
London(Onslow Square)
Leena Bevan.

Abasalom-a Apartment changtlung zet kan thlenin zinglam dar sawmpakhat ari tawh a, car-a kan chuan chhung khan nidang ang lo takin min melh leh zauh zauh ṭhin a, ani hian hriat rûk a nei em maw ni!?

"Money, ruah a sur nasa bawk nen office ka kal lo law law mai ang," a hmel thutak rûn leh a mitmeng buang thak chuan min ngaipawimawh ber niawm takin min en chiang ngei mai!

"Helai hmuna min hruaina chhan hi ka la hrethiam lo fo a nia," ka bânah a la vuan renga ka thawmhnaw ṭhenkhat Hamish-an master bedroom-ah a dah lut tawh bawk a, Mansion-a, a pindan ai khan alian zawk bawk! A hma te khan insawn daih law law awm a nia, a nuam ropui si.

"Ka hruaina chhan che hi eng dang vang a ni lo. I uncle Lewis Bevan lakah humhim che ka duh mai a nia, tun aṭanga rei lo te-ah London-a lo thleng tawh dawn a; Tuikepṭhi chungchangah nge, an pawi i sawi nge, hriat va ni suh. Police lam pawh an lo lang thuai ang." Ti deuh duahin intur a inthlit a, ka uncle hmachhawn tur hian ka la inpeih lo nasâ! Mahse, tlanchhiat erawh ka tum chuang lo.

"Uncle Lewis tluka hmuh hreh ka nei lo." Ka ti chhuak sap a.

"Eng vangin?"

"Ka hmuh chuan khawi rama Lawyer mah hian an chhanchhuak zo tawh lo vang, a chhan chu kei hian Lungin mai ni lo thihna kotlânga dâk zak zak khawpin ania hremna ka pêk dawn ni." Ka tih chuan Absalom chu a nui suk a, ka tukkhumah túk keuh pahin, "Khawngaihin insûm hrâm rawh Kitty, i sûm khawlsa hmang thei lo hian Jail bang i zût palh ang e." Ati ta a.

"Jail bang su chhe thei khawpa hausa Absalom Colmer nupui ni ta ila, minute reilote liamtaah khan i nupui ni turin min sawm bawkin ka hria," tiin a kekawr chhanah a mipatna chu ka tawhsak zauh a, "North Pole a kawh hma ngeia inneih i duh chuan arang lamin hma la ta che.." nui miah loh a ka sawi vang chuan min melh vung vung a!

"Min neih i remti tihna em ni?" Mak atih hmel hle a, nichin lawka min zawh khan ka chhâng lo a, tunah chuan rilru ka siam fel vek tawh. Ka hmabâka tih tur awm te hlen chhuak tur hian Absalom-a nupui ka nih ngei angai tih ka thluak hian a ngaihtuah diam tawh bawk.

'Money' min ti maw kha! Ka thawhchhuah ngai lo va, a sum leh pai ka chhawr ṭangkai duh a nih chuan a nupui chu ka ni ngei ang. Ka inhumhimna atân leh ka inphen nân ani tluka mipa awhawm an awm hek lo.

"Remti tehreng mai! Ka duh huam vang che ni lo vin i hnuaia hlawh neia thawh kha a hlâwk lem lo tlat a ni. Contract hmanga inneih ka duh bawk." Ka duhdan ka sawi nghal thlap a.

"I contract duan chuan eng chen nge a huam tih hriat a châkawm kher mai!" Living room Sofa-ah ṭhu-in intur a dawm a, a hmelṭha uchuak lutuk hi ka ngei lek lek zel. A chhan ber pawh ka hmalakna tur minti ṭhuanawp vek dawna ka hriat vang a ni.

"Kum khat leh thla nga ni ta se.." zahzelah Vodka ka inthlit ve ringawt a.

"Intur dawm kha tum reng reng suh, Police nen inhmachhawn ngai ta se i rim an hriat chuan i chan a chau sa, kei erawh chuan ka duh zát zát ka in thei thung a nia Lewis Bevan-a zawnlai ka ni ve tlat lo a.." ngeiawm lam rawngkai deuhva tiin ka no-a intur ka thlitsa chu a thlêk zauh a, ka ṭhutna aṭanga tho vin Vodka chu ka paih ta daih a. A rin loh danin ka chê a ni tehchêk ang, maktiin min en deuh hu nia!

"Contract chungchang ka sawi kha i pawm zawng a nih chuan inneih a rem lohna ka hre lo." Ka ti zui sap a, ka hmanhmawh ru riau. Lewis nen engtik ni ah emaw kan la inhmu dawn tih ka hre ru kiau va, Colmer hming ka pu hman a nih chuan an chêt dan tur a buai phah ka ring deuh a ni.

"Vawiin chawhnu-ah kan innei nghal ang." A sawi sual emaw tiin ka en hau a! Tunah chawhma a zo dawn rûai tawh a, engtin nge chawhnu-ah kan inneih theih tehlul ang ni! Awihawm loh hian a..!

"I mumang sawi ringawt zel suh.." ka nui sâng a, min bum a tum chu a ni êm lo'ng chu.

"Mumangah innei ila a ni mai alawm," a kiai suk a, fiamthu mah ni se min neih loh hlau te pawh a ang ve dawn dawn alawm le!

Absaloma'n phone a hmang a, inneih chungchang a sawi chu ka ngaihdan a ni lo hle a; mahse, amah ngei hi pasalah ka neih ngei a ngai tih ka hriat tlat avangin ka thin tertek erawh tichhuak lo turin thâwk ka la hak thung. Sum thawk chhuak paha phuba lâk tum ai chuan a neihsa hman ngaihna hre lo a khawl ṭûn uikawm ru zêk Absalom-a ngei hi belbul ila ka tifuh dawn chiang.

"Money, insiam la, register office kan pan nghal dawn nia, mothuam tih vel kha buaipui angai lo bawk ang aw.." Ka bulah a rawn ding a, a sana bun lai bih zawk chung hian, "Kekawr bul tih loh chu engpawh inbel la ka pawisa lo a nia," ati zui leh sup a.

'Under wear nen ka kal nghal loh' ka hâk turte chu ka buaipui ve thei reng alawm le. Ti rilru chungin inchung lamah ka chho ta a, min zui lo ve teh tlat!

Eng anga inneihna phuahchawp pawh nise îhe lova ka zawm angaih tlat avangin phur ber niawm takin ka inthlak sawk sawk a, dik tak chuan ka phur ru ve deuh tho. A chhan pawh Absalom Colmer hmelṭhatna hian min hîp ṭan tlat tawh a, a nungchang cool ruih leh induh tawk taka a hawi vel hi ka duhzawng tak a ni. 'Pa' bik riauva hriatna ka nei tlat pek nia!

Silk kawrfual bânbul ka inbel tawp a, ka sam pawh khuih mâm ṭha lo hian ka bâwk tawm leh hmiah, hun tam insiam nan ka nei tawh lo tih ka hre ve kar tho. Ahminga Colmer hming ka chhawm kha a pawimawh tawpkhâwk a ni mai. Uncle Lewis-te lo thlen hma ngei a Apartment kan chhuahsan kha a ngai tlat si a..

"Money!" Bedroom kawngkaah Absalom arawn dâk a, a hmel landan buaichuar deuh chu ka lo man nghal vat a.

"Ka inpeih e.." hmanhmawh lutuk tih hriat reng reng hian ka banah rawn manin inhnuailamah min chhukpui nghal hlawk hlawk a! Engmah a sawi lem lo. Range Rover dum tliang hlarha min nawr luh lai te chuan ka hawi hai nasâ.

"Eng nge hmanhmawh viau a ṭulna..!" Chak lutuka kan tlan chhuah tâkah phei chuan ka ngaih a ṭha hlawl tawh lo a, mahse, ka zawhna engmah min chhang lovin steering a vawn lohna a kut veilam chuan ka kut a rawn vuan a, a mitmeng hriatthiam har zeta hlauhthawnna niawm tak lo lang chuan ka ngaih ati ṭha miah lo!

"Ka kiangah awm zel la, i him a nimai," ti supin kawng lam a en ngur a, ka zawhna leh min chhanna erawh inpersan tak a ni.

"Ka awm reng hi.."

"Le, ṭawng tawh suh, minute sawm bâk tlân angai dawn lo a nia, i seatbelt hreng nghet rawh." A sawi zawh rualin a hma aia chak zawk hian car chu a khalh leh ta a, ka bo tulh tulh a; mahse, ka lungphu rang ta sauh avang chuan hlauhawm a hnai tih ka hriatna thazam hian a hre lawi si.

London
Tempo Marriage
Samuel Cliff.
1:30Pm

"Mr.Cliff, muangchang lovin signature la nghal rawh le, thu chham tih velah kan buai lo a, Marriage certificate chauh kan mamawh." Absalom-an mi pakhat dawhkan bula ṭhu a biak laiin ka lo hawikual ve chhen a, chuti em em a hmanhmawh a ṭulna ka la hre ta chuang lo fo.

"Mr. Colmer, chuti vut vutin nupui neih i hmanhmawh ang tih ka lo ngaihtuah hleinem, min lo call pawh khan ka awih meuh lo a nia; mahse, i ti tak tak anih hmel viau e," tiin a ṭhen suk a.

"Chutiang sawikawi hman ka ni lo." Ti hmukin a Rangkachak Pen a phawrh zui nghal zat a, Solicitor Mr.Cliff-a chu rum mangkheng hian a melh bawk a, minute reilote liamta kha chuan hetiang hmel hi Absalom hian a pu miah lo. Eng emaw hriat rûk a nei anih ka ring nghet tulh tulh.

Dawhkanah nupa kan nihna nemnghehna tur certificate-ah Absalom nen kan sign ta a, holam viau angin lang mah se ka hmakhua thui tak hril thei anih vangin kei erawh ka mittui a hnâm sak thung. Ka pa phuba la tur hian sum leh pai tam tak leh venhimna ṭha uchuak lutuk ka mamawh si atin ni. Tunah chuan eng hlutna mah ka nei tawh lova, ka thianghlimna nise dollar tamtakin ka hralh tawh bawk. Mahse, ka pasal tur erawh ka tana mipa hmasaber ani tlag a, mipa hrang hrang kawp lawr chi kha ni lo tlat a...

"In inneihna hi thup induh nge duh lo?" Mr.Cliff-a zawhna chu chhan ka tum buai lo. Tun lawka ka pasal nita hian chhang teh se. Phuahchawp inneihna emaw ka tih kha alo ni miah lo. Contract paper-ah signature ka pe hek lo.

"I duh leh Media lam i hrilh dawn nia," Absalom-an atih chuan ka nui sak a.

"Mrs.Colmer, hawh le.." Mr.Cliff melh nawn tawh ṭhak lo a Absalom-an min hruaichhuah leh tâkah chuan ka lunghnur ru ngei mai.

"Eng nge thil awmzia, Absalom, dik takin min chhang rawh." Range Rover bulah dingin ka kuthnung lamah ka suih ât a, min chhan hma chuan akiangah kal ka tum tawh reng reng lo. 'Kan pahnihin Hremhmun pan law law teh ang' ti niawm taka chak khan akhalh leh emaw a ni anga ka duh îkhaw tawh lo.

"Money, tun hi inhnialna hun a ni lo, rang lutukin Car-ah khan lut la i tan a ṭha ang."

"I hmanhmawh viauna chhan leh Marriage certificate rang taka i duhna chhan kha sawi phawt la, chuan eng vanga car pangngai keng lova Range Rover keng nge i nih?" Ka ti ve kha kha a.

"Leena Bevan Colmer i nih thuai angai tih hria la atawk mai." Tih pahin min pawm nawlh a, motor chhungah min hlâng lut ta a, "Eng buaina nge kan hmachhawn dawn tâk le, luhlul chhuah lo la chuan kan pumpelh mai tur," ati leh sup a, a hmel ṭo haw tur ang maia dur ta khup leh a mitmeng rum deuh ûl a amelhna lam ka en ve chuan ka thâw a sak ṭalh mai.

Uncle Lewis leh Indian hmelpu mipa lian zet pahnih car-aṭanga rawn chhuak mêk te chu ka hmu ve ta a!

"Tlân chhuak rawh, Absalom.." Ka aw chu leh!

"Tlân chhiatin awmzia a nei tawh lo." Tih pahin car aṭang chuan a chhuk nghal a, "Rawn chhuak ve suh ang che." A sawi zawh rual vêkin car kawngkhar a lock nghal vek bawk a, amaha hmachhawntir ka tum lo asin le.

An ṭawng ka hre pha ve tawh bawk si lo.

Uncle Lewis hmela thinrimna lo lang chhuak erawh ka hmu thiam ve tho. Chutah Indian pa-in Absalom-a hmaiah tak a hnek lai ka hmuh chuan ka ṭe chhuak ṭhat a, helai hmun ualau lutukah kut anthlak ngam anih chuan eng mah pawisak an nei dawn lo tih hrilh hranpa ka ngai hauh lo.

Car aṭanga chhuah tumin ka bei ve ngial a, awmzia a awm der si lo.

Uncle Lewis hmela chapona lo lang ka hmuh phei chuan ka sa zak a, tunah hian minute sawm liamta a ka pasal nita Absalom tan hian eng nge tih theih ka neih ve. Eng emaw tal ka ti ngei tur a ni dawn lawm ni.

Indian pa in Absalom chu chelh betin pahkhat zawkin kut athlak thung a, theitawpin bei lêt ve mah se chêt ngaihna vak a awm lo tih ka hmuh chuan ka thinrim ngei mai.

Chutah Indian pa hmaiah tak Ansalom-an a hnek bur chuan chu pa chu a pai awn awn a, chu chu remchangah chuhin a rawn tâl chhuak ta a, Uncle Lewis chu rum lutuka a melh hnu-ah rang mangkheng hian car-ah arawn lut ta a, a kamsir thi deuh niaih leh a hnar aṭanga thi lo chhuak chu engah mah ngai lo niawm tak hian chak lutukin min tlanchhuahpui ta a.

"Money, rei ka khalh thei dawn lo a nia, ka bân dinglam hi a zawi vek," awki hniam chhaka tiin davâ zet hian min rawn melh a, engtin nge ka tih tâk ang car khalh ka thiam reng reng si lo.

"Ka khalh chhawk thei lovang che ka thiam ve lo," zawi sapa ka tih chuan a bu nghut a, min chhâng lém hlei lo va!

"Apartment-ah kan tlang nghal anga police phone miah suh ang che, i tân a him lo a nia," tiin akut lehlam chauh hmangin steering a control a, ka hamhaih ngei mai. Keimah vanga kut tuar anih chu thuhran, ka inthiam hlawl lo.

"Absalom, tihpalh.."

A kiai suk a, a speed tisang leh zual sauhvin ka tlan kawi zawr zawr ta mai!

Kan hmaa 'Mini Van' dum rawn lang thut ka hmuh rualin ari bur a, car hmalama Air bag ka nawr puar pawp chu ka mang hriat ruai a, ka lungphu dup dup leh Absaloma rum ri ka hre vuai vuai bawk! Lalpa leh!

Vawiin hian keini nupa tuak tharte hian kan hmabâk tihtur hlen chhuak hman lovin Paradise emaw Seol pawh nise kan zawh ngei dawn e...

Ka thâwk sak telh telh leh ka mit vai riai riai chu men chhuah tumin ka bei ngial a, Absalom-a rûm thawm pawh hriat tur a awm tawh lo, a kawng tur a zawh ta nge, ni lo, chuzawng a dik thei lo.

"Ab..salom....!" Ka áw richhuak tur a awm lo va, ka khawhmuh fiah lo tial tial avang chuan ka chhing ta riai riai a...


14.MONEY|Penniless Love

Becky Rafa Renthlei

Chapter-14

Onslow Square
Lexham Gardens
Leena Bevan

Ka harh rualin pangti lum ham ham ina min nghenna ka hre hmasa ber a; mahse ka la meng chhuak mai bik lo. Kan accident dan kha ka mangphan deuh nge ka lungphu ala dik ta lo fo!

"Lee, i harh ti raw!?" Ka pasal aw dam thlap ka hriat chuan mak ka ti hle a, ka harh nâa ka la che lo mai ni lovin ka mit pawh ka meng miah si lo a, engtin nge Absalom hian ka harh tih a hriat theih le. Mak dangdai tak chu a ni.

"Umn, nâ i nei em?" Tiin ka meng chhuak ve ta nghal a, a mitmeng dam thlap ka hmuh rualin ka hahdam huai huai thei nia. Tunah zinglam dar nga ari dawn hnai tawh a, Mr.Solomos chhuah lai pawh ka'n hriat miah loh chu le.

Kha pa hmel kha a ṭha uchuak hauh lo a; mahse 'pa' tak a ni. Absalom nen an inchen thuak nghe nghe in ka ring.

"Leena Bevan, oh! Mrs.Colmer, i pasal aia ngaihven zawk thildang i nei em ni?" Ka pumah a kut dinglamin a rawn chûl riak riak a, hmangaihna min chenpui dawn lo tih hre tho mah ila ka múr deuh er er thei alawm le! Absalom-a blood type ka ni lo a, mahse, min tawhna hian thil ati thei tlat si.

"I ṭhianpa kha khawiah nge?" Tia ka zawh chuan, "Dazel Solomos ngaihven lo vin keimah, i pasal Absalom hian nâ ka tuar tih i hriat ka ring," Ati hmuk a.

"Ka duat viau che chuan awm dan chintawk i thiam lo ang tih ka hlau deuh si a chuvangin ka insûm," nui lek leka ka ṭawng lai chu min en reng a, a mitmeng thim ta deuh raih leh min duatna niawm tak lo lang chhuak ka hmuh chuan a âwmah hmai ka phûm ta daih a, ka zak deuh reuh.

"Money..!" A kut na lo lama ka biangah  vuanin amah en tur chuan min kuai dâk ta riai riai a, ka biang sa hat hat chu a kut dai raiha a vawn chuan a nuam sawng sawng thei nia. A hmei ni tawh lovin a nupui kha ka ni tawh tlat a, ka lái deuh hû alawm le.

A hmui lum ham ham leh hnawng chapa min fawh chuan ka chhâng lêt ve vat a; mahse, a hmui kak kha ka hriatchhuah tâk vangin ka inlahrang rang ngei mai.

"I hmui kha a dam hunah âm takin ka fawp ngei ang che." Ka nui nghal var var a.

"Nâ ka nei tih i hre ve tal a, a zia e.."

"Yaar, Absalom, ka hlauhthawn zia hi i hrethiam pha kher lo ang."

"Hriatthiam turin i tilang tlat si lo a, Lee, i uncle hian ala duhtawk dawn hauh lo a nia, honeymoon hmangin bibo rih ta ila kan tifuh zawkin ka ring," thutak deuh zawka atih chuan ṭha ka ti riau. A chhan pawh ka inbuatsaihna ala ṭha tawk lo va, Absalom mai ni lo, atu ate pawh hmachhawn tur hian nasa lehzuala ka insawrbing angai tlat a ni.

Ka unaupa hrawn leh Lewis, ka nu pawh tiamin hremna pêk ngei ka tum ruh tlat si atin ni.

"Khawi hmunah nge honeymoon hman i duh?" A taksa ka chul pah dan dan a, kan accident khan hliam hranpa a nei hauh lo a; mahse a bân veilam ruh hi a auh deuh tih doctor khan a sawi a, an tuam thlap chung pawhin engtin emaw a chêt palh chuan nâ ala ti riau tih ka hria.

"Australia-ah kan kal anga, Sidney-ah Dazel-an farm house anei a kan hmang dawn nia," ati a.

"Australia te chu ka pianna ram a ni a, ka pa lu nghahna hmun a ni bawk, tu emawin min hmu palh anih chuan min hre ngei ang," ka ti sap a.

"Farm house-ah alawm kan awm dawn, ka taksa hahchawlhtir angai a, tun dinhmunah hi chuan tumah hmachhawn chi kan ni lo. Police lam inrawlh kan duh bawk si lo."

"Ok, i thu thu ni rawh se, lo mu hahdam la, breakfast buatsaih a hun dawn a.." ti a thawh ka tum chuan ka kawngah nghet zetin min kuah a, "Lee, i pasal tak takah min pawm em?"  Ka mitah a en rûn a, "Pawm tehreng mai, thutiam chham duaha hlenchhuah si loh ai chuan signature pêka kumkhaw daih kha a pawimawh zawk lo vem ni!?" Tiin ka rilru dik tak ka sawi ta a.

"Tuna i sawi kha i rilru tak tak anih chuan ka damchhungin ka venghim ang che . I ta chu ka ta, ka ta chu i ta.." a sawizawh rualin ka mitah a rawn fawp zauh a, tuna alandan cool ruih hian min hneh tak zet. Dollar ai pawha hlu zawk intiamkamna rintlak a nih ngei ka beisei.

"Ka pasal damlo tan breakfast ka siam ngei angai dawn e, Colmer huaisenpa," zawi sapa tiin khum aṭang chuan ka tho ta a, min dang ta bik lo.

Nimin khan min chhan nân a tel ve miah loh naah kut a tuar a, ani ang sum leh pai a buaina nei lo leh milar lutuk hian vawikhat chauh pawh a kâ a âng anih chuan ka uncle te mai mai zawng an che chhe khawp ang. Mahse, ka tân a hlauhawm theih dawn avangin kut a tuar ta zawk kha a nia. Absalom nge nge belhtlak a lo ni tehmeuh mai.

Chokaah ka zai rât rât a, Hindi hla ka sak hian ka confi tlat zel! Mumbai-ah engtikah nge ka kal leh dawn hriat pawh va ni suh.

"Niminah accident i tâwk a, tunah i zai leh vak vak lawi si, i pasalin a hriat phâk loh ngei ka beisei." Dazel aw ka hriat thut avangin ka phu zawk a, ka zai tawp hmak.

"Eng ati nge min tâi râna i awm le! I fanu ka ni lo a, i nupui lah ka ni lo cheu bawk. Ka engmah i ni lo." Ka ti hmak a, a ṭawngkam ngeiawm tak hi ka rilrem zawng a ni lo tlat.

"Ka eng mah i ni bik lo, ka nupui mizia ang deuh i nei tih mai loh chu, i hmelah phei chuan ka nupui i ang miah lo thung." A nui suk a, min chhaihkawlh a tum deuh em maw ni.

"Nupui i nei tawh maw!?" Mak ka ti hle a.Tlangval emaw ka lo ti ve char char a, a zia ta deuh e, Absaloma ṭhiante hi pakhat mah hriat ka nei lo a, a unaupa hrawn Shane chauh kha ka hriat ve chhun a nia ka ngaina hle bawk.

"Fa pawh ka nei tawh alawm, Money.." Min koh dan avang chuan rum mangkhengin ka melh a, ka pasalin min koh pawh ka ngei tawh nâklaia ani lehzelin min ko hi ka ngaihdan a ni hauh lo. Apple juice dawhkana chhawp tur ka ken lai chu hmang ṭangkaiin a hmaiah ka theh ta ṭhawt a, a thinrim miah lo.

"Australian thin tertek nei i ni maw!? I hmelṭha a; mahse, i..." a sawi zawh hma hmain, "Ṭawng tawh reng reng suh, chuti lo chu breakfast ka siam kêp lo ang che," ti nghauhvin bacon siamna hmanrua ka la tau sawk sawk a, Absaloma ṭhian ni lo se chuan a châk lo nasâ ang.

"Ok, Leena, ka nupui lo thlen hunah tuna min tih anga i tih vaih chuan a nuih a za hauh dawn lo ania," tiin choka chu a chhuahsan ta a.

Dazel nupui a lokal dawn a maw! A pasal ang maia ngeiawm thiam mihring anih chuan kan inmil lo sa. Mahse, hmeichhe ṭhian erawh ka mamawh viau lawi si.

Breakfast atan spanish Bacon leh Toast, Apple juice leh theirah tharlâm ka dah chhuak a, zankhat thil lekah ka nundan a inthlâk ta dawrh mai zel chu a nia! Billionaire nupui ka ni ta. Hindi hla ring lutuka sak mai chi nge ni anga, India rama zu rim na lutuk ka in ṭhin 'Rum' kha ka tauh leh zawk dâwn. Ha! A eng mah mah chu ka châk leh lo e.

Absalom-a eitur tray-ah ka rem malh malh a, kan mikhual Dazel erawh ka ken kêp duh lo lui ngat a. Amahin inngaihtuah ve mai mai teh se.

Mumbai-ah chhiahhlawh number one ka ni zing tawh lutuka, tunah te chuan Colmer Toys company chairman, Leena Bevan Colmer ka ni tawh alawm le.

Ka lo nih châk em em ṭhin dinhmun kha ka luah ṭan ta chu a ni a, a lawm nan vawikhat sâng deuhin zuang ta ila, ka Lung lam a effect êm lo ang chu maw..

Master Bedroom
8:00 Am
Absalom Colmer.

Lewis Bevan thusawi hnuhnung ber khan ka thin ala tirim reng.

'Leena hnaihah awm suh, a pasal tur ka hual sa vek tawh' ati anih kha.

Ka nupui alo ni hman tluka lawmna tur thildang ka nei theiin ka ring tawh lo.

Inneih thuai thuai ka duh vang khan contract paper lam reng reng kan lo hrechang tawh lo a, dan ang thlapin, tiamchin awm miah lovin ka nupui a ni fel hmak tawh. He khawvela rorelna sâng ber pawhin a ṭhiat danglam thei îkhaw lo. Ka 'Money' kha ani tlat alawm.

Lewis Bevan laka ka chêtdan tur erawh thurûk ani rih a, Leena pawh ka hrilh lo. A chanpual ka ît vang ni lovin hun reitak rethei leh nun hrehawm taka dah tute hi ka thinlung hian a ngaidam thei bik lo a ni.

A thianghlimna leh zahawmna tichhe thawthânga sum âtchilh hmeichhiaah an chhuah a, chuti chung chuan mahni inhai kuak tumin ṭan ala khawh ve hrâm hrâm chu a nia, ka lainat ve thlâwt. Wool company lar lutuk fanu hmelṭha leh hleitling zet ti retheitu hian hremna a hmu ngei tur a ni. Ka nupui alo nih tâk vang ni lo in, ka hlimna leh lawmna min thlentu hmeichhia a ni tih ka pawm thlap tawh.

"Hey, breakfast ka peih tawh e," enghelh nei loh hmel fê in tray chawi chung hian a lo lut a, zinglam thawhphan pawh zuk nei miah lo a!

"Thank you, wife..." ka thluak sakhal tak hian ka nupui a ni tih a pawm chiang êm a, invenna pawh hmang tawh lo turin ka hrilh ngei ang. Leena hian ka fa a pai phawt chuan tun aia thûk zawkin kan inzawm ngei ka ring nghet tlat bawk.

"Wife..! Money, Lee, i duh dan dan hian min ko a, i ṭhianpa nghal zet kha hrilh ang che, 'Money' tia min ko leh a nih vaih chuan Seol tawntirhah ka thawn liam ngei ngei ang." Thinrim takin ati hmarh hmarh a, ka nui huk.

"Dazel-an a ko che a maw!"

"Ko chiang e, dik tak chuan ka lawm lo."

"Ka lo hrilh dawn nia," ka ti tak nâ a ka nuih ala za reng, Dazel Solomos hian a chimawm a lo chhuah leh pek a ni ngei ang. A nupui lakah Leena phuba ka lâksak ngei a ngai dawn a ni hi. Tactic hrang hrang ka nei ve alawm le. Ka ngaihtuahna avang chuan ka nui leh hawk a, Leena breakfast siam tui danglam zet pawh ka ei hnem kher mai!

"Kan mikhual Solomos kha ka pe ve lo a nia," napkin-in ka hmui bul vel a rawn hru thuak thuak a, min duat thar ta riau. A kum zat ngaihtuah phei chuan a inhmeh hlawl lo a. Ka hriat loh mizia eng zat tak la nei ang maw.

"Lee, Dazel hi ka ṭhianṭha tak a ni a, a chungah ṭhat chhuah hrâm la ka lawm khawp ang."

"Chutiang sawi lo in kan inneih hmaa ka pawisa, ka hlawh chhuah kha min pe dawn nge, i la kawl dawn!?" Atih chuan ka juice in lai ka phuh chhuak teuh kher mai! Thil pangngai taka sawi ka tum pawh hian pawisaah bawk kan tawp leh zel zawng a ni e.

"Ka kawl sak ang che, i mamawh hunah sawi la, i duh engkim pêk i ni ang." Dam thlapa ka ṭawng chuan min en vang vang a, "Kum khat leh thla nga hnuah a vaiin ka duh vek ang."

 Ka  thil eina sengfel paha tiin dawhkan chungah a ṭhu tharh a, damdawi eitura min chawh ho chu a mal tê tê a a en kim vek hnu-ah, "Honeymoon hman i duh chuan hengho hi ṭha takin ei ang che," Inti thunei fahrana atih chuan ka nui leh ṭêp.

Nupui ka vawikhat neihna a ni a, ani tân pawh pasal a vawikhat neihna ve tho a ni. Chuvangin awm dan tur kan hrethiam lo a ni ber mai. Hmangaihna chendun chu sawi loh! Kan lai deuh hû a hriatna ka nei.

"Lee, min chhuahsan ngai lo ang tiraw!?" Tia ka zawh thutna chuan ati hamhaih deuh nge min en vang vang a, chutah dar san âk chung hian, "Hunin ala hril ang chu.." ati ta sap a.

"I mamawh engkim pek i ni ang tih ka sawi lo vem ni! I pasal ka ni tawh a, ka awmna chu i awmna tur a ni bawk."

"Ka awm reng hi," nui sak chungin min rawn pan a, khuma a lo lawn kai ve tâkah chuan rang fahran hian ka lo kuah a, ka thlahlel thar ta riau hi ka inhrethiam bik lo. Venhim ka duh tehmeuh mai; mahse, chumi bâk ka chhungrilah hian eng emaw min mawlhtu a awm tlat a, hmangaihna anih loh ngei ka beisei bawk.

"Absalom, ka birthday a thleng ṭep tawh a, khawngaihin ka ngenna che min tihhlawhtlin sak thei angem!?" A kut zên thlarha ka khabe kual chûl dan dan paha atih chuan hnial phal chi ninghal lo chuan.

"Sawi la..!"

"Ka hmel ang chiah Barbie doll min siamsak rawh, pakhat chauhin.." ati ta a.

Ka lo theihnghilh daih alawm le! Barbie doll ni lovin Ice cream doll ngatin a nia ka siam dawn ni. A hming tur pawh phuah hran a ngai reng reng tawh hleinem.

"Ka kianga i awm renga fa min hrinsak chuan i duh ang chu ka tihsak ve ang che," tiin ka blackmail ta a.

 A mengphawk ngei mai!

"Fa maw! Invenna hmang tura min tur sektu kha tunge kha..!" ala nui duh ṭhak lo lehnghal a, ahma leh tun inang tawh hek lo. Khawvel a changkang tulh tulh ang chiahin ka rilru pawh a puitling ve zel a, fa neiha chhungkaw din lam a lang tlat tawh.

"Fa min hrin sak la, mipa emaw, hmeichhia pawh nise, ka company-a ka share hmun thuma ṭhena hmun khat ka pe ang che." Tiin ka thlêm ta a.

"Ka lo inngaihtuah ang."

"Nupa kan nih te chuan fa kan nei tur a ni dawn lawm ni..!?"

"Englo, fa neih lam ka lo la ngaihtuah chhin lo atin ni!" Tiin a melh ngai a melh reng a, 'Aw le' tia min chhân ka ring deuh kha a nia, a teuh lo.

"Inngaihtuah nan darkar chanve hun ka pe ang che, min chhân dan azirin Paradise kawng kan zawh dawn nia, ka bân nâ hian Vanram kawtchhuah kan fanna tur a dál hauh lo tih hre sa bawk la," ka tih chuan a nuih a zat hmel hle a, sex hmang fo tawh mah ila, ka thlâkhlelhna a kiam chuang der lo.

"I hun min pêk chu a tlêm lam hret a ni." A nui zui ar ar a, a ha var rual ṭhap rawn lang chuan a hmelṭhatna a belhchhah tulh tulh nia.

Hetianga inpawh hian vawikhat mah kan la titi ngai lo a, a nuam dangdai hle bawk. Khumah min ngheng chialin a mu ve a, nâ nei zawk ang maiin zuk awm thiam a!

"Absalom, i nupui kha..." Dazel aw vin lutuk ka hriat rualin ka ṭhu chhuak nghal a, Leena pawh ka phih tho dawrh bawk.

Bedroom kawngka bulah Dazel Solomos chu a rawn ṭhingṭhi thla hnawk a, a bânpuam aṭanga thisen lo chhuak chu a lâr ṭha ngei mai! Eng thil nge thleng ta hi!

"Dazel...!" Khum aṭangin ka tho chhuak nghal a, Leena erawhin buai chiai miah lovin Dazel chu a pan a, ka thawh chhuah ruala ka taksa na ut ut chu haider theih pawh a ni lo. Ka nâk hnuailam a na ngut ngut mai.

"I nupui hi khawi pindanah emaw thukru rawh, Apartment kawtah i security te leh Lewis Bevan ṭhuihhruaite an insual nasa a nia.." Dazel aw thâm ṭuak chu hriat a har lek lek.

Engtin nge a nih theih!? Kei ka che ṭha thei der si lo. Dazel lah chuti bawk, a hliam aṭanga thisen chhuak chu ka nupuiin a buaipui mawlh mawlhna, he Apartment hian pindan rûk pakhat a nei tak alawm le.

"Lee, corridor zawh phei la, kawngkhar dumah khan lutin keimah emaw Dazel emaw in kan lo koh hma che chuan chhunglamah inkalh hnan tlat ang che." Ka sawi zawh rualin thâwm mak deuh ka hre zui nghal a, Leena che lawk lo chuan ka thin atirim hlur tawh.

"Mahse, Absalom..!"

"Mrs.Colmer, i pasalin thu ka pe che a nih chu, hmanhmawh rawh." Ka ti chang ta fak a, eng dinhmunah pawh ding ila a him ngei tur a ni.

"Aw le," tih pahin ka biangah a rawn fawp zuai a, master bedroom chu a chhuahsan ta a, a mitmeng dul raih kha ka hmu hman.

Ka chênna hmun thleng thlenga min umzui ta hi a lutuk lam hret a ni. Dazel chemte-a vittu pawh hi atu a pawh ni rawh se, hremhmun lamah ka thawn liam ngei ang.

Inhnuai lamah thawm ari ṭuk ṭuk a, Hindi ṭawng hmanga riat nawk nawk te pawh ka hre pha a, dârthlalang keh ri chuai chuai chuan ka mipa rilru a kaitho ve ṭan ta.

Ka duh angin che ṭha thei lo mah ila, a tawp thleng ngam turin ka inbuatsaih ngei angai. Dazel hmel dâng lap leh a hmui duk char chuan ka thinrimna ati zual mai ni lovin tualthah mai duhna thinlung min puttir hial chu le.

"Absalom, ka hnunga chemte bur hi i phawi thei angem.." harsa ti zetin a rawn ṭawng chhuak a, ka bân leh lam ka hmang thei der si lo. Thinrimna sawifiah rual lohin min chîm mek a ni. Ka ṭhiana hi hmun hniha an vit a ni maw!

"Tuar hrâm hrâm rawh," tih pahin a hnunga chemte bur chu ka phawisak ta a, a chal hnâwng chap leh a mitmeng hniam raih aṭang chuan a thidang lek lek tih hrilh hranpa ka ngai lo. Mak takin kan room lamah tumah an lo la chho miah lo a, inhnuai lamah erawh thawm a ṭha hle. Che thei îk ila chuan ka chhuk tawh ngei ang. Mahse, tuna ka dinhmun en hian chhuk chi ziazâng ka ni si lo.

"Dazel..Absalom...min chhan r'u.." hmeichhe aw thâm chhalh ri ka hriat rualin Dazel pawhin a hre ve a ni ngei ang a rawn meng kâwk a.

"Brie..."

"Ka nupui aw a ni.." a sawi zo hman chiah, nikhua hre lo vin a tlu zui ta a, ka chelh hman ta lo.

Australia aṭangin Briena a lo thleng ta tihna a nia, Lewis Bevan-a kid ten an man tihna!

Thâwk ka la hawk a. Thihchilh ngai mah se atawp ka thlen ngei a ngai ta e..

'I'm Absalom Colmer'

Ka nupui leh ka ṭhiante pahnih an him chuan a tawk mai lo vem ni! Ka kut na lo lam ka hûm ruh ṭalh ṭalh a, pindan chu ka chhuahsan ta a...

End of chapter-14

©<++++[BeckirafARenthleI]++++>®


15&16MONEY|Penniless Love

Becky Rafa Renthlei

Chapter-15&16

Onslow Square
Lexham Gardens
Colmer Apartment
London
Leena Bevan

Ka tlân luhna pindanah minute sawm dâwn ka awm tawh a, ka thla a muang thei der lo. Dazel kha tu-in nge vit ta ang! Absalom-a nise che thei ala ni bawk si lo va. Shala, helai pindana tawm reng tur hi ka ni bik reng reng lo. Min lo koh hma loh a anmahni lo nghâk ngat ngat tura min ngai a nih chuan an tisual chhiava dawn tihna a ni mai.

Ka thisen zawmpui ngeiin hetia min ti hi ngaihdam a harsa ta chu a ni e, Absalom-a hausakna hman ṭangkai te hi an lo tum reu reu ang tih pawh ka hlauhlel lo ve. Tun ṭum chu ka pasal thü zawm lo phawt mai teh ang.

Pindan chu thawmdim zetin ka chhuahsan ta a, inhnuai lama thawm bengchheng zet ri chuan ka lungphu a  nghawr dat thei nia! Mipa natuar rum ri leh hmeichhe ṭê ṭhat ṭhat ri te chuan ka thluak ati vir zawk zawk nimaiin ka hria. Khawilam hmeichhia nge ni ta ang.

Hmanhmawh baklêngin inhnuai panna step-ah ka tlanthla ta a, ka thil hmuh chu leh!

Absalom-an mi pakhat kawr âwmah ṭhamin a lo hnek mawlh mawlh a, a hmela thinrimna lang chhuak chu nidanga ka la hmuh ngai loh a ni! Hmeichhe sâng zet hian chhuata Indian pakhat mu kawm reng chu a chhuih âwrh âwrh a, a hmel ka hmuh ṭhat theih loh avangin ka ennawn leh ngat.

Chhe lo fia fia tak a ni.

Uncle Lewis chhuata let reng ka hmuh chuan ka ding chat a, amah anga rilru chhia pu ve ni ila tun hunah hian ka that ngei ang. Vawikhat ka'n chhuih ve ṭâlh kha..

"Absalom...!" Zawi sapa ka koh chuan a rawn vir nghal zawk a, keimah ka ni tih a hriat rualin a thaw huai a, "Lee, inchungah chho la, Dazel kha lo buaipui rawh. Police an lo thleng ṭep ania." A sawisak pa chu a nam lêng lawp a, chu mai duh tawk ta lo chuan a malpuiah a'n kick sak zui leh kher a..(h)!

Absalom Colmer businessman hian eng thiam thil nge a lo neih!? Ka kalsan lai khan a na viau si a, tunah lem na lo ang hmiahin a che leh lawi si a mak chu ka ti deuh!

Toys company neitu meuh, Lewis te angin an rawn ngam ve viau hi âtna chikhat a ni ngei ang.

 'Mumbai to London' te zawng a inthlau haih haih em mai.

"Briena, ka nupui nen inchungah chho  tawh rawh u." Absalom-a aw ril ruih chu a chang mah mah emaw tih mai tur a ni. Thinrim hmel viau e ti lo chuan min melh dam thlup thung a, a taksa lian leh inkhaithli thlurh mai hi misual tangrang vâkvel satliah han cho mai mai chi a ni lo. Street boy ni lovin businessman smart tak a ni. Mahse, mipa tute tân pawh cho mai mai chi loh khawpa piannalh uchuak leh hleitling a ni tlat!

A vun nisa em ṭhan tih hriat taka sen uk kharh leh a sam dum chhah ṭha zet  te hian British mipa rawng a kai hauh lo a, milim, duhthusama ker chawp manto tak ang mai kha a ni tlat a..!

"Helaia buaina thleng hi keimah vang a ni a, uncle Lewis harh hma hi chuan pên sawn ka tum reng reng lo." Ka ti vei hmak a.

"Money, luhlul chhuah lo hrâm rawh, police-in i hmel an hmuh ka duh miah lo a nia," a ṭhen sak a, a biang duk raih leh a nghâwnga hâmna niawm tak te pawh ka hmu ve chiah.

"Ok, i inpeih fel veleh lo chho ang che, i taksa kha a himdam chiah em tih hriat ka duh a nia," ka ti ve ta zawk a, 'Briena' tia a koh nu kha ka zawng a, hmuh tur a awm tawh lo. Dazel Solomos nupui a ni tih hrilh hranpa ka ngai lo a, a pasal nikhaw hre lo buaipui thei tur khawpa hmrichhe 'confi' ani tih amah ka hmuh rual khan ka hre nghal mai.

"Ka taksa damna aiin ka rilru damna tur thiam thil show tur lo ngaihtuah ang che," atih chuan ka nuih aza ru ngei mai, he pa hi ka va'n duh hluah hluah tak. Nichin maia Indian pa a kick lai phei kha chuan ka lo ṭang ve nasa mai a, thâ thawh ve pawh ka châk ru hial anih kha; mahse, ka tih ve ngai miah lovin aman kan misual, hremhmun rim nam thet thet ho pawh a lo tukzal diam tawh a, Absalom Colmer hi hmangaih loh tumin ṭawngṭai chiam mah ila awmzia a awm lèm dawn lo a nih hi..

Hmangaih bur pawh ni ila Seol chhunga chêngte leh Paradise kalkawng veilam ami te khan min dem hauh lo ang.

Police Siren ri ka hriat avangin Absalom chu ka melh zauh a, 'Inchungah chho rawh' tia min mitmei chu ka man ve vat. Chutah sawinawn ngai miah lova inherin kan nupa room ka pan ve ta a, Uncle Lewis hi ka chhuih nek dawn em ni ang! Â chu zawng ni em em lo e, ka phuba lâk tumnaah hian tharum thawh a tel ve lo e..

Master Bedroom
10:00 Am

"Dazel darling, hospital-ah kal mai ang.." Briena chuan a pasal meng mang lo a lo be mawlh mawlh a, kan room chhuata thisen kaite pawh a lo fai uar tawh bawk a, Dazel Solomos kawr ha lo a awm leh a hliam, chemte-a an vihna chu a langsar hle bawk nen hmuh a nuam fahran lo. A taksa nalh leh phiar fat chu a ruh deuh ṭang tih ka hre thei bawk.

"Mrs.Solomos, an khawihna ve che em?" Tiin khumah ka ṭhu ve nghal a

"Tehnang chuti maia tih hlauhthawn theih ka ni hleinem, chuan Mrs.Solomos tia min ko tawh lovin Brie emaw Briena tiin min ko la ka lawm khawp ang Leena.." A nui hmel chu a ngaihawm ru phian! Ka lo hmuh tum dan nen a inpersan êm avangin ka hamhaih zawk mah.

"Yes, Brie, i pasal hliam hi engtin nge kan tih ang?" Ka ti vat a.

"A luhlul nger ngur lutuka hospital pan a duh leh tawp nâng, hlauhthawnawm lutuk a ni hran lo bawk nen first aid box ka lo hailet nasa a nia," tiin a nui zui hak hak a, nupa inpawh tak anni tih alang reng mai, an awhawm hle bawk.

"Dr.Corey a lo thleng ṭep ang, hmun dang pan ai chuan hetah chawl hahdam u la.." ka sawi mêk laia Dazel meng diar diar ka hmuh chuan ka thla a lo muang ru ve tawp. Hmun hnihah hliam a tuar a; mahse, vawikhat pawh a rûm chhin eih lo. Pa chhel tak a ni ngei ang.

"Hotel-ah insawn kan tum deuh kha a nia, kan dinhmunin azir ta lo bawk si nen inbulah kan awm rih mai angai dawn a ni." Briena'n atih chuan ka lo bu nghat nghat a. Niminah pasal ka neia buaina namen lovin min umzui nghal bawk. Midangin an tuar ve zel hma a hmá ka lâk ṭan a ngai dawn tihna.

"Joel Bevan fanu leh Absalom Colmer nupa inni tih hi ka la pawm thei chiah lo deuh.." sam ṭâwn ṭha mawlh mawlh paha Briena ṭawng chu ka nuih ringawt a, kan inneih chhan hrilh hriat mai te pawh ka duh rum rum alawm le.

"Absalom tel lo chuan ka awm thei nâng, Mumbai aṭanga min hruai chhuaktu ka pasal hi ka tân a hlu hleuh hleuh teh a nia," thudik chanve ka hrilh ta zawk a.

Inhnuailama inhnial thawm ri leh lâwng lâwng ṭhin chu kan hre leh zauh zel a, chhuk châk viau mah ila tunah thil tihchi a nih loh vangin ka haider tawp.

"I pa thurochhiah chungchanga i unaupa hrawn te hmalâkna thar hriat i nei em?" Rei fê kan ngawih hnu-ah Briena chu a rawn ṭawng bauh a.

"Eng mah hriat ka nei lo, kum sawmhnihpanga ka la tlin tlat loh avangin ngawih ka chuh angai a.."

"Lewis inrawlh ve ringawt hi a chhan hre chiah lo mah ila rosum vang tho a nih ka ring." Tiin ka mitah tak min en a, "I hringnun hman liam tawh hrehawm viau mah se i pasal rinchhanin ke pên la, i chanvo dik tak i hmuh lêt theih nan Australian solicitor ṭha ber ka lo bia ang. Kan company partner inni tawh dawn a, engpawh nise Absalom-a thu hi zawm la i phuba chu ila la ngei ang." Zawi sap, fiah ru riau si a asawi chuan dik ka ti viau.

Phuba lâk ka tum tih vawikhat tê pawh ka la sawilang chhin miah lo va. Mahse, he nu Briena Solomos hian fing takin ka ngaihtuahna min hriatsak thlap a, hmeichhe fing fel leh ngaihtuahna sêng zau tak a nih ngei ka ring bawk.

"Phuba ka la dawn tih engtin nge i hriat?" Tiin ka zawt ta nge nge a.

"Engvangin nge ka hriat loh ang! Bevan wool company rochuntu tur bo ta daih leh a pa hnungzui tura rawn lang ta miah loh hi khawnge a awm tih media lamin an ngaihven ru reng a; tuna i nu pasal leh a fa hrawn sawn in company an ṭhutchilh tih ka hai hleinem! Australian hmeichhe dik tak i nih chuan phubâ la tur leh i pa; Joel Bevan nun hrehawm taka dahtute kha hmachhawn turin i lo lêt leh dawn tih ka hria alawm," ati ta a.

A sawi dik êm avangin chhân mai dan tur ka'n hriat miah loh chu le!

"I sawi dik e, ka pa thlarau chawlh hahdamtir tur hian thihna kotlâng rah ngai mah se ka bei zel ang. Dollar maktaduai aia hlu nunna ka la neih chhung chuan he khawvela ka hmelma te bei tur hian ka zâm reng reng lo." Sehchilh deuh naka ka ṭawng laiin ka kutah a rawn vuan a, "Eng pawh ti dawn la, i pasal ângchhunga awm tawh i ni tih theihnghilh ngai suh," ti sapin ka kut a vawn lohna lamin ka sam a chûl zauh a, a mitmenga min lainatna rawn lang chhuak hian ka mittui a ko chhuak ṭhelh nia.

Hmangaihtu leh lainattu, ka pa thih aṭanga ka dawnna hmasa ber a ni a, ka insût zui ta hraih a. Ka rilru erawh ka ti paukhauh sauh thung si.

"Ka nupui thusawi tawh zawng zawngah tuna a sawi aia ṭha kha ka la hre miah lo." Dazel rawn mengin a nupui nen kut invawnsak chunga kan lo ṭhu chu a melh nghal vat a, nichina a chau hmel kha tlêmin a reh ta deuh.

"Wow, kan Dazel uikawmpa pawh alo harh ta alawm," Briena fiamthu thawh chu a awmzia hre ve chiah lo mah ila Absalom-a uikawm ka tih dan nen khan a inang rengin ka ring.

"Mrs.Solomos, khatia inti mitak lutuka ṭawng zuap zuap lo khan, i pasal hian min vihna ni lo hliam dang ka nei em tihte en kual ta zawk che, Absalom-a 'Money' kha lo duat khu chûk duh suh..." nui lek lek a Dazel ṭawng chu ka haw tawh bik lo. An nupa hian ka ngaina ṭan ta riau zawk!

After 20 Minutes
Living room
Absalom Colmer

Ka bân na ut ut leh ka malpui thip hlur chu enchian tumin ka kekawr hâk ka phelh a, inchungah ka nupui leh ka ṭhianpa te nupa an awm avangin ka chho thleng ta lo. Nâ ka nei tih an hriat chuan an buai leh chung dâwn a bâkah Dazel buaipui a ngai bawk si! Briena alo thleng hman hlauhva a tihzia nasâ.

Kei hian tu damlo mah buaipui ka thiam ve lovang.

Lewis Bevan thunun tur hian dollar angai hnem mah mah dawn mai ka ti! Leena chân ka duh anih si loh chuan an phût ang pêk mai kha a finthlak ka ti bawk si a. Tun lawkah police lam nen kan inbe fel tawh a, Indian embassy lama thawk an rawn hruai tel avangin mimal inremna 'Merger' kha chuti maiin a neih theih bik lo a ni.

Leena thlah zalenin an buaina aṭang hian ka fihlim thei reng a, chu chu Police lam leh ka private detective min râwnna pawh a ni. Mahse, ka nupuiah ka nei tawh a, 'I nungchang siam ṭhat nan hian dollar engzat pawh sen ngai mah se ka kianga i chên chuan i mamawh pêk i ni ang' ti a Leena hnena thutiamtu Absalom Colmer kha ka la ni tlat a; a mamawh pêk tiamtu hian ka phatsan ngai lo ang. A chhan chu amah ka duh tlat vang a ni.

Sum tamtak a mamawh hauh lo. A mamawh zawk erawh venhimna ṭha a ni a; kei, nimin maia signature leh seal chhut hnan neitu hian ka enkawl ngei angai tih ka chiang vet vet êm..!

Whisky tak ṭha zetin ka inthlit a, ka lem ruala ka hrawk sa ham ham chu ka tuai zui vat vat a, tunah hian kawr ha lovin boxer nen chiah ka awm; ka malpui kak duai chuan tenawm rawng a kai deuh!

Leena hming hi court-ah leh Police record-ah lanna a neih ka duh loh vangin inremna kan siam ta mai kha a nia. Lewis Bevan erawh hospital-ah a awm rei ve deuh dawn ta a ni. A malpui ruh a auh tlat a chuti maia dam chi ninghal lo chuan..! Martial Arts ka thiam hran lo. Mahse, mipa ka nih angin tharuma min hmachhawntute bei lêt tur hian thahrui leh kut tum, bawp sei ṭha tak ka la nei ve alawm le. Shala..Security pawh uluk lehzual ta ila ka tifuh bawk ang.

"Thawmhnaw inbel mumal lo va intur dawm kha inthlimna lian tham tak niin ka hria," Leena muangchangin step-ah arawn pên thla a, a hmelah hlauhthawnna alan tehchiam loh avangin Dazel pawh ngaihtuahawm lutuk ani lo tih ka rin hriat mai.

"Ka rawn koh hma che chuan lo chhuk suh ka tih kha.." ka tisup a.

"I ṭhianpa te nupa induat lai vel thlir reng ai chuan ka pasal thar duat ka châk daih zawk," ka bulah a rawn ṭhu nghal a, ka malpui chu a hmuh atan ka duh lem loh avangin sirhê deuhvin ka ṭhu thung.

"Min duat dawn tih ka hria alawm, Money, i uncle pawh eng emaw chen chu hospital-ah a awm rih ang." Tiin thildang ka sawipui vat a, a mitmeng de sar a min melh tawh hi chuan ka nâ theihnghilha chetpui mai ka duh.



"Uncle chu i kutah ka dah alawm," tih pahin ka no ken laia whisky la bâng zawng chu a in vei hmak a, hundang chu nise ka hau nek ang. Mahse, tunah chuan inhnial lam alang tlat lo ka chau thlâwt a ni.

"Absalom, kei min neih hian harsatna hmachhawn tur i ngah sawt dawn ania, i dollar khawlsa pawh a kiam sawt sawt ang," tiin intur dang min thlit sak leh hnuah ka malchungah a rawn ṭhu tharh a, a rûkin ka ner sawk. Ka taksa hi a nâ em a ni.

"Ka nupui i nia lawm Money.."

"Nâ i nei tiraw?" Ka nghâwng leh hmai vel a dap that that a, a kut lum ham hamin min tawhna ringawt pawh hi tawrh har ka ti, North pole kal turin ka in ready deuh der mai!

"Ka chau.." ka ti sup a.

"Ok, chau tihreh dan ṭha deuh ka hria a nia, sofa-ah hian bawkkhup rawh le," ka no ken lai min chhuhsakin amah vêkin a in zo leh vek a, a sawi anga ka chêt lawk loh vang nge min melh râm râm a, ka hnial ta bik lo.

Ka nghâwng leh dar vel te a hmet ta a, a kut dam thlap chuan a point chat chat zuk hre thei a! Ka taksa hnunglam duhtawka a massage hnu-ah, "Zangthal rawh le.." ati leh a. Ka bân duh anga ka chêt ṭhat theih loh avangin min dim viau. Ka malpui kak pawh ala hmu lo chu a ni phawt a, a thip hlur lehnghal ..!

Chutah muagchang leh zei zet hian ka âwm leh dul thuar vel a hmet leh ta a, ka maimitchhing zui daih. A hmel ka en a nih vaih chuan phir pai thei tur khawpa chêt duhna rilru ka pu mai dawn si a, ka inthunun nasá..

"Tunah tak khan eng nge i ngaihtuah..?" Ka hmai bulah rawn kûnin a thaw lum ham ham a, ka hmui a fawp thawi thuak nia! Ka nupui hian tisa thilah min mamawh tih ka hriatna chuan min ti lawm viau lawi si.

"Rapsagy.." Tih pahin ka bân na lo lamin a biangah ka vuan a, a kut tereuhtê a ka mipatna a tawhna chuan ka chhungril a nghawr che dawt.

"Absalom, i che peih lo anih chuan thâ ka thawh hreh miah lo a nia, mahse, helai sofa-ah erawh arem chiah lo deuh.." nui san san chungin ati sap a.

"I in alawm, tuma'n an tibuai lovang che, thlamuang takin awm rawh, tuna i tih tum ang chiah hi inchung lamah pawh an ti mai thei a ni," tiin ka nui suk a, Briena khan Dazel a duat ve ngeia ka rin vang a ni. Leena nen an mizia a in ang deuh.

"Tunah chuan hmei ang ni lovin i nupui ka nihna ang zawkin chêt ka la hmasa ngei ang, Rapsagy turin i thluak lo sawrbing rawh le," a sawi zawh rualin ka hmuiah min fawp vang vang a, a kutin ka taksa hnuai lam a chûl lawr dan dan bawk a, ka thâwk a sak ṭalh mai. A chhan pawh minute thum lek chhunga ka mipatna kai tho theitu ka nupui hi ka ngaisang thlâwt..! Tisa châknain min tuam ṭan der nia!

Duhthawh leh uar fahrana min fawhna chuan ka thluak a chawk nu bat a, chau hle e tilovin ka harh ru phian si. Ka chhungril chawk nung thei khawpa zirlai thiam thei, nula thianghlim ngat kha a ni miau a, kei lo mipa dang a la mutpui lo tih ka hriatna hian lawmna famkim min pe si.

Money oh Leena!

Saruaka kan taksa a innêk lai pawhin ṭawngkam khat mah kan chhak chhuak lo! Ka chungah lawnin ka mamawh phuhru turin a che mai zawk a ni. Nupui nihna chanvo a nei tawh a, a huna zak lo thei hmeichhia hi ka ngaisang bawk.

Leena Bevan hi ka hmangaih ṭan chiang! Invenna tel lova hmangaihna chendun tluka nuam a awm hek lova. Ka âwmah hmai phumin a mit a khap fak fak a, tun lawka a chêtna khan Vanram kawtchhuah min fantir a, mipa ka nihna min hriatnawn tir lo thei lo.

Ka tel ve ngai miah lovin in nawmna famkim min pe thung si.

"Absalom...! Hei hi eng nge!?" A kutin ka mal kak lai a tawh fuh chuan a chawl dat a, ka chung aṭanga tho chhuakin ka malpui chu a en ta a.

"No, God..! Eng mah i sawi si lo a.." A hmela inthiam lohna langchhuak chunga atih chuan ka kiai suk a.

"A na hleinem, i thawmhnaw inbel rawh le, Dazel te awmnaah kan chho ve dawn nia, damdawi min hnawihsak ngei ka phût bawk," a hmuiah ka fawp zauh a, a meng kal ralh a, îtawm tîtêk tak a ni.

"Ka ta tur toys i siam hunah phei chuan ka duat zual sauh ang che," ati sap a. Dimtê hian boxer min hâktir thlap a, a nuam dangdai riau. Hetiang em em a min duat hi ka ring pha miah lo mai ni lovin kan inhriat tirh laia a mize mak lutuk leh sehhel zet kha hmuh tur pawh a awm tawh lo.

''Honeymoon hmangin kan kal phawt anga chumi zawhah toys lam chu kan buaipui dawn nia," a kutah chelhin master bedroom lamah ka hruai chho ta a, hundang chu nise ka pawm chho ngei ang. Tun ṭum zet zawng ka taksa a nuam lo êm a, ka duat hleithei lo a ni ber mai. Mahse, aman min duatin min ngaihsak hlauh thung si.

Kan nupa room kawngkhar Leena'n a hawn chuan a hmui hupin min en hâ a, eng nge a hmuh tehreng ni!

Kawngkaah chuan ka dâk lut ve ta a.

Dazel leh Briena duhthawh taka an infawp lai ka va hmu ve ta a.

Tihbuai chi loh!

'I room-ah kal ang,' hmuiphuna Leena ka biak chuan a nuih a za ngang mai.

Nupa kan nih hmaa a pindan tura ka ruahmanah khan kan inzui lût ta ringawt a. Nakinah ṭhiana te nupa pawh ka la fiam ang, fâ pahnih annei tawh chung pawhin an la inthlahlel hle tih ka mit ngeiin ka hmu a, nichina kan hun hman ang kha an châk ve teh ang chu. Dazel lah chêt thawh chi ziazâng a ni rih si lo.

"First aid box tel lo in ka lo dressing mai dawn em ni!" Tiin Leena chu khumah a ṭhu tharh a.

"Chuti em em a na a ni hleinem," ka ti tak nâ a, ka awm a nuam vak lo. Lewis Bevan vang vek. Zanin hian ka lawyer-in an chungchang pawh a bawhzui dawn a, accuse tur ṭha lutuk tak mai kan neih tawh tlat avangin jail bang an zût ngei ang.

Absalom Colmer leh a nupui harsatna siamtute hi chuti maiin ka en liam dawn reng reng lo.

"Absalom, mu hahdam rawh.." Leena chu khumah a mu ar ar a, englai mah hian a buai phili ve chung ngai lo hi mak ka ti! A luhlul ve deuh hlek tih loh-ah chuan enkawl a nuam sâwt riau bawk.

"Ka kianga i mut ve dawn loh chuan.."

"Mu hman ka ni tawh lo, lunch ei a hun dawn a, chhiahhlawh number two-ah ka ṭang tih ka lo theihnghilh leh ṭhin," chimawm zeta min melh pahin a kut chunglamah a vai thuak a, housekeeper dozen khat ka laksak nâng a..!

"Hamish-a kan call ange, Chinese restaurant ami kan lâktir dawn nia," ka tih chuan a nui ta sak a.

Indian chaw ei pawh ka châk tawh lo a, an rim ringawt pawh kha ka hnê lutuk. Buaina min thlensak chu thuhran ni se.

Hamish-a ka biak laiin Leena'n pindan a chhuahsan a, tray-ah dressing-na hmanrua a rawn chawilut ve ngei! Min that dawn pawh nihlei lo a duh ang ang hian min han sawngbawl ve phawt teh se, ka thih phah bik tawp nâng.

"Kan pahnihin martial arts zir ve ang," ka malpui kak lai cotton-in a hru hliau hliau a, a kut a dam phian.

"Martial arts zir tur atan chuan ka upa mah mah.." tiin ka nui hawk a, a rilrua awm ang ang a sawi chhuak leh hmiah zel. Awihawm loh lutuk hian, kum 34 ka tling dawn tawh a, martial arts zir thar leh te chu a...!

"Ka pawisa khawl kha min pe la, ka'n zir tak tak ang e.." ala ti tak deuh deuh a.

"Ka pawisa, ka pawisa ti ti tawh suh, pumkhat kan nih nem ngheh nan nichin maiah i chêt uar tân tân viau kha le.."

"Absalom Colmer ngawi hmiah rawh," a hmai a sen zui ṭâwn ṭâwn a, ka nuih aza tulh tulh thung.

"Ok, nih leh..." Cosmo plaster hmangin ka mal hliam chu a bel phui thlap a, na eng mah ka'n hriat miah loh chu le.

"Ka kianga i awm chhung chuan eng mah tlâkchham i nei ngai lo ang.." tiin a biang sen ap ap chu ka tuaisak zauh a, "Martial arts zir ka duh.." naupang chhe thil ngen ang maiin a sawi ngai a sawi leh chhên dawn e.

"Bodyguard ka pe zawk ang che, honeymoon kan hman zawh aṭang chuan ka company-ah toys siam dan i training dawn nia, thiamsa tumah an awm lo, i zir anga i thiam ngei ka ring tlat. Zirlai thiam thei tak i ni tih ka hria a nia."

"Bodyguard ai chuan housekeeper ka duh zawk, chuan i company-a thawh ve hi ka châk hran lo a nia," tiin min melh kar a, nitin a kiangah ka awm reng thei dawn lo tih hriatsa a ni a, ka office hlânin a lo bibo lovang tih tunge sawi thei! chuti maia chân tumna ka nei der si lo.

"Housekeeper pêk i ni anga, car pawh nangma puala pêk i ni bawk ang, adang eng nge i la duh.."

"Inneih ṭhata mokawr fual hâk ve ka châk.." atih chuan ka nui huk.

"Eng nge? Vawikhat pian ve manah khatiang tehtawpa inneih kha a holam ka ti."

"Lungngai suh, i pasal thu anga i awm phawt chuan Colmer company ngeiah i duhthusam aia ṭha leh mumang chhawng sarihna pawha i man phâk loh tur khawpa inneihna ropui ka buatsaih ang, chumi thleng thei tur chuan i nungchang leh i mizia uluk la, company chairman nupui i nih angin zahawm takin awm zir ang che.." ka ti deuh duah a, ka rilru tak tak a ni bawk.

Ani erawh alo ner nâng a, ka thusawi min pawmpui hmel a pu lo mai ni lovin awih chiah lo hmel a pu!

"I sawi ang chiaha athleng anih chuan kei hian nupa kan nih chhungin fâ dozen khat ka nei hman ang. Chupawh hmelṭha firfiak tak ni ngei bawk se," tiel lam lek leka atih chuan ka nuih a za lo. Ani nena fa neih hi ka duhthusam chu a ni ngei e; mahse, dozen khat em em zawng ni lul suh se.

"Hey, nangni pahnih kha duhtawk chin nei r'u," room pawnlam aṭangin Briena a rawn ṭawng a.

"In duhtawk tawh zawk em?" Leena'n a lo chhâng nghal var a, Briena a nui ring ngei mai.

"In mikhualte hi min ngaihsak viau loh chuan chemte hmanga siam 'Tattoo' chhe pui pui kan pu dawn a nih hmel," ala ti hrâm nia!

Dazel ngaihtuahawm ani tawh lo bawka a nupui pawh a ṭawng leh lâng lâng tawh alawm. Lewis Bevan-a kid samkir deuh kha Briena hian a hnek ṭhuai kha a nia, hundang chu nise pum dawm meuhin ka nui ngei ang. Mahse, kan hun tawngin zir miau hek lo le, a ṭul dan ang angin kut kan inthlâk ta mial mial kha a nia. Hmeichhe inveng zo leh huaisen tak ani tih ka hriat phah bawk.

Hamish-a rawn ken Chinese food chu  kan nupa room-ah kan keng chho a, tlailam hian ka nupui leh Briena chhuah dun an tum a, an tih tur an sawi duh tlat lo chu Dazel ngaihdan a ni vak lo a; kei erawhin sawi buai ka tum lem lo. Leena pâwn chhuah khât zia ka hria a, ka hnial duh ta lo a ni.

"Darkar thum aia rei inchhuak anih chuan Brie, ka ngaihdan a ni hauh dawn lo a nia," titu Lukham nghênga ṭhu Dazel chu a nupui chuan a nuih var var a, "Duhtak, mipa nena chhuak tur kan nih loh hi, i damdawi tur leh Absalom-a damdawi tur lamin Leena ka hruai chhuak dawn a ni mai a.." tiin Briena chuan a pasal a tlawn hauh hauh a, keini nupa erawhin eng mah kan sawi lo.

"Brie, i pasal kherhkhiap zetin a remtih loh chuan keimahin ka chhuak thei tho a, driver ka hruai mai dawn alawm,"

"Money, lo inrawlh suh," Dazel-an ati hmuk a. Leena ka melh vat. 'Money' tia koh a duh loh zia a sawi chamchî kha a nia, a thin tertek a chhuah loh hrâm ka beisei.

Ka rin ang chiahin Dazel chu rum âl hian a melh a, "$10 million min pe dawn anih loh chuan tuna i mi koh dan kha sim hmiah ang che," ati hmak a, Briena nui rah rah ka hmuhin ka nui lo thei bik lo.

"Khatia a koh vang che khan dollar engzat nge a sén a Absalom-an!?"

"Dazel, ka sawi zawh chiah kha maw le, 'Money' tia min ko ve ṭâlh duh a nih chuan Solomos company share khat min pe dawn nia," Ka nupui leili hriam zet leh ka ṭhianpa chimawm zet inhnial chu Briena nen ngawirengin kan en tawp.

Tlâwm zawk awm tum lovin an inhnial char char dawna ka hriat avangin Briena ka mitmei zauh a, Leena chu a chhuahpui ta a.

Keiin an chhuah ka phal a nih chuan Dazel paw'n a phal ve ngei tur a ni dawn lawm ni.

After 3hours

Leena te pahnih chhuah aṭangin darkar thum aliam tawh a, tunah tlailam dar ruk a pel leh tawh, tun thlengin an la rawn haw lo a, Dazel nise a thinrim hlur tawh bawk si, keipawh chuti tho bawk. A taksaah hliam nei lo phei se chuan zawng turin a chhuak daih tawh ang.

Kei takngial pawh ka lung a awi chiah tawh lo a, vawi eng emaw zat kan call tawh a, 'switch off' a inti tlat bawk si. Vawiin lama kan boruak tawnin a lo zir lo bawk nen ngaih a ṭha duh lo viau a ni.

"Absalom, an kalna tur awm ang i hria em?" Phone khawih reng chunga Dazel-an atih chuan dar ka san âwk a.

"Zawng turin chhuak mai rawh, i nupuiin zû a in ngai em?" A ti leh a.

"In ngai e, Briena'n a in ṭhin em ni?"

"In ve zauh zauh, khawilai 'bar' ah emaw intur an dawm khawtlai mai mai a ni ang," tiin thawh a tum a, a rum nghut a, muangchâng hian lukham a nghêng leh ta riai riai a. A duh angin a che chhuak thei lo a, kei pawh eng teh ual ka ni lem lo; ani anga hliam lian tham nei lo mah ila ka fit viau lo. Ka bân pawh ka hmang ṭha thei lo achhâ chu a ni e.

"Ka farm house-ah honeymoon hman in tum tho chuan naktukah Sidney panin kan haw ang." Ṭhiana chuan ati hmuk a.

"Company merger pawh eng mah kan la tifel si lova i lokal chhan ber a nih kha."

"In lokal hunah kan ti mai dawn nia, Toys thar insiam leh hmain kan ṭan hman tho chuan ka ring, ka private jet chah chawp ai chuan i ta kan hmang mai ang," ati hmuk a.

"Chuti vut vuta haw a ṭulna ka hre lo, i hliam te kha dam fel ve phawt se, i lokal chhan kan tihfel hunah muangmarin in hawng ang chu.." Tiin intur dahna cupboard ka hawng a, kan nupa khumah Dazel a mu a, kei sofa-ah ka ṭhu thung.

"Leena leh Briena an awmdun chuan kan chelh lo ang, hmeichheho tak hi chu chintawk an nei ngai lo." A phun leh sup a. Ka nuih aza deuh!

Kum eng emaw zat an innei tawh a, chuti chung chuan a nupui lakah thikthu ala pe chhe ve viau! A nupui a chhe lo ve bawk em a; mahse, vawiin tlaiah kher hi chuan ka nupui a tel ve tlat a chutianga ngaihṭhat lohna ka nei hran lo. Leena hian mipa ṭhian a ngaina tlat lo alawm. A duh ber chu 'Money' a ni tawp mai.

"Tikhan lo mu hahdam la, an chanchin ka'n ngaihven a nge," ka ti ta a.

"Absalom, i nupui hi i hmangaih em?" Dazel min zawhna chu chhânna ka pe thei tlat lo.

"Ka hmangaih em tih ka chiang lo, mahse, ka kianga awm lo tur anga ka ngaihtuah apiangin ka thinrim ṭhin," ka ti sup a.

"I mitmenga hmangaihna rawn lang chhuak ṭhin kha ka hmuh hmaih hleinem, i nupui thluak chak zet hi duat viau ang che, chuti anih loh chuan senator nupui ni hial tur khawpa hmelṭha leh piannalh hi i chân mai ang." Ani leh ni lo angin Leena a fak ve tlat!

A nupui bâk hmelṭha ti lo tu Dazel hian mit dangin Leena a melh ve tihna.

A nupui a duh lo tihna ni lovin nupui ka thlang sual lo tih min hrilh ve naah ka ngai hmiah.

"Ka hmangaih te pawh a ni mahna, intur i duh ve em?" Whisky no ka lek lang zauh a, a bu nghut ka hmuh chuan ka thlitsak ve ta a, a thinrim ṭûn tawh tih ka hria a, eng em em nge maw an tih chen chen ni!

Zan dar sarih a rik tawh pawhin anla rawn haw lo cheu a, Living room-ah vawi engzat nge ka vei tawh pawh ka chhiar seng lo. Ka taksa nâ theihnghilh ṭhakin ka teikual sek a, Dazel erawh a muhil thung. A harh hmaa an lo haw hman lo anih teh chuan a pawi khawp ang.

Ka phone phawrhin ka bodyguard te ka be ta a, an vaiin sawmpahnih an ni a, in lamah ka chhawr lem loh avangin Leena hian a hre kher lo maithei.

Lexham leh a chhehvel bar zawng zawng te Shopping mall te leh Indian restaurant hnaivai en vek tura ka hrilh hnuah Hamish ka ko a, dinner tur ka buatsaih tir ta a.

Vawikhat chhuah phalna ka pe ve dêk dêk a, haw tum reng reng lo mai. Briena tehreng pawh a upa zawk a ni a, Leena chinchang hriat loh zia hre vek chungin tun thleng thlengin a khawmuanpui a ka ngaihdan a ni hauh tawh lo.

"Chhuak lo tura ka tih lai khan lo ṭawng ve la chuan tun hi kan thleng miah lo ang," Kan room-ah Dazel nen dinner kan eidun a, a muhil rawn harh aṭangin ala âng char char. Ka dem miah lo bawk.

"Ka tel lovin Leena hi a chhuak ngai lova, Briena nen an chhuah chuan nuam anti ve dawn êm a ka hriat vang maw le."

"Chupawh nise anmahni ringawta chhuah kha ka remti lo, company chairman nupui ve meuh si mawl dun lutuk mai," tiin ala phun hrâm a.

"I Jet chu lo buatsaih tir rawh, an rawn haw veleh London kan chhuahsan ang. Hemite pahnih hi awmdun tam lo se a ṭha a nimai, keini chuan fa kan nei tawh a, nula ang maia tâl kual kha a hun tawh lo." Atih chuan ka nui ru suk. Leena a dem ru deuh a, keiin Briena ka dem thung.

Mahni nupui te erawh kan ṭan ru ve ve tih a hriat mai.

Ka private jet pahnih leh Company Jet enkawltu ka call nghal a, eng ang pawhin Dazel hi hnial nasa teh mah ila awmzia a nei dawn lo tih ka hrechiang ve em a ni. Keimah ang tho va luhlul leh induhtawk kha a ni tlat a, a sawi ang deuhvin kan nupuite an awm dun a nih chuan kan chelh miah lovang. Australian ve ve annih bâkah engti zawng emaw tak hian an inpawh riau!

"Absalom, Leena nu leh a unaupa hrawn te chanchin ka lo ngaihven ang a, email hmangin lo hriattir ka tum dawn che nia," Thudangah Dazel chu a pakai ta daih a, ka pawitih loh zawng tak a ni.

"Ka nupuiin a chanvo a hmuh hma loh chuan kei hi ka ngawi mai mai dawn lo tih hrilh la, chumai ni lovin ka hming leh  ka company hming pawh hrilh tel bawk ang che, a pasal tura an hual sak pawh kha a chanchin kimchang chhuitu tur ka tir vek tawh," tiin ka hrilh ve ta a.

"Eng pawh nise honeymoon hmangin lokal ula, nangmah ngeiin thlithlai la ka duh bawk. Bodyguard hruai angai lo ang aw.." Dazel -an atih chuan mitko ka san awk a, "Bodyguard lam ka ngaihtuah reng reng lo." Ka sawi zo hman chiah tihah ka phone a ri zui zat .

Hamish-a a ni.

"Sir, madam te pahnih chu 'Indian restaurant-ah hmuh an ni e," tia a rawn sawi chuan ka thinrim ru kher mai. Indian pawh ni lo khan Indianho a ngaisang ve em em a, Briena ala hruai zui!

"Rawn hruai haw nghal rawh u, an duh lo emaw sawibuai annei anih chuan inrawn pawm chhuak dawn nia," tiin ka chhâng hmiah a, Dazel pawh a meng rum khawp mai.

A nupui hremna pe thei turin a damlo hlauh zawk a, helaiah pawh tikhawp hian a thinrim a nia, an Mansion-ah phei chuan a ling ṭha khawp ang. Mahse, a nupui a hmangaih viau si a ngaihdamna thinlung a pu mial maithei bawk.

"Rawn haw teh se, an nuih a za lo ang," tiin Dazel chu a rum zui nghut a, a hliam nei hian a thin a tichhe pah deuhin ka hria.

"Leena pawh hrem angai dawn a ni," ka ti lo ti ve a, ka thinrim viau rualin an chêtdan puitling lo lutuk hian ka nuih ati za deuh.

After 20 minutes.

Hamish leh bodyguard pahnihin Leena te pahnih chu Apartment-ah an rawn chhawm lut a, an hmel aṭang reng reng pawh an rui thawkhat tih a hriat mai!

"Dazel darling.." Briena a rawn pai lut khat khat a, Dazel erawhin en pawh a en duh lo. An nupain lo inchingfel mai teh se.

"Money, lokal rawh.." thle lâk lâk chunga Leena meng hnuai raih chu a bânah vuanin ama room ka panpui ta a, "Brie, ka lo chho leh ang aw," zuk la ti ham ham a! Ka tuk lawlh dawn em maw ni.

"Eng vanga rawn haw tlai em em nge in nih!?" Khumah ka nam ṭhu hnawk a.

"Intur kan dawm .." A bân chunglamah vai thuakin min la melh dere zui!

"In pasalte damlo theinghilh ṭhakin intur in dawm thei a nia, eng ang nupui nge maw in nih le.." ka thinrim êm avangin ka ṭawng ring hran lo.

"Absalom..mu ang, khawngaihin zanin chu min hrethiam rawh,"

"Nangmahin mu rawh, zanin chiah ka ngaidam ang che, vawikhat pawh Indian restaurant-ah i kal leh a nih chuan hremna theuneu lo tak pêk i ni ang." Tia ka vauna chu eng teh ualah a ngai lo nge a bu liam satliah ringawta, a ruih lai hi chuan eng ang pawhin hauin vau mah ila awmzia a nei lo anih hmel.

Thinrim ṭunin ka chhuahsan ta a.

Zanin zet zawng a kianga mut a châkawm fahran lo.

"Briena, insiam rawh.." Dazel aw fiak ṭhak ka hriat vangin ka pên tawp chat a.

"Enteh, Dazel, i ti lutuk deuh a ni, thlawhnaa chuang chi i nih loh kha, khawngaihin zanin chauh awm leh ila naktukah kan haw dawn nia,"

"Ṭawng tawh lo khan insiam rawh, i pasal hliam tuar kalsanin i rawn rui haw a nia.." thinrim insûm lutuka Dazel ṭawng avang chuan ka lo inhûm ruh ve a.

"I duh chuan nangmahin haw mai rawh, zaninah kher hi chuan haw ka tum lo," Briena'n atih tlat avang chuan Dazel chu a ngawi ta a, mi nupa inhnialna lo ngaihthlak reng kha ka inthiam chiah loh avangin whisky dawm turin ka kalsan ta a.

Zanin chauh chu ngaidam ve mai se, a lehpek a awm anih erawh chuan hremna pe ta zawk ila kan tifuh ang.

A nupui tel lovin ka ṭhiana hi a haw dawn lo tih ka chiang ve e.

Leena erawh kan intawn tirh pawh khan a rui chhe hle a nih kha, mahse khami hnu khan vawikhat mah buaipuiawmin a awm tawh lo a, lungawi lo viau mah ila ka inthunun ta zawk kha a nia.

Tuna ka hriat thar tâk chu eng ang mi pawh nise ka hmangaih tlat chuan ngaihdamna thinlung leh hriatthiamna zau tak alakah ka pu zel tho dawn tih hi a ni.

Mipa ka nih vang leh mihring ka nih ve tho avangin chintawk erawh ka thliar thiam ve tur a ni dawn lo'm ni?

Ka nupui a rui a nih chuan a ruih fo tawh lohna tura zirtir hi ka tihtur a ni a, chuta min pawisa lo fo anih leh ka duh dan min zahsak lo a nih chuan atawp erawh ka thleng ngam ve ang.

'Money i nungchang siam ṭhat nan ka inhuam thui teh a nia," tia phun supin Whisky nokhat ka tlâk ta pap a....

©<++++[BeckirafARenthleI]++++>®

17. MONEY|Penniless Love

Becky Rafa Renthlei

Chapter-17

Onslow Square
Lexham Gardens
Colmer Apartment
London
Absalom Colmer.

Living room sofa-ah ka lo muhil tlang daih niin! Whisky no eng zat nge ka in pawh ka hre seng tawh mai mai lo e a, ka ke mu churh churh tih reh tuma ka thluan mar chuan pangti lum vet vet ka tlawh ta a!

Tunge sofa-ah hian mu ve!? Chu pawh ka ke lamah lehnghal!

Peih lo zetin ka ṭhu chhuak ta a, zinglam dar thum a pel tawh a, Dazel te nupa kha an haw ta lo phawt chu a nia, ka private Jet hman mai theih turin ka buatsaihtir vek tawh kha a nia, a nupuiin Sidney-a haw a duh tlat loh te chuan a hawsan phal bik tawp nâng.

Sofa kil sir tê-a lo ṭhu mu chu tudang ni lovin ka nupui Leena lek! Nizan khan a rui hle si a, inhnuaiah engtin nge a rawn chhuk thlâk theih zawk ni!

A sam hnawk niaih chul mamsak tumin ka phar ûk a, mahse, ka tihharh ka hlau leh deuh si.

Ka ke ka lâksawn chuan a rawn rum chhuak ṭiah ṭiah a, darkar eng emaw zat chu rem lo zetin a muhil tihna a nia a khawngaihthlak reuh ka ti. Mahse, ruih laite chuan lu lam leh mawng lam hriat a har ve êm asin, ka kiai zui suk a..

"Absalom, khawvar hmaa Sidney thlen hman ka duh si a i pilot kha lo be ta che," Dazel rawn luh lai ka hre miah lo a, kal pawh a kal ngil ṭha thei lo ania, tiang chunga haw atum ṭâlh hi ati lutuk ve deuh chuan ka hria.

"Briena khawnge?"

"A insiam mêk, nizan chungchang kha sawi lan ka duh tawh îkhaw lo a nia, in lo zin hunah duhtawkin ka inah an inkawm thei dawn alawm," ati sup a.

"I nupui kha hau vak kher suh ang che, Money pawh ka hau hran lo a, mahse, zinglamah erawh ka zilh hlek ang," ka tih chuan a nui suk a, "Brie tezawng a ruih laia hau chi a ni awzawng lo kan insual a nimai," ṭhen suk suk chunga tiin sofa-a Leena muhil bâm chu a melh zauh a, "Zankhat lek pawh in mu hrang thei lo chu a nia! Business thilah zin chhuah ngai ta se i nupui i ngai ngawt ang," ati leh daih a, nizana a thinrimna kha hmuh tur a awm tawh lo a, a thawventhlâk ve hrim hrim.

"Ka zin chhuah san lo mai ang, a nih loh pawhin ka hruai ve zel ang,"

"A sawi lam hi chu a awl viau a, nupuite hruai meuha zin harsat zia ila hrechhawm ve dawn alawm." Inla patling zeta a ṭawng chu ka la nuihzat veleh chhawng a, Dazel hian a nupui a ngaihsak zia ka hrechiang ve êm a, nizana a thinrimna pawh kha ãwm ka tihpui deuh tho.

Ka pilot Harris-a ka biak laiin Briena pawh Living room-ah a rawn chhuk tawh a, a tûm bâr lehnghal!

"Lee, tho rawh le, Autralia kan pan dawn a nia," tiin ka nupui muhil lai chu a ko a, ngawirenga a kalsan kha ka ring lo reng a ni.

Leena pawh phak chapin a rawn meng chhuak a, a awmna hmun a hai deuh nge a ngaihna hre lo hmel a pu bawk.

"Lee, honeymoon hmangin rawn kal tak tak rawh u aw.." Briena chuan ala ti hrâm a, nikhat lek an la awm dun ania heti em em a inthlâkhlelh tak mai chu! Nimin tlai khan khawi khawiah nge an kal tih ka la hrechhuak khawp ang.

Choka lama hmeichhe pahnihte an inzui phei lai pawhin Dazel nen kan ngawi reng a, Briena khan vawikhat mah a pasal a melh chhin eih lo. Leena paw'n min en chuang lo a, an pahnih ringawt khan zuk in buaipui a!

"Leena, unaupa hrawn hi a tawrhlelhawm ber tur chu a nia, Lewis Bevan hremna tluantling pe phawt ang che, a mal tê tê a inbeih loh chuan nakinah in tân harsa dawn a, puih i ngaihna apianga pui tur che in ka awm tih theihnghilh ngai suh, kut min thlâktu kha lo hriatchhuah tum bawk la ka lawm ngawt ang," Dazel hmel thutak rûn chuan engkimah min pui duh dawn tih atarlang chiang kher mai. Australia-a awmhmun nghet nei kha a ni tlat a, atan chêt a awlsam zawk ngei ang.

"Tehreng mai, ka'n awmdam deuh anga kan rawn kal dawn nia, nihnih khat bâk angai lo ang," ka tih chuan a bu nghut a, kut thlâwn a ba duh dawn miah lo tih  ka mipa rilru aṭangin ka hriatthiampui a ni.

Leena leh Briena'n coffee an rawn chawilut a, ngawirenga inmelh zeuhin choka lamah bawk an inzui lut leh a, eng nge maw an hriat teh hrep ni!

"I nupui lungawi lo chu thlêm tumna rilru i pu miah lo em ni? A duh angin khawvar hunah thlâwk chhuak mai u la," Coffee no ban paha ka tih chuan, "A thinrim rei chuang lo ang, tunlai a mize inthlâk hi ka hrethiam teh nuaih lo. Thlêm pawh ka lo tum chiah hleinem." Ngaihsam zeta tiin coffee chu a tem hlak a.

"Leena pualin Barbie doll ka siam dawn a, i duh chuan i nupui birthday ami tur a hmel ang chiah ka siamsak ve thei ang che," Dazel hmel êng ta sawt ka hmuhin sawi fuh ka inti ngei mai.

"I tih theih chuan a lawmawm ngawt ang," a nui zui suk a, Harris-a thâwm kan hriat tâk avangin thildang kan sawi chhunzawm ta lo.

Dazel Solomos te nupa hi ka tan ṭhian ṭha tak an la ni zel zawng a nih hi.

Briena kal tur chuan ka nupui a kuah vang vang a, unau inkalsan tur ang maiin an inkuah ngial a, Dazel erawhin a nupui a ngaihsak der lo. Thlawhna chhung thlengin ka kuah chho a, a ṭhen leh sak ṭhin avangin a hliam hi a na ru viau a nih ka ring. Mahse, engmah phei chu ka zawt lem lo.

"Lo in enkawl ṭha ang che, Amigo.." ka ti sup a.

"Nang pawh inenkawl ṭha la in lo kal dâwnah min rawn hriattir dawn nia, farm house chahbi pawh i lo lam ngei ka beisei.."

Dazel te thlâwkliam lai Leena chuan a thlir vauh vauh a, a hmêla khawharna lo lang chhuak ka hmuh chuan a darah ka vuan ta a.

"I ṭhianpa hian ati lutuk ve deuh a ni," tiin Apartment lam a pan nalh a, ka chungah a thinrim ringawt em maw ni!? Nizana a ruih vang khan thinrim tur ka ni zawk reng si a.

Ala hma bawk nen tihtur tehchiam a awm si lo a, ka nupui councelling class ka pe mai a ni ang chu...

Chokaah Leena a che rak rak a, ka luh ve lai pawhin min en duh der lo!

"Tukinah eng lam nge kan ei dawn?" Chair pawt chhuaka ṭhuin a chezia ka thlir reng a, Chhangthawp leh butter tam tawk fridge aṭanga phawrh phah hian, "Chief Chef ka nih tlat loh avangin tukin chu Bacon leh toast kan ei ang,"

"Tunge 'Chief Chef' i ni ti reng reng!"

"I awmhmun aṭang khan i duh duh lo sawi ringawt suh, ka siam ang apiang ei la, chuta i ei peih ta ngang lo anih leh eisiam thiam ruai la ti nia," ati nghauh a. Artui a vuak keh lai te chuan, 'Hetiang hi ka ngaina hlawl lo' ti niawm tak hian a vaw kawrh a, naupangchhia lutuk!

"Briena te nupa an haw vang maia titau i nih chuan engah mah ka ngai lo a nia, an châmhlen dawn lo tih i hriat ve tho kha," a thin tertek tichhuak lo thei ang bera dam hian ka ṭawng a. Min en duh chuang lo.

"Dazel Solomos anga khirh i nih chuan kan inrem ve thei dawn miah lo ania," Indian thingpui a siamsa chu ka hmaah arawn chhawp a, arim ringawt pawh hian ka luak a pawt!

"Money, i thingpui siam hi ka in dawn miah lo a nia," ka ner sawk a.

"Eng vangin!?"

"Indian thil hrim hrim ka in leh a chhehvelah hmuh ka duh tawh lo," tiin thingpui chu ka paih vek a, a lungawi lo hmel pawh ka pawisa bik lo.

"Anih chuan mahni eitur ve ve siam ila a nimai alawm," ti hmakin thingpui a inkhalh a, chhângthawpah butter tâtin ala ṭhial zui ang ṭâwlh ṭâwlh a, heti khawpa ei duh si a thau miah lo leh tisa chuangtlai a nei miah lo hi mak ve tak a ni. Chu loah exer ala ngai der bawk si lo!

"Ka nupui i ni tawha ka eitur siam hi i hna a ni, i mamawh engkim tumtu leh buaipuitu ka nih vangin khalam kha sawinawn ka tum tawh hauh lo ania, tunah Omelette ka duh nghal," zawi supa ka ṭawng chu a hre lo der hmiah a, Absalom Colmer thin a thawk dawn tlat. Dawhkana Vase inhûng ring lutuka ka chhut chawrh tâkah chuan a mengphar nasâ!

"Lungphu chawla ka thih i duh loh chuan, khatianga chimawm chhuah kha sim hmiah ang che, a chhan chu kei hian lunglam ṭhalo ka nei tih i lo hre tawh dawn nia," thinrim tih hriat lutukin a ke a per tán tán a, a mitmeng pawh ala dik chuang lo.

"Lung ṭhalo i nei a maw!?"

"Nei lo ila ka sawi dawn em ni. Sum duhin râk râk ṭhin mah ila natna chungchangah kher zawng dâwt ka sawi nguar ang," ti hmakin choka chu a chhuah tauhsan ta a, ka hrilhhai ve ṭep.

Leena hian a lung lam fel lo hi alo hreru reng tihna ania, eng hunlai aṭanga inṭan nge tih hriatsak lo mah ila enkawlna mumal a dawn ngei chu a ngai dawn a ni.

Ka eitur siam a tum miau si lova, thinrim ru ṭunin chhangthawpa butter tah chu ka ei va ta ringawt a, ka bân a na tih hrereng chunga min siamsak duh lo hi ka lawm miah lo. Tun dinhmunah inhnial ka duh loh vangin ngawih ka chuh rih zawk mai pawh a.

"Kha, hei hi ei rawh," Chokaa Leena lo lut leh chu ka mitsirin ka hmu ru reng a, Oven-aṭanga coconut chhang a phawrhchhuah chu ka hmaah chhawpin bawnghnute leh Pegan a rawn dah tel bawk a, ka be duh bik lo.

"Nizan chungchangah khan min hau dawn anih chuan nakin nghak lovin tunah tlingtla nghal vek rawh," ka kiangah a rawn dinga min en reng tih ka hria. Mahse, ka hre lo der ve thung.

"Absalom, mipa an titau ngai lo. Hmeichhe lû chu mipa an ni a, i titau a nih erawh chuan thlathum daih ni rawh se, mipa chu kei aia upa anni emaw, keiaia naupang pawh ni se mipa annih tlat avangin ka dah chunnung viau a nia, tuna i titau a nih chuan thlêm tumna che ka nei hek lo." Rang zet zetin a ṭawng a, min en kar bawk.

"Tunge ka titau ti! Â hah! Ka titaua i ngaihna thinlung kha Mumbai-ah thawn la a ṭha a nimai," ka ti hmuk a.

"I tihtauh loh chuan tinge min en duh si loh."

"Min en bik em ni, i thusawi chhungzawng khan ka sam ringawt anih kha i en, ka hmelṭhaa ka sam meh dan ka inhmeh bawk, ka pian hi hmeichhe tamtak duhthusama pa leh nalh a ni. Min âtchilh tih sawi law law la,"

"Absalom uikawm tenawmpa, ka atchilh îkhaw lo che, i duh leh nangmah ngaihsangtu hmeichhe dang nen chuan Seol-ah induat rawh u," zawi sapa tiin min melh kâwk a, a chhuak tau leh ta.

Money tih thinrim te zawng a har lo e, athinrim hma ang bawkin alungawi leh hma tih ka hre tawh tlat a!

Nui ruh ruh chungin choka chu ka chhuahsan ve ta a, inhnial dan 'thianghlim' tak a ni. Ka nupui neih thar têreuh hian ka nungphung leh mizia a tawk danglam hret hret tih ka hai miah lo. Businessman inla puithu zet ṭhin kha kâr lovah pa fiamthu duh leh tihtauh hmangah ka chhuak lo chauh zawng anih hi.

Living room chhuatah ṭhuin ka'n 'Money kawlhteii' pawhin Fashion channel a lo enkual zut zut a, model-ho kal fua fua hmuhnawm tiawm zeta a en chu amah nen a inhmeh hlawl lo.

"Tunah zinglam dar kua ahnai tawh a, Hamish nen car khalh zir ang che u, nithum chhunga thiam hman ngei tum bawk la, test puitling i neih dawnah erawh keimah ka chuang thung ang." Tiin a kiangah ka va ding a, "Nangin eng nge i lo tih ve ang," tia min zawh chuan..

"Ka hnathawhna pindanah i hmel ngaihtuah chungin Barbie doll ka draft dawn maw le," ka ti sup a.

"Absalom, tak tak maw! Dâwt i sawi lo tiraw?" Rawn dingchhuakin ka kâwngah min kuah tharh a, kha kha ani mai Money lungawina tur te chu!

Ṭawngkama sawi duah lam ni lovin ka ngaihsak ani tih lantir hian hna a thawk ṭha fê zawk.

"Ka sawi tawh chu ka ti ngei ṭhin tih hre tur i ni lovem ni?" Tih pahin ka kuah lêt ve a, tunah hmangaihna chendun ka duh tihna chu a ni hauh lo. Mahse, ka nupui kuah reng tluka thlâkhlelh erawh ka nei si lo.

"Hamish-a call rawh le, car ka khalh thiam ve hunah chuan ka la hruai phar var nasa ang che," tiin a nui ta hak hak a, nichin maia titau Leena kha hmuh tur a awm leh tawh lo. A rilru tluang purh hi alawm akianga min awm chaktirtu chu..

Amah la kuah reng chungin ka driver ka phone ta a, a lo kal mek thu a sawi vangin rei pawh kan inbe ta lo.

"Dam ṭha ila chuan keimah ngeiin ka'n zirtir tur che a nia, mahse, Hamish pawh professional driver tho a nia, nithum chhungin i thiam hman em em ang, chumi zawh lamah Sidney kan pan dawn nia," ka ti ta a.

"Min ngaihsaknaah ka lawm e, Briena hmuh leh ka chak takzet," ati sap a.

"I hmu ngei ang. Mahse, nizana in ruih ang khan ruih ka remti dawn lo a nia, intur i dawm duh anih chuan midang nen nilovin keimah, i pasal kiangah chauh ni rawh se."

"Yes, ka lo tum tawh dawn nia," tiin ka nghawngah min kuah a, alamah min kuai kunin duhthawh zetin min fawp ta a, ka lo chhang lêt ṭha kher mai. Ka nupuiin ama duhthu rênga min fawp anih chuan eng vangin nge ka haider lem ang. Khawvel hmun thuma ṭhena hmunkhat leisak duhna rilru ka pu hial alawm le.

"Sir..!" Hamish-a aw kan hriat rualin kan inṭhen phak a.

"Money, i thawmhnaw i thlak chhungin Hamish hi ka lo bia ange, Land Rover hi inzir nan chuan a ṭha ber ang," ka tih chuan nuisângin inchung lam a pan ta a.

"Hamish, tun aṭang chuan Leena hi 'Madam' tiin ko tawh ang che," Leena kal liam hnu-ah ka driver chu ka hrilh ta a. Mak ati tih ahmelah alang reng.

"Mahse, Sir...!

"Mahse tihna chhan tur a awm lo. Nikhat liamta khan ka nupuiah ka nei tawha i pu nupui chu i pi tur a ni."

"Ok," a nui nghal vur vur a.

"Nithum chhungin a thiam hman ngei tur a ni. Ka driver te zinga i duh ber pakhat i hruai tel ve dawn nia, ngun takin zirtir la, a lungphû tibuai thei khawpa chakin khalh suh ang che, lunch ei turin in rawn kir leh bawk ang." Tiin thu ka pe zung zung a, eng emaw thutah pawh Leena hian car khalh a thiam ngei ngei angai tlat a ni.

"Yes, Sir.."

Inchung aṭanga Leena rawn chhuk chu ngunthlûk fahranin ka lo en a. Eng thawmhnaw pawh inbel se a inhmeh em em vek mai zawng a ni e.

Lorieta Jeans paw duk ha-in kamis var leh sena ṭial taksa rem zaih a inbel a, a sam pawh sâng takah a ṭâwn deuh thlap bawk. Ka nupui mah ni se a nalh thlâwt! A hmel, make-up tel miah lo faisar chu fawh nawk nawk a chakawm hial zawk. Hamish-a pawhin a en uluk ngei mai! He pa hian ngaihzawn tumna rilru a pu anih vaih chuan Washington lamah ka thawn bo nghal a nimai.

Á Hah! Ka thikthu zuk chhe nghal ringawt a!

"I inpeih chuan pawn thleng ka thlah ang che u." Tiin Money biangah ka fawp zauh a, Hamish-a mitko san âk chu ka hmu reng.

"Absalom, lunch tui deuh ka lo hawnsak theih nan che dollar min pe ve la.."

Ni dawn tak! Eng pawisa mah a nei tawp nâng.

Ka wallet-aṭanga dollar leh card pakhat phawrhin, "I duh ang zât hman phalsak i ni e.." tiin a jeans kekawr hnung ipte-ah ka thunsak a, a hlim hmel hi theihngilh a har ngawtin ka ring. Hetiang thil tlem thamah pawh alawm a nih si chuan a pa rosum zawng zawng ka pekkir leh hunah eng anga nasain nge a lawm ang ni.

Tih hlawhtlinsak ngei ka tum bawk.

After 3 Hours.

Ka hnathawhna pindanah khabe dawm meuhin Leena hmel lan dan tur ka ngaihtuah a. Toys ka siam dawn dawn reng reng hian ka draft hmasa vek phawt ṭhin. Darkar thum dawn ka ṭhut hnuah pawh 'model confi' zet angin nge ka siam ang a, naupang duhzawng tur a 'cute takin' tih hian ka thluak ala tibuai.

A tawp atawpah zawng 'Barbie doll' a nih ang ngei hian naupang duhzawng leh ît zawng anga siam ka tum ta a. A sam rawng leh a mitmu rawng erawh atak tak (Leena ang) ka hmang dawn a ni. Colour phuahchawp ni lovin.

Ka nupui hian tun aṭanga thla rei lo te-ah Bevan company a rochun tawh dawn tih ka thinlung hian zuk hre tlat a! Sum a neih loh laia a pasal hi a lo hausak hnuah min iai mai lo'ng maw!? 'Ka rethei e' tihna ni lovin hmeichhe hmelṭha leh nalh tak a ni a, Dazel sawi ang deuh khan 'Senator nupui' niawma mawi a ni.

'Money Toys' ruangam tur ka duang chhin ta bawk a, ka taksa a chau ve deuh bawk nen ka hnathawhna pindan aṭanga chhuakin master bedroom-ah ka chhova, Leena mithla reng chung chuan ka chhing ta riai riai a.

Ka mumang han nawm zia mai chuh!

Hmeichhe rimtui inhnawih ṭhin rimin ka hnar a verh zar a, ka mipatna kut lum thar thar ina a rawn hûm chuan ka thaw chhuak hak a, Money zet zawng 'Chicago call girl' an sawi ang maiin a nung sarh reng mai zawng a nih hi..

"Darling, Washington-aṭangin ka lo lêt chiah a.." chu aw tliang ral mai chu Leena aw a ni lo!

"Harh teh Absalom.." ka hmuiah a rawn fawp nawk nawk a, ka meng chiang ngei mai.

Chu nu hmel ka hmuh rual chuan ka taksa hnuailam ka bih vat a, boxer pawh ka lo ha tawh awzawng lova, ka mipatna nung ṭan mêk chuan North pole a kawk leh ṭan ta. Â Hah! Chiloh nasâ.

"Eng tin nge helai hmunah hian i lo awm theih!?" Kayla Bolton ka ex girlfriend, nui sânga min lo en rengtu chu ka zawt ta a.

"I Mansion-ah i awm lo tih ka hriat rualin ka rawn tlang nghal. Lexham bâk chawlh hahdam nan i hmang dawn lo tih kei aia hrechiang an awm lo ang." Inla confi zetin ka malpui plaster-na lai vel a chûlkual ruai a, a kut vaisawn lawp pahin, "Duhtawk rawh, helai hmun hi i pa in ni lovin ka in a ni, ka kekawr lo phelh ve ringawt tur hmeichhia chu nang ni lovin..."

"Oh, tikhan ṭangkual vel duh suh," ka sawi zawh hma hmain min a lo ṭawng zung zung a, rum zeta ka melh hnuah khum aṭanga chuan ka tho ta a. Ka kekawr chhuata tla reng chu banin, "Minute thum chhunga he pindan hi i chhuahsan lo anih chuan i mamawh phuhrûksak tur che ka security ka ko ang." Ka ti hmuk a.

Ka kalsan tawh hmeichhia te reng reng reng eng ang pawhin inphalrai mah se ka mutpui leh tawh ngai lo.

Kayla Bolton nula nalh lutuk hian a hunlai kha chuan min hîp hle ṭhin. Mahse, ka rosum ûm ṭheuh ṭheuh zingah Leena ka duh ber.

"Absalom, tunah khan eng maw i sawi!?" Kayla thinrim hmel dur khap chu ka en zawk a, "Mipa i mamawh viau chuan kei ni lovin ka security-te ka ko thei tih ka sawina a ni e."

"Phivawk ai pawhin i tenawm zawk!" Tih pahin boxer inthawlh tura ka kunlai chu min rawn bawh ta thut a, ka rin loh dana chê a nih vangin chhuatah kan let dun ta a, saruaka awm nen danglamna a awm lo.

"Lunch i la ei lo tiraw!? Briena'n min lo call zo chiah a, eng..eng thil nge Absalo.." Pindan kawngkaah Leena a rawn ding chawpchilh a, a kut dinglamin eitur box a keng a, leh lamin a hmui a hup thung. A mitmenga mak tihna leh awih theih lohna rawn lang zut zut ka hmuh chuan Kayla nemsawnin ka tho a, thawmhnaw ka inbel ta a.

"I hmuh ang khan min rawn tibuai tih i hria ang chu maw!" Kayla'n Leena rum taka a melh lai chu ka mitsir zauh a.

"Sorry, tun ang hunah chhuat laia lo in Rapsagy chu a hit viau lo a nih hmel," zawi sapa Leena ṭawng chu ka bengah ari ring kher mai.

"Money, i hmuh ang kha a ni lo a nia.." Tiin ka nupui meng ling hlar chu ka pan a, Kayla kut thlâk lo tur erawhin ka insûm nasat angai viau.

"Ka hmuh chin a nia ka sawi, ka lo tibuai che u a min ngaidam mai teh u," tiin Kayla a melh leh zauh hnuah ka vawn hman hmain pindan chu a chhuahsan ta a. A tlânin a tlân ani deuh ber.

"Nang nu kha i chhuak thei ang," Rum mangkhengin Kayla ka melh a.

"Kha nu kha tunge!? Ka hmu tawh thânin ka hria.." ngaihtuah mûk hle niawm takin a chal a chuar nâng a.

"I hmuh leh hmuh loh-ah ka buai lo. Ka nupui a nih kha, chhuak tawh rawh," a bânah vuanin pindan aṭang chuan pawhchhuah ka tum a, a lo ṭang ve tumhrang a!

"Absalom dâwt sawi suh, nupui nei ni la media lamin an puangzar em em ang," ala ti ṭalh a, ka chhâng buai peih lo.

"Ṭawng ṭawng lo khan ka Apartment aṭang hian chhuak la i tân a ṭha a nimai." Rum lutuka min melh hnu-ah master bedroom aṭang chuan a chhuak ve ta hrâm a.

Leena ka hrilhfiah vat a ngai. Chuti a nih loh chuan min haw hlum thei mai ang.

Rang lutukin inhnuaiah ka tlân thla a, choka kawngkhar bula Kayla leh Leena lo insual ka hmuh chuan ka pên tawp chawt!

Kayla hmaiah cream a bet luai a, a sam thur nasa lutuk chuan Horror movie min hriatchhuah tir!

"Absalom colmer nupui phuahchawp hian kut min thlak ve ngam a maw!" Kayla aw vin ṭhak chu Leena'n a melh râm râm a, chutah, "A nupui phuahchawp pawh ni pha lo hian kut min thlâk ngam zawk elaw!?" Tiin Kayla samah chuan a ṭhâm leh ta a!

Ngam ve sak sak tak a ni.

"Duhtâwk tawh rawh u." Ka aw fiak ṭhak avangin an tawp chiang kher mai.

"Kayla, chhuak la rawn kir tawh suh," tiin Leena ka en a, "Money, lokal teh,"

"In pahnih khan chhuak ula lokir tawh suh u.." Leena chuan ti nghauhvin chhuata a sam ṭáwnna tla chu a chhar a, choka lamah a lut ta a. Kayla pawh ka melh rum êm avangin ngawi reng hian a chhuak ve ta bawk a.

Vawiin kan boruak zet chu..

Leena hmela min huatna lo lang kha nuam ka ti chiah lo.

'Khawngaihin ka insawifiahna min ngaihtlaksak rawh Money'tiin ka phun ta sup a. Mahse, thin tertek nei a nia ka thlêm fê chu a ngai ngei ang.

A rilru damna tur a nih chuan nileng leh zankhua pawhin ka hrilhfiah mai a ni ang chu...


©<++++[BeckirafARenthleI]++++>®

18. MONEY|Penniless Love

Becky Rafa Renthlei

Chapter-18

Onslow Square
Lexham Gardens
Colmer Apartment
London
Leena Bevan

Thinrim lutukin choka chhungah ka vei tawn chhên a. Engtin nge kha nu nen khan an lo awm theih zawk! Tenawm tih piahlama tenawm a ni.

Phûr em em in car khalh ka zir a, lunch tur ka leisak ve pawh dining table-ah ka la dah ngât a, dik tak chuan ka thinrim lutuk hian avaiin ka eizo vek anga ka mu hle hle zawk dawn em ni ang. Ni lo, chu pawh ala thâ nat thlâk uchuak lo em mai. Ka vaw pherh vek zawk dawn em ni!?

Uncle Lewis laka phuba lâk ka tum vang vekin ka nunah mipa ka seng lut a, thik loh ka tum poh leh ka kawchhug a so balh balh si.

Kha nu khan min la melh rum shala lehnghal a! A sakhmel dâng lap khawpa sawisak ka châk et et nia! Duh aiin ka la khawih na lo mah mah zawk a ni.

Hamish-a sawi dan kha chuan Absalom hian 'girlfriend a nei lo' atia nih kha. Mahse, saruak deuhthawin carpet dûp chungah an lo inbawh ûr a, kei hian hrethiam lo turah min ngai vel amaw!? A teuh lo nasâ.

Dining table-a eitur ka dah chu ka hawng ta a, ala dai chhe lutuk lo e.

Wine pawh chi li lai ka inchhawp ta bawk a, thinlung tak pe si lo a min nupui chei ve ngawt hi ka ngaihdan a ni lo mai ni lovin ka lawm hauh lo. A naupang zawk ka ni nâ a, chuti mai maia bum awlsam turah min ngai deuh em maw ni.

"Lee, wine in vak vak kha ka remti lo in ka hria," Absalom-a rawn lût chu en pawh ka en duh lo a, a lo sawi ve aiah nothum ka in ang. Wine chu ka inthlit zui zat a, a zâwnin nothum ka'n in tehreng a nih kha..Haji! In min phalsak loh poh leh a thlum tui ting ting nimaiin ka hria.

"Min runluih kha a ṭul miah lo. I lung a awi lo a nih chuan ṭha takin kan sawi dun thei a nia," dam thlup a min biakna chuan ka thinlung a tawk che pha eih lo.

"I nupui phuahchawp hian zan lamah ka chawm ṭha tawk lo che tih ka lo hre lo a ni." Ka ti hmak a.

"I hmuh ang kha a ni lo tih vawi sawmkua ka sawi a ngai dawn a nih pawhin ka sawi mai tur a lawm."

"Khatiang model hnutê pawh nei ṭha ṭhum lo kha i duh chuan London fashion.com-ah an tam ang, kei pawhin pasal lerh tak neih ka duh chuan eng company chairman-ah emaw putar ngaihzawn tur leh thlêm thlûk tur ka hmu ve mahna.." tiin ka no a intur chu ka tlâk leh pap a.

"Leena Bevan, ṭawngkam pangngaiin a inbiak theih tih ka sawi lo vem ni?"

"Ṭawngkam pangngai aia tlêma sâng deuh hman phalsak ka ni lo em ni!? Absalom Colmer second wife ka lo nireng zawk nge, affairs satliah tih pawh ka hriat si loh. Inneih zungbun lah ka kutah hmuh tur a awm lo va, khawi ilo i kalnaah kan inneih certificate kha i phawrh chhên awm chai si lo." Thaw chham dâwna ka ṭawng lai chu mit khap miah lovin min en nia!

"I buaina ber chu eng nge ni ta, zungbun i bun loh vang nge kha nu Kayla Bolton nen min hmuh dun vang zawk kha?" Ati thûm chhak a.

"A pahnih hnihin, tunah chuan i laka ṭhat chhuah hian kawngro a su tam tehchiam lo niin ka hria a, chuvangin hnathawh tur ka zawng ang. Modelling lamah ka kal ang nge Bar-ah ka thawk zawk ang âw.." ka ti vei ngial a.

"Ngawi chip cham rawh, i lo haw hma khan ka muhil ti ila i awih dawn chuang si lova mahse, ka muthilh hlanin Kayla a lokal tih erawh i thinlung dum zet khan hre ve reng reng rawh se, finfiahna pek tur che lah ka nei der si lo." Ti nghutin wine chu a inthlit ve nghal a, chhân dan tur ka ngaihtuah rauh rauh lai chuan,

"Nupui ka nei tawh a, chu ka nupui chimawm zet thunun tur chuan ka thâ leh zung ka sêngral hnem viau bawk. London to Mumbai-a ka buaipui nitin zantin chu 'Money' a ni." Thinrim insum zeta tiin min melh deuh kâwk nia!

"Min thunun ṭha tawk lo te pawh a ni mah na," tiin ka lu hai chiai chiai chu duh lovin ka inthing deuh nak a, Absalom-a thusawi hi awih ka duh. Mahse, ka va hmuh dan khan a zir lo êm a, tun dinhmunah chuti maia awlsamin ka rilru ka siam thei lo.

"Kayla kha ka koh a ni lo."

"I duh duh kawp la, kei pawhin ka duh duh ka kawp ve ang, kan inneih chhan theihhnghilh tur khawpa naupangchhia lah i ni hek lo." Tiin ka ṭhutna aṭang chuan ka ding hliai a.

"Ṭhu la, i plate-a eitur bâng zawng kha eizo vek ang che, wine erawh nokhat pawh inbelh tawh suh." Zawi supa tiin min melh rûn a, hundang chu ni se ka ṭhu leh ang. Mahse, tun hun a ni tlat si alawm le.

"Ka eitur leh inturah thu neih tum suh, ka hlawh kha avaiin min pe la, Flat luah tur ka zawng dawn." ka ti ve hmak hmak a.

"I duh thu rênga min nei i ni, ka hmuh phâk lohva awm i tum a nih chuan kei aia tawrhhlelhawm mipa he khawvelah hian i tawng lo ang," tia min vauna chu a chiang kelh kawlh khawp mai.

"Pasal i nihna i tih hlawhtlin hun hunah leh hmeichhe dang laka i fihlim hunah i nupui dik tak angin ka awm ang," ka ti ve ta a. Dar san âwk chung hian, "Insawifiah vak hi a ṭulna ka hre hrep lo e, tunah insiam la zungbun lei turin kan chhuak ang." Hnial chi iah loh hian ati hmuk a.

"Zungbun ka mamawh lo, eng mah ka mamawh lo, Mumbai ka lêt leh theih nan ka sum thawhchhuah kha min pe la i duh tawkin i Kayla chu lo duat ang che," min chhânna tur ka hriat peih loh vangin beng hup chungin dining hall ka chhuahsan ta a.

A run mai mai ang chu..

A ve lutuk a! Sum ka nei lo pawh a ni maithei. Paradise zinpui tura ka thlan hian min duh khawp lo a nih chuan South America lamah ka ṭuan mai tur a ni. Shala..

Kan nupa pindan-ah rui chhâ chungin ka tei sek sek a, hetiang ringawt chuan phuba lâk chu sawi loh ka ralthûm thei maiin a nia ka rin ni.

"I insiam zo tawh em?" Absalom-a pindan chhungah rawn lutin min nuih suk a, thinrim hmel a pu miah lo chu mak ka ti!

"Khawiah mah kal tumna ka nei lo a nia," tiin Briena call ka tum ta a, ka phone ka bihsan zui daih.

"Dazel te nupa chuan Sidney-an thleng tawh."

"Min hrilh lo mah la Briena'n min hrilh tho ang," tiin ka call lui ngat a, ala in off zuiah..

"Tinge i luhlul em em mai le, inrem nawm zia ka la temtir dawn che nia," ka bânah vuanin inhnuai lamah min hruai thla dâwr dâwr a, theihtawp chhuahin ṭang sateh mah ila thâah ka hneh teuh lo.

Apartment kawtah min dinpui ta chauh a.

"Hamish, tlereuh zawrhna changkang ber i hriatah min va dah rawh le," tiin Rolls Royce chhunga lo ṭhu a driver chu thu a pe khauh a, ka hnial ta lo.

"Ka duhzawng tak min leisak dawn a nih loh chuan i ruala kal tumna ka la nei fo." Ka tih chuan a kiai suk a.

"I kutzung ṭang sawmah khan bun vek i duh pawhin kan lei mai tur a ni." Ati sup a.

Chumi hnu chuan car-ah min nawr lut rawk rawk a, ka tlânbo hlau ang hrimin ka kutah a vuan rûn bawk.

Kan Absalom-a damlo ve chu a luhlul tulh tulh emaw tih mai tur a ni.

Shopping Mall
2nd floor

"I lungawina zân tur thlang ang che, vawikhat inneihna a awm angin zungbun vawikhat bun kha a tawk viau," tlereuh ka enkual dan dan lai chuan ka beng bulah a rawn phun sup a.

"Sawm ka thlan nghal loh.."

"I kutṭang zawng zawnga i bun chuan miin mak an ti ngawt ang che," Sapphire mit hring nghalh mai hi ka kutah a rawn hmehbel a, "Bun chhin rawh le,"

"Hetiang zawhte mit rawng ang ka duh îkhaw lo mai," tia ka pêk let chuan, "Money, helai hmunah hian ka mikhual vak lo a nia, tunah pawh reporter pali velin min veh a nia," tia sawi lai chuan ka hawikual vat a.

A sawi dik chiah.

Ka hnung lawkah camera awrh mi pakhat a lo ding a, kan hnunglam aṭanga lâk a duh chiah lo a ni ngei ang kan hawichhuah hun nghâk niawm tak hian min en uluk hle.

"Nang kha, kan thlâ lâk i duh em ni?" Tiin alamah ka phei ta a, Absalom pawhin min zui ve mai.

"Yes, miss..."

"Miss ka ni lo Mrs..zawk. Mrs Colmer," tinawn lehin ka nui sak a. Khawvel hriata a nupui ka nih thu puanzar hi ka hmalam hun atan a ṭangkai dawn tlata ka hriat vang a ni.

"Yes, ma'am, khawngaihin vawikhat chuah in thlâ ka la ang," atih chuan ka kianga ding rum nghut chu ka hre pha reng.

"Money, tun hi khatiang tihna hun a ni lo, i bun tur thlang la kan haw ang," dawhtheihna tlachham aw zeta atih chuan ka nuih a za lo.

"I duh chuan min hawsan thei reng a nia, he reporter hi a duh pêk ngei ka tum." Tih pahin a bânah ka vuan a, reporter chu ka hmachhawnpui ta a.

Vawithum lai thlâ min laksak hnuah zungbun chu ka thlang zawm leh ta a, a 'hausakna ren rual loh' tih ang deuh khan ren miah lovin zungbun manto ka thlang mai ang chu.

"Mall kan chhuahsanin tlailam dar thum ari tawh a, ka kutzungṭanga Sapphire de sep sep chu ka en kham thei hlawl lo!

"Colmer chhinchhiahna' Absalom-a ṭawng chu a zawi hlê nâ a, ka hre pha  vek tho.

"Ka hnungzângah Colmer Toys tih târ ka phal a nia, khawi hmunah pawh kal ila tute pawhin an lo hriat vek dawn avangin ka zak eih lo. Mahse, chu chuan man a nei thung, dollar maktaduai tluk mah suh ila chumi aia hlû nunna ka neih miau avangin i share hmun thuma ṭhena hmun khat min pek chuan ka dam chhung tur hi kum 60 angin chhut ta ila kum 30 dang la bâng zawng i nupuiah ka ṭang ang."

"Â hah! Leena khawngaihin thu fahrah tê tê sawi lo khan ka malpui hi dressing rawh le, nupui thiam thil nei lo ka ngaisang tehchiam lo a nia," tiin ka thusawi ve kha engah mah ngai lo tih hriat tak hian Sofa-ah a ṭhu thla a, 'Sakawr ki' nei bula sawi pawh a hlawk zawk ngei ang.

Apartment-ah minute sawm dawn kan awm leh tawh a, Hamish-an dinner tur a buatsaih dawn avangin nuam ka ti ropui.

Ka kuta zungbun hian min phuar ve deuh tak taka ka'n hriat chu le

"I nuih khan i hmelṭha zual sawt!" Absalom-a hmel tak rûn chuan khawdang hawi lêk lovin min lo en reng chu niin!

"Ka hmelṭhat vang alawm nupuiah min neih," zâm miah lova ka chhân vang chu nge a kiai leh suk a. Amah hi a hmelṭha fê zawk si a...

"I hmel aṭha a, i nalh hle bawk. Mahse, i leili erawh 'Apache hriamhrei' ṭha mi ang a ni lawi si." Chimawm zeta nui mah ni se a ṭha ve chiang alawm.

"Nang chu Greek milim ang maia chapo hmel i pu thung," ka tih chuan 'inhnial tawh lo ang' ti niawm tak hian a bân a vai thuak a, chutah, a kekawr hâk lai chu a phelh ta a.

"Eng nge maw tih i tum le?" Bedroom pawh ni lo a kekawr a phelh vang chuan ka hawi hau a, tunah North Pole pan hun pawh ninghal lo chuan..!

"I râk leh chiam hmain ka malpui hi dressing rawh le, i uncle leh i blood type zawng zawngte hi kan dahṭha dawn a nih chuan rîkrum thila hliam enkawl i thiam hmasak angai a nia," ti deuh duahin ka chhíp aṭanga ka keler thlengin min en chhuak dap nia.

"Inrawlh ve tum buai duh suh." Dressing-na hmanrua vel ka la khawma eng mah thiam bîk ka nei lo nâa thiam loh pawh ka nei em em chuangin ka hre lo.

A malpui hliam ka tihfaisak lai chuan a ṭhen leh sawk zel a, dim viau tum mahila ka dim hleithei meuh lo chu a ni e.

"Fai lutukin inbual ang che," Kekawr hâk ṭhat paha atih chuan ka nui sak a, lunch ei laia ka wine in rim kha a tak deuh mah mah a ni maithei.

"Inbual lo ta ila ka kiangah i mu dawn lo em ni?"

"Money, i pasal ka nih angin i kiangah lo chuan mut tumna ka nei reng reng lo. Nakin zelah pawh chu chu hria ang che." Tiin ka kutah a vuan a, "Apartment hnunglamah dinner kan kîl dun dawn nia, nunphung pangngai zawh leh tur hian theihtawp chhuah ve la, Dollar mena meng zek zek lovin i pa company-tungding tur hian i thluak sawrbing ang che 'I ta ngei an chhuhsak che chuan la lêt leh turin hma i la dawn lo em ni!?

Absalom-a thusawi chuan ka chhungril a nghawr dawt dawt mai! Bevan Company rochuntu tur ka ni tih a lo hreru reng a maw!? Inneih certificate a hmanhmawh em em chhan kha eng dang vang ni lovin ka rokhawm tur thu a hriat vang lek a lo nih hi.

"Absalom, hei vang hi em ni nupuia min neih nachhan! Dollar mena meng chu kei ni lovin nangmah zawk anih kha, eng anga tam rosum pawh nei ila i hmingin ka dah dawn reng reng lo." thinrim sehchilh nawk nawka ka chhânna chuan ati lawm hauh lo tih a hmel dur ta khup aṭang chuan ka hre mai.

"Kei hian Bevan company-ka hminga awmtir ka tum vangin nupuiah ka nei ang che maw! Â hah! I pa company ang hlir panga hi London-ah pawh lo zuar se, buai map lovin ka lei thei ang chu maw le." Ka kut a vawnna chu thing thlain rum lutuk hian min melh a, "Nang hian i duh duha min puh chhe ringawt turin ka tân eng nge i nih?

"Ele, i nupui phuahchawp pathumna te pawh ka ni mahna..." kawng dawm meuhvin ka en chho a, a hmel ruh ṭâlh ṭâlh leh a mitmu buang fiah ta sawt chu ka hmuh hmaih bik lo.

"A ṭha e, nang leh i pa company hi eng atan mah ka ti lo. I duh ang anga awm turin ka chhuah zalen a che." Ti nghutin Apartment lam a pan ta nul nul a, sawi sual ka neih awm ka hriat tlat siloh avang leh a nupuia min neih ve tâk ngawtna chhan hi ka pa rosum vang a ni tih ka hre ve chiang em mai. Uncle Lewis lak aṭanga min chhanhim ta te kha tiṭha a inti ngawt ang chu.

'Chhuah zalen' tih lai tak kha ka la man fiah lo deuh! Ni hnih leh zan hnih a nupui hming ka pu ve ta a, chuta ṭang chuan min pêt chhuak tihna em ni ang.

Chumi hnu chuan ngawireng leh lungni lo zet hian Aparment lam chu ka pan ve ta a. Ka nun a nuam ve dâwn chauhva harsatna fahrah tê tê ka tawk leh si. Tumah rinchhan lo va kal tum hi a lo fuh ber anih dawn awm hi maw!

Apartment chhungah Absalom-hmuh tur a awm lo a, Hamish-an dinner a peih vek tawh avangin ka tân engmah tih a ngai hran lo a, tih tur ber pawh ka hriat si loh! Dinner ei nan ala hma bawk nen, "Hamish, minute sawmpanga lek car khalh kan zir dawn em ni ang," tiin ka sawm ta a.

"Madam, tuna tan chuan a tlai tawh deuh lo maw! I pasal hnenah phalna la hmasa phawt la.." inthlahrung aw taka atih chuan ka ner sak a.

"A phal vek alawm, reilote bâk angai nâng dinner ei hma chauh," tia dawt ka sawi chu a hrechhuak ang tih ka hlau hnuhnawh viau.

Min hnial ngaihna vak a hriat loh vang leh Absalom-a ber a bibo daih sia lungsi zân lo hian kan inzui chhuak ta a.

Colmer Apartment
Dining Hall
Absalom

Ka thin so bulh tidai turin darkar chanve lai Barbie doll ka siam a, 'Adriana Lima' doll, special order kan hmuh pawh khawih ṭan a hun tawh vangin Money doll nen ka draft diam tawh bawk a. Company lama kal ngai lovin Apartment-ah a ruangâm ka din mai a ni ang chu...

Nichin zet kha zawng ka thinurna chawhthawhin a awm ve chiang alawm. A pa company chuhpui an thâwthânga Leena'n min puhna kha paidam harsa ka ti.

A duh phawt chuan chhuak rawh se, hrehawmna han tem leh chhin se a thinlung sehhel lutuk hi a hmin ve deuh mahna...

Ka nupui a nihna erawh thaibo mai mai theih a ni tawh lo thung. A hlawh kha pe-in Flat chu luah chhin se ka hnena awn tluka nuam khawi hmunah mah a awm lo tih hrechhuak ve phawt rawh se...

©<++++[BeckirafARenthleI]++++>®

Note: Tun ṭum ka story zet zawng keima post a mawi lo khawpin harsatna a awm reng a, ka inthiam hlawl lo bawk. Mahse, power supply te, Internet problem vang a ni deuh ber a.

Chuvangin tihian ruahmanna ka siam ta a ni.

Money|Penniless Love hi chapter 18 ah hian chawlh lailawk nei ta ila, current mumal kan nei thei si lo a, chumai ni lovin incheck up-a ka kal a lo hun ta bawk nen Season 1 anga tihtawp rih mai hi ṭha ka ti ta deuh a ni.

Keima lamah erawh inmi ṭawngṭaipuina avangin hma ka sawn chho zel a, hmundanga incheck up tura ka zin tur erawh tun hi a tawpna tura ngaih a ni a, a bâk chu Pathian thu thu a ni e.

Min nghak duhte tan leh ka story min hlutsak tute tan erawh 'ka lo kir leh ang' tiin tiam thei lo mah ila, Pathianin rem min ruatsak anga a hma anga regu leh hriselna ṭha zawk nena lokir leh ngei erawh ka tumin ka la beisei ve a ni tih min hriatsak ula ka lawm hle ang.

Ka lo lêt leh thei a nih chuan tuna kan tawpna chiah hi zawm kan tum bawk ang. Season 1 ti mah ila post ngai vek a ni anga ṭhen hran a ni chuang dawn lo tih ka'n sawi nghal a ni e.

©<++++[BeckirafARenthleI]++++>®

END OF SEASON 1

MONEY|Penniless Love

SEASON 2

Becky Rafa Renthlei

Chapter-19

Leicester

England

Leena Bevan

3:15 Pm

Rilru pik zetin Colmer Mansion-ah ka teikual sek a, Absalom-a hmel reng reng hmuh tur zuk awm hauh lova! Khawiah phiangsen nge a lokal hman tehreng ni!?

Diktak chuan dollar engzat mah kawl ka nei miah lova India Rupees tlêm azawng chauh a ni ka neih ni! Amah chhuahsan turin ka lo insawi ve tawh laklawh bawk nen. Khanu Kayla nen khan an lo inkawp ru reng tihna a nia.

Kan nupa room kiltin ka dap ngial pawhin ka intunnunna khawp tur sumfai leh thil hlu deuh pakhat mah lak tur ka hmu lo a, beidawng zetin chhuatah ka ṭhu thla leh ta nge nge a.

"Kha i hlawh chu..." Ka malchunga pawisa tam thamzet rawn thehthlatu chu nichin maia zungbun min leisaktu ka pasal kha ala nireng tho: A hmel rum ûl chu nidanga ka la hmuh ngai loh a ni. A mitmeng fiah kâk a min melhna chuan ka chhungril a tawk che zawk a, 'No' chulam ngaihtuah hman ka ni lo.

"Ka hlawh min pek avangin ka lawm e, i nun aṭanga min paihchhuah i châk hle tih ka lo hre lo a ni." Tiin ka ṭhutna aṭang chuan ka tho chhuak ve nghal a, pawisa tam thamzet ka hûm ṭûn a, ka hlim hauh si lo.

"Min chhuahsan châk zek zektu kha kei ka ni lova, Hamish-a lah ani hek lo, nangmah Leena Bevan Colmer ngei kha i ni, i duh ang ngeiin kan awm hrang dawn nia, chhuak ta poh che.." Vin hauh si lo: mahse, thupe aw zeta atih chuan ka ner deuh sawk nia.

"Ka chhuak khawp ang, ka lokir leh tawh hek lo ang." A bak ka kâ a ṭanga ri chhuak tur a awm der lo.

Hmeichhe âng chiam chiam mi ka lo ni lo hlauh hi chu Absalom Colmer, 'savuna tuam mawi chawp' mai mai hian a vanneihpui ta a nih hi.

Ka ṭhutna chhuat, carpet dûp alh chu thawhsanin ka wardrobe lam ka pan a, thawmhnaw pawh tihtham fê ka nei ve tak alawm le.

"Dollar eng emaw zat i nei tawh bawk a, i thawmhnaw neihsa ho kha kenchhuah tum buai duh suh," chu aw ril ruih leh kha fak si chuan ka chapona a chawk tho nghal at mai.

"I duh dan ang chu ni rawh se, ka aiawh tur Kayla kha i lo inbel tir mai dawn nia," tiin dollar note têl chhah zet chu ka Bandana-in ka fun a, thawmhnaw engmah ka kengchhuak dawn lo a nih rau rau chuan a hnena ka awm ṭantirh lai ang vel tho kha ka ni dawn tihna a nia.

"Thawmhnaw leina tur chu i ngah tawh viau alawm, billionaire i ni lo chauh zawk a nia." Tia ala ṭawng fo avang chuan ka thin tertek a chhuak chiang ngei mai. Chu pawisa, ka taksa hralha ka hlawhchhuah ngei mai chuan Absalom Colmer hmaiah ka vawm ta a. A lo inring bik lo a ni tehchêk ang chu a thlesawk thei maw le!

"Leena Bevan," thinrim lutuka min vin tuarh rualin Mansion ropui leh hahdam ka lo tih ṭhin em em chu rang mangkhengin ka tlan chhuahsan ta a.

Ka va'n tlânchak kher ve le!

Vawi eng emaw zat min kohna ri hre mah ila engmah nei lo bawkin ka chhuahsan lui ta.

Beidawnna leh zahna nasa takin min tuam hlup hlup a, a hnen aṭang lo hian ka dam khawchhuahna tur ka dap chawp leh a ngai dawn ta a nih hi. Ka mittui far fap fap chuan ka khawhmuh ati fiah lo ruai a, min tlanpel zut zuttu Taxi te chu hmu mah ila ka chuanman tur ka neih tlat loh avangin London-a vahvaih hmabakin, vawikhat pawh ka hawikir ta lo.

Leena Bevan, a pa phuba lâktum tu kha ka nih tlat avangin 'Hremhmun thlen hialna tura hrehawmna pawh tawk ila ka beidawng tur a ni lo.' Tiin ka infuih sauh sauh a, engtak ang maw!?

Colmer Mansion

Absalom

8:00Pm

Ni reilote kalta a ka nupui Leena Bevan, engmah nei lova chhuak ta chu ka mitthla rauh rauh a.

A luhlul zia hrechiangtu hian eng ati nge ka dan loh le!?

Balcony-ah chhuakin pawnlam ka thlir vang vang a, sum leh pai ngaina viau si khan engvanga a hlawh kha keng lo nge a nih?

"Sir, Leena Madam kha Highway Hotel lobby-ah a muhil!" Hamish-a ṭawng ri ka hriatin ka vir nghal zawk a. Ka lungphu rang ta sauh leh ka chil lem sak ta ṭalh chu haider ka duh hle mai.

"Ani kha ngaihven a ṭulna a awm lo. Min chhuahsan a duh alawm," tia ka chhânna chuan ka driver hmel ati dur khap khap tih ka hria.

"Sir, iti lutuk palh ang tih ka hlau mai a nia,"

"Min kalsan duhtu chu a kal mai tur a ni. Ka nuna a lo lan lai pawh khan engmah nei lo hmeichhe satliah a ni a, a dinhmun ngaiah a lêt leh ta tihna a ni mai."

"Mahse.." Hamish-a ṭawngzawm leh tur chu ka kut vaiin ka lo dang chat vat a.

A ṭawngzawm tawh bik lo.

"Aston Martin car zâwk kha la chhuak la, start rawh." Ka ṭawng bung hmuk chu hreawm pawhin Hamish chu a awm lova, ngawirengin garage lam a pan nul nul nia.

Ka driver leh ka 'blood type' te laka thiam ka chan ve nan 'Money luhluli' chu ka zawng leh poh a ni ang chu.

After 2 hours.

Hmanhmawh hauh lovin Highway Hotel kawtah car ka park a. A rûka ka'n zawng dûk dûk tur chu ka duh leh chiah lo deuh. Hus! Money hi chuan ka nunkhua ati buaichuar em em zel zawng a nih hi.

"In Hotela thlengte list min lo entir lawk teh." Counter-a hmeichhe lo ṭhu chu zawi supin ka bia a.

"Mister, a pawi ka ti khawp mai. Tu hming mah ka hmuhtir thei lo che." Tia min chhân avang chuan ka ngei kher mai. Chunu chu rum taka melh pahin, "Absalom Colmer-in ka en duh ti a ka sawi anih chuan min hmuhtir vat la a nimai."

"Eng lo, Mr Colmer, a pawi ka ti lutuk..ih.." A sawi zawh hmain register lian zet chu ka keu fel hman der tawh.

Leena hming ka hmuh loh avangin Hotel chhung ka melhkual thuak a, ka nupui hmel a vâng pharh mai!

Chipchiar zawka ka zawh ngial pawhin Leena a hmuh loh thu-in min chhâng mauh mai si a, ka chhungrilah hlauhthawnna a awm ve ṭan ta.

Chak zetin Hotel chu ka chhuahsan ta a. Ka Mansion ka chhuahsan aṭangin darar hnih a liam tawh a, ka nupui sehhel leh hmelṭha lawi si hian ka nunphung ati khaihlak vek ka tilo thei lo.

Amah zawn nan darkar tam hun ka khawhral tawh a. Mahse, ka hmu lo mai nilovin ka beidawn ṭan ta. Engmah neih nei lo a ka kaltir kha ka inthiam hek lo.

HOTEL ITC

Zinglam darhnih a ri ta.

London khaw daifêm a Hotel langsang leh mantlawm deuh ho te nen lam.ka enfai vek tawh a, ka nupui hmel reng reng hmuh tur a awm si lo.

'Lalpa venghim rawh' rilru ṭawngṭaina te ka'n neih hial chu le.

"Mrs Colmer, i pasal tel lovin engtin nge tunang zanah i vah chhuah mai le!?" Mipa aw thâwp sut ri ka hriat rualin Camera a de nghal zawk a! Tun ang hunah Reporter-in Money an tibuai a maw!

Chak fê-in thawm awmna lam chu ka pan ta a.

Leena hmel khem niai leh a hnar sen hlar ka hmuh chuan mipa ka nihna a rawn lang chhuak ta.

"Ka nupui ṭawngkam mawi lova betu Reporter phuahchawp kha rawn chhuak rang rawh." Ka awki hniam chhak leh khauh ru far si chu hnial chi a ni hauh lo.

"Absalom ka pum..." Leena aw ṭial riai leh zawi sap ri ka hre zui nghal a, amah vawn tuma bân ka phar rualin ka ke bulah a rawn ṭhingṭhi thla ta hnawk a!

"Money..." Tia kovin Reporter lam ngaihsak lovin ka ṭhu hniam vat a, ka nupui hmel ka'n hmu chiang zet zawng, thinrimna sawifiah hleihtheih loh in min tuam but but a, ka kut ka hûm ruh nghal ṭalh ṭalh thei nia.

A chhan chu mi kut a tuar a ni.

Tu nge Absalom Colmer nupui lo khawih ngam!? Thih phah dawn pawh ni ila ka zawng chhuak ngei ang...

#####

Note: Hun reitak ka chawlhsan tawh a, tunah pawh hian hun chêp tak karah ka ti ve hrâm hrâm a ni deuh ber. Post kallai chawlhsan hi inthlahrun a na duh êm a, zanin hian ka dah sei hran lo a nia.

Tihian post hunbi bik nei tawh lovin ka edit hmasak apiang naktuk aṭangin rawn dah zel ka tum anga nikhatah chapter 2/ vel a awm hman ka ring. Post zawh thuai ka duh vang a nia.

Ka pa 'Chemo' khai ngai a nih vangin hunawl ka nei ta meuh lova, tin a mood-a chen a har hle bawk. Mahse, beidawng lova min nghaktu fel tak takte tih beidawn ka duh bik loh avangin post zawh ngei ka tum a nia.

Ka ziak lawk vek tawh a, edit chawp erawh ala ngai thung.

Kan damlohna chungchanga min ṭawngṭaipuitute zawng zawng chungah leh thilpek hospital leh in lama min petute chungah Pathian hmingin lawmthu kan sawi takmeuh a, kan lawm hle a ni.

©<++++[BeckirafARenthleI]++++>®

MONEY| Penniless Love (Season 2)

Becky Rafa Renthlei

Chapter-20

Lexhams Garden

Kensington

London

Absalom Colmer

Ka nupui pumna vial ngawlh ngawlh chu dim thei ang berin ka pawm thova, a hmel ṭha tak ṭhin kha a vûng bâr vei nen ka inthiam lohna a nasa sauh va.

"Mr Colmer, i nupui kha car-ah ka lo dah lut dawn em ni ang," ka hmelhriat pawh ni lo mipakhat ka bulah rawn dingin Leena hmel chu a melh deuh vang vang a.

"Tunge i nih?" Ka awka chhuak chang beng bawng tak chu a ngainatawm hlawl lo tih hre mah ila ka thinrimna a nasat êm avangin ka thunun hman bik lo.

"I nupui hian tû kut mah a tuar lo. Hotel lobby-ah a muhil a, reporter hovin kan chím buai tâk thut avangin a tlanchhe ta kha a nia, step-ah a lum a.." inthiam loh hmel zeta atih chuan ka awih thertê lo.

"Dâwt min hrilh duh suh, i ṭhiante ho kha ko khawm la, ka Apartment-ah min rawn zui rawh u. Ka sawi anga in ti lo a nih chuan London-a reporter awm zawng zawng hian in damchhungin thlâ inla leh tawh ngai lovang.."

"Yes, Mr Colmer, i sawi ang chuan ni rawh se."

A ṭhiante a ko thawm pawh ka hre pha vek a: mahse, anni ngaihven hman ka ni tawh lo. Ka nupui chauh a ni ka ngaihven tur chu..

Car-ah Leena pawm lutin chak fê hian ka tlanchhuak ta a.

A nunphung hrereng chungin ka kaltir ta kha a nia, tunah amah buaipuiin ka phí leh chung si! Hus! Eng dinhmunah pawh ding se ka thlahthlam thei dawn lo tih ka inhrechiang ta kher mai.

"Absalom, Mumbai ka thlen theihna tur ticket min ngaihtuah sak rawh." Leena aw thâm zet chu hriat a har hle a.

"Money, ka tihpalh.." steering nghet takin ka vuan a, 'Tihpalh' ti ringawt mah ila henu têreuh hian eng teh ualah angai leh chuang lovang.

"Mansion-ah kir leh ka duh tawh lo. India ramah ka lêt leh duh," tih pahin muangchang hian a rawn ṭhu chhuak a.

"Ka nupui i la nireng tho tih kha hria la, vawikhat ngaihdam ka dil che a nih chuan a lehpekah ka sawi tawh hauh dawn lo tih lo hre ta bawk la.."

"Ngaihdam min dilna chhan tur a awm lova, ka ngaihdamna chhan tur che lah ka hre hek lo. Ngaidamtu ka ni lova, Pathian chauhvin mi a ngaidam thei. Pathian lah ka ni der si lo." Tiin za lo zet hian a nui hak a.

A pumnâ pawh a sawilang leh tawh eih lo. Mansion thlen nan 15minutes vel kan tlân ala ngai dawn a, a hmêl phelh phang leh meng sen râm hian a tumruh zia a tarlang nimaiin ka hria.

"Min ngaidam rawh pawh ka tih si loh," tiin a malchunga a kut dah chu vawnsak ka'n tum ngawt a, a lo duh îkhaw lo mai!

"I kut hmawr pawha min tawk leh a nih chuan i nuih leh ngai tawh lohna tura thil râpthlak ka ti hreh hauh lo a nia," ati ve kha kha a.

Darkar reilote chhungin a thluak a lo su hman vek tawh a nih awm hi maw!

"Thil râpthlâk ti thei hmel pawh pu nghal lo che chuan.." tia ka chhânna chuan ati ner nâng a. 'Khawvel mipaah ka haw ber che' tih melhin min zuk melh a!

Sual thiam lutuk.

Leena Bevan mize chi hrang hrang hi engtikah mah ka hrethiam thei ngai dawn lo a nih hi maw.

Chumi hnu chuan min biak pawh tum tawh chuang lovin thawpik hmel zet hian a thaw hliai a, a hmai khem pawh chu hre lo ang hmiahin a awm bawk a, nâ ti hmel a pu hek lo.

Mansion kan thlen rualin kan hnungah car pakhat a rawn ding ve nghal a, reporter chimawmho kha annih ngei pawh ka ring. Eng hremna nge ka pêk dawn ni.

"Mr Colmer.." min kotu chu nichina min betu tho kha a ni a, mi pahnihin an rawn zui tel bawk.

"Inchhungah rawn lut rawh u." Tiin Leena ka pawm nawlh a, Mansion lam ka panpui ta a.

Mak deuhvin min hnial chhin miah lo! Ka pawm ang ang chuan a awm ve tawp a, a mit a chhing chial vei nen a lainatawm ru reuh.

Ka nupui tel lo hian ka in leh ka sum leh pai hian hlutna leh ṭangkaina a nei mang dawn hauh lo ka ti!

"Hamish, hengho hi ṭhutkhawmna pindanah lo awmtir rawh," Tiin Hamish-a sofa chunga lo muthlu ngâwih ngâwih chu ka bia a, ala phu zuk zui.

"Yes, sir, madam.." Tihpahin a tho zui nghal a.

"Ka room-ah min dah ang che, i khum ṭawmpui che ka tum tawh hauh lo a nia," Money ṭawng chu ka haider hmiah a, chhâng buai duh lovin kan nupa pindan lam ka panpui lui ngat a, dân hmaa ka nupui, certificate-a sign hnan thlaptu kha a ni a, ka ta a ni.

Ka ta na nâ na chu ka duh duhin ka ti thei alawm.

Khum dup zetah dimtêin ka nghat thla a, bangkil lam a hawi nghal hmak nia.

"Lee, tikhan lo mu la, kan mi tlawktlaw ho khu zirtirna ka'n pe hlak ang e." Ka tih chuan min en chuang lo. A awmdan ngairengin a la awm tho!

Master bedroom

Leena

Absaloma chhuah veleh rang lutukin ka ṭhu chhuak a, ka pum a na lo nasâ.

Khatia a hmel ka hmuh thut tâkah khan chhuanlam ka siam mai mai zawk a ni. Min bum tam tawh bawk a, a aia nasain ka bum thei ve awm chiang em mai.

Ka pawisa ve tur kha ka zawn hmuh vat a ngai.

Inhnuai lama innhial thawm ring zet zet chu ka hre pha reng a. Tun bâk tlanbona hun remchang ka nei tawh dawn teuh lo. Rang lutukin drawer leh wardrobe ka hawng zung zung a.

 hah! Ka lawm dan hi e pui tak a ni.

Ka pawisa ngei mai ka drawer kil sira infûn sa thlap ka'n hmu mai chu! Seoul tukverh rawn inhawng pawh nise ka 'dive' lut zak duh ang chu maw le.

Ka thawmhnaw hâklai hlip zung zungin jeans dum leh shirt dum, lumkhum phiar dum ka inbel nghal zung zung a. Ka mamawh tur zualpui bag-ah khungkhawmin ka inpeih ta.

Australia pan tur thlawhnaah chuan ngei ka tum bur. Tunah zinglam dar li a ri chiah a, 'first flight' nang turin khawi lamah nge ka relhrûk tâk ang le.

Inhnuai lamah inhnial thawm ala ring ṭha hle a, ka pasal phuahchawp awki vin zet zet pawh ka hre pha reng.

Tunah chuan ka pa phuba la turin Australia ram ka pan tawh dawn a, ka nunah mipa hian hmun an chang tur a ni lo.

Nichina ka ṭawng te kha zawng boruakah a insemdarh ral vek tawh ang. Mumbai chu sawi loh India ramah kal tumna ka nei bawk hek lo. Ka pa sumdawnna tungding turin hmâ ka la ngei tur a ni.

Absalom Colmer tih vel hian ka nun an chawhbuai ka phal lova, ka dinhmun dik tak luah leh tura ka taksa leitu hi ka hnungchhawn a hun tawh alawm le. A duh leh Kayla tihvel kha lo buaipui khuchûk teh se.

Dimtêin inhnuai lamah ka chhuk ta a.

Pindan rûk tukverh aṭang khan ka zuangthla mai a ni ang chu. Chu aia chhuahna ṭha hre miau hek lo î...

Dazel Solomos te nupa an lokal laia ka bihrûkna pindan ka thlen chuan a thim ṭhiap a. Hlauhna tihvelin min tihbuai ka phal hek lo.

Tukverh ka hawn rualin ari deuh rak a, reilote ka ngaihchan hnuah ka bag khai chu ka vawm chhuak hmasa a. 'Lalpa min pui rawh' ti a phunsapin ka zuangthla ta a.

Pathian ka lamah aṭang hlauh nge, Hremhmun Lalpa-in min pui zawk tih pawh ka hre tawh lo. Feet 10 zeta sang aṭanga ka zuanthlak pawhin ka himpial nia maw le!

Pawisa hmansen loh ka nei ta bawk a, ka hmel erawh hmuh tlâk a ni lem lo: Step-ah khan ka sawh tlat alawm. Tû mipa mahin hmelṭha min ti lo se phuba ka la rang anga tibuaitu ka nei tlêm ting a ni mai.

Kengsington aṭanga Airport panna tur Taxi ka melh kual ruai lai chuan Colmer Mansion aṭangin thâwm a rawn ri chhuak a, hundang chu nise baklêngin ka tlanlut ngei ang. Mahse, ka hnungchhawn tawh tlat si a, Absalom a hlimthlain min hualvel ang tih hlauvin a tawp nan ka lo chên ve rengna Mansion chu ka kalsan ta.

After 5 hours.

Australia pan tur thlawhnaah ka chuang vâng tawh a. Phone ka nei hauh lo a, ka mamawh viau nâa ka awmna chin chhui a awlsam dawn avangin ka lei duh ta lo kha a nia: khawi hmunah nge ka inghah ang. Bevan chhungkaw chenna pan thei ka la ni rih lova, Dazel Solomos te pan dawn ila Absaloma best friend ani bawk si.

Hotel-a innghah phawt a, chumi hnuah Briena Solomos biakpawh ka tum ta zawk a. A chhan chu min pui theitu tur hmeichhia ka hriat chhun kha a ni tlat a. A pasal a hrilh miah loh naturin ka hmin ngei a ngai dawn tihna a nia.

"Miss, kha le, fruit punch," Tray chawi chunga lo ding nula tê lam deuh chuan min en duh hle a, a tray chawi lai pawh zuk ngaihsak lova. Min en duh viau pawh nise awm ka ti tho: ka sakhmel hmuhtlâk alawi a awm si lo a, tarmit vuah mah ila a thup seng tlat si hek lo. Ka sam pawh khuih ngai loh ang maiin a hnawk ṭha hle a: mahse, hengte zawng nakinah dak nalh thlarhin ka la buaipui dawn alawm le.

"Min en reng lo khan, i tray chawi lai ngaihsak la kan lawm hle ang," ka ti a. Mit khap zak zak chungin a kal sawn ve hrâm e.

"I hmel hmuh tlâk a awm loh tehreng nen i ṭawng dan chu.." Mipa aw thûm lam deuh rawn rik chhuahna lam chuan ka beng a verh zar a. Â hah! Ka dinglama ṭhu hi ka lo hmu chiang reng reng hleinem maw le. A english hman pai miah lo chu mak ka tiru deuh viau a, a hmel erawh Indian hlauh!

Kurta var sar ha-in cotton kekawr buang a ha a, a sandal bun kar aṭanga a keṭhiah rawn lang chu fai tak a ni. Mipa ke niawm lo tak zawk alawm le!

"I lo buaina tur a awm lo e, ka hmelah hian dollar tam a inphûm bik si lova min enkân mai rawh." Tiin fruit punch ka lem zauh a.

"Dollar tam nei hmel i pu zâwk a, a hmanna turah i buai a nih hmel," nui suk chungin ati leh a.

Chutah a hmel enchian tumin ka inher ve ta nge nge a.

A sam coffee rawng lam lek lek chu a mêt kâwng angreng hle a, a hnarngul sang vah leh a khabe phir ṭhaih pawh a inhmeh roh viau. Hmuihmul tam vak lo ala nei zui ah.. a Kurta hâk a inhmeh phian a. Mahse, Absaloma anga mi hip theihna 'charm' kha a nei pawhin ka hre lo.

"Mister, nangmah inbuaipui rawh zinkawng thui takah hian mi biangbiak ka peih vak lo." Ti hmakin lehlam ka hawisan ta a, a nui huk ri hre mah ila ka bengkhawn tawh lem lo.

Ka tihtur hlenchhuah dan tur leh ka hmalâk dan tur duanchhin a ngai tlat.

"Lutuk a che. Mrs Colmer, i tarmit chhe zet kha vuah mah la, Colmer-a sazute i ni tih ka hai hleinem, hmanni lawkah in nupa thlalâk newspaper-ah alang chuai chuai tih i hre tawh nange. I thluak a thawl viau a nih loh chuan i la hriat ka ring." ati zui erh a.

'Mrs Colmer' tih ri ka hriat rual khan ka thâwk a sak ṭalh thei nia.

Zungbun kan lei ni khan reporter-ho hmâah kan inlan tak alawm le. Shala! Ka bula ṭhu pa hi ka fawp hial dawn em maw ni. Idea ṭha lutuk min pêk chu le.

Tunah chuan bul ṭan dan tur ka hre ta.

"Mister, ka lawm e," tiin Indian pa chu ka nuih ta sak a, angaihna hre lo hmel zeta a hawihai hmel chuan ka nuih atiza tulh tulh.

"I lawm chuan a ṭhat chu tikhan Australia thlengin nangmahin i nui reng dawn nia," ngeiawm lam lek leka aṭawng chu ka chhâng duh ta lo a.

Tihian ruahmanna thar nen hma chu ka'n la dawn ang e.

Leena Bevan ni lovin, Leena Bevan Colmer hmingin Australia-a ka pa thurochhiah kha neih lêt ka tum dawn a ni.

Bevan fahrah lutuk ai chuan Absalom Colmer, Colmer Toys Company neitu nupui chuan thil ati thei zawk ngei ang.

Ka pasal lah a awm der si lova, inṭhenna a awm hma chuan ka nihna ala ni reng alawm le.

Hotel-ah ka hmel hmai te ka'n tuai hnûm anga, Leena Bevan Colmer hming ngeiin Wool company leh ka unau hrawn te chu ka hmachhawn dawn a ni.

Thihna chauh lo chuan min dal lovang.

'I'm Money' tiin ka phun sap a...

©<++++[BeckirafARenthleI]++++>®

Zaninah chapter thar rawn dah leh hman ka tum ang. Mahse, ka tlai hretin ka ring.

Chuan ka story reng reng hi ka Translate emaw ti an lo awm a, ka phuah liau liau a ni e. A tak ram leh a hmunhma dik thlap ka hmang bawk. An car man te leh chipchiar zawka hre duh tan inbox-ah zawh theih ka ni e.

Gracias.

MONEY| Penniless Love (Season 2)

Becky Rafa Renthlei

Chapter-21

Australia

Melbourn

Luxurious Hotel

Leena Bevan

Ka hnunga mipa kal chuan min umpha duh chiah lo nângin min hnaih reng tho si a!

Thlawhnaa ka chuanpui pa kha a ni.

Ka kal muan leh a pên muang ve zel si nen huat taktêin a nia ka huat tawh. Ka thin tertek a kai tho lo chauh tawh a, eng mipa nge a nih hre lo mah ila min zuiru tlata hriatna ka neih avangin bum dan tur ka dap ngial a.

"Hey, ka hnunga pên chhut chhut lo khan ka rualin kal ve mai ta che, ka bag min khai saktu tur pawh ka neih loh hi.." chupa lam hawi paha ka tih chuan a nui suk a.

"Bodyguard nei tur khawpa hausa ni siin nangmahin i bag i khai chu a ni si a, i hmel en phei chuan i pasal kut tuar te pawh i ang zawk ka ti." Min tham loh hmel takin a ner zui lehnghal a, chhuih pawp lo turin ka insum nasat a ngai viau.

"Chutiang ngaih dan i nei a nih rau rau chuan ka hmaah emaw kal ta zâwk che. Ka pasal lakah i him dawn miah lo a nia," tiin ka'n sawi ṭhaih ve ngei a.

Hah! Awihawm loh lutuk Absalom Colmer khan Australia-ah ka awm tih pawh a hre awm chai si lo.

"I pasal hnenah i awmna chin ka hrilh i duh loh chuan ngawi hmiah la, min zui rang rawh," tih pahin ka inrin hman hma-in ka bânah a rawn vuan a, chak zetin min pen pui ta a.

"Indian mipa ni si, i va zak lo ve," min vawnna phelh tumin ka tâl ve chiam tak nâa a sawt viau lo. A thâ han chak zia chu mak tak a ni!

"Khawngaihin, Mrs Colmer, inbengdai rawh kan hmalamah sawn Media lam mi an awm a nia, tunge i nih an hriat phawt chuan an chhuah hauh lovang che." Dam thluamin ati leh lawi si a, a enna lam ka va melh ve chuan a sawi dik tih ka hria.

Camera awrh hmeichhia leh mipa tam tham fê an ding khawm a, kiltin kiltang an melh kual ruai nen min hmuh palh ka hlau ve ta a. Chuti a nih loh chuan Australia ka pan chhan hi a thlâwn tihna a ni dawn asin.

"Ka sawi dik a ni lawm ni? Aryan Vallance ka ni e. I duh leh Aryan tiin min ko thei ang," tiin ka bag khai lai min lâksak nghal a, elevator-ah min luhpui zui nghal daih nia!

Hnialna hman pawh ka nei îk lo.

Double Bedroom

Luxurious Hotel.

Aryan Vallance nen pindan khatah kan awmdun ta ringawt chu a nia, a chhan pawh Media lamin min enchîk êm vang a ni. Mipa sual leh hur herh lutuk a nih loh hrâm ka beisei.

"Mr Vallance, i phone ka lo hmang lawk thei angem?" Ka hmai thîp sup sup hrûk thuak thuak paha ka tih chuan îhe lovin min pe ve mai a, bathroom lamah a lut zui ta a.

Briena Solomos phone number ka ziahna phawrh chhuakin ka call ta a.

"Hello," Briena aw fiah fak ri ka hre zui zat a, ka thaw huai mai.

"Hey, keimah Leena.."

"Lee, engtizia nge? Absaloma'n vawisarih ngawt ka pasal a lo call tawh a nia, khawiah nge i awm?"

Thil awmzia rang zet zeta sawiin ka thlenna Hotel hming ka sawi nghal bawk a. Nui hak hak chung hian, "I pasal hriat lohvin i tlanbo thei bika i ropui hle mai," ati a.

"Engmah a bulah i sawi loh hrâm ka beisei, min puih i tiam kha.." tiin a hmaa a lo sawi tawh 'I pa sumdawnna hi thlahthlam suh, neih lêt ngei tum ang che' atih kha ka sawi nawn ve ngat a. Aryan thawm ka hriat tâk avangin kan inbiakna pawh ka titawp chawpchilh a.

He hotel-ah hian rei tak awm ka tum lo hrim hrim bawk nen ka taksa hahdam tirin ka inenkawl phawt ang a, chumi zawh lamah ka hna ka ṭan ve ang.

Tun dinhmunah hi chuan khawi mah chhuak tlâk pawh ka der si lo..

Ka phuba lâk tumna hi a hlawhchham ka hlau ngawih ngawih.

Colmer Mansion

Absalom

"Hamish, Australia pan turin insiam rawh," ka driver ka vin tuarh a.

"Sir, Jet-in em ni kan kal ang?"

"Minute reilote chhunga ka thlen theihna tur chu i hriat kha." Ka ti hmuk a.

Tunah Aryan Vallance hnen aṭangin call ka dawng zo chiah a, ka rin dan pawh a dik e.

Leena'n min chhuahsan tih ka hriat rualin Cctv ka check nghal vek a, a chhuak ru lai pawh alang chiang ngei mai. Mahse, khawi lam nge a pan tih hriat tumin darkar li ngawt hun ka khawhral thung a.

Ka Mansion chhuahsanin Australia a pan ta chu a nia, a pawisa pawh a keng vek lehnghal.

Ka hmuh hun hunah ka thing hrep dawn nge, room-ah ka kalhkhum zawk dawn ni.

Chimawm si, luhlul bawk si.

Aryan hi ka unaupa Shane-a hnuaia thawk a ni a. Lewis Bevan chhui chiang tura kan rawih lai mek a ni bawk. Engtin nge ka nupui nen an lo inhmuh tih zawh kher ṭul ka ti hran lova. Report pêk nachang a hria erawh a fing ka ti takzet.

Money ringawt ngaihtuahin hun ka khawhral hnem ta hle mai. Kei hian ka lo hmangaih reng em ni zawk?

Chuzawng ka mumangah pawh a thlen ka ring si lo. Nilo ka thluak hi a buai zo vek tawh.

A thlenna hmun aṭangin hruaichhuak phawt ila, a pa thurochhiah chungchang chu keiman ka buaipui ang. Hamish-an min koh tâk avangin dar ka san âwk a. Khawi hmunah pawh awm se, ka nupui a nihna a bo chuang lo, a duh emaw duh lo pawh nise ka kianga awm reng turin ka duh thung a ni.

After 3 hours.

Melbourn

Aryan ka call leh chuan ka be tlang thei miah lo a, an awmna lai a sawi Hotel kawtah ka ding tawh a. Engtin nge mipa dang bulah a awm lehnghal theih? Pawisa nise hman sen loh a nei a, ka hnena a inhralh ang khan ati leh lo ang tih tunge sawi thei!?

Ka unaupa chhawr lai ni mah se ka thîk hle a ni.

Muangchangin Hotel panin ka pen chhuak ta a.

An awmna lai zawn hmuh pawh thil harsa a ni lo. Absalom kha ka ni tlat a..

Hus! Ka hausakna ît ṭheuh ṭheuh hmeichhe tamtak zingah 'Leena thinawrhi' kher ka buaipui hi a ang lo lutuk tlat!

Aryan-a sawina pindan zawn ka thlen chuan ka ding hlek a, thâwm hriat tur a awm lem lo.

Dimtêin kawngkhar ka hawng ta a.

Ka thil hmuh chu leh..

Thinrim lutukin pindan chhungah ka pên lût a, tualthah châk hial khawpin ka thisen zuk lum a..

Nireilote kaltaa ka nupui khan mipa dang a lo fawp a nih chu.

Khuma Aryan leh Leena lo infawp ngawr ngawr chu ngawirengin ka thlir a, an maimitchhin tlat vang a ni ngei ang, min hmu lo.

"Hremhmuna chengte pawhin tenawm ti che u in, in awm ve an phal lovang." Ka ti tuarh a. An inthlah rang ngei mai.

"Absalom...!" Ka nupui aw ka hriat ringawt pawhin ka danglam ṭhin a nih kha! Tunah zet zawng ani buaipui aia thil ṭangkai zawk tihtur ka dap a ngai dawn ta a nih hi...

"Joel Bevan fanu niawm rêng i ni. I pa thurochhiah châng tlâk lo khawpa nun hniam i ni e. Tenawm nu.." Ka sawi zk hman chiah ka biang dinglam a ri ṭhuai a, a thîp ngei mai.

Leena mitmenga min huatna leh thinrimna rawn lang chhuak chu hmeichhia mah nise a nelawm eih lo.

Ka lo ti lutuk deuh em ni?

Kawngkhar ri ṭhuaiah chuan Leena a tlân chhuak tih ka hre chiah Aryan-an a ûm nghal a, kei erawh milim ang maiin ka ding khawng thung.

A pa hming ka lam tel kha a fuh vak lo a ni. Ka sawi zo vek tawh si.

Inngaihtuah kual chiam lovin an pahnih chuan ka umzui ve ta a..

Min tlanbosan tawh tur a ni lo. Chuti lo chu pasal ka nihna târlangin hremna nâ lutuk ka pe palh ang. A tuarzo hauh dawn si lo.

"Leena Bevan, i nungchang siam ṭha rawh.." ka ti sup a.

©<++++[BeckirafARenthleI]++++>®

MONEY| Penniless Love (Season 2)

Becky Rafa Renthlei

Chapter-22

Melbourn

Australia

Leena Bevan

Aryan-an ka hnungah min ûm tih ka hriat rualin chak lutuk hian ka tlân a.

Hotel tirhkah hnenah ka bag lo dah ṭha tura ka hrilh lâwk diam pawh he Indian mimawl pa hian a hre tawp nang.

Ka pawisa erawh ka keng zel thung a, hepa hi ka bikbo san a ngai tih ka hria, a chhan chu Absaloma hnenah ka chanchin a report lai ka hre tlat alawm. Shala..

Nichin mai khan keiman ka fawp hmasa a nih kha.

 hah! Ka pasal, Hotel kawta a ding lai kha ka hmuh hman miau avangin min kalsan theihna tur kawng ka dap loh te chuan phubâ ka la thei nâng le..

Ani pawh Kayla nen an lo inbawh ûr ka ka hmuh khan, ka thinrim êm kha maw!

"Mrs Colmer, lo ding rawh.." Aryan min kohna chu hre mah ila eng atan mah ka ti lo. Taxi lo tlân hmasa ber phar dingin ka chuang nghal rawk rawk a.

Mahse, Absaloma'n, Aryan kawrhnungah a man hman ka hmuhin thil ṭha lo thleng dawn tlat a hriatna ka nei a, Taxi- aṭang chuan ka chhuk leh ta a.

Ka ring dik chiah.

Absalom chuan Aryan hmaiah a hnek ṭhuai a, a hawi sawk thei nia.

An insual zui titih bawk nen ka tihtawp vat loh chuan helai hmunah hian kan mualpho takngial dawn alawm.

Chi loh lutuk.

"Absalom, duhtawk rawh.." tiin an lam panin ka tlân lêt leh ta a, ka pasal hmel thinrim avanga dur khup chu nidanga ka la hmuh ngai loh a ni. Tualthah mai pawh a hreh lovang tih hriat zetin Aryan chu vawihnih ngawt a hnek leh chawrh chawrh a.

"Absa..."

"Ngawi hmiah rawh, inpahnih hian hremhmun lama thawn tlâk inni. Mahse, Money, ka kaltir thei lo che. Inbe phawt ila chumi hnuah min kalsan i la duh ṭalh anih chuan ka solicitor te hmangin kan inṭhen dawn nia."

Ka pasal hmel dul ruih leh thim raih chuan ka nihna diktak min hriat chhuahtir ka ti lo thei lo.

"Aryan, hun ṭha i neih lai hian India ram pan nghal ang che. Ka unaupa hnenah i nihna kimchang ka hrilh i duh loh chuan ka thusawi zawm la, i hna i chân lo a nimai." Tih nghut pahin Absalom chuan ka lam a rawn pan a, a mitmenga min hmangaihna niawm tak rawn lang chhuak chu ka hmusual a nih ka ring deuh.

"Money, lokal rawh le, i nungchang siamṭhat nan dollar engzat pawh ka huam tih i hre tawh lovem ni? Dollar chu sawi loh i tân damchhûng leh chumi piah lam ram thlengin ka inhuam asin." A sawi zawh rualin ka hmuiah a rawn fawp ta a.

Kei hian sawi ve tur pakhatmah ka'n neih loh chu le! Nichin maiah mipa dang ka fawp lai hmuin a thinrim hle a nih kha. Tunah lêm min ngaihsak ber ang ziazângin a lang leh si a, ka hrethiam tehnuaih tawh lo e a.

A hmui lasawnin, "Eng hmeichhia pawh ni la, kei hian ka thlah thei lo che. I pa phubâ i la duh a nih chuan i duhdan kimchang takin min hrilh la, i pasal hian ka ti mai dawn alawm, min ring ta che." A ti ta a.

Hotel pana min kuah phei laite chuan chhân ve dan tur ka la hre ta chuang lo reng reng. Ka tan mipa hmasaber a ni a, Paradise min hruaithlengtu pawh amah hi a ni asin. Heti khawp hian min ngaihsak tih hria ila engkim ka hrilh vek tur.

Ka lo mâwl takzet a ni e.

After 3hours

Luxurious Hotel.

"Absalom, eng ati nge room hran i hauh leh kher a!?" Khumah ṭhuin a thawmhnaw a inbel mawlh mawlh a, nichina Aryan nen kan lo luahdun pindan aṭang khan insawn chhuakin a aia nuam leh changkang zawkah min hruai a. Kan awmna hmasa pawh kha a nawm tehreng nen amah Aryan a awm pawh a ni chuang lova, a ngaihna ka hre tehchiam lo.

"In pahniha in lo awmna pindanah khan ka awm ve duh i ring a nih chuan i tisual chhiava a nih chu." Zuk ti hmuk a!

"I awm duh lo tih alang reng alawm, engtin nge ka awmna i hriat theih zawk a?" Tiin cupboard ka hawng a. Kha pa khan a hrilh tih hre tho mah ila ama ṭawngkam ngei hriat ka duh ve tlat. Dâwt min hrilh lo a nih chuan ka tan mipa rinngam a ni tih ka pawm chauh ang.

"Lee, kan inkarah hian thudik chauh awm tawh rawh se. Aryan kha Shane hnuaia hnathawk a nia lawm, in intawn dan chiah a sawi lova. Australia-a i awm thu leh i thlenna hotel hming min rawn hrilh a.." zawi supa tiin a tukkhum sam a tuai puat a.

"A nih chu, engvanga min rawn zawng leh nge i nih? Kei chuan ka pa phubâ lâk chauh a ni ka duh, he khawvela ka la awmchhan a ni asin."

"Shh..chutiangin sawi mah ta che, ka nuna i lo luh dan fuh chiah lo mah se ka nupui i nih avang leh hun kha leh chen kan lo chêndun tawhna khan mak takin i zûnah min uaitir tlat a ni. I tello chuan ka in leh rosum hian ṭangkaina leh hlutna rêng a nei lo." ti deuh duahin ka mitah tak min en a, Absaloma thusawi hi ka hresual em ni?

"I ti tak tak em?" Ka ti hliai a.

Ani hi ka duh lo a ni lo. Mahse, ka thil tihtur min dâltu-a ka ngaih tlat avang leh sum chauh duh anga min ngaihna hian min tina ve tho a ni. Kayla a lo lang ve kher bawk nen a hnen aṭanga inthiarfihlim hi ka tih tur diktak niin ka hre mai chauh a ni.

"Ti tak tak e, Leena Bevan, sum tamtak neia i tello a awm leh ai chuan engmah nei lo nula satliah pawh ni la, i kianga awm reng ka duh, i nun buaichuar takte, i khawsak dan leh nungchang engkim hi pawmzam vek thei lo mah ila nangmah enkawl tur tala i kianga awm ka duh." A sawi zawh rualin a maimitchhing zui vang vang phawt a.

Atu amah kan ṭawng zawm lo.

Kei, engmah nei lo, ka intunnun nana ka taksâ hralh pawh hnial lo tu hi min kalsan phal lo a maw!

'God' min ngaidam ang che.

Ka chhungril hlim ta veng veng chuan ka mittui a ko ṭhelh nia.

"Absalom, khawngaihin min ngaidam rawh, ka hmâ ka lo sial em a ni." Tiin ka pasal phuahchawp, ka taksa chauh duh ni-a ka lo ngaih ṭhin chu ka hnaih hrat a, amah kuah ngam tur pawh niin ka inhre lo. Mahse, tuna ka rilru diktak ka sawi lo a nih chuan engtikah mah ka sawi leh ngai tawh dawn si lova.

"Money, oh..Leena, ngaihdamna chhan tur i awm lo. Keima'n ka blackmail hmasa che tih i hriat kha," a kut lum vang vang chuan ka biangah a rawn tuai a, a hmel ṭha tak phelh deuh phung leh a sam thur deuh hiang chuan ati lang 'Pa' riau tih a inhre der si lo.

"Ka thiam loh vek a ni, ka pasal dah pawimawh hmasa lovin keimah chauh ka lo inngaihtuaha ka ât man têlin min kalsan pawh ni la, ka dem hauh lo che. Mahse, i tellovin ka awm thei tak tak angem ka hre lo," zak deuh takin ka hmai, a âwmah ka thukru a.

"Kei, Absalom Colmer ni lo mipa dang i fawp leh a nih chuan he khawvel êng hmu leh tawh lo turin ka dah ṭha tawh ang che." Nichina Aryan ka fawh kha ala paidam lo a ni tih hriat takin ka hnungzângah a bêng thák a, hundang chu nise ka ṭeu leh hlar awm si a. Mahse, tun hun a ni tlat si alawm le.

"Sorry, ka pa laka ka thutiam tihlawhtling tur hian ka pasal ka lo phût tel ngai miah lova. Mahse, pakhat ai chuan pahnih nge nge zawngin thil an tithei zawk ngei ang," ka tih chuan a lo tih ṭhin fo tawh angin a kiai suk a.

"Tlêma tlêmah kan tlai ṭhelh alawm le. I hmel hmai hmuhtlâk loh zet kha enkawl ran a ngai ania, Colmer nupui hmêl atan chuan a chhe mah mah.." fiamthu deuhva tiin ka biang pilh deuh lai chu a rawn chûl a, a va nuam si êm.

"Hmelchhia min ti lo tih ka hria alawm, he ka sakhmel hian Mumbai to London min hruaithleng chu a nih si hi," ka lo ti ve vat a.

Chutah nui suk chung hian, "Dollar senral ngai tawh lovin hmangaihna kan chêndun zawk dawn em ni ang, chumi zawh lamah erawh ruahmanna felfai zawk siam turin Solomos Apartment kan pan dawn nia. Mahse, he hotel-ah hian zanin chu kan riak law law ang." A aw a thuneihna rawn langchhuak chuan Absalom Colmer diktak kha a rawn tarlang nimaiin ka hria.

Ka mipa duh ber leh ka thianghlimna latu ngei kha. Ka hmangaih em ka hre lo. Ani pawhin 'Ka hmangaih che' min ti hek lo. Nimahsela kan thinlung a inpawh thung si.

Darkar khat aia rei mah Shower hnuaiah ding dunin Paradise kawtchhuah kan fang dun a, a hmui lum ham ham leh hnâwng chap hi ka kham thei ngai lovang. Indian pa ten ru deuh chunga fawh ai chuan ka thinlungin a min pawmpui mipa hi ka tân a hlu hle tih ka hriatchhuah phah ta bawk a ni.

Aryan ka fawp ve ngawt kha zawng thinlung tawk che pha khawpa ril ninghal lo chuan..

"Money, tiin min ko tawh suh aw.." ka pasal mitah ka en kar a.

"Hus! Ka tân chuan i ni tlat si a ni. Pawisa vanga nang tawng che ka ni tih i theihnghilh loh ka beisei. Chu chuan sum i ît ngawih ngawih tih a tarlang lem lo a nia," ka hnungah shower gel a hnawih pah mawlh mawlh a, a kut dam thlup a min tawhna te hi ka lo thlahlel hle tawh a lo ni.

"Ok..Money chu ka ni zel mai a ni ang chu," a mipatna North Pole kâwk deuh vuh chu ka tuai zauh a, minute sawm liamta khan ding chung ngeiin Vanram kawtchhuah kan fang zo chauh a. Tunah a inpeih leh der tawh!

Khumah inhmatawnin kan mu a, a hmel ṭha lutuk te hi ka hrereng thei lovang ti niawm takin ka chûl lawr dan dan a, ani ve thung chuan ka kâwngah kuahin uluk fahran hian min en lêt ve reng a, engmah a sawi bik lo.

Engtin nge ka pa company hi ka neih lêt leh ang tih ngaihtuah rêng rênga thluak hmang ṭhin kha ka nia. Thluak ṭha lutuk pakhatin min ngaihtuahpui dawn ta, ka thaw huai huai thei maw le.

Ka pasal ka rinngam a ngai tih pawh ka hria a, kan inkâr tichhetu nih ka duh tawh bik teuh lo.

A chhan pawh tun bâk hi ka lam a rawn hawi dawn tawh lo tih ka thinlung hian a hre tlat a ni.

"I thil ngaihtuah mêk ka hria," Absaloma nui hmel chuan min hîp zar mai.

"Eng?"

"Bevan company i neih lêt leh hunah min kalsan i tum." Tiin a nui ruh ruh a.

"A ang lo lutuk, chutiang tezawng mumang chhâwng thumnaah pawh ka mang dawn lo," ka ti ve ngat a.

"Kan la hria ang chu, i uncle Lewis erawh hrem ka la tum khawp mai."

"Ok, Hremhmunah pawh a sa ber laiah i dah dawn nia," ka nui zui hak hak a, Lewis pawh ka chhuah dawn chuang lo. Min enkawl danah khan lungawina chhetê mah ka hmu hek lo.

"Le, kan pum kan hnawhpuar ve dawn em ni ang. Eng nge i ei dawn?" Tih pahin Absalom chuan min pawt tho ve nghal a. Dinner ei a lo hun der tawh.

"White wine, fish curry, crab cakes leh i eitura i chah ang chiah kha.."

"Hah! Bevan thluak hi chu a ṭha maw le, i hmang thiam lo mai pawh a," ti supin ka mawngtamah a ṭhâm zauh a, chimawm ve asin.

Absaloma'n eitur a chah lai chuan ka hlawh, dollar têl chhah fê fê chu khumah ka lo chhiar a, ka hmang huau huau a nih lem loh chuan ka damchhunga nawmsakna tham lawih a ni.

Vawikhat min mutpui khan ka hlawh ṭha êm a, hausakpuina tham a ni rêng a ni.

"Lee, Briena te nupa-in min rawn tlawh dawn a nih chu, i unaupa hrawn pawhin Australia-ah i awm tih a hria a, tunge lo hrilh tih ka chhuichhuah ngei angai ang," A ṭawng dan aṭangin a lawm vak lo tih ka lo manthiam ve mai a.

"Chhui chhuah kher angai lovang. Kan la hmachhawn thuai dawn a, a lo inringlâwk ve duh ang chu." Ka ti liam puat a. Ka rilru diktak a ni bawk.

"I nu hmuh i tum em?" Tia min zawh chuan ka ṭêk deuh sawkin ka hria, ka pa thih hnu aṭang khan vawikhat tê mah ka hmu tawh lova, ka pa ngaihzawng neihsan tu ka nu hi ka hmuchâk tehchiam lo.

"Tum lo,"

"Hmu ve ngei la ka lo ti deuh asin," dam thluamin ati leh a.

"Absalom, he khawvelah hian chhungkua ka nei tawh lo.." ka ti zawi sap a.

"Khatiang zawngin ngaihtuah mah ta che, i pasal hi i chhungkuaah i ngai lovem ni!? I tân ka awmzel ang." Tiin min rawn kuah a, ka biangah fawpin, "Nakinah phei chuan chhungkua tak tak kan la din dawn alawm," ati leh a.

Ani nen fâ kan nei ang maw! Ka lo ngaihtuah thleng tawh reng reng lova, ka pasalin chhungkaw din a duh chuan ka pawmpui mai tur alawm.

"Ka tihtur hmabâk ka hlenchhuah hunah kan sawi dun dawn nia.."

Chutia kan inbiak lai chuan room kawngkhar an rawn kik dawt dawt a. Atu chu nge maw ni le!?

"Sir, Madam unaupa hrawn kha a rawn kal a nia, lo inring rawh u," Hamish-a aw tih ka hre nghal mai.

Rang takin Absaloma'n kawngkhar lam a pan a, engtin nge ka unaupa hrawn hmel te an lo hriat hman ni!

Bevan Wool Company hi ka chanpual dik tak a ni a, tupawh rawn kalin buaina chawhchhuah tum mah se min chhuhsak nawn tawh hauh lovang.

Ka company venghim tur hian ka kumin a pha ve tlat tawh.

Hamish-a lo luh ruala rawn kal tel ve chu khawvel leh a chhunga chengte zinga ka mi hmuh duh loh ber a ni.

Ka nu hmel pawr fap ka hmuhin ka hawisawn zui ta daih a.

Min thlauhthlatu hi ṭawngkam ṭhain biak ka tum lo ve khawp mai.

"Lee, bawihte..." tih pahin a ṭap ta a. Ka rilrem zawng a ni leh miah lo.

"Lee, ka fanu," ti nawn leh sapin chhuatah a ṭhingṭhi thla ta hnawk a...

©<++++[BeckirafARenthleI]++++>®

MONEY| Penniless Love (Season 2)

Becky Rafa Renthlei

Chapter-23

Melbourn

Australia

Leena & Absalom

Ka nu hmel dawldâng leh chêr riak ka hmuhin, hmâna ka nu kha anna pakhat mah zuk nei lova! A pasal leh a fa hrawn te hian an enkawl ṭha lo viau a nih ka'n ring ve ngawt a. Â, ka lo buaipui khu chûk tur pawh a ni hlei nem maw le.

Chhuata ka nu ṭhingṭhi reng chu kaihthawh ka tum lova, Absaloma zawk ina kai thovin, "Helaiah hian hmuh che kan inring hauh lo asin, Leena pasal, Absalom Colmer ka ni e," tiin sofa hnai berah a ṭhuttir ta a.

"Leena, boihi, pasal hial i lo nei ta a ni maw!?" Ka nu aw a mak tihna lang chhuak chu runluih sak ka châk. "Nei ve chu a nih hi, i thlauhthlâk tâk i fanu hian enkawltu a mamawh si alawm le," ka ti ve salh a, ka pasal mitmeng erawh ka en duh hauh lo.

"Lee, tikhan lo inkawm ula, i hmai enkawltu tur ka lo va ngaihven ange," tiin Absaloma a tho nulh a, ka nu nen chauhva awm dun ka duh teuh lo.

"Ni lo e, engmah sawi dun tur kan nei lo, ka pa company nei lêt turin ani hi ka mamawh hek lo." Ka aw chang fak ri chuan ngaihno a bei tehchiam lo.

"Lee, darling, vawikhat chauh ka thusawi ngaithla la, chumi hnu erawh chuan i nunah ka rawn inlan ngai tawh lovang," ka nu'n atih chuan ka ner sak a. Absaloma kal chhuak tur bânah vuanin, "Rei suh aw, Briena te lokal hunah an hrilhhai lutuk ang." Ka ti sap a, ka biangah fawp zauhvin, "I tel lo hian hun reitak kal bo tumna ka nei miah lo. Lee, all the best.." ka nu a melh pah zawk a.

Absaloma chhuah hnuah reifê kan ngawi dun ngat ngat a, ka nu lah a sawi tur a bo ta vek emaw tih mai turin a kut a nuai char char a, biak hmasak ka tum reng reng lo.

"Boihi, i pa phubâ lâk i tum tih ka lo hria a, khawngaihin vawikhat chauh inngaihtuah leh rawh." A rawn ti bauh a.

"Eng mah ngaihtuah ṭhat leh tur a awm tawh lo. Kum 25 ka tlin huna ka pa ro ka khâwm tur kha neih ka tum mai a ni. Tual ka that dawn pawh a ni hleinem, Bevan wool company hi ka pa ta a nih angin a fanu hian ka chhawm tur a ni dawn lovem ni!?"

"I chhawm ngei theihna turin hmâ ka la rêng a, tunah hian ka pasal leh fate nen khan kan chengho tawh hek lo. A chhan chu ka rila rah ka thisen zawm ngei ka fanu ala dam tih ka hriat khan ka chhuahsan ta a ni. Tuna Wool company enkawltu saw i unau hrawn te ni lovin i putea zawk a ni." Zawitêa atih chuan ka hawi phâwk hrâ a.

"Chu chu engtin nge a nih theih?" Tia ka zawhna chuan a ti hamhaih deuh nge reifê a ngawi rauh rauh a, chumi hnuah, "I putea Greece-a awm kha min pui turin ka chah alawm, kum khat leh a chanve lai i pa company hi a enkawl tawh a, i lo lan hun kan nghâk mai chauh a ni." Ati ta a.

"Tuman an tibuai lo che u nge, engtin nge i pasal te kha an awm si? Report ka dawn dan nen a va inmil si lo ve. Uncle Lewis pawhin a hre lo tihna emni?" Tiin zawhna ka pe mawlh mawlh a.

"I uncle hnenah i tlanbo tih kan hriat meuh chuan India ramah kan rawn zawng che a. Mahse, i uncle lak aṭangin i bibo tih kan hre lehzel nen i awmna hmun kan chhui thleng zo ta lo kha a nia, mahse, kar hmasa newspaper-ah Colmer Toys Company neitute nupa thlalak ka hmuh khan ka fanu hi ka hai i ring reng reng em ni? Khawi hmunah pawh awm la ka hai ngai lovang che," a aw a thian zui kharh a.

"Chuan, Australia ka rawn pan dawn tih i hria em ni?"

"Hria ang chu, i pa fanu i ni tlat alawm kum 25 i tling ṭep tawh a, thurochhiah pawh kha i pa nen kan siam dun a ni." Tia a inpuanna chuan min ti hrilhhai ngei mai. Ka nu thusawi hi eng emaw chenah awih tur a awm tlat. A chhan chu Uncle Lewis khan ka nu hi huat taktêin a hua a, ka pa, pasal dang aneih san vanga hua a nih ka lo ring ṭhin kha a nia. Mahse, ka thurûk eng emaw zat a vawnghim tih a lo hriat vang lek a nih dawn hi..!

"Engpawh nise, nihnih hnuah ka putea chu rawn hmuh kan tum dawn nia."

"Nihnih kher nghah angai hleinem, i pasal ṭhianpa Dazel Solomos a nupui Briena khan ruahmanna a siam vek tawh." Ati leh a.

Mak ka ti hle mai. Briena a lo inrawlh ang tih chu ka ring thova: mahse, tiang êma hmaah hian a che chhuak ang tih ka lo ring lo zawk a ni. Kan inbiak khan engmah a sawi bawk si lo.

Briena nge nge, a thutiamah a ding nghet hle mai. Min puih kha a intiam tlat alawm.

Chumi hnu chuan ka nu ṭhutna bulah ka ṭhu phei a, lungngai hmel a put chhan hi keimah vang a ni tih ka hria a, inthiamlohnain ka khat nghal a, a kutah vawn sakin, "I fanu hmu tura i lokal hi ka lawm a ni." Ka mittui ka khap per sak nia.

Ṭap chiah lo mah ila ka nu in min kalsan lai leh kei ni lo midang fa a enkawl tih ka hriat lai te khan phuba lâk châkna hlirin ka khat ṭhin a nih kha. Mahse, keimah zawk hi a ni dik lo chu, Absaloma lakah pawh chuti tho. Keimah chauh ka lo inngaihtuah ṭhin a, midangin an tawrh ve na lam reng reng ka lo chhut thleng pha lo a ni.

"Ka fanu hi a pa phuba la tur leh kei min diriam tura alo lan ka ring rêng asin. I naupan laia mi luhlul leh tihmawh, mahni thu duh zet ni ṭhin kha i ṭhanlenpuia i chhawm zel a nih phawt chuan i lo lang ngei ang tih ka hria a ni: i nungchang hi ka ring sual ngai lovang. Tuna i pasal Absalom Colmer i neihna chhan pawh i nunkhaw nawmna tur i beisei vang a ni tih ka hai lo a nia.." inti hre takin ati leh a.

"Absaloma hi ka engkim a ni. Nun dan tur leh mihring pangngaia min chhuahtu pawh amah tho hi a ni a, ka tân a hlu hle bawk." Ka ti ve sap a.

"Chu tluka ka tâna hriat nuam a awm leh thei tawh dawn em ni, Money?" Absaloma aw rilruiha nuihzatna lo lang chhuakah chuan ka nu nen kan hawi chhuak nghal a, kawngka biang nghenga ka pasal nui suk chunga lo ding chu ka siai zui sak maw le.

"I lo luh lai ka hre miah lo." Tiin zahzelah ka hmui ka seh zauh a.

"Ka lo lût chiah alawm, i ṭawngkam hre hman tur tawkin ka rawn in adjust a nih kha.." kan ṭhutna lam a rawn pan a, a hmel ṭha taka lungawina lang chhuak chu engtikah mah ka theihnghilh ngai lovang. Ka ât êm avangin min duhna leh min hmangaihna hi ka lo chhiar thiam lo mai mai zawk a ni.

"Mr Colmer, ka fanu nupuia i nei hi i tisual ngai lovang, a chhan chu 'hmeichhe pakhat' tia sawi tham hat kha a nia," Ka nu ṭawng dan chuan ka nuih ati za hle a. Ka naupan lai ka hrechhuak uar uar mai.

"Kan kiangah i chêng ve duh a nih pawhin hnialna kan nei miah lo a nia," Absaloma'n ka darah a kuah a, ka him hliah hliahin ka inhre thar nia maw le. Âtthlâk lutuk.

Zantin a âwm nghenga ka mut ṭhin lai khan 'sum' ringawt ka lo ngaihtuah a, tisa in ít tawnna satliah emaw ka lo tih ṭhin kha Paradise tak tak a lo nireng si.

"In hnenah chêng ve thei ka ni hleinem, Athens-a ka pa, Leena pu ka awmpui angai dawn a, nangni pawh rawn kal ve in tum dawn nia, a tunu a hmuh hunah thlamuangin takin a hahchawl thei tawh ang." Ka nu leh Absaloma inbiak mawlh mawlh lai chuan dinner tur a rawn thleng a.

"Kan inhmuhkhawm leh lawm nan dinner special deuh kan la buatsaih dawn nia," ka pasalin atih chuan ka pawmpui thlap.

After 4 hours

11:00Pm

Ka nu nen kan inbiakna kimchang Absaloma ka hrilh chuan makti hmel a pu lêm hlei lova. Hresa tawh a ang zâwk mah.

"Lee, i pa company hi i mamawh hauh lo a nia, i tân hnathawh angai lova, i pasal hian i hmansen loh sum ka nei tih i hriat kha.." A ṭawngkam dam thlup chu ngaihthlak a hrehawm hran loh.

"Nia, i tih dan dan a nimai. Ka nu ala dam mai bakah pasal a nei tawh si lo a nih chuan ani hian enkawl se, a awm loh hnuah kei, a fanu bâkin ka rochun dawn chuang hleinem.." dam thlapin ka chhâng ve thei ta.

"I ti tak tak em?" Awih chiah lo niawm tak hian min melh a, awih lo pawh nise a awm tho. Sum duh tak kha ka ni miau a, ka pasal thu anga awm ai chuan mahni duh dana tâl ṭhin hmeichhe chapo kha ka ni tlat alawm.

"Ti tak tak e, dik tak chuan nang nen kan enkawl dun dawn a nih loh chuan engmah hi a nuam tak tak bik lovang," inla fel zetin ka ti ve ngei a.

"Khatia ṭhuthmun aṭanga ṭawng zuah zuah lo khan i pasal hi min duat a hun viau tawh lo maw? Chhungkaw thar din kan tum phei chuan a siam hna tepawh kan ṭan angai a nia," kiai suk chunga tiin ka chhíp aṭanga ka keler thlengin a en chhuak dap nia.

"Lutuk tlat.." ka ṭhutna aṭanga tho chhuakin ka pasal mitmeng thîm raiha min entu lam chu ka pan ta a, ka'n zah thar leh vel chu le! Â hah! Vawitam mudun tawh mah ila nitin a thar zel a nawmna pêk nawn zel a nia ka duh tawh ni.

Chumi hnu chuan khumah muin a pe chhuaktu nireng bik lova dawng hmasatu a nih ve theih nan a taksa lian leh khauh ṭang chu ka chûl lâwr ta dan dan a, tisa châkna phuahchawp ni hauh si lo chhungrila min turtu ngei mai hmang chhuakin, a mipatna chu ka khawihsak ta a.

A inpeih at tawh.

"Lee, khawngaihin," a aw thâm sap leh hniam raih chuan ka chhungril a fan raih raih maw le.

"Yes, muangchângin le, hmanhmawh lutuka kan chêt chuan chhungkaw member hmelchhe deuh kan nei palh ang tih ka hlau a nia," tiin a taksa chungah ka lawnkai ta a. A hmui sexy ka lo tih em em ṭhinah ngei chuan duhthawh leh uar fahranin ka fawp ta vawng vawng a: ava inchhirawm loh kher ve le.

A kut lum thar thar leh nêl thepa min chûl kualna chu meikan ang maiin a sa chhuak ham ham zel a, nawmna sawi hleih theih loh khawpa nasa kan inpêk tawn hnu-in a âwmah hmai ka phûm ta kâk a. A lungphu ri dat dat pawh ka hre leh ta.

Ka pasal tih lawmna tura 'up down' tezawng ka hnehsawh ve chiang em mai. Hah!

"I thinrim pawhin ka hnen aṭanga kalbo tum mai lova sawifel hmasak phawt tur a ni tih theihnghilh ngai suh. Biak ina thu chham khera nemngheh i duh pawhin Australia, i pianna ram ngeiah hian i nu kiangah kan inkutsuih ṭha leh thei tho a nia," ka chalsam huikian paha atih chuan keimaha kim lo awm, ka sawifiah thiam si loh kha a fiah ta uar mai.

"Chuti, Australia-ah inneih ṭhat ka duh a nia," phûr zetin ka ti hliai a, a lo nui hawk thung.

"Company chungchanga kan inbiakfel hunah ruahmanna kan siam dawn nia,"

"Ok, ka hmai enkawltu tur doctor hmuh ka duh a nia," tia ka sawi laiin, "Hmai mai nilo, i taksa pumpui, i hriselna thlenga enkawltu tur che doctor kan la thar dawn nia," ati ta a.

Hmânah khan eng ati nge Absaloma thu ang thlap thlap hian ka lo awm loh le? Hun reitak kan lo intihrehawm tawn ve ve a ni. Ka hnungzânga chûl hauh hauh paha min fawh sekna chuan phurna min siam belh leh sauh a, zanin zankhua hian hmangaihna chêndun mah ila ka kham thei ngai lovang.

Ka pasal âwm nghengin, mit ka chhing ta chial a...

After 1day

Dr.Julienne

Clinic 12:30 Pm

"Mrs Colmer, nu hmelṭha tak i ni, tlêmin in uluk ve deuh i ngai dawn a nih hi.." Doctor thusawi avang chuan Absalom a nui hawk a.

"Miss Julienne, ka nupui hmai hian Seoul a dâk zeuh zeuh ṭhin alawm," tia a lo chhânna chu ka haw ru kher mai. Mi fel tak ka ni lo a. Mahse, chuti êma sual ka nih bik pawh ka hre lo.

"In pahnih khan duhtawk teh u, zaninah nalh taka lan ka duh a nia," tiin ka nui lui sâng a, ka mize kawlh leh thin tertek chhuak tur hi ka thunun thuai loh chuan kan nupa kan inhau leh mai ang tih ka hlau.

"E, lungngai reng reng suh, i hmaia pem pawh azia viau alawm, make up- in a khuhbo zo em em ang," tiin Julienne chu a nui var var a, ka vun tâna ṭha tur leh ka hmai enkawlna tur pawh min pe nual bawk a, rinai chuan a fel phian. Ka pasal girlfriend hlui a nih loh hrâm ka beisei.

Zawh chi lah a ni hauh si lova..

"Ka nupui a mawi chuan ka mawi a ni mai," thutak zeta ka pasal lo ṭawng chu hnial ka châk zek zek. Chu erawh fel zir ṭan ka nih avangin tih lan chi a ni miah lo. Hus!

Absalom pawh incheck up ve nghal tura ka tih deuh tlat avangin lungni lo zetin a tûm deuh hmuk a. Mahse, alangah erawh min hnial bik miah lo nia!

Tunah chuan Bevan company neitu ka ni tawh a, solicitor te kaltlangin ka sign hnan vek tawh bawk. Mahse, ka nu dam lai erawh chuan kan pahnihin kan enkawl dawn a, kan hnena chên a duh teuh lo. 'Tupa ka neih hma chuan dam ka tum a nia,' zuk ti mauh a.

Colmer Toys company-ah pawh Share ka nei ve ta bawk a, ka pasalin hming min phuahsak 'MONEY' chu ka lo ni ngei a nih hi.. hah! Engmah nei lovin awm mah ila ka pasal Absalom Colmer a nih chhung hi chuan ka rethei tawh ngai lovang. Bevan Company tiam miah lo pawh hian ka damchhung leh chumi bâk piah lam thlengin ka ngaihtuah buai a ngai ta lo.

Zaninah Dazel Solomos te nupa leh Hamish, ka nu leh ka putea te nen dinner kan kilho dawn a: chumi pah chuan ro kan rêl dawn a ni.

Australia, ka pianna ram ngeiah, min hringtu ka nu kiangah kan insuih ṭha leh dawn a, kan nupa thutlûkna a ni bawk. Briena a phûr hle a, vawiinah pawh mokawr za chuang a enkual thu ringawt a sawi leh tawh kha.

A tawp nan ka nu pasal leh a fate pawh hmuh ve ngei kan tum a, kan inneihnaah sawm ve hial a nia ka duh. Chu em em zawng, ka pasal leh ka nu in min pawmpui lo mai pawh a..

Doctor room kan chhuahsan hnu-in Shane leh Absalom an inbe leh rih a, India ram aṭanga rawn kal a tum thu a sawi chuan ka awih lo lek lek a ni. Mahse, ani te zawng Hotel hmingthang tak tak neitupa kha a nih tlat avangin zin veivah a awlsam phian ang chu.

"Lee, zungbun tihtlâk deuh i phunnawi miah lohna tur kan order ngei angai dawn a nia, tlereuh dawrah kan lutkawi dawn em ni ang." A hmaa ka zungbun chungchanga kan inhnial kha ala hrereng tihna a nia, nui var var pahin, "A inang chiah chiah bun ka duh tawh a nia," tiin a kutah ka vawn sak a, ka kut nghet zeta hûmin, "I duh ang chu tihhlawhtlinin a awm ang," inringtawk takin ati leh sup a. Ka va'n duh ngawih ngawih tak..

Kum eng emaw zat rilru nâ leh baihvai a ka awm hnuah Absalom Colmer vangin nun dik tak ka tem ve ṭan ta..

Leena Bevan hi a tlâwm zin poh leh hlimnain a hmuak tih ka hrethiam ve ta. Engmah nilova chapo ve ngawt hian awmzia a lo nei reng reng hleinem maw le.

©<++++[BeckirafARenthleI]++++>®

MONEY| Penniless Love (Season 2)

Becky Rafa Renthlei

Chapter-24 Last

Melbourn

Australia

Dazel Solomos Apartment

Leena.

Ka thawmhnaw hâk turah ka buai leh ta. Chiffon kawrfual dum taksa rem zaiha ṭhui hâk tumin ka phawrh chhuak vek tawh a. Absaloma'n zuk phal leh miah lova!

"Lee, khatiang thawmhnaw inbel kha i tân a ngai tawh hleinem," a Kamis benglût mawlh mawlh paha tiin min en deuh vang vang a.

"Lalpa leh! A hmâ te kha chuan ka thawmhnaw chungchângah i inrawlh ngai miah si lova," ka phun zui mawlh mawlh chu engah vak ngai lo tih hriat fahran hian, "I pasal hian i inbel tur ka thlang dawn alawm, i hmai kha lo chei phawt rawh le," ati sam êt nia.

Zanin hian Dazel te chhungkaw chennaah dinner kan kilho dawn a, ka nu pawh a rawn tel thei turah ka ngai a, kan inneih ṭhat leh hun tur kan duang chhin dawn a ni ber mai.

Thlathar mai hi ka birthday a nih tawh avangin London-a lawm ngei ka pasalin a duh miau si a, Australia-ah kan châm rei thei dawn lo tihna a nih chu.

"Kha, hei hi inbel rawh le," lipstick ka inhnawih mawlh mawlh laiin ka hâk tur khumah a rawn dah a, khawi aṭanga a hmuh nge tih ka zawt buai peih lo. A chhan chu zungbun order kan nghah lai khan Shopping Mall ground floor-ah a lo chhuk daih pek a nih kha.

A thawmhnaw min pêk ka han hmu chiang chiah chu ka ṭê chhuak hliai a, ani erawh a nui suk thung.

Kawr hring dal raih mai niin, ka khup chen leka fual a ni a. A simple viau nâ a, nalh tak a ni, a man pawh a to hle tih a rin theih nghal mai bawk.

"I thawmhnaw kha inbel vat rawh le, nge ka hâktir kher i phût zawk?"

"Min hâktir lo phawt mai rawh, chuti a nih loh chuan dinner eitura chhuak lovin he hotel-ah hian naute kan siam zui leh mai ang tih pawh ka hlauhlel lo ve." Fiamthuin ka chhâng ve vat a.

"Naute siamna tur hmun tezawng a tam lutuk ringawt, bathroom-ah te, car chhungah leh kan khumah, a ṭul dan zelin Dazel te inah pawh a ni ang chu.." a ti leh a, ka nuih a za ngei mai.

A sawi dik tlat alawm. Kan nupa inkâra inhip tawnna hian a hun leh hmun min thliarhran tir thei lo rêng a ni.

Ka hmai chei chhung a rei deuh avangin Absaloma'n intur dawm pahin min lo nghak a.

Dinner suit thim lam a inbel chuan a taksa lian leh inphut mawi zet chu a hliahkhuh chuang der lo. Greek Pathian lim ang maiin a nalh zuih a, a hmelṭhatna hian tû hmeichhia pawh a híp ṭhin kha a nia..Mahse, a nupui tâna rinawm intiam tlattu ka pasal hi ka rinngam chin apiangah a rinawmna hmuh zel ka inbeisei.

After 2 hours

"Leena, i duh dan sawi ve rawh le." Dazel Solomos chu kan inneih ṭhat lehna turah a phur hle a, Briena pawhin a pasal thusawi apiang zuk pawmpui thei zel a! An nupa hlimna ang hi Absalom nen pawh engvangin nge kan neih theih loh bik ang.

"In remruat ang apiang kha a ṭha a nimai," ka ti a.

"Ok, tun aṭanga ni thum hnuah Melbourn-a Pastor ngeiin a invawntir dawn che u nia," Absaloma melh pahin Dazel chuan ati ta a.

Kan va phur tlâng si êm..

"Lee, naupai lam te hi i ngaihtuah chhin ve tawh em?" Briena'n min zawh chuan Absalom nen inmelh ralhin kan nui a, "A siamna hmun turah kan buai a nih hi, ka nupui hian siam duhna bik riau a nei a.." Absaloma ṭawngkam hman duh dan avang chuan ka nu nuih a za hle a. A makpa thar hi ngaisâng hleuh hleuh tak a ni.

"A siamna hmun te zawng Australia, Mexico, London etc. atam lutuk Briena nen hian ram hrang hrangah kan siam ve tho a nia," Dazel an nui suk suk pahin a lo tuihnih ve bawk a.

"In nupain ṭhianah inding ve nghal dawn tih kha ka sawi tawh em?" Briena en paha ka pasalin a zawh chuan, "Ding lo turin min ngen ngawih ngawih mah la kan ding dawn chiang lutuk," thutak zeta tiin salad a hmawm pah a, Briena Larson Solomos hi ka bridesmaid tur a nih chu..

Dinner kan ei chhungin kan inneih dan tur ruahmanna an sawifel hman vek a, hmeichhe pathum te erawh kan mipa te ngaihtuah fel saah kan lo nui ve mai mai a ni deuh ber. Hamish-a kan driver pawh a phûr lutuk vang nge wine a lem sek nia.

Ka nu kan thlah fel meuh chuan zan dar sawmpahnih ari tawh a, hotel-ah kir tawh lovin Dazel te Apartment-ah kan riak ve ta a.

Kan nupa nun ninawm leh hahthlak zet ṭhin kha kan chapona kan dahhniam meuh chuan mitkhap kâr lekin nupa hlim leh awhawm berah kan chhuak leh lawi si.

Dazel te fapa pawhin min ngaina phian a, min zuikawi reng mai..

"Lee, i nu leh i putea hian company hi enkawl chhunzawm se a ṭha zawk lo maw?" Ka pum chûl hauh hauh paha ka pasalin a tih chuan a ngaihna ka hre vak lo a.

"Kan sawifel diam tawh khan ka hre sia.."

"Englo a nia, Australia daih daihah chuan i zin reng thei lovang, awmhmun bengbel turin ka company chhuahsan a rem bawk si lo va," ati sup a.

"Chutiang angai hleinem, ka tel lovin kha lehchen an lo enkawl tawh a, ka nu te chuan an enkawl thei em em ang. Anmahni awm tawh loh hunah keimah mai nilo ka pasal nen ngei an sulhnu kan chhui ang chu le. Tunah chuan kan tan engmah ngaihtuah hah ngai a awm hleinem, nang kalsan chein company hi ka pan duh i ring reng reng em ni?," ka ti a.

"Ka thinlung zawng zawnga ka lo hmangaih che hi ka tisual dawn lo ve." Absaloma thusawi avang chuan ka phu zawk a.

"Eng maw i sawi kha han sawi nawn leh teh!?"

"Lee, sum chauh duh anga ka ngaih lai che pawh khan ka hlatsan thei tak tak lo che. A chhan chu Ka hmangaih tlat che alawm, engmah nei lo hmeichhia pawh ni la, ka hmangaihna che hi a reh ngai tawh lovang, hmeichhe dang ka hausakna ûma min hêltute zingah ka 'Money' chauh lo chuan hlimna leh lungawina min thlen lo tih ka hria asin," tiin a hmui lum thar thar chuan min rawn fawp zui nghal a, 'He khawvel leh a piah lam ram thleng hian nangmah chiah ka tân i awm' ti niawm takin min fawp duhthawh ngei mai.

"Absalom, kei pawhin ka hmangaih che, ka nihna ang anga min pawm avang leh nundan tur min zirtir fo ṭhin vang pawhin ka lawm e," min fawh kâr lakah ka lo chhâng ve vat a.

A hunlaia thil engkim sawilan hi a lo ṭha ber mai. Ka pasalin min hmangaih anih chuan hmangaihna vêkin ka chhânglêt tur a ni dawn lo vem ni?

A ni kalsan hian mipa dang ûm ta ila, ka thianghlimna ka hloh tawh kha ka neikir leh dawn tihna lah a ni hek lo.

Ka taksa chhunga hmun rawn luah hmasabertu, hrehawmna tamtak min paltlangpuia min zilhhautu ka thianghlimna latu mipa ngei hi kei chuan ka thlang zel ang.

"Money| Penniless Love" Hmangaihna kan chendun zawha ka pasal phun sap ri chu ka hrereng a, a thusawi awmzia pawh ka hrechiang thawkhat.

Pawisa chauh ngaihtuah hmeichhia, dollar maktaduai hlawhchhuah tum kha engmah nei lovin ka pasal ka chhuahsan a. Mahse, a hmangaihna chuan min pawt lêt leh zawk a lo ni.

"Engmah nei lovin kawrawk vek mah la, i company rochun tur nen lam bo fai vek mah se, i pasal ka nih chhung chuan i hrehawmin i rethei ngai lovang. He khawvel hmun thuma ṭhena hmun khat hi min leisak rawh itih pawhin ka lei mai tur a ni. Colmer Toys company boss hi i pasal a ni tih theihnghilh ngai suh." Thûm chhak leh fiah faka Absaloma ṭawng chu ka bengah ari ring kher mai.

Innghahna tlak mipa a ni tlat alawm..

"A nih leh Paradise min leisak rawh.." ka tih chuan a nui huk a.

"I tân paradise lei a ngai hleinem, keimahah awm reng la, keipawh nangmahah ka awm reng phawt chuan kan nupa hian Parasdise siamchawp leh leichawp kan mamawh reng reng lo, kan nupa hi hlim leh inngeih taka kan awm a, chhungkaw hlim tak kan neih hian Paradise chu a ni mai. Chu chu sumin a lei thei lova, ka company leh Bevan company pawhin a lei zo hek lo. Kan inhmangaihna chauh hian a lei thei a ni." Thutak zeta ti duahin ka nghâwngah hmai a phûm ta a.

Absaloma nge nge, a sawi dik ngei mai. Ka chhungril a nui ver ver a, Vanlam hawi a, 'Ka hmangaih che' tia aukhum nghek ka châk. Chu lah chu thil tihchi a ni der si lo.

EPILOGUE

"Lee, lokal teh..." Balcony-ah ṭhuin apple zailép ka hmawm mawlh mawlh a, Absaloma Toys siam Adriana Lima barbie doll chu ka ṭhutna bulah ka dah tel bawk a, ka birthday present ka dawn tawh zingah ka la duh ber bawk. Order petu te phalna thlapa min siamsak kha a nia, ka ngaihlu hle a ni.

He khawvelah hian kei leh a order-tu( Ready for Roar, chhiar chuan inhriat ka ring) te chiah khan kan nei a ni. Dollar engzat man nge tih lah ka hre hek lo, a to far far khawp ang.

"Lee, lokal teh ka tih chu..." Absaloma'n min koh leh tâk avangin muangchângin ka tho ṭalh ṭalh a, ka pum a puar ve âl tawh a, thla nga lek a ni chung hian zuk puar riau a!

Drawing room-ah Absalom chu lo dingin dawhkan lam uluk fahranin a lo melh a, "Min koh dawn chuan ralkhat aṭanga inko mai lovin i lokal hnai ve tawh ṭhin dawn nia," a darah ka bêng thak a.

"Ka hmuh phâk rengah awm la, inkoh angai lo a nimai," tih sup pahin dawhkan a kâwk a, a chunga thil inhûng chu ka hmu ve chiah.

"Wow..!" A bâk ri chhuak tur a awm lo.

Ka hmel ang deuh chiah Barbie doll lo ding chu ka melh ta reng a, ka mit rawng ang pu-in, a sam te pawh ka sam ang chiah. Mahse, a kut dinglama a thil hûm ka hmuh chuan ka nui ta hak hak a. Dollar têl lem chhah ṭha fe hi a keng reuh a, a veilamin, 'My name is Money' tih inziak a keng bawk a. Hus! A common lo mai nilovin a nalh dangdai!

"Absalom darling.." ka ti ta hliai a.

"I duhzawng a ni em? Athens-a kan kal hmaa peih hman ka duh si a, i remtih chuan i nu kan present ve ang chu ka ti deuh, pahnih ka siam a.."

"Hnialna ka nei hauh lo ania, ka nu pawh alawm ngawt ang, engtin nge a nachang i hriat zawk!?"

"I nu kiangah awm lovin i damchhung hun ka hnenah i hman dawn tawh miau avangin he thil hi a lo kawl ve atan ka siam ta a ni." Tiin ka pum a rawn chûl hauh hauh a.

"Athens-a min kalpui i tumna ringawt pawh hi ka tân lawmna tham a ni. Kan naute hian a pian hma hauh aṭangin Greece a fang dawn bik a nia," tiin ka nui var var a.

"A pian hunah phei chuan Greece mai nilo, nang nena kan intawnna hmun India ramah ngei kan la zinpui dawn nia.'' A hmela min ngaihsakna leh min duatna lo lang chhuak hi ka hmuh ṭhan fo tawh ni mah se, hmuh zui zel ka la duh a ni.

Inneih zungbun inang chiah kan bunna, a kut veilam chu lakangin ka fawhsak a, "Ka pasal nireng la, i nupui nih reng ka duh bawk." Ka ti ta hnâp a.

"Lee, engtikah mah ka kalsan ngai lo ang che. Nang nen fâ tamtak neih ka duh bawk a, ka chhungkua, ka hausakna leh ka engkim min ṭawmpuitu chu nang chauh i ni," rawn kun hniamin ka hmuiah a fawp ta vawng vawng a, ka lo chhâng ṭha kher mai.

Dazel Solomos leh Briena te puihnain inneih ṭhat lehna hun kan hmang ta kha a nia, Melbourn-a inneihna ropui ber Top 3 ah kan lang pha ngat maw le.

Colmer toys company neitu leh Bevan Wool company neitute inneih ni kha a nih tlat avangin sawm bik te mai piah lamah Dazel leh Brie te lam hnai an rawn tel tam hle a, ka unaupa hrawn te erawh an hmel hmuh tur a awm eih lo.

Ka pasal duhdan zawmin hremna pawh ka pe ta lo a, 'Hremna i pek khan i hlim phah dawn chuang si lo a, chuvangin min rawn tibuai a nih loh chuan chê chhuak suh, chêt a ngai ta a nih leh nang ni lovin i pasal hian hma ka la ang,' ati a nih kha.

Tunah thlaruk dawn a liam tawh a, an thâwm engmah hriat tur a awm tawh lo. Uncle Lewis erawh Absaloma'n hremna pêk a lo tum ngheh tlat tawh avangin leh a ṭhuihhruai chimawm zet zet te'n kut an thlak avang te Dazel Solomos an khawih tel ve kher vangte khan a ngawi duh ta lo. Kum 15 tâng turin a chungthu relsak a ni ta a, hnialna ka nei thertê lo nia maw le.

Shane pawhin nupui neih zai a rêl ve tawh a, a hun erawh chu ruahman fel a la ni lo thung.

"Ma'am, oh..sorry," Hamish-a aw a ni.

Drawing room-ah dingin kan infawp lai min hmuh vang chuan a lâi deuh ṭût a, hepa hi zawng kan chhungkaw member ang maiin kan ngai tawh a, a fel roh hle bawk.

Kan naute thar lo pian hunah Godfather-ah aṭang dawn a alawm hle nghe nghe..

"Money, Â hah! Lee, kan fâ hian mut a châk aniang, ka kut a rawn pêt zeuh a nia," Absaloma'n min signal zauh a.

"Ka pum chhunga mi in nge mut châk apa zawkin,"

"Hey, chimawm chhuah suh aw, engmah thawk lo pawhin kan damchhung leh a bâk kum eng emaw zat chu kan awm thei tih i theihnghilh a ni ange, chuvangin mut chiah kan hmabâk.." a kiai zui suk a. Chutah ka inrin hman hmain min pawm nawlh a, master bedroom lamah min pawm phei ta a.

Atira kan intawn dan fuh chiah lo mah se hmangaihna hi a chak a, thil ati thei hle bawk tih ka hriat chhuah phah chiang kher mai.

Kei chuan sum vangin pasal ka nei a, ka pasal erawhin ka nun siam ṭhat nan a sum a hmang ve thung.

Dollar maktaduai tluk mah suh ila emaw chutiang aia tam pawh nei ni tehreng ila Absalom Colmer-a hmangaihna tho hi a nia ka thlan leh dawn ni. Mipa dik tak a ni tlat alawm.

"I thluak kha chawlhtir tawh la, i pasal hian Paradise fanpui che a tum a nia," min kuah rengtu aw a phurna leh zauthauna inpawlh chu ka lo man rang kher mai. Ka mut dan siamremin ka taksaa a lo luh theih nan ka pasal hnenah ka intulût leh ta.

Leena Bevan tlâwm ngai lo leh mi chapo kha amah hmangaihtu a pasal kiangah meuh chuan a chapo zo ta bik lo.

Paradise fang nawn turin leh chhungkaw member tihpun dan style thar zir pahin hmangaihna âm takin an chên dun ta a...

'Oh Money' Absalom Colmer aw thâm sap ri chuan ka chhungril a fan raih raih nia maw le..

Ka pasal leh ka fâ lo piang tur chauh hi a ni ka thlamuanna leh ka inghahna chu..

THE END

©<++++[BeckirafARenthleI]++++>®

MONEY|Penniless Love story min chhiarsaktute zawng zawng chungah lawmthu ka sawi takmeuh a, atira ka buatsaih uluk ang khan a tawp lam erawh ka ti hleithei ta lo. A chhan pawh ka sawi tawh kha, mahse, post khaihlak chhung zawng pawhin dawhthei takin min nghak hram hram a, chuvangin complete lova dah reng kha ka duh ta bik lo a, hun chêp tak karah ka rawn zawm leh ta a nia.

Sawisel tur a tamin induh khawp lo ang tih pawh ka ring. Kan dinhmunin a zir ta ngang si lo a, inmi hriatthiamna ka ngen takmeuh a ni e.

Ka next story 'RAPSAGY' min chhiarsak leh ṭheuh turin ka sawm a che u. Ka long story reng reng sâp thawnthu vek a ni a, Rapsagy ve thung chu a dan a dang ve dawn a nia.

Min chhiarsak ṭhintute 100/99 hi mi pangngai leh fel tak tak inni a, in chungah lawmthu sawisen loh ka bâ. In tello chuan ka 'Rafa' hleithei lo a nih hi...

Leena Bevan leh Absalom Colmer erawhin ka ngaihtuahna ati thui ve deuh...

B®®